#قد_حان_قطافها..
#بقلم_جمايكا_احمد
#الجزءالرابع
الجزء الرابع..

عبود :- جبتلك في شي ناقصك

جنة :- لاء يسلمو شكرا

عبود :- تروحي نشرب شي دافي

جنة :- لا تعذب حالك

عبود :- انا ماكنت بعرف انو اخي ممكن هيك يتصرف سدقيني اتوقعت كل حقارتو بس ماتوقعت تصل لالك مابعرف ليش وافقتي عليه

جنة :- انا ماوافقت انا مابدي اتزوج كنت ومابعرف كنت اني رح اجي لهون مشان اتزوج

عبود :- طيب اقعدي هون لاجيب شي نشربوا ونكفي حديثنا..

((جو البرد والناس يلي ماشية والسيارات والزحمة كل شي كان امان بالنسبة لالي اكثر من وجودي بالسجن يلي كنت فيه قمت من مكاني ورحت بين الناس وما درت ضهري ابدا .. بلشت اسرع بخطواتي وبعد عن المكان.. كانت فرصة لالي مالازم اخسرها.. ماكنت بعرف لوين روح بس كانت افضل الف مرة مشيت طرقات بين الناس وفتت اماكن ما بعمري فتها.. كنت وقف عند كشك اكل واطلب الاكل لاني جوعانة.. كانت الناس تشفق عليه بس ماكان بايدي حيلة.. مرق الليل والنهار كلو والتعب صار اضعاف مضاعفة ماكان هونيك الا حديقة وهالحديقة مغلقة وماحد بفوتها الا عند الدفع نطرت لفاتو ناس وفتت معهن بدون ماحد ينتبه ومشي الليل.. كنت قاعدة بقالب لعبة اطفال كان مقفل شوي من المطر والبرد.. ماكان ساترني الا الجاكيت يلي ع جسمي وغفيت غفيت ونمت من كثر التعب لوقت فقت ع صوت الاطفال عم يحكو بينات بعضن.. نزلت من مكاني من اللعبة.. وصار هاد حالي كل يوم امشي وافتل بالشوارع بالنهار وبالليل فوت المكان اغفى فيه بدون ماحد يعرف عني شي..

وصار اليوم الثالث على التوالي..

من جيت فوت اللعبة لاغفى وقفني مالك الحديقة..

...مين انتي عم نراقبك بالكاميرا صرلنا فترة شو عم تعملي هون.

جنة :- الله يخليك والله ماعندي مكان وضايعة ومابعرف وين اهلي

.. اهلك من وين

جنة :- جينا لهون ع المدينة واختفوا نحنا جايين من برا البلد.. ضعت منهن ومالقيت اثر لالهن

... وماعندك قرايب هون

.جنة :-. لاء كانو اهلي جايين زيارة

... وين بتروحي بالنهار..

جنة :- عم دور ع شغل او مكان اعيش فيه ماعم لاقي..

.. لا حول ولا قوة الا بالله مانك خايفة من وحوش الشوارع

جنة :- الله الحامي

.. طيب اسمعي بشغلك هون وبتنامي جوا بالكافتريا. والصبح بتبلشي شغل تنضيف الحمامات ومسح الطاولات.. وعندك سلااات الحديقة جمعيها والورق اللي بالارض.. وكلي واشربي هون ونامي هون لعند ما الله يفرجهت عليكي انتي شو اسمك..

جنة :- اها منار

.. طيب انا ابو غالب مالك الحديقة.. قومي فوتي نامي بالكافتريا والصبح بلشي شغلك..

جنة :- الله يخليك والله ماعرفانة كيف اتشكرك

.ابو غالب :- لا حول ولا قوة الا بالله الله يعين الناس ع حالها..

( كان بالكافتريا في غرفة صغيرة فيها بضاعة و فيها سرير على شكل صوفايه .. صرت انام فيها صارت لالي بالليل وبالنهار اطلع اشتغل رتب ونضف وامسح واجلي وابيع بالكافتريا.. اموري كانت بخير وكنت شوف ناس واغير جو.. ماكان حد بيعرفني لهيك كنت مرتاحة.. ومرقت الايام والاسابيع كانت صحتي عم تتراجع ومابعرف شو بني..

ابو غالب :- منار

جنة :- اي عمو ابو غالب

ابو غالب :- صابرين مرتي ام غالب برا روحي بدها تحكي معك..

جنة :- اي حاضر..

ام غالب :- ( انتي منار..

جنة :_ اي

صابرين :- يا عمري والله صغيرة انتي

جنة :- الحمد لله

صابرين :- حكالي عنك ابو غالب وقلي قصتك وحبيت ادخل هو خجلان يسالك.. شو عم يصير معك شو قصتك قليلي..

جنة :- قصتي متل ما انتي شايفة ضيعت اهلي وماعدت اعرف عنهن شي

صابرين :- من وين اهلك يمكن اقدر ساعدك.. واسال ناس..

جنة :- انا من الريف.. بس اهلي تركوا هاداك المكان من زمان وجينا لهون ومن بعدها نسافر بس كنا قاعدين بمكان وصارت مشكلة بالمكان واتفرقت عنهن وماعرفت وين راحو كل يوم بروح لنفس المكان كنت ومالقيتن

صابرين :_ ياحرام طيب انا عندي حل شو رايك اصورك وابعت صورتك وقصتك ولسمك للاعلان بلكي اهلك شافوكي وعرفوكي.

جنة :- اها يعني العالم تشوف صورتي لاء بلاها

صابرين :- ليش انتي بحاجة اهلك واكيد هني هلق بكونوا عم يدورو عليكي

جنة :- دخيلك بلاها انا بلاقيهن خلص واهلي ماعندن تلفزيون وابي وامي مابيعرفوا يقراو

صابرين :- منار في شي مخبيتيه

جنة :- ممم مابعرف لاء

صابرين :- اسمعي انتي متل بنتي او متل اختي الصغيرة لا تخافي خبريني

جنة :- مممم انا هربانة

صابرين :- شو

جنة :- الله يخليكي اذا عرفوا اهلي مكاني رح يقتلوني

صابرين :-"، يالطيف يعني انتي ماضيعتي اهلك

جنة :- لاء انا كذبت عليكي حتى اسمي مو منار انا اسمي جنة بس انا ماعملت غلط انا انظلمت مستعدة قلك كل قصتي بس اوعديني اذا مابدك تساعديني لا تاذيني متلن.

صابرين :- ياربي.. قولي قولي عم اسمعك.

جنة :- انا من ريف الجبل.. من ضيع الباشا القديمة يمكن سمعانة فيها.. هونيك عنا عادة البنات بتزوجوا بكير.. وصارت عنا قصة بالضيعة لبنت قتلوها.. لان هربت مع حبيبها وابي جن جنانو وخايف.. وجابنا لهون.. ا

#معزوفة_المشرحة
#بقلم_جمايكا_احمد

الجزء السادس..

سوزان :- مابعرف كيف بدي فوت ع المدرسة

جميلة :- مممم بصفتك فعلا شو

رنا :- انا عندي فكرة.. باخد بنت الجيران معنا وبنفوت ع اساس بدنا نسجلها بالمدرسة

سوزان :- بس هاي المدرسة خاصة وكل اللي بنات ناس اغنياء ونحنا شكلنا معتر وبالويل

رنا :- طيب والحل

سوزان :- البنت عمرا 11 يعني صف سادس بنروح نحنا وبنوقف ع باب المدرسة وبنسال الطلاب يلي طالعين اذا حد بصف سادس وبنسال عن البنت..

رنا :- وبجوز ماتعرفي

سوزان :- بنجرب هيك..

رنا : شبها اللمبة شكلا رح تنتزع

سوزان :- اجووو

جميلة :- سوزان مين هني

سوزان :- تعبانين كثير وجوهن حزينة

جميلة :- ردي عليه مين هني اختي

سوزان :- بدن اياني.. بدن اياني.. غطوني بارد المكان غطوني.. الكفن الكفن حطوا عليه الكفن..

رنا :- سوزان دخيلك خليكي اختي معنا غمضي عيونك لا تشوفيهن.. غمضي..

( من رهب المنظر ماكنت قدرانة ارمش عيوني على وصف اختي قلبو لفووق والبياض صار اكتر من السواد.. كنت عم التفت يمين وشمال عم عدهن عم حاول بعدلن.. كانو كثير عم ياخدوني معهن.. صرت اشر بايدي الاثنين

سوزان :- بعدولن بعدولن..

رنا :_ قل هو الله احد.. قل اعوذ برب الفلق..

جميلة :- بسم الله الواحد الاحد.. بسم الله الفرد الصمد.. بحكم اللهم نرضى خفف عنا مجيئهم وافتح لهم ابواب السماوات حرر ارواحهم وانجيهن من عذاب الدنيا...

بسم الله الواحد الاحد.. بسم الله الفرد الصمد.. بحكم اللهم نرضى خفف عنا مجيئهم وافتح لهم ابواب السماوات حرر ارواحهم وانجيهن من عذاب الدنيا... ساعدنا يا الله

رنا :- جميلة شبها سكتت

جميلة :- مابعرف رنا مابعرف رددي الايات

رنا :- عم اقرا..

جميلة :- سوزان

(( قربت جميلة لتغمض عيوني او تسكر جفوني بس شي بقوة بعدها..

رنا :- جمييييلة..

جميلة :- رنا خلينا نطلع من هون

رنا :- وسوزان

جميلة :- اسحبيني رنا لازم نطلع

رنا :- شو صار معك

جميلة :- شي بقوة دفشني ماعرفت شو هو

رنا :- رح نترك سوزان

جميلة :- مابعرف هني رح يتركوها...دد كانو في حد ع الباب

رنا :- خايفة اروح افتح

سوزان :- اجوووووو. اجوووووو

جميلة :- يالله ساعدنا

رنا :- جميلة مين هني يلي اجوا ماقدرانة روح افتح الباب..

ام حسني :- افتحو يا بنات هاي انا ام حسني..

رنا :- ام حسني هاي ام حسني

ام حسني :- سوزان بنتي في رقم عم يدق عليه وعم تقلي انها ام صابرين.. بنات شو عم يصير معكن شبكن خايفين..



جميلة :- سوزان سوزان..

ام حسني :- موجدين كلن موجدين ببيتكن انا حاسة بحرارة ارواحهن.. بيتكن مليان.. لا تخافو يابنات. اقراو قراءان لا توقفو .. هني مسالمين..

رنا :- كيف مسالمين ام حسني أذو جميلة

ام حسني :- لا تمنعو شي..

سوزان :- ام صابرين.

رنا :- سوزان رجعت لطبيعتا..

ام حسني :- بسم الله عليكي..

سوزان : ام صابرين

ام حسني :- انا جاية مشانها دقت ع رقمي وقالت انها بدا اياكي ضروري.. هاد رقمها..

جميلة :- شو في سوزان خبريني

سوزان :- صابرين غضبانة جمعتهن كلن لاوقف امها..

جميلة :- من مين

سوزان :- شفت ابو عبدوو.. كان معو سوط عم ياذيهن كانو بيصرخوا وصابرين كانت عم تحميهن..

جميلة :- تحمي مين

سوزان :- الاولاد يلي معها..

ام حسني :- مسك الخط احكيها بنتي..

ام صابرين :- الو بنتي سوزان في رجال جاي لعندي وجايبلي مصاري عم يقول هاي حق بنتك صابرين..

سوزان :- مين هاد الرجال وشو اسمو

ام صابرين :- ماقبل يقول اسمو بس هو كبير بالعمر يعني رجال كبير ومعتر وكل وجهو تجاعيد وعيونوا مابعرف كيف اوصفلك اياهن.. وانا والله ماعرفت كيف اخدتن منو لانو احرجني ودخل البيت عندي..

سوزان :- ماقلك ابدا اسمو

ام صابر :- ماقبل وقلي فاعل خير بس نظراتو ما طمنتني صار يسالني عن احوالنا وكيف عايشين ومين عم يعيلني وكم ابن لالي ووين زوجي سالني عن الاولاد هادول اولاد صابرين قلتو اي وصار يقلي وين ابوهن قلتو ماعاد بقي لالنا حد لا انا ولا هني وبنتي المجوزة يادوب حالها.. وقلي رح يرجع مرة تانية ورح يضل ع طول يساعدنا.. بس اللي مستغربة منو حتى تيابو مهترية يعني ما شايفة انو هو معو مصاري.. وكيف جايب المصاري.

سوزان :- خالتو لا عاد تستقبلي حد ولا تفتحب الباب لحد روحي لعند بنتك باطفال صابرين.. هاد اللي اجا واحد منهن وجاي ليحرق قلبك بزيادة خالتو ام صابرين.. لاتنطري اطلعي من البيت..

جميلة :- شو سوزان شو بصير

سوزان :- هاد ابو عبدو وصل لاولاد صابرين..

رنا :- لوين رايحة

سوزان :- رح روح للمدرسة

رنا :- بس الدني ليل

سوزان :- بنطر هونيك هني بدن اياني روح هونيك

جميلة :- اختي للصبح

سوزان :- مافيني ماعم يرتاحو ولا رح يريحوني قوة غضبهن كل يوم عم تزيد..

( منعتني اختي جميلة اني اطلع وكانت هاديك الليلة اصعب ليلة تمر ع اهلي انقلب البيت المهتري لخرابة.. كل شي بالبيت وقع بالارض حتى الخزن كلا وقعت صراخ ابي وهو خيفان.. نوب

#قاصرات_الطرف
#بقلم_جمايكا_احمد

الجزء الاول >>>
Telegram:@rwayate
ان كنت تعتقد انك مهموم وان مصائبك قد هزت قواك وان ماتبقي منك لا حول ولا قوة منها..فهذا لايعني ان تفقد الامل طالما نعم الله مازالت موجودة... هذه كلمات خطتها مروة لتروي بها حكاية قاصرات الطرف..مروة فتاة بالخيام نازحة هي والدها تاركة خلفها والدتها واخوتها الخمسة في قبور جماعية..وتاركة ايضا اطراف قدميها تحت ركام بيتها ، وزوج وطفلين لا تعلم مأواهن أين...لا احد يتصور كمية الالم الذي تعانيه مروة..مجرد رسالات وكلمات ومناشدات واماني تراودها.. عندما اقتربت من تلك الخيمة لاعطي اصحابها صندوق فيه بعض المعلبات الغذائية وبطانية شتوية. ..فتح لي طرف الخيمة رجل قد شاب الامل في عينيه وغمر العبوس والبأس والحزن ملامح الوجه .

.الاب :- اتفضل اخي

عمار :- شكرا لالك اتفضلو هاي المونة ان شاء الله مايكون ناقص شي

الاب :- عمار والله حالي تعب احكيلي مع هالصليب الاحمر

عمار :- ابو ياسر والله حكيت وسجلتلك كل شي

الاب :- انا ماحد حاسس فيني والله تعبان فوت شوف حال بنتي يلي بقيتلي من هالحرب شوف بتواصل ليلها بنهارها بكي ...

عمار :- والله عارف يا ابو ياسر الله يعينك ما انت شايف حالك وحال هالناس اذا بيطلع بإيدي بعيوني بحطكن انا نازح متلي متلكم وانت شايف اولادي والله الدفا ماقدران امنو لالهم ..

ابو ياسر :- ماحد شاف حال بنتي ..وشوف كيف الخيمة غامرتا المي والطين اسبحنا فيها ..

عمار :- طيب انا رح احكيهن من تاني ويجو لهون..بلكي طلع من امرهن شي

ابو ياسر :- يارب مالي ملجأ الا انت ..

مروة :- يابي
Telegram:@rwayate
ابو ياسر :- 😖

مروة:- رح يساعدنا عمار والله قلبي عم يقطع بدي شوف اولادي الله يخليك يابي ..

ابو ياسر :-😭 لو بايدي اااخ ..

مروة:- الجيران حكولنا انهم عايشين وكانو قبلنا هون بالخيام قبل ليسفرهم الصليب

ابو ياسر :- ان شاء بالله بنلاقيهم..بردانة..

مروة :- الله يسامحك يابي ما انت شايف مالي اطراف ليبردو ..

ابو ياسر :- خلي املك بربنا كبير..

عمار :- ابو ياسر يا ابو ياسر

ابو ياسر :- هاد عمار اجا ..لاشوف شو بدو

عمار :- المندوب بدو يحكي معك تعال معي

ابو ياسر :- بيحكي عربي

عمار :- اي هو يمني تعال..

ابو ياسر :- الله كريم...بدهم يطالعونا شي

عمار :- هلق بنشوف ..تعال اقعد هون ..

المندوب :- السلام عليكم انا زياد مندوب الصليب الاحمر وطلب منا عمار لنسمع منك شو قصتك بتقدر تساعدنا لنحسن انساعدك
Telegram:@rwayate
ابو ياسر:- اي ماشي..بس بدكن من وين بلش

المندوب :- من وين مابتحب..

ابوياسر :- 😖 اللي بحبن اجتمعو سوا وتركوني..

المندوب :- احكي سامعك ابو ياسر.

#بيت_الهلاك
#بقلم_جمايكا_احمد ..
.
@rwayate
9:20 صباحا..فتحت عيوني كان ضو الشمس بغرفتي قوي ..والساعة ماكنت شايفتا..نطرت لتوضح الصورة ..كانت الساعة 9 اذا اتأخرت بالنومة كان هلاء موعدي راح..قمت مفزوع من فراشي ع الحمام لاغسل وجهي واجهز لترتيبات اليوم المهمة .لو ما انجزت هاي الترتيبات لرح كثير شغلات تنتزع..

سارة :- باسم شو في هيك فقت مفزوع.

باسم :- امي لازم روح اليوم ساعد رفيقي..

سارة :- بشو تساعدو..

باسم :- بدو يسافر ولازم انقل معو الاغراض والشنت..

سارة :- رفيقك جمال..

باسم :- اي مسافر هو وعيلتو..ابوه اشترى بيت بمنطقة بعيدة ..قريبة من اراضيهن.. كرمال يبقو اولادو تحت نظروا بدو يشغلهن بالمزرعة

سارة :- ماشاء الله .وانت ليش مجهز شنتتك..

باسم :- البيت مثل القصر شفت صورتوا..وقلي جمال تعا قضي يومين معنا ..وبترجع..

سارة :- بدك تسافر ماخبرتني..

باسم :- امي سفر بالسيارة يعني 12 ساعة طريق..مامحتاج طيارة..

سارة :- ليش بدك تسافر ..

باسم :- قلتلك بدي ساعدو بترتيب البيت ابوه لجمال بدو يصلح البيت لانو قديم كثير وفيو مشاكل ومنو بشتغل كم يوم وبغير جو ..وبس نخلص بجي باخدك لتشوفي هاديك المناطق. تعرفي بس خضااار وغابات واشجار عالية..وحيوانات لا بتلاقي بيوت ولا ضجة ولا سيارات..هدوووء تام بعالج الروح..

سارة :- مع اني ماني مطمنة بس يالا الله يسرلك امورك ويبسطك..

باسم :- هاتي بوسي..موواه سلام امي انتبهي ع حالك تاركتلك مصاري تحت مخدتي جيبي يلي بتحبيه ماني مطول واذا اتأخرت في كرت البنك بالخزانة ..الرقم السري تاريخ ميلادك ..بحبك ماما..

سارة :- الله يرضى عليك يامو طريق السلامة..

...

(( كنت متشجع شوف هاداك البيت او بالاحرى القصر يلي اوهمني فيه جمال .مثل يلي كنت شوفوا بالخيال..كلام جمال شوقني وخلاني اتمنى لو كان بيتي .اركبت بالسيارة معهن ..كانو متونسين بالرحلة الا اختن هديل كانت نظراتها وهي عم تودع البيت شوي فيها كلام..حتى بجلستها بالسيارة كانت هادية ..ومعها كتاب بإيديها غريب ..حتى الكلام يلي فيه مانو مكتوب باللغة العربية ..طنشت الموضوع قلت يمكن شي لغة هي متعلمتا..وعلى مدار 12 ساعة كانت الطريق جدا فارغة ما شفت بيوت الا بحالة نادرة كل مسافة طويلة ليطلع شي بيت ....وبمكان كان قريب ع بيت مثل الكوخ وكان حوالية عجوز عم يكسر حطب..وقفنا السيارة لنرتاح كانت الدني ليل وقررنا مانكمل الا بس يطلع الصبح..بهاداك الوقت الكل غفيت عيونوا الا انا وجمال..بقينا نحكي لوقت ماغفي هو كمان ..واللي فاجأني انو هديل بعدا فايقة وعم تقرأ ع ضو موبايلها الكتاب يلي بعدو بايديها ..ماكنت قدران احكي او ناقشها او اسألها..طلع الصبح والكل جهز حالو لنكمل المشوار مابقيان كثير شي ساعة او اثنين..

غسان : يالا ليكنا وصلنا..

جمال : غريب بس جهاز تحديد المواقع ما اظهر هاد المكان..

غسان :- اي بهاي المنطقة مابيظهر الموقع..

جمال :- شو السبب بابا..

غسان : يمكن الاقمار الصناعية ما عاملة مسح للمنطقة ع العموم يالا يا اولاد خلونا نصف وننزل نمشي ..لانو البيت ع بعد 500 متر..احملو الشنت المهمة لوقت مانلاقي طريق للسيارة لنحسن نمشي فيها قريب من البيت..

(( كانت الدني الصبح والشمس بعدا باردة..مشينا من بين الشجر المكسرة كانت طريق متعبة ..والعوائق علينا كثير..وصلنا للمكان..بيت محاط بسووور كبير ..وبوابة حديد ضخمة ..من خلف البوابة كان البيت باين وقفت مقابيلو شي خيالي ..شاهق ارتفاعو ..الابواب الشبابيك المنظر اللون كل شي مو مثل ماتوقعت شي اشبه ببيوت

هديل :- الاشباح..

باسم :- ها..

هديل :- بيشبه بيوت الاشباح ☺️..

(( استغربت من طريقة كلاما وشلون عرفت بشو عم فكر..قاطعت تفكيري

هديل :- فيك تساعدني بحمل هاي الشنتة..

باسم :- تكرمي..اووف تقيلة شو حاملة فيها..

هديل :- كتب

باسم :- كتب كل هاد جايبتيه لتقرأيه..

هديل :- لاء بس لإحمي حالي.. بابا بابا..

غسان :- اي هديل ..

(( تركتني من بعد كلاماتا الغريبة او بالاحرى السخيفة وبقيت اقاوم بحمل يلي اعطتني اياه لاحملو وصلنا للبيت كان بيت مهتري وكأنو شي قنبلة ودمرت حيطانو قبل هيك.. بس ماكان بدو الا شوية تصليحات..فتنا البيت يلي كان عبارة عن تماثيل قديمة موبيلا من من العصر المملوكي .. درج طويل بمنتصف البيت بينقلنا للغرف يلي بالطابق الثاني..والطابق الثالث عبارة عن غرف صغيرة اشبه بالمخازن..ابواب الغرف يلي بالطابق الثاني عبارة عن ابواب ضخمة خشبية مدموجة مع النحاس..اما المطبخ فكان حكاية ثانية... غريب هالبيت بكل حيط موجودة ساعة قديمة واللي لفت انتباهي وتعبني انو جميع الساعات على توقيت واحد واقفة. اخدني النظر . لحديث افراد عائلة جمال...

غسان :- شو رأيك بالبيت صوفيا..

صوفيا :- كثير رائع انا من زمان بحلم بهيك بيت انا بدي غير كل هالموبليا رح نجيب كل شي جديد ..غرف الاولاد وغرفتنا وغرف الضيافة..

سيف :- ماما تعي شوفي ..

#معزوفة_المشرحة
#بقلم_جمايكا_احمد

#الجزء الاول..

وعيت ع الدني فقيرة لا في عندي ولا في لالي ، ماكنت شوف في بيتنا الا التياب المهترية والفرش القديم يلي اكلو البق والجرذان وادوات مطبخ مكسرة ومصدية ، وغسالة قديمة يوم بتشتغل وعشرة لاء.
وفرحة عمرنا يوم الفاكهة الطازة تدخل هالبيت، احلامنا ماكانت تتعدى هالشي.. واللبس الجديد كانت امنية وحلم ابليس بالجنة... بهاد البيت اب مقعد من 20 سنة وام مريضة قلب وضغط وسكر ، واختين جار عليهن الزمن ليدوس عليهن قطار الزواج وينساهن ، حتى اخوة شباب ليشيلونا من هالتعتير ربنا مارزقنا، الحمد لله ع كل شي، كل يوم عن يوم عم يكبر فينا الزمن لا درسنا ولا تعلمنا متل باقي الناس مصاريف المدارس اخر شي كنا بنفكر فيه بعد ماصار مع ابي اللي صار.. وكبرنا حتى انو يندق باب بيتنا لشي عريس داسو القطار متلنا ماكان يندق.. ،و من تنضيف البيوت لتنضيف حمامات المرافق العامة ، من هون كنا نجيب مصاري نشتري لقمة عيشنا.. وادوية لامي وابي.. بهاي الغرفة يلي حيطانها بالية وكلا عفونة ورطوبة وشباك من خشب مقفل بالنايلون ليحمينا من برد هالزمن واوجاعو كانت اختي جميلة قاعدة ع فراشها عم تحسب راتبها كيف بدو يكفينا لاخر الشهر لناكل ونشرب ونكفي حياتنا،. واختي رنا ايدها ع خدها من بعد ما صاحب المحل طردها وفضل بنت تانية اكثر جمال منها لتشتغل بالمحل،. معلش اصلا اختي التعب والفقر والهم اكل ملامح وجها الشبابية، وغطا شعرا الشيب عن عمر 35..

جميلة :- شو صار معك بالشغل يلي شفتيه

رنا :- ما اعتقد رح يقبلوني، اللي بيشتغل هونيك قلي بنتي روحي ارجعي ع بيتك بدهن حدا يتحمل مو حد جاي الموت اكل وجهو ويحطوه بالثلاجة ..

جميلة :- العما بقلبو شو قليل زوق

رنا :- يختي حقو وجهي الاصفر هاد كيف بدو يتحمل يشوف موتى

جميلة :- ولا مابعرف يا رنا لو في شغل غير هيك لقلتلك

رنا :- ماردت لالك الشيخة فيحاء على شغل المسجد

جميلة :- بلا قالت الشغل مادايما موجود لان بنات المسجد ع طول من حالهن بنضفوه قال يوم يلي تحتاج رح تبعتلك

رنا :- طيب والعمل

جميلة :- بدنا نصبر يختي

رنا :- وادوية امي وابي واكلنا ومصاريفنا وجاي علينا شتي كيف بدنا نجيب مازوت لندفي بدهن بياكلهن البرد.. يارب فرجك

جميلة :- الله كبير مابينسى حد شو اتعشيتو اليوم

رنا :- سوزان عاملة شوربة عدس مع بطاطا..

جميلة :- بقيان

رنا :- اي رفعتلك شوي من طبقي لان يلي باقي سوزان رح تعشي امي وابي فيه..

(( هموم خواتي لو حملوها لجبال لهتزت وانهارت ، ماكان فيني اعمل شي مهمتي بالبيت اعتني بامي وابي بغيابهن وماقدرتي اطلع اشتغل متلن، كان وقتي مفرغ ع تنضيف ابي المقعد واني اطبخ واطعميهن سوا.. واجهز لخواتي ليرجعو من تعبهن وياكلو لقمة واحيانا ياحسرة قلبي مايبقى ويكفي وينامو بلا اكل..

في اليوم الثاني..

رنا :- سوزان وين عم تلبسي

سوزان :- انتي اليوم ماعندك شغل خليني اطلع شوف شمس ربنا والله تعبت من الحبسة

رنا :- روحي اختي ما حد ساجنك بس كنت عم اسال بس

سوزان :- بدك شي من برا

رنا :- ليش معك مصاري تجيبي

سوزان :- خليها ع الله

رنا :- لكان ليش عم تسالي.. خدي تعي معي كم ليرة خديهن وجيبي لالنا الصندوق من عند ابو حمدون..

سوزان :- والله مابستحي هالرجال

رنا :- اختي رزقتو

سوزان :- الفاكهة والخضرا يلي بحطها بالصندوق معفنة ومنزوعة وما بتاكلها الحيوانات

رنا :- طيب اختي شو الحل الله يسامحك يعني اتعودنا نقشط العفن وناكل ونحنا مغمضين عيونا.. احسن ما امك وابوكي ينامو بلا اكل ..

سوزان :- هاتي اختي هاتي الا ربنا بشي يوم يفرجها..

رنا :- ماتتاخري

سوزان :- ان شاء الله لاء

..

( كنت مخبية بتيابي الورقة.. الورقة يلي مكتوب عليها عنوان الشغل يلي رفضو اختي منو.. وصلت لهونيك بعد مشي طويل استقبلني نفس الحارس.. ( جابر)

جابر :- خير مين حضرتك

سوزان :- انا شفت انكن بدكن حدا يشتغل هون

جابر :- اي صح تعي فوتي للمدير

( مشي قدامي وانا كنت عم حاول الحقو سرعتو بالمشي وكبر خطواتو والممر الطويل الشبه بارد ورائحة بتشبه رائحة الكافور.. او بالفعل هي كافور.. وعربايات بالمكان كلا اكياس فيها شراشف بيضا.. ورجال عم يمسح بارض الممر..

جابر :- تعي من هون. اقعدي لينادي عليكي المدير..

( نطرت بهاد المكان حوالي نصف ساعة كان الجو شبه بارد والمكان فارغ. وهادي... صوت صدى رجلين الرجال اللي موجود عم ينضف يمسح وماكان يحكي شي بس نظراتو.. اي هي نظراتو بس اللي كانت تحكي عتاب وحزن وخوف اكتر من يلي شفناه بحياتنا.. عيونو الذبلانين وخطوط الدم ببياض عيونوا باينين والتجاعيد يلي اكلت جفونو ووجهو وايديه.. و حركتو الضعيفة وكانو عم يجر حالو جر.. حتى الممسحة تحت ايديه كانت عم ترجف من مطبات القهر ..

انفتح باب الغرفة، كان رجال ضخم اضخم من الحارس وشواربو الطويلة ودقنو السودا والراس اصلع بايدو سيجارة.. قلي ادخلي بصوت جش.. كان هوا

#فتاة_الحاوية ...
#بقلم_جمايكا_احمد
Telegram@rwayate

الجزء الاول ...

بهاي المدينة يلي كلا عالم عم تركض..وزحمة وضجة ع طول... صوت السيارات والماكينات يلي مابتنام ..الناس يلي عايشة لتاكل وبس ..اصوات الحارات و القطط و الكلاب... وهالحاويات يلي صارت تعرفني اكثر ما بعرف حالي...بزورها كل يوم قبل لينادي صوت المؤذن حي ع صلاة الفجر ..حاملة بإيدي حمالة من الخيش ..وعم دور فيها واتخانق مع قطط المزابل .. لك هاي العلبة لالي.هيك كنت بالقوة اخد منها علبة لحمة فاسدة ..صوتها وتهميراا وهي عم تشخر فيني كان كفيل سكتها بضربة من العصا يلي ع طول حاملتا ع جنبي..

عدنان :-..لك حسبوو شو بتعملي ..اتركي هالقطة وتعي في شغل بيحكي غسان بحاوية حارة الجزارين. ..

حسبو :- لك رحت قبلكن وماشفت شي عدنان..

عدنان:-. بلا هلاء المصنع جاب حمولة تعي اركضي..

حسبوو:- ينعن هيك المعلم رح يعاقبني هلاء عدنان وغسان بنعفو من شغل الضهر وانا لاء..

كانت القطة بعدها متكمشة بأنيابا بكيس الخيش وانا عم اركض لالحق عدنان ع الحارة الثانية .. وصلت وكان نفسي مقطوع شفتن بقلب الحاوية غاطين اثنين عم يجمعو يلي بقدرو عليه عدنان وغسان هني توأم عدنان قلبو طيب بس غسان انا وهو على طول في شحنات وخربان شغل بيناتنا...حملت كيسي ونزلت بالحاوية معهن وبلشت جمع بالعلب الفارغة..وعلب الاكل المنتهي صلاحيتها. كانت صوت خناقنا معبي الحارة..

غسان :- لك هاي لالي شو جابك لهون
Telegram@rwayate
حسبو :- ماهي مزبلة ابوك ورثتها انت عنو ..بعد عن وجهي خليني شوف شغلي .

غسان :- لك حسبوو بعدي من هون قلتلك لا تخليني ما طلع وجه النهار عليك

حسبو :- شو اشتقت لكم قطب جديد براسك

عدنان :- لك غسان شو بدك فيها خليها تشتغل

غسان :- كلو منك انا عرفان انك انت خبرتها قلتلك الف مرة لا تقلها وين بنشتغل..

حسبو :- والله عال ..شو هالغسان هاد .مفكر حالو شي يوم يصير معلم..

غسان :- معلم وابن معلم وسيد راسك

حسبو :- ننننننننننانا..

غسان :- غليظة العيد

حسبو :- يالا بعدلي من وجهي اشووف ..

غسان :- الله لايكون معك

حسبو :- الله يلعنك ياعدو الله

عدنان :- غسان لك خلص خلينا نكفي شغل

غسان :- اي شغل هي تركت شي ..قوم اطلع والله لنتبهدل اليوم ..
Telegram@rwayate
من يوم ماوعيت ع هالدنيا مابعرف الا هالبيت يلي كلو غرفة وحدة كبيرة وفيو حمام صغير..هالبيت كان بيجمع شي حوالي ٩ اشخاص .. انا والتوأم . ورفيف وميسون وسعد و٣ صغار بعدهم جداد ع الشغل.يلي ذكرت اسماءهم هني يلي وعيت ع وجودهم رفيف وميسون اكبر مني ب ٥ سنين وشغلتهن مابعرفها ومابقولوا شو بيشتغلو بس على طول بيجو وجهن مضروب او ماقدرانين يمشوو وغسان وعدنان اصغر مني بسنتين وشغلنا معروف بالمزابل .. اما سعد فهو الكبير وداءما غايب يعني بيعطيه المعلم شغل وبغيب اسبوع ..سعد كمان مش سهل ويلي بعرفوا انو بشتغل بتوزيع الحشيش وهو ايد المعلم اليمين..غسان نفسو يكون متلو وبحاول كثير ليصير يشتغل متل سعد..بس سعد ماعم يقبل ..ويلي كنت حسو من محبة وداءما يضربوا لغسان ويقلو..مو لالك هالشغل ..بس غسان ماعم يقبل اما الثلاثة الصغار ..هني جدد ..والمعلم بقول انهن قرايبو ..بس ميسون ورفيف عم يحاولو معهن ليعرفوا من وين وشو اسم عائلاتهن..بس المعلم كان راعبهن وماكانو يقبلو يحكو..الصغار بشتغلو بمسح السيارات واوقات سرقات من محلات..اما الشخص يلي مابقدر انساه ..هو حكيم يلي مات على ايدين المعلم..حكيم كان يحب يمثل وداءما مهمل لشغلو ..صارت معو هالشغف وقت كان يشتغل بالمسارح ويسرق العالم يلي تجي ع المسرح والسينما. بس الشاشة الكبيرة والعرض سرقوه من حالو..وكان يضيع وقت الشغل بلهفتو بمتابعة شي فيلم..او عرض مسرحي .هالشي ماعجب المعلم وقرر يا يعاقبو او يرجع لصوابو..بس حكيم كان يرفض .وبيوم المعلم ضربوا ع راسو بمطرقتو ووقت وقع حكيم بأرضو عم ينزف لمات..انا الشخص الوحيد يلي شفت مشهد موت حكيم.. ومن يومها كل ما بشوف شي سينما او مسرح بوقف مقابيلا واتذكر حكيم.. ..

المعلم :- ها هاي حسبووو جاي ع بكير اليوم

حسبو :- اي معلمي جبت المطلوب وبزيادة

المعلم :- قربي لاشوف

حسبو :- اتفضل معلمي

المعلم :- ماخسارة تربايتي فيكي قدها انتي..يالا خدي العلب افرزيهن واشطبي التاريخ وامسحيهن وجهزيهن مشان السوق والعلب المفتوحة مثل العادة جمعيهن بمكان لنقدر نبيعهن لشي حديقة حيوانات..

حسبو :- والعلب الفارغة

المعلم :- تعي لعندي

حسبو :- امرك معلمي

المعلم :- قربي افرك لالك اذنك

حسبو :- متل مابتريد اي اي خلص خلص والله فهمت فهمت..

المعلم :- اي يالا ع شغلك. رفيف ميسوووووون

ميسون :- اي معلمي امرني

المعلم :- كم زبون استقبلتو بالليل

ميسون :- انا اثنين ورفيف ٣..

المعلم :- خير ليش هيك الشغل ..

ميسون :- معلمي انت بتعرف اليوم الاحد وما في زباين بالشوارع مثل الاجازات ويوم الجمعة..

المعلم :- وينها رفيف

ميسون :- نايمة معلمي من التعب لانو في زبون ضربها بالكرباج

.#فتاة_الحاوية ...
#بقلم_جمايكا_احمد
Telegram@rwayate
..
.الجزء الثاني

ماكنت عم استوعب شو عم اسمع..رفيف مو هي يلي كنت شوفا عم تبكي وحزينة طول الوقت. ميسون يلي كانت الامان لالي قطعة من النجاسة وهي عم تحكي كلمات بتشيب القلب...حاول اتسمع منيح. بالغلط اندفش معي باب الشقة وانفتح ..من الخوف ركضت لااختفي تحت الدرج..بس مر وقت طويل وماحد اجا يشوف ليش انفتح الباب..ارجعت لاشوف من توراية الباب شو عم يصير جو. اكيد ماعم ينتبهو انو الباب انفتح من صوت الموسيقي والضحك يلي عندهن ..دخلت راسي لاشوف شو عم يصير ..هون كانت الصدمة..العالم يلي فاتت لابسة قاعدة عريانة..ميسون ورفيف تيابهن شبه عريانة وقاعدين باحضان هالعالم الغرب..منظرهن برجف بالقلب رجف ..اتجمد قلبي ..وارتعشت اعصابي حسيت بالبرد عم يسري بعروقي ..اتكمشت لقدرت اطلع من باب البناية. لاركض باتجاه البيت. او شبه الحاوية يلي بنام فيها..دفشت حالي تحت حرامي يلي ريحتو نتانه..بس ميسون قالتلي بضلو اطهر من هاداك المكان ..انا ماكنت بعرف كتير بهيك امور بس يلي شفتو فهمني
انو شي مرعب ونجس ولا يقارن بأي نوع سعادة..بقيت فايقة اتقلب لوصلت رفيف وميسون ..

رفيف :- ماقدراني امشي

ميسون :- هشش ليفيق حد

رفيف :- الله يلعنو هاداك والله موتني

ميسون :- شو احكي انا

رفيف :- يارب والله تعبت خدني وريحني

ميسون :- رفيف شو صرلك هلاء بفيقو..

رفيف :- اسمعتي شو قال المعلم

ميسون :- اسمعت بنحاول مايصير
Telegram@rwayate
رفيف:- ما موتني الا هالشي..ماعم يشبع ابن الحرام ..ليش بدو ينزلها ع شغلنا

ميسون :- مانك ملاحظة مفاتن جسممها..وبعدين هي جسمها بجبلو شغل كتير

رفيف :- ماهي مابتسمع قلتا الف مرة لاتلبسي هادك الفستان شكلو شافها فيه لهيك بيحكي هالحكي..

ميسون :- بكرة جايب كمان تياب وعم يقول في كم قطعة منهن لالها

رفيف :- شو بدك تعملي

ميسون :- بدي قلو مابيجو عليها

رفيف :- فكرك بسدق

ميسون :- بحاول مافي الا هالطريقة..

رفيف :- والله اوقات بقول اي تنزل معنا وبخف الشغل علينا..بس حرام

ميسون :- شو هالحكي رفيف شو صرلك الله لايقدر ..بعدين المعلم حقير رح بهمو اذا خفيف الشغل او لاء كل ما كنا اكثر كل ما كانو الزباين اكثر..لهيك الشغل رح يصير الضعف ..

رفيف :- طيب والحل..

ميسون :- قربي لعندي بلا حد يفيق

رفيف :- شو قليلي

ميسون :- بدي حاول هربها

رفيف :- لا اوعي لاتعملي متل عملتي بصابرين..

ميسون :- مو احسن لالها

رفيف :- بس صابرين بالسجن ميسون

ميسون :- صابرين غبية..لو

رفيف :- لو شو مو انتي يلي جوزتيها للحرامي هاد

ميسون :- لو كنت بعرف انو حرامي ماجوزتها لالو وخليتها تهرب معو..انا كنت بدي اياها تبعد عن هالوسخ واضلها عايشة نضيفة.

رفيف :- بس انا بعرف انو حسبو قطعة من المعلم وما اعتقد يعمل فيها هيك

ميسون :- انتي عم اتضادي حالك. ما انتي بتعرفي مابتفرق عندو امو يلي جابتو.

رفيف :- والحل

ميسون :- بتعرفي الرجال يلي اجى من اسبوع وطلبنا سوا

رفيف :- اي شبو هاد

ميسون :- بدو وحدة صغيرة يتزوجها

رفيف :- شو يتزوجها لك هاد عجوز

ميسون :- بسكنها في بيت..وبضلها عندو وهو معو مصاري..

رفيف :- طيب وبعدين

ميسون :- هو الاسبوع الجاي جاي لعند المعلم..عندو شغل بالمدينة..

رفيف :- ليش هو مو من هون

ميسون :- لا ما اعتقد لانو تيابو بتحكي انو من الجنوب ..من اهل العشائر والديوانيات..

رفيف :-رح يقبل فيها

ميسون :- شو يقبل فيها بس هي تقبل فيه..وتقبل توافق تروح معو

رفيف :-_ اي صحيح شلون بدها تروح معو هاي عنيدة وبراسها الف عفريت..

ميسون :- اتركيها عليه..قومي خلينا نغير تيابنا المعلم على وشك يجي .

رفيف :- رح فيقهن للشغل

ميسون :- اي صار وقتن.
Telegram@rwayate
(( ماكنت حسناني اسمعهن منيح بس يلي قدرت اسمعو انو في حد بدو يشتغل معهن..او وحدة رح يجيبها المعلم..قمت من فراشي..والبست تياب الشغل وجهزت حاملة الخيش وطلعت اركض بين الحاويات..كنت مانايمة. والنوم هربان مني..كان تفكيري مشتت وماعم اقدر اشتغل لدرجة انها القطط كانت عم تنهش بالحاملة يلي معي بدون ما بعدها..طلعت الضو وانا مافيني اتحرك من مكاني..

عدنان :- المعلم رح يخنقك قومي عم يسال عنك

حسبو :- 😣

عدنان :- وينو شغلك مانك عاملة شي

حسبو :- 😣

عدنان :- فيكي شي حسبو مرضانة..قومي للمعلم عم يسأل عنك ناطرك

(( اخدني عدنان من ايدي ع البيت كان المعلم ناطرني ووجهو شايط غضب..قرب لعندي اخد الحاملة مني وفتحها ومالقاني مشتغلة شي .ماحسيت الا صوت الكف جابني بالارض الكل كان عم يطلع فيني خايف ..

معلم :- وين كنتي حسبووو

حسبو :- 😓

معلم :- شو القط اكل لسانك بشووف

ميسون :- معلمي حسبو مرضانة والصبح بس فيقناها كانت سخناني..وعم تهلوس

معلم :- ليكها مافيها شي قومي لاشوف

) دفشني برجليه ..وقمت من مكاني وقربت لعندو ..رفع الكرباج واجا غسان وعدنان رفعو رجليه ليمدهن فلقة..هيك كان عقاب يلي مابشتغل.

#ربيتك_صغيرون_حسن
#بقلم_جمايكا_احمد

الجزء الاول..

كانت ساعات الفجر، وقت سمعناها عم تصرخ بكل قوتها بغرفتها،. ماكانت عم تقبل حد يفوت لعندا، كانت رافضة نساعدها، ابي وامي يتوسلو لاخي انو رح يموت الطفل اذا بقيت هيك خلينا نجيب الداية، هي تصرخ بدا تروح ع الأكزخانة، ونحنا عيلة محافظة ماعنا ستات تنكشف عند الغرب، ماكنا رافضين انو نساعدها بس الداية جمانة كانت شاطرة والميلاد ع ايديها ساعة منسية.. ميساء اصرت بصراخها ماحد يفوت لعندا، بالاحرى كانت تقرف منا،. لوقت ماسمعنا دقات الباب القوية، كان صوت البيك ومرتوا، فاتو بقلب البيت ومعهن رجال غريب بكون ابن عمها حكيم بالاكزخانة جاي ياخدها، ابي رفض وامي قالت مابدنا حريمنا تنكشف ع الغرب،. وصلت الداية جمانة، ولان الوقت كان قصير كثير استسلمت ميساء للامر الواقع وولدت عنا،، الشي اللي صدمنا تاني يوم هو اصرار امها تاخدها لعندها ترتاح، ابي مارفض وقال تروح وتروح امي لتنتبه ع الطفل ،. وهون سمعنا صوت البيك انو هالطفل رح يبقى عنا وامو مابدها تاخدو ،. امي تقلو ياجماعة حرام هالطفل بدو يرضع بعدو صغير لازم يكون بحضن امو، ابدا اخدوها وراحو وخالك مجاهد لا من تمو ولا من كمو،. يييي مانطق شي ماعارض ماقال مرتي مابتطلع من هون كان يخاف منهن يالطيف، شو سر الخوف ماكنا نعرف.. ومن نحكيه لك احكي شي حاكي المخلوقة مايقبل يقول مافيني عارض البيك،، هو لالو فضل عليه انو درسني الهندسة المعمارية.. كان زمان يلي يدرس بدو واسطة بيك،، المهم تركت هالطفل وراحت وبقينا بحسرتنا شو بدنا نعمل كيف بدنا نرضعو، شو بدنا نحكي للعالم تركتو امو وراحت،. وصارت الداية جمانة تلف فيه ع المرضعات من هون وهون، وعلى حليب البقر لربيتو من حبات عيوني، ومن صار عمروا ٣ شهور ابوه ماعاد مسؤول عنو وقت سمع مرتوا راحت ع فرنسا، ماتحمل كان يحبها راح معهن بالبابوور وترك ابنو ومن يومها ما ظهر.
وانا بلشت شوف هالوردة كل يوم عم تتفتح، صار عمو زيد ياخدو معو على المدرسة بحارة البكوات وماكانو يقبلو اي حد يدرس فيها لان غالية، الاطفال اوقات يدرسوا عند شيخ الجامع، ويلي بيدرس بالمدرسة هو ابن بيك واكابر يا ابن مخاتير الحارات، بس لان خالك زيد عم يشتغل استاذ رياضيات فيها وافقو يدرسوه، نحنا كنا اميين لا نكتب ولا نقرا بس خالك زيد ومجاهد جدك باع دونمات واملاك ليدرسهم كان حابب يفتخر فيهم...بعدين اجو الفرنساووين واخدو كل شي مابقي لجدك شي، كلنا اعتمدنا على خالك زيد، وبيوم اجانا خبر انو زيد اخدوه ع الاكزخانة، راح جدك ليشوف شو فيه، طلع ابن بيك كبير وواصل عند الفرنساووين رامي عليه طبشور الكتابة هي لونوا ابيض وهالطبشور حارق عينو ومن يومها ادهورت حالتو وماكنا نملك حق ادويتو، صرنا ع العطارين من هون لهون لعند ماتعبت عينو وماعاد يشوف منيح متل ما شفتيه، وبالمدرسة ماعاد يشتغل وصار حبيس هالعتمة نروح نخطبلو لنزوجو ماحد يقبل، وبقي لحد الان، ومابقي معيل لالنا صارت الداية جمانة تاخدني معها اساعدها اترزق من هون وهون، نضف هون واساعدها بولادة بنت بيك هون، اطلع من وجه الصبح لحد غروب الشمس من بيت لبيت، جدك مابيقدر يشتغل وانكسر من بعد ماراحت املاكو، وخالك زيد الله يعينو على حالو، واخدت عهد ع نفسي اني اعمل المستحيل ليبقى يدرس في مدارس البكاوات، خدمت مرت مراد بيك بعيوني وقالت اتركي هالامر عليه وبقي هالصبي بالمدرسة، لعند ما اجا اليوم ودق بابنا ورد القرنفل، كانت امك الله يرحمها وكنتي انتي معها، كانت حاملة سرة تيابها والدمعة على عيونها،.

زهرة :- قلي صاير في شغل وبدهن رجال طول بعرض ليبنو عمار جديد، والرزق فيه منيح، يغيب يومين ويرجع كان الشغل تعب، ويحملو صخر وحجار تقيلة، كان يتحمل كرمالنا، بيوم غاب يومين ومارجع متل عادتو بعتنا نسأل عنو واجاني محمل بتابوت، الله يرحمو من بعدو شفت الدني رماد، ماقدرت ابعتلكن خبر الطريق بعيدة والناس بتخاف تسافر،، ومضيت العدة، وبلش ابن حماي بدو البيت، وين بدنا نروح انا وهالبنت، تركناه لالو وطلعنا لهون، اخدونا ناس بخافو الله لعندن لوقت ماوصلنا لعندكم..

زينب :- الله يصطفل فيه ابن حماكي، مو هاي بنت اخوه

زهرة :- خليها ع الله يا اختي انسان شجع طماع طول عمروا عينو ع رزقة اخوه..

زينب :- والله مني ومنك مابترك البيت

زيد :- لا يازينب منيح انها اجت ماعاد في امان وهي حرمة وحيدة معلش يختي الله موجود واللقمة يلي بناكلها بنقسمها معك..

ام زيد :- قومي بنتي غيري تيابك وارتاحي وريحي هالطفلة تقبش قلبي قمر مضوى..

زهرة :- هاي بنتي ربيعة..

زينب :- تعي لعندي امي دخلك مين بتشبه

ام زيد :- مممم خالها مجاهد

زينب :- سبحان الله ملامحها متلو

زهرة :- وينو مجاهد

زينب :- يييي يا حسرة بعدك متذكرة مجاهد

زهرة :- شو صار من بعد مامرتو تركتو

زينب :- لحقها ماقدر ع بعاد سباطا..

ام زيد :- بنت

زينب :- تعي خالتي تعي مانها دايمة لحد..

(( من جابتك امك كنتي شي ٧ سنين، كنتي وردة البيت وكبرتي عنا، كان يغار منك

#لغز_العشاء
#بقلم_جمايكا_احمد ابتداء القصة الثلاثاء ١/ اكتوبر

. الجزء الاول والثاني معا...

الجزء الاول..

حياتنا عبارة عن انطواء واكتئاب وخوف وهروب قدر المستطاع،. انك تعيشي بجو عائلي هادئ ودافي وكلو اهتمام وحنان هي مجرد مشاهد تمثيلية كنا نشوفها بشي مسلسل سوري او مصري.

اما بواقعنا وحياتنا الطبيعية كانت مجرد احلام، هيك ربينا ع الخوف والجحود، ثلاث اخوات واثنين اخوه، اللي يشوف اخواتي من الخارج يحسدنا عليهن طول بعرض بشوارب ورجولة خشنة وثقافة وزوق واهتمام، بس مو معنا لاء هالحكي كان برا هالباب الحديد.. برا باب البيت..وهون بين هالحيطان اول مانسمع صوتن صار بالبيت كنا نختفي نترك كل شي بايدينا او نقوم من مكانا، ينطفي التلفزيون، وتنترك اللقمة من الايد،. ويخلص اخد الحمام..

سامر :- سم الهاري طالعة تهرسي نازلة تهرسي مابترحمي بدك ماكينة تصرفلك اكل..

ابراهيم :- كل يوم حمام عروس اسم الله عليكي واللي بشوفكن ريحة الجيف والخمة بتبخ منكن بخ..

سامر :- مافي شغلة ولا عملة وراكي الا التلفزيون طفيه وقومي انصرفي حطيلي اتزهرم اكل لقمة..

ابراهيم :- هاتي وجهك من الجزامة لإلبسو بدي اطلع مشوار. خلصي..

( هيك كانت طريقة الحكي والمعاملة بقلب البيت، ماكنا نقدر نحكي حرف واذا اعترضنا كانت الايد تترفع علينا وننضرب.. واحيانا الكف مايبرد قلبهن.... وبحزام البنطلون ننضرب، واحيانا كابل الكهرباء.. هالشي ماكان يشفي غليلهن.. كان الحرمان والضرب والاهانة حياتنا..

ومن بلشنا نوعى ع الدني لقينا باب البيت انقفل بوجهنا ماعاد لازم ندرس.. مابصير وعيب وماخرج وانو مكانا المطبخ..

رانيا :- الله لايسامحك يا ابراهيم ان شاء الله ربنا ينتقم منك..

علا :- بدك تستسلمي يا اختي سبقتك انا وماقبلو الله لايسامحهن

رانيا :- اللي قاهرني ابوكي ماعم يقبل يحكي حرف..

علا :- ولا امك بتشوفهن هيك بعاملونا مابتحكي وان حكت بطالعنا بحكيها المسموم.. واذا حكينا معها..لاتخليني كفي بضلا امنا

امي :- اسمعي انتي وهي هادول اخواتك الشباب وهني ادرى بمصلحتكن لهيك بتخرسي انتي وهي ولا تستفزوهن..قومي خلينا نجهز الغذا قبل ليجو.

.. واذا انضربنا..

امي :- لك امي خلص لا تهز بدنك روق الله يخليك لا ترد عليها مجنونة مافي براسها عقل اتركها... خلص.. الله يرضى عليك مابصير الا يلي بدك اياه..

واذا تقدملنا حد..

رانيا :- ان شاء الله تقبل امو انا راضية فيه شو ماكان بدي اطلع بدي اطفش من هالعيشة انخنقت لا عم ناكل منيح ولا عم نعرف انام ولا نرتاح بهاد البيت..

علا :- بس مايقفو اخواتك ويرفضوا متل هاديك المرة شي بخلي الوحدة تتمنى الموت..

وقبل ٦ سنوات اتزوجوا خواتي سوا.. ولنفس العيلة.. وراحو تركوني اعاني مع الاخين مو بس معهن مع نساوينهن واولادهن..

اتزوج ابراهيم وسامر بنفس السنة يلي اتزوجو خواتي فيها.. وبقيت انا عم عيل امي وابي.. وخاصة بعد ما ابي انصاب بشبه شلل.. من كثر الشغل والتعب يلي اشتغلو بحياتو ماعاد قدر يرفع ضهروا.. بيتنا صار ٣ طوابق..

طابق فيو شقتنا غرفتي انا وخواتي.. وغرفة امي والصالون والمنافع.. والسوبر ماركت.. والطابق الثاني لابراهيم والثالث لسامر.. والثالث كان لسهرات اخواتي مع رفقاتهن.. عبارة عن صالة كبيرة مافيها الا حمام.. وكانت للحفلات والسهرات العائلية.. نحنا وضعنا المادي منيح نوعا ما وامورنا ميسرة.. بس انا كنت حس بالفقر من كل شي، ماعندي شي ملبى وقطعة التياب الجديدة يا اخدها من خواتي يا امي من بعد الف حيلة لتعطيني اشتري شي لالي.. وماكانت تعطيني الا بشي مناسبة مهمة.. ع طول امي ملتهيه بالسوبر ماركت.. وابي ع طول انا جنبو دائما بخدمتو..

ورانيا وعلا.. مايجو الا ساعة يطمنو ع ابي او امي ويهربوا ولا مرة من بعد زواجهن باتو عنا.. واغلب زيارتهن مع ازواجهن، كنت اترجاهن يبقو..

رانيا :- ايوه بدك اخواتك يكسروا خاطرنا قدام زواجنا ولا يسمعو ازواجنا كلمة هيك ولا هيك....

علا :- مو هيك وبس ولا تطلع مرت سامر ع اخر طراز محزق وملزق وميك اب مرشوم ع وجها تقول عروس قدام زواجنا..

رفيف :- والله اشتقت لالكن بتمنى اسهر معكن واحكيلكن عن يلي بقلبي..

علا :- بكرة بتزوجي وبنصير نروح عند بعض ونسهر يختي بيت ابوكي مطفش لالنا مابنقعد فيه ماسدقنا نطلع منو..

رانيا :- والله سادقة.. نار زوجي ولا جنة اهلي.. انا جوزي كل يوم مع وحدة شكل بس مابتركوا وبجي لاهلك.. انا قبلانة فيه بكل وساختو.. بس الحمد لله ع الاقل بهتم فيني شوي وما بسمعني حكي وصخ..

علا : والله هاديك المرة اكلت قتل لشبعت ووزعت ع الجيران.. بس اويلي كان ناطرني احرد.. رحت قلتو مابترك بيتي اذا تركتو اخواتي بحرموني منك وبعز عليهن ومابهون عليهن اختهن تنضرب.. قام سكت وبلش يراضيني.. ومارجع عادها وانا ياحسرة لو طلعت من عندو واجيت لهون لرجعو اخواتك ضربوني وكسروا رجليه ورجعوني لعندو مذلولة..

..

دائما شعور خواتي الخوف والهروب.. ماحد كان شاعر وحاسس فيني.. وكبرت مع ها

#تلك_البصارة
#بقلم_جمايكا_احمد
الاول..للسابع
@rwayate
الجزء الاول..
انك تعيش حياة روتينية..وتتقبل أبسط الحقوق..وترضى بأقل شي..وتعيش ع امل تشوف يوم حلو..شي مو متعب..شي كنت عم فيق ونام وانا بإنتظاروا.. شي بحلم كل يوم فيه ..كنت بدي شي يوم يصير مثل شي مفاجأة..بدق جرس المنبه..بقوم من جنبي ع الحمام بفيق دغري من بعدو لاحسن جهزلوا فنجان القهوة..بنطر كلمة صباح الخير..بحسو تأخر ..بجي بقلو حبيبي صباحك راحة بالي..برد ببرود وهو كامش منشفتو وعم يمسح وجهو..صباح الخير واوقات مايقولا..حسب مزاجو..مباشرة بسألني جهزتي قهوتي..تيابي مكويين..بكون كامشتن ..فنجان القهوة بإيدي اليمين..والتياب بإيدي اليسار..بياخد مني التياب وبنشغل بلبسن..وبجمع مفتاح سيارتو ..وموبايلو..وبياخد القهوة من ايدي..وبروح...بروح بدون مايلتف لالي..بدون ما يبوسني..بدون ما يقلي بدك شي محتاجة شي ..طيب بدون مايقلي سلام..بغادر هيك ..بفتح الشباك لاسمع صوت السيارة انها راحت..برجع برتب سريري..وبجهز لالي كاسة حليب ساخن..مع تمرة..وبشغل اغاني فيروز..بصفن بالورد يلي جابتلي اياهن جارتي ام علي..وصوت فيروز وهو بقول انا لحبيبي وحبيبي إلي..بس انا حبيبي مو لالي..حبيبي لشغلو ..لحياتو الخاصة..حبيبي ..مابيوم صار لالي..حبيبي انا لالو بس بساعة نسيان فوق هالسرير الممل..بدون احساس بدون اهتمام ..وبدون حنان..مشاعروا تجاهي ماتت..او بالاحرى مافي وماكانت لتموت.. واذا شي يوم ناقشتو..بردني..ماحد قلك تقبلي فيني...انا قبلت فيك لاني بحبك من الصغر لاني بنت عمك..لاني كنت شوفك سندي وحلمي..مابعرف ليش يمكن كان الكل عم يحسد يلي رح تكون من نصيبك..شاب اهتمامو الاول والاخير اناقتو ..احدث الساعات..والنضارات الشمسية..اغلا ماركات التياب..وغير هيك..دقنو ..وعيونو السودا الواسعة وشعروا الاسود الناعم..وجهو الحاد وملامح وجهو الرجولية..كل هالشي كان مثل شي جائزة ونيالا يلي بتحصل عليه فينا..كنت راقب كل صغيرة وكبيرة بتخصك..راقبك لاعرف شو بتحب وشو بتكره..كان عندي يقين يلي بهيك شخصية رح يعيش حبيبتو او مرتوا المستقبلية عيشة اميرات الزمان..بس يوم يلي قلتن موافقة ع ياسين ..اتغيرت ملامحك..كنت عبوس..وماعم تقبل تحط ايدي بإيدك..تركتني البس دبلة الخطوبة من حالي..احرجتني قدام المعازيم وقت اخدتن من امك..وماتركتلي مجال لبسك اياه..وليكا من اول يوم لالنا متروكة بقائمة شغلاتك المهملة ..ماعم تعني لالك.شي..كنت قول حسد..وعلاقتنا صارت هيك بسبب شي سحر ..لانو الكل كان بتمناك..صح انا متوسطة الجمال..بس فيني شغلات كثير حلوة..تركتني بهاد البيت لحالي اشهر ..ابكي وافرح ..ونام وافطر واتغدى لوحدي..واذا صار شي يوم واتغديت معك..بكون شي حد ضيف عنا..ليكني هون عم انطر مثل العادة عقرب الساعة ينتهي لتصير 7 بالمسا..وليكا بقيان شي اكثر من 13 ساعة..شو بدي اعمل فيهن ..طبعا ولا شي..لانو مافي شي اعملو ..لا غدا لنتغدى سوا..ولا تياب اغسلن لانك ع طول بتحب تغلسن بداري كلين..كرمال ما انزعهن..حياة مملة من التلفزيون ..للكتب..مافي شي جديد..
غفران :- شلون شغلك اليوم اعطيني علق لالك تيابك..
ياسين :- مافي شي جديد مامليتي من نفس السؤال تبع كل يوم.. اعطيني طقمي الاسود..
غفران :- طقمك الاسود عندك سهرة شي..
ياسين :- اي معزوم مع رفقاتي..
غفران :- عائلية
ياسين :- هيك شي..
غفران :- طيب خدني معك..
ياسين :- مامليتي من هالطلب كمان .. اعطيني كندرتي السودا التمبرلاند..
غفران :- حاضر..
(( كنت بعرف الجواب ضميت شفافي ..وبلشت نفذ طلباتو .. ريحة البرفان عبقت البيت..ومثل العادة غادر..غيرت تيابي يلي كنت لابسها كرمالو وهو متعود ما يعبرني بشي ..البست بجامتي..وحطيت حالي بسريري لاحلم شي يوم يكون شي طفل نايم جنبي ..كنت حط مخدتو واتخيلا طفل ..واحيانا من حسرتي قوم جيب تياب والحشا ببطني واتفرج ع حالي بالمراي..واوقات صور حالي .كنت اجسد هالشي ع حالي..كنت احط المخدة و غنيلا ..واغفى معا..وافيق ع ايدين عم يشدو المخدة مني..
غفران :- ممم ها ياسين انت جيت..
ياسين :- اي اعطيني مخدتي
غفران :- اها اسفة ماحسيت..
ياسين :- مو مشكلة..
غفران :- شلون سهرتك
ياسين :- منيحة انا شلحت تيابي وتركتن بشنتاية ..بكرة رح يجي تبع الغسيل اعطيهن لالو..تصبحي ع خير..
غفران :- وانت من اهل الخير..