#همسات_قلبية_بقلم_رُلى_كوجك
@rwayate
الجزء الرابع
قرب من ابني ورفع عنو الحرام شوي شوي
سندس: شو عم تعمل هون
التفت لعندي بسرعة وطالع هو كمان سكين من جيبو
سندس: أحمد.. سعاد.. بسرعة اهربوا واركضوا لعند جارتنا
قاموا بسرعة وركضوا لبرا.. قويت ايدي عالسكين لما بلش يقرب مني وصرت ارجع لورا ركضت بسرعة وطلعت من البيت ونزلت عالدرج وهو عم يلحقني.. انقطعت الكهربا بالبناية وماعاد أعرف وين عم امشي.. بس كانت خطواتو عالدرج سريعة ورايي وأنا عم أركض.. أول ما وصلت عالشارع سمعت صوت أحمد عم يناديني بصوت واطي
أحمد: ماما ماما.. تعي لهون تعي
التفتت لناحية الصوت يلي جنب الزبالة ولمحت احمد.. ركضت لعندو وتخبيت ورا الحاوية.. ركزت نظري عالبناية ولمحتو عم يهرب لبعيد.. ما معي لا موبايل ولا شي..
سندس: ياولاد قوموا بسرعة
أحمد: ماما بدي قلك شي
سندس: مو هلأ.. خلينا نهرب
أحمد: ماما بتتذكري الكاميرا يلي جبلي اياها بابا.. انا صورت فيها هداك الاسود كيف عم يحاول يقتلك
سندس: معك ياها هلأ
أحمد: اي ليكيا
شفت أم محمد وأبو محمد جيرانا عم يتمشوا.. ركضت لعندن ووصيتن بالولاد.. أخدت الكاميرا وركضت مكان ماراح الملثم.. ضليت عم اركض لحد ما لمحتو جوا حديقة عم يحكي مع سهام وكاشف عن وجهو.. تخبيت ورا الشجرة يلي على يمينن وكان الصوت مسموع.. طالعت الكاميرا وبدأت الفيديو
+ هربوا
سهام: لك ياا أجدب كيف قدروا يهربوا ؟
+ ضرتك كانت عرفانة من الأول.. أنت عم تخدعيني ؟.. كانت مجهزة السكين عليي
سهام: حاج غباء.. كان لازم تخلص عولادا بعدين عليها
+ عطيني حسابي
سهام: بس تخلص عليها
+ بس أنا خاطرت بحياتي
سهام: ما الك شي عندي
طالع سكين من جيبو وطعنها ب بطنها.. بعدين على وجها طبع 3 طعنات.. نزلت السكين من ايدو.. حط ايدو على دانو وهرب..
------------------------
سندس: مرحبا ابو إبراهيم.. بقدر استخدم تلفون البقالة
أبو إبراهيم: تفضلي بنتي خدي راحتك
سندس: في حالة طارئة مطعونة بسكين بأكتر من مكان.. اي بحديقة الربيع بشارع 24..
بعد عشر دقايق وصلوا الإسعاف والشرطة وبوصولهن وصلوا أمجد وحماتي وعمي
أمجد: شوصاير هون ؟
سندس: سهام
حماتي: شبها ؟!
سندس: مطعونة بسكين ببطنها وبوجها
أمجد: شو جابا لهون؟؟ هي قالتلنا أنو رفيقتها رح تولد وحابة تكون معها
حماتي: انتي.. انتي أكيد يلي قتلتيها
قربت مني وصارت تدفشني لورا
حماتي: لككك أديشك حقودة.. انتي يلي قتلتيها.. غرتي منها

بعدتها عني وعيطت عليها
سندس: لك بعدي عني.. بعديي.. ما ناقصني غير مجانين
حماتي: شايف يا أمجد.. هي عم أنهان قدام عيونك وانت ساكت.. هيك ربيتك ؟
هجم عليي أمجد وصار يضربني قدام الرايح والجاية.. محدا منن قرب لينقذ الحق.. اكتفوا انهن يتفرجوا عليي كيف عم اتوجع.. كأنهن قاعدين بسينما عم يتفرجوا على فلم.. قربت الشرطة بسرعة وبعدوه عني وحماتي عم تضحك عليي
الشرطي: شو هاد؟ لكك أنت كيف بتتجرأ تضربها قدامنا.. يا بنتي انتي بدك تشتكي عليه ؟؟
تبدلت ملامح حماتي وصرخت
حماتي: لك شو تشتكي عليه.. وحد الله يا زلمة
سندس: أي حضرة الضابط بدي أشتكي.. في عندي كتير شغلات بدي قدما.. بس أول شي بدي جيب ولادي.. ركضت لبيت أبو محمد وانا عم امسح الدم يلي على وجهي
محمد: يا هلا تفضلي.. خير شبو وجهك
سندس: مافي شي.. بس ممكن تنادي للخالة
اجت من وراه أم محمد
أم محمد: خير يا بنتي شو هالأصوات ؟؟
سندس: في جريمة صايرة بالحديقة
أم محمد: لا حول ولا قوة إلا بالله
سندس: بس الله يخليكي بدي سعاد وأحمد
أم محمد: طعميتن وحممتن وهلأ عم يلعبوا مع ولاد محمد
سندس: ياريت تناديلي اياهن
___________
المحقق: تفضلي شو عندك ؟؟
سندس: أول شي بدي اشتكي على أمجد بتهمة ضرب..
المحقق: بينحبس فيها 3 شهور
سندس: اي هاد المطلوب
المحقق: بالنسبة لقضية سهام منأجلها لبعد ما تصحى
سندس: يعني الحمدلله لساها عايشة ؟؟
المحقق: اي.. بس وجها مشوه بالكامل والضربة اخترقت فقرة من العامود الفقري.. وماعاد تقدر تمشي

#همسات_قلبية_بقلم_رُلى_كوجك
@rwayate
الجزء الخامس
بعد مرور 3 أيام فتحت عيونا سهام.. الله لا يبلينا كانت مشوهة بالكامل.. وعلامات السكين بارزة على وجها..
سهام: أنتي يلي قتلتيني.. أنتي
سندس: حاج كذب
حماتي: من أول ما أجت سهام وأنتي بتغاري منها.. أنتي يلي عملتي فيها هيك
انفتح الباب بعد ما قلت اتفضل ودخلوا عنصرين من الشرطة
المحقق: عليكي العافية سهام خانوم.. بس ياريت تحكيلنا شو صار بالتفصيل إذا بتقدري..
سهام: كنا بالبيت أنا وسندس.. قالتلي في شي بالحديقة.. نزلنا أنا وياها لنشوف شو في ولا هي بتطالع سكين وبتضربني فيها.. وبعدا ما عرفت شو صار
سندس: يا مفترية.. انتي ما كنتي بالبي..
المحقق: لو سمحتي سندس خانوم.. ما تقاطعينا
سندس: -----------
المحقق: بس يا سهام خانوم قال أمجد انك رحتي لتوقفي مع رفيقتك يلي رح تولد
تلبكت سهام وما عرفت شو تحكي
سهام: أي.. يعني ولدت رفيقتي وأنا رجعت عالبيت.. تحممت وبعدين سندس أجت لعندي وأنت بتعرف الباقي
وقف المحقق وراح باتجاه الخزانة.. فتحها وطالع ملابس سهام وصرخ
المحقق: هي تياب بتلبسيها بعد ما تتحممي.. اااه ؟؟!
سهام: اي.. قصدي لا.. يعني انا لبسي كلو كان بالغسالة وما لقيت غير هدول
طالع المحقق الموبايل من جيبو وعمل اتصال
المحقق: اي.. ابعتلي صورة للخزانة يلي بالغرفة الشمال.. بعد دقيقة وصلت رسالة لموبايل المحقق..فتحها و ورجاها لسهام
المحقق: وهدول شوو؟
سهام: أنا تعبانة كتير.. إذا ممكن اطلعوا لبرا
المحقق: ليش عم تكذبي.. أحكي الحقيقة.. أحكي كلشي بالتفصيل.. كيف رجعتي من المشفى بعد ما ولدت رفيقتك؟
سهام: أخدت تكسي ورجعت
المحقق: مممم أي ساعة كان هالحكي
سهام: الساعة 1 بالليل
المحقق: رجعتي تكذبي.. لككككك 1 بالليل ممنوع تمشي التكاسي بهيك وقت
سهام: اطلع لبرا إذا ممكن.. بعدين بتحقق معي
قام المحقق وطلع لبرا وهو معصب.. بعد 3 ساعات اجا شرطي وطلب ياخدني.. لأنو المحقق بدو يستجوبني
طلعنا بالسيارة وضلينا عم نمشي وانا كنت كتير مبسوطة أني رح قدم الدلائل يلي معي.. لحد ما انحرف لمكان شبه مقطوع
سندس: لوين اخدتني
+ هههههههه بدي كمل المهمة يلي وكلتني فيها سهام

#همسات_قلبية_بقلم_رُلى_كوجك
@rwayate
الجزء السادس
سندس: نزلني هون
+ بأحلامك
وصلنا على مخزن قديم كتير.. نزلني من السيارة.. دخلنا لجوا لقيت مليان بنات متلي باين على وجوهن التعب والإرهاق.. ما كنت عرفانة شو أعمل.. وكنت خايفة كتير على الكاميرا يلي معي.. قعدني عالأرض وحكا بصوت عالي
+ ضيفتنا الجديدة
مر الوقت لحد ما صارت الدنيا ليل.. دورت حواليي لحد ما لقيت بنت صغيرة
سندس: نحن لازم نهرب
- كيف بدنا نهرب
سندس: تعي حبيبتي تعالي
مسكتها امها من ايدها بخوف وقالت
- شو بدك من البنت
سندس: بدي اياها تهربنا.. هي الوحيدة يلي بتساعدنا
- كيف
سندس: شو اسمك حبيبتي ؟؟
- وردة
سندس: هاد الشباك الصغير محدا بيقدر يمر منو غير وردة.. منكسر الشباك وبتنط وردة وبتفتحلنا الباب من برا
- طيب يلا بسرعة
كسرنا الشباك ورفعنا وردة.. نطت لبرا وبالفعل فتحتلنا الباب.. طلعنا كلنا وضلت أم وردة لآخر شي.. وبوصول يلي خطفنا.. طالع سلاحه وقتل أم وردة.. غمضت وردة عيونا بخوف وحملتا وركضت فيها.. أول ما وصلنا للشارع العام طلعت جوا باص وقعدت.. سحبت أنفاس متتالية.. وقفنا بنص المدينة.. وفوراً رحت على ركز الشرطة.. قعدت مع المحقق و عطيتو الكاميرا ليشوف.. اندهش لما شاف الفيديو.. وانا كنت مبتسمة.. بس ابتسامتي اختفت لما قال
المحقق: الشغلة عويصة.. هاد المحقق إياس
سندس: كيف يعني
المحقق: هاد ابن رئيس الوزراء.. بيتشغل محقق معنا
سندس: ايه.. يعني هو مو بس عليه جريمة قتل.. عليه جريمة خطف كمان.. وليك هي وردة.. احكيلو وردة لعمو
وردة: ----------------

يتبع..

#همسات_قلبية_بقلم_رُلى_كوجك
@rwayate
الجزء السابع والأخير
وردة ما نطقت ولا بكلمة.. كنت مقدرة حالتها.. امها ماتت قدام عيونها بالضبط..
سندس: بتوقف بوجه القنوان؟!
المحقق: القانون بوقف بوجه القانون.. مو انا
سندس: عندي دليل
المحقق: رح أبذل جهدي.. وقدمو للجهات العليا
سندس: يعطيك العافية
المحقق: ولو هاد واجبي.. بالنسبة للبنت وردة
سندس: أمها أمنتني عليها قبل ما تموت
المحقق: برأيي تعرضيها عطبيب نفسي.. ورح ابعت وراكي مجموعة من عنا مشان تحميكي
سندس: بصير خير.. السلام عليكم

أول ما طلعت من المخفر تذكرت أولادي.. وين ضلو أولادي
أخدت تكسي وفورا عالمشفى.. دخلت عالغرفة ما لقيت سهام.. سألت بالاستقبال قالولي انها طلعت من 4 ساعات والاولاد معها
رجعت عالبيت و وردة كانت متمسكة بايدي.. كل ما بدي فلتها ترجع تمسكها بأقوى ما عندا من قوة.. أول ما دخلت لقيت أحمد وسعاد نايمين.. بس صوت نفسهم كتير ضعيف.. الخوف طغى على قلبي.. اتصلت بأمي وطلبت منها تجي فوراً.. كتير حاولت صحيهم بس مافي أي استجابة.. وصلت امي ووصيتها ب وردة.. حملت ولادي وفورا عالمشفى.. خوفي كان هالمرة أكبر.. مابدي اخسر روحي للمرك التالتة..
الطبيب: اهدي يا مدام سندس اهدي.. الولاد مافيهم شي.. هاد مجرد منوم جرعة قوية.. وباقي لمفعولو 4 ساعات وبروح.. ياريت تخليهن هون حتى نكشف عليهن بعد ما يفيقو
سندس: الله يبشرك بالخير يادكتور.. يعطيك العافية
الطبيب: هاد شغلي
فاقوا سعاد وأحمد وشافهن الطبيب وقال مافيهن شي.. اطمن قلبي واخدت الولاد معي.. طبعا كانت سيارة الشرطة ورايي
دخلت عالبيت كانت امي نايمة... عشيت الولاد ونيمتهن وقعدت اتأمل الشباك.. حركة شاذة عم تصير.. في حركة بالحوش.. ركضت بسرعة وفتحت البلكون.. كانوا رجال الشرط. ال 4 مقتولين.. وفي حدا عم يتحرك.. مشيت بسرعة عالمطبخ بس تفركشت بالعاب الولاد.. فاقت امي مرعوبة.. هديتها وقلتلها تاخد الولاد وتقعد بقبو جوا الخزانة.. انا كنت عاملتو من قبل مشان آخد فيه راحة انا و ولادي بدون محدا يزعجنا.. نزلتن لتحت وقفلت عليهن.. وطلعت ، وقفت ورا الباب لما اندفش.. دخل ذات الشخص.. هالمرة قوتي اكبر من أي شي.. مافي توتر.. السكينة بايدي ثابتة.. والهدف قريب..
______________________________
المحقق: مدام سندس.. انتي طعنتي ابن رئيس الوزراء
سندس: كنت عم دافع عن حالي
عصب المحقق وردة فعله كانت مو طبيعية
المحقق: بدك تقولي مافيني ضمير.. صح؟ انا فيني ضمير.. بس هيك هون الدنيا.. الغني بياخد يلي بدو اياه.. حتى لو وصلت الشغلة لأرواح الناس بياخدها.. بياكل لقمة الفقير.. الغني بيملك السلطة كاملة.. محدا بيتدخل بقراراتو.. وانا بدل ما أدي واجبي بكل اخلاص وعزيمة.. صارت مهمتي اني احمي هدول الناس من العدالة.. شو اعمل.. بتحبي تحكي شي.. هاا جاوبيني
سندس: يلي بدك تعملو هو انك ترضي ربك ثم ضميرك.. بعدو مابهمك حدا
قلت هالكلمتين وطلعت.. المحقق جواد هو بعمر ابي.. شخص حكيم ومبين عليه درويش.. بتمنى يحل قضيتي.. حطوني بالمنفردة.. اول مادخلت تذكرت امي وولادي.. يا سجانة.. بدي المحقق ضروري
السجانة: شو لا يكون عمك ومابعرف
سندس: بدي اعترف بشي..
اخدتني السحانة. لعندو وأول ما دخلنا مسح دموعو بسرعة
سندس: يا عمو الله يخليك.. امي واخواتي محبوسين تحت الشقة
_______________________________
المذيع: سقوط طائرة محملة. بالركاب فوق سطح البحر.. ومن ضمن الركاب ابن رئيس الوزراء وائل كلفي.. وكان بمرافقته شابة تدعى سهام البقنجي.. سنوافيكم لاحقاً بآخر الأخبار
________________________________
سندس: امي.. بتعرفي انو البنت بلا رجال أقوى.. هلأ انتوا عليتي.. خليكن معي..
امي: مستحيل نتركك لو شو ماصار

الحمدلله وردة تابعتا عند طبيب نفسي والشغلة ما اخدت شهرين.. وردة هلأ بتعاملني متل امها.. كتير بتشبه بنتي نور يلي وافتها المنية.. نفس العيون ونفس الشعر.. ولادي أنور ونور مو بعاد عني.. انا كل يوم بحاكيهن قبل ما نام وبحلم فيهم.. وبهمسلهم همسات سرية.. هي يلي بتتسمى بالهمسات القلبية بس بين قلبي وقلوبهم.. مافي حدا تاني معنا
#انتهت
سندس هي مثال للمرأة. المكافحة.. كتير واجهت مشاكل كبيرة بس قدرت تتجاوزها.. حبت تعرض علينا قصة حياتها لتتعلموا الصبر والقوة

#همسات_قلبية_بقلم_رُلى_كوجك
#واقعية
@rwayate
الجزء الأول
اي والله دنيا.. مبارح كنت عم العب ونط بين البساتين وهلأ بلاقي حالي تحت مسؤولية كبيرة الها اول ما الها آخر..
تزوجت وانا بعمر ال 24.. والحمدلله الله لسا ما كرمني بطفل ينور عليي دنيتي.. صرلي 3 سنوات وانا متزوجة ولسا ما حملت.. خلال هالفترة كنت دائما اسمع حكي من حماتي انو ما بجيب ولاد ومن هالحكي.. بس انا متيقنة وعندي ايمان كتير كبير انو هاد نصيبي والله يقدر ما يشاء..
أمجد: ياا سندس.. ليكي جبتلك خضروات.. اعمليلنا شي طبخة.. اليوم امي جاية تتغدا معنا
سندس: بتشرفنا اهلا وسهلا
اخدت من ايدو الغراض ودخلت عالمطبخ وبدأت اشتغل.. اجت حماتي وانا بعد ربع ساعة حطيت الاكل عالطاولة وقعدنا..
ام أمجد: لك ابني ايمت بدي بدي اسمع كلمة تيتة من ولادك.. انت وحيدي يعني معقول تضل هيك
أمجد: يا أمي يا حبيبتي والله الشغلة مو بايدنا.. اكيد ربنا هو يلي بدو هيك
كنت عم انقل نظري بينهم.. وماعم اهتم لحديثهن اصلاً.. انا قايمة بواجبي والباقي على الله سبحانه وتعالى.. بعد ما خلصنا غدا اجيت لقيم الصحون بس حسيت بلعية نفس.. وقع من ايدي الصحن وماعدت حسيت على شي..

وعيت على مباركات الناس وانا بالمشفى.. اي.. فرحة عمري طلعت حامل.. شكرت الله كتير على فضله وكرمه.. طول فترة الحمل كنت عم داري الجنين بكل عناية واهتمام.. وضل ادعي الله انو يخلقلي اياه سالم ومعافى.. مرت ايام حملي بسرعة لحد ما دخلت بالشهر التاسع.. اجاني الطلق والحمدلله تيسرت ولادتي وتنورت دنيتي ببنتي نور.. سميتا نور لأنو عنجد نورت الغرفة اول ما خلقت.. وجها الأبيض الملائكي كان كافي لينور كل المشفى.. أي حدا بيمر بيصلي عالنبي.. كانت آية من الجمال..
حماتي ما كان عاجبها وضعي أبداً وكانت تضل تحكي مع أمجد.. بيوم اجت لعنا ورحت حتى وديلن فنجان القهوة وسمعتن شو عم يحكوا
أم أمجد: شايف يا ابني.. هي ام البنات.. الظاهر ما بتخلف صبيان ابدا
أمجد: لك يا امي شو عرفك انها ما بتخلف صبيان.. بعدين هي مشيئة الله.. لبقا تفتحي هالموضوع رجاءاً
أم أمجد: لك اقسم بالله اذا ما بترضى تتزوج لا انا أمك ولا أنت ابني
أمجد: استغفر الله العظيم واتوب اليه.. شو بدو يكون موقفي من سندس.. بس احكيلي
بدأت تندب وتصتنع الدموع
أم أمجد: هي سندس ام البنات صارت اهم مني.. اي والله الدنيا فجأة بتتغير.. اجت مين تاخد عقل ابني ويصير يفضلها عني
ضلت تحكي من هالحكي طول القعدة لحد ما اعطاها موافقتو وما طلعت الا وهي مفكرة انها منتصرة.. كل هاد كنت عم اسمعو من ورا الباب..انا ما كان هاممني ابداً.. دخلت على غرفتي ومسكت نور بين ايدي.. صار عمرها 3 شهور.. ما بيعنيلي شي انو رح يتزوج.. كل يلي بهمني هو بنتي نور.. تزوج امجد بعد 4 شهور من هالحكي وهون كان عمر نور 7 شهور.. بسمتا الملائكية كانت تكفيني لانسا كلشي حواليي وضل اتطلع فيها واشبع نظري منها.. بستها على خدها وطلعت لبرا الغرفة.. نضفت البيت وطلعنا نتمشى شوي بحديقة البيت..
لعبتا شوي ورجعت لجوا.. نور كانت بنت بريئة كتير.. كل ما تشوف حدا تضحكلو بدون سبب.. ما كانت تزعجني ابدا ولا تسبب مشاكل ولا تأذي.. وين ماروح تضل متعلقة برجلي وهي عم تضحك وتمشي ورايي.. صار عمر نور سنة ونص.. وكل ماعم تكبر كل ماعم تحلى.. عيونا الخضر يلي متل الجنة وشعرها الطويل الدهبي كان كافي ليخلي أي حدا يمر يثني على جمالها.. بلشت تمشي منيح بس لسا انا ما اطمنت عليها وما بسمحلا تمشي لحالا.. بيوم طلعنا انا ونور وأمجد.. قعدنا شوي عالكراسي بعدين صرنا نتمشى.. كنت مشتهية بوظة وحكيت مع امجد
سندس: امجد انا رايحة اشتري بوظة من هون.. رح اقطع الشارع واجي.. خليك هون انت ونور وانتبه عليها..
امجد: طيب
قطعت الشارع وانا عم اطلع بنور وهي عم تبتسم ابتسامتا الملائكية المعتادة
اشتريت بوظة بطابتين.. ورجعت.. لما اجيت بدي اقطع الشارع.. تركت نور ايد ابوها ونزلت عالشارع.. عم تمشي متل الفراشات وشعرها الدهبي عم يتمايل معها وعيونا عم يضحكولي.. لابسة فستان أخضر ناعم عاكس لون عيونها وجسمها الصغير عم يمشي لعندي بكل خفة.. وقعت البوظة من ايدي.. صرت صرخ (( أمجد انتبه )) .. ما لحق امحد يلتفت إلا كانوا الكل مجتمعين على خبر موت طفلتي حبيبتي نور..مو مصدقة.. اكيد في غلط.. متأكدة.. بنتي ما ماتت.. قربت عليها وبعدت كل الناس عنها.. حملتها بين ايدي وصرت قلن (( كذابين.. بعدوا من هون.. تركوني انا وبنتي لحالنا.. بعدوو))
قعدت عالرصيف وبدأت اتأملا ودموعي انهمرت على وجها الملائكي يلي مازالت البسمة مرسومة بشكل أنيق عليه.. ضميتا لصدري ومازلت عم كرر
سندس: بنتي عايشة.. ما ماتت انا متأكدة.. قومي نور حاج تمزحي معي يلا

#همسات_قلبية_بقلم_رُلى_كوجك
@rwayate
الجزء الثاني
راحت بنتي واخدت سعادتي معها من أول وجديد.. كملت أيامي جسد بلا روح.. ما كان فارق معي شي.. بس ايماني قوتو بتغلب أي شي.. مرت الأيام وبدأت انسى وجعي.. لحد ما حملت بتوم.. كتير فرحت وانزرع الأمل بقلبي من جديد.. كنت اهتم فيهن بشكل كتير كبير لأني كنت خايفة عليهن.. مرت ولادتي بخير وجبت أحمد وسعاد.. صرت ما طالعن برا البيت أبداً.. كنت كتير حريصة عليهن وضل اتذكر شو صار بنور.. ولادي بلشو يكبرو وحبن للاستكشاف بدأ يكبر معن.. كانوا يحبوا يطلعوا لبرا بس انا ما اسمحلن أبدا..
أحمد: امي.. يوثف ابن خالتو ثهام.. مرة قلي روح معو مثان يذبلي ثوكولا.. انا رحت معو بث هو اخدني عمكان بعيد وصار يضربني
سندس: ايمت هالحكي
مسكتو من كتافو وبدأت هزو لحد ما بلش يبكي بصوت عالي.. شلت ايدي عنو ومسحت على وجهو بتوتر.. شلحتو كنزتو وكان عليها آثار ضرب كتير قوية.. ضميتو لحضني وصرت ابكي
سندس: حبيبي مو نبهتك ما ترضى تروح مع حدا
أحمد: بث هو اخدني لبرا.. انا كتير بحب ثوف ثو في برا.. انتي ما بتاخدينا أبداً
وقتها أدركت انو اسلوبي مع ولادي كان غلط.. بدأت طالعن معي لبرا بس ضل ماسكة فيهم وما اسمحلن يبعدوا عني.. وأكتر من حديقة البيت ما طالعن.. بيوم اجا أمجد يتغدا عندي
أحمد: شغلي عم يخرب أكتر وأكتر يا سندس.. لازم ننتقل على بيت أصغر..
سندس: اي براحتك.. ما فارقة معي
وفعلاً استأجرنا بيت قديم كتير بس فرشو مقبول.. كان صعب على ولادي ينتقلوا من مرحلة الترفيه لهالمرحلة.. رحعت حملت مرة تانية بس كانت ردة فعل أمجد غير
أمحد: لك ما شايفة حالنا كيف صار.. شلون بدي لحقلو مصروف لهالولد التالت كمان
سندس: انا ماني بحاجتك.. وانا رح جيب مصروف لولادي.. انت لو تشوف يوسف ابن مرتك التانية سهام شو عامل بابني..
رفعت كنزة احمد وتفاجأ شوي أمجد
أمجد: اي أبصر شو حاكي ابنك
سندس: الحق صار على ابني؟.. لك هاد تربايتي.. انقلع برا البيت يلااا
طلع أمجد برا البيت وماعاد شفتو لأكتر من 5 شهور.. كنت عم اصرف عولادي من مصاري مخبيتا من زمان.. مرت شهور كمان وصارت ولادتي.. امي كانت معي بالشهر التاسع لهيك فورا نقلتني عالمشفى.. وبوقتا جبت صبي تاني.. شفت امجد اول ما فقت وحاول يعتذر مني بس انا ما وافقت.. وسمينا الولد أنور..
ولادي كبروا.. أحمد وسعاد صاروا 4 سنين.. و أنور صار سنتين.. بلشوا يخلصوا المصاري يلي معي لهيك اضطريت انزل دور عشغل.. بعد اسبوع حصلت على شغل مرتب بس متعب كتير.. ورشة خياطة.. كنت اشتغل طول الوقت واترك ولادي عند امي.. بس ما توقعت انو مرت اخي كانت بتكرهني كل هالقد.. جبت ولادي من عند امي وشكرتا.. أول ما وصلت عالبيت راحت سعاد قعدت عالكنباية بعيد وقلبت شفايفا كأنها رح تبكي..
رحت غيرتلن لأحمد وأنور ونيمتن.. بعدين قعدت قدام سعاد وصرت حاكيها
سندس: شبها حبيبة الماما؟
رفعت كتافها بمعنى (( لا ))
قربت منها وحكيتلها
سندس: مو نحن اتفقنا نكون رفقات؟ مو بحكيلك أسراري ؟.. ليش انتي ماعم تحكيلي
سعاد: بحكيلك بس ما بتقولي لحدا ؟
سندس: اكيد حبيبتي..
قربت على داني وهمست بكلمات كهربتني..
سندس: سارة مرتخالك هيك عملت؟
سعاد: اي ماما.. عطتني مثاحة وخلتني اثتف كل البيت.. وكانت تذيد كل ثوي منظفات.. لحد ما وقعت بثبب المي.. ماما الله يخليكي لا تاخديني مرة تانية لهنيك
ضميتا لحضني وصرت ابكي هالحال يلي انا فيه.. لهيك قررت جيب امي لعندي وهي تقعد معهم.. مرت الأيام والحمدلله أموري كانت ماشية.. وأمجد ما شوفو الا مرة بالاسبوع.. وبيوم كنت جايبة فطاير وانا راجعة من الشغل.. رفعت نظري عالبناية لفوق لقيت أنور عم يلعب عالبلكون.. اول ما شافني صار ينط.. وسور البلكون مو عالي أبداً.. ركضت بسرعة وشلحت جاكيتي وفردتو ومسكتو.. نشف الدم بعروقي وانا عم عيط
سندس: أنور انتبه..
متل ما توقعت.. وقع ابني بس الحمدلله وقع عالجاكيت.. كان لونو مخطوف وكل اهل الشارع اجتمعو حواليي.. وجهو صار لونو ازرق كلو.. نزلت امي هي وسعاد وأحمد بسرعة لعندي.. طلبنا الاسعاف بس للأسف ما لحقوه.. نشف الدم بعروقه لما وقع واجته صدمة من الخوف والرعب.. رجعت خسرت ابني الصغير.. خسرت قطعة من روحي.. ما كنت اطلع من غرفتي ابدا.. وشغلي اخدت اجازة منو.. مر 3 شهور وتقلعت من شغلي
أحمد: امي والله كتير جوعان.. كمان نحن زعلانين على أنور بس انستنا الديانة قالت انو شو ما صار لازم نقول قدر الله وماشاء فعل.. ومالازم نوقف حياتنا..
كلام احمد أثر فيني كتير.. خلاني اطلع برا البيت لأول مرة بعد موت أنور.. تسوقت وجبتلون العاب كتير وجبت خضرة.. طبختلن وصرت لاعبن.. وكل ما شوف أحمد اتذكر أنور فورا.. كتير بيشبهو..
ومرت الأيام لحد ما اجا أمجد اعندي
أمجد: امي مريضة كتير وانا مامعي مصاري.. انتي وسهام رح تروحوا تقعدوا عندها بنفس البيت

يتبع..

#همسات_قلبية_بقلم_رُلى_كوجك
@rwayate
الجزء الثالث
قبلت بدون أي اعتراض وخلال 3 أيام كنت قاعدة عند بيت عمي.. وكانت لأول مرة بشوف ضرتي سهام.. ما كانت أجمل مني بس هيك الله قدّر.. كنت أتجاهلا وكأنها مو موجودة.. هي تقعد تتمكيج وأنا نظف البيت واعتني بحماتي.. وبيوم
12 / 4 / 2008 كنت عم نظف الدرج وانا حامل بالشهر الثاني.. اجت سهام ابتسمت ابتسامة خبث بعدين راحت.. ما فهمت شو كان بدها وكملت تنظيف عادي.. رجعت مرة تانية وبايدها مكنسة ومساحة.. وقالتلي بدها تساعدني.. مسكت المساحة وصارت تمسح ورايي.. ما كنت مطمنتلها أبداً.. فجأة بدون سابق انذار بتدفش رجلي بالمساحة وبوقع من أول الدرج لآخرو
.........
الدكتور: للأسف الجنين مات
سندس: كيف؟
الدكتور: أصلاً الجنين كان بحالة خطرة لأنك عم تتعبي كتير
أمجد: قدر الله وماشاء فعل
صرت أصرخ بصوت عالي وأنا عم أبكي
سنسد: كلو من سهام.. هي دفشتني بالمساحة.. هي السبب
سهام: الله يسامحك يا سندس.. انا قلتلك انزلي انتي عالبيت وانا بكمل عنك بس انتي نزلتي بسرعة ووقعتي
بدأت تبكي وتنوح وهي عم تقول
سهام: فوق ما حبيت ساعدك هيك عم تحكي.. انا حبيتك بس انت شكلك ما هضمتيني.. امجد.. الله يخليك انا ماعاد متحملة.. رجعني عالبيت 😭 😭
أمجد: اهدي حبيبتي اهدي.. شايفة سندس خانوم شو عملتي
ابتسمت ابتسامة خفيفة.. اي هي ابتسامة الوجع.. خرجوني بعد 4 أيام.. راحوا سهام وأمجد وعمي وحماتي يتعشوا برا وتركوني لحالي.. وأول ما دخلت عالبيت لقيت ولادي من وقت ما كنت بالمستشفى مو متحممين وجوعانين كتير.. حممتن وطعميتن بعدين دخلتن ليناموا
أحمد: ماما لا تزعلي.. خلص نحن جنبك..
ابتسمتلو وغطيتو.. طلعت لبرا عالبلكون وقعدت شم هوا.. كانت الساعة 10 بالليل ولهلأ محدا رجع.. فيقت ولادي مشان أتونس فيهم..
حمصنا بزر وقعدنا نحكي ونضحك..
أحمد: هففف لو كان أنور معنا.. كان هلأ عم يضحك معنا
غصيت كتير وتشردقت بكاسة العصير يلي عم اشربا.. هربت مني دمعة على خدي وحضنت احمد.. مر وقت طويل.. اطلعت عالساعة لقيتها 1 بالليل.. قمت بسرعة من مكاني مشان دخل الولاد عالنوم.. أول ما وقفت لمحت حدا لابس اسود عم يدخل بسرعة عالبناية ومعو وحدة.. اخدت ولادي بسرعة وحطيتن بتختن وغطيتن.. رحت اطلعت عالعين الساحرة لقيت سهام ومعها شخص متلتم وعم يحكوا عالدرج وهنن متوترين وسهام عم تأشرلو عالشقة تبعتنا.. بعد دقيقة سهام غادرت المكان والشب قرب من الباب ومسك سلك بأيدو وصار يحاول يفك القفل.. انرعبت وبسرعة ركضت عالمطبخ.. حملت سكينة كبيرة بايدي وتخبيت ورا باب الدار.. انفتح الباب ومشي الشب لقدام.. صار يلتفت حواليه لحد ما ركز نظرو على غرفتي.. مشي بهدوء تام.. وفتح باب الغرفة.. دخل لجوا وانا قربت أكتر لشوف شو عم يعمل والسكين رح توقع من ايدي من كتر الخوف

يتبع..