#كنت_سندا_لنفسي_بقلم_امل_احمد
#قصة_واقعية

الكمالة بالتعليقات

(الجزء الاول)

قصتي بتشبه قصص كتير بنات .. اهلن زتوهن بالنار بئديهن .. اهلن ما كانو الهن سند .. اهلن ظلموهن وما رحموهن .. رح بلشلكن بالتعريف عن حالي..

انا ميار.. هلا عمري 32 سنة.. بنت بيضة وعيوني عسليات.. شعري خيولي وطويل.. بلشت قصتي وقت كان عمري 14 سنة..

ابي: الرجال ما عليه عيب والبنت كبرت

امي: لك ايا كبرت.. اتقي ربك يا رجال

ابي: اتقي ربي!!.. يلي بيسمعك بيقول عم ادبح فيها

امي: والله لو تدبحا كان ارحم علي

ابي: اي سمعيها هالحكي سمعيها

امي: لك بنت لسا ما بلغت.. ما كملت 14 سنة وهو عمرو 32سنة.. لك حرام هالشي حرام

ابي:(بعصبية) سمعي لقلك.. قراري اخدتو.. وما تحكي هيك كرمال البنت بكون احسن

امي:(تبكي) حسبنا الله ونعم الوكيل

وقت هالنقاش هاد انا كنت بالغرفة حدن وسمعت كلشي.. وقتا كنت ماني دريانة شو مخبالي.. كنت عم فكر بفستان عرسي.. والطرحة والحب ..وما كان هاممني شي تاني..
دخلت امي عندي ع الغرفة وعيونا مليانة دموع ونفسا مقطوع..

امي: والله يا امي ما عم يقبل.... يا ربي دخيلك

ميار: امي خلص انسي انا موافقة

امي: لك ليش انت دريانة عن شي.. يا ربي دخيلك ساعدني

ووقت المسا كان العريس واهلو عنا..

صابر.. كان عمرو وقتا 32 سنة.. بصراحة كتير بشع .. وقت شفتو انصدمت من شكلو وخفت كتير.. هربت ع المطبخ .. ولحقتني امي..

امي: شبك يا روحي.. ليش هيك طلعتي

ميار:(تبكي) امي شكلو بخوف.. ما عاد بدي

ضمتني امي ع حضنا وهي عم تبكي..

امي: يا ريت اقدر غير رايو لابوكي ..يا ريت

روحو الجماعة وانا حابسة حالي بغرفتي وعم ابكي.. ندق الباب ودخل اخي زيد..

زيد: شبها اختي الحلوة.. ليش عم تبكي

ميار: (تبكي) اخي انا ما بدي ياه.. والله بخوف

زيد: ولا يهمك حبيبتي.. هلأ بحاكي لابوكي.. بس حاج بكي

طلع اخي زيد من عندي وبعد بشوي سمعت صواتن طلعت.. وقفت ورا الباب لاسمع..

ابي: انتو ما دخلكن.. انا المسؤول عنا مو انتو

زيد: بدك تزوجا بالغصب !! هالشي ربنا ما بقبلو

ابي: اي ما بدا من حكيكن قداما ونقكم..

امي: لك والله يا رجال خافت منو.. حرام عليك

ابي: اي سكتي بلا علاك.. انا عطيتن كلمتي.. خلصناا

امي: لا حول ولا قوة الا بالله

بعد بيومين تم كتب الكتاب وصرت ع اسمو .. كتبنا كتابنا بالمحكمة ورحنا سوا لناكل الحلوان ..

صابر: شبك حبيبتي.. ليه زعلاني

وقت قلي هالكلمة حسيت بسكينة انغرست بقلبي.. ورجفت وحاكيتو من غير وعي..

ميار: (بعصبية) حبيبتك!! انت جنيت اكيد

صابر: ليه هيك عم تحكي!! انت هلأ مرتي وشي طبيعي تكوني حبيبتي

ميار: انا ماااني مرتك.. خطيبتك انا.. خطيبتك وبس

اطلع فيني صابر بقهر..

صابر: والله باينتك كبيرة راس ورح تعزبيني

كان هداك اليوم من اصعب الايام علي ..كنت من قبل ع طول اتخيل حبيبي كيف رح يكون .. وصابر كان عكس كل توقعاتي.. كنت اقرف منو كتير..

امي: لك يا بنتي عيب.. بيضلو خطيبك والو حق عليكي

ميار: امي مااااني طايقتو ابداا.. وقلتلو انو عندي فحص لشو اجا

اجت لعندي وقعدت حدي ع السرير..

امي: بنتي حبيبتي.. بدك ترضي بنصيبك.. هيك قدرك يا بنتي ..ما فينا نعمل شي

اطلعت بامي وانا قلبي عم يوجعني..

ميار: (تبكي) بترجاكي يا امي.. ما بدي اياه بترجاكي ..ما فيني اطلع بوشو

ضمتني امي وهي عم تبكي..

امي: يا ريت لو فيني امنع هالجازة ووقف هالكابوس بس هيك ابوكي بدو .. الله يرضى عليك يا بنتي تعي يالا

وقت شفتا هيك لامي ما حبيت عزبا اكتر .. ومسحت دموعي..

ميار: حاضر امي .. حاضر

طلعت لعندو وانا ماني طايقة شوفو..

صابر: اهلا بحبي.. شبك تاخرتي

ميار: (بعصبية) لك انا ما قلتلك لا تجي .. لك قلتلك عندي فحص بكرة

صابر: هلا هيك البنت المحترمة بتستقبل حبيبا.. وشو هاد يلي لابستيه.. في بنت خاطبة بتلبس بجامة لخطيبا

ميار: اي.. انا .. انا هيك بلبس ومانك حبيبي لاستقبلك استقبال تاني

صابر: سمعي ميار انا لهلأ صابر ومتحملك.. وعم قول تركا تدلل شوي .. ازا بتضلي تحكي بهالطريقة معي ما تلومي غير حالك.. ومرة تانية بتلبسي شي مرتب وقت اجي

ميار: انا هيك بكون مرتاحة .. وازا مو عاجبك لا تجي

عصب صابر وعيونو صارو حمر ..

صابر: مياااااار .. وربي بكسر راسك .. لا تجالكيني هيك

ميار: (بصراخ) تكسرلي راسي!!.. لك فهاام انا مااا بدي ياك.. ماني طايقتك

وانا عم احكي معو ما شفت غير كف بنص وشي من ابي..

ابي: هيك انا علمتك يا قليلة الترباية.. لك هيك بتحكي مع خطيبك

انا انصدمت وقت ضربني ابي.. كانت اول مرة ابي بيعملا ويضربني .. وكمان قدامو لصابر.. ضليت مصدومة ودموعي عم يشرو ع خدودي..

صابر: طول بالك عمي .. هي بس عم تدلل علي

ابي: هاد دلال هاد.. لك هاد قلة ترباية.. كلو من امك يلي عم تكبر براسك

تركتن تنيناتن وهربت ع غرفتي وسكرت ع حالي وبلشت ابكي وابكي وابكي .. لوقت اجت امي..

امي: لك الله يسامحك يا امي.. لك ليش هيك عملتي

ميار: اميييي.. ما بدي ايااه .. لك بك