#تحت_الأرض_الجزء_الأول #رند_محمد
@rwayate
الأعوام ظاهرة متكررة غالباً بكل سنة من السنين في رقم عم يتكرر ويكون مميز هو و التاريخ و الساعة و اليوم ، هلأ أوقات بتكون هالظاهرة طبيعية و أوقات بكون في وراها شي مخبى مامنعرف شو هو.. ومتل كل سنة بيجي تاريخ مميز و أحداثو مميزة نوعاً ما ..
من أول مافتحت عيوني كنت حاسة برجفة .. الحرام كان بعيد عني ومكشفة برمت راسي لجهة الشباك كان مفتوح وفي نسمة باردة عم تفوت منه .. قمت من سريري سكرت الشباك و رجعت اتغطيت منيح بالحرامات و غفلت ..
صحيت ع صوت أمي وهي بتحكي مع اختي انجيلا الكبيرة ..
@rwayate
كانو عم يتفقو يروحو ع بيت عمتي يسهرو هنيك .
طبعاً هي السهرة مو محبة بعمتي وهيك لله هي السهرة لأن اختي انجيلا بتحب ابن عمتي فارس وأمي بدا تتقرب من عمتي كرمال تطلب انجيلا لابنا فارس .. الوضع كتير عاجب امي و اختي لان هن معهن مصاري كتير و مو ناقص عليهن شي من بيوت وسيارات و أموال و أعمال ..
طلعت من غرفتي لحتى جيب الدفاية لأن الجو بارد كتير وفي مطر قوي برا وغرفتي باردة ..
بلشت ماما تخانقني لأن صارت الساعة 10 وبعدني نايمة
ستنيتا لكملت كل حكيا بعدين جاوبتا .. أوك ..
دخلت ع غرفتي وسكرت الباب ورايي
أنا بنت كسولة جداً و مابحب أدرس ولا بحب أطلع لمكان بحب نام وبس وحتى اكل مابحب آكل...
نحنا عايشين بالبيت أنا و أمي و أختي انجيلا و ابي و أخي جمال.. بابا دائماً مسافر لأن شغلو بباص ع خطوط الدول التانية ..
أمي و انجيلا قررو يروحو لبيت عمتي وفعلاً لبسو وراحو بقيت لحالي بتختي عم أشرب زهورات دافية وكل شوي عم اغفل ع الآعد و ارجع فيئ ... قمت من فرشتي طلعت ع الصالون لقيت أبواب الغرف كلا مفتوحة حتى باب البيت و باب الحديقة .. البيت كان بارد كتير بسبب الهوا يلي عم يدخل من الأبواب .. و استغربت من استهتار امي و انجيلا انو كيف بيطلعو وبيتركو الابواب هيك.. سكرت كلشي ابواب و لفيت وجهي لأرجع ع غرفتي .. وبهي اللحظة انفتح باب غرفة أمي شق صغير وهو عم يطالع صوت زقزقة ...
لفيت ورجعت قربت منه لسكرو حسيت بنسمة هوا باردة جاية من جوا وكأن في باب فريزر مفتوح .. فتحت الباب اكتر و اتطلعت .. الشبابيك مسكرة ومافي برد الجو عادي..
@rwayate
رجعت شديت مسكة الباب وبدي سكرا لمحت حدا .... فتحت الباب بقوة رجعت لقيت ورا الجلالة في باب لونو من لون الحيط تماماً .. باب أول مرة بشوفه .. قربت عليه وفتحتو .. كان باينلي درج طويل لتحت حتى آخرو مو مبين من كتر مو طويل وعتمة ...
دعست اول درجة و التانية بس كان في شي عم يقلي لاتكملي .. تراجعت فوراً وطلعت وسكرت الباب بعدين طلعت من الغرفة و سكرت ...
اعدت بغرفتي و اتصلت بأخي جمال بس ماكان عم يرد عليي.. بعد معاناة طويلة من الاتصالات .. رجع اتصل فيني : اي جويل انا مشغول كتير في شي ضروري ؟
جويل : لا بس آعدة لحالي ومالة
جمال : طيب روحي لعند عمتك .. انا مضطر سكر عم يناديلي المعلم
من كتر توتري ماعد قدرت ضل آعدة بالبيت... لبست تيابي و رحت لعند عمتي يلي ساكنة بالحارة التانية يعني مو كتير بعيد
دقيت الباب .. فتحتلي اختي انجيلا باستغراب : ليه اجيتي؟
جويل : شو ليه اجيت دائ خلقي ..
كانت واقفة عالباب وفاتحتو بس فتحة ع قياس جسما : شبك فوتيني يلا!
اتنهدت وحكتلي : يلا فوتي
دخلت كانت أمي و عمتي وفارس ابن عمتي آعدين بالصالون عم ياكلو فواكة سلمت عليهن و أعدت .. طوال الأعدة كنت عم حس بنظرات فارس عليي .. كان عم يتطلع ع تفاصيل جسمي من فوق لتحت ما حسيتا نظرة اعجاب و حب كانت نظرة شهوة او نظرة لمفاتن جسمي .. انزعجت كتير من هالنظرات بس ماكان فيني احكي ولا حرف لأن أمي و اختي رح يفكروني كزابة وعم احكي بس لأن بدي اخد فارس من اختي او كرها فيه .. لهيك بقيت ساكتة لوقت رجعنا ع البيت ..
من اول ماحطينا المفتاح بباب بيتنا وماما بلشت تبهدل فيني لأن رحت لعند عمتي بدون ما اتصل وكأني اذنبت بشي كبير
Telegram @rwayate
ماما : ليش رحتي بدون ماتتصلي؟ افترضي عمتك جايبة ضيافة ع ادنا هيك بتخجليا يعني؟؟ افترضي عندا ضيوف او حدا من قرايب جوزا شو بدن يقولو فاتحة بيتا استقبال لأهلياتا !!! وكلشي كانت عم تحكيه مالو مبرر واضح ليتاخد بعين الاعتبار
دخلت ع غرفتا وهي عم تشلح حجابا و انا عم احكي معا و بررلا انو رحت لأن دائ خلقي لحالي ... فجأة بلعت ريقي وسكتت وهي بعدا عم تحكي و تبهدل، اجت عيني ع مكان الباب يلي شفتو بآخر الغرفة ورا الجلالة .. ماكان في باب ومافي اي اثر الو كان حيط بلوك نظامي .. تغييرت ملامحي وحسيت الدم نشف بعروقي صرت احكي بيني وبين حالي شو يلي شفتو انا؟ انا متأكدة انو في باب و في درجات نزلتن وبعدين طلعت وسكرتو بإيدي !! وين اختفا انا مستحيل كون عم أحلم...
تركت ماما عم تحكي ورحت ع غرفتي سكرت الباب و اعدت بسريري وماعد حكيت مع حدا ..
بقيت اعدة و ساكتة حتى تفكير مو ادرانة فكر بشي ...
@rwayate
الأعوام ظاهرة متكررة غالباً بكل سنة من السنين في رقم عم يتكرر ويكون مميز هو و التاريخ و الساعة و اليوم ، هلأ أوقات بتكون هالظاهرة طبيعية و أوقات بكون في وراها شي مخبى مامنعرف شو هو.. ومتل كل سنة بيجي تاريخ مميز و أحداثو مميزة نوعاً ما ..
من أول مافتحت عيوني كنت حاسة برجفة .. الحرام كان بعيد عني ومكشفة برمت راسي لجهة الشباك كان مفتوح وفي نسمة باردة عم تفوت منه .. قمت من سريري سكرت الشباك و رجعت اتغطيت منيح بالحرامات و غفلت ..
صحيت ع صوت أمي وهي بتحكي مع اختي انجيلا الكبيرة ..
@rwayate
كانو عم يتفقو يروحو ع بيت عمتي يسهرو هنيك .
طبعاً هي السهرة مو محبة بعمتي وهيك لله هي السهرة لأن اختي انجيلا بتحب ابن عمتي فارس وأمي بدا تتقرب من عمتي كرمال تطلب انجيلا لابنا فارس .. الوضع كتير عاجب امي و اختي لان هن معهن مصاري كتير و مو ناقص عليهن شي من بيوت وسيارات و أموال و أعمال ..
طلعت من غرفتي لحتى جيب الدفاية لأن الجو بارد كتير وفي مطر قوي برا وغرفتي باردة ..
بلشت ماما تخانقني لأن صارت الساعة 10 وبعدني نايمة
ستنيتا لكملت كل حكيا بعدين جاوبتا .. أوك ..
دخلت ع غرفتي وسكرت الباب ورايي
أنا بنت كسولة جداً و مابحب أدرس ولا بحب أطلع لمكان بحب نام وبس وحتى اكل مابحب آكل...
نحنا عايشين بالبيت أنا و أمي و أختي انجيلا و ابي و أخي جمال.. بابا دائماً مسافر لأن شغلو بباص ع خطوط الدول التانية ..
أمي و انجيلا قررو يروحو لبيت عمتي وفعلاً لبسو وراحو بقيت لحالي بتختي عم أشرب زهورات دافية وكل شوي عم اغفل ع الآعد و ارجع فيئ ... قمت من فرشتي طلعت ع الصالون لقيت أبواب الغرف كلا مفتوحة حتى باب البيت و باب الحديقة .. البيت كان بارد كتير بسبب الهوا يلي عم يدخل من الأبواب .. و استغربت من استهتار امي و انجيلا انو كيف بيطلعو وبيتركو الابواب هيك.. سكرت كلشي ابواب و لفيت وجهي لأرجع ع غرفتي .. وبهي اللحظة انفتح باب غرفة أمي شق صغير وهو عم يطالع صوت زقزقة ...
لفيت ورجعت قربت منه لسكرو حسيت بنسمة هوا باردة جاية من جوا وكأن في باب فريزر مفتوح .. فتحت الباب اكتر و اتطلعت .. الشبابيك مسكرة ومافي برد الجو عادي..
@rwayate
رجعت شديت مسكة الباب وبدي سكرا لمحت حدا .... فتحت الباب بقوة رجعت لقيت ورا الجلالة في باب لونو من لون الحيط تماماً .. باب أول مرة بشوفه .. قربت عليه وفتحتو .. كان باينلي درج طويل لتحت حتى آخرو مو مبين من كتر مو طويل وعتمة ...
دعست اول درجة و التانية بس كان في شي عم يقلي لاتكملي .. تراجعت فوراً وطلعت وسكرت الباب بعدين طلعت من الغرفة و سكرت ...
اعدت بغرفتي و اتصلت بأخي جمال بس ماكان عم يرد عليي.. بعد معاناة طويلة من الاتصالات .. رجع اتصل فيني : اي جويل انا مشغول كتير في شي ضروري ؟
جويل : لا بس آعدة لحالي ومالة
جمال : طيب روحي لعند عمتك .. انا مضطر سكر عم يناديلي المعلم
من كتر توتري ماعد قدرت ضل آعدة بالبيت... لبست تيابي و رحت لعند عمتي يلي ساكنة بالحارة التانية يعني مو كتير بعيد
دقيت الباب .. فتحتلي اختي انجيلا باستغراب : ليه اجيتي؟
جويل : شو ليه اجيت دائ خلقي ..
كانت واقفة عالباب وفاتحتو بس فتحة ع قياس جسما : شبك فوتيني يلا!
اتنهدت وحكتلي : يلا فوتي
دخلت كانت أمي و عمتي وفارس ابن عمتي آعدين بالصالون عم ياكلو فواكة سلمت عليهن و أعدت .. طوال الأعدة كنت عم حس بنظرات فارس عليي .. كان عم يتطلع ع تفاصيل جسمي من فوق لتحت ما حسيتا نظرة اعجاب و حب كانت نظرة شهوة او نظرة لمفاتن جسمي .. انزعجت كتير من هالنظرات بس ماكان فيني احكي ولا حرف لأن أمي و اختي رح يفكروني كزابة وعم احكي بس لأن بدي اخد فارس من اختي او كرها فيه .. لهيك بقيت ساكتة لوقت رجعنا ع البيت ..
من اول ماحطينا المفتاح بباب بيتنا وماما بلشت تبهدل فيني لأن رحت لعند عمتي بدون ما اتصل وكأني اذنبت بشي كبير
Telegram @rwayate
ماما : ليش رحتي بدون ماتتصلي؟ افترضي عمتك جايبة ضيافة ع ادنا هيك بتخجليا يعني؟؟ افترضي عندا ضيوف او حدا من قرايب جوزا شو بدن يقولو فاتحة بيتا استقبال لأهلياتا !!! وكلشي كانت عم تحكيه مالو مبرر واضح ليتاخد بعين الاعتبار
دخلت ع غرفتا وهي عم تشلح حجابا و انا عم احكي معا و بررلا انو رحت لأن دائ خلقي لحالي ... فجأة بلعت ريقي وسكتت وهي بعدا عم تحكي و تبهدل، اجت عيني ع مكان الباب يلي شفتو بآخر الغرفة ورا الجلالة .. ماكان في باب ومافي اي اثر الو كان حيط بلوك نظامي .. تغييرت ملامحي وحسيت الدم نشف بعروقي صرت احكي بيني وبين حالي شو يلي شفتو انا؟ انا متأكدة انو في باب و في درجات نزلتن وبعدين طلعت وسكرتو بإيدي !! وين اختفا انا مستحيل كون عم أحلم...
تركت ماما عم تحكي ورحت ع غرفتي سكرت الباب و اعدت بسريري وماعد حكيت مع حدا ..
بقيت اعدة و ساكتة حتى تفكير مو ادرانة فكر بشي ...
