#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الــعــاشــر.
#بـقـلـم_إيـمـان_عـلـو.

بلشت مارشميلو نكدية تعجن فيهن وهنن يصرخوا وترجع تسكتتهن وبعدين تعجن فيهن من جديد وتلزق عليهن البسكوت وتلف حواليهن بغزل البنات لحتى مايقدروا يتنفسوا وبعدين ترجع تفكهن وترش عليهن السكر وترجع تعجنهن بالراحة وتنكد عليهن بالكلام وهيك ضلت لحتى طلع الصبح تركتهن شوي لبين مايصير وقت الأعدام.

المى:أخخ يا أمي الله يكسر أديها.

وسيم:هلكتنا الله لا يوفقها.

المى:قرب أجلنا يا وسيم عم يجهزوا لأعدامنا.

وسيم:أخخخ لاتذكريني.

المى:وليي على هالأخرة.

وسيم:أخخخخ ماضل مهرب خلص أنتهت حياتنا.

المى:ياربي ماحققت ولا حلم حلمت فيه.

وسيم:أصلاً ما جابنا لهون غير أحلامك مو طول عمرك كنتي تحلمي بكوكب زمردة أنبسطي.

المى:بس بدي أطلع من هون مابقى أحلم بشي.

وسيم:أي أحلمي بالطلعة لكن.

المى:رح نموت بعد شوي سامحني عَ كلشي وإذا دايقتك بيوم بقصد أو بدون قصد.

وسيم:مسامحك وأنتي كمان سامحيني إذا زعلتك بيوم.

المى:مسامحتك يا وسيم(وصارت تحضنو وتبكي ودبقوا عَ بعض).

بعد شوي صاروا يسمعوا أصوات عالية بالمملكة واللون البني أختلط باللون الزهري وعبا المكان والأصوات كانت تعلى وتزيد كل شوي والمى ووسيم مو فاهمين شي وفكروا هالأصوات من ضمن الأعدام لهيك تمسكوا ببعض وصاروا يبكوا ع أخرتهن وينوحوا ضلوا ناطرين مرقت الساعات ومحدا أجاهن لا للأعدام ولا لغيرو مع هيك الأصوات ضلت عالية والمملكة قايمة قاعدة.



بعد ساعات طويلة أجت مارشميلو حبابة عليهن وإستغربوا لطفها معهن هي الوحيدة اللي تعاملت معهن بلطف.

المى:ليش أنتي لطيفة معنا؟.

وسيم:يعني أنتي مابتكرهينا متلن؟!.

مارشميلو حبابة:أنا مارشميلو حبابة مابكره حدا بس بنفس الوقت مابحب البشر وبخاف منهن بس مابحب أكره حدا.

وسيم:ليش أجيتي لهون لكن؟!.

مارشميلو حبابة:لأني حبابة مابخلوني أجي لعند البشر اللي بجيبوهن لهون.

المى:سألها عن الصوت.

وسيم:شو هالأصوات؟.

مارشميلو حبابة:هي مملكة الشوكولاته متخانقين مع مملكتنا لأنو سمعوا أصواتكن بالليل.

المى:وليي كان ناقصنا مملكة الشكولا كمان.

وسيم:الله يستر.

المى:يعني رح يعدمونا اليوم؟.

مارشميلو حبابة:من مبارح مارشميلو الغضب مجهزلكن المصاص الحار مشان يعدمكن قلبو قاسي.

المى:قليلن مايعدمونا والله حرام.

مارشميلو حبابة:أنا مافيي أعمللكن شي.

وسيم:طيب علمينا رموز مملكتكن خلينا نطلع من هون.

مارشميلو حبابة:نحنا عيلة الحبابين مابعلمونا شي لأن قلبنا طيب مافينا نكون أشرار لهيك مابعلمونا الرموز الأساسية مابعلمونا غير الشغلات اللي بدنا نعيش منها والشغلات اللي بنقدر نحمي حالنا من البشر فيها.

وسيم:ولا بحياتي سمعان بهيك شي وين نحنا يا الله.

المى:طيب شو بدهن مملكة الشكولاته؟!.

مارشميلو حبابة:مملكة الشكولاته مابحبوا الشر وبقولوا أنو البشر من حقهن ياكلوا ونحنا خلقنا للأكل لهيك لما بيسمعوا صوت بشر بيعملوا مشاكل مع مملكتنا وأنا هربت لهون لأني بخاف.

وسيم:دخيل الله يعني ممكن مملكة الشوكولاته رح تساعدنا؟.

مارشميلو حبابة:مابعرف.

المى:طيب مو أنتي بتخافي ليش أجيتي علينا.

مارشميلو حبابة:لأنكن مابتخوفوا هلأ أنتوا بمملكتنا مافيكن تعملولنا شي.

المى:الله يخليكي يا حباية خدينا لعند مملكة الشوكولاته لحتى يساعدونا.

مارشميلو حبابة:مابقدر بعدين بتعاقب وبدوبوني وبتزعل ماما وبتبكي وبتدوب هيي كمان.

وسيم:طيب بس قليلنا كيف بنقدر نروح؟.

مارشميلو حبابة:أسفة مابقدر بعدين أنتوا مارح تقدروا تمشوا من الراحة اللي معجونين فيها.

المى:ياربي شو العمل هلأ؟.

وسيم:مابنقدر نعمل شي حتى حبابة مابتقدر تساعدنا.

المى:أوووف.


بمجلس المملكة كانوا كبار المملكتين مجتمعين وعم يناقشوا موضوع وجود البشر وتعذيبهن بالمملكة.


الملكة مارشميلو:أنا بعتذر ياملك الشوكولاته بس هدول البشر أخطأوا بحقنا ولازم ينالوا العقاب.

ملك الشوكلا:بس أنا قلت ممنوع وجود بشر بأي مملكة هون واللي رح يجيب بشر هو اللي رح يتعاقب بدالهن.

مارشميلو الغضب:ياحضرة الملك لازم نعاقبهن وإلا رح ننقرض من ورا أكلهن الزايد لحباتنا.

ملك الشوكلا:مين قلكن رح تنقرضوا المملكة رح تضل لألاف السنين ونحنا خلقنا للأكل البشر من حقهن ياكلوا متل مانحنا عم نصنع من سكرهن.

الملكة مارشميلو:كل واحد حر بمملكتو يا ملك الشوكولاته وأنا بمملكتي رح ضل حاسب البشر.

شكشوكة:بش هاد ظلم ياملكة المارشميلو مو من حقك تعاقبي حدا.

ملكة المارشميلو:ليش ماحاسبتوا مملكة المكسرات عم يعاقبوا البشر ويحطوا بعيونهن البزر ويعدموهن رماية بالكاجو.

ملك الشوكولا:كل واحد رح ينال عقابو وهلأ بدكن تسلموني البشر اللي عندكن.

حبة المارشميلو: وإذا ماسلمناكن ياهن؟.

شكشوكة:رح يكون عقابكن عسير.

مارشميلو الغضب:تعاقبونا مشان البشر!.

#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الـحـادي_عــشــر.
#بـقـلـم_إيـمـان_عـلـو.

بعد شوي جابوا المى ووسيم لعند ملك الشوكولاته وشافهن الملك وطمنهن المى ووسيم تفاجأوا من مجلس المملكة اللي كان مختلط ب لون البني بوجود مملكة الشوكولاته.

المى:الله يخليك ياملك بدي أرجع لعند أمي.

ملك الشوكلا:رح نخليكن ترجعوا بس بعد ماتعطونا وعد.

وسيم:بنوعدكن بكلشي بدكن ياه.

المى:(بفرح)...يعني رح تخلونا نرجع لبلدنا وبشكلنا العادي؟!.

ملك الشوكلا:رح ترجعوا وبشكلكن العادي بس الشرط أنكن ماتتعرضوا للمارشميلو ولا تاكلوا منهن شي.

المى:لا لا أصلاً بحياتنا مابقى نقرب عليها والله.

الملكة مارشميلو:هالمرة تركناكن مشان الملك بس إذا بتتعرضوا للمارشميلو مرة تانية رح يكون عقابكن عسير ومارح تفلتوا منا أبداً.

وسيم:المى:حاضر حاضر والله مارح نقرب بس خلونا نروح.

ملك الشوكولا:معناتو رح نرجعكن وإذا ماوفيتوا بوعدكن رح جيبكن أنا وعاقبكن بالشوكلا السخنة بدال مملكة المارشميلو.

وسيم:والله رح نوفي بوعدنا.

المى:ومارح نقرب عَالمارشميلو ولا حتى الشوكولا.

شكشوكة:لا فيكن تاكلوا شوكولا نحنا ماعنا قوانين صارمة فيكن تاكلوا كل أنواع الشوكولا بس لاتقربوا عَالمارشميلو لأنو قوانينهن صارمة.

وسيم:متل مابدكن.

ملك الشوكولا:أستعدوا للرجعة أقرأوا الرموز ورايي بس بالأول أقرأوا الرموز اللي جابتكن لهون.

:وسيم:(بفرح)...جاهزين...الرموز اللي جابتنا لهون هنن ل.م.م.ع.س.10.ل...

المى:مملكة المارشميلو...عقاب..الساعة 10 ليلاً.

وسيم:اللام الأولى ماعرفناها.

الملكة مارشميلو:لعنة مملكة المارشميلو...عقاب..الساعة 10 ليلاً.

وسيم:لعنة!.

المى:كيف مافكرنا فيها؟.

وسيم:مو وقت هالحكي هلأ سكتي.

ملك الشوكلا:التخلص من لعنة مارشميلو للأبد...هدول الرموز قرأوهن....(ت.م.ل.م.ل.).

وسيم والمى ماصدقوا سمعوا الرموز فوراً بلشوا يرددوا ورا الملك.

المى:ت.م.ل.م.ل.

وسيم:ت.م.ل.م.ل.

بمجرد ماقالوا الرموز أهتزت فيهن المملكة وطاروا حوالي ال10 دقايق لحتى ظهروا بالحياة الطبيعية وبحجمهن الطبيعي ضلوا مرمين عَالأرض ربع ساعة وهنن عم يحاولوا يستوعبوا شو صار معهن أخر شي أتطلعوا عَ حالهن كان شكلهن بضحك صح رجعوا عَ حجمهن الطبيعي بس لساتهن مدبقين من ساسهن لراسهن وملونين بألوان المارشميلو كل حدا شافهن أستغربهن وضحك عليهن لما أستوعبوا وضعهن فوراً رجعوا عَ بيوتهن لينصدموا أهاليهن بمنظرهن وبعدا تبلش رحلة أقناع أهلهن بالشي اللي صار معهن أنو حقيقة ياترى رح يصدقوهن ولا لا؟.

ببيت أهل المى:
_____

عماد:رح شوف مين عَالباب.

سلمى:خليك بابا أنا بفتح.

عماد:طيب.

فتحت الباب سلمى وتفاجأت بألمى ماعرفت تفرح ولا تستغرب منظرها أجت لتضمها دبقت عليها وفوراً بعدت عنها.

سلمى:المى المى ماعم صدق ماااماا باابا رجعت المى.

المى:بعدي عني هلأ بتدبقي.

سلمى:ييي شو هاد ليش هيك منظرك.

عماد:المى الحمدلله عَالسلامة يا بابا وين كنتي ليش هيك؟.

دالين:الف الحمدلله ياروحي وين كنتي شو صايرلك أنتي منيحة؟.

كلهن حاولوا يضموها وكلن دبقوا وهي تبعدهن عنها وتقلن أنا منيحة بس بدي أتحمم وأكل.

المى:مشان الله لاتقربوا عليي هلأ بتدبقوا خلص تركوني روح أتحمم وبعدا بحكيلكن ماما بدي أكل صرلي أسبوع بلا أكل رح موت.

دالين:ياروحي أنتي طيب بس فهمينا وين كنتي حدا خاطفكن؟.

عماد:مين اللي كان خاطفكن؟... رجع وسيم؟...عملولكن شي؟.

سلمى:أهدوا عليها شوي خلوها تتحمم مو شايفين كيف مدبقا من راسا لساسا خلص المهم رجعت هلأ بتتحم وبتحكيلنا عَ رواق.

المى:أيي مشان الله بكفي أسئلة أنا منيحة لاتخافوا ووسيم كمان منيح.

عماد:طيب روحي تحممي وتعي بسرعة.

دالين:رح جهزلك الأكل ياروحي أنتي الف الحمدلله اللي رجعلي ياكي.

رحت لأتحمم بعد ما أهلي أستلموني بالأسئلة والأستفهام ضليت 3 ساعات عم أتحمم وماكنت أنظف من الدبق أخر شي أستعنت ب سلمى حتى شعري قصتلي ياه لأن ماعاد في أمل يتمشط بعد كل هالدبق اللي صار فيه الله وكيلكن كان يبسان عَالأخر منيح ماحلقتلي ياهن سلمى عَالصفر وكل الوقت أنا أشرح لسلمى اللي صار وهي تقلي حاج كذب ماكانت عم تصدقني أبداً بعد ماطلعت من الحمام قعدت أكل كنت أكل متل المجنونة وتمي يشرشر من هون ومن هون وأهلي عم يتطلعوا فيي ومستغربين كيف عم أكل بهمجية وحكيتلن كلشي صار صاروا يضحكوا عليي ويفكروني متأثرة بأفلام كرتون أصلاً معن حق مايصدقوا أنا لهلأ مو مصدقة اللي صار معي وبابا كل شوي يقلي ليكون اللي كانوا خاطفينكن هنن قاليلكن هيك يابابا أحكي ولا تخافي وأنا أحلفلو أخر شي بابا أتصل بأهل وسيم ليهنيهن برجعتو ويعزمهن لعنا لحتى يفهم من وسيم لأنو ما أقتنع بكلامي أبداً وفعلاً ماكذبوا خبر بعد ساعتين كانوا عننا بالبيت تأخروا لأنو وسيم كان غاطط بالحمام وقعدنا أنا ووسيم نحكيلن كلشي وهنن يفكرونا خايفين من العصابة وشي بدن ياخدونا عَالدكتور مفكرين صار لعقلنا شي أخخ شو بدي أحكيلكن

#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الـثـانـي_عــشــر_والأخـيـر.
#بـقـلـم_إيـمـان_عـلـو.

سلمى:برأيي تخلوهن يرتاحوا حاج تضغطوا عليهن.

المى:أيي مشان الله مخي رح ينفجر.

وسيم:وأنا كمان من لما أجيت وأنا عم أحكي ومحدا عم بصدقني.

دالين:لأنكن عم تحكوا شي مابيتصدق.

وسيم:طيب متل مابدكن.

وهيك قضينا السهرة ونحنا عم نحكيلن وهنن مو مصدقين اللي صار شي يضحكوا علينا شي يقلولنا كاتبين مسلسل ومتأثرين فيه وشي بفكروا ليش أجينا مدبقين إذا حكينا مو صحيح المهم قضينا أكتر من أسبوع ونحنا نحكيلن نفس الحكي وهنن يسألونا نفس الأسئلة بلا ملل أخر شي أنا أستسلمت ومابقا حكيت شي.


جاد:أي شو هالحكي هاد مجنون يحكي وعاقل يسمع لك مين بصدق هالكلام.

سلمى:لك والله مابعرف عنجد شي مابيتصدق والمشكلة المى عم تجن من سيرة المارشميلو ولما جيبا عَالبيت بتصير بتصرخ لحتى كب المارشميلو برات البيت وهيي اللي كانت بتموت بالمارشميلو والرايح والجاي تقلو يجبلا مارشميلو.

جاد:شه شو هالحكي هاد.

سلمى:شايف بقى والله شي بحط العقل بالكف.

جاد:بلكي عم يعملوا فيكن مقلب هي ووسيم سبق وقلتيلي أنو روح قلبا المقالب.

سلمى: لأ مابظن مقلب لأنها أجت كتير تعبانة وكمان هيي بتحب شعرا كتير أنجبرت تقصو من الدبق اللي عليه.

جاد:مستحيل صدق.

سلمى:وأنا هيك بس لما حكتلي أنو شافتنا بالجنينة وقت صرت صرخ من الفارة قالت أنو هيي ووسيم كانوا ماكانت فارة.

جاد:لك أي شو هالحكي هاد؟!.

سلمى:أي والله ووسيم أكد عَ هاد الحكي وحتى حكولي شو حكينا وقت بالحرف الواحد.

جاد:أووف لهدرجة!!..والله حابب شوف المى وخليها تحكيلي.

سلمى:أي بنزبطا ليش لأ ووسيم كمان.

جاد:طيب ماشي.

بعد أسبوع بالجنينة:
_______

وسيم:أخخخ محلاها الحياة عنجد الواحد مابقدر النعمة اللي هو فيها ليفقدها.

المى:أي والله كل مافقت الصبح وشفت حالي بالبيت بتحمد ربي الف مرة.

وسيم:أي والله.

المى:بس هلكوني أهلي عامليني مسخرة لسا كل ماشافوا حالن مالين بنادولي وبخلوني أحكيلن القصة ليضحكوا وياريت مصدقين.

وسيم:هههههه حتى أهلي هيك لقوني تسلاية الله وكيلك بس بدك الصراحة معن حق مايصدقوا أنا أحياناً بحس حالي خرفان يعني لو ما أنتي كنتي معي وعشتي نفس التجربة كنت قلت أني خرفان أو عم أحلم.

المى:أي والله بتعرف من وقت اللي رجعنا وأنا عم أكتب كلشي صار معنا بالتفصيل.

وسيم:والله وأنا كمان.

المى:وسيموو خطرتلي فكرة.

وسيم: معقول متل ماخطرلي؟!.

المى:شووو؟.

وسيم:عم فكر نكتب كلشي صار معنا ونعملو فيلم شو رأيك؟!.

المى:وأنا هيك عم فكر والله.

وسيم:طيب أنا كاتب كلشي.

المى:وأنا كمان المسا تعا لعنا لحتى ننسق الأحداث مزبوط ونرتبهن.

وسيم:أي تمام.


المسا ببيت أهل المى:
_______

عماد:مسالخير..شو عم تعملوا؟.

وسيم:أهلين عمو والله عم نكتب وننسق فيلم.

عماد:أوعا يكون نفس الفيلم اللي حكيتولنا عنو ههههه.

دالين:والله وأنا عم قول نفس الشي ههههه.

المى:(وهي عينها عَالابتوب وعم تكتب)...أي معلش ضلوا تمسخروا أنتوا ماشي.

الكل:هههههههه.

بعد يومين كانت خطبة جاد وسلمى وأنشغلت فيها وبعدها كملنا كتابة الفيلم أنا ووسيم وعملو وسيم التعديلات الأخيرة وبعدا عرضنا لأكتر من كاتب لحتى نتأكد من قوة الفيلم وكل الآراء كانت أيجابية وبتفرح قررنا نقوي قلبنا وعرضناه عَ شركات أنتاج ودور نشر والمخرج اللي بيعرفو جاد ضلينا ننطر الرد أكتر من شهر بس أول شي وعدنا بعض قبل مانعمل شي أنو مانفكر ناكل مارشميلو إذا نجحنا ولا فشلنا مارح نقرب عليها.

بعد شهرين:
___

المى:شو بدك من الصبح عم تتصل وسيم؟!.

وسيم: يامجنونة لساتك نايمة لك قومي قومي قبلولنا الفيلم ورح نوقع العقد اليوم وكمان رح نمثل فيه نحنا.

المى:(فزت من التخت)...أي لااا ماعم صدق بصلاة محمد عم تحكي عن جد ولا شو؟.

وسيم:لك والله والله عنجد أنا كتير مبسوط يا المى وأخيراً الدنيا ضحكت بوشنا.

المى:يالله ماعم صدق (راحت تركد لعند أهلا وهي عم تصرخ).... ماااامااا باااابا سلمى.

الكل:شوفي شو صاير؟.

المى:أنباع الفيلم اللي كتبناه أنا ووسيم يا الله مبسوطة.

وسيم:هههههه الوو يامجنونة ردي حاج تنطي.

عماد:دالين:الف مبروك ياروحي.

سلمى:لللييشش وأخيراً.

المى:أيي وأخيراً ورح نمثل فيه كمان يالله مبسوطة أنا أناا مبسوطة.

عماد:هاد أحلى خبر بسمعو بحياتي الف مبروك.

المى:(ضمت أمها وأبوها وهيي فرحانة)... ياروحي أنتوا.

بعد ماهنوني أهلي وفرحوا فيي رحنا أنا ووسيم ووقعنا العقد وفعلاً هالمرة الدنيا ضحكتلنا وقعنا العقد لبيع الفيلم وللتمثيل فيه طاقة القدر أنفتحتلنا المسا أهل وسيم عزمونا لعندن بمناسبة نجاحنا بالفيلم أنا ووسيم وكان معنا جاد كمان وطبعاً السهرة كانت برعاية رحلة مملكة المارشميلو بكل مرة كننا نجتمع كانوا يخلونا نرجع نحكي نفس القصة بلا مايملوا ونحنا صرنا ننبسط بهالشي اللي كان هو السبب بنجاحنا.

#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الــخــامـس.
#بـقـلـم_إيـمـان_عـلـو.


المى:(بتعب)....هلأ بتكون ماما جانة عليي.

وسيم:وماما كمان.

المى:صارت الساعة 9المسا هلأ بكون أنشغل بالهن لأنو ماحاكيناهن.

وسيم:أنا تعبان كتير وقرفان حالي من الدبق.

المى:شو تفسير هالشي اللي عم بصير معنا!.

وسيم:مابعرف حاسس حالي بحلم.

المى:الرموز هنن السبب.

وسيم:وأنا متأكد من هالشي.

المى:لازم نتذكرهن بلكي بنقدر نطلع من هون كلشي لطيف هون عم يقلب لوحش!.

وسيم:شي غريب كتير.

المى:(فجأة ضهرت لافتة كبيرة وعليها أضاءة باللون الزهري)....وسيييييم طلع شو مكتوب هنيك!.

وسيم:مملكة المارشميلو!!.

المى:مملكة المارشميلو!!.

وسيم:شو يعني نحنا هلأ بمملكة للمارشميلو كيف هيك حتى بالأفلام ماشفتا!.

المى:بالرموز كان في ميمين ورا بعض!.

وسيم:الميم الأولى مملكة والتانية مارشميلو.

المى:طيب واللامين والعين والسين؟.

وسيم:مابعرف بس كان في 10 كمان.

المى:أنا بدي أرجع عَالبيت عم موت من هالغموض.

وسيم:شو طالع بأيدنا؟.

المى:سندت راسا عَ كتف وسيم وغفيت شوي وهو غفي معها.

عَالساعة 10 تماماً بلشت الأصوات تعلى والأرض تهتز فيهن الألوان الحلوة بلشت تختفي وصار كلشي بخوف فاقوا لمى ووسيم مرعوبين تفاجأوا بقطع مارشميلو بحجم كتير كبير محاوطتهن من كل مكان وإلهن عيون وتم وكل شي غريب.

المى:وسيم ش شو شو هاد؟!.

وسيم:(وهو مصدوم)...مابعرف.

قطعة المارشميلو:أهلاً وسهلاً بسفاحين المارشميلو.

المى ووسيم أنربط لسانهن وهنن بين حشد المارشميلو اللي بخوف أول مرة بشوفوا مارشميلو بيحكي وبيمشي وبهاد الحجم!.

مارشميلو الغضب:خلونا نقتلهن متل ما أكلوا آلاف القطع من أهلنا وولادنا بلا رحمة.

مارشميلو الخلق:أهدا ياغضب خلينا نحل الأمور بشكل سلس.

مارشميلو تافه:سلس ولا كولا ههههه!.

مارشميلو الغضب:تافه بتسكت ولا بتفشش فيك؟!.

مارشميلو تافه:خلص سكتنا.

وسيم:مارشميلو بتحكي؟!.

المى:شو هاد ماعم أستوعب شي!.

حبة المارشميلو:خلوهن اليوم يتعرفوا عَالممكلة وبكرا بنتفاهم.

مارشميلو المستعجل:ليش لبكرا دقوا الحديد وهو حامي.

مارشميلو الخلق:حبة معها حق اليوم رح يتعرفوا عَالممكلة وبكرا رح نتصرف.

مارشميلو الغضب:(ماعجبو الوضع راح وهو مزعوج وعم يتمتم).

مارشميلو تافه:شكلنا رح نتسلى كتير ههههههه.

المى:(أغمى عليها ووقعت بين أدين وسيم).

وسيم:المى شو صرلك مشان الله أصحي المى.

حبة المارشميلو:أسحبوا الأضوية سقعوا الأرض خليهن يتعذبوا بالبرد.

مارشميلو النشيط:حاضر.

بعد شوي المكان صار عتم وكل حبات المارشميلو راحوا الأرض بلشت تبرد والمى لساتها فاقدة الوعي ووسيم عم يحاول يصحيها وكل مايحط أيدو عَ وشها يلزق ويدبق عليه.

وسيم:المى مشان الله أصحي لاتعملي فيي هيك مو ناقصني.

المى:بدي أمي مشان الله.

وسيم:طيب قومي خلينا نلاقي حل ل هالمصيبة اللي نحنا فيها.

المى:عنجد كان في مارشميلو بتحكي!.

وسيم:أي عنجد نحنا لازم نطلع من هون بأسرع وقت.

المى:ياربي يعني مو حلم؟!.

وسيم:لك مو حلم المى مشان الله ركزي معي خلينا نلاقي مكان نطلع منو.

المى:بس أطلع من هون بحياتي مابقى دوق المارشميلو.

وسيم:ومحلاكي تدوقيها هي أخرتنا مارشميلو تأسرنا!.

المى:متل الحلم يا الله.

وسيم: قومي ندور مكان نطلع منو مو وقت هالحكي.

المى:ياربي ماعم أقدر أمشي رجليي مدبقين عَ بعض.

وسيم:رجعت تمطر مدري تقطر.

المى:هاد اللي كان ناقص!.

وسيم:(مسك أيد المى ومشي بأتجاه البوابة الكبيرة اللي مصنوعة من بسكوت سامي!)...تعي نحاول نفتح الباب.

لسا ماكملوا طريقهن فجأة بلش يحاوطهن سور من غزل البنات صارت حواليهن دائرة من غزل البنات عَ شكل سور لحتى مايقدروا يقربوا من البوابة أو حتى يروحوا عَ أي مكان تاني بالمملكة.

وسيم:شكلنا علقنا علقة أبدية.

المى:دخيلك لاتقولا.

وسيم:ضم المى عَ صدرو وقعدو بنص هالدائرة اللي تسكرت عليهن وهنن متشائمين ومو عرفانين شو يعملوا.

المى:هلأ أهلنا بكونوا جنوا علينا.

وسيم:أي والله.

المى:أمي ضلت طول الليل وقبل ما أطلع تنبه عليي أنو أتصل فيها كل ساعة هي أول مرة بغيب عن البيت هيك.

وسيم:الله يفرجها علينا شكلنا رح ننجبر ننام بهالمكان الغريب اليوم.

المى:بعمرك تخيلت أنو المارشميلو شريرة هالقد!.

وسيم:ماتخيلت حتى أنو ممكن يكون في هيك مكان حاسس حالي بشي فيلم كرتون.

المى:أنا بكره المارشميلو.

وسيم:هلأ لكرهتيها أخخخ منك بس.

المى:رح نموت مدبقين لا حولنا ولا حوالينا.

وسيم:أذكري الله.

المى:لا إله إلا الله.

ببيت أهل المى:
______

دالين:أم وسيم:طمنونا شو صار معكن؟.

أبو وسيم:مالقينالن أثر.

أم وسيم:يعليي وين راحوا؟!.

عماد:دورنا بكل مكان المخافر والمستشفيات ومالقينا شي وبحلب كل رفقاتي عم يدوروا.

دالين:يعليي وين راحوا شو صار فيهن؟.

سلمى:صاحب المحل اللي جنب البولمن قال أنو أخدو من عندو مارشميلو وبعدا أختفوا وماشافهن رجعوا عالبولمن.

#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الــســادس.
#بـقـلـم_إيـمـان_عـلـو.

تاني يوم الصبح بالمملكة:
______

وسيم:المى فيقي راح سور غزل البنات خلينا نحاول نهرب.

المى:راح وأخيراً قوم يالله فوراً.

رجعوا راحوا بأتجاه الباب لحتى يهربوا بس رجعوا تحاوطوا من جديد وظهر الهن سور ضخم من الجيلي كوب.

وسيم:ياحبيبي خلصنا من غزل البنات طلعلنا الجيلي!!.

المى:(زتت حالها عَالأرض بخيبة)...لاا يا الله.

وسيم:ماضل عننا حل غير أنو نقعد نفكر بالرموز اللي وصلتنا لهون أكيد هيي رح ترجعنا.

المى:طيب كيف ونحنا ماقدرنا نحل غير رمزين؟!.

وسيم:مابعرف خلينا نفكر.

منظرهن كان بضحك عبارة عن كائنات صغار تيابهن وشعرن لازقين عليهن من القطر اللي كان ينزل عليهن ووشهن مليان قرصات نحل والتعب والجوع مبين عليهن لسا ماقعدوا يفكروا بحل ظهرت لافتة المملكة من جديد ورجعت الألوان الحلوة بس هنن ماعم يهتموا ل هالشي همن بس يطلعوا من هالورطة رجعت قطع المارشميلو العملاقة تلتف حواليهن بغضب شديد وهنن عم يفكروا ياخدوا بتارهن منهن.

حبة المارشميلو:أشراقة صباح مملكتنا بحضرة الثار مميزة.

وسيم:ثار؟!.

مارشميلو الغضب:طبعاً رح ناخد بثار كل حبة مارشميلو أكلتوها وقطعتوها بسنانكن بلا رحمة.

المى:أنا والله بحبكن ليش هيك عم تعملوا فينا؟.

مارشميلو الخلق:اللي بحب بيفني حياة اللي بحبو كنتي تاكلي مننا بشكل يومي وماتخلي ساعة تمر بدون ماتفني حياة قطعة بريئة مالها ذنب غير أنو البشر الوحوش أخدوها لحتى أنتي وأمثالك تستمتعوا بتعذيبها.

وسيم:نحنا أسفين وبنعتذر منكن.

مارشميلو الغضب:أعتذاركن مو مقبول ورح تنالوا عقابكن.

المى:الله يخليك يامارشميلو هلأ أمي بكون غليان قلبها عليي.

مارشيملو الحزينة:أمك غليان قلبها عليكي ليش مافكرتي فيني وقت أكلتي ولادي بلا رحمة حاولوا يهربوا منك كتير وأنتي ضليتي ملاحقتيهن أخخخ حطوهن كلهن بكيس واحد وأنتي أكلتيهن كلن بدون وجع قلب وحرمتيني من ولادي.

المى:(وهي عم تبلع ريقا وتأشر عَ حالا بصدمة)...أنا أكلت ولادك؟!.

مارشميلو الحزينة:هاد اللي جنبك مشترك معك بالجريمة هو اللي عزمك عليهن ولما هربوا من أيدك هو اللي مسكهن ياسفاحين.

المى ووسيم صاروا يتطلعوا عَ بعض بصدمة وهنن عم يتذكروا شي واحد.

*فــــــــــــــــلاش بـــــــBakـــاگ*.
_________

المى:(كل ماكانت تمسك الكيس كان يوقع من أيدها)....ييي شو صار كل شوي عم يوقع هي أكيد من دون نفس شاريها وسيم.

وسيم:(حمل الكيس من جديد)...لك تضربي إذا أديكي مرتخيين أنا شو دخلني؟.

*بـــــــBakـــاگ*.
___

المى:عم تتذكر اللي تذكرتو؟!.

وسيم:(وهو عم يهز راسو بصدمة)...تماماً.

المى:ماعم صدق.


مارشميلو الغضب:لأيمت رح نضل ناطرين خلونا نغليهن مع المصاص الحار أو نخنقهن ونزين فيهن حيطان المملكة أو نطحنهن مع البسكوت.

مارشميلو اللطيفة:يالله مو معقول قلبي مابيتحمل يشوف هيك أنا رايحة على كيسي.

حبة المارشميلو:أهدا ياغضب الملكة مارشميلو قررت العقوبات اللي عليهن وقررت نستفاد منهن رح يضلوا يكسرولنا البسكوت للأبد مع عقوبات يومية تانية.

مارشميلو الرايق:حلو هاد الحكي يعني ولادي رح يرتاحوا من تعب الشغل بالبسكوت.

مارشميلو تافه:الناس بالناس والاقرع يمشط بالراس هاد هو همك يا رايق المهم ولادك يرتاحوا!.

مارشميلو رايق:طبعاً مصلحة ولادي فوق كلشي.

حبة المارشميلو:شو رأيكن تأكلوا بعض قدامي كمان؟.

رايق:تافه:نحنا أسفين ياحبة.

وسيم:كمان بيتخانقوا!.

المى:إذا ضليت هون شوي تانية رح موت مصدومة.

وسيم:أنتوا كيف هيك؟!.

حبة المارشميلو: نحنا مملكة كبرت من لما البشر صاروا يتطاولوا علينا وياكلوا مننا قررنا نعمللكن فخ بس تقرأوا رموزنا وتوقعوا بشباكنا للأبد.

المى:وسيم:للأبد!!!.

وسيم:يعني في غيرنا هون؟.

الغضب:لا طبعاً أعدمتهن كلهن مابرتاح بوجود البشر بمملكتنا غليتهن كلهن مع المصاص الحار وبعضهن طحنتهن مع البسكوت وغزلتهن مع غزل البنات.


المى:مشان الله ساوي شي أنا خايفة كتير.

وسيم:شو بدي ساوي شايفتيهن قديش عمالقة ومحاوطينا من كل الأتجاهات.

المى:أخخخ ياربي أخرتنا نموت عَ أدين مارشميلو!.

وسيم:(بيسأل مارشميلو رايق)....أنتوا ليش هيك أسمائكن؟!.

مارشميلو رايق:لأنو اللي بياكل من مارشميلو رايق بضل رايق واللي بياكل من غضب بضل غضبان واللي بياكل من تافه بصير تافه متلو واللي بياكل من حزينة بيحزن.

المى:واللي بياكل من حبة؟!.

مارشميلو رايق:حبة محدا بياكل منها لأنها هي الوحيدة اللي ضلت من أهلها البشر أكلوهن كلن لهيك الملكة مارشميلو حطتها المسؤلة عن شؤون المملكة وخاصةً تعذيب البشر.

المى:ولييي.

وسيم:في أسماء تانية عندكن؟.

مارشميلو رايق: طبعاً نحنا مملكة كبيرة وعريقة وعيلها كبار فرحان وجوعان ورائع وذكي ونكدي و....

مارشميلو الغضب:أسكت يا رايق ليش عم تحكيلهن عن أسرار مملكتنا أنتَ جنيت شي؟!.

#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الــســابــع.
#بـقـلـم_إيـمـان_عـلـو.

المى:لأيمت رح نضل نتعذب هيك؟!.

وسيم:مابعرف المهم هلأ خلينا نخلص لازم نطحن هاد الجبل كلو.

المى:مستحيل مارح نقدر لحالنا.

وسيم:بدنا نحاول ولا بدك ياهن يخنقونا!.

المى:لأ يا ربي مابدي موت هيك.

وسيم:خلينا نبلش نكسر ونطحن.

المى:ياربي هاد الشي كتير تقيل كيف بدي كسر فيه؟!.

وسيم:رح حاول كسر قطع صغار وأنتي طحنيهن.

المى:طيب.

بالعالم الطبيعي عند أهل المى ووسيم كانت قايمة القيامة الكل عم يدور عليهن وناس سافرت عَ حلب لحتى تسأل عنهن وسلمى وجاد عم يدوروا بكل مكان كانوا يقعدوا فيه المى ووسيم.

جاد:خلص ياعمري حاج تبكي مشان الله.

سلمى:قلبي عم يتقطع ياجاد مقول هيك تختفي أختي ومانلاقيلا أثر.

جاد:إن شاء الله رح يرجعوا وكلي الله.

سلمى:هي صرلن يومين مختفيين ماخلينا مكان مادورنا فيه ومحدا من رفقاتهن بيعرف عنهن شي.

جاد:أدعيلهن يرجعوا بخير وسلامة أنتي تعبتي كتير اليوم رح وصلك عَالبيت ورح ضل دور أنا وكلشي بصير معي بخبرك فيه فوراً.

سلمى:طيب حبيبي.


بالمملكة:
____

وسيم:صار عنا كتير بسكوت مطحون.

المى:بس لسا الجبل ماعم يتحرك والوقت عم يروح وأنا تعبت كتير.

وسيم:وأنا تعبت بس ماضل وقت.

المى:ياربي شو هاد رح المطر فوقنا.

وسيم:لااا يا الله داب كل البسكوت المطحون راح تعبنا عَالفاضي.

المى:بلكي هلأ بدوب الجبل كمان.

وسيم:لك مو شايفتيه كيف عم ينفش ويكبر!.

المى:أنا أستسلمت خليهن يعملوا فينا اللي بدهن ياهن تعبت.

وسيم:المى مشان الله شدي حيلك شوي بدك ياهن يجيبوا أهالينا كمان؟!.

المى:لأ وليي شو يجيبوهن خلص خلص قايمة.

وسيم:أشتغلي لكن.

المى:وسيم لاحظت شي؟.

وسيم:شي شو؟!.

المى:المارشميلو عم يرددوا كلمة عقاب.

وسيم:أي شو يعني؟!.

المى:مع الرموز كان في حرف عين.

وسيم: معقول قصدن عقاب؟!.

المى:أكيد.

وسيم:صح أكيد عقاب مافي غيرها كيف مافكرت فيها!.

المى:يعني هلأ صار عننا 3 رموز محلولين... الميمين يعني "مملكة المارشميلو" والعين "عقاب" طيب واللامين وال10 شوو؟.

وسيم:إذا لاحظتي كل يوم عَالساعة 10 عم يطلعوا المارشميلو وعم يعاقبونا.

المى:مزبوط يعني اللام الأخيرة بتعني 10 ليلاً.

وسيم:هيك أكيد.

المى:بلشت أتفائل معقول إذا حلينا الرمز الأخير نرجع عَالحياة الطبيعة؟.

وسيم:يا رب يا رب هلأ صار لازم نفكر باللام الأولى شو ممكن تكون؟.

المى:مابعرف ماعم يطلع معي شي.

وسيم:خلينا نخلص هلأ ونشتغل ضل حرف واحد أكيد رح نلاقي تفسيرو ونخلص من هالقصة.

بلشت تطلع أصوات صريخ وتكسير والمى خافت وتمسكت ب وسيم وصاروا يسمعوا الأصوات سوا وهنن مستغربين شو هاد هالصوت كان من برات المملكة مو من قلبها فجأة ظهر مارشميلو تافه كان عم يضحك ويركض متل المجانين ومبسوط كتير.

المى:شبو هاد شو جاي يعمل هون كمان.

وسيم:مابعرف.

مارشميلو تافه:شو يابشر ليش أنتوا هيك كسلانين ليش لهلأ ماخلصتوا جبل البسكوت رح تعاقبكن حبة.

المى:ماعم نقدر مشان الله ساعدنا.

مارشميلو تافه:هههههههه أنا ماصدقت أجونا بشر يشتغلوا بدالنا أكيد أنتوا عم تحلموا أشتغلوا وبلا صوت وقت أكلتوا ولاد حزينة وأهل حبة مافكرتوا بالعقاب!.

المى:طيب شو هالأصوات؟!.

مارشميلو تافه:هههههه هي مملكة المكسرات عم تعاقب البشر اللي جابوهن اليوم.

وسيم:المى:مملكة المكسرات!!.

مارشميلو تافه:بكفي أسئلة بتقلكن حبة قرب ينتهي الموعد وأنتوا ماعملتوا شي.

المى:مشان الله ماعاد فينا.

مارشميلو تافه: مابدي أسمع صوت حدا باي يابشر الكسلانين ههههه.

وسيم:ياربي رحمتك.

المى:مشان الله وسيم حاول تتصل بحدا مابعرف ليش تلفوني صار لعبة!.

وسيم:هلأ لحتى تنتبهي من أول ماوصلنا تلفوناتنا صاروا اللعاب.

المى:أنفلجت وما أنتبهت لشي.

وسيم:خلينا نشتغل.

المى:(زتت المعلقة من أيدها اللي هي عَ أساس أداة حادة بكسروا فيها البسكوت ويطحنوه)...أنا مابقا فيي أعمل شي خلص تركني بحالي خليهن يعاقبونا كيف مابدهن.

وسيم:ضل يشتغل ومارد على المى.

المى:ليش مصر تتعب حالك مارح تخلصو قبل الساعة 10؟.

وسيم:مابدي أتعاقب قومي بقى.

المى:مارح قوم خلص.

وسيم:متل مابدك.

عند أهل المى:
_____

أمهاتهن كان حالهن بالويل وطول النهار وهنن عم يبكوا وينوحوا عليهن.

سلمى: ياماما مشان الله أهدوا حاجتكن هيك.

دالين:كيف نهدا ونحنا مو عرفانين شي عن أختك ووسيم؟.

سلمى:إن شاء الله رح يرجعوا طولوا بالكن.

أم وسيم:أخخخ أنخرب بيتي راح وحيدي.

سلمى:بعيد الشر شو هالحكي إن شاء الله رح يرجع دعولهن بدال ماعم تنوحوا بلا فايدة.

دالين:يا رب يا رب دخيلك.

بالمملكة:
____

وسيم:قرب الوقت ينتهي.

المى:كتير خايفة.

وسيم:لو كنتي سمعانة مني وكملتي شغل معي كننا خلصنا.

المى:مستحيل نخلص شوف قديش كبير.

وسيم: لاحول ولا قوة إلا بالله شو نهاية هالقصة.

#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الــثــامــن.
#بـقـلـم_إيـمـان_عـلـو.

وسيم:لا مشان الله لاتاخدوها.

حبة المارشميلو:سكوت مشان ماتتعاقب بدالها.

وسيم:عاقبوني بدالها وخلوها.

حبة المارشميلو:الفدائيات هي بلاها.

المى:الحقني يا وسيم مشان الله.

وسيم:خدوني معها.

حبة المارشميلو:سكوت مشان مانسكتك عَ طريقتنا.

المى:(من بعيد عم تصرخ وتنادي)...وسيييم.

وسيم:المااااااا.

حبة المارشميلو:ولا حرف اليوم معفي من العقاب بس بكرا لازم تخلص بقية الجبل وإلا رح تتعاقب عقاب عسير.

وسيم:مشان الله رجعوا المى ورح نخلصوا كلو والله.

مشيت حبة المارشميلو ومشيوا كل الحبات وراها وضل وسيم وحيد وفرقوه عن المى وصارت معاناتهن أكبر ببعدهن عن بعض والمى بلشت تتعذب لحالها خاصةً بعد ما أمرت حبة أنو مارشميلو الحزينة هيي اللي تعذب المى لحتى تاخد ثار ولادها.

بحلب:
___

أبو وسيم:ماضل مكان ماسألنا فيه محدا بيعرف عنهن شي وبكل المشافي والمخافر مو مارق أسمهن لشو نضل هون؟!.

عماد: والله مابعرف يا أبو وسيم تربطوا أديي ورجليي.

أبو وسيم:يا أبو سلمى وجودنا هون مضيعة للوقت وخصوصي أننا بنعرف ماسافروا وقالولنا ماطلعوا بهديك الرحلة.

عماد:(بيبكي)...معقول راحوا الولاد؟!.

أبو وسيم:(ماكان حالو أفضل من حال أبو سلمى بس كان عم يحاول يهديه ليقدروا يكفوا هالمشوار ويلاقوا ولادن)....طول بالك يا أبو سلمى إن شاء الله مابصير إلا كل خير.

عماد:يا رب يا رب تحميهن وتردهن سالمين.

أبو وسيم:إن شاء الله.

بالمملكة عند المى:
___

كانت مارشميلو الحزينة عم تستمتع بتعذيب المى وهي عم تقلب فيها بعلبة عملاقة مليانة مارشميلو دايب.

المى:لك مشااان الله حاج دخت كتير بكفي تعذبيني.

مارشميلو الحزينة: رح أنتقم منك يا سفاحة أكلتيلي ولادي من زمان ناطرة هاليوم هاد.

المى:ببوس سكراتك تركيني طيب بس خليني أرتاح شوي بكفي تقلبي فيني.

مارشميلو الحزينة:مارح خليكي ترتاحي ولا دقيقة يامجرمة أنتوا البشر لازمكن أعدام بالمصاص الحار أخخ لو تسمحلي حبة كنت زتيتك بالمصاص الحار وأرتحت منك.

المى:مصاص حار!....لا يا الله دخيلك.

ضلت مارشميلو الحزينة تعذب المى للصبح وتقلب فيها وتلزق عليها السكر والمارشميلو الدايبة والمى طول الوقت عم تبكي وتترجاها وهي ماكانت ترحمها أبداً كل ماكانت تهدا عليها شوي تتذكر ولادها اللي أكلتهن المى وترجع تزيد عليها العقاب.

عند وسيم:
__

الليلة اللي مرقت عليه كانت أصعب ليلة كان خايف عَ المى وحاسس بالوحدة بدونها ومهموم لأنو مو قدران يعمللها شي يخلصها من هالعقاب ماقدر ينام الليل وهو عم يفكر ب المى من غضبو ووجعو عليها كان يتفشش بجبل البسكوت ويكسر ويطحن فيه هيك لخلص الجبل قبل مايطلع الصبح.

حبة المارشميلو: اليوم نشيط كان لازم من البداية نخليكن كل واحد لحال لحتى تشتغلوا منيح.

وسيم:مشان الله جيبولي المى خليها معي وعاقبونا سوا.

أجا مارشميلو الغضب وهو شاحط المى من شعرها وهي تعبانة كتير ودايخة من تعذيب مارشميلو الحزينة إلها وسيم لما شافها هيك فوراً ضمها وهو عم يسألها إذا كانت منيحة أو لأ.

حبة المارشميلو:غضب شوف شغلك.

مارشميلو الغضب:أمرك يا حبة.... عمل فتلة بالمكان وفجأة ظهروا 5 بواب كل باب مسكر بنوع شكل.

وسيم:(بتعب)....شو هاد كمان؟!.

مارشميلو الغضب:شايفين هال5 أبواب بدكن تروحوا بواحد منهن وتتحملوا العواقب بعدها.

المى: بواب شو؟.

حبة المارشميلو:باب مملكة المكسرات ومملكة الفواكه والتالتة مملكة الشوكولاته والرابعة مملكة العلكة والباب الخامس هو المخرج للبشر اللي بياكلوا المارشميلو.

وسيم:يعني رح تخلونا نطلع بالباب الخامس؟!.

مارشميلو الغضب:أكيد مارح نخليكن تطلعوا للحياة الطبيعية رح تتغلفوا وتنباعوا مارشميلو وتتعذبوا متل ماعذبتوا حباتنا.

حبة المارشميلو:أختاروا الباب اللي بدكن ياه بس الأختيار أجباري مافيكن ماتختاروا.

مارشميلو الغضب:بس كونوا متأكدين بكل باب رح تلاقوا عقاب شكل لاتتوقعوا النجاة.

المى: ياربي شو نعمل؟.

وسيم:رح نختار الباب الخامس بلكي بنقدر نهرب.

مارشميلو تافه:هههههههه مافي مجال للهرب لاتفكروا.

المى:كيف سمع هاد؟!.

وسيم: شبعرفني يلا خلينا نمشي بهاد الباب...(مشيوا وسيم والمى بأتجاه الباب الخامس).

مارشميلو الغضب:الى الجحيم.

حبة المارشميلو:راقبوهن منيح لاتتركونهن للتأكدوا أنهن أنأكلوا.

مارشميلو تافه:أمرك أوامر يا جميل أنتَ.

حبة المارشميلو:بلا كترت حكي ياتافه.

مارشميلو تافه:حاضر.

أنفتح الباب اللي مكون من قطعة مارشميلو شريرة صايرة ع شكل أسنان وأنياب وأول مامشيوا خطوة ورا الباب تزحلطوا فوراً فوق مي محلية وسميكة سبحوا فيها وهنن عم يصرخوا لحتى تزحلطوا مرة تانية لوصلوا لقلب صحن كبير من السكر وأندفنوا فيه دفن وبعدها طلعوا بصعوبة ليواجهوا المرحلة التالتة اللي هيي وقعوا بألوان المارشميلو لحتى صار لونهن زهري وأبيض وأصفر شافوا ضو قريب عليهن ظنوا

#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الــتــاســع.
#بـقـلـم_إيـمـان_عـلـو.

سلمى:كتير دايق خلقي من البيت.

جاد:شو رأيك أجي أخدك مشوار.

سلمى:بهالوقت؟!.

جاد:مارح نطول تحججي بأي شي قولي أنك تذكرتي رفيقة لألمى رايحة تسأليها عنها.

سلمى:طيب بلكي أمي صار بدا تجي معي؟.

جاد:لك دبريها كيف ماكان.

سلمى:طيب ماشي.

جاد:طيب رح أجي وأنطرك براس الحارة.

سلمى:ماشي بس بدي روح عَالجنينة اللي كانوا يروحوا عليها المى ووسيم.

جاد:بأمر عيونك.

عند المى ووسيم:
____
المى ووسيم ضلوا يحاولوا مع الرموز ويتفرجوا عَالناس والحياة الطبيعية ويتحسروا ومافيهن يعملوا أي شي كل ماكان يجي حدا بدو يشتري مارشميلو يتخبوا لحد ماصارت الدنيا ليل وسكروا المحلات وماضل حدا بالمدينة قرروا يهربوا وفعلاً قدروا ينزلوا ولصغر حجمهن طلعوا من فتحة صغيرة بكل بساطة وصاروا يدوروا بالشوارع بعد مافكوا حالهن من كيس التغليف بصعوبة.

المى:أخر شي كنت متوقعتو أني صير حبة مارشميلو.

وسيم:لككك أخخ بتعرفي أنو نحنا هلأ بخطر أكبر أي حدا ممكن يمشي فوقنا بينهينا أو أي حدا بلاحظ أنو حبات مارشميلو عم تمشي ممكن يعمل فوضى بالبلد كلها.

المى:أي والله نحنا لازم نلاقي مكان آمن.

وسيم:وين بدنا نروح يعني؟.

المى:مابعرف بس أنا تعبت من الركد خلينا نرتاح بشي مكان.

وسيم:تعي نروح عَالجنينة بما أنو رح تكون فاضية.

المى:طيب.

بالجنينة:
____

المى:أخخ شو أشتقتلا هالجنينة معقول نرجع أشخاص طبيعيين وسيم؟!.

وسيم:أووف والله مابعرف رح جن حاسس حالي كتير مخنوق.

المى:وسيم أنتبه في بشر هنيك.

وسيم:بشر!!.. صايرة عم تحكي متل المارشميلو!.

المى:هلأ مو وقت هالحكي لازم نتخبى منيح.

وسيم:لكك التهينا بالحكي وصرنا قريبين منهن كتير تعي لهون.


عند سلمى وجاد كانوا بنفس الجنينة وهنن البشر اللي عم تحكي عنهن المى ماضل عندهن مجال للهرب قربوا منهن كتير وهنن عم يمشوا صاروا بين رجلينهن وسلمى أرتعبت.

سلمى:وليييي فااارة جاد الحقني دخيلك فارة.

وسيم:(بتعجب)فارة!!.

المى:فارة!!.

جاد:وينن ليكن شفتن فارتين.

سلمى: وليي فارتين كمان.

المى:فارتين!.

وسيم:فارتين!.

جاد:رح أقتلن لاتخافي.

وسيم:(مسك أيد المى)...هربييي.

المى:يالله رح يقتلونا.

تخبوا المى ووسيم تحت كرسي الجنينة وجاد قعد سلمى فوق الكرسي نفسو لحتى تهدا من الرعبة لأنها فكرت حالها شافت فارة الجنينة شبه عتمة والمى ووسيم بينوا متل الفيران.

جاد:أهدي ياروحي خلص راحت.

سلمى:يالله شو هالأسبوع النحس هاد من وقت ما راحت المى والمصايب عم تنهال علينا.

جاد:هيي فارة طولي بالك وإن شاء الله رح ترجع المى ويرجع وسيم طولي بالك.

سلمى:(بتبكي)..خايفة نكون خسرناهن للأبد ياجاد والله بموت بدون المى.

المى:وسيم عم تسمع هدول سلمى وجاد.

وسيم:(بيمسك المى لحتى ماتطلع)...لاتتهوري إذا طلعتي رح يقتلوكي ومابيعرفوا أنو أنتي المى.

المى:أختي عم تبكي علينا ياوسيم أكيد حالهن بالويل.

وسيم:(بيمسح عيون المى)..ديري بالك تبكي إذا بكيتي رح تدوبي أنتبهي المى مابدي كفي هالمشوار وحيد.

المى:طيب خلينا نحاول نشرحلن الموضوع بلكي بساعدونا.

وسيم:بدك تفلجيهن أنتي كيف رح يستوعبوا هالشي ونحنا اللي عشنا الوضع ماعم نقدر نستوعب شي.

المى:هي مافكرت فيها.

وسيم:تعلمي تفكري بكلشي وهلأ خلينا نروح لمكان بعيد نلاقي الرموز بلكي بنرجع لطبيعتنا.

المى:يا رب يا رب.

وسيم:أمشي ولا تطلعي صوت.

المى:حاضر حاضر.

بعد ساعة سلمى وجاد رجعوا عَالبيت وطبعاً أهل سلمى بلشوا يسألوها إذا عرفت شي من رفيقة المى اللي راحت عليها قالتلن أنو مالقتها بالبيت خاب أملهن من جديد والخوف والأستسلام سيطر عليهن بشكل كلي مابقى فيهن يعملوا شي غير ينطروا رحمة رب العالمين أما عند المى ووسيم ف هنن خبصوا خبصة جديدة وخربطوا الرموز ببعضهن وهالشي رجعهن عَ أرض المملكة وأشتدت العوقبات عليهن وهالمرة حبة المارشميلو قررت تخلي مارشميلو الغضب يعدمهن بالمصاص الحار لحتى يأمنوا أنهن ماتوا وخلصوا.


مارشميلو الغضب:رجعتوا على أرض المملكة لحتى تموتوا على أيدي.

حبة المارشميلو:قدرتوا تهربوا من البشر اللي متلكن وما أكلوكن مفكرين رح نخليكن تلعبوا برموزنا على راحتكن أغبياء.

وسيم:شو خبصتي يامجنونة رجعتينا لعند هالظلام.

المى:أخخخ مابعرف تعاكسوا الحروف وهيك صار.

وسيم: لاحول ولا قوة إلا بالله خلص شكلنا رح نموت هون.

المى:ياربي بدي أمي.

وسيم:سكتي كلو من وراكي أنتي.

حبة المارشميلو:أنتهى الوقت المحدد لمملكتنا رح يتأجل الأعدام لبكرا ياغضب أطبخ المصاص منيح لحتى يستووا فيه بسرعة.

مارشميلو الغضب:حاضر ياحبة رح أطبخلهن ياه على نار هادية رح خليهن يموتوا بحرارة المصاص وبعدين جمدهن وأبعتهن لعند البشر ياكلوهن ساعتها رح يكونوا ميتين ومافيهن يهربوا مرة تانية.

مارشميلو التافه:هههههه شكلنا رح نتسلى كتير بكرا.

#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الأول
#بـقـلـم_إيـمـان_عـلـو.

مو بالضرورة كلشي بنشوفوا أو نسمع عنو بكون واقع أو ممكن يصير بالواقع أطلقوا العنان لمخيلتكن خلونا نسبح ببحر الخيال لحتى تصير عندنا طاقة أيجابية تخلينا نتجاوز مرارة الواقع....أنا المى عمري23 متخرجة من المعهد العالي للفنون المسرحية وكمان كاتبة قصص وسيناريوهات بس عَ قولة أمي سبع صنايع والبخت ضايع يعني بالمختصر المفيد أحلامي كلها قيد "الحلم" صعب قول قيد التحقيق لأنو من وقت تخرجت لهلأ ماصحتلي ولا فرصة أني أطلع بشي عمل أو حتى بيع شي من أعمالي اللي بكتبها مع أنو الكل بيشهد لموهتبي أي شو بدنا نعمل هيك الحظ....نسيت أحكيلكن أنا عايشة مع أمي وأبي وأختي سلمى ماعندي غيرها وباقي التفاصيل رح تعرفوها بالقصة......


سلمى:(سلمى عمرها 25 دارسة أقتصاد وبتشتغل محاسبة بشركة خاصة بتحب الموضة والمكياج وهالقصص)....صباحوو لموش.

المى:صباحوو.

سلمى:يالطيف شو بتبلعي مارشميلو وشوكولا لك خفي عَ حالك هدول كلن سعرات حرارية.

المى:(وتمها مليان)...وأنتي شو دخلك؟!.

سلمى:أي بالناقص أنا مشانك يعني.

المى:يا أختي أنا مبسوطة هيك.

سلمى:أي تسطفلي قليلي كيف طالعة؟.

المى:(وهي عم تاكل وبدون ماتتطلع عليها)...صاروخ.

سلمى:لك لعمة ضربك تطلعي فيني وعطيني رأيك عنجد.

المى:لك ياعيني شبك دبقتيني عم قلك صاروخ حلي عني بقا.

سلمى:تضربي أنتي واللي بتاخد رأيك.

دالين:(أم سلمى)....مابتبطلوا هالموشح الصباحي أنتوا؟!.


سلمى:عم أخد رأيا وماعم ترد عليي.

دالين:بتجنني ياعيوني خليها أم بطن بحالا.

المى:هلأ أنا أم بطن بابي ليك شو عم يحكوا عن دلولتك!.

عماد:(أبو سلمى)...هههههه والله ياحبيبة بابا مافيني دافع عنك وأنتي حاطة كل هالأكلات قدامك.

الكل:ههههههههه.

المى:(برمت بوز)...أصلاً لأني عم أتعب بالكتابة عم باكل كل هالقد.

عماد:الله يقويكي حبيبتي.

دالين:أخخخ يابنتي عم تتعبي عَالفاضي يعني لو تسجليلك شي فرع من جديد يكون مستقبلو مضمون مو أحسنلك.

المى:ماما ليش عم تحطميني هيك لهدرجة ماعندك إيمان بمواهبي؟!.

سلمى:كلنا عنا إيمان بموهبتك أن كان بالتمثيل ولا بالكتابة بس مافي شي عم بساعدك تمشي خطوة لقدام.

دالين:ياعيني عليكي أنا هاد قصدي أنا بعرف أنك موهوبة بس بدي تلاقي مستقبلك بشي تاني مبدئياً بس ومو ضروري تتركي الكتابة والمحاولة للتمثيل.

عماد:أمك وأختك معهن حق بس بالنهاية القرار إلك ونحنا بندعمك بكل الأحوال.

المى:الله يخليلي ياكن ومايحرمني منكن بعرف هالشي بس بالوقت الحالي بدي ضاعف محاولاتي بلكي الله بيفتحلي شي طاقة فرج بعدين إذا فقدت الأمل بفكر بشي تاني بس هلأ مالي حابة أعمل شي أبداً.

عماد:الله يوفقك ويفرحنا بنجاحك.

دالين:إن شاء الله بشوفك أحلى ممثلة وأشهر كاتبة.

المى:خليلي ياكن.

سلمى:آمين يا رب....شو بابا مابدك تروح رح نتأخر عَالشغل؟.

عماد:يلا بابا ماشيين.

المى:بابا المارشميلو اللي عندي خلصت.

عماد:ههههه وشو هاد اللي قدامك؟.

المى:لك بابا هنن كم قطعة هلأ بخلصن.

سلمى:الله لا يشبعك يافارة.

المى:سكتي أنتي.

عماد:خلص بابا تكرم عينك.

المى:لك يكفنيي.

دالين:ييي بعيد الشر.

عماد:يلا بدكن شي تاني؟.

دالين:سلامتكن الله معكن.

عماد:سلمى:الله يسلمكن.

دالين:وأنتي المى ماعندك شي اليوم؟.

المى:أمبلا طالعة مع وسيم في دار نشر جديدة رح نجرب حظننا عندن شي ساعة وطالعة.

دالين:أيي الله يفتحا بوشكن يا رب.

المى:آمين يا رب كتريلنا منن.


بعد ساعة ونص بالشارع:
_____

المى:وسيموو الملك كيفك؟!.

وسيم:ههههههه شبك عم تحكي متل المسترجلة؟.

(وسيم شب من عمري هو البيست فرند تبعي من لما كننا صغار سوا كبرنا سوا ودرسنا نفس المجال سوا تنيناتن مشتركين نفس الأحلام هو كمان درس معي بالمعهد العالي للفنون المسرحية وكمان بيكتب يعني أنا وياه شخص واحد بجسدين أفكارنا وحدة وأحلامنا وحدة وحظنا قليل دائماً بنسعى سوا لنحقق هالحلم بنكتب مسلسلات مشتركة ونصوص مشتركة بس للأسف ماعم نلاقي فرصة لنثبت حالنا بالشغلتين الكتابة والتمثيل مع هيك عم نحاول ومارح نستسلم)

المى:ههههههه والله كنت عم أكتب لساتني متعمقة بشخصيات المسلسل.

وسيم:هههههههه أيمت رح تخلصي؟.

المى:بدي شغلة 10 أيام كمان لخلصو.

وسيم:أووف كأنك طولتي فيه كتير!.

المى:أيه دخيلك يعني إذا طولت ولا بكرت شو الفرق عَ أساس شركات الإنتاج والمخرجين عم يدبحوا بعض لياخدوهن ما رح يتكدس مع اللي قبلو.

وسيم:ههههه الله كريم.

المى:أخخخ ياوسيمو 20 مسلسل بتعرف شو بصير إذا بينباعوا هدول لك ثرووة ثرووة وشهرة ياعيني.

وسيم:وبتصرفي هالثروة كلها عَالشطي مطي.

المى:ههههههه لك كم مرة قلتلك مارشميلو أسما مارشميلووو.

وسيم:يا أختي أنا بعرفا شطي مطي حركات الأجانب بلاها.

المى:ههههههه ما أغلظك.

#مــمـلـكــة_الـمـارشـمـيـلـو.
#قـصـة_خـيـالـيـة.
#الـجـزء_الـثـانـي.
#بـقـلـم_إيـمـان_عـلـو.

وسيم:شبك ساكتة؟.

المى:شو بدي أحكي يعني؟.

وسيم:نحنا أتفقنا مانخلي شي يأثر علينا.

المى:بس يا وسيم نحنا بشر بنحس وبنتعب ليش هيك عم يرفضونا ليش النحس مرافقنا نحنا بالتحديد الكل بيشهد بمواهبنا ليش لهلأ مافي قبول غير بالمجلات الالكترونية يا أما هنن عم يجاملونا ونحنا ماعنا موهبة بالأصل وفاشلين يا أما هنن ماعندن زوق.

وسيم:شو صرلك أهدي خلص هي مو أول مرة.

المى: لأنو مو أول مرة حاسة حالي رح أنجلط.

وسيم:بعيد الشر خلص طولي بالك نحنا أتفقنا نمشي بهالطريق قد ماكان صعب ومانستسلم لشي وتاني شغلة إيمانك بموهبتك مالازم يضعف بس لأنو ماعم تلاقي فرصة تثبتي فيها حالك.

المى:بس أنا تعبت.

وسيم:رح يجي يوم ونلاقي فرصة تغير حياتنا ونتذكر هالأيام.

المى:مابظن.

وسيم:خلص حاجتك مبومة أمشي خلينا ناكل شطي مطي.

المى:مارشميلو.

وسيم:ههههه ياستي مارشميلو وعَ حسابي كمان.

المى:كفووو وسيموو.


بعد شوي:
_____

صاحب السوبر ماركت:محدا بشتري من عندي منها قد مابتشتروا أنتوا.

وسيم:ههههههه شو بدك أحلى من هيك؟!.

صاحب السوبر ماركت:الله يكترلنا الزبونات اللي متلكن.

المى:ههههه وسيم اليوم لازم تشتريلنا دبل كل مرة.

وسيم:ههههه أي والله قاعدلك عَ بنك(وناولها قطع المارشميلو).

المى:(كل ماكانت تمسك الكيس كان يوقع من أيدها)....ييي شو صار كل شوي عم يوقع هي أكيد من دون نفس شاريها وسيم.

وسيم:(حمل الكيس من جديد)...لك تضربي إذا أديكي مرتخيين أنا شو دخلني؟.

المى:ههههههه.


المسا ببيت المى:
____

عماد:ماحكيتيلنا شو صار معك اليوم المى؟!.

المى:متل العادة بابا مافي شي جديد.

دالين:معلش حبيبتي ماتدايقي حالك كلشي نصيب.

المى:عادي مالي متدايقة.

سلمى: لولو دايق خلقي شو رأيك نطلع مشوار طبعاً بعد أذنكن بابا وماما.

عماد:دالين:متل مابدكن حبيباتي طلعوا بس لاتتأخروا.

المى:موافقة بس بشرط ت.....

سلمى:بعرف بشتريلك مارشميلو الله لا يشبعك.

عماد: دالين:ههههههه

المى:هههههه دخيلو اللي بيفهم علي.

سلمى:قومي يا أم بطن.

المى:قايمة.

بالشارع:
___

المى:أي سلمى خانم ماقلتيلي وين بدك تاخدينا مامشيت عليي هي قصة دايق خلقك ها.

سلمى:بدي روح شوف جاد أشتقتلو كتير.

المى:بشرفك شاحطتيني وراكي لحتى تشوفي بطيخ.

سلمى:خرسي لاتحكي عليه بعدين مين إلي غيرك أنتي؟.

المى:خلص خلص لاتبلشي تتمسكني فهمنا.

سلمى:ههههههه.

بالكفيتيريا:
___

المى:سلمى: مسالخير.

جاد:أهلا وسهلا يسعد هالمسا.

سلمى:دخيل قلبك ما تأخرنا ما؟.

جاد:بس ساعة مو بيناتنا ههههه.

المى:ههههه ضلت سنة ورا المراية وعم تسأل إذا تأخرت ولا لا.

سلمى:خرسي.

جاد:هههههه كيفك كاتبتنا المبدعة؟.

المى:كاتبتنا ومبدعة؟...ههه تمام وأنتَ كيفك؟.

جاد:تمام بس ليش أستغربتي؟.

المى:ههههه ولا شي بس مابعرف أني كاتبة مبدعة حتى أني مابسمي حالي كاتبة.

سلمى:لا ياستي كاتبة وممثلة مبدعة كمان.

المى:ياستي الله يجبر بخاطركن بس ماقلتلي وين شفت كتابتي؟.

جاد:عَ طول سلمى بتفرجيني منهن وكمان متابعك عَالفيس ولا شو نسيتي؟!.

المى:أه صح والله.

سلمى:صاير معها زهايمر مابتتواخذ.

جاد:هههههه طيب ليش هيك ماعندك ثقة بحالك وبموهبتك لحتى متشائمة لهدرجة؟.

المى:لا بالعكس تماماً بس مالي ثقة بحظي لا أكتر ولا أقل.

جاد:لهلأ ماحظيتي ب ولا فرصة بالمجالين الكتابة والتمثيل؟.

المى:ولا رح أحظى.

سلمى: شايف شو بومة ومتشائمة؟.

جاد:أنا يمكن فيني ساعدك بعرف كتير شباب متل وضعك بس عم تصحلن فرص رح أتواصل معهن وبحاول زبطلك فرصة.

المى:بحياة أمك جد؟!.

جاد:هههههه أي جد بوعدك أعمل كلشي بيطلع بأيدي.

المى: يقبرني ربك أنتَ.

سلمى:أحم.

المى:ولعية.

جاد:ههههههه شبكن؟.

سلمى:هي مشان لما قلك تطلعي معي ماتحمليني منية.

جاد: أيوا هيك القصة لكن!.

سلمى:أي هيك.

المى:أي خلص سكتي فضحتينا أنا رح قوم أعمل فتلة قريبة من هون وأنتوا خدوا راحتكن بس ليك جاد ياريت ماتنسى وسيم بلكي بتقدر تعملو شي هو كمان مابدي فرصة لحالي وهو مو فيها.

سلمى:ياعيني وبلشت تتشرط!.

جاد:ههههه تكرمي أنتي وياه أن شاء الله بيطلع بأيدي أعمللكن شي ومارح قصر.

المى:يا رب....يالله عن أذنكن.

جاد: الله معك....أي ياحلو أنتَ أشتقتلك.

سلمى:قديش يعني؟.

جاد:عَ قد فرحة المى قبل شوي.

سلمى:ههههههه.

المى عم تتمشى برا وهي عم تاكل المارشميلو اللي جابتلا ياهن سلمى رشوة الطلعة معها أتصلت بوسيم لتخبرو شو قلا جاد....

وسيم:لك بلعي لقمتك وفهميني مزبوط ماعم أفهم عليكي!.

المى:عم قلك هو وعدني يدبرلنا فرصة لنقدر نمثل.

وسيم:طيب كيف هيك؟.

المى:قال عندو معارف ومابعرف بقى أن شاء الله بيطلع بأيدو ويصحلنا شي دور لك حتى لو كومبارس رضيانة المهم أطلع عَالشاشة شي مرة.

وسيم:هههههههه عَ أساس رح يصحلك غير هيك ولا مفكرة رح يعطوكي دور البطلة.