يفكون عن بعض

________________________________________

#بصيص_أمل


الجزء السادس عشر (16): و #الاخييييير

((2016)) _مشفى الاطفال قسم الطوارئ_

كانت قاعدة ورا مكتبا وعم تقلب بالاورق لما دخل اياد ومعو بنت صغيرة
وقفت ملهوفة: اياد

اياد: كيفك نورا

نورا: الحمد لله شبا البنوتة

اياد: سخونة قوية

قربت منا واتلمستا : لا تاكل هم حطتا وبلشت تفحصا

اياد: صايرة شاطرة

نورا: ما كل هالقد بس اسعافات لبين ما تجي الدكتورة

اياد: ليش وينا ؟

نورا: هلق بتجي رنيتلا ع جوالا

اياد: مابدك تعرفي مين هالبنت !!

نورا رافعة ميزان الحرارة وعم تشوف حرارتا: مبينة بتشبهك .. امم حرارتا مرتفعة هلق بس تجي الدكتورة منعطيا خافض حرارة

اياد: مابتقدري تعطيا انتي

نورا: بعرف واتعلمت كل شي بس هون الافضل يلي بكون حامل شهادتو وانا معي شهادة صغيرة

اياد: اي منيحة

نورا: اكيد منيحة وانا بتشكرك ع كل شي ع القليلة بذكرك بدعائي لان امنتلي هالشغل مساعدة دكتور ما بتتخيل شقد مرتاحة فيا

بدخلة الدكتورة قالتلن يلحقوا ع المكتب.. حملت نورا البنت ودخلتا وبلشت تتفحصا وتسأل ونورا عطتا ميزان الحرارة وقالتلا شو فحصت
وبلشت البنت تبكي
كملت شغلا وعطتا دوا وضربتا ابرة خافض حرارة وقالتلو ( سلامتا شوي وبتروح الحرارة)
حملتا نورا للبنت وضمتا لصدرا وصارت تهديا طلعت ع مكتبا وهيي عم تهزلا واياد عم يراقبا لحتى هديت
قربتا لعند ابوا وابتسمتلو
نورا: الله يحميا.. كيفا نهى

اياد: الحمد لله ع حالا

نورا: وان شاء الله مرتاحة مع مرتك الجديدة

اياد: الحمد لله كلو تمام

نورا: بتمنالك حياة سعيدة

مسكت الاوراق قداما وبلشت تقلبن بتوتر حمل اياد غطا بنتو وغطاها منيح وقلا: وانا بتمنالك حياة سعيدة كلا فرح سامحيني اذا زعلتك شي يوم
وطلع..

نورا: الله يسامحك ويسامح الجميع

قعدت ع كرسيا وهيي عم تحبس دموعا غصب وكل ما هربت دمعة من عينا تمسحا ب ايدا وتتنفس بهدوء لتبعد الدموع عنا

*

كانت عم تحطلا الطرحة ل اختا بعد ما لفتلا شعرا وزينتلا وجها بمكياج ناعم
وقفت اختا واتطلعت ع حالا بالمراي: والله انت فنانة

ابتسمت نورا: لا ياعمري انت الحلوة

دخلت اما ودمعت لما شافت بنتا بفستانا الابيض

نورا قربت من اما وضمتا: هاي انتي ما بتبطلي عادتك

*

كانت عم تتفتل بالصالة وتسلم ع العالم لما سلمت على حماة اختا وصارت تبوسا وتقلا :والله مشتهيتك تكوني مرة ابني مروان والله ابني مافي منو لا تشوفي هيك وجهو بس هوي بدو يعملو تجميل بس يتفضى شوي

_من اول ما اجت وطلبت اختا وهيي عم تلمح لتخطبا ل ابنا مروان يلي كان متزوج وعندو ولدين شهد وولد اكبر استشهد هوي وامو بالقصف ومروان انحرق قسم من وجهو وايدو واجرو اليسار بس شهد طلعت من هالحادث سالمة بدون اي اصابات او بالاحرى بدون بصمات لان هالحرب خلت عند كل شخص فينا بصمة مستحيل تنتسى

ابتسمت نورا وعادتلا نفس الاجابة للمرة العاشرة او اكتر: انا خالي مابدي اتزوج
قالت هالكلمة وحست في تردد جواتا يمكن غارت لما شافت بنت اياد واتمنت لو عندا متلا واتذكرت ولادا يلي ماتو قبل ما تشوفن
غارت لان شافتن كيف كملو حياتن وهيي الا اكتر من سنتين ما عم تطلع من حالتا
هالمرة كانت بدا تنتفض ع حالا وتقول لنفسا خلص معت في حزن ل ايمات .. هالحياة بدنا نعيشا مرة وحدة ليش ل ازعل.. بس الماضي عم يلاحقا وخايفة من غلط جديد لان هالمرة رح تدمر نهائيا

حطت حجابا ووقفت بصف اما وتنيناتن عم يبكو..
والعروس والعريس عم يرقصو سلو ويتمايلو بكللل نعومة واختا التانة عم تصورن حطت ايدا ع كتف اما وقربت منا لا تخافي اكيد هيي رح تعيش مرتاحة لان جوزا منيح وحماتا طيبة كتير

رفعت اما راسا ب اتجاها: وانت ايمات بدك ترتاحي

رفعت راسا للسما واشرتلا ب اصبعتا: لحتى الله يريد

**

قاعدة بالسيارة وبحضنا شهد بنت مروان كانت مرضانة ومر مروان لعند نورا لتعطيا اخر ابرة واصر انو يرجعا ع البيت

وكانت شهد غفيانة بحضنا .. وصلا ع بيتا شكرتو وحطتلو شهد بحضنو مسكت باب السيارة بدا تفتحو لما سمعت صوتو عم يقول :
{اسمحي لي أن استأذن عيناك العسلية
هل من حقي أن اعشق تلك العينان ...؟!
فانا لا أفعلُ أمراً إلا أن أستأذن ...
هل تأذني ...} *منقول لم اعرف المصدر*

فتلت راسا لعندو وما سدئت يلي عم تسمعو
هاد الرجال الاصلع ابو كرش يلي احترق قسم من وجهو ورقبتو بفعل هالحرب طالع منو هيك كلام.. لاحظ مروان استغرابا

مروان: يعني ما بتقري شعر

نورا: ا.. ا.. انا لا.. انو قليل يعني

مروان: معناها لازم اعطيكي كتاب لتقريه بتحبي تجربي؟

نورا: اكيد بحب

مروان: وبتحبي الروايات كمان

نورا: الصراحة ولا مرة مجربة

مروان :معناها رح جبلك اخر رواية عم اققراها اذا بتحبي منقراها سوا

نورا:اكيد بحب

مروان: بس انا صرت بنصا.. بس بستناكي اذا بدك

نورا: اي بكرا جبلي اياها لبلش فيا.. يلا تصبح على خير

سكرت البا

#الجزء_السابع (7): و #الاخييييير
@rwayate
ياترى لسا في شعرة حب بيناتنا ولا انقطعت!!
ماكملنا بس دموعنا بهالوقت كانت صادقة .. أنا واثقة انها صادقة البابا داقت خلاقو وهوي واقف برا وعم يسمع كلامنا وقلي لازم نطلع وركب راسو لياخد الولاد بس فراس قلو يبقى ورح يعملنا كرت زيارة ومنقعد مع الولاد بس لبين ما يخلصو دراستهن ومنرجع سوا ع سوريا ورح يتركلنا البيت لنقعد فيه كمان ورح نعمل حج قبل ما ننزل وأهلي فوراً وافقو لما عرفو رح يحجو

وبقينا شهرين بهالبيت وما شفنا فراس الا قليل كان فاتح محل مفروشات مستوردة نفس محلو بسوريا وأغلب يومو بشغلو .. يجي بس يجبلنا اغراض البيت ويشوف ولادو ويروح وبابا ماخلاني شوفو من هداك اليوم .. اول الشي عملتو ليلتها صليت ركعتين شكر وحمدت ربي كتير شفت الفرق وقت الحزن بين لما اتقرب من ربي كيف بينشرح صدري وبين لما اسمع اغاني وتزيد حزني !!.
كنت ما عم أشبع من شوفة ولادي وكل شي بيطلبوه أعملو .. فراس حاول قدر المستطاع ما ينقص عليهن شي بس بتبقى الأم غير والحمد لله خلصت الامتحانات وحجينا وصار يوم الطيارة لسورية .. اجا فراس مع سيارة كبيرة وحملنا كل الشناتي كنت عم ضبضب البيت قبل ما انزل وشفتو فات ع غرفة النوم انا فكرتو عم يجهز أغراضو للرجعة معنا بس هوي بقي قاعد فيا بعد ما ودع ولادو
وقفت عند الباب وقلتلو: مابدك تسافر
شبك أيديه وهوي عم يقعد ع طرف السرير وقلي: لأ
قرب بابا وقلو: ليش لأ
فراس: أنا ماعاد ألي رجعة لهونيك
بابا: طيب والولاد
فراس: خدوهن غزل ما بتقدر تعيش بلاهن بس أنا بصبر ع فراقن متل ما صبرت ع فراقا سنتين
غزل: وهني ما بيقدرو يعيشو بلاك
فراس: بأي عين بدي واجه أهلي والجميع
كنت رح موت واناعم شوفو هيك قدامي مكسور وكل هالشي بسببي وبسبب غبائي
بابا: شوف يا فراس أنا ما نسيت يلي عملتو وبعتقد الشغلة بدا وقت لتنتسى يمكن لان هالشي جرح بنتي بس الناس بتحكي بتحكي ومصيرا تنسى وانت غلطت وغزل غلطت والناس كلا بتغلط وربك غفور رحيم وأنا ما سامحتك لحتى الناس حكولي عنك كيف اتغيرت وصرت رجال قد المسؤولية الكل هون بيقدر فيك وانت اتغيرت اتغيرت كتير وإذا برهنت للناس إنك أتغيرت الكل رح ينسى

هز راسو وهوي عم يحبس دموعو يلي بعمرو ما كان يقدر يطالعهن: لأ مستحيل أرجع مستحيل أققدر حط عيني بعين أبي أمي
غزل: بس أنت تبت والله من عندو بيغفر وهني أكيد رح يغفرو
فراس: لأ
غزل: أمك بكون ناطف قلبا ع شوفتك وانا أم وبحس بوجعا
فراس: قلتلك لأ
غزل: إذا بتنزل ع سورية لعند أمك وبترجع فراس القوي والشجاع يلي ما بتهاب من شي فراس القديم قبل 10 سنين رح أرجع معك ونعيش هون
قلت هالجملة واجت عيني ع بابا المتفاجئ وقلي بتأنيب: غززززل
بعيوني أترجيتو لحتى فراس يوافق
بابا: ماعاد في رجعة لبعض خلص أنتو استنفذتو كل طاقاتكن وعلاتكن صار لألها نهاية
طلع صوتي المخنوق بغصبة: بابا
وفراس بقيت عيونو ثابتة علينا وشفتو كيف ناطف قلبو ليوافق بابا
بابا: هاد يلي عندي انتو خلص ماعاد ترجعو لبعض وبسوريا بتطلقو لان هون صعب هونيك روحة وحدة ع المحكمة بتكونو خالصين انا نازل لا تطولوا

بقيت عم شوف فراس وعيونو عليي وع الولاد وماما لحقت بابا .. ركضو الولاد ضموه وانا رجعت ابكي اتعلقو فيه كتير بهالسنتين وصعب يتركوه بسهولة .. أكتر أشخاص بتضرر مشاكل الاهل وتكبير راسن هني هالصغار كل ذنبن أنو عندن أهل مستهترين مهملين مافكرو حتى فيهن!!
كل همهن يكونو مرتاحين ولما بتوقع الفاس بالراس بيتذكرو ولادهن !!
انسحبت من البيت غصب عني وغصة قلبي عم تكبر وتكبر كان عم يلحقني وانا عم اطلع لحتى طالعت كل ولادي وقفت عند الباب رفعتلو ايدي وقلتلو ( سلام)
وهوي رفعا وقرب مني وقلي جملة صغيرة خلتني دوب مكاني .. حسيت خلص هاي نهايتنا وماعاد شوفو ومصيرو الحب ينتهي هيك بالوجع
سافرنا وهوي ما سافر معنا بقيت نظرة عيونو معلقة براسي وما حكينا شي وجملتو عم تدور براسي ( حبيتك .. وبحبك .. ورح أبقى حبك لموت غزل سامحيني بحبك) أخر نظرة واخر همسة قلي أياها كانت كفيلة لترجع تشعل فتيل الحب بيناتنا قلي جملة صغيرة متل ما قلي قبل ما اتركو كرمال أهلي لما كنا مراهقين وهلق حسيت رجعنا مراهقين متل قبل وبدنا موافقة أهلنا ع اتمام الزواج متل هلق بالظبط
#مروةآغا
خلال 24 ساعة كنت بفرشتي وولادي حواليي نايمين وفراس لسا ببالي إذا بقلكن رجعت مراهقة صغيرة بتضحكو عليي بس والله صار قلبي ينط نط ويخفق خفق عليه متل اول ولسا أكتر .. تاني يوم أجو كتير ناس ومنن أهلو لفراس وأمو كل شوي تبوس الولاد وتبوسني وتقلي: أنتي من ريحة الغالي إقنعيه يرجع
بس أنا ما طالع بأيدي شي !!

ر ودخلنا نستنى الطيارة كان قاعد جمبي وعمرو بحضنو وعم يلعبوا مسكت ايدوا واطلعت بعيونو وقلتلو: رح اشتئلك
دمعو عيونو ودار وجهو حط عمرو مكانو وراح ع الحمام قلتلا ل هبة: ديري بالك ع اخواتك ولحقتو..
لقيتو واقف جنب باب الحمام وعم يدخن
لميس: هيك بدك اياني سافر من دون ما تودعني او تحكيني حتى

وسيم: انتي ما خليتيلي مجال لشي

لميس: قلتلك رح تتعب معي وقلتلي بصبر، بس انتي ما صبرت ابدا

وسيم: كيف بدك هالقلب يصبر ع بعدك

لميس: ما رح طول

ومن دون ما حس ع حالي قربت منو وغفيت ايديي ع خصرو وضميتو كنت محتاجة كتير لهالحضن الي زمان ما حسيت بالامان وبالدفا واكيد هوي شعورو متلي

بعد وجهو عني وحط عيوني بعيونو وقلي: رح ترجعي ما!!؟؟

لميس: اكيد....

وسيم: رح تتركيني بس رجعتي

لميس: لا....

وسيم: بس لا

لميس: اي بس.. رجعت ضميتو وغبت عن الدنيا لثواني

وسيم: كيف رح اتحمل غيابك

لميس: يلي صبر هالشهور بيصبر هالشهر كمان

مسكني من راسي وباسني من جبيني
انا خجلت وتركتو
ورجعنا شفت ولادي قاعدين وصار وقت الطيارة ودعتو وبقيت ماسكة ايدوا وما بدي اتركا
وتركتا ومشيت بقيت طول الطريق فكر فيه وعيوني يدمعو...

#نصي_الثاني_بقلم_مروةآغا

#الجزء #العاشر (10): و #الاخييييير

وصلت ع تركيا استقبلنا اخي منير ورحنا ع بيت اهلي كتير فرحو فيي طار عقلن لما شافوني الحمد لله قدرت ارجع وشوفن مع اني كنت خايفة تطول اجراءات الجوازات

وبقيت معن وكل يوم نطلع ونفوت وقضينا ايام حلوة وسيم قليل ليحكيني يمكن مشان ما يشتألي بزيادة بس البنات كل يوم يحكوني

وقبل ما سافر ب اسبوع كنت راجعة ع البيت جبت شوية اغراض وشفت سامر طلع بوجهي ومعو علا وبنت وصبي عرفتا لجنى كبرانة وحليانة والصبي اكيد ابنو

علا هيي شافتني هربت واتخبت خافت طعميا اتلة بس فشرت وسخ ايديي فيا كنت هادية كتير وحتى يمكن باردة ابرد من لوح الثلج
وشفت سامر جاي لعندي وقفت وكنت دائما جهز حالي شو بدي قلو وضل عيد الحكي كل ما اتذكر هديك اللحظة بس هلق كلو راح، وقفت قدامو وانا قوية وما اهتميت لشي
سامر: كيفك

لميس: شوفة عينك

سامر: اشتقت لولادي

لميس: حلو كتير منيح يلي فطنت فين

سامر: انا كتير دورت عليكن بس ما لقيتكن

لميس: بس بالاول كنت بتعرف وين نحنا

سامر: كان معمي ع قلبي

حسيت حالي لازم وقف الحديث لان رح فوت بدوامة: ايمات بدك تشوف ولادك

سامر: بكرا

لميس: ماشي بعد صلاة العصر منلتقى بهاي الحديقة

مشيت من دون ما التفتت وانا راسي مرفوع ورجعت ع البيت كنت كتير زعلانة ومتدايقة قعدت مع اهلي وما حكيت لحدا شي صار الليل نيمت الولاد دخلت ع الغرفة وسكرت الباب وبلشت بالبكي بعدين وقفت قدام المراي وحاكيت حالي وانا عم اتلمس ملامح وجهي المحمرة والمنفوخة: ليش لحتى ابكي انا قوية وما لازم اضعف سامر ماضي راح وليكيه عايش حياتو وانتي دافية حالك وحارمة حالك من ابسط حقوقك مع زوجك انسي لميس انسي..
اتذكرت وسيم ومعاملتو المنيحة معي حسيت حالي غبية ع شو كنت ازعل وشو كنت ناطرة واحد تركني وراح ورا وحدة شرشوحة
انا اصلا كنت حابسة حالي بوهم وشبح سامر، وحبو الوهمي الي كان مخيم عليي بس هلق عرفت اني ما بحبو ولا شي لما شفتو حسيت حالي قرفانة منو كتير
يمكن شغلة الخيانة بتصير كتير بس انا ما قدرت اتحملا ابدااااا وعملتلي عقدة نفسية خصوصا انو اجت من وحدة كانت عزيزة ع قلبي

قعدت وبلشت شوف الفرق بين وسيم وسامر
سامر صح قضيت ايام حلوة معو وكان منيح بس كان بارد ولايوم شفت منو شي دائما يقعد يشوف تلفزيون كان بارد وما يهتم وانا عندي مشاعر وعواطف زايدة بحب يلي بيهم فيي ويلي بفاجئني وبجبلي هدايا هيك الله خالئني كنت شوفو احسن رجال بالكون لان ببساطة ما كنت شايفة غيروا قدامي
بس هلق وسيم غيرلي حياتي ونظرتي بالحب والزواج هوي كل حياتي
لقيت حالي ماسكة جوالي وعم دقلو اول ما سمعت صوتو قلتلو: اشتقتلك

وسيم: لك انا يلي اشتقتلك ودبت ع غيابك عم استناكي باليوم وبالساعة وبالثانية

لميس: اف كل هدول يلا كام نهار بكون عندك، بس ليش ما عم تحكيني

وسيم: ما عم اققدر كل ما حكيتك بشتقلك بزيادة

لميس: شفت سامر اليوم

اتغيرت نبرة صوتو وقلي: اي وشو يعني

لميس: بس بدو يشوف ولادو

وسيم: يعني ما بدك ترجعيلو

لميس: لك انتي يلي بدي ارجعلك ويوم الخميس بكون معك

وسيم: لا يكون بدو الولاد

لميس: مابعرف خيفاني بس اذا حكا شي اخدي الولاد وتاركتو يسطفل هوي يلي تركنا

وسيم: شيلينا من سيرتو

وبقينا نحكي لنعست ونمت
وتاني يوم اخدت الولاد ورحت ع الحديقة وحطيتن معو وقعدت بعيد عنن البنات كانو بيعرفو ابون بس عمرو استغرب وبقي فترة لتعود عليه وبعد شي ساعتين رجعت شفتن قاعدين وهني شافوني ركدو عليي
سامر: والله عرفتي تربين يكرهو ابون

لميس: عن اي اب عم تحكي يلي رماهن ولحق شهواتو

سامر: كل يوم بدي شوف الولاد

لميس: بس انا ماني عايشة هون

سامر: لكن وين عايشة

لميس: ب المانيا

سامر: بس انا بدي ولادي

هب

نصي_الثاني
بقلم_مروةآغا ❤

👇 👇(الجزء التاسع+العاشر و #الاخييييير )

#الجزء #التاسع (9) :

حسيتو انزعج: لاتخاف بعملك البيت وبجهزلكن كل شي

وقف واتطلع فيي بعصبية وقلي: لك انتي شو.. شو مفكرتيني اخر همي البيت وكل شي فيه لك ما عم تحسي فيي انتي كل همي انا رح اشتاقلك ماعاد اققدر عيش بلاكي دائما بتحسسيني اني هاملك وهمي البيت والاولاد وبس انا بحبن كلن متل بعض بس انتي.. انتي حبيبة قلبي وروحي يلي خليتيني ارجع عيش من جديد بعد ما كنت متل الميت
شدني ع الحيط وحاوطني بين ايديه وقرب بسرعة وباسني بقوة وطلع..
كل شي صار بثواني يمكن دبت بمكاني قلبي اتسارعت دقاتو حسيت قلبي رح يطلع من محلو من زمان ما حسيت هالاحساس وهالمشاعر
معقول انا ما حاسة شقد بحبني معقول انا هالقد هاملتو
ودقيتلو كتير بس ما كان يرد واستنيتو ليجي بس كمان ما اجا وانا ما نمت..

تاني يوم اجا الظهر وقلي بدو الجوازات ليحجزلي عطيتو الجوازات وقلي: انا اسف ع امبارح ما كان قصدي طلعت غصب عني بوعدك ماعاد تتكرر كنت غبي بعرف وانا وعدتك اخر مرة بوعدك
وكنت بدي احكي بس فورا تركني ومشي ما سمعني..

وكان السفر بعد اسبوع جهزت حالي وجهزت الولاد وبقي ينام برا ولما سألته عرفت انو عم ينام بمكتبو بالمدرسة بس ما كان يسمعني ولا يخليني احكي كان يجي كل يوم مشان ولادو ما يحسو بغيابو
انا الذنب راكبين من ساسي لراسي صرت اهتم فيه اكتر ولما يجي احكي معو بس يرد ببرود والبنات حسو انو صاير شي حبو يعملولنا جو قبل ما نسافر كانو فوق بالغرفة وانا تحت عم جهز العشا

جهزت العشا واتعشينا وبعدا اجو البنات ومعن شريط غمضولنا عيونا وقال عندن مفاجئة طلعنا ع غرفتنا وسكروا علينا الباب شلت الشريط وشفت الغرفة كلا شموع وورد كتير كانت حلوة وانبسط فيا
طلع وسيم معصب ووقف عند الباب: مين يلي عمل هيك

ردت ناديا بتلبك: انا بابا

قرب منا ومسكا من ايدا وشد عليا: وانتي منين بتعرفي هيك شغلات

ناديا: شفتا بالنت وشفتكن زعلانين قلت بصالحكن بابا عم توجعني

قربت منن واخدت البت منو: خلص اتروك البنت

وسيم: ولا حرف ثاني اخر مرة بدي شوف هيك تصرف
التفت عليي وقلي: وانتي ما خصك فينا شو ما صار

وتركنا ومشي حسيتو فش كل عصبيتو ببنتو اول مرة بيعلا صوتو هالقد الولاد كلن ارتعبو حتى عمرو صار يبكي واول مرة بقلي لا اتدخل ببناتو
ضميتا لناديا وهديتا: لا تزعلي حبيبتي بابا بحبك بس هوي متوتر من ضغط الشغل وهالشي لساتك صغيرة عليه مابصير تعيديه

دخلت ع غرفتا واتمددت وضمت مخدتا

لميس: كرمالي لاتبكي، ما بتحبيني!؟؟

ناديا: بس بابا كتير زعلان حبيت فرحو

لميس: اي تنين متزوجين بصير معن مشاكل لاتخافي بكرا بروق ومافي شي

نادية: اول ما تزوجتو كنتو احسن ليش هلق هيك ما عم تحكي بعض

لميس: يلا ارتاحي بكرا منحكي

ونيمت الولاد وانا بقيت انطروا طبعو كتير بشع بس زعل لا برد ع التلفون ولا بيرجع ع البيت ولا بيحكي حتى

وتاني يوم فتحت عيوني وانا ع الكنبة وكان عم يفتح الباب

وسيم: ليش نايمة هون

لميس: كنت ناطرتك

وسيم: ههه شو يعني اول مرة بنام برا ومنين كل هالكرم ما بعرفك بتخافي عليي

لميس: لا بس طلعت معصب

وسيم: ومن قبل طلعت معصب بس ما اهتميتي

لميس: هداك اليوم كنت..
كنت بدي كمل حكي تركني وطلع لحقتو شفتو دخل ع الحمام جهزتلو تيابو ونزلت حضر الفطور

قعدنا ع الطاولة وانا بلشت الحديث: كل هالقد قلبك قاسي قدرت تعيط ع بنتك وتبكيا

وسيم: بعتقد هاي بنتي وعم ربيا

لميس: وبنتي كمان وما بيسمحلك تعيد هالتصرف مرة تاني

اتطلع عليي وعيونو كلن قهر ما قدرت قاوم عيونو دمعو عيوني وقفت ل امشي مسكني من ايدي بقوة وسحبني لعندو: ل ايمات هيك بدك تضلي

بقيت منكسة راسي ورديت بهدوء: انتي قلتلي رح تصبر واذا ماقدرت تصبر فيك تتركني

تركتو ومشيت ركضت ودخلت ع غرفتي وسكرت الباب ورجعت ابكي متل كل مرة ل ايمات طيف سامر رح يضل مخيم عليي ما عم اققدر ياربي ساعدني يااارب
وسمعت صوتو عم يحكي بنتو ويعتزر منا ودق الباب ودخل طالع تيابو من الخزانة
ولمحني عم ابكي

وقف قدامي وقلي: اااافف كل هالقد خلص خلص متل مابدك ايمات ما بتحبي مننفصل الهيئة كتير زاعجك
طلع وسكر الباب وانا ماعاد اتحمل انفجرت بالبكي خفت اخسرو اتعلقت فيه وبالبنات هوي ابدا ما تحملني ولا صبر عليي كتير انقهرت منو
دقت ناديا الباب ودخلت ماقدرت خبي دموعي
ناديا: ليش هيك عم تبكي بابا كل القد مزعلك

لميس: لا بس اشتقت ل اهلي

ناديا: هاي بدك تروحي لعندن، سمعت بابا عم يقلك ايمات ما بدك مننفصل، والله انا حبيتك متل ماما الله يرحما مشان الله لا تتركينا

لميس: لا ابدا ما رح اترككن بس زيارة لعند اهلي وراجعة

ناديا: طيب وبابا !! هيك بدكن تضلو زعلانين

لميس: روحي فيقي اخواتك مشان نفطر

تاني يوم كان السفر وكان نايم بالمكتب اجا الصبح وغير تيابو مشان يوصلنا ع المطار وحطينا البنات عند رفيقتنا
طول الطريق ما حكا ولا حرف اول مرة بشوفو هيك زعلان وما عم يتحكى وصلنا ع المطا

#الجزء_الرابع_عشر (14) و #الاخييييير
Telegram:@rwayate
#خفـــايـــا_بقلم_مروةآغا

التفتو اتنيناتن لمصدر الصوت ووقفو مصدومين وهني بشوفو كرم قدام عيونن

قرب كرم منن كان لابس جاكيت اسود جوخ ورافع القبة بقرب رقبتو وبقوة شال ايد الدكتور عن ظهر أمان وهو بقول بصوت عالي: انا ما قلتلك شيل ايدك عنها

التفت الدكتور لجهة امان وهو بيسألها: مين هاد

رفعت كتافها بحيرة وماعرفت شو تجاوبو
واجهو الدكتور بتحدي: ليش انت مين لتتدخل

كرم: هالبنت بتهمني واوعك تحاول تحط ايدك عليها

الدكتور: بتهمني اكتر ما تهمك فهمان ياكرم بيك بعتقد خلص انتهت ايامك وانت ماعاد يعنيك شي بهالمشفى

مسكو كرم من قبة كنزتو وكان بدو يضربو بوكس
بس وقفت أمان بيناتن وهي بتقول: شبكن خلص بكفي الولد صار يبكي
ضمت ابنها وهي بتهديه: شو صرلكن صرنا فرجة قدام الناس
قربت أمان من الدكتور وهي بتبرر: اسفة كتير بس كرم هيك بيحشر حالو بكل شي
ومن دون سابق انذار وقبل ماتكمل جملتها شدها كرم من ايدها ومشي فيها لمكان سيارتو وهي بتصرخ فيه: لك شو صرلك اتركني … كرم خلص بكفي لك الناس بتتفرج علينا … كرم جنيت لك الولد بيبكي

حمل الولد من ايدها وبقي ماشي لحتى وصل لسيارتو فتح الباب وقلا: طلعي

أمان: عطيني ابني
مدلها اياه حملتو ودخلت لجوا السيارة وبوزا شبرين

وهو مشي باتجاه مكانو وقبل ما يقعد وقف عند الباب وهو بيعطيه للدكتور نظرة الانتصار ……

وبسرعة مشي بسيارتو وهو بيحكي عالتلفون: الو اي لاقيني عند الباب

أمان: فيك مرة تاني ما تدخل بحياتي … فيك بس تطلع منها وتتركني بحالي ابدا حياتي من جديد

كرم: جديد شو مع هاد

أمان: هاد ولا غيرو انت شو هامك روح لاقيلك وحدة
غيري التهي فيها

مارد عليها بقي عم يسوق باقصى سرعة وملامح وجهو ما بتتفسر وهي بقيت عم تهدي ابنها وتسكتو لحتى وصلو للبيت كانت نجاح واقفة متل ما قلها ع التلفون من شوي

رجع حمل ابنها من حضنها ونزل من السيارة وهي بتندهلو: لك كرم شو صرلك جنيت

حط الولد بحضن نجاح وهو بقلها: ديري بالك عليه شوي ومنرجع
Telegram:@rwayate
وقفت أمان وهي بتشوفو واقف عند باب سيارتو فاتحلا الباب وهو بقول: يلا طلعي عنا مشوار

أمان: فيك تكون حضاري لمرة وحدة بحياتك

مدلا ايدو بطريقة سينمائية وهو بقول: لو سمحتي بدي اخدك مشوار

التفتت لعند نجاح يلي هزتلها براسها بس هي لفت بدا تدخل ع الفيلا وتهرب منو بس هو لحقها حملها بين ايديه وكانت متل خف الريشة وحطها جوا السيارة وهو بقول: قلتيلي كون حضاري لكن
بسرعة ركب بقربها وهو بطير بسيارتو

أمان: لوين رايحين

كرم: مكان بتحبيه كتير

أمان: انا ماعاد حب شي

كرم: بس هالمكان مستحيل تنسيه لو شو ماصار

بقي ماشي لحتى شافتو داخل جوا الغابة همستلو بقلق: ليش اجينا لهون

كرم بحزم: هلق بتعرفي

وبعد عدة دقايق كانو واصلين للمكان المحدد نزل وفتحلا الباب وهو بقلا: اتفضلي

أمان: ليش جبتني لهون

مسكها من ايدها ونزلها غصب عنها وهو بقول: مشان تتذكري
حط اصبعتو على راسها وهو بكرر: مشان تتذكري مين هو كرم وشو عمل كرمالك وشو بيعنيلك ما تسكتي لما اي حدا يسألك مين انا بالنسبة الك
بعد عنها ومشي باتجاه القبر وهو بقول: انا هون حطيتك بايديي ورميت حالي بالنار وحطيت روحي على كفي ولا اهتميت كان بدي حافظ على حياتك بس وانت بشو كافأتيني بانك تركتيني ورحتي شفتي حياتك مع واحد تاني وجبتي منو ولد

كانت حاطة ايديها على وجهها وهي بتبكي وبتتذكر هداك اليوم يلي اندفنت فيه وهي عايشة … رجف جسمها وهي بتشوف القبر قدام عيونها لساتو مفتوح متل ماتركوه وبقلبو خشب شجر مكسر

انفجرت فيه وهي بتجاوبو: جايبني لهون لحتى تذلني وتذكرني انك مديون الي بحاتي … كتر خيرك وشكرا الك وانا رديتلك دينك باني حميتك من هدوليك يلي خطفوك لا تنسى

شد كفوف ايديه ومشي لعندها ومسكلا ايدها الاثنين وثبتها قدامو وهو بقلا: قوليلي انك مابتحبيني وبوعدك اتركك وروح وماعاد اتدخل فيكي

رجفو ملامح وجهها وبلشو دموعها يهرو على خدودها وهي بتقلو: بشو بذكرك هالمشهد … من هداك اليوم من سنتين كنت اختصرت على حالك وعليي كتير ماهيك

كرم: انت بتعرفي اني بوقتها ماكنت لسا عرفان شو اعمل بعدين بلشت خطط لكل شي وهاي انا وانت هلق بقرب بعض وماعاد فيه لاتوفيق ولاحدا تاني
Telegram:@rwayate
بلعت ريقها وهي بتهمس بشفايف بترجف: وماعاد في امان تبع زمان

سحبت ايديها منو ومشيت قعدت بالسيارة وبعد ثواني كان قاعد بقربها وهو بقلها: ليش وين راحت أمان

أمان: أمان القديمة انجرحت وانكسرت وشافت ابشع شي ممكن تشوفو أي بنت

كرم: بس انت هلق قدامي ومافيكي شي والماضي خلص راح

دقت على قلبها وهي بتقلو: بس هاد مات خلص ماعاد فيه جواتو شي

مسكلا ايدها وهو بقلها: بس انا رح ضل بقربك

ضحكت بطرف شفتها وهي بتقلو: اي متل مابقيت بقربي من قبل

كرم: صرت قايلك الف مرة يلي صار انا كنت مجبور والله مجبور

هلق بلشت تنزل المطر سكتو شوي وهني برتبو الكلام براسهن
فتح الشباك وهو بقلها: مابدك تشوفي المطر

أسيرة المارد (1) بقلم مروة آغا

👇 👇 (الجزء السابع+الثامن و #الاخييييير )

الجزء #السابع

وقف لثواني وهوي عم يفكر معقول كلاما صحيح...!!!!

رجعت قالتلو: لان الخطف يلي حكت عليه كأن صار حقيقي تشوفا كيف كانت عم تحكي متل كأنا عم تكتب قصة وانا خيفانة تكون انت حاولت تقتل ناس لتحمي زوجتك وهالشي كلو بتنساه

هيي كملت جملتا كان واقف وخبط ع المكتب قداما: شو قصدك اه احكي

مها: لك شو صرلك والله ما قصدي شي هاد مرض نفسي كمان انفصام بالشخصية يمكن تكون عم تنسى وهالشي كلو الو علاج

آسر: والله الهيئة انتي ما بتفهمي بشي سدقتو هديك المجنونة وجاي تعمليني مريض ليكيني بوزع عقل عليكن كلكن

همست بخوف لما شافت غضبو الكبير (بالفعل مارد) ورجعت قالتلو: يا استاذ آسر لو سمحت نحنا عم نحكي بشكل علمي وقلتلك كل شي الو علاج .. انت بتنسى شي ؟؟

فرك ايديه ببعض وقلا: لااااااء

مها: ماشي خلينا نحكي بباقي التفاصيل

مشي ووقف عند الباب وقلا: والله انا ما عاد بدي مرتي تتعالج عندك بدي اخدا لعند دكتور احسن انتي بدك تجننيا اكتر

وطلع..
عصبت منو كتير رمت حالا ع الكرسي بعصبية وهمست(والله مالا طلعة من هون لترتاح)..

تاني يوم رجع لعندا ليعمل اجراءات خروجا اتدين مصاري من رفقاتو لقدر يدفع التكاليف

دخل وشاف الدكتورة قاعدة مع دكتور تاني قرب منا وهوي معصب وقلا: كيف يعني ما بيسمحولي طالع مرتي كيييف .. الا بشهادة الزواج او دفتر العائلة شو مفكريني عم اكذب

انزعاج مها زاد رفعلا الدكتور ايدو ووقف قدامو: استاذ آسر انا الدكتور رامي المشرف هون عن الرضى النفسيين

آسر: ايه اهلين هلق انا بدي طالع مرتي ع مشفى خاص

رامي: هون قوانين المشفى هيك لازم كل شي يكون رسمي وبعدين شو يلي بأكد انو معاملتك منيحة مع زوجتك

مسح شعرو بكف ايدو لورا عدة مرات وهوي عم يهدي اعصابو: ياعفو الله لك شو هالحكي هاد
التفت لعند الدكتورة وقلا: الهيئة خبرتيه بجنانك ما

رامي: هيييي خلي كلامك معي اققعد لنحكي .. انا من زمان مرق عليي حالة مشابهة لبنت كانت تتعرض للضرب من قبل ابوا وصار عندا عقدة منو وبعدين حاول يطالعا من عنا بالغصب وهيي كانت كتير تخاف منو وبعدا اخدا بالغصب وهيي قدرت تهرب منو وهوي انسجن ومن يوما رجعت نفسيتا للتحسن

رف بجفونو وحس هالكلام كلو موجه عليه يعني بدن يسجنوه بالاخر !!!

رجع رامي كمل: اول الشي لازم نرجعلا ثقتا ع القليلة بنفسا لترجع حالتا طبيعية

اتنهد وفكر انو لازم يسايرن ليكسب ثقتن ويبعدو عن الشك فيه: طيب وهاي كيف بدنا نعملا

مها: استاذ آسر انا شايفك زوج نموذجي ما شاء الله عنك بقيت مع مرتك ب اصعب اوقاتا وهلق لازم تكمل وبدي اطلب منك نعملا تمثيلية

آسر: شووو وكيف هاي

مها: يعني بدنا نعمل شي انو نخليا هيي تنتصر عليك وهيك بتشوف حالا عملت انجاز وممكن حالتا تتحسن
وعدة شهور بترجعو لحياتكن الطبيعية

آسر: عدة شهور لاااا مستحيل لازم تطلع ب اققرب وقت

رامي: هاد يلي عنا مرتك ما بتطلع من هون لتتحسن حالتا

زفر نفس طويل كان حابسو .. يعني هلق بدن يمثلو كمان هوي ما فاضي لهيك شي ابدا بدو يكمل لعبتو للنهاية!!!
هزلو راسو وهوي عم يشرحلو شو لازم يعملو....

*

وخلال عدة ايام كان تخريجا من المشفى بكفالة الدكاترة وعلى بيتو كانت كتير خيفانة وما عم تحكي عم تتوسلن بعيونا من دون ما تنطق بس هالمرة رجعا ع الغرفة بعد ما رتبا ولا كأنو فيا شي وحتى من دون ما يربطا

وكان واقف بعيد عن بيتو بقرب بركة المي وهوي عم يلعب رياضتو اليومية .. وهيي مربوطة جوا البيت جميع الابواب تركوا مفتوحة وجميع الدكاترة عم يراقبوا من بعيد
كان عم يشتغل كل هالشغل غصب عنو ليرجعا لطبيعتا ويكمل انتقامو من ابوا .. هوي السبب بكل شي ولازم يكمل كل شي بدأ فيه المهم قدر يطالعا من المشفى والباقي كلو سهل
كل شي بهاليوم لازم ينتهي ويخلص من هالدكاترة تقال الدم ويغير مكان الخطف .. بعد يومين بصير يوم الثلاثاء وهوي لازم يلعب منيح هالمرة ويطيرلو عقلو

كان غايب عن الدنيا برياضة اليوغا الخاصة فيه سمع صوت حركتا وعرف إنا طلعت برا البيت ما اتحرك ابدا الدكتورة طلبت منو هيك لتقدر تتغلب ع خوفا منو
وهوي اكيد رح يرجعا بس يخلص من هالاغبياء عد للعشرة متل ما قالولو قبل ما يوقف ويلحقا...

بعدت عن البيت وهيي عم تركض وتركض وقفت مكانا لما شافت عدة رجال طول بعرض وقفو قداما

وبسرعة طلع ابوا من وراهن وهوي عم يهمس ( نغم حبيبتي نغم)

ماسدقت يلي صار قدرت تهرب منو وابوا رح ينقذا ركضت لعندو وهيي عم تبكي ( بابا واخيرا رجعت اشتقتلك .. انا تعبانة)
اول ما صارت بنتو بحضنو اعطى الامر بالقضاء على آسر

دخلو الرجال بسرعة والاب مع بنتو بالسيارة المصفحة عم يمشو
صوت السيارات طالعتو من هدوءو وعرف كل شي انتهى
وقف آسر وهوي عم يرفع ايدو ويلوح للدكتورة من بعيد وعملا اشارة 👍
حس في شي ما طبيعي وبسرعة في شي متل سيخ النار شق كف ايدو بالنص
ضغط عليا بصعوبة وما عم يسدق شو عم يصير
التفت حواليه عدة لفات وحس راسو فتل وع

رفقاً_بالقوارير
بقلم_مروةآغا �

#الجزء_السابع (7) : و #الاخييييير

مرت أيام الخطبة بسرعة كنا كتير مشغولين بالتجهيزات بس لما اققعد معو طير بين النجوم واسبح مع الغيوم.

واجا يوم العرس اخواتي نكدوا عليي كتير صارو يعملو مشاكل وعلى أصغر الأشياء يعملوا قصة … اللبس والسيارات ودخلة العروس وحتى قبل لما كنت روح مع ماما على حلب كرمال نكمل تجهيزات العرس عملو عليها مشكلة.
بعد ما اتحممت جهزت حالي لروح ع الكوافيرة … دخلت لما سمعت "صهيب" عم يقول لماما: كيف يعني بدا تسافر فواً على تركيا بلاها هاي الفزلكات … وشو فيها هالبلد الا قلة الحيا.
#بقلم_مروةآغا
التفتت لعند عبير وشفتا عم تحرك ايدا يمين وشمال كاستهزاء
بس وقفت بين الكل وأنا عم ابكي وقلتلهن: لاخر لحظة مصممين ما تتركولي لحظة حلوة … على شو فكركم العروس بتبكي يوم عرسها … بتبكي على حنية اهلا وطيبة تعامل اخواتا معا وكيف رح تقدر تتركهن وتروح … لك انا على شو بدي ابكي ولا على شو … على شرفي الي ضيعتوه ولا على سمة بدني بليلة عرسي.

بقيوا ساكتين ولا حدا منهن رد طلعت وسكرت الباب بقوة، ورحت لغرفتي ولحقوني اخواتي البنات وهدوني واجوا ولادهن غيرولي جو، وخبروني انه "عبير" فرحت لما طلعت مخنوقه من الغرفة ... اجتني فكرة لغيظها لبست فسطان عرسي الابيض ورجعت عالصالون وصرت ارقص انا وولاد اخواتي ونضحك وهيي طبعاً طقت من قهرها ودودها … أما "عابد" ومرتو ما حضرو العرس اتحججو انو بدن يسافرو وانا عرفت انا لسا زعلانة من يوم الخطبة لان من هداك اليوم ما شفتهن … بس "عبير" كانت تدحش حالا بكل شي وتعرف أصغر التفاصيل
وأخواتي ما حدا منهن ودعوني عند الباب مافي غير "مجاهد" بس ودعني وحتى بابا دخلت لعندو لودعو ماحكا أبداً بس بقي يتطلع فيي بستلو ايدو وبكيت وطلعت.

دخلت الصالة وأيدي بأيدو مشينا بين المعازيم ونحنا عم نسلم عليهم وبعدا طلعت اغنية رومنسية لفني من خاصرتي ورفعت ايديي على رقبتو … خجلت كتير وهوي عم يحاول يلمس المساحة الفاضية على خصري

ضحكت لما قلي: طالعة متل القمر

قربت أكتر وهمستلو: وانتي متل الملاك

ماصدق شو عم يسمع أول مرة بحكيه هيك
ابتسم بحب وهوي عم يقلي: حسيت بعيونك ظلم كبير والله يقدرني لأسعدك ودير بالي عليكي.

هالكلمات لحالا كانت متل السحر لقلبي ومسحتلي عنو أثار الظلم … حتى قبل ما شوف معاملتو الي مجرد كلمات دفتلي قلبي وطمنتني.

صباحية العرس عملولي حفلة كبيرة هيك العادات بحلب أجو أهلي وأنا لبست فستان زهر وحاوطت خصري بشريط ساتان ذهبي وفردت شعري وحطيت عليه تاج ورد أبيض مذهّب.
دخلت "عبير" بعجل شلحت جاكيتا وبلشت بالرقص كانت لابسة فستان سهرة وعم ترقص بقوة بدا تفرجي قدراتا وتغري الموجودين بس ما انتبهت إنها صارت مضحكة.

بعد الصباحية والغدا الكبير يلي صار والتنظيف الكل راحو بقيت لحالي ببيتي مملكتي … جهزت حالي ولبست فستان اسود ناعم حطيت لمسات مكياج ناعمة ورتبت التراس لسهرة صغيرة لحبيبي.

دخلت بصنية شاي … وقف بسرعة وحملا من بين ايديي
آدم: تسلم هالأنامل

ابتسمت وأنا عم اققعد: لسا ماعلمت شي

التفت عليي ودقق بعوني واتوسعت عيونه الزيتونية الصافية وقلي بحب واضح: انتي مالازم تعملي شي

خفضت نظري للأرض وصرت افرك ايديي بتوتر … مابتحمل هالنظرة من عيونو بتدوبني … بتدوخي … بتمحيني من الوجود.

وهوي كمل بنفس اللهجة: أنتي أميرة والأميرة بتبقى معززة مكرمة
قرب كرسية مني ولف ايدو حوالين كتفي وحاوط جسمي بأيدو
آدم: اذا انتي أميرة يعني أنا أمير قولك

التفت عليه وقلتلو بصدق: لا انتي ملاك

ضحك وهوي عم يقول: لاااا هاي تاني مرة بتقوليا منين لوين أنا ملاك

هزيت راسي بطيب وكملت: انتي ملاكي أنا ملاكي الحارس.
#مروةآغا
رجع ابتسم ابتسامة هادية سحرتني … غمرت راسي بحضنو وراقبنا غروب الشمس من تراس بيتنا العالي
ايدي بأيدو وراسي على كتفو ساكتين وعم نفكر ومافي غير صوت نفسنا الهادي وصوت دقات قلبنا اختلطت ببعض.

بعد هدوء لعدة دقايق التفت عليي وقلي: رتبتي شناتي السفرة؟

رفعت كتافي بحيرة: لا مافضيت ولا عرفت شو ضب

آدم: قومي نجهز انا وانتي

مسكني من ايدي ورحنا على غرفة النوم وجهزنا كل شي للسفرة … وقبل طلوع الضو كنا طالعين من البيت واتوجهنا على تركيا … بقينا فيها اسبوعين كاملات … كنت فيهن عايشة بالجنة … مابقدر اوصفلكن كل شي شفتو وعشتو بشهر العسل أنا عندي احلام كبيرة بس يلي عم عشتو اكبر من الحلم.

*
#رفقاً_بالقوارير_بقلم_مروةآغا

بعد زواجي خلصت عطلة الصيف ورجعوا "صهيب" و "وعبير" على حلب كرمال شغلو وبلشت زياراتا لعندي كل كام يوم تكون عندي شي غدا وشي عشا وتتقصد يكون جوزي بالبيت وكل مرة تلبس شي جديد حتى تتمكيج وتقعد جنبي تحكي بصوت عالي وتضحك على أي شي وبصوت لافت للنظر وحتى تساير جوزي بشي لازم وما لازم.
وعلى عين زوجي تساعدني بالبيت والطبخ والجلي وهالشي خلا جوزي يسألني كتير أسئلة عن "عبير" وأنا بلشت اققلق

كانت بتحاول تخلي زوجي يعجب فيها وبرتابتها ولبسا ليعايرن

#رهان_الجميلة
#بقلم_مروةآغا ❤️

👇👇👇 (الجزء الحادي عشر+الثاني عشر+الثالث عشر و #الاخييييير )

#الجزء #الحادي_عشر (11):

اول ما بلشت خيوط الليل تشق السما لبس تيابو الرسمية ونزل وكان مقرر شو يعمل
وصل قدام الباب الحديدي الكبير وبقي ناطر لوقت قصير لحتى سمحلو عادل يدخل
اول ما وقف عند باب الخشب الطويل والعريض والمهيب اجا كلام امو براسو لما قالتلو ( بتكون لقت واحد معو مصاري اكتر منك وتركتك يا غبي ) مسح هالفكرة من راسو برمشة من عيونو ودخل
عادل: اهلين اتفضل شو بتريد

عمر: فينا نحكي شوي ع انفراد

هز راسو عادل بطيب: اكيد منحكي اتفضل
اشرلو ب ايدو للصالون ودخلو سوا نده ليعملولو فنجان قهوة

بعد ربع ساعة طلع عادل ونده ل امو ول امل يلي كانت واقفة عند باب المطبخ
مشيت ووقف قدامو
عادل: فوتي قدامي

ومتل ما قلا عملت وقفت عند باب الصالون الكبير اول ما شافا قلبو لهف هاي هيي اي هاي هيي ماحدا غيرا

عادل: بتعرفيه لهالشب

بقيت عيونا ثابتة عليه عم تتفحصو وبعد وقت التفتت لعند ام عادل وقالتلن: لا اول مرة بشوفو

عصب وشد ع ايدو ومشي ب اتجاها: ليش عم تكذبي ليش انتي امل انا حافظك بصم
مسك ايدا ومدا: شوفو كيف العظم مايل هاي انتي امل مرتي

عصب عادل وقلو: اتروك ايدا عم تقلك ما بتعرفك بعدو عنا ووقف بالنص رجع التفت لعند امل وقلا: ل اخر مرة بسألك بتعرفيه

حركت راسا يمين وشمال وقالت حرفين ما غيرن ( لا ) وطلعت..

رجع عادل قعد وام عادل قعدت بقربو وقلو لعمر الواقف لسا ومصدوم: اتفضل

مشي وقعد وهوي عم يمسح وجهو بكف ايدو: انتو اكيد ما متزوجين

رفع حواجبو وقلو: هاي تاني مرة بقلك لا

عمر: لكن ليش بتخاف منك

عادل: ما بعرف اسألها .. انتي زوجا اكيد

عمر: اي اكيد وهاي عقد الزواج قدامك .. كيف وصلت لعندكن

جلس عادل قعدتو وحمل كاسة العصير وشف منها شفة وبلش يحكيلو
(( كنت بالشاليه مع مرتي كانت لسا بالشهر السابع كل حملا وهيي تعبانة ولما حسيتا ارتاحت اخدتها ورحت ع الشاليه لتغير جو وبعد كام يوم رجعت تعبت وبالليل كانت كتير عم تنزف .. للأسف سيارتي اتعطلت فجاة .. طلعت ما عرفان شو اعمل الجو خريفي والشاليهات كلا فاضية طلعت لبرا وشفت بنت قاعدة عند الزاوية عم تبكي وصوتا واصل لعندي ركضت ووقفت قداما كان شكلا بيوحي انا ما بنت شوارع او شحادة كانت راقية بس عم تبكي كتيير وقفت قداما واترجيتا تبقى مع مرتي بس لروح ع الادارة وجيب سيارة او ندق للأسعاف وهيي وافقت رحت بسرعة وقلتلن للادارة قالو الاسعاف بطول ليوصل اتطوع واحد من الادارة واجا معي وصلت كانت دايبة ع الاخر وعيونا ما عم تتفتح وامل فوق راسا بسرعة طلعنا وطلعت امل معنا رحنا ع المشفى كانت بتبعد كتير وكنانة كتير تعبت امل بقيت معا وحطتلا راسا ع اجريها كنت عم شوفن واسمعن قالتلا كنانة ل امل تدير بالا ع كنان ووصتا فيه كتير وهيي عم تشد عليا .. وصلنا للمشفى وكنانة ع اخر نفس وعملوا العملية ويمكن كان حاسا قلبا
وماتت من كتر ما نزفت
غمض عيونو وحبس دموعو: انا الحق عليي لو ما اخدتها ما كانت ماتت

حطت امو ايدها عليه وربتت ع كتفه بحنان: يا ماما هيك الله كاتب

اتنهد وكمل بلهجة مرتعشة: المهم بقيت امل عنا عم تربي الولد كنانة كانت واثقة من امل مع انو اول مرة بتشوفا بس يمكن رب العالمين الهما وبعتا لتعوض كنان عن حنان امو وما منعرف عنا شي ابدا ونحنا ما حاولنا نزعجا المهم كانت ام لكنان وهاد المطلوب

اتنهد عمر وسألو: معقول تكون فقدت الذاكرة

زمت ام عادل شفايفا وما ردت بس عادل قلو: ممكن

عمر: شو بدي اعمل لترجع تتذكرني

عادل: بدك تسأل طبيب نفسي

نفخ نفخة طويلة مع تنهيدة ووقف وقال: عن اذنكن

طلعت ام عادل لعند امل وبدا تحكي معا هلق بجدية وتعرف كل شي عنا...

*

الساعة 2 بعد منتصف الليل
حط ايدو ع راسو بتعب ورما حالو ع الارض بعد ما انطفى الحريق يلي شعل بمستودعو .. الاطفاء والشرطة قالو ماس كهربائي .. شاف حواليه كل شي رماد برماد كل شي لونو اسود هاد كل تعبو وشقاه من هالدنيا صار رماد .. سمع صوت جوالو طالعو وشاف رقم غريب ورسالة مكتوب فيا (( ان شاء الله تكون عجبتك المفاجئة )) اول حدا شك فيه وطلع براسو هوي غريمو اكيد .. وقف وركض ع سيارتو والناس لسا متجمعة
ركب بسيارتو وشغلا وهوي بكامل عصبيتو وعم يردد ( والله لقتتلك يا كلب )
نزل من سيارتو بعجل وطلع ع درجات البناية بعجل اكبر لوصل للباب الحديدي دقو بقوة وانفتح بزر كهربائي من جوا البيت شاف عمر منتظرو عند الباب

عمر: جابر خير شو صاير شو ذكرك فينا بعد هالسني...

وقبل ما يكمل جملتو كان هاجم عليه ببوكس مباغت ع خدو الايمين خلا الدم يطلع من تمو

حط عمر ايدو ع تمو ومسح الدم وهوي عم يقلو: شبك جنيييت ليش هيك عملت بتوقع نحنا اتصافينا من زمان

جابر: اتصافينا بس انتي قلبك كلو حقد وغل ليش حرقتلي المستودع

عمر: مستودع !! عن شو عم تحكي

جابر: عم تاخد كمالة حقك بحريق المستودع ولك يا جبان كنت واجهني قلي ما تلعب من ورا ظهري

عقد حواجبو وكرر: عن

#الجزء #الثالث_عشر (13): و #الاخييييير

امل: عمر بس هالشي يلي عملتو كبير انتي ما فكرت ابدا شو رح يصير فيي

عمر: ما كنت عم فكر بشي الا اني خلصك منو وفرجيه انو ما بيستحقك وانتي الي ورجعتي الي وكل شي صار تمام والك عليي اول ما اطلع نروح سوا لعند اهلك شو رئيك

امل: اهلي !! بس

عمر: اكيد هلق رح يسامحوكي لا تخافي وبغيابك اجو امك واختك ليسألو عنك

امل: عنجد يعني سامحوني

عمر: الاهل مهما قسيو بيبقو اهل وانتي قطعة منن لا تنسي انتي ما عملتي شي غلط كل شي كان من جابر

دققت عيونا بعيونو والخوف صار واضح فين وقالتلو بكلمات عم ترجف: انا شفت من كام يوم ابن عمي وهددني انو يقتلني

عمر: كيييف والله بدفنو ب ارضو اذا عملك شي

امل: عمر لا تجيب سيرة القتل انا تعبت من المشاكل بدي عيش مرتاحة .. اخواتي لساهن صغار بس ابن عمي كبير ولازم ينظف شرف العيلة انا خايفة عمر انا خايفة منو

عمر: لا تخافي انا معك ورح احميكي

سندت راسا ع كتفو وهوي عم يهديا ويهمسلا بحب لترتاح ونامو

*

ماشيين بوسط الشارع وايديهن معلقة ببعض كل شوي تركض تهرب منو وهوي يرجع يمسكا ويحبسا بين ايديه .. رجعت بعدت عنو وركضت لتهرب وفجأة طلعت قداما سيارة سودة موديل قديم وضربتا طارت ولفت لفتين بالسما ورجعت وقعت .. ركض لعندا وهوي عم يصرخ ( امللللللل ) اول ما ارتمت ع الارض انشق راسا وبلش يطلع منو الدم انشلو اجريه وهوي عم يشوفا بين ايديه ما عم تتحرك تنفسو صار بطيئ وحس في ايدين عم تخنقو رفع راسو وشاف الشب يلي دعسا عم يضحك ونظرة الشر بعيونو ما قدر يترك امل ويروح يفرجيه قيمتو لهالحقير .. بلشت حبات المطر تنزل ع وجهو وقربو منو عدة رجال وشالوا من بين ايديه ومشيو لبعيد وهوي عم يصرخ فين ( امل لوين اخدين امل تعو ساعدوني لوقف ع اجريي ليش ما عم تساعدوني .. امل .. لك تعو .. امل .. امللللللللللللللللل

فتح عيونو وهوي لسا عم يصرخ وينادي ويبكي اول ما وعي ع الدنيا شاف امل ماسكة كاسة مي وعم ترشو فيا وعم تهديه
امل: انتي منيح شو صار معك شفت منام
#مروةآغا
مد ايدو وبلش يتلمس وجها ورجع مدد جسمو واتنهد: منام قولي كابوس .. كابوس بشع كتير اعوذ بالله من الشيطان الرجيم

امل: خير ان شاء الله شو شفت

عمر: مافي شي مهم

التفتت ع الساعة وشافتا صارت 7 الصبح وقفت ورتب حجابا وقالتلو: لازم روح قبل ما يجو اهلك

عمر: لوين رايحة

امل: ع بيت خالة ام عادل

عمر: لا ما عاد في بيت ام عادل بتروحي ع البيت

نزلت راسا وما ردت
عمر: خدي المفتاح من الجيبة هونيك

امل: بس انا ما بدي روح ع بيتك

عمر: طيب ليش ما خلص كل شي

امل: عمر انا مابدي فوت ع البيت كأني رفيقتك او عشيقتك انا بدي فوتو مرتك وقدام الناس كلا

عمر: كيف يعني

امل: كيف يعني..!! مرتك وعروستك كيف برأيك لازم تفوت ع بيتك

تركتو وطلعت وهيي عم تدبك ب اجريها ع الارض بانزعاج واضح

_______

#الجزء #السابع (7): و #الاخييييير

رنيم: لك يا امي افتاح والله تعبت كل هالعمر ناطرة تعرف اني امك لضمك لصدري وتنام بحضني ومافارئك طول عمري.. والله هني خطفوك من بين ايديي وهربت فيك وما قدرت شوفك

سمعنا صوت الباب انفتح بعد ما سمع هالكام كلمة
اتعلقت فيه وساعدني لوقفت ع اجريي
دخلنا وقعدنا بالصالون

ايهم: شو كنتي عم تقولي

وليد: لما رنيم ولدت اختك هيام كانت سامية محروق قلبا ع ولد كتير اتعالجت وعملت عمليات بس الله ما طعما.. اجت زارتنا وهيي دخلت ع البيت وانفجرت بالبكي.. ما قدرت اتحمل دموع اختي. وحلفت يمين الولد الجاي يكون الا

كنت عم ابكي بصوت خفيف وارجف: لما حملت فيك ما قدرت خبر اي حدا لان عرفانة شو رح يصير مع اني كنت رافضة اني احمل مشان يمين ابوك.. بس الله راد وحملت.. بس قدروا يعرفوا من وحامي لان كان صعب ضل استفرغ وابقى تعباني
وهني عرفو خبوني بالبيت ومعت قدرت اطلع مشان العالم ما تعرف جابولي وحدي تساعدني بالبيت والاكل من اطيبوا.. لليوم يلي ولدت فيه كانو فوق راسي لوقت ما كنت انتي بحضني وسحبتك مني بعد ما حننتلي قلبي عليا وعدتني اني كل يوم شوفك بس للاسف غدرت فينا واخدتك وهربت فيك وبعدا سافرتوا ع امريكا

ايهم: طيب ليش ما حكيتيلي لما رجعت

وليد: ما بتذكر لما سحبتك من ايدا وجبتك لعنا ع البيت كنت وقتا حاكي معا وعدتني انا ما تسافر بس للاسف ردت كذبت علينا ووقت هددتا انو احكي للشرطة قعدت وركنت

وائل: ليش ما حكيتولنا

وليد: كل ما حاولنا نفتح الموضوع كانت عمتك تتعب وتروح للمشفى قعدنا وسكتنا

رنيم: وحطينا ع الجرح ملح

ايهم: بس كنتو احكولي بالسر هيك عيشتوني بكذبة

وليد: اكيد لو كنت محلي وشفت اختك هالقد تعبانة كنت عملت متلي صح؟؟

ايهم اتطلع بهمسة يلي كانت واقفة عند الباب ومخباي عيونا من البكي وغرغرت الدمعة بعيونو: اكيد صح

قرب مني وضمني: شقد اتعذبتي يا امي سامحيني

رنيم: ياروح قلبي انتي
قرب مني وضمني اول مرة بضمو هالقد من بعد ما كان عمروا دقيقة.. من لما كان صغير معت قدرت ضمو لان صار شب وانا مرة خالو

شفت وائل وهمسة واقفين وعيونن علينا
رنيم: تعالو.. تعالو لك انتو كل حياتي

ايهم نزل راسو وقعد ع الكنبة قربت منو وعرفت انو زعلان ع موت امو يلي ربتو : لا تزعل ياعمري كلياتنا ع هالطريق الله يرحما ويرحمنا جمييع

وليد: بكرا بتكتب بالنعوة العزا عنا

ايهم: لا خلي هون البيت اكبر

وليد: لا لازم يكون العزا ببيت اخوا

ايهم: طيب النسوان عندكن والرجال هون مشان ما نأسر حدا

وليد: طيب.. ماشي..

رغم يلي صار بيني وبين سامية كنت زعلانة كتير ع موتا وزعلت ع زعل وليد وايهم كانو كتير مهمومين
وانا يشهد عليي ربي كنت حبا متل اختي يلي ما جابتا امي
بس الظروف كانت اققوا مننا
والحياة كانت صعبة عليا.. وعليي كمان💔
كنت حاسة بوجعا الحرمان شي صعب.. صعب كتير والولاد مافي احلى منن الله لا يحرمن لحدي
ومافي شي كامل الكمال لله وحدة

وكملت ايام العزا وبقي ايهم عندي وكان زعلان كتير ويوم عن يوم يتحسن.. اما همسة كانت كتير اتعذبت بعد ماكانت تحبس حالا بغرفتا وتتحاشا انا تشوفو او تحاكيه بس هوي كان اوعا منا وقدر يساعدا لتطلع من هالحالة وبصعوبة بعد فترة قدرت تتعدى مرحلة حبا ل ايهم وصار اخوا وخلصنا من هالقصة

___________________
" بعد مرور عدة اشهر"

صحي ايهم كنت عاملة ركوة القهوة وقاعدي
رنيم: لك الله يسعدلي هالصباح

قرب مني وباسني من جبيني سحب كرسي قعد عليه وحط راسو ع اجريي

رنيم: الله لا يحرمني منك الحمد لله يلي رجعلي اياك بعد صبري 😘😘

ايهم: ماما

رنيم: ياعيونا

ايهم: شو رئيك نفتح صفحة جديدة

رنيم: اكيد بس كيف

ايهم: بدي بيع كل شي ونسكن بمنطقة تاني وبفتح شغل

رنيم : لا مافيني اطلع من هون

ايهم: طيب منشتري ارض كبيرة ومنعمر بيت ومنسكن كلنا سوا

وكان وليد فاق وعم يتسمع علينا: كيف بدك نترك بيتنا يلي عشناه فيه كل عمرنا

ايهم: عادي منبيع كل شي ومنشتري ارض ومنعمرا

وليد: مابعرف.. بس هدول مصرياتك الك

ايهم: له يابي بدك تعمل فرق بيناتنا

وليد: اكيد لا بس اخواتك مابيقبلو

رنيم :انا بحكي معهن

وبالفعل بعنا كل شي واشترينا ارض وعمرنا بيت كبيير بس وائل رفض يعيش ع حساب اخوه اشترا شقفة ارض صغيرة بقربنا من حقو من ورثة ابوه وعمر بيت وبجنبو منشرة وعملنا معرض اشتغل فيه وليد،، اما ايهم كمل بشغلتو واستلم مشاريع ابوه.......

*****

رنيم: يلا اتفضلوا الاكل جاهز
كنت عاملة عزيمة للكل حفلة لنجاح هموسة ب اول سنة جامعة لان بنجاحا بالبكلوريا ماقدرنا نفرح واجت بنتي هيام من الكويت بالاجازة تحضر عرس اخواتا لان خطبت ل وائل ول ايهم مع بعضن وعرسن بعد اسبوع
وعزمت بيت العروس

حطيت اخر طبق ع الطاولة الكبيرة والمجموعين عليا كل احبابي وضحكتي شبرين من فرحتي وعم اهل وسهل بال