نبع_الشقاء - خزانة الفوائد

#نبع_الشقاء الجزء السابع #انتهت

#قصة_واقعية
@rwayate
احلام : ما بستاهل ؟ ليش قبلت بوقتا ازا انا ما بستاهل ؟
لؤي : انضربت على قلبي
احلام : ايوا
لؤي : ما علينا كم معك مصاري ؟
احلام : معي الجمعية يلي كنت داخلتا مع جارتي واهلا
لؤي : قبضتيها ؟
احلام : اي
لؤي : ماشي بكرا جيبيلي المصاري وتعالي هون مشان اخدن واستأجر بيت جديد بس ما رح يكون في عفش الا فرشة ومخدة وحرام لحتى تنامي عليهن
احلام : ماشي

رجعت عالبيت وخبرت اهلي اني رح ارجعلو ...
@rwayate
امي : اي ارجعي بس اوعك تفرجيني خلقتك بعد هيك
احلام : ليكي امي لقلك شغلة .. يلي بتتخفف عقوبتو من الإعدام للمؤبد بينبسط ولا لا ؟؟
امي : بينبسط
احلام : وانا هيك صاير معي .. رح تتخفف عقوبتي من العيشة معكن لعيشتي مع لؤي فهمتي ؟ يعني مو راجعة لو بعيش بالطريق
امي : درب اللي تسد وما ترد طريق الجحيم يارب

نزلت انا وامي عالمحكمة وسحبنا قضية المأخر ...

رجعت انا ولؤي على بيت كلو عفن ورطوبة واجارو رخيص وطبعا ما في عفش وهو كان كل يوم يروح عند اهلو ويرجع بعد نص الليل بس انا كنت رضيانة لأني بحبو ولأني ما بدي ارجع لعند اهلي وبعد شهرين حملت من جديد اتصلت على لؤي لخبرو اني فحصت وطلعت حامل ...
@rwayate
احلام : مرحبا
لؤي : شو في ؟
احلام : هلأ جيت من عند الدكتورة
لؤي : اي شو اعملك انا ؟
احلام : لؤي انا حامل
لؤي : هههههههههههههه
احلام : في شي بيضحك ؟ انا حامل
لؤي : عم بضحك عالكذبة هههههه قال حامل قال
احلام : لؤي انت ليش صرت تتلذذ بعذابي ؟ انا شو عملتلك بشو غلطت معك ليش صرت بتشبه كلشي الا الإنسان ؟ ليش صرت تشبه ابي ؟
لؤي : هيهيييييه علينا وعالدراما حلي عني
@rwayate
سكر الخط بوشي وانا بقيت ابكي طول الوقت لحتى تزكرت الطفل يلي ببطني وخفت اخسرو
=======================================
قضيت اصعب ايام حياتي تقريبا لوحدي بالبيت ودبرت شغل بسيط بس مشان جمع كم ليرة لديارة البيبي و لولادتي لحتى صرت حامل خمس شهور رحت عالدكتورة مشان افحص البيبي ورجعت على الشي يلي بيشبه البيت وحاولت افتح الباب ما كان ينفتح معي رحت لعند لؤي عالمكتبة لأني فهمت انه غير مفتاح البيت

احلام : وين مفتاح البيت ؟
لؤي : بيت شو ؟
احلام : بيتنا
لؤي : بيتنا ؟ في بيت بيجمعنا ؟ اييييي صح صح تزكرت
احلام : شو تزكرت ؟
لؤي : انه كان في بيت بيجمعنا
احلام : وهلأ ؟ @rwayate
لؤي : لك انتي جدبة شي ؟؟ انا ما بدي ياكي ورفعت دعوى طلاق من 10 ايام .. وهلأ انقلعي عند اهلك
احلام : طيب وحبنا ؟
لؤي : كذبتنا قصدك .. خلصت
احلام : والبيبي يلي ببطني ؟ مو ابنك ؟ ولا هاد كمان كذبة ؟
لؤي : نزليه
احلام : لك حرام عليك شو عم تحكي ؟
لؤي : خلص اولديه وبس يكبر احكيلو ابوك ابن حرام تركنا وراح وانت ببطني المهم انك تحلي عني
@rwayate
كنت رح اوقع من طولي بس استندت على الحيط وهو اتطلع فيني نظرة شماتة .. وصرت ابكي بحرقة ومشيت بالشارع وانا عم ببكي رجعت لعند اهلي وخبرت امي بس امي قلعتني تركتا عم تصرخ وتقلي انقلعي برا وفتت على غرفتي ومديت سجادة الصلاة وصرت صلي وادعي ربي وابكي ..

رجعت امي رفعت دعوى الطلاق مشان تاخد منهن مصاري يلي هنن كل حياتا .. وصارت تعاملني متل الشغالة ..

امسح واشطف واكنس واغسل وكلشي وانا حامل وبالاخر تسبني وتدعي علي وعلى يلي ببطني بالموت .. حتى بس تشوفني بصلي تضحك علي وتقلي مجنونة ما في فايدة من شي عم تعمليه حتى صلاتك ما رح تنقبل .. وبيوم كنت عم صلي وادعي الله يرجعلي لؤي وسمعتني امي وفاتت لعندي عالغرفة وعصبت علي وقلعتني من البيت .. صرت امشي بالشوارع ما عم @rwayate بعرف وين روح ولا وين رح بات رجعت على بيت اهلي وبقيت قاعدة على عتبة البيت لحتى طلع الصبح وصرت اترجى امي تدخلني لجوا لأني تعبانة .. فوتتني لجوا وانا اتصلت بلؤي من القهر قلتلو الله لا يسامحك وسكرت الخط .. بعد ربع ساعة رجع دقلي من رقم جديد ما بعرفو وقلي انا متكفل بمصاريف الولادة وديارة البيبي شو بيلزمك احكيلي

📚قصص||روايات||منوعة📚

📚قصص||روايات||منوعة📚