الجزء الرابع #بقلم_رند_محمد ( النهاية ) #لحن_الوجع
@rwayate
حاكاني سعد .. ومن كلمة لكلمة ..
مابعرف كيف زلق لسانو وقلي بحبك !! ..
تكركبت وتغيرت ملامح وجهي .. خجلت اي ..
ماعد عرفت احكي ..
ميس : مم شووو ، ا اا خالتي عم تناديلي انا رايحة
سعد : ميس لاتتكركبي ماحكيت شي غلط ..
يلله روحي لعند حماتك ..
سكرت التلفون وصرت اضحك من قلبي ، انو معقول هالحكي ماني مصدقة
يعني معقول تنفتح ادامي طاقة الفرج ..
رحت لعند ام سعد و انا قلبي عم يضحك ..
ميس : ساعدك ، رح قشر البطاطا ، او رح امسح الحيطان ،، خلص خلص رح اجلي
ام سعد : لا لا ماعندي شي
ميس : معناتا غسيل ، شو اعمل ..
ام سعد : شبك !! في لمعة بعيونك صرلي زمان ماشفتا .. شو القصة ..
ميس : ما مابعرف .. فيني روح لعند هنادي ..
راتب : اهلاً ميس ، تفضلي
ميس : وين هنادي
راتب : فوتي ، ليكا بالصالون
ميس : اي يلله ..
فتت وسكر راتب الباب ورايي ..
ميس : وين هنادي ..
راتب : مو هون والله ، راحت لعند اختي
ميس : لكن ليش قلتلي انها هون .. مابصير
راتب : عدي نشرب قهوة وبعدين بتروحي ..
ميس : لا بدي روح
راتب : اي عدي مافي روحة ..
قفل الباب و صار يدفشني لجوا .. حاولت بعدو
وحاولت اصرخ بس ماقدرت سكرلي تمي ..
كل ما ادفشو واجي بدي ابعد يمسكني اكتر وماعد تركني ...
حاول معي بشي وسخ متلو ، بس انا كنت اقوة منو ، ضربتو برجلي ع بطنو قام وقع ع الارض وماعد قدر يتحرك .. هون قويت وحسيت كل قوة العالم صارت فيني ..
بجية اختي .. شوووفي !! لك شوووفيي ..
ميس : هنادي بزماني قتلت جوزي وموتتو و انا هلأ ماعندي مشكلو موتلك جوزك وقت بدو يغلط معي .. ومعروفة اني خريجة حبوس ..
هنادي : لك شوووفي مشان الله
ميس : جيبي ابنك وتعي
رحنا انا و اختي لعند ام سعد .. حكيتلا القصة
هنادي انهارت وصارت تبكي و ام سعد حاولت تهديها ..
انا كنت مصدومة كتير بيلي صار ..
هنادي : انا بدي اتطلق منو ..
ام سعد : طولي بالك بنتي ، بركي بينصلح
هنادي : مستحيل ، بقرف اتطلع فيه
ماعد بدي ياه ابداً ولو شو ماصار
هنادي ماكانت عم تقدر تنسا يلي صار اعدة وحاطة الحزن بالجرن ..
ميس : خلص هنادي تعي نامي
هنادي : معقولة كل هالايام اطلع مخدوعة فيه ، معقول طلع حابك .. وعم بفكر فيكي
((( بعد شهر هنادي اتخذت قرارا النهائي وكانت منفصلة عن راتب بشكل تام و قطعت علاقتها فيه )))
ام سعد : ميس ، هنادي ، تعو بدي حاكيكن بشي مهم ..
ميس : تفضلي
هنادي : اي خالة شوفي
ام سعد : هنادي انتي الكبيرة و انا بدي قلك شي ..
ابني سعد بدو يخطب وطالب اخطبلو ميس شو رأيكن ؟
هنادي : عنجد عم تحكي ..
ميس : هههه ممم اي
ام سعد : شوقلتي بنتي ..
ميس : ما مابعرف هههه مااا
هنادي : اي خالتي مانك شايفة عيونا كيف عم تلمع ، بدا بدا ، الله يقدم يلي فيه الخير ..
— مضى اسبوع ع خطبتي انا و سعد وكنت مبسوطة بشكل مو طبيعي ..
فرحانة انو الله جبر بخاطري وطعمني واحد يهتم فيني متل سعد و ام حنونة وطيوبة متل ام سعد ..
اختي هنادي بتكابر ع حالا وبتقول انو هي بتكره راتب ، بس بالحقيقة هي كل يوم بتبكي قبل ماتنام و بتتوجع ، بس تاني يوم بتصحا وهي بكامل قوتها نسيانة وجعا ..
راتب اتصل بخالتي ام سعد وحاكاها وطلب انو يجي يشرب قهوة ، هي رضيت بس هنادي عصبت كتير ووقت اجا مارضيت افوت لقدامو ..
راتب : هنادي تعي مشان الله .. الله يخليكي سامحيني ..
هنادي : مستحيل عيش مع واحد متلك ، بقرف منك انا
راتب : مشان الله سامحيني لك هي كانت نزوة ، نادي ل ميس لاعتذر منها
—- بعد ماراح راتب اعدت مع هنادي حاولت اتغاهم معها ..
خلص هنادي شكلو ندمان ، رجعي كرمال ابنك بس
هنادي : مستحيل
ميس : بس انتي بتحبيه عطيه فرصة ...
بعد محاولات اقناع كتير كبيرة ، قدرت انا وخالتي ام سعد انو نقنع هنادي تعطي زوجا فرصة تانية وترجعلو .. هي رجعت ..
بس معاملتن مع بعض ماكانت متل اول ..
هو حاول كتير انو يرضيا بس هي ماكانت عم تقدر ..
- ياهنادي تعي نامي عندي .. بكرا عرسي وانا محتاجتك جنبي ..
ام سعد : ياربي ، صفيان شي ربع.ساعة وبيوصل سعد
ميس : وليي كتير متوترة
ام سعد : لا ياروحي لاتتوتري .. هلئ بيوصل من حمص وبتشوفيه
هنادي : دخيل قلبك ..
( بعد شوي وصل سعد .. فتحتلو الباب بخطوات هادية .. ابتسمت بوجهو الحلو .. عيوني كانو عم يلمعو لمعة خوف و حب .. قلي : كيفك ميس ..
للصراحة ماعرفت شو جاوبو .. نسيت كل الكلام ، كأنو عمري 12 سنة و خجلانة ..
قلتلو : تفضل ..
كان هاد اليوم قبل عرسي .. يعني رح ااعد معو اليوم ونحنا مخطوبين وبكرا رح ا اعد معو وانا متزوجتو .. كتير متحمسة لبكرا ، حاسة حالي اول مرة رح صير عروس ..
ناطرة فرحتي بالفستان الابيض ..
ناطرة شوف شكلي كيف حيكون قدام الكل ..
جهزت حالي من الصبح بكير .. كنت فرحانة لفرحة خالتي ام سعد يلي هلأ صارت حماتي اكتر من فرحتي لحالي ..
البسمة يلي بعيونا كانت هي البسمة البريئة لأم اليوم عرس ابنها وحيدا ..
اجا المسا و صار موعد انو فوت ع الصالة ..

قصة اليوم: #لحن_الوجع

.............
قراءة ممتعة🦋💙"
#ⴅÂÐЄĦÂ

الجزء الاول + التاني #بقلم_رند_محمد
@rwayate
#لحن_الوجع
لككككك خلص خلصصص .. فهمني بئا
لك والله مليت ، تضرب انت وهالعيشة معك
- وعم تكبري كلام يا قليلة الترباية والله لربيكي ...
— لكك اه بعد عني ، نشالله بتموت وبرتاح منك
- رح موت وموتك معي مشان ضل معك وضل عم عزبك ..
(((( صوت خبطة قوية وكأنو شي وقع ع الارض )))
ام سعد : بسم الله ، شو هالصوت هاد شبو هالواطي رياض ، الله يغضب عليه اكيد عم يقتلا
ابو سعد : قومي قومي لنشوف شوصاير
ميس : خالتي ام سعد ببوس ايدك لحقيني ..
ام سعد : شو صار
ميس : قتلتو قتلتو ..
ام سعد : شوفي شوفي
ميس : كان بدو يقتلني مسك انينة المشروب ، وكان بدو يضربني فيها ع راسي ...
قمت دفشتو وقع ع التخت ، لككك يارب لكك ما ما .. مابعرف شلوون .. الدم معبي الارض ..
—---------—
(( بعد فترة حكم دامت لمدة عشرة سنوات ، قررت المحكمة بالإجماع مايلي :
اخلاء سبيل المتهمة ميس الاحمد .. ))
- يالطييييف اديش متغيرة عليي هالدنيا ..
شو هاد ، حاسة كأني عصفور ، طلعت من قفصي للسما تحررت لعيش بدون هالقيود يلي كانت مقيدتني ..
انا ميس حالياً عمري 28 سنة ، طبعاً ماني دارسة لان العادات والتقاليد المعفنة يلي عند اهلي بتقول " البنت مالها غير بيت جوزا "
و اول واحد دق باب بيت اهلي ، جوزوني ياه ..
عمري كان 14 سنة بس عادي مو مهم مع اني كنت مجرد طفلة يسرقوها من بين العابا ورفقاتا ، ليحطوها بسجن الزواج ويخنقوها بقيد تحت عنوان السترة ..
رياض الحكي بيعجز عن وصفو ..
اكبر مني بـ 18 سنة ، ومدمن مشروبات كحولية و بخيل و مامعو يعيشني .. ولا في بجيبتو ليرة ،
والحمدلله طلعت مابجيب ولاد ههههه .. !!
مابعرف اشكر ربي ، ولا ازعل ع هالشي ..
الله ماطعمني ولاد منو لانو عرفان انو مو خرج وبحمد الله انو ما اجاني لان كانو رح يطلعو بنفس صفاتو ومتلو ..
، عشت معو 4 سنين ، دقت فيهن الويل ..
كل يوم موت الف مرة كرمال آكل كسرة خبز ..
عروقي نشفت من الفقر ، راسي تعب من التفكير ..
كل يوم حجة شكل كرمال يغطي ع عيوبو ..
اييييه .. !!!
(( وصلت ع حارتي ، اول مادخلت ماكان في حدا ببالي ، كلشي كنت عم فكر فيه هو حضن خالة ام سعد يلي هي اغلا من روحي ، كل امنيتي انو ارتمى بحضنا لحس بأمان ، امان فقدتو وقت اهلي اتبروا مني ، لان بنظرن لما دافعت عن حالي وقتلت رياض بدون قصد ، و انحبست
خلاهن يظنو اني جبتلن العار ))
/ دقيت الباب / ..
ام سعد : شووو لك هاد انتي ميس ماعم صدق عيوني
ميس : اخخخخ شو اشتقتلك يا خالتي اخخخ
ام سعد : و انا ياعمري والله
ميس : وين عمو ابو سعد ..
ام سعد : اخخخ يابنتي ، الله يرحمو
ميس : لاا ، حسبي الله ونعم الوكيل ..
ام سعد : هي حال الدنيا .--. تعي بنتي ليش واقفة عالباب
ميس : خالة انا جاية و ماعندي غير الله وانتي ، وبدي مساعدتك
ام سعد : قولي حبيبتي
ميس : بتعرفي يلي صار معي .. انا ماعدلي مكان عيش فيه ولا حدا يسئل عليي ..
خليني عيش معك هالفترة وبعدين بطلع ..
ام سعد : له الله يسامحك ، انتي بنتي ومابتخلا عنك .. هالبيت هو بيتك و هاد بيت اهلك ..
ايمت مابدك بتدفشي الباب وبتفوتيلو بدون ماحدا يحاكيكي كلمة ..
ميس : تسلميلي ياخالة ..
(( جيت لعند ام سعد ، اخدت غرفة ، البيت كان تعبان كتير ، والغرفة يلي اخدتا مرطبة كتير وكلا عفونة ، بس كنت مجبورة ماعندي اي مكان رحلو ، ..
زبطت الغرفة وضبيت غراضي .. ))
للصراحة خالتي ، كانت حنونة عليي اكتر من اهلي يلي مابعرف ازا عايشين ولا ميتين ..
تدير بالا عليي وتحبني وتعاملني متل بنتا و اكتر ..
صرلي عايشة عند ام سعد اسبوعين ومبسوطة كتير ، مبسوطة بالبساطة والحنية ..
" اندق الباب " ..
ميس : مين ؟؟
ام ضياء : فتحي هي انا
ميس : لك اهلين خالتي تفضلي
ام ضياء : تقبريني شو حليانة ، حوطتك بآيات القران .. بسم الله حولك ..
— طول الوقت ضلت ام ضياء عم تتطلع فيني وتضحكلي وتبتسملي ..
" بمحبتا و اعجابا فيني ، اجا عبالي اسئلا عن اهلي .. اتطمن عليهن ، اعرف شو اخبارن "
ميس : خالتي ، بدي اسالك
ام ضياء : تفضلي
ميس : اهلي كيفن ؟؟
ام ضياء : مممم ..
( اتطلعو ببعض هي و ام سعد )
ميس : شوفي ، ليش فاجئكن سؤالي عن اهلي ؟؟
هنن تبروا مني يسطفلو بس انا بحبن وبضلو اهلي ..
ام سعد : ليكي يابنتي ، انا كل الفترة يلي اعدتيها عندي ، ماحكيتلك عن شي بخص هالموضوع .. و انتي ماسئلتي .. بس هلأ صار لازم تعرفي
ميس : لك شوووفي ..
ام ضياء : اهلك ماتوا ، ماضل غير اختك هنادي ..
ميس : لااااااااا ياربي .. لك كيف بموتو بدون ماودعن ، كيف ماتوا بدون مايسامحوني ..
ام ضياء : طولي بالك يرضا عليكي يا امي طولي بالك ..
ميس : لككك ياربي ، ليش ...
( حطيت راسي ع صدر ام ضياء وصرت ابكي ، بهديك اللحظة كانت النار عم تحرق قلبي ، اهلي ماتو وهنن غضبانين عليي مع اني ما اذنبت ، وانحبست ظلم ..
ماتوا قبل ماشوفن ، قبل ماشم ريحة امي وضما ، قبل ما صالحا و ابكي بحضنا ))
- ميس : كيف ماتوا ؟؟

الجزء الثالث #بقلم_رند_محمد #لحن_الوجع
@rwayate
طبعاً اختي ماعم تطلع برات غرفتا وحابسة حالا ...
صرلا اسبوعين ع هالحالة وكل ماقربت منها شي الو علاقة بالمي بتصير تصرخ وتبكي ..
المي يلي بتشربا كرهتا .. و حمام ماعم ترضا تتحمم ..
عايشة وكأنها عم تستنى الموت ..
ميس : هنادي بدي حاكيكي موضوع
هنادي : طلعي وسكري الباب طلعي ..
ميس : يا اختي لايمتا هيك بدك تضلي .. لك هاد قضاء الله وقدرو ، ومافينا نعترض ع حكمتو ..
انتي عندك عابد ، الله يخليلك ياه ...
رجعي ديري بالك ع بيتي وجوزك ، و حامد الله يرحمو
هنادي : لك خرسي ، ابني ما مات ما مات هو راح لعند امي و ابي اخدلن مي لانهن عطشانين وبكرا بيرجعو هنن وياه
ميس : طيب متل مابدك ..
( هنادي تعبانة و وضعا مابطمن ابداً ، عم تحرقلي قلبي بحكيا وكلاما ، بلشت حسها مجنونة او عم تفقد عقلا ) ..
راتب : ميس ساوي شاي خلينا نقعد نحكي ونشوف شوبدنا نعمل بهالمصيبة ..
ميس : يلله ، رح ساوي ..
—--/// ...
راتب : شو الحل ياميس ، هنادي عم تضيع من بين ايدينا ، متل الشمعة هم تدوب قدام عيوننا و مو قادرين نعمل شي ..
ميس : اخخخ يا راتب ، هنادي اختي و روحي ورح موت عليها ، بس ماعم ترد ع حدا ..
مبارح اجت خالة ام سعد حكت معا ..
بس ماحدا هون ..
راتب : مابعرف ، ماتركت اي وسيلة ..
ميس : خلينا ناخدا ع طبيب نفسي ..
راتب : انت عم تحكي هالحكي ميس ، يعني اختك مجنونة ..
ميس : اختي مو مجنونة بس هي على وشك الجنان ، الدكاترة بجوز يلاقو حل ويلحقوها ..
(( بعد يومين ، اخدنا هنادي لعند الدكتور وعطاها ادوية ومهدئات و الحمدلله بلشت تستفاد ..)
انا كنت مستلمة بيت اختي من كل النواحي ، طبخ وشغل و دير بالي ع ابنها ..
بيوم من الايام ، اختي كانت تعبانة ونايمة قلت بخلص طبخ وشغل قبل ماتفيق .. فتت ع المطبخ لأطبخ قام لحقني راتب ...
راتب : ساعدك بشي ميس
ميس : هئ ، رح خلص
راتب : ممم ، ميس ..
ميس : اي
راتب : حليانة
ميس : قلتلو بضحكة ، شكراً يحلي ايامك ياصهري ( طبعاً بعرفو بيمزح ومنتمسخر كتير ) ..
راتب : هههه عنجد عم احكي ، عيونك فيهن شي غريب
ميس : " حسيت في شي غلط بكلامو ، مو متل العادة مزح ، نظراتو كانت غريبة ، لهيك اختصرت عليه وقلتلو رايحة فييق هنادي لنشرب قهوة قبل الاكل .. " سحبت حالي وطلعت بسرعة ..
بقيت كل الليل خايفة وعم فكر بكلام راتب ..
( تاني يوم ، بعتت عابد عالمدرسة ،و فيقت هنادي و راتب )
- راتب فاق قبل هنادي ..
انا كنت عم صب القهوة قام قرب لعندي وهمس بأدني شو حلو هالصباح ..
انا ارتعبت و وقعت الصينية من ايدي من كتر خوفي ..
ميس : ششش.. شبك ؟؟
راتب : مافيني شي ياحلوة ، روحي فيقي اختك تجي غالقهوة
ميس : لو سمحت راتب لاتقلي هيك بتدايق
راتب : شوقلت غلط !! قصدك ياحلوة .. ماقلت شي كذب .. بس خلص معد احكي ..
هنادي : صباح للخير
ميس : تعي يا احلا صباح ودنيا عدي هون
هنادي : دخيل قلبا اختي
اليوم كل الليل ماكنت مرتاحة وكنت خايفة كتير ، كيف تحول راتب من الاخ الحنون لشخص بشع كتير // قفلت باب غرفتي و الشباك ونمت ..
تاني يوم ..
ميس : اختي انتي تحسنتي و خلص انا لازم روح لعند خالة ام سعد ، تاركتا لحالا من فترة
هنادي : يعني ام سعد اغلا من اختك ؟؟
ميس : ياعمري والله مافي بغلاوتك ، بس خلص ماعاد فيني ضل متعودة هنيك .. و انت الحمدلله تحسنتي واتطمنت عليكي ..
( رجعت ع البيت ) حسيت بأمان وقت فتت ، راحت مني رهبة الخوف و الوجع ..
فتت عملت قهوة و اعدت انا و ام سعد .. نبسطنا كتير .. لاني مشتاقتلا
ام سعد : منيح اجيتي ، بكرا بدنا نروح انا وياكي لعند ابني سعد عازمنا وبدنا نسافر لعندو
( سعد بمحافظة تانية عايش) ..
ميس : لا يا امي ، مافيني خلص روحي انتي
ام سعد : لا بدك تروحي معي مافيني اتركك لحالك ، يا اما روحي لعند اختك ..
ميس : مممم ، لا خلص رح روح معك ازا مافيها سئلة ..
ام سعد : لا يابنتي بزعل منك .. حدا بيتتقل ببنتو ، الله يسامحك
— فقنا الصبح بكير ، ضبينا الغراض ..
بدي روح ومابدي ، بس بنفس الوقت انا مجبورة عهالروحة لان مابدي ارجع لعند اختي و مافيي ضل بالبيت لحالي ..
/ ركبنا بسيارة وسافرنا لعند سعد / ..
انا مابعرفو لسعد .. وماني شايفتو ابداً ..
بعد اربع ساعات وصلنا ع المحافظة بلي فيها سعد ( حمص ) ..
لقينا سعد ناطرنا بكراج البولمان ..
ًكان لقاء بوجع بين ام سعد و سعد ..
ضمتو وصارت تبكي ، شو شهتني ضم امي و ابكي ع صدرا ..
سعد كمان صار يبكي كتر مو مشتقلا ..
بعدين ..
سعد : كيفك ميس
ميس : الحمدلله ، و انت
سعد : الحمدلله ، تفضلو يلله ..
( ركبنا بسيارة سعد و مشينا ، وصلنا ع بيت كبير وفيه كلشي بتشتهي النفس من فرش و اكل و شرب و هدوء و راحة .. اعدت بغرفة انا وخالتي وسعد بغرفة ) ..
صرلنا يومين هنيك ، بالبداية سعد كان مو اخد راحتو ببيتو وخجلان مني ، بس بعدين صار يمزح ويحكي وعادي ..
سعد : ماما ، ميس تعو شربو قهوتي بدي دوقكن ياها ..