#بواب_مسكرة_وشبابيك_معتمة_بس_في_وراها_قلوب_بتحب
#شام_الكاتبة_روان_الشبلاق
الجزء الخامس
—---------------
في اليوم الثاني
ليال. شام تعي شوفي امير مو هون
شام. وينو لكان
ليال. يمكن راح
شام. ايمتا راح
ليال. يمكن طلع بكير لانو نحنا بنتأخر واحنا نايمين هلأ بحكي معو وبشوفو وين
شام. تعي نحكي برا خلي امي نايمة
ليال. الو امير وينك
امير. انا طلعت كان عندي مشوار وهلأ انا بالبيت كمان ساعة رح روح جيب علي واجي انا وياه
ليال. اي ماشي باي
شام. شو قلك
ليال. قال هوا بالبيت رح يجيب علي ويجي
شام. اه
جوري. يعني امير مو مهتم اني زعلانة وما اتصل ليراضيني يا الله منو والله انا بحبو هلأ كمان شوي اذا ما اتصل انا رح احكي معو
في بيت ابو قصي
ام قصي. وين هديل
غزل. ع البرنده هيا ونورا
نورا. هديل هديل شوفي احمد وين واقف وعم يتطلع علينا
هديل. اه شفتو بعدي عني انتي لحتى يقرب وشوف شو بدو
وراحت نورا وقرب احمد ليحكي مع هديل ومعو ورده
هديل. نعم شو بتريد
احمد. كيفك
هديل. منيحة
احمد. خدي هي الوردة الك
اخدتا هديل ونتفتها
احمد. ليش هيك عملتي
هديل. لأنك ماعم تزوء ع حالك
احمد. وانتي ليش شايفة حالك ماظل شي ماعملتلك ياه ومستعد لبيلك كل طلباتك بس انتي وافقي
هديل. لك يا اخي حل عني مابدي ماااااابدي ياك روح شوفلك وحده تانية شو ماظل بنات غيري
احمد. وانا بدي ياكي ومارح اخد غيرك وبتشوفي يا هديل
هديل. انت اخدت وجه زيادة انئلع من هون
احمد. بسيطة رح روح
هديل. مو رح تروح رح تنئلع
نورا. شو كان بدو منك
هديل. كالعادة
وانا مابحب اغلط عليه بس هوا بيجبرني
ام قصي. هديل ونورا فوتن لجوا يلا هلأ بيجي ابوكن
هديل ونورا. حاضر ماما
هديل. ماما حبيبتي خلينا نروح اليوم شي مشوار
ام قصي. ولوين هالمشوار
هديل. على سوق الحميدية وبناكل بكداش
نورا وغزل. اي ماما الله يوفقك وافقي
ام قصي. والله وانا زمان بدي هيك مشوار طقت روحنا من قعدت البيت
هديل. يعني موافقة
ام قصي. المسا بخبر ابوكي وبالليل اذا وافق بنروح
هديل. هييييييي
في بيت ام عمار
جوري عم تتصل بأمير
جوري. الو كيفك امير
امير. الحمدلله
جوري. زعلان مني ماهيك لانو ما كملت حكي معك
امير. لا حبيبتي ابدا بس مشغول شوي
جوري. وين انت هلأ
امير. رايح ع بيت خالتي عفاف و اذا بتحبي بنلتقا المسا وبنروح مشوار
جوري. اي حبيبي موافقة وين نروح
امير. وين ما بدك اذا بتحبي بنروح ع الحميدية بكون الجو كتير حلو بالليل
جوري. اي حبيبي المسا بنحكي يلا باي
امير. باي
وصل امير لعند علي
علي. تفضل امير فوت
امير. اي بس ما بنتأخر
علي. ليش في شي
امير. لا جوا بحكيلك
امير. السلام عليكم كيفك خالتي
ام علي. اهلا بالغالي الحمدلله عاش من شافك
امير. هههههه والله شوية شغل
امير. اي علي حكت معي خالتي ام ليال وقالت بدا يانا انا وانت
علي. ليش
امير. مابعرف ماقالت
علي. اي عادي مافي مشكلة رح روح البس
امير. اي ما تتأخر
ام علي. كيفهن البنات ليال وشام وامهن والله مالي قدرانة روح طل عليهن المرض بهد الحيل يا خالة
امير. بخير بسلمن عليكي
سلامتك خالتي
ورن موبايل امير
امير. الو اي ليال
ليال. امير ماما تعبت كتير وهلأ نحنا رايحين ع المشفى
امير. كيف ايمتا ووين بأي مشفى... طيب طيب ما بتأخر مع السلامة
امير. علي استعجل شوي خالتي تعبت واخذوها ع المشفى خلينا نروح مافي معها غير البنات
علي. اي يلا امشي
ام علي. خدوني معكن
امير. لا خالتي انتي تعبانة وخلص هي علي معي وبدنا نروح هلأ بنتأخر
في المشفى
امير. طمنونا كيفا هلأ
علي. انا رايح شوف الدكتور
شام. ع حالا تعبت كتير وجبناها ع المشفى
علي. الدكتور قال اعطوها جرعة كيماوي وهلأ بتتحسن
وفينا نطالعها المسا
امير. ماعرفتو شو بدا مني انا وعلي
ليال. لا ماحكت شي
علي اجاه اتصال من الشغل وقالولو انو لازم يروح ع حلب بأسبوع شغل
علي. اتصلو فيني من الشغل ولازم روح ع حلب اسبوع شغل هنيك
امير. خلص روح ولا يهمك انا بظل مع خالتي
علي. حبيبي يا امير والله الامر مهم
امير. لك خلص روح يعني شو بدك تظل تعمل هون
علي. اذا اعتزتوني فورا دقولي يلا السلام عليكم
امير. وعليكم السلام
المسا امير طلع خالتو ع البيت
واجاه اتصال من جوري
امير. الو اي حبيبتي
جوري. وينك انت مو عأساس نحكي ونروح ع مكان
امير. اااااه والله نسيت حبيبتي خالتي تعبت وهلأ طلعناها من المشفى والله مابقدر اتركها لحالها يا عمري
جوري. ولا يهمك حبيبي سلملي عليها.. باي
امير. الله يسلمك.. باي
ام ليال. يا امير
ليال. امير الماما عم بتناديك
امير. اي خالتي
ام ليال. وينو علي ليش ماجبتو معك
امير. خالتي اجا معي بس طلعلو شغل كتير ضروري وبدو اسبوع ليرجع
ام ليال. ليش ماحكا معي بالاول
امير. خالتي اذا في شي احكيلي ياه وانا ان شاء الله مابقصر
ام ليال. لا بس يرجع علي جيبو لعندي
امير. انتي بتأمري خالتي
وهلأ بدكن شي صار لازم روح
شام. سلامت قلبك
امير. الله يسلمك بس مابدي يصير متل اليوم وتتصرفو من حالكن اذا بدكن شي فورا اتصلو فيني

#شام_الكاتبة_روان_الشبلاق
#شام
#بواب_مسكرة_وشبابيك_معتمة_بس_في_وراها_قلوب_بتحب
الجزء الاول
امير. حبيتي المكان
جوري. اي كتير
امير. هي اول مره بتيجي لهون ماهيك
جوري. اجيت وانا صغيرة اما وانا كبيرة لأ هي اول مره
امير. بشو حاسة
جوري. احساس كتير حلوة حاسة بفرح من جواتي مابعرف شو السبب حاسة انو انا فرحانة كتير من جواتي
امير. بعرف هالشي وهاد الأحساس بصيبني كل ما اجي لهالمكان
امير. جبل قاسيون الأسم لحالو بكفي انو يخلينا نفرح شوفي المنظر شو حلو
شوفي الشام شو معجوئة شوفي الناس شوفي الأطفال لك شوفي العشاق والكل فرحان ومبسوط
جوري. احساس بقمة الروووعة والجمال
امير. هي هيا الشام من يوم يومها حلوة وبتحب اهلا ومجرد النظر الها من مكان عالي بتحسي انك مالكة كل الدنيا
امير. اتطلعي هنيك شوفي كيف لبيوت مضواية وما احلا منظرا من برا
بس من جوا مابنعرف شو فيها لكل بيت في قصة وحكاية محدا بيعرف فيها غير اهل هادا البيت لأنو عنجد البيوت اسرار
جوري. حلو حكيك عن الشام
امير. ناس فرحانة وناس زعلانة ناس بتحب وناس بتكره جوات هالبيوت المضواية في ناس فايئة وناس نايمة وناس عم تفكر
لكل بيت قصة وقصة كبيرة
بس انا متأكد انو جوات هالبيوت في حب في حياه في عيلة في اهل وناس وفي #ام
جوري. امير الشام النا الشام شامنا
امير. اي اكيد الشام شامنا
شوفي الساعة 11 بالليل والناس كلا فايئة ومحدا رح ينام واكيد كل شخص عم بشم هوا الشام عم وعايش بالشام اكيد مارح يقدر يطلع منا وقد ما طلع وبعد مرجوعو الك يا شام يا ام الكل يا ام الي مالو ام
امير. بصوت عالي بحبككككككك يا شام الله يحميكي يا شامنا
جوري. والشام بتحبك وبتحب كل اهلا
امير. هلأ ارتحت مافيني اجي ع هالمكان وما قلا للشام هالكلمة
امير. كل شخص بدور علي وما بلائيني بيعرف اني هون اني ب قاسيون واني بكون حاكيها للشام واحكيلا همومي وهي بتسمعني لأنو هي امي
امير. يلا نمشي
جوري. اي يلا
امير. مابدك تئولي شي للشام
جوري. امبلا
شام انتي حبي الأول والأخير
وانا وامير كتير بنحبك يا شامنا
يتبع...