#عدَاوَة_الحُب
#جزءء_12


حلا : ماعرفانة كيف بلش رح دجا هيك ضغري .. جاد وخالتو راما ........

راما : شوفي حلا احكي بقا ..

حلا : خالتو راما انتي قلتيلي عندك ولد ومتوفي صح؟

راما : صح

حلا : اي جاد هو ابنك

جاد : 😳😳😳😳😳

راما : مزحك تئلان بنتي !!!!

خالتها : سمعو شوي خلوني فهمكن اناا ..
وبلشت تشرح القصة وجاد وراما عم يبكو ونظراتهن بتحرق القلب 💔

حلا : احكو شي طيب !!

جاد : حلا بترجاكي بلا مسخرة وكزب بحياة اللي خلئك

راما : كيف وشلون هيك بصير !!

جاد : انا مارح صدق هالمسخرة .. سلام حلا خانم ان شاءالله تكوني انبسطي انك تعبتي نفسيتي واستهزئتي فيني

راما : جاد استنى شوي والله وقت شفتك لهف قلبي مشان الله خلينا نتأكد

جاد بعصبية : فكرك لو طلعت ابنك رح ارجع بوس ايدك واتطلع بعيونك !! لا مافشرتي انتي كبيتيني ومارح اسمحلك ترجعي تعملي هيك .. انا مالي طايئ حدا بهالحياة طلعو من راسي كلكن حاااااج قلبي مات كل يوم مشكلة وموال جديد .. حلا حسابك بعدين منتواجه عملتي عداوة بيناتنا اكبر ليكون بمعلومك

قربت حلا لجنبو ولطشتو كف : لك اوعى ع حالك بقا هي امك انا صرلي شهور عم اشتغل ع هاللحظة .. سماع منها القصة بعدين حكوم .. انت قلتلي زتتك وانت وصغير طيب بتعرف كيف وليش !!لا طبعاً .. سماع منها القصة بعدين احكوم عليها

راما : والله داب قلبي عليك والللللله

مشي جاد وتركهن وهو عم يبكي وموعرفان شو يعمل ..

حلا وخالتها هدوها لراما ووعدتها حلا ترجع تعمل لقاء لحتى راما تشرح لابنها كلشي صار ..

مضت هالليلة من اصعب الليالي عالكل ..
تاني نهار نزلت حلا عالجامعة وبلشت تدور ع جاد بس مالقتو ..
اخدت عنوانو من رفيقو وقررت تروح ع بيت ابوه ..

وفعلاً راحت وصلت .. رنت الجرس
طلعت مرت ابوه وبلشت تعمل تحقيق وسمعتها كلام لحلا بهز البدن وما بينسمع .. بس ضبطت حالها بس لتصل لعند جاد وبعدين بتحاسبها ..

فاتت ع غرفة جاد لقتو نايم بتيابو .. فتحت البرادي والشبابيك
صحي جاد استغرب : انتي !!كيف جيتي وعرفتي بيتي وشو جابك شو عاد بدك مني ماخلصتي قهر فيني

حلا : ليش هيك عيونك متل الجمر .. اوم لنروح عالصيدلية ونجيب قطرة وبدي حاكيك شوي

جاد : حلا مشان الله شو بدك مني انتي .. حدا دافعلك شي لحتى تعملي فيي هيك ؟ بعطيكي دبل يلي عطوكي ياهن بس طلعي من حياتي طلعي ..

حلا : طيب بوعدك بعد عنك وماعاد قرب عليك بس بشرط

جاد : وبشروط كمان ! تفضلي لشوف

حلا : بدي نأعد مع خالتو راما ونفهم كلشي .. وقبل ما تحكي جيب الصورة من ابوك ونشوف ازا في شبه بيناتهن .. وبسس

جاد : حلا مو ناقصك مشان الله .. طلعي من بيتي وروحي من وشي ..

حلا : طيب براحتك ع كل حال نحنا رح نجتمع بنفس المطعم ع 6 ازا بتحب تعرف شوي عن القصة تعا .. مو كرمالي بس كرمال هالمعترة امك ...

جاد : استغفر الله لسا بتقلي امك .. روحي من هون يلا

طلعت حلا وكانت متدايئة من حكي جاد بس حطتلو عزر لانو شغلة مانها سهلة ..

صارت 6 وصار وقت يروحو عالمطع راما وحلا وخالتها .. وحلا وعدتها انو رح يجي جاد ..

مرت ساعة وساعتين وتلاتة ومابين ابدا ..

راما : قلتلكن مارح يجي جاد خلونا نقوم يلا ..

اجا جاد من بعيد وقلا : مبلا اجيت ليكني

راما صارت تبكي وركضت بدها تضمو بس هو صدها ومارضي : انا جاي اعرف الحقيقة وروح

راما : شوهي الصورة يلي بإيدك ؟

جاد : صورتك .. خلينا نقعد ونحكي

حلا غمزة خالتها ليقومو يبعدو ويأعدو ع غير طاولة

حلا : يا الله يا خالتي مين قال انو رح يصير هيك

خالتها : يا سبحان الله شو كريم وعطوف

حلا : شوفي كيف عم تشرحلو وقلبها محروق وعم تبوس ايديه وهو عم يبكي .. ياحرام ياربي دخيلك

خالتها : الله لا يحرم حدا امو يارب .. ليكي كأنو خلصو شوفي شوفي حلاااااااااااااا

حلا عم تبكي : شايفة شايفة كيف عانقو بعض وحملها يا الله ما احلاهن

قامو و قربو لجنب حلا وخالتها ..

جاد : .......

#عدَاوَة_الحُب
#جزء13

قامو وقربو لجنب حلا وخالتها ..

جاد : مابعرف شو احكي والله لساني ارتبط ..

خالتها ل حلا : ولا يهمك ابني المهم هلق انو فهمت كلشي انت

راما : تؤبريني يا حلا لولاكي ماكان صار شي .. وكنت لسا مفكرة ابني ميت وهو مفكرني كبيتو ..

حلا : بعيد الشر ياعمري انتي .. يلا خلينا نمشي خالتي ونتركهن لحالن

جاد : حلااا ..

قاطعتو حلا : منحكي بعدين .. سلام هلق

رجعو عالبيت وحلا فرحانة وحكو لامها ابوها كلشي

امها : يا ربي دخيلك والله بكيتوني ياريت كنت معكن

خالتها : طلع في منها فايدة بنتك 😂 تؤبرني حلوش المحققة

حلا : امي لكون انا متلوووو وخاطفيني من اهلي لاني وحيدة انا 😳 يوه شلون ماخطرتلي

امها : العين يلي تطرئك .. غلطة ونادمة عليها يختشي 😂

حلا : ايه منتواجه يا حنونة بكرا بس لاقي اهلي الحقيقيين تعي ترجيني ارجعلك

امها : وضريب يقص لسانك اومي اندفسي يلا ..

ركدت حلا ع غرفتها دقت لريم وحكتلا كلشي ..

ريم: ياه ماعم صدق

حلا : لا صدقي .. ع قولت خالتي طلع في مني فايدة 😂

ريم : وجاد ما قلك شي ؟

حلا : اجا بدو يحكي قاطعتو وماخليتو يكفي

ريم : العين تطرئك شو فهيمة .. انقلعي ملتقانا بكرا بالجامعة سلام

سكرت حلا لتنام ولا رن الجرس كانت امو لجاد جاية تنام هالليلة ومن بكرا بقررو شو يعملو ..

وقبل ما تنام فتحت فيس عم تتصفح ولا اجتها مسج من جاد

جاد : شتقتلك ❤️

حلا : هه بلا ! الصبح كنت عم تقلي ماعاد بدك تشوف وجهي ومو طايئني !

جاد : بحبك ❤️

حلا خجلت وانصدمت ماعرفت ترد : __

جاد : احكي شي ؟

حلا : __

جاد : طيب بشوفك بالجامعة بكرا

حلا : مادخلك مافيك تتحكم فيني ازا اجي ولا لا

جاد : هههههههههه ام لسان .. بتعرفي تردحي اما تردي ع الحكي الحلو ابداااً

حلا : __

جاد : بشوفك بكرا .. سلام يامجنونة

حلا : انت المجنون .. الله معك

سكرت وضلت تفكر بكلام جاد ..
معقول بحبني !ليش لهلق اعترف .. ولا ليكون عم يقلي هيك لاني لقيت امو !! اييييييه شو بعرفني يصطفل وبكرا مالي نازلة عالجامعة مادخلو فيني

تاني يوم الصبح نزل جاد عالجامعة وبلش يدور ع حلا
وطبعاً ام راس يابس مانزلت ..
قرر ياخد باقة ورد ويروح بيت اهل حلا مشان يشوف امو ويشوف حلا المجنونة ..

ع الساعة 2 فاتت ام حلا عم تفيق حلا عم تقلا جاية جاد

صحصحت وبحلقت بامها : جاد ابن خالة راما جاية ؟

امها : لا اخوكي يلي من امك وابوكي الحئيئين 😒 اومي يلا غسلي وجهك وحضري الفطور

حلا : لك يييي نسيت قلك بدي شوف ريم اليوم .. ايمة البس وانزل بسرعة " طبعاً كزابة بس مشان جاد ما يشوفها "

لبست وطلعت قبل مايجي جاد وراحت لعند ريم ..

بهالاثناء وصل جاد لعند اهلها ..وفطرو وخلصو ..

جاد : وينها حلا امي

راما : تؤبرني هالكلمة من تمك ما احلاها راحت لعند رفيقتها يمكن

جاد ضحك وبينو وبين نفسو " هربي لشوف وبعدين معك "
اي يلا كلو خير والله حبيت اتشكرها وجبتلا باقة هالورد

راما : اي والله مارح نعرف نجازيها ع ربع يلي عملتو معنا .. الله يسعدا ويبعتلا ابن الحلال يلي يسعدا والله بتستاهل

امها: تؤبشيني ام جاد .. وتفرحي بهالشبيب الحليوة يارب ..

جاد : امي انا رح اترك البيت لابي ومادخلو فيني

راما : الله يرضا عليك لا تغضبو بضل ابوكي

جاد : يا الله يا امي ليش مالو متلك .. هو كان دايماً يكرهني فيكي

وحكو شوي وقرر جاد يدور ع بيت لامو وجوزا واختو ... لانو جوزها اصلاً شغلو الاساسي بالشام .. بس مقيمين باللادقية ع طلب راما

رجعت حلا بوقت متأخر وكان جاد رايح .. شافت باقة الورد ع الطاولة قربت لقت عالكرت " شكراً ع كلشي حلا خانم "
حلا : اكيد منو لجاد هيييي .. مسكتا بدا تكبها بزبالة بس في شي منعها .. حطتها بمي واخدتها ع غرفتها

تاني يوم جهزت حالا وبدا تنزل عالجامعة ..
فاتت من باب الجامعة لقت جاد عم يتخانق مع بنت وعم يناديها باسمها يلي هو ........

______________

#عدَاوَة_الحُب
#جزء2
@rwayate
ريم : بسرعة احكي نطف قلبي

حلا : شفتي هداك الشب اللئيم العصبي الشايف حالو الغليظ النمرود ابو زورة .. المهم مابدي احكي عنو

ريم : اها كل هاد وماحكيتي .. طيب كملي شبوو

حلا : تشاكلت معو اليوم 😈

ريم : شووووووو ؟؟

حلا : اي والله .. انا وماشية تزورني وانا تزورتو واجا لجنبي وتخانقنا 😂

ريم : يخربيتك من حالك شو مجنونة لك شو بدك فيه لهالزلمة تركيه عوفي امووو

حلا : والله لجننو وخليه يعصب ع شي محرز مو ع شي فاضي 😒

ريم : الله لا يوفقك انتي بدك تجننيني بالجامعة مافي مجال .. ليكي انا مادخلني بأي شي بصير هااا

حلا : خلص انتي خليكي ع جنب ومادخلك .. وبكرا شوفي شو رح ساوي فيه

مضا هالنهار وحلا عم تفكر كيف تكسرلو هالغرور والعصبية تبعو ..
فاقت تاني يوم ولبست وجهزت حالا لتنزل ع الجامعة .. اجت ريم اخدتها وراحو وهنن عالطريق ..
حلا : علينا محضارات مهمة اليوم ؟

ريم : اي في محاضرة مهمة كتير والتانية عادي

حلا : ماشي .. بحضر المهمة والتانية بتشرحيلي ياها متل هديك مبارح

وصلو عالجامعة اعدو شوي بالكافيه .. وراحو عالمحاضرة ..
حضرتها وكانت شوي مركزة شوي عقلا مو معا..

الدكتور : حلااا ركزي معنا كتير مهمين هالمعلوماات

حلا : اوكك .. دكتور عدلي شرح هي المعلومة ما فهمتا

حضرتها وحاولت تفهم منها لو شي بسيط " طبعها بتحفظ من الدكتور ومابتحب تدرس بالبيت "

طلعو وكان بقيان ربع ساعة للمحاضرة يلي

بعداا

حلا : ليكي فهمي كلشي منيح لانو بتعرفيني ما بحب افهم شي عالماشي

ريم : يعني لساكي معاندة انك تتمشكلي معو ؟

حلا : اييه خليني اتسلا شوي وانسا خالد 😞

ريم : المشاكل تسلاية لانو ماا .. تستفلي مادخلني بأي مشكلة بتصيرر انا رايحة سلااام

حلا : الله معكك ليكو اعد هنيك ايمة بلش افتعال مشاكل 😂
فزت عم تمشي وماسكة جوالها وع اساس عم تتخانق مع حبيبها
اصلا اصلا كلكن هيك الرجااال خاينين ومابتفهمو من اصغر حدا لاكبر حدا .. بتندار ع جاد بتقلو وانت اولهن هه 😏 وبتمشي

جاد : لااا هيي مو مصلية عالنبي بدها تفوت بمشكلة وموعرفانة كيف ..رح طنشها وشوف شو اخرتها

حلا : لك معقول ما عصبتو ولا انهز اصلا مافي احساس بالنائص منو هو التاني بس بدي ارجع اعمل مشكلة معو 😡
بترجع بتمر من جنبو بكل ثقة ورافعة راسها للسما وعم تزبط شعرها ولا بتوقع عالارض

جاد : هههههههههههههههههههه الله كبير

حلا : ضحكة بلا سنان الاهي يقطع عمرك

جاد تغيرت ملامح وجهو لتعصيب وقرب منها : اخر مرة بقلك التزمي حدودك " وشدها من ايدها واومها من الارض "

حلا : مين قلك بدي مساعدتك تروك ايدي فشرت تلمسني

جاد : ع اساس قاتل حالي .. روحي من وجهي يلا

حلا : اصلا كلكن هيك ما بتفهموو .. بتشووف

جاد : اصلا وانتو كلكن هيك مجنين .. بتشوفي وتركها ومشي

حلا : والله لخليك تندم بتشوووف .. " ركدت عليه وقعتو عالارض 😈 "

جاد : لك مجنونة مجنوووونة انتي بتعملي معي هيكك !! عم تلعبي بعداد عمرك

حلا : دخلك .. المهم موت وانا مرتاحة وكون قاهرة واحد من جنس ادم

جاد : اها هلق فهمت عندك عقدة و بدك تقهري جنس ادم وطلعت انا بوجهك !

حلا : وزكي ماشالله

جاد : اممم معناها تفكيرنا واحد .. وانا بكرهكن كلكن

حلا و جاد : والله لموتك قهرر

جاد : انا الي رح موتك

حلا : هه لنشوووف سلام ..

رجعت عالبيت وهي عم تفكر ب جاد وبحكيو وبدا تلاقي طريقة لتقهرووو
وجاد عم يفكر متلها وعم يدور ع اي طريقة ..

#عدَاوَة_الحُب
#جزء3
@rwayate
رجعت عالبيت وهي عم تفكر ب جاد وبحكيو وبدا تلاقي طريقة لتقهرووو
وجاد عم يفكر متلها وعم يدور ع اي طريقة ..

ومن جهة خالد فينا نقول نسيتو نوعاً ما بعد ماعم تتمشكل مع جاد

بتدقلا ريم : كيفك يا مشكلجية

حلا : ههه تمام كيفك انتي

ريم : تمام احكيلي شو صار معك بالتفصيل يلاااا

حلا : يا ستي .... وهي كلشي صار

ريم : يخربيتك من حالك 😳

حلا : لك امانة لاقيلي طريقة لطئئووووو

ريم : اممم طيب ستني لفكر .. اي لقيتااااااااا

حلا : امانة .. قولي بسرعةةة

ريم : الخطة هي ....

حلا : يحرء مخك شو شيطاني اي تمام حبيتاااا الفكرة

ريم : ليكي انا مادخلني بشي هاا مجرد فكرة وبسس

حلا : لك فهمت حلص روحي لبلش دورها بعقليي سلااام

وهون بلش مخ حلا ياخد ويعطي وعم تفكر شلون تنفز الخطة ..
غفلت من كتر التفكير فاقت ع دوامها وجهزت حالا ونزلت
وصلت عالجامعة كان اعد هو ورفيقوو وعم يتزور العالم

حلا : بس لو تبطل هالزورة والتعصيب لكن بتشلل .. دخلك انا كل يلي بدي ياه اني جننك شوي ..

فاتت بكل ثقة وهي ماشية بتسمعو عم يقلا : انتبهي ما يصرلك متل مبارح هههههههه

حلا : مافشرت هه " وهي عم تحكي وقعت بس ضفري استلقاها جاد "

جاد : بس ليوم واحد تبطلي هالعلاك وتشوفي ادامك مالي مجبور كل ساعة والتانية انا انقذك

حلا : مادخلك ماعاد تقرب عليي احسلك هاا

جاد : لو ماساعدتك كانت طارت واجهة وجهك كلها 😏

حلا : طيب ماشي شكراً الك

جاد : لا والله طلعتي مذوقة مابكِ شي 😂 ليكي لا عاد تطلعي بوجهي بكرهككك

حلا : مارح ناقشكك وماعاد اطلع بوجهك سلام .. بتمشي وبتتركوو

جاد فرح شوي انو قسي معا بالكلام وزتلها حكي

مشيت حلا وهي عم تحكي مع حالا : والله لتشوف ياحلو يامغرور لساتنا بأول الطريئ ..

راحت ع محاضراتها ورجعت عالبيت وعم تفكر بجاد وبكلمتو " ليكي لا عاد تطلعي بوجهي بكرهكك "

وحبت تبلش بخطتا من بكرا ..
فاقت الصبح عم صوت بكة امها ركضت لتعرف شوفي ..

حلا : شوفي امي ليش عم تبكي

#عدَاوَة_الحُب
#جزء4

فاقت الصبح عم صوت بكة امها ركضت لتعرف شوفي ..

حلا : شوفي امي ليش عم تبكي

امها : زوج خالتك توفى

حلا : شو عم تحكي انتي امييي عم تمزحي

امها : لك كيف عم امزح ليش هيك قصص فيها مزح !!!

حلا عم تبكي : الله يرحمو .. خلينا نطلع عند خالتي بتكون تعبانة كتير

امها : اي هو هيك قلي ابوكي نجهز حالنا لنطلع

جهزو حالهن يطلعو عاللاذقية .. دقت لريم وقالتلا شو صار و تفهم كل المحاضرات مشان تفهمها ياهن ..

منروح لجاد والجامعة .. تعود تجي حلا كل يوم ع 8 نطرها لل 10 بس ماكانت تجي ..
جاد : هههه خافت من تهديدي تبع مبارح يلا بالناقص مشكلة معها اليوم ..

يزن : شو شريك شايفك عم تضحك خير ليش

جاد : لا ولا شي هيك تزكرت شغلة مالها طعمة

يزن : شغلة مالها طعمة ولا هديك البنت 🤔

جاد : يخربيتك
شو فضيحة خراااس

يزن : اي خرست خرست ولي عليك شو عصبي

مضو كم ساعة ووصلو اهل حلا عاللاذقية ..
راحو ع بيت خالتها .. قعدو كم يوم مشان خالتها وعم يواسووها بمصبيتها كبيرة ..

ومن جهة جاد استفئد لحلا بس مابيعرف عنا شي ابدااااً ولا حتى بيعرف ريم لانو فترة معرفتو بحلا ماكان يلمحها مع حداا .. وحلا ماراح من بالها جاد

حلا : خالتي بدك تنزلي معنا عالشام وولا كلمة ولا اي اعتراض

خالتها : لا خالتي الله يرضى عليكي بعدين انا بالعدة ومابحسن اطلع

امها : اي صح حرام مابجوز تطلع .. مجرد ما خلصتي العدة بدك تجي لعندي وبتعرفي عندي غرفة زيادة

خالتها : اي شو بدي ساوي هون لحالي ومالي حدا

حلا : ياتؤبريني لحالك بدك تضلي والله لولا جامعتي لضل عندك

خالتها : لا يوه انا مابرضى بدي ياكي تتخرجي وتملي عيوني وافتخر فيكي

حلا : بوعدك كل جمعتين اجي لعندك ونام

امها : يلا اومي ضبي غراضك لانو شوي وبدنا نتيسر

بلشو يضبو غراضهن ويجهزو ليرجعوو عالشّاام ..

اول ماوصلت خبرت ريم
ريم : بدي اجي هلق مشتاقتلكككك كتييييير

حلا : تؤبريني تعي عم استناكي

اجت لعندا وبلشت تحكيلا كيف قضت ايامها
ريم : وجااد شو وضعوو

حلا : شو جاب سيرتووو .. بس بتعرفي شوو

ريم : شوو!

حلا: والله ماراح من بالي واشتقت لمنائرتي معو 😂

ريم : رح تضلي مستمرة بالمشاكل يعني ؟

حلا : حسب هو ازا خلص بطل يجاكرني .. ماعاد قرب واعمل مشاكل

ريم : اي يارب ماعاد يقرب لكن .. بكرا نازلة موو ؟

حلا اي لكن حاااجةةة .. بدي ياكي تخصصّي يومين مشان تشرحيلي يلي راح عليي 😞

ريم : اي خلص من عيوني ووئت ننزل عالكافيه بحاول اشرحلك لنستغل الوقت شوي ؛ صحي كتير متغيرة وسواد تحت عيونك
ليش هيك

حلا: من البسط يلي كنت فيه .. خليها ع الله

خلص النهار وضلت ريم نايمة عند حلا .. فاقو الصبح وجهزو حالهن لينزلو عالجامعة ..

وكان جاد عم يدور بعيونو ل يلمح حلا وكانت هي شغلتو طول الايام يلي غابتهن ..

وهون فاتت هي وحلا عم يركضو ليلحقو المحاضرة قبل ما الدكتور يئلعهن

وكالعادة وهي عم تركد تفركشت لقت جاد سندها بإيدوو وقلا : ....

#عدَاوَة_الحُب
#جزء5
وكالعادة وهي عم تركد تفركشت لقت جاد سندها بإيدوو وقلا : انتبهيييييي للمرة المليون بقلك انتبهي

حلا : لك بعد خليني لحئ المحاضرة "وكانت ريم شاحطة بالركد ومالها منتبهة لحلا "

جاد : اي روحي هي بعدت عنك يلااا

بتروح ركد بس ما بتلحئ لانو الدكتور بقلعها .. 🙁

بتروح تقعد بالكافيه وهي متدايئة انو راحت عليها المحاضرة

حلا : هفف يعني بعد كل هالغيبة يقلعني طعمرو شو سئيل

بيجي من وراها وبحط ايدو ع كتفا جاد : شتقتلك بعد زمااان

بتتفاجأ حلا : شووو شو بدك مني انتَ !!

بيقعد مقابيلا جاد : مابدي شي بس هيك شتقتلك 😌 ؛ لو سمحت تنين قهوة سادة

حلا : استغفر الله ياربي اخي حلّ عنيي مو ناقصني بلاوي جديدة

جاد : اممم طيب بس رح اسألك سؤال وجاوبي عليه وبوعدك اختفي من وجهك

حلا : تفضل لشوووف

جاد : انت ماعاد اجيتي عالجامعة بسببي وقت قلتلك ماعاد بدي شوفك ؟؟

حلا: ههههه ضحكتني ومالي نفس اضحك .. انت وين وانا وين

جاد: طيب شو سبب غيابك كل هالفترة ؟

حلا: شو دخلك شو رأيك تجي تحاسبني كمان وين بروح ووين بجي شه ع هيك عالم

جاد : لا تغلطي ماحكيت شي بس كنت بدي اعرف سبب غيابك 😒

حلا : طيب رح قلك بس اختفي من وجهي .. توفى زوج خالتي وهي باللادقية وطلعنا لعندا وهاد كلشي

جاد : امم الله يرحمو والعمر الك .. وهلق بدي روح سلاام

حلا : واخيرااا .. سلاام الله معك الله يسرلك وماعاد تطلع بوجهي

بعد ماراح ضلت عم تستنا لتجي ريم وحكتلا كلشي

ريم : اي والخطة مارح تبلشي فيها !

حلا: لاا خلص ماعاد يطلع بوجهي 😂

ريم : اي يلا منيح حاج مشاكل .. لك صحيح دريتي !

حلا : شوفي ؟

ريم : عاملين حفلة تنكرية طلاب الجامعة ودعوة مفتوحة 😍 بدنا نرووووح هاا

حلا : لالا ماخرجي هيك مشوير

ريم : سكتي وبدنا نروح منتسلى ومنغير جوو

حلا : لك زوج خالتي ماصرلو متوفي جمعتين وضريب

ريم : اي مارح تعرف خالتك وانا بحاكي امك بقنعها

حلا : عيب يابنت مابصير وامي مارح تقتنع انا بعرفا

ريم : تركيها عليي وبتشوفي كيف خليها تقتنع اومي نروح عالبيت لنبلش خطتنا بس انتي ما بتحكي ولا حرف هااا

بروحو ع بيت حلا وبتبلش خطتا ريم
ريم : خالتوو بدي قلك شي ع انفراد

امها : خير بنتي شوفي اومي ع غرفتي لشوف

ريم : خالتي وضع حلا مو عاجبني كتير مكتئبة وبجوز تصل لشي ما منتوقعووو

امها : يوه بعيد الشر كش برا وبعيد .. طيب شو طالع بإيدي اعمل

ريم : في شغلة بتحسن منها شوييي .. ليكي بكرا عطلة ف عاملين حفلة بالجامعة وهيك

امها : بس يابنتي زوج خالتها مالو جمعتين عيب مشان خالتها

ريم : بعرف خالتي عيب بس كمان هي تمرض اكتر!! ومارح تعرف اختك

امها : طيب طيب خلص روحوو

ريم : بس ماعم تقتنع معي بدي انتي تقليلا مشي عالصالون لنحكيّها

طلعو عالصالون وبلشو يتغامزو ريم وحلا فهمت حلا انو امها قبلت
امها : حلا تؤبريني قال في حفلة بكرا

حلا : اي صح ماما بس مالي رايحة ابداااا مشان خالتي

امها : مارح تعرف روحي وغيري جو تؤبري ئلبي طلعي من هالحال يلي انتيِ فيه

خافت تغييّر رأيها امها حلا : اكيد انتي رضيانة ؟

امها : اي امي روحي وتسلي

نجحت الخطة وبلشو تجهيزات حلا وريم كلشي بخص طلتهن بكرا ..

فاقو من بكير نزلو عالسوق كملو يلي ناقصهن و جهزو حالهن راحو عالصالون وبلشو شعر ومنكير ومكياج وهالشغلات الانثوية 😍

صارت 7 ورح تبلش الحفلة .. وصلو عالصالة وكان كتير في طلاب غيرهن ..
ريم : يااخ بتجنن الصالة 😍 وهي من برا كيف القاعة الجوانية

الكرسون : لو سمحتو حطو هالاقنعة ودخلو لجوا

حلا : ضروري كتير يعني

ريم : يلا حطي من تم ساكت 😒

حطو اقنعة ودخلو لجوا وكانت فوق الخيال والاحلى الاضوية ملونة وماحدا بيعرف حدا ...

ريم : انا رايحة سلم ع ماريا وماسة تعي معي

حلا : لا دخيلك بتعرفيني ما بحبن روحي وانا رح وقف هنيك

ضلت واقفة عم تنطر ريم .. لحد ما اجا حدا ووقف جنبها وقلا : شو هالحلااااااااااااا ياعفووووووو الله

_______________

#عدَاوَة_الحُب
#جزء6
@rwayate
ضلت واقفة عم تنطر ريم لحد ما اجا حدا ووقف جنبها وقلا : شو هالحلااااااااااااا ياعفو الله

ندارت حلا : هههه قصي ولك حتى انت هون لك كيف عرفتني

قصي : هههه وهل يخفى القمرر !! بتششلّي

حلا : انتَ البتشل لك مامبين انك انت بهالقناع 😂

قصي : اي احسن مشان جنن هالصبايا شوي

حلا : اي يلا روح باشررر من هلق يلا

قصي : يلا .. راجعلك سلاام

حلا : سلام .. اندارت بدها تنادي لريم رجعت سمعت صوت

.. : بتجننيّي

حلا : ولك قصي حاج ولاه روح بلش شغلك

.. : مين قصي !!

حلا اندارت لتشوف مين : انتَ مين

.. : بتسمحيلي برقصة

حلا : ماسمعت علي صوتكك

.. : سمحيلي بهالرقصة

حلا : مو لاعرف مين !!

.. : مابهم خلينا نرقص ولحالك بتعرفي مين بعدين

حلا : معجب مجهول ههه طيب تفضل

ببلشو رقص وهي جانة وعم ترقص ومالها شايفة حدا قدامها.. وهي مدموجة طلعت غنية رومنسية

.. : بتسمحيلي بهالرقصة كمان

حلا : كمان ! ههه طيب لنشوف واخرتها

.. : عيونك حلوين

حلا : متل عيونك .. بحلقت فيهن قالتلتو انتَ !! ودفشتو عنها

قربها جاد : اي انا عيب تعملي هيك خلصي الرقصة ونزلي

حلا : ما قلتلك لا عاد تطلع بوجهي !

جاد : اممم مفكرتيني متلك ؟

حلا : انتَ شو بدك مني ؟ يا اخي حلّ عني

جاد : معقول ما عرفتيني من عيوني من الاول ؟؟ اه صحي نسيت عرفك عني لهلق جاد اسمي جااد الشامي مو انتَ يعني الي اسم

حلا : مين انتَ لاحفظ عيونك واسمك واعرفك اصلاً .. بعد من طريئي مشان الله

جاد : مو قبل ما جننك .. وبس لجننك لخليكي تتفركشي بحبي وتركدي ورايي بوعدك

حلا : هههههههه حلم ابلس بالجنة مفكرني متل اي بنت رخيصة ولا متل حبيبتك يلي متعقد منها ع ما اظن ..

جاد اتطلع فيها وبعد عنها بدون ما يحكي ولاكلمة .. وطلع برا الصالة

حلا : شبو هاد !! معقول كلامي مزبوط .. بدي اتأكد وشوف شو عقدتو هاد

راحت لعند ريم وقالتلا : انا رايحة عالبيت تعبت كتيير سلام

ريم : لك ويييين .. وماكملت كلامها الا كانت حلا طالعة وراجعة عالبيت ..

رجعت غيرت تيابها وبلشت تفكر شو بدا تعمل لحتى تعرف شي عنوو خطرتلها فكرة
حلا : اي والله بجوز اعرف شي لبلش .. وين اللاب

فتحت صفحتها الفيس وبلشت تبحبش بهالفيس ع اسموو يلي انتسخ نسخ بذاكرتها
" #جاد_الشّامي "
حلا : ايي فيه مية اسم 🤔 .. المهم رح اعرفو من صفحتو وبعدين بتبين من صورتو الشخصية

وبلشت تبحبش لحتى لقت صفحتوو : ييه واخيييراً لنشوف هالسر يلي مخبيه
فصفصتها لصفحتو بكل بوست مين عامل لايك وكومنت وشو علاقتو مع كل شخص ..
ونزلت بصفحتو ل 2011 لقت ناشر بوست" أعشقها حين تناديني مجنوني لتزداد رغبتي بالجنون في عينّيها " وشافت التاغ ل بنت اسمها رنا
حلا : هي هية معناها .. لنفوت عصفحتها ونشوف
فاتت ع صغحتها لقت مخطوبة والكل عم يباركلها ..
ايوا ايوا هلق فهمت كلششششي يخربيتا من حالا او شو دخلا معقول هو الغلطان ؟ والله لضل ورا هالموضوع واستكشف

ضلت سهرانة لحتى ما ضل بوست يعتب عليها😂😂
وغفلت

فاقت اليوم تاني جهزت حالا ونزلت ..
دورت عليه بس ما لقتو ..
حلا : وينو هاد يلا بجوز ما وصل لسا رح احضر المحاضرة ولكل حادث حديث ..

ضلت تنطر لحتى تلمحو بس للاسف مابيّن ابداً
تاني يوم وتالت يوم وما بينلّو اثر
شه وينو هاد 🤐 مالي غير حاكي عالفيس 🤔

فعلاً بتبعتلو : مسا الخير
جاد كان متجاهل كل الرسايل يلي عم تجيه ومابدو يحكي حدا ..
ضلت تبعتلو
جاااد
يسعد مساك
ج ا د
رد عليي
بعرف انك فاتح بس مابدك تقرأ وترد

جاد : مين هاد يلي عم تبعت وشو بدو مني
فتح صفحتها عرفها من صورها
معقووووول هي 😱
ردلا : هلا مين معي
حلا : ماشفت صورتي مثلاااً
جاد : اسمك حلا ؟
حلا : لا جعفر

.. كيفك ؟
جاد : تمام وانتي
حلا : الحمدلله .. وين غايب عن الجامعة صررلك كم يوم ؟
جاد : اممم هيك .. وبعدين حيرتيني ع اساس ماعاد بدك تشوفي وجهي !!
حلا : مو ع اساس انتَ مو متلي .. بلشت تخاف مني مهههه
جاد : مالي رايق لغلاظتك .. وبعدين كيف عرفتي اسمي لا و ع الفيس كمان ؟
حلا : انتَ بالحفلة قلتلي اسمك #جاد_الشّامي
جاد : ايوا اي تذكرت ..
حلا : ليك جاد
جاد : اي قليلي
حلا : اسفة
جاد : ع شوو ؟
حلا : بعرف نهار الحفلة خبصت شوي بعتذر .. وهلق تصبح ع خير سلام
جاد : عادي ولا يهمك متعود ع هيك شغلات .. هربي .. تلاقي الخير ..
حلا : ماعم اهرب .. لا تخبص بالكلام اصلا كلكن هيك انتو #ما_بتفهو سلام
جاد : انننن اصلا وانتو كلكن هيك #مجنين سلام

انتهت المحادثة بخناق كالعادة ..
حلا : يعني اجيت لكحلا امت عميتها هفف ..

جاد : لك اجت حاكتني وهيك بقلا غبي ..

#عدَاوَة_الحُب
#جزء7
@rwayate
مضت هالليلة وهننّ عم يفكرو ببعض ..

تاني يوم صحيت ع رنة المنبه حلا : ماشفت حدا مزعج متلك يا هالمنبه هفف
اجت امها : صباحو حبيبتي يلا قومي نفطر
حلا : يلا عمري جاية ..

جهزت حالها و شكلست امورها 😂 وفطرت ونزلت ..
فاتت عالجامعة وبلشت تدور بعيونها من مطرح لمطرح
حلا : شكلو حتى اليوم مالو جاية هفف

مر من جنبها جاد : لا اجيت .. كيفك

مصدومة حلا : اه اي مين قلك عم دور عليك

جاد : طيب انسي .. كيفك ؟
حلا : ماشي حالي وانت ؟
جاد : تمام ماشي حالي .. صحي شكرا ع سؤالك علييّ
حلا : عفواً .. بس ماتفكر حالك اني قاتلة حالي عليك ها
جاد : هههه لا مارح فكر بس لو ليوم ما تناقري فيني مابتخسري شي
حلا : اننن .. مادخلك يلا بعدلي بدي روح عالكافيه استنى رفيقتي
جاد : امم حلو يلا مشي معي لانو انا كمان بدي روح استنى رفيقي
لقتها فرصة لحتى تعرف لو شوي عن حياتو : اوك بس هالمرة مشان ما ملّ
جاد : هههه فظااااعة .. طيب مشي

اعدو بالكافيتريا وطلبو قهوة وبلش الحديث
حلا : معلش اسأل سؤال ؟
جاد : تفضلي لشوف
حلا : اي لا تحاكيني هيك .. المهم ليش بتكره البنات ؟
جاد : لانو كلكن خاينين ومجنين
حلا : هلق كل اصبيعك متل بعضا ؟ يعني مثلا اكيد متعرض لشي حادثة خيانة لحتى كرهتك بالبنات ! مثلا خيانة حبيبة او ماشابه
جاد : اممم فيكي تقولي هيك شي
حلا : حبيبتك خانتك ؟
جاد : بفضل ما نحكي بهالموضوع .. وانتي ليش بلا بتكرهينا ؟
حلا : طيب رح احكيلك وكون احسن منك .. هاد ياسيدي كنت حب واحد بجنون يعني حسو اوكسجيني وكل دنيتي واجت ظروف واجبرتو يسافر وطبعاً بعد ما سافر بلش الاخ يفلت وهيك لحتى اكتشفت انو خطب وحدة وكان اخر فترة كتير يعملّي مشاكل وخناق ع طول مشان يطفشني .. وهيك
جاد : وبعدك بتحبيه ؟
حلا : احياناً بتمنالو الموت واحياناً بحنلو وبشتقلو بحس اني بعشقو .. يعني عواطف مشلخة ومخربطة
جاد : وماحاولتي تردي تحاكيه ؟
حلا : لكن .. كتير وحاولت وقع بينو وبين خطيبتو بس كان بيعشق الارض يلي بتمشي عليها وهددّني انو يخبر امي وابي .. وهيك انسحبت وخلص بدي اتأقلم ع حياتي بدونو
جاد : الله يهدي بالك يارب بس نصيحة خلص انسيه متل ما باعك بيعيه والله بعوضك بالاحسن .. شو رأيك نقوم ؟
حلا : عم تتهرب مشان ماتحكيلي قصتك ماهيك ؟
جاد : يمكن هيك شي .. ومابدي اتزكرها لان ..
حلا : احكيلي بجوز ترتاح وفيدك
جاد : ماعليكي محاضارات ؟
حلا : مامهم .. تشوقت اعرف ليش بتكرهنا 😂
جاد : طيب .. مع انو ما بحكي لمخلوق عن الشي يلي صاير ..
انا كنت حب وحدة يمكن اكتر من حبك لحبيبك السابق
كانت كلشششي بحياتي وقفت معي عالمرة قبل الحلوة
نستني حياتي الجحيم يلي عايش فيها انا .. وكانت الي ام اب اخت وحبيبة واكتر .. لحتى اجا يوم بلشت تبعد وماعادت تسأل عليي ومرئت عليي ايام كنت بأمس الحاجة الها وهي ماكانت
حلا : وينها ؟
جاد : كانت عم تجهز لعرسها .. ههههه وانا متل الاجدب عم حاكيها واترجها تحاكيني .. اخر مرة دقيتلا كتير كتير ما كانت ترد .. لحتى رد عليي شب قلي انا خطيبها وانت عم تزعج حبيبي ومالو عرفان بعلاقتنا شي
حلا : عنجد عم تحكي !!!
جاد : هههه لا مزح .. اي وبعد هيك صرت بكرهكن كلكن وماعاد سدق ايّ بنت بحياتي وكل البنات كزابين وخاينين
حلا : مابصير تحكي هيك .. يعني امك واختك مو بنات !!
جاد : هههههههههههههههههههههههههههههههههههههههه وربي ضحكتيني
حلا : يييييه ! شو هالضحكة 😒
جاد : مو ليكون عندي ام ولا أخت
سكتت وماعرفت شو تقلو حلا : كيف يعني .. اكيد عندك ام لكن كيف جيت ع هالدنية !!
جاد : اومي اومي نروح مارح تفهمي عليي ....... لو ضليت عم احكي من هون لالف سنة
حلا : طيب مارح اجبرك اكتر تحكي بس ايمت مابدك تحكي انا جاهزة اسمعك وصار عندي فضول اعرف قصتك اكتر واكتر
جاد : اوك ان شاءالله .. وشكراً الك .. والله يعوضك بدال هالخاين
حلا : ولك مثل ماذكرت .. سلااااام

بعد ما تركتو بلشت تفكر بمخها والفضول قتلها بدا تعرف قصتوووو
مضا هاليوم بلا فايدة كمان ..

تاني يوم جهزت حالا ونزلت .. وبلشت تفتل هالجامعة ل لقتو متسطح عالخضار والشمس ضاربة بوجهو وصافن بالسما ..
قربت وحطت الكتب بوجهو ..
حلا : كيف هيك حسنان وعيونك ضاربين بنص الشمس

جاد : صباح النور .. بعدي هالكتب من وجهي بركي بموت تحت هالشمس

حلا : اوم لقلك بدي حاكيك جوز كلام مهمين

جاد : شو هنن !!

__

#عدَاوَة_الحُب
#جزء10

سكتت راما ونزلت الدمعة من عينها : ابني

حلا : ابنك !! مو قلتيلي ماعندك غير بنت كيف هيك ؟

خالتها قرصتها : اي يعني متوفي .. الله يرحمه يارب

حلا : كيف اتوفى يعني لو مافيها ازعاج بدي اعرف 😮

راما : بحكيلك بالايام الجاية .. وهلق انتي قليلي كيفا الشام

حلا : مو ناقصها الاشوفتك والله .. ايمت بدك تعمليلنا زيارة

راما : لا لا ابداً .. مابدي مابدي

حلا : لا مبلا بدك تجي وقت خالتي بدا تجي لعنا وبدي فتلك بالشام حارة حارة

راما : اي ان شاءالله .. الله يحميكي يابنتي

خلصو ورجعو عالبيت وبلش شلف الشحطيط من كل ارجاء البيت ع حلا من خالتها

حلا : لك بشرفك حاجة خالتييي

خالتها : يقصووووووه لسانك شو حشرية ايي .. لك ماقلتلك انا القصة ليش لتسأليها وضرريب يفشو لنعيك

حلا : حبيت اعرف منها الها بركي كنتي عم تكزبي عليي !

خالتها : اي لا بقا انتي بدك شلف لتحت 😳 اومي ضبي غراضك وبوجهك عالشام يلا وليه

حلا : اعتبرها تئليعة ؟ 😪

خالتها : شو بدك اعتبريها ههههه

وضلت شي 15 يوم عند خالتها وكل يوم يصير زيارات وبلشت راما تحكيلا شوي شوي عن قصتها ..

وجادبلش يقلق ع حلا بعد اخر حديث صار بينهن " انو بدها تدور ع امو "

بعد 15 يوم حلا نزلت عالشام وضلت يومين مرتاحة وبعدا نزلت عالجامعة .. شافها جاد وركض لعندها

جاد : انتي وين مختفية كل هالايام

حلا : كنت محبوسة.. مشان حضرتك

جاد باستغراب : انا !مشاني !كيف وليش

حلا : هاد ياسيدي لما رحت عالنفوس ما كان حدا يرضا يعطيني نفوس امك مشان شوف وين اراضيها وكزا .. لحتى غافلتن وفتت بالسرقة ولقطوني .. وضليت 15 يوم بالسجن 😒

جاد : جدبة انتي .. من الاصل قلتلك لا تتدخلي بهالموضوع

حلا : هيك بدك تكافيني هلق !! فوق ما يسلمو ايديي اني جازفت بحالي

جاد : اي يسلمو عمي حلا فضلتي ع راسي ..

حلا : بعد من وجهي عم تتمسخر .. انا رايحة ع محاضرتي وشوف رفقاتي راح عليي كتييييير ؛ صحيح انت بتعرف امك

بالصور وهيك ؟

جاد : هلق بكزب ازا قلتلك اي .. بس انا بشوف في صورة بخزنة ابي بس أسألو مين هي بعصب كتير وما بيرضى يجاوبني ..

حلا : ايواااااا .. اي خير ان شاءالله .. يلا انا رايحة سلام ✋️

راحت شافت رفقاتها وبعدا اخدت ريم وصارو يتمشو .. شافهن جاد وغرف انها هي رفيقتها المقربة اتطمن شوي انو ازا غابت يسأل عنها عن طريق ريم ..

ريم : شتقتلك وليه

حلا : وانا يا ريمتي اكتر

ريم : حليان لسانك ماعم اعرفك 😂

حلا : وضريب ياخدك هيك بتفهمي انتي .. اومي نرجع عالبيت بما انو ماعنا شي مهم مشان تشرحيلي يلي راح عليي ..

ومضو شهرين وهي وجاد سلام عادي وكلام عالرسمي .. بس كل واحد مخبي بقلبو شي للتاني .. "حب او كره " مو معروف 😉

وبلشت حلا تخطط مع خالتها لحتى تنزل راما عالشام ويزبطو اللقاء مع ابنها ويجمعوهن ويعرفو شو اللي صار وشو القصة الحقيقية !!!!

حلا : خالتي كتير متحمسة ههههه يا الله عالصدف كيف هيك

خالتي : دخيل اسمو هالرب ما اكرمو .. الله يكملا معهن ويشوفو بعض .. يلا احطي بدي نام تصبحي ع خير

حلا : تلاقي الخير حبي ..

فتحت صفحتها الفيس وبلشت تتصفح ولقت منشور لجاد " أنتِ لستِ ك إي أحد "
علقتلو " ميرسيتو خجلتني ههه " ؛ " ردلا " :) "
حلا : شو مستفز تضرب انت وهالابتسامة .. والله لاجي عالخاص وبهدلك

وهون بلشت المعركة الكبيرة بيناتهن ..

حلا : انت واحد مستفز ع فكرة

جاد : انا .. وليس بقا ؟؟

حلا : هالسمايل ما بطيقو :)

جاد : زعجك يعني ؟؟ ههه

حلا : مادخلك انقلع برا صفحتي

جاد : لزكرك بس .. انتي بعتيلي طلب هههههههه

حلا : يبعتلك حما الاهي اي سلام

جاد قعد فكر شو يعمل ماهان عليه زعلها .. وغيّر تعليقو ل .......

#عدَاوَة_الحُب
#جزء11


جاد قعد فكر شو يعمل ماهان عليه زعلها .. وغير تعليقو ل " ❤️ "

اجاها اشعار قام جاد بالرد عالتعليقك .. حلا : خير ان شاءالله شو خبص رجع .. ييييييه مو معقول وليي جاد وحطلي قلب لا ُاصدددق !

جاد : عجبك هالتعليق ؟؟

حلا بخجل : ههه شو خطرلك تغيرو 😳

جاد : ماهان عليي زعلك وقلت بحطلك هالقلب حلو شكلو

حلا : امممممممممم .. الله يسعدك يارب

جاد : حلا ليكي جد ايمي المزح انتي صرتي غالية ع قلبي يعني غيرتي فيني كتير شغلات واولها اني ماضل سب البنات عالطالعة والنازلة وبطل ئزا بالعالم .. بتشكرك من قلبي ❤️

بحالة انصدام مع اندهاش حلا : هلأ اكيد جاد يلي عم يحكي ؟ 😂

جاد بعصبية : عم تتمسخري كل ماقول عنك بنت واعية وفهيمة بتعملي شي تخليني ارجع اكرهك لسابع ارض الحق عليي عم قلك هيك .. اختفي من وجهي .. سلاام

استغربت من ردة فعلو المفاجأة حلا : سلام :)

وضلو شهر مايحكو بعض ولا سلام ولا كلام ..
وهون بدت الخطة تبع خالتها .. وبلشت تقنع راما تنزل بس كم يوم ورح تستضاف عند امها لحلا ومن هالحكي ..
وبعد جهد جهيد لوافقت وبس ع شرط تقعد يومين بس وترجع مشان بنتها وجوزا ..

وفعلاً بعد كم يوم جهزو حالهن ونزلو واعدو عند اهل حلا وبلشت الخطة تتنفذ

حلا : بس في مشكلة خالتي

خالتها : خير ان شاءالله شوفي ؟

حلا : انا متخانقة مع جاد

خالتها : يبعتلك حما بنص عيونك .. لك كيف بتعملي هيك

حلا : اي شو بعرفني .. سمعي لقلك عندي خطة ..

واتفقو وبلشت الخطة قيد التنفيذ ..
راحت حلا ع مطعم واتفقت معو انو يكون فاضي ورح تعوضو هالخسارة كلا ..

دقت لجاد مارد بعدين بعتتلو رسالة " جاد مشان الله ساعدني انا بمطعم ** وفي شلة زغران بدهن يهجمو عليي "

وصلتو لجاد وجن .. وراما وخالتها لحلا راحو عالمطعم ..

راما : شو حلو هالمطعم بس ليش فاضي ؟؟

حلا : احلى اصلاً هههه

خالتها غمزتها واشرتلها بايدها " بمعنى وينو جاد "

امت حلا ووقفت ع طرف المطعم وعم تطلع عالشارع ازا وصل جاد ولا لا .. شافتو من بعيد عم يركض بلهفة ومعصب

حلا ركضت عالطاولة : ييه اجا رفيقي ماعندكن مانع ازا اعد معنا ما؟

راما : لا عادي منتعرف عليه معك ههه

خالتها : اي عادي ياعمري ..

فات جاد وهو عم يدور ع شلة الشباب بس ما لقى حدا وشاف حلا عم تأشرلو بإيدها ركض لعندها

جاد : منيحة انتي مو " وحط ايديه ع وجها "

حلا بخجل : اي منيحة .. تعا ائعود شوي

جاد : لا خلص بما انك منيحة خليني امشي

راما لهف قلبها وكأنها حست بس كانت تقول بقلبها لك مات حاج خرافات ..

خالتها : ائعود رح نجيب عصير وبعدا في جوز كلام لازم نحكيه

جاد اتطلع بحلا باستغراب انو مين هدول مابيعرفهن مين هي لحتى تقلو في جوز كلام !!

حلا : نسيت عرفكن جاد رفيقي .. جاد هي خالتي وهي رفيقتها راما

جاد صفن شوي اسم امو راما بس رجع لعقلو وقال اي شو مافي غيرها راما بهالدنية !! : تشرفنا فيكن

مضى شي نص ساعة وهنن سارحين بالحكي بعدين جاد استأذن ليروح

حلا : جاد رح احكي كلشي انا سمعو شوي

جاد وراما عم يتطلعو عليها انو شو بدها تحكي ..

حلا : ماعرفانة كيف بلش رح دجا هيك ضغري .. جاد وخالتو راما ........

____