#اللغز_المجهول_قصص
#اللغز_المجهول_6 #اللغز_المجهول
الحلقة السادسة
تركت عمتي بالغرفة وسكرت الباب غرفة بابا عليها وحكيتلها مابتطلعي من هون الا لما تطلع روحك .. ورحت أشوف ياسمين .. اتصلت معها وانا بالسيارة وحكيتلي نلتقي بكوفي شوب بنعرفه سوا .. رحت عالكوفي شوب وقعدنا وانبسطت فيها وقبل ما اشوفها رحت جبتلها ورد وواستني بوفاة امي وضلت ماسكه إيدي وجابتلي هديه ساعه فخمة .. انبسطت بس شفتها بس لما قعدت معها ضليتني أسمع أفكار الناس والشباب والبنات اللي بالمكان ماقدرت اتحمل ولا قدرت اركز معها شوي .. كل شوي تحكيلي شو مالك .. كان هدف من أهدافي كمان اني اسمع شو بدور جوا راسها بس ماقدرت اركز بسبب اللي حوالنا .. واحد بضحك عحبيبته ووحدة بتكذب عاللي بتعرفه وواحد بده يستغل طيبة بنت ويعزمها على بيته .. أفكار وشغلات سيئة كانت فبالهم والشغلات المنيحه كانت قليلة .. صرخت بوجهها وحكيتلها خلينا نطلع من المكان بسرعه .. حكتلي دايماً بنيجي هون شو اللي صار هسه .. حكيتلها هيك بدي مكان فاضي.. حكتلي ليه يعني ؟؟ حكيتلها خلص ردي عليه .. قعدنا بالسيارة وسكرت كل الشبابيك حتى ابعد اي حدا بيجي بوجهي واركز معها بس .. بلشت تطلع عليه وتحكي براسها (( اشتقتلك كتير )) .. حكيتلها وأنا كمان .. انصدمت واتطلعت فيه حكتلي شو وانا كمان!؟ .. حكيتلها حسيت بعيونك انك بتحكي اشتقلك .. حكتلي اه والله حكيت براسي اشتقتلك .. شو متغير عليك لحتى صاير عم تفهمني بسرعه بهالفترة اللي غبتها ؟؟ .. حكيتلها ولا شي بس زاد حبي لألك .. حكتلي عن ايطاليا وشو اللي صار معها .. كانت مركزة بالحكي وماكنت بسمع شي براسها.. بس فجأة سكتت وحكت (( كيف بدي أحكيله اللي صار معي !! )) حكيت براسي شو اللي ممكن يكون صاير معها ومخبيته .. سألتها مالك حبيبتي صاير معك اشي ؟ حكتلي لأ أبداً بس تعبانة كتير وحبيت اشوفك قبل ما اروح ارتاح ومش نايمة أبداً ياريت توصلني على البيت .. بالطريق ضلت تحكي انه بس نخطب بنروح نعيش بإيطاليا والحياة هناك غير ورومانس كتير وخصوصاً فينيسيا.. حكيتلها بنروح .. وبس كنا نسكت ونوقف عإشارة تحكي براسها (( برغم اني مشتاقيتلك ومشتاقة لكل يوم عشناه سوا بس مش قادرة أحكيلك اني مش طايقتيك )) أنا سمعت هيك ونصدمت وشوي وكنت رح اعمل حادث .. معقول ياسمين بتحكي هيك ؟؟؟ ليش مش طايقيتني .. ما أنا ياما وقفت معها وحبيتها وعشنا أحلى أيام بالجامعه لحد ما اجا اليوم اللي حكت فيه حابة تنتقل بدون سابق إنذار وكانت حجتها انها مش حاسه انها عم تستفيد من تخصصها وفي جامعات افضل .. !! معقول في سبب تاني لحتى خلاها تطلع من الجامعه ؟؟ بس ليش ؟؟ أنا بعرف انها بتحبني ليه مش طايقيتني ؟ تغيرت تعابير وجهي تجاهها وماقدرت اتطلع فيها وحكيتلها هاي وصلتي بيتك أنا مستعجل وراسي بوجعني.. حكتلي ليه تغير مزاجك فجأة شو في ؟ حكيتلها ولا شي بس مشاكل بالبيت وما لحقت احكيلك كل شي خليها ليوم تاني.. حكتلي اوكي باي ودخلت على البيت .. وأنا مشيت بالسيارة وضليتني أفكر ليه بتكون حكت هيك .. لحد ما نمت بالسيارة وأنا أفكر .. وفجأة صرت أحس في حدا قبالي عالكرسي الأمامي قاعد جنبي وبهمس بداني .. بحكيلي في شغلات لسه كتير رح تعرفها ورح تكتشفها بكل حدا بتعرفه .. اصحى منيح وركز منيح .. وياسمين بتضحك عليك يا ذكي.. كان الصوت همس وصحيت مرعوب وما لقيت حدا جنبي برغم اني حسيت بنفس الشخص اللي بحكي بأذني متل ما كنت احسه جنبي وعم بحكي معي بتختي .. ماكنت قادر انزل عالشارع لأنه كل ما اقرب من حدا بصير اسمع أفكاره .. مشاكل وهموم والفرح جوا الناس قليل .. وانا الهم راكبني ومش تاركني .. مش قادر اسمع هموم غيري والشي اللي عم بحسه بحكي معي عم بخليني أخاف أكتر وأفكر أكتر .. ضلت عمتي بالغرفة وصارت تطبل على الباب وبابا بسابع نومه وهيه ماسكتت وبدها ميرال تفتحلها الباب .. كل شوي تطبل وتصرخ افتحيلي افتحيلي .. بالآخر فتحتلها ميرال الباب اختصار للشر والمشاكل .. طلعت من الغرفة وصارت تسب وتحكي هيك اخوكي بعمل فيه وبسكر عليه الباب طيب والله لأفرجيه .. سالتها ميرال ليه هيك عمل ؟ حكت بدي أروح .. وقبل ماتروح رن الجرس.. وراحت فتحت ميرال .. ولا هوه سامر زوجها .. شافته عمتي وحكت لميرال ايوا ايوا مين هاد ؟ سكتت ميرال وسامر سكت .. صرخت مين هاد ؟ اجا حكالها سامر أنا زوجها ! .. انصدمت عمتي وحكت شو ؟؟ متزوجه وماحدا بعرف من العيلة ؟؟ وانا بقول هالضربات اللي بوجهك من شو .. حكيتيلي واقعه عن الدرج مش هيك .. هههههه عاملة عملة حبيبتي صح ؟؟ وطلعت من البيت .. صارت ميرال تبهدل بسامر وتحكيله ليه حكيتلها هيك هلأ رح تفضحنا عمتي حكالها لازم الكل يعرف احنا متزوجين رسمي ومش لازم نخاف من حدا .. حكتله بس الناس مابتعرف انه احنا متزوجين والشغلة اجت فجأة الكل رح يحكي انها ميرال عاملة عمله .. وأجيت انا عالبيت وخبروني بكل شي صار ..

#اللغز_المجهول_4 #اللغز_المجهول
الحلقة الرابعة
بعد ماعرفت كل اللي كان بين صاحبي سامر واختي ميرال .. جن جنوني وقررت أروح أخلص عليه .. وصدمتي كانت كبيرة لما اكتشفت انه بابا ضحك علينا وكل اللي كان يعمله عبارة عن لعبة لحتى يكشف شو أسرار ولاده وبسبب أني مابجاوبه على شي وولا بعمري حكيتله شي .. تركت اختي بالغرفة وبابا عأساس انه الزهايمر مشتغل معاه ورحت لعند سامر .. قابلته وحكيتله في موضوع بدي ياك فيه خلينا نشوف بعض بمكان مافي حدا .. حكالي ليه حكيتله هيك .. اخدته بسيارتي لنفس المكان المهجور اللي كنت فيه وحكيتله ينزل .. وأول ما نزل مشيت معاه وضليتني ألهيه بسيرة ما الها علاقة حتى اخفيه عن الأنظار.. وسحبته لنحاية جبل ورا طريق ووقفته وضربته عوجهه .. وقع عالأرض وحكالي شو في داني مالك ؟ .. حكيتله كل الوقت بتخوني وبتحب أختي يا عديم الشرف.. قال انه ما بعرف عن شو بحكي .. بس أنا سامع صوته جوا راسي بقول (( كيف عرف بعلاقتنا وأنا ماخد احتياطاتي )) .. حكيتله يا واطي بتستغل صحبتي لإلك كل هالمدة .. كيف تعرفت على اختي ووين .. حاول يكذب بس انا كنت بعرف كل الحقائق براسي وبقراءة أفكاره (( كيف بدي اعترفله والله بخلص عليه وعلى ميرال )) .. لازم اقتلك ! .. رفعت عليه مسدس الي ماحد بعرف عنه ومخليه بس للحماية الشخصية .. وكان المسدس فاضي لأني مافيه اقتل حدا وكان بدي اخوفه ليعترف بكل اشي من حاله .. بلش يحكي كيف بنى علاقته بأختي وشافها قبل تسع أشهر لما اجا لعندي عالبيت وقدمت القهوة ومن وقتها عرف اسمها من لما ناديتها وضافها على الفيسبوك واعجبت فيه وبكلامه واتطور الحكي بينهم لحد ما طلعوا مع بعض وصارو كل يوم يطلعوا .. رجعت ضربته على وجهه ووجهت المسدس ناحية راسه وحكيتله لازم تدفع ثمن خيانتك لإلي.. كل الوقت كنت بتستغفلي .. تسع شهور بطلع معك كل يوم ومابعرف انك بتكون معي وبتكون معي اختي نفس اليوم !! .. خاف لما وجهت المسدس على راسه وصار يرجف وسمعت صوته (( شو رح اعمل اذا متت واهلي معتدمين عليه بعد بابا )) .. صار يتذكر شغلات براسه ويسترجع ذكريات بهاللحظة لما حس نهايته قربت .. عرفت انه عانى كتير بموت ابوه وتحمل مسؤولية .. وامه كانت مذلولة من عيلتها وقرايبها لأنها تزوجت ابوه غصب عنهم وعاش طفولة سيئة بسبب ادمان ابوه عالمخدرات لحد ما مات .. شغلات ماكنت بعرفها وعرفتها من نظرة صغيرة من عيونه اللي كلها دموع وسمعت صوته بحكي عن كل هالذكريات السيئة .. للحظة شفقت عليه لأني بعرف شو معنى يفقد حدا بحبه برغم انه ماكان محسسه بالحب .. بس امي كانت تحبني وكنت بعرف هالشيء منيح .. فجأة صار يحكي ويقول .. لو موتتني هسه .. أختك رح تحمل عارها طول عمرها !.. حكيتله شو يا واطي ؟ .. شو قصدك بهالكلام !! .. حكالي مش متل مابتفكر بس انا وميرال تزوجنا عرفي .. كانت الصدمة كبيرة كتير عليه وضربته على دماغه بالمسدس لحد ما نزل دمه وضليتني ادعس عليه بإجري وهوه عالأرض وللحظة بكيت وحكيت كيف فيها تعمل هيك ؟؟ حكالي حبتني وعرفت انك مارح توافق عليه لأنه انت مرة حكيت انه مارح تزوج اختك لواحد متل صحابنا لأنك عارفهم منيح كلهم نسونجية وحقراء .. بس أنا ماكنت هيك برغم انها كلمتك ضلت فبالي وحبيت ميرال شو أعمل .. ماكان قدامنا غير هالطريقة .. ضليتني اضربه وحكيتله اليوم رح تتزوجها رسمي وبشهود.. جريته للسيارة بعد ما كان مهتري ضرب مني .. وجبته على البيت وطلعت ميرال من الغرفة وبعد ساعه كانوا متزوجين .. حقدت عليها وحكيتلها مارح اسامحك على خيانتك ولا انتي اختي ولا أنا بعرفك وطلعتهم الجوز من البيت .. اما بابا كان عامل حاله مش عارف شو القصة .. ماكنت متصور انه يهون عليه ولاده بهالشكل ومايكون مهتم للشيء اللي بصير برغم انه شايف وعارف وسامع صوته براسي عم بلوم حاله وعلى تربايته وانه ليه ماكان يسألها وين طالعه وين داخله وكان حاطط فيها الثقة بشكل كبير.. حكيت لازم اعرف شو الغرض من انه بابا يعمل هيك !! .. معقول هوه اللي قتل امي ؟ .. معقول عم بعاني من مرض نفسي لحتى عمل هيك وعم بتظاهر قدامنا بالمرض ؟؟ شو بده وليه عم بعمل هيك .. اجا الليل وماكنت بعرف ميرال وين راحت مع سامر .. يمكن سكنها فبيته وماكان هاممني قرايبنا شو رح يحكوا بس يعرفوا.. بلشت انام رجع الشعور من جديد يلزق فيني انه في حدا جنبي بنفس الغرفة .. وصوت نفس ومتل صوت طرطقة اصابع .. حكيت معقول في جن بالبيت ؟ البيت مسكون ؟ كل يوم وكل ليلة عم بسمع هالشيء معي وخصوصاً لما اكون لحالي .. أنا اللي مسكون ؟ .. لعبت بالنار وقدمت الولاء والطاعه للشيطان متل ما أمرني الكتاب لحد ماقدرت أوصل لأني أقرأ أفكار الناس.. صرت اصرخ وطلعت برا بنص الليل صرت امشي بين الناس بالليل واسمع صوت كل واحد براسي عم بحكي .. كل الأصوات تجمعت براسي وماقدرت اتحمل هالشعور .. الكل عم بحكي براسي .. ناس زعلانه وناس مهمومه وناس عم تفكر وتشكي همها جواتها ..

#اللغز_المجهول_قصص
#اللغز_المجهول_5 #اللغز_المجهول
الحلقة الخامسة
خليت عمتي تيجي عنا تاني يوم لحتى أعرف شو بدور براسها شغلات أكتر وحتى أتأكد انها هيه أو مش هيه اللي قتلت أمي .. كنت لازم أعرف أي واحد من قرايبنا اله ايد بالشي اللي صار ومين ماكان يكون وخصوصاً اللي بكرهونا .. أجت لعنا وجبت اكل جاهز وخليت ميرال تيجي وتعمل حالها طبيعي .. وصرت اعاملها طبيعي .. حطينا الأكل وصارت عمتي توكل هيه وبنتها صرت عم بسمع صوت بابا وعمتي وميرال براسي وماعدت اركز منيح .. لحد ما فجأة صرخت عالأكل وحكيت بكفي تحكو مش عارف أركز !!! .. نصدموا كلهم فيني مع انه ولا واحد كان فيهم عم بحكي عالأكل .. بس صواتهم ازعجتني .. كنت بسمع عمتي بتحكي (( الوضع مش عاجبني وميرال مش عطبيعتها اكيد في شي ولازم اعرفه )) .. وبابا بحكي (( ليه عزمها وهوه بكرهها ومابطيقها ولا بطيق تيجي اكيد عم بخطط لشيء ولازم اعرفه )) وميرال بتحكي (( عم بعاملني بلطف وجسمي لسه بوجعني من ضرباته ليه عم بعمل هيك )) .. حكتلي عمتي اسم الله عليك شو في داني ؟ فيك اشي عمتي ؟ حكيتلها لأ بس شكلها دخلت حشرة جوا اذني ليهك حسيت بوجع وصرخت .. كملوا اكلهم وكانت عمتي عم تطلع على بابا طول الوقت وتحكي براسها (( كل ما اجي بتكون جايته حالة الزهايمر كيف بدي أطلب منه المصاري )) حكيت جايه ومبسوطة عشان مصاري.. وخلصنا أكل وقامت عمتي تغسل .. شفتها راحت عند ميرال عالمطبخ وحاولت اقرب منهم حتى اسمع شو عم بحكوا منيح .. كانت عمتي عم تحكيلها يالطيف حبيبتي شو ماله وجهك ليه ازرق من تحت هلأ شفته خير شو صاير معك ؟؟ حكتلها ميرال مافي شي وقعت عن الدرج.. حكت براسها (( كذابة وستين كذابة هاي ضربة اكيد عاملة عمله ومابدهم يحكولي ولازم اعرف شو عامله شكله اخوها ضاربها )) .. سلامتك ياروحي ماتشوفي شر والله درجكم مؤذي صراحة وبغلب الله يقطعه .. حكتلها شكراً عمتو رح اعملك شاي .. قالت عمتي لا والله ياعمري مابتعملي أنا رح اعملك روحي ارتاحي والله حزنت عليكي .. وبس راحت ميرال جوا ضليتني اراقب عمتي وصارت تحكي (( مفكريتني لسواد عيونك بدي اعمل الشاي )) دخلت جوا فجأة وصارت تسأل عليه اجيت حكيتلها شو في ؟ حكتلي روح جيبلنا اشي نتسلى فيه مع الشاي .. كيك ولا موالح .. حكيتلها تكرمي.. وكنت بسمع براسها عم تحكي (( لازم اخليه يطلع من البيت أول شي )) عملت حالي طالع من البيت ورجعت مرة تانية تخبيت بغرفتي .. سمعتها بتحكي لميرال روحي حبيبتي نادي جارتكم أم موسى نفسي اشوفها .. حكتلها ميرال بس هاي المرة مزعجة ومابحبها .. ضلت مُصرة عمتي تروح تناديها وميرال راحت .. وبهالوقت أنا طلعت من غرفتي .. شافني بابا انه بالبيت وماسأل لأنه بده يعرف شو بصير وعامل حاله الزهايمر مشتغل معاه .. رحت اراقب عمتي بالمطبخ وشفتها عم بتحط بكاسة شاي حبة دوا .. حكيت شو بتعمل ؟ .. حاولت اقرب منها أكتر لأسمع شو بتحكي براسها بس كانت بعيدة عني لأنه لازم المسافة تكون بينا شبرين تلات حتى اسمع شو بتحكي .. دخلت عالصاله مرة تانية ودخلت انا على غرفتي .. شفتها بتشرب بابا الشاي وبتحكيله اشرب اشرب بسرعه .. عأساس متطمنه انه هوه بهالحالة مش عارف مين هيه .. وفوراً بابا بعد دقايق نام .. عرفت انه منوّم ومش اشي تاني لأنه ماتوقعت تأذي أخوها حتى لو كانت هيه اللي أذت أمي .. طلعت من الغرفة أشوفها شو بتعمل وشفتها دخلت على غرفة ماما وبلشت تدور بالخزاين .. شفتها من بعيد عم بتطلع من الخزاين مصاري وبتحط بشنتتها وحتى الذهب اللي لماما حطته كله بالشنته .. بهاللحظة انا طلعت من البيت ورجعت دخلت وسألتني شو داني اجيت .. حكيتلها اه اجيت .. (( الحمدلله ما نكشفت وكل شي بدي ياه من هالبيت صار الي )) .. سألتني وين الكيك والموالح حكيتلها لقيت المحل مسكر ومحل الموالح بعيد مالي مراق اروح .. حكت مش مشكلة ودخلت تجيب الشاي بهاللحظة دخلت ام موسى عنا .. وبلشوا حكي وأنا دخلت عالغرفة اشوف منيح شو سرقت .. وبعد ماشفت وعرفت انها اخدت مصاري الصندوق والذهب كله .. رحت قعدت معهم لحتى اسمع شو بدور فبالهم وصارت تحكي أم موسى (( شو بدها هاي مني هلأ عأساس اني بحبها )) وبلشت ترحب وتأهل فيها بالحكي وعمتي تغلط عليها براسها (( قرف يقرفك ويقرف سيرك شو معفنة لولا ما انا محتاجيتك ماكنت خليت ميرال تجيبك )) .. دخلت انا عغرفتي وبهاللحظة حكت عمتي اخ يا ام موسى اخ من من بعد موتت مرت اخوي والدنيا سودة بوجهي كل ما باجي على هالبيت وبتذكرها .. ولا غرفتها تعي تعي شوفي غراضها والله اشي ببكي الحجر .. ودخلتها على غرفة ماما تفرجيها حتى تحزنها وراحت ميرال تجيب الشاي .. وفجأة عملت عمتي انها لاحظت عبابا نايم وتركت ام موسى بالغرفة وجابته تنيمه بالغرفة .. كانت مخططة منيح لشو بدها تعمل .. وحطت بابا بفراشه وام موسى معها ..وبس شربوا الشاي وحكوا .. ام موسى حكت مع ابنها وحكتله ينزل عشان رح تروح عالسوق معاه .. نزل ابنها وضل عالباب .. راحت حكت معاه وحكتله ادخل .. مارضي يدخل ..

#اللغز_المجهول_قصص
#اللغز_المجهول_8 #اللغز_المجهول
الحلقة الثامنة
من بعد ما شفت المغلف اللي فيه صور امي وهيه متوفيه بشنتة ياسمين .. انتقلت شكوكي كلها من الصدمة لإلها .. وصرت افكر انها الها ايد بقتل امي.. لييش تخبي صورها بشنتتها وشو اللي بدها ياه بالزبط ؟؟ .. وصلتها بعد مارجعت من الحمام على بيتها ومشيت بالسيارة وطلعت تلفوني ورنيت على الرقم اللي اخدته منها .. طلعلي صوت زلمة كبير شوي .. حكيتله معلش مين معي.. ؟ حكالي انت اللي طالبني انت مين ؟ حكيتله معلش مش تلفون أحمد رامي هاد ؟ حكالي لأ هاد تلفون الدكتور رفعت نادر .. حكيتله رفعت نادر معلش انا سامع بإسمك انت بتشتغل بعيادة ؟ حكالي لأ يازلمة شو عيادة ما عيادة أنا دكتور جامعه ! .. حكيتله دكتور جامعه بأي جامعه .. طبعاً حكالي نفس الجامعه اللي كانت ناقلة عليها ياسمين ومش نفس جامعتي.. حكيتله تشرفت فيك وشكراً إلك .. بنفس هاللحظة رحت على الجامعه نفسها وسألت عنه عرفت انه دكتور بقسم السينما وكان يدرس ياسمين .. حكيت ليه بعتلها مسج وشو بده منها بالزبط .. كان لازم أعرف تفاصيل أكتر .. رحت على البيت واتصلت مع ميرال حكيتلها لازم نعلن للكل أنك تزوجتي عشان عمتي رح تفضح القصة وفهمتها شو عملت بنتها حتى تكون بالصورة .. جهزنا كل شي وعملنا كروت لحلفة ونشرنا الخبر أنه في واحد خطبها وبده يتزوج بسرعه لأنه بده يسافر برا البلد ومستعجل وهوه بعرفني لهيك مافي داعي نسأل عنه .. وزعنا الكروت على الناس وماخبرنا عمتي بالشي اللي عملناه عشان ماتفكر انها تفضح القصة .. صفيت أفكر لحالي بالبيت بالصور اللي بشنتة ياسمين وانه ليه هيك عملت وكذبت عليه انها رايحة لإيطاليا والمسج بحكي انها كانت موجودة بالبلد من يومين .. صرت استرجع بذاكرتي الكلمة اللي حكتلي فيها براسها انها مش طايقيتني ومع هيك مشتاقيتلي كان بدي اعرف شو اللي بتعمله وليه هيك بتعمل واذا الها ايد بقتل امي أو لأ .. بس حكيت اني اصبر شوي .. سمعت بابا بنادي عليه .. وحكالي خلينا نحكي .. حكيتله لازم أعرف شو اللي صار وليه عملت هيك وكذبت علينا .. وليه مزعت صورنا وصور أمي شو اللي صاير .. بلش يحكيلي انه امي بالزمانات كانت تحب ابن عمها وهوه خطبها وفسخوا الخطبة وبعدين تعرفت عليه وصار النصيب ومن يومها فهمته انها بعمرها ماحبت غيره وحكتله انه الشخص اللي خطبته وكانت تحبه هوه ابن خالها مش ابن عمها .. وابن عمها كان يجي عنا على طول ويقعد معنا وهيه كانت عطول تنبسط بس يجي عنا لحد ماصارت علاقتنا فيه قوية وبابا ما كان مفكر انها بتحب ابن خالها لهيك كان مأمن انه ابن عمها بطلع وبفوت عنا عالبيت .. وعرف هالشي عن طريق ستي .. غلطت بالحكي فراح واجهها واعترفلته بكل شي .. واتهمها بالخيانة وانها ضحكت عليه ودخلت ابن عمها اللي كانت تحبه على البيت برغم انه متزوج وعنده ولاد وكذبت عليه بقصة ابن خالها .. بس بابا نسي الموضوع وصالحها بس تغيرت معاملته لإلها وبطل يحبها متل الأول .. لهيك بس توفت فجأة مازعل عليها كتير واختلق قصة الزهايمر لأنه بطّل يوثق بحدا وتوقع انه نحنا نطلع لماما ونكذب عليه بشغلات ونخدعه متل ماخدعته ماما .. بس ماتوقع انه اخته كمان تخدعه وتحاول تسرقه .. حكالي انت جبت شباب ضربوني وهانوني بالبيت وفوق هاد حكيتلي بكرهك وكنت مفكرني مابعرف مين انت ومابعرف شو اللي بصير ؟ ليه عملت هيك ؟ كيف اجالك قلب تعمل هيك ؟ كان معي حق وقت ما عملت معي زهايمر لأكشف كل الناس على حقيقتها ومنهم انت اللي كان بدك تقتلني حتى تورثني ماتوقعت تربايتي فيك تطلع غلط لهالدرجة .. صرت ابوس بأديه واجريه واحكيله يسامحني وابكي وابكي وابكي .. بلشت اعترفله متل ما اعترفلي وحكيتله انا استغليت قصة الزهايمر اللي انت عملتها معنا بس ماكنت بعرف انك بتلعب علينا الا بعد ما عملت الشيء اللي كنت بدي اعمله .. حكيتله اشتريت كتاب عن قراءة الأفكار وبلشت اطبق الشغلات السيئة اللي فيه حتى اقدر اقرأ افكار الناس والكتاب هاد طلب مني اني اخدع شخص بحبني كتير واكون عارف انه بحبني من قلبه .. ولأني بعرف انك بتحبي من قلبك عملت هالشي.. استغليت وضعك وضحيت فيك حتى يتحقق مرادي ويصير اللي بدي ياه .. وانت كنت شايف وعارف بس لما قرأت افكارك وعرفت انك صاحي وبتلعب عليه وعلى اختي عشت بعذاب الضمير وماقدرت ارتاح ابداً .. بتمنى انك تسامحني .. وبرغم كل شي عملته فيه سامحني وحكيتله انت الوحيد اللي بتعرف اني بقرأ افكار الناس وبهاللحظة أنا بعرف بشو بتفكر .. صرت اضحك واحكيله عم تفكر بأكلة بامية ورز .. اشتقت لطبخ امي شكلك جوعان .. حكالي اه والله عم بفكر فيها .. تاريك بتعرف تقرأ الأفكار كتير منيح .. حكيتله بس لاتحكي بابا لحدا .. انا عملت هيك بس لحتى اكشف مين اللي قتل امي ووعدت نفسي اعمل كل شي بقدر عليه حتى اعرف مين اللي قتلها وتأكد اني مارح ارحمه أبداً مين ما كان يكون ..

#اللغز_المجهول_9 #اللغز_المجهول
الحلقة التاسعة
بطلت أعرف أفكر ولا حتى أركز من بعد ما سمعت الصوت اللي بحكيلي انه ضايلك كم يوم وبتختفي خاصية قراءة الأفكار من راسك والسبب أني اعترفت لبابا بهالشي !! .. شو ممكن أعمل ؟؟ .. بدون تفكير رحت عند صاحب المكتبة اللي اشتريت منه الكتاب وصرت اترجاه واحكيله شو ممكن اعمل حتى ازيد من المدة اللي بقدر أقرأ الأفكار فيها .. صار يحكيلي مافيك تعمل اشي وانا نسيت احكيلك انه في حال حكيت لحدا عن هاد الشي الخاصية رح تختفي من راسك نهائياً خلال مدة معينة !.. ماقدرت اعمل شي وحملت حالي وطلعت بالسيارة وما فكرت الا بإني اروح على الموعد اللي اتفقت فيه مع ياسمين حتى اكتشف انه هيه اللي ورا قتل امي او لا .. شفتها بالحديقة وقعدنا وضليتني طول الوقت ساكت حتى اسمع شو بدها تحكي وبلشت تحكي براسها وتقول (( شو ياترى بده مني ؟؟ ليه هيك عم يتطلع فيه ؟؟ شو عارف اكيد في موضوع مهم )) حكيتلها بدي اعرف شو الصور اللي كانو بشنتتك مبارح .. صور امي وهيه متوفية ؟؟ ليش شو بهموكي ومن وين جبتيهم مافي مجال للكذب احكي الحقيقة بسرعه .. بلشت تحكيلي خلص رح احكيلك كل شي لأني كنت مترددة اعترف وبعدين خفت كتير .. لازم تعرف هلأ .. وحتى ضميري يرتاح لأنه مش مرتاح ابداً.. وحكت فبالها (( خلص يا ياسمين اعترفيله وريحي ضميري خلص )) .. حكتلي داني أنا ضحكت عليك .. حكيتلها بشو ؟؟ حكتلي أنا مابحبك .. انا كنت مفكره حالي بحبك وبفكر فيك بس اكتشفت اني مابحبك .. حكيتلها شو اللي بخليكي تحكي هيك اشي ؟؟ ليه ؟؟ انا شو عملتلك ؟؟ حكتلي الصور تبعون وفاة امك هدول اخدتهم من تلفونك وطبعتهم عشان موضوع معين انا بدي ياه وضليتني مستمرة بالعلاقة معك بس عشان هالموضوع .. حكيتلها اعترفي بسرعه وصرت اصرخ حكيتلها انتي قتلتي امي ؟؟ حكتلي طول طول بالك شو مش لهالدرجة انا ماقتلتها .. انا من بعد ما نقلت على الجامعه التانية في دكتور ساعدني كتير بموضوع السينما وحكا اللي بعمل فيلم عن شيء مختلف وحقيقي وواقعي رح اساعده حتى يوصل بسرعه .. وماكان قدامي الا موضوع وفاة امك الغريب .. اخدت الصور من عندك وفرجيتهم للدكتور وحكالي هاد موضوع حقيقي ومجهول حكيتله اه لأنهم مش عارفين سبب وفاتها للآن .. وبحكوا بس صدمة عصبية ممكن نستغل هالموضوع بفيلم سينمائي قوي.. اتمالكت اعصابي وكنت رح اضربها بس للحظة حكيتلها كملي.. حكتلي انا استغليت علاقتي فيك برغم اني كنت مفكرة حالي بحبك .. بس حكيتلك رايحه على ايطاليا عشان ابحث بقضية امك أكتر واعرف مين اللي قتلها وابلش بكتابة الفيلم واخراجه .. واختفيت عشان ماتعرف وينني وسكرت تلفوني عشان اراقبك لأني بصراحه كنت شاكه فيك انه انت اللي قتلها حكيتلها شو مجنونة أنا اقتل امي !!؟ انا بدي اعرف مين اللي قتلها اكتر من اي واحد .. جاي تتهميني واستغليتيني كمان !! .. حكتلي انت انسان حقود وبتتغير مع الناس بسرعه .. طول فترة العلاقة ماكنت مرتاحه ومفكرة حالي بحبك .. بس جمودك معي فبعض المواقف بحسك عم تتخلى عني لأتفه الأشياء واذا صار معي شي وحكيتلك بتحقد عليه .. خفت تكون امك عاملة شي هيك ولا هيك وتحقد عليها وتكون انت السبب .. بهاللحظة ضربتها كف وحكيتلها انتي اوطى انسانة شفتها بحياتي مابدي اشوف وجهك مرة تانية .. ضحكتي عليه واستغليتي موضوع امي عشان افلامك السينمائية بدون شعور ولا شفقة وانا كنت عطول اشكيلك اني بحاجتها ومقهور على فراقها وانتي مابتفكري الا بمصلحتك .. سحبت حالها وهيه عم تبكي وراحت وانا تدمرت نهائياً لأني ماكنت عارف شو اللي عم بصير .. ومين الي قتل امي .. كل الشكوك بس تتجمع بشخص بتختفي بنفس الدقيقة ومابعرف بمين ضل أشك .. روحت على البيت وكان اليوم عرس اختي ولازم اجهز نفسي وانسى كل شي .. ضل معي بكرا بس لحتى اقدر اقرأ افكار الناس.. هربت من الشارع قبل ما اسمع صوت اي حدا لأنه صابني حالة هستيرية من الأصوات اللي عم بسمعها كل مابشوف بني آدمين عم بمشو من حدي .. مافي حدا باله مرتاح والكل بفكر بهمومه ومشاكله وحياته الإجتماعية .. جهزت حالي ولبست ورحنا على الصالة .. حطيت حدا على باب الصالة من معارفي وفرجيته صورة عمتي وحكيتله في حال حاولت تدخل الباب طلعها بالقوة وماتسمحلها تفوت .. وعصالة الرجال نفس الشي حطيت شب من معارفي وفرجيته صورة زوج عمتي وحكيتله بتمنعه في حال دخل.. ماقدرت اتمالك اعصابي بالحفلة كل الناس عم بحكوا عبعض .. بكرهوا بعض .. بنقدو بعض .. مستغربين من الفترة السريعه اللي صار فيها العرس.. ماصدقت شو عم بسمع والكل عم بحكي شغلات غلط .. راسي كان رح ينفجر ومع صوت الأغاني تعبت لدرجة مش ممكن انسان يتصورها .. وبهاللحظة كانت جايه عمتي وحاولت تدخل .. منعتها وحكيتلها مستحيل تدخلي لو شو ما صار .. حكتلي عشان ما احكي لحدا رحت بسرعه عملت حفلة لأختك وخبيت فضيحتها حكيتلها احفظي لسانك واختي ماعملت شي وبنتكم كذابة لو شو ماحكت .. وطردتها من الصالة ..

#اللغز_المجهول_10 #اللغز_المجهول
الحلقة الأخيرة
اليوم الأخير .. يأست .. وتعبت .. وبطلت عارف شو ممكن أعمل .. كل شي عملته وتعبت عشانه ماجاب نتيجة وما قدرت أعرف الشخص اللي كان سبب بوفاة أمي والسبب انه ما عندي دليل .. ضليتني بالغرفة لحالي على أمل أسمع هداك الصوت والخيال اللي كان يجيني بس اكون منفرد مع نفسي.. بس ماكان ييجي .. حكيت أنا خربت كل شي على حالي !! .. مزعت الكتاب وحرقته وصرت أبكي على أمي متل الولادالصغار .. بهاللحظة بعتتلي ياسمين مسج عم تعتذر وبدها تشوفني .. اتصلت عليها وانا عم ببكي بحكيلها أوعك ترني عليه مرة تانية واذا بشوفك رح اقتلك فاهمه واعتبريه تهديد .. وسكرت الخط بوجهها .. بسبب هالتهديد اكيد زاد تفكيرها تجاهي اني اكون سبب بقتل امي.. بس أنا بس اعصب مابعرف شو بحكي .. ضليتني على أعصابي وكسرت تلفوني حتى ماحدا يفكر يرنلي.. رن الجرس فجاة .. صار يحكيلي بابا شوف ياداني مين عالباب .. قمت فتحت طلعت عمتي .. كانت عم تبكي وتحكيلي أنا اسفه داني.. حكيتلها عشو !؟ شو عملتي ؟؟ حكتلي سامحني يا ابني .. دخلت عند بابا وصارت تبوس عإديه وتحكيله سامحني على كل شي عملته .. حكيتلها احكي شو عملتي عشو نسامحك .. بهاللحظة ماكنت عارف عشو ممكن نسامحها لأنه غلطت بحقنا كتير بس كنت بستنى منها تحكي أنا كنت السبب بوفاة أمك ياداني.. وبلشت تحكي.. قالت انه ضلينا نحكي عليك ونسب عليك أنت وأبوك واختك .. بالآخر بنتي صارت تسكت فينا وتحكيلنا انا اللي عملت هيك وخليته يدخل عالبيت عشان اسكر عليه واتهمه هالإتهام .. أرجوكم ماتحكوا عليه خليتوني حقودة متلكم وأنا كل اللي كان جواتي أني حبيته وماقدرت اعترفله من وأنا صغيرة ولما اعترفتله اعتبر كلامي كله طيش مراهقة وحكي فاضي وجرحني .. وعشان هيك قررت اجرحه واخرب بيته متل ماخرب بيتي .. بس أنا حبيته .. فعلتي كان كلها حقد وكراهيه منكم انتوا .. وصارت تحكيلي أنا وبابا.. بهاللحظة خفت أخسر بنتي وصرت أبكي على حقدي لإلكم واتهاماتي وسرقتي لبيتكم .. انتوا عملتوا المستحيل حتى ما تفضحوني وأنا كنت جاية عالعرس حتى افضح اختك .. بس توضحلي انها بالفعل كانت متزوجه .. ميرال قبل حفلتها بيوم أجت عنا وفرجتنا عقد الزواج والتاريخ وفهمتنا اللي صار وانها ماعملت اشي غلط بس احنا قررنا نفضحها انا وزوجي ونيجي عالعرس.. بس بنتي اعترفت بغلطها وانا اسفه سامحوني.. بابا سامحها وانا حكيتلها برغم كل شي بتضلي عمتي واحنا سامحناكي.. طلعت من البيت مكسورة وكانت الساعه 4 العصر .. كان ضايل 8 ساعات وبتروح خاصية قراءة الأفكار نهائياً من راسي.. طلعت متل المجنون بس بدي اسمع الناس وراضي بالإزعاج اللي جوا دماغي .. بس بدي اعرف قاتل امي .. مين ممكن يكون مييين !!! .. رجعت على بيتي مرة تانية وقعدت على الرصيف ابكي .. شفت الولاد بلعبوا وابن ام موسى معهم .. حاولت اقرب منه حتى اسمع شيء لأنه الكلام اللي حكاه براسه ماغاب عن بالي .. من شو خايف وليه بحكي انه مابده يدخل عنا حتى ما ينقتل اكيد في سر !.. ماقدرت اقرب كتير لأنه رح يهرب مني .. وكل مايشوفني بهرب مني.. طلّع من تحت بلوزته قناع بخوف وعشكل شيطان ولبسه وصار يلحق بصحابه بالشارع وبهاللحظة صرخ ولد من الخوف وركض بسرعه .. وهوه رح يقطع الشارع صدمته سيارة واندعس.. صار ابن امو موسى يصرخ واجت امه اخدته وجارتنا ام الولد اللي ندعس صارت تصرخ ونقلوا ابنها للمستشفى .. جمعت افكاري كلها مع الكلام اللي حكاه براسه وربطتها مع بعض .. وحكيت ممكن يكون هيك صار !! ..رحت معهم عالمستشفى وحكوا انه الولد اللي ندعس توفى وام موسى صارت تصرخ وتبكي وام الولد اغمى عليها.. اخدت ام موسى على جنب وحكيتلها كل اللي جواتي وخوف ابنها منا ومن بيتنا ما اله غير مبرر واحد انه بالوقت اللي كنا قاعدين نحضر فيه المسلسل وندق الباب قامت امي تفتحه كان ابنها جاي يلعب ويخوف ميرال ولابس القناع .. طلعت بوجهه امي وشافته ..صابها صدمة عصبية لدرجة انها ماقدرت تصرخ واغمى عليها وتوفت ..كذبتي أم موسى بس انا ماسكتت ورحت للشرطي حكيت كل شي وجابوا الولد وبعد ماسكتوه من البكى وهدوه .. اعترف .. وقتها غمضت عيوني وماعرفت شو ممكن اقول ! ماكنت متوقع انه يكون السبب بوفاة امي حدا مش بالحسبة اللي حطيتها بشكوكي.. استوحشت فجأة وهجمت عالولد لأضربه ووقعت عم ببكي بعد ماشالوني الشرطة وطلعوني.. روّحت عالبيت وحكيت لبابا كل اشي .. كانت ميرال جايه هيه وسامر يحكولنا انهم بدهم يسافروا على دبي عند أهله.. عرفوا الحقيقة وميرال ماقدرت تمنع حالها من البكا.. ابو الولد تحاكم لأنه ابنه تحت السن القانوني وتكفل بالعقاب.. ابن ام موسى قتل أمي بقناع بشع ومزيف كان لابسه للتسلية وعن طريق الغلط .. بس اللي اكتشفته من خلال التجربة اللي عشتها .. أنه الناس بتلبس أقنعه حقيقة وغير ظاهرة بنكتشف من خلال الأيام انها بتقتلنا من جوا وبتخدعنا أكتر من الأقنعة المزيفة والظاهرة !
هدف القصة

#اللغز_المجهول_7 #اللغز_المجهول
الحلقة السابعة
دخلت عند بنت عمتي ورديت عليها .. ماكنت بعرف لشو بتخطط وليه مُصرة ادخل استناهم ولأني كنت لازم أستناهم .. خفت تروح هيه وزوجها عند ناس ويفضحوا ميرال .. كان لازم احكي من أول انها تزوجت بس ماقدرت .. اضطريت اخبي لوقت ما نعمللها عرس ونحكي انها تزوجت .. باللحظة اللي دخلت فيها عالبيت لحتى استناهم سكرت بنت عمتي باب البيت علينا وماكنت حاسس أنا .. قعدت قبالي وصارت تحكيلي شو اللي بدك ياه منهم احكيلي لحتى مش قادر تستنى ؟ حكيتلها موضوع ضروري ومش ضروري تعرفيه .. صرت أقرأ افكارها واحنا ساكتين كانت تحكي براسها (( لازم يعرف هلأ يامرام .. احكيله شو اللي فبالك لأنك مارح تقدري تلقطيه بمكان تاني غير هلأ احكي وقوي قلبك )) حكيت ابصر شو اللي بدها تحكيه !!؟ .. بلشت تتطلع فيها أكتر وأكتر وتحكي براسها (( مش عارفة احكي ولا لأ .. بس اذا ماحكيت هلأ رح تروح هالفرصة ومارح اقدر احكيله ورح يختفي لأني مابشوفه كتير.. فرصتك هاي احكي يامرام احكي)) .. وفجأة حكتلي .. داني بدي احكيلك شي.. حكيت تفضلي احكي .. حكتلي خلينا نتسلى شوي ليجوا أهلي بما انك كتير حابب تشوفهم ومش قادر تروح .. حكيتلها احكي تفضلي هيني بسمعك .. حكتلي خلص خلص مابدي .. قلتلها متل مابدك .. ورجعت تحكي براسها (( ولك ياهبله احكي واخلصي من متى انتي بتخجلي ولا بتخافي )) .. حكيت براسي أنا طبعاً من متى مهيه ترباية امها القوية .. وفجأة حكتلي.. داني .. أنا من زمان معجبة فيك .. حكيت شو ؟؟؟ حكتلي أه وبحبك كمان .. حكيتلها شو بتحكي انتي أنا بشو وانتي بشو .. مش وقت حكي المراهقة والهبل هسه .. حكتلي هسه هيك ؟! هسه صارت مشاعري حكي مراهقة وهبل .. انا من زمان ومن سنين مخبية هالشي وهسه جاي تحكي هيك .. حكيتلها كل اللي عمرك ياهم 17 سنة يعني من متى من سنين مخبية هالأشي من لما كنتي صف خامس حبيبتي ؟؟ حكتلي شو حكيت عيد ؟ حكيت حبيبتي ؟؟ حكيتلها حلي عني عاااد .. وقمت لأطلع من البيت لقيت الباب مسكر .. حكيتلها ليه مسكره الباب ؟؟ حكتلي بالأول احكيلي ليه هيك حكيتلي وكسرت مشاعري .. ليه هيك عاملتني .. مافي طلعه لتحكيلي ليه هيك حكيت .. حكيتلها لأنك صغيرة ومش عارفة شو بتحكي وافتحي الباب وخليني اطلع .. وفجأة صارت تحكي حكيتلك مافي طلعه يعني مافي طلعه .. حكيتلها انا راسي بوجعني ومش نايم وممكن هسه اضربك ستين كف اذا ما اعطيتيني مفتاح البيت .. حكتلي مافيك تعمل اشي .. وصارت تهرب مني وانا احكيلها وين المفتاح .. وفجأة مسكتها وصرت اطلع من المفتاج من جيبتها وصارت تصرخ .. بهالوقت أجت عمتي وزوجها ولقيو باب البيت مسكر .. صارو يحكو شو بصير مع البنت ليش بتصرخ .. يا مرااام مرااااااام افتحي الباب بسرعه .. وانا احكيلها عجبك شفتي هاي اجوا اهلك .. هاتي المفتاح وهيه تصرخ وتصرخ .. احكيلها مالك انجنيتي .. وبعد دقايق هربت عغرفتها ووقع منها المفتاح .. فتحت الباب وطلعلي ابوها صار يصرخ عليه ويحكيلي شو كنت تعمل لبنتي يا واطي ياحقير.. اعتديت عليها وعمتي صارت تصرخ وزوجها سكتها وضربها وسكروا الباب وحكولي شو عملت بالبنت بنحكيلك .. شو ساويت قول .. دخلوا عليها عالغرفة كانت ممزعه اواعيها وبتبكي وبتحكي اعتدى عليه الحقير الواطي الله لا يسامحه هالكلب.. وانا نصدمت من كلامها .. صارت عمتي تحكي طبعاً مهمه بلا شرف اللي بطلع من اخته بطلع منه هالحقير الواطي .. بهالوقت ضربت عمتي وزوجها حكالي شو بتعمل ياحقير شو عملت!!!؟ بتضرب مرتي واعتديت على بنتي .. والله لأخلي كل الدنيا تعرف بشرفكم الواطي واذا بكرا ما بتكتب كتابك على مرام لأكون فاضحك وفاضح الدنيا كلها فيكم وبعيلتكم .. حكيتلهم بنتكم كذابة وواطية واذا مش مصدقين خدوها عطبيب واعرفوا انها كذابة .. بس عرفت ماحدا رح يصدقني .. حملت حالي وطلعت من البيت وهمه يصرخوا عليه وبدهم يرجعوني عشان اتزوجها .. هربت من البيت ونزلت وحكيت هالحقيرة شو عملت الله يلعنها شو واطية .. رحت عالبيت وصرت احكي لبابا كل شي حكيتله هيك عملوا شو بدي اعمل .. كان وقتها عامل حاله طبيعي .. حكيتله قلي شو اعمل .. قلي ماتخاف رح يعرفوا الحقيقة .. دير بالك من عمتك يا ابني لأنها متل ماسرقتني بتزوجك غصب لبنتها .. انا استغليت الكلمة اللي حكاها وقلتله انت كيف عرفت انها سرقتك ؟؟ ما انت كنت بحالة الزهايمر .. صفن فيه وصار يحكي شو يا ابني ؟؟ قلتله جاوب يا بابا ؟؟ قلته شو بتعرف كمان احكي ؟؟ ماقدر يهرب من سؤالي برغم انه كان رح يهرب للحمام .. قلتله انت بتعمل هيك عشان تضحك علينا ليش عملت هيك يا بابا شو بدك تعرف ؟؟ فهمني ؟؟ قلي بنحكي بعدين انا تعبان حكيتله على راحتك أنا بدي اطلع على الجامعه وبس ارجع رح تحكيلي كل اشي ياريت ماتخبي عني .. بدي اعرف ليش هيك عملت.. وانا طالع شفت صورنا ممزعه بسلة الزبالة .. اخدتهم لبابا وحكيتله .. ممزع صورنا كمان وصور أمي ؟؟ ليش هيك ؟؟ صار يبكي .. قلتله خلص مابدي اسمع ولا اشي ..

شيلكن منها 😒 مابيخلصوا هدول
تعوا نتسلا بهالقصة
#اللغز_المجهول
.....
قراءة ممـتعه💙🎶"
#ⴅმძ3Һค

#اللغز_المجهول_قصص
#اللغز_المجهول_1 #اللغز_المجهول
الحلقة الأولى
من وأنا صغير كان نفسي أعرف الناس اللي بحياتنا شو بفكروا وشو عم بدور فبالهم من شغلات وأفكار .. كنت أتمنى أني أقرأ أفكار الناس .. وأعرف شو بدور براسهم تجاهنا.. وهل عن جد بحبونا ولا في منهم بتظاهروا بهالحب وبكونوا من جوا شيء تاني ؟؟ .. برغم اني كنت متأكد من حب أمي لألي ولأختي بس من بعد ماتوفت ماعدت وثقت بحدا بحياتي أبداً وما ضل حدا أحبه .. إسمي داني وعمري 22 سنة .. عندي أخت وحدة اسمها ميرال أصغر مني بسنتين .. أمي توفت بحادثة غريبة شوي وما كان حدا يعرف شو اللي صار معها أبداً .. وأبوي معاه مرض النسيان المؤقت وحتى وقت موتها كان مفكرها انها مش مرته وزاد الحزن عليه وعلى اختي.. ولما عرف انها توفت زعل كتير .. كنا وقتها بالبيت وسمعنا صوت حدا بدق على الباب ووقتها مارن الجرس لهيك فكرنا حدا من الجيران لأنهم مابرنوا على الجرس وأمي قامت لتفتح .. ووقتها كنا بنحضر على التلفزيون مسلسل وحكت لميرال تقوم تفتح الباب بس ميرال حكتلها هاي اكيد وحدة من الجارات وأكيد ام عيسى وهلأ رح تستلمني وتصير تحكيلي عن العرسان الجداد اللي جايبتلي ياهم .. ووقتها أنا ضحكت عليها وبابا كان بقشر فواكة ومندمجين مع المسلسل.. وبعد ساعه ولما خلص المسلسل حكيت لميرال أمك صارلها ساعه على الباب بتحكي مع الجارة قومي شوفيها طوّلت مش معقولين شو بحكوا .. قامت ميرال تشوف ماما ولقتها على الدرج ميته وفاتحه عيونها بشكل مرعب وعيونها بتنزل دم وكإنها بتحكيلنا في شيء عذبني وانتوا ما سمعتوني!! .. شفناها وصرنا نصرخ .. كانو اديها متلجين ووجها ازرق وعيونها من كتر الصدمة الدم نازل منهم .. حتى الطب الشرعي ماعرف شو اللي صار معها بالزبط وخبرنا انه تعرضت لصدمة عصبية فقط ! .. بدون أي تفاصيل تانية .. سألونا كتير أسئلة .. انه ماحدا منا شاف مين اللي دق الباب .. أو حدا منا حاول يسمع طبيعة الدقة .. أسئلة غريبة وما في إلها جواب.. من هداك اليوم صرت أخاف على ميرال وبابا ومن وقتها بابا صابه مرض الزهايمر المؤقت .. كل ماحدا يدق الباب نخاف وماحدا يفتح الباب الا لما يسأل مين !.. من وقتها فقدت ثقتي بكل اللي حواليه وصارت شكوكي كلها بسكان العمارة تزداد وبجاراتنا .. منعت ميرال تختلط بأي حدا وصار عندي رغبة بأني أعرف كل إنسان شو بفكر وشو في جوا راسه.. ممكن في يوم يندق الباب وأفتح وأموت متل أمي بدون سابق إنذار.. صار بابا ينسى وجودنا بالبيت شوي شوي .. ويسألنا أنا مين وانتوا مين .. بطلنا قادرين نتحمل أنا واختي وموت ماما كسرنا بزيادة .. والخوف من المجهول صار يزداد بقلوبنا .. من يومها الغيمة السودة تجمعت فوق بيتنا .. مانسيت شكل امي وعيونها كيف كانت تنزل دم .. ما كنت مصدق أنه من صدمة عصبية يصيروا عيونها ينزلوا دم !! .. كل يوم كنت أفكر شو اللي ممكن تكون شافته بس ندق الباب وليش صار معها هيك لحتى ماقدرت تتحمل وما صرخت حتى!! .. لحتى حدا ينقذها منا من الشي اللي شافته وموتها صار بسرعه وساعة وماحدا شافها .. صرت كل يوم أفكر وأشك بناس بحياتي ولحتى أقدر أعرف مين اللي قتل امي قررت ابحث عن طريقة لتخليني أقرأ أفكار الناس وأشوف مين فيهم بعمارتنا كذب علينا .. قرأت كتب كتير عن ماهية قراءة الأفكار وشو لازم أعمل حتى أصير أقرأ أفكار الناس .. كل ماكنت أسأل عن هيك كتب بالمكاتب يحكولي ماعنا هيك كتب ولحد ماحدا حكالي انه هيك كتب مابتنباع بأي مكتبة بالسوق .. لو بدك جد تبحث عنها لازم تدور بالمكاتب الكبيرة المختصة بهالشيء .. لأنه هاي الكتب ممنوعة وفيها كلام ممكن يكون سيء.. صرت أفكر انه شو هالموضوع اللي ممكن يخلي أصحاب المكتبة يخافوا هيك .. ولما قررت أدور على الكتب رحت على أكبر مكتبة بالعاصمة ووقتها حكالي صاحبها انه هاي الكتب موجودة بس ممنوع تنباع عنا .. حكيتله لو بتقدر تساعدني لحتى اخدها رح اعطيك ألفين دولار.. حكالي عشان كتاب بدك تعطيني كل هالمبلغ!! .. حكيتله ولو تطلب اكتر بعطيك .. أنا بدي اتعلم هالشيء وشو لازم اعمل حتى اعرف شو بدور بدماغ البشر اللي حواليه .. لازم اعرف هالشيء لازم .. حكالي بكرا تعال ورح أأمنلك ياهم بس احسب حسابك انك رح تعطيني فوق المبلغ هاد حق الكتب على اربع اضعاف .. حكيتله ماعندي مانع.. تاني يوم شفته وكان مأمنلي الكتب ولاففهم بكيس أسود وكيس تاني رسمي للمكتبة .. اخدتهم وسلمته المصاري .. وبلشت أقرأ بالكتب بالليل.. كان مكتوب كلام كتير غريب وفعلاً من وقتها عرفت انه من هالكلام كان لابد انه يكونوا هيك كتب ممنوعه بالسوق.. حتى اعرف اقرأ افكار الناس لازم ألجأ لأساليب شيطانية وسوداوية .. أرضي الشيطان وأقدمله الطاعه .. حسيت بلحظة انه ممكن أكفر أو انحرف .. حكيت جواتي .. الإيمان بالقلب وحتى لو عملت هيك وانا من جوا مآمن اني مش راضي عن هالشي بس لحتى اكسب الغرض اللي طول عمري بحلم فيه بكون منيح .. بلشت انفذ كل شيء بحكيلي ياه الكتاب ..

#اللغز_المجهول_2 #اللغز_المجهول
الحلقة الثانية
فكرت كتير قبل ما اعمل أي شي بحكيلي عنه الكتاب .. بس كان المفروض أختار حدا بأسرع وقت حدا أضحي فيه ويكون بحنبي عن جد ومن قلبه وأكون واثق من داخلي بهالشي.. ولما اجا الوقت .. إخترت وما قدرت اضحي بأختي حتى ماتفقد الثقة فيه وتكرهني .. واخترت أضحي فبابا ويكون كبش الفدا لهالشي وكله عشان اقدر اعرف مين اللي قتل ماما عن طريق قرائتي لأفكار الناس .. استيت للوقت اللي يكون فيه بابا فاقد ذاكرته بشكل مؤقت ومضى يومين وعقله معاه وكان متذكرني ومتذكر اختي وحتى موت امي.. وتالت يوم لحتى فقد ذاكرته .. دخلت عنده اشربه الدوا لقيته بحكيلي انت مين وشو بدك مني؟ .. حكيتله انا ابنك يا بابا حكالي شو بدك تعمل فيه .. وقتها عرفت انه الزهايمر المؤقت إشتغل معاه وبهالوقت ماقدرت استنى .. وكان لازم بهالوقت اعمل معاه الشيء السيء وهوه بالأصل مش عارف مين أنا .. فهاي فرصة كبيرة لحتى اخد راحتي .. اتصلت مع صاحب الي وحكيتله بدي تعرفني على تنين بتوثق فيهم ويكونوا اقويا وبدي ياهم بشغلة .. حكالي شو بدك فيهم احكيلي؟ حكيتله بدي ياهم بخناقه ولازم يكونوا اليوم بالليل عندي وماتسألني أكتر .. وبس اجوا قررت اني اخون بابا من خلالهم واخليهم يضربوه ويسرقو ممتلكات خاصة من غرفته .. وهيك بكون خدعت شخص واثق انه بحبني من جوا عن جد .. وبالفعل اجوا الشباب وفهمتهم شو لازم يعملوا ودخلوا على بابا وضربوه وسرقوا شغلات من غرفته وصرت احكيله أنا بكرهك وما بحبك وانت لازم تموت .. وبعد ماطلعوا من البيت حكيتلهم ماتحكوا لحدا عن الشيء اللي شفتوه وانا مابعرف هاد الزلمة .. بس بعد ماطلعوا صرت ابكي وابكي وابكي وحضنته وهوه خايف مني وعم ببكي.. وتاني يوم كان راجعتله الذاكره وشاف حاله وسألني مين اللي عمل فيه هيك وليش وجهي متشوه وشو هالكدمات .. حكيتله انت وقعت مبارح بالليل عن الدرج وانت مش شايف .. واسعفناك وفهمت هالشي كمان لميرال.. نفذت الشيء المطلوب مني بحذافيره والكتاب طلب مني اني اطيع الشيطان حتى اكمل المطلوب .. بلشت أعمل شغلات غلط .. اخدع صحابي وأخونهم .. أكون معهم ملاك بريء ومن خلفهم أبليس متمرد .. أي شيء المهم الشيطان يرضى عليه ويخليني أحقق الشيء اللي فبالي..بلشت أتغير من الداخل لحد ما ميرال حست عليه اني عم بتغير وحتى شكلي تغير وصاروا عيوني كلهم حقد وبلشت ملامحي تختلف عن داني الإنسان وتتحول لداني الشيطان .. ماكنت مبسوط بالشيء اللي بعمله بس من جواتي كان بدي أعرف مين اللي قتل أمي وشو اللي شافته ولو شو ماكلفني.. طلعت مع صحابي بالليل بعد يوم من الشيء اللي عملته مع بابا وصرت احس انه في شيء عم بلحقني وين مابروح .. وبحس بصوت جريه وراي وقت ما اكون ماشي لحالي وبالليل خصوصاً .. لما بكون سهران مع صحابي ولما بروح كل يوم بالليل بحس بصوت حدا عم بتبع طريقي واللي حيرني انه الطريق بكون فاضي ولما بطلع فجأة مابلاقي حدا وراي.. الشيء ذاته عم بصير كل يوم بالليل معي وصرت بحس بوجود شخص تاني عايش معي بنفس الغرفة وبنام معي بنفس المكان .. بصحى كل يوم الساعه أربعة الفجر وأنا بشعر انه في حدا نايم معي بنفس التخت ولما بكون نايم على الطرف التاني بكون حاسس انه في حدا نايم عالطرف اللي وراي.. حاولت أقلب حالي بسرعة لأشوف بس ماقدرت .. قلت بيني وبين حالي يمكن هالشيء عم بصير معي بسبب الشغلات السيئة الي بعملها ليرضى عني الشيطان .. بس صرت انزعج من هالشعور واحساسي اني مراقب من حدا وانه في شخص تاني عايش معي .. الليلة التانية ماقدرت اضل بالغرفة ورجعت أحس انه في حدا معي بالتخت وصوت نفسه قريب من اذني .. كانت الساعه اربعة الفجر وكل ما اصحى فجأة بتكون الساعة هيك بالزبط.. صرت أقلق .. تلات ليالي عم بصير معي نفس الشيء على التوالي.. حملت حالي وتركت غرفتي ورحت نمت بغرفة ميرال .. رميت فرشة على الأرض ونمت عليها.. وماحسيت على شيء أبداً .. عرفت انه هالشيء بصير معي بس لما اكون لحالي واقتنعت.. الصبح صحيت عليه ميرال وخافت من وجودي بالغرفة وصارت تحكيلي شو مخليك تنام عندي شو في ؟ حاولت اتهرب من سؤالها وما اخليها تفكر شيء غلط وحكيتلها حسيت بحاجتي لماما وكنت متدايق كتير مالقيت حالي غير بغرفتك .. حضنتني وحكتلي مش مشكلة حبيبي الله يرحمها وراحت حضرت فطور .. ولما دخلت على الحمام لأغسل .. وأنا بحط الميه على وجهي حسيت في حدا عم بدعس على طرف أجري من تحت .. بلعت ريقي وصرت اتطلع شوي شوي لتحت ومالقيت حدا.. رفعت راسي عالبطيء واطلعت بالمرايه .. وصرخت بدون سابق انذار .. شفت حدا بالمراية واقف ورايه وما لحقت المح وجهه وملامحه .. بس اللي بعرفه منيح انه بالفعل كان في شخص عم بتطلع عليه ووراي .. سحبت حالي وطلعت من الحمام ولقيت ميرال عالباب بتحكيلي شو مالك ليه صرخت ؟ حكيتلها وقعت الصابونة عالأرض وزحلقت .. حكتلي فيها اشي اجرك اعطيني اشوف حكيتلها لأ ورحت دهنت عليها دوا حتى ما تحس انه في شيء ..