الحلقة الخامسة عشرة
#الملثم_بقلم_كنانة_غميان

#كنانة_غميان

أبو ماسة وهو بشغلوا بدو يطلع برات مكتبو لأن وقتو خلص وعم يلبس جاكيتو : رررررن .....ررررررن

ييي علينا مين هاد اللي عن يتصل هلأ ؟؟؟؟؟هفففف بدي أطلع والله تعبت مع هالشغلة ..كان يتصل ع جوالي ......(مد أيدو على جيبو )ييي مالو معي ...(صفررر)ووووووو يالطيف على هالنسوة ... ....رررررن ...ررررن .....يييي يلا أجيت رح رد

ألو .....ألو أهلين ...المخفر ؟!خير يا أخي .....يلا جاية جاية ....ماشي مسافة الطريق ......(سكر الخط)

خير ...شو بدهم مني ...يلا يارب بركي في خبر عن ماسة ....

ررررررن .....رررررن

يييي علينا ...مين كمان .: ألو ....اي أهلين أم فيفيان ....لك شبك ..ليش صوتك.مخنوق ؟خلص أنا جاية لعندك اهدي أنتي ... بس عندي مشوار للمخفر طالبيني هنيك ضروري ...ماشي لا مابتأخر ...مع السلامة

وطلع فاير دمو أبو ماسة من المكتب ..

وركب هالسيارة وبوجهه ع المخفر وهنيك فات وسلم ع الشرطي وكان في زلكة قاعد مواجهو ع الكرسي:

أبو ماسة السلام عليكم أنا أبوها للبنت ماسة اللي
الشرطي : أهلين فيك تفضل أكيد عرفتك يا سيد .....بدي عرفك هالشخص اللي أجانا بخبر كتير يمكن يكون حلو عليك ..ويمكن لأ ...تفضل يا زلمة أحكيلوا لأبو ماسة شو صار معك بالتفصيل
الرجل: ..أنا يا أخي صاحب سيارة عادية كنت بزيارة سفر ..مدت بنت بدها توصيلة لقلب المدينة .

اي ؟؟؟

يا أخي طلبت مني جوالي تحكي منو .....وبس لما كانت عم تحكي ....كانت عم تصرخ وتبكي ...وبعدين طلبت مني وقف ..وهي ردت رجعت وركضت لمطرح ما شفتها ...وكأنها فاتت بالغابة لأن ماعاد شفتها بنوب ..عدا عن الدنيا صارت تبلش نص ليل

طب وليش عم تحاكيني إلي هالحكي ..بركي مو بنتي ؟

عفوا ليش هي اللي بالجريدة مو بنتك

امبلى

اي هي البنت هي اللي طلعت معي بالسيارة

ماعم صدق ...معقول

والله اللي صار معي حكيتلكم ياه ...

طب ممكن تورجيني الرقم اللي اتصلت منو من على جوالك

اي أكيد ....تفضل

أوف ...هاد رقمي

الحمدلله يعني كلامي مظبوط ..

اي مظبوط ...بس مين رد عليها؟؟؟؟.....وجوالي أنا نستو عند ......ولي ..ولي ..ولي ما يكون اللي ببالي صار .....عن أذنكم ضروري روح مشوار ضروري ....(طلع مصاري من جيبتو)تفضل هدول وشكرا كتير ...وياريت ياحضرة الشرطي على طول تخبرني بكل شي بيصير منشان بنتي ...بخاطركم

الشرطي : ماشي .....الله معك...وأنت صار فيك تمشي ..بس بدنا ناخد رقمك وعنوانك لو سمحت .....

الرجل : حاضر مافي مشكلة

ركض أبو ماسة بسيارتو لعند.بيت أم فيفيان فتحتلوا وهي عم بوجهها البؤس الكبير : أم فيفيان ...وين جوالي

ليكو ...خدوا ...

شبكي ..ماتخليني فوت لجوا

آسفة مافيني يا أبو ماسة

لك خليني فوت سقعت من بردي ...خلينا نحكي كلمتين عاوزك فيهم ضروري بس

أم فيفيان بحزم ولؤم وقوة : احكي من هون عم بسمعك

لك شو صايرلك ؟؟؟بعدين هالجوال تبعي وينو ؟؟؟رن ماهيك

ماهيك

وكانت ماسة ع الخط صح

اي نعم ....بنتك المرباية كانت ع الخط وبهدلتني أنا وبنتي..كاخلت علينا ستر مغطى .....ولهيك من هلأ لبعدها ياريت ما تقرب عتبة باب بيتي ...روح حلل مشاكلك بينك وبين مرتك حاجتك شنططة .....كللو كووم وأنو ينحكي بكرامتي كوم تاني

لك ليش شو صار ..شو اللي انحكي ؟

بنتك يا محترم لما حاكتني انصدمت من اللي رد عليها ....وعرفت مين أنا ..

طيب وبعدين ؟

شو بعدين .(صرخت بوجهه).ماخلتني احكي ولا أشرح شي من اللي بدي قولوا ....اتهمتني بالخيانة وإني عم حوص عليك ومن هالحكي اللي مالو داعي ..لك حتى فيفيان ما سلمت من لسانها هالبن

لا تنسي إمها بنتي ...وبعدين : هلأ بدك تعتبي على بنت مراهقة ؟!

الحلقة السابعة عشرة والأخيرة

#الملثم_بقلم_كنانة_غميان

#كنانة_غميان

رائد : بتعرفي أنو هالشخص اللي قدامك وعم تحتمي فيه على أساس وعامل حالو شهم هو السبب بحياتك البائسة

شو ؟؟شو قصدك رائد ..!!..اطلعت بأيمن اللي هرروا دموعوا وعم يكز ع سنانو معصب كتير حاسس بأديه مربطين قدام رائد قرب يهجم عليه ...بس أجت السكينة قريب من رقية ماسة اللي ماسكها بهلول وسعيد: إذا بتقرب خطوة وحدة ...رح أقتلها بأرضها ....

تركها يا جبان تركها بحالها

مابقدر هالشغلات بدمي يا أخي ...بحب شوف تعذيب البشر بعيوني ...ههههههه مابعرف ليش ......قرب وغمز سعيد ..مسك رائد أيد ماسة بدال سعيد ..وراح قريب لورا الشجرة القريبة ....جاب حبلة وأجى بسرعة واطلع برائد

ماسة : شو بدك تعمل لسى ؟؟؟،

هههه لسى مابلشت ...اطلع بأيمن : خود هالحبل وشدو على أديك ...

مابدي .....ومارح أعمل هيك فهمت ولا مافهمت

لا بدك تفهم ..لأن إذا ما ربطت حالك رح أجرحها مت رقبتها وخليها تموت قدامك ....فقرر بسرعة ..الوقت عم يمر مو لصالحك

خاف أيمن على ماسة اللي عم تفرك فرك بدها تطلع من هون
أيمن: طيب ماشي ....مسك أيمن الحبلة وشد أديه ....وقرب سعيد بطلب من رائد وشد عليه أديه ورجليه ....

هههههه يا عيني شو منظرك حلو صار هههه

(يخربيتك شو جبان)

ماسة: خلص تركنا نروح بحال سبيلنا شو بدك لسى ....

بدي احكيللك اللي ماحكالك ياها هالملثم ..اللي عامل حالو نضيف

لك شو عامل ...شو مساوي ....؟؟؟؟لك أحكو بقى ..شو بدو يكون عامل ....شو بدو يحكيلي

ههههه مو معقول ماحكالك ؟؟معقول ...فكرت حكالك كل قصصوا الظريفة اللي عملناها سوا ....(اطلع بأيمن)شو يا أستاذ ما حكيتلها يا أبو ضمير حي وصاحي

ماسة بقوة: إمبلا ..حكالي ..حكالي فصولكم الناقصة ..وهو ندمان

ندمان !!!ههههههه واضح الندم عليه ...لكن ليش هو هون ...لأنو ندمان .....ندمان على شغلات كتير (صار يخوص وبايدو هالسكينة حولين أيمن)ومنها ندموا ع التلفونات الفزيعة اللي كنا نعملها شكلك ..نسيت هداك التلفون ..اللي حكيت فيه مع ولد صغير ..وحكالك عن المرا اللي جوا ..وشو كانت لابسة ...

ماسة متفاجأة: عن شو عم تحكي ؟؟؟.شو سيد جمال؟؟؟عفوا أيمن ....شايفك ساكت !ما تحكيلها عن تلفونك التاني وحكيك عن اللي صار واللي رد عليك هو أبوها لماسة .....

ماسة أجتها الصدمة : شوووو ...شووووو ....شو عم تحكي ....أبي !!!!؟؟؟

اي يا ست ماسة ...أبوكي ..عيلتك واللي سبب انفصالها هو اللزلمة اللي قدامك

دموعها بالويل ماسة عم تطلع بأيمن: أيمن قللي كذب ...قللي هالحكي ماصار...لاتقلي أنو هاد أنت .....

أيمن أطلع فيها بهداك الوجه اللي مليان حسرة وعيونوا صارت بالأرض: ..اي أنا ...

أنت؟؟كيف هيك ..كنت عم تضحك عليي وأنا عندك كل هالفترة ...معقول؟؟؟

لا ..ماكنت عم بضحك عليكي أبدا ...أصلا ما كنت بعرف أنو أنتي لحد هديك اللحظة ......

إيمتى؟؟؟

وقت اللي كنتي عم تتزلجي وذكرتي أسم أبوكي فراس ...عرفت من ساعتها أنو هي أنتي ...بنت ابن الشخص اللي خربنا بيتو

ماسة عم تبكي : لهمك كان بدك تخلص مني وترجعني لبيت أهلي بسرعة اليوم ...ماهيك ؟؟؟

أيمن سكت ماعاد يعرف كيف بدو يطلع فيها ....بس فجأة أندار أيمن على رائد اللي كان عم يبتسم بمكر كبير : أنت سبب البلا ...أنت اللي كان بدك هيك يصير ......لأنك أنت اللي جبتلي الرقم وقتها منشان نعمل المقلب بهل العيلة ......احكي يا ثعلب
رائد: ههههههه كلام جمال مظبوط ....

اطلعت ماسة فيه: يخربيتك ...الله لايوفقك ....لك ليش هيك عم تعلق الناس ببعضها ليش ...لك شو هدفك ...لك شو بدك

أيمن حكى بصوت شبه هادي : لأنو هو تربى على هالشي ...أخدو من جوز أمو

سكوت أنت مادخلك

هاه؟؟كيف مادخلني وأنت أكبر حقود عرفتو بحياتي ...كنت شوف عليك حركات الغدر بس مو ببالي تعمل هيك حتى بأقرب الناس لألك ....لك ليش هيك عملت ...شو عملنالك يارائد ..يامريض ...أنت المشفى المجانيني قليل عليك

قرب منو وبأيدو هالسكينة: صدقني إذا ما بتسكت وبتعتذر لأقتلك بأرضك .....وروحك هيك متل شربة المي ...أصلا الدنيا كلها عرفت أنك ميت ..وإذاقتلتلك لا مين شاف ولا مين دري .......

قتلني إذا هالشي بيريحك مو فارقة معي ...يلا شو عم تستنى ...!!!

أتدايق رائد من شجاعتو البايخة اللي رح تفرجيه أنو هو بطل بنظر الموجودين ......انسمم ورفع هالسكينة بوجهه ....وصرخت

لاااااا ...لا تقتلوا ....شو بدك يا رائد .....شو بدك فيه .....تركو وحاكيني إلي

رائد وقف واطلع فيها: نعم !!!شو بدك

حسابك معي أنا...أنت مو بدك ياني ....!!!مو بدك ماسة

هدي رائد ..وقرب لعندها بصدمة من أيمن: لك شو عم تعملي يا مجنونة

ماسة: خلص تروك أيمن يا رائد ....أنا جاية معك وين مابدك ... .

أيمن صرخ : ومين قللك أني برضى بالشي اللي عم تعمليه ؟؟؟

رائد: شششش سكوت أنت مابدي أسسمع صوتك ...فهمت ولاااا ....المهم أخيرا فهمت هالحلوة لحالها

اي طبعا فهمت ...بس بعدين وصلتي لعند أهلي ..ماب

الحلقة الثالثة عشرة

#الملثم_بقلم_كنانة_غميان

#كنانة_غميان

فيفيان : اي عمو احكيلنا

الرجل : يا بنتي ..من فترة 3 سنين كان ابني سارية ورائد وجمال وبهلول وسعيد رفقات كتير ...على طول بيروحوا وبيرجعوا مع بعض حتى برحلاتهم ...كان رفقة هالمدرسة كبرت معهم ..لحد ما صاروا شباب ......وبيوم من أيام الصيف قرروا يروحوا يعملوا تخييم بالغابة الشرقية .....يومها سارية كان مصر يروح وأنا قلبي قابضني (غص)كتير ...مابدي ياه يروح بس كسر كلمتي وراح (يبكي)

وبعدين يا أخي شو صار

اللي صار انهم خيموا الشباب هنيك ...بس مابعرف شو صار معهم بالضبط ...لأن ..لأن (هرروا دموعوا كتير مدري شو صرلوا)

طول بالك ياعم ..لا حول ولاقوة إلا بالله

اللي صار يومها المسا ...مارجعوا الشباب متل ماكان متوقع بنوب ....نادولي حتى روح المشفى لهنيك بنص الليل وقلبي عم يفور ويهمد على ابني وحيدي سارية ..

أوف ...ليه شوفي بالمشفى

مابعرف بس فتت لجوا ....طلع اللي بالغرفة هربان ...مدري لوين .....

هربان

اي وبعدين ؟؟؟

حاكيت رائد شو اللي صار معهم ..قللي هجم عليهم دب بعز نومتهم ...هنن ركضوا ركض هو وبهلول وسعيد ...تاركين وراهم بالخيمة سارية وجمال رجعوا بعد شوي لعندهم ولقوا رفيقهم تعبان كتير والدم عم يكب منو ....وركضوا فيه ع المشفى ...أما ابني ...(يبكي ويبكي)

شبو عمووو؟؟؟؟

ماعاد بين بنوب ....على قولتهم .....فكرتوا هو اللي بالمشفى ...بس اللي بالمشفى هرب ...ماعرفتو ابني ولا لأ ....بس

بس شو ؟؟؟؟

بعد كم يوم من الحادثة ...وصلني طرد

طرد؟

اي ...فتحتو وشفت فيه هديك الشوفة ..راس ابني بقلب الطر د ومعو ورقة ...مكتوب فيها ....سامحني ياعمو ماقدرت أحمي رفيقي الروح بالروح سارية ...لقيت عظامو اللي بالغابة وبعتلك الراس اللي لقيتو ...متشلن تعمل عزا يليق بمقام رفيقي...بعتذر منك لأن مارح أقدر أجي ......وياريت تسامحني ويسامحني سارية بقبروا .....

خليل: بس؟؟؟؟

بس ....

معك الرسالة

اي ليكها ...محتفظ فيها من هداك الوقت ...تفضل هي هيه

ومين اللي بعت الطرد وهالرسالة

مابعرف مين ....

طيب وجمال اللي معكم بالشلة وين راح ؟؟؟

مابعرف ..بس اللي فهمتو يمكن هو اللي كان بالمشفى ليلتها ....ومدري ليش هرب ...

ممم طيب ....ممكن تعطينا اسم المشفى

اي أكيد .....(كتب على ورقة اسم المشفى)..تفضل هي أسمها

شكرا كتير إلك ...وآسف كتير ع الشي اللي حكيناه ..والله يرحم ابنك سارية ...بخاطرك عمو

لا ولا يهمك يا ابني .....الله يرحمنا جميع مع السلامة ....

طلع خليل مع فيفيان من هنيك شبه مصدومين
خليل : لاحول ولا قوة إلا بالله ...شو هالقصة هي ؟؟؟

فيفيان: مابعرف .....أما هي شغلة ....أكيد بدك تروح ع المشفى هلأ

اي والله بدي روح وأفهم شي

بس القصة صرلك 3 سنين كيف بدك تعرف شي

إلاما أمسك طرف الخيط .....طلعي بالسيارة خلينا نكمل مشوارنا رح يصير الليل .....

وطلعوا بهل السيارة

أما عند أبو ماسة ....دق الباب على بيت أم فيفيان وفات لعندها ...
كيف يا أم فيفيان
منيحة ...بس انت شكلك مو منيح بنوب؟؟؟شو صاير معك ..شكلك حاكيتها لأم ماسة؟؟؟ماهيك

اي والله ...حاكيتها بس ...(رن الجوال ) ألو أهلا ...اي .

الحلقة الرابعة عشرة
#الملثم_بقلم_كنانة_غميان

#كنانة_غميان

وصل خليل وفيفيان للمشفى .....ونزلوا من السيارة وفاتو عليها من البوابة ...وشافوا عند أول المدخل ممرضات مساعدة ورا الاستعلامات

خليل: مرحبا يا آنسة
الممرضة: أهلين أستاذ كيف فيني ساعدك
خليل : لو سمحتي بدي أسألك عن أطباء مختصين ومهمين بهل المشفى كانو هون لمدة فوق ال خمس سنين لأن بدي أفتح مشفى وبيهمني يكونوا بمواصفات منيحة وياريت تقوليلي عن كل المتخصصين بكل المجالات
فيفيان تفاجأت بخليل بهل الكلام اللي حكاه ...ماتوقعت منو هيك حجة

الممرضة: ليش حضرتك دكتور ؟؟؟؟

لا أنا مستثمر وبدي أعمل مشفى حديث وبيهمني يكون فيه كادر من الأطباء والممرضين كمان من خبرات طويلة وعالية
الممرضة : حلو كتير ....بس يا ريت ما تنساني أنا صرلي هون قريب الخمس سنين
خليل: اي منيح كتير .....وبدي تخبريني عن أهم الحوادث اللي صارت وعملوها الدكاترة كمان لو سمحتي .....
الممرضة : على عيني أستاذ بتحب أكتبلك الأسماء على ورقة
اي والله ياريت مع أسماء الحوادث متل ماقلتلك خاصة اللي صايرة غريبة ..وإذا شي مأثر فيكي ياريت تحكيلي ياه ....

الممرضة عم تكتب : هي اسم دكتور جراح كتير مهم صرلوا معنا هون قريب 10 سنين
وهاد أسم دكتور مهم وبيفيدك بكل الأعراض البولية صرلوا عنا قريب ال 4 سنين
وهاد اسم دكتور تجميلي عنا كمان كتير شغلو حلو وظابط......اي صح تذكرت صار معو قصة كتير فظيعة

ممكن تحكيلي ياها

من شي (صفنت)...مابذكر من كم سنة بس اللي بعرفوا أنو المريض طلع من المشفى يومها هبكزعلى غفلة
خليل مندمج: ممكن تشرحيلي أكتير
الممرضة: اللي بذكروا أجتنا حالة للدكتور وكانت خطرة ....عملية تجميلية ...كان يمكن وقتها شب أسعفوه من مكان بعيد بس بالضبط مابعرف منين .....المهم الحالة كانت كتير خطرة وتحدي لطبيب ....ليكو ليكو (شارت للمرض)تعال لو سمحت
خير شو بدك مني؟
لو سمحت بتذكر شو قصة هداك الشب اللي هرب ....؟؟؟
قصدك هداك الشب اللي ....
هو بعينو ....ليش هرب وقتها خاف من العملية شي ؟؟؟
دقر الممرض شوي : هو بصراحة هرب من حكينا نحنا الممرضين
خليل: عفوا بس ممكن تشرحلي شو قصدك ؟؟
قصدي وقتها كنت أنا وزميلي عم نحكي عن عملية واحد ...عمليتو مستحيلة ومافي منها أمل ....وكنا قاعدين بقلب غرفتو عم نراقب ....فبعظ ما طلعنا بحالة أسعاف مستعجلة من عندو .....بعد شوي مالقيناه بالغرفة ...طلع هربان من المشفى ...بذكر وقتها كان وقت بعد نص ليل ..يعني تسلل وراح

يعني هو كان سامع حديثكم وهو على أساس نايم

لا على أساس كان مبنج ...مو ببالنا يصير عيك ...أغلب التفكير أنو راح مفكر الحمي عليه ...

طب وين أهلو؟؟؟؟

أهلو يا حرام ماهلوا مكان مادوروا فيه عليه ......يعني الزلمة من بعدها حسب مافهمنا مات ..أو ع الأغلب اختفى

ممممم لو سمحتي يا ممرضة تكتبيلي رقم الطبيب التجميلي ....

اي على عيني أستاذ ..هي رقمو سجلتلك ياه جنب اسمو .....لوين رايح أستاذ ؟؟؟مابدك تاخد باقي الأسماء الدكاترة اللي عنا ؟

امبلى بس عندي موعد مهم ...برجع وشكرا كتير لتعاونك معي ...يا مشي فيفيان

أهلا وسهلا فيك ...مع السلامة

طلعت فيفيان بهل السيارة مصدومة واطلعت بخليل: يعني مين هالشخص اللي هرب من المشفى هيك ...

مابعرف بس يمكن عرفتو ....بتعرفي شو أكبر غلط ينحمي أي شي قدام المرضى ...حاكم الحالة النفسية بهيك حكي بيلعب دور كبير

صح معك حق ......وهلأ شو ؟؟؟صارت الدنيا ليل ورح أتأخر عن البيت

مارح أخرك آخر مشوار رح نروحوا هلأ .....لعند الدكتور التجميلي ...هالزلمة بعرف وين عيادتو مالها بعيدة من هون

طيب ماشي ....أمري لله ...تفضل ...يارب نصل لماسة بعد كل هالتعب

ومن سيارة التكسي :
ماسة : ألو.....مين معي
أم فيفيان: أهلا يا بنتي انتي مين بدك
ماسة : بدي أبو ماسة لو سمحتي
أم فيفيان: أبو ماسة نسيان موبايلو والله عندي لهيك مافيني وصلك فيه
(هالصوت مو غريب عليي)ممكن أعرف مين حضرتك صوتك قريب عليي وماعم بعرف مين
هههه وأنا كأني بعرف صوتك .....مو... لحظة أنتي ماسة ؟
اي أنا ماسة .....بس مين حضرتك وشو عرفك بأسمي
أنا أمها لفيفيان .....لك وينك ياماسة شغلتي بالنا عليكي
ماسة مصدومة: أمها لفيفيان؟؟؟؟خالة أم فيفيان....هادا أنتي ؟؟؟؟شو جاب موبايل أبي لعندك ؟؟؟؟
أم فيفيان تلبك وتاهت بعيونها نو عرفانة وين بدها تروح بحالة (ولييي شو حكيت أنا )هو ..يعني
هو شو يا خالة ؟؟؟؟شووووو .. شو جاب موبايلوا لعندك ......؟؟؟؟مستحيل ...لتكوني
لا لا يا بنتي مو هيك القصة بنوب
لكن شو إلها تفسير غير هيك ......كيف هيك بتعملوا فيني ....كيف بتعمل فيفيان معي ...أغز رفيقة طلعت وحدة حية من تحت التبن
ماسة يا حبيبتي ليش مابدك تسمعي!
ماسة عم تصرخ ماعاد سمعت حدا: شو بدك مني أسمع ...استنيتو حتى اطلقت أمي ومو بعيدة تكوني أنتي السبب ...ولهيك أبي مغير رقمو ومو طايق أمي طلع كللو منك ومن بنتك .....بس شو بدها تخلف الحية غير حية صغيرة

الحلقة السادسة

#الملثم_بقلم_كنانة_غميان

#كنانة_غميان

وتاني يوم الصبح

بلشت تفيق أمها لماسة .....ولقت أخوهاخليل جنبها : صباح الخير أختي كيفك اليوم

غم تحاول تقوم وهو عم يسندها: منيحة بس طمني في أخبار عن ماسة ......ماتحكي ليش هيك ساكت خليل ..منشان الله قول أي شي

شو بدك مني قول ؟

اي شي ..أي شي ....بس هديلي بالي ....

طولي بالك يا أختي ...من شوي بس لهديت كنت بالمخفر عم قدم بلاغ منشان ماسة وليكني هلأ قدامك...

يعني ؟؟؟مافي ولا خبر؟

لا والله لسى بس إن شاء الله رح خبرك بأي شي جديد بيصير معي .....بس ماقلتيلي كيف دري طليقك بالخبر؟؟؟؟

مابعرف ...رح انجلط ...كيف عرف قبلي

ممممم إلاما أعرف .....يلا بدك شي ؟

لوين رايح وتاركني؟؟؟

عندي موعد كتير مهم..دعيلي بس الله يسرلي أموري ...وأنتي ديري بالك على حالك وخلي الجوال قدامك أي شي جديد بيصير معي بقلك عليه ..

طيب ماشي ..لا تتأخر عليي قلبي على نار

لا ولا يهمك ...يلا بخاطرك .....باي

الله معك (تبكي)
طلع الخال خليل لهنيك لعند موعدوا ركض .....ركب هالسيارة وراح بس عقلوا عم يفكر بكتير شغلات

قامت فيفيان من نومها ع الساعة تسعة ونص وأخدت أذن وموافقة من أمها منشان تروح وتحكي مع السيد خليل بالمطعم منشان ماسة اللي لهلأ مافي عنها أي خبر ......
راحت ماسة تحت هالمطر آخدة شمسيتها معها .....وفاتت ركض لجوا وحطت الشمسية اللي عم تهر مي على جنب ......اطلعت ولقت الخال خليل جوا عم يستناها علىةنفس الطاولة اللي كانو عليها آخر مرة من يومين .....

قربت خايفة بس حطت بعيونها القوة...وقعدت مواجهو : أهلا سيد خليل

أهلا فيكي فيفيان ....

.في شي أخبار عن ماسة ؟؟؟

لا والله لسى مافي شي ...بس أنتي بتعرفي شي ومالك مخبرتيني عليه ؟؟؟

لا ياسيد خليل ...متل شو

تذكري بترجاكي ...كان شي إلها علاقة هيك ولا هيك .....

صفنت وتألمت من جوا فيفيان ...

احكي لوسمحتي .يمكن ننقذها يا فيفيان .....

الحلقة السابعة

#الملثم_بقلم_كنانة_غميان

#كنانة_غميان

وصلت فيفيان والخال خليل لبيت رائد ......

خليل من سيارة التكسي قاعد قدام : هاد هو البيت ؟؟؟؟

فيفيان وراه : يمكن ...

نزل رائد وفيفيان من التكسي وحاسبوه ومشيوا لناح الباب ....وطن الجرس تحت هالمطر اللي عم يزخ زخ ....

وفتحت الباب وحدة ست مبين عليها الأكابرية كتير :
خليل: مرحبا يا خالة

الست: أهلا وسهلا .....خير يا عيني

لو سمحتي بدي أحكي مع رائد ...تناديلي ياه؟

مين رائد ؟؟؟(اطلع الخال بفيفيان مستغرب وهي بادلتو نفس النظرة )والإستغراب الأكبر من صاحبة البيت

خليل: رائد ..!!!!...دلونا هون بيتو .

آه . اي فهمت عليك مين ..قصدك رائد ....أنت واحد من كتير أشخاص بتخربطوا ببيتو مابعرف ليش

ليش مو هون بيتو ؟؟؟

لا والله ....بيتو بالزقاق اللي قريب من هون

انصدم خليل: قصدك الحي الفقير !!!!

تمام ..هنيك ....فيفيان حطت أيدها على تمها من المفاجأة

خليل: ممممم طيب ماتواخذينا ع الإزعاج

بسيطة يا ابني بتصير

طلع هو وياها لفيفيان عم يحاكوا بعضهم بالعيون مستغربين ...يعني هو مو ساكن بالأحياء العريقة متل ماكان مدعي ...؟؟؟؟؟

فيفيان عمزتمشي مع خليل لزقاق الحي القديم
خليل : شبكي فيفيان
مصدومة والله
ليش؟؟
لأن خو ادعى شي ونحنا هلأ فهمنا شي
معك حق بس شكلوا هيك بيطبق البنات
شو قصدك
قصدي مفكر البنات بتركض ع الجخ وهيك
بس ماسة مو من هالنوعية حتى يفكر يلحقها بهل الطريقة
صح ...بس ماتنسي ماسة وضع عيلتها ...وطريقة تفكيرها البريء لهيك مفكرها لقمة سهلة
والحل هلأ ؟؟؟؟كيف بدنا نتأكد يا سيد خليل ؟
مابعرف بلش يفور دمي
المصيبة يا سيد خليل إني شفتو بسيارة مكشوفة وفخمة
أوف ؟كمان
اي والله ....حتى ماسة راحت ركبت معو ورجعت
ممممم هيك لكن ...ركبت معو وبسياؤة مكشوفة وماقلتيلي
فيفيان خافت وسكتت
أخ منك ...قلتلك خبريني أول بأول بس أنتي .......لك شو بدي قول .....الحمدلله أحسن الشي ....وليكنا ..هي وصنا للحارة ديري بالك من الأرض كلها مي وساء
فيفيان: اي والله كأنو طايقة الأرنة هون..

منظر الحرة مو كتير بيبشر بالخير المزاريب شغالة والناس كلها بين معترة والفقيرة ...بين طرقات وبيوت مكسرة ....واللي مشعل تنكات يتدفى عليها .....وبعد سؤال وجواب كتير بين هالعالم ...وصلوا للبيت أخير ....ودقوا الباب وانفتح بصوت أزيز ....وطلع شخص مو مبين عليه الأكابرية بنوب دقنو طويلة وبأيدو السيجارة شكلو طالع وهنن داقين هلأ : نعم ..مين الأساتذة شو بدكم خير ؟؟؟

خليل: عفوا ...بس مو هون بيت رائد ؟؟؟

اي هون ...لحظة شوي ...(صرخ)يا مرااااااا تعي شوفي أجاكي طلب من ابنك الصايع هههههه ...وانا لازم روح عن أذنكم .....
.راح هالزلمة تاركهم ع الباب وأجت مرا مبين تيب الأمومة الحارقة المرهقة على وجهها ولابسة مريول عم تنشف أديها ...فتحت الباب اللي ارتد بوجه خليل وفيفيان : أهلا وسهلا ياجماعة ماتواخذوا جوزي ..(معجوقة)....تفضلوا تفضلوا

فات رائد ومعو فيفيان لجوا بعيونكلها فضول ..البيت يادوب شامم ريحة الدفا من الشبابيك المشقوقة

تفضلوا تفضلوا قعدوا يا جماعة

الخال خليل قعد: آسف مارح آخد من وقتك كتير يا مدام ...

بسيطة ولا يهمك يا ابني قول شو بدك ؟

بس جايين نسأل عن رائد

رائد خير شبو؟؟؟عامل حادث شي؟؟؟ صاير معو شي ...؟؟

لا لا بس وينو حتى حاكيه

على علمي راح صرلوا يومين مع رفقاتو لبرات البلد يعملوا تخييم وهيك

تخييم ؟؟؟وبرات البلد بهيك جو ؟؟؟

والله هيك حكالي .....وماكذبتوا

طيب وين يعني ..؟؟؟

بالضبط مابعرف ...بس هيك قلي

وإيمتى بيرجع ؟؟؟

على علمي بعد كم يوم

إي وا خير ......كنت حابب أحكي مع أبوه كم كلمة

والله أبوه متوفي الله يرحمو

الله يرحموا ...يعني اللي طلع هلأ !!!!

هاد زوجي بس مو أبوه لرائد

ممممم

بس ما يكون راح ع الغابة الشرقية

ليش شبها الغابة الشرقية ياخالة

هنيك صار حادث كيير ....

شو هو احكيلي

من فترة 3 سنين ....راح رائد مع رفقاتو لهنيك على أساس يخيموا والدنيا كانت بجو صيفي

اي ؟

كل اللي بعرفوا أنو رفيقو سعيد وبهلول قدروا يطلعوا من هنيك ...اما التنين التانيات ضلت المعلومات عنهم مجهولة ...يعني لهلأ مابيعرفوا عنهم شي....

ليش وين راحوا

صارت قصة هنيك وماحدا بيعرف فيها غير رائد ورفقاتو ....

وأهالي النتين شو صار فيهم ...مادوروا عليهم

امبلا وخبروا الشرطة وفتشواعليهم هنيك بالغابة بس مالقو شي وسمكن تسكر الملف .....بس بالضبط القصة ما بعرفها ....

اوف ؟؟؟؟

فيفيان خافت وارتعبت كتير : طب يا خالة شو أسماء اللي ضاعوا ؟؟يعني اسم هالشخصين ..(؟؟؟؟؟؟)

وطلعوا

تنويه: القصة خيالية ...لكن أحداثها قد تحدث مع أحد منا ....ربما اختلطت المشاعر بها في كثير من الأماكن .. و في النهاية لابد لكل شخص منكم أن يجد طريقه في شخصية من تلك الشخصيات التي ستقرؤونها في القصة ...لكم حرية الخيال أحبتي ...نرجو أن تجدوا المتعة والفائدة والعبرة معا ...#كنانة_غميان

الحلقة الأولى

#الملثم_بقلم_كنانة_غميان

#كنانة_غميان

ملاحظة : أحداث القصة بوجود الموبلايات دون وجود الانترنيت فيها ....

فيفيان مروقة عم تتمشى : ههههههه يا الله شو الصباح حلو اليوم الجو عاطي بين غيم وشمس ...مرة غامق ومرة فاتح ......خاصة هلأ رح نروح ع المدرسة ونخلص امتحاناتنا النصفية ....مو هيك ماسة .... ماساااااا هييييي وينك ...وين صافنة ؟؟؟؟

*ماسة: آه...لا ولا شي ....
بشو عم تفكري ...احكيلي ...
*ماسة: ولا شي ... مافي شي فيفيان خلص
امبلى في وهلأ بدك تحكيلي ...مو دارسة للإمتحان يعني حتى هيك قلقانة؟؟؟
*.....لا ....مو كتير .....ما ع بالي أدرس
طب.ليش يا ماسة على علمي لا وراكي ولا قدامك ....
*كتير متدايقة يا فيفيان .....بدي أخلص من عيشتي وارتاح رح طق
يييي علينا لا تقلينا قصة أمك وأبوكي مرة تانية
*ليش في غيرها.....كلما بيتقابلوا بيتقاتلوا وبيكتر الحكي بيناتهم
طب ليش ؟؟؟
*أنتي بتعرفي : قصة رح يصرلها 3 سنين ....وأبي عم يتهم أمي بالخيانة وشو بيعرفني
فيفيان: طب وأمك؟؟؟
أمي مسكينة ظلمها بهل القصة ...وكل مرة بدو يجي يشوفني بعمل فيها قصة وسيرة أبي ......
فيفيان: ليكون لسعتوا بيحبها لأمك ؟؟؟
إي بيحبها كتير ولما بجتمع أنا وياه لحالنا بيحكيلي أديش زعلان على هالإنفصال اللي صار ....المشكلة ماعم يصدقهاوهي عم تحلف وتقيم وتحط بس مافي فائدة ....وأنا تعبت يا فيفيان ...والله تعبت ...ماحدا فهمان .عليي .....صرلي 3 سنين على مشاكل وما كانت تنحل ....وليكني رح صير بالجامعة وهنن على خناق ...ونق ...هفففففف شي بيطقق ياااا

فيفيان عم اطبطب على كتف ماسة: طولي بالك ...طولي بالك ...محلولة إن الله راد .....شو هالصوت ؟؟؟
(رن جوال ماسة)وشقرقت وطلعت ضحكتها على غفلة بعد ما كانت عبسانة وعم تطلع بالجوال
فيفيان عم تتمألس : شووووو شايفتك انبسطتي ...خير مين ع الجوال ....أكيد حبيب القلب

ششش سكتي فيفيان خليني أعرف أحكي : ألو ...أهلين رائد ...وأنا اشتقتلك كتير ...أي منيحة ......اي لابسة منيح لأن برد اليوم كتير ........شو قلي ....عنجد !!!!يااااااي إيمتى ....واو ...جد ...طيب (فيفيان متدايقة)....لا لا بروح .....اي بجهز حالي .....مين؟؟؟فيفيان ...اي بسألها ..طيب ماشي .....اي أكيد منحكي...يلا باي ...خلص رائد ...روح .هههه.باي(سكرت فرحانة ماسة وعم تكمل مشيها لقدام مبسوطة)
فيفيان: إي ..احكلي ...شو قللك الاستاذ رائد ؟؟؟وشو بدو

ههههه يا ستي عم يقلي بدو يروح مشوار هيك.برات البلد ...شغلة روحة رجعة ...تغيير جو ...سياحة يعني .....نعمل تخييم برا المنطقة ومنرد.منرجع

فيفيان قلبت شفتها مو عاجبها : برات البلد يعني ؟؟؟؟

إي يمكن

ياعيني أي ...وبعدين

شو بعدين ....منروح الصبح ومنرجع المسا....بنفس اليوم

شو منروح مين ومين ؟؟؟

أنا وياه وأنتي

ومين قاللك إني موافقة روح ......ويا مجنونة كيف بدك تروحي معو ؟؟على أي أساس مافي بينك وبينو أي رابط يا مجنونة

بيكفي منحب بعض شو بدك أحلى من هيك رابط ...وبعدين هو شايفني متدايقة من جو بيت أهلي...وحابب يغيري جو شو المشكلة ؟

هاه..وأنتي صدقتي أنو هيك رح يعملك بكل بساطة .....

ليش حتى ما صدقوا ....بعرفوا بيعمل المستحيل حتى انبسط هي مو أول مرة

لك ماسة هاد واحد استغلالي....كل مرة بياخد وبيعطي معك تلفونات ومن هالحكي بس هلأ شكلوا ناوي ع شغلات مالك فيها ....خاصة هو مالو قليل ورفقاتو زعران متلو ....صح سايرتك بصحبتو بالحكي التلفونات...بس لحد هون وبس

أنا مابسمحلك تدخلي بحياتي ...واللي بدي براسي بدي ساويه إن عجبك ولا ما عجبك

لك يا هبلة أنا عم بحكي لمصلحتك ...هو إنسان مو منيح ...شغل شغلات مو منيحة ....شو مصلحتو ياخدك مشوار هيك ؟؟؟؟ومن الباب لطاقة ...ماتفكري شوي ..شبك بنوب مسطلة ماسة؟؟؟

ماسة صرخت وعبست غضبانة:شو قصدك فيفيان احكي ؟؟؟

صرخت فيفيان: شو شايفتيني خايفة منك إذا صرختي !!!! سمعي شو رح احكي ....هو أكيد بدو شي شخصي منك لهيك بدو ياخدك ويمكن برات الطريق يعمل شغلات هيك وهيك ...فهمي بقى....

لا ما بتوقع هيك شي ...رائد مابيعملها أنا بعرفوا ...مستحيل أصلا ..

هففففف مجنونة ورح تروحي حالك ..تطصطفلي ..بس ...لا تقولي ماحدا نبهني ......لا تقولي فيفيان ما نصحتني...إي وااااا

لا مارح قول شي ....بس أنتي(تأتأت) لا تقولي شي قدام أمي اوك..

شوووو .......يعني ؟؟؟؟بدك تطلعي بدون ما تقوليليها ؟؟؟

لكن بدك ياني قلها ؟؟؟بعدين ما بتخليني روح إذا دريت

هاه ...وشو رح تقوليلها لكن

بكرة بتشوفي ....بلاقيلها حلل ....أسهل منها مافي

أخ منك يا ماسة ...ع

#الملثم_بقلم_كنانة_غميان

#كنانة_غميان

الكرسون: شو بتحبوا تطلبوا يا جماعة ..تفضلوا هي القائمة (مينيو)

فيفيان: لو سمحت بدي 3 بيتزا صغار ...و2 جبنة ووحدة زعتر

اطلع النادل بماسة: وأنا بيتزاية وحدة صغيرة مع 2 قشوان مع محمرة ..ووحدة زعتر

الكرسون عم يسجل : على عيني وغيروا ...تفضل أستاذ

الخال خليل : متل ما طلبوا الصبايا جبلي متل هون وهون (شار بأصبعتو ع البنات)طبعا مع ابريق شاي صميدعي الله يرضى عليك

حاضر أستاذ ....دقايق وبيصير الطلب عندكم .....وراح الكرسون

الخال خليل : شو عم تعملي هون يا ماسة فكرتك لازم تصيري بالبيت

الحق على فيفيان يا خالو مارضيت روح ع البيت قبل ما أفطر ...شو أعمل

اطلع خليل بفيفيان اللي احمرت واخضرت عم تعض على شفايفها منشان تسكت ماسة ...(ماسة حطت إيدها على تمها وبدها تضحك )
خليل لفيفيان: عنجد يا فيفيان ....شكرا كتير إلك لأن بدها ماسة ضروري تغيير جو ...مارح أنسى معروفك

ماتوقعت فيفيان هيك هكي فرفعت ظهرها شاددتو ونفخت حالها شوي: إي طبعا أستاذ خليل ....ولو نحنا منعجبك ...خاصة كرمال أختي وحبيبتي ماسة (انفلجت ماسة بردة فعل فيفيان ..رح تفقع من الضحك)

الخال خليل:المهم أنتي هون .....لأن عم تشغل بالنا هالماسة

ماسة شبه معصبة: خاااالوووو خلص مو ضروري تحكي هيك
الخال خليل: لا ضروري ...من وقت ما اطلق ابوكي وأمك وأنتي مالك منيحة ....بعدين أنتي بتقولي أن فيفيان رفيقتك وما بتخبي عليها شي صح ولا لأ

انشكلت عيونها فيفيان طلع الخال سمعان فيها عن طريق ماسة(لك شو حاكية عليي هالماسة بس مايكون شي بيسود الوجه)

ماسة : وإذا يا خالو.....ماعرفتك هيك خايف عليي لهدرجة أصلا .(قامت دفشت الطاولة )....بدي روح ع الحمام عن أذنكم شوي هلأ برجع

قومت ماسة الفجائية خلت خليل وفيفيان يتكهربواومن هالموقف ...استحت فيفيان تنترك لحالها هيك

الخال خليل اندار لعند فيفيان مستغل روحتها لماسة: لو سمحتي ..سمعيني يا فيفيان بعرف أنك ما بتعرفيني بس ماسة أمانة برقبتك وهي عم قلك وعم أمن عليكي من خلال حديث ماسة عنك

فيفيان متفاجئة من كلام خال ماسة: طول بالك يا سيد خليل مو لهدرجة

يا فيفيان ماسة مالها منيحة بنوب ...عم تعمل شغلات من ورا أمها ...وأمها من غير شي تعبانة كتير ....خاصة متل ما بتعرفي طلاقها من أبوها لماسة ......

طيب شو السبب الأساسي يا سيد خليل .....؟؟؟

القصة لهلأ مو مفهوم شو صاير بيناتهم ..كل اللي بعرفوا أنو أجى أبوها ع البيت فايت ياقاتل يا مقتول هداك اليوم ...ونزل فيها ضرب لأختي وهي مابتعرف ليش (تدايق وعص على أيدو بعصبية)....حتى مارضي يسمع ويتفاهم معها بنوب .

لاحول ولا قوة إلا بالله ..طيب واخوها الصغير شو صار فيه حمودة

حمودة وقتها عمروا 4 سنين وحرام ينترك بلا أم .

طيب ماشاف شي وماحكت شي وقتها يا س

#الملثم_بقلم_كنانة_غميان

#كنانة_غميان

يا ترى مين ورقم مين هاد؟؟؟؟
ألو .....ألو ...مين ؟؟؟ماتردوا؟؟؟؟شكلو تسكر الخط ...بس الرقم جديد مابعرفوا معقول يكون رائد ؟؟؟؟هفففف داق خلقي من هالقصة وبعدين ....
قعدت ماسة تتسلى تساوي أظافير أصطناعية فوق أظافيرها وتشتغل فيهم عم تتسلى ...ماكان يجيها نوم ...وبعد ما خلصت ....
بدي أحكي مع حدا ؟؟؟رح جرب اتصل بفيفيان ع بيتها بعرفها بتسهر هاصة هلأ بعد ما خلصنا امتحانات .....رفعت ماسة السماعة وحطتها على أدنها .....بدها تتصل بس صارت تسمع حكي .....:
سمعي مني خديه بهينيكي بحياتك ورح ينسيكي طليقك
عم قلك تركيني فكر يا عائشة ...شبكي دبقتيني فرد مرة ؟
يا حبيبتي أنا بدي مصلحتك أنا حاكيتلو عنك ....واليوم لما شافك بالحفلة طيرتيلو عقلو
عائشة خلص عم قلك فهمت
لا ما فهمتي ...انتي مطلقة صرلك 3 سنين ولأسباب مجهولة عن الخيانة اللي عم يدعيها طليقك ....شو عم تستني هي بنتك ماسة صارت صبية ...وهي ابنك بكرة بيكبر وبيدور ع مصلحتو (ماسة عم تسمع وبلش قلبها يخفق من الخوف)
خلص عائشة تركيني ....
شو يعني؟؟؟؟
خلص بف

الحلقة الرابعة

#الملثم_بقلم_كنانة_غميان

#كنانة_غميان

شعل رائد النار ....وبلش يطلع لونها الحلو مع هالجمرات بس هلكتو النار لشعلت مظبوط من الرط
وبة ......
قعد جنب النارعلى هالبطانية ..واطلع بماسة اللي عم تتأمل النار كيف عم تاكول بعضها .....
نادى بحنية: ماسة
اندارت عليه: نعم رائد
تعالي قعدي ...(طبطب بأيدو على البطانية أنو جنبو )
ماسة تلبكت: بقعد بس مواجهك رائد ....مو جنبك
رائد: طب ليش ...ليش هيك عم تعملي بيني وبينك حاجب وبواب
ماسة قربت أخدت البطانية اللي جنبو مستحية ...ومدتها مواجهو ... قعدت ضامة رجليها على بعض بوضع على الركب : لا يارائد ..مو هيك ...بس جد أنا مستحية منك
لا تستحي تعالي بقى لهون
خلص رائد لاتلح عليي كتير
يعني بدك ياني أنزعج وأتدايق ماهيك؟؟؟
لا ....بس
طيب خليكي على عقلك (قام )منحكي بعدين هلأ أنا جعت .....
لوين رايح رائد ؟؟
قام رائد لطبون السيارة وجاب سلة كبيرة ...وحطها قدامو ...وطلع سياخ منها فيها لحم وبصل ودهنة ...يعني جاهزة لشوي .وربطة خبز ومي ....ماسة قربت لعندو وهو عم يحطهم على النار : هات لساعدك .....
رائد قالب وجهه بعدين ابتسم ومد أيدو وعطاها تساعدو وهي فرحت .....بلش للشوي والدخنة الزرقا تطلع عم تعبي الأجواء .....ماسة فرحانة كتير ورائد عم يطلع فيها من تحت لتحت وهو عم يهوي هاللحمات ووهج الدفا مع ريحة الأكل كان كتير حلو ....أكلت هي وياه والفرحة معبية وجهها لماسة .....قرب يطعميها بأيدو ..فمسكت اللقمة من أيدو وأكلتها ....(اتدايق رائد من هالحركة ورح يجن ماعم تخليلوا ولا فرصة يقرب منها )..وهنن عم ياكلو أم رن جوال رائد رنة رسالة ...اطلع فيه ورجع ضبو وبين عليه تكركب وسكت
حست ماسة عليه: مين رائد شو أجاك بالرسالة (تاكول)
مافي شي حبيبتي ...رسالة من شركة الإتصالات بس
ماسة: مممم ....مسكت ماسة جوالها بدها تتصل ...بس طلعلها خارج نطاق التغطية !!!!
ماسةمستغربة: رائد ليش ماعم يتصل الجوال ...بدي أحكي تلفون ضروي
رائد: هون صعب تتصلي ..بس ممكن ترسلي رسالة لأن الإسال مرة بطئ مرة بيوقف ......(بعتت رسالة ماسة ع السريع )
وإذ شهقت ماسةوهي عم تطلع على أديها وارتعب رائد معها : لك شبك شبك ؟؟؟ليش هالشهقة ماسة رعبتيني ؟؟؟
ماسة: يا الله يارائد
رائد: شو شو ...احكي شبكي ؟؟؟
شوف أصابيعي ؟؟؟(وفردت أصابيعها قدامو)
مافهمت ..شبهم ؟؟؟آه ...هلأ فهمت ..اي بسيطة ....
ماسة: شلون بسيطة ...انتزع بريستيج أديي

ههههه إي بسيطة بسيطة الله أكبر المصايب ......هلأ شبعتي روحي؟؟

اي والله ...دايمة ...عنجد أطيب أكلة مشاوي بدوقها بخياتي

تقبريني ...المهم هلأ ...بدها كاسة شاي أكروك عجم ...(طلع من السلة ابريق شاي ....وعباه مي من القنينة اللي معو وحطوا على هالجمرات ...وبلش يضبضب بباقي الغراض وماسة عم تساعدو ...وبدون أي إحساس ...صار الوقت العصر .....والغيم عم يكوز أكتر بالسماء .....

ماسة بأيدها كاسة الشاي بعد ما أخدت شفة . : رائد....
عيون رائد
إيمتى بدنا نرجع ...كتير تأخر الوقت وأنا بلش يفور قلبي