العسكري : امرك سيدي .
سارة : والله في غلط ، في غلط .

#بقلم_فتاة_من_ورق_بسمه_السباعي

((بعد مرور اسبوع))

رجعت على بيتي مهدود حيلي...قعدت بغرفة بناتي و الدموع ما فارقت عيني مسكت صورهن و مر شريط عمري يلي قضيتو معهن....بلمح البصر توفت يارا ، و انسجنت سارة بتهمة تجارة مخدرات...فتحت خزانتهن لشم تيابهن...شفت دفتر بخزانة يارا حملتو و بلشت إقرأ المكتوب....

************************************
اليوم اعترفلي حازم بحبو...لأول مرة بحس بالحب و الحنية...كنت بتمنى حس بحنية أمي اتجاهنا ، بتمنى تسمعنا و تسمع مشاكلنا و تلاقيلنا حلول ، بتمنى لو شي يوم جربت تحضننا انا و اختي او ننام و هي عم تغنيلنا ، كنا مستعدين نبقى بمدرسة حكومية بس نرجع عالبيت نلاقي امنا ناطرتنا بابتسامة و طبخة طيبة ، انا و سارة كنا قبلانين نعيش بالقليل المهم نشبع من حنية امنا...أيّ حدا بيسمع قصتنا بيقول صارو بهالعمر لازم يتعودو ، بس مافي شي ممكن يخلينا نتعود الا اذا حدا عطانا الحب و الحنية يلي فقدناها بهاللحظة بس ممكن نتعود و ننسى واذا رجعنا و فقدنا هالشي وقتها ماعاد في شي بيعوضنا و بتصير حياتنا ما الها أي قيمة و أنو ننهيها أحسن .
************************************

ميادة : يا عمريييي انا السبب ، انا السبب بكلشي صار فيكن ، انا كنت بدي أمنلكم حياة كريمة ، بدي لبي كل طلباتكن و ما حسسكن بالنقص ، طلع نقصكن معنوي بسببي ، يا ريت ترجع الأيام لحتى عوضكن يا ريت .

((أصعب شعور انك تحس بالندم على شي راح و مستحيل يرجع))

#ندم
#إنتهت
#بقلم_فتاة_من_ورق_بسمه_السباعي

____________________________________

*سكرت الملف و بلشت اتذكر اني حبيت شجن...كان المفروض بهاليوم اعترفلها بحبي و اطلب ايدها...بعد ما قرأت الملف عرفت كمية الوعي يلي عند هالبنت و مستحيل وحدة متلها تقبل برجال اكبر من ابوها...حسيت حالي ساذج و جاهل...حمدت ربي أنو ما خطيت أي خطوة تخليني حس بالندم و بقيت ساكت و صامد...

نديم : تفضل .
شجن : دكتور طلبت تشوفني .
نديم : اي يا بنتي تفضلي ارتاحي .
شجن : شكرا
نديم : انا بهنيكي على افكارك و كلامك ، مناقشة تخرجك بتحكي عن المراهقين وهاد الملف رح يستفيدو منو كتير ناس للتعامل مع اولادهم المراهقين ، وضحتي بالقصة الأولى انو وجود و دعم احد الابوين للابن المراهق بيغير كتير بشخصيتو للأفضل رغم وجود المنغصات .... و وضحتي بالقصة التانية اهمال الأبوين للابن المراهق بيهدم العيلة و ممكن الاب و الام يخسرو ابنهن رغم حبهن الكبير الو ، الخلاصة لو الأب و الأم كانو الداعمين الاساسيين للابن و وقفو جنبو بكل مراحل عمرو رح يكون الابن من احسن الناس ، شجن انا فخور فيكي .
شجن : بشكرك دكتور و كلامك هاد شهادة بعتز فيها .
نديم : جهزي حالك للتكريم ، بذكائك و اجتهادك قدرتي تكوني الاولى على دفعتك بتخصص علم النفس ، الف مبروك يا بنتي .
شجن : الله يبارك فيك دكتور .

*طلعت من مكتب الدكتور عم ابكي من شدة الفرح...مافي احلى من لحظةالوصول بعد مشوار طويل من التعب .

#شجن
#إنتهت
#بقلم_فتاة_من_ورق_بسمه_السباعي

#شجن
#بقلم_فتاة_من_ورق_بسمه_السباعي

((صمود))

*طلعو امي و اختي من غرفتي و سكرو الباب وراهن..من صدمتي ما كنت قادرة ابكي..كنت بتمنى ابكي و صرخ لطالع كل القهر يلي جواتي..كنت بتمنى تكون ردة فعلي متل أيا بنت بتسمع خبر وفاة أبوها..بقيت ساكته..وهادية..شردت و تذكرت حكي أبي...

((طارق : ايماني فيكي كبير أنا متأكد انك رح تصيري احسن طبيبة بالبلد .))

*قفلت باب غرفتي و رجعت لدراستي...

*مرت الأيام..خلص العزا وانا بغرفتي..لا شفت حدا ولا حكيت مع حدا..لا بكيت ولا شكيت..درست كتير لحتى ما ابكي و استسلم...

قمر : العمر الك سلمى .
خلود : الله يرحمو والله زعلنا كتير .
سلمى :...........
منال : مافي داعي تعزوها ما رح ترد عليكم كانت معقدة وبعد هالحادثة زاد تعقيدها .
خلود : ليش هيك عم تحكي عنها ؟
منال : هي الحقيقة .
خلود : حتى لو هي الحقيقة ما بيصير تقسي عليها بالحكي وهي بهالحالة .
منال : اقسى عليها ؟ هي البنت ما بتحس اصلاً تطلعي على وجهها ما مبين عليها الحزن ، ما مبين عليها شي غير التعقيد .
قمر : خلص بيكفي بقا عيب عليكي ، اذا بتحكي كلمة تانية رح اشتكي عليكي للمديرة .
منال : اشتكي ما بخاف .
خلود : اتركيها قمر هي وحدة قليلة ذوق ما رح يجيكي منها غير وجع الراس .
منال : ما حدا غيركن قليل الذوق .

#بقلم_فتاة_من_ورق_بسمه_السباعي

مرت شهور خلصت أمي العدة و رجعت تداوم بالمدرسة وانا عطلت لأنو باقي شهر لإمتحاني....

جمال : العمر إلك آنسة عبير .
عبير : يسلم عمرك استاذ جمال .
جمال : كيف دراسة سلمى ؟
عبير : الحمدلله منيحة .
جمال : حسب علاماتها عندي بمادة الرياضيات انا متفائل كتير بهالبنت .
عبير : الله يوفقها و يوفق جميع الطلاب .
جمال : آمين .
عبير : عن اذنك استاذ لازم شوف المديرة .
جمال : اذنك معك .

#بقلم_فتاة_من_ورق_بسمه_السباعي

منى : سلمى .. سلمى
سلمى : شو بدك ؟ ما شايفتيني عم ادرس .
منى : جدك عالبرندا عم يسب الناس وماعم يقبل يفوت عالبيت .
سلمى : لا حول ولا قوة الا بالله .

*طلعت عالبرندا وقفت جنب جدي بهدوء...

سلمى : جدو حبيبي ليش معصب وعم تسب الناس ؟
ابو طارق : ماعم يجيبولي طلباتي .
سلمى : شو طلباتك ؟
ابو طارق : بدي باكيت دخان و كاسة شاي .
سلمى : امرك رايحة اعملك شاي و هلأ بس يجي كرم بخليه يجبلك دخان .
ابو طارق : لا ما بدي شي من كرم هلأ طارق بيرجع من شغلو و بيجبلي .
سلمى : متل ما بدك ، بس هلأ خلينا نفوت على البيت مشان تشرب الشاي على رواق .
ابو طارق : الله يرضى عليكي .
سلمى : الله يخليلنا ياك .

*بعد وفاة أبي زاد حبي لجدي و اهتمامي فيه لحتى ما يحس بالنقص او في شي تغير عليه ...

سلمى : تفضل جدو هي اطيب كاسة شاي .
ابو طارق : سخنة كتير برديها .
سلمى : من عيوني ، زدتها شوية مي باردة قلي هيك تمام ؟؟
ابو طارق : اي طيبة .
سلمى : صحة ومية هنا ، بدك شي تاني جدي ؟
ابو طارق : خليكي قاعدة جنبي .
سلمى : امرك بس رايحة جيب كتابي و راجعة اقعد جنبك .

#بقلم_فتاة_من_ورق_بسمه_السباعي

*حملت اوراق الطلاب و طلعت من المدرسة....

جمال : آنسة عبير .. آنسة عبير استني شوي .
عبير : خير استاذ ؟
جمال : انتي زميلتي بالشغل من مدة مو قصيرة من واجبي وقف جنبك بظروفك الصعبة أي شي بتحتاجيه انا موجود و جاهز للمساعدة .
عبير : شكرا استاذ ما بتقصر .
جمال : ما تشكريني هاد واجبي .
عبير : كلك ذوق .

*كملت طريقي على البيت و لأول مرة بحس بمسؤولية كبيرة اتجاه بيتي و ولادي....

عبير : وينكن يا بنات ؟
منى : اهلين ماما .
عبير : احملي هالأغراض عني ، وينها سلمى ؟
منى : بالصالون مع جدي .
عبير : و كرم ؟
منى : نزل يدور على شغل قال ما بدو يقضي عطلة الصيف بالبيت .
عبير : الله يرضى عليكن .
سلمى : الحمدلله عالسلامة ماما .
عبير : الله يسلمك ، غريبة طالعة من غرفتك .
سلمى : اي قاعدة مع جدي .
عبير : الله يعدمني ياه .
سلمى : ليش عم تدعي عليه ؟
عبير : لأنو هو يلي كان لازم يموت مو ابوكي .
سلمى : هي ارادة رب العالمين لا اعتراض على حكمو .
عبير : لا اعتراض على حكمو ، بس كل ما بشوفو بتحسر على ابوكي ، يعني هاد ختيار و خرفان لساتو عايش و ابوكي الشب توفى .
سلمى : رايحة كمل دراستي .
عبير : الله معك .

#بقلم_فتاة_من_ورق_بسمه_السباعي

*مضى هالشهر بسرعة .. بلشت امتحاناتي .. ما بتذكر حالي استصعبت سؤال .. كان عندي ثقة كبيرة اني رح حقق حلمي وحلم أبي .. طلعت من آخر امتحان و رجعت ركض عالبيت .. سكرت الباب على حالي و وقتها انهرت .. بكيت بعد ما صبّرت حالي كتييير ، بكيت من وجعي من قهري انو خسرت الانسان الوحيد يلي دعمني و وقف جنبي ....

منى : سلمى ليش عم تبكي ؟؟
سلمى : عم ابكي على ابي .
منى : هلأ تذكرتي ؟؟
سلمى : ما كنت بدي اضعف .
منى : كل هالمدة فكرتك ما عندك مشاعر ، فكرتك بتكرهي ابوكي و ما تأثرتي .
سلمى : من حبي الكبير لإلو صبّرت حالي ، اذا بكيت و ضعفت ما كنت رح اقدر حقق حلمي و حلمو .. ما كنت رح اقدر كمل البكلوريا .. لما تذكرت ان

#شجن
#بقلم_فتاة_من_ورق_بسمه_السباعي

((صمود))

عبير : بتخاف عليي ؟؟ شو مفكرني بنت صغيرة ؟
جمال : اي .. بخاف عليكي من الناس لأنك صرتي وحيدة وانتي بعدك صبية و حلوة .
عبير : عن اذنك استاذ .
جمال : لحظة عبير
عبير : نعم ؟
جمال : بدون لف و دوران رح اسألك سؤال واحد .
عبير : تفضل .
جمال : تتزوجيني ؟

*تطلعت بعيون جمال و كملت طريقي بدون ما رد...وصلت على بيتي دخلت على المطبخ مباشرة بدون ما احكي مع بناتي....

منى : اهلا و سهلا ماما .
عبير : اهلين .
سلمى : ماما خلصنا الصالون شو ننضف هلأ ؟
عبير : ولا شي بيكفي شغل لليوم بكرا منكمل .
منى : الحمدلله معناها رايحة اتفرج عالتلفزيون .
عبير : الله معك .
سلمى : فيكي شي ماما ؟
عبير : انا .. لا ، قصدي يعني تعبانة شوي .
سلمى : ليش ماعم تطلعي بعيوني ؟
عبير : لشو هالسؤال سلمى .
سلمى : لأنو حاسستك متلبكة او متوترة .
عبير : بدي لحق اطبخ قبل ما يرجع كرم من الشغل .
سلمى : بدك مساعدة ؟
عبير : لا روحي لعند جدك شوفي شو محتاج .
سلمى : حاضر .

*طلعت من المطبخ و بالي مشغول على أمي...ولا مرة كانت هادية هالقد ولا مرة حكت بدون ما تطلع بعيوننا...ولا مرة حبت تكون لحالها بالمطبخ...

كرم : وينكن يا اهل البيت انا اجيت .
عبير : اهلا وسهلا .
كرم : شو هالريحة الطيبة .
عبير : عاملتلك اكلتك يلي بتحبها روح بدل تيابك مشان نتغدا .
كرم : الله لا يحرمنا منك .

*بعد الغدا تركت اولادي و رحت على غرفتي...تذكرت حكي جمال و اهتمامو فيني .. بلشت صدق انو بيخاف عليي....

عبير : اتزوج ؟ اي ليش لا ؟ انا بعدني صبية و حلوة و ولادي الصغيرة فيهن صارت صف عاشر ، جمال مطلق مرتو من زمان و اولادو كبار و كمان هو زميلي بالشغل من مدة مو قصيرة يعني بعرفو منيح وهو بيعرفني ، ما عندي أي سبب أرفضو .

*مضى يومين وما نزلت من بيتي ، بعدين قررت اتسوق و شوف جمال و خبرو بقراري....

عبير : جبلكن معي شي يا بنات ؟
سلمى : خدينا معك .
منى : اي والله من زمان ما طلعنا من البيت .
عبير : اليوم لا .. بقصد اليوم ما رح روح عالسوق رح جيب الاغراض من الحارة ، بكرا باخدكم ان شاء الله ، يلا رتبو البيت لبين ما ارجع .
منى : متل ما بدك امي .

*نزلت من بيتي بسرعة .. صرت امشي و اتلفت حواليي لشوف جمال ....
عبير : معقول غير رأيو ؟؟ معقول ماعاد بدو نتزوج ؟

جمال : عبير .

*لما سمعت صوتو وقفت مكاني و حسيت بالأمان...

عبير : خير ؟
جمال : بعرف حالي عم ازعجك بس بدي اعرف جوابك .
عبير : على شو ؟
جمال : طيب يمكن نسيتي رح ارجع اسألك للمرة الاخيرة .. تتزوجيني ؟
عبير : انت نسيان ولادي ؟
جمال : لا مو نسيان بس هن ماعاد صغار وانتي من حقك تتزوجي ، بكرا هن بيتزوجو و بيتركوكي و بتكملي حياتك وحيدة .
عبير :.......
جمال : لا تسكتي عبير هي حياتك انتي ما حدا بيحقلو يتدخل فيكي طالما ماعم تغلطي .
عبير : طيب .. انا موافقة .
جمال : معناها خلينا هلأ نروح عالمحكمة نكتب كتابنا .
عبير : هلأ ؟
جمال : اي هلأ ليش لحتى نضيع وقت ؟ ولما نرجع معك اسبوع كامل لتخبري اولادك بالطريقة المناسبة .
عبير :.......
جمال : السكوت علامة الرضى صح ؟
عبير : اي يمكن .

*مشيت مع جمال كتبنا كتابنا و لما طلعنا من المحكمة اشترالي محبس و سنسال دهب...شفت السعادة بعيونو و حسيت بالأمان لأنو كان رايدني و شاريني...حسيت حالي انولدت من جديد و في حدا جنبي رح يحميني من هالدنيا....

جمال : انتبهي على حالك وما تنسي تخبري اولادك بأقرب وقت .
عبير : ان شاء الله .

*طلعت على بيتي ... و قبل ما دق الباب فتحتلي سلمى....

عبير : شو كنتي ناطرتيني ؟
سلمى : وينك لهلأ ؟
عبير : هون يعني بالحارة .
سلمى : بما انك بالحارة ليش ما جايبة معك اغراض للبيت ؟
عبير : ما لقيت
سلمى : ليش عم تكذبي ؟
عبير : احترمي حالك انا امك .
سلمى : انا محترمة حالي بس مو محترمتك ، شفت الاستاذ جمال وصلك وهي ما اول مرة بشوفو واقف معك .
عبير : سلمى
سلمى : لك انتي شووو ؟ ما بتخجلي من حالك ؟ ما بتخافي من حكي الناس عنك ؟
عبير : ما حدا بيسترجي يحكي لانو ما عملت شي غلط .
سلمى : مجرد وقفة هالرجال معك هاد اكبر غلط .
عبير : مو غلط مووو غلط .
سلمى : كيف مو غلط ؟
عبير : اي مو غلط لأنو جمال زوجي .
سلمى : شو ؟
منى : زوجك ؟
عبير : اي .. جمال صار زوجي وهي عقد الزواج .
سلمى : لسا ما مضى سنة على وفاة ابي تزوجتي .
منى : ليش هيك عملتي ما فكرتي فينا ؟ ما فكرتي بمشاعرنا ؟
عبير : حبيباتي انا عملت هيك مشاننا كلنا ، نحنا ما النا حدا بهالدنيا غير رب العالمين و جمال ، جمال رح يكون سند الي و الكن و رح يجي يعيش هون معنا ليحمينا .
سلمى : لااااا ما حزرتي ابدا .. بتضبي اغراضك و بتروحي بتعيشي عند زوجك هاد البيت بيت أبي و يلي قاعد فيه جدي انا ما رح اسمحلك تفوتي رجال غريب على بيت ابي عم تفهمي ؟ و شغلة تانية مفكرتيني غبية عم تتحججي انو تزوجتي جمال ليحمينا نسيتي اخي كرم ؟؟ قادر يحمينا و يحمي عشرة معنا .
منى : انا صرت بكرهك بكره

#شجن
#بقلم_فتاة_من_ورق_بسمه_السباعي

*بعد ما طلعت شجن من مكتبي .. صار عندي فضول أكبر لكمل قراءة .. كنت عم اكتشف طريقة تفكير شجن و كمية وعيها من خلال كتاباتها .. رجعت فتحت الملف و بلشت قراءة.....

((٢))
(( ندم ))

قصة واقعية...

رجعت على بيتي مهدود حيلي...قعدت بغرفة بناتي و الدموع ما فارقت عيني...مسكت صورهن و رجعت بذاكرتي 19 سنة....

ام مصطفى : الحمدلله على سلامتك يا بنتي والله صبرتي و نلتي .
ميادة : الحمدلله شوفي ما احلاهن كيف نايمين متل الملاك .
ام مصطفى : الله يحميهم و يبيض أيامهم ، مبارك ما اجاك صهري .
بلال : الله يبارك فيكي مرت عمي ، انا نازل لتحت غير جو لأني بنزعج من قعدة المشافي .
ام مصطفى : ولا يهمك صهري خود راحتك .
ميادة : الله معك .
ام مصطفى : شبو زوجك كأنو مو مبسوط ؟
ميادة : ما بدي فكر فيه أمي المهم انا مبسوطة ببناتي .
ام مصطفى : والله يا بنتي زوجك ما بيستاهل يكون عندو ولاد ، يعني من راتبك انتي جمعتي حق العملية لتحملي بهالبنات و من راتبك انتي جبتي الديارة و من راتبك انتي رح تدفعي تكاليف الولادة ، زوجك ما دفع ولا ليرة لك حتى ابتسامة ماعم يبتسم و المشكلة انو راتبو اعلى من راتبك لسا .
ميادة : استغفر الله .
ام مصطفى : بعرف ما بتحبي تسمعي هالحكي بس والله من قهري عليكي عم احكي .
ميادة : ماما بترجاكي ما بدي فكر فيه انا عملت كل هالشي لحتى ما ضل محرومة من الخلفة و هالبنات جبتهن الي و رح افني حالي كرمالهن و انا مبسوطة .
ام مصطفى : الله يطول عمرك و يرزقكم و يحنن قلب زوجك عليكم .
ميادة : آمين يارب .

#بقلم_فتاة_من_ورق_بسمه_السباعي

*بلشت كبّر بناتي كل شبر بندر .. اتحمل بعدي عنهم كرمال جبلهم كل شي بيتمنوه .. بزعل من قلبي لأنو ما كنت اقدر اسهر جنبهن اذا مرضو بسبب طبيعة شغلي بالتمريض .. كنت اترك بناتي عند ستهن و لما ارجع من شغلي اخدهم ....

((بعد مرور 10 سنوات))

ميادة : حبيباتي انتو صرتو صبايا و صار لازم تبقو بالبيت بغيابي ؛ لأنو ستكن تعبانة و ماعاد الها حيل تشتغل فيكن .
سارة : بس نحنا منخاف لحالنا .
يارا : انتي بتتأخري كتير لترجعي .
ميادة : ما رح تضلو لحالكن شو نسيتو انو بابا معكن ؟ بعدين صحيح بتأخر بس كل يوم بجبلكن معي اشياء بتحبوها صح ؟
يارا : اي صح .
سارة : بكرا بدي تجيبيلي لعبة متل يلي بتطلع دعايتها بالتلفزيون .
يارا : و انا كمان .
ميادة : من عيوني ، انا كل يوم رح حطلكن الاكل عالطاولة ، اذا اندق الباب ما بتحكو ولا حرف وما بتسألو مين ، و رح خليلكن التلفزيون شاعل مشان تتسلو ، فهمتو ؟
يارا : اي ماما .
سارة : حاضر ماما .

#بقلم_فتاة_من_ورق_بسمه_السباعي

*من هاليوم صرنا انا و اختي سارة و حيدات...لا أم لا أب ولا حدا سألان...من هاليوم ماعاد في حدا سمعنا او عطانا نصيحة و رأي...من هاليوم بلشنا نكبر لحالنا و نتعلم من الدنيا و رفقاتنا و اكيد يلي بيتعلم بهي الطريقة نص معرفتو بتكون خاطئة اذا ما كلها...أمي كانت ترجع تعبانة ما تفضى تسمعنا او تدرسنا او تعطينا حب و حنان...و أبي كان يرجع من شغلو ينام و لما يصحى يطلع يسهر و يرجع ينام ليصحى تاني يوم يروح على شغلو ، ما منتذكر انا و اختي بيوم لاعبنا او قعد معنا او اهتم فينا حتى.....وهيك كبرنا و صارت اعمارنا 17 سنة دخلنا حادي عشر أدبي......

لين : سماح غسلت وجهي ونسيت انو حاطة مسكرة شوفي راحت ؟
سماح : اي راحت بس ما تخافي معي مسكرة احتياط تعالي حطلك منها .
لين : تسلميلي سموحة ، جبتيلي العطر يلي طلبتو منك ؟
سماح : اي طبعا جبتلك هلأ و نحنا طالعين من المدرسة بعطيكي العلبة مشان تتعطري .
لين : تمام .

سارة : يارا شوفي هالبنتين تقولي رايحين على حفلة .
يارا : لا والله حلوات بعدين هن بس حاطين مسكرة و حمرا فاتحة .
سارة : بس هي مدرسة ما بيصير .
يارا : و اذا مدرسة نحنا صبايا و بيحقلنا نترتب .

لين : سماح .
سماح : نعم .
لين : شوفي هالبنتين النا اسبوع مداومين ما حكينا معهن تعالي نتعرف عليهن .
سماح : مو شايفتيهن معقدات تطلعي على شعرهن تقولي الهن اسبوع مو مشطينو .
لين : اي هيك احسن .
سماح : كيف احسن ؟
لين : مبين عليهن ما بيفهمو شي منوعيهن و منضمهن للشلة .
سماح : عجبتيني يا لين صايرة تفكري .
لين : هههههه
سماح : لحقيني نتعرف عليهن .

#بقلم_فتاة_من_ورق_بسمه_السباعي

زهور : ميادة شبك ما على بعضك ؟
ميادة : والله شايلة هم قسط مدرسة البنات .
زهور : حطيهن بمدرسة حكومية و ارتاحي من القسط .
ميادة : لا شو مدرسة حكومية بخاف عليهن ، بالمدرسة الخاصة بأمن عليهن اكتر باص بياخدهن و بيرجعهن و المعلمات بيعاملوهن معاملة حلوة و بيشرحو احسن من معلمات المدرسة الحكومية خصوصي انو بناتي السنة الجاية بكلوريا .
زهور : طيب ليش عم تحملي حالك كل هالهم خلي ابوهن يدفعلهن القسط .
ميادة : ابوهن لك ابوهن بعمرو ما سأل عليهن ، بعمرو ما جبلهن بكلة ، لما جبتهن قلي انتي بدك ولاد انتي بت

#شجن
#بقلم_فتاة_من_ورق_بسمه_السباعي

((ندم))

*بعد ساعات انتهى الدوام...وقفنا انا و سارة عند باب المدرسة لنركب بباص المدرسة.....

سماح : ناطرين الباص ؟؟
يارا : اي .
سماح : اليوم انا و لين حابين نرجع مشي شو رأيكن تتمشو معنا ؟
سارة : لا شو مشي ، الباص بيوصلنا عند باب البيت .
لين : على راحتكن كنا حابين ترافقونا عالطريق .
يارا : بالمرة التانية ان شاء الله .
سماح : ان شاء الله ، منشوفكم بكرا ، باي .
يارا : باي .

*طلعنا بالباص انا و اختي ...

سارة : ليش بدهن يرجعو مشي و هن مسجلين بالباص ؟
يارا : المشي احلى ، بتعرفي المرة الجاية بدي نرجع معهن مشي .
سارة : لا يمكن تزعل امك مننا .
يارا : شو بدو يعرفها ؟؟ ما منخبرها انو رجعنا مشي .

*شردت و فكرت بحكي يارا..صحيح شو بدو يعرفها ؟ و ليش لحتى ما نرجع مشي مع رفقاتنا نحنا صبايا و بيحقلنا نعيش حياتنا متل ما منحب....بعد دقايق وصلنا عالبيت ، شمينا ريحة الطبخ ركضنا و فتحنا الباب....

سارة : شو هالريحة الطيبة .
يارا : ماما شو طابخة .
ميادة : ههههه اهلا و سهلا حبيباتي روحو بدلو تيابكن و غسلو مشان نتغدا .
سارة : حاضر .
ميادة : الله لا يحرمني منكن .

#بقلم_فتاة_من_ورق_بسمه_السباعي

*اجتمعنا حوالي سفرة الغدا...كانت سعادتنا كبيرة انو عم نتغدا من طبخ امي ، تفاصيل صغيرة بيفكروها كتير ناس انها عادية بس بالنسبة النا هي اكبر سعادة ، جمعتنا حوالي السفرة و عم ناكل من طبخ امي هي ما بتصير الا مرتين بالاسبوع....

ميادة : مبسوطين بالمدرسة ؟
سارة : اي والله كتير ، اليوم تعرفنا على بنتين .
ميادة : لحظة حبيبتي اجتني مكالمة من شغلي ، كملو اكلكن رح رد عليهن و ارجع .
سارة : طيب .
يارا : شبك سارة زعلتي ؟
سارة : اي .. لما قررت احكيلها شو صار بيومنا ما لقيت عندها وقت تسمعنا .
يارا : وين الجديد بالموضوع ؟ هي نادراً ما تسمعنا ، لهيك ريحي حالك و ماعاد تحكيلها شي لأنو شغلها اهم مننا بكتير .
سارة : قومي خلينا نشيل الاكل انا شبعت .
يارا : و انا كمان .

*حملنا الصحون و رتبنا غرفة السفرة و أمي لسا ما خلصت المكالمة...

بلال : وينكن يا بنات .

يارا : اجا ابوكي .
سارة : اهلا و سهلا بابا .
يارا : اهلين بابا .
بلال : اهلين .
يارا : رح حطلك الغدا .
بلال : تمام بس بسرعة لأني مستعجل .
يارا : حاضر .
ميادة : اهلا و سهلا جاية بكير اليوم .
بلال : اي لأنو بعد ساعة عندي طلعة مع رفقاتي .
ميادة : بلاها هالطلعة خلينا نقعد مع البنات .
بلال : المسا منقعد معهن .
ميادة : ما بقدر المسا رايحة عالمشفى بيبلش دوامي .
بلال : هي مشكلتك والله ، انا المسا برجع و بقعد مع البنات .
ميادة : ليش عم تحكيني بهي الطريقة ؟
بلال : لأنو هلأ راجع من الشغل و انتي بلشتي تزنّي فوق راسي .
ميادة : انا عم زنّ ؟
بلال : والله كرهتيني ارجع عالبيت باليوم يلي بتكوني فيه ، سلام .
يارا : بابا ما تغديت .
بلال : صدت نفسي .

*طلع ابي من البيت و سكر الباب بقوة ، التفتنا على امي شفنا الدموع على خدها....

سارة : لا تبكي حبيبتي .
يارا : ماما ما تزعلي يمكن هو تعبان من الشغل .
ميادة : هو تعبان و انا شو ؟؟ صرت اتمنى اسمع منو كلمة حلوة ، بيجرح و بيمشي ما بيفكر يداوي حتى .
سارة : اهدي ماما كرمالنا اهدي .
ميادة : راسي صار يوجعني كتير ، رح نام شوي صحوني بعد ساعة .
يارا : نوم الهنا .

*وهيك كملنا يومنا لحالنا كالعادة....

#بقلم_فتاة_من_ورق_بسمه_السباعي

*بعد مرور شهر...تعرفنا على سماح و لين و تقربنا من بعض اكتر ، رجعنا معهن مشي اكتر من مرة ، صرنا نحكيلهن يلي بيزعجنا و يخففو عننا ، صارو قدوة بالنسبة الي و لأختي ، نرتب شعرنا بنفس طريقتهن ، و نحط مسكرة لنطلع منشبههن...

لين : نرجع مشي اليوم ؟
يارا : اي اكيد .
سماح : سارة فكي ربطة شعرك .
سارة : اي صحيح نسيت .

*فكيت ربطة شعري و بلشنا نمشي ببطء...

عمر : يسلملي الشعر الاشقر .
سماح : هههه ييي يبعتلك حمى .
عمر : قبلان ينبعتلي حمى المهم ضل شوف هالجمال .
لين : روح من هون احسن ما نلم عليك الحارة .
عمر : رايح رايح مافي داعي للعصبية .
لين : هههههه شفتي شلون هرب متل الصوص .
سماح : ههههه ما قصرتي فيه .
سارة : كيف قدرتو تحاكوه هيك شوفو وجهي كيف صار احمر من الخجل .
يارا : عنجد الله يعطينا نص قوة شخصيتكن .
لين : صبايا كملو طريقكن بشوفكن بكرا .
سارة : ليش ؟ بيتك مو هون .
سماح : امشو صبايا ، باي لين .
لين : باي .

*صار عنا فضول نعرف ليش لين تركتنا بنص الطريق...بعد لحظات التفتنا انا و اختي لنشوفها....

لين : كيفك صالح .
صالح : مشتقلك يا عمري كيفك انتي .

يارا : سماح مين هاد الشب يلي واقفة معو لين ؟
سماح : حبيبها .
سارة : اهلها بيعرفو ؟
سماح : طبعا لا .
يارا : والله مشكلة .
سماح : وين المشكلة ؟؟ عادي لين بنت حلوة و اكيد رح يكون عندها حبيب .
سارة : شو قصدك ؟
سماح : قصدي البنت البشعة بس يلي ما بيكون عندها حبيب .
يارا : يعني انتي عندك حبيب ؟
سماح : اي طبعا و بس ننجح

قصة اليوم: #شجن
............
قراءة ممتعة🦋💙"
#ⴅÂÐЄĦÂ

#شجن
#بقلم_فتاة_من_ورق_بسمه_السباعي
#قصص_واقعية

*رميت الملف على المكتب..مشيت و وقفت قبال الدفاية..شعلت سيكارتي و سرحت بفكري ...

نديم : حلوة .. حلوة كتير .. قلبي من جوا بيفرح لما بشوفها .. ولما بسمع صوتها الحنون بتمناها تضل عم تحكي .. اللمعة يلي بعيونها بتحسسني بالأمان .. كيف يا نديم ؟ كيف قدرت هالبنت العشرينية تهز كيانك وانت قد عمرها مرتين ؟ كيف حبيتها وانت بعمرك ما كنت تآمن بالحب ؟

*طفيت السيكارة و قعدت عند مكتبي .. حملت الملف و فتحت أول صفحة....
____________________________________

(( ١ ))
(( صمود ))

عندما أفرح أظهر فرحتي لأسعد بها من حولي ، وعندما أحزن أواري حزني كما يخفي الربيع آثار الخريف ، أعيش و أنا أرتدي ثوب الطهر والعفاف .. ربيت نفسي لأكون ناعمة مثل الأوراق وصلبة كالجذور ، وخشنة كالساق ، وطيبة كالعطر ، و أن أكون كالتربة الخصبة أعطي من يزرع في ثمره دون انتظار المقابل...

*صحيت الساعة 4 الفجر .. توضيت و صليت .. عملت سندويشة اكلتها بسرعة و انا عم راجع المادة قبل ما اطلع على المدرسة .. اليوم أول يوم دوام للمدارس و بما انو هالسنة سنة حاسمة بالنسبة الي و رح تحددلي مستقبلي درست كل الكتب قبل ما تفتح المدرسة كان حلمي ادرس طب و صير احسن و اشهر طبيبة ببلدي .. ضبيت كتبي بسرعة بعد ما انتبهت انو الساعة صارت 7 .. بدلت تيابي و طلعت ركض من غرفتي....

عبير : شايفتك صاحية عالأقل كنتي عملي فطور لأخواتك .
سلمى : بعدين ماما بعدين .

*مشيت خطوات سريعة باتجاه مدرستي ، قررت بلش هالسنة بصمت ، اخترت الصمت بعد ما تعرضت لكتير من التنمر بمدرستي ، أمي معلمة بمدرستي ، ما كان في حدا مصدق انو علامات العالية هي من مجهودي الشخصي كل الطالبات كانو مفكرين علاماتي العالية واسطة بما انو امي معلمة و يسمعوني حكي يزعجني ، وهاد سبب تاني خلا عندي دافع لجيب مجموع طب لإثبت للكل انو امي ما دخلها بعلاماتي العالية ...

طارق : صباح الخير .
عبير : صباح النور حبيبي ، الفطور جاهز .
طارق : ما رحتي عالمدرسة شايفك .
عبير : اليوم عندي اخر حصتين ليش لحتى روح من هلأ ؟
طارق : معك حق ، شو الاولاد طلعو ؟
عبير : سلمى راحت من شوي بس كرم و منى لساتهن نايمين ما حابين يداومو أول يوم .
طارق : خير ان شاء الله ، جبلك معي شي وانا راجع من الشغل ؟
عبير : سلامتك حبيبي و انا راجعة من المدرسة بشوف شوفي خضرة و بجيب للطبخة .
طارق : معناها تفضلي هي كم ليرة جيبي شو ما بدك .
عبير : الله يرزقك يارب .

ابو طارق : يا ام طااارق .

عبير : هي صحي ابوك .
طارق : الله يطول عمرو رايح شوفو قبل ما اطلع على شغلي .
عبير : وانا رح ضب السفرة .

*رحت لعند أبي بوست ايديه و تطلعت بعيونو ...

طارق : الله لا يحرمني من صباحك .
ابو طارق : وين أم طارق ؟
طارق : الله يرحمها .
ابو طارق : ولاااا .. الله يرحمك انت في واحد عاقل بيحكي عن امو هيك ؟
طارق : ههههه امرك يابي متل ما بدك حقك على راسي .
ابو طارق : طارق .
طارق : أمرني .
ابو طارق : روح على بيتك ما بيصير تترك مرتك و ولادك و تضل عندي .
طارق : يلي بدك ياه بيصير ، جبلك معي شي وانا راجع ؟
ابو طارق : اي جبلي دخان .
طارق : بلاه يابي قال الدكتور ما بيسوالك .
ابو طارق : انا بدي عيش على كيف الدكتور ؟؟ جبلي دخان احسن ما قلعك من بيتي ولا مغضوب .
طارق : حاضر أمرك بس ارضى عليي .
ابو طارق : الله يرضى عليك .
طارق : يلا السلام عليكم .
ابو طارق : و عليكم السلام .

*قربت من عبير و بست راسها قبل ما اطلع...

طارق : لا تنسي تقفلي الباب قبل ما تروحي على مدرستك مشان ما يطلع أبي .
عبير : ما رح انسى .
طارق : الله لا يحرمني منك .

*ابتسمت بوجه طارق لحتى طلع من البيت...

عبير : الله ياخدك يا ابو طارق يا خرفان والله تعبت من وجودو ببيتنا لإيمتا بدو يضل منغص عيشتي لإيمتااا .

ابو طارق : يا ام طاااااارق
عبير : اووووف ، شو بدك ؟ ماتت مرتك ماااااتت .
ابو طارق : مين انتي ؟
عبير : مرت ابنك طارق .
ابو طارق : كذابة ابني مانو متزوج و لو تزوج ما رح يتزوج وحدة قليلة ترباية و ذوق متلك .
عبير : انا قليلة ترباية يا ختيار الجن يا خرفان ؟
ابو طارق : انتي الخرفانة انقعلي من وجهي انقلعي .

#بقلم_فتاة_من_ورق_بسمه_السباعي

*دخلت على الصف ، قعدت على المقعد الفاضي ، طالعت كتابي و بلشت اقرأ فيه ...

منال : كل عام وانتي بخير سلمى .

*رفعت عيوني ابتسمت ابتسامة مزيفة و رجعت نزلت راسي كملت قراءة ...

منال : معقدة و رح تضلي طول عمرك معقدة .

*مشيت منال و تركتلي هالكلمة ، صحيح سمعتها كتير بس كل مرة بتأثر فيني و بحس حالي عنجد معقدة .

*مضى الوقت ، بقيت صامدة وما حكيت ولا كلمة طول اليوم .. رجعت على البيت فتحت الباب و دخلت ...

سلمى : جدو .. جدو وينك ؟
منى : عالبرندا .
سلمى : مجانين انتو ؟ كيف بتخلوه يطلع عالبرندا .

*ركضت لعند جدي شفتو حامل ملاقط

#شجن
#بقلم_فتاة_من_ورق_بسمه_السباعي

((صمود))

*لما أقرب الناس إلك يكسر بخاطرك وقتها بتتأكد انك ما غلطت لما اخترت الصمت ، و بتصير جامد اتجاه القريب قبل الغريب...دخلت على غرفتي ولما شفت كتبي تذكرت انو ما عندي وقت للحزن...عندي هدف و لازم أوصلو....

*مضى شهور وكل أيامي بتشبه بعضها (مدرسة ، بيت ، دراسة) بنظر البعض هي حياة بشعة بس بنظري هي طريق لأوصل لهدفي...

طارق : نام ابي ؟؟
عبير : اي نام و الأولاد نامو كمان ، بس سلمى صاحية عم تدرس .
طارق : اعمليلي كاسة شاي انا رايح اتطمن على سلمى .
عبير : من عيوني .

*دقيت باب غرفة سلمى و بقيت ناطر...

سلمى : تفضل .
طارق : الله يعطيكي العافية .
سلمى : الله يعافيك بابا .
طارق : تأخر الوقت ما بدك تنامي ؟
سلمى : اديه الساعة ؟
طارق 12 ونص
سلمى : مضى الوقت بسرعة ما حسيت فيه ، بخلص هالصفحة و بنام .

*قربت من سلمى و حضنتها....

طارق : ايماني فيكي كبير أنا متأكد انك رح تصيري احسن طبيبة بالبلد .
سلمى : ما حدا غيرك آمن فيني و بقدرتي .
طارق : مو مهم الناس تآمن فينا بيكفي اهلنا بيعرفو قدراتنا و بيعرفو لوين رح نوصل .
سلمى : اهلي ؟؟
طارق : أي ليش مستغربة ؟
سلمى : الأهل هن الأب و الأم و الأخوة ، بالنسبة الي حتى أمي مانها واقفة جنبي و اخواتي نسيانين اني بكلوريا ، يعني انا هلأ و بعدين رح قول الوحيد يلي دعمني و آمن فيني هو أبي مو أهلي .
طارق : سلمى ما بدي تفكري بهالطريقة مشان ما تتعبي لسا قدامك مشوار طويل لازم تضلي صامدة ؛ لأنو اذا تعبتي ما رح تقدري تكملي .
سلمى : طول ما انت جنبي رح ضل صامدة و رح أوصل .
طارق : الله يرضى عليكي .

*ابتسمت بوجه سلمى و التفتت لإطلع من الغرفة ...

سلمى : بابا .
طارق : نعم .
سلمى : فيك شي ؟؟ حاسستك زعلان .
طارق : لا تشيلي هم حبيبتي ما زعلان تعبان شوي من الشغل .
سلمى : الله يقويك .
طارق : تصبحي على خير .
سلمى : و انت بخير .

*طلعت و سكرت باب الغرفة ورايي...

عبير : ما نامت ؟
طارق : شوي و بتنام خفي عليها يا مرة البنت عم تحس مافي حدا واقف جنبها .
عبير : ماعم حكيها شي بس هي بتحب تضل حابسة حالها وعم تدرس حتى بالمدرسة بتضل عم تدرس والله رح تجنني .
طارق : باقي كم شهر بتمتحن و بترجعلنا متل الأول ، الأهل بيتمنو ابنهن يشد حالو هيك بالبكلوريا .
عبير : اي بس مو لهالدرجة .
طارق : لا اله الا الله .
عبير : المهم رفيقتي بالمدرسة خلفت مبارح و كل رفقاتي بدهن يروحو يباركولها و كل وحدة بدها تاخدلها قطعة دهب صغيرة مباركة لأنو هالمخلوقة ما جابت هالولد الا بعد 10 سنين زواج و فرحتنا فيها كبيرة .
طارق : اي شو هالانجاز يعني ؟ ليش كل وحدة تاخدلها قطعة دهب ؟ اشتركو كلكن بقطعة دهب وحدة احسن و أوفر .
عبير : انت دائما بتفكر بالأوفر ، بدك اطلع اقل من رفقاتي او يقولو عني ما معي .
طارق : حبيبتي شايفة وضعي كيف ، بدل ما تاخديلها قطعة دهب منجيب شي لازم للأولاد ، الدهب صار غالي كتير و هي رفيقتك مانها من باقي أهلك لتاخديلها دهب .
عبير : انا شو ذنبي بوضعك ؟؟ من لما تزوجنا وانت وضعك زفت ، خلص انا تعبت ، دائما انقص من رفقاتي بسبب وضعك ، رح اتدين و جبلها الهدية و بس استلم راتبي بوفي الدين ماعاد بدي منك شي ، تصبح على خير .

*بعد ما مشيت عبير حسيت بخنقة ، طلعت عالبرندا لحتى شم هوا نضيف و اتحسن ، هالحالة دائما بتصير معي بس اليوم حسيت بوجع بصدري .. صرت افرك صدري بايدي ليخف الوجع....

طارق : صرلنا 20 سنة متزوجين هي أول مرة بتحكيني عبير بهالطريقة ، الظاهر انها تحملت وضعي كتير و طفح الكيل معها .. انا السبب ، طلعت معيشها بنقص بدون ما حس ، بكرا رح دبرلها المبلغ لتجيب فيه الهدية و تضل رافعة راسها بين رفقاتها .

*دخلت على الغرفة ، شفت عبير مغمضة عيونها قربت منها و بستها من راسها...

طارق : بعرف لسا ما نمتي ، بكرا رح أمنلك المبلغ لتجيبي فيه أحلى قطعة دهب و ترفعي راسك بين رفقاتك .
عبير : الله يخليلي ياك ، بعتذر منك
طارق : هسسس خلص لا تكملي يلي راح راح ، تصبحي على خير .
عبير : و انت بألف خير .

#بقلم_فتاة_من_ورق_بسمه_السباعي

*صحيت الصبح كالعادة صليت و فطرت جهزت حالي وانا عم راجع المادة...ومتل كل يوم طلعت من البيت بدون ما ودع اهلي....

منى : صباح الخير ماما .
كرم : صباح الخير .
عبير : صباح النور حبيباتي ، منى روحي صحي ابوكي بسرعة .
منى : ليش ما صحيتيه انتي ؟
عبير : اي صحيتو بس ما رد عليي ، خليه يقوم بسرعة رح يتأخر على شغلو .
منى : حاضر .
كرم : انا رايح على المدرسة .
عبير : امسك هي السندويشة افطرها عالطريق و دير بالك على دروسك .
كرم : حاضر .
عبير : مفاتيح البيت معك ؟
كرم : اي معي يلا سلام .
عبير : الله يحميك يارب .

منى : يا بابا يلا قوم ما الك بالعادة تنام كل هالقد ، بابا ، بابا .
*قربت من ابي وبستو من راسو ليصحى .
منى : ليش هيك راسك بارد ؟!
عبير : شو ما صحي ؟
منى : لا .
عبير : روحي خدي سندويشتك من المطبخ انا بصحيه .
منى : حاضر .
ع

#شجن
#بقلم_فتاة_من_ورق_بسمه_السباعي

((ندم))

*وصلنا عالبيت..رمينا شناتينا بغرفتنا و تطلعنا بعيون بعض...

يارا : سماح و لين احلى مننا ؟
سارة : طالما كل وحدة فيهن عندها الانسان يلي بيحبها معناها احلى مننا .
يارا : لا ، انا و انتي احلى منهن و رح يصير عنا يلي بيحبنا .
سارة : بس يمكن امي تزعل مننا .
يارا : ما رح تعرف .

*طول الليل بقينا عم نفكر بالموضوع انا و اختي...و باليوم التاني اهتمينا بشكلنا اكتر من كل مرة و رحنا عالمدرسة....

لين : طالعين حلوات اليوم .
يارا : والله ؟! عاد كنا مستعجلات ما لحقنا نهتم بشكلنا .
سارة : اي حتى شعري ما فضيت رتبو .
لين : بس بتجننو ما شاء الله عليكم .
سارة : لين .
لين : نعم .
سارة : احكيلنا عن الشب يلي كنتي واقفة معو مبارح .
لين : اممم شفتوني معناها .
سارة : بصراحة اي .
يارا : التفتنا عليكي و شفناكي .
لين : مو مشكلة رح احكيلكن بس ما بدي حدا يعرف .
سارة : اكيد سرك ببير .
لين : هديك السنة و انا طالعة من المدرسة...
************************************

سماح : لين شبك ليش وجهك اصفر ؟
لين : ما بعرف حاسة حالي دايخة .
سماح : اكيد من الشمس ، انطريني هون رح جبلك مي باردة .
لين : لا لا خليني روح معك .

*مسكت ايد سماح و مشينا لحتى و صلنا لعند البقال...

سماح : ثواني رح فوت جبلك مي .
لين : رح انطرك عند الباب .

*أول ما تركت ايدي سماح بلشت الدنيا تفتل فيني و ماعاد وعيت على شي ...

سماح : لو سمحت اعطيني مي باردة .
صالح : تكرم عينك بدك شي غيرو ؟
سماح : لا يسلمو .
صالح : يا ساتر يا ساتر .
سماح : شوفي ؟
صالح : في بنت واقعة عند الباب .
سماح : هي لين ولييي .

*اخد صالح المي فتحها و صار يكت منها على وجهي....

صالح : يا صبية عم تسمعيني ؟؟
سماح : لين بترجاكي فتحي عيونك .

*فتحت عيوني شوي شوي ، شفت صالح و سماح....

صالح : اشربي من ايدي .
لين : ش شكرا
صالح : يا صبية احملي رفيقتك و دخليها لعندي عالمحل خليها تصحصح و بعدين بوصلكن عالبيت بسيارتي .
سماح : مافي داعي تعذب حالك .
صالح : مافي عذاب ولا شي المهم الصبية تتحسن .
سماح : الله يجزيك الخير .

*قعدنا انا و سماح بالمحل لحتى صحصحت ، وبعدين وصلنا صالح عالبيت الي و لسماح...
************************************

لين : و من بعدها اعترفلي انو حبني من اول نظرة و حس بخوف كبير عليي و كأنو بيعرفني من زمان و هلأ النا سنة منحب بعض و عن قريب رح يبعت اهلو يخطبوني .
سارة : يا الله شو حلوة قصتك .
يارا : الله يخليكن لبعض بالفعل هالقصة متل المسلسلات .
لين : تسلمولي يا صبايا جهزو حالكن انتو اول الناس رح تنعزمو على خطبتي .
سارة : ان شاء الله .
يارا : شبها سماح ليش قاعدة لحالها ؟
لين : ما بعرف يمكن في شي زاعجها .
يارا : رايحة شوفها .
لين : تمام .
سارة : اي لين كمليلي انتي شو قلتيلو لما اعترفلك بحبو .
لين : ابتسمت بخجل و قلتلو انا كمان حبيتك و حسيت بالامان لما ضليت جنبي لحتى صحصح .
سارة : يا الله شو حلو هالكلام نيالك يا لين .

#بقلم_فتاة_من_ورق_بسمه_السباعي

*قربت لعند سماح و قعدت جنبها...

يارا : سماح سموحتي سوسووو
سماح : اي شوفي .
يارا : ليش زعلانة و قاعدة لوحدك ؟
سماح : مافي شي عم فكر بشغلة .
يارا : شو هي ؟
سماح : اذا خبرتك ياها بتوعديني ما تزعلي ؟ لانو الشغلة بتخصك .
يارا : احكي ما بزعل منك انا .
سماح : بصراحة مبارح اخي كان عالبرندا لما وصلتوني عالبيت انتي و سارة .
يارا : اي
سماح : و لما طلعت عالبيت سألني عنك لأنو أعجب فيكي و قلي يمكن هاد حب من اول نظرة .
يارا : أعجب فيني انا ؟؟
سماح : اي والله و طول الليل ما نام و هو عم يفكر فيكي .

*حسيت بسعادة انو حدا أعجب فيني و بنفس الوقت خجلت كتير....

سماح : ليش سكتي ؟ اكيد زعلتي مني و من اخي .
يارا : لا ليش ازعل ؟ بقصد يعني هالكلام حلو بحقي ما فيه شي بيزعل .
سماح : وانا هيك قلت لحالي .
يارا : يلا هلأ تعالي اقعدي معنا ما بحب شوفك لحالك .
سماح : تسلميلي جاية .

*بقيت طول الدوام شاردة و عم فكر بحكي سماح .. معناها انا حلوة كتير لحتى اعجب فيني ، يا ترى هو كيف شكلو ؟ و انا رح أعجب فيه متل ما اعجب فيني ؟؟

سارة : يارا شبك من لما حكيتي مع سماح و انتي مكركبة ؟
يارا : مافي شي .
سارة : لا في احكيلي .
يارا : طيب بحكيلك بالبيت مو هون جنب الباص .
سماح : شو راجعين بالباص ؟
يارا : اي .
سماح : على راحتكن بس انا و لين بدنا نرجع مشي .
يارا : توصلو بالسلامة .
لين : يلا باي منشوفكن بكرا .
سارة : باي .

*ودعنا البنات و طلعنا بالباص...

#بقلم_فتاة_من_ورق_بسمه_السباعي

سماح : ولي شو هالكذبة يلي كذبتيها عليهن ؟ انا كنت رح صدق قصتك .
لين : هههههه غبيات و ما بيفهمو شي قلت كذب عليهن شوي .
سماح : لو يعرفو الحقيقة انو انتي عملتي حالك اغمى عليكي قدام محلو مشان توقعيه بحبك ههههه
لين : اي ولو يعرفو انو انتي كملتي معي الكذبة مشان عرفك على ابن خالتي هههههه

#شجن
#بقلم_فتاة_من_ورق_بسمه_السباعي

((ندم))

*باليوم التاني بعد ما انتهى الدوام...رجعنا انا و أختي و سماح مشي بعد ما ودعنا لين....

سارة : قربتي توصلي على بيتك سموحة .
سماح : اي شو يعني ؟
سارة : يعني هلأ بدنا نودعك لأنو بدنا نروح عالسوق انا و يارا .
يارا : بس خلينا نوصل سموحة بالأول .
سارة : لا مافي داعي اختي .
سماح : سارة شبك ؟ انا الي قراري ، بعدين بدي روح معكن عالسوق .
يارا : عنجد عم تحكي .
سماح : اي والله جد ، بس منخلي اخي حازم ياخدنا و يرجعنا بسيارتو .
يارا : متل ما بدك .
سارة : لا شو اخوكي ياخدنا ما بدنا نعذبو .
سماح : الله يسامحك لا عذاب ولا شي بكل الاحوال بدو يوصلني عالسوق بيوصلكن معي .
يارا : شكرا الك سموحة .
سماح : العفو حبيبتي ، ها وصلنا هي سيارتو وقفو جنبها لإطلع ناديه .
يارا : خدي راحتك .

*نطرت لحتى طلعت سماح عالبيت و التفتت على يارا...

سارة : ليش لتقبلي اخوها يوصلنا ؟
يارا : سارة شبك ؟؟ نسيتي انو اخوها معجب فيني يعني اكيد هو يلي طلب من سماح تاخدنا معها .
سارة : ما نسيت بس انتي ما بتخافي امك تعرف ؟
يارا : قلتلك مية مرة ما رح تعرف .
سارة : اي ان شاء الله .

#بقلم_فتاة_من_ورق_بسمه_السباعي

سماح : يعني بتعرفني برجع بهالوقت ليش ما جهزت حالك ؟
حازم : كنت بالشغل .
سماح : طيب استعجل عم تهتم بحالك كأنك عريس .
حازم : روحي اسبقيني انتي شوي و لاحقك .
سماح : لا سيدي رح ضل هون استعجلك ، اذا كانت بدها تحبك رح تبطل على قد ما تأخرت عليهن .
حازم : جهزت جهزت .
سماح : نسيت تتعطر .
حازم : بسببك .
سماح : يلا امشي .

*كنت واقفة و عيوني على مدخل بيت سماح ، و أول ما شفت حازم و اجت عيني بعينو حسيت قلبي رجف و كسرت نظري....

حازم : تفضلو صبايا .
سارة : الله يزيد فضلك .
يارا : شكرا .
سماح : حازم حطلنا اغنية .
حازم : تكرم عينك .

*طول الطريق كان حازم عم يتطلع عليي من خلال المراية ، كان عم يتأمل عيوني كأنو عم يقلي كلمات هالأغنية إلك...

سارة : لحظة وقف السيارة .
حازم : خير ؟
سارة : بدي انزل على هاد المحل .
حازم : تفضلي .
سارة : ما بدك تنزلي معي يارا ؟
يارا : لا ما بدي شي من هالمحل .
سماح : انا بنزل معك سارة .
يارا : لا تتأخرو .
سارة : حاضر .

حازم : كيفك يارا .
يارا : الحمدلله .
حازم : يارا .
يارا : نعم .
حازم : انا .. انا معجب فيكي .
*ابتسمت بخجل وما رديت.....
حازم : حاسس انك رح تكوني من نصيبي ، حبيبتي و زوجتي و رح نكمل عمرنا سوا .
يارا :..........
حازم : بعرف كلامي خجلك لهيك ساكته ، بتمنى تاخدي هالورقة مني فيها رقمي لنتعرف على بعض اكتر .

*اخدت الورقة و خبيتها...

سماح : طولنا عليكم ؟
حازم : لا أبداً .
سارة : يا ريت نزلتي معنا يارا في كتير اشياء حلوة شوفي شو جبتلك معي .
يارا : يسلمو ايديكي .

* حكت معي سارة كتير..بس ما بتذكر ولا كلمة لأنو طول الوقت عقلي مع حازم...

*مضى الوقت بسرعة لانو قضيناه مع اشخاص منحبهم...نزلنا عند بيت سماح و كملنا طريقنا مشي...

سارة : شوفي هي البلوزة شو حلوة .
يارا : مبروك .
سارة : ليش ما اشتريتي شي الك ؟
يارا : مافي شي عجبني .
سارة : يارا .
يارا : نعم .
سارة : شو قلك حازم لما نزلنا ؟
يارا : شو بدو يقلي ما قال شي .
سارة : عم تكذبي عليي ؟
يارا : مو كذب بس مافي شي مهم يعني بس عطاني رقمو لأتعرف عليه .
سارة : اي بعتيلو .
يارا : ما بدي ابعتلو هلأ ، بخاف يفكرني قاتله حالي عليه .
سارة : ما رح يفكر يلا ابعتيلو و خليني اقرأ معك .
يارا : طيب .

*بلشنا نتعرف انا و حازم على بعض..كان كلامو مليان حنية و هالشي انا بحاجتو من زمان..صرت حس انو في حدا بيخاف عليي بهالدنيا في حدا يسندني في حدا يسمعني لما احكيلو الشي يلي بيفرحني و بيزعلني...

*وهيك مضى اسبوعين...بهالايام القليلة تعلقت بحازم بشكل سريع ، وما كنت عرفانة العواقب.....

#بقلم_فتاة_من_ورق_بسمه_السباعي

*طلعنا الصبح بباص المدرسة ، كانت سارة طول الوقت مكشرة ، و فجأة التفتت عليي و قالت....

سارة : ليش ؟
يارا : شو ليش ؟؟
سارة : ليش انا لهلأ وحيدة ؟؟ انتي بشو احسن مني ؟
يارا : انا مو احسن منك أبداً ، بس هاد نصيب و كل وحدة بيجيها نصيبها بالوقت المناسب .
سارة : بس انا وانتي توأم و عايشين نفس الحياة ليش ما اجا نصيبي معك ؟
يارا : حبيبتي سارة ما تفكري بهالطريقة والله ما عندي جواب لإلك بس يلي متأكدة منو انو عن قريب رح يجي نصيبك .
سارة : ان شاء الله .

*غيرة سارة مني كانت عم تكبر يوم بعد يوم..صرت اتمنى أيا حدا يحبها لحتى اخلص منها ومن غيرتها....

*طول الدوام ما حكت معي سارة...قررنا نرجع مشي على امل انو تغير جو....

سماح : اليوم الجو حلو كتير .
لين : اي اجا الخريف و بلش البرد .
يارا : اكتر فصل بحبو الخريف .
سماح : شو سارة بدك تضلي ساكته ؟
سارة : اي هيك احسن .
سماح : على راحتك .

عمر : ريتو يسلملي الجمال .
رامي : ما يبلى هالشقار .

لين : سماح لازم تتحجبي و تريحينا من شقارك .
سماح :