#بواب_مسكرة_وشبابيك_معتمة_بس_في_وراها_قلوب_بتحب
#شام
الجزء الثالث
في بيت امير
سهرانين الشباب ع البلكونة
امير. اهلا وسهلا بالشباب والله
حسام. تسلم حبيب
يوسف. ع راسي والله
امير. حسام مو ناوي تخطب بعد ماتركت انت وخطيبتك
حسام. لا دخيلك بلالي وجعة هالراس خليني هيك حاليا
لانو الي شفتو منها خلاني ماطيق شي اسمو زواج
امير. لا ولو انت مكبر الموضوع يوسف. اي مزبوط ياما ناس خطبت وتركت لأسباب كتيرة
حسام. حلو عني هلأ دبقتوني انتو الأثنين
يوسف. وانت امير شو ناطر
امير. ناطر رحمة ربي
يوسف. وهلأ ع شو ناوي
امير. لك يارجل ابوها واخوها عليهم روس مافي اتنح منها قال بدهن واحد دارس ومتعلم وعندو اهل وطلباتو تعجيزية هوا بفكر الدراسة كل شي هي انا عم بشتغل وراتبي قد ثلاث موظفين ومع هيك مش عاجبو قال ربيان بالميتم بتكون اخلاقو مو منيحة وشو بدها الناس تقول عنو
حسام ويوسف. اوف لهالدرجة
امير. لك خليني ساكت اخر لنهار رح ابتلا فيه هوا وابنو
حسام. مين اخدت معك وقت رحتو تطلبوها
امير. اول مره اخدت خالاتي التنتين وتاني مره اخدت صاحب الشقة هاد بعاملني متل ابنو وخالتي عفاف لانو التانية مريضة الله يكون بعونها
يوسف. اي والله الله يشافيها ويعافيها قصتها بتوجع القلب
حسام. ليش بشو مريضة
امير. معها السرطان وعندا بنتين متل القمر عمرهن كأنو بحدود ال 200 الله يكون بعونهن ما الهن حدا ابوهن متوفي وما الهن اخوه
وخالتي التانية عندا شب وحيد اسمو علي يوسف انت اظن بتعرفو وزوجها متوفي
يوسف. اي بعرفو شفتو مره معك
حسام. الله يشفيها
في اليوم الثاني في بيت ابو قصي
هديل. ماما الباب عم يندء
ام قصي. اي ماتفتحي يعني ليش تقوليلي
هديل. اهلا وسهلا تفضلي
ماما هي جارتنا ام عصام
ام قصي. ميت اهلا وسهلا تفضلي تفضلي
ام عصام. الله يزيد فضلك
كيفكم ان شاء الله بخير
ام قصي. الحمدلله والله بخير
ام عصام. كيفكن يا بنات
غزل وهديل ونورا. الحمدلله تمام
ام قصي. قومي نورا اعمليلنا فنجانين قهوة
هديل. وانا احسبي حسابي
ام قصي. لا لا تردي عليها مافي شرب قهوة مليح والله اشربتي مره واتعودتي
ام عصام. بلالكن هالقهوة بعدكن صغار
هديل. هيا مره شربناها بس والله طيبة
ام قصي. اي يلا قومن ع غرفكن خلينا نعرف نحكي كلمتين
هديل. لا مابدنا نحنا رايحين ع بنات ام عصام
ام قصي. مافي روحة فوتي ادرسي احسنلك
ام عصام. اي خلهن يروحن البنات قاعدات لحالهن بالدار قومن بتسلنهن
هديل. شو ماما ؟
ام قصي. روحي مين ماسكك عأساس اذا قلت لأ رح تردن علي
هديل. يسلمو يا احل ام
اصلا انتي بتعرفي انو خالتو ام عصام مالها غريبة ومنا وفينا
ام عصام. يا حبيبتي الله يسعدك شو بحب حكياتك
وجابت نورا القهوة
نورا. تفضلي خالتو
ام عصام. الله يسلم هالديات
نورا. وين راحو هديل وغزل
ام قصي. راحن ع بيت ام عصام لعند البنات اركضي الحقيهن
نورا. اي رايحة بدك شي ماما قبل ماروح
ام قصي. يعني ولا بتقولي لأ
لا مابدي شي روحي
ام قصي. والله مافي احلا من البنات ربي يسعدهن صحيح ايام بجنني بس غير شكل معبيات علينا حياتنا
ام عصام. الله يخليهن يارب
لكان ياحرام بدهن يتفضن عطول بهالبيت الله يبعتلهن قصي يكون عون الهن وسند امين يارب
ام قصي. لا يي الحمدلله كفاها الله
ام عصام. شو لا بعدك صغيرة بالعمر
ام قصي. لا كبرنا ع هالشغلات هلأ
ام عصام. انتي قولي الله يختارلي الخير احسن من لا يي
ام قصي. ان شاء الله ربي بختارلنا كل خير
والله هم البنات للممات مبارح التمنلك كلهن حوالي ابوهن وقعدن يتدللن وشلحنو راتبو كلو وكلو عبو طلبات
ام عصام. ههههههه بطلعلهن
والله لو اولادي كبار شوي مابترك وحده منهن تضيع من ايدي ع قد مو مأدبات وفهمانات
ام قصي. الله يسعدك يارب
ام عصام. اي انا جاية واسطة من جماعة بعتوني لعندكم غصبن عني والله
ام قصي. مين بس مايكون قصدك بيت رمزي
ام عصام. اي هما بذاتهم
ام قصي. ما عأساس سكرنا ع هالسيرة احنا وياهم وهديل قالت مابدها ياه شو غصب السولافة يعني
ام عصام. والله انا مادخلني قالولي احكي معكم
ام قصي. يا بنت الحلال احنا ما عندنا مانع يعني القرار للبنت بس شوفت عينك هي الي بترفض
ام عصام. بس هما قالو انو البنت ماعندها مشكلة ب احمد
ام قصي. اي هيا قالت مشكلتها مو معو مشكلتها مع اهلو قالت انو ممكن تتقبلو بس مستحيل تحب اهلو
يعني يا ام عصام خلينا صريحين الجماعة والله مو مليحين يعني احمد ما بينعاب بس اهلو والله ما بينعطو وانتي بتعرفي قصصهم وعمايلهم ومحدا بحبهم وخامين لبعض ولأ فوق هيك بدو يسكنها مع اهلو
ام عصام. يعني السبب اهلو مو هوا
ام قصي. اي اهلو وقلنالهم مابدنا وصارو جايين يطلبوها ميت مره وكل ماعم يتقدم لهالبنت شب عم يتدخلو ويطفشوه بالله هالعقول هاي كيف الواحد بدو يتعامل معهم
ام عصام. اي والله معك حق
#شام
الجزء الثالث
في بيت امير
سهرانين الشباب ع البلكونة
امير. اهلا وسهلا بالشباب والله
حسام. تسلم حبيب
يوسف. ع راسي والله
امير. حسام مو ناوي تخطب بعد ماتركت انت وخطيبتك
حسام. لا دخيلك بلالي وجعة هالراس خليني هيك حاليا
لانو الي شفتو منها خلاني ماطيق شي اسمو زواج
امير. لا ولو انت مكبر الموضوع يوسف. اي مزبوط ياما ناس خطبت وتركت لأسباب كتيرة
حسام. حلو عني هلأ دبقتوني انتو الأثنين
يوسف. وانت امير شو ناطر
امير. ناطر رحمة ربي
يوسف. وهلأ ع شو ناوي
امير. لك يارجل ابوها واخوها عليهم روس مافي اتنح منها قال بدهن واحد دارس ومتعلم وعندو اهل وطلباتو تعجيزية هوا بفكر الدراسة كل شي هي انا عم بشتغل وراتبي قد ثلاث موظفين ومع هيك مش عاجبو قال ربيان بالميتم بتكون اخلاقو مو منيحة وشو بدها الناس تقول عنو
حسام ويوسف. اوف لهالدرجة
امير. لك خليني ساكت اخر لنهار رح ابتلا فيه هوا وابنو
حسام. مين اخدت معك وقت رحتو تطلبوها
امير. اول مره اخدت خالاتي التنتين وتاني مره اخدت صاحب الشقة هاد بعاملني متل ابنو وخالتي عفاف لانو التانية مريضة الله يكون بعونها
يوسف. اي والله الله يشافيها ويعافيها قصتها بتوجع القلب
حسام. ليش بشو مريضة
امير. معها السرطان وعندا بنتين متل القمر عمرهن كأنو بحدود ال 200 الله يكون بعونهن ما الهن حدا ابوهن متوفي وما الهن اخوه
وخالتي التانية عندا شب وحيد اسمو علي يوسف انت اظن بتعرفو وزوجها متوفي
يوسف. اي بعرفو شفتو مره معك
حسام. الله يشفيها
في اليوم الثاني في بيت ابو قصي
هديل. ماما الباب عم يندء
ام قصي. اي ماتفتحي يعني ليش تقوليلي
هديل. اهلا وسهلا تفضلي
ماما هي جارتنا ام عصام
ام قصي. ميت اهلا وسهلا تفضلي تفضلي
ام عصام. الله يزيد فضلك
كيفكم ان شاء الله بخير
ام قصي. الحمدلله والله بخير
ام عصام. كيفكن يا بنات
غزل وهديل ونورا. الحمدلله تمام
ام قصي. قومي نورا اعمليلنا فنجانين قهوة
هديل. وانا احسبي حسابي
ام قصي. لا لا تردي عليها مافي شرب قهوة مليح والله اشربتي مره واتعودتي
ام عصام. بلالكن هالقهوة بعدكن صغار
هديل. هيا مره شربناها بس والله طيبة
ام قصي. اي يلا قومن ع غرفكن خلينا نعرف نحكي كلمتين
هديل. لا مابدنا نحنا رايحين ع بنات ام عصام
ام قصي. مافي روحة فوتي ادرسي احسنلك
ام عصام. اي خلهن يروحن البنات قاعدات لحالهن بالدار قومن بتسلنهن
هديل. شو ماما ؟
ام قصي. روحي مين ماسكك عأساس اذا قلت لأ رح تردن علي
هديل. يسلمو يا احل ام
اصلا انتي بتعرفي انو خالتو ام عصام مالها غريبة ومنا وفينا
ام عصام. يا حبيبتي الله يسعدك شو بحب حكياتك
وجابت نورا القهوة
نورا. تفضلي خالتو
ام عصام. الله يسلم هالديات
نورا. وين راحو هديل وغزل
ام قصي. راحن ع بيت ام عصام لعند البنات اركضي الحقيهن
نورا. اي رايحة بدك شي ماما قبل ماروح
ام قصي. يعني ولا بتقولي لأ
لا مابدي شي روحي
ام قصي. والله مافي احلا من البنات ربي يسعدهن صحيح ايام بجنني بس غير شكل معبيات علينا حياتنا
ام عصام. الله يخليهن يارب
لكان ياحرام بدهن يتفضن عطول بهالبيت الله يبعتلهن قصي يكون عون الهن وسند امين يارب
ام قصي. لا يي الحمدلله كفاها الله
ام عصام. شو لا بعدك صغيرة بالعمر
ام قصي. لا كبرنا ع هالشغلات هلأ
ام عصام. انتي قولي الله يختارلي الخير احسن من لا يي
ام قصي. ان شاء الله ربي بختارلنا كل خير
والله هم البنات للممات مبارح التمنلك كلهن حوالي ابوهن وقعدن يتدللن وشلحنو راتبو كلو وكلو عبو طلبات
ام عصام. ههههههه بطلعلهن
والله لو اولادي كبار شوي مابترك وحده منهن تضيع من ايدي ع قد مو مأدبات وفهمانات
ام قصي. الله يسعدك يارب
ام عصام. اي انا جاية واسطة من جماعة بعتوني لعندكم غصبن عني والله
ام قصي. مين بس مايكون قصدك بيت رمزي
ام عصام. اي هما بذاتهم
ام قصي. ما عأساس سكرنا ع هالسيرة احنا وياهم وهديل قالت مابدها ياه شو غصب السولافة يعني
ام عصام. والله انا مادخلني قالولي احكي معكم
ام قصي. يا بنت الحلال احنا ما عندنا مانع يعني القرار للبنت بس شوفت عينك هي الي بترفض
ام عصام. بس هما قالو انو البنت ماعندها مشكلة ب احمد
ام قصي. اي هيا قالت مشكلتها مو معو مشكلتها مع اهلو قالت انو ممكن تتقبلو بس مستحيل تحب اهلو
يعني يا ام عصام خلينا صريحين الجماعة والله مو مليحين يعني احمد ما بينعاب بس اهلو والله ما بينعطو وانتي بتعرفي قصصهم وعمايلهم ومحدا بحبهم وخامين لبعض ولأ فوق هيك بدو يسكنها مع اهلو
ام عصام. يعني السبب اهلو مو هوا
ام قصي. اي اهلو وقلنالهم مابدنا وصارو جايين يطلبوها ميت مره وكل ماعم يتقدم لهالبنت شب عم يتدخلو ويطفشوه بالله هالعقول هاي كيف الواحد بدو يتعامل معهم
ام عصام. اي والله معك حق
