#ضجيج_الحب_بقلم_رومانتيكا
#واقعية
الجزء الأول............

الحب؟!!...
شو هو هالشي الي بيحكو عنو كل الناس...
كنت مستعدة أدفع نص عمري للاقي وأفهم شو هو هالمصطلح...
جملّو كتير بعيوني ولبّسو قناع المثالية بس لما لقيتو كان غير هيك تماماً.
كان قريب مني كتير وبنفس الوقت كان أبعد شخص عني...تحول الكره لعشق ووله تحول لجنون.
ولما يتحول الكره لعشق ما بتقدر تشوف غير ضجيج...

............................................
............................................

*بتحبا؟!

صفن شوي ولمعو عيونو _كتييير ، هي الوحيدة الي عنجد حبيتا واخدتلي عقلي

*طيب شو ناطر ليش ما خبرتا لهلق؟

_لا ..لا انا ما بدي حكيها بدي أخطبها بالحلال وتصير ملكي بس خلي يتحسن وضعي شوي

*ان شاء الله خير

لمعو عيونو _ليكا طلعت شريك دعيلي تكون من نصيبي

..............................................

...سنة تانية جامعة...
بكرهك...بكرهك...بكرهككك
كنت ماشية بساحة الجامعة ومعالم وشي مقلوبة

ايمان. شبك...شوفي عم تبربري؟!

وسن. تركيني بحالي مو ناقصتك؟

تشبثت بأيدي ايمان. ما دخلني ...هلق ...هلق بدك تحكي

وسن. اوووف ما أغلظك...مو ناقصني غيرك اليوم لتكمل معي
هاد البطيخ الدكتور عامر حطني مع البطيخ شادي بالمشروع ...لا وشو ما عم يرضا يحطني مع واحد تاني وكمان عصب عليي وقلعني برا مكتبو لأنو اعترضت...يا ربي شو بدي أعمل شو بدي ساوي مع هالمصيبة؟

ايمان. لك اي اي...ما قلتلك ألفيلي جريدة بدقيقة شوي شوي شبك
غمزتني. بعدين تعي لهون شبو شادي ما نص بنات الجامعة بيتمنو يكونو معو بس لو أفهم ليش بتكرهي؟

وسن. لأنو نص بنات الجامعة ما بيفهمو واحد معتوه غبي وما بيفهم وحمار كمان

يا انسة...يا انسة
صارت ايمان تغمزني تجاهلتا وكملت حكي

بس لو افهم على شو شايف حالو بين هالخلق ما كنت اعرف...بكرهو بكرهوووو كتييير

يا انسة...!

التفتت ورايي وانا عم بربر وسن. لك شبكون شبكون ما بتخلو حدا يتهنى بهالجا...ششادي

صار يتزاور فيني ويحكي بسرعة شادي. جهزي حالك بعد ساعة بدي شوفك بالمكتبة مشان نشتغل عالمشروع اي وكمان لا تفكري ما تجي لاني رح احكي مع الدكتور ولا تنسي انو هاد المشروع هو الي رح يرفعك عالسنة التالتة

تركني ومشي قبل ما رد عليه ب ولا حرف وانا لساتني مصدومة من الموقف الي صار

وسن. عرفتي ليش بكرهو مستفز كتييير
قرصت ايمان من ايدا. وما تنقبري عقلبك تحكي انو كان ورانا

ايمان. ليش انتي بقى تفهمي انقلعت عيني وانا عم اغمزك وأزورك وما كنتي تردي

وسن. اوووف...امشي نشوف البنات شو عم يعملو

قعدت شوي مع البنات وبعد نص ساعة ضبيت غراضي ورحت تقصدت اتأخر خمس دقايق وبعدين فتت عالمكتبة ببرادة دمي عم بمشي شوي شوي لمحتو من بعيد قاعد عالطاولة وباين عليه الانزعاج اشرلي لشوفو

رحت لعندو وشلفت غراضي عالطاولة

وسن. مرحبا

شادي. ليش تأخرتي؟!

وسن. كنت قاعدة مع رفقاتي وماني منتبهة عالوقت

شادي. الله يصبرني بس...خلينا نبلش

طلع كوم كتب وأوراق كانو جمبو وعطاني ياهون. هدول الك قرأيهون كلون وطالعي منون كل شي بيخص الموضوع

وسن. هه شو هاد انت اكيد عم تمزح معي كل هدول

زورني وطلع مجموعة كتب تانية بيطلعو قد الي عطاني ياهون شادي. وهدول الي قلت مافي داعي كل يوم والتاني اتصبح فيكي بعطيكي كل الكتب مرة وحدة

وسن. قولتك مافي داعي اتصبح بوجهك كل يوم

اخدت الكتب وطلعت لبرا تطلعت بأيديي ما لقيت شنتايتي رجعت فتت عالمكتبة لشوفها كان شادي عم يرجع الكتب عالمكتبة
تطلعت في وصرت اتزاورو فيه ...هيك لكن عم يضحك عليي انا بفرجيك يا شادي

طالعت الكتب الي عطاني ياهون وصرت قلب بيناتون الزراعة، التكاثر، الشلل الدماغي مواضيع مالها علاقة بمشروعنا ابداً جايبلي من كل وادي عصا

اخدت منون كتاب واحد ورجعت الباقي عالمكتبة

.....سنة ثالثة جامعة.....

اجا من ورايي شوي شوي شادي. بست

حطيت أيدي عقلبي والتفتت ورايي وسن. هففف هاد انت!

شادي. ههههه شبك كأنك نقزتي

وسن. ابداً سلامتك ...

شادي. شبك هي طريقتي بالوداع ...عم ودعك

تبدلت معالم وشي وصرت أمنع دموعي من أنها تنزل اي انا بحبو ...بعشقو وكمان بكرهو
صرت ألتفت يمين ويسار وأمنع حالي من الانهيار

شادي. شبك وسن حاسك مو عبعضك؟!
غمزني. رح تشتاقيلي مو هيك

وسن. لاء مو هيك اصلاً رح افتك منك برتاح من غلاظتك واستفزازك

شادي. اممم صدقتك بعد سنة بصير دكتور قد الدنيي وانتي لساتك عم بتنحي بالجامعة ياحرام

وسن. بكرهك كتير

شادي. سمعتك

ضلينا ساكتين لثواني حتى شادي قطع هالصمت

شادي. وسن!
التفتت عليه. ما فكرتي

وسن. بشو؟

شادي. بموضوعنا انا وأنتي ليش في غيرو؟!

حاولت شتت نظري عنو. ما بعرف شو بدي قلك

شادي. لا تقولي شي وسن انا بحبك بعشقك كتير بحب قوتك وعصبيتك وكل شي فيكي وما بدي منك شي بس قولي اي او لاء

اختنقت كلماتي سكتت وما عرفت شو احكي
بصوت مبحوح وسن. شادي انااا...اناا ببحبك

شادي. شووو...؟

!
هههه والله كنت حاسس ما عم صدق
صار يصرخ. يعني انتي موافقة...

حمرو خدودي وهزيت براسي. وسن. بس بشرط!

شادي. شو هو؟!

وسن. ما بدي علاقة بالسر.

شادي. خلص وسن بكرا او اليوم ...اليوم بجيب اهلي ومنطلبك رسمي

وسن. ههههه لا ...لا شو اليوم خليها أسبوع الجاي

شادي. ماشي...ماشي متل ما بدك بحبك

حمرو خدودي من الخجل وسن. بكرهك شادي...

شادي. كذابة!

................................................
................................................

اليوم أسعد يوم بحياتي حاسة حالي طايرة من الفرح الأرض ما عم توسعني عم حط مكياجي بهدوء عكس ملامحي

وأخييراً...وأخيييراً لقيت الحب الي عم دور عليه طول حياتي وأخيراً قلبي دق وفهمت كيف بيكون الحب .
مع اني كنت بنت قوية كتير والكل بيشهدلي بهالشي بس بهاللحظة مسيطر عليي التوتر وقوتي تلاشت ...معقول الحب بيخلينا نضعف؟!

ألقيت نظرة سريعة عالمراية ورسمت أبتسامة ناعمة عوجهي قلبي صار يرجف لما وصلتني رسالة شادي أنون وصلو عند البناية

خبرت اهلي الي جهزو حالهون للأستقبال ورجعت فتت عغرفتي كنت عم بطلع من ورا الباب
ألقيت نظرة عليه وأبتسمت تلقائياً من دون ما أشعر

فجأة تلاشت أبتسامتي وانقلبت فرحتي لحزن اول ما شفت هديك الشوفة حطيت أيدي عتمي وصرت أشهق بصوت عالي ليشش...ليشش؟!..
وعندما يتحول الكره للعشق انصت لقلبك جيداً فلن تسمع سوى ضجيج.
#ضجيج_الحب_بقلم_رومانتيكا
#واقعية
الجزء الثاني.............

فجأة تلاشت أبتسامتي وانقلبت فرحتي لحزن اول ما شفت هديك الشوفة حطيت أيدي عتمي وصرت أشهق

كان بابا ماسك ابو شادي من كنزتو وعم يصرخ بوجهو

ابو وسن. يا حقيير يا كلب... هاد انت؟!

سحب حالو من أيدين بابا بصعوبة ابو شادي. ههههه مافي غيرك الكلب والواطي ولو بعرف انك انت ما كنت قبلت أجي لهون شو هالمهزلة

ابو وسن. انقلع من بيتي يا واطي ما بيشرفني أعطي بنتي لسلالتك

شادي. بابا بترجاك خلص شوفي عمو اهدى شوي يا جماعة مشان الله وطو صواتكون وخلونا نتفاهم شوي عرواق

صار يعلي صوتو ويصرخ بشادي ابو شادي. شاديييي أنسند عجنب
رجع التفت لأبو وسن وصار يوجه كلامو ألو
بتحب ذكرك بوطاوتك ... اصلاً لو مانك واطي ما كنت عملت الي عملتو يالله ابني يالله ما بدك هيك نسب

شادي. بس يا بابا

صواتون عبت البناية لحتى بابا صار يدفشهون لبرا وطبق الباب بقوة كنت عم بطلع عبابا من ورا الباب وعم برجف من الخوف صار يصرخ بصوت عالي. وسن ...وسننن

سحبني من شعري وصار يصرخ بأعلى صوتو

أبو وسن. ادا بسمعك بتقربي على هالكلب او بتحكي معو أو بتلمحي ها لا تلومي إلا حالك عم تفهمي

طلعت الحروف من تمي بصعوبة وسن. ليييش؟!
ليش بابا ليييش

أبو وسن. بغضب عليكي ليوم الدين عم تفهمي

نترني عالأرض وصار يضربني بكل قوتو كانت أمي عم تحاول تخلصني منو بس ما عم تقدر ما كنت عم طالع صوت ضل يضربني لحتى تعب تركني وراح...

كنت بتمنى بهاللحظة أضعف صرخ... ابكي طالع كل شي كبت جواتي
أسعد يوم بحياتي انقلب لجحيم...
فرحتي صارت عزا...
كنت حاسة بسكين عم تطعن قلبي من جوا وعيوني عم يقدحو نار...
بس لاء ما انا الي بضعف وما انا الي بخون الوعد الي قطعتو على نفسي ...

ضبيت شعري المبعثر ومسحت شفافي من آثار الدم ضمتني أمي وصارت تحاول تهديني

...................................................

فقت الصبح بكير بدلت تيابي وخفيت آثار الضرب بشوية مكياج
طلعت من البيت بسرعة وحتى من دون ما افطر بدي شوفو ... بدي أعرف شو الي صار حتى انقلبت فرحة عمري لجحيم

ضليت دور عليه بعيوني لحتى لمحتو رحت لعندو بلهفة

وسن. شادي شو الي صار؟!

حاول يخفي توترو وقهرو بأبتسامة مسطنعة
شادي. حبيبتي ما صار شي

وسن. كييف يعني ما صار شي كل هاد وما صار شي!
هلق بدي أفهم كل شي هلق بدي أعرف

شادي. طولي بالك وروقي
بالأول خلينا نقعد عجنب ومنحكي والي بدك ياه بصير

ضلينا نمشي لبعدنا شوي عن الضجة وقعدنا عكرسي

وسن. شادي قلي هنن بيعرفو بعض؟؟
في بيناتون عداوة شي؟

شادي. وسن ادا بقلك اني ما بعرف يمكن ما تصدقي مبارح كان الوضع متوتر كتير بالبيت تخانقت مع اهلي وبابا ما رضي يقلي شي

تطلع بوجهي شوي بخوف. وسن ضربك؟!

تجاهلت نظراتو وسن. مو مهم شادي ..مو مهم

شادي. كككيف ؟!
سحب نفس عميق. يعني ضربك!

وسن. اي اييي ضربني
مو هاممني شي بس فهمني شو بدنا نعمل

كان نفسو بهديك اللحظة يقربني منو ويضمني بس كييف ...كيف وانا مو حلالو كييف؟!

شادي. ما رح اتركك فهمتي
ما رح أسمح لحدا يبعدني عنك ولو بدي أخطبك مليون مرة نحنا ما دخلنا بعداواتهن الشخصية

وسن. وعد!

شادي. اكيد بوعدك رح دافع عن هالحب ولو بدي أخسر حياتي

وسن. بعيد الشر عنك
ابتسمت بهدوء وكأنو روحي اطمنت لكلماتو

بهديك اللحظة رسمنا مع بعض وعد وهدف ورح نمسك بأيدين بعض لنوصلو
نحنا أخترنا طريق الحرب قررنا ندافع عن حبنا بكل قوتنا
قررنا نحارب مع انو طريق السلام كان أسهل
بس شو نفع السلام من دون حب!

شادي صار يقنع أبو

انو يرجع يخطبلو وما رح يتجوز غيري لو بدو يضل طول عمرو أعزب وبكل فرصة يحاول يفتحلو الموضوع بس أبو ما كان يسمعو او يقتنع

كان طالع من غرفتو لما سمع صوت أبو طالع كان بدو يفتح الباب بس لما سمع حكي ابو حط أيدو عتمو وتراجع عغرفتو

ما كان قادر يستوعب الي سمعو صارت المهمة أصعب عليه حس حالو يأس ضعف
حس كل الدنيي عم بتدور فيه

..................................................

ضلينا ماششين بالحرب الي رسمناها وعم نقاتل بكل قوتنا ضلينا نتقابل بالجامعة من دون علم بابا وصار شادي يبعت ناس لعند بابا حتى يقنعو وبابا يزيد أصرارو وعنادو أكتر خطبني كذا مرة وكل مرة نفس الرد

لمرة كنت عم أحكي معو عالهاتف وحاسستو مانو على بعضو

وسن. حبيبي فيك شي ليش حاسستك مانك عبعضك

شادي. لاء لاء ابداً مافي شي بس تعبت

وسن. ما وعدتني انك ما رح تفقد الأمل

شادي. وانا لساتني عند وعدي

فجأة بابا دخل عغرفتي وباين عملامح وجهو الغضب سحبني من شعري وصار يضربني بكل قوتو كان عم بيصرخ فيني ويرجع يضربني

أبو وسن. عم تشوفي من ورانا يا كلبة انا بفرجيكي

ضل يضربني لحتى فقدت قوتي بين أيديه شلفني عالأرض وصار يصرخ

أبو وسن. انا حذرتك قبل هالمرة بس انتي خنتي ثقتنا وما سمعتي الكلمة مشان هيك رح تخليني أتصرف عطريقتي

طبق الباب بقوة وطلع برا الغرفة بعد شوي فاتت لعندي ماما عم تبكي ضمتني لحضنها وصارت تهديني كنت حاسة بعيونها عم يلوموني كنت عم حس بشعورها

بعدتني عنها أم وسن. ليش عملتي هيك ليييش؟!

مسحتلا دموعها وسن. انا أسفة ماما لا تبكي بترجاكي الله يوفقك لا تبكي

أم وسن. قلتلك لا تلتقي في أبوكي بدو يخطبك لأبن رفيقو لانك ما سمعتي الكلمة

وسن. شوووووو؟!!

كنت بدي أتأكد من الي سمعتو اكيد عم بسمع غلط
حسيت حالي دايخة مجرد التفكير بيقتلني معقول كون خسرت الحرب

صارت تشهق أم وسن. لك قلتلك قلتلك لا تقابلي قلتلك أبوكي ما رح يسكت ليش هيك عملتي ليشش؟

وسن. لا لا مستحيل ما رح وافق ما فيني عيش بلا شادي لاء

أم وسن. حاج بقى حاج أنسي شادي ..شادي مانو من نصيبك أبوكي مصر عالعريس ورح يجي بكرا يشوفك

كانت كلماتها عم توقع متل السم عليي ركضت لعند بابا وصرت بوس أيديه وأشهق

وسن. بابا بترجاك الله يوفقك بعمل الي بدك ياه بس ما بدي أتزوج

أبو وسن. انقلعي من خلقتي انا حذرتك من قبل وانتي ما التزمتي

وسن. بوعدك خلص ما بقى عيدا وادا بدك ما بقى شوف شادي

صرخ بوجهي أبو وسن. عم قلك انقلعي من خلقتي وهالحشرة لا بقى تجيبي أسمو علسانك فهمتي

هزيت براسي وفتت عالغرفة عم بركض فجأة تفجرت كل البراكين الي جواتي فتحت الجرار وانا عم برجف طلعت منو كل شي دوا وصرت أبلعو حبة ورا التانية

اخدت اول حبة وصرت قول بيني وبين حالي انا ما ضعفت وما رح أضعف...
التانية ما رح تخسروني الحرب...
التالتة ولا رح تكسروني...
الرابعة بخسر حياتي ولا بخسر هالحرب...
بعد شوي حسيت الدنيي عم تفتل فيني وفقدت الوعي..

نظن بأننا أقوياء ولا نعلم بأن الأنسحاب هو أشد أنواع الضعف.
#ضجيج_الحب_بقلم_رومانتيكا
#واقعية
الجزء الثالث............

اخدت اول حبة وصرت قول بيني وبين حالي انا ما ضعفت وما رح أضعف...
التانية ما رح تخسروني الحرب...
التالتة ولا رح تكسروني...
الرابعة بخسر حياتي ولا بخسر هالحرب...
بعد شوي حسيت الدنيي عم تفتل فيني وفقدت الوعي.

.............................................

فقت راسي عم يوجعني كتير تطلعت حواليي لقيت أخي جمبي قرب مني وحاول يهديني الي فهمتو انو عملولي غسيل معدة ونفدت هالمرة
نفدت من الموت بس انا فعلياً ادا تجوزت غير شادي بكون عم موت بالدقيقة الف مرة

وسام. ليش عملتي بحالك هيك ليش ؟
بدك تموتي حالك!

صرت أبكي وسن. انا عم بختنق ما بدي اتجوز غير شادي ما بدي

وسام. بس أنتي عم تعصي رب العالمين مبالك هيك رح تنفذي ادا مبالك رح تنفذي بتكوني كتير غلطانة لأنو رح يكون ناطرك عذاب كبير كتير وعذاب الأخرة مو متل عذاب الدنيا

سكت شوي وانا كنت عم بسمعو وسام. رب العالمين هلق عطاكي فرصة لتعيشي وتكفري عن ذنوبك أصحي عحالك واستغلي هالفرصة

حسيت كأنو كلماتو صحتني خلتني اوعى عحالي وكأني كنت مخدرة من الغضب ما كنت حاسة عحالي شو عم أعمل رب العالمين عطاني فرصة ولازم ما ضيعها

بصوت مبحوح وسن. شو بدي أعمل !

وسام. انا بعرفك قوية وما بتستسلمي بسهولة مشان هيك بدي ياكي متل ما بعرفك وانا رح اقنع أبوكي ما بيصير غير الي بدك ياه

قربت منو وضميتو وسن. الله يخليلي ياك

خرجني أخي من المشفى وبلشت رحلة جديدة كل يوم كان شادي يسهر تحت شباك غرفتي ونضل سهرانين مع بعض عضو القمر
اقناع بابا أمر أشبه بالمستحيل كل يوم وسام بيقعد معو وبيحاول يقنعو يوافق على شادي بس بابا لساتو مصر على رأيو ومستحيل يقتنع

لحد ما أجا يوم فاتت لعندي ماما عالغرفة ملبكة وملامح وشها ما بتوحي بخير ابداً

أم وسن. وسن ماما جهزي حالك بسرعة

وسن. خير ماما شوفي!

أم وسن. اجى العريس ليشوفك

فركت أداني وتطلعت

براسو لروح صرت أسرع بخطواتي لبعدت شوي عن الضجة التفتت ورايي لشوف انو ما حدا عم يلاحقني فتحت الجرار حطيتا بشنتايتي ورجعت لعندون

فتنا عالغرفة وهو مو عاطي فرحتو لحدا اما انا مافي داعي أحكي عن وضعي وعن مشاعري بهداك الوقت

حط العشا وصار يتعشى و انا ضليت قاعدة عجنب وما رضيت أكل كنت متوترة كتيير وخايفة من الخطوة الي رح اعملها

بعد ما خلص عشا قرب مني وحط أيدو عوشي صرت حاول بعدو عني وانا عم برجف عم شوفو وحش ما قدرت اتقبل قربو

وسن. بعد عني
عليت صوتي وتطلعت بعيونو. عم قلك بعد عني!

قويت حالي وطلعت السكين من ورا ضهري
وسن. بقتلك وبقتل حالي ادا ما بتبعد

قاسم. هههههه بدي تقتليني انتي قتلي صرصور بالأول بعدين فكري تقتليني

وسن. رح تندم

قرب مني أكتر قاسم. خليني اندم معلش

معد اقدر اتحملو اكتر من هيك ما عم بقدر اتحمل ريحتو غمضت عيوني وغرزتا جواتو من دون ما أتردد.

عندما تموت الذكريات وينقتلُ الحب عندما تختنق الوعود ويصبحُ العشق رماد فحتماً عندها سأكون على قيد الموت.
#ضجيج_الحب_بقلم_رومانتيكا
#واقعية
الجزء الرابع..............

معد اقدر اتحملو اكتر من هيك ما عم بقدر اتحمل ريحتو غمضت عيوني وغرزتا جواتو من دون ما أتردد
غرزتا بكتفو لما صرخ هداك الصوت

قاسم. آخخخخ يا كلبة شو عملتي

سحب السكين من كتفو وسلتت عالأرض كانت رنتها عم تقرع بأدني ما بعرف كيف اجتني القوة
سحبت نفس عميق وتطلعت فيه وعيوني عم تقدح شرار

قمت من مكاني وصرخت بأعلى صوتي وسن. انت الي عملت بحالك هيك انا قلتلك ما بدي ياك قلتلك بكرهك عملت كل شي بقدر عليه لفركش هالجازة وانت كنت تلزق اكتر

حط ايدو عكتفو وكبس عجرحو قاسم. اخخخ يا حقيرة يا كلبة انقلعي من بيتي انتي طالق

وسن. هههههه هههههه لو تركتني من زمان ما كان صار الي صار

قاسم. رح تندمي وحياتك رح تندمي

تركتو ورايي وطبقت الباب بقوة مسكت موبايلي ودقيت لأخي مشان يجي ياخدني

وسام. اهلين يا عروس ليه عم بتدقي بهالوقت

وسن. وسام تعى خدني

وسام. ههههه لوين بدي اخدك

وسن. صاحبك طلقني

وسام. شووووووو؟!
لاتمزحي وسن

قبل ما يحكي شي فصلت الخط بسرعة كنت عم بسمعو عم بيصرخ بس ما رديت عليه بدلت تيابي بسرعة ونطرتو جمب الباب
كان جاي من بعيد ووجهو أحمر وما عم يتفسر

وسام. شو صار؟

وسن. خلينا نمشي

على صوتو اكتر وسام. عم قلك شو صار!

وسن. خلينا نروح عالبيت وبفهمك كل شي

وسام. بعدي من وجهي

مسكتو من ايدو وسن. وسام لا تفوت عم قلك رح تفهم كل شي

شد ايدو مني ودفشني بعصبية وسام. عم قلك بعدي بدي افهم كل شي

فات لجوا بسرعة وشاف قاسم انصدم من الي شافو وفهم كل شي كان بيعرفني قوية بس ما توقع توصل قوتي لهون ما توقع الي شافو
طلع ووجهو ما عم يتفسر سحبني من ايدي وشلفني بالسيارة بعصبية

طول الطريق ضلينا ساكتين بالنسبة لألي كنت مجهزة حالي لكل شي رح يصير بالبيت

سحبني اخي واخدني لعند بابا الي كانت صدمتو لا تقل عن صدمة وسام صريخ وبهادل وكلمة سودتي وشنا علسانون وانا ما عم بنطق ب ولا حرف كنت عم بسمع وسام شو عم يحكي لبابا وانا ساكتة ما عم طالع صوت

وسن. خلصتو!
انا كم مرة قلتلكون ما بدي ياه قلتلكون بقتل حالي ولا بتجوزو كم مرة قلتلكون هالجازة ما رح تتم وانتو ما كنتو تسمعو مني

كانو عيونو عم يقدحو شرار أبو وسن. فضحتينا وسودتي وشنا الله يسود وشك

وسن. بدك تضربني ضربني لانو اصلاً جسمي تمسح عالقتل
بدك تموتني كمان موتني لانو اسهل لألي من هالعيشة الي كنت رح عيشها...عملو فيني الي بدكن ياه وهي انا قدامكون

أبو وسن. انقلعي عغرفتك ولا تفرجيني وشك
لف وشو لناحية ام وسن. لا تخليني شوف خلقتها وانا موجود اكلا بتفوتو لعندا عم تفهو
صار يصرخ. عم تفهموووو

هزت راسها بسرعة وانا تركتهون وفتت عغرفتي بعرف هلق النار شاعلة بس رح تبرد وكل شي رح يصير أحسن
نطرت لحتى الكل نام مسكت موبايلي ودقيت لشادي كنت متأكدة انو ما رح يكون نايم من التفكير فتح الخط بسرعة وكان باين عصوتو الخنقة

شادي. وسن!!

وسن. اي وسن ليش مستغرب!

سكت شوي وكأنو عم يتأكد من الي سمعو شادي. ااانتي منيحة شششو الي صار

وسن. منيحة اشتقتلك كتييير

شادي. أااانتيي

قاطعتو. انا تطلقت من قاسم وهلق عند اهلي

شادي. كييييف!!
هههههههه هههههههه

كان عم يبكي ويضحك بنفس الوقت صرت أبكي معو واشهق
وسن. متل ما عم تسمع ما قلتلك مستحيل أتركك لو بدي موت

شادي. لاء ما عم صدق ليكي فهميني شوي شوي لاني ما عم استوعب
دقيتيلي بليلة عرسك وعم تقوليلي تطلقتي خايف يكون حلم خايف اصحى منو

وسن. وحياتك حقيقة

شادي. ههههههه ليكي فصلي هلق رح قوم غسل وشي وصحصح لأستوعب كيييف هيك صار لانو راسي رح ينفجر من كتر ما كنت مخنوق

فصل الخط وبعد عشر دقايق رجع دقلي طلعت عأسمو ورديت بلهفة
وسن. فكرتك نمت

شادي. فتحي الشباك

فتحت البرداية ولمحتو جاي لعندي تطلعت عمنظري وصرت أضحك
وسن. انت هون

شادي. لاء هناك فتحي الشباك بسرعة

فتحت الشباك ورتكيت عأيدي
وسن. بربي مجنون حدا بيطلع من

البيت بهالوقت
بتعرف شادي كنت متخيلة انو ما بقى نسهر تحت هالشباك

كان عم يطلع بعيوني ومبين عليه قديشو مخنوق
شادي. كييف كان فيني أتخيل انو هالعيون صارو لحدا غيري

وسن. شادييي

شادي. اممم

وسن. ما بدك تعرف شو الي صار

شادي. انا رح أطلع بعيونك وانتي احكيلي

حكيتلو كل القصة وانا عم اختنق من جوا ...
وسن. وهي انا هلق قدامك

شادي. مجنونة بربي مجنونة لك كييف اجتك القوة

وسن. بهديك اللحظة كنت مستعدة خلص عليه ولا خون الوعد الي قطعناه انا وياك

شادي. انا بعشقك يا بنت

صرت افرك بأصابع ايديي واحكي بتوتر وسن. ليك شادي بعرف هلق رح تمرق علينا فترة صعبة شوي واكيد بابا رح ياخد مني الموبايل الأفضل انو معد تجي لهون

شادي. مافي شي بيفرقنا وثقي فيني بعدين انا ما فيني ابعد

وسن. بعرف بعرف بس انا بدي اهلي يقتنعو فيك ما بدي يكرهوك بزيادة خلينا نبعد هالفترة لحتى تبرد النار جواتون وبعدين ما بيصير غير الي كاتبو الله

شادي. اوووف مع انو هالشي صعب عليي بس لنشوف شو اخرتها

رغم الوجع الي جواتي كنت مبسوطة كتير ما توقعت اخلص من قاسم بهالسهولة وما توقعت ارجع لحبي من جديد

وطبعاً صار الشي الي توقعتو صرت أتصبح بقتلة واتمسى بقتلة بابا بيوصلني عباب الجامعة واخي بيرجعني
كنت عم بختنق انا وشادي منشوف بعضنا بالجامعة من بعيد منراقب بعض بصمت ومنضل مكفيين طريقنا

لحد ما اجى يوم وابو شادي جمع كل رفقاتو وراحو لعند بابا ليطلبوني لما خبرني شادي كنت مبسوطة ومتوترة بنفس الوقت

فات بابا عغرفتي وهو عم يسب ويصرخ انقمط قلبي وصرت أرجف من خوفي

أبو وسن. وسن

صرت أرجف وسن. خير بابا

أبو وسن. ليكي وليك عندك خيار من التنين
اما بتنسي لشادي نهائياً وما بقى بدي أسمع اسمو علسانك
او بتوافقي عهداك الكلب وبتنسي انو عندك اهل بغضب عليكي ليوم الدين وبتعتبري حالك بلا اهل

صار يصرخ. فكري ورديلي خبر

خبط الباب بقوة وطلع غمضت عيوني من قوة الضربة
تنهدت بعمق وفتحت عيوني واقعة بسيف بين حدين شادي روحي ادا تركتو بموت من القهر واهلي مستحييل استغني عنهون لانون كل حياتي

قعدت بزاوية الغرفة وصرت أرجف من قهري لييش هيك عم يصير معي ليييش؟!

بعد يومين...
فتحت باب غرفتي وطليت لبرا كنت حاسمة قراري النهائي وكان لازم اتحمل كل العواقب
وقفت ورا مكتب بابا الي كان عاطيني ضهرو وعم بيدخن سيكارة ورا التانية

وسن. بابا

ضل عاطيني ضهرو أبو وسن. شوو قررتي!

غمضت عيوني وحكيت بصوت عم يرجف وسن. اي انا قررت...

وضعني بين سيف ذي حدين وكلاهما سيقتل روحي فكيف لي أن أقدم الموت على الموت!
#ضجيج_الحب_بقلم_رومانتيكا
#واقعية
الجزء الخامس............

وقفت ورا مكتب بابا الي كان عاطيني ضهرو وعم بيدخن سيكارة ورا التانية

وسن. بابا

ضل عاطيني ضهرو أبو وسن. شوو قررتي!

غمضت عيوني وحكيت بصوت عم يرجف وسن. اي انا قررت

لف الكرسي لناحيتي وتطلع فيني أبو وسن. شو قررتي؟!

وسن. انا وافقت على شادي

كانو عيونو عم يقدحو شرار أبو وسن. بتنسي انو عندك اهل واخوة بهالبيت وبعد ما تتجوزي ما بدي شوف خلقتك لا هون ولا بالحارة كلا

وسن. انا قلت رح وافق على شادي بس ما قلت رح اتخلى عنكون

أبو وسن. انقلعي من خلقتي ولا تفرجيني وشك

طلعت من الغرفة بهدوء وتركت ابي عم يدخن سيكارة ورا التانية هو قبل يزوجني شادي ليخلص من حكي الناس بس متأكدة رح يجي يوم ويسامحني ...

....................................
بعد صد ورد وأخد وعطى اجى شادي واهلو لعنا كانت معاملة بابا رسمية لدرجة بس بدو يخلص ومو طايق يطلع بوجهي

اما انا وشادي كنا طايرين من الفرح وما عم نصدق الي صار حددنا موعد العرس بعد تخرج شادي من الجامعة

وبهالاثناء كنا كل يوم نطلع انا وشادي نجهز لبيتنا كنت دائماً التفت للشغلات الي باللون الزهري لأني بعشق هاللون وهالشي كان واضح من عفش بيتي الي كان طاغي عليه اللون الزهري

شادي. حتى ليفة الحمام بدك تجيبيها زهري

وسن. كل شي بدي جيبو زهري

شادي. بس انا ما بحب الزهري

وسن. طالما انا بحبو يعني انت بتحبو لانو انا وانت واحد

شادي. اي شو الشغلة بالغصب
طيب تعي شوفي هي الفازة

وسن. زهري!
شادي. لا ما حزرتي اسود
وسن. ما باخد غير زهري
شادي. وانا ما باخد غير أسود
وسن. طيب ماشي يا شادي رجعني عالبيت بطلت أشتري شي
سحبني من أيدي شادي. لك خلص تعي منشتري التنتين ولا بزعلك
وسن. طيب أمري لألله

طلعنا من المحل عم نضحك عبعض وصلني شادي عالبيت ورجع حط الاغراض ببيتنا

كل العالم كانت تطلع علينا وتشوف الحب الي باين بعيونا كانت أيامي مع شادي من أسعد ايام حياتي

مرت الأيام وتخرج شادي وانا ترفعت عالسنة الرابعة والتهينا بالتحضرات للعرس ماما كانت تساعدني شوي بس بابا ما كان يرضى يحكي معي

.........................................

وأخيييراً تزوجنا وببيت واحد سكنا...
فتنا عبيتنا شابكين أيدين بعض والفرحة باينة بعيونا...
عشقي ألك كان حلم أشبه للمستحيل...
ومعك مافي شي مستحيل...

ما كنت عم صدق الي

صار واخييراً صرنا ببيت واحد

قرب مني وضمني بقوووة وكأنو عم بيحطم سنين البعد كانت انفاسو عم تلفح برقبتي وعم تخليني اتوتر كانت عم تخبرني شقدو مشتقلي خلتني ارجف بين ايديه

شادي. واخييراً صرنا ببيت واحد
انا اشتقتلك كتيير

بتوتر وسن. ههههه واخيراً

شادي. طالعة كتيير حلوة

وسن. شادي لا تخجلني

شادي. بحبك

وسن. وانا كمان

يوم الي جمعني فيك كان احلى يوم بحياتي اسطورة عشقنا صارت واقع ومعك كنت أسعد انثى عوجه الأرض
وطالماً انا عم بعشقك كل يوم ضجيج حبنا ما رح ينتهي بهالكون

.................
فقت تاني نهار الصبح لبلش مشوار جديد لاني ما تعلمت عالخسارة
افطرنا انا وشادي وجهزت حالي ورحت عبيت اهلي

دقيت الباب وانا خايفة من ردة فعل أبي فتحتلي أمي وضمتني بلهفة

أم وسن. وسن كيفك أمي ؟

أبو وسن. مين عالباب يا مرة
تطلع ناحيتي واكتست ملامح وشو الغضب
هي أنتي!

وسن. كيفك بابا

صار يصرخ أبو وسن. كأنك ما عم تفهمي ولا شو!
قلتلك عهالبيت ما الك فوتة افهميها بقى

وسن. ان شاء الله مفكر فيك تمنعي عنكون انا كل يوم رح اجي لهون وما رح اقطعكون

أبو وسن. انتي اكيد عم تجاكريني
تطلع عأم وسن. رويدة فوتي لجوا

طبق الباب بوجهي وتركني وراه عم بختنق وطول الطريق عم فكر شو بدي اعمل قررت اني روح لعندون كل يوم لحتى يسامحني
وفعلاً ضليت شهرين كل يوم روح لعندون ووقف قدام الباب
ضليت شهرين استسمح من ابي ليرضى عني

كان شي صعب كتير بس واخيراً فتحلي الباب وخلاني ادخل
انتصرت حسيت روحي ارتدتلي وكأني ماني عاطية فرحتي لحدا كنت عم بتفتل ببيت اهلي متل الفراشة

نطرت شادي لحتى رجع عالبيت ركضت عليه وحضنتو بقوة

وسن. واخييراً شادي واخيراً

شادي. شوو!

وسن. بابا قبل يفوتني عالبيت

شادي. عنجددد!

وسن. ايي الحمدلله

حملني وصار يدور فيني لحتى فتل راسي

وسن. خلص شادي خلص ههههههه

قعد عالكنباية وخلاني بحضنو
شادي. لقيت شغل بمشفى

وسن. عنجدد هههه الهيئة اليوم في اخبار حلوة كتيير

صار يلعب بخصل شعري شادي. بس في مشكلة

وسن. شو هي!

شادي. انو الشغل بغير محافظة ويمكن نتضطر ننقل من هون

وسن. بس انا ما بدي بعد عن هون اهلي واهلك جامعتي ورفقاتي كيف بدي اترك كل هدول انا مرتاحة هون

شادي. ليكي هالعرض ما بينرفض لانو الراتب كتير كويس وكل اسبوع بجيبك لهون لا تخافي كل ما تشتاقيلون بجيبك

وسن. اووف ياه

شادي. خلص ابو عنتر لا تعصب

مسكت المخدة وضربتو فيها عوجهو وسن. انا ابو عنتر ماشي يا شادي

سحبني من ايدي وضمني لصدرو

اتفقنا انو يروح ويشوف كيف الشغل وادا عجبو الوضع بيأمنلنا بيت وبيجيبني لعندو وبعد أسبوع شادي جهز أمورو وحزم غراضو استعد ليسافر

ضميتو بقوة وسن. رح نشتقلك كتيير

شادي. ههههه مين انتو

وسن. انا وابني

تطلع فيني وكأنو نصدم من الي سمعو شادي. مييين!

وسن. ابنا جود شبك شادي

شادي. انتي حامل

وسن. اييي لكن شو عم بحكي

صار يضحك بهستيريا قرب مني وحملني
شادي. الف مبروك النا

وسن. الله يبارك فيك بس من هلق ها بدي جود يشبهك بكل شي

شادي. وصرتي مقررة اسمو كمان

وسن. هيك شي

شادي. وادا طلع بنت منسميها عسل

وسن. أمري لألله موافقة

ودعت شادي ووعدني يتصل فيني اول ما يوصل ويطمني عليه
صار أخر النهار وما اتصل كنت متوترة كتيير لاني دقيتلو وما رد على موبايلو
يا ريت لو شبعت منك قبل ما تطلع يا ريت لو دفيت ضلوعي من ريحتك قبل ما افقدها ويا ريت لو تنفع هالكلمة بعد ما نخسر...

ليتني أشبعت ضلوعي من رائحتك قبل الرحيل
#ضجيج_الحب_بقلم_رومانتيكا
#واقعية
الجزء السادس.............

صار أخر النهار وما اتصل كنت متوترة كتيير لاني دقيتلو وما رد على موبايلو
يا ريت لو شبعت منك قبل ما تطلع يا ريت لو دفيت ضلوعي من ريحتك قبل ما افقدها ويا ريت لو تنفع هالكلمة بعد ما نخسر..

دقيت لكل اهلي واهلو بس ما حدا عندو خبر عنو

نطرتك كتيير وانا على اعصابي...
كنت متأكدة انك رح ترجعلي لانك وعدتني ما رح تتركني...
نطرت يوم...يومين...تلاتة اجت ايام واجى جود على هالدنيي وانت لسى ما جيت

كنت لساتني عم بنطرك ومستعدة انطر العمر كلو وانت بتعرف هالشي

بهالاثناء كنت قاعدة عند بيت حمايي عم طبطب عجرحون وعم يطبطبو عجروحي
عمي سأل عنو بكل المحافظات وما خلا مكان ما دور فيه ومرت عمي صابتها الجلطة من أثر الزعل

ناس تقول اخدو الجيش وناس تقول مات وناس تقول انقتل شغلات كتيرة ما كان قادر عقلي يستوعبها صابتني حالة انهيار عصبي
فجأة انقتل كل شي جواتي فجأة انقلبت فرحتي لجحيم

ضميت ابني لصدري بلهفة وشوق كنت عم شم ريحتك فيه وعم بتخيلك مكانو ادموعي خانتني وصرت ابكي مع اني وعدتك ما ابكي

دخلو بابا وماما لعندي وكانو حزنانين عوضعي
حملو جود وصارو يطلعو فيه تنيناتون

ام وسن. الله يجعلو من الصالحين

وسن. آمين يا رب

ام وسن. ما بدك تجي لعنا

وسن. ماما انا قاعدة هون ومرتاحة ما بدي يرجع شادي وما يلاقيني تركوني عراحتي

ابو وسن. كييف يعني مرتاحة انتي عندك اهل وما بيصير

تضلي هون

ام وسن. مشان الله يا أمي حاج تحرقيلنا قلبنا كل العالم عم تقول جوزك مات الله يرحمو سلمي امرك لربك وأرضي بالواقع

قاطعتا وسن. ما مات ما مات هو موجود ليش ما عم تفهمو عليي انا حاسة فيه
صرت أشهق. مشان الله لا تجيبو سيرة الموت علسانكون

ابو وسن. طيب ما مات بس ضبي غراضك وغراض ابنك لانك ما رح تضلي هون

قربتني أمي لعندا وصارت تضمني لهديت شوي ام وسن. طولي بالك ...طولي بالك

رحت مع اهلي وبقلبي في غصة وشرخ بروحي ما عم يقتنع انو شادي خلص راح شادي مات...

فتت عغرفتي وفتحت الشباك تطلعت حواليي وانا عم بنطرو ليجي صار الهوا يلفح بوجهي التفتت بكل الاتجاهات وما كنت شوفو
غمضت عيوني وصرت شوف صورتو قدامي كنت عم بسمع صدى صوتو

..........................................

وسن. لما شفتو صرخت بأعلى صوتي وقلتلو ما بدي ياك بكرهك ...بكرهك كتير وما رح أتجوز غير شادي

دمعو عيونو شادي. بربي مجنونة

وسن. الحب بلا جنان مالو طعم

......................................

شادي. انتي ألي وبس وما بسمح لحدا ياخدك مني ومستحيل اتركك تضيعي من أيدي

وسن. وانا بوعدك رح ضل حارب ومستحيل أتركك

..........................................

فتحت عيوني الي متجمع الدمع عليهون
وسن. مستحيل أتركك مستحيييل

اخدت هاتفي وبعتلو رسالة

"شادي يا عمري انا اشتقتلك كتيير انا ناطرتك عند شباك غرفتي ما تنام"

ضليت ناطرة وناطرة غفيت وانا عالشباك وهو ما كان يجي

فقت الصبح والشمس عم تلقي أشعتها بعيوني فتحت موبايلي وسحبت نفس عميق بحزن بقهر ووجع ما رد عليي رجعت بعتلو

"صباح الخير حبيبي رد عليي ضروري انا بحبك"

أيام كتيير كانت تمر على نفس الحال دائماً ابعتلو رسائل دائماً اشكيلو عحالي من بعدو وهو ما كان يرد علييي

أبني كان شبهو بكل شي عيونو حركاتو حتى غمازتو كان اخد من ابو شبه مو طبيعي وكل ما عم يكبر عم يكبر الشبه بيناتون صار عمر جود سنة وما بيعرف أبو غير بالصور

متعلق كتيير بخوالو وبيقول لجدو بابا
كنت بتمنى يشوفو شادي هو وعم يكبر كنت بتمنى يشوف خطواتو الاولى

كنت صافنة بذكرياتي لما اندق الباب عليي كان أخي وسام

وسن. فوت اخي

وسام. اختي ما بدك تطلعي

وسن. وسام ما جاي عباليي

وسام. لأيمتا وسن انا بعرف انك عم تكابري عحالك وما عمتبينيلنا شي بس انا حاسس فيكي انتي عم تدوبي متل الشمعة قدامنا

دمعو عيوني وسن. اخي مخنوقة كتييير اشتقتلو

وسام. بعرف بس الحياة بدا تمشي لازم تهتمي بأبنك تعوضي عن النقص بغياب ابو وتأكدي تماماً لو نصيبك تشوفي رح ترجعي تشوفي

وسن. يا رب

وسام. يالله هلق بدي ياكي تبدلي تيابك وتلبسي جود مشان نطلع مشوار

ابتسمت وسن. ماشيي

وسام. اي هيك ها ضحكي

لبست عالسريع وطلعت لشوف جود دورت عليه بين الغرف ما كنت لاقي التفتت حواليي ما الو اثر فتحت باب البيت كان عم يركض بسرعة

جنيت لما شفتو وصرت الحقو بخوف وانا عم ناديلو صفت سيارة مسرعة غمضت عيوني وصرخت هداك الصوت...

في دستور عشقي ليس هناك رحيل فأن لم تكن بقربي فحتماً أرواحنا ستتعانق.
#ضجيج_الحب_بقلم_رومانتيكا
#واقعية
الجزء السابع والأخيير............

لبست عالسريع وطلعت لشوف جود دورت عليه بين الغرف ما كنت لاقي التفتت حواليي ما الو اثر فتحت باب البيت كان عم يركض بسرعة

جنيت لما شفتو وصرت الحقو بخوف وانا عم ناديلو صفت سيارة جمب باب البيت

حملت ابني وتنهدت بعمق "الحمدلله ما صرلو شي"

ضلت عيوني معلقة عالسيارة الي وقفت جمب الباب حطيت أيدي عتمي وصرت أشهق وصرخ ما كنت عم صدق الي عم شوفو

وسن. ششادي!

صرنا نركض عبعض وضمينا بعض بكل قوتنا كان بدي ينتهي الكون بهاللحظة انا وشادي وابنا جود اتمنيت لو انتهت حكايتنا بهالمكان ولهالحد
ضميتو بقوة وصرت ابكي شبعت ضلوعي بحنيتو وانفاسي تعبت من ريحتو

بعدت من حضنو لأخد نفس وانا عم بشهق وابكي كل الناس عم تطلع فينا واهلي متجمعين حوالينا

شادي. هاد ابنا؟!

هزيت براسي وسن. ايي هاد ابنا جود اشقنالك كتيير

اخدو من ايدي وصار يتفحص ملامحو ضمو لصدرو شادي. وانا كمان اشتقلكون كتيير

صرت اشهق وسن. قلتلون اني حاسة فيك قلتلون انك ما متت بس ما حدا صدقني انت وعدتني ما تتركني وهي وفيت بوعدك

مسحلي دموعي شادي. ما قلتلك لا تبكي

وسن. لييش تركتني ورحت ليييش ما بتعرف انو ما فيني بلاك

شادي. بغصب العني والله بغصب لعني ما بقى اتركون من بعد اليوم

وسن. خلينا نروح عبيتنا

ارتدتلي الحياة برجعتو وبردت روحي ما كنت عاطية فرحتي لحدا نسيت كل شي معو رغم سنتين من الوجع والقهر ببعدو
تغدينا عند اهلي وودعناهون ورحنا كان جود عم يتعلق برقبة جدو ويقلو بابا وكتير زعل لما تركناهون

رحنا عبيت حمايي الي كانو بيعرفو برجعة شادي لانو مرق لعندون قبل قضينا النهار عندون وخبرنا شادي انو كان بالسجن ظلم وتشابه أسماء

سنتين من الوجع والقهر والحرمان بالأخير بيطلع تشابه أسماء فرحانة برجعتو وزعلانة عليه بنفس الوقت كان غير شادي الي بعرفو
وجهو نح