#لـعـنـة_گـورنـا.
#الـجـزء_الـأربعـون.
#بـقـلـم_إيـمـان_عـلـو.


تيم:ليكن أجوا فوتي لجوا الغرفة وبس قلك طلعي بتطلعي.

نيرمين:طيب.

عامر:(بدفش سلام وعدنان لجوا البيت وهنن مربطين وبركعهن تحت رجلين تيم)...فووت ولاك.

تيم:أهلين ياعدنان الكلب شو كيف شفتلي القعدة بالشوارع منيحا ما؟.

عدنان:الله يخليك يابيك ببوس رجلك تركنا بحالنا والله مابقا نعمل شي.

تيم:هههههههه بكير لتخلص مني لسا ماشبعت منك أنا.

سلام:الله يوفقك حاجتنا رجعلنا أبننا وتركنا بحالنا يحميك لشبابك.

تيم:بدك أبنك ما؟...لما حرمتي نغم وأختا من أمهن مافكرتي فيهن ولا بأمهن!.

سلام:مافي حدا مابيغلط سامحنا الله يخليك.

تيم:آها...شو رأيك بهالحكي ياعدنان الكلب؟.

عدنان:أنا بريء منها قلتلا تحل عني هي سبب كل المصايب اللي مرقت فيها تركني الله يوفقك أنا ختيار كبير قد أبوك و...

تيم:(بقاطع عدنان بصوت عالي)...فشرت ولاااك لا تجيب سيرة أبي على لسانك الوسخ…شكلك متعود تتبرا من أيَ حدا بخصك بس مشان حياتك تفي عليك واحد واطي.

عدنان:أمرك أمرك بس تركني والله صحتي على قدي ومو متحمل.

تيم:هلأ بدكن تحكولي كيف قتلتوا أمها لنغم وشردتوها هي وأختها وإذا كنتوا صريحين يمكن أترككن بحالكن.

سلام:بس نحنا ماقلتنا حدا وهي دفاتر قديمة ليش لنفتحا؟.

تيم:(بصوت عالي)...كذابة...وبعدين أنا اللي بقرر شو اللي لازم ينفتح وشو اللي لازم يتسكر فهمانة ولييك.

عدنان:(بصوت خايف وهو عم يرجف)...هي والله هيي صارت تزن براسي على نور وعلى بناتي لحد ما أقنعتني أنو أخلص منها بس أنا والله ماقربت ماقتلتا صحيح كنت أضربا بتحريض من هي الحية سلام هي اللي كانت تعبي براسي عليها وكانت تخليني فكر بشغلات سودة قدرت تسيطر على أفكاري وأقنعتني أنو نور وحدة عاهرة وأنو إذا ضلت عايشة بناتي رح يطلعوا متلها ويوطوا راسي بين الناس كل اللي كنت عم فكر فيه بهديك الساعة هو كلام الناس الخوف من حكيهن خلاني أسمع لسلام وأتصرف بلا وعي.

تيم:وقتلتا؟.

عدنان:لاء لااا مو أنا هي والله هيي أنا صحيح كنت أضربا بس ما موتتا.

سلام:(صارت تبكي وتقول)...جمالها كان يخليني غار منها كنت جن لما شوفها وهي لابسة شغلات بسيطة وبتطلع كتير حلوة وأنا كنت حط كلشي لحتى كون متلا بس ماكنت أقدر كون متلا دخلت حياتها سرقت زوجها شفت نظرات الحب بعيونو لألها حولتهن لكره خليتو يندم عَالساعة اللي تزوجا فيها صرت فكر كيف أتخلص منها بس لأنو بدي ياه يتطلع فيني متل ماكان يتطلع فيها ضليت وراه لحتى صار يكرها أكتر مني غيرتي منها عمتلي عيوني خلتني فكر بقتلا بدون مايرفلي جفن كانت تعبانة كتير من ضرب عدنان وتعذيبو فتت لعندا لحتى أشمت فيها والحقد عمالي عيوني بلشت أضربا بس ماكنت ناوية أقتلا وقتا بس مابعرف كيف ماتت بين أديي مابعرف ولأنو بناتها بيشبهوها ماقدرت خليهن قدام عيني قصداً خليتن يطلعوا من البيت وأنا أحكي عليهن قدام أبوهن لحد ما صار يكره بناتو كمان وماسأل وين راحوا أو شو صار فيهن بس أنا ندمانة ندمااانة والله ندمانة قتلت نور بس لأنو…

نيرمين:(ماتحملت أكتر من هيك طلعت متل المجنونة ومسكت سلام وصارت تضرب فيها وهي عم تصرخ عليها وتبكي)...لأنك حيوانة حقيرة بلا رحمة الله يكسر إديكي رح موتك متل ما موتي أمي يا واطية يا ندلة.

تيم:(صار يبعدها عنها ويقلا)...نيرمين أهدي شوي أهدي.

عدنان:نيرمين!!!.

سلام:(نسيت الضرب اللي نهال عليه بهالثواني اللي مرت وركزت على أسم نيرمين وهي مصدومة)...نيرمين!.

نيرمين:(صارت تشدها من شعرها وتضربها أكتر وهي عم تقول)...أي أي نيرمين...نيرمين اللي قتلتي أمها قدامها نيرمين اللي شردتيها بالشوارع نيرمين اللي حرمتيها من أختها والله لموتك وأطلع بروحك…(ضلت عم تضربها بقوة وبلا وعي وهي عم تمر ببالها لحظات من الماضي)...

*فــــــــــــBakـــ(بــــــــــــــــــاگـ)ــــــــــBakــــــــلاش*
________

نور:لككك أخخخ مشان الله بكفي رح موت لك تركيني الله لايوفقك.

سلام:لك موتي موتي الله لايردك ياحقيرة موتي.

عدنان:سكتيلي ياها ل هالواطية مابدي أسمع صوتا مابدي أسمع صوتا.

نور:(بتعب)...أخخخ يا أمي الله يكسر أديكن.

*بــــــــــــــBakــــــــــاگ*
_____

سلام:(كانت رح تنتهي بين أدين نيرمين وهي مو حاسة على حالها كانت عم تضربها بلا وعي وبقوة لحد ماتيم حس أنو رح تموت بين إديها وصار يبعدها عنها).

تيم:نيرمين بكفي خلص رح تموت.

نرمين:(بالزور كان ماسكها تيم بين إديه وهي ماكانت تهدا)...تيم بترجاك خليني أقتلا وأشرب من دما.

تيم: إذا ماهديتي رح خلي عامر يطلعك برا ليكي هاد التسجيل بأعترافها ووصل للشرطة فوراً مابدنا يجوا ويشوفوكي قاتلتيا ساعتا بتضيع حياتك الباقية.

#لـعـنـة_گـورنـا.
#الـجـزء_الواحد_والـأربعـون.
#بـقـلـم_إيـمـان_عـلـو.

ببيت نبراس:
____

نغم:وينك لهلأ شغلتيلي بالي؟.

نيرمين:(تطلعت ب نغم وشافتها كيف طالعة بتجنن وتذكرت كلشي صار ماقدرت تتحمل ضمت نغم وصارت تبكي).

نغم:ياروحي شبك؟!.

نيرمين:...

نغم:(ماتحملت تشوفا هيك قلبا وجعا عليها وعيونا صاروا يدمعوا)...نيرمين ياروحي شبك أحكيلي شو صاير معك؟.

روان:صاير معك شي؟.

نيرمين:(حست إنها رح تنزع فرحة أختها ومسحت دموعها وقالت)...لا أبداً بس مبسوطة فيكن ياورحي.

نغم:ياقلبي أنتِ عَ قبال ما أفرح فيكِ كمان.

روان:طيب المبسوط بيبكي؟...يلا حاج بكي تعي خلينا نساعدك تجهزي بسرعة بس ماقلتيلي كيف طالعين؟.

نيرمين:قمرات.

نغم:دخيل قلبك.

ناريمان:لك يلا نيرمين خلصينا تعي.

نيرمين:حاضر.

نيرمين حاولت تتماسك قدر الأمكان وماتحسس حدا بشي عاشت كتير إيام صعبة بس أصعب من هاليوم مامرق عليها حتى أكتئابها مو قدرانة تعيشو أو تعمل شي لحتى يخفف عليها بهالوقت بالذات لازم تحافظ على هدوئها وتتظاهر إنها بخير مشان ماتنزع فرحة الشباب والصبايا الوحيد تيم اللي كان حاسس وعرفان شبها لهيك كل ما أجت عيونوا بعيونها كان يعطيها نظرات وكأنو عم يقلها تماسكي أنتِ قد هالشي اللي عم تمرقي فيه…أجتمعوا الكل بالجنينة وكل واحد كان حاطط إيدو بأيد خطيبتو والباقي فرحانين فيهن وعم يرقصولن ونيرمين صارت تشارك بالرقص حاولت تبين طبيعية بعد شوي تذكرت منظر عدنان والبيت وكلشي صار فيه وغصت صارت تتحجج أنو حست بالبرد وفاتت لجوا لتجيب شي تحطو على كتافها…

أم نبراس:ما شاء الله عليكن ياروحي أنتوا الله يكملا معكن ونشوف ولادكن.

سوسن:آمين يا رب.

الكل:الله يخليلنا ياكن يا رب.

نغم:أنا بدي تيم وآدم يرقصوا هلأ.

آدم:ماكننا عم نرقص كلنا ياروحي.

نغم:لا مو هي الرقصة بدي رقصتكن اللي متعودين ترقصوها من لما كنتوا صغار.

نبراس:يلا ورجونا.

تيم:حبكت معك هلأ ست نغم؟.

براءة:إذا هلأ مارقصتوا إيمت بدكن ترقصوا؟.

روان:أي يلا كلنا رح نرقص معكن.

تيم:طيب يلا.

بلشوا الكل يرقصوا ويجنوا والأجواء كانت غير شكل والكل مبسوط وطاير عقلو ورقصة تيم وآدم كانت كتير مميزة وزادت الفرحة…

عند نيرمين:
____

كانت واقفة عَالمغسلة وعم تبكي حست في حركة مو طبيعية جنب الشباك تطلعت عَالجنينة لقت الكل عم يرقص ومافي ا حدا ناقص رجعت تطلعت من الشباك التاني شافت حدا عم يحاول يتخبا ورا البيت وتطلعت عَالجنب التاني شافت سيارة واقفة من بعيد قررت تطلع شوي شوي بدون ماتطلع صوت أو تشغل ضو بس كان الوضع صعب عليها لأنو مو متعودة تمشي بالكعب والفستان فوراً شلحت الكعب وشدت الفستان على جنب واحد مشيت بهداوة لحد ما وصلت لعند الشخص اللي كان عم يحاول يوصل لمكان قريب من الحفلة وكان موجه الضربة بأتجاه تيم فوراً نيرمين رفعت المسدس من إيدو وبخفة وحركة سريعة قدرت تدفشو عَالأرض وصار المسدس بأيدها…

نيرمين:مين أنتَ ولاا وشو عم تعمل هون؟.

بالجنينة من الطرف التاني:
____

فجأة الشرطة حاوطت المكان وأنقلبت الفرحة لخوف وقلق مو معقول ومحدا بيعرف شو القصة لحد ما أجا الضابط وقال…

الضابط:نحنا بنعتذر من حضرتكن بس تيم بيك وآدم بيك لازم تمشوا معنا.

آدم:لوين معكن شو القصة؟.

تيم:شو القصة حضرة الضابط؟.

الضابط:هنيك بتعرفوا كلشي.

نبراس:شو هالحكي حضرة الضابط بأي حق بدكن تاخدوهن هيك من غير لا أحم ولا دستور شو عاملين لحتى عاملين علينا مُداهمة متل المجرمين!.

نغم:ياربي شو اللي عم بصير؟.

سوسن:يا أبني دخيلك شو القصة؟.

آدم:أنا مارح أتحرك لحتى أفهم شو القصة؟.

الضابط:الطيارة الخاصة بشركتك أنضبطت فيها كمية مخدرات ونحنا لازم نلقضي القبض عليكن لحتى نتأكد من القصة.

الكل:مخدرات!!!.

تيم:مخدرات شو حضرة الضابط أكيد في غلط آدم حكيلك شي كلمة.

آدم:مخدرات شو من وين ووين شو هالتخبيص؟!.

الضابط:تفضلوا معنا لنتأكد من الموضوع إذا مابدكن تمشوا معي بأردتكن أنا مجبور أستعمل معكن أسلوب تاني.

نبراس:بس…(قبل مايكمل كلامو شاف نيرمين جاية من الجهة التانية وحاطة مسدس براس واحد وماشي قدامها)...شو هاد؟.

الكل صار يتطلع على نفس الأتجاه والشرطة حاوطوهن مباشرةً وصاروا يأمروا نيرمين ترمي المسدس من إيدها والكل مو قدران يحكي شي من قوة الصدمة ومو عرفانين من وين عم تنهال عليهن هالمصايب…

أم نبراس:(بخوف)...نيرمين شو هاد يابنتي.

نيرمين:(وهي عم تتطلع عَالشرطة)...لحظة لحظة أنا مالي مجرمة بس هاد الحيوان كان بدو يقتل تيم لو ما أجيت بالوقت المناسب.

تيم:مالك الكلب!!...

مالك:(وهو عم يبكي)...والله مادخلني هي اللي بعتتني مشان أقتلك والله مالي علاقة.

الضابط:خدوا المسدس من إيدها والقوا القبض عليه فوراً وأنتِ يا أنسة مجبورين نحجزك معو كمان.

نبراس:شو تحجزوها معو هي شو علاقتا شايف هاد الواطي شو عم يحكي.

آدم:(بصوت عالي)...يااجماعة مشان الله وحدة وحدة خلونا نفهم.

#لـعـنـة_گـورنـا.
#الـجـزء_الأول.
#بـقـلـم_إيـمـان_عـلـو.



وطي صوت الكون وعليلي صوت الموسيقى عم يسود  بعيني لون الكون بهالموتة  البطيئة ضبلي مالك والريش شو بتنفع عيشة غنية بعمرك توقعت تعيش محاصر بالكرة الأرضية؟!....💔

بيوم من الأيام نامت الكرة الأرضية بهدوء وسلام وفاقت عَ لعنة كبيرة هزت العالم بأكملو #لعنة_كورونا غيرت مسار حياة كل البشر وسلبت كتير أحلام من كل حدا كان عم يخطط يعمل شي لبكرا وماقدر بسبب هالوباء اللي أنتشر بسرعة كبيرة بين الناس وصار الخوف حليف كل البشر صار الحجر أنسب حل بس لأيمت؟!...اللي عندو دراسة كيف بدو يكملا؟!...واللي عندو ولاد كيف بدو يطعميهن؟!.... 

أنا نغم عمري (25) سنة دكتورة...أمي متوفية من سنين وأبي متزوج وعايش حياتو بعيد عني وناكر وجودي بهالكون من سنين طويلة وعايشة مع رفيقة الطفولة روان هيي بتشتغل بمجال الخياطة والتصميم وعندا مشغل صغير لألها....أنا مخطوبة من زمان لشب أسمو آدم كتير بحبو وبحبني وكان عرسنا قريب لو ما أنتشر هالمرض الملعون وغير كلشي كننا مخططين لألو ومو معروف لأيمت....آدم بيشتغل بشركة أبوه الله يرحمو وعندو هواية الرسم وفاتح مرسم خاص فيه وباقي التفاصيل رح نشوفا بالقصة.

{آدم شب حلو وعندو كاريزما قوية طويل وجسمو رياضي وأسمراني بس سمارو فاتح وعيونو عسلية وشعرو ناعم عصبي ببعض الأحيان والكل بيحسبلو الف حساب}.

{أما نغم جمالا مابقل عن جمال آدم بشرتا صافية وبيضة وشعرا أسود وطويل وجسما جذاب وملفت وعيونا شهل وبشلوا}.


#بنبلش_بقصتنا.
___


آدم:(بعصبية)...نغم لاتجنيني قلتلك بدك تبطلي شغل بهالفترة يعني بدك تبطلي فهمتي؟!.

نغم:(بصوت عالي)....شو أنتَ جنيت أكيد صار لعقلك شي شو هالحكي هاد وليش بدك ياني بطل شغل؟!.

آدم:شو مابتعرفي شو صاير بهالعالم وشغلك هاد بشكل خطر كتير كبير عليكي وأنا ماعندي أستعداد أخسرك مشان شي وأنتِ مالك بحاجة هالشغل.

نغم:آدم شكلك أنتَ مابتعرفني منيح أنا عم أشتغل محبة بمهنتي ووفاء إلها بدي ضل أشتغل وحارب لأخر عمري شو ماكانت الظروف وشو ماكان منتشر وقد ماكان في خطر عليي أنا عم أعمل واجبي تجاه أي أنسان بحاجتي مو مشان أيَ شي مادي فهمت آدم؟!.


آدم:أنتِ فهميني عم تضلي بالمشفى لساعات طويلة وعم تجتمعي بمرضى حالاتن صعبة كيف بدك ياني ماخاف عليكي وكيف بدك تضلي هون أنا مارح أسمح بهالشي.

نغم:من لما عرفننا بعض ونحنا بنساند بعض بكلشي هلأ بهالوقت الصعب بدال ماتوقف معي عم تحرضني أترك كلشي ورايي آدم؟!....أنتَ بتعرف شو يعني هالحكي؟....بتعرف أني إذا سمعت منك رح خون اليمين اللي حلفتو رح أخذل كل عيلة برا حاطين أملهن برب العالمين وفيني؟!.

آدم:نغم حسي فيني أنا خايف عليكي.

نغم:أنا مارح أطلب منك تحس فيني بس رح أطلب منك تحس بهدول(سحبت آدم من أيدو وبلشت تفرجيه عَالمرضى اللي في منهن عَالأجهزة وفي منهن نايم ومنهن فايقين وعم يدعوا لربهن يخلصوا من هالمرض وطبعاً كانت عم تفرجيه من ورا البلور وعم تتطلع بعيونوا لتشوف ردة فعلو)....شو آدم ليه ساكت أحكي شي.

آدم:مابقدر قول غير الله يشفيهن بس هاد الشي مابيعني أني غير رأيي صحتك فوق الدنيا قولي عني أناني حقير وشو مابدك أنا مافيي غامر فيكِ.

نغم:آدم إذا سمحت أنهي هالسيرة وروح عَالبيت وحاج تطلع هيك التزم بالبيت الله يخليك وهلأ الوقت تأخر بلا مايمسكوك ويحجروك.

آدم:(بصوت عالي)...بس أنا مارح أنهي شي وهلأ بدك تروحي معي يا أما بتنسي واحد أسمو آدم.

نغم:عم تخيرني بينك وبين شغلي يا آدم؟!.

آدم:أي وهالشي لمصلحتك ولاتخافي من أي عواقب أساساً أنتِ مالك بحاجة تشتغلي بهي المشافي بس تمر هالأزمة بفتحلك مشفى خاص لألك.

نغم:آدم سكوت بقى هاد مو حكي واحد عاقل خلص روح من هون.

آدم:يا أنا يا الشغل غير هيك ماعندي.

نغم:(أنهارت من حكي آدم بس حاولت تمسك حالا وقالتلو).....إذا صار وخنت مهنتي لازم تخاف من هالشي لأنو اللي بيتخلى عن حلم كافح كل عمرو كرمال يوصلو بيتخلى عن كلشي لهيك أنا متمسكة بقراري ومارح أتراجع عنو وأنتَ كمان أعتبر حالك من هلأ حر بقراراتك.

آدم:(بصوت هز المشفى).....نغم لاتجننيني.

دكتور نبراس:{شب تلاتيني معروف بالهدوء والذكاء والشخصية الجذابة} أجا عَ أصوات آدم ونغم......دكتورة نغم شو عم بصير هون ممكن توطوا أصواتكن عم تزعجوا المرضى.

نغم:(بصوت مخنوق)...بعتذر دكتور نبراس....خلص آدم مشان الله حاج فضايح.

آدم:(عض ع شفافو وخلل أصابعو بشعرو وهو عم يحاول يهدي حالو ومايعمل شي يندم عليه بعدين) لهيك قرر يمشي.

نغم:(ضلت عم تتطلع عليه وهي شبه منهارة وصارت تستند عَالحيط وهي مكسورة من جوا).

نبراس:دكتورة نغم أنتِ منيحة؟!.

نغم:(وصوتا يادوب عم يطلع من الخنقة)....منيحة لاتشغل بالك دكتور.

نبراس:حاول يقرب لعندا بعدين رجع لورا....أسف نغم مافيي قومك هلأ طلعت من عند المرضى ولسا ماغيرت أواعيي ولا عقمت حالي.

نغم:ولا يهمك دكتور نبراس أنا منيحة شكراً إلك.

#لـعـنـة_گـورنـا.
#الـجـزء_الثاني.
#بـقـلـم_إيـمـان_عـلـو.

نغم:أمبلا بعرف بس أنا دكتورة بمشفى (كوفيد-19)وهي هويتي وهدول أوراق بتخص شغلي.

العنصر:بس هاد الطريق مابوصلك عَالمشفى يادكتورة.

نغم:أاإأ هو يعني أنا عندي مرضى محجورين ببيتن كمان ومن واجبي أهتم فيهن بأي وقت لحتى نتخلص من هالمرض.

العنصر:الله يعطيكي العافية تفضلي دكتورة موفقة.

نغم:شكراً إلك.

مشيت نغم بسيارتا وهي عم تقول.....هفففف طلعت بأعجوبة مشان حضرتك ياسيد آدم أنجبرت أكذب لنشوف أخرتا معك.

جنب المرسم:
___

كانت عم تصف سيارتا لتنزل وأنتبهت أنو آدم هلأ لحتى نزل  عَالمرسم ضلت عم تراقبو من بعيد ونطرتو لحتى فات لجوا وبعدين لحقتو.

آدم:زت المفاتيح والموبايل وهو مزعوج وبعدين التفت عَ رسمة نغم اللي هو رسما بكل حب صار يمرر أصابيعو عليها ويحكي مع الصورة بحنية وحب وفجأة رجع تذكر الموقف اللي صار بيناتن صاروا عيونوا يقدحوا شرار وعروق أديه عم ينتفضوا عَ قد ماضغط عليهن...مسك الريشة وكان بدو ينزع الرسمة ليفش قهرو بس في صوت أجا من وراه ووقفو...

نغم:بدك تنزع صورتي بس ولا عم تحاول تشطبني من حياتك آدم؟!.

آدم:ضل عَ قعدتو وما التفت أبداً.

نغم:مفكر حالك إذا مشيت وتركتني أو إذا نزعت كل صوري رح تقدر تطلعني منك؟.... بحب قلك حتى لو بعدت لأخر الدنيا رح تلاقيني جواتك ومافيك تهرب من حالك مافيك تطلع جواتك منك.

آدم:مو هاد طلبك عندك حياة أهم من إنك تكوني معي لهيك...

نغم:(قاطعت كلامو وعبطتو وحطت راسا عَ راسو).....آدم بلا جنان أنا مافيي بدونك وأنتَ مافيك بدوني بعرف و مقدرة خوفك عليي بس أنتَ كمان قدر حرصي عَ مهنتي.

آدم:(التفت لعندا وأخدا بحضنو)....نغم أنا بحبك وبعرف تصرفي غلط وطلبي أناني بس أنتِ بتعرفي ليش.

نغم:بعرف إنك خايف عليي بس معلش نتفق عَ شي؟.

آدم:وشو هو؟!.

نغم:أنو أنا أنتبه عَ حالي منيح وأنتَ تنتبه عليي كمان وتدعيلي عَ طول وبأذن الله مابصرلي شي وأهم شي أنتَ كمان تنتبه عَ حالك.

آدم:(رفع حاجبو وقال)....وأنتِ تنتبهي عليي كمان.

نغم:ولكك بعيوني إذا عَ حبيب قلبي ما أنتبهت عَ مين بدي أنتبه؟.

آدم:طيب.

نغم:طيب شو يعني هلأ صافي يالبن؟!.

آدم:مابعرف.

نغم:(جنت منو وقالت)....آدااااااام.

آدم:طيب عملي شي يخليني روق هيك ناشفة يعني؟.

نغم:طيب هي أحلى بوسة لحبيبي.

آدم:أي مابتكفي.

نغم:(هربت من حضنو)....خلص حاجتك قوم غسل منيح يالله بعرفك ماعقمت حالك بعد مارجعت من المشفى.

آدم:مفكرة حالك نفدتي يعني؟.

نغم:ممكن كون نفدت حالياً يلا قوم ساوي متل ماعم قلك وهي جبتلك علبة معقم بعرفك مهمل يلا تحرك رح جيب الأكل من السيارة.

آدم:شوو شايف في أكل كمان عَ أساس ممنوع الأكل من برا شايفك عم تخرقي القواعد!.

نغم:(مشيت لتجبيب الأكل وهي عم تحكي)....لا أتطمن جايبتو من البيت مو من المطاعم راجعتلك هههه أصلاً مافي مطاعم فاتحة ياذكي.

آدم:(تهند تنهيدة طويلة وصار يحكي مع حالو)......بجوز ماكان لازم أضغط عليكي وزيد فوق تعبك تعب بس كلو من حبي وخوفي عليكي يا مجنونة.....هفف شبني جنيت وعم حاكي حالي أنا أخخخ منك يانغم يالله خليني غسل قبل ماتجي هالدبة.

نغم:أجت وهي حاملة الأكل شو لسا ماخلصت غسيل؟.

أدم:طولي بالك عَ شو مستعجلة؟.

نغم:(أستغلت الوقت اللي عم يغسل فيه آدم وبعتت مسج لروان فوراً)...."بعرفك مانمتي أتطمني كلشي تمام خليلي ياكي أنتِ ونصايحك أيييه".

روان:فوراً فتحت مسج نغم....."الف الحمدلله يلا لاتنجلقي وتطولي تعي بسرعة".

نغم:ههههه حاضر ماما روان بس باي هلأ.

آدم:عَ شو عم تضحكي؟.

نغم:ولا شي بس أيمت رح تفردا حضرتك؟!.

آدم:مدخلك كلي وبلا صوت.

نغم:طيب طيب ياربي كلن بحبوا يقمعوني بس معلش.

آدم:ماقدر مايضحك عليها بس خبا ضحكتو عنها وضل داخل بمود التعصيب(أي مو علينا هالحركات سيد آدم روقنا).

تاني يوم بالمشفى:
_____

دخل الدكتور نبراس عَالغرفة اللي دائماً بيجتمعوا فيها كل الدكاترة.....

خليل:يسعد أوقاتكن.

الكل:أهلين دكتور.

الدكتور أدهم: وأخيراً شفناك دكتور نبراس تفضل شاركنا القعدة.

نبراس:ياريت والله بس مستعجل عندي مرضى لازم راقب وضعن بس مريت شوف إذا الدكتورة نغم موجودة هون وللأسف ماعم لاقيا.

الدكتورة ميرا:شو بدك فيها؟!.

نبراس:بدي ياها بموضوع حدا بيعرف وينا؟.

أدهم:الدكتورة نغم طلعت من زمان.

نبراس:أيوااا طيب ماشي بشوفكن.

أدهم:(قرب من نبراس وقلو بصوت واطي).....نبراس مو ملاحظ أنو هالأيام أهتمامك زايد بـ.نغم لاتنسى البنت مخطوبة والكل عم يلاحظ أهتمامك فيها.

نبراس:لك أنتوا من وين بتجيبوا هالحكي؟!.

أدهم:قبل مايحكي شي سمعوا صوت عم يطلبوا كل الدكاترة الموجودين بأسرع وقت والكل راح بسرعة.

بالمرسم:
____

كانت نغم نايمة عَالكنباية بالمرسم عند آدم أما آدم مانام طول الليل ساعة بفكر وساعة يرسم نغم وهي نايمة فجأة رن موبايل نغم حست عليه وفزت فوراً.

#لـعـنـة_گـورنـا.
#الـجـزء_الثالث.
#بـقـلـم_إيـمـان_عـلـو.


مشيوا نغم ونبراس وبعدوا شوي عن البقية والكل كان عم يتطلع فيهن وشاكين بأهمتام نبراس بـ نغم الكل مشي بأستثناء ميرا ضلت عم تراقبهن وتحاول تعرف شو بدن يحكوا...

صفاء:شبك ميرا يلا أمشي.

ميرا:بموت وأعرف شوفي بيناتن؟.

صفاء:لاتجني ميرا نسيتي أنو نغم مخطوبة وكتير بتحب خطيبا؟.

ميرا:لا مانسيت بس أهتمام نبراس فيها كتير واضح وأنا اللي كل الوقت عم حاول الفت نظرو ماعم يتطلع فيني حتى تطليعة.

صفاء:شو هالجنان شو نسيتي إنك دكتورة وحلوة والف واحد بيتمناكي؟!.

ميرا:وهو كمان دكتور وحلو وأنا وكل وحدة بتشوفو بتتمناه بس أنا بدي ياه الي بس.

صفاء:طيب تعي هلأ بعدين بنحكي بالموضوع عَ رواق.


عند نبراس ونغم:
_____

نبراس:دكتورة أنا أسف إذا أحرجتك بس كنت حابب أتطمن عليكي.

نغم:لأ ولا يهمك وشكراً كتير عَ أهتمامك أنا بخير وأموري تمام الحمدلله.

نبراس:بتمنى هالشي قصدي يعني بتمنى تكوني بخير.

نغم:تسلم كلك زوق فيني روح هلأ ولا في شي تاني حابب تحكي؟!.

نبراس:لأ قصدي أي يعني أنتِ وخطيبك تركتوا؟!.

نغم:(تغيرت ملامح وشا وتدايقت من كلام نبراس)...دكتور نبراس بعتقد هاد الشي خاص بس بكل الأحوال رح جاوبك بس مشان تعرف أنو أنا وآدم مستحيل نبعد عن بعض قد ماكبرت المشاكل بيننا فهمت عليي؟!.

نبراس:دكتورة شكلك فهمتيني غلط أنا ماقصدت اللي أنتِ فهمتي عم أسألك من باب الأطمئنان بس ومابتمنى إنك تبعدي عن خطيبك أبداً.

نغم:بكل الأحوال بتشكرك مرة تانية وهلأ لازم روح عندي مرضى لازم أتطمن عَ وضعن عن أزنك دكتور.

نبراس: أزنك معك.....(بعد مامشيت نغم أستند عَالحيط وضرب عَ راسو)....أخخ ما أغباني كيف بتصرف هيك وبسألا هالسؤال الغبي هلأ بتكون حست بشي يالله دخيلك...ضل عم يتأفأف ويحكي مع حالو وهو ماشي وميرا عم تتطلع عليه من بعيد.

عند آدم بالبيت:
______

تيم:شبك يازلمة والله دوختني وأنتَ رايح جاي طيب قعود خلينا نتفاهم.

{تيم بكون رفيق آدم وبيشتغلوا سوا بالشركة ودائماً بيتحمل مزاجية آدم وآدم نفس الشي دائماً بيتحمل تفاهة وسخافة تيم وبالنهاية مالن غنى عن بعض يعني متل مابيقولوا تيم أيدو اليمين لآدم والعكس صحيح}.

آدم:حاج تنق متل النسوان صرعتني قوم أنقلع من خلقتي.

تيم:لا وحياة صاحبتي مارح أنقلع شو أنا علقت الف علقة لوصلت لهون جايي تقلعني هيك عَالبارد المستريح.

آدم:(كان متدايق كتير بس ضحكتو كلمة وحياة صاحبتي وشلف المصنف اللي بأيدو عَ تيم)....ههههه تضرب أنتَ وصاحبتك عم تحلف فيها ياحيوان ههههه.

تيم:ما شاء الله عنك شو مزحك ظريف كنت رح تشلي راسي بهالمصنف بعدين ليش لحتى ما أحلف فيها يخرب بيتا شو حلوة هلأ هي صح 99 بالمية منها سليكونات بس يحرق ديباا بتجنن هههههه.

آدم:لك لعمة ضربك لأيمت بدك تضل لاحق النسوان خلص حاجتك صار وقت تلاقيلك بنت حلال وتشكلس أمورك.

تيم:قلتلي شكلس أموري ما شاء الله عنك شو مشكلسة  أمورك من الصبح وأنتَ لابس خلقتك بالمقلوب دخلك هاد كلو من ورا الشكلسة ما؟!.

آدم:يعدمني ياك شو بتحب تربط القصص ببعضا قوم أنقلع من وشي أحسنلك.

تيم:(حط رجل عَ رجل وقال)....والله مالي حالل عنك وأنتَ اللي رح تنقلع تجبلنا شي ناكلو.

آدم:أخخخ ياربي أنا من وين بتجيني هالعاهات هي قوم خلينا نشتغل ماجايبك لتتزهرم هلأ في عنا شغل الدنيا.

تيم:لك بربي إنك أنكد من جارتنا أزا كلشي مسكر هلأ لشو نتعب حالنا يعني بس تفتح الشركة بنشتغل.

آدم:هالحكي بتحكي لشي موظف عادي مو لمديرك بالشغل ياحيوان أشتغل ومابدي أسمع صوتك وهلأ حاول تتواصل مع أكبر عدد من الموظفين فهمن كل واحد يشتغل الأوراق اللي بأيدو بدون أي أعذار.

تيم:حاضر أبن عمي.

آدم:(تطلع بتيم ورفع حاجبو)...شو قلت؟!.

تيم:لأ ولا شي بس هيك جارتنا بترد عَ زوجا بعد ماتطلعلو أخلاقو وتخلي الدنيا كلا تسمع صوتو.

آدم:(شال مصنف تاني ولحشو بخلقة تيم)....لك تضرب منك لجارتك شايف هدول كلن بدك تشتغلن لحالك ضريبة خفة دمك يلا لشوف.

تيم:ماقلتلك من يوم يومك ظريف ومزحك خفيف.

آدم:تافه.


بالمشفى:
____

فتحت موبايلا ناطرة شي أستفقادة من آدم بس مالقت منو حتى ولو مسج وتدايقت كتير فكرت تتصل فيه بعدين تراجعت...

نغم:شبو هاد ليش هيك صاير ياربي والله ماكان هيك رح يجلطني آدم بس مجبورة سايرو هالفترة خلقة صايرة أخلاقو ديقة وماعم يتحمل شي هففف الله يصبرني عليك...وبعدين شو قصة الدكتور نبراس كمان ليش هيك كتير مهتم فيني معقول يكون؟...أي ويكون شو مايكون أنا مستحيل فكر بغير آدم.... أحسن شي روح شوف يزن...

مشيت نغم وهيي عم تصارع أفكارا وتحاول ماتفكر بشي لبست تياب جديدة ومعقمة وأستعدت لتعمل فتلة بين المرضى الصغار ويزن أول واحد راحت لعندو...

نغم:(من ورا البلور)...حبيبي يزن كيفك اليوم يابطل؟!.

يزن:الحمدلله منيح.

نغم:وأنا شايفتك كتير منيح الحمدلله شفت شلون بلشت تتحسن لأنك ماعاد تعزبنا.

#لـعـنـة_گـورنـا.
#الـجـزء_الرابع.
#بـقـلـم_إيـمـان_عـلـو.


لحد هلأ ماعرفنا مين هدول ونغم شو بتخصهن وشو الشي اللي عم يخططوا إلو هدول التنين وكيف رح تكون ردة فعل نغم عَالموضوع أكيد رح نشوف كل هالشي ببقية القصة.


المسا ببيت نغم:
___

روان:منيح أجيتي كنت رح طق لحالي أخخخ أشتقت للشغل كتير.

نغم:وأنا أشتقت للراحة وأشتقت للقعدات الطويلة والمشاوير معك ومع آدم أخخ يارنوش تعبت كتير من هالوضع توتر وتعب وحزن عَ طول وفوق هيك آدم كتير متغير عليي بدال مايوقف جنبي.

روان:طولي بالك بتهون وبالنسبة لآدم برجع بقلك أنا مابلومو أبداً يعني لو ماخوفو عليكي ماكان تصرف هيك وأنا لو بيطلع بأيدي كنت عملت متلو وحاولت أقنعك تقعدي بالبيت هالفترة بس بعرف محاضراتك عن الأنسانية وشرف المهنة صرت حافظة حكيك المعت.

نغم:لك تضربي أنتِ واللي بتشكيلك قومي عمليلنا شي ناكلو رح أفرط من الجوع.

روان:أخدم نفسك بنفسك ولا لتكوني مفكرتيني شي فلبينية أو سرلانكية عند حضرتك؟.

نغم:حرام عليكي نغومتك تعبانة.

روان:تقعد بالبيت نغومة خانم ومابتتعب.

نغم:حتى أنتِ ياروان خلص مابقا بدي شي بس هاد الحكي لابقا تسمعوني ياه مشان الله.

روان:تضربي بهالشكل خلص أنقبري قايمة أعملك شي تتدولقي بس لاتعصبي علينا.

نغم:يلا تحركي بسرعة عم موت أنا عم مووت.

روان:الله لايردك.


ببيت نبراس:
___

أم نبراس: حبيبي شو صار معك عم تشوف نغم؟.

نبراس:أي أمي عم شوفا كل يوم وعم حاول أحكي معها.

أم نبراس:طيب لشو كل هاللف والدوران خلص لك أبني ريحني وخلينا نخلص هالقصة بقى.

نبراس:ماما بترجاكي روقي عليي شوي كمان هلأ ماخرج نعمل شي.

ناريمان:مو عَ أساس أخر مرة قررت تنهي هالقصة وما تطول فيها أكتر شو اللي تغير؟!.

{ناريمان أختو لنبراس عمرها 26 سنة خريجة أدب عربي وكانت مُدرسة عربي بثانوية خاصة بس بعد ما أنتشر الڤايروس قعدت بالبيت}.

نبراس:اللي تغير أنو الوضع ماعاد متل قبل والنفسيات محطمة وخصوصي الدكاترة أنا عايش الوضع وبعرف كلشي يعني لا أنا مستعد أحكي شي هلأ، ومتأكد هيي بالوقت الحالي مارح تقدر تتحمل لهيك الأنسب أنو نطول بالنا شوي.

ناريمان:أيوا هيك لكن والله معك حق أنا ماكان خاطرلي هالشي.

أم نبراس:الله يفرجا على هالعباد تعبنا يا رب رحمتك.

ناريمان: نبراس:آمين يا رب.


لحد هلأ أبطال قصتنا أمورهن مو تمام وكل واحد فيهن في براسو الف قصة وماعم يقدر يوصل للي بدو ياه وكلو بسبب هالڤايروس اللعين محدا عم يزبط معو شي بس ياترى شو الشي اللي شاغل بال كل واحد فيهن ضامرين بقلوبن الخير ولا الشر ورح يعملوا اللي بدن ياه ولا رح يضل الوضع عَ حالو؟….أكيد رح يبين معنا بنهاية القصة…


عند نغم:
_

نغم: وأخيراً أتصل الأفندي كتر خيرو والله.

روان:ردي وبلا حيونة.

نغم:سكتي أنتِ….الو.

آدم:مسالخير كيفك؟.

نغم:منيحة ماشي الحال كيفك أنتَ؟.

آدم:منيح شبو صوتك صاير معك شي؟.

نغم:أنا منيحة مافيني شي بس من شوي أجيت من الشغل لهيك تعبانة شوي.

آدم:أيوا ليش ماخبرتيني وقت طلعتي؟!.

نغم:ليش لحتى خبرك وأنتَ ماسألت عني حتى.

آدم:نغم لاتبلشي.

نغم:أمرك مارح بلش بدي نام تصبح عَ خير.

آدم:بس أنا ماخلصت حكي لحتى تقليلي هيك.

نغم:معلش نحكي بغير وقت؟.

آدم:جاي لعندك هلأ.

نغم:آدم لاتجن وتطلع هلأ مو ناقصنا قصص ومشاكل...الوو آدم؟...لك سكر أوف ياربي رح يجنني.

روان:شو عم يصير معكن أنتوا بس بدي أفهم وبعدين من إيمت بتحكوا مع بعض بهالطريقة!.

نغم:أخخ روان لاتبلشي أنتِ كمان.

روان:آدم جايي هلأ؟.

نغم:هيك قال.

روان:طيب ماتتخانقوا هلأ وتخليه يجن مو ناقصنا فضايح قدام الجيران.

نغم:هلأ هاد اللي هامك أنتِ!.

روان:لأنكن أنتِ وياه أجلق من بعض بس تتخانقوا مابتعرفوا تتصالحوا لعيتوا قلبي بقصصكن ومشاكلكن.

نغم:(طبت حالا عَالكنباية)....أوووف.

روان:الله يصبرني عليكي بس.


ببيت سحر:
___

سحر:(وهي عم تتطلع بالمراية وعيونا عم يقدحوا شرار وحقد وغيرة)....هلأ صار لازم بلش شغل لازم أخلص من هالحيوانة نغم أهم شي لازم خلي خالتي تكرها بالأول ولو هالشي صعب بس رح حاول كيف ماكان آدم إلي يانغم فهمي هالشي وإذا مافهمتي رح فهمك ياه بمعرفتي ومن بكرا لازم بلش خطتي أصبري عليي والله لسودلك عيشتك هههه رح خليكي تبكي دم بدال الدموع وأنا سحر.



عند نغم:
_

روان:مو كأنو تأخر حبيب القلب؟!.

نغم:...

روان:لك عم حاكيكي شبك ماعم تردي؟!.

نغم:....

روان:نغم لك يانغم...ياعيني هي الجدبة نامت فزي وليك.

نغم كانت بسابع نومة وماحست عليها حاولت تفيقا ومافاقت معها بهالأثناء أجا آدم وراحت روان تفتحلو الباب…

آدم:مرحبا.

روان:أهلين وسهلين بوشك عَالمغسلة غسل وعقم أديك وتعا.

آدم:ييي علينا بقى.

روان:يلا يلا بسرعة شو بدك نغم تقتلنا؟.

آدم:(وهو واقف عَالمغسلة)...وينا ليش ماطلعت هيي؟!.

روان:نامت.

آدم:نامت!...وأنا قايلا أني جايي!.

روان:نطرتك كتير بس أنتَ تأخرت وهي تعبانة غفيت.

#لـعـنـة_گـورنـا.
#الـجـزء_الـخامـس_عـشـر.
#بـقـلـم_إيـمـان_عـلـو.


ببيت آدم:
_

آدم:أمييي.

سوسن:(طلعت بوشو فوراً)...آدم.

آدم:(أنصدم وقت طلعت بوشو وشاف أنو مافيها شي رفع موبايلو وقلا)... لكن مين باعت هي الرسالة مو قلتي إنك تعبانة!!.

سوسن:يعني ناوي ماتجي لعندي لحتى كون عم موت يا آدم؟.

آدم:(بصوت عالي)...أمييي لا تجننيني ليييشش عملتي هيك؟.

سوسن:إلك أسبوع ماشرفت عَالبيت حضرتك أنجبرت أتعامل معك هيك.

آدم:لككك أميييي شو بدكك منيي أنتِ كماان بكفييي.

سوسن:شبك شو عم بصير معك عم تعلي صوتك عليي يا آدم أنا ماهيك ربيتك يا وحيدي.

آدم:شو بدك هلأ نغم وتركتاا تركتااا أنبسطيييي (ومشي فوراً).

سوسن:يعني أنتَ كمان عرفت حقيقتا؟!.


آدم:(ماكان بوضع يسمحلو يدقق على حكي أمو أو ينتبه على معناه طلع فوراً وخبط الباب وراه)...

سوسن:الحمدلله ياربي الف الحمدلله أنو وعي عَ حالو وتركها لهديك الكذابة أخخخ منك يانغم ليش هيك خدعتي أبني حبك من قلبو ليش هيك عملتي فيه…الله يسطفل فيكِ يابنت ال…أستغفر الله العظيم.


عند روان:
___

نغم كانت نايمة بس لساتها عم تحكي حكي مو مفهوم وكل شوي كانت ترتفع حرارتها وروان جنبا وعم تحاول تنزل حرارتها وقلبا عم يغلي من الخوف عليها والحقد على آدم…بعد شوي رجعت أتصلت بـ تيم لتعرف شو صار معو بس مارد عليها هالمرة.



عند آدم:
__

قعد بجنينة بيتو وساند راسو عَالحيط بعد شوي أجا لعندو تيم بعد مافتل كل مكان عليه قرر يجي عَالبيت مع أنو ماكان متوقع يلاقيه هون لما شافو فوراً دك بخوانيقو متل المجنون وهو معصب عليه…


تيم:أنتَ شو اللي عملتو شو اللي خلاك تخبص هيك!!.

آدم:(من دون أي ردة فعل)...حل عني تيم.

تيم:(جن أكتر ولزقو عَالحيط وهو عم بصرخ عليه)...آدم شبك أصحى عَ حالك ليش لتخليها تخرب بينكن (بيقصد سحر)...أنا سمعتا وشفتا كيف عم تخطط لتخرب بينكن أصحى عَ حالك بقاااا.

آدم:ما أستوعب تيم عن شو عم يحكي ضل صافن بالسما وهو عم يقول خانتني...خانتني.

تيم:(فكر أنو سحر لعبت لعبة وسخة لحتى وصلت آدم لـ هالمرحلة كان عم يحاول يوعيه بس آدم ماكان معو أبداً أخر شي ضربو كف ليصحى عَ حالو بس صار العكس أنهار آدم قدامو وفقد توازنو حملو تيم عَالسيارة فوراً وبعدين حاول يصحيه قرر ياخدو عَ بيتو مشان ماتشوفو أمو بهي الحالة.

بعد ساعة:
___

روان:تيم مشان الله فهمني شو اللي صار؟!.

تيم: والله أنا متلك مالي فهمان شي.

روان:لقيتو؟.

تيم:أي.

روان:طيب ماحكا ليش هيك عمل الأفندي؟

تيم:ليكي روان وضع آدم مالو أحسن من وضع نغم أبداً هو تعبان كتير ومنهار ومابعرف شو اللي صاير معو ليصح بفهم منو.

روان:بالله شو قلتلي أنو منهار ومالو أحسن من نغم؟...ليش مين اللي عمل هيك هي ولا هو شو هالمسخرة فهمو لرفيقك أنو عملتو هي مارح أغفرلو ياها ورح أحرقلو قلبو متل ماحرق قلب نغم.

تيم:رواااان أنتِ بتعرفي قديش آدم بحب نغم بس فهمي علي في حدا عم يحاول يخرب بينهن ولعب لعبة وسخة لحتى وصلهن لهون.

روان:مين قصدك؟.

تيم:مابعرف لأتأكد من القصة وبخبرك.

روان:طيب ليش اليوم بالذات؟!

تيم:صدقيني مابعرف خلص خليني شوف شو بصير معي صار لازم سكر بحاكيكي بغير وقت أنتبهي حالك وعلى نغم سلام.

روان:أوووف طيب الله معك.

ببيت آدم:
___

أتصلت سحر عَ خالتها عَ أساس بدها تتطمن عليها بس هي كان بدها تتطمن شو صار بينها وبين آدم مو أكتر.

سوسن:الحمدلله أنا كتير منيحة ماتشغلي بالك حبيبتي.

سحر:الف الحمدلله خالتو حبيبتي الله يحميلي ياكِ.

سوسن:تسلميلي ياقلبي أنا كيف كانوا عيوني مغمضين عنك والله أنتِ بتناسبي أبني أكتر عَالقليل أنتِ بنت أختي وقريبة مني.

سحر:(أنبسطت من هالحكي اللي سمعتو بس ماحبت تبينلا)...خالتي مو وقتو هالحكي المهم هلأ كيف رح تحل عنو بنت الشوارع هديك!.

سوسن:تركها.

سحر:شووو؟؟.

سوسن:متل ماعم قلك أجا وهو معصب كتير شكلو عرفان كلشي قبلنا.

سحر:(بصدمة)شووو قصدي كيف ومن وين كيف هيك؟!.

سوسن:مابعرف لك بنتي لاتصرعيني بدي نام هلأ تصبحي على خير

سحر:وأنتِ من أهلو حبيبة قلبي.

يسسس وأخيراً خلصت منها بس كيف هيك آدم تركها فوراً ولا عم تقلي أنو عرف قبلنا شو اللي عرفان فيه بالضبط ما آدم بيعرف كلشي مستحيل تكون مرقت عليه متل مامرقت على خالتي!!!!..بس أكيد في سبب لازم أعرفو أو حتى مو مهم أعرفو المهم تركها إن شاء الله مارح يرجعلا هالمرة أبداً أنبسطي ياسحر آدم رح يكون إلك وأخيراً هه.


كانت ليلة صعبة عَالكل روان وتيم ماقدروا يناموا أبداً أما نغم وآدم هنن التنين كانو بشبه غيبوبة كلشي فيهن ساكن بس قلوبهن عم تخفق بقوة وشاعلة نار وكل واحد فيهن تفكيرو بالتاني سيء بشكل مو طبيعي...ضلوا عَ هالوضع يومين محدا كان عم يحكي شي آدم طول الوقت ساكت ومعصب وماعم يحكي شي ونغم نفس الشي روان كانت عم تحاول تقويها وتطلعها من هالوضع اللي هيي فيه وما كان يطلع بأيدها شي أتصلت بالمشفى وخبرتهن أنها تعبانة ومافيها تروح عَالشغل

#لـعـنـة_گـورنـا.
#الـجـزء_الـسادس_عـشـر.
#بـقـلـم_إيـمـان_عـلـو.


عند نغم:
___

روان:شو شايفتك عم تلبسي!.

نغم:بدي روح لعند هاد اللي أسمو أبي.

روان:جنيتي؟!.

نغم:لسا ماجنيت بس شكلي رح جن إذا ماعرفت ليش عمل هيك أو إذا ماعرفت شو اللي خلا آدم يتغير هيك مع أني كنت صريحة معو بكلشي!.

روان:برأيي تطنشي هالفترة بس لحتى تروقي عَالقليل.

نغم:لك روان أنتِ عم تحكي هالحكي وأنتِ عرفانة بشو عم حس لك أنا عم موت ألف موتة بالنهار اللي صار شي مالو قليل.

روان:ياروحي أنتِ والله بعرف بس مستحيل أسمحلك تروحي لعند أبوكي ومرتو شو بيضمنلي أنن مايأذوكي.

نغم:أكتر من هيك؟!.

روان:اللي بيطلع معو هيك رح يطلع معو أكتر وكلي أمرك لله وخلي هالفترة تمرق وبعدين بنشوف الأفندي آدم وأنا اللي رح أتفاهم معو هالمرة.

نغم:لا بقى تجيبيلي سيرتو مستحيل أرجع أحكي معو أو التقي فيه بعد اللي صار جرحي منو كبير مارح سامحو لو شو ما صار.

روان:الله يهدي بالك.

نغم:...

روان:صار لازم ترجعي عَ شغلك بكفي قاعدة هيك طول الوقت عَالقليل بتنشغلي ومابتفكري بشي.

نغم:معك حق شوي تانية بروح.

روان:وصحي نسيت قلك في واحد من المشفى أتصل أكتر من مرة ليتطمن قلي أسمو الدكتور نبراس.

نغم:ييي علينا مابقا يحل عني هاد كمان.

روان:شو قصتو؟.

نغم:مابعرف بس طول الوقت دابقني.

روان:بس يا أختي صوتو شللل أكيد هو ضرب ما.

نغم:هلأ هو أي ضرب وكتير كمان بس أنا بتدايق منو.

روان:لأنك هبلة يلا بقا فرقيني حلي عني روحي عَ شغلك.

نغم:حاضر حاضر.

روان:وعديني ما تجني وتروحي تعملي شي.

نغم:جنيتي يعني شو بدي أعمل؟.

روان:أي شي عم نبهك وإذا صار وفكرتي تروحي لمكان وتجيكي الجنونة لاتروحي بدوني.

نغم:مجنونة.


بالمشفى:
___

رجعت نغم عَالمشفى بعد أسبوع غياب والكل كان عم يرحب فيها ويهنيها برجعتها بالسلامة الكل كان مفكرها مريضة مرض عادي وأنو تعب هيك بس نبراس هو الشخص الوحيد اللي أنتبه أنو عيونها كتير تعبانين وأيدها مافيها محبس!.


نغم:عنجد شكراً لألكن أنا صرت منيحة الحمدلله بتشكركن من كل قلبي وبعتذر لاني ماكنت قدرانة كون معكن بهالكم يوم اللي مروا.

وائل:المهم رجعتي بالسلامة وماتفكري بغير شي.

نبراس:سلامة قلبك دكتورة.

نغم:(وهي عم تتجنب نظراتو)...الله يسلمك شكراً إلك.

وائل:وهلأ كل واحد عَ شغلو دكتور نبراس خلي الدكتورة نغم تساعدك.

نغم:(تلبكت لأنها مابدها تضل مع نبراس)لا معلش ب…


نبراس:(قاطعها)..تفضلي معي دكتورة عندي عدد كبير من المرضى اللي لازم نشوف وضعن ونتطمن عليهن.

نغم:...

مشيوا نبراس ونغم وهي ماعم تحكي شي أبداً وكان واضح كتير لنبراس أنها عم تحاول تتجنبوا كانوا كل مايطلوا عَ مريض بيرجعوا بجددوا التعقيم ويكملوا جولتهن وبمرة من المرات كانت عم تعقم إديها وفي مراية قبالها رفعت راسها لتشوف نبراس بالمراية حاولت تنطشو كمان بس هالمرة خلا نظرو بنظرها مباشرة وحكا معها…


نبراس:شو اللي عاملو فيكِ وليش فسختوا؟.

نغم:عفواً!.

نبراس:بعرف إنك كنتي تعبانة بس مو مرضانة!.

نغم:ملاحظ إنك زودتا كتير وعم تتدخل بخصوصياتي كمان!!.

نبراس:شوفيها؟.

نغم:شوو شوفيها بصفتك مين عم تتدخل بحياتي؟.

نبراس:(بأنفعال)...بصفتييي...(وفوراً سكت وماكمل كلامو لأنو حس حالو رح يخبص)...

نغم:؟؟!.

نبراس:بصفتي زميلك.

نغم:ياريت ماتتدخل بحياتي يازميل.

نبراس:بعتذر منك.

نغم:(تطلع فيه ومشيت بدون ماتحكي أي شي).

نبراس:(مرر أصابعو بشعرو وهو متوتر وعم يحكي مع حالو)...شو خبصت نبراس شووو خبصت؟.

بالجهة التانية بالمشفى:
___

صفاء:شفتي شو مهتم فيا ومن لما رجعت ملاحقا من مكان لمكان؟!.

ميرا:صفاء بكفي تخبيص!.

صفاء:لك أنتِ شو صرلك ممكن أفهم كلشي واضح متل عين الشمس بس أنتِ جدبة ضحك عليكي وسكتك بكلمتين.

ميرا:اللي بيسمعك عم تحكي بيقول كان خطيبي!.

صفاء:بس أنتِ كنتي بتحبيه شو صرلك لحتى هيك عم تتركيه لهي اللي أسما نغم؟.

ميرا:ياعيني عليكي كنت أنتِ قلتيا كنت وبعدين نزلي عن كتافها للمخلوقة أنتِ بتعرفي أنو هي مخطوبة حاج تحكي عليها.

صفاء:لك ماعم صدق أنتِ عم تحكي هيك؟!.

ميرا:لو سمحتي حاج.

صفاء:لك أي بالناقص تسطفلي.




بعد يومين:
____

سمية:وأخيراً طلع قرار الغاء الحظر وأرتحنا.

صفاء:نحنا كَـ دكاترة شو اللي بريحنا؟.

سمية:لك دخيلك عَالقليل بصحلنا ساعة زمان نطلع فيها نشم شوية هوا.

ميرا:لو يصحلي ساعة أشبع نوم فيها مابدي شي.

أيهم:مو طبيعي هالعالم كيف تكاثرت بالطرقات بهالسرعة فرحانين بالغاء الحظر بس نسيانين أنو عدم الوعي بهالشكل رح يخليهن يعملوا حظر التجوال أطول من اللي كان!.

نبراس:شو ماكان الحياة بدها تستمر والعالم بدها تعيش عموماً منيح أنو في حظر جزئي هيك أحسن.

سمية:الله يتلطف بهالعباد.

الكل:آمين يارب.

نبراس:أنا خلصت مناوبتي مين رح يكون بدالي؟.

أيهم:أنا والدكتورة سمية.

نبراس:طيب يعطيكن العافية.

عند نغم:
__

#لـعـنـة_گـورنـا.
#الـجـزء_الـسابع_عـشـر.
#بـقـلـم_إيـمـان_عـلـو.

عند آدم:
__

شاف نغم كيف أنفعلت هيك فجأة ومشيت بسرعة وضل هداك الشخص المجهول قاعد بمكانو وكأنو عم بفكر بشي آدم ما قدر يتحمل أكتر من هيك فوراً راح لعندو ودك بخوانيقو ومع أنو أبو سمرة كان متعود يتشاكل مع كتير زعران وسكرجية ويقدر يفلت حالو منهن بسهولة ماقدر يفلت حالو من آدم حتى ماقدر يقاوم قوة آدم أبداً صار متل الصوص بين أديه وهو عم يرفعو ويشد عَ رقبتو بقوة…


أبو سمرة:أخ ت تركني مين أنتَ شو بدك مني؟.

آدم:أنا اللي مين ولا أنتَ...(صار يعلي صوتو أكتر وقلو)...قلي شو علاقتك بنغم ولاااك ومن وين بتعرفها؟.

أبو سمرة:مالي علاقة فيها تركنييي.

آدم:(شحطو لجنب سيارتو)... وهلأ بدك تحكيلي كلشي وياويلك إذا بتخبي عليي حرف واحد بقبرك بأرضك فهمان؟.

أبو سمرة:(هالمرة قدر يبعد آدم عنو ودفشو بقوة خلت آدم يلزق عَ باب السيارة)...أنتَ واحد مجنون هيك العالم بتسأل هيك العالم بتتفاهم مع بعضا؟.

آدم:(تجاوز ضربة أبو سمرة بسرعة ورجع مسكو من رقبتو وهو عم يتطلع فيه بنظرات أستحقار)...هه كتير باين عليك آدمي وأبن عالم وبتعرف تتفاهم كمان هههه شي بضحك ها.

أبو سمرة:(بنظرة تحدي)...أحترم حالك أحسنلك.

آدم:الأحترام عم ينقط منك قلي بشو كنت تحس وأنتَ عم تقعد مع وحدة مخطوبة ياحضرة المحترم (ماقدر يسيطر عَ غضبو وفوراً ضربو بوكس خلا أبو سمرة بالأرض والدم معبي وشو).

أبو سمرة:(كانت الضربة قوية عليه ماقدر يتحملا وعرف أنو إذا طول النقاش معو رح يخلص عليه)...أستنى أستنى أنتَ فهمان الموضوع غلط ونغم…


آدم:نغم شوو قليي من وين بتعرفها؟.


أبو سمرة:هي أجت لهون بالصدفة وحميتها من كلاب الشوارع وصارت تجي كل فترة.

آدم:ليش؟.

أبو سمرة:مابعرف صرنا نقعد كتير.


آدم:(علا صوتو وهو عم يرفعو لعندو ليضربو كمان مرة)...وشفتكك كيف عم تلمس عيونها يااحيواان.

أبو سمرة:(من خوفو من البوكس التاني فوراً مسك أيدو وقال)...بترجاك لاا لحظة أنا أنا.

آدم:أنتَ شوو ولاا؟.

أبو سمرة:(نزلت الطاقية عن راسها وفردت شعرها وقالت أنا بنت مالي شب بترجاك بكفي تضربني.

آدم:صدمتو كانت قوية كيف الشخص اللي كان مبين شب طول الوقت طلع بنت!...بهاللحظة بالذات حتى نبرت صوتها تغيرت ورجعت نبرة صوت البنت اللي كانت متنكرة بـ لباس شب قعد عَالأرض آدم وهو عم يحاول يستوعب اللي صار ويتطلع عَالبنت اللي واقفة قدامو هي بنت أو شب هيك كان عم يسأل حالو فوراً فز من محلو شغل أضوية السيارة لتبين البنت اللي قدامو بشعرها الطويل اللي باين عليه الوسخ والقرف وعيونها الخضر اللي تفاجأ فيهن ماعرف شو بدو يحكي...تطلعت فيه هي البنت اللي كانت مسمية حالها أبو سمرة وقعدت عَالأرض وأشرتلو ليجي يقعد جنبا لتفهمو قصتها…

البنت (اللي هيي نفسا أبو سمرة):بالبداية القصة كانت مجرد صدفة أو خلينا نقول القدر هو اللي جابها لعندي.

آدم:ماعم أفهم شي نغم بتعرف إنك بنت؟.

البنت:لاا بس عَ طول كانت تقلي جسمك مو جسم شب بهيك عمر.

آدم:إذا كانت بتعرف أنك شب شو اللي كان يخليها تجي لهون؟.

البنت:يمكن كانت شفقانة عليي أو خلينا نقول الدم.

آدم:الدم؟.

البنت:أي.

آدم:هه هلأ بدك تقنعني أو تقنعيني أنو هيي خلتك تقرب منها وتلمس وشا وهي عرفانة وقتا إنك شب مو بنت بس لأن كانت شفقانة؟!.
‏
البنت:لا أبداً في شغلات كتير صارت لحتى خلتني هيك المس وشا لمرة وحدة.

آدم:هه أنتِ أكيد عم تتمسخري ؟.


البنت:إذا بدك تضل تسأل هيك وتقاطعني مارح تفهم شي.


آدم:لككك أحكيي خلصنييي.

بلشت البنت تسردلو تفاصيل الحكاية المجهولة وآدم ماكان يستوعب شي أبداً...


ببيت نغم:
___

روان:شبك نغم؟.

نغم:ولا شي تعبانة من الشغل بس.

روان:سلامة قلبك بعرف أنو مو هاد هو السبب بس بتمنى تهوني عَ حالك شوي لابقى تحملي هيك بقلبك تأكدي كلشي عم بصير معك لخير.

نغم:أنا تعبت حياتي كلها أنقلبت فوقاني تحتاني فجأة عم تقليلي هون عَ حالي؟.

روان:بعرف مو سهل عليكي هالشي بس لازم تتجاوزيه.

نغم:..

روان:سمعي شوو بما أنو مافي حظر شو رأيك نروح نتمشى شوي وناكل غزلة البنات يا الله شو مشتهية نطلع هيك من زمان ماطلعنا.

نغم:روااان مشان الله خلص الحظر بس ماخلص الوباء شبك أنتِ؟.

روان:بنلبس كمامة وكلشي ومابناكل من مكان مكشوف الله يخليكي وافقي يلا قومي يلا يلا.

نغم:بعدين الحظر جزئي يعني بهيك وقت ممنوع ولا مو ملاحظة أنو تأخر الوقت؟.

روان:لك دخيلك مين ملتزم طلعي الشوراع مليانة العالم ماصدقت تشم هوا خلصيني قومي لبسي بقاا.

نغم:رواان.

روان:نغووومة قلبي يلا مرقيها هالمرة خلينا نخلص شوي من القعدة بين أربع حيطان ونكد البيت.

نغم:طيب بس بتلبسي كمامة ومابتشيليها أبداً.

روان:حاضر حضرة الدكتورة بتؤمري أمر.

نغم:يلا قومي الله يصبرني عليكي بسس.

روان:ولك دخيلووو أنا.

#لـعـنـة_گـورنـا.
#الـجـزء_الـثامن_عـشـر.
#بـقـلـم_إيـمـان_عـلـو.

مجهول:طيب عن أذنك وشكراً الك مرة تانية .

البنت: الله معك.

*بــــــــــــــBakــــــــــاگ*:
_

آدم:ورجعتي شفتيه مرة تانية مين هو ماعرفتيه؟.

البنت:لما مشي حسيت روحي مشيت معو مابعرف ليش كان أحساس كتير غريب ماحسيت فيه إلا معو ومع نغم...

آدم:(قاطعها وقال وهو مستغرب)...نغم؟!.

البنت:أي نغم...المهم حسيت هديك الليلة كتير تقيلة علي ماصدقت أيمت طلع الصبح لحتى شوفو رحت لهنيك الساعة 6 بدال ال 9 نطرتو لوقت ما أجا وقتا هو كمان أجا قبل الموعد كانت الساعة 8ونص لما وصل يمكن كان حاسس نفس الشي والليلة كانت صعبة عليه.

آدم:وشو حكالك؟.

البنت:بلش يحكيلي قصة نغم كنت مفكرة إنها ممكن تكون ضايعة من لما كانت صغيرة أو مخطوفة أو أيَ شي تاني ماكنت متوقعة الشي اللي حكاه كان صدمة بالنسة اللي.

*فــــــــــــBakـــ(بــــــــــــــــــاگـ)ــــــــــBakــــــــلاش*
________

مجهول:شايفك هون؟.

البنت:مابعرف بس ماعندي شي قلت بقعد بهالمكان الهادي لبين ماتجي.

مجهول:الساعة تمانة ونص من أيمت جاية؟.

البنت:تمانة ونص يعني أنتَ كمان جايي قبل الموعد أنا صرلي هون من الساعة 6.

مجهول:أوووف لو بعرف هيك كنت أجيت من زمان

البنت:لهدرجة متحمس تعرف قصتي؟.

مجهول:فوق مابتتصوري.

البنت:ليش؟.

مجهول:مابعرف يمكن لأن..(لسا ماكمل كلامو وأجت عيونو بعيونها صفن شوي وكأنو أنصدم بشي).

البنت:في شي؟.

مجهول:أنتِ كتير بتشبهي حدا بعرفو يا الله مو معقول الشبه!!.

البنت:...

مجهول:حكيلي قصتك.

البنت:مو قبل ماتحكيلي أنتَ.

مجهول:الله يخليكي حكيلي قلبي نطف بدي أعرف قصتك عنجد لازم أعرف وصحيح أنتِ قديش عمرك؟.

البنت:مو هيك أتفقنا مبارح قلتلي إنك رح تحكيلي أنتَ بس مشيت وهلأ مابدك تحكي لأحكي شكلي رح أمشي أحسن شي.

مجهول:لا خلص رح بلش أحكيلك.

البنت:طيب عم أسمعك.

مجهول:أنا أسمي…


ببيت آدم:
___

سحر:خالتي ماصار لازم تقعدي مع آدم وتتفاهموا عاجبك الوضع هيك حتى ماعم يجي يتطمن عليكي؟.

سوسن:شو بدي أعمل ليش هو عم برد علي؟.

سحر:أتصلي فيه خلي يجي وحاكيه برواق رجعي كسبي أبنك.

سوسن:خلص تركيني بحالي هلأ لفكر كيف أتفاهم معو.

سحر:خالتي من الأخر بدييي آدم مشان الله حليلي الموضوع.

سوسن:هالشي مارح يصير بسهولة وأنتِ بتعرفي آدم.

سحر:بعرف بس أنتٓ لشو أمو وخالتي كمان ولا مابتريديني كون كنتك؟.

سوسن:بالعكس منى عيني تصيري كنتي وأكسرلا عينا لبنت الشوارع هديك طولي بالك عليي أنا بحل الموضوع بس خليني أعرف أتفاهم مع آدم.

سحر:أي هاا هي هيي خالتي اللي بحبا تعي هاتي بوسة.

سوسن:خدي تقبريني خدي.

سحر:موووااه دخيلا أنا.

سوسن:حبيبة قلبي.


سحر بكل سهولة قدرت تسيطر على تفكير خالتا بس مشان توصل لآدم هيك قدرت تسيطر على أمو مستحيل تقدر تسيطر على آدم وحتى لو صار مارح يكون بسهولة وهي بتعرف هالشي مع هيك هي مو مستسلمة أبداً ياترى شو رح يطلع معها كمان؟…


عند روان ونغم:
___

نغم:شو حلو هالجو اليوم.

روان:شايفة بطير العقل كمان.

نغم:أي والله بريح النفسية كنت حاسة أنو روحي رح تطلع.

روان:أنا مشان هيك جبتك.

نغم:لك الله لايحرمني من دبدوبتي.

روان:ولا يحرمني منك.

نغم:روان.

روان:(وهي عم تاكل)...أي قليلي.

نغم: انا لولاكي شو كان صار فيي؟.

روان:بلشنا مشاعر مجعلكة ست نغم خلينا رايقين الله يرضالي على أسمك.

نغم:لك تضربي أي.

روان:أيي…ليكي شو رأيك نروح نلعب بالمراجيح.

نغم:جنيتي؟.

روان:(ماخلت نغم تكمل كلاما فوراً سحبتا من أيدا وركدت فيها عَالمراجيح)...لك تعي بلا هبل.

نغم:لك والله أنتِ الهبلة.

عند البنت:
____

كانت لساتها عم تسرد التفاصيل لآدم وهو عم يسمعها بدون مايقاطعا…

*فــــــــــــBakـــ(بــــــــــــــــــاگـ)ــــــــــBakــــــــلاش*
________

مجهول:أنا أسمي نبراس دكتور معها لنغم بس هي مابتعرفني أنو بكون خالها أحياناً لما عم أنسى حالي وبينلا أهتمامي فيها بتفكرني معجب فيها وبتصير تصدني المهم كنت صغير ماكنت بعرف شو يعني لما الوحدة تهرب من بيت أهلا مع حبيبا بس اللي بعرفو أني فقدت أختي اللي كنت كتيرر حبا وفقدت حنانا كيف وليش مابعرف فجأة أختفت وأنقلبت حياتنا فوقاني تحتاني صارت سيرتها بالبيت محرمة بتذكر مرة سألت بابا عنها ضربني كتير وكأنو كان عم يضربني بلا وعي صرت ما أسترجي أفتح سيرتا بالبيت بس وجع فراقا لهلأ عم حس فيه بالرغم من كلشي عملتو.

البنت:(وهي متحمسة وقلبا عم يدق بسرعة)... يعني هربت مع شخص؟.

نبراس:(هلأ كلنا عرفنا أنو نبراس هو الشخص المجهول وهو الشخص اللي كانت نغم عَ طول تحس فيه أنو مراقبها وسبب أهتمامو فيها بس لسا في كتير شغلات لازم نفهما خلونا نشوف شو رح يصير)….

نبراس:للأسف أي هربت مع شخص ياريتها ماعملت هيك.

البنت:وشو صار بعدين؟.