#فتاة_النار
#بقلمي_شامة
فتاةٌ خلقت لتجدَ نفسها بينَ لهيب النيرَان، عبرت عن نفسهَا بإنقاذِ الناس ومدّ يد المساعدةِ إليهم، كبرتُ على حب الناسِ ومساعدتهِم، حتى جاءَ من يساعدهَا في ذلكْ ..
رينادْ الفتاةُ التي لا تهابُ النار..
هي بطلةُ القصة ..

الجزء الأول
_____

كانت عم تلبس بدلتها وتجهز خوذتها لما سمعت انو في حريق ..
: محمد انا رح روح
محمد : مارح امنعك اصلا بعرفك ما رح تردي
: وين ايسر تأخرنا ..
أيسر : ليكني ليكني اجيت ..
تجمعو سوا وحكو : جاهزين
طلعو بالسيارة المخصصة ومشيو ..
________________
ر: لك اتصلوا عالإطفاء بسرعةةةةةة بسرعةةةة
س : اتصلنا سيدي لبكن عالطريق
ر : اووووف من وين جاي الحريق ..
س : من الأرشيف سيدي
ر : لك حاج تقلي سيدي لزتك عالحريق
س : ههه خلص ما عاد عيدا ..
ر : بلشو طفو الناار بسرعةةة
س: بلشنا والكل عم يشتغل ليطفيا بس صارت حارقة نص القسم تحت وعم تمتد اكتر ، ولسا الاطفاء ما وصل
ر : في حدا تحت
س : لا ، معقول في حدا !
ر : لسا عم تفكر روح نتأكددد
فاتو لجوا وهنن بعاد عن النار بمنيح
س : لاا لا تفوت النار كتير قويةة
ر : بدي فوت اتأكد انو مافي حدا
س : انا بفوت
ر : بالله لا ما بسمحلك ، انا بفوت
س : عم قلك ما بخليك تفوت انت
ر : انت معلش يعني
س : اذا فتت رح تموت بتعرف صح
ر : وانت مارح تموت يعني
اجا من بعيد موظف وصرخ ...
: سيدي وصلت الاطفاء
طلعو ركض لبرا ليدلوهن ع مكان الحريق ، لما لفت نظرو بنت نزلت من السيارة واخدت خرطوم المي وفاتت لجوا بدون ما تسأل عن شي ..
لفتت انظار الكل بقوتها وشجاعتها ، فاتت لجوا ولحقوها يلي معها وبلشو الكل بشغلن بتطافية الحريق ..
بعد ساعتين كاملين من التعب ، طلع نصن من جوا وهنن تقريباً مطفين الحريق .. وصلت الاسعاف وفاتت والكل مستغرب لانه ما كانو بيعرفو انو في حدا هون ..
طلعت الاسعاف وهنن حاملين بنت عالنقالة وركضو ساري ورائد ليشوفوها ..
رائد بصدمة : مرح ... مررح انت منيحة .. ! ردي عليي انت منيحة
ساري : مرح ، شو مفوتك لجوا منيحة انت !
: لو سمحتو بدنا نروح فيكن تلحقونا ..
رائد : ساري الشركة بأمانتك هلأ .. انا رايح مع مرح ..
ساري : طمنّي يبقى ...
راح رائد ...وبقي ساري عم يتطلع مكان الحريق لوقت رجعت طلعت من جوا وعيون الكل متوجهة عليها..
مشي ساري باتجاهها : الله يعطيكن العافية ..
: الله يعافيك
حكت هالكلمتين ومشيت وهي تاركة وراها عيون عم تاكلها ..
ركبو وراحو والناس بلشت تتفرق ..
_____________
بعد شوي وصلت الشرطة ومشيو لعند ساري وبلشو يحققو معه ..
الشرطي : متى بلش الحريق !
ساري : تقريباً من ساعتين ونص
الشرطي : عرفتو سبب الحريق ..!
ساري : لسا ما عرفنا .. عالأغلب ماس كهربائي ..
الشرطي : ولو ما كان هيك ، شاكين بحدا !
ساري : ما فهمت شو قصدك !
_________________
الشرطي : يعني الحريق ممكن يكون بفعل فاعل .. والضحية مستهدفة !
أحمد : ضحييية !!!!
الشرطي : سمعنا انو سكرتيرة السيد رائد مصابة وكانت بالأرشيف لما صار الحريق صحيح ؟
أحمد : صح بس ما كنا منعرف ، لما طلعو الاطفاء من جوا وصل الاسعاف واخدوها ، والسيد رائد معها ..
________________
الشرطي : يعني ما بتشكي بوجود حدا بدو يئذيها ؟
سلوى : لء .. يعني ما بعرف .. مرح كانت حبابة كتير وما بتأذي حد
الشرطي : ليش أجزمتي إنها كانت !
سلوى : لا .. يعني قلتها بقصد انو وقت كانت ، يعني وقت كانت تشتغل هون معنا .. يعني .. والله ما بعرف شو عم احكي من الرعبة ..
_______________
الشرطي : وما الها اي اعداء او حدا ما بحبها ..
نارة : ما الها لانو الكل بحبها .. بس
الشرطي : بس شو !
نارة : هو شي خاص يعني شوي ...
الشرطي : مع الأسف هون مضطرة تحكي كل شي .. تفضلي
نارة : بس سلوى .. سلوى بتغار منها كتير
الشرطي : بسبب ؟
نارة : لانو هي سكرتيرة السيد رائد وسلوى بتحب السيد رائد . وهي حاولت كتير تقنعها تتقاعد وتعطيها مصاري بس هي ما قبلت .. وهاد ممكن يكون سبب لتإذيها ..
_______________
الشرطي : سيد رائد بتشك بحدا بدو يؤذي شركتك !
رائد : يلي بدن يئذوني كتار ، بس ما اتوقع يكونو جريئين لدرجة الدخول لشركتي وافعال حريق فيها !
الشرطي : طيب .. ما جاوبت ع سؤالي .. بتشك بحدا !
رائد : لا سيدي
الشرطي : كيف وضع الآنسة مرح ؟
رائد : صار أحسن .. عندا حروق كتير وتشوهات ..
الشرطي : بتعرف اذا صارلها شي ممكن اهلها يرفعوا عليك دعوى وومكن تخسر الشركة ..
رائد : بعرف .. بس مارح يصيرلها شي .. عن اذنك اذا خلص التحقيق فيني اطلع ؟
الشرطي : تفضل ...
_______________

قاعد عالبلكون الساعة ٦ الصبح، عم يتأمل بالسما وماسك فنجان قهوته ، مو حاسس ع أي شي حواليه وهو عم يتذكرها ..
قطع عليه شروده صوت امه لما نادته ..
: ساري .. ساري ماما وين شارد ؟ ساريي
التفت ساري لعندها وقت شافها .. : ماما انت من متى هون ؟
: من شوي اجيت .. شو مفيقك انت

#أسود_siyah
#بقلمي_شامة
4
الجزء الرابع
▪¤▪¤▪¤▪¤▪¤▪

احمد : منيحة كتير مو ؟

ملاك : اوف يااا الكل بيحكي هيك لانه الاهل ما بشوفو الا جزء من اولادن..
اهل بينسو كانو مصدومين وقت حكو رفقاتا كيف كانت

احمد : هممم، عرفتي شي ؟

ملاك : ابدا ، وانت؟

احمد : ولا شي

ملاك : اووف يا وبعدين ؟

احمد : ما بعرف

ملاك : حطيتو حماية على مريتش وكوكشة

احمد : اكيد

ملاك : منيح .. مافي قضايا؟

احمد : في بس بحلوهن الشباب

ملاك : منساعدن

احمد : لا

ملاك : ليش!

احمد : هيك السيد الب بده، ننشغل انا وانت بقضيتنا وبس

ملاك : هممم تمام..

بعد مرور اسبوع، الوضع هادي جدا ومافي اي شي بيدّعي الخوف او التوتر ..

اتصال عصيب تلقوه ملاك واحمد بعد هالفترة القليلة الرايقة ..

جريمة جديدة .. ويا حزركن مين !

احمد : كوكشة سسيبال ومريتش اوغلو
العمر 25 سنة
تنهد وسكر الملف وحكا:
منعرفهن من قبل ما اظن في داعي عرف عنهن ...
متل مو شايف سيدي الضحيتين مقتولين بنفس اليوم فرق دقائق..
مع الاسف..
ممثلين فيهن..

اخد المصور لقطات كتيرة.
قربت ملاك منهن وكانت كتير حزينة ع منظرهن المبكي المحزن

ضحيتين بنفس الوقت والزمان والمكان
قربت من مريتش ورفعت ايديها كانت كلها جروح عميقة وحفر .. شعرها عالصفر ووجهها جروح
رجليها محروقين والحبل معلم ع ايديها ..
كانت زعلانة عليهن كتير لما تذكرت الاحرف، لفت رقبة مريتش ولاقت حرف جديد ..

ملاك :- سيدي حرف جديد

قرب الب باهتمام وحكا شو ؟

ملاك : i

احمد : في ع رقبة كوكشة كمان؟

قربت ملاك من كوكشة يلي كان كل جسمها مشوه، الدم مملي اذنيها، وايديها المحروقين.. شعرها يلي مقطع تقطيع
رقبتها يلي علام الحبل عليها ..

ملاك : سيدي h

احمد : a..s..i..h
بلش يشكل الكلمات بمخه وما تزبط معه ولا كلمة، بعدين قال sahi
هممم صحيح ؟ ما الها معنى بدل عالجرائم ابدا..

حكت ملاك : الله يجيرنا من يلي جاي..

//____________
جنازة جديدة ووجع جديد، هالمرة بدل الجنازة جنازتين وبدل القبر صارو اربعة ..

ملاك : لك .. نحنا مو حطينا حرسس وشددنا عليهن ماا يطلعوا، قلنالن بالحرف الواحد انتو بخطر بخطر ب خ ط ر
ليش طلعو ومين سمحلن ميين؟

ام مريتش : طولي بالك يا بنتي عليي والله مو قادرة القط نفسي

ملاك : اسفة خالة اسفة، بس هي خسرنا روحين بسبب الإهمال .. هي خسرتي بنتك بسبب اهمالها لحياتها

ام مريتش عم تبكي: هربت هريبة نحنا ونايمين، شربت العساكر شاي فيه منوم وهربت .. طلعت مشان تشم الهوا هي وكوكشة
ما كانو بيعرفوا انه آخر مرة حيستنشقوا فيها الهوا ، علي صوت بكاها هي وعم تطلب من ملاك تجيبلها بنتها وملاك عم تهديها لحتى نامت

ملاك طلعت على بيت ام كوكشة ودقت الباب .. فتح اخوها وحكا بدون نفس : خير

ملاك : معك المقدم ملاك بعدلي لشوف شغلي لو سمحت

: عرفتو شي عن قاتل اختي!

ملاك : لسا

: ولايمتى ؟ لحتى تنقتل كل المدرسة ؟ اااه احكي ؟

ملاك اخدت نفس وحكت : لو سمحت .. حكيت لو سمحت ..

فتحلها مجال لحتى تفوت لعند امه المنهارة ع وفاة بنتها ، او بالأصح مقتلها..

ملاك : معك المقدم ملاك .. بسلامة راسك

هزت راسها بدون ما تحكي

ملاك : ممكن تحكيلنا كيف بنتك خاطرت بحالها وطلعت برغم انه في اوامر وشرطة عالباب حرصا ع سلامتها ؟

غصت الام وما ردت

ملاك : لما الشرطة بتحكي شي بتعتبروه مو مهم ولما يوقع الفاس بالراس بصير كل شي براس الشرطة (موجهة كلامها لاخو كوكشة)

الام : والله بنتي ما حكت، كانت خايفة كتير وكل يوم تقعد معنا وكانه عم تودعنا .. كانه كانت حاسة انو اخر اياما ..
لك .. كيف طلعت وكيف التقت هي ورفيقتا ؟ كيف وصلت وكيف انقتلت .. كيف وصلني الخبر وانا نايمة ومتطمنة انها نايمة بغرفتها ..
علت صوتها : لكك كييف بدي احكيلك عن قلبي شو صار فيه لما سمعت الخبر ..
كيف بدي قلك عن عقلي يلي وقف عن الشغل ليعلن حداده معي
كيف بدي قلك عن صراخي يلي وصل للجيران ..
لك هي بنتي .. وانا اكتر من بخاف عليها ..
وطت صوتها وقعدت وهي عم تحكي : بنتيي رجعيليي ، وين رحتِ وتركتييني

شفقت ملاك عليها وقالت : خالة طولي بالك .. سوز مني رح لاقي قاتلهن هن الاربعة

اتطلعت عليها بنظرات توسل : سوز ؟

ملاك : سوز (وعد)🥺

رجعت ملاك على بيتها متأثرة كتير
فاتت عالبيت وقعدت عالكنبة حطت راسها بين ايديها وبلشت تبكي وتشهق..

اندق الباب
مسحت دموعا ووقفت تفتح ..
فتحت الباب بس مالاقت حدا .. التفتت يمين وشمال اتطلعت بالأرض باستغراب .. لاقت ظرف ..
اخدته .. سكرت الباب وفاتت
فتحت الظرف وكانت الصدمة ..

#يتبع
#شامة

يا ترى شو في بالظرف؟
رح يأثر على ملاك بسبب القضية ؟

#أسود_siyah
#بقلمي_شامة
5
الجزء الخامس
▪¤▪¤▪¤▪¤▪¤▪¤▪

صرخت بخوف وركضت لبرا، مافي ثواني بسيطة والبيت انفجر
التمو الناس واخدو ملاك يلي كانت قريبة من البيت كتير عالمشفى..

وصل الخبر لالب واحمد وراحوا كلهن يتطمنوا عليها..

الب : معك رئيس المفوضين الب دويماز، ملاك ناسل؟

الطبيبة: ملاك منيحة، بس بعدو مغمى عليها لما تفيق فيكن تشوفوها

الب : في أي خطر عليها؟

الطبيبة : حالياً لا

احمد بلهفة: شو قصدك بحاليا؟

الطبيبة : ممكن تتشكل عندها مضاعفات لما تفيق

الب : شكراً لك

اتخطوا الب واحمد الطبيبة وحكا الب: كيف صار الإنفجار

احمد : حسب حكي الفريق يلي راح لهنيك، انه الغاز كان مفتوح وفي نار اشتعلت ما قدروا يحددوا مكانها .. وناطرين المقدم ملاك لتفيق

الب بيمشي: تمام احمد ابقى عندها، اذا صار شي خبرني

احمد : أمرك سيدي ..

مشي الب ورجع أحمد لقدام غرفة ملاك وقعد على الكرسي .

شوي واجت ممرضة : لطفاً انت قريبها ؟


احمد : افندم؟ اي..

الممرضة : هدول اشيائها .. هاي الورقة كانت ماسكتها بايدها لما اجت لهون، وكانت شادة عليها كتير لدرجة ما قدرنا نطالعها ف شقيناها، بويرون

احمد : سآول

مشيت الممرضة وحاول احمد يجمع الورقة.. بس في اجزاء منها ناقصة

قرأ يلي جمعه وانصدم، اتصل ب الرئيس الب فورا وخبره انه في شي جديد...

حكاله الب انه هو تحت بغرفة المدير ..
نزل احمد بسرعة لعند الب، دق الباب وفات والمدير طلع لبرا..

الب.: شوفي؟

احمد : الممرضة قالتلي انه مقدم ملاك كانت ماسكة هي الورقة بيإيدها وشادة عليها منيح.
لدرجة شقوها لقدروا يطلعوها من ايدها..
جمعتها بس في كتير اجزاء ناقصة..

الب : شو المكتوب؟

احمد : اتركي القضية، بيتك حينفجر بثواني .. هاد يلي قدرت اجمعه

الب : يعني يلي صار بفعل فاعل.. وهاد تهديد واضح لملاك

احمد : انا حروح شوف باقي الورقة سيدي يمكن نلاقي فيها شي..

الب : تمام

طلع أحمد لفوق واجا بده يفوت على غرفة ملاك.

: ممنوع تدخل

أحمد : باردون؟

: ممنوع تدخل

زفر أحمد وطلع هويته وورجاها اياها

: تمام احترامي بس ممنوع تدخل

أحمد : لا إله إلا الله

: محمدٌ رسول الله

أحمد.: حسبنااااااا الله

: ونعم الوكيل..

عصب وتركها ونزل هو وعم يحكي مع حاله ..
طرق بحدا، ركّز ووقف

اجت لتمشي فحكا بسرعة : باردون

مشيت بدون ما ترد عليه..

احمد : وين شايفها من قبل ويين .. أحمد تذكر تذكر وين شفت هالبنت من قبل..

الب : أحمد عم تحكي مع حالك؟

أحمد : احترامي سيدي

الب : لقيت شي

أحمد : ما خلوني أدخل سيدي

الب : ليش؟

أحمد : ها! ما بعرف صراحة

الب : أحمد شو صرلك، كنت عم تحكي مع حاالك

أحمد.: في ممرضة سيدي ما خلتني أدخل .. بس أنا وراجع فتت ببنت حاسس حالي شايفها

الب : من وين ؟

أحمد : ما بعرف سيّدي ..

الب : تمام انت كمل تحرياتك بين ما تفيق مقدم ملاك.

أحمد : أمرك سيدي.

مشي الب وأحمد رجع برجوع يدور عالبنت يلي انطرق فيها.
وصل لقدام غرفة ملاك والتقا بنفس الممرضة ؛ قلنا ممنوع الدخول.

أحمد : اه صح مابدي ادخل بس بدي أسأل. مرّت شي من هون بنت...
اجا ليوصفها بس تذكر انه ما دقق بملامحها.

الممرضة : بنت شو؟

أحمد : ولا شي، شكراً

الممرضة بقلبها: مجنون ولا شو 🤦🏻‍♀

بعد مرور يوم عصيب وملاك نايمة.
وأحمد نايم برا عالكرسي.

فاقت ملاك موجوعة، حطت ايديها على راسها بألم وحكت : وين أنا...

اجت لتوقف بس ما قدرت.

التفتت بحذر وشافت الغرفة يلي هي فيها... حاولت تتذكر كيف اجت ومتى بس مافي ببالها أي شي.

شافت جرس، حاولت مع كل وجعها تطولو بس ما قدرت، كانت موجوعة وعالحركة صارت موجوعة أكتر، فات حدا بس ما كانت قادرة تركز مين هو. رن الجرس وطلع..
وهي فقدت الأمل بالحركة وداخت ورجعت نامت هي وعم تهذي..

شوي وفاتت ممرضة، ركضت بسرعة على ملاك لما شافتها عم تهذي ..
مسكت ابرة لتعطيها اياها بس ملاك مسكت ايدها وحكت : وين أنا

الممرضة بابتسامة : بالمشفى

ملاك : ليش!

الممرضة بقلق : شو يعني ليش؟

ملاك : يعني ليش كيف متى وين

الممرضة : ل ل لحظة، رح نادي الدكتور..

على حركة الأطباء فاق أحمد .. وقف الممرض وقله : شوفي؟

الممرض : فاقت والدكتور فات يتطمن عليها

أحمد : بس ليش كل هالدكاترة؟

الممرض: في احتمالية تكون المقدم فقدت ذاكرتها ..

أحمد : شووو

تركه الممرض وفات لجوا .. اتصل أحمد بالب بسرعة : سيدي المقدم ملاك فاقت، عم يقولو في احتمالية فقدها الذاكرة

الب : كييف ! خليك هنيك انا جاي..

أول ما وصل الب طلع الدكتور ..

الب : معك رئيس المقدم ملاك، شو صار؟

الدكتور : المقدم تعرضت لضربة قوية أدت لفقدانها الذاكرة ..

الب : مؤقت ولا... دائم..

الدكتور : هالشي مو نحنا منقرره، هي وإرادتها

أحمد : فينا نشوفها؟

الدكتور : فيكن، بس حاولوا لا تضغطوا عليها.

أحمد : تمام ..

فات أحمد لعندها والب طلع يعمل اتصالاته..

أحمد : مقدم ملاك. . الحمد لله عالسلامة

ملاك : مين انت؟

أحمد انصدم.. حتى اله ما عرفته

#أسود_siyah
#بقلمي_شامة
6
الجزء السادس
▪¤▪¤▪¤▪¤▪¤▪¤▪

رنت الجرس بسرعة، شوي واجت ممرضة..

ملاك : قربي ..

الممرضة : ليش

ملاك : تعي شوفي ..

قربت الممرضة وملاك فتحت الفيديو والممرضة انصدمت وغمضت عيونها : وليي

ملاك : ياا الله، لك تعي فتحي شوي .. شوفي كأنه إيد القاتل عم ترتعش ؟

الممرضة : اي .. صحيح ..

ملاك : شو اسم هالحالة

الممرضة : ما منقدر نشخص بدون ما نشوف عالواقع ..

ملاك : مين أحسن طبيبة هون؟

الممرضة : في الدكتورة نورسين و ...

ملاك قطعتها : تمام ناديلي ياها

الممرضة : تمام

طلعت الممرضة ورجعت معها نورسين..

نورسين : بويرون في شي؟

ملاك : لطفاً ممكن تشوفي هالحالة

قربت نورسين والممرضة طلعت ...

نورسين : جريمة قتل ؟

ملاك بأسف : مع الاسف

نورسين : مو حرام هيك 🥺

ملاك : رح نمسك القاتل...

نورسين : انتِ مو فقدتي الذاكرة؟

ملاك : اي 😞

نورسين : كيف متذكرة تفاصيل القضية

ملاك قربت وهمست لنورسين بشي بإذنها .

نورسين : يعني انتِ ....

ملاك : اي .. وهلأ بدي تشوفي هي الحالة

نورسين : تمام ..

بعد ما خلص الفيديو : القاتل ممكن يكون معه شلل رعاشي او ..

ملاك : أو شو؟

نورسين : ضمور مخيخي ..

ملاك : ضمور مخيخي ؟

نورسين : بعاني منه المريض بأعراض

خلل في التوازن أثناء المشي أو الترنح، ويؤدي إلى كثرة السقوط ومع تقدم المرض يحتاج المريض إلى استعمال الكرسي المتحرك، وبعد ذلك يفقد المريض القدرة على الحركة. عدم وجود تناسق بين الحركات العضلية للذراعين مما يسبب صعوبات في الكتابة ومن ثم يفقد هذه القدرة كلياً. بطء حركة العينين وعدم القدرة على تحديد المسافات. تشنج المريض وتعتبر هذه الأعراض من العلامات المبكرة لضمور المخيخ. مع تقدم المرض يصاب المريض بصعوبة في البلع. لا يستطيع المريض الحديث بصورة واضحة. ضعف أو فقدان في الذاكرة. الإصابة بالشلل الرعاش. الإصابة بمرض التصلب. الشعور بالاكتئاب. يعاني المريض من إضطرابات النوم.

ملاك : يعتي القاتل ممكن يكون مصاب بالضمور المخيخي ؟

نورسين : هاد الواضح ..

ملاك : بدي اسأل

نورسين : بويرون

ملاك : ممكن شوف كاميرات غرفتي؟

نورسين : 🤨 ما بيسمحوا

ملاك : ضروري وعاجل، لا تنسي اني مقدم..

نورسين : ما حدا نسي .. بس انتِ مو بوضع تنزلي فيه لتحت..

ملاك : لطفاً لطفاً

نورسين : بجيبن لهون، بس شو بدك فيهن

ملاك : يدي شوف شي

نورسين : مع الأسف مضطرة تحكيلي، وإلا ما بساعدك

ملاك : ☹️ تمام..
اول ما فقت، كنت دايخة كتير، في حدا دخل رن الجرس وطلع ..
فكرت من رؤيتي المشوشة انه اجا ليضغط بس ضغط بغير مكان...
اذا حكيك صحيح .. ممكن يكون القاتل

نورسين : 😐 القاتلل!!!!!

ملاك : اي

نورسين : رح جيب السجلات واجي

ملاك : بستنى

راحت نورسين تجيب سجلات الكاميرا ورجعت ملاك تدقق بالفيديو ..
طلعت الفيديوهات يلي قبل وبلشت تتفرج ..
رجعت لأول فيديو وكملته لآخره عكس أول مرة شافته فيه ..
انتبهت لشي ما انتبهتله .. فعلا القاتل حركة ايديه كتير عم ترجف .. وماعم تهدى ..
قبل ما تلحق تخلص الفيديو فاتت نورسين

نورسين : هي السجلات

قربت وحطتن باللاب وشغلته ملاك ..
شافت كل اللحظات بس وقت فات المجهول كانت اللقطة محذوفة ..

تطلعت ملاك بنورسين مصدومة : محذوفة

نورسين : يعني ؟

ملاك : ما بعرف، راسي رح ينفجر

نورسين : لا تشغلي بالك بالتفكير كتير

ملاك : 🙍🏻‍♀ كيف .. كيف وقدامي جريمة قتل معقدة ما عم اقدر حلها، وقدامي بنات متل الورد عم يرةحوا وماعم اقدر شوف امهاتتن وقلن القاتل ما التقى ..
كيف قوليلي كيييف...

نورسين : اهدي .. اهدي

ملاك. بصريخ: كيف بدي نامم وانا كل يوم عم شوفن بمنامييي .. كيف بدي اهدى كيفف..

طلعت نورسين ابرة مهدئ واعطتها لملاك يلي نامت هي وعم تهلوس...

اندق الباب وطل حدا ..: سمعت صوتها

نورسين : مين حضرتك؟

: أحمد زميلها بالفرع

نورسين : أعطيتها ابرة مهدئ وهديت

شاف أحمد الكركبة يلي حواليها ومشي لياخدهن

نورسين : لطفاً اترك

أحمد : ليش؟

نورسين : اغراض المريضة ماحدا بمسها

أحمد : بس انا زميل...

نورسين مقاطعة : ولو .. لطفاً اترك .. واطلع هلي المريضة ترتاح

هز راسه مغصوب وطلع ..

شوي وفات حدا ونورسين عم تلم بغراض ملاك

: انتِ هون ؟ صرلي ساعة عم دور عليك

نورسين : جاد

جاد : عيونو..

نورسين : ساعدني ..
قربت منه واعطته اللاب ومسكت هي الملفات والسجلات وطلعوا على مرأى عيون أحمدفاتت نورسين وجاد على غرفة وسكرت نورسين الباب وقفلته

جاد : شوفي قمري؟

نورسين : جاد، شفت المقدم ملاك؟

جاد : اي

نورسين. : ملاحقة سلسلة جرائم متتالية .. لحد هلأ مقتول اربع بنات ..
طلعت الصور من الملف وورجته ياهن..

هدول هن... مع طريقة القتل البشعة هي ..
اجت لتفتح اللاب بس لقته مشفر .. : اووف .. المهم مع طريقة القتل البشعة عم يندمغ على رقابهن احرف...

جاد : شو الأحرف؟

نورسين : s..a..h..i

جاد : sahi ?

نورسين. : لا لا مو مرتبين

#أسود_siyah
#بقلمي_شامة
7
الجزء السابع
▪¤▪¤▪¤▪¤▪¤▪¤▪

ملاك : هي .. بنت .. تووه كيف ما انتبهت من قبل ع تعاليم جسمها ..
والله بالله بنت .. اقسم بالله بنت ..
طلعت بسرعة وبإيدها اللابتوب على غرفة الب، دقت الباب وفاتت بعد ما أذنلها ..

الب : مقدم ملاك .. ليش داومتِ وانت لسا ما استرديت ذاكرتك ..

ملاك : سيدي اكتشفت شي خطير ..

الب : شوفي ملاك ؟

قربت اللاب توب منه وحكت : القاتل ..

الب.: شبوو؟

ملاك : بنت ..

الب : 😳 ؟؟!؟!؟!؟!؟!؟!؟؟!؟!؟؟!؟!؟!
كيف عرفت؟

ملاك ؛ هممم .. سيدي .. من معالم جسمها..

قرب الب الفيديو وشغله ..: فعلا كيف ما انتبهناا !

ملاك : 🥺

الب : ملاك ؟

ملاك : افندم ..

الب.: انت فاقدة الذاكرة عنجد؟

ملاك دارت وجهها

الب.؛ ليش يا ملاك ليش .. معقول هيك بتشغليني عاساس فاقدة الذاكرة

ملاك.: سيدي في شي ما بتعرفه

الب. : شوفي لسا؟

ملاك : القاتل كان موجود بالمشفى

الب.: كماان

ملاك : نعم سيدي

الب. ليش كل هالوقت ساكتة

ملاك : بدي اعرف القاتل...

الب : هممم .. تمام .. شو كان في بالورقة يلي كانت معك ؟

ملاك : ما أعطاك ياها أحمد ؟

الب : ابدا

ملاك : شو قلك فيها؟

الب قعد يتذكر : اه صح .. كان مكتوب اتركي القضية .. بيتك حينفجر بثواني

ملاك : صح .. والجزء يلي بإيدي ؟

الب : ما قلي انه معه ..

ملاك : مكتوب احرف وارقام واسم

الب. : وشو حكا أحمد؟

ملاك : قلي انه رئيس العصابة

الب.: وين الورقة

ملاك : معه ..

ألب: خليه يعطيك ياها

ملاك : تمام ، سيدي كمان شغلة

الب : اي ملاك

ملاك : القاتل مصاب بضمور مخيخي

الب مستغرب : كيف يعني؟

ملاك : ما بقدر يتحكم بحركة ايديه

الب : كيف اكتشفت؟

ملاك عادت الفيديو : سيدي .. الرصاصة يلي كانت ح تخترق قلب بينسو فجأة اجت جنب قلبها، غير انه ...

الب : انه؟

ملاك : بشك انه القاتل دخل لعندي عالغرفة

الب : بالمشفى!

ملاك : نعم سيّدي ..

الب : وهالحراسسسسة؟

ملاك : ما بعرف سيّدي

الب : هالشي كتير خطير ملاك، كان فيه يقتللك اذا فات لعندك عالغرفةة

ملاك : هممم بالعكس .. ساعدني

الب : ؟!؟!؟!

ملاك : أول ما صحيت كنت موجوعة كتير، الحدا يلي فات رنلي الجرس هو القاتل، حتى تذكرت انه ايديه كانت عم ترتعش وما رن معه من اول مرة

الب : واحمد وين كان؟

ملاك : نايم برا

الب : وين سجلات غرفتك ؟

ملاك : انحذفت

الب : مو معقوول .. شو هالتعقيد هاد

ملاك : بس سيّدي هلأ صار عنا دلائل أكتر

الب: احكيلي كل شي بحوذتنا

ملاك : أول شي صرنا منعرف انه القاتل بنت ... مصاب برعشة ممكن تكون ضمور مخيخي ..
كان موجود بالمشفى ودخل لعندي عالغرفة ..
في عنا ارقام واحرف غير sahi

الب : بتتذكريهن؟

ملاك " رح حاول اتذكر...
همممم yakın /7000M,,,1A,,,17H

الب : همم شو معناتهن ؟ ما بدلّو على اسم الرئيس كأنه

ملاك : هلأ yakın هو نفسه اسم الحساب يلي تهددو منو الضحايا، بس ما بعرف على شو بدل ..

مسكت ملاك ورقة ورجعت كتبت عليها الاحرف والأرقام..

الب. : طلع شي؟

ملاك : أبداً سيّدي، اسمحلي روح كمّل شغل بمكتبي

الب : اكيد

ملاك :- عن إذنك

طلعت ملاك على غرفتها .. شوي وفات أحمد..

ملاك : مع مين عم تحكي؟

أحمد : افندم؟

ملاك : ههه شفتك طوّلت كتير

أحمد : هي حبيبتي

ملاك : هممم.. ما كنت بعرف انه عندك حبيبة

أحمد : من جديد

ملاك : كوزال .. شو اسما

أحمد : سيما

انتفضت ملاك لما سمعت اسم سيما وفوراً راح بالها لسيما صديقة الشلّة ..

ملاك : هممم عرّفني عليها

أحمد : ان شاء الله .. هي جديد نزلت لهون ماكانت هون

ملاك : هممم .. تمام .. أحمد

أحمد : افندم

ملاك ؛ قلّي المدير انه كان في معك الورقة يلي طلّعوها من ايدي، فيني آخدها

أحمد : اه .. تصدقي نسيت وين حطيتها

ملاك : اووف يااا

أحمد : في شي جديد

ملاك : لا

أحمد : كيف صار راسك .. عم تتذكري شي؟

ملاك : عم اتذكر شغلاات أحياناً، بس كله بخصوص القضايا .. وبالأخص القضية الأخيرة ..

أحمد : بالمشفى في طبيبة اخدت أغراضك والملفّات انت اذنتيلها؟

ملاك : اي .

أحمد : هممم تمام .. بس شغلنا سرّي

ملاك : بعرف أحمد

أحمد : يعني مالازم حد يشوف ملفات القضية

ملاك حطت ايديها على راسها : أحمد راسي صار يوجعني ممكن تسكت

أحمد : تمام تمام

ملاك ؛ ممكن تعطيني حبّة

أحمد : من وين ؟

ملاك : من درجي هون

فتح أحمد الدرج وشاف ملفات الضمور المخيخي .. وقّفت ملاك تطلع عليه بعدين حكت : يلّا أحمدد

أحمد : بويرون .. اجا ليعطيها مي، انتبه انه النسكافيه مو مدقور .. : باين ما شربتيه

ملاك : انشغلت .

أحمد : هممم ..

ملاك قعدت : أحمد ممكن تجبلي شي من المشفى؟

أحمد : شو هو؟

ملاك : بدّي ملفّات المرضى المصابين بالضمور المخيخي .. الإناث

أحمد : لشو

ملاك : ولا شي عم أعمل بحث

أحمد : تمام.. فورا؟

ملاك : ياريت

أحمد : تمام رايح .. سلام

ملاك. : سلام

طلع أحمد ليروح عالمشفى أما ملاك تذكرت كلام نورسين

#أسود_siyah
#بقلمي_شامة
1
الجزء الأول
¤▪¤▪¤▪¤▪¤▪¤

بمكان بعيد كتير عن الأنظار .. الشرطة محاوطة المكان .. أصوات سياراتهم يلي بتصرع .. الأضوية يلي عم تتوجه على كل زاوية بالمستودع لتكتشف اي راس خيط ممكن يدلهن على شي ..

قربت ملاك من الجثة وفحصتها بتمعن .. مررت الضو على الجثة من فوق لتحت .. بس وقفت لما لمحت شي محفور برقبة الجثة ..

قربت الضو وقرأت الحرف المنقوش .. (S)

ملاك : يا شرطي .. تعال صور هاد الحرف .. لازم نعرف اذا كان موجود من قبل ولا جديد

الشرطي : طيب ..

ملاك ؛ جبت معلوماتها ؟

الشرطي : اي تفضلي .. كلهن بهالملف

ملاك : شكرا

فتحت ملاك الملف وبدأت تقرأ بصوت اقرب للهمس ..

الاسم : بينسو
العمر : 24 سنة
المهنة : طبيبة نفسية

اممممم .. كملت قراءة المعلومات بقلبها لحتى خلصت ..
سكرت الملف وطلعت ..

ملاك : سيدي رح آخد الملف ورح اكتشف الجريمة ...

الب : تمام ملاك فيك تروح تشتغلي بالبيت .. تعبتي كتير اليوم ..

ملاك : شكرا سيدي

ركبت ملاك سيارتها واتجهت على بيتها .. فردت كل شي ملفاات معها .. فتحت لابتوبها .. وراحت عملت كاسة قهوة لتصحصح عليها .. وقعدت ..

فتحت الملف وطلعت صور الضحية بينسو وحطتهم على الطاولة ..
وبعدها فتحت لابتوبها واخترقت حساب الضحية على الانستغرام ..
آخر شي فتحت دفترها وبلشت كتابة ملاحظاتها ...

الساعة 05:07 كانت عم تبلش تغفى .. بس اجاها اتصال صحاها ..

فركت عيونها بسرعة وردت

ملاك ؛ مرحبا احمد

احمد : مرحبا ملاك .. نتيجة التشريح بينت الضحية ماتت بأكثر من سبب..

ملاك : كيف يعني؟

احمد: اول شي تم حرق كامل وجهها وبعدين حرق كفيها وبعد ما تم حرقها مع الاسف انقتلت برصاصة قريبة من قلبها .. و آخر مرحلة .. انه خنقوها خنق بس مو للموت .. لانه آثار الحبل مو كتيرة وبالتالي الحبل ما خنقها بس كانت عم تلفظ آخر انفاسها ..

ف الحرق الاخير هو يلي موتها على الآخر ..

ملاك مصدومة من طريقة القتل البشعة : وين ؟

احمد ؛ الحرق الاخير هو حرف ال s يلي ع رقبتها .. تبين انه من سيخ حديد حامي كتير .. تقريبا دائرته كبيرة لانه مطبع على الرقبة منيح ..

ملاك : طيب .. شكرا احمد ..

احمد : شو عملت غير شغلي .. انت ما نمت لسا ؟

ملاك : لا .. اخترقت حساب البنت وشفت كل محادثاتها مافي اي شي غريب ...

احمد : امممم نامي هلأ بعد ساعتين لازم تجي على المركز .. ما بصير بلا نوم ..

ملاك : تمام احمد شكرا من جديد

احمد : تصبحي على خير

ملاك : وانت

تركت ملاك الملفات وفاتت على غرفتها لترتاح شوي بعد ما عيّرت المنبه على الساعة سبعة ..

بمكان تاني بعيد تماماً عن موقع الجريمة ...
بناية شاهقة من 100 طابق ..

فتح علي اللابتوب واتصل على حدا واستنى الرد ..
بعد دقائق اجاه الرد بصوت دون صورة ..

علي : سيدي

صوت خشن اخترق طبل ادنه حكا : خير !

علي : قتلنا البنت ومتل ما حضرتك وصيت خليت المقنع هو يقتلها ...

: ما خليتو اي اثر صح ؟

علي : اكيد سيدي ..

: ممتاز هههههههه
جهزولي الضحية التانية ...

■□■□■□■

رن المنبه ليعلن لملاك انه صار وقت شغلها .. تأفأفت بضجر لانه ما شبعت نوم .. بس سرعان ما تذكرت القضية الجديدة ..
غسلت بسرعة ولبست تيابها ..
رتبت ملفاتها بسرعة وحملتهن وطلعت من البيت متجهة ع مركز الأمن ...

دخلت ملاك ع مكتبها وهي حاملة الملفات

ما لحقت تقعد الا اجا احمد

احمد ، صباح الخير ملاك

ملاك : صباح النور

احمد : قدرت تحلي شي ..

ملاك : مو كتير مافي اي شي غريب جذبني غير طريقة قتلها البشعة

احمد : فعلا .. غامضة كتير وبشعة .. اي وشو بدنا نعمل ..

ملاك : رح نضل ندقق بس اول لازم نستجوب أهلها.

احمد : اهلها .. يا حرام مصدومين لسا مو قادرين يتقبلو .. الأم غيبت والأب ماسك دمعته بالزور ..

ملاك : معهن حق .. جريمة قتل هي .. وبنت متل الوردة ..

هلأ احمد ركز معي .. أول شي لازم نراقب كل القراب منها .. اهلها ورفقاتها .. طبعا بعد ما نستجوبهن ..
لازم نرجع عالمستودع ونشوف أي شي بوصلنا للمجرم ..

احمد : تمام ملاك

ملاك : رح نحل اللغز متأكدة

احمد : بما انه ملاك مسكت القضية، وانا متأكد كمان 😉

ملاك: 😌

الشرطي : سيدي الرئيس عم يناديلكن

ملاك : جايين

الشرطي ضرب التحية وطلع ..

طلعوا ملاك واحمد لعند الرئيس الب

الب : مقدم ملاك. أعطيتك هي المهمة الك ، وبعرف انك قدها .. خدي قد ما بدك رجال، واستخدمي قد مابدك ادوات بس اعرفي القاتل

ملاك : شكراً لثقتك سيدي

الب : هلأ روحي انت واحمد على المشفى لعند أهلها وحققو معهم وبعدين لعند رفقاتها.. اليوم رح يدفنوها لازم تكونوا بالمقبرة وقت الدفن

ملاك : حاضر سيدي

مشي الب من وراهن وسكر الباب ..: أنا خايف الجريمة تكون من نفس المؤسسة يلي عم نوصللا كل مرة

احمد : بتقصد جماعة القرص سيدي؟

الب ؛ هنن بذاتن

ملاك : اذا هالشي صحيح معناها رح يجينا سِيدي سَيدي

الب : عالأغلب
قبل ما يكمل الب حكيه اندق الباب وفات الضابط : سيدي وصل هاد

#أسود_siyah
#بقلمي_شامة
2
الجزء الثاني
¤▪¤▪¤▪¤▪¤▪¤

الأم : كبرت بينسو على ايدي، كانت منيحة وطيبة، صح انها غلبتنا بصغرها ومراهقتها بس لما كبرت بحياتها ما اذت حدا..

الاب : بنتي من النوع الهادي، مو من النوع الانفعالي ولما كان يصير معها مشاكل كانت تحلها بهدوء

كوكشة : صراحة لما كنا بالمدرسة كنا شلة عاطلة كتير، كله من سيما. نزعت اخلاقنا وراحت..
كنا نروح نتمشكل مع الطلاب، نعمل مقالب بالمعلمين، نتنمر على البشعين.. اهئ اهئ

هاندا : كنا نعمل أي شي لنتسلى ونضحك، واذا كنا متدايقين كنا نروح نتفشش بحدا

ملاك : يعني كنتو شلة صايعة

هاندا نزلت راسها وبكيت : كله من سيمانور

ملاك : مين سيما؟

هاندا : سيما بنت اجت ع الصف، كانت شايفة حالا كتير ومو اي حدا بيقدر يحكي معها، كانت مغرورة بشكل لا يصدق، اجت هي لعنا وصارت تحكي معنا، اول شي ما حبيناها بس .. اهئ اهئ

كوكشة : صارت تغرينا كتير، باملاكها واملاك اهلها، صار عنا رفيقة غنية شو بدنا احسن من هيك ..

(الاب والام كانو مستغربين من هالحكي، صح بيعرفوا انه بنتن كتير كانت مئذية بفترة الليسي بس ماكانوا بيعرفوا السبب)

هاندا : لحد ما جرتنا كلنا لمستنقعها، صرنا نتنمر عالكل ونتكبر عالكل، صرنا عصابة المجرمين بالمدرسة، ما كنا نوفر حدا، حتى للمدير وصل شرنا

الام : عم تحكو بكل وقاحة كمان؟

كوكشة : اهئ حاولنا نبعد عت سيما بس ما قدرنا، لانه سارت روحنا معلقة فيها...
مضت الايام وتخرجنا، وسيما سافرت لبرا ..
قلت لقائاتنا كتير بس بعد التخرج رجعنا. رفقات كتير، بس رفقات مناح والله اهئ اهئ

هاندا : كنا كلنا متغيرين عن قبل، بالشكل وبالاخلاق.. واذا شفنا حدا منعرفه نخجل نسلم عليه حتى

ملاك : طيب في حدا من رفقاتكم القديمين دايقكن او كرهكن؟

هاندا : الكل كرهنا، بس ما حدا بيسترجي يدايقنا، من فترة شفنا مروة ابتسمنا وقت شفناها ومشينا لنسلم عليها بس هي فورا هربت

ملاك : مين مروة؟

كوكشة : مروة كانت معنا بالصف، كانت بشرتها سودا، سيما خلت الكل يكرهها للونها، ويلي يقرب عليها او يحكي معها كنا نحاربه وننبذه

ملاك : بس مو كل شي باللون!!!

كوكشة: منعرف بس كان عقلنا انه الحلا كله بس للاشخاص الشقر البيض الاغنياء

ملاك : بشو بتفسروا حركة هربها؟

هاندا : يمكن خافت منا

كوكشة : وبمكن لما ابتسمنا فكرت انه بدنا نعمللها شي...

ملاك : مين في كمان ؟

هاندا : في تولغا وجيهانغير

ملاك : مين هدول؟

كوكشة اتطلعت على الام بعدين حكت : كانو بحبو بينسو

الاب : شوو

كوكشة : سيما اقنعتها تلعب فيهن، اول شي وهمت تولغا انه بتحبه وبلشت تلعب عليه وتاخد منه هدايا ودلال وبالاخر رمته وقالتله ما بناسبني تكون حبيبي ..
بعد فترة رجعت سيما علقتها بجيهانغير وعملت نفس الشي

الام : مين هالحقيرة يلي قلببتت بنتييي هيك

ملاك : طولي بالك .. وانتو كمان هيك؟

هزو راسن بخجل، وكانه تصرفاتن عم تلاحقن للمستقبل ..

ملاك : طيب .. ممكن يكون حدا من يلي لعبت فيهن بينسو رجع ينتقم؟

هاندا : ما بعرف .. ما بظن، لانه بينسو كتير تغيرت .. وكلنا تغيرنا، وصرنا نذم حالتا لما نتذكر شو كنا نعمل ..

ملاك : اوك .. القضية قيد الدراسة .. ممنوع تسافروا لبرا اسطنبول لحتى ينكشف المجرم

كوكشة : تمام.. بس ارجوك عجلي بالكشف عن القاتل اهئ اهئ..

ملاك : رح نعمل كلشي بوسعنا .. بالاذن ..

طلعت ملاك وراسها عم يوجعها من كمية الحكي، من هي وصغيرة تعرضت للتنمر وكتير بتكرهه وياما وقفت بحملات ضد التنمر..

طلعت عالفرع وفاتت على غرفتها .. شوي ووصل احمد

ملاك : صار معك شي؟

احمد : اي كانت بالسوق

ملاك : امممم

احمد : وانت؟

ملاك : لك طلعوا هالبنات مجرمين متنمرين درجة اولى ..

احمد باستغراب : كيف يعني؟

ملاك : يعتي بالليسي مو مخلين حدا من شرورن ، شغل عصابات

احمد : هههههه قصدك شلة المدرسة العاطلة

ملاك : آينان (بالضبط)

احمد : وما استنتجتي شي من حكين؟

ملاك : اي في كم حدا كمان لازم نشوفن..
من الطلاب يلي مارسوا عليهن اغلاطن

احمد : تمام

ملاك : مارح نستوجبن بس رح نراقبن ونراقب افعالن ..
اول شي بتبحث بسجلات المدرسة عن صف 12/B سنة 2013

احمد : تمام

ملاك : تولغا وجيهانغير، سيما ومريتش وكوكشة وبينسو ،، بدي ملفاتن كلا

احمد : تمام ، رايح فورا

ملاك : تمام وانا رح ارجع دور بحساباتها

احمد : تمام سلام، موفقة

ملاك : وانت كمان ...

ملاك : صح وكمان مروة

احمد : تمام

فتحت ملاك حساب بينسو ورجعت تبحث بحث معمق ، فاتت على المحفوظات : اوبس شو هالملف
ليسي؟
فتحت ملاك الملف وبلشت تشوف صور اشخاص ..: هممم رفقات الليسي ..

بلشت تفوت ع حساباتن واحد واحد ..
شي عرفته من الاسم وشي ما عرفته ..

طبعت صور جيهانغير من حسابه ودورت ع حساب تولغا بس ما لاقته ..

فتحت ع حساب جيهانغير وشافت اصدقائه كمان ما لاقته .. فتحت صورة عشوائية .. كانت صور بتجمع بينسو مع رفقاتها بالصف ..
بزاوية الصورة كان في مروة .. عم تتطلع عالكام

#أسود_siyah
#بقلمي_شامة
3
الجزء الثالث
¤▪¤▪¤▪¤▪¤▪¤

احمد : شوفي؟؟

ملاك : هي هاندا

احمد : مين هاندا ؟ .. ه هاندا رفيقة بينسو ؟؟؟؟؟؟؟؟

ملاك : هي .. والله بالله هي

احمد. : كيف عرفت؟

ملاك : من الاسوارة يلي حاططتها .. شفتها بايدها طوال هالتلات ايام

احمد : همم .. بتقصدي انه المجرم نفسه نفسه؟

ملاك : في غير تفسير !

احمد : بيلميوروم .. (مابعرف)

ملاك : سانمام (مابظن) المجرم نفسه صار واضح .. استنى اتأكد ..
لبست كفوف وقربت من هاندا .. بعدت راسها عالطرف التاني ونادت لاحمد : شوف .. نفس الطبعة

احمد : بس غير حرف ..

ملاك : جريمة جديدة وحرف جديد ..

احمد : اول حرف s والتاني a ...
سا ؟ اس ؟ شو بشكلوو!!

ملاك : كنت مفكرة انه s ممكن يكون سيما .. بس الa خربها .. مستحيل يكون قصدن سيما ..

احمد : شو ممكن يكون ..

ملاك : مابعرف .. لازم نكثف تحرياتنا .. خبرتو اهل الضحية ؟

احمد : اي ..

بعد دقايق زادت الضجة برا .. وفي صراخ شباب كتير ..

فات واحد من الشباب .. وملاك فورا عرفته .. اخوه لتولغا .. اجا ليقرب منها بس ملاك منعته : لو سمحت اهدى هون مسرح جريمة ما بصير تقرب من المقتول

: حبيبتيييي انقتللللت .. لييييش
ليييش ليشششش
بلش يضرب بحاله ووقع عالارض ..

فات شب تاني ويلي فهمته ملاك انه اخوها .. لما شافها كيف مشوهة وقع عالارض وبلش يرجف ..

ركضت ملاك لعنده وحكت حالة تشنج حالة تشنج تعالو بسرعة هدوه معي
وخلي الاسعاف تفووت .. بسرررعة
قرب احمد ومسك ايديه وقلبوه، فاتت الاسعاف وطلعوه هو واخو تولغا.. وفريق جديد مختص .. اخدوا هاندا ..
طلعت ملاك والفريق على الفرع .. وطلبت ملاك يعملوا اجتماع عاجل

~________°_________~
بالاجتماع

ملاك :- الكل سمع بجريمة بينسو الطبيبة النفسية، وهلأ لحقتها رفيقتها هاندا ..
لهلا ما قدرنا نحل لغز الجريمة الاولى .. جريمة معقدة كتير..
ما في بحوذتنا غير حرف ال~~s و a~~
متأكدة رح يوصلونا لنتيجة .. بس ما بعرف شو هي .. ويمكن يكونو بس وهم ..
الشي يلي لازم نعرفه هلأ انه مريتش وكوكشة رفقات هاندا وبينسو بخطر ولازم نحميهن .. لهيك رح وجه فريقين يتوكلو بحمايتهن اربعة وعشرين ساعة ..
ورح ناخد حذرنا كتير ..
واضح انه العصابة اذا حطت شي ببالها بتوصلله ..

الب : حسب تحرياتك مقدم ملاك بتشكي بحدا؟

ملاك : لا سيدي .. شكيت بتولغا او جيهانغير او سيما بس بما انه صارت الشغلة لهاندا مستحيل يكونو هن

احمد : ومروة؟ ما شكيت فيها؟

ملاك : اكيد .. شغلتنا هي الشك .. شكيت فيها ولحقتها ..
وشفتها راحت ع قبر بينسو وبكيت عليه ..

الب : هالشي ما ببرأها

ملاك : ما في شي يدينها ذاتاً

الب : تمام كثفوا الحراسة وحطو كاميرات عند بيوت مريتش وكوكشة

ملاك : امرك سيدي

انتهى الاجتماع وطلعت ملاك على بيتها، وصورة هاندا ما فارقتها ..
بلشت ببحوثها وبمحاولاتها مسك طرف خيط ..
اخترقت حسابها وشافت محادثاتها، مافي اي شي غريب. شافت المحفوظات كمان مافي شي غريب ..
فتحت على محادثتها مع حبيبها ..
طلعت لفوق هي وعم تقلب ووقفت عند.سكرين شوت باعتتله ياه ..
فتحته وقرات المكتوب وانصدمت ..
طلعت جوالها بسرعة وحولت الرسالة الها .. وبعدين بحثت عن الاسم بس ما طلع ..
رجعت للمحادثة وبلشت تطلع لفوق هي وعم تقرا ..


باليوم التالي ..
توجهت ملاك من بكير عالفرع .. دقت الباب على الب وبعد ما اذنلها فاتت ..
القت التحية ومشيت لعنده

الب : قلتيلي في شي مهم بس ما رضيتي تقوليلي شو هو لحتى تجي

ملاك : وهي اجيت ، طبعت الورق يلي طبعته وحطته قدام الب

الب : اممم .. تهديد صريح

ملاك : فتحت حساب هاندا ورحت لمحادثتها مع حبيبها، ولفتت نظري ..

الب ؛ البوست بعده موجود؟

ملاك : لا سيدي .. يبدو انها حذفته

الب : معقول خافت؟

ملاك : اكيد مافي غير تفسير .. وانا رح استفسر من حبيبها بس ليصحى

الب : بالمشفى؟

ملاك : اي

الب : تمام ..

دق احمد الباب وفات .. احترامي سيدي .. هي نتيجة التشريح

الب : تعال احمد ..

احمد : النتيجة بتقول انه تم شلع كافة اظافر المغدورة، وحرق ايديها،
وتم حرق وتشويه وجهها مثل بينسو وتم قص شعرها الطويل عالصفر مع احداث جروح بالراس ..
وبالأخير ، حبل والحرف ..

ملاك : اووها ..
تطلعت بالب واعتذرت : بس .. استغربت..

الب.: كتير معذبينها

احمد : مع الأسف

احمد : مقدم ملاك شو لقيت؟

ملاك : سكرين شوت لتعليق ع بوست نعائها ل بينسو .. صاحب التعليق كاتب : لا تزعلي يا قمر قريبا حتصيري متلها

احمد : وصاحب الصفحة!

ملاك :- محذوفة الصفحة

احمد : شو اسمه

ملاك : اسمه yakın12345 (قريب)

الب : حتى الاسم مشفر

ملاك : آينان

اندق الباب وفات الشرطي ومعه طرد : سيدي وصلك طرد

اتطلع الب بملاك واحمد وعرفو انه نفس يلي وصلن اول مرة ..

طلع الشرطي بعد ما حط الطرد وتأكد من انه مافيو شي مؤذي
والب طلعه وحطه بكمبيوتره ..

صوت صراخ هاندا عذبهن اكتر من المنظر يلي عم يشوفوه ..
نفس

#أسود_siyah
#بقلمي_شامة
8
الجزء الثامن
▪¤▪¤▪¤▪¤▪¤▪¤▪

أحمد : م م ملاك!!!

ملاك : أحمد!!

أحمد : ءءءءءأنا

ملاك : لك انا بس نسيت قلّك انه ماعاد بدّي الملفّات يسلمو

أحمد : ل ليش؟

ملاك : يعني رايحة جيبن انا

أحمد : بجبلك ياهن أنا .. عادي

ملاك : لا بلا ما غلبك .. كمان حبيت اطلع وغيّر جو

أحمد : متل ما بدك

ملاك : انت ليش متوتر؟

أحمد : أنا.. لا... بس ارتعبت لما شفتك ورايي فجأة

ملاك : اي اجيت آخر شي .. كنت عم تقول عن اذنك ..

زفر أحمد بارتياح وقال : ها .. اي هاد بابا. ..

ملاك :: هممم ما سألت

أحمد متوتر : هههه بعرف 😅😐

ملاك : يلا رح روح ... سلام

أحمد.: سلام .. انتبهي لحالك

ملاك : وانت كمان ..

؛؛؛؛؛؛؛؛؛؛؛؛؛؛؛؛؛؛؛؛؛؛🌸🌙

طلعت ملاك على مكتبها أخدت أغراضها ونزلت .. وأحمد لسا متوتر وعم يروح ويرجع ... : معقول تكون سمعت؟
كيف لحقتني ؟ معقول شكّت بشي ..
هز راسه يمين ويسار وطرد هالأفكار من راسه ... : لروح كمّل شغلي أحسن شي ..


اتصل بسيما ليروح لعندها..: كيفك حبيبتي

سيما : تمام انت كيفك

أحمد.: تمام ، شبو صوتك؟

سيما : داق خلقي أحمد .. انا رجعت عالبلد لأتنفس .. اجيت انت...

أحمد.: حبستك...

سيما : مو هيك يعني .. بس انا اشتقت للشارع ..🥺

أحمد.: هممم تمام .. انا هلأ كنت جاي لعندك، بس خلص منأجلها لبعد يومين للمسا والك عندي أجمل مفاجأة 🙊

سيما : عنجد حبيبي 😍😍

أحمد : اي عنجد .. يلا سلام

سيما : س سلام ..!
ليش سكر بسرعة .. غريب ..

اندق الباب ..
سيما : يي عم يعملي مفاجأة 😍

فتحت الباب وعيونها قلوب بس لما شافت مين فورا ارتسمت ع ملامحها علامات الجد .. : تفضلي ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛🌸🌙

الب : أحمد شفت المقدم ملاك؟

أحمد : اي سيّدي راحت للمشفى

الب : هممم .. صحيح .. انت كان معك الورقة يلي كانت بإيد ملاك وينها؟

أحمد : ضاعت منّي سيّدي

الب : يلا مو مهم .. انت عرفت انه القاتل دخل لعند ملاك عالغرفة ؟

وقف أحمد : شوووو؟ اي غرفة

الب : غرفة المشفى

أحمد : شافته ي يعني؟

الب: لا كانت دايخة .. رن الجرس وطلع

أحمد : هممم ما قالتلي المقدم ملاك..

الب : بجوز نسيت

أحمد : يمكن ...

الب : جهز بيت ملاك.؟

أحمد : باقي شوية

الب : سيما عليها حماية ؟

أحمد : متل ما طلبت سيّدي

الب : ما بدي الجن الازرق يعرف وين مكانها

أحمد : اكيد سيّدي

الب : يلا ..انا خلص دوامي .. لازم روح ..

أحمد : مع السلامة سيّدي .. انتبه على حالك ..

طلع الب وأحمد اتطلع فيه هو وعم يختفي تدريجياً : ممتاز .. ممتاز كتير...

؛؛؛؛؛؛؛؛؛؛؛؛؛؛؛؛؛؛؛؛؛🌸🌙

سيما : مقدّم ملاك اهلاً وسهلا

ملاك : أهلا فيك سيما .. ناسلسن

سيما : تمام... لمتى رح ابقى هون

ملاك : لنقدر نمسك القاتل..

قعدت سيما وكنّت ودمعت عينا : كيف هيك بروحوا كلن سوا .. معقول ارجع مالاقي حدا منن 😔
كيف هيك بروحوا وبيتركوني لحالي..!
معقول أنا غلطت؟ معقول القاتل بيعرفني وبسببي قتلهن؟
معقول أنا كمان جاييني الدور ..
ء ء ءأنا مابدي موت .. ما بدي انقتل ويتمثل عليّ .. أنا بدي عيش..

ملاك : رح تعيشي، الأعمار بيدِ الله صح.
بس نحنا رح نحميك ومارح نخلي حد يأذيك.. وان شاء الله انت هون بأمان ..

هزت راسا وقامت تعمل قهوة، لحقتا ملاك عالمطبخ ..

شافتا سيما انه في بتمها حكي : مقدم ملاك احكي ..

ملاك : همممم كشفتيني .. سؤال بس يعني فضول ههه
بتحبي..

ابتسمت سيما وتركت القهوة : بحب..

ملاك : حلو .. الله يهنّيك، مين سعيد الحظ

سيما : اسمه أحمد

ملاك : شو بيشتغل

سسما : عم تحققي معي ههه

ملاك : شغلي التحقيق

سيما : هههه وهو متلك، بيتشغل شرطي

ملاك : همم حلو ..

سيما : بتعرفيه؟

ملاك : زميلي اسمه أحمد... ما بعرف اذا نفسه

سيما : ممكن

توقف الحديث لما فارت القهوة.. التفتت سيما : ييي التهينا وفوّرنا القهوة..

ملاك : الحق عليي انا بمسح..

سيما : لا الله يسامحك..

عادت سيما القهوة وفاتوا لجوّا..

اول ما حطت سيما الفنجان بتمها لتشرب حكت ملاك..

ملاك : كنتي رئيسة الشلة العاطلة بالمدرسة..
تشردقت بالقهوة وبزقت يلي شربتن: اح احّ احّ...

ملاك مدتلا كاسة المي .. : صحة صحّة

سيما : ي ي يعني من زمان .. كنت مراهقة وهيك..

ملاك : ما كنتي تفكري انه بيوم ممكن ينعاد الشي عليكي؟

سيما : هئ

ملاك: الدنيا دوّارة وكلشي منعمله بيرجعلنا. ان كان خير أو شر..

سيما : انتِ بتعرفي كتير..

ملاك : انا ما بعرف شي..

سيما : حكيك بدل على إنك عايشة شغلات كتيرة...

ملاك : ههه .. عشت وشفت كتير، والحياة علمتني كتير كمان..

سيما : صار عندي فضول

ملاك : مافي شي مهم

سيما : براحتِك..

ملاك : أنا لازم روح.. انتبهي منيح من كلشي حواليكِ

سيما : بتخوفيني هيك

ملاك : مافي شي بخوف.. اي شي بصير معك اتصلي عليي فوراً

سيما : أمرك ..

ملاك : يومك سعيد

سيما : وانت كمان..

طلعت ملاك عالمشفى أما سيما سكرت الباب وقفلته منيح وفاتت لجوا.. ولفت نظرها

#أسود_siyah
#بقلمي_شامة
9
الجزء التاسع
▪¤▪¤▪¤▪¤▪¤▪¤▪

وصلوا الشرطة عالكراج ..

ملاك : بسرعة لحقوهن وخدوا رقم السيارة بسررعة...

الشرطي : مافي لوحة عالسيارة..

ملاك : توووووه ..

الشرطي : حضرتك مين؟

ملاك : المقدم ملاك ..

الشرطي : اووه المقدم ملاك بذات نفسه..!

ملاك : لطفاً. ..!

طلعت ملاك على غرفة سعد من جديد وكانوا واقفين برّا ..

نورسين : مين!

ملاك : ما عرفت.. هربوا .. فيني آخد الملفات هلا استاذ سعد؟

سعد : طبعاً طبعاً أكيد ..

فات لجوا ليجيبهن.. وبعد شوي طلع هو ومصدوم ..

ملاك : شوفي!

سعد : الملفات اختفوا ..

نورسين : كيف يعني اختفوا

سعد : مافي ملفات .. أنا متأكد تركتن عالمكتببب!

نورسين : كل هاد مشان يلهونا ويجيبوهن!

ملاك : ممكن . بس في شي تاني ..

سعد : ؟؟؟

ملاك : بعدين .. في ملفات غيرن؟

سعد : لا .. أخدت كل النسخ الاصلية انا

ملاك.: تمام .. يعطيكن العافية..

نورسين : الله يعافيكِ طمنينا شو بصير معك وانتبهي على حالك..

ملاك : تمام.. سلام

نورسين وسعد : سلام ..

رجعت ملاك عالفرع..
فاتت لعند الب بعد ما أذنلها..

ملاك : احترامي سيدي..

الب : أهلا ملاك.. في شي جديد؟

ملاك : سيدي رحت لجيب الملفات.. صار اطلاق نار .. وطلعوا تنين ملثمين..

الب : هممم .. مين!

ملاك : سيدي انا .. شاكة .. بأحمد

الب : شووووو

ملاك : اي سيدي ..

الب : شو عم تحكي ملاك..

ملاك : سيدي سمعته اليوم هو وعم يحكي مع حدا كان عم بقله صارت بقبضتي.. يومين بس وبتصير جاهزة ..
لما شافني توتر وأنا أنكرت اني سمعته ..
رحت لعند سيما .. قالتلي عندا حبيب اسمه أحمد وهو شرطي...
وممكن يكون نفسه أحمد...

الب.: تشربكت الأمور كتير.. كيف أحمد معن وهو شرطي وفي كتير..

ملاك.: ما بعرف سيدي ..
حتى اليوم كأنه هو يلي كان ملثم ..

عرفته من مسدسه ..

الب : هممم شو رح نعمل!

ملاك : لازم نراقبه ..

الب : اليوم ما اجا ابداً ..

ملاك : منعقبه من خلال هاتفه..
حتى سيّدي الملفات انسرقت.!

الب : اوووف.. ملاك انا واثق فيكِ
لاقي القاتل قبل ما يوصل لحد تاني ويقتله..
يلي راحوا بيكفوا

ملاك : حاضر سيّدي..

طلعت ملاك على مكتبها ورجعت لبحوثها...
بس مافي أي شي جديد

"هكذا الحياة، تأخذنا حيث تريد، وتعيدنا من حيثما أتينا، نمشي بلا قبلةٍ نتوصل إليها، نُضيعُ بوصلةَ الحياةِ التي تدلّنا على أصلِ الحياةْ..
ندور داخلَ قوقعةٍ سوداء، تحيط هالاتها بنا من كلّ جانب، نسقط ونعاودُ الوقوفَ من جديد، لا ننحني لأحد..
ولو اضُطررنا لمِتنا قبلَ ذلك
ولكن دائماً ما يوجدُ من يخلّ القواعد، ويجعل الشواذ منها، أكثرَ ما يميّزها."

~__________°__________~
بعد مرور يومين..

فاتت ملاك مستعجلة على مكتب الب بدون ما تدق الباب..

وقف الب وحكا : مقدم ملاك .. ليش عم تلهتي شوفي شو صاير؟؟

ملاك اخدت نفس : سيدي عرفت القاتلل

الب : مييين!!

ملاك : مروة

الب : م مروة!!! رفيقة بينسو!!

ملاك : هي بذاتها

الب : كيف عرفتِ!

ملاك : لحظة.. ركضت على مكتبها وجابت اللابتوب..
فتحته وقربته من الب..

الب : اي كيف؟؟

ملاك : شوف سيّدي.. لما قربت لتطبع الحرف على رقبة هاندا انرفع كمها وبينت ايدها..
هي الشامة الكبيرة يلي عإيدها نفسها شفتها وقت فاتت لعندي عالغرفة ووقت جاب احمد صورهن وملفاتهن من الليسي..

الب: ملااك .. ملاك.. انتِ عبقرييية ..
جهزي الفرق لنطلع..

ملاك : سيّدي انا بعتت صورها لسعد وهو أكدلي إنها مريضة بالمشفى وباليوم يلي أنا كنت فيه اختفت..

الب : مين سعد!

ملاك : طبيب سيدي..

الب : هممم

ملاك : سيدي لازم نلاقيهن

الب : عرفتِ شي عن احمد!

ملاك : أبداً سيّدي .. مسكر موبايله .. ما قدرت أوصلّه..

الب : حكيتِ مع سيمانور؟

ملاك : اي حكيت، خبرتني انه ما إجا ولا حكا معها ابداً..

الب: روحي لعندها

ملاك : حاضر سيّدي

اجت لتطلع ملاك بس حكا الب : ملاك ..

ملاك : افندم...

الب : البسي درعك

هزت براسا وطلعت..
فاتت على غرفتها.. لبست الدرع الواقي ولبست فوقه قميص اسود
وبنطلون أسود.
حطت طاقية ونظارة شمسية..
حطت فردا على خصرا وغطّته بالقميص..

قبل ما تطلع تذكرت الورقة يلي كتبت عليها الاسم يلي كان مكتوب على الورقة يلي اجتها وقت انفجر بيتها..

دورت عليها كتير بس ما لاقتها..
عصرت مخها لتتذكر شو كان مكتوب..
رجعت كتبتن على ورقة جديدة.
yakın/ 7000M,,,1A,,,17H

حملت الورقة ونزلت من الفرع.. وهي عم تفكر وتعصر مخها لتحل الورقة..

..
طلعت جوالها وفتحته.. لفت نظرها التاريخ
17 حزيران
مسكت الورقة وتطلعت فيها منيح ..
17H
يعني 17/HAZIRAN
ملاك.. اوف ياا كيف ما فكّرت فيها من قبل..
هاد بيعني انه اليوم حيصير شي.. لازم استعجل..
طلّعت الضو .. فتحت الشباك .. مدت إيدها وركبته فوق..
وشغلته..
بلشت السيارات تبعد لسيارة الشرطة الجاية بسرعة..

؛؛؛؛؛؛؛؛؛؛؛؛؛؛؛؛؛؛؛؛؛🌸🌙
عند سيما..

شربت القهوة ووقفت لتاخدها.. بس لفتت نظرها الورقة يلي حطتها عالرف ..
مسكتا وقعدت