#ياورد_مين_علمك_تجرح_الكاتبة_روان_الشبلاق

الجزء الرابع عشر
@rwayate
مرق اول كم يوم من الخطبة وقضوها عزايم يوم عند اهلو ويوم عند اهلها ويوم عند عمها ويوم عند خالتو مريم

اشرف حاسس حالو مالك الكون كلو
وهند مجننيتو بغيرتها

بالليل في بيت هند

هند. ماما انا رايحة جهز حالي اشرف هلأ جايي
ام محمد. اي

وصل اشرف ودخل لعندهم وقعد مع امها طلعت هند من غرفتها

هند. حبيبي بس استناني خمس دقايق
اشرف. بستناكي ليش ورايي

ام محمد. اشرف صار لازم انو تخبرها انت وعدتني بعد الخطبة وهي الكن كم يوم خاطبين
صارحها واكيد مارح تزعل منك
واذا يعني مو حابب انت تخبرها انا بحكي معها وبقوللها

اشرف. لا خلص اليوم اكيد رح بحكيلها كل شي
ام محمد. اي ياريت
اشرف. بس شو مشان العرس يعني انا بدي اقل من شهر وكون متزوج

ام محمد. ايمتا يعني
اشرف. يعني بعد اسبوع
ام محمد. هي ليش كل هالقد مستعجل هيك مابكون الكم اسبوعين خاطبين

اشرف. اي مافي داعي تكول الخطبة اكتر من هيك
ام محمد. اليوم بس تخبرها حددو موعد انت وياها ايمتا مابدكم انا ماعندي مانع

طلعت هند

هند. هي صرت جاهزة يلا قوم
اشرف. وين
هند. نروح نتمشا
اشرف. بالله شو
هند. لك يلا قوم بقا
اشرف. مجنونة انتي لك الجو بارد

هند. معليش انا مو بردانة
اشرف. انا بردان
هند. لاتجنني بدك تقوم غصبن عنك
اشرف. بالسيارة باخدك وين مابدك
هند. شو يعني ما بتمشي ولا خطوة كلوة بالسيارة شو ناسي انك بعت سيارتك

اشرف. بشتري بدالها
هند. من وين بدك تشتري عليك ديون كتير
اشرف. هلأ شغلتك هالشغلة انتي عليكي انو تركبي سيارة ومامهم لمين بتكون
هند. طيب يلا خلينا نروح نتمشى

اشرف. امشي معي

مسكها من ايدها واخدها ع البلكون

ام محمد. هههههه لساهم بأول عمرهم وحياتهم حلوة الله يهنيهم

اشرف. شايفة الجو كيف بارد
هند. اي رغم هيك بدي روح
اشرف. يمكن انتي لسا مابتعرفي اني مابحب التمشاية واني مامستعد امشي خطوة بدون سيارة

هند. اي مابعرف بس يلا بقا
اشرف. هي صرتي تعرفي
بدك بالسيارة بنروح غير هيك لا
نزلو لتحت وركبو بالسيارة

هند. يعني ماصار الا الي بدك ياه
اشرف. مو احسن مانتعب حالنا بعدين شوفي فيها مكيف بندفي حالنا
مو متل المشي بنتجمد

هند. ههههههه يعني بكل موقف بدل ما ازعل منك بتضحكني
اشرف. هههههه وين بدك نروح
هند. وين مابدك

اشرف. تروحي ع بيتنا هنيك بقعد لوحدنا ماحدا بيزعجنا
هند. لا شكرا
اشرف. ههههههه بتوفري

هند. عنجد وين رايحين
اشرف. رايحين نتعشا بالمطعم
هند. بس بلكي تأخرنا انا قلت لماما انو مالنا مطولين
بلكي زعلت
اشرف. لا مارح تزعل انا حكيت معها

وصلو ع المطعم وطلب اشرف العشا

في بيت ام محمد كانت هند مخلية موبايلا بالبيت مشان اذا امها بدها شي
رن الموبايل وكانت صفاء
ردت امها

ام محمد. اهلين صفاء
صفاء. كيفك امي اشتقتلك كتيرر
ام محمد. الحمدلله بخير انتي كيفك شو اخبارك
صفاء. الحمدلله
@rwayate
ام محمد. مطولة بحلب
صفاء. ههههه لا انا راجعة ع الطريق بدي ساعة وبوصل
ام محمد. عنجد
صفاء. اي

ام محمد. الف الحمدلله ع سلامتك لكن تعي لعنا لا تروحي ع بيتك
صفاء. لا بكرا بجي عليكم اليوم تعبانة وبدي ارتاح
ام محمد. لك تعي اليوم مشان تتعرفي ع خطيب اختك

صفاء. هيك قولتك
ام محمد. اي ناطرتك
صفاء. ماشي.. باي
ام محمد. الله معك

بالمطعم

اشرف. لك ليش ما اكلتي
هند. اكلت
اشرف. هلأ هاد اكلك
هند. اي
اشرف. طيب شو تشربي
هند. متل مابدك
اشرف. كلو متل مابدي يعني مافي شي محدد
هند. لا ههههه

ام محمد. رح اتصل فيهم ولا لا خليهم يمكن اشرف يكون عم يحكي معها

هند. اشرف قوم خلينا نتمشا شوي يعني ليش كل شي بحبو انا انت ما بتحبو
اشرف. مين قال هالحكي

هند. اي مبين مافي شي قلتلك عنو وكان رأيك من رأيي
اشرف. طيب امشي امري لله
هند. اي شايف هيك ما احلاك
طلعو من المطعم وراحو يتمشو

اتطلع فيها اشرف وضحك

اشرف. مبسوطة هلأ
هند. اي كتير

كان اشرف كل مايشوف شي حلو او بدو يقوللها اتطلعي ع شي ( يخزها ) ينكشها بكوعو ع خصرها

اشرف. شوفي هاد البيت ما احلاه من برا
هند. اخ لك مو هيك وجعتني
اشرف. اسف
هند. اي حلو الله يهني صحابو فيه

اشرف. يلا بكفي خلينا نرجع
هند. لك هلأ مشينا
اشرف. اي بكفي هيك
هند. لا مابكفي

اشرف. شايفة هاد المطعم كنت
هند. اشرف شبك والله عم توجعني احكيلي حكي بدون ماتستخدم كوعك لانو حفرتلي خصري
يعني مفكر حالك ماشي مع واحد من صحابك

اشرف. ههههههه لك مو بقصدي هي نسيتيني شو كنت بدي احكي
هند. بتستاهل

رجع نكشها اشرف بس مو بقصدو هي عادة فيه كل مابيمشي مع حدا

اشرف. اتطلعي وراكي
هند. اي لا بقا يعني انت مستقصد هالشي مابقا بدي امشي جنبك
اشرف. ههههههه والله مو بقصدي مابحس ع حالي وقت اعملها

هند. تاني مره انتبه
اشرف. خلص بوعدك عد للعشرة قبل ما حرك ايدي
هلأ المهم اتطلعي وراكي وشوفي بعدنا كتير ماهيك

الجزء الخامس عشر الاخير

#ياورد_مين_علمك_تجرح_الكاتبة_روان_الشبلاق

الجزء الخامس عشر الاخير

اشرف جن بس سمع هي الكلمة قرب منها وضمها بقوة غصبن عنها وحط ايدو ع شعرها

هند. اتركني لك بعد عني

ماخلاها تتركو وبقي ضامها وهي تبكي ع صدرو
كان زعلان كتير عليها وهي تبكي

اشرف. لك اقسم بالله بحبك والله العظيم انتي اغلا شي بحياتي انتي دنيتي كلا

سمعت حكيو وصارت تشهأ من البكي

اشرف. والله مابفرقني عنك غير الموت ورح اعمل شو مابدك بس سامحيني
سامعيتني ياعمري

بعدها عنو ومسح دموعها

اشرف. هالعيون الحلوين ما لازم يبكو

تركتو يحكي وراحت نامت بتختا وتغطت وهي تبكي
راح قعد جنبها وصار يحاكيها

في الصالة

صفاء حكت لأمها كل شي عن اشرف واديشو منيح وانو مرتو هي الي مو منيحة معو

صفاء. عنجد امي اشرف شب مابيتعوض وقد ماحكيتلك عن تهاني كيف كانت تعملو ما رح تسدئي

ام محمد. انتي كيف بتعرفي كل هالشي
صفاء. هي كانت تخبرني كل شي وتعترف وقالتلي انو كل مايروح يخطب بنت تروح تحكي عليه قدام اهلها وتقول مابيجيه اولاد
وهي كانت قايليتلي انو الدكتور قاللها هي مابتجيب اولاد بس قاللها مع الوقت والعلاج في امل

ام محمد. لكن ليش اتطلقو
صفاء. هي مابدها ياه ماكانت مقدرة النعمة الي عايشة فيها
ع هوا حكيها انو بأخر فترة كان مو ملحق بين شغلو بالبنك وبين بيتو الي كان عم يعمرو
يعني طول الوقت كان مشغول واعترفت انو تعب كتير حتى جهز البيت
وحط ديون كتير ع حالو بس لجهزو مشان يسكنو فيه بس هي مارضيت صارت تنكد عليه عيشتو مشان هوا يطلقها لانو اذا هيا طلبت الطلاق ما بيطلعلها شي

وطبعا كل هاد بمساعدة امها ضلت وراه لعوفتو حالو بالاخر باع سيارتو الي كان يحلم انو يشتريها ودفع المأخر

كنت شوفو كتير كل مايجي معها ع بيت اهلها وشوف كيف بعاملوه
راتبو كلو كان لأمها وماتخلي معو شي بحجة بدها تياب ومابعرف شو

وبس كنت اسألها شو بتعملي بالمصاري الي بتاخديها منو بتقول بخبيها مع امي

ام محمد. بنات الحرام بيعملن اكتر من هيك
صفاء. ولا مره خطرلي انو اشرف يكون زوج هند
عنجد رح تعيش معو ملكة

ام محمد. والله حكيك ريحني كتير بس ماكنت متوقعة ردت فعلها هيك لهالمجنونة

صفاء. عادي بيرجعو يتصالحو
بس ماتكون غلطت عليه ام لسان طويل لاني بعرفها بس تنجن

صفاء. هوا ما لازم خبا عنها
يعني اذا خايف انو يوصل الخبر لتهاني وتخرب عليه
كان فيه يخبركم انتو ع الاقل

ام محمد. لك خبرني وامو كمان خبرتني بس صاير حديث بينهم واختك قايليتلو ماباخد واحد متزوج لهيك هوا خبا عنها وكل يوم يقول رح خبرها ومايخبرها لحد اليوم

صفاء. اي هيا كانت بتحكي هيك لانو مابتعرف انو كان متزوج لو خبرها بيختلف الحكي اكيد

ام محمد. شو نعمل هاد الي صار
صفاء. بدنا نعرف شو عم يحكو
ام محمد. اتركيهم بلكي بيتفاهمو

بالغرفة لساها متغطية بالحرام وماحكت معو

اشرف. حبيبتي بكفي تبكي
طيب انا شو ذنبي كل ما اجي لخبرك تاخدي القصة مزح
هلأ رح تقولي انو حتى لو خبرتني شو الفائدة ونحنا مخطوبين
بس بدي قلك بتتذكري اول مره طلعنا مع بعض وقلتلك في شي بدي خبرك ياه
وقتا كنت بدي احكيلك كل شي وقلك انو اذا موافقة ببعت اهلي يطلبوكي
بس مابعرف كيف انفتح موضوع دعاء بنت عمك وقلتي انتي مستحيل اقبل بواحد متزوج
بس سمعت هيك خفت انو ترفضي واخسرك
ورجعت سألتك اكتر من مره وتقولي مستحيل
وقلتلك تخيلي انو انا متزوج وطلقت مرتي شو بتعملي بتقبلي فيني
قلتيلي ببساطة بتركك
لهيك انا كنت خايف
وكمان في اسباب تانية انتي ما بتعرفيها
قومي غسلي وجهك وبحكيلك كل شي

قامت هند

هند. اذا خلصت حكيك فيك تطلع لبرا لانو بدي نام ومابدي اسمع منك شي
وانت قلتها انو قلتلك ببساطة بتركك ليش ما انسحبت من الاول ليش خليتني اتعلق فيك

اشرف. لاني بحبك
هند. طيب اطلع لبرا ومعاد بدي شوفك
اشرف. مارح اطلع مزالك زعلانة
@rwayate
هند. مالي زعلانة ها شوفني مبسوطة كتير الدنيا مو واسعتني من الفرح

قرب منها وحط ايدو ع كتفها
وشالتلو ياها

اشرف. حقك تزعلي مني
بس تأكدي انو لو مابحبك ماكنت عملت هيك
هند. وانا مابحبك
اشرف. كذابة بتحبيني وبتموتي علي
هند. كنت
اشرف. ولازلتي
هند. اعطيني المفتاح بدي اطلع
اشرف. مافي طلعة
هند. يا اما اطلع انت او انا بطلع
اشرف. ياعيووووني انتي قلبك طيب سامحيني
هند. بتطلع لبرا والا
لشرف. والا شو معليش احكي شوو مابدك
هند. والله بغلط عليك اطلع احسن ماتسمع شي كلمة تزعلك

اشرف. موافق مو بس زعليني موتيني متل ماكنتي تقولي
هند. يا الله ما ابرد دمك لك والله صرت بكرهك ليش ماعم تسدء

اشرف. هاد الحكي مو من قلبك وانا بعرف
هند.الحق علي الي عم ناقش واحد متلك

هند. ماما ليش سكتيلهم مو من حقو عمي يعمل هيك ابدا وكلو من مرتو اكيد

ام محمد. انا بعرف انو من مرتو لانو بس عرفت ضاقت عينا
هند. طيب ليه ماخليتيني احكي كنت ماخليتهم يعملو هيك
@rwayate
ام محمد. يابنتي الرزقة الي عينهم فيها بلاها والله بيغنينا عنها
انا مابدي اخد المصاري اجارها وحطهن دوا عليكن لا سمح الله بسبب عين مرت عمك الضيقة
هند. الله لا يسامحها
ام محمد. خلص لا تحكي هيك شو بدنا منهم
هند. اف

دخلت هند ع غرفتها وظلت تفكر بهالكلمة

اسألي قلبك .. اسألي قلبك

هند. شو ياقلبي شو عم بصير معي شعور حلوو واحساس اول مره بحس فيه بس خايفة كتير مابعرف ليش
كل ما اتذكرو واتذكر حكيو بصير ارجف
بس هو ماعملي شي بالعكس من وقت شفتو حاسة بفرح جواتي حاسة انو دخلت لدنيا تانية مابعرف فيها شي حاسة الحياة حلوة
والابتسامة ماعم تفارقني بس اتذكرو

اففف خلص رح طالع هالأفكار كلا من راسي لانو تعبت وانا فكر

اتصلت ام شريف بأبنها اشرف

اشرف. الو .. اهلين امي.. خير شو في

ام شرف. عم تسألني شو في لك وينك انت ليش ماعم تبين
من شوي اجت مرتك عملتلنا فضيحة وراحت

اشرف. شووو

يتبع...
الجزء الرابع

#ياورد_مين_علمك_تجرح_الكاتبة_روان_الشبلاق

الجزء الرابع

ام شريف. اي متل ماعم قلك اجت لعنا وصارت تصرخ وعملتلنا مشكلة

اشرف. طب ليه جاية لعندكم انتو
ام شريف. يمكن راحت ع بيتك مالقتك فكرتك عنا
اشرف. ايوا طب خلص انا بعدين بشوف شي حل

ام شريف. يا ابني ما تخلصنا من هالقصة
اشرف. طيب طيب عن قريب

ام شريف. اي وانت وينك ليش ماعم نشوفك الا بالمناسبات اخوتك كل يوم بيجتعمو هون الا انت تمنيت تجي من حالك بدون ما قلك

اشرف. والله يا امي مشغول هاليومين بس بحاول مر عليكم
ام شريف. اي الله يرضا عليك ويسر امرك .. يلا بدك شي هلأ
اشرف. لا .. الله معك

رجع اشرف ع بيتو وجهز كم شغلة مشان ياخدهن ع الشقة
وبالليل قبل ماينام
شاف اذا هند عندها واتس او لا
اشرف. شو هالحظ اخر ظهور الها من اكتر من اسبوع

اشرف. مارح خبر حدا عن البيت الي استأجرتو ولا عن هند مابدي يصيير متل كل مره وينزعو علي

ياريت لو فيني خبرها بكل شي بس هي صغيرة ومارح تقبل بواحد متزوج
بس مارح اسمحلها تكون لغيري ومشكلة تهاني بيلتقالها حل
( تهاني مرتو لأشرف )

باليوم الثاني راح اشرف ع الشقة شاف ابو عصام وهوا رايح ع الشغل وسلم عليه
وظل كل شوي يطلع وينزل بلكي يشوف هند طلعت بس ما كانت تطلع

اشرف. وبعدين يعني كيف بدي شوفا

نزل اشرف مره تانية بس صار بنص الدرج شافها هي وامها ع الباب
امها ومرت عمها بدهن يروحو ع سلفتهن
سمعهم اشرف شو عم يحكو

ام عصام. يلا ام محمد خلينا نخلص من هالمشوار

ام محمد. هند انتبهي ع حالك وماتنسي الاكل ع الغاز رح يصير
وبس يجو اخوتك حطيلهن الغدا واذا بدك شي احكي معنا
ويلا هلأ فوتي وسكري الباب
هند. حاضر ماما

نزلو امها ومرت عمها وهي دخلت وسكرت الباب

دء باب بيتهم لهند

هند. هي اكيد امي نسيت شي
فتحت وكان اشرف

اشرف. صباح الخير
هند. صباح النور
اشرف. اسف اذا ازعجتك
هند. لا ابدا .. خير في شي

اشرف. أ أ أ اي يعني لاء
هند. شو ماعم افهم عليك
اشرف. اي بدي .. بدي اسألك اذا عندكن مفتاح غاز لان نسيت جيب واحد

هند. اي عنا دقيقة لجبلك ياه
اشرف. اي

دخلت هند ودورت عليه مالقتو
هند. يا الله وين راح .. وينووو

طلعت لعند اشرف

هند. مالقيتو مابعرف امي وين حاطيتو
اشرف. خلص مو مشكلة
هند. اه يمكن يكون ببيت عمي تعا معي هلأ بجبلك ياه

طلعو ع الدرج اشرف وقف قدام شقتو وهند طلعت ع بيت عمها فتحلا ماهر ابن عمها لصغير

هند. ماهر مفتاح الغاز الي النا عندكم
ماهر. مابعرف روحي دوري عليه ازعجتيني من نومي مشانو
هند.في حدا بنام للظهر
لك انا مابعرف وينو
ماهر. روحي ع غرفة ايه هي بتعرف وينو

دخلت هند ع غرفة بنت عمها ايه وسألتها عنو وعطتها ياه

نزلت هند ومن السرعة وقعت

هند. اااخ اف ياه
اشرف. هههههه ع مهلك ليش هيك مستعجلة

هند. هههه كمان هلأ عم بتضحك
لا مو مستعجلة بس لانو تأخرت عليك

اشرف. لا ابدا .. صرلك شي
هند. لا ماصرلي شي
خد هادا هوا

اشرف. يسلمو ايديكي
هلأ خمس دقايق وبجبلك ياه
هند. طيب
اشرف. بس سؤال
هند. تفضل

اشرف. نسيت كم عمرك
هند. عمري 19
اشرف. العمر كلو
هند. تسلم
اشرف. انتي اكبر شي بأخواتك
هند. لا في اختي اكبر مني متزوجة
اشرف. ايوا
طيب اسف اني غلبتك
هند. لا ولا يهمك يلا باي
اشرف. باي

دخلت هند ع البيت

هند. ماا ما مابقا احكي معو الا اذا بدو شي لان اذا شافني عمي او واحد من اولادو والله بيدبحوني وبسببلو مشكلة لأشرف

اشرف عم يستنا ليصرلو خمس دقايق

اشرف. هيك ما بتزبط لانو اذا حدا شافني واقف معا رح يصير مشكلة بدي احكي معا وخليها تعرفني واحكيلا قصتي المشكلة لو انها تفتح الواتس

نزل اشرف ليرجعلها مفتاح الغاز دء الباب وفتحتلو واعطاها ياه

هند. يسلمو

كانت بدا تسكر الباب بس دخل ايدو جوات الباب

#ياورد_مين_علمك_تجرح_الكاتبة_روان_الشبلاق
@rwayate
الجزء الخامس

هند. والله انا سدئتك عنجد هاد تصرف غبي منك مالازم تعملي هيك
دعاء. وليش بقا

هند في نفسها لأنك شعلتي نار الغيرة بقلبي وخليتيني اتأكد اني بحبو

هند. لان ماحلو منظرك وانتي قاعدة ع الدرج ومادة رجليكي قدامو
دعاء. ههههه لك هوا سدئني ماشفتي كيف كان بدو يساعدني بس حضرتك ما خليتيه
بس صحيح كيف تجرأتي ومسكتيلو ايدو
@rwayate
هند. اه مابعرف هيك فجأة خفت انو تقيمي قيامتو اذا بيمسك ايدك
دعاء. لك لا بالعكس ياريت هيك صار
هند. خلص غيري ع الموضوع

اشرف. لك والله مسكتلي ايدي انا ماكنت اتخيل عنجد مسكتها ياريت شديت عليها ياريت ما خليتا تتركها
انا عنجد معد اتحمل
بس لزبط اموري رح اطلبك واتزوجك

بالليل في بيت هند مو قادرة تنام

هند شو عملت فيني يا اشرف شو بتكون تحكي علي هلأ ع تصرفي الغبي
طيب ودعاء شو
مابعرف مابعرف ومابهمني حتى اشرف كلو ما بهمني

اشرف من الملل حط راسو ونام بس مجبور يبقا بالشقة مشان يراقبها الصبح اذا طلعت ع مكان ويلحقها

الساعة 1 رن موبايلو وكان وليد

اشرف. اي وليد
وليد. شبو صوتك
اشرف. ولشي بس نايم
وليد. مامعقول اشرف نايم من هلأ
اشرف. اي شو بدك هلأ
وليد. مابدي شي كمل نومتك وبكرا حاكيني
اشرف. ماشي

قام اشرف وراح يعمل قهوة وهوا بالمطبخ وصلتو رسالة
راح شافا وبس فتحا كانت انو هند فتحت موبايلا

اشرف. هلأ لحتى فتحتو من الصبح وانا ناطرها هلأ بهالوقت مابقدر احكي معها
راح كمل القهوة

هند عبت بطاقة النت وفتحت الواتس وحطت ع رقمو شافتو حاطط صورتو فتحتها وبقيت تتمايز فيها تقربها وتبعدها تشوف ضحكتو وتفاصيل وجهو وتبتسم
كانت شاردة فيه بس نئزت وقت وصلها رسالة منو

اشرف. مساء الخير
هند. مسالنور

اشرف. ههههههه كأنو كنتي فاتحة ع رقمي لأن فورا بين انو قرأتيها

هند. لا انا هلأ فتحت
اشرف. بس انا شفتك صرلك خمس دقايق ونطرتك حتى تحاكيني وماحكيتي

هند. شو يعني مراقبني
اشرف. اي بصراحة كل شوي بشوف اذا فتحتي او لا
بس ماقلتيلي كنتي عم تتفرجي ع صورتي ولا شو 😉

هند. لا اصلا ما انتبهت شو هي صورتك
اشرف. لكن شو
هند. بس كنت بدي قلك انو يسلمو ع البطاقة وبكرا رح بدفعلك حقها

اشرف. بالله عليكي بلا هالحكي هند. هاد حقك ولازم تاخدو
اشرف. هلأ قوليلي ليش سهرانة لهلأ

هند. ماعم بقدر نام وانت ليش سهران
اشرف. عم بفكر فيكي

هند.......

اشرف. اسف هند والله مو قصدي هي تاني مره بصير معي هيك بس في حكي كتير بدي قلك ياه ولازم تسمعيني
@rwayate
هند. قول
اشرف. بتذكري اول مره شفتك فيها وسألتك عن بيت عمتك
هند. اي بتذكر

اشرف. اي انا ركبت سيارتي ورحت وقفت عند بيت عمتك ونطرتكم لتطلعو ولحقتكم حتى عرفت وين ساكنين
وعرفت انو عندكم شقق للأجار
وحتى وقت التقينا بالسوبر ماركت ماكانت صدفة انا كنت ناطرك وعم استناكي

هند. ليش هيك عملت
اشرف. هلأ بقلك
وحتى انا عندي بيت وما الي شهرين ساكن فيه لساتو جديد بس انا من اول مره شفتك فيها دخلتي لقلبي و وقت سمعت صوتك عم بتغني مابعرف شو صرلي
حتى انا مستغرب من حالي عم بتصرف متل المراهقين وما حاسس ع حالي

هند. كل هاااد
اشرف. اي واكتر
هند. شو الاكتر
اشرف. وقت اجيت لاخد مفتاح الغاز ماكان لازمني بس مالقيت حجة تانية حتى شوفك
واليوم والله تكسرو رجليي وانا طالع نازل كل خمس دقايق بس مشان شوفك

هند عم تسمع حكيو وقلبها رح يطلع من مكانو

اشرف. هند سامعيتني
هند. اي وقصة انو شغلك بمحل قريب من هون
اشرف. كلو كان كذب انا لو كان يطلع بأيدي كنت من ونحنا تحت الليمونة قلتلك بشو حسيت
احكي ليش سكتي
هند. مابعرف شو بدي احكي

سكر اشرف الواتس واتصل فيها
قامت قفلت باب غرفتها
وحطت راسا تحت لحرام وفتحت خط وبقيت ساكتة

اشرف. هند اسمعيني
هند. سامعتك
اشرف.انا بحبك والله العظيم بحبك
من اول مره شفتك فيها سكنتي بقلبي ورحي وقلت انو انتي مارح تكوني الا الي لان حبيتك من كل قللللبي
هند انتي حاسة فيني
انا اول مره بحياتي بتصرف هيك انا مستعد اعمل ايا شي بس انك تحبيني

يعني بدك تبقي هيك ساكتة
بس سمعيني صوتك

هند......
بقيو لتنين ساكتين

هند في نفسها قلو الي حاسة فيه قلو اني حبيتو وانو حكيو هاد خلاني حبو اكتر واكتر
بس انا خايفة ومن شو مابعرف دمعو عيونها
@rwayate
هند. اشرف
اشرف. عيونو لأشرف
هند. اشرف انا انا خايفة
اشرف. من شو خايفة احكي كل شي حاسة فيه ولا تخافي من شي

صارت تحاكيه وهي تبكي

اشرف. هند شبك احكيلي

هند. انا خايفة من الي عم بصير معي هي هي اول مره بصير فيني هيك
ماعم بقدر اتحكم بقلبي وبتفكيري
حاولت امنع حالي من التفكير فيك وانو اتجاهل مشاعري بس مكالمتك هي خلتني احكي كل شي بقلبي انا اول مره بعرف شو هوا الحب
ومن اول مره شفتك وحكيتك حسيت بشعور حلو اول مره بحس فيه بس ماكنت بعرف انو هاد هوا الحب
وكل ماعم فكر فيك بصير ابكي مابعرف ليش بس انا والله حبيتك
حاولت ما افتح موبايلي وخليه مسكر بس مااااقدرت
كل تفكيري كان فيك صرت اتخيل كل شي فيك حكيك حركاتك صوتك شكلك كل شي كل شي
ومزبوط انا كنت عم اتفرج ع صورتك وقت بعتلي
@rwayate
اشرف. وكيف شفتيني عجبتك ؟
هند........

اشرف. هههههه بس ماكنت بعرفك حساسة لهالدرجة وقت شفتك اول مره قلت هي البنت قوية وماممكن حدا يقدرلها بس طلعتي غير هيك يعني ماعرفت شو السبب انو عم تبكي وانتي تحاكيني وماعرفت انتي من شو خايفة ؟

هند. والله مابعرف يمكن خايفة من امي شو رح تقول عني مامتعودة احكي مع حدا اول مره بحكي هيك حكي ومابعرف شو رح تحكي انت عني لان انا غلطانة ماهيك

اشرف. لا تحكي هيك لوتعرفي اديش كلمة بحبك طالعة حلوة من تمك واديش حكيك ريحني كنت خايف انو تكوني مرتبطة واخسرك @rwayate
وانتي خايفة لانك مو متل باقي البنات الي بنشوفهن بالطرقات وبالجامعات بيحاكو الف شب وماوبيسألو عن اهلهن ولا عن حدا بس هاد مو خوف هاد هو الحب

هند صارت تضحك وتبكي مع بعض
اشرف. هههههه عم تبكي ولا تضحكي
هند. التنتين سوا
اشرف. ههههههه لو انا جنبك كنت مسحتلك دموعك بأيدي بس مو مشكلة امسحيهم انتي

هند. ههههه
اشرف. مابعرفك غيورة كل هالقد ليش اليوم مسكتي ايدي وبعدتيني عن البنت الي كانت معك

هند.....
اشرف. جاوبيني
هند. مو غيرة بس انت بدك فرصة انو تقرب منها وتعمل حالك بطل
اشرف. هههههه اعترفي انو غيرة انا عنجد بس كنت بدي ساعدها لتقوم

هند. اصلا هي طلعت كذابة كانت عم تمثل علي وعليك وقت عملت حالا وقعت
اشرف. عنجد ليش
هند. لانو معجبة فيك ووقت نزلت انت من ع الدرج وكنت عم بتسمعني حكي انو افتحي الموبايل هي سألتني عنك

اشرف. لك طلعتي فهمانة علي وما فتحتيه
هند. اي

اشرف. ما اقواكي
هندد شايفك ما سألت عن دعاء ولا ليش معجبة فيك
اشرف. مابتهمني كل الي بهمني انت وبس

هند. اممم
اشرف. قوليلي بحبك بدي اسمعا منك مره تانية

فصل الخط

اشرف. اففف يلعن هالحظ هلأ وقت الرصيد يخلص

فتح اشرف الواتس وبعتلا

اشرف. شفتي خلص الرصيد قبل ما اسمع كلمة بحبك 😓
هند. ههههههه اي ماكنت رح قولا ☺️

اشرف. اي ضحكي بكرا رح عبي بألفين رصيد ولو في بهالوقت محلات كنت رحت هلأ 😕

هند. ليش كمان بكرا بدك تتصل 😥
اشرف. لك كل ساعة رح اتصل لأسمع هالصوت الحلو
😍
هند. لا بخاف امي تعرف والله بتدبحني 😑

بقيو يحكو مع بعض للساعة 3 تعرفو ع بعض اكتر وماخلو سؤال ما سألوه لبعض
وبالاخر هند نامت وماحست ع حالا وهي شايلة الموبايل بأيدها
واشرف يبعتلها وماترد

اشرف. لك وينك 😬

عرف انها نامت
نام اشرف وكان احلا يوم بحياتو لان حبها بشكل مو طبيعي

يتبع...
الجزء السادس

#ياورد_مين_علمك_تجرح_الكاتبة_روان_الشبلاق

الجزء السادس
@rwayate
الصبح فتح اشرف الواتس لقاها لسا متصلة عرف انو لساها نايمة بعتلا

اشرف. اذا بعتلك ع الواتس وماانتبهي بس تسمعي صوت باب شقتي انخبط بقوة اكتر من مره بكون انا نازل وبتطلعي انتي مشان شوفك

تاني يوم قعدت هند من النوم وصارت تذكر الي صار مبارح حقيقة ولا حلم
فتحت الموبايل ولقت الواتس مفتوح وشافت الحكي الي باعتلا ياه

هند. ياربي والله حقيقة ولي كل هالحكي هاد صار
لك انا كيف بحكي معو هيك لك كيف بدا تجي عيني بعينو

رن موبايلو لأشرف وكانت امو

اشرف. صباح النور .. مشتاقلك كيفك انتي
ام شريف. الحمدلله .. لك والله جننتني ايمتا بدي شوفك يعني اذا لا عم تجي علينا ولا عم بتقعد ببيتك وين بتروح لكن

اشرف. هههههه خلص وحياة عيونك اليوم المسا رح اجي اسهر عندك

ام شريف. وبتنام عندي
اشرف. لا هي ما بقدر
ام شريف. لا بتقدر مو ع كيفك

في بيت هند راحت غسلت وجها ومشطة شعرا ولبست و وقفت قدام المراية تتمايز بحالا وفرحانة وعم تغني لأليسا

اول مرة تحب يا قلبي واول يوم اتهنى
ياما على نار الحب قالولي ولقيتها من الجنة
اول مرة

هند. منيح ماني حاسة ع حالي وقت قلتلو بحبو لولا هيك ماكانت طلعت معي بس حكيو مبارح خلاني روح لعالم تاني يااه اديش حلو الحب
وهوا بياخد العقل

بعد ساعة قاعدة بالصالة هي وامها وشاردة بعالم تاني
لبس اشرف وزبط حالو ونزل

خبط الباب بقوة اول مره وتاني
هند. ماما ماما انا رايحة عند دعاء
ام محمد. روحي مين ماسكك
@rwayate
خبطو مره تالتة بس كانت طالعة وعم تستناه قدام الباب
شافها وابتسم قبل مايوصل اتطلع حواليه ليشوف اذا في حدا

هند. لا امي بكون عمي لسا مارجع وبعدين واذا رجع شوفيها
ام محمد. لك مافيها شي بس بكون بدو ياكل ودعاء ماحتكون فاضيتلك

هند. هلأ كل هالمحاضرة لانو بدي روح خمس دقايق
ام محمد. لك روحي مين مانعك
هند. اي لكن بااي

طلعت هند لتروح ع بيت عمها بس بالاول كانت بدها تدق الباب ع اشرف وتخبرو انها وافقت وبعدين تطلع لبيت عمها
وصلت لعند شقتو

هند في نفسها خايفة حدا يشوفني
لك يلا هند قوي حالك بس قوليلو اي وروحي وماحدا شايفك

اشرف فتح الموبايل وشاف انها وافقت بعتلا

اشرف. هههههههه يخليلي ياكي ياخويفة
لا مازعلت بس خلص شحن موبايلي ولحتى عملت قهوة

دءت الباب وفتح اشرف انصدم بس شافها

هند. اشرف بدي قلك

سحبها من ايدها بسرعة ودخلها لجوا وسكر الباب

كانت ماسك ايدها وانفاسهم قريبة كتير من بعض

تلبكت وصار قلبها يدق من الخوف

هند. شــ شو شو عم تعمل

اشرف. هــــس

حط ايدو ع تمها وسكتها

يتبع...
الجزء السابع

#ياورد_مين_علمك_تجرح_الكاتبة_روان_الشبلاق

الجزء السابع

هند. اشرف بعد بدي اطلع
اشرف. عمك .. عمك
هند. شو شبو عمي

دء الباب

هند. بصوت واطي م م مين هاد

سحبها اشرف من ايدها واخدها ع الغرفة

هند. لك شو بدك تعمل شو بدك مني اتركني بدي روح

اشرف. مجنونة مابدي اعمل شي اهدي شوي هاد عمك الي عم بدء ع الباب

هند. شوو
اشرف. اي بس فتحتلك كان هوا نازل لهيك ماعرفت شو اعمل دخلتك لهون

هند. طيب ليه ماقلتلي كنت رحت
اشرف. وين بدك تروحي لو شافك كان سألك وين كنتي
هند. لساتو عم يدء الباب والله اذا شافني بموتني

اشرف. رح افتحلو
هند. شو لا لا بترجاك
اشرف. لا تخافي وخليكي هون
هند. لا لا تفتح هلأ بروح
اشرف. ما رح يروح لانو سمعني وقت سكرت الباب
خلص انتي ما تخافي بس بشوف شو بدو

طلع اشرف يفتح الباب وظلت هند عم ترجف وقلبها بدق

ابو عصام. السلام عليكم
اشرف. وعليكم السلام

ابو عصام. بس ماكون ازعجتك
اشرف. لا عادي

ابو عصام. فيني فوت
اشرف. اه .. اي تفضل

ابو عصام. جبت عقد ايجار مشان نكتبو
اشرف. هلأ ؟
ابو عصام. اي هلأ اذا ماعندك شي

هند. ولي ياربي دخيلك شو عملت انا شوو عملت وصارت تبكي

اشرف. والله انا عندي مشوار عادي اذا اجلناه لبكرا
ابو عصام. ع راحتك بس ما بياخد دقيقتين من وقتك

اشرف. طيب بس دقيقة وراجع

راح اشرف لعند هند

هند. قلو قلو انو بعدين مو هلأ
اشرف. لك وطي صوتك خلص بس دقيقتين وبروح

هند. بلكي فات لهون وشافني
اشرف. لك ليش لحتى يفوت
هند. طيب بسرعة الله يخليك

اشرف. بحبككك
هند. لك يلا روح

طلع اشرف وكتبو العقد وقام ابو عصام ليروح

اشرف. خليك نشرب قهوة
ابو عصام. غير مره ان شاء الله
يلا السلام عليكم
اشرف. الله معك

راح عمها بس قلبها كان رح يوقف من الخوف

هند. يااا امي كنت رح موت
اشرف. ليش كل هالقد خايفة
هند. بدي روح
اشرف. خليكي دقيقة لاتأكد انو راح
هند اي

اشرف. هههههههههه ال بعد عني بعد عني شو بدك مني تركني روح

هند........
اشرف. هههههههه كأنك فهمتي الموضوع غلط
هند. اي بسببك
اشرف. لازم تشكريني
هند. على شو
اشرف. لاني ساعدتك
هند. اي شكرا يلا شوفلي اذا مافي حدا بدي اطلع

اشرف. لك صحيح ليش كنتي جاية لعندي
هند. كنت بدي قلك انو موافقة اطلع معك بس هلأ بطلت بعد هالرعبة الي دقتا

اشرف. هههههههه بس انتي بعتيلي انك موافقة
هند. فكرتك زعلت لهيك مارديت وماهان عليي زعلك

اشرف. هههههههه لك تسلميلي شو بحبك
هند. لا تظل تضحك يلا خلصني بدي روح
اشرف. طيب بس بدي قلك
اليوم انا بدي روح لعند اهلي ورح ابقا هنيك لبكرا
وبكرا بعد العصر بتجهزي حالك وبتقولي ايا شي لأمك وانا بستناكي بأول الشارع وبنروح

هند. الله يخليك بلاها
اشرف. خلص هند ليش خايفة بوعدك مانتأخر
بس دقلك بكرا بتطلعي ماشي
هند.اي

فتح اشرف باب البيت وهي وقفت وراه

اشرف. مافي حدا اطلعي
رح اشتقلك
هند. وانا كمان
يلا بااي
اشرف. باي

طلعت هند وراحت ع بيت عمها

اشرف. لو تعرفي اديش حبيتك وانو انتي صرتي احلا شي بحياتي ولو تطلبي عمري كلو بعطيكي ياه

بالليل راح اشرف ع بيت اهلو وكل اخوتو كانو موجودين سلم عليهم وع امو

ام شريف. هيك لك اشرف صرلي اسبوع ما شفتك وين بتروح بس فهمني

اشرف. حقك علي بس عندي شغلة وبدي خلصها
ام شريف. شو الشغلة
اشرف. ليجي وقتا بتعرفيها

ام شريف. وشو مشان مرتك ايمتا بدك تخلصنا منها

اشرف. المشكلة انوو
ام شرف. انو شو
اشرف. انو يا بدي بيع البيت الي لسا ماتهنيت فيه وادفع مأخرها
يا السيارة بس مابتكفي

ام شريف. لا يووه شو البيت نسيت اديش تعبت لجهزتو
اشرف. طيب شو اعمل

ام شريف. اديش بدك فوق السيارة
اشرف. نص مليون
ام شريف. هي اخوتك بساعدوك وبتشوف رفقاتك شو بقدرو يساعدوك

اشرف. يا امي اخوتي من وين الهم
ومابس مأخر لتهاني بدي كمان مصاريف للعرس
@rwayate
ام شريف. عرس شو
اشرف. بدي اتزوج
ام شريف. عنجد بتحكي
اشرف. اي في بنت حبيتا وبدي تخطبيلي ياها بس مو هلأ لأخلص من تهاني مابدي تخرب عليي متل كل مره

قصة رومنسية لكل الي معهن جفاف عاطفي حلوة كتير تابعوها 😊

#ياورد_مين_علمك_تجرح_الكاتبة_روان_الشبلاق
@rwayate
الجزء الاول والثاني والثالث والررابع

مرضت بها مرضآ يستعصى علاجه وحتى لو كان هناكـ علاج لا أريده فـأنا مغـــــرم بـعشقها هائم بعينيها متيم بها أيعقل أني جننت بها

♡♡

أدعي اني اصبحت اكرهه ،،
وكيف اكره من في الجفن سكناه ،،
وكيف اهرب منه ؟
انه قدري هل يملك النهر تغييرا لمجراه "♡"

هند. يلا يا دعاء امشي بسرعة هلأ معد نلحق لانو ابوكي كان عم يتصل بالتكسي

دعاء. طيب امشي يعني مافي مره اجينا ع بيت عمتي الا تروحي تسرقي ليمون من عند جيرانهم

هند. كل مره بدك تسمعيني هالحكي بتعرفيني كتير بحب الليمون الناشف الي مافيه مي وبالأخص انو سرقة بتحسي طعمتو اطيب
لك يي وين بدي حطن نسينا نجيب كيس

دعاء. لك هبلة ليش اديش بدك تسرقي خديلك تنين وبكفي
هند. بالله شو محسوبة عليي سرقة مشان ليمونتين
انتي روحي جيبي كيس وانا رح امشي قدامك
دعاء. طيب ماشي

في بيت وليد

اشرف. ماعندك ليمون للشاي
وليد. لا والله ماعندي
اشرف. كيف هيك دبرها
وليد. هلأ مابقا تشرب الشاي الا بليمون ماعندي من وين بدي جبلك

اشرف. شوف هديك شجرة عند جيرانكم روح جيب منها
وليد. روح انت بدك تعلقني بلسانهم
اشرف. ليش بيحكو شي اذا رحت
وليد. اذا بشوفوك عم تاخد بدون ما تسألهم بتروح فيها
اشرف. عادي كاسة الشاي مع ليمون بتستاهل البهدلة رح جيب تنتين واجي
@rwayate
وصلت هند ع شجرة الليمون وصارت تقطع وتحط بأيديها لحتى تجي دعاء

وصل اشرف عند الشجرة شاف هند وقف وراها بس هي ما انتبهتلو كانت عم بتغني وصار يتفرج عليها ويضحك بس لسا ما انتبهتلو

هند. معذور لو جن القلب معذور
بعيون عم تغزل حلا معذور
مين اللى ما بيحبك يا ويلى من قلبك
مغرور قلبك يا حلو مغرور

اشرف. من وين طلعتلي هي رح بطلب منها اكيد مابتحكي شي

هند. لك وين راحت هي ومعد رجعت

اتطلعت هند وراها لتشوف دعاء اذا اجت او لا شافت اشرف واقف وعم يتفرج عليها خجلت كتير وتلبكت وكان منظرها بضحك وهي شايلة الليمون بين ايديها

اشرف بس شافها ماحكا ولا كلمة حتى نسي ليش هوا هون
هند. في نفسها ولي شو بدي قلو هاد اكيد ساكت لانو ناطرني اعتذر منو ع السرقة

هند. من زمان واقف هون ؟
اشرف. من عند معذور لو جن القلب معذور
ع فكرة صوتك حلو

هند.....
اشرف. ههههههه

هند. هي الشجرة الكم ؟
اشرف. اه .. ايه النا
بس ليش عم تسرقيهن سرقة ليش ما قلتيلنا بالاول

تلبكت هند وصارت اتأتأ

هند. هي مو سرقة يعني مالن كتار
اشرف. هدول كلن مالن كتار !!
مابصير هيك تصرف من بنت حلوة متلك

هند. انا مابعرف يعني طيب اسفة خلص خدهن ما بقا بدي ياهن

حطت هند الليمونات ع الارض ومشيت

اشرف. ههههههههه لك لحظة تعي وين رايحة بس بدي قلك شغلة

هند. شو بدك
اشرف. هههههههههه
هند. حل عني ياه شو بضحكك قلتلك اسفة وخلص باي

اشرف. لك بس دقيقة وقفي والله دقيقة
هند. ماوقفت لأسمعك بس بدي قلك انو انت كمان تصرفك مو حلو واقف ورايي وعم تتفرج عليي

اشرف. ههههههه لك انا متلك جايي لأسرق كم ليمونة بدي حط ع الشاي

هند. شوو
اشرف. اي والله وفكرت انو هي الشجرة الكم كنت عم بستناكي لتخلصي مشان اطلب منك

هند. عنجد انك مابتستحي ليه هيك عملت ولساتك عم تضحك كمان

اشرف. ههههههه لك عم بضحك انو اديش سارقة الواحد بياخد تنتين خمسة مو فوق ال 20

هند. اي هاد مو شغلك
ولاتنسا حالك الي سارق وحده متل الي سارق عشرين

اشرف. لشو بدك ياهن
هند. مادخلك

نزلت هند ع الارض لتاخد الليمونات صار اشرف يساعدها بلمهن
كانت تحطهن بين ايديها ويوقعو لانهن كتار

اشرف. هههههههه مامستعدة تتركي ولا وحده
هند. بعد من وجهي مابدي مساعدتك

اتطلع فيها اشرف عن قرب

اشرف في نفسه سبحان الي خلقك اديشك حلوة

وقف اشرف وعم يستنا هند لتخلص لمهن
خلصت هند ووقفت شافتو عم يطلع فيها

هند. لتكون ناطرني لأتشكرك او قلك يسلمو
اشرف. ههههه لا بس ثبتيهن منيح لا يوقعو
هند. مو شغلك

شافو شب صغير وسمين جايي ركد وعم يصيح عليهم

.... هيييييي شو عم تعملو هون

هند. ولي هلأ علقنا عنجد
اشرف. لك رح يوصل خلينا نهرب ركدي بسرعة

مسكها اشرف من ايدها من فوق وسحبها وصارو يركدو وهند تصيح ع اشرف لانو وقعو الليمونات بسببو

هند. لك وقعو الليمونات وقف خليني لمهن
اشرف. هههههه هلأ بيمسكك

وقفت هند تلم الي وقعو منها ووقف معها اشرف

بس الشب لسا لاحقهم
....... وقفي وقفي لك وقفي يا سراقة
@rwayate
هند. ولي اجا

صارو يركدو ويضحكو هنن التنين
لحتى بعدو عنو وضيعوه
هند انقطع نفسها من كتر الركد

هند. العمى بقلبو متل الدب ماتعب وهوا يلحقنا

اشرف. كل هالتعب وما اخدتي الا هدول الليمونتين

هند. اي كلو منك ضليت تقول شو بدك بهادا كلو لحتى وقعو مني

اشرف. هههه يلا بسيطة عطيني وحده منهن
هند. كمااان
اشرف. اي لانو ركدتيني معك وانا ما دخلني

هند. ههههه طيب خود وحده الي و وحده الك

اشرف. كأنك انتي مو من هون ؟
هند. اي انا من ..... بس جايين زيارة عند عمتي
بس شو عرفك اني مو من هون

اشرف. اتوقعت لانو باين عليكي بنت مدينة
ع فكرة انا كمان من ..... وجايي لعند رفيئي
#الكاتبة_روان_الشبلاق
هند. اه عنجد طلعنا من نفس المدينة
اشرف. اي

اشرف. صحيح ما قلتيلي اسمك انا اشرف

هند. وانا هند
اشرف. عاشت الاسامي
كم عمرك

هند. 19 وانت
اشرف. انا 26

هند. تشرفت بمعرفتك صار لازم روح لانو بدنا نرجع ع بيتنا
اشرف. بس اياه بيت عمتك ؟
هند. هداك البيت
اشرف. ايوا

هند. تأخرت يلا باي
اشرف. باي

مشيت هند وهي فرحانة مو عارفة ليش
وكمان اشرف مشي وهو مبسوط كتير

دعاء كانت رايحة عند شجرة الليمون وصلت عند الشجرة وصار تدور حواليها وتصيح لهند شافها الشب الي لحقهم

الشب. شايفك رجعتي شو جايي تكملي سرقة خليتيني اركد وراكي انتي مابتستحي ع حالك مابتعرفي تطلبيهن احسن من السرقة لك انتي

دعاء. هي هييي شبك جنيت شايفني سرقت شي
الشب. وعم تنكري كمان باين عليكي مو مرباية

دعاء. احترم حالك ياتافه تضرب بهالشكل متل البرميل
الشب. انقلعي من هون يلا ولا بقا تأرجيني خلقتك وماتنسي تقصي لسانك يا سراقة

دعاء. اخرس يا حيوان برميل
الشب. سراقة
دعاء. برميل
الشب. سراقة
دعاء. برميل

رجع اشرف لعند وليد

وليد. وينك لهلأ برد الشاي
اشرف. اي عادي لانو رح تشربو لحالك
وليد. ليش ماجبت ليمون

اشرف. لا وهلأ بدي روح
وليد. وين تروح
اشرف. بدي ارجع ومره تانية بجي لعندك
وليد. لك من شوي وصلت
اشرف. خلص بعدين بحكيلك سلام
وليد. الله معك

ركب اشرف سيارتو وراح وقف قريب من بيت عمتها لهند مشان يلحقهم ويعرف وين بيتهم

وصلت دعاء ع البيت وهي عم تسب ع الشب

دعاء. حيوان تافه دب مابيفهم
هند. مين الحيوان
دعاء. كلو منك وين كنتي
هند. استنيتك كتير وما اجيتي لهيك رجعت
دعاء. اي لانو امي ماخلتني روح الا حتى ضبيت تياب اخوتي مشان نروح
وبس خلصت رحت عند الليمونة لقيت واحد حمار هنيك العمى بقلبو مابيفهم
@rwayate
هند. هههههههه
دعاء. ليش بتضحكي
هند. لا ولشي

هند تذكرت وقت اشرف كان واقف وراها وهي تغني وصارت تضحك ع حالها

ام محمد. امها لهند يلا ياهند قومي شوفي اذا نسيانين شي التكسي رح يوصل

هند. لا امي كل شي جاهز

اشرف. وينن لهلأ هي قالت هلأ بدهم يرجعو

وصلت التكسي وطلعو كلهم لبرا

اشرف. ها واخيرا طلعو

ركبت هند وامها واخوتها بالتكسي وبيت عمها ابو دعاء ركبو بسيارتهم

ومشو السيارات

اشرف. كأنو هي طلعت بالتكسي

ظل ماشي اشرف وراهم حتى وصلو للعمارة الي ساكنين فيها وبعدا راح

هند بنت ناعمة كتيرررر وحلوة عيونها خضر وشعرها اشقر ملامحها بتجنن وجسمها حلو
كلها ع بعضها بتجنن

واشرف طووويل اسمر وشعرو اسود وعيونو عسلي حلو كتيرر وبجنن

هند ابوها متوفي عايشة مع امها واخوتها
اختها الكبيرة متزوجة
والباقين اصغر منها بنتين و3 اولاد

دعاء بتكون بنت عمها
وهنن بيجو كل فترة ع بيت عمتها بيقعدو يومين

يتبع...
الجزء الثاني

#ياورد_مين_علمك_تجرح_الكاتبة_روان_الشبلاق

الجزء الثاني

باليوم الثاني اتصل وليد بأشرف

وليد. وين رحت مبارح ليش ماقعدت
اشرف. لك هلأ مالي فاضي رح وصل
وليد. وين توصل
اشرف. ع بيتهم
وليد. لك ع بيت مين شو عم تخبص

اشرف. لك بيت البنت الي شفتا مبارح عند شجرة الليمون
وليد. يعني ناوي تجلطني احكي بوضوح خلصني

اشرف. يي هلأ وقتك يازلما كل القصة انو مبارح وقت رحت قطع ليمون شفت بنت كتير حلوة بتفلج كانت هي كمان عم تقطع حكينا شوي مع بعض
طلعت جاية زيارة عند عمتها عجبتني كتير ولحقتا وعرفت وين بيتهم

وليد. ماعرفتك طيب وبعدين شو بدك تعمل
اشرف. مابعرف بدي طريقة اتواصل معها واتعرف عليها اكتر
وليد. ليش حليت مشكلتك بالاول
اشرف. لك لا تذكرني خليني مبسوط
وليد. ههههههه انت خلص جنيت يعني بعد كل شي صار معك لسا بدك تحب

اشرف. اي والله من مبارح لليوم مابعرف شو صايرلي
وليد. طيب احكيلي بالتفصيل اكتر
اشرف. خلص المسا بحكي معك يلا سلام
وليد. الله معك

صف اشرف سيارتو وراح وقف تحت العمارة ويتطلع لفوق

اشرف. كيف بدي اعرف بأنو طابق هي
طيب هي العمارة الهم ولا مستأجرين هون
لروح اسأل الشب الي بالسوبر ماركت

اشرف. لو سمحت هي الشقق للأجار
الشب. اي في شقتين للأيجار الشقة الارضية والطابق الثالث

اشرف. طب مع مين بدي احكي اذا بدي استأجر

الشب. في عندك ام محمد هي ساكنة بالطابق التاني بتقدر تحكي معها بدها تأجر الارضي
وفي ابو عصام ساكن بالطابق الرابع وبدو يأجر الثالث

اشرف. ايوا شكرا الك عزبتك معي
الشب. لا ولو اهلا وسهلا

اشرف. انا بطلع معك احسن ماتنزلي مره تانية
ام محمد. اي تفضل
@rwayate
اشرف في نفسه ياااه والله اذا بتاخد الرقم بتكون نقشت معك يا اشرف

ام محمد. هند لك هند

طلعت لعندا هند وشافت اشرف معها

هند. نعم ماما
ام محمد. اعطي رقم موبايلك للشب
صحيح ماقلتلي اسمك

اشرف. اسمي اشرف
هند. رقم موبايلي ليش !!
ام محمد. بدو يردلنا خبر المسا اذا بدو الشقة او لا

هند. اه
اي سجل عندك

سجل اشرف الرقم بموبايلو

اشرف. بس رح رنلك لأتأكد اذا صحيح او فيه غلط
اتطلع فيها اشرف وغمزها بدون ماتنتبه امها

اشرف. هي الرقم صار عندك

هند فهمت عليه شو قصدو

اشرف. والمسا ان شاء الله بردلكم خبر
ام محمد. اي توكلنا ع الله
اشرف. يلا السلام عليكم
ام محمد. وعليكم السلام

نزل اشرف وهند راحت ركد ع البلكون شافتو طلع بسيارتو
اتطلع ع البلكون شافها عمللها باي بأيدو
ماردت عليه ودخلت ع البيت
ومشي اشرف وهو طاير من الفرح

هند في نفسها ليش غمزني وعملي باي
هوا ما اخد الرقم ليردلنا خبر كان بأمكانو اذا مابدو الشقة ما يرجع واذا بدو ياها بيجي
بس هوا عمل هيك لياخد رقمي ويعطيني رقمو
معناها كانت مقصودة وقت اخد مني المفاتيح مسكلي اصابعي
واكيد المسا رح يتصل

بس صارت تفكر هيك صار قلبها يدق بسرعة
@rwayate
هند. سبحان الله انو شو هالصدفة شفتو مبارح واليوم بيجي يستأجر عنا

اشرف. لك كيف هيك دخلت لقلبي بهالسرعة وصرت اتصرف متل المراهقين لدرجة انو عندي بيت ورح استأجر عندهم
بس الحب بيعمل كللللل شي واكتر من هيك كمان

يتبع...
الجزء الثالث

#ياورد_مين_علمك_تجرح_الكاتبة_روان_الشبلاق

الجزء الثالث

بعد العصر ببيت اشرف

اشرف. مو قادر استنا اكتر من هيك رح اتصل مشان اسمع صوتها

رن موبايل هند شافت اسمو وصار قلبها يدق وصارت ترجف

هند. شو اعمل رد عليه لا لا رح اعطي لأمي لان هلأ رح اتلبك كتير
وخليه يحكي مع امي انا ما دخلني بشي
وبخاف اذا رديت وعرفت امي تفضحني

اشرف. ليش ماعم ترد رح اتصل مره تانية

هند. ماما خدي ردي
ام محمد. مين هاد
هند. الــشب الي بدو يستأجر
فتحت الخط احكي

ام محمد. الو السلام عليكم

اشرف مازبطت هالمرة

اشرف. وعليكم السلام انا اشرف
ام محمد. اي عرفتك
اشرف. بس بدي قلك انو انا بدي استأجر الشقة
ام محمد. اي على بركة الله
اشرف. بس في مانع اذا من هون لساعة اجيت اخدت المفاتيح لانو بدي اشطفها ونظفها

ام محمد. لا يا ابني ايمتا مابدك تعال
اشرف. اي لكن ساعة وبجي يلا السلام عليكم
ام محمد. الله معك

هند. شو بدو
ام محمد. بقول انو بدو ياها للشقة
هند......

ام محمد. سبحان الله ربنا ما اكرمو والله كنت هكلانة هم من وين بدنا نصرف بس يخلصو المصاري الي معنا واخوتك صغار حرام بدهم اشياء كتير لازمتهم وانا عم اجلهم وهي ربنا افرجها
والشب باين عليه محترم وبحالو
هند. اي منيح اجارها بساعد شوي

ام محمد. قومي لنروح شوي ع بيت عمك بين مايجي الشب ياخد المفاتيح
هند. ليش بدو يجي ؟
ام محمد. اي قال من هون لساعة بدو يجي ينظفها يمكن مستعجل بدو يسكن

هند. اي يمكن
ام محمد. يلا قومي نروح خلي اخواتك يعرفو يدرسو ومشان نخبر عمك انو الشقة اتأجرت

طلعو ام محمد وهند ع شقة ابو عصام الطابق الرابع
ام محمد قعدت مع ام عصام
وهند راحت لعند دعاء ع غرفتها
@rwayate
هند. كيفك دعاء
دعاء. اهلين هند شو مع مين جاية
هند. اجيت انا وامي .. شو عم تعملي
دعاء. شوفة عينك عم بدرس
هند. لك مابتملي من الدراسة
دعاء. لا ابدا
هند. قومي نطلع لعندهم ع الصالة
دعاء. يلا بس دقيقتين لخلص هي الصفحة
@rwayate
قعدت هند ع التخت وصارت تلعب بشعرها وراحت بتفكيرها لوقت غمزها اشرف و وقت التقو عند الليمونة
ابتسمت هند وطلعت ع الصالة

ام محمد. اليوم اجا شب وشاف الشقة وعجبتو وبدو يستأجرها

ام عصام. شوو شقتكم
ام محمد. اي الحمدلله اجا بوقتو لانو فلسنا هالفترة
ام عصام. وابو عصام معو خبر
ام محمد. لا انا جاية هلأ لخبرو

ام عصام. ايوا يلا خير ان شاء الله انا رايحة اعمل قهوة نشربها انا وياكي

ام عصام عملت حالها رايحة تعمل قهوة بس هي راحت تقعد ابو عصام من النوم وتخبرو

ابو عصام. يعني في شب بدو يستاجر شقتهم
ام عصام. اي انو ليش عندها مو عنا
ابو عصام. شو بدنا فيهم الرزق ع الله
ام عصام. لا شو انك ذكي هلأ كل مره هيك عم بصير شقتها بتتأجر لانو بالطابق الارضي ونحنا ماكلين هوا لانو بالطابق التالت

ابو عصام. يعني شو اعمل اذا كل الي عم يجو يشوفو الشقة بكونو كبار بالعمر ومابيقدرو يطلعو درج لهيك بيختارو شقة ام محمد

ام عصام. بس هاد الي جايي شب يعني مابيطلعلها تحكي ولا كلمة شو يعني كل مره المستأجرين الها

ابو عصام. يعني شو بدك ياني اعمل
ابو عصام. احكي معها وقوللها انو المره هي دورنا شقتنا الها فترة منيحة فاضية وهاد شب بيقدر يطلع وينزل ع الدرج

ابو عصام. وبلكي هوا مابدو الا الارضي
ام عصام. مو ع كيفو اذا قلتلو مابدنا نأجر الارضي اكيد رح يقبل

#ياورد_مين_علمك_تجرح_الكاتبة_روان_الشبلاق

الجزء التاسع العاشر الحادي عشر
@rwayate
بالليل في بيت اهلو لأشرف
ام شريف. شو صار معك
اشرف. ماصار شي
ام شريف. كيف يعني ماطلقتا لتهاني
اشرف. طلقتا وخلصنا
ام شريف. لكن شبك ليش هيك زعلان
اشرف. بدي اتزوج

ام شريف. هلأ صرت بتفدر تتزوج مين ماسكك وبعوضك الله عن الخسارة الي خسرتها
اشرف. ماهون المشكلة

ام شريف. شو لكن
اشرف. لك اااخ بس
ام شريف. لك شبك احكيلي شغلتلي بالي

طلع اشرف ع البلكون وماجاوب امو

ام شريف. لك اشرف شبك يا امي قلي مين هي البنت والله لأخطبلك ياها بس قلي عنها
لك تعا لهون شبك عم بحكي معك

طلعت امو لعندو

ام شريف. يا ابني يا حبيبي الجو بارد فوت لجوا خلينا نحكي
اشرف. هلأ انتي بتهمك راحتي وسعادتي
ام شريف. لك انت ابني ونورعيوني وعندي سعادتك بالدنيا كلها والبنت الي حبيتها اكيد رح حبها ما بكفي رح تصير مرتو لأبني المدلل

اشرف. تروحي تطلبيلي ياها
ام شريف. هلأ والله اذا بدك
اشرف. بس هي مابتعرف اني كنت متزوج ومابدي ياها تعرف
ام شريف. كيف يعني مابدك ياها تعرف

اشرف. اذا عرفت رح اخسرها ومارح تقبل فيني
ام شريف. خبرها عادي واكيد رح تقبل لأنو بتحبك
اشرف. رح تفكرني كذبت عليها وخليتها حتى تحبني وبعدا خبرتا
ام شريف. ههههههه انت بتكبر الأمور زيادة

اشرف. مابتتخيلي اديش حبيتها هي صارت روحي وكل حياتي
ام شريف. يا ابني انت اعطيني عنوانهم واترك هالموضوع علي وانا بحكي مع اهلها وبخبرهم

اشرف. لا رح بتروحي تطلبيلي ياها بدون مايعرفو
ام شريف. اشرف بلا جنانك هلأ اكيد رح يعرفو شو هنن رح يزوجوك ياها هيك ع العمية مابدهن يسألو عنك بالأول
اشرف. يي علينا هلأ انتي ماعليكي الا تروحي وتطلبيها وانا بالخطبة بخبرها وبنقول لأخوتي ونسوانهم ما يحكو شي ومامنعزم حدا غريب
ام شريف. اذا ماخبرتهم انا مابروح واذا انت خايف انو تخسرها لا تخاف انا بفهمهم بطريقتي انت ولا يهمك

اشرف. لاااا انتي خلص ماعليكي هنن مارح يعرفو الا ونحنا خاطبين وكاتبين لكتاب
ام شريف. بلااا جنان مو حلوة نطلع كذابين ومفكر انو بعدو ماتكتب لكتاب بتكون ربطتا فيك ومارح تتركك بحب قلك انو غلطان لأن وقتا رح تكون نزلت من عينا
اشرف. امي مشااان الله مو عأساس بتهمك راحتي لك انا اليوم لمحتلها عن هالموضوع وقالت مستحيل تقبل وقلتلها تخيلي لو انا كنت متزوج وخبيت عليكي شو بتعملي قالت ببساطة بتركك
رح باخدك تتعرفي ع امها بس بدون ماتحكي شي ع اساس جاي لعندي ع الشقة وقلتي انو بدك تتعرفي ع اصحاب الشقة وانا اخدتك اعندن

ام شريف. ماعدت فهمت عليك شي عن انو شقة بتحكي ومين صحابها انت صاحي ع حالك شو عم تحكي
اشرف. انا مشان ظل شوفا استأجرت شقا عندن والي فترة ساكن فيها
ام شريف. لااا انت عنجد مو ضايل فيك عقل لك مجنون انت تارك بيتك ومستأجر شقة ومابعرف ليش عم تفوت حالك بهي الدوامة كلا خلص احكي الحقيقة ورح يتقبلوها لانو البنت بدها ياك
@rwayate
اشرف. اي انا مجنون انا مابفهم ومابدي خبرها وبدك تروحي تخطبيلي ياها وبكرا كمان
ام شريف. اذا بروح بخبرهم غير هيك ماعندي الي بشوف تصرفاتك مابقول نو عمرك 26 سنة المراهقين مابيعملو متلك
اشرف. لا تروحي رح باخد خالتي مريم هي مارح ترفض ابدا
ام شريف. اي مبروك خدها وين مابدك .. تصبح ع خير
اشرف. وانتي بخير

بعد مرور ساعة في بيت هند

هند. هلأ اكيد اشرف بكون ناطرني لأحكي معو

هند. مسالخير .. كيفك
اشرف. هلا حبيبتي انا منيح انتي كيفك
هند. الحمدلله

اشرف. اي بنرجع لموضوعنا الي كنا نحكي فيه اليوم
هند. ايا موضوع
اشرف. موضوع انو انا عنجد متزوج ومطلق وكنت بدي اعرف ردة فعلك لهيك اليوم حاولت اخد منك حكي قبل ماخبرك
هند. ههههههع شو عاجبك بهيك موضوع
اشرف. لك ركزي شوي ماشفتي شو كتبتلك

هند. ههههههه
اشرف. ليش بتضحكي
هند. ع حكيك
اشرف. بس انا عنجد كنت متزوج وماقدرت خبرك الا هلأ
هند. ههههه لك بلا هالمزح ياااه
اشرف. ماعم بمزح
هند. اي لكن مبروك حبيبي هههههه

اشرف. هند مووو وقتك مزحك عم بقلك والله انا كنت متزوج وبس شفتك حبيتك وماكان فيني خبرك

هند. وانا بحبك وحبيبي حرام عليك تحلف كذب في مواضيع كتيرر غير هيك بينمزح فيها بس مو انو تجي تقلي كنت متزوج
وبدك ياني سدئك كل هاد لانو قلتلك انو كيف هيك دعاء وافقت ع واحد متزوج 😂

اشرف. يعني مو مسدئة
هند. لا مالي مسدئة
اشرف. ليش باين من حكيي اني عم بمزح
هند. اي باين وقلتلك اليوم مابقبل بواحد متزوج قبلي لهيك تصبح ع خير بدي نام 😘

اشرف. ليش هلأ بدك تنامي
هند. اي لأن بكرا بدا تجي اختي وما بدي تسهرني متل كل يوم
اشرف. بس لسا بكير يعني رح ابقا سهران لوحدي
هند. لا اسهر مع مرتك الاولى هههههه
اشرف. اضحكي بكرا بتقولي ليش ماخبرتني
هند. يلا بااي
اشرف. باي
@rwayate
اشرف. لك اخ منك
رح اخطبك ومارح تعرفي بشي وبس نخطب بخبرك

تاني يوم اجت صفاء اختا لهند
وحكتلا هند عن قصتها مع اشرف