#وعده
#sheema_bk 💛
الجزء الرابع عشر ..
بفيق باليوم التالي وقاعدة عم افطر
يزن:جهزي حالك اليوم جايكي عريس ويزن انسيه
سيلينا:نعم
يزن:متل ما سمعتي وان شاء الله تحاولي تفشليني
سيلينا:بابا
صبحية:العريس من طرفي عمرو 30كتير حلو مهندس
سيلينا:انتي بالذات لا تدخلي شو هاد يا شو هالبيت بابا انت من ايمت هيك انا غير يزن ما رح اخد فهمو
يزن:بتيجي لعندي وبتقولي موافقة ليكني عم قلك ياها
تركتهم وطلعت عالغرفة يلا اجا مين يدمرلي حياتي قعدت عالتخت وبلشت ابكي معقول ما نكون لبعضنا انا وعماد معقول اتصلي عماد
عماد:كيف صرتي
سيلينا:بالاسوء يا عماد😭
عماد:(ببرود)خير
سيلينا:ولا شي
عماد:طيب ع راحتك
سكرت معو وانا مصدومة تماما شو م يصير هون ليش هيك الكل عم يتصرف بوحشية انا اذا بهرب بكون احسن دخلت لاتحمم لان بالحمام بترتاح نفسيتي شغلت المي وبلشت تختلط مع دموعي ما حسيت قعدت بالحمام بس قعدت مدة طويلة تحت المي يعني فيكن تقولو كل اليوم عنجد كنت تعبانة وعماد ما عم يهتم فيني ومدايقة كتير من الكل كانت عم تدور ببالي اهرب طلعت تسطحت وشغلت التلفزيون لا بابا ولا عماد اجو ليراضوني وكانو انا الغلطانة بلشت تمرق الايام عماد لا عم يتصل ولا عم يبعت رسائل وتغير 180درجة معي اما بابا ف م عم احكي معو والي بقولو عنا امي كنت رح ادبحا دمرت حياتي مرق اسبوع وحياتي باردة بس طق لانو عماد ما سال عني قعدت مع حالي انا هنت عليه اسبوع كامل ولا سال عني الاحسن انو اتركو هوا ما عاد بدو ياني بدخل علي بابا
يزن:بكرة جاين يكتبو الكتاب
سيلينا:(ببرود قاتل)ههه اي ان شاء الله الله بياخدني لارتاح بيكون هيك منيح ما🌚ههه ضحكتني والله مرة قدرت تضحك عليك
يزن:ما رح مد ايدي عليكي ماسك اعصابي
تجاهلتو وطنشت اتصلت بعماد
سيلينا:مرحبا كيفك عماد
عماد:(ببرود)خير شبدك
سيلينا:ما بدي شي حاكيتك لنترك
عماد:ليش
سيلينا:لانك بارد تركتني اسبوع ما عمنحكي ولا بتسال عني وهلق شو عبترد علي بكل برود
عماد:(بصوت مخنوق)حتى انتي
سيلينا:انت من طريق وانا من طريق
عماد:(بصوت تعبان)سيلينا
سيلينا:(بصوت عم ابكي)انا عرسي الاسبوع الجاي اهلي غصبوني وانت ما اهتميت وعدتني بس ما كنت قد وعدك يلاا موفقة بحياتك وفرصة سعيدة
عماد:طيب متل ما بدك
سكر بوشي وهاد خلاني عصب واتدايق اكتر واصر على انو ما عاد حاكي ابدا وقفت ع شباك غرفتي اخدت نفس عميق وبلشت ابكي ما عم اتحمل شي انا هلق صار بدي موت واخلص انا هلق كرهت كل شي انا هلق ما عاد بدي عيش ضليت فايقة ما نمت كنت متدايقة كتير دخل علي الصبح بابا
يزن:جهزي حالك سيلينا
سيلينا:(بدون ما التفت عليه وانا شاردة ببرود وحزن ودمعتي نازلة)طيب
طلع بابا وما اهتم بابا تغير كتير كلو بالنهاية تغير ما حدا بقي متل ما هو ضليت واقفة عالشباك وبلشت هالسيارات تجي واجا اكتر من شخص ما فهمت شو عم يصير بس كان في كتير سيارات وتصوير ودي جي وناس كتير اجت بتدخل دنيا
دنيا:مبروك
سيلينا:(مسحت دمعتي وابتسمت ابتسامة باردة)هه الله يبارك فييكي شو كل هي الناس
دنيا:بصراحة اليوم خطبتك وكتب كتابك بنفس الوقت
سيلينا:شووووو هه
دنيا:شبك
سيلينا:ولا شي
دنيا:المهم البيك حكالي حطلك فستانك هون وغراضك قال شوي وحتدخل الكوافيرة وتجهزك
سيلينا:عنجد حلووو
حتى دنيا تغيرت توقعت تكون الي رفيقة بس خذلتني كمان وغدرتني فتحت الكيس لشوف الفستان يلي رح البسو وانا مقهورة بس كل شي قتل كل النار الي بقلبي💔
•
صفنت بالفستان وتخيلت حالي مع عماد وكنت رح كون احلى عروس تخيلت وقت الي البسو واطلع لبرا ويلبسني الخاتم وانكتب ع اسمو تخيلت هالشي الحلو ببساطة لانو الاشياء الحلوة ما بتيجي غير بالخيال
•
صحيت ع شرودي ع صوت الكوافيرة
الكوافيرة:لو سمحتي خليني بلش
سيلينا:(وانا عاقدة حواجبي هزيت ب اي )
قعدت عالكرسي بلشت تشتغل شغلها وانا بس صافنة ودمعتي عم تنزل بدون صوت بصمت بلشت تشتغل بشعري وقفتا
سيلينا:شعري ناعم لا تعملي سشوار
الكوافيرة:طيب اعملك فير
سيلينا:ولا فير خلي مفرود ما تعملي فيه شي
الكوافيرة:طيب
اجت تشتغل بوجهي عملت ميكب خفيف وانا دمعتي عم تنزل ما قدرت امنعها كل شوي يخرب الميكب
الكوافيرة:لو سمحتي لا بقى تبكي لانو عم تخرب الميكب
هزيت بمعنى اي وضليت صافنة وساكتة وصامتة عالاخر لحد ما حسيت بدنيا عم تنكشني لاقوم البس البست وانا مالي نفس طلعت حوالي توقعت عماد يعمل متل الافلام ويجي ينقذني بس لاء كل شي انتهى
.
دخلت والكل موجود انصدمت متى لحقو يعزمو خلوني اقعد جنبو وانا مو طايقتو كيف رح طيقو يكون زوج الي ما قدرت اطلع فيه كان استغفر الله بشع كتير بس معو مصاري وهاد الي شد ابي يزوجني ياه كبير بالعمر وانا عم امشي تجاهو الكل عم يحكي (بنت بعمر لورد والحلا هاد عم تاخد هاد عنجد الله يعينها) طلعت عليهن قعدت جنبو بدون ما اطلع فيه
هو:نورتي
سيلينا:...
هو:عراحتك
يحكي وانا ضل ساكتة اجا الشيخ دغريي يالله بابا استنى شوي يمكن يجي فارس احلامي
يتبع الجزء الخامس عشر ..💛

#وعده
للكاتبة #شيما
#sheema_bk 💛
الجزء الخامس عشر ..
كتب كتابنا وبارك وراح ياريتك لو بتاخدني معك وتخلصني من هالحياة حطو اغاني وبلشو الكل يرقص وانا مكشرة وزعلانة ومدايقة كتير هاد نصيبي وانا لاوم اقبل فيه دمرو حياة عشان سعادتهم
.
ما رح اوصفلكن قديش كانت مبسوطة يلي بقولو عنا امي لانو من طرفا اجا ليلبسني الطوق
سيلينا:(بعدت بمعنى لا)
هو:مو ع كيفك انا رح صير زةجك عالاقل قدام الناس لا تخجلينا وتفضحينا
سيلينا:(هزيت بمعنى اي)
قرب مني وانا مو طايقتو لبسني الطوق حسيت الدقيقة مرت اربع وعشرين ساعة ما بتتخيلو قديش كنت كرهانتو بلشت تمرق الحفلة
.
الوقت عم يمرق شوي شوي لحد ما بتنتهي الحفلة وما ببين عماد بعد ما الكل روح دخلت عالحمام ضليت افرك بجسمي وبحالي لاني قرفانة منو تماما بكيت وخبطت ايدي بالحيط لحد ما صارت توجعني وطلع دم لان اجت عالحديد قمت طلعت وانا مو حاسة عحالي شو عملت ماني بوعي ابدا ما بعرف كيف عصرت الليمون عالجرح وهون حرقني لدرجة صرخت
سيلينا:(بصوت قوي ومخنوق)ولكككك ااخخخخخخخخخخخخخ
ما حدا اجا ليطمن ابدا
سيلينا:(بصوت غالي وكلو صراخ وانا عم ابكي)ولك انتو ما بتحسووو😭 انتو بتشبهو كل شي الا البشر ..😭😭لك انا يكرهكم وبكره الكل ..😭😭ولك مشان اللله حدا يحس فيني بقى كرمال الله😭😭😭😭
.
بلشت كسر كل شي بالغرفة ما كنت بوعي ابدا لحد ما دخلت دنيا وشافت المنظر وهدتني وانا عم اصرخ وابكي بتعرفو شو يلي صار يوجعني مكان ما ببلع هالمكان صار غصة فيه وحياة الله
.
لفتلي ايدي دنيا وشربتني مي وعقمت الجرح ولفيتو بشاش ايدي كانت عم توجعني بشكل مو طبيعي مو قادرة حركها كتير نمت وما بعرف رغم كل هالوجع كيف غفيت ضليت نايمة فقت ع صوت ابي وهو عم يقول خطيبك برا واهلو قومي وبدون حرف هزيت بمعنى اي وقمت وانا يا دوب عم اقدر احرك ايدي من وجع مبارح
.
نزلت وتطلعت عالكل بنظرة قرف وقعدت بعيد عنهم كان اسمو باسل
ام باسل:بنتي قعدي جنب خطيبك
سيلينا:(بنشافة)مرتاحة هون انا
باسل:ولا يهمك امي انا بقعد حدا
سيلينا:الله ياخدني لارتاح منك
باسل:شبها ايدك
سيلينا:(وانا كازة ع سناني بصوت واطي)ما دخلك
باسل:شبها ايدك
سيلينا:...
باسل:شبها ايدك عم اسالك ردي
سيلينا:..
باسل:هو الخميس رح يكون العرس لان انا عندي طلعة ع دبي ولازم تروح معي سيلي كرمال تغير جو بشهر العسل
سيلينا:شووو بس لسا مبارح خطبنا اخرا شوي
باسل:اي عمي بلشو جهزولها بالاذن عندي شغل بالشركة
سيلينا:كرمال الله اجلها
باسل:...
.
تجاهلني وراح من عصبيتي طلعت عالغرفة وقفلت ع حالي بلشت ابكي مو عارفة شو اعنل محتارةة ما فيني اهرب ابدا ما الي مكان وما بدي حدا يحكي عني تعبت لربيت بدون ام ياربي شو اعمل العرس هيك رح يكون بعد يومين اذا اليوم الاثنين ثلاث واربعاء شو رح اعمل يارب اعمل اي شي بس الغي هالزواج
.
غريب اهل عماد ما بينو وكمان باسل ما حاوب يتقرب مني شو عم يصير اي بكون احسن هاد المطلوب بهي اللحظة بدق عماد وقت شفت الاسم
.
ما بعرف شو صرلي كانو اول مرة بدقلي كانو اول مرة رح اسمع صوتو شو صار بالظبط ما بعرف الا قلبي لهف ودق بسرعة فتحت بدون ما حس من فرحتي
.
عماد:(بصوت مخنوق)مبروك يا عروس 💔
سيلينا:(وانا عم ابكي)الله يبارك فيك 💔
عماد:عم تبكي
سيلينا:هه هلق صارو يهموك دموعي😭💔باي عماد باي
سكرت بوشو وانهرت بالبكي
.
بدق صبحية
صبحية:يلا قومي يادوب تجهزي
سيلينا:تركيني بحالي
صبحية:ليكي وليه والله اذا بقول لابوكي ليقتلك
سيلينا:هه احسن بخلص من هالحياة
صبحية:يا يزن تعا شوف بنتك ما بدها تروح تجهز قال مو خايفة منك لانك مو رجال
سيلينا:يارب وعم تكذبي كمان
يزن:وليك وليك والله لاطلع بروحك يا حيوانة
وبلش يقتل فيني لحد ما قلتلو خلص بعد رح روح بعد ما اكلت قتل خلاني مشووهة
.
عم نتفتل وانا عم حس بدوخة لحد ما وقعت بالارض قعدوني بمطعم وبلشو يطعموني بس انا ما قبلت اكل اكلت لقمة وقمت استفرغت بلشو يجهزو وكانو هما العروس الفرحة باينةع وجهم والزعل والختيرة باينة ع وجهي انا خلصنا ورجعنا وباسل هو يلي جايب الفستان هيك كان خالص جهازي تقريبا ما شاء الله شو سريعين وشاطرين الله ياخدهم لارتاح
.
متسطحة ع السرير وصافنة بالسطح ما بلاقي الا كف ع وشي قمت مرعوبة شوفي شو عم يصير لشو هل الكف
يزن:انتي لساتك عم تشوفي عماد الكلب
سيلينا:والله لا😭
يزن:كزابة
وما بلاقي الا كف تاني لحد ما دفشتو وبعدتو عني
سيلينا:كيف بدي شوف شب تاني وانا ع زمة رجال وين عقلك وين😭😭💔غير لتخسرني وموتتت
يزن:لك حيوانةة تفو عليكي وعلى تربايتك
.
تركني قاعدة ع الارض عم ابكي😭انا شو غلطت لحتى يصير فيني هيك انا شو عاملة حتى عم اتعاقب هيك قومي يا بنت مو انتي الضعيفة
.
حطيت هالميكب ولبست وطلعت بحالي والله ما رح اسكت عن حقي لبست فستان احمر قصير وفوقو جاكيت جنز وبوط ابيض وحطيت ميكب وطبعا لبست نظارة لاخفي الضربات نزلت هاد الحكي بعد يوم يعني يوم الاربعاء
يتبع الجزء السادس عشر ..💛

#وعده
#sheema_bk 💛
الجزء السادس عشر ..
صبحية:لوين يا مهون
سيلينا:(بجراة)انتي ما دخلك تمام
وسكرت الباب بقوة طلعت ونزلت عالشركة تصفحت شوي وسلمت عالموظفين دخلت لعندي السكرتيرة تبع بابا
السكرتيرة:مدام انتو كنتو رح تخسرو كل شي
سيلينا:كيف
السكرتيرة:بصراحة ما بعرف بس ابوكي وابو الاستاذ عماد تخانقو ومن وقتا ما عاد اجا ابو عماد بهون
سيلينا:طيب روحي ع شغلك
.
انو شو عم يصير ليش متخانقين مشان هيك ما اجو عالحفلة ممم الله يستر بس نزلت عالكافتريا الي بنقعد فيها انا وعماد بالعادة هه حبيبي السابق حلوة هي كنت عم اتذكر كل لحظاتي معو بهل المكان وبشكل عاام بباقي الاماكن تمشيت شوب عالبحر واشتريت بوظة لاغير نفسيتي
.
رجعت عالبيت يا دوب قدرانة امشي دايخة كتير دخلت وودغري اغمى علي فقت ع صوت الدكتورة
الدكتورة:الحمدلله ما فيها شي هاليوميين لازم تتغذى
سيلينا:ول ولا ي يهمك د دكتورة ا انا ب بهتم ب بنفسي
الدكتورة:انتي هلق تعبانة ارتاحي معافاية
.
طلعت بحالي صدقوني رح كون اقوى وحدة بكرةة وهاد وعد مني نمت وشفت احلام احلام كتير حلو كنت بتمنى اعيشها مو احلمها
.
باليوم التالي عم زبط حالي ونزلنا عالكوافيرة عملتلي شي بسيط ولبست هالفستان واجا باسل لياخدني الي الي فترة ما شايفتو هاد نصيبي رح ارضى فيه بس مو بهل السهولة دخلنا عالصالة بعدين استاذنت لاطلع عالغرفة لان خرب الميكب تبعي شوي وقلت بما اني خبيرة شوي بزبط فيه
.
بدموع بسيطة وانا عم اطلع ع حالي بالمراية صح اليوم رح تنزفي لشخص غير الي بتحبيه بس انتي رح تكوني قوية وتعوفي الساعة الي اجا يطلبك فيها يلا لننززل رفعت فستاني وطلعت اجيت بدي انزل لتحت عالجنينة لان الحفلة هنيك ما بحس الا ع حدا حط مخدر وغفيت
.
فقت وطلعت حوالي ما كنت مربطة غريب ؟ الجو كان بارد والفستان نازل ع كتافي لهيك بردت كتير وبلشت ارجف يا ترى شو بيكون صاير هلق مين يلي خطفني وحطني هون وشو مصلحتو ياريت هالخاطف لو بيقتلني بالمرة كان مستودع صغير وبارد كتير والهوا عم يدخل ويطلع والجو مطر برا كنت بردانة بلشت ارجف وفورا ارتفعت حرارتي ما عندي مناعة قوية ضليت عم اطلع حوالي ما بعرف شو بيكون صار عندن
.
فجاة دخل علي واحد ضخم عماد هاد شو جابو لهون
عماد:كيفك يا عروس
سيلينا:(بصدمة كبيرة)انت شو عم تعمل هون
عماد:ولا شي بدي احكي مع حبيبتي ولا ما بيحقلي
سيلينا:بس احنا تركنا من زمان
عماد:انتي تركتي بس انا ما تركت
سيلينا:قصدك اني تخليت عنك
عماد:اي كرمال شوية مصاري
سيلينا:وانت
عماد:انا شو
سيلينا:انت يلي تركتني روح لغيرك انت يلي ما وفيت بوعدككك
عماد:لا حبييتي اليوم رح اوفي بوعدي وانتي حتى ما فكرتي تسالي شبك
سيلينا:سالتك وما حكيت
عماد:ما قدرتي تصري علي ما مشكلة انا وعدتك مستحيل تكوني لغيري صح ومستحيل تكوني لغيري ورح تبقي عندي ورح نتزوج وبعدين بنرجع عالعيلة والاهل
سيلينا:قتلني وريحني بكون احسن
عماد:سيلينا احكيلي حدا اذاكي؟حدا ضربك احكي هاد الواطي قرب منك
سيلينا:اذوني وبس؟ عذبونييييي يلي ما في بقلبهن رحمة انت متخيل وقت يلي تركتني تركتني لوحوش
عماد:(عصب )والله لاورجيهن واحد واحد
سيلينا:تركني عماد خليني ارجع مو ناقصني حكي العالم
عماد:مو ع كيفك وانا بعرف الك فترة بلا اكل لهيك جبتلك معي اكل كلي وبفهمك كل شي
سيلينا:ما بدي اكل
عماد:يالله بلش العناد تبعك كلييي
سيلينا:مو جوعانة
اجيت قمت لاهرب من غبائي وهو موجود
عماد:بدك تهربي كمان وحياتك ما رح تهربي
.
سيلينا:مشان الله فكلي اييدي والله طقيت
عماد:(حط ايدو ع ايدي)مستحيل اتركك تهربي مني سيلينا انا بحبك واحنا منا متفقين نتزوج بس ابوها لتارا كان مخرب كل شي
سيلينا:ك كي كيف
عماد:ايدك سخنة كتير مرتفعة حرارتك كان
حط ايدو ع جبيني حاولت بعد بس ما قدرت غمصت عيوني وقلبي دق بسرعة كبيرة ودرجة حراراتي ارتفعت اكتر
.
سيلينا:شكرا بس فيك تفهمني شو عم يصير
عماد:مو بينا الشكر حب
سيلينا:اذا هيك فكني وبوعدك ما رح اهرب
عماد:بتوعديني انك تبقي معي
سيلينا:اي بوعدك
فكني وقعد جنبي
.
عماد:سيلينا انتي بتعرفي شو المشاكل الي صارت بين بابا وابوكي
سيلينا:لا متل الاطرش بالزفة
عماد:مممم طيب وقت رحتي ع دبي واخدتي الشنتة طبعا انا رحت معك لاني كنت بحبك وكنت عم راقب مشان ما يصير اي غلط وقت ستلمتي الشنتة ووقعتي ورجعنا وكان الوضع عادي بس وقت ابوكي ترك الشنتة عند بابا كانو لسا مو فاتحينها رجع ابوكي فتحها وفكر بابا هو يلي سرق المصاري الي بقلبها طبعا المصاري دين بين ابوكي وابو تارا يعني قصة طويلة بعدها بابا ما تحمل ابدا وصارت هالمشاكل وبابا ما شرق شي الشنتة كانت فاضية
سيلينا:ممممم وانت ليش كنت بارد باخر العلاقة
عماد:لانو بابا بعد ما اتهمو ابوكي بالسرقة زعل كتير وقلي هو اصلا بدو يزوج بنتو لهيك رح زوجك بنت عمك واذا بتحكي حرف ولا بتعارض والله لتندم طبعا انا رفضت مستحيل اخد حدا غيرك لهيك كنت بوقتها مخنوق
يتبع الجزء السابع عشر ..💛

#وعده
#sheema_bk 💛
الجزء السابع عشر ..
سيلينا:عماد
عماد:عيونو لعماد
سيلينا:انا لهلق ما كرهتك انا لهلق بحبك !
عماد:كنت متاكد انك لهلق حاببتيني
سيلينا:عماد لا تتركني!
عماد:(قرب مني وضمني)مستحيل اترككك يا روحي
هون حسيت بحنان بامان هون نسيت كل شي صار معي وبديت شي جديد هون
.
سيلينا:عماد
عماد:دنيتو لعماد
سيلينا:انا كيف بدي اتزوجك
عماد:😒متل اي تنين بتزوجو
سيلينا:لا يعني بقصد انا مكتوب كتابي ع باسل
عماد:هاد الحيوان ما بتجيبي اسمو ع لسانك بغار انا وبخصوص الكتاب الشيخ الي بعثتو كتب كتاب مزيف يعني انتي مانك ع اسم حدا
سيلينا:ك ك ك ك كيف
كانت صدمة بالنسبة الي معقول بس اي الي بحب بعمل اكتر من هيك
سيلينا:لكن شو عم تستنا خلنيا نتزوج بسرعة
عماد:ههههه يا عمري مستعجلة
سيلينا:انا هلق استعجلت لاني عرفت الحقيقة
عماد:وكمان
سيلينا:لانو ما بدي حدا ياخدني منك
عماد:(قرب وضمني وباسني من جبيني)وباذن الله ما حدا رح ياخدك مني يلا قومي معي ننزل عالمحكمة
.
نزلنا من السيارة ودخلنا عالمحكمة وطبعا اهلي كانو عم يدورو علي بس بهي اللحظة رح اتخلى عن سعادة الكل كرمال سعادتي انا دخلنا عالمحكمة وتزوجنا طبعا ووقعنا عالارواق صح ما عملنا حفلة بس هو بالنسبة الي احلى حفلة😢💛😂
.
عماد:الف مبروك يا عروستي
سيلينا:مبروك النا لانو قدرنا نتخطانهن كلهن
عماد:بس هلق انا مظطر خبيكي وارجع
سيلينا:اذا رجعت احتمال بابا يعملك شي او ابوك يزوجك يا بنرجع سوا يا بنتخبى لحالنا سوا
عماد:فهمي انا خايف عليكي
سيلينا:ما تتركني لحالي لانو احتمال اتاذى لهيك بنتخبى فترة وبنرجع بعد فترة ويلي ما بيرصى بنسافر وبنترك ونرمي الكل ورانا انا ما عاد بهمني شي وانا معك لاني متاكدة انو انا مع رجال
عماد:يا عمري طول ما انا عايش وحياتك ما حدا بقرب ناحك
سيلينا:وهلق وين رح نروح
عماد:مممم نروح عند امير رح نتخبى عندو
سيلينا:طيب بس بتوعدني ما تروح ع مكان الا ورجلي ع رجلك
عماد:بوعدك
.
امير:اهلا وسهلا نورتو دخلو بسرعة
سيلينا وعماد:فيك
امير:شو بتحبو تاكلو اكيد جوعانين
عماد:سيلينا الها فترة ما اكلت لهك اذا في شاورما
امير:اكيد تكرم انت وياها شوي وبتوصل
سيلينا:(حط عماد ايدو ع ايدي وشديت عليها بمعنى لا تتركني)
عماد:شبك سيلينا خايفة
سيلينا:ما رح خاف وانت معي
امير:تزوجتو
عماد:اي بس مافي حفلة انت عارف الوضع
امير:ان شاء الله الف الف مبروك لا تخاف حيصير عرس ما صار متلو
عماد:ان شاء الله بتتصلح الامور
امير:كيفك سيلينا
سيلينا:تمام وانت
امير:تمام بتحبو تشربو شي
هزينا بمعنى لا وصلت الشاورما وبلشنا ناكل الي زمان ما ماكلة شاورما والشاورما ما الها طعم الا مع عماد هاد شي بالنسبة الي
.
امير:هي غرفتكن اذا حسيتو ع شي حدا في بهل الغرفة تحت السجادة السودة جنب الباب يعني شيل السجادة في باب كمان بتفتحو فيه درج بتنزلو فيه لتحت بتتخبو لبين ما يطلعو او يروحو وبالنسبة للسجادة قبل ما تسكر الباب رجع السجادة بطريقتك وبعدين ادفش الباب ولحالو رح يتسكر ويرجع الوضع طبيعي
عماد:تمام شكرا يا صاحبي ان شاء الله اتذكر
امير:انا هون كرمالك
سيلينا:يعني صح كشفتو قدامي بس بتضلك منيح 😂💛
امير: هههههه لو بعرف عم يمثلو ما بكشفهن
سيلينا:الله يسامحك
امير:انتو اكيد تعبانين دخلو رتاحو بغرفتكن وبكرة بنشوف شو بدنا نعمل
عماد:طيب تفضلي سيلو
سيلينا:شكرا كتير
.
تسطحنا ع التخت ونحنا عم نفكر كيف رح نقنع اهالينا يعني قد ما كان لازم رضاهن
سيلينا:حاسة اخرتنا رح نموت سوا بهل الفترة
عماد:انتي جنيتي مستحيل هالشي يصير
سيلينا:مافي شي مستحيل ع فكرة انت ما بتعرف شو ممكن يطلع مع باسل وبابا والشرنة
عماد:نامي سيلينا انتي تعبانة
سيلينا:ما عم اقدر انام اصلا
عماد:احتمال نسافر لهيك نامي
سيلينا:والله مو قادرة
عماد:طيب تعي لاشوف حطي راسك ع رجلي ونامي لسا عم تتحججي 😜
سيلينا:مممم هلق بقدر نام وانا مرتاحة
.
فقنا تاني يوم قمنا غسلنا وانا لساتني بالفستان هفف بلبك وتعبانة فيه طلع عماد وانا خايفة يصيرلو شي رجع وهو معو بيجامة زم من تحت وهك يعني خرج طلعة ومريحة
سيلينا:(دمعو عيوني وركدت عليه ضميتو)عنجد شكرا .. يخليلي ياكك ولا يحرمني من وجودك انت سندي
عماد:يا عمريي يلا غيري اكيد تعبتي بالفستان
سيلينا:اي والله وكتير
.
سيلينا:وهلق شو رح نعمل
امير:هلق انا رح طل ع بيوتكن وشوف شو الوضع وبردلكن خبر
عماد:ياريت بس بدك تنتبه منيح اكيد مسلحين
امير:ولا يهمك شريك ابوك رفيق بابا الله يرحمو بس ما بعرف كيف رح اتصرف مع ابو سيلينا
سيلينا:اممم لنشوف شو رح نعمل اتوقع جية ماما فجاة مو ل الله ملاحظين مع جية ماما انسرقت الشنتة ونحطت ب عمو ابو عماد
عماد:ليش امك متى اجت
سيلينا:تقريبا من شي اسبوع
عماد:اي وبابا وابوكي من شي اسبوع متخانقين
سيلينا:معناها امي يلي تركتني من لما كنت صغيرة ليش لتجي بعد كل هالسنين
امير:وضحي شوي كلامك
يتبع الجزء الثامن عشر ..💛

#وعده
#sheema_bk 💛
الجزء الثامن عشر ..
سيلينا:الشغلة واضحة ممكن تكون امي هي يلي سرقت ابي
عماد:ما فينا نشك باي حدا لازم دليل
سيلينا:ما هي سرقت بابا قبل هالمرة بتذكر وانا صغيرة بس ما بعرف كيف بابا برجع بثق فيها
عماد:الشغلة شو بدها
امير:احمد🤓
عماد:وانت قلت
سيلينا:ما فهمت شو دخل احمد
امير:احمد ممكن يتاكد من خلال شغلو هو بيشتغل بالكاميرات وكذا
سيلينا:بس بابا مانو حاطط كاميرات
عماد:مستحيل اكيد حاط والا كيف رح يثق بالموظفين هبولتي
سيلينا:اي صح بس هو ولا مرة حكا
عماد:لك شو هبلة كيف رح يحكي يعني
سيلينا:اي اي صح نسيت
امير:مم تمام احنا رح ننزل عالشركة انا رح شوف عمو ابو عماد واحمد بينزل ع شركة وبشوف ابوكي وبحاول يشوف وين الكاميرات وبس فتحنا الكاميرات احنا رح نعرف كل شي تمام يلا ح اتركن لحالكن فطرو واعتبرو البيت بيتكن وانتبهو منيح
عماد:اكيد يسعد قلبك يلا وانت نتبه ع حالك
.
عماد:وشو رح نعمل يا بيبي
سيلينا:شوو
عماد:رح نقوم نعمل فطور سوا
سيلينا:ههه طيب
عماد:لك دخيل هالضحكة
سيلينا:انا ما بعرف كتير اعمل فطور واكل وطبخ
عماد:ولا انا تعي نشوف شو الموجود ونخبص
سيلينا:هو هيك😅
دخلنا وفعلا ما منعرف نعمل شي الا لاقينا كورن فلكس فتحنا البراد في حليب تطلعت فيه
سيلينا:معقول هاد لساتو بياكل كورن فلكس
عماد:ههه عساس انتي ما بتاكلي منيح لقينا شي تعي نزبطو يلا
سيلينا:يلا🌚
حطينا وطلعنا اكلنا بالصالة وشغلنا فلم وحضرنا وعبينا وقتنا هيك للمسا
.
امير:هلا كيفكن جبت معي اكل جاهز بناكل وبعدين بخبركن شو صار
عماد:يسلمو شريك
امير:كول هوا مو بينا
بلشنا ناكل لحد ما خلصنا ضبضبت شوي وقعدنا عم نشرب شاي
امير:رحت عند عمو ابو عماد الوضع مكركب والكل قلقان عليك شوفو شو صار
امير:مرحبا عمو كيفك طمني عنك مرحبا مرت عمو كيفك
ابو عماد:قلقان يا ابني على عماد ما بنعرف عنو شي
ام عماد:ابني برضاي عليك اذا بتعرف وين خبرنا
امير:هدو انا جايكن بطلب
ابو عماد:تفضل ابني
امير:(قعدت عالكنبة)عموو مرت عمو انتو بمقام اهلي لهيك فهمو شو بدي قول وكانو انا ابنكن
ام وابو عماد:تفضل ابني
امير:سيلينا ما كانت بتعرف بالمشاكل الي صايرة واخر فترة كانت متخانقة مع عماد لهيك تركو وانتو ظغطو على عماد عماد ع شوي كان رح ينتحر لو ما لحقتو
ام عماد:وليي مشان الله فيه شي
ابو عماد:اسكتي خلينا نفهم
امير:ف سيلينا لما عرفت بكل شي هي وعماد هربو انا ما بعرف وينهم بس بتواصل مع عماد انت متخيل قديش سيلينا بتحبو وبتحبكن وهي ما بتعرف بالمشاكل ولما عرفت وعدت حالها انها تحلهم وهي بتعرف انك ما عملت هيك شي
ابو عماد:والمطلوب
امير:المطلوب انك ترضى ع عماد لحتى يكون مبسوط بحياتو هو يلي رح يعيش حياتو لهيك خليه ينقي البنت يلي بحبها يعني يتزوج هو وسيلينا خليه يعيش حياتو مع الي بحبها
ابو عماد:بس انت بتعرف شو عمل معي ابو سيلينا
امير:نجي بالحكي الحق عليه بس كل شي رح ينكشف بوقت قريب
ابو عماد:والله ما بعرف هي حياتو وهو حر فيها ويتزوج الي بدو ياها بس ابو سيلينا غلط بحقي كتير يتهمني بهيك تهمة
امير:ولا يهمك عموو رح ينكشف كل شي بوقت قصير
ابو عماد:ان شاء الله
امير:بالاذن عمو تاخرت عالمحل
.
امير:وهاد الي صار الحلو فيه متفهم وبيستوعب دغري
سيلينا:اييي عمو ما في منو بس ابي يلي رح يجلطني
امير:ابوكي ما حدا رح يحكي معو بدنا نبلش بالكاميرات ونشوف كل شي
عماد:صح هاد اللازم
امير :اي صح يلا انا تعبان والله مافيني اسهر معكن اعتبرو البيت بيتكن
عماد:تسلم شريك وانا نعسان ولله
سيلينا:تصبحو ع خير
.
دخلنا انا وعماد ونمنا فقنا باليوم التالي عماد كان لازم ينزل يشوف اهلو وامير راح ع شغلو حاولت رتب بالبيت قولو بعرف فيه شوي رتبت وزبطتو وتحممت وكان عماد قبل لا ينزل جبلي كم قطعة ولبست بيجامة وقعدت قعدة استرخاء عالتلفزيون غمضت عيوني لانسى كل شي واريح راسي يمكن غفيت ويمكن لا بس سمعت الباب عم يدق فكرت عماد او امير حدا منن رجع قمت لاطلع بلاقي بنت طويلة وحنطاوية وعيونها بنيات وشعرها طويل وعم تبكي وقت شفت منظرها فتحت بدون وعي
البنت:(بصدمة كبيرة)مين انتي
سيلينا:انتي مين
البنت:بعدي هيك
دخلت متل الوحش مو بنت ابدا هي بلشت تصرخ
امير عم تخوني يا واطي لك ناقصتك انا
سيلينا:روقي وطولي بالك وفهمي شو القصة
البنت:ما بدي اسمع صوتك خرسي
سيلينا:انتي مين
البنت:انا بيلسان حبيبتو لامير الاولى وانتي التانية مدري مرتو هه الله واعلم من هيك شكيلات
سيلينا:اوفف ليش كل هالقد حقدتي وانتي ما بتعرفيني
بيلسان:عفوا ما احقد وانتي عم تسرقي حبيبي
سيلينا:اي تعي قعدي وفهمي القصة
بيلسان:خير بقى شو القصة
سيلينا:انا بكون مرت..
قاطعتني
بيلسان:مرتو ما هيك
سيلينا:لك شبك خليني كفي حكي لا تقاطعيني
بيلسان:عنجد
سيلينا:انا بكون مرت رفيق امير مرت عماد فهمتي هلققق وقاعدة هون حاليا انا وعماد هي فترة ورح نرجع
بيلسان:عنجد انا اسفة والله
يتبع الجزء التاسع عشر ..💛

#وعده
#sheema_bk 💛
الجزء الرابع ..
فقت تاني يوم دقيتلو رد علي
سيلينا:ازعجتك ما هيك استاذ ايهم
ايهم:هلا حب
سيلينا:مافي حب ولا شي لك انا كيف بهون عليك لك
ايهم:شوفي من ع وش الصبح
سيلينا:مافي شي استاذ ايهم بس زعلانة منك وبتتتركني نام وانا عم ابكي واخر شي برسالة بس انا اسف اوهه غريب كيف طلعت منك اصلا
ايهم:(وهو بصرخ)لا يا شو بدك ياني ابوس رجلك يعني
سيلينا:لا بس عالاقل راعي شعور يوم اكون انا غلطانة واجي اعتذر منك بس بتعرف انت من وقت ما طلعت ع دبي تغيرت
ايهم:انتي هلق معصبة سكري ومنحكي لتروقي
سيلينا:عنجد اي رح سكر بس ها يا ايهم اذا بعد بتشوف مني شي
ايهم:سكري حبيبتي سكري
رميت تلفون عالتخت وحطيت راسي بين ايدي وبلشت ابكي وانا معصبة بنفي الوقت ليش هيك عمل ليش هيك تغير ماشي ايهم انا بورجيك بلشت ابكي لتصل علي رقم غريب ما رضيت رد رجع اتصل هديت حالي لان ما بعرف مين صاحب الرقم
سيلينا:مين معي
صاحب الرقم:ما عرفتيني
سيلينا:لا
صاحب الرقم:انا عماد وليه هبلة
سيلينا:اهلين عماد
عماد:رقم عمتي عم اتصلك عليه كيفك
سيلينا:اي
عماد:شبك سيلينا كيفك
سيلينا:(نزلت راسي وصرت ابكي بدون حس)..
عماد:(بخوف)سيلينا شبكك احكي حدا دايقك
سيلينا:(بصوت تعبان)عماد فيني شوفك
عماد:اي اكيد
سيلينا:بس شوفك بحكيلك
عماد:طيب تعي عند البرج استنيني هناك
سيلينا:ماشي
قمت غسلت وجهي طلعت فيه رجعت ابكي لبست وانا مخنقة حطيت نظارة ع عيوني مشان ما يعرفو اني كنت عم ابكي
سيلينا:صباح الخير
الكل:صباح النور
زياد:لوين يا بنتي
سيلينا:هو مظطرة روح لدبي مول
نائل:وشو عندك بدبي مول
سيلينا:هووو ما يم (تلبكت)
زياد:طيب خلي الشوفير يوصلك وانت لا تدخل فيها
سيلينا:يسلمو عمو
رحت وصلني الشوفير ارتحت اني خلصت من نائل النقاق وصلت لهنيك ونطرت لاجا عماد
عماد: قعدي احكيلي شبك والله خوفتيني
سيلينا:(بلشت ابكي بصوت تعبان)عماد تخانقت انا وايهم
عماد:اي بسيطة هلق برجع ك عادتو
سيلينا:لا عماد هالمرة خناقة طويلة
عماد:سيلينا رح ضل معك لتروقي لا تخافي وبس تروقي بتفكري
سيلينا:مخنقة وحيات الله😭
عماد:طولي بالك شو صار بينكم
سيلينا:(حكيت كل شي وانا عم ابكي)وهيك صار
عماد:طيب شوفي خلص اتركي يلي بتهوني عليه مرة بتهوني عليه مليون مرة
سيلينا:بس روحي متعلقة فيه ما فيني اتركو
عماد:عراحتك انا حكيت يلي عندي
سيلينا:والله محتارة وما عارفة شو اعمل😭
عماد:روقي خلص انا بعرف دواكي قومي معي
سيلينا:لوين
عماد:تعي وخلص ومسحي دموعك ما بيستاهلو تبكي عليه
سيلينا:(مسحت دموعي وقمت معو)طيب
عماد:هات تنين ايس كريم
سيلينا:(ضحكت ضحكة خفيفة)اقسم بالله مجنون
قعدنا نستنى لتصير لانها كانت ايس كريم عالصاج بس صارت اكلنا وروقت بعدها تفتلنا شوي بالمول وبعدين رجعت عالبيت دخلت وانا تعبانة كانو قاعدين بالصالة كلن سلمت عليهم وطلعت ع غرفتي ارتاح دخلت تارا
تارا:لو تشوفي شو جبلي خطيبي
سيلينا:(ابتسمت بغصة وتذكرت ايهم ما قدرت اخفي لمعة عيوني)شوو
تارا:شوفي شوفي هي هدية قبل العرس
سيلينا:واووو كتير حلوة
كانت عبارة عن اكسسوارات كتير حلوة وانيقة
تارا:فيكي تاخدي
سيلينا:لا حبيبتي هدول هدية من خطيبك ما بقدر اخد
تارا:عراحتكك بكرة بدك تفيقي من الصبح لتنزلي معي عالكوافيرة
سيلينا:ليش شوفي بكرة
تارا:بزعل منك بكرة عرسي
سيلينا:هو في رفيق الي عادي تعزميه
تارا:اي اكيد روحي انتي اخت العروس بحقلك تعزمي مين ما بدك
سيلينا:دخيل قلبك طب روحي نامي وارتاحي عندك عرسك بكرة
تارا:اي اي يلا تصبحي ع خير
دقيت لعماد وخبرتو وما رفض تاني يوم فقنا فطرنا ونزلنا عالكوافير بلشو بشغلهن وانا شايفة كمية الفرح بعيون تارا ياريت لو ايهم بيعمل هيك اليوم عرسها المفروض ما ازعل واضل ريلاكس عملولي ميكب خفيف وشعري فير اي انو كنت طالعة اميرة حطيت التاج ع شعري واجا العريس لياخد تارا ومن حسن الحظ انطلقو بسرعة ما قدرت شوف شي منو رحت عالصالة مع نعمت ودخلنا وبلشنا نستقبل المعازيم بايد ماسكة تلفون وبايد عم سلم عالمعازيم وهيك لدخلت العاروس وبلشت اصور فيها لان كنت محترفة بالتصاميم فستانها كان كتير حلو دخلت وهي عم تتمايل وتدلع وكانها احلى اميرة كتير كانت طالعة حلوة دخلت وقعدت مكانها وبلشنا احتفال ورقص واغاني هيك لاجا دخول العاريس بهل اللحظة اتصل علي عماد
سيلينا:اي عماد قلي وين صرت
عماد:انا برا رح ادخل
سيلينا:ايواا شكلو دخل العاريس ما علينا
طلعت لاستقبل عماد وما انتبهت عالعاريس ابدا ضل عماد صافن فيني وانا متل الشي

"حلو ببدلتك السودة يا رجال .. لما بتدخل بعضلاتك الحلوين .. وريحة عطرك الفايحة .. ودقنك الي محددا حلو وانت هيك .. حلو لما رح شوفك عريس"
عماد:لك وين شردتي
سيلينا:طالع حلو بهل الرسمي
عماد:احم احم وانتي طالعة اميرة يلا ندخل
دخلنا واحنا عم نحكي بهل اللحظة بينفتح البوفيه وبنروح بنحط اكل وبنقعد ع طاولة وبلشنا ناكل كان الاكل لذيذ وطيب خلصنا اكل واجو شالوه من قدامنا
يتبع الجزء الخامس .. 💛

#وعده
#sheema_bk 💛
الجزء الخامس ..
طلبنا عصير وكان الجو اغاني وكذا
سيلينا:بتعرف الي زمان ما رقصت
عماد:اي وشو يعني
سيلينا:بدي قوم ارقص شوي مع العروس
عماد:قعدي بلا هبل قال ترقص قال🙂
سيلينا:وانت شو هامك دخلك
عماد:طيب قومي نبارك للعرسان
سيلينا:اي والله صح حتى اني ما شفت العريس
عماد:وانتي شو بدك بالعريس🙂
سيلينا:متشوقة شوفو ع قد ما حكو عليه
عماد:نعم نعم
قمنا انا وعماد كنت تعبانة شوي بس جبرت حالي وصلت للمنصة كان العريس داير وجهو وصلنا عندهم
سيلينا:يا عمري الف مبروك ها
يا دوب بدي كمل بيلتفت العريس وهو مصدوم
تارا:اوهه هاد رفيقك يعني هاد حبيبك الله يبارك فيكي عقبالك
عماد:ممم مب مبروك
سيلينا:(بغصة وحرقة قلب ودموع ما قدرت سيطر عليهم)مبروك
وواغمى علي
ايهم:سيلينا شبك سيلينا قومي
عماد:يا واطي انا بورجيك سيلينا قومي هاتو مي
صار يرش علي مي لحد ما صحصحت
سيلينا:عماد اسرع طيارة عالبلد انا ما بقى اتحمل بسرعة
عماد:تمام تمام انتي منيحة قومي معي
تارا:شو صرلك سيلينا وشو معرفتك بايهم شو ايهم معرفتك فيها
سيلينا:الف مبروك💔بالاذن انا بدي روح
عماد:قومي معي
زياد:ما حدا بيروح من هون لتحكو شو عم يصير
سيلينا:(طلعت عليه نظرة زعل وبصوت تعبان)خلي صهرك يحكيلك
رحت تركت كل شي وراي بس ما قدرت كفي مشي في شي عم يشدني يخليني اروح اقتلو ابهدلو بس لا اليوم ليلتو
عماد:تعي رح تبقي عندي اليوم
سيلينا:يسلمو ما بدي
عماد:مو ع كيفك وتعي معي
سيلينا:بدي روح جيب غراضي
عماد:لا انا ببعت شوفيري يجيبهم
سيلينا:شوفيرك
اخدني عماد ع فندق وطلعنا ع الغرفة قعدت عالتخت شديت ايدي عالتخت بينت عروقي صرت اتنفس بصعوبة رفعت شعري عن ايدي شو عم يصير هون ليش هيك خنتني بلشت ابكي كان وضعي صعب كتير
عماد:(قرب مني ليهديني)
سيلينا:لا تقرب اوعك كلكم خاينين كلكم ما حدا وفي بعدو عني بعدو عني بكره الكل
عماد:هدي سيلينا
سيلينا:(صرت صرخ وابكي)عبقلك بعد عني خلص
عماد:طيب طيب بس اهدي لو سمحتي
تركني عماد عم اصرخ وابكي بصوت عالي وهو راح يجيب مي لاشرب
عماد:تفضلي شربي مي
سيلينا:(اشهق وابكي)ما بدي حدا معي ليش خاني انا شو عملتلو ليش بعد حب 4سنين يخوني ليش
عماد:(ضمني بقوة)هدي اششش خلص
سيلينا:(بلشت اضربو وهو متحمل)مشان اله قلي ليش ليش ليخوني
عماد:لانو كلب ما قدر يوفي
سيلينا:لا والله انا لكلبة الي وثقت فيه
مرقت هالليلة وانا قاعدة ع التخت وعم ابكي قمت اروح عالحمام ع اساس انتحر دخلت عالحمام غسلت وجهي لان الميكب من البكيي تعجق دورت ع شفرات ما في مافي شي يخليني انتحر ابدا لك حتى شامبو مافي ولا صابون عصبت اكتر وطلعت لبرا
عماد:شبك ما روقتي
سيلينا:ولا شي بدي نام
عماد:نامي عالتخت انا رح اسهر مشان ما تمرضى او شي
سيلينا:(بقلبي هه كلكن وسخين )نام مافي داعي
عماد:لا
حطيت راسي لانام وبلشت ابكي بعد ما تغطيت بالحرام ع وشي بكيت بصمت كرمال ما ينتبه علي ضليت ابكي لطلع الضو بس عم ابكي واتذكر كل ايامي مع ايهم ليش هيك عمل ما بعرف قمت طلعت على عماد كان فايق
سيلينا:انت لساتك فايق
عماد:ولساتني عم اسمع صوت البكي الي ما خلص
سيلينا:عنجد
عماد:ما نمت اصلا بس تركتك تبكي لحتى تطالعي كل شي جواتك
سيلينا:اخخخخ راسي لهلق عم يوجعني
عماد:ما رح تنسي ببساطة بس بدي ياكي تروحي معي
سيلينا:لوين
عماد:ح نروح ع مكان بتنسي فيه كل شي
سيلينا:عماد ماني رايقة لاطلع
عماد:مو ع كيفك خلصيني لبسي
سيلينا:عماد لو سمحت
عماد:اذا بتعتبريني رفيقك عنجد البسي
دخلت لبست غصب عني وغسلت وجهي وطلعت رحنا وطولنا بالطريق بالاخر رحنا لمكان كلو جبال وفيه جبل عالي هو اطول جبل جبل جيس طلعنا لنهايتو وطولنا
سيلينا:حلو هالمكان
عماد:جبتك وطرقنا كل هالساعات لتصرخي فيه
سيلينا:عنجد
عماد:اي
طلعنا لنهايتو ونزلنا خطر ببالي ارمي حالي بس يلتهي عني
عماد:ح جيب القهوة لنروق
سيلينا:اي
راح ليجيب القهوا وجيت بدون وعي بدي ارمي حالي ما بلاقي الا حدا مسك ايدي وشدني لعندي
عماد:انتي مجنونة لك انا كيف رح عيش بدونك
سيلينا:تركني موت واخلص
عماد:سيلينا حياتي هلق رح ترتبط بحياتك رح امسك بايديكي اذا رميتي حالك ف رح انرمى معك
سيلينا:اوف منك اوف
قعدنا مسكلي ايدي بقوة وخلا ايد تانية لاشرب قهوتي بلشت اصرخ فضيت كل طاقتي بهل المكان مكان كتير حلو ضليت اصرخ لتعبت وقمنا عالسيارة بدون ما انتبه غفيت فقت لقيت حالي بالفندق
سيلينا:كان حلم حلو والله
عماد:شو شفتي ليش
سيلينا:(حكيتلو كل شي)ياريتك تركتني موت لكنت شفت كيف رح موت
عماد:اي يعني بس هاد مو حلم هاد حقيقة احنا كنا بجبل جيس وبعد ما صرختي كتير تعبتي حطيتك بالسيارة وضليتي نايمة
سيلينا:اوووه متى حنرجع عالبلد
عماد:بكرة طيارتنا
سيلينا:عماد جبتلي غراضي من بيت زياد
عماد:لا جبت كم قطعة ليش
سيلينا:لك ياخخ خلينا نروح ضروري
عماد:يلا
قمت غسلت وجهي ورحنا وصلنا لهنيك ودخلنا
زياد:اهلا يا بنتي
سيلينا:هلا فيك عمو كيفكن
الكل:تمام وانتي
يتبع الجزء السادس .. 💛

#وعده
للكاتبة
#sheema_bk 💛
الجزء السادس ..
سيلينا:تمام انا نسيت كم غرض بدي اطلع جيبهن لان بكرة مسافرة يلا بالاذن
طلعت انا وعماد جبت الغراض وتاكدت من الشنتة حملهم عماد وجينا للننزل طلعت ع التخت تذكرت وقت تارا جابت هداية خطيبها وهي تمدح فيه والي كان فضولي يشدني لاعرف مين واخر شي بيطلع حبيبي هه💔
عماد:يلا ننزل
سيلينا:اي يلا
عماد:سيلينا طلعي فيني اشوف ليش عم تبكي
سيلينا:عماد ولا شي
عماد:(قرب مني ومسح دموعي)هالدموع ما بدي شوفه مفهوم
سيلينا:(هزيت راسي بمعنى اي)
نزلنا احنا بدنا نخلص اخر درجة من الدرج بتدخل تارا وايهم وهو ضامها ومبسوطين ولا كانو صار شي
تارا:يالله يا ماما كانت ايام يتجنن مع ايهم قضيتها ه هي انتي سيلينا
كشرت وتغيرت ملامح وجها هي وايهم
سيلينا:مبسوطين كتير مبروك يلا عماد نمشي
عماد:اي يلا
ركبنا بالسيارة وتركت الكل مصدوم درت وجهي للشباك نزلت دمعتي بدون ما حس تذكرت ايهم
(ايهم:يالله يا سيلينا ايمت رح نتزوج ونروح شهر عسل
سيلينا:بيجي هاليوم يا روحي
ايهم:سيلينا بتعرفي شو وقت الي نرجع من شهر العسل قديش رح نكون مبسوطين واحنا داخلين وانتي عم تحكي لاهلك قديش انبسطنا
سيلينا:ههه اي رح تصير 😍
ايهم:(قرب مني)دخيل هالضحكة انا )
كان عم اتذكرها كل شوي وما منتبها ع حالي
ليش هيك ايهم عمل ما بعرف والله ما قصرت معو بشي كنتلو اكتر من حبيبة كنت امو التانية كنت رفيقتو
عماد:سيليناااااا وين شردتي اوف سيلينا عم تبكي
سيلينا:..
عماد:شبك رديي
سيلينا:...
عماد:بسم الله عليكي شو صابك سيلينا
سيلينا:...
رش علي مي شهقت بقوة
سيلينا:شو عم يصير ليش رشيت مي
عماد:فكرت صارلك شي لاسمح الله بطلتي تردي علي
سيلينا:انا بدي ادخل اتحمم
علي:طيب ماشي
دخلت عالحمام وانا مصدومة بس شاردة تحممت وما بعرف قديش اخدني الوقت لارجع لعقلي طلعت تسطحت عالتخت
عماد:انا رح اظطر هاليومين نام عالبرندا
سيلينا:ليش
عماد:ما بصير ننام سوا وانا والله نعسان والا كنت سهرت عليكي
سيلينا:ولا يهمك اصلا انت مو مجبور فيني خلص عماد انا بنام برا عالبرندا منها بشم هوا نضيف
عماد:(قرب حط ايدو ع كتفي وتنهد وقال)انا هون كرمالك
سيلينا:اي طيب بعد هيك انا حنام برا تصبح ع خير
طلعت وانا موترة وقلبي عم يدق عنجد كنت تعبانة ةمخذولة وصدمةة حياتي يوم خاني ايهم بعد حب اربع سنين تسطحت برا كنت مادة حرام وزبطت غمضت عيوني واخدت نفس وتذكرت ايهم
ايهم:يا حبيبة قلبي فستانك انا رح اخترلك ياه
سيلينا:وبدلتك انا حاختارها
ايهم:مممم بس رح احلق دقني
سيلينا:اذا بتحلقها بقص شعري هاا
ايهم:خلص عبمزح
سيلينا:دخيل قلبك يخيلي ياك (حطيت راسي ع كتفو)(وقطع تفكيري المطر)
سيلينا:(قمت وقفت وتطلعت ع الدنيا كيف عم تمطر)يالله اجبر قلبي يالله

شارع مليان بالناس .. عم تنزل فيه هالمطر .. جو حلو مليان احساس ومشاعر شو تخبت حكايات بقلب المطر .. وشو تخبت قلوب جوات بيوتها ليخفو وجعهن .. شو حلوين هدوك التنين قاعدين حاطة راسها ع كتفو وحاطط عليها جاكيتو اكيد حلو احساسهن ما تركو بعض ضلو مع بعض بس الحسرة علينا خسرنا كل شي ..💔
سيلينا:(تنهدت واخدت نفس)الله لا يسامحك يا ايهم بك.. ما قدرت كفي لساتني بحبو لساتني متعلقة بريحة الجاكيت تبعو ضليت صافنة بجوي وعم اتذكر بس اتذكر هالذاكرة بتمنى افقدها
ضليت صافنة وقفت المطر تبللت الارض وطلعت الريحة الطيبة بتمنى تنغسل قلوب هالبشر شفت تنين عم يمشو ضامها ومبلشين يضحكو ما قدرت ركز فيهن الا اني غصيت لايامي مع ايهم وقلت الله يوفقن بحياتن رجعت تسطحت وبلشت ابرد طلع عماد علي فتحت ودخلت
عماد:بردتي ما قلتلك دخلي بس تركتك عراحتك لتشمي هوا اكيد تغيرت نفسيتك
سيلينا:ما ضل شي للسفر كم ساعا ومنروح
عماد:اممممم لكن تعي ندردش شوي
سيلينا:طيب
قعدنا وبلشنا نحكي
عماد:سيلينا
سيلينا:اييي
عماد:ما اشتقتي للشاورما
سيلينا:اكيد اشتقتلا
عماد:بس ننزل ونرتاح حنروح ناكل ها
سيلينا:ما عاد بدي ارجع لهون
عماد:ما عاد في رجعة
سيلينا:عادي ننزل نتمشى شوي تحت
عماد:اي اكيد قومي
قمنا نزلنا بلشنا نتمشى بالشارع ونحكي وبصراحة غيرلي نفسيتي
تمينا عم نمشي للشارع الرئيسي وبعدها رجعنا قعدنا شوي عالتلفونات طلعت رسالة ب تصميم

"‏وأنك قطعة مني ، اذا مسك الضر مسني ضعفه

💛 ؛"تنهدت واخدت نفس بس هالرسالة كانت من ايهم بعتلي ياها بيوم الخميس بعد ما ارتبطنا بسنتين
عماد:مهتمة بادق التفاصيل بحسدك والله
سيلينا:اوف الخيانة صعبة كتير
عماد:اي معك حق وانتي صعب عليكي تنسي طيب قومي تحممي ما بدنا نرجع عالبلد بهل الشكل ومكشرين
سيلينا:اي قايمة جهز حالي
قمت كانو غراضي مضبوبين وما جبت شي لابي تحممت ولبست وسشورت شعري وحطيت شوية ميكب لاخفي ملامح الزعل بينما عماد كان عم يتحمم جهزنا ومشيناسلم المفتاح لصاحب الفندق وطلعنا لبست بوقتها بيجامة زم من تحت ومن الخصر مع شيال نص بطن ظاهر لعضلات بطني😞 وحطيت طاقية ومشينا وصلنا المطار
يتبع الجزء السابع ..💛

#وعده
#sheema_bk 💛
الجزء السابع ..
بلشنا نجهز ونعمل الترتيبات لخلصنا وقعدنا ننطر يعلنو عن الطيران بهل اللحظة شردت وتذكرت ايهم وقت الي كان بدو يسافر وضميتو بقوة وانا حاسة انو اخر مرة هي كانت اخر مرة عنجد بينما عماد شارد فيني وعم يعلنو انو رح تطلع الطيارة واحنا شاردين صحي من شرودو عماد
عماد:قومي قومي قبل ما تروح علينا
سيلينا:اي اي
قمنا وركضنا ولحقنا حالنا قعدنا بالطيارة درت وشي للشباك غمضت عيوني واخدت نفس بقوة
سيلينا:ما كنت جاية لدبي وفرحانة لاني ح شوفو ليش هيك يعمل ليش يخون 😢
عماد:لانو غبي خسر وحدة متلك
سيلينا:بتعرف عماد انا هلق مليت كتير خلص قلبي ما عاد يصدق هو خرب الحب بالنسبة الي
عماد:نامي سيلينا ارتاحي انتي ما نمتي منيح هالفترة
سيلينا:بتمنى نام وما فيق
عماد:بعيد الشر
سيلينا:مو جايني نوم كل ما بغمض عيوني عم اتذكرو وخنق
عماد:طيب انا قايم عالحمام
راح عماد رجع وهو جايب معو اكل سندويشتين شاورما مع عصير
سيلينا:كيف جبتن
عماد:اشتريتن قبل ما نجي قلت بناكل بالطيارة كل لتقدري توقفي
سيلينا:ما بدي
عماد:طيب مشان الله الي يومين ما اكل منيح وجوعان
سيلينا:اي كول مين ماسكك
عماد:ما رح اكل بدونك
سيلينا:اوف منك عماد هات
اخدت الشاورما واكلت جيت اشرب العصير
عماد:خضيا منيح مشان تعرفي تشربيها
سيلينا:اي
خضيتا وشربتا شوي ولا بغفى
عماد:واخيرا نمتي لترتاحي شوي ضليت غفيانة وعماد نايم لقبل ما نوصل بشوي فقت وعماد فاق
سيلينا:يالله كيف هيك غفيت
عماد:اي منيح نوم الهنا اكيد ريحتي بالك شوي
سيلينا:صار النوم ملاذي الوحيد
عماد:مممم
ضلينا ساكتين لوصلنا نزلنا من الطيارة وبلشنا نعمل الترتيبات وطلعنا استقبلنا بابا وابو عماد واهلو رحنا عالمطعم تغدينا وبعدها رجعنا ع بيوتنا لنرتاح دخلت عالغرفة رميت حالي عالتخت دخل بابا علي
ابو سيلينا:كيف بنتي الحلوة
سيلينا:(بقلبي)وكيف بدي قلك بنتك الحلوة مكسورة
ابوسيلينا:ما تحكي بنتي ما حبيتي السفرة
سيلينا:لا
ابو سيلينا:له له ليش دبي حلوة حدا دايقك هنيك
سيلينا:لا بابا هو بس هيك اشتقت لبلدي واشتقتلك وجبتلك الشنتة
ابو سيلينا:يا روحي الله لا يحرمني منك
اخد السنتة وطلع تركني ارتاح كنت متمنية احط راسي بحضن حدا وابكي بدون حس ما كان في غير مخدتي ضميت رجلي لصدري بلشت تنزل دمعتي لحالها عضيت ع شفايفي ونهرت بالبكي لحد ما دخل بابا تلبكت وما عرفت شو بدي اعمل
ابو سيلينا(يزن):شبك بنتي ليه عبتبكي
سيلينا:😭ع على شو بد بدي ابكي ع عحظي الس السيء
يزن:بنتي احكيلي شبك انا هون اهلك كلهم
سيلينا:(زدت بالبكي وانهاريت)ب با بابا بنتك انكسرت ونخذلت
يزن:(قرب علي وضمني)يا روح ابوكي لا بقى تبكي خلص اهدي يلا
ما كان الي حل الا اني ابكي وفضي كل هالطاقة لغفيت بحضن بابا غطاني وضل فوقي فقت تاني يوم ما لقيتو
سيلينا:هه
قمت غسلت وجهي وطلعت بعيوني حمر من كتر ما بكيت عادي توقعت ايهم يعتذر يعمل اي شي بس هو مبسوط كتير مع تارا احسن شي قوم اشرب قهوة بلكي بروق
سيلينا:خالة ماجدة اوف وين ليش مغيرينها خالة ايهم غريب شكلها عرفت بغلط ابن اختها ما علينا مين هاي الجديدا اهلين شو اسمك
الخادمة:اسمي دنيا
سيلينا:هلا فيكي دنيا عمليلي قهوة زكاتك
دنيا:حاضر مدام
سيلينا:مالي مراق لشي والله احسن شي ضل بهل الغرفة
وهي تلفوني رح حطو صامت لحظة لحظة كانهي رسالة من ايهم
ايهم:كيف شريك شوف شو رايكانا ومرتي تارا عم نزبط بامور الغرفة يعني بنحب الرومنسية كتير
سيلينا:(عصبت ورميت التلفون)يا واطي يا حقير
ايهم:اوف اسف باعتلك ياها بالغلط
سيلينا:وعم يعتذر كمان 😭لك بكرهك بكرهك
دنيا:مدام هاد اقهوة تفضلي
سيلينا:(اخدت رشفة من القهوة وكنت بحالة عصبية ما عجبتني ما حدا بيعرف بقهوتي)لك انتي شو مجحشة ما بتعرفي تعملي قهوة هي قهوة هي 😡
دنيا:اسف مدام بس
سيلينا:شو بس ما بس (ورميت الكاسة عالارض)
دنيا:(صارت تبكي وراحت لتنظف المكان)
سيلينا:(كزيت ع سناني)انا بكره الكل بكره الكل
عماد:لا ولو معقول بتكرهيني
سيلينا:اطلع احسن ما اقتلك عماد موناقصتك
عماد:شربي قهوتك هي
سيلينا:استغفر الله هاتت
سربت من القهوة ورجعت شربت مرة تانيةمتل القهوة الي كان يعملها ايهم بلشت اشرب لخلصتها
سيلينا:مين عاملها
عماد:(بكل غرور)انا 😎
سيلينا:اي يسلم ايدم طيبة كتير براي نطلع نقعد برا بين ما تنظف
عماد:طيب عراحتك
طلعنا انا وعماد وتركت دنيا عم تنظف الغرفة قعدنا بالصالة بالبيجامة تبعي وشعري منكش وعيوني منفخين
عماد:مو اذا عصبتي تجرحي غيرك بالحكي هي مو انتي يا سيلينا
سيلينا:نعم ليش انا شو عملت
عماد:الي عملتي بدنيا غلط تعصبي عليها وتجرحيها هيك مافي احلا منك يوم تعامليهم متلهم متلنا
سيلينا:عماد المطلوب
عماد:روحي اعتذري منها لك لا تخلي حدا يزعل منك لا تجرحي حدا بحكيك انتي مو هيك
يتبع الجزء الثامن ..💛

#وعده
#sheema_bk 💛
الجزء الثامن ..
سيلينا:هيك برايك بس والله كنت مقهوة عشان هك ما قدرت سيطر ع حالي
عماد:بعرف بس هي شو ذنبهاتجرحيها بحكيك
سيلينا:طيب ماشي اوف المسا بعتذلها وبجبلها هدية بفرحها
عماد:ما احلاكي وانتي هيك
سيلينا:الله يلعن الي كان سبب
عماد:للاسف اي
سيلينا:بتعرف عماد طقيت تعبت تعبتتت منو ومن خيانتو اي بربيي حرام عليه ضيع 4سنين هيك
عماد:بس هالاربع سنين خلو بقلبك غصة وذكرى
سيلينا:اي صح هالاربع سنين كنت عم احلم فيهم هالاربع سنين كنت عم اتخيل حياة جديدة هه وطلعت حياة تانية تماما
عماد:ما بعرف شو بدي قلكك الا انو بدك تحاولي تنسيه
سيلينا:ما عم اقدر
عماد:طيب قومي عالغرفة البيضا الفاضية لساتا فاضية
سيلينا:ايي
عماد:تمام قومي معي طلعي قدامي رح جيب شي والحقك
سيلينا:طيب
طلعت وانا ماني فهمانة نطرتو بالغرفة هي الغرفة كبيرة وبيضا كلا وفاضية يعني ما حاطين فيها شي ابدا بيتنا كان كبير شوي ولا بيجي عماد ومعو دهان ملون 😅
سيلينا:شو هاد
عماد:اصفر ازرق اسود 🥰الوانا
سيلينا:الوانا!(طلعت فيه مصومة وكفيت حكي وانا شاردة)بس شو بدنا نعمل فيهن
عماد:رح نلعب فيهن
شلح جاكيتو وكان لابس تحتا قميص ابيض
سيلينا:هلق بيخربو تيابنا
عماد:كلو فدانا يلا سيلينا لا تروحي هالفرصة
سيلينا:طيب
حطيت ايدي بالالوان وبلشت اطبع عالحيطان وانطرش والعب ومبسوطة ما حاسة بالوقت ابدا غيرت جو وحسيت بسعادة كبيرة دخلت بقلبي لحد ما دخل بابا علينا
يزن:(وهو مبسوط)يا عيني
سيلينا:بابا جاي بكير اليوم
يزن:هههه لا يا بنتي ع موعدي والله
سيلينا:ليش قديش الساعة
يزن: 8
سيلينا:اي مستحيل
عماد:امبلا بس شفتك مبسوطة ما رضيت قلك
سيلينا:عنجد قضيت يوم حلو وانبسطت وما حاسة عالوقت
عماد:اي لانو لما بكون شي حلو ما رح تحسي ع وقتو وهو عبيروح
يزن:طيب كيف رح تشيلو هالدهان من ايديكم
عماد:بالتنر عمو هلق بيروح كل شي
يزن:هالغرفة بدي ياها تضل هيك بتضل ذكرى لبنتي سيلينا بكرة بتروحي ع بيت زوجك وبتم ذكرى عندي كل ما ادخل اتذكرك
سيلينا:ما رح اتزوج انا
يزن:انتي هيك بتقولي طيب يلا الاكل جاهز انا ح انطركن تحت
بلشنا نشيل الدهان عن ايدنا ونظف لحد ما راح نزلنا بتيابنا قعدنا وبلشنا ناكل شردت باكلي واكلت شي خفيف وهيك بيمضي يومي طلعت ع غرفتي ونمت لاول مرة بنام بدون ما اتذكر ايهم وما بعرف ليش بس كنت تعبانة نمت بفيق تاني يوم غسلت وجهي ولبست ونزلت عالمول جبت هدية صغيرة ورجعت عالبيت ناديت ل دنيا
دنيا:ح حاضر مدام امريني
سيلينا:عدي بدي ياكي بشغلة
دنيا:حاضر مدام
سيلينا:ليكي يا دنيا انا ما بعامل هيك ابدا ورقيقة وطيوبة كتير بس مبارح كنت مدايقة كتير لهيك صيحت بوشك وعصبت ف انا بعتذر بعرف جرحتك بالحكي وهيك بس والله الانسان وقت بتكون كاسرة معو ما بينتبه لحكيو
دنيا:ليكي مدام
سيلينا:بدون مدام اذا سمحتي
دنيا:حاضر ليكي انا مقدرتك مبارح وللاسف دايما بنختار الشخص الغلط انا بعرف بكل قصة ايهم ايهم شخص سيء وانا كرهتو والله
سيلينا:انتي شو عرفك فيه
دنيا:ايهم بكون ابن خالتي انا بنتها لماجدة للاسف وضعنا سيء بس عادي هاد نصيبنا ايهم انا وياه ولدنا بنفس اليوم وامو طلبتني وامي ما رفضت تعرفت عليه وخطبنا وكل شي بيوم العرس بيتركني قدام كل خلق الله 💔 لهيك عم اشتغل وماني بحاجتو ابدا
سيلينا:(كنت مصدومة تماما)ليش تركك
دنيا:بوقتها حكالي انو انتي بلا شرف وانتي بتخبصي كتير وعندك صحاب كتير لهيك ما عاد بدي ياكي وانتي بتعرفي الناس بلشت تحكي ع كيفها وتخبص ع كيفها
سيلينا:لا حول ولا قوة الا بالله هيك موصلة معوو! طيب وين ماجدة
دنيا:امي خجلت كتير وتعبت لهيك قلتلها ترتاح وانا بشتغل عنها بكفي ربتني وعلمتني الاخلاق
سيلينا:وكيف بتعرفي بقصتي مع ايهم
دنيا:هو ايهم خبرني بكلل شي
كانت عم تحكي وصوتها مخنوق واضح قديش متعذبة بحياتها
سيلينا:طيب قبلي هالهدية مني اعتذاري
دنيا:اسفة ما بقدر اقبلها
سيلينا:بزعل منك ها
دنيا:كلو ولا زعلك حاضر
سيلينا:ليكي يا دنيا اعتبريني رفيقتك انا اصلا ما الي رفقة ابدا الا عماد هو متل اخي لهيك بتعتبريني اختك وبلاها الرسميات كلنا متل الشي وما بيفرقنا شي
دنيا:عنجد قلبك طيب كتير
سيلينا:ههه اي لهيك بينضحك علي بسهولة
دنيا:انا اشتغلت كذا مرة عند كذا ناس ما بتتخيلي قديش شايفين حالهم خصوصا بناهم كانت دلوعة كتير وكانت تضل تجرحني بالحكي وتعصب علي واحيانا افركلها رجلها
سيلينا:انا بكره هالنوع وما بحبو ابدا مو يعني اذا بابا معو مصاري شوف حالي ع غيري مين انا لشوف حالي
دنيا:الله يحميكي ويسعدك
سيلينا:طيب شو رايك تجي المسا نسهر بغرفتي بتعرف عليكي وكذا
دنيا:اي اكيد الي الشرف
سيلينا:دخيل البك
_____________
احيانا كلمة صغيرة بتعطي لغيرنا فرح كبير
💛
طلعت ع غرفتي وصيت ع نوتيلا وبلشت اكل فيها حسيت براحة شويي لاني كنت اكل واتذكر ايهم ف انسى هيك لخلصتا طلعت ع حالي مو قدرانة قوم نمت وفقت عالعصر لبست
يتبع الجزء التاسع ..💛