يالطيف .....لك كيف أجا من قلبها تعمل فيني هيك ......لك كيف....والله مالي مسامحها ...لا دنيا ولا آخرة ع اللي عملتو فيني ببيتي وبعقليتي ومرتي ........
الشيخ : هلأ روق ...وقوم خلينا نكمل شغلنا
وأنت اللي قلت ..يلا تفضل ...
مررت هالأيام والحمدلله كل الأمور بلشت ترجع للأحسن .....والشيخ ماقطع شاهر كل يوم في إلو جلسة ....وزيناتي عن يساعدوا بعمار بيتو أكتر وأكتر ماتركوا هالفترة ولا لحظة .....سأل عن علا وصار يدور عليها بس متل فص ملح وداب .....مافي أخبار عنها ...على غفلة اختفت ......حتى أهلها على قولتهم مابيعرفوا وينها .......؟؟؟؟؟
وسمر كتير كانت ضايجة هالفترة ...خاصة أنو شاهر ماعم يحاكيها ولا يسأل عنها بنوب ........وهي نابدها لا تتصل فيه .....ولاتحاكيه ......اشترت موبايل جديد وخط جديد ...لأن القديم لسعتو مع شاهر ....وهي ما طالبتوا فيه ......وحتى جربت تحكي معو ...خاصة من بعد هديك الشوفة اللي شافتها بالصور........
بعد فترة شهر ....بيندق الباب على بيت سمر ...بعد الظهر.......
يتبع.......الحلقة الرابعة عشرة
#لا_بأيدي_ولا_بأيدك_بقلم_كنانة_غميان
اندق الباب على بيت سمر .....وصوت غني لبرا طالع ...شكلوا في رقص وجنان جوا .....
سمر جايبة رفقاتها وسحر مو مقصرة وجايبة رفقاتها كمان والغنى لبرا ......
أحلى من الحلى والله .....متل القمر ماشالله
تسلملي أنا عيونك .....دوبتي العالم كلاااا
ومتل القمر أحلى من الكل حبيبي ......
من كتر الهيصة اللي صايرة ماحدا سمع دق الباب ......رجع اندق الباب مرة تانية وتالتة ماحدا فتح ...أصلا ماحدا سمع ........
راح اللي دق الباب ..وترك ع الباب شي !!!!
وبعد ما خلصت الزيطة والزنبليطة بالبيت ...وأجو هالضيوف يطلعوا ......
فتحت الباب سمر حتى تودع ضيوفها ...وشافوا كلهم هالطرد ...صارت كل وحدة تتحزر شو هاد ..........
فاتوا هالصبايا ملهوجين ......ليشوفوا شو فيه ......وفتحوا.....طلع بقلبو c d.....وباقة ورد جوري أحمر . . بتجنن مرشوشة بالبريق الكريستال ...الكل بصوت واحد : وووووااااااااو .....شو هالجمال
سحر: ...أختي حطي الشريط ....مبين أن الطرد إلك واللي بعت الطرد بيعرف أنو اليوم عيد ميلادك ..خلينا نسمع شو في بال سي دي
سمر : ههههههه ولي شو بصلتك محروقة .....يلا خديه وحطيه .......وطلعت غنية
خليك فكرني .....يلي بجمالك وبعيونك ..دول أسرني
خليك فكرني ......لو جيت في بالك إبقى زورني
ماأنتا في عينيا ..كل اللي ليااااا فرحة شبابي بالدنيا دياااااا
صفنت سمر شوي ...وغبت دمعتها ...عرفت الطرد من مين .....ماقدرت تعمل ولا حركة قدام رفقاتها ....بس كتير انزعجت ......بدها تعمل تعبر عن وجعها بس كننت وسكتت ...ماحركت ساكن ....بس وجهها كان بيعبر إنها مقروقة ومدايقة .......
سحر قربت لعند أدن سمر : شبك سمر؟؟؟؟فرديها مو وقتك ....بعدين ...بعدين ...نحنا حاكيين أنو زوجك مسافر وبدو يرجع ....خلص سمر ...فرديها ..بلا ماتعلقينا بلسان البنات
قامت سمر وغيرت وجهها بس بالزور ....الدمعة هررت غصب عنها ....وضغري مسحتها ...لأن كلام سحر مظبوط ......اتداركوا الإخوات الموقف ......وطلعوا الرفقات من البيت على خير وسلامة .....بس لسى ماودعت آخر رفيقة ....حتى فاتت لجوا ...ومسكت العلبة ...وبلشت تنتف فيها ....وتدعس ع الورد متل المجنونة ......
سحر: لك سمر ...اهدي شو صرلك
سمر: لك مابدي ورد ....مابدي دهب مابدي زفت ...بدي يتركني بحالي ....مابدي ياه ....وهي تنتف الورد بعصبية ......مابدييييييي شي
سحر قربت عانقت أختها بقوة وهي عم تبكي: مابدييييييي إهئ إهئ ...مابدي شي يا سحر منشان الله خليه يتركني بحالي ...لك تعبت ....ماعم يفارق بالي لحظة ...خاصة الصور اللي بتهز كرامتي ومشاعري من جوا ......لك كان عم يكذب عليي كل هالفترة
سحر: طولي بالك يا أختي ....أنا متأكدة في تفسير منطقي لشي اللي صار معو ...لأن شاهر بيحبك منل ما أنا شايفتك هلأ قدام عيوني ......بس أنت عطيه فرصة
مابدي ...عطيتو فرص كتير ......ماعاد عندي اتحمل أكتر ولا أصبر أكتر ...خلص أخدت قراري وماعاد أتراجع عنو ......
#كنانة_غميان
طيب هلأ روقي وخلينا ننظف البيت ...حاكم أمك هلأ إذا شافت هالشوفة .....رح تشنقنا ....
ههههه الله يخليلي ياك يا أحلى أخت بلاك كنت انهار قلبي من زمان
لا لا تقولي هيك ....يلا قومي بسرعة
يلاا ......قومي ....يارب
وعند بيت شاهر
يا الله ...معقول ما استلمت الورد ...يا الله ....رح تحبو ولا لأ؟؟؟؟ياترى رح تسامحني؟؟؟؟وكيف بدي قلها الحقيقة .....كيف.......
واندق الباب .....فتح شاهر ..
أهلا زيناتي ....ابن حلال ... تفضل قعود
هههه ليش ....شو في ؟؟؟؟...وهي قعدة ؟؟؟
بدي استشيرك بشغلة
تفضل ..
.متل مالك شايف الأمور تحسنت ...بس بقي رجع المدام ....واليوم بعتلها ورد .....خايف من ردة فعلها