وصلوا على بيتهن و تغدوا سوا... المسا كانت شهد عم اطعمي ملك.. شافت تيم عم يلبس و بده يطلع

#شهد : شو تيم... لوين؟؟
#تيم (عم يحكي من الغرفة و يرش عطر) : بدي اطلع مع جاد و الشباب... (طلع من غرفته و باسها على راسها) بدك شي ؟؟

#شهد : لا حبيبي بدي سلامتك... بس لا تتاخر
#تيم : بلشت امي... كله يوم بنجتمع فيه
#شهد (بسخرية) : ليكون مو عاجبك؟؟؟
#ملك : بابا بدي روح معك

#تيم : لا يا عمري ما فيك تروحي معي... بس اذا بتبقي مع ماما بجبلك سيد منفوش ههههه
#شهد : هههههه... و انا كمان بدي سيد منفوش
#تيم : انا عندي طفلتين لأنه... تكرموا ... سلااام

نزل تيم و كان جاد عم يستناه بالسيارة... مراد و علي قاعدين ورا

#جاد : وينك يازلمة... اكيد علقت مع بنتك و مرتك
#تيم : خلص انت التاني ... امشي بقى الزلمة عم يستنى... كيفكم شباب
#مراد : بدري هلا شفتنا... المهم مين الشخص اللي بدك تعرفنا عليه
#جاد : استنوا لنوصل

وصلوا على مقهى و قعدوا هنيك... بعد نص ساعة وصل الشخص.. وقف تيم

#تيم : بدي عرفكن على الشخص اللي بعتبره اخي... اسمه امجد
#علي و مراد (بصدمة) : امجد عاااااايش؟؟؟

#امجد (ابتسم) : الكل بيعرفني!!!!....هههههههه إي عايش..اقعدوا لفهمكن... قدرت اهرب من عند ادوارد و هو زوّر وفاتي مشان ما اقدر اتحرك براحتي و يمسكني... بس رحت عند الشرطة و لحسن حظي كان المحقق عماد هُنيك طلبت منه يساعدكن كلكن... بالأول قرر يساعدني خلاني سافر و كمل حياتي والحمد لله خلصت دراسة و هلا صار عندي شركة... و طبعا طول هالفترة كنت ساعد المحقق عماد و جبله معلومات و هالشي ما كان صعب علي بنوب بحكم اني دارس برمجة و بقدر اخترق مواقع... و بما إني شفت موقع ادوارد و بعرف كتير شغلات عنه قدرت وفر معلومات بتفيد عماد

#مراد (بدهشة) : برافو... و اكيد ما حدا بيعرف مشان سلامتك... بس ليش لهلا لتعرفنا؟
#جاد : لانه كان مسافر و مبارح وصل... اما تيم كان بيعرف انه عايش من بعد هروبنا الاول

#امجد : تيم صعب الاقناع .. و عماد رح يعاني معه كتير لهيك قررت اكشف إني عايش بس لتيم بلا ما يوقف بوجهنا ههههههه
#كلهن : ههههههههههه معك حق

#مراد : و جاد من متى بتعرف انه امجد عايش؟
#جاد : عرفت لما سافرت لعند تيم على اسطنبول... استقبلوني بالمطار
#علي : طيب وين أسير ليش ما اجى؟
#تيم : اليوم كان عنده عمليتين و تعبان كتير ما قدر يجي

بقيوا سهرانين مع بعض و عم يلعبوا شدّة..... بعد سفر تيم بسنة انتقل جاد عند تيم و اشتغل معه.... و أسير تابع دراسته و صار دكتور عيون... مراد و علي بعد ما طلعوا من السجن سافروا بمساعدة عماد عند رفقاتهن و اجتموا كلهن من جديد بصفحة جديدة و بدون اجرام

#النهاية

___________________________________
بغرفة صغيرة ما فيها الا طاولة بالوسط و كرسيين مقابل بعض.. تيم قاعد على واحد من الكراسي و مقابله شخص..
#مجهول : فيك تبلش هلا .. قلي كل شي
#تيم : بقي ساكت.. ايديه قدامه على الطاولة و راسه بالارض
#مجهول ( قام من محله و حط كرسيه بجنب كرسي تيم.. عم يحاول يهديه و يتجاوب معه) : لا تخاف انا معك حتى النهاية.. بس بدي اعرف قصتك بالاول .. قصتك كلها من اول ما وعيت على الدنيا
#تيم : هه من اول ما وعيت !!
#مجهول (اخد نفس) : طيب رح بلش انا ... (مسك ملف عن الطاولة و فتحه) الاسم: تيم.. العائلة: مجهولة.. اسم الاب و الام : مجهول... كنت بميتم عم يهتموا في...
#تيم (مسك راسه و صرخ) : اسكوووت... ما بدي اسمع شي
#مجهول(تابع كلامه) : ما قدرنا نوصل للميتم اللي كنت فيه... لهيك ما بنعرف قصتك... قلي انت شو قصتك لحتى ساعدك.. اذا ما قلت رح كفي كلامي ها!
#تيم (غمض عيونه و قرر يخبره) : طيب طيب رح قلك .. مع انه ما بيطع بايدك شي هه
#مجهول (ابتسم) : انت قلي و شوف شو بعمل..

((((((((قبل 15 سنة))))))))
كان عمري 6 سنوات.. ما بسمع غير اني شقي و ازعر بس ذكي .. كانوا الآنسات بالميتم عم يعانوا معي.. بقولوا شاق الارض و طالع منها.. بالميتم في مجموعات كل مجموعة الها آنسة مختلفة.. انا و جاد كنا بنفس الميتم بس كل واحد بمجموعة بلتقي فيه بالساحة .. وعيت على الدنيا و هي عيلتي امي هي الآنسة اما ابي ما كانوا يقولوا عنه شي .. بس الولاد كانوا يعتبروا المدير هو ابوهن.. و تقريبا كل شهر في ناس بزوروا الميتم و بيتبنوا ولاد و بياخدوهن ما بعرف وين بس المهم بيطلعوا

بيوم قررت انزل بالوقت اللي بياخدو الولاد فيه و دائما بكون بالليل.. نزلت شوي شوي على الدرج للطابق اللي فيه جاد دقيت على بابهن و اخدته معي ((طبعا كنا متفقين)) وصلنا لباب المدير .. شقينا الباب شوي كان في واحد طويل و ضخم و منظروا بخوف.. خفنا كتير و قررنا نرجع بس كان في حدا نازل على الدرج.. حط جاد ايده على تمي و اخدني تحت الدرج.. كانت آنسة مجموعتي نازلة و معها امجد .. لما شفته حاولت ابعد جاد و اركض لعنده بس عبث ما كان طالع بايدي شي..
#الانسة : اسماع ولا امجد.. عمرك صار 10 سنين و انت ما عاد تلزمنا هون .. لهيك رح ياخدك بابا جديد تسكن معهن
#امجد (بخوف) : بس يا انسة انا ما عملت شي و ما عم عزبك ...خليني معك و مع رفقاتي
#الانسة: اوووف يااا ... عم قلك ما..عاد..تلزمنا... شو ما بتفهم انت
#امجد (بيبكي) : بترجاكي انسة خليني هون.. ببوس ايدك.. الله يوفقك خليني هون

ما ردت عليه سحبته من معصمه و هو عم يبكي و خايف.. كنت مصدوم كتير من تصرفها .. هي كانت طيبة معنا و بتعاملنا منيح ليش هيك عملت مع امجد..
#جاد (بهمس) : ليش عم يبكي؟؟؟.. اكيد بيعرف شي.. ليش ما بدو يروح.. مع انه رح يصير مع عيلة و يحقق احلامه!!!!.. الله يكون معك يا امجد

((الستارة تُفتح لتكشف ويلات الماضي))
*يْـــتٌـــبّـــعُ.......*
〰️〰️〰️〰️〰️〰️〰️〰️〰️〰️〰️〰️

#قتل بعد از #تهدید
#کلیپ_مستند
@fotrosmediatv
@fotrosmediatv
#قوالی #قوالی_خوانی #هند #پاکستان #امجد #افراط #افراطی_گری #تروریسم #تروریست #ترور #شهید #سنی #سنت #شیعه #فطرس #فطرس_مدیا #صوفیه

دخلت الانسة على مكتب المدير و معها امجد.. قلت لجاد خلينا نلحقه بس هو كان خايف كتير و قلي انه رح نشوفهن من الباب .. وافقت و رحنا نشوفه كان واقف قدام الرجال الضخم عم يقلب فيه و يمسك وجهه كأنه بضاعة عم يفحص فيها .. جاد صار يبكي ما بعرف ليش و انا بقيت عم اتفرج عليهن
#الزلمة : منيح.. كتير منيح .. خلص رح اخده
#امجد ( عم يبكي و حكى بهمس) : بترجاكن لا .. ما بدي روح (( قربت الانسة منه و قرصت على ايده ))
#الزلمة : شو عم يقول؟؟؟
#الانسة (ابتسمت بخبث) : لا لا ما في شي.. هو حبك كتير
#الزلمة (ابتسم) : هههه إي إي و انا كمان حبيته... (وجّه الحكي للمدير) المهم هلا كم بدك فيه ؟
#المدير: 50.000 دولار
#الزلمة : اوف اوف .. لشو كل هاد
#المدير: الولد نخبة .. ما بزبط غير هيك

بقيوا عم يتفاوضوا على الولد مثل البضاعة.. جن جنونوا لجاد وقتها انا كنت شبه فاهم.. مسكني جاد من ايدي و طالعني فوق و خبرني ما قول لحدا .. و من يومها ما عاد شفنا امجد.. لما نسال عنه بقولوا راح لعند ابوه... كنت اعتبروا مثل أخي الكبير بعلمني كل شي و بنصحني شو أتصرف .. زعلت كتير عليه بقيت ثلاث أيام ما آكل شي... بعد اسبوعين الصبح صحيت و ما لقيت جاد سالت عنه و قالتلي آنسته انه راح على عيلة حلوة و راقية مشان يعيش معهن.. لما سمعت هيك صرت ابكي كتير

#الانسة : لك ليش عم تبكي.. (قرفصت قدامه) شبك.. خلص لا تزعل سنتين زمن بتلحقه
#تيم (صرخ بصوت عالي) : لااااااا ما بدي.. انتو كذابين عم تبيعونا
#الانسة (فتحت عيونها و هي مصدومة) : خرااس ولا.. من وين جبت هالحكي؟؟؟؟
#تيم (يشهق) : إي.. ا ا انا انا شفتهن عم يبيعوا امجد (رجع يبكي و يمسح دموعه)

لما سمعت شو قال عصبت و سحبته على غرفة.. قفلت الباب و تركته عم يبكي.. بعد نص ساعة دخل عنده المدير اللي على اساس حنون و طيب.. مسك بايده كرباج و بلش ضرب بتيم
#المدير : عم تتسمع علي ولاااا... عم تتدخل بشغلي؟؟؟ والله لفرجيك نجوم الظهر.. انت جنيت على حالك
#تيم (عم يبكي) : خلص ما بعيدها... بكفي بقى

صراخي و صوتي الطفولي ما شفعولي ابدا.. لهيك قررت وقف بكي لانه ما عاد ينفع.. من هداك الوقت ما شفت رفقاتي.. كل يوم ضرب و تعذيب و اكل خفيف.. تعبت كتير من الحياة كنت اتمنى موت.. الانسة الطيبة و المدير الحنون و رفقاتي و الحياة الهادية ما عاد شفتهن.. لسنتين كاملين و انا لحالي بالغرفة........ دخلت انستي و اخدتني معها.. اول ما طلعت غطيت عيوني مباشرة لانه غرفتي كانت شبه عتمة
#الانسة : سماع ولاا تيم.. هلا في رجال بدو يتبناك... اووعك تعمل شي غلط.. عم تفهم!!!
#تيم (ببرود) : قصدك تبيعوني!
#الانسة : خرااس ما بدي اسمع صوتك ... يلا انقبر فوت

دخلنا على غرفة المدير و لحسن حظي كان نفس الرجال اللي اخد امجد بس مو متاكد انو هو نفسه اللي اخد جاد... ابتسمت جواتي اما ملامحي باردة كأنه ما فيها حياة .. عمل نفس الشي.. اكيد عم يتفحص بضاعته

#الزلمة : اوووه هاد عينة نادرة... نظراته الحادة و بروده هو المطلوب بعدين مو خايف... و بنية جسمه قوية كأنه عم يتدرب... يا عيني يا عيني.. شو هاد يا ابو اياد
#المدير(ابو اياد): احم... بعجبك انا... بس هاد غالي ها
#الزلمة ( ما شال عينه عن تيم) : تكرم .. قد ما بدك.. بيستاهل
#المدير ( ابتسامة نصر ارتسمت على وجهه) : 200,000 دولار
#الزلمة (انصدم) : شووووو؟؟؟؟؟؟؟؟
#المدير : إي... ما في مجال للتفاوض.. على فكرة من شهرين اجاني سعر اعلى بس انا بخبيلك البضاعة النادرة
#الزلمة (سحب المدير من قميصه): عم تلعب معي ولااا... بدك تبيع لواحد تاني!!!!!
#المدير (بلع ريقه) : لا لا شبك.. عم قلك بخبيلك البضاعة النادرة... اما العتيقة بعطيها لغيرك.. بدنا نترزق
#الزلمة (تركه للمدير) : ماشي يا ابو اياد بنتحاسب.. هي 200,000 و رح أخد الولد
_____________________________________________________________
****بعد 4 ايام من هروبهم من السجن..في مكتب اللواء****

دخل الضابط و اعطى التحية
#الضابط سليم : احترامي سيدي.. عملنا كل اجراءات الهروب و ما عم نلاقيهن.. مشطنا المنطقة بفريق الكلاب البوليسية.. لقينا تياب شرطة على الارض قريبة من السجن.. بس اثرهم اختفى بظن انهم هربوا بالسيارة
#اللواء : سيارة!!! طيب و شو مشان الكاميرات؟؟
#الضابط : رجعنا لكميرات السجن .. واضح انهم خدروا الحراس بس ما بعرف من وين جابوا المخدر بظن انه في حدا عم يساعدهن.. و بعدها اختفى اثرهن عن الكاميرات مع انه في كاميرات مخفية ما بيقدروا يتجاوزوهم.. استعنت بمبرمج و اكتشف انه في جزء من التسجيلات محذوف

#اللواء (سند دقنه على ايده) :اكيد في حدا عم يساعدهن...سيارة... و سجلات الكاميرا المحذوفة.. (فكر شوي و قال) مين المحقق اللي تولى التحقيق مع المجرمين؟؟
#الضابط : تم التحقيق مع المجرم تيم فقط.. تاني يوم هربوا.. المحقق عماد هو اللي قام بعملية التحقيق
#اللواء : و مين هاد المحقق عماد؟؟؟؟