قصة رعب
لا يسمح لاصحاب القلوب الضعيفة
#في_بيتنا_ارواح
#الجزء_الاول
القصة بتحكي عن بنت اسما مريم (على اسمي😁😁)
مريم بنت حبابة وطيوبة .. بس جمالا عادي بنت عادية متلا متل غيرا ... بس جمال قلبا طغى على جمالا الخارجي ومستحيل حدا يقعد معا ومايحبا ..
مريم كانت كتير قريبة من الله وكان هدافا الاساسي بالحياة كيف تكسب رضا ربا واما وابوها وكمان كانت شخصيتا قوية وعندا سرعت بديها ... خلص مريم
بكالوريا ... بس فضلت تدرس شريعة مع انو طلعت علاماتا عالية وبحقلا تسجل بكتير اختصاصات .... كانت علاقتا مع بنات الضيعة يلي هية ساكنة فيها قليلة ... وكان بالضيعة ابن المختار شب بتحسوه اية من الجمال كان طويل وكتافو عراض شعرو بني لامع عيونو ملونين عندو غمازتين ووجهو ابيض وخدود حمر ولحية بنية كمان ذادت من جازبيتو .... وكل بنات الضيعة كانو يحبوه .. اسمو مجدي .... مجدي كان يحكي مع كل البنات بس هو كان يتسلا مو اكتر ..
................................
بالبيت عند مريم
مريم قاعد عم تقرأ بالقرأن .. واجت رفيقتا سوسن لعندا ...سكرت المصحف وباستو وحطتو على الطاولة وقامت باست رفيقتا ... وقعدو على التخت
سوسن : كيفك ام الرور
مريم : هلا حبيبتي
سوسن : شو لايمت بدك تضلي حابسة حالك بهل البيت ...
مريم : دخيلك كلو نفس بعضو بالبيت ولا برات البيت ..
سوسن : اي والله معك حق كلو ممل ... المهم حزري شو صار معي
مريم : بشو
سوسن : مع مجدي .. ولي على قلبي قلي انو هو بحبني
مريم : وانتي صديقته
سوسن : اي اكيد صدقتو ... هو حلفلي انو بحبني ورح يجي يخطبني ..
مريم : لك قلتلك ميت مرة انو عم يكذب عليكي مابتصدقي
سوسن : لا ماعم يكذب وبكرا شوفي
مريم : اي ان شاء الله
سوسن : لك ليكي صورتو يقبر قلبي على هالجمال
مريم : ان شاء الله يقبرلك كلك قولي ان شاء الله
سوسن : ان شاء الله ...
سوسن : انا رايحة ع الحمام ..
مريم : اي روحي مابكون فيه حدا ..
طلعت سوسن عالحمام .. وضلت مريم مكانا عم تقول : الله يثبت علينا العقل والدين ..
صار يرت تلفون سوسن وكان الاسم عبير ..
مريم ؛ عبير يا الله اشقد صرلي ماسمعت صورتا رح رد عليها وسلم عليها لحتى تطلع سوسن من الحمام
مريم : هلا والله بعبورة ...
مجدي : الو
مريم اتلبكت : مين انت
مجدي : مو هاد تلفون سوسن
مريم : اي تلفون سوسن بس مين انت مكتوب عبير
مجدي : ومين انتي
مريم : مادخلك. وسكرت التلفون
مجدي : يا الله شو هالصوت ما اجملو ... ياترى مين هاي ..
رجع دق
بس هالمرة ردت سوسن
سوسن: هلا حبيبي ... اسفة كنت بالمطبخ
مجدي : سوسن وين انتي
سوسن : عند رفيقتي مريم
مجدي : ومين هاي مريم
سوسن : مريم بنت ابو محمود يلي عندو دكان سمانة
مجدي : ليش ابو محمود عندو بنت واسما مريم
سوسن : اي .. مريم من جيلي وعم تدرس هلق شريعا
مجدي اوك سلمي عليها ... انا بعدين بحكي معك .. سلام
سوسن : الله معك
سكر مجدي التلفون ..وحس صوت مريم دخل على قلبو مع انو بيحكي مع بنات كتير ... بس هاد الصوت فيه سحر .. واستغرب كيف في بنت بهاي الضيعة ومابيعرفا ...وقال انا لازم شوف هاي البنت ..
......................
تاني يوم نزل مجدي وراح على دكانة ابو محمود بركي بيلمح بنتو يلي سحرتو من صوتا ...
دخل على الدكان .. وصار يتلفت حاوليه .. وبعدين اشترى اشوية غراض ... ووقف وصار يحكي مع ابو محمود ... كيفك .. وشو اخبارك .. ومن هالاسئلة
مجدي : عم بدي باكية دخان
ابو محمود : لحظة .. يامريم .. يامريم ..
كان في باب بيوصل البيت بالدكان ..
مريم من جوا : اي بابا شو بدك
ابو محمود : يابنتي عطيني باكية دخان من عندك
مريم : لحظة بابا
مجدي بقلبو : هاد هو صوتا ... هاد هو ... واكيد هية اجمل من صوتا ...
طلعت مريم من الباب ..
مريم : السلام عليكم .... تفضل بابا ...
ورجعت
مجدي واقف وماعجبو اتخيلا احلا من هيك بمليون درجة ... حاسب وطلع ...
كان عندو بيك اب ... ركبو وراح على بيتو ..
مجدي : فكرتا شي ملكة جمال طلعت كتير عادية متلا متل غيرا ... بس شو هالسحر يلي بصوتا .. ليش لما سمعت صوتا قلبي دق .... المهم شوبدي فيها منيح ما تورطت واحكيت معا ...
..................................
مرق يومين ... ومجدي يحس حالو متوتر كتير .. كان حابب يسمع هادك الصوت يلي قلبو فرح بسماعو ... قام طلع وراح لعند دكانة ابوها ...
دخل مجدي .. وكانت مريم قاعدة بالدكانة ..
مجدي : مرحبا
مريم : وعليكم السلام ورحمة الله وبركاته ..
مجد : اسف .. السلام عليكم ..
مريم : تفضل شو بتريد
مجدي : بدي خبز
مريم : تفضل هاد خبز بدك شي غيرو
مجدي : اي .. وين الوالد
مريم : عم يصلي ... اذا بدك اياه انتظرو هاق بخلص ..
مجدي : لا خلص بعدين بشوفو ...
حاسب وطلع والابتسامة على وجهو .. ياربي ليش انا كتير مبسوط ... يا الله شو السر بهل المخلوقة لك نبرة صوتا بتجنن .. وادب واخلاق ... وكمان حلوة مابها شي .... انا لازم اتقرب منا .. هالبنت ف