#رهان_الجميلة_بقلم_مروةآغا

#الجزء #التاسع

" بعد مرور ثلاث سنوات "

صوت رنين الجوال دوى بكل الغرفة
رفع الجوال وحطو ع اذنو وسندو بكتفو وهوي عم يقلب اوراق مهمة بين ايديه وعم يوقع عليها
رد بملل ع المتصل: الو .. اي ..احكي شو عندك .. متاكد ولا متل كل مرة .. خلص خلص جاي مشوار الطريق

سكر التلفون ورما ملف الاوراق بوجه السكرتيرة وطلع برا المكتب وهوي عم يقلا بنرفزة وعصبية
عمر: انا ما راجع اليوم جهزيلي كل شي لبكرا

اتنهدت وهيي عم تمشي وتلملم ورق الملف وتمهس ( والله تعبني معو رح يطالعني عن طوري دائما مزعوج وما عاجبو شي ) كملت ترتيب المكتب وطلعت وسكرت الباب وراها

بعد ما نزل من الشركة اتوجه ع المكان يلي حددلو اياه المتصل اول ما وصل شاف بنت واقفة عند الشط شعرا اسود طويل ضعيفة وطويلة لابسة فستان بحري ملون بعدة الوان مشي بعجل بس ايد يلي معو وقفتو

- معلم استنى شوي لنتأكد احسن ما تعمل متل كل مرة

عمر: ما انتي ع اساس اتأكدت

- اي اتأكدت صورة البنت بتشبه هالبنت بس خايف

عمر: خلص خلص ما عندي صبر رح امشي ووقف قريب منا ما رح احكي معا ل اتأكد

مشي ب اتجاها ووقف بقربا ما شاف شي من ملامح وجا شعرا الطويل والسبل مخبي كل شي بس شافا كيف ضامة جسما ب ايديها وخصل كتيرة من شعرا عم تتمايل مع الهوا .. قرب اكتر وشاف طرف خدا ( بيضة اي بيضة متل امل )
رجع قرب اكتر ولمح طرف عيونا .. مشي بعجل ولفا من ايدا ووقفا مواجه الو وطلع صوتا المتفاجئ
( عفوا )
رجع بخطى عكسية وهمس وهوي عم يرفع ايديه ليهديها ( اسف .. اسف فكرتك حدا تاني .. بعتذر منك )
ركض ورجع وقف بقرب السيارة وشاف محمود عم يحبس ضحكتو
قرب منو ومسكو من قميصو وهوي عم يهزو: ولا محمود عم تضحك عليي ما انتي جبتني لهون روح انقلع ما عاد الك شغل عندي واحد كذاب
مشي ورجع ع الشط وهوي عم يركض ومحمود عم يركض وراه
محمود: معلم معلم استنى
وعمر عم يمشي وما سائل عن شي حمل ب ايدو كمشة حجر وطلع عدة صخرات لوصل ل أعلى صخرة قعد عليا وحط الحجار بحضو وصار يرمي ع البحر الهايج بفعل الريح ومحمود طلع قعد بقربو وهوي عم ينفض تيابو من الرمل : والله انا ما كذبت عليك انتي شفت انا بتشبها ما صح وانا شو بعرفني فيا انتي يلي عشت معا

زم شفايفو وهوي عم يتذكر انو ما عاش معا الا اسبوع اسبوع واحد ويوم واحد كانت ملكو بس وهلق وينا .. وينا؟؟؟؟

محمود: شوف هلق وقت الغروب م احلاه ادعي ربك يرجعلك اياها شي يوم دعيت ادعي من قلبك وبكل جوارحك وشوف كيف رب العالمين رح يستجيب

التفت عليه وهوي متفاجئ من كلامو
محمود: انا الي زمان بشتغل عندك وشغلتي اني دورلك على زوجتك يلي ما بعرف ليش طفشت منك

عمر: محمووود

محمود : لا تزعل مني معلم بس ما عرفت شو السبب ويمكن ما تكون عايشة كمان

عمر: محمود روح انقلع اتركني بحالي احسن ما قلعك من كل الشغل عندي بعرفك عم تعين مرتك واهلك روح لا تطالعني عن طوري

وقف وهوي خيفان وقلو : رح ادعيلك اليوم تلاقي مرتك ورح قلا لمرتي تصلي قضا

#رهان_الجميلة_بقلم_مروةآغا

#الجزء #السابع

(خليكي بقربي لا تخافي حبيبك انا ولووووو م احلاكيييييي)
اخر جملة كان فيا موال طويل طلعت ضحتا بصوت عالي ما قدرت تخبيا اكتر
مد راسو من باب المطبخ وقلا بخجل: عم تضحكي ع صوتي ولا ع الغنية يلي ئلفتا هلق بس بيطلعلك اميرتي
فتحت عيونا ورفعت حاجب ونزلت حاجب
عمر: اي انتي انتي اميرتي .. اميرتي النائمة
رجعت صورة وجها للجد وهمست: لا كأنك اخدت وجه وكترت
غير الحديث وقلا بلهجة كلا مرح: هلق بربك بتعرفي تألفي متل هالموال هاد غير شكل بتطلع الكلمات من العاشق

مشيت ع المطبخ وهيي عم تهز راسا وتكتم ضحكتا
اول ما دخلت من الباب شافت طاولة مرتبة ومنسقة عليا عدة اصناف من الاكل مع فنجانين شاي الدخان عم يتطاير منن .. انصدمت اول مرة شخص تاني بيهتم فيا وبحضرلا الفطور هيك
عمر: تفضلي ما بعرف نوع البيض يلي بتحبيه عملتو ع زوقي اومليت

انتبهت لصوتو بس ما اتحركت مشي وسحبلا الكرسي وقلا: لازم تاكلي منيح عندك ادوية
بعد ما قعدت حط ايدو ع جبينا وقلا: لما صحيتي كنتي اسخن

غمضت عيونا وهيي عم تتذكر بوستو يلي سخنتها وهمست: يمكن لان اتحممت خفت الحرارة
عمر: ان شاء الله رضيت علينا الاميرة والله خفت عليكي كومة ادوية كتبا الدكتور وقلي لازمها حمام بارد انتي ما شفتي شكلك كنتي كتير عم ترجفي وما حسيتي ع شي والله خفت عليكي كتير
مد ايدو بخبزة فيا زبدة وعسل
عمو: امسكي كلي هاي العسل مفيد
بقيت ماسكتا ب ايديها وما شالت عيونا عنو

بحياتا ما حدا اهتم فيها بهالشكل اما كانت دائما مشغولة بالخياطة وتتبارز مع الحواليها لتبين انا هيي الاقوة واهملت بيتا لوقت طوي

#الجزء #الثالث (3):

رجعت تصرخ فيه وبصوت عالي وهالمرة قدرت تطالعو لان كل الناس اتجمعت عند الباب وصاحبة البيت ام فاروق خلتو يطلع غصب عنو

ام فاروق: روح يا ابني ما بصير هالشي يلي عم يصير انتي عم تعمل فضيحة للبنت

هزلا براسو وبعد الناس من طريقو ونزل بسرعة البرق

التفتت ام فاروق ع الجيران يلي عم يتغامزو عليا وقالتلن: خلص كل واحد يطلع ع بيتو انا بدي احكي مع امل لحالنا رجاءا
#رهان_الجميلة_بقلم_مروةآغا
انتشرو الكل وصوت حديثن واضح ل اذنا وهني عم يحكو عليا وام فاروق دخلت وسكرت الباب

سحبتا من ايدا وقعدتا ع كنبة وجابتلا كاسة مي
كانت عم تشربا وهيي عم ترجف وكبت نص الميات ع تيابا

اخدت منا الكاسة وهيي عم تمسحلا ع شعرا بكل رقة
ام فاروق: يا بنتي انا ما بحب اتدخل بسكان بنايتي بس انا يا امل عندي بنات كتير بهالبناية وسمعتن من سمعتي وب اجار هالبيت عايشة وعم اكل وعيش ولادي الايتام وانتي ما بتريدي الناس تحكي علينا وينقطع رزقي دخول عمر لعندك بهالشكل ابدا مانو منيح

رفعت امل نظرا وعيونا مغرقة بالدموع: انتي منين بتعرفي عمر

ام فاروق: انا لولا عمر ما كنت سكنتك عندي لما اجيتي لعندي وطلبتي شقة وانا رفضت لانك مانك طالبة جامعية وانا ما بسكن عندي اي ناس بس هوي اجا لعندي وقلي سكنك بشقة وقلي كمان انو هوي زوجك .. انا ما بدي اعرف شو في بينكن وشو صاير معكن انتي الك اكتر من اربع شهور هون والكل لاحظ وجودو حواليكي وكل يوم بيجي بيستناكي تحت البيت .. يا امل انتي صرتي وحدة من بناتي ما بدي هالشي يتكرر حلو مشاكلكن بعيد عن هون .. وبعدين عمر شب كتير منيح ليش هيك عم تعامليه بهالقسوة انا بعرفو وبعرف اهلو يمكن هوي شب طايش بس بيتقل بالذهب رغم كرهك الو الا انو ما تركك وكل يوم كان ينطرك

امل: خالي انتي ما بتعرفي شي ما بتعرفي شي
شهقت وكملت: ما بتعرفي..

ام فاروق: قلتلك يا بنتي انا ما بهمني شوفي بيناتكن بالنهاية انتو زوجين وحلو مشاكلكن بعيد عن هون الله يرضى عليكي يا بنتي انا سمعة بنايتي متل المسك ما تنزعيا

هزت براسا وهيي عم تدفنو بحضنا والتانية عم تمسحلا ع شعرا

امل: خلص انا بكرا رح اترك الشقة

ام فاروق: لا انا ما كان هيك قصدي وما رح اسمحلك تروحي بس بدي عمر ما عاد يقرب لهون ابدا لو سمحتي

امل: خلص خالي متل ما بدك رح احكي معو وانهي كل شي

باستا من جبينا ووقفت وطلعت برا البيت
وامل بقيت قاعدة

#رهان_الجميلة_بقلم_مروةآغا

#الجزء #الثاني_عشر (12) :

كتمت شهقتا عدة مرات وهيي عم تشوفو مدد وفي كمامة ع تمو والطبيب واقف وراها عم يقلا: الطعنات تقريبا مانا عميقة بس في طعنتين بصدرو خلت نفسو يديق وفي طعنة بخاصرتو جرحت الكلية وفي طعنة كمان عند الامعاء والباقي كلو ب ايديه وكتفو ونحنا حاولنا نعمل كل جهدنا والاعمار بيد الله وبدي طمنك مدام زوجك جسمو قوي
هزت راسا ومشيت وقفت بقربو
بقيت قاعدة وماسكة ايدو وعم تبوسا مشتاقتلو مشتاقتلو كتير
وفجأة اجاها صوت انثوي عند باب الغرفة خافت يكون حدا من اهلو مشيت واتخبت بالحمامات عدة دقايق واول ما عم الهدوء بالغرفة قربت منو وباستو من كتفو وطلعت لبرا المشفى
اول ما نزلت من الباب ومشيت عدة خطوات سمعت حدا عم يناديها من وراها
_ امل

بلعت ريئا اول ما التفتت وهمست: مصطفى

كل ما قرب منا خطوة وهيي عم تبعد بخطوة اكبر

_ واخيرا لقيتك والله ل احسب الله ما خلقك يا حقيرة نزلتي راسا بالوحل

وقبل ما يكمل جملتو ركضت سمعتو عم يقلا بصوت عالي
_ هلق ما فاضيلك بس والله قتلك رح يكون ع ايديي

رجعت ع البيت بالسيارة يلي اجت فيا كانت صافة ورا المشفى استقبلتا ام عادل عند الباب واول ما دخلت فلتت بالبكي
ام عادل: شفتيه يا بنتي

هزت راسا وبلعت ريقا: اي اي حالتو كتير خطيرة خيفانة يموت

ام عادل: متل ما الله رايد روحي صلي وادعيلو

هزت راسا وسألتا: وينو كنان

ام عادل: اليوم ابوه اخد دورك وهوي نيمو.. لازم يتعود يمكن تتركينا ب اي وقت

مسحت دموعا ورجع نزل غيرن وهيي عم تتخيل كيف رح تترك كنان!!!

طلعت ع غرفتا يلي بقرب غرفة كنان وشافت عادل قاعد معو وعم ينيمو ابتسمت ودخلت وسكرت الباب مشيت لخزانتا وفتحت الكتاب يلي بتفتحو كل يوم طالعت صورتو وصارت تبوسا .. صورتو اهترت من كتر ما بتضما وبتبوسا
اتمددت وهيي عم تتذكر كلام مصطفى ابن عما يلي عم يتوعدلا شو رح تعمل اذا رجع شافا رح تموت ع ايديه غصت وهيي عم تتخيل حالا ميتة
هيي اصلا تركتن كلن لتعيش مرتاحة

مرق اسبوع كامل وهيي خيفانة تطلع من البيت طلعت مرة وحدة وراحت ع المشفى وشافت اهلو عندو ما بدا تشوف حدا او تحكي مع حدا

ب اخر الليل طلعت مع الشوفير بموافقة ام عادل وحطت خمار ع وجها لتتخفى ودخلت ع المشفى .. ابتسمت لما شافت غرفتو فاضية فرحت كتير لما شافت الكمامة شالوا عن تمو اكيد حالتو اتحسنت
مشيت وقعدت بقربو ع السرير ومسكتلو ايدو وكل شوي تبوسا برقة ما بدا تصحية وتزعجو
بعد عدة دقايق وهيي عم تتأملو فتح عيونو لما قربت منو ولمست خدو
قلبو رجف لما شافا وحس فيا ورمش بعيونو عدة مرات ليبعد الضبابية عنن وتوضح الرؤية همس بصوت مبحوح: امل
وهيي ردتلو الهمسة: عمر
رجع كرر بصوت لطيف: امل
وهيي كررت بصوت كلو رقة وغنج طيرلو عقلو: عمر
ثواني وهني مانن ع الدنيا ابدا عاطفة خفيفة ممزوجة بشوية تعب ودموع مالحة .. بعد عنا لما سعل واخد نفس قوي حالتو لسا صعبة ولسا بحاجة لعناية
عضت ع شفايفا بلوم وحطت ايدا ع تما وهيي عم تعتذر: انا اسفة اسفة

عمر: اشتقتلك تعالي قربي مني

قربت منو وحطت راسا ع كتفو وضمتو لصدرا وهمسلا: انا بحاجتك .. بهون عليكي فيي 3 سنين يا ظالمة

امل: كنت زعلانة كتير منك وكمان خفت تقلعني متل ما بتقلع كل بنت بتتعرف عليا اخترت اطلع بكرامتي

عمر: هاد كلام امي ما

بعدت وجها عنو وما ردت
مسكلا دقنا ولف وجها لعندو: بس انا من يوم اتزوجتك ما عرفت بنت غيرك ومستحيل اعرف انتي عندي كل نسوان الارض

امل: بس امك قالت

عمر: يلي قالتو امي صح انا كنت بعرف كتير بنات بس من يوم عرفتك صرتي انتي روحي وحياتي ولما الانسان بصير قريب من رب العالمين ما بعود في شي بعيونو الا الحلال

امل: سبحان من غيرك .. وبهال 3 سنين ما اتعرفت ع حدا ما اتزوجت حدا غيري

هزلا راسو بالنفي وقلا: 3 سنين وانا عم دور عليكي

خبت راسا جوا صدرو وهيي عم تهمس: انا خفت خفت تقلعني بعد ما حبيتك واتعلقت فيك كان بدي تبقى صورتك الحلوة براسي وما شي تاني بس لما اجا جابر خرب كل شي كلامو عملي صرع براسي سدقتو بسرعة
اجت امك وبعدو جابر كلامن كان متطابق تقريبا وخفت كتير والله خفت

ضما لصدرو وبقي يتأملا بس هيي ماعاد تقدر تقاوم بعيونا الغرقانة بالدموع عم تتفحصو بلهفة .. الم عم يخرز بقلبا متل سكاكين من خوفا انو كانت ممكن تخسرو للابد دموعا نزلت بغزارة وجسما صار يهز ويرجف من كتر ما بكيت
امل: اسفة والله ماقصدي يصير فيك هيك والله كان بدي خلي جابر يندم والله انا ما كان بدي احرقلو كل شي انا ما سيئة كل هالقد كان بدي خليكن تحسو بغلطكن والله ما كان بدي ائذيك ما بقدر اتحمل خسارتك .. يمكن رب العالمين ما رح يغفرلي كان لازم اتيقن انو رب العالمين رح يحاسبو ما انا .. ياربي سامحني
التف