#الغرفة_221 🖤الجزء التاسع
لنا : هو ما في خبر عنو اي؟
اليس : اي ..هيك احسن لألي ولألو
لنا : الحمد لله ع كلشي
مرقت كم يوم ع نفس الروتين ..واليس قررت توافق ع طلب لنا ..ما رح تهتم لوجعها ..رح تطلع من الطرف التاني ..لنا رح تكون اسعد انسانة لما هالرواية تحقق نجاح كبير ..
اليس رنت ع لنا ..
اليس : لنا ..
لنا : اي يا قلبي ..
اليس : ما فيني ..لا تواخذيني ..
لنا : مو مشكلة ..
اليس : عم بمزح بمزح ..متى رح نبلش؟؟
لنا : جد عم تحكيي !!
اليس : اييي..
لنا : لك بدي أحضنككك ما عم صدقق .
اليس : يلا تعالي ع الكوفي شوب الي جنب بيتنا بسرعة ..
لنا : هلأ باخد معي اللاب توب وأغراضي وبلبس وبيجي ..بحبككك ..
اليس : ونا أكتر ..
اما سلام !
قرر يحمل أغراضو ويرجع للقرية عند ابو ..يفتح هنيك عيادة ..ويشتغل هنيك ..بعيد عن الذكريات الموجودة هون ..هيك بريح راسو ..وبرجع لجو القرية المليان حب وعفوية ..
جهز كلشي وفتح عيادة وبلشت الناس تيجي لهنيك وهو كان مبسوط كتير ..بأنو رجع يساعد الناس ويرجع الفرحة لقلوبهم ..
اليوم التلاتاء الساعة 6 المسا ..
طلع من العيادة بكير لأنو كان مرهق من الشغل ..راح للبيت وكان ابو هنيك ..قعدو مع بعض شوي حكو ..وبعدين رجع لفراشو ونام ..
رن موبايل ابو ..ورد وحكا : اهلاً سحر خانم
سحر : ابو سلام ..بدي أطلب منك طلب ضروري .
ابو سلام : تفضلي ..
سحر : هلأ رفيقتي عندها مدرسة بقرية بعيدة عن هون شي نص ساعة ..بدها حد موثوق في يحرس المدرسة كم يوم ..عشان الحارس مريض وتعبان ..فاذا بتقدر ..
ابو سلام : والمدرسة هون ؟
سحر : لا تخاف ابني رح يحرسها مكانك ..
ابو سلام : ليش ما خترتي ابنك ليروح هنيك ..
سحر : ابني شب ..يعني ما عندو خبرة بهيك شي ...والمرة طلبت مني حد موثوق وانت ما شاء الله عليك الك سنين بهالشي ..
ابو سلام : ان شاء الله بكرا بكون هنيك ..
سحر : اي وكمان طلب اذا ما فيها تقلة ..
ابو سلام : تفضلي ..
سحر : هلأ الحارس مريض كتير ومحدا عم يعرف شبو ..وسمعنا انو ابنك شاطر كتير ..فاذا بتقدر خليه يجي لهنيك بعد ما يخلص شغلو ..لحتى يشوف الحارس ..
ابو سلام : من عيوني ..هلأ بحكي ل سلام وبشوف اذا بقدر ..
سحر : ما رح انسالك هالمعروف ابداً..
ابو سلام : ولو هاد واجبي..
ابو سلام دق باب غرفة سلام ودخل ..
كان سلام ع تختو عم يفكر ..قام من مكانو وحكا : اي يابي في شي؟
ابو سلام : ابني ..بكرا رح احرس مدرسة بقرية تانية ..لأنو الحارس مريض ..وسحر خانم طلبت مني تشوف الحارس شبو ..في وقت معك بكرا؟
سلام : ان شاء الله..
ابو سلام : انا فخور انو عندي ابن زيك ..الله يخليلي ياك ..
سلام : وانا فخور فيكك يابي..
صحي الصبح ..ترتب ..لبس بلوز أسود ع بنطلون كابوي وبوت أسود ..رفع شعرو بطريقة حلوة ..زبط لحيتو ..وطلع للعيادة ..خلص شغلو بكير ..وتصل ع ابو ..
سلام : يابي ليكني خلصت الشغل ..وسكرت العيادة ..
ابو سلام : اي هلأ بتعرف وين القرية ماهيك؟
سلام : اي بعرفها ..ليكني طالع بطريق ..نص ساعة بكون عندك ..
ابو سلام : المدرسة اسأل اي حد بطريق بدلك عليها يعني ما رح تتخربش ..
سلام : ماشي ..مع السلامة ..
اما اليس كانت بالكوفي شوب مع لنا عم تحكيلها قصة حياتها بتسلسل ..
اليس : اي بعدين نقلوني ع الغرفة بعد العملية ..
لنا قاطعتها وحكت : ستني شو رقم الغرفة ؟
اليس : 121 ..
لنا : ايي كتير منيح ..كملي ..
اليس : بعد شوي فتحت عيوني ..بس كان كلشي سواد ..يعني ما عم شوف شي ..صرت صرخ ..كان جمبي دكتور ..كان صوتو حنون ..متل الأبرة المخدرة ..حكالي اهدييي كلشي رح يكون منيح ..بس اي انسان بوضعي رح يكون متل المجنون ..كسرت كلشي قدامي ..ونا عم ببكي بحرقة ..اما هو بعت الممرضين لحتى يفحصو عيوني ..وكانت نسبة اني ارجع شوف 5 %يعني شبه مستحيلة
المهم ..كان يجي لعندي ويطمني ويضل يحكيلي انو رح ارجع شوف بيوم من الأيام ..وحكالي انو هو مر بهيك شي ..
لنا : لك اليس هيك ما عم يزبط ..
اليس : لك شهو الي ما عم يزبط ؟!!
لنا : سمعي ..هلأ الرواية دايماً شو سر نجاحها؟
اليس : شو؟
لنا : التفاصيل ..
اليس : اي؟
لنا : وانت ما شاء الله زي عكنك عم تحكي ملخص ..لك التفاصيلل كلا ..شو حكا هون ..وكيف كانت نبرة صوتو ..شو عمل هون فهمتي علي ؟
اليس : اي اي ..
لنا : اليوم بكفي ..أخدت افكار منيحة كتير .."وسكرت الاب توب وقعدت"
اليس : وهلأ؟
لنا :لكك اليس ..مبارح تزكرت شي بضحك نسيت قلك يا ..
اليس : اي احكيي ..
لنا : تتزكري بس ضربنا ع المعلمة بالثانوية محاي ع راسها ..وأخدنا انذارات عشان البنات فسدو علينا؟
اليس وهي عم تضحك : لك معقوول انسى؟؟؟؟ اخ يا ربي ..يومها كانت عم بتوقعلنا بالأنذارات ونحنا عم نحبس ضحكتنا ..
لنا : ذكريني هاد الأنذار ال؟
اليس : اتوقع التاني ..صح؟
لنا : ايي. لك تتزكري ملامح وجها كيف خبطت ايدها بطاولة وصاحت ..مييين الييي رمتهااا ..ونحنا عم نحاول ما نضحك ..وعملنا الموضوع جدي ..وصرنا نتلفت حولينا ..
اليس : رغم انها اكتر مكان كرهتو بهداك الوقت ..ا