#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_الأول....#الجزء_الثاني #الجزء_الثالث
Telegram:@rwayate
رن جرس الباب ... جفلت الختيارة يلي جوا البيت وبين علئ ملامحها الخوف والرهبة ...

حملت دوا الربو وبلشت تبخ بتمها وهية عم تحكي :الله يجيب العوائب سليمة 😓

ئربت عالباب اللي بلش يخبط ويخبط وصوت رجال برة عم يصرخ ويخانئ ..
وأول مافتحت الباب دفشو وفات لدرجة اختل توازن الختيارة ووئعت عالكرسي يلي جنب الباب...
اتطلع فيها بعيون معصبة وعم تئدح شرر وئال بصوت جهير :وينها !!!؟
الختيارة :صهيب...لك انتة مابدك تبطل عوايدك
صهيب:عم بسئلك وينها ؟ ماتعدي تغيري الموضوع 😡
الختيارة :جـ جوا بغرفتها 😓
ركد لجوة وبلش يخبط عالباب وحاول يفتحو لئا مئفول ...
صرخ :افتحي وليه ،لكك عم ئلك فتحي
صرخت بنت من جوا : بكففي تركوني بحاالي
صهيب:والله بحياتك مارح تخلصي مني ..فكرك مارح ائئدر طولك وين مارحتي ؟
....:ئلتلك مااابحبببك ...مابدي اتزوجك ...وهالمرة مازبطت معي بالهرب لبلد تانية بس تاني مرة رح اهرب ومعد تئدر تلائيلي طريق
صهيب:طيب فتحي خلينا نتفاهم ...
...:مافي شي نتفاهم عليه ... الئصة انا نهيتها من عندي ليش ماعم تئدر تستوعب اني مابدي اياااك مااابحبببك بككككرهك وبلعن الساعة يلي اتعرفت فيها عليي
صهيب:طيب ورد الشام ليكي ...انا عندي حل ... افتحي الباب لحتا احكي
وردالشام :مافي حكي نحكي ... الحل الوحيد انك تتركني وتبعد عني لحتا عيش بئية حياتي مرتاحة منك ...
Telegram:@rwayate
عصب وخبط المراية يلي معلئة عالحيط بجنب غرفتها لحتا انكسرت وجرحتلو ايدو وصرخ :ورد الشااام لو شو ماحكيتي وشو ماعملتي اتأكدي انك الي ...اخرتك الي انااا فهمتيييي 💔

وطلع من البيت ...
كانت ورد الشام ئاعدة بالأرض وساندة ضهرا عالتخت وعم تبكي بصوت عالي ...
وردالشام :بكفففي والله تعبت من هالئصة لككك انا تعببت ياربي لييش مااخدتني مع اهلي موكنت ارتحت من هالعيشة 😢💔

صبية من جديد صار عمرا عشرين سنة ...بيضة وشعرا اسود بعيون خضر غامئين كتير ... مو دارسة ...يتيمة وهية حاليا عايشة مع مرة ختيارة يلي هية بالحقيقة ستو لـ صهيب ...

صهيب شب بحيطان الـ 27 طولو معتدل مهيوب وحنطي وعندو جاذبية خاصة بشعر اسود وعيون سود وحادين مشكلتو انو عصبي وئاسي كتير وكل الناس بتهابو وبتخاف منو....
Telegram:@rwayate
دئت الختيارة (ام كمال )علئ وردالشام وئالت :افتحي بنتي ...ليكو راح ...
فتحت ورد الشام وعطول رمت راسها علئ كتف الختيارة وبلشت تبكي بصوت عالي وام كمال تهديها وتطبطبلا علئ ضهرا...
ام كمال :يالله اهدي بنتي ... حلك تتعودي عليه
ورد الشام :انا شو عملت بحياتي لحتا الله يسلط عليي واحد متل صهيب 💔
ام كمال :والله عم يعمل هيك لأنو بحبك
رفعت ورد الشام راسها ورجعت فاتت علئ الغرفة
ورد الشام :صهيب بحياتو مابيعرف يحب ...هوة بدو يتملكني لأني رفضتو ...
ام كمال :بس هوة مالو بهالسوء
ورد الشام(بتبكي ) :مبلا ... ليش عم يركد ورايي ولاحش مرتو وبنتو ... هنن اولئ فيه مني ..ئليلو خلي يتركني بحالي خليني عيش حياة طبيعية متل كل هالنااس... 💔
Telegram:@rwayate
كان راكب بسيارتو وعم يسوء بسرعة جنونية وهوة عم يتزكر ....

من 4سنين ...

الساعة 12 بعد نص الليل كان الجو معكر وهوة عم يسوء سيارتو وصوت مرتو وهية عم تصرخ وتتوجع وعم تولد عامي علئ ئلبو
صهيب:نسرين صبري شوي رح نوصل عالمشفئ
نسرين :بسرعة يا صهييييب...عججل ببوس ايدك...حاسة الولد رح ينزل

ضل عم يسوء رهوة مرعوب ...
صرخت نسرين :لكككك اااااااااااااااااخ
صهيب:لك خلص خلص بكفي صراااخ
وفجأة سمع صوت بيبي عم يبكي
وئف السيارة والتفت وانصدم لما شاف البيبي بين ايدين نسرين وهية عم ترجف ومصدومة متلو واكتر
صهيب:انتي ولدتي ؟؟
نسرين :صـ صهييب اأأنا خـ خايفة
Telegram:@rwayate
رجع شغل السيارة وشفط فيها ووصل أخيرا عالمشفئ ...ونزل ونده للمسعفين لحتا يسستلمو نسرين والبيبي ... وبالفعل اجو الممرضات واتدارو الوضع وعملو كلشي لازم بين بنفس السيارة واستلمو البيبي وحطوه بالخداج واخدو نسرين علئ غرفة بالمشفئ...

أما صهيب فضل يضل عم يتمشئ بحديقة المشفئ وهوة عم يدخن ...ورن جوالو ورد :اي مرت عمي
ام نسرين :شو صار معكون ؟
صهيب :ولدت وخلفت بنت وهلء هية نايمة
ام نسرين :اي الحمدلله عسلامتها ... وانشالله الف مبروك صهري تتربئ بعزك ودلالك
صهيب (ببرود ) :الله يبارك بعمرك مرت عمي
ام نسرين :انا بكرة من الصبح جاي لحتا اتطمن علئ نسرين والبيبي
صهيب:ماشي
سكر الخط وفتح باب السيارة ولما شم الريحة وشاف الدم ئرف يركب ...رجع سكر الباب و طلع من المشفئ...

كان عم يمشي والدنيا صقعة وهوة ناطر سيارة تكسي لحتا يرجع عالبيت لما سمع صوت بكي جايي من عمارة قيد تنفيذ العمار ... (عالعضم )

#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_الثاني...
Telegram:@rwayate
(ولد صغير كان عم يركد بغابة بنص الليل ووهوة مرعوب وعم يبكي ... وكان عم يلحئو زلمة هيئتو متل الوحش معصب وعم يصرخ... وئع الولد والتفت وشاف هالزلمة وهوة عم يهجم عليه متل التور الهايج وهوة حامل سكين رفعها والولد رفع ايديه وغطا وجهو وهوة عم يصرخ 😱)

صحي صهيب مرعوب وعرئو عم يكت منو وهوة يلهث بئوة ... اتطلع جنبو وشاف نسرين غرئانة بالنوم ...

صهيب :مابدك تحل عنييييي
نزل رجليه عن التخت وبلش يمسح وشو ...
راح عالمطبخ شرب مي وراح علئ غرفة بنتو غطاها واتطمن عليها ورجع علئ غرفتو...

تاني نهار الصبح صحيت ورد الشام علئ صوت رنة جرس الباب ... طلعت من الغرفة واتفاجأة بـ صهيب وائف بنص الصالة ...

إم كمال :أنا رح فوت اعمل فطور ..صهيب ماتروح مشان تفطر معنا
Telegram:@rwayate
وراحت ام كمال عالمطبخ ...
ورد الشام :استنيني ستي جاية معك 😓

مسكها صهيب من زندا بئوة وعصبية وهية من رعبتها صارت تحكي وهية عم ترجف :و...والله ماكنت ...أزضي كنت بدي اهرب بـ بس مما زبطت و...وماعاد عيدا ...
صهيب :خلص خرسي مو طايئ اسمع صوتك

نتر ايد ورد وئعد وشغل سيكارا...
صهيب :من أربع سنين بتتزكري شوئلتلك ... ئلتلك انو عمك مامات وأنو حكا عكس الكلام اللي حكيتيلي اياه وئال انو هوة اللي لحئك علئ هداك البيت ووئت كشفك حاولتي تئتلي ... ومع اني لحد الآن مو مستوعب انو ممكن عم بمئام أب يعمل هيك ببنت أخو ومع هيك سدئتك الك وبعدتك عن كل مين بتربطك فيه علاقة دم ... بس لحتا بعدك عن الأذئ اللي ممكن تتعرضيلو من طرفهن ازا شافوكي... خيرتك... ترجعي لعندن او تضلي هون وانتي اخترتي تبئي عايشة مع ستي تحت عيوني ... طلبت منك اتزوجك واستر عليكي رفضتي ... ومع هيك ما حكيت وتحملتك هون... هيك بترديلي المعروف ؟ بس تاحتلك اول فرصة تتنفسي بتحاولي تهربي ! ليش ؟
Telegram:@rwayate
ورد الشام :أنا ماكزبت عليك بشي... وانا مابنكر اني ضليت عندك خوف من ردة فعل أهلي ازا شافوني ... بس أنا من حئي كون حرة

صهيب :تكوني حرة انك تهربي ؟
وئف صهيب وراح عليها ...
صهيب (بهدوء ): إزا فصل مبارح بيتكرر ... أنا بايدي رح وديكي لعند عمك فهمانة

هزت ورد الشام براسها بخوف ... رجع بعد صهيب عنها وفتل بدو يطلع... وفاجأتو بسؤال

ورد الشام :انتة بتحبني ؟
وئف صهيب وأخد نفس وجاوبها :لا
ورد الشام :لكن ليش متمسك فيني لهالدرجة ؟
صهيب :مابعرف
ورد الشام :نسرين ... بتعرف بوجودي بحياتك ؟
صهيب :ليش عم تسألي ؟
ورد الشام :فضول بس ...
صهيب :....
ورد الشام :أكيد ازا عرفت رح تزعل كتير
Telegram:@rwayate
فتل صهيب عليها ومسكها من كتافها بعصبية
صهيب :شو أزضك ...!بشو عم تفكري وليه ؟
ورد الشام :والله ما أزضي شي...
صهيب :اسمعي يابنت الناس ... نسرين خط أحمر وازا بتجيبي سيرتها علسانك بحسب الله ماخلئك فهمانة 😡
هزت براسها بخوف ونترها صهيب وصرخ :ستي انا رايح

طلعت ام صابر من المطبخ وئالت :بس الفطور جهز ستي
صهيب :مالي جوعان ...فطرت مع نسرين ...بخاطرك

طلع صهيب وضلت ورد الشام وائفة مكانها وهية لسا عم تتزكر نظرة عيونو الحادة ونبرة صوتو اللي كانت رجوليه وئاسية ...

ام كمال : زعجك بشي بنتي ؟
ورد الشام :لا ستي
ورد الشام (بئلبا ): ااااخ ليش ماعم بئدر اكرهك رغم كلشي عم تعملو فيني

وصل صهيب عالمحل وفتحو وفات (صهيب عندو محل جوالات )
Telegram:@rwayate
وبعد شوي بفوت عليه شب وبصبح عليه...
...:صباحوو أب ادهم
صهيب :لك صباح الورد يمانوو
يمان :كيفك
صهيب :الحمدلله ... وينك الك اسبوعين غاطط وين كنت ؟
يمان :ليش مادريت ؟
صهيب :لا والله خير اخي يمان احكيلي
يمان (بحزن ):بتتزكر اختي يلي اتجوزت وسافرت من سنة
صهيب :اي شبها ؟
يمان :تعيش انتة
صهيب :له له له علئ علمي اختك لسا صغيرة ومائطعت العشرين
يمان :حادث سير وماتت بعد اسبوع من الحادث وانا كنت مسافر لحتا امشي بأمور العزا مع جوزها
صهيب :الله يرحمها ويجعل مثواها الجنة ... والله لساتا صغيرة عالموت
يمان :ليش الموت بفرء بين الصغير والكبير ؟ الله يرحمها ...وللا ماتشوف جوزها بيئطع الئلب ...ماكنت متوقعو بحبها لهالدرجة
ودمعو عيونو ...
صهيب :الله يكون بعونو ...طول بالك أخي يمان كلنا علئ هالطريق
Telegram:@rwayate
(يمان رفيئ صهيب من الروح للروح وكمان شريكو بالمحل ...شب مكافح وعندو قناعة بهالحياة انو كلشي بهالدنيا حظوظ وئسمة ونصيب )

#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_التاسعَ....
Telegram:@rwayate
المسا رجع صهيب نسرين وكندا عالبيت اما ورد كانت عم تحاول تخبي كرها وحقدها اللي. ربتو الأيام فيها ...
نسرين :اااخ كتير تعبانة ،تعالي شلحيني الكندرة
سكتت ورد الشام وشافت صهيب فات لجوة بدون مايعطي اي ردة فعل
نسرين :سمعتيني ؟

انحنت ورد لعند رجلها وأول ما حطت ايدها عالأرض دعست عليها نسرين ...توجعت ورد وبلشت تسحب بإيدها بس ماكان ئدرانة نسرين كانت شادة عايدها بئوة
ورد الشام :اااااخ ست نسرين شيلي رجلك عن ايدي
نسرين :ههه مو بأصد بس شكلا العلاجات الفيزيائية عم تعطي نتيجة
وضحكت ...رفعت ورد راسها واتطلعت عليها بحقد ورجعت سحبت ايدها وكانت رح تئوم بس نسرين سحبتها من شعرها ..
نسرين :ليكون ماعجبك
ورد الشام :شو عملتلك ؟
نسرين :بتعرفي اني بكرهك كره العما
ورد الشام :عفكرة اخر همي
نسرين :هههههه طيب روحي انئلعي جهزي الاكل
ورد الشام :مابتخافي سمملك الأكل الك ولجوزك وبنتك ؟
نسرين :جربي
ونترتلا راسها وصرخت :صهييييييب
طلع صهيب وهوة عم يسحب سحاب جاكيت البجاما
صهيب :خير
نسرين :ورد الشام عم تهددني تحط سم بالاكل
صهيب :هالحكي صحيح ؟
ورد الشام :....
نسرين :مبين اكل الئط لسانك
ورد الشام :ما اكلو بس انا مو مجرمة او شيطان متل غيري ...
زتت هالكلمة ومشيت اتجاه المطبخ ..
نسرين :هالبنت نائصها ترباية ..
واتطلعت بـ صهيب
صهيب :....
نسرين :ليش ساكت...وللا ئلك مو وئتا بعدين بنربيها
Telegram:@rwayate
كانت ورد هالمرة مفتحة عيونها منيح وناطرة اللحظة اللي تشوف فيه نسرين طلعت الئزازة لحتا تشوف وين رح تحطا ... وبعد انتظار ومراقبة مطولة ئدرت تشوفها عم بتطلعها من جيبة جاكيتا الصوف وتئطرلو بفنجان الشاي ...ورجعت خبتها بالجيبة ... خلص ورد الشام كان هدفها الاساسي هية ئزازة الدوا وهلء ضمنت تصير بين ايديها ... وضلت تعمل المستحيل لحتا ئدرت اخيرا تحصل عليها وتبدلها بوحدة بتشبهها بسائل بنفس الكمية واللون بعد ما خلطت شوية مي وملون طبيعي
----------------*
تاني يوم الصبح بعد ماطلع صهيب مع نسرين عالمشفئ ... اجت صبا ...
صبا :شو صار معك
ورد :مشي الحال ...هي الئزازة
صبا :وبركي فئدتا
ورد :ماتخافي عملت وحدة مزيفة بدالها وحطيتها بدال الاصلية لحتا ما تشك
صبا :كتير منيح ..يالله روحي لبسي خلينا نطلع
ورد :مابئدر اطلع من البيت ...فينك تروحي لحالك ؟
صبا :اكيد لا...المشوار اللي رح اخدك عليه كتير ضروري
Telegram:@rwayate
لبست ورد تيابا وطلعت مع صبا .. وترجهو علئ منطقة اول مرة بتشوفها ...
ورد الشام :صبا وين جايبتيني ؟
صبا :هلأ بتعرفي ...
رنت جرس الباب وفتحتلا بنت صبية صغيرةحلوة كتير بعمر الـ 13 سنة لابسة شالة بيضة عراسها ...
صبا :مرحبا نور
نور :اهلين ببنت الغالية تفضلي ...
فاتو ونور بتسألها عن حالها وعن يمان
صبا :الحمدلله مشتائتلك كتير ويمان كتير منيح
نور :يا الله منك ليش ماجبتي معك ؟
صبا :عم يضل مشغول .. خالتك علا هون ؟
نور :اي يالله فوتي ...لك صحيح ماعرفتيني
صبا :يي تضربي نسيتيني ،هي اسمها ورد الشام وهية رفيئتي من الروح للروح ،ورد بعرفك نور بنت خالتي
ورد الشام :كيفك نور ؟
نور :الحمدلله ..يا الله اسمك بجنن
ورد الشام :وانتي كمان ماشالله اسم عمسمئ
صبا :بتعرفي ست نور انو يمان بحبها 😂
ورد الشام :صباااا...
نور :عنجد ..هالخاين عأساس مارح يتجوز غيري
ورد الشام :عم تمزح معك صبا
صبا :ليكي ليكي من كل عئلا عم تحكي الهبلة ..انتي بالاول صار عمرك 13 يا مفعوصة 😂
نور :خلي يتجوزك وبس اكبر بنزل ضرة عليكي متل ماعمل بابا هي متجوز تنتين ...ماما وخالتي علا
Telegram:@rwayate
كانت نور بتحكي بكل برائة وصبا بتضحك عليها اما ورد ماكانت لسا فهمانة شو شعور يكون عندا رفئات او حتئ خوات وكانت بتضحك معهن عأي شي وهية مبسوطة لأول مرة ❤️

فاتو ئعدو وراحت نور تنده لخالنها علا بناء علئ طلب صبا...
ورد الشام :هلء خالتك الاولئ وللا التانية ؟
صبا :لا خالتي الاولئ ..بس جوز خالتي اتجوز خالتو علا لما مات جوزها ويلي هوة اخو لجوز خالتي
ورد الشام :بتكون مرة اخوه ؟
صبا :اي وعندا ولاد منو وحماتها واهل خالتو علا شافو الانسب تتجوز سلفها لحتا مايربو الولاد برا العيلة
ورد الشام :وخالتك كانت ئبلانة ؟
صبا :اكيد لا ..بس ئدرت تتقبلها بسهولة لأنو هنن من اول صحبة وبعدين خالتو علا كتير ئلبا طيب ولالله لهيك انا جايبتك لعندا ،امها كانت مرة تقيه ومكشوف عنها الحجاب وبتفهم بشغلات السحر وكانت تعمل رقيات

#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_العاشر....
Telegram:@rwayate
----------------*
لن أدع شيئ يحول بيننا .. إعتقدتي بهروبك ستنتهي من مأساتك ..إعتقدتي أنك ستكونين بأمان وأنتي بعيدة عني ... إعلمي أن هروبك زرع الإصرار في قلبي أكثر علئ إمتلاكك ..
----------------*

كانو يمان وصبا عايشين عنجد مأساة حقيقية وخصوصي بعد ما اجت الشرطة وطلعت نتيجة فحص الطبيب الشرعي بأنو أبوهن مات نتيجة جرعة مخدرات زايدة ...

ئعدت صبا جنب أخوها لحتا تهدي وهوة عم يبكي بطريقة هستيرية ...
صبا :أخي بكفي ..بدال بدال ماتكون سندي عم تزيدها عليي ؟
يمان«بيبكي » :انا السبب وابوكي مات بسببي انا المذنب الاول بهالشي.. كنت بعرف انو عم يتعاطا كنت بعرف وسكتت ..لو اني اخدو بكير عالمصح ماكان مات ...
صبا :ليش عم تحمل حالك المسؤولية .. خلص نصيبو يموت .. بكفي يمان قضاء الله ووئع وهلا الكلام معد ينفع ... دعيلو بالرحمة اخي ..
يمان :الله يرحمو ويغفرلو ..
Telegram:@rwayate
رجع صهيب عالبيت ...و أول مافات ئلبو غصو بلش يطلع بالبيت بحجر عينو وينئلها بزوايا البيت ... مشي خطوتين عالبطيئ ونادا بصوتو :ورد الشام ... !
بس محدا جاوبو ... كان هادي كتير وگأنو عرفان انو البيت فاضي بس حب يتأكد ..وفجأة تسرعت خطواتو وبلش يدور عليها بأنحاء البيت كلو. بالمطبخ والبرندا وبالحمام ..وصل عغرفتها وفتحها وشاف خزانتها مفتوحة وشبه فاضية ... توسعت عيونو واتأكد انو ورد هربت ... كانت مشاعرو ملخبطة وماعرف ليش اجا بنفسو يموت حالو بهديك اللحظة .. ئرب عالتخت وطال ئطعة من تيابها كانت مرمية عليه وحطها عوجهو وبلش يستنشق اثر من ريحة ورد فيها لحتا تغلغلت لجواتو ورجع فتح عيونو وصرخ :عملتيا وهربتي ... مابكون صهيب ازا ما خليتك تدفعي التمن غالي يا ورد ..
رما ئطعة التياب عالتخت وطلع من البيت متل المجنون ...
Telegram:@rwayate
أما ورد ماكانت عرفانة شو تعمل او وين تروح بحالها وخصوصي انها ضيعت الطريق لأنها كانت ناوية تطلع لبيت يمان ...
ورد الشام :ياربي وين كانو ساكنين ...

وأخيرا لئت العمارة اللي ساكنين فيها انبسطت وحست ئلبا ارتاح بس شافت سيارة صهيب من بعيد وئفت عباب العمارة .. ورجعت تخبت وشافتو فات وهوة معصب عليها...

بلش صهيب يخبط متل المجنون علئ باب بيت يمان .. وأول مافتحتلو صبا دفشها وفات وهية ضرب ضهرا بالحيط ...
صبا :مجنووون
التفت عليها ورجع لعندا وئال :وينااا ؟
صبا :مين ؟
صهيب :ورد الشام ويناااا
صبا :انتة في شي بعئلك ،ورد مو عنا
صهيب :اي هلء بتأكد ...

وفات لجوة وشاف كيف الجو طاغي عليه الحزن ودمعة يمان موناشفة لسا عن خدو ومع هيك مااهتم وصرخ :يمااان طلعها ياحيوان ..
انصدمو كل الموجودين بتصرف صهيب .. وئف يمان يلي ماكان فهمان لسا شو الئصة !
يمان :اي... وحياتك البائية صهيب
Telegram:@rwayate
وئف واحد من الرجال وراح اتجاه صهيب
....:يا ابني في حدا بفوت عبيت عزا بهالطريقة ...
صرخ صهيب :ازا ماطلعتها هلء رح ائئلبو عنجد بيت للعزا ... يمان طلع ورد الشام وهلء بكل هدوء أحسن ما أعمل مجزرة بنص بيتك
يمان :ليش ورد هربت ؟
صهيب :لا تتغابا علييي وتعمل حالك ماعندك خبر ... عم ئلك طلعها بسرعة
يمان :بس هية مو عندي
صهيب :مو عندك ؟ انا بعرف كيف رح طلعها. ...

وبلش يتفتل بالبيت ويفتح بواب الغرف ويمان لسا صافن فيه ولما كانو الرجال بدن يوئفو صهيب عند حدو وئفهن يمان لحتا محدا يتأذئ منو .. وبعد ما خلص جولتو الفاشلة بالبيت.
صرخ :وين وديتاااا احكي
يمان :الي تلات شهور ماشفتا ..

خافت ورد علئ صبا ويمان يتأذو من بطش صهيب ...لهيك قررت تلحئو لجوة ومن لما دخلت سمعت صوت صهيب وصراخو عم يدوي متل بركان هايج بالعمارة ...
Telegram:@rwayate
صهيب :يعني مصرررر عكلامك هاااد
يمان :صهيب انا مو فاضي لالك .. ابي اليوم ماات وانتة ماكلفت تسأل او تعزي ..همك بس تعرف وين هربت ورد الشام ...ورد اللي حبستا وشوهت سمعتها بنظري .. اي هربت منك لأنك ما بتستاهلها ...
صهيب :ئلتلي ابوك مات ؟ .. طيب ازا ورد مارح تطلع هلء رح كفي عبائي عيلتك ئدام عيونك ..
وطلع صهيب مسدس وراح اتجاه صبا ومسكها بين ايديه وحط المسدس براسها ...

#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_السابع....
Telegram:@rwayate
وصل صهيب ومعو نسرين عالبيت ... واول ما دخلو راحت ورد عليها ...
ورد الشام :الحمدلله عسلامتك نسرين
نسرين :....
صهيب :جهزتي الغرفة ؟
ورد الشام :اي كلشي جاهز
صهيب :يالله حبيبتي خليني اخدك عالغرفة

حمل صهيب نسرين ووداها عالغرفة وورد الشام ئاعدة وبترائب فيه كيف معاملتو الها وكيف مدللها ...

ورد الشام «بئلبا »:هي بيكرها وهيك ،كيف لوكان عنجد بحبها ؟

مضي هالنهار بهدوء وماحصل ولا مشكلة وهالشي يلي خلا ورد تاخد راحتها وتنسئ شوي عصبية صهيب وهمجيتو وتفكر بطريقة ايجابية انو ممكن وجود نسرين يخلي يخف عليها شوي وينسئ وجودها مع انو هلء صار اقرب من ئبل ... كانت تشوف كيف بعاملها بلطف وكأنو شخص تاني مو نفسو صهيب العصبي المتجبر اللي مرعبها ...
-----------------*
مع جية المسا ...كانت ورد عم بتحضر العشا وبالا بكلام صبا ..
ورد الشام «بئلبا »:طيب هلء كيف بدي اطلع من البيت ؟وازا طلعتي ياورد شو رح يكون مصيرك ... شو ماكان احسن من هون وانا ئريبة من صهيب ..يمكن يمان يئدر يحميني منو ومن عمي ... بكفي حنيتو عليي يلي من لما مات بابا ماعاد شفتا ...💜
دخل صهيب عالمطبخ وشافها شاردة...
صهيب :بشو عم بتفكري ؟
ورد الشام :ولا شي ..كيفها نسرين ؟
صهيب :منيحة ..لا تطولي بالعشا
وطلع من المطبخ ...
ورد الشام عم بتئلد صهيب :لا تطولي بالعشا ...😒خلص اليوم رح اهرب ... نائصني ئضي بئية حياتي عم بخدمو الو لمرتو يلي من لما شفتا ماشفت الخير ..😒
-------------------*

وببيت يمان كان عم يجهز حالو لحتا يطلع
Telegram:@rwayate
صبا :يعني خلص قررت
يمان :اي اختي
صبا :اي... نيالها ياعمي 😌
يمان :شو ازضك وليه ؟
صبا :يعني ياريت خطيبي فراس يعمل نص اللي انتة رح تعملو كرمال ورد الشام
يمان :وليه صبا مابكفيكي الشب متغرب وعم يشتغل كرمال يأمن حالو ويأمنك لحتا ماتعتازو شي ،اختي كل واحد بجاهد كرمال اللي بحبو حسب امكانياتو
وابتسم بوجها وفتح باب البيت
صبا :اخي دير بالك عحالك
يمان :وانتي كمان وليكي ئفلي الباب وازا اجا ابوكي بغيابي ماتفتحيلو
صبا :لكن بدك اياني نيمو عباب البيت 😦
يمان :اضمن اختي مارح يصرلو شي ازا نام ليلة عباب البيت بس لا اتدخلي وانا مو هون الله يرضئ عليكي اسمعي الكلمة
صبا :خلص متل مابدك. ..
راح يمان وصبا ئفلت باب البيت ...
------------------*
Telegram:@rwayate
وببيت صهيب جهزت ورد العشا واجتمعو كلون عطاولة العشا ...
نسرين :شو حبيبتي باين ئعدتي ؟
ورد الشام :انا ؟
نسرين :اي حضرتك يابعدي
ورد الشام :بدك جبلك شي ؟
نسرين :ئومي انئلعي كلي جوا بالمطبخ
ورد الشام :.....
صهيب :حبيبتي شو بدك بالبنت خليها تاكل معنا
نسرين :اسمها خدامة وانا ما بئعد مع الخدم عصفرة وحدة ...ماما ما عودتني هيك
صهيب :بس ورد مو خدامة نسرين
نسرين :لكن شو ؟ فسرلي سبب وجودها هون لكن ..ليك صهيب هالبيت من اليوم ورايح رح يكون الو قوانين جديدة ومارح يمشي اللا عكيفي ،وماتفكر ازا انا بطلت امشي رح تستوطي حيطي انتة وللا غيرك وحياتك لا انتة ولا غيرك بتئدرو تكسروني ...
صهيب :...
نسرين :وهلء ازا مابدها تنئلع من وجهي انا مارح اكل
صهيب :ورد خدي صحنك ورحي كلي بالمطبخ
كانت ورد مصدومة بكمية الشخصية اللي فارضتها علئ صهيب وكيف بيسمع كلمتها بدون ما يناقشها حتئ
صرخ صهيب :ماسمعتي الهيئة ،انئلعي كلي بالمطبخ

#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_الثَاَْمٌنَ....
Telegram:@rwayate
ماكان حال يمان أحسن من حال ورد الشام وكان عنجد حاسس حالو ضايع... بين يسدء الشي يلي سمعو من صهيب وبين اشتيائو لـ ورد
صبا :يعني خلص
يمان :....
صبا :عفكرة انا ماكنت متوقعتك هيك اخي.. يعني فكر فيها منيح لو كانت ورد عنجد متل مائال صهيب ليش بعدو مخليها عندو ؟
يمان :ئلتلك انا سكرت علئ هالئصة هالبنت مو من نصيبي
صبا :امممم مبلا يمكن ماتكون نصيبك .. بس يلي انا متأكدة منو...انو البنت بدها مساعدة ... هية محتاجة لشخص يوئف جنبا لحتا تخلص من ظلم صهيب ونسرين اللي كاتمين عنفسها

وتركتو ومشيت...
--------------------*
بعد ساعتين رن جرس الباب وراحت ورد وجاوبت من ورا الباب :ميين
صبا :هي انا ورد
ورد الشام :اهلين صبا كيفك
صبا: مشتائتلك ورد ... كأنو بعدو مئفول الباب
ورد الشام :اي
صبا :طيب وكندا مو معك ؟
ورد الشام :لا ... كندا عم بتروح مع امها عالمشفئ
Telegram:@rwayate
صبا :ايوا يعني مافي حدا بالبيت ؟
ورد الشام :اي مافي حدا ... صبا كيفو يمان ؟
صبا :يماان ..اااخ من يمان صهيب مكزب عليه كزبة كبيرة ومشوه سمعتك ئدامو...
ورد الشام :طيب ليش هيك عمل ؟ مابعرف شو هالذنب اللي انا عملتو لحتا صهيب عم يعاقبني مشانو
صبا :ليكي شو رح تعملي واعملي كلشي رح ئلك عليه خطوة بخطوة كرمال تئدري تطلعي
-----------------*
مرت الأيام وورد تتصرف عحسب ماعلمتا صبا وبلشت تتصرف عإنها خدامة عنجد عند نسرين ومعد نادتلا غير مدام ولصهيب سيد .. و كانت مستلمة كل شغل البيت من بابو لمحرابو ..طبعا صبية متل ورد الشام ما الها حدا ويلي الها كانو هادرين دمها وعمها اللي مافي أخلاق ممكن يعمل اي شي لحتا يوصلا... مستعدة تعمل اي شي لحتا تطلع من كلشي ورطات دخلتها الدنيا فيها ... مارح يكون عندها مانع تتنازل شوي عن كرامتها كرمال تخلص حالها من هالكابوس اللي معيشها اياه صهيب ومن البيت اللي صارت Telegram:@rwayate تحسو بيت للأشباح عئد ما كانت يتهيألها اشياء من لما عتبة نسرين عتبتو ...أشياء ماكانت تشوفها ولا خطر عبالها تشوفها لما كانت ستها ام كمال عايشة .. كانت حياتها عاملة متل فلم رعب بلشتو بإيدها لما راحت مع عمها علئ هداك البيت ولازم يكون الو نهاية وهالنهاية شافتها بخلاصها من صهيب ونسرين ... لحتا ئدرت أخيرا تكسب ثقتهن انها مارح تهرب من البيت وبالفعل صارت أحيانا تطلع معهن علئ مشاوير احيانا تاخد كندا لحالها عالحديقة ويلي خلا صهيب متطمن انو يمان معد سأل عن ورد ولعد جاب سيرتها وقرر يشتري حصة يمان بالمحل ...بس يمان ماكان رضيان يضيع شغلو ومشروعو يلي تعب لحتا فتحو وشاف الأنسب انو يتصالح مع صهيب لحتا ماينئطع رزئو ... أحيانا كان يشوف ورد الشام معهن بسيارة صهيب .. وأكتر الأحيان يسأل صبا اللي كانت تتردد عطول لعندها وصبا تجاوبو انها منيحة وانها نسيتو كليا ويمان من جواتو متدايئ انو تخلئ عنها بهالبساطة وحتئ انو ماسمعها او حاول يسأل عنها عنجد ...

#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_الرابع
Telegram:@rwayate
يمان :شو هالاحساس ياربي ...شوماكان يكون المهم تئوم بالسلامة ...
شغل السيارة ومشي بسرعة البرق عالمشفئ ودخلوها عطول عالاسعاف اما يمان ئعد ينطر
بعد نص ساعة طلعت الدكتور وسألها عن ورد
الدكتورة :معها جفاف ئوي كتير وسوء تغذية ... كأنها كانت مأضربة عن الاكل ؟
يمان :والله مابعرف هية بتكون اخت رفيئي وشفتا بهالحالة وجبتا لهون
الدكتورة :لازمها مراقبة ورح نعطيها غذاء عن طريق ابرة السيرون لبين ماتصحئ
يمان :يعني حالتها مو خطرة ؟
الدكتورة :طبعا حالتها خطيرة ... انتة مفكر سوء التغذية شغلة سهلة ؟؟
يمان :عملي يلي بتئدري عليه بس خليها تئوم بالسلامة
رن تلفونو و رد بعد تردد :اي صهيب
صهيب :شوصار معك ؟
يمان :انا بالمشفئ
صهيب :حالتها خطرة ؟
يمان :جفاف وسوء تغذية كيف بدا تكون ...عم ترئص مثلا ؟
صهيب :انتو بهي المشفئ ؟
يمان :اي ليكنا بالاسعاف ...بس بدي افهم شغلة ...انتة كيف اجا من ئلبك تضرب بنت متل هي وتحبسها بدون رحمة ؟
صهيب :مشان الله ئلتلك اللي فيني مكفيني يمان ... دير بالك عليها ...بس تنام نسرين بجي اتطمن عليها
Telegram:@rwayate
سكر يمان الخط وئرب علئ تخت ورد الشام وئعد جنبا وصفن بوجها وهية نايمة ...
كان عم يطلع بوجها ومسك ايدها وحس برجفة ؛وكانو كهربا خفيفة عم تسري بجسمو وزادت دئات ئلبو ... ❤️
حط ايدو التاني علئ صدرو وئال :شو عم يصير معي .. والله مافي بالعادة ..
كان حابب هالشعور .. حاسس حالو بمكان تاني وهوة عم يطلع ويتمعن بتفاصيل وجها الساكنة
يمان :الله يئيمك بالسلامة

أخيرا نامت نسرين وطلع صهيب من عندا وتوجه عالاسعاف لعند ورد الشام
اخيرا لئا سريرها وئرب عليه ...
ئعد جنبا عالتخت وبلش يمسدلا شعرا وهوة عم يصحيها بصوت هادي:ورد الشام ... اصحي ورد الشام

رجع يمان اللي كان جايب معو عصير واكل وشاف صهيب ئاعد حدها عالتخت وعم يحاول يصحيها بحنية ...
حس بغيرة وبلش ئلبو يشعل نار...🔥
Telegram:@rwayate
فتحت ورد عيونها وبس شافت صهيب ارتعبت وصارت تحكي بصوت مبحوح :بعد عنييي ... ماتئرب لككك ماتئرب
صهيب :لا تخافي ورد ... انا آسـ
ورد الشام :عم ئلك تركني بحالي ..شو بدك مني
صهيب :خلص اهدي ... انتي بالمشفئ
ورد الشام (عم تبكي ) :ببوس ايدك تركني بحالي ..

وبس شافها يمان هيك ئرب بسرعة وبعد صهيب عن التخت وحط الغراض عالطاولة اللي جنب التخت ..
صهيب :شبك
يمان :موشايفها مرعوبة منك وعم تبكي
صهيب :وانتة شو دخلك يمان ... لوسمحت بيني وبينها ماتدخل
يمان :خلص بعدين بنحكي تركها خليها ترتاح
صهيب :يمااان ... شوصايرلك ليش هيك عم تحاكيني ؟
يمان :شو عم ئلك ؟ عم ئلك تركها خليها ترتاح
صهيب :بس اول مرة بتحاكيني بهالنبرة
يمان :ومن يوم ورايح رح تسمعني عم بحكي هيك بس شوفك عم تئرب عليها
صهيب :ايوا ....هههه ...
مسك صهيب يمان من ئميصو وئال بعصبية :هالبنت غسيل ايدك منها
يمان :بعد عني صهيب .. انا ماعم بفهم عن شو عم تحكي
صهيب :لا فهمان وبدي اياك تفهم كمان انو ازا بتفكر تئرب منها رح تندم كتيير يمان

ترك صهيب يمان ورجع ئرب عالتخت. ...
اتطلع يمان فيه وهوة عم يحاول يحكي مع ورد وهية تتحاشا والخوف باين بعيونها وكانت عم اتطلع حواليها لتدور علئ مهرب من نظراتو الها ..
Telegram:@rwayate
صهيب :ورد الشام انا اسف ...
ورد الشام :....
صهيب :سدئيني ماكنت بعئلي ...
ورد الشام :مابدي منك لا اسف ولاشي ...بدي تتركني بحالي بس
صهيب :طيب خلص .. ارتاحي هلء وبعدين بنحكي

بعد صهيب ورجع لعند نسرين ... ولما شافو يمان راح ئرب علئ تخت ورد وئعد
يمان :الحمدلله عسلامتك
ورد الشام :الله يسلمك ... ممكن أعرف مين...استنئ انتة رفيئ صهيب صح ؟
يمان :مم مبلا ... كيف صرتي هلء ؟
ورد الشام :الحمدلله
يمان :جبتلك شوية أكل ...
وفرد الأكل ئدامها وبلش يطعميها بإيدو ...
ورد الشام «وهية عم تاكل »:معليش بعرف اكل لحالي
يمان :مافي مشكلة انا بطعميكي ❤️
Telegram:@rwayate
سكتت ورد الشام وتركت يمان يطعميها بإيدو وهية صافنة فيه وجواتها عم بتقارن حنية يمان ئدام ئسوة صهيب 💔

#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_الثالث...
Telegram:@rwayate
رن جوال صهيب ورد :اي يمان
يمان :وينك صهيب ليش تركت التعزاية وطلعت بسرعة
صهيب :مافي شي اخي يمان ...خليك عندك رح ائئضي هالمشوار وجايي

سكر التلفون وطلع بسيارتو ومشي فيها شوي بالشارع علئ أمل يشوف نسرين بطريئو ... وئف بسبب ازمة عالطريق وشاف الناس ملمومة بنص الشارع... والاسعاف موجود كمان

نزل لحتا يشوف شوفي ... وفات بهالعجئة وانصدم لما شاف نسرين عالنئالة وهية غرئانة بدما وفائدة الوعي ...
ركد لعندا وحاول يصحيها
صهيب :نسريييين ...لككك نسرريييين مشان الله ليش هيك عملتي ؟
المسعف :عفوا ممنوع تئرب عليها
صهيب :لككك هي روحي ..هي كل حياتي
المسعف :بتئربلك ؟
صهيب (بيبكي ):اي ...هي مرتي
المسعف :معناتا طلاع معنا خلينا نسعفها...
Telegram:@rwayate
طلع صهيب معهون ووصلو عالمشفئ ودخلو نسرين عالاسعاف بسرعة اما صهيب ئعد ينطر وئلبو عم يرجف من خوفو علئ نسرين...

اما ورد الشام كانت عم تخبط عباب الغرفة وهية عم تبكي ومحدا عم يرد عليها...
ورد الشام :ليييش لككك لييييش ... ياااربي انا شوعاملة لحتا هيك عم يصير معي ...ياربي خدني وريحني لككك خدني وريحني ...وييينك يااستي تعي شوفي حفيدك ابو ئلب طيب شو عمل فيني 😭💔

و بالمشفئ ...
كان صهيب ناطر نتيجة فحص نسرين ... وصل يمان عالمشفئ وراح بوجهو لعند صهيب ...

يمان :شو صار معك صهيب
صهيب :مابعرف ... من لما دخلوها ما طلعو
يمان :وكل الله ... انشالله بتئوم بخير وسلامة ..
Telegram:@rwayate
أخيرا طلع الدكتور وركد لعندو صهيب وسألو :كيفها ؟ طمني مشان الله
الدكتور :وضعها خطير جدا ونزفت كتير ... اتطرينا ننئلها دم ...... بس وضعا مو مستقر ..
صهيب :يعني شو ...
الدكتور (بيأس ):نحنا عملنا اللي علينا ... والبائي علئ رب العالمين
صهيب :يعني ... نسرين ممكن... تموت 💔
الدكتور :خلي املك بالله كبير ...

راح الدكتور وصهيب سند ضهرو عالحيط وئعد عالأرض وهوة عم يبكي
ئعد يمان ئبالو وئال :طول بالك صهيب ...
صهيب :لك هي روحي ... ازا راحت مين رح يعوض مكانها ؟... ازا راحت حياتي مابعود الها معنئ
يمان :دعيلها ...دعيلها صهيب

رفع صهيب ايديه وبلش يدعي بئلب محروء : ياارب تئومها بالسلامة .. ياارب
Telegram:@rwayate
ضلت نسرين تحت المراقبة يومين ومافي اي تحسن ... وصهيب مافارئها ولا بعد عنها ... وورد الشام ضلت محبوسة بالغرفة

كانت ورد الشام ئاعدة وعم تتزكر شي صار معها من فترة طويلة...

«فلاش باك »ئبل سنتين
ورد الشام :ستي ماتطولي عند الجارة متل عوايدك
ام كمال :ليش مابتجي معي وبتغيري جو
ورد الشام :لا مالي خلق ... بعدين هلء بيعرضو حلئة المسلسل بدي تابعها
ام كمال :معناتا بخاطرك

طلعت ام كمال عند جارتها اما ورد الشام ئعدت وبلشت تئلب بالتلفزيون ... وبعد شي نص ساعة سمعت صوت باب البيت انفتح ...

ورد الشام :هي انتي ستي ...
بس محدا رد عليها ...ما اهتمت ورد وضلت عم تتابع المسلسل...
وفجأة سمعت صوت صهيب عم يحكي :وينا ستي ؟
ارتعبت ووئفت بسرعة والتفتت ...
ورد الشام :شو جابك هلء ؟
صهيب :عم بسألك وينا ستي ؟
ورد الشام :عند جارتنا ....موبعادتك تجي هلء 😓
صهيب :ستي اتصلت فيني اليوم الصبح لحتا اجي صلح المجلئ وئلتلا بس افضئ بجي
Telegram:@rwayate
ورد الشام :رح اندهلا
صهيب :مافي داعي ... فايت لحتا شوفو

#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_الخامس....
Telegram:@rwayate
ومشي وسحب ورد الشام ورا وهية عم تبكي وعم تترجا يتركها ..
توجه بسيارتو علئ بيت ستو وهية بعدا عم بتقاومو ..دخلها عالعمارة وهوة بعدة ساحبها من ايدها وهية بلشت تقاومو اكتر وتضربو عكتافو بإيديها
صهيب«بعصبية » :وبعديين معك
ورد الشام :تركني روح بحال سبيلي شو لسا بدك 😢؟
ئربها عليه وصار وجهو مئابيل وجها وهية رجعت صفنت بعيونو اللي كانو عم يئدحو شرر ...
صهيب :بدي اياكي عم تفهمييي
رجع سحبها وفتح باب بيت ستو وزتا جوا لحتا وئعت عالأرض وهوة فات وسكر الباب وراه.. شلح جاكيتو ورماها عالكرسي وئعد ئدامها ...
ورد الشام :حرام عليك اللي عم تعملو فيني
صهيب :مين عطاكي الاذن تروحي مع يمان ؟
ورد الشام :هوة مادخلو ..انا طلبت منو يطلعني
صهيب :ليش ؟

---------------*
رن موبايل صبا وردت عليه :اي اخي
يمان : كيفك صبا ..وكيف ضيفتنا ؟
صبا :أخي ورد الشام اجا صهيب أخدها
يمان :كيييييف ؟؟ ليش خليتي ياخدها
صبا :شبك اخي ،اخوها وهوة حر ،بعدين انا شفت انو ورد ماكانت ئبلانة تروح معو ..وأخدها غصبن عنا من هون 😓
يمان :يعني تهجم عالبيت ؟ 😡
صبا :بدك تئول هيك شي ووصاني ئلك انو مالو نسيانلك اياها
Telegram:@rwayate
سكر يمان الخط وطلع من المحل مو شايف بعيونو
------------------*

صهيب :سمعي وليه حياتك موو ملكك ،حياتك ملكي انا وانا حر بتركك او بخليكي
ورد الشام :انا مالي جارية عندك وعند مرتك
صهيب :يلي صار بـ نسرين إنتي سببو ،رح تخدميها عم تفهمي
ورد الشام :مالي متطرة ئعد خدامة الك ولمرتك ،ويلي بدك تعملو اعملو
مسكها من كتافها بئوة ولزئها بالحيط بعصبية وئرب عليها لدرجة انفاسهن اختلطت مع بعضن ..
صهيب «بهمس »:مو علئ كيفك ورد الشام ...انتي رح تضلي معي ازا مو بكيفك غصب عنك بتعرفي ليش ؟
ورد الشام :اااخ كتافي تركني مشان الله
صهيب :انتي ملكي عم تفهمي .. وانتي مارح تتحرري مني الا ازا انا متت ساعتها انتي بتكوني حرة فهمانة
ورد الشام «بتبكي »:رح ضل ادعي عليك ليل نهار لحتا تموت وانا ارتاح منك
صهيب :اي خليكي عم تدعي ..ولا توئفي دعائك
وضل صافن بعيونها وحلحل ايديه عن كتافها ورفعهم علئ وجها وحط راحة ايديه علئ خدودها
صهيب :لأنو لوئت الله يستجبلك دعواتك بكون تملكتك كلك .. فهمتي عليي ؟
Telegram:@rwayate
وفجأة بلش باب البيت تخبيط وصوت جرس الباب يرن بطريقة جنونية ..
رجع عصر علئ خدوها بقبضة ايدو وئال :هاد اكيد يمان ..سمعي وليه بتئليلو انك مابدك تشوفي خلئة وجهو مرة تانية وانك رح تضلي هون فهمانة
بلشت ورد تهز براسها بخوف من صهيب ونبرة صوتو القاسية 😢

راح عند الباب وفتحو ...
صهيب :خير شبك ؟
يمان :وينا ورد الشام ؟
صهيب :وانتة شو بدك فيها
مسك يمان صهيب من ئميصو بعصبية
يمان :انتة كيف بتتجرأ تتهجم هيك علئ بيتي اه 😡
صهيب :ههههه تركلي جاكيتي. . بظن انو من حئي استرجع شي اخدتو مني
يمان :ليش ماعم تفهم ورد مابدا تضل معك
دفش صهيب يمان عنو وطلع مسدس من تحت ئميصو وحطو عراس يمان ... انصدمت ورد واختفا صوتها من الرعبة
صهيب :هلء ازا ئوصتك هون علئ باب بيتي رح انحبس سنتين بالكتير واطلع بعدا بتعرف ليش ؟ لأنو رح يكون دفاعا عن النفس وانتة يلي متهجم عليي ببيتي
يمان :لهون وصلت معك ؟
صهيب :بدك تاخد ورد الشام ووين بدك تاخدها ؟ عبيتك تعيشها مع ابوك السكرجي
يمان :.... Telegram:@rwayate
صهيب :وللا شو رأيك بيلي يتعدا عليك وياخدلك مرتك هيك عينك عينك
يمان «بصدمة »:مرتك !!؟
صهيب :هههه ئلتلك رح تندم .. سماع يمان تروك صحبتنا عجنب وسماع هالكلمتين ..ازا عاد بتتعرضلي او بتتعرض لـ ورد الشام رح روح واشتكي علئ ابوك وخلي الشرطة تحبسو بتهمة حيازة المخدرات وتعاطيه..وانتو رح تتبهدلو ..فهمت عليي حبيبي
اتطلع يمان علئ ورد اللي كانت وائفة ورا صهيب وهية عم تبكي وشافها ئربت ومسكت صهيب من كتفو ...
ورد الشام :خلص صهيب نزل المسدس ...
يمان :انتي رضيانة بهالشي ؟
ورد الشام :روح يمان ...روح انا بدي ضل مع صهيب

وفوتت صهيب لجوة وسكرت الباب بوجه يمان وسندت ضهرا عالباب وحاصرها صهيب بإيديه
صهيب :خير ماعملتي .. وهلء ياحلوة بتفوتي بتنضفي البيت وبتجهزي بدي جيب نسرين وبنتي كندا لهون فهمانة
ورد الشام «بصوت مخنوء »:حاضر 😢

رجع مسكها من ايدها وسحبها لورا لحتا رجعت وئعت وهوة طلع من البيت وئفل عليها ...
ورد الشام :الله ينتقم منك
Telegram:@rwayate
طلع صهيب من العمارة وطلعلو يمان بوجهو ...
صهيب :شكلك مو ناوي تزوء عدمك
يمان :شو اللي ماسكو عالبنت لحتا ماعم تسترجي تواجهك ؟

صهيب :مالازم امسك علئ حدا شي لحتا رعبو مني ... يمان ازا نسيت مين صهيب انا بزكرك فيه..صهيب اللي كان مرعب ولاد الحارة كلها لما كان صغير ...اللي كان الكبير يعملو حساب ئبل الصغير ولحد الآن ...وحتئ انتة بتخاف مني

#أروِأّحٌ_ضّأّئعٌةّ,,,,💔
#بِقِلَمَيِّ_HajarSh
#الجزء_السادس....
Telegram:@rwayate
اتصل صهيب عالمشفئ وطمنو الدكتور انو نسرين بعدا تحت تأثير المهدء ونايمة ،وهوة ماحب يرجع ويزعجها وقرر ينام الليلة بالبيت ...

صهيب :كأنو كندا نامت ؟
ورد الشام :من نعسها نامت وهية عم تتعشئ .. رح اخدها عالغرفة

حملتها وودتها عغرفتها وسطحتها عالتخت وغطتها ... رجعت طلعت ما لئت صهيب عطاولة العشا ...
ورد الشام :شكلو راح ..يالله احسن

ضبت الصحون وبس خلصت ئعدت عند التلفزيون لحتا تحضر ...
صهيب من وراها :مالك نعسانة الهيئة؟
ارتعبت ووئفت بخوف
ورد الشام :فـ فكرتك رحت
صهيب :رح ائئضي ليلتي هون ...
وئعد عالكنبة وزحل حالو وحط رجل علئ رجل
ورد الشام :معناتا أأنا ر رايحة نام .. تـ تصبح عـ علئ خير
مشت من ئدامو واتفاجأة لما مسكها من زندها وعصر عليه
صهيب :خليكي عاوزك بشغلة
ورد الشام :بس اانا نعسانة 😦
صهيب«بعصبية » :كأنك ماعم تفهمي عليي ،انئبري ئعدي بدي احكي معك بموضوووع
ورجعها لورا من زندا لحتا وئعت عالكنبة
ورد الشام«برعبة » :حاضر ..
Telegram:@rwayate
عدل ئعدتو وسند ايديه عركبو وشبكهم مع بعض. وبلش يطلع بـ ورد ويتمايزها بنظرة عيونو الحادة ...وورد كانت مرعوبة وجسمها كلو عم يرجف ومالها مسترجية اتطلع فيه
صهيب :شوفي بينك وبين يمان ؟
ورد الشام :مافي شي
صهيب :لاتكزبي عليي ...ليش يمان محروء لهالدرجة لحتا ياخدك من هوون ؟انتي شو حاكيتيلو ؟
ورد الشام «برعبة »:والله ماحكيتلو شي
صهيب :روحي ..عمليلي ئهوة
ورد الشام :حاضر

راحت ورد لحتا تعملو ئهوة وصهيب ضل ئاعد شوي. ورجع لحئها عالمطبخ
كانت مشغولة بغلي الئهوة لما حست بأنفاس صهيب وراها ..لفت واتفاجأة فيه
ورد الشام :عاوز شي ؟
صهيب :لا ...
رجعت لفت وكملت غلي الئهوة وبس خلصت نزلت فنجان وعبتا وصهيب بيرائبها من بعيد ...
حملت الفنجان وناولتو اياه وهوة مسكو و كبو بئلب المجلئ ...
اتفاجأة ورد بتصرفو وئالت :ليش هيك عملت
صهيب :رجعي اغليلي واحد جديد
ورد الشام :انتة حتئ مادئتو !
Telegram:@rwayate
رجعت غسلت الدولة وعبتا وحطتا عالغاز ...
صهيب كان عم ياكلها اكل بعيونو ،في شي بئلبو اتجاهها و ئسوتو عليها ماكان الها اي مبرر ...بس كان يئسئ عليها غصب عنو مو بإرادتو هوة نفسو مو عارف ليش
خلصت غلي الئهوة وصبتا بفنجان جديد ...
ورد الشام :تفضل
اخد صهيب الفنجان من ايدها وحطو عالمجلئ ..
ورد الشام :مابدك ئهوة ؟
صهيب :مبلا
ورد الشام :انا بدي روح نام لوسمحت بعدلي عن الباب
صهيب :خليكي سهرانة مافي تنامي
ورد الشام :.... بس انا نعسانة
صهيب «بعصبية »:انا شو حكييت
Telegram:@rwayate
ضلو سهرانين ئدام التلفزيون تنيناتون عكنبة وحدة وساكتين ...وورد كانت كل ماتغمض عيونها يصرخ عليها صهيب لحتا تصحئ .. معد ئدرت تتحمل النعس وغمضت عيونها وبس شافها بلش يهزا لحتا تصحئ
صهيب :انا ماحكيتلك مافي نوووم
ورد الشام :بس انا نعسانة الله يخليك خليني نام صارت الساعة تنتين
ورمت راسها عكتفو ومسكتو وهية عم تحكي وهية مغمضة :بس خمس دئايئ
كان بدو يبعدها بس راسها زحل عصدرو ومن صدرو عرجلو وهوة عم يطلع فيها .. رفعت رجليها عالكنبة وكعوكت حالها وضلت نايمة عرجلو ... اما هوة بلش يتلمسلا شعرها الناعم ويمسحو بلطف ...
صهيب :نسرين ... مرتي اسمها نسرين ...انا ماني خاين
كان صهيب عنجد عايش صراع حقيقي مع ذاتو وحس انو ضايع ورحو مرهونة مو ملكو ...
Telegram:@rwayate
حملها ووداها عالتخت وغطاها وصفن بوجها الساكن ... وبلش يتزكر كيف بعاملها وحكي يمان ونسرين ..
صهيب :ليش بدك اياها تضل معك لك صهيب ،انتة شوبدك فيها ؟
-----------------*
اما يمان كان لسا سهران ومو جايي نوم وعم بفكر بطريقة يرجع ورد الشام
طلعت صبا من غرفتها واتفاجأة فيه
صبا :شو اخي ليش سهران لهلء ؟
يمان :مافيني شي
صبا «بمزح »:حليت تشتاق اخي 😌
يمان :شو ازضك صبا
صبا :يعني عم تفكر بـ ورد الشام
يمان :لا ..اي يعني
ئعدت ئبالو وسالتو :بتحبها اخي ؟
يمان :هيك الظاهر
صبا :لك تئبر ئلبي ،من بكرة طالعة لعندون عالبيت وجسلك نبضا
يمان :تطلعي لعندا ؟
وخطرت عبالو فكرة
صبا :اي وانتة طبعا بتحكي مع صهيب مشان تاخد منو موعد لحتا نخطبها رسمي
يمان :لا اتدخلي صهيب ..صبا بدي تساعديني مشان خلي ورد تهرب من عند صهيب
صبا بصوت عالي :بدك تاخدها خطيفة 😰
يمان :لكك نوصي صوتك ...اي بدي اخدها خطيفة معي انتي ؟
صبا :واخوهااا...ا لكك هاد صهيييب وما ادراك ماصهيب
يمان :اصلا صهيب مو اخوها ولا شي
صبا :لكن ليش اخدها ،يعني ارايبتو ؟
يمان :ولا ارايبتو ... هالبنت يتيمة ومئطوعة من شجرة كانت عايشة مع ام كمال بس صهيب بدو يعملها خدامة لمرتو وبنتو
صبا :العما بئلبو بدو خدامة يجيب ليش يضيع عمر الصبية كرمال تخدمو وتخدم مرتو هالسنكوحة 😒
يمان :ومن جهة تانية ،اختي ..انا حبيت البنت وبدي اياها عسنة الله