#الجزء_السادس (6) :
Telegram:@rwayate
#خفـــايـــا_بقلم_مروةآغا

طلعت ام أمان برا الغرفة لما دخل توفيق حطت مرتو صينية كبيرة فيها أكل … منسف رز وفوقو جاج وفواكه وحلو وطلعت برا الغرفة وهي عم تباركلن
لهلق ما في شي مجننها لأمان إلا هالمرة ليش لحتى تزوجها جوزااااا !!
معقول ما عاد تنفعو متل ما قالت أمها وحابب يجدد !!
والله كلامها فيه وجهة نظر !!

التفتت لعندو شافتو واقف بقرب طاولة الاكل
همسلها: تعالي كلي

أمان: لأ ما جوعاني
مع انها كانت فارطة جوع بس بدها كلمة تانية لتهجم معو بس سمعتو قلها: أيه براحتك ارتاحي بتكوني تعبانة

بلعت ريقها وغمغمت وهي بتقول: أي والله تعبانة
Telegram:@rwayate
أخدت روب النوم المحطوط على التخت ودخلت على حمام الغرفة وبدلت فستانها وفلتت شعرها وسرحتو وغسلت منيح ورجعت قعدت على التخت بهدوء وهو لسا بياكل
كان رجال بأخر الأربعين طويل وضعيف شعرو خفيف وفيه فراغات طويل لعند رقبته تقريباً ومسرحو كلو لورا بتناسق … لابس طقم اسود باسود مع قميص ابيض وكرافة حمرا … مافي شك ابدا انو هالشخص الو هيبة بيفرضها بوجودو والكل بهاب منو أو
بالاحرى الكل بخاف !!
وهي منن كمان كانت خيفانة وعم تنتظر المجهول !!!!!!

كمل اكلو ودخل غسل واجا قعد بقربها على التخت شلح جاكيتو ورماه لبعيد واتمدد
وهي بقيت على أعدتها عم ترجف ع الخفيف … حطت المخدة بقربها وكانت عم تعيد براسها شو علمتها امها لحتى تجننو
بس سمعتو عم يقلها: بكرى إذا سألتك امك على شي بتقوليلا كل شي تمام

التفتت أمان لعندو مصدومة … لف وجهو لعندا وقلا: شو قلتلك !؟

أمان: ماشي

توفيق: بقولو حاضر

أمان: حاضر حاضر

توفيق: فهمانة كل شي تمام

هزت راسها بسرعة وهي بتكرر: تمام التمام
Telegram:@rwayate
شافتو كيف اتمدد بقربها وفتل وجهو لجهة اليمين وهي بقيت عم تقرط أضافيرها لحتى سمعتو غفي .. بالبداية ضحكت على احلام امها كيف راحت هباء الريح وهي ارتاحت نفسيتها من الرعب يلي كان ناطرها بهالليلة !!

وأول ما علي صوت شخيرو ركضت على صنية الأكل وبلشت تاكل بجوع…………

*****

تاني يوم فتحت أمان عيونها على صوت توفيق عم يلبس جاكيتو.
رفعت راسها وهي بترمش لتوضح الرؤية لحتى بالنهاية طلع وسكر الباب وراه.

رجعت اتمددت وهي بتحاول تصحصح وتتذكر شو صار معها بالايام السابقة
خلال خمس دقايق فتحت امها الباب ودخلت وهي بتسألها بحماس: شو صار معك قوليلي

رفعت راسها بملل رتبت شعرها وجمعتو كلو عند كتفها اليمين وقالت وهي بتسرحو باصابيعها: اففف شو بدو يصير يعني

أم أمان: شووو يعني ما صار شي

أمان: أي ماما كل شي تمام لا تقلقي

أم أمان: أي بدي اياكي تنسيه سناء وحياتو معها

دارت راسها بعيد عن امها وهي بتنفخ: أففففف خلص ماما بكفي بعتقد صرت متزوجة وبعرف كل شي

أم أمان: شبك زعلانة مني لان زوحتك ؟؟

أمان: لا ما زعلانة كل شي قسمة ونصيب بس حاج تحاوطيني بأسألتك هالشي صار خصوصيتي

نزلت راسها وهي بتقول: متل ما بدك
Telegram:@rwayate
بعدت عنها ودخلت على الحمام وعيون امها عم تلاحقها وتراقبها
قعدت ع حرف البانيو وشافت صورة وجهها بالمراية … مسحت ملامح وجهها بايدها وهي بتفكر بحياتا بعد هاليوم كيف رح تصير مع هالبيت المليان اسرار … والخفايا يلي مخوفتها من توفيق وكرم وكلامهم عنها

انتفضت ورجعت للواقع لما اندق الباب
أمان: أي ماما طالعة

مشيت لعند المغسلة … غسلت وجهها وطلعت لعند امها قعدتها بقربها ورجعت تعلمها شو لازم تعملو لترجعلو شبابو وتنسيه عيلتو

بنفس اليوم اهلها رجعو على بيتهن وتركوها وحيدة بيناتهن

بين يوم وليلة … بين مدرسة وعطلة ومشوار اتحولت لعروس لرجال بعمر ابوها.

حياتها انقلبت قلب من البنت النشيطة والمرحة والحالمة لبنت هادية وصامتة هشة وضعيفة هيك فجأة أتحولت من أول لقاء انفرادي مع سناء لتعلمها اصول الحياة الزوجية وقواعد هالبيت الكبير.
Telegram:@rwayate
على نصايح امها مشيت أمان وخصوصا انو عريس الغفلة من يوم العرس ما زارها وهلق بعد اكتر من شهر هي عم تحاول ما تطلع برا الغرفة الا للضرورات … حاسة حالها غريبة بهالبيت الكبير يلي بتحلم فيه أي بنت … ورغم هالشي ما حدا حاكاها او حاول يخفف عليها وحشة غربتها … ماقدرت تتواصل مع بنات المشغل ولا الخدم الموجودين بالبيت يلي اتعودت تشوفن بقعدتها بهالبيت مع عيلتها … خوفها منن كان كبير ومانعها من أي حركة غريبة … ولهاللحظة كانت لسا ما عرفانة هو ليش اتزوجها !!!!!!

خطرت على بالها هديك الفكرة يلي رح تخليها تصير ست البيت ومنها بتغيظ كرم كمان … فتحت خزانتها ولبست روب نوم احمر قصير … رتبت شعرا وحطت حمرا لونها احمر وحملت جوالها واتصلت بتوفيق

خلال ثواني كان عندها بلعت ريقها بصعوبة لما سمعت دقة الباب
وقفت عند التخت وهي بتهمس: اتفضل

فتح عيونو على وسعهن وهو بشوفها بهالمنظر بقي لثواني يتمعنها ويراقب تفاصيل جسمها … ومن بعدها نزل راسو فجأة وهو بقلها: انت شو عم تعملي جنيتي !!؟؟

أمان: أناااا … انو ماما

#الجزء_السابع (7) :
Telegram:@rwayate
#خفـــايـــا_بقلم_مروةآغا

من صدمتها بقيت دقايق وهي فاتحة عيونها وتمها من دون حتى ما ترمش وهي بتشوف سناء معها بنت صغيرة … لا مانها صغيرة أكبر بشوي يمكن بعمرها !!!
صبية أول مرة بتشوفها وهي الها بهالبيت قريب الشهرين !!!
كانت ماسكتها من ايدها وجاررتها جر على الحمام بقيت فيه قريب الخمس دقايق وبعدها رجعت دخلتها على نفس الغرفة وسكرت الباب وراها واتمددت وهي كانها عم تريح ايديها وتعملهن مساج

من دون ولا صوت ولا همسة رجعت فتلت ومشيت على روس اصابيعا ودخلت ع الفيلا بهدوء ولساتها مصدومة من الشي يلي شافتو
وقبل ما تطلع على الدرج لتوصل لغرفتها مسكتا ليال من ايدها ودخلتا ع المطبخ
كانت ليال قصيرة شوي وكربوجة بيضة بحلة سودة وفي شامة صغيرة على دقنها … كانت حركة كتير ونشطة وبتشتغل 24 ساعة وهاد الشي يلي مخلي بيت توفيق يشغلوها عندن لان لسانها الطويل مالو حل

أول ما دخلو المطبخ سكرت الباب وهي بتقول: شفتيها ؟

قربت الطباخة نجاح وبعدتها عن ليال وسحبت أمان وقعدتها عالكرسي

نجاح: شبك انصدمتي

أمان: مين هي

التفتت نجاح لعند ليال وقالتلا: أه منك لسانك بدو قص

ليال: والله حارقتلي قلبي قلت يمكن أمان مرتو الجديدة لتوفيق تقدر تحل هالمشكلة وتساعدها

نجاح: تساعد مين اذا اهلها ما حاسين فيها الغريب بدو يحس

أمان: يعني هي بنت توفيق وسناء

ليال: أي بنتن
Telegram:@rwayate
مسحتلا على شعرا وهي بتقول: أي يا بنتي بنتن أنا الي هون من قبل ما تولد سناء حبلت فجأة بعدما رجعت من السفر … كانت مريحة حالا كتير وطول حملها متسطحة كأنها ما جابت قبلها ولدين … ومن بعدها ولدت وماعاد حدا سمع عنها شي غير أهل هالبيت وبس انا بعرف انها بهالغرفة لان بحضرلها طبخ خاص فيها وليال عرفت بالصدفة من كتر حشريتا … وهلق أنت برضاي عليكي اذا ما بدك يجيكي وجع راس انسي الموضوع

أمان: بس هي حرام هيك لك هاي صبية بعمري يمكن ولساتها محبوسة

نجاح: مابيقدرو يطالعوها بيخجلو منها ما شفتيها كيف مريضة

أمان: يمكن بتتعالج

نجاح: أخدوها لبلاد برا وقالولن مالا علاج

أمان: هاي معا تخلف عقلي ما بس أنا بعرفن هدول حبابين ليش عاملين فيها هيك !!؟؟

نجاح: خجلانين منها … كيف توفيق بيك يكون عندو هيك بنت !!

أمان: يالله شو ظلام … يلي بشوفن كيف اعتنو فينا وبأخي بقول عنن شو طيبين

ليال: ولسا الباقي اعظم
Telegram:@rwayate
أمان: شو قصدك

سكرتلا نجاح تما لليال وهي بتقلا: سكتي

أمان: شوفي

نجاح: مافي شي

أمان: مابدكن تحكولي

نجاح: مافي شي ينحكى

أمان: طيب انا رح اعرف لحالي … هلق كرم وليث بيعرفو أختن كيف تاركينها هيك

نجاح: برأيك في أخوة بيقبلو يكون عندن اخوات مريضة هيك

أمان: اذا الأهل حببون ببعض بصير عندن كل شي عادي

نجاح: أنت بتقولي هيك وهاد كلو حكي مسلسلات بالنهاية هاي الواقع … البنت صح مريضة بس من الدرجة الصعبة لا بتحكي ولا بتفهم شي وحتى لهلق بتتحفض وأمها تعبانة كتير فيها

أمان: والله زعلت عليها

نجاح: يا بنتي أنت مبينة حبابة ومتلنا اذا بتحبيني ما تجيبي سيرة لحدا

ليال: انا لما عرفت سناء اني بعرف ببنتها حرمتني من المعاش شهر كامل الله لا يوفقها
Telegram:@rwayate
قربت نجاح وحطت ايدها على تمها وهي بتقول: أه من لسانك الطويل بدك هلق تحرمك من الشغل كلو روحي كملي شغل أمك المريضة بدها دواها بأخر الشهر

بحركة سريعة كانت واقفة قدام المجلى ورجعت تجلي من دون ما تحكي ولا حرف

نجاح: لازم ضل ذكرك بأملك لتحطي عقلك براسك وتشتغلي

رجعت التفتت لعند أمان وقالتلا: متل ما اتفقنا انسي الموضوع

هزتلا راسها وهي بتوقف وبتمشي لغرفتها وبتهمس بقلبها (أنسى !! مستحيل انسى هالمنظر لموت)

صورتا عم بتدور براسها … جسما القصير والنحيف واجريها المقوصين شعرا الأسود القصير والمنكوش … وجها الغريب يلي بتعرف شكلو نفس شكل ابن جيرانن يلي بيضحكو عليه كل أهل الحارة وهو بضل زعلان !!
بس أكتر شي أثر فيها معاملة امها الها … معقول كيف كانت ماسكتها وأخدتها غصب عنها ع الحمام وهي عم تهز راسها يمين وشمال
Telegram:@rwayate
اذا بنتهن عم يعاملوها هيك هي اذا زعجتهن شو رح يصير فيها
اتمددت بسريرها وهي بتهمس (الله يحميني منكن لازم ضل ساكتة متل ما قالت نجاح والا نهايتي رح تكون ع ايدهن متل هالبنت المعترة)

من بعد هاليوم صارت أمان كتير انطوائية تحاول قدر المستطاع ما تطلع من الغرفة ونجاح كانت توصلها الأكل لغرفتها … نجاح كتير كانت خايفة عليها كل مرة تحاول تخفف عنها وتهديها
اهلها كتير قليل لتشوفهن رغم انن بضلو يجو لعندها كل اسبوع بس سناء صارت تعاملهن بسطحية وفوقية لحتى ملو وصارت زياراتن قليلة وبنات خالتها ماعاد شافتهن ابدا وحتى ع التلفون قليل ليحكو … كانو يحرموها منو وبنات خالتها فكروها شايفة حالها عليهن وخلال شهور صداقة سنين راحت
Telegram:@rwayate
بس بهالوقت الشي الوحيد يلي بقيت أمان مصممة انها تدخل ع هالغرفة وتشوف البنت عن قرب

#الجزء_الثالث_عشر (13) :

#خفـــايـــا_بقلم_مروةآغا

كل شي صار بلحظة رجال الحراسة الخاصين بفيلا أمان ركضو بعدما صرخت أمان بصوت عالي ليساعدوه
وهي ركضت وراهن لتشوف أم كرم

خمس دقايق بس كانو جوا الفيلا وأم كرم منهارة من يلي صار ونجاح فوق راسا عم تدير بالا عليها

كانت أمان عم تمشي بالصالون روحة رجعة وهي بتقول: كيف هيك … كييييف هيك بيجو لعند الباب وبنص النهار وبيخطفوه … كيييف … طيب ولييييش ؟؟

بهاللحظة بتدخل الشرطة بتركض أمان لعندن وهي بتشرحلن شو صار

الشرطي: مدام أمان أنت متأكدة مافي الو أعداء

امان: انا والله ما بعرف بشي

أم كرم: ابني من زمان مسافر مين بدو يكون الو اعداء نحنا اجينا لهون زيارة لشوف اهلي

الشرطي: لازم ننتظر ونشوف شو بصير معنا
Telegram:@rwayate
بعد ساعة برن جوال أم كرم والمتصل كان كرم !؟
فتحت امان الخط بسرعة وهي بتقول: ألو كرم وين أنت ؟؟

اجاها صوت بيهمس متل فحيح الحية وبقول: اذا بدكن كرم بدنا مليون … وتوفيق بيك كان عندو مصاري كتييير يا اما رح نقتلو وناخد تارنا من أبوه

صرخت أمان بأعلى صرتها: شوووووو

بهاللحظة بيتسكر الخط وبتوقع ع الارض منهارة وهي بتقول للشرطي شو قلها بصوت متقطع

الشرطي: معناها الشغلة تار من ايام الاب

أم كرم: ياربي دخيلك شو بدنا نعمل لازم ندفع المصاري

أمان: بس انا مامعي كل هالمبلغ هلق في اراضي ومعامل بس سيولة مافي

أم كرم: ياويلي عليك يا ابني لسا ما فرحت فيك

أمان: رح نحاول نأمن المصاري لا تاكلي هم

قعدت أمان بقربها وهي بتبكي وبتغص ولأول مرة بتعرف شقد هو مهم بالنسبة الها وما بتقدر تعيش بلاه

الشرطي: رح نحاول نلاقي طريقة نساعدو فيها

كانو الكل منهارين وماعم يقدرو يتحركو اي حركة بس كانو بفكرو والشرطة حاوطت كل الفيلا

بعد تفكير طويييل طلعت الخطة براس أمان … بللت شفايفها وهي بتقول: انا عندي الحل

الكل رفعو راسن بانتباه وهي بتحكيلن شو بدن يعملواااا ……………

*****

قاعد على كرسي حديد ايديه مربوطة بحبل وعيونو معصوبة بشال اسود وتمو ملزق … عقلو مشوش وهو بفكر مين ممكن يعمل فيه هيك !!

فجأة حس على حركة حواليه بلش يحرك جسمو ويهمس من ورا اللزيق بس ما طلع بنتيجة
وخلال ثانية قرب شب وفك عن عيونو الشال

نظرة صقر وجهها للشب وكأنه بيسألو
ابتسم الشب وهو بشيل اللزيق عن تمو: لا يطقلك شي عرق

بلل كرم شفايفو وهو بشوف قدام عيونو شبين طول بعرض معهن مسدسات موجهة عليه

همسلو: مين انت

_ ابن هيثم
Telegram:@rwayate
فتح عيونو وهو بقلو: مين هيثم !؟

_ يلي قتلو ابوك

كرم: وانا شو دخلني

_ ابوك قتل ابي وابوك مات مين بقي ياحزرك

كرم: انت كذاب اكيد في لعبة عم تلعبوها

_ مارح تطلع من هون الا بمليون

كرم: انتو مجانييين مفكرين لسا في ورثة من توفيق خلص بح كل شي طار مارح تسفيدو من شي

قعد مقابيلو ولف اجر على اجر وهو بقول: وانا بستنى ما ورايي شي

ضحك كرم وهو بقلو: هلق انت همك دم ابوك ولا المصاري

من طرف شفتو جاوبو: الاثنين واحد

كرم: لك ياريتو ابوك جاب كلب ولا جابك

عصب عليه كتير وقف وبلش يضربو وهو موجه المسدس عليه

_ خراس ولاااا اعرف حدك انت روحك صارت بين ايديي

كرم: وحياتك هالروح مابياخدها الا يلي خلقها

حمل العصابة ورجع يضربو اكتر من قبل……………

*****

تاني يوم الصحافة كلا كانت متجمعة عند بوابة البيت … وأمان طلعت وهي لابسة ومترتبة وأشرت بأيدها للبواب ليفتح الباب

وبسرعة الصحفيين دخلو كانت رح تموت من توترها بس كان هاد الحل المناسب لحمايتو من التار

وقف المحامي بقربها وهو بيحكي مع الصحفيين: شوي شوي بهدوووء

الصحفي: سمعنا انك بدك تصرحي بشي خطير

مسكت الميكرفون وهي بتطلع لعند أهل كرم امو واخواتو وكانت هلق بدي تفجر قنبلتا

أمان: صحيح متل ما بتعرفو امبارح كرم بيك ابن توفيق بيك خطفوه مشان تار وطلبو مصاري واذا ما اخدو المصاري رح يقتلوه ويلي عرفناه بعدين انو هاي دية القتيل يلي قتلو توفيق قبل ما يموت … وانا هلق جمعتكن كلكن لحتى الناس كلا تعرف ويوصل صوتي الخاطفين واهل الضحية … لان بدي خبركن خبر مهم

سكتت وهي بتلتفت لعند الكل وعيونها غرفانة بالدموع
هزت راسها لنجاح يلي قربت وحطتلا ابنها بحضنها
حملتو قدام الكمرة وهي بتهمس: هاد بس ابن توفيق الشرعي وكمان عندو بنت مريضة
Telegram:@rwayate
قربت نجاح وهي بتجر كرسي متحرك لرفيف

كملت أمان وهي بتقول: بس هني ولاد توفيق وكرم أبدا مانو ابنو هوي رباه من لما كان صغير
التفتت واشرت لأهل كرم وهي بتكمل: هدول هني اهلو وفيه اي حدا يتأكد وبدي عن طريقكن وجه رسالة للخاطفين وقلن انكن باختطاف كرم مارح تقدرو تاخدو بتاركن لانو ببساطة هو ما ابنو لتوفيق اذا بدكن تاخدو بتاركن تعالو خدوه من هالطفل وهالبنت المريضة

الكل كان بصور بحماس بعد هالشي يلي انقال … كل المنطقة حواليهن بتعرف انو كرم ابنو وبالنهاية يطلع لا … هالشي رح يكون قنبلة الموسم.

انتهت من كلامها والصحفيين طلعو وهني معهن خبر مدسم.

#الجزء_الحادي عشر (11) :
Telegram:@rwayate
#خفـــايـــا_بقلم_مروةآغا

للحظة مافهمت أمان شو صار حواليها وهي بتراقب المشهد قدام عيونها
وكن بعدها دخلت مرة كبيرة شوي يمكن بعمر سناء ومن دون تردد سحبت الفرد من ايدو وقوستو فيه
هالمشهد كلو صار بثواني وأمان كانت لساها مصدومة من كل شي

قربت المرة لعند أمان وهي بتقلا: انت مين

من خوفا وشدة صدمتها اتراجعت لورا من دون ما ترد

قربت المرة وهي بتقول: لا تخافي يا بنتي كنت بدي أحميكي من شرو مشان ما يصير فيكي متل ما صار ببنتي

أمان: انت مين !؟

_ انا أم جميلة

أمان: مين!؟

أم جميلة: أم لبنت عانت متلك عند هيك زلمي ما بخاف الله

أمان: يعني في الك بنت كانت متزوجتو

أم جميلة: لا بنت حطها بالمشغل وانا حطني بمشفى المجانين
ضحكت وهي بتكمل: وانا صرت وحدة مجنونة قتلت واحد مارح يكون عليها حكم
قربت وبلشت تتلمس دمو وهي بتكمل: بنت متل فلقة القمر اخدا مني غصب عني وباعا هالحقير لرجال أجنبي وصار يشغلها وتبيع حالها لحتى انتحرت بالاخير … أنت باعك متلن ما

كانت مكومة أمان بزاوية بعيدة عن كل شي وهي بترجف من رعبتها قالتها بهمس ضعيف: لا أنا كان بدو مني شي تاني

أم جميلة: وهاي خلصتي منو

أمان: والشرطة

أم جميلة: ما بقي من العمر شي لينزعل عليه … ماكان عندي غير جميلة وجميلة راحت وكلو منو هو السبب

قربت منو وصارت تضربو باجريها
التفتت أمان وشافت ليث غرفان بدمو وبقربو توفيق ودمن التقى ببعض وصارت بركة كبيرة

ماكانت بتتخيل بحياتا انها توصل لهون وتعيش بين وحوش وبالنهاية تشوف هيك منظر … بنت صغيرة بعمرها تعيش كل يلي عاشتو كيف رح تقدر تكمل حياتها
وتوفيق قضى حياتو كلا وهو بحافظ على روحو وهالروح كان حقا رصاصة وحدة بس !!!!
يالطيييف شو سهل الحياة تنتهي بعد كل شي منعملو لنحافظ عليها رح يجي الوقت يلي بتغادر فيها هالجسد الفاني لتروح لدار الحق……

رجعت للواقع لما أم جميلة همستلها: روحي يا بنتي قبل ما تجي الشرطة

أمان: بدك تسلمي حالك ؟؟

أم جميلة: لازم ع القليلة بلاقي مكان نام فيه أحسن من الشوارع … الي شهور عم راقبو لينفرد دائما معو رجال وهلق صار لحالو ولما سمعت صوت رصاص استغليت الوضع … روحي يا بنتي اهربي انت مالك ذنب بكل شي

لما ما اتحركت من مكانا بقيت واقفة مصدومة صرخت فيها أم جميلة: لك روحيييييييي
Telegram:@rwayate
ما بتعرف كيف ركضت أخدت شالها البني وطلعت برا البيت لتركض بين الشجر والجبال وهي بتحاول توصل لبر الأمان يمكن اسمها يفيدها شي مرة وتصير عنجد هي بأمان !!!!

اتصلت ام جميلة بالشرطة من تلفون توفيق لتخبرهن بحادثة القتل وبقيت قاعدة بقربو عم تشوفو وهو عم يصفى دمو.

*****

مابتعرف أمان وين كانت بتمشي … عم تشوف بس شجر وجبال ووديان … خوفها من هيك مكان كان كبير بس بهاللحظة ما كانت عم تفكر الا بشي واحد المهم بدها تهرب منن كلن وبسرعة
وهي عم تركض وقفتها مرة كبيرة بالسن
شدتا من ايدا وهي بتقول: أنت فاطمة

وقفت وهي عم تلقط نفسها وتتفتل حواليها وتهمس: لا ياخالي فاطمة مين

قربت منها وهي بتكرر: لأ أنت فاطة أنا بعرف رحتي لتجيبيلي ملبّس وطولتي لرجعتي

مسحت على راسا وهي بتقول: ياخالي والله انا ما فاطمة استني بنتك هلق بترجع

_ حاج تكذبي حاج تكذبي أنت فاطمة أنا بعرف رحتي من زمااان وهلق رجعتيلي … تعي تعي معي

سحبتا من ايدها ومشيت وأمان مشيت معا وهي لسا عم تفتل راسها حاسة في حدا لاحقها … خيفانة ومرعوبة
مشيو عدة خطوات لحتى وصلو لبيت من طابق واحد مبين عليه عمار قديم ولسا ما مكمل
فتحت الباب بالمفتاح المربوط على رقبتها
بتردد دخلت ع البيت بس لما شافت هالبيت فيه الراحة والأمان والدفا قلبا ارتاح وحست انها اذا بقيت بهالبيت هالليلة ترتاح وتدفا وتطلع تاني يوم مارح يأثر شي
أمان: خالي عندك ولاد؟
Telegram:@rwayate
_ لا ماعندي غيرك انت
قربت منها وهي بتقول: جوعانة جبلك شي تاكليه؟

اتذكرت أمان انها من يوم أمبارح ما أكلت شي وانها تاكل من تحت ايدين هالأم الحنونة كتير شي منيح
أمان: أي

بسرعة قامت ع المطبخ وسكبتلا صحن مجدرة قربت وهي بتقول: هدول بنتي بتطبخن قبل ما تروح

أمان: ليش عندك غير فاطمة؟
سكتت ومن بعدها قالت: عندك غيري أنا؟

_ اختك رقية هلق بتجي من شغلا

بهدوء وخجل قعدت تاكل والأم قاعدة بقربا عم تراقبا وتشوفا وكل شوي تمسح على شعرا وتبوسا

بعد ساعتين انفتح الباب بالمفتاح
وقفت أمان خيفانة واحتارت وين تتخبى
_ مين انت؟؟

أمان: أنت فاطمة؟

_ فاطمة شو بدك منها

أمان: لكن أنت رقية

_ أي مين أنت؟

أمان: أنا رفيقة فاطمة مالي خبر انها ما هون … عن أذنك لروح

مسكتا من كنزتها وهي بتهمس: فاطمة ماتت من عشر سنين أنت منين بتعرفيها؟؟

أمان: كيييف !؟

رقية: أي ماتت من زمان

بلعت ريقها وهي بتقول بتلبك: الله يرحمك يافاطمة

رقية: حاج تكذبي شو جابك لهوووون

طلعت الام من المطبخ وهي بتقول لبنتا: أجت فاطمة ماما أجت فاطمة

#الجزء_الخامس (5) :
Telegram:@rwayate
#خفـــايـــا_بقلم_مروةآغا

من الصدمة والمفاجأة ما حدا قدر يفتح تمو بحرف واحد.
اتحولت ملامح وجوهن لحالة ذهول وجمود وهن عم يراقبو التنين ومافي غير توفيق كان عم يضحك متل الولد الصغير الفرحان بهدية جديدة !!

أبو أمان: بس أنت بتعرف يا توفيق بيك فرق العمر

توفيق: بعرف بعرف لاتنسى نحنا هون بالقرى جسمنا بيبقى شباب

سناء: أي والله جوزي لساتو متل السبع

ضحكت هدى من وراها على كلمتها وأمان حاولت تخبي ضحكتها لان عنجد كانت القعدة متل المسرحية وكانت حاسة انو أكيد ماحدا رح يوافق
حزنا كان بس على كرم !! … معقول ما بدو اياها كان عم يضحك عليها !!

سمعت أمها بتقول: بس نحنا فكرنا انو بدكن أمان ل……

خافت أمان أمها تجيب سيرة كرم وبسرعة خالتها عدلت الوضع وقالت: الله يقدم يلي فيه الخير

توفيق: شو يا أبو محمد مافي موافقة

أبو أمان: إن شاء الله الله يقدم يلي فيه الخير

ضحك لما عطاه أبوها بذرة أمل وقف وقال: لنستأذنكن لتتشاورو.

طلع وطلعت مرتو وراه من دون ما تحكي ولا حرف

ركضت خالتها وسكرت الباب وقربت لعند أمها وقالت: شو رأيكن؟؟

أم أمان: ما بعرف هوي اكبر منها

أبو أمان: بس لا تنسي رح تعيش ملكة بهالبيت متلا متل سناء

أمان: شوووووو أنتو عم تفكرو بالموضوع … انا مستحيل وافق

أبو أمان: ليش حتى ما توافقي كتير حابة ترجعي ع البيت وتشتغلي … أنا والله ما بدي أشتغل بدي قلو يفتحلي محل واققعد فيه وهيك أمك بترتاح من الشغل وانت بتعيشي أحسن عيشة
Telegram:@rwayate
أمان: ياااخ كيف هيك عم تفكر !!

عائشة: هلق جيتو للحقيقة كلامكن صحيح بس لازم تفكرو أكتر يعني صح مارح يعيش كتير بس رح تصير أرملة ع بكير

ام أمان: وشو فيها ومن بعدها ألف شب بيتمناها

أمان: لك أنتو شو عم تقولو !!!؟؟؟

تركتن ومشيت للغرفة قعدت ع الكنبة وهي بترجف من كلامن
وأمها لحقتها بعد دقايق
أم أمان: الله يرضى عليكي يا ماما فكري منيح شو بدك أحسن من هيك يمكن الله خلاكن تضيعو وتجو لهون لتتغير حياتنا شوفي هالعز والجاه كلو رح يصير الك حصة فيه

أمان: بس………

قطعتلها جملتها وحطت أيدها على تمها وهي بتقول: بعرف بدك تقولي هوي كبير .. بس والله ما دخل يعني هوي اصغر من ابوكي يعني ما ختيار يمكن يكون بأخر الاربعين وشوفي كيف ابوكي مبين اكبر منو من الشقى والتعتير وهو لساه شب

أمان: اربعين ماما وولادو شباب

ام أمان: اي ماما هون بيتجوزو بكير وبجيبو ولادن وهني صغار ابوكي اتجوز بأخر الثلاثين

أمان: طيب والحب ما من حقي حب متلي متل كل الناس

ام أمان: ليكيني حبيت ابوكي وشو أجاني الا الشقى والتعتير طول عمري

أمان: أنت اخترتي أبي وهو مريض

أم أمان: لا ما اخترتو بس كبرت وكنت رح ادخل بسن الثلاثين وكنت متطرة اتجوزو

امان: يعني ما اتهنيتي بحياتك

أم أمان: والله ولا يوم
Telegram:@rwayate
ضمتا امها وهي بتقلا برجاء: الله يرضى عليكي فكري بمستقبلك

بعدت عنها بسرعة لما بلشت بالبكي وقفت ولبست جاكيتها وطلعت لبرا الغرفة كان البيت معجوق بالناس … هالبيت كلو بنات صبايا بيشتغلو شي خدم وشي من المشغل كلن متل عش النحل

كانت معصبة كتير وفاير دمها من الشي يلي صار قبل بشوي كانت مفكرتن بدن يخطبوها لكرم وبالنهاية بيخطبوها لهالختيار !!
أخدت نفس طويل عبت كل قصبات صدرها فيه ورجعت نفختو حست يمكن هيك ترتاح.

همست أمان بقلبها (هاد الناقص اتجوز واحد ختيار وأنا لسا ما طبقت ال 16 … طيب هني كيف طلع معهن يطلبو أيدي !! … ولا يمكن متعودين على خطبة بنات صغار !! … لك هاي سناء المجنونة كيف بتخطبني لجوزا ومشان شووو اذا ولاد وعندها !!؟؟ … أكيد لأنها كبرت وختيرت……………)
Telegram:@rwayate
فجأة قوة بداخلها خلتها تهمس بتصميم (مستحيل وافق انا لساتني صغيرة وعندي حياتي وبدي عيشها)

وقفت عند الباب وشافت من بعيد المزرعة كيف كلها شجر فواكه وخضار … راحة نفسية غريبة بتصيبها لما بتتمعن باللون الاخضر الطاغي على المزرعة.
مشيت لجهتها ودخلت لجوا وبلشت تقطف من شجرة التوت وتاكل كانت حبتو لونها بنفسجي وكبير كتير..

فجأة سمعت صوت سيارة من بعيد ومن بعدها شافت توفيق بيك وأبنو كرم نازلين من السيارة … كرم سبقو لجوا المزرعة وهو بيركض معصب وأبوه عم يلحقو
من دون شعور ركضت ولحقتهن وبلشت تسمع حديثهن الواضح انو مهم !!

كرم: كيف يعني بتعمل هيك وبتطلبها من دون ما تخبرني !!

توفيق: فكرنا انا وامك وقررنا انو هاد يلي لازم يصير

كرم: بدي أفهم كيف قدرت تقنع ماما

توفيق: أمك بدها مصلحتي لا تنسى

كرم: بس انا قلتلك بلا هالبنت بلاها رجاع دور على غيرها

توفيق: ماعاد اتحمل أكتر لازم لاقي بديل … ولازم احميك منها لاتنسى !! … وبعدين ليش بلاها متلا متل غيرها لا تكون حبيتا

سمعتن سكتو شوي ومن بعدها قلو: يا ابني قلتلك من البداية لا لا

كرم: غصب عني

قرب منو وضربو كف بكل قوتو: ليش .. ليش

#الجزء_الثالث (3) :
Telegram:@rwayate
#خفـــايـــا_بقلم_مروةآغا

فتحت عيونها على وسعهن من صدمتها وسألتو ببراءة: يعني انا بدي احترق بالنار ؟؟

هز راسو يمين وشمال ووقف وهو ببرر: لأ لأ أنا ما قصدي هيك بس أنو عم قلك ليش دققت بلون عيونك من شوي ما اكتر

أمان: بس أنت قلت شفتني أنا

كرم: لأ لأ أنا قلت شفت عيون بتشبه عيونك ما أنت

بلعت ريقها وسكتت وهي عم تفكر بكلامو … بس هوي وقف ليطلع برا الغرفة
وقبل ما تخطي اجرو عتبة الباب قلها: نسيت قلك … لا تحكي لحدا شو زمرة دمك … ولا تقوليلن انك اتبرعتي لأخوكي

رفعت حواجبها وسألتو بقلق: وليش؟؟

حط ايدو بجيبتو تحت جاكيتو وجاوبها قبل ما يطلع: هيك أفضل

طلع وسكر الباب وراه وهي بقيت عم تراقب كيس الدم لحتى يمتلي … وكلامو عم يدور براسها متل الدوامة وخلا قلبها يتوتر ويزيد من دقاتو......

اجت الممرضة بعد عشر دقايق أخدت كيس الدم
أمان: طمنيني كيف أخي؟؟

الممرضة: الحمد لله العملية لسا ما خلصت بس كلشي تمام وضعو كتير منيح

أمان: ان شاء الله خير

دخل كرم قبل ما تطلع الممرضة … وقف عند الباب وقلا: جيبيلا كاسة عصير
Telegram:@rwayate
الممرضة: بتؤمر

قرب منها وقلها: حاكيت أهلك ربع ساعة وبكونو هون

أمان: ماشي شكرا كتير الك

كرم: ما عملت شي هاد واجبنا
بلل شفايفو بلسانو وقلها: انا اسف مشان يلي حكيتو من شوي ماكنت بقصد اصلا انا بحياتي ما حكيت هيك مع بنت

أمان: بس راسي ما عم يوقف تفكير بالمنام

كرم: لا لا ما كان قصدي عليكي اتأكدي وشيلي هالتفكير من راسك

التفتت أمان فجأة لجهة الشباك لما سمعت صوت بتحبو كتير.
نزلت عن السرير ورتبت تيابها وهي بتمشي باتجاهه.

فتحت الشباك وابتسمت ابتسامة عريضة وهي بتمد ايديها برا الشباك ومن بعدها طالعت وجهها وهي بتتلمس حبات المطر

بشعور غريب راقبها بتمعن وهي عم تتلمس المطر بايديها التنين وترش وجهها فيه … لأول مرة بحياتو بشوف انسان متفاعل مع المطر قدها
ماكانت عم تشوفو وهو عم يراقبها بعيون زيتونية بتغزل غزل … قاعد مكانو بقرب سريرها وايديه التنين بجيبتو وهي لساها واقفة عند الشباك وعم تضحك بفرح
أمان: من لما كنا بالغابة كان في غيمة سودة كبيرة وهلق حتى نزلت المطر

كرم: اي المنطقة عنا جبلية كتير بينرل فيها مطر
Telegram:@rwayate
ضمت ايديها لبعض وهي بتقول بحماس: ياسلااام رح افرح كتير بهالجو
الفتت لعندو وقالتلو: مابتحب المطر!؟

هز راسو يمين وشمال وهو بقول: ماكتير بهتم

أمان: تعال جرب وأكيد رح تحب

رفع كتافو بحيرة بس طاوعها ومشي باتجاهها
مسكتلو ايديه وقربتن من الشباك وهي بتقول: غمض عيونك وحس بالمطر

سحبت ايديها عنو وغمضت عيونها قبلو بس هو ما غمض عيونه ابداً … كان عم يراقبها كيف مستمتعة وهديت كتير من بعدما كانت عم تبكي من خوفها على أخوها

فتحت عيونها بسرعة فاجأته فيها وهو كان مركز نظرو عليها … بسرعة البرق غمض عيونو بطريقة خلتها تبتسم لان حستو اتلبك وبلش يرجف بقربها

بهاللحظة دخل شب ع الغرفة وقف مصدوم وهو بقول : هلوووو شو عم يصير هون !!؟؟

التفت كرم لعندو وهو بقول بتلبك: أهلين … ولا شي ولا شي

انصدم لما شافها قدام عيونو … وهي من قبل شافتو وكان هو ورفقاتو عم يتعاطو !!

فتحت عيونها ورفعت حواجبها وصدمة أمان كانت اكبر

كرم: ليث أنت من أيمات هون؟

ليث: من لمااااا !! من شوي بس

كرم: ليث ليش اجيت؟

ليث: لأتطمن على هالحلوة
Telegram:@rwayate
أمان: أنت شو عم تعمل هون

دار كرم عيونو بين الاثنين وهو بيسأل: بتعرفو بعض؟؟

أمان: أ……………

قرب ليث وقطع حديثها وهو بقول: اي شفتا من شوي بالغابة كنت بدي ساعدها هي ورفقاتها بس هربو فكرونا بدنا نأذيهن

كرم: وشو كنت عم تعمل بالغابة ؟

ضحك بتوتر وأمان زمت شفايفها لتشوفو شو بدو يقول

ليث: ولا شي كنت انا ورفقاتي عم نصيد

رفعت حواجبها وكانت بدها تحكي لكرم عن هالشب يل يبيتعاطى مخدرات بس بقيت ساكتة حتى ما تعمل مشاكل بالنهاية هالعيلة ساعدتها

ضحك وهو عم يقرب منها ويمد ايدو ليسلم عليه: انا ليث وانت؟

مدت ايدها وسلمت عليه وقالتلو بنشافة: وانا أمان

ليث: شو ليش في لزقة على ايدك

قرب كرم ومسكلا ايدها ونزلها كم كنزتها وقلو: تعبت شوي حطينالا سيروم

بنظرة غريبة راقبهن وهو بقول: أي سلامتك .. وانت ليش هيك اتكهربت

كرم لأمان: هاد اخي الصغير الازعر لا تواخذيه

هزت راسها وهي بتبتسم وكرم سحب اخوه من ايدو وطلعو برا الغرفة وهو عم يجرو وراه جر

ليث: شبك يازلمي شو صرلك

كرم: انت ما دخلك بشي فهمان

ليث: لا يطقلك شي عرق لا تخاف مارح ناكلا
Telegram:@rwayate
كرم: شو عم تقول انا ما قصدت شي

حط ايدو بجيبتو ومشي قدامو وهو بيهمس: واضح واضح

بعد خمس دقايق أجو أهلها
ركضت أمها لعندها وضمتنا وهي بتقول: تقبرو قلبي شو خفت عليكن

أمان: والله متت رعبة يا امي … المهم ان شاء الله يطلع أحمد بالسلامة

#الجزء_الرابع_عشر (14) و #الاخييييير
Telegram:@rwayate
#خفـــايـــا_بقلم_مروةآغا

التفتو اتنيناتن لمصدر الصوت ووقفو مصدومين وهني بشوفو كرم قدام عيونن

قرب كرم منن كان لابس جاكيت اسود جوخ ورافع القبة بقرب رقبتو وبقوة شال ايد الدكتور عن ظهر أمان وهو بقول بصوت عالي: انا ما قلتلك شيل ايدك عنها

التفت الدكتور لجهة امان وهو بيسألها: مين هاد

رفعت كتافها بحيرة وماعرفت شو تجاوبو
واجهو الدكتور بتحدي: ليش انت مين لتتدخل

كرم: هالبنت بتهمني واوعك تحاول تحط ايدك عليها

الدكتور: بتهمني اكتر ما تهمك فهمان ياكرم بيك بعتقد خلص انتهت ايامك وانت ماعاد يعنيك شي بهالمشفى

مسكو كرم من قبة كنزتو وكان بدو يضربو بوكس
بس وقفت أمان بيناتن وهي بتقول: شبكن خلص بكفي الولد صار يبكي
ضمت ابنها وهي بتهديه: شو صرلكن صرنا فرجة قدام الناس
قربت أمان من الدكتور وهي بتبرر: اسفة كتير بس كرم هيك بيحشر حالو بكل شي
ومن دون سابق انذار وقبل ماتكمل جملتها شدها كرم من ايدها ومشي فيها لمكان سيارتو وهي بتصرخ فيه: لك شو صرلك اتركني … كرم خلص بكفي لك الناس بتتفرج علينا … كرم جنيت لك الولد بيبكي

حمل الولد من ايدها وبقي ماشي لحتى وصل لسيارتو فتح الباب وقلا: طلعي

أمان: عطيني ابني
مدلها اياه حملتو ودخلت لجوا السيارة وبوزا شبرين

وهو مشي باتجاه مكانو وقبل ما يقعد وقف عند الباب وهو بيعطيه للدكتور نظرة الانتصار ……

وبسرعة مشي بسيارتو وهو بيحكي عالتلفون: الو اي لاقيني عند الباب

أمان: فيك مرة تاني ما تدخل بحياتي … فيك بس تطلع منها وتتركني بحالي ابدا حياتي من جديد

كرم: جديد شو مع هاد

أمان: هاد ولا غيرو انت شو هامك روح لاقيلك وحدة
غيري التهي فيها

مارد عليها بقي عم يسوق باقصى سرعة وملامح وجهو ما بتتفسر وهي بقيت عم تهدي ابنها وتسكتو لحتى وصلو للبيت كانت نجاح واقفة متل ما قلها ع التلفون من شوي

رجع حمل ابنها من حضنها ونزل من السيارة وهي بتندهلو: لك كرم شو صرلك جنيت

حط الولد بحضن نجاح وهو بقلها: ديري بالك عليه شوي ومنرجع
Telegram:@rwayate
وقفت أمان وهي بتشوفو واقف عند باب سيارتو فاتحلا الباب وهو بقول: يلا طلعي عنا مشوار

أمان: فيك تكون حضاري لمرة وحدة بحياتك

مدلا ايدو بطريقة سينمائية وهو بقول: لو سمحتي بدي اخدك مشوار

التفتت لعند نجاح يلي هزتلها براسها بس هي لفت بدا تدخل ع الفيلا وتهرب منو بس هو لحقها حملها بين ايديه وكانت متل خف الريشة وحطها جوا السيارة وهو بقول: قلتيلي كون حضاري لكن
بسرعة ركب بقربها وهو بطير بسيارتو

أمان: لوين رايحين

كرم: مكان بتحبيه كتير

أمان: انا ماعاد حب شي

كرم: بس هالمكان مستحيل تنسيه لو شو ماصار

بقي ماشي لحتى شافتو داخل جوا الغابة همستلو بقلق: ليش اجينا لهون

كرم بحزم: هلق بتعرفي

وبعد عدة دقايق كانو واصلين للمكان المحدد نزل وفتحلا الباب وهو بقلا: اتفضلي

أمان: ليش جبتني لهون

مسكها من ايدها ونزلها غصب عنها وهو بقول: مشان تتذكري
حط اصبعتو على راسها وهو بكرر: مشان تتذكري مين هو كرم وشو عمل كرمالك وشو بيعنيلك ما تسكتي لما اي حدا يسألك مين انا بالنسبة الك
بعد عنها ومشي باتجاه القبر وهو بقول: انا هون حطيتك بايديي ورميت حالي بالنار وحطيت روحي على كفي ولا اهتميت كان بدي حافظ على حياتك بس وانت بشو كافأتيني بانك تركتيني ورحتي شفتي حياتك مع واحد تاني وجبتي منو ولد

كانت حاطة ايديها على وجهها وهي بتبكي وبتتذكر هداك اليوم يلي اندفنت فيه وهي عايشة … رجف جسمها وهي بتشوف القبر قدام عيونها لساتو مفتوح متل ماتركوه وبقلبو خشب شجر مكسر

انفجرت فيه وهي بتجاوبو: جايبني لهون لحتى تذلني وتذكرني انك مديون الي بحاتي … كتر خيرك وشكرا الك وانا رديتلك دينك باني حميتك من هدوليك يلي خطفوك لا تنسى

شد كفوف ايديه ومشي لعندها ومسكلا ايدها الاثنين وثبتها قدامو وهو بقلا: قوليلي انك مابتحبيني وبوعدك اتركك وروح وماعاد اتدخل فيكي

رجفو ملامح وجهها وبلشو دموعها يهرو على خدودها وهي بتقلو: بشو بذكرك هالمشهد … من هداك اليوم من سنتين كنت اختصرت على حالك وعليي كتير ماهيك

كرم: انت بتعرفي اني بوقتها ماكنت لسا عرفان شو اعمل بعدين بلشت خطط لكل شي وهاي انا وانت هلق بقرب بعض وماعاد فيه لاتوفيق ولاحدا تاني
Telegram:@rwayate
بلعت ريقها وهي بتهمس بشفايف بترجف: وماعاد في امان تبع زمان

سحبت ايديها منو ومشيت قعدت بالسيارة وبعد ثواني كان قاعد بقربها وهو بقلها: ليش وين راحت أمان

أمان: أمان القديمة انجرحت وانكسرت وشافت ابشع شي ممكن تشوفو أي بنت

كرم: بس انت هلق قدامي ومافيكي شي والماضي خلص راح

دقت على قلبها وهي بتقلو: بس هاد مات خلص ماعاد فيه جواتو شي

مسكلا ايدها وهو بقلها: بس انا رح ضل بقربك

ضحكت بطرف شفتها وهي بتقلو: اي متل مابقيت بقربي من قبل

كرم: صرت قايلك الف مرة يلي صار انا كنت مجبور والله مجبور

هلق بلشت تنزل المطر سكتو شوي وهني برتبو الكلام براسهن
فتح الشباك وهو بقلها: مابدك تشوفي المطر

#الجزء_الأول (1) :
Telegram:@rwayate
#خفـــايـــا_بقلم_مروةآغا

الحياة غالباً مقسومة بين الخير والشر … أو فينا نقول هي عبارة عن لونين ( #أبيض أو #أسود ) وباقي الالوان مجرد ظل لهالونين الواقعيين
اللون الأبيض دائما واضح مابيحتاج شرح ابدا … بتحسوه بشعّ نور وصفاء ونقاء … وهو عطاء بدون حدود وبدون حتى تفكير
أما اللون الأسود فهو الخداع بحد ذاته وهو ما اكتسب هالصفة من الفراغ متلو متل الغل والكراهية والحقد كلها بتتلون تلقائياً بهاد اللون المظلم
وهني بيخدعونا وبيخبوا الحقيقة لانن بيعرفو انها مستحيل تموت بس بحاولو يخبوها ورا الماضي او بيدفنوها تحت سابع أرض....

وأسوأ الحقائق وأكبرها بتحاج لمجنون لحتى يصدقها لانن بخبوها ورا حاجز ضخم من العظمة ليمنحو الاقل منهن الشعور بالدونية والخوف … بس الحقيقة للاسف صارت وظهرت شوي من خفاياها فبعد الليل الطويل بيطلع #الفجر ليضوي حياتنا ويتحول الظلام بلحظة لنور … بس ياترى هالفجر رح ينور حياة الجميع !!

من بعد هداك اليوم #المشؤوم ما طلعت من غرفتها ابداً رضيت إنها تكون سجنها.
كام يوم مر عليها ما بتعرف ولا كان بتفرق معها أهلها من زمان ما حاكوها وهي ما اهتمت ماعاد يهمها شي لا الزمان ولا المكان بالنهاية كل شي واحد لأن لو شو ما عملت هي مرتو واشتراها بالغالي وهي طبعا لازم تتحمل
بس بقيو الخدم نجاح وليال يطلو عليها ينظفولها غرفتها ويجيبولها اكل ويرجع متل ما هو بس كانت تحاول تبلل شفايفها بشوية مي ما أكتر … أما أهل هالبيت قليل ليدخلو لعندها اجت صاحبة البيت بس كام مرة بس لتطمن على حالتها يلي بتهمن !!!
Telegram:@rwayate
شهرين كاملات مرو بهدوء وهي على حالها وحيدة وتعبانة … ضعفت كتير ووجها صار شاحب وحتى ملامحها اتغيرت

رفعت راسها ببطئ وهي بتتمعن الضو يلي اتسلل من شباك غرفتها الصغير … هو فقط ونيسها بهالأيام الماضية
وفجأة انفتح الباب بتدخل سناء وبأيدها صينية أكل

أمان: مابدي أكل بدي روح لعند أهلي

سناء: أهلك تركوكي من زمان وما عادو سألو عنك

دمعو عيونها وهي بتحاول تكذّب اخر جملة قالتها: لا أهلي مستحيل ما يسألو عني بس انتو ماعم تسمحولن

سناء: لتصيري حبابة وتسمعي الكلمة بخليكي تحكي معن

أمان: عم يجو يتطمنو عليي !؟

سناء أي اجو مرة

أمان: طيب ليش ماخليتوني شوفن بدي اطلع والله ماعاد اعمل شي

سناء: ليرضى عنك أول

أمان: والله والله مابعيدها بس انا خفت علين شفتو كيف بعاملهن خفت والله

سناء: شفتي رجعتي تخبضي خليكي هون لتتربي … كلي منيح نحنا ماجبناكي لتموتي فهمانة

قالت أخر جملة طلعت وقفلت الباب وراها وهي رجعت اتكومت فوق سريرها بس هلق طلعت براسها فكرة وقررت انها تنفذها وبسرعة

لما دخلت لعندها ليال بدها تنظف قربت منها وهي بتقلها: وينن كلن !؟
Telegram:@rwayate
ليال: تحت عم يتغدو

وخلال لحظة وحدة كانت عم تركض باتجاه السطح

وليال عم تلحقها وهي بتصرخ: لك لوييين رايحة هلق باكلها انا

طلعت ووقفت عند حرف السطح وهي بتقلها: بنتحر برمي حالي والله اذا بتقربي مني

ليال: لك مجنونة شو عم تعملي

أمان: قلتلك برمي حالي

ويلي قاعدين تحت على طاولة الغدا سمعو الصوت طلعو ليشوفو شو صاير وبينصدمو من الشوفة يلي شافوها

كانت واقفة على حرف حجر عريض ومقررة انها تنتحر !!!

______________ #قبل_سنتين ____________

على بعد عدة كيلو مترا من أطراف المدينة المعجوقة بسكانها كانوا عيلتين مجموعين برحلة عائلية بمنطقة ريفية ساحرة.

رمت أمان السكين من ايدها وقالت بعصبية: يعني لهون لاحقني الشغل !! … بكفي الشغل يلي بشتغلو كل يوم

أم أمان: شبك هلق ما عاجبك العجب

أمان: يعني بربك طلبنا منكن تطالعونا مشوار بتجيبونا على هالخرابة لأ وكمان عم ننقي بقدونس اي بكفي البقدونس يلي بنقيه كل يوم اففففف عااااد

ماما: اي اتركي من ايدك انا بكمل تنقاية وانت روحي اسبحي مع اخواتك

أمان: اسبح !! وين بهالوسخ !!

التفتت أم أمان لعند أختها عائشة وقالتلا: من طول عمرنا منسبح بالنهر هلق ما عاد يعجبهم شو هالجيل !!

أمان: مشان الله العالم بتروح على المصيف او على البحر ما على الغابة شوفي كيف حوالينا الذبان وريحة وسخ الحيوانات

ردت بنت خالتها هدى من بعيد وقالت: اي والله اختنقنا على اساس نرتاح من الدراسة والشغل

عائشة: خلص تركو من ايديكن نحنا منجهز التبولة ورحو العبو سوا ريحونا من نقكم
Telegram:@rwayate
بحماس تركوا جرزة البقدونس من ايديهن أمان وبنات خالتها هدى وندى … لبسوا باجريهم ومشيوا حوالين أهاليهن وهني عم يراقبو أشكال الشجر الغزير والكثيف

عدّلت أمان جدايل شعراتها الطوال المموجين بلون العسل الصافي والبني الفاتح ورتبتن ليرتاحو ورا ظهرها بانسياب وجهها كان ابيض مدور وعيونها بيغزلو غزل لونهن بيتغير مع تغيير الوان تيابها وتغيير مزاجها

وعلى بعد عدة خطوات منهن كانوا أبوها وجوز خالتها قاعدين عم يأركلو ويشربو شاي اما اخو أمان الأصغر منها محمد وولاد خالتها يلي من عمرو تقريباً عم يسبحو معو.

#الجزء_الثاني (2) :
Telegram:@rwayate
#خفـــايـــا_بقلم_مروةآغا

الكل رفعو راسن لعندها لما صرخت باسم أخوها
كان مدد بالارض وفي دم طالع منو ومانو حاسس بشي
بقرب اخوها كان فيه مجموعة بنات وفي بيناتن شب واحد بس
أمان: احمد مشان الله اخي شوفيه

الشب قال: هاد أخوكي؟؟ .. شو جابو لهون؟؟

أمان: مابعرف ضاع مني

الشب: انزلي انزلي رح جيبو ولف لعندك

نزلت وهي بتكي وبنات خالتها نزلو وراها … أول ما وصلو لباب البناية شافت الشب جاية باتجاهها وهو حامل أخوها بين ايديه ومبين عليه مرتخي على الاخر.
ركضت لعندو وشافت عم ينزل دم من راسو
قربت اكتر وهي عم تمسكلو راسو باصابيع بترجف والدم عبا ايديها

الشب: لا تخافي ما مات

حطت ايدها ع قلبها وكأن الفكرة كانت عم تدور براسها وخوفتا كتير وقالتلو: وهلق شو بدنا نعمل

الشب: رح أخدكن على المشفى يلي هون هلق بتوصل السيارة … وين أهلك ؟؟

رفعت كتافها وهي بتجاوبو بحيرة: ما بعرف ضعنا عنن

الشب: كيف !! وين كنتو؟؟
Telegram:@rwayate
أمان: عند البحيرة

بهالأثناء وصلت السيارة كانت سيارة فخمة بلون اسود بتلمع لمع … فتح الباب الخلفي وحط أخوها فيها وقلو للشوفير
الشب: روح مع البنات على البحيرة ودور على أهاليهن وجيبون لهون على البيت

هزلو راسو والتفتت أمان لعند هدى وندى شافتن لازقين ببعض وعم يبكو
أمان: روحو مع الشب دورو علين

ندى: بس كيف هدول غربا !!

صار قلبها يدق بسرعة من القلق لان هي ما كانت عم تفكر غير باخوها وما فكرت بالناس الغربا يلي أمنتلهن
التفتت لعند الشب لما قلها بحنية: لا تخافي نحنا منحميكن هلق في شي أهم خلينا نلحق الولد

هي بتعرف هالشب … أي بتعرفو وحتى شايفتو كتير اصلا هو معروف بهالمنطقة وبالمناطق المجاورة كمان مشان هيك ارتاح قلبا واتطمنت شوي

وبصفتها الكبيرة فيهن اتمالكت اعصابها وقربت لعند بنات خالتها وحاولت تهديهن وبسرعة ركبت بالسيارة بقرب أخوها بس كان لا من تمو ولا من كمو
وخلال ثواني الشب طار بالسيارة باتجاه المشفى........

حطت ايدها تحت راس اخوها ورفعتو لصار بحضنا شافت الدم كيف عبا كل ايديها … شقت كم بلوزتها وصارت تحبس الدم فيه حتى ما ينزف زيادة وهي كل شوي تقرب لجهة قلبو وتسمع نبضات قلبو الهادية كتير لحتى تهدا وتطمن انو ع القليقلة لساه عايش !
قربت لعندو وصارت تمسحلو على وجهو وتهمسلو ليفيق
أمان: حبيبي أحمد فتح عيونك مشان الله عطيني بس اشارة وحدة
Telegram:@rwayate
التفت الشب لعندها وقلها: حطي ايدك عند تمو وأنفو شوفي في نفس

عملت متل ما قلها وصارت تقرب ايديها وتبعدها عن وجهو بس ماحست بشي
أمان بصدمة: مافي نفس ياربي معقووول صرلو شي

الشب: بس انا شفتلو نبضو أنت راقبي منيح

أمان: وأنا حسيت في نبض

الشب: ثواني بس ومنوصل

رجعت حطت ايديها وصارت تراقبلو نفسو ونبضو لحتى بالنهاية حست بلفحة دفا خفيفة كتير
صرخت بصوت عالي: أي أي في نفس

الشب: تمام منتظم؟؟

أمان: لا ما كتير نفس خفيف بس

الشب: ضلي احكي معو يمكن يصحا
Telegram:@rwayate
رجعت تمسحلو على وجهو وخدودو وتهمسلو لحتى يفتح عيونو

خلال عشر دقايق كانوا بالمشفى دخلوا من جهة الاسعاف … وبسرعة البرق طلعو الممرضين من المشفى واخدوه على السرير النقال ليسعفوه

انهارت اعصابها وقعدت بالأرض وهي عم تبكي لما شافت أخوها لا حول له ولا قوة
قرب الشب منها وقلها ليهديها: لا تخافي مارح يصرلو شي الطابق مانو عالي اكيد مجرد جرح صغير

مسحت دموعها بكم كنزتها وقالتلو وهي عم تحبس بكوتها: بس هو لساه صغير جسمو ما بيتحمل

ابتسم ابتسامة رقيقة كتير وقلها: امشي ندخل لجوا لنعرف شو صار معهن

أمان: ما قادرة امشي اجريي انشلو

قرب منها ومسكها من ايديها ووقفها وبعدها سندا من كتافا ودخلوا على المشفى
الكل استقبلوه أحسن استقبال وهني عم يسلمو عليه ويحيوه
بالبداية استغربت من ترحيبن الحار وبعدين قالت يمكن معروف بهالمنطقة … وهالشي واضح من سيارتهن الغالية وبيتن الكبير.

بكل هيبة قرب لعند الريسبشن وحكا مع الممرض ليحجزولن غرفة
من بعيد قرب واحد لابس ابيض كان واضح انو الدكتور

الشب: اهلين دكتور طمني

الدكتور: ما بين معنا شي لسا عم يفحصوه وبدنا نعملو صور اشعة

كان عم يحكي ويأشر بأديه وشوي يلعب بمفتاحو وهو عم يسأل الدكتور عن حالة اخوها … واقف بمكانو وساند ايدو على مكتب الاستقبال بتيابو الرياضية التقيلة وشعرو الاسود المموج المايل للشقار

التفت لعندا وقلا: يلا نطلع على الغرفة نستنى ليجي اخوكي
Telegram:@rwayate
باجرين بترجف مشيت وراه وطلعوا بالمصعد الكهربائي وهو لسا ساندها من ايدها لان كانت رح تنهار من التعب ودموعها ما وقفو.
وصلو للطابق الثالث مكان الغرف … كانت الغرفة بصدر الطابق … لما فتحوها شافت قدام عيونها غرفة كبيرة بتشبه القصر وفيها سريرين
ما كانت مهتمة لكل التفاصيل من كتر توترها … دخلت وقعدت على السرير وهي عم تقلو: ما قالولك شو صار

جاوبها من دون ما يلتفت: دخلوه على غرفة العمليات

شهقت بغصة: شووووو !!! .. ليش شبو

#الجزء_التاسع (9) :
Telegram:@rwayate
#خفـــايـــا_بقلم_مروةآغا

بغرفة نوم توفيق وسناء اتجمعو الكل … كان توفيق رايح جاي بالغرفة وهو بقول: كيف هيك صار مستحيل … أنا الي سنين بخطط لهاليوم وهيك كل شي يروح بغمضة عين.

سناء: مشان الله لا يصرلك شي طول بالك

توفيق: كيف بدي طول بالي بعد يلي صاااار

قعدت سناء على سريرها وهي بتهمس: والله ما عم صدق كيف هيك صار اليوم والله كانت السيارة جاي باتجاهها كيف هيك طارت البنت ما فهمت

ليث: انا دورت منيح عليا ماشفت كيف اختفت

توفيق: هالبنت محظوظة كتير بس مابقدر خليها اكتر من هيك مستحيل اققدر قاوم. … هلق كيف بدي ارجع خطط لشي جديد اكيد مستحيل تطلع برا البيت بعد الرعبة يلي اكلتها

استغل كرم الوضع وقال: أنا عندي خطة جديدة

توفيق: شو هي

كرم: ابرة وحدة بتخليها تنام بالفرشة من دون ما تتحرك أبدا

توفيق: ويمكن يصرلها شي

كرم: لا هالابرة فيها مادة بتعمل اغماء مؤقت وهالمادة بتبطئ حركة الدماغ لحتى تصير فيه جلطة بس القلب بضل شغال ونحنا هاد يلي بدنا اياه انو دماغا يموت

كان ليث واقف بعيد وهو بياكل اضافيرو وبراقب الوضع كلو وهو بيرجف من القلق

توفيق: أنت متأكد انو ماحدا رح ينتبه لشي بالمشفى

كرم: لا هالمادة بتختفي من الجسم خلال ساعات… وأنا لشو الي سنين بدرس ما مشان ساعدك بهاليوم

مشي ووقف عند الشباك وهو بشوف خيال لصورة وجهو بالبلور وحواليه اتجمعوا سناء وليث وكرم وهني ناطرين جوابوا ليتحركوا

بعد تفكير لثواني همسلن: ماشي انا موافق روح جيب الابرة

متل الطيارة طلع كرم وركض وراه ليث وسناء حطت ايدها على كتف جوزها وهي بتهمسلو: معقول ترجع حياتنا تضحك متل قبل

توفيق: اكيد رح يرجع الفرح يملي هالبيت … انا تعبت يا سناء بتعرفي اذا ما نجحت هالمرة أيامي رح تكون معدودة

قربت ايديها لعندو وهي بتضمو وبتهمس: بعيد الشر عنك يا عمري … رح اعمل اي شي ممكن يساعدك المهم حياتنا ترجع تتبدل متل ماكنا منحلم ونحنا شباب.
Telegram:@rwayate
*****

ركب ليث بالسيارة بقرب كرم وهو بيسألو: شو بدك تعمل

كرم: سكوت لنطلع لبرا

لما اتسكرت بوابة الفيلا مشي بسيارتو بأقصى سرعة وطار باتجاه الصيدلية يلي بيشتغلوا معها

كرم: وأخييييرا رح تظبط الخطة يلي بخططلا من سنتين

ليث: برأيك رح تنجح هالمرة

كرم: أكيد

ليث: أنا شو دخلني هالمعمعة ما بعرف كنت عايش وكافي خيري وشري

كرم: وانت برأيك شو ذنب هالبنت تموت

ليث: ما ماتت هالبنت رح يموت حدا غيرها بعدين

كرم: وأنا رح احميهن كلن

ليث: بس قدرها جابها لهون شو نحنا ضوعنالا اخوها لتجي لهالبيت لتواجه هالمصير !!

كرم: ليث نحنا مستحيل نصير قتالين قتلة فهمان

ليث: ركا راسو على ظهر الكرسي وهو بفكر بحياتو كيف مرقت جوا هالبيت الكبير.


*****

بالليل بعدما انصرفوا الخدم دخلت سناء وبايدها صينية العشا
بلعت ريقها وهي بتفكر ( يا ترى رح تنجح الخطة الجديدة ولا لأ متل يلي قبلها !!)

قربت منها سناء وهي بتقول مع بسمة على شفايفها: اليوم تعبتي كتير ولازمك غذا

قعدت بقربها وهي بتكمل: وانا بدي طعميكي بأيدي

الأدريناليين وصل لحدو الأخير عند أمان وحست الدخان رح يطلع من ادنيها من الرعبة أول ما قربت سناء بكاسة العصير

بتردد رفعت راسها وحكي كرم عم ينخر جوا اذنيها

بلعت ريقها وبقبول شربتها شوي شوي وهي عرفانة شو رح يصير بعدين وبلشت تناجي ربها وهي بتاكل من ايدين سناء.

عشر دقايق بس … عشر دقايق كانو كفيلين بأنها تتخدر وما تحس بشي أبدا
Telegram:@rwayate
وقفت سناء عند الباب وهي بتفرك ايديها وبتناديهن
دخلو توفيق وليث وكرم بس قرب منها وهو متأكد انها غايبة عن الوعي بعد مفعول الدوا.

فتحلا جفونها وبلش يدقق فيهن منيح بمصباح صغير

ليث: ما حاسة على شي

كرم: لا أبدا

توفيق: تمام كل شي تمام

سناء: هلق فيك تضربها الابرة !؟

توفيق: أي يلا ليش لنستنى

قرب كرم وشوي شوي وضربها الأبرة
وقعد بقربها على السرير
وبقيوا الاربعة عم يراقبوها ويفتلو جوا الغرفة لحتى تنتهي المدة المحددة لمفعول الأبرة
من بعدها قرب ليث وبلش يفحصلا قلبا: كأن بلش بضعف

قرب كرم اكتر ومسكلا معصم ايدها وهو بقول: لا في نبض منتظم لازم نستنى شوي … ليث روح جبلي جهاز القلب
Telegram:@rwayate
نزل ليث وجاب الجهاز من غرفة المكتب
فكلا زرار كنزتها وركبلا جهاز القلب من دون ما ترف عينو لمكان تركيبو وبقي قاعد ليراقب نبض قلبها

نص ساعة مرت متل السم عليهن كلهن وهني بيستنوا متوترين وخيفانين

وفجأة جهاز القلب بيعطي صوت متقطع لنبض القلب

ليث: شو صار

وقف كرم وقرب منها وهو بحطلها المنفسة على تمها

توفيق: لك شو صرلو قلبها ليش ضعف !؟

كرم: يمكن قلبها ما اتحمل الأبرة

بلع ريقو توفيق وهو بقرب ليفحصها: شووووو … ما ع اساس انت بتعرف ودارس شو عملت فينا ياغبي

كرم: انا شفتن بيستعملوها بلندن بس يمكن لان نفسيتها تعبانة ما اتحملت الابرة