سردهہ قصيرهہ
#المطمورة
#مال_الشام
خلص .. انا ما بئى رح اسكوت عن هالوضع .. هي مو حياة زوجية 😳 .. هي خدمة علم 💂
هي اسمها سجن مع اعمال شاقة ... خلص .. لازم لاقي حل ... لازم انقذ زواجي الي شايفيتو عم يتدحرج دحرجة إلى هاوية السقوط ... بكفي يا بديعة
لاقي حل وشغليلي افكارك الفظيعة .. 💡
صفنت مع حالي صفنة طويلة جداً جداً مدتها خمس ثواني .. وطلعت بحل حارق خارق خطير 😍
( سهررررة مميزة مع زوزي حبيبي حمودة )
بترجع حبل المودة بيناتنا وتنعنش حياتنا نعنشة لأني مليت من هالحياة المفشفشة
جبت ورقة وقلم وبلشت اعمل حساباتي ... وزعت المهام بالترتيب😎
بصراحة الموضوع بدو تكتيك واستراتيجة .. ما عم نلعب نحنا .. 😒
وقمت شلت ولادي التلاته الله يسلمهم ملائكة ملائكة ولا الهم صوت ولا حس 😇😇😇
ولا بعزبو ابداً ابداً سبحان الذي خلئهن .. ملائكة ملائكة .. اخدتهن لعند امي وزتيتلها ياهن
ما بعرف ليش بس شافتهم صارت تبكي !! ليش يا مامي هيك ؟
مو بقولو ما اعز من الولد إلا ولد الولد ؟
قالتلي الله لا يوفقك على هالخلفة انتي جايبه قرود مو ولاد🙊🙉🙈
كسرت بخاطري الله يسامحها😢 بس مو مهم 😀.. يعني انا ما عم افهم
ازا انكسرت رجلها الشهر الماضي لما حطيت اولادي عندها بكون الغلط من أولادي ؟😒
لأ يا مامي انتي عندك خطأ تربوي فادح .. انا ولادي ملائكة ملائكة .. 😌
المهم بعد ما ضليت ساعه ابوس رجليها وايديها اعطيتها مية ليرة لتقبل و تركتها عم تبكي و ولادي راكبين فوق كتافها
سبحان الذي خلئهن .. و رحت لعند سلفتيي منى
ضليت ساعه مسحلها جوخ .. بعدين طلبت منها الفستان الدهبي الي اشترتو لحفلة اخوها 👗👗
مشان البسو لزوزي حمودة .. الحيوانة قالت باعتو واعطتني فستان اسود من عصر ستي 👘👘
لا وشوووو ... هددتني ازا ما برجعو متل ماهو تدفعني حقو .. تف بس ... بسيطة 😕
نزلت عالسوق جبت شموع و ورد و شوكلاته ومكسرات والذي منو .. طبعاً لا تسألوني من اين لك هذا ومن وين تفجر نهر هالمصاري 💸💸💸💰💰
كسرت مطمورة اولادي الي الهن سنه بخبو فيها و لقيت فيها كتير مصاري مش عارفه من وين بس المهم طلعو مبلغ محرز.. بس ما رح يزعلو مني
ملائكة ملائكة سبحان الذي خلئهن ..
ورجعت عالبيت ... اجا حمودة من شغلو فات لينام وانا قمت لشوف شغلي 🎈🎊🎉🎋🎇🎁🎆
زينت البيت و حطيت الورد والشموع والاكلات الطيبه و عملتلو كيكة حلوة متلي
و عملتلو قلب حب بالورد وكتبتلو بديعة &حمودة
ولبست الفستان الأسود .. وطلع القالب غالب .. جبتلها هيبة الفستان لشم قرين 👻
و اخيراً .. صحي فارس احلامي .. صحي الجندي المغوار ... بطل الأبطال .. 💋💋
طلع لعندي و قعدنا سوا و هو مبهور من انجازي الخطير حبيت استغل الموقف لصالحي و اعترفلو بمصيبه
..
بديعة : حبيبي 🙈
حمودة : شو حياتي
بديعة : بدي اعترفلك بشي
حمودة : قولي كلي اذان صاغية 👂👂
بديعة : انا بعمري .. بعمري ها ما خبيت عنك شي
إلا مرة وحده .. وقت خلفت اياد نقطتني اختي خمس مية ليرة
بس صرفتهم ... و انت بتعرف انو انا وياها هلأ تخانقنا .. والطماعه بدها ارجعلها
الخمس مية .. ممكن تعطيني ياهن لزتهن بخلئتها ؟ 😿
حمودة : يا عمري انا عنجد خجلت من حالي .. ولازم اعترفلك بشي كمان .. شفتي مطمورة اولادنا ؟
انا كنت اخبي فيها كل شي بيزيد من راتبي لان كنت واثق انو هاد المكان ما رح يخطرلك
بس ما بعرف هاد الجو رجعني لايام الحب و بداية الزواج وحاس حالي ندمان لاني خبيت عنك
وهلأ قومي معي نفتحها .. بتاخدي الخمس مية بترميها لاختك وجوزها ابو كرش
والباقي منتفق شو بدنا نعمل فيه
😳😳😳😳😳
بصراحة .. بعمرك جربتي تكوني واقفة على الجلى الك اربع ساعات عم تجلي
و فجأة تقولي الحمدلله خلصت وتكوني بقمة سعادتك .. وفجأة تديري ضهرك وتكتشفي
انو في وراكي فوج آخر من الجلي ..؟ جربتي ؟
طيب جربتي تضلك اربع ساعات عم تزبطي الآي لاينر واخيراً يزبط وتيجي وحده بنت كلب تدفشك
وانتي عم تحطي اللمسات الآخيرة .. ويخرب كل شي ؟
لا ما هو انا اكتر من هيك صعب اشرحلك ...!!!
قام حمودة وانا مسكتو من بنطلونو .. من قميصو .. مش عارفه بالضبط بس مسكتو بكل طاقتي😭😭😭
حمودة : شبك؟ خليني روح جيبها واجي 😮
قلتلو بتعرف حبيبي ؟ يعني نحنا خوات .. والدم ما بصير مي وطلعنا ولا نزلنا منتصالح
خلص بلاها للخمس مية وانا بتفاهم مع اختي اصلا مو وقت هالحكي هلأ 😨😨
حمودة : لا حبيبتي ما عاش الي بدو يحط عليكي وحده هلا بعطيكي ست مية و بتروحي تعطيها ياه 😠😠
هو يمشي وانا ماسكه برجليه واسحب فيه واقلو والله ما بتقوم يا زلمه تعال مشتاقتلك
ولك تعال بدي قلك شي مهم
بحيات امك فريحة واختك ام ريحة و مرت اخوك الحرباية الصريحة تخلينا نتفاهم
يا محمد .. يا حمودة ...يا ابو حميد ... يا حيوان تعال ... 😭
حمودة : وين المطمورة ؟!
بديعة : ما هو شوف .. يعني خليني انا اشرحلك وصلي عالنبي
حمودة : شو بدك تشرحيلي ؟ المطمورة وين
؟ 😱😱
بديعة : ان شاء الله اموت ... ان شاء الله اتنتف ... الله يوخدني ازا كنت بعرف انو المصاري الك
#المطمورة
#مال_الشام
خلص .. انا ما بئى رح اسكوت عن هالوضع .. هي مو حياة زوجية 😳 .. هي خدمة علم 💂
هي اسمها سجن مع اعمال شاقة ... خلص .. لازم لاقي حل ... لازم انقذ زواجي الي شايفيتو عم يتدحرج دحرجة إلى هاوية السقوط ... بكفي يا بديعة
لاقي حل وشغليلي افكارك الفظيعة .. 💡
صفنت مع حالي صفنة طويلة جداً جداً مدتها خمس ثواني .. وطلعت بحل حارق خارق خطير 😍
( سهررررة مميزة مع زوزي حبيبي حمودة )
بترجع حبل المودة بيناتنا وتنعنش حياتنا نعنشة لأني مليت من هالحياة المفشفشة
جبت ورقة وقلم وبلشت اعمل حساباتي ... وزعت المهام بالترتيب😎
بصراحة الموضوع بدو تكتيك واستراتيجة .. ما عم نلعب نحنا .. 😒
وقمت شلت ولادي التلاته الله يسلمهم ملائكة ملائكة ولا الهم صوت ولا حس 😇😇😇
ولا بعزبو ابداً ابداً سبحان الذي خلئهن .. ملائكة ملائكة .. اخدتهن لعند امي وزتيتلها ياهن
ما بعرف ليش بس شافتهم صارت تبكي !! ليش يا مامي هيك ؟
مو بقولو ما اعز من الولد إلا ولد الولد ؟
قالتلي الله لا يوفقك على هالخلفة انتي جايبه قرود مو ولاد🙊🙉🙈
كسرت بخاطري الله يسامحها😢 بس مو مهم 😀.. يعني انا ما عم افهم
ازا انكسرت رجلها الشهر الماضي لما حطيت اولادي عندها بكون الغلط من أولادي ؟😒
لأ يا مامي انتي عندك خطأ تربوي فادح .. انا ولادي ملائكة ملائكة .. 😌
المهم بعد ما ضليت ساعه ابوس رجليها وايديها اعطيتها مية ليرة لتقبل و تركتها عم تبكي و ولادي راكبين فوق كتافها
سبحان الذي خلئهن .. و رحت لعند سلفتيي منى
ضليت ساعه مسحلها جوخ .. بعدين طلبت منها الفستان الدهبي الي اشترتو لحفلة اخوها 👗👗
مشان البسو لزوزي حمودة .. الحيوانة قالت باعتو واعطتني فستان اسود من عصر ستي 👘👘
لا وشوووو ... هددتني ازا ما برجعو متل ماهو تدفعني حقو .. تف بس ... بسيطة 😕
نزلت عالسوق جبت شموع و ورد و شوكلاته ومكسرات والذي منو .. طبعاً لا تسألوني من اين لك هذا ومن وين تفجر نهر هالمصاري 💸💸💸💰💰
كسرت مطمورة اولادي الي الهن سنه بخبو فيها و لقيت فيها كتير مصاري مش عارفه من وين بس المهم طلعو مبلغ محرز.. بس ما رح يزعلو مني
ملائكة ملائكة سبحان الذي خلئهن ..
ورجعت عالبيت ... اجا حمودة من شغلو فات لينام وانا قمت لشوف شغلي 🎈🎊🎉🎋🎇🎁🎆
زينت البيت و حطيت الورد والشموع والاكلات الطيبه و عملتلو كيكة حلوة متلي
و عملتلو قلب حب بالورد وكتبتلو بديعة &حمودة
ولبست الفستان الأسود .. وطلع القالب غالب .. جبتلها هيبة الفستان لشم قرين 👻
و اخيراً .. صحي فارس احلامي .. صحي الجندي المغوار ... بطل الأبطال .. 💋💋
طلع لعندي و قعدنا سوا و هو مبهور من انجازي الخطير حبيت استغل الموقف لصالحي و اعترفلو بمصيبه
..
بديعة : حبيبي 🙈
حمودة : شو حياتي
بديعة : بدي اعترفلك بشي
حمودة : قولي كلي اذان صاغية 👂👂
بديعة : انا بعمري .. بعمري ها ما خبيت عنك شي
إلا مرة وحده .. وقت خلفت اياد نقطتني اختي خمس مية ليرة
بس صرفتهم ... و انت بتعرف انو انا وياها هلأ تخانقنا .. والطماعه بدها ارجعلها
الخمس مية .. ممكن تعطيني ياهن لزتهن بخلئتها ؟ 😿
حمودة : يا عمري انا عنجد خجلت من حالي .. ولازم اعترفلك بشي كمان .. شفتي مطمورة اولادنا ؟
انا كنت اخبي فيها كل شي بيزيد من راتبي لان كنت واثق انو هاد المكان ما رح يخطرلك
بس ما بعرف هاد الجو رجعني لايام الحب و بداية الزواج وحاس حالي ندمان لاني خبيت عنك
وهلأ قومي معي نفتحها .. بتاخدي الخمس مية بترميها لاختك وجوزها ابو كرش
والباقي منتفق شو بدنا نعمل فيه
😳😳😳😳😳
بصراحة .. بعمرك جربتي تكوني واقفة على الجلى الك اربع ساعات عم تجلي
و فجأة تقولي الحمدلله خلصت وتكوني بقمة سعادتك .. وفجأة تديري ضهرك وتكتشفي
انو في وراكي فوج آخر من الجلي ..؟ جربتي ؟
طيب جربتي تضلك اربع ساعات عم تزبطي الآي لاينر واخيراً يزبط وتيجي وحده بنت كلب تدفشك
وانتي عم تحطي اللمسات الآخيرة .. ويخرب كل شي ؟
لا ما هو انا اكتر من هيك صعب اشرحلك ...!!!
قام حمودة وانا مسكتو من بنطلونو .. من قميصو .. مش عارفه بالضبط بس مسكتو بكل طاقتي😭😭😭
حمودة : شبك؟ خليني روح جيبها واجي 😮
قلتلو بتعرف حبيبي ؟ يعني نحنا خوات .. والدم ما بصير مي وطلعنا ولا نزلنا منتصالح
خلص بلاها للخمس مية وانا بتفاهم مع اختي اصلا مو وقت هالحكي هلأ 😨😨
حمودة : لا حبيبتي ما عاش الي بدو يحط عليكي وحده هلا بعطيكي ست مية و بتروحي تعطيها ياه 😠😠
هو يمشي وانا ماسكه برجليه واسحب فيه واقلو والله ما بتقوم يا زلمه تعال مشتاقتلك
ولك تعال بدي قلك شي مهم
بحيات امك فريحة واختك ام ريحة و مرت اخوك الحرباية الصريحة تخلينا نتفاهم
يا محمد .. يا حمودة ...يا ابو حميد ... يا حيوان تعال ... 😭
حمودة : وين المطمورة ؟!
بديعة : ما هو شوف .. يعني خليني انا اشرحلك وصلي عالنبي
حمودة : شو بدك تشرحيلي ؟ المطمورة وين
؟ 😱😱
بديعة : ان شاء الله اموت ... ان شاء الله اتنتف ... الله يوخدني ازا كنت بعرف انو المصاري الك
