ر ودخلنا نستنى الطيارة كان قاعد جمبي وعمرو بحضنو وعم يلعبوا مسكت ايدوا واطلعت بعيونو وقلتلو: رح اشتئلك
دمعو عيونو ودار وجهو حط عمرو مكانو وراح ع الحمام قلتلا ل هبة: ديري بالك ع اخواتك ولحقتو..
لقيتو واقف جنب باب الحمام وعم يدخن
لميس: هيك بدك اياني سافر من دون ما تودعني او تحكيني حتى

وسيم: انتي ما خليتيلي مجال لشي

لميس: قلتلك رح تتعب معي وقلتلي بصبر، بس انتي ما صبرت ابدا

وسيم: كيف بدك هالقلب يصبر ع بعدك

لميس: ما رح طول

ومن دون ما حس ع حالي قربت منو وغفيت ايديي ع خصرو وضميتو كنت محتاجة كتير لهالحضن الي زمان ما حسيت بالامان وبالدفا واكيد هوي شعورو متلي

بعد وجهو عني وحط عيوني بعيونو وقلي: رح ترجعي ما!!؟؟

لميس: اكيد....

وسيم: رح تتركيني بس رجعتي

لميس: لا....

وسيم: بس لا

لميس: اي بس.. رجعت ضميتو وغبت عن الدنيا لثواني

وسيم: كيف رح اتحمل غيابك

لميس: يلي صبر هالشهور بيصبر هالشهر كمان

مسكني من راسي وباسني من جبيني
انا خجلت وتركتو
ورجعنا شفت ولادي قاعدين وصار وقت الطيارة ودعتو وبقيت ماسكة ايدوا وما بدي اتركا
وتركتا ومشيت بقيت طول الطريق فكر فيه وعيوني يدمعو...

#نصي_الثاني_بقلم_مروةآغا

#الجزء #العاشر (10): و #الاخييييير

وصلت ع تركيا استقبلنا اخي منير ورحنا ع بيت اهلي كتير فرحو فيي طار عقلن لما شافوني الحمد لله قدرت ارجع وشوفن مع اني كنت خايفة تطول اجراءات الجوازات

وبقيت معن وكل يوم نطلع ونفوت وقضينا ايام حلوة وسيم قليل ليحكيني يمكن مشان ما يشتألي بزيادة بس البنات كل يوم يحكوني

وقبل ما سافر ب اسبوع كنت راجعة ع البيت جبت شوية اغراض وشفت سامر طلع بوجهي ومعو علا وبنت وصبي عرفتا لجنى كبرانة وحليانة والصبي اكيد ابنو

علا هيي شافتني هربت واتخبت خافت طعميا اتلة بس فشرت وسخ ايديي فيا كنت هادية كتير وحتى يمكن باردة ابرد من لوح الثلج
وشفت سامر جاي لعندي وقفت وكنت دائما جهز حالي شو بدي قلو وضل عيد الحكي كل ما اتذكر هديك اللحظة بس هلق كلو راح، وقفت قدامو وانا قوية وما اهتميت لشي
سامر: كيفك

لميس: شوفة عينك

سامر: اشتقت لولادي

لميس: حلو كتير منيح يلي فطنت فين

سامر: انا كتير دورت عليكن بس ما لقيتكن

لميس: بس بالاول كنت بتعرف وين نحنا

سامر: كان معمي ع قلبي

حسيت حالي لازم وقف الحديث لان رح فوت بدوامة: ايمات بدك تشوف ولادك

سامر: بكرا

لميس: ماشي بعد صلاة العصر منلتقى بهاي الحديقة

مشيت من دون ما التفتت وانا راسي مرفوع ورجعت ع البيت كنت كتير زعلانة ومتدايقة قعدت مع اهلي وما حكيت لحدا شي صار الليل نيمت الولاد دخلت ع الغرفة وسكرت الباب وبلشت بالبكي بعدين وقفت قدام المراي وحاكيت حالي وانا عم اتلمس ملامح وجهي المحمرة والمنفوخة: ليش لحتى ابكي انا قوية وما لازم اضعف سامر ماضي راح وليكيه عايش حياتو وانتي دافية حالك وحارمة حالك من ابسط حقوقك مع زوجك انسي لميس انسي..
اتذكرت وسيم ومعاملتو المنيحة معي حسيت حالي غبية ع شو كنت ازعل وشو كنت ناطرة واحد تركني وراح ورا وحدة شرشوحة
انا اصلا كنت حابسة حالي بوهم وشبح سامر، وحبو الوهمي الي كان مخيم عليي بس هلق عرفت اني ما بحبو ولا شي لما شفتو حسيت حالي قرفانة منو كتير
يمكن شغلة الخيانة بتصير كتير بس انا ما قدرت اتحملا ابدااااا وعملتلي عقدة نفسية خصوصا انو اجت من وحدة كانت عزيزة ع قلبي

قعدت وبلشت شوف الفرق بين وسيم وسامر
سامر صح قضيت ايام حلوة معو وكان منيح بس كان بارد ولايوم شفت منو شي دائما يقعد يشوف تلفزيون كان بارد وما يهتم وانا عندي مشاعر وعواطف زايدة بحب يلي بيهم فيي ويلي بفاجئني وبجبلي هدايا هيك الله خالئني كنت شوفو احسن رجال بالكون لان ببساطة ما كنت شايفة غيروا قدامي
بس هلق وسيم غيرلي حياتي ونظرتي بالحب والزواج هوي كل حياتي
لقيت حالي ماسكة جوالي وعم دقلو اول ما سمعت صوتو قلتلو: اشتقتلك

وسيم: لك انا يلي اشتقتلك ودبت ع غيابك عم استناكي باليوم وبالساعة وبالثانية

لميس: اف كل هدول يلا كام نهار بكون عندك، بس ليش ما عم تحكيني

وسيم: ما عم اققدر كل ما حكيتك بشتقلك بزيادة

لميس: شفت سامر اليوم

اتغيرت نبرة صوتو وقلي: اي وشو يعني

لميس: بس بدو يشوف ولادو

وسيم: يعني ما بدك ترجعيلو

لميس: لك انتي يلي بدي ارجعلك ويوم الخميس بكون معك

وسيم: لا يكون بدو الولاد

لميس: مابعرف خيفاني بس اذا حكا شي اخدي الولاد وتاركتو يسطفل هوي يلي تركنا

وسيم: شيلينا من سيرتو

وبقينا نحكي لنعست ونمت
وتاني يوم اخدت الولاد ورحت ع الحديقة وحطيتن معو وقعدت بعيد عنن البنات كانو بيعرفو ابون بس عمرو استغرب وبقي فترة لتعود عليه وبعد شي ساعتين رجعت شفتن قاعدين وهني شافوني ركدو عليي
سامر: والله عرفتي تربين يكرهو ابون

لميس: عن اي اب عم تحكي يلي رماهن ولحق شهواتو

سامر: كل يوم بدي شوف الولاد

لميس: بس انا ماني عايشة هون

سامر: لكن وين عايشة

لميس: ب المانيا

سامر: بس انا بدي ولادي

هب

#مستوحاة_من_الواقع
نصي_الثاني
بقلم_مروةآغا ❤

👇 👇 👇 (الجزء الاول+الثاني+الثالث+الرابع+الخامس)

{في كل شخص تراه شخص لا تراه، وراء كل قصة تعرفها قصة لا تعرفها، وبجانب كل حدث تراه حدث لاتراه }
(ادهم الشرقاوي)

#الجزء #الاول (1):

حطيت ركوة القهوة ع النار وجهزت توست بالنوتيلا لمحت ركوة القهوة عم تفور ركضت وحملتا ومسحت الغاز رتبت صنية القهوة وطلعت قعدت بجنينتي يلي ما كنت بحلم بحياتي يكون عندي هيك جنينة وهيك بيت، مطلة ع الشارع العام بمنطقة هادية وراقية
كل يوم بعتني فيا وبورداتا مسكت فنجاني الابيض المقصب بخوف ذهبية وشفيت منو اول شفة ، ومسكت جوالي وشفت التاريخ متل اليوم بكون عيد زواجي من سامر ايييييي الايام كيف مرقت متل هلق بكون عم جهز للسهرة .. غمضت عيوني وبلشت اتذكر اول عيد زواج...

((لبست ونزلت ع السوبرماركت جبت كل الغراض يلي كاتبتن ع الورقة (عدة السهرة)
رجعت مستعجلة وبلشت تجهيز عملت معجنات وتبولة ولازانيا سامر كتير بحبا من تحت ايديي وعملت الكيك وزينتوا بحروف اسمنا وكتب {الله لا يفرقنا} وجهزت الطاولة جبت كل شمعات البيت وحطيتن عليا وحبال الضو علقتن ع الحيطان وورد صناعي ابيض واحمرو مرسوم ع الارض بحروف وقلوب بتعبر عن الحب يلي جواتي وصفصفت الاكل عليا وجبت ابريق العصير من المطبخ ونظرت اخر نظرة ع الغرفة كان كل شي جاهز ابتسمت بفرح ومشيت على غرفتي اتحممت وسشورت شعري وحطيت كحلتي السودة وحمرة ناعمة بلون زهر هيك بحبني سامر بمكياج خفيف رجعت وبلشت شغل الشموع بيدخل سامر ب ايدوا كيس احمر لاني من خواصري وحملني لصرت قريب من وجهو
سامر: شو كل هالحلا اتوقعت تكوني عاملة حفلة بس ما كل هالقد

لميس: هاد اول عيد زواج النا معقول ما نحتفل فيه
شدني لعندو وباسني من جبيني وقلي: دخيل هالعيون كل عام ونحنا لبعض ومع بعض ولبعض ، انا رايح ع الحمام

كملت شغلي وطالعت اللازانيا من الفرن كانت متل النار وحطيتن ع الطاولة قوطعت منا قطعتين
سامر: اي شو هالريحة الطيبة
اجا وقعد ع الكرسي واكل اول لقمة وداب فيا
سامر: يا ويلي م اطيبا

لميس: هههههه الف هنة
وكملنا سهرتنا وراح ع الغرفة وطالع الهدية كان جوال كنت حاطة عيني عليه لان جوالي انتزع وبدي جددو
وانا كنت جايبتلو ساعة كان كتير مشتهي يلبس ساعة بس ما يقتنع فيهن وصار كل يوم يلبسا))

رن الجوال نئزت فتحت عيوني ورديت طلعت الماما
لميس: اهلين ماما

ماما: حبيبتي اشتقتلك ما بينتي من امبارح

لميس: انشغلت بالولاد ودراستن، وهلق من شوي صحيت لسا ما صحصحت عم اشرب قهوة

ماما: الف هنة، شو صار بجوازاتكن اشتقتلكن

لميس: والله وانا اشتقتلكن ان شاء الله وعدوني شي شهرين

ماما: ماشي يا روحي يلا ابوكي فاق بدي اعملو قهوة

لميس: ماشي وانا بدي كمل شغلي بعدين بحكيكي
حطيت الجوال من ايدي اتطلعت عليه واتذكرت لما اول مرة مسكتو ب ايديي كانت ريحة عطرو معلقة عليه بس هلق ما عاد فيو ريحة

كملت قهوتي وقمت لروح ع السوبرماركت لجيب اغراض الطبخة الولاد قال مشتهيين على محاشي
لبست وطلعت بالمترو رحت ع السوبرماركت يلي بروح عليها دائما وجبت عدة المحاشي
ورجعت حفرت البيتنجانات والكوسايات وطبقت الطبخة
مسكت كتابي وبلشت دراسة بقيت اكتر من ساعتين وانا عم ادرس واحفظ
بتفتح هبة الباب وبتفوت هيي واخواتا هبة عمرا 12 سنة ندى 10 سنين وعمرو 7 سنين
لميس: تقبرو قلبي اهلين وسهلين

عمرو: ماما جوعان كتير

لميس: يلا شوي بتستوي المحاشي

هبة: يمييي

لميس: يلا روحو غيرو تيابكن وغسلو

حطيت الاكل واتغدينا وبعدا درستن لعتمت الدنيا لصارت الساعة 10 نيمتن وانا كالعادة بقعد لحالي مافي شي اعملوا
حطيت راسي ع مخدتي وبلشت الذكريات تاخدني......
#نصي_الثاني_بقلم_مروةآغا
((فتحت عيوني على صوت الرصاص ركضت شلت ولادي ودخلت ع الحمام وسكرت الباب ماعرفت شو اعمل اتصلت ع جوزي قلي عرف من الاخبار علقانة عنا بالحارة وماعم يقدر يدخل ابدا
سامر: خليكي انتي بمكان امن

لميس اي ليكني قاعدي بالحمام

سامر: اي منيح وينك ضبي شوية تياب وجهزوا حالكن مشان بس راق الوضع طالعكن من الحارة

لميس: ماشي بس والله خيفاني اطلع من الحمام كتير الصوت قوي

سامر: اي لكن لا تطلعين استني ليهدا الوضع

لميس: والله ميتة رعبة

سامر: لا طولي بالك اهدي مشان الصغار مارح يصير شي بس اشتباك شوي وبيهدوا

لميس: حاضر
يلا باي
تعو ياروحي قربوا مني لا تخافو قلي بابا مافي شي ورح يجي ياخدنا

بقيت بالحمام شي ساعتين لهدي صوت الرصاص ركضت ع الغرف لقيت الرصاص مكسر البلور ضبيت شنتايتين تياب وجبت اكل للصغار من المطبخ كان رجع صوت الرصاص يعلا ورجعت ع الحمام
طعميتن ولبستن، واتصلت ب اهلي طمنتن وكانت ماما كتير عم تبكي بس ارتاحت لما سمعت صوتي وبقيت قاعدي متماسكة اعصابي مشان الولاد كانو كتير خايفين.
وسمعت صوت الباب انفتح

سامر: يا لميس وينك

طلعت وضميتو من دون ماحس كنت كتير خايفة

سامر: خلص حبيبي ليكيني جمب