📚قصص||روايات||منوعة📚

نها ..وحكت 
"غيث ..أمي ..أخي .." ما كملت جملتها ..حطت أيديها ع وجها وبكت بحرقة ..
غيث زاح ايديها عن عيونها وحكا بشي من الفضول : فيهم شي ؟
نيسان بصوت متقطع ومليان حزن ووجع وهي عم تطلع بعيون غيث ..حكت: ما تو ...
غيث توسع محجر عيونو ومسك أيديها وقال ..: كيفف !!!
نيسان : رح ياخدو أفادتي اساسا ..قوم هنيك بشرح كلشي ..
غيث : ازا حاسة حالك مو منيحة منخليها لبعدين.
نيسان : لا لا ..هلأ احسن..
غيث مسك بأيدها ومشيو ..قعدو بالغرفة وبلش يسألها ..
غيث : اي ..شرحيلي كلشي ..
نيسان : خلصت من الجامعة ورجعت ع البيت دغري ..حطيت المفتاح في لحتى ادخل ..بس كان مفتوح ..دخلت بعدين ..
غيث : اي ..؟؟
نيسان مسحت دموعها وأخدت نفس عميق وحكت : كان أخي مربط ع الكرسي وكل قميصو دم ..أمي كانت جمبو ع الارض وبرضو البلوزة الي عليها كلها دم ..ما عرفت شو أعمل صرخت بصوت عالي ..لتمو الجيران ..والباقي بتعرفو..
غيث : وين كنتِ ساعة الجريمة ؟
نيسان : ما تحكي معي وكأنو انا القاتلة..
غييث : نيسان سمعيني منيح ..احنا شغلتنا نشك بالكل ماشي ؟ انا واثق منك ..بس لازم اثبت وين كنتٍ لحتى أثبت انو ما الك علاقة بالحادثة ..عم تفهمي علي ؟ انت المشتبه فيها الأولى ..لأنك أول حد شاف ساحة الجريمة هيك ..
نيسان : اي اي ..قلتلك ..كنت بالجامعة ..
غيث : طيب كيف هيك ! لما تم التشريح ...كانت ساعة الي نقتلو فيها 2 ونص بليل ..وين كنت !
نيسان : اي ..قبل بيوم كان لازم نشتغل ع مشروع التخرج ..فرحت عند رند وكانت الشلة هنيك ..انا وسافر بالدفعة نفسها ..شتغلنا ع مشروعنا ورند مع البقية..بعدين تأخر الوقت كل واحد راح ع بيتو ..بس رند أصرت نام عندها كتير ..وداري بعيدة شوي عن بيتها ..تصلت بأمي لحتى خبرها بس ما ردت ..وعلي كان موبايلو مغلق ..نمت هنيك لأنو بعرف انو امي ما بتعترض ع هيك شي لأنو هي بنهاية بنت عمي ..
ومن بيت رند الصبح للجامعة .. خلصت المحاضرات ورحت ع البيت ..
غيث : اي ..طيب مين كان بيعرف انو انت ما رح تكوني موجودة بالبيت بهديك الساعة غير رفقاتك؟
نيسان فكرت ششوي بعدين حكت : ما حدا ..يعني بس رفقاتي وأمي وأخي ..مالي غيرهم بحياتي ..
غيث : شوفي هني احتمالين ..الاول انو القاتل ما بدو يقتلك ..لهيك ستنى بس خرجتي من البيت بعدين دخل وعمل الجريمة ..
نيسان : والتاني ؟
غيث : هدفو يخلص عليكم مرة وحدة ..بس تفاجئ بأنو ما كنت بالبيت بهديك الساعة ..خلص على موجودين ..وضل انت !
نيسان : طيب ازا هيك عم تحكي ..القاتل كان لازم يراقب البيت طول النهار ..اذا اكيد شافني عم أخرج من البيت وعرف انو البيت ما في غير أخي وأمي !
غيث : منطقي برضو ..!
سكتو شوي بعدين قطع الصمت صوت غيث وحكا : طيب ..ع أي ساعة رحتي لعند رند ؟
نيسان : بعد الجامعة دغري ..يعني شي اربعة العصر ..هيك شي ..
غيث : اذا القاتل متأكد انو مو موجودة بالبيت وستنى لا ترجعي بس ما رجعتي دخل وعمل الجريمة ..
نيسان : او ..فكر اني جوا .
غيث : نيسان ..هي الجريمة ممن واحد زكي كتير ..ما ترك اي دليل ورا ولا اي شي ! بدو يفكر انك بالبيت وأنت من الاربعة مو بالبيت ؟
نيسان : او كان هدفو من البداية يخلص ع عيلتي بعدين انا
غيث : بتتوقعي انهم همي ؟!
نيسان : اي ..لأنو قدرنا انا وياك نتخلص منهم .. فقررو ينتقمو ..والدور الجاي لألي..
غيث : ما رح أسمحلهم ياخدو الي بدهم يا ..
نيسان : ما عاد يهمني شي ..روحي أرخص شي بملكو هلأ ..
غيث : أوعك ! نيسان أوعك اسمعك عم تحكي هالحكي كمان مرة ..
نيسان : كزب ؟ ما ضللي حد بحياتي ..خلص هلأ الموت أحسن شي بصير ..
غيث : لهدرجة الروح رخيصة بنسبة لألك ..
نيسان قامت من مكانها ..مسحت دموعها وحكت : ازا خلص شغلي من هون فيني روح ..
غيث : مو عرفان شو قلك ..حياتك هلأ بخطر كبير ..
نيسان : باين ع شكلي وحدة بتهتم بهالشي؟ 
غيث : سمعي ..
وقبل ما حكي رن موبايلو ..مشيت نيسان كم خطوة ..وقفها غيث وأشرلها تستنى شوي ..
غيث : اي سند ..
سند : أخي لقينا رسالة بساحة الجريمة ..
غيث : رسالة !!
سند : اي ..كانت مخبية تحت الطاولة ..
غيث : اي وشو محتواها؟
سند : ازا بتقدر تيجي لهون بكون أحسن ..ومنو نيسان بتعرف بموضوعها كمان..
غيث : ماشي أخي شوي وبكون عندك انا ونيسان ..وصلو البيت وفتحو الرسالة .. 
غيث : مرحبا يا حلوة ..ما تخافي الدور لألك ..بس لازم نوجع قلبك أول ما هيك؟ روحي لعند الكنباية الكبيرة في وراها مفاجئة ..
نيسان مشيت بسرعة للمكان الي قلها علي ..
سند : ستني شوي ..بجووز يكون في شي هنيك ..
تأكدو انو ما في شي ولقيو موبايل فتحو كان في فيديو مسجل كلشي في ..علي مربط وأمها رافعة ايديها وعم تترجى في يتركهم ..قوص عليهم بالسلاح الي معا وحكا : الدور الجاي لألك يا حلوة ..يلا هلأ ع غرفة نومك ..
دخلت ع غرفتها كان التخت كلو دم ومكتوب ع المرايا "الصندوق الي بالخزانة "بدم ..
فتحت الخزانة كان في صندوق ..
كان في رسالة فتحتها وقرأت بصوت عالي " شارع ** ساعة 12 ونص بليل ..ازا الشرطة كانت وراكي أعرفي انو واحد

من الي بتحبيهم رح يروح ..نبلش برند ولا بفراس ؟
وقعت ع الأرض وبلشت تبكي بحرقة وهي حاملة صورة أمها وأخوها وهي ..
غيث قعد جمبها وحكا : ما رح نعطيهم الي بدهم يا فاهمة ؟ رح أنتقملك ..
نيسان : بدي روح ..
غيث : شووو؟؟
نيسان : متل ما سمعت ..بدي روح ..بدي يقتلوني خلصص ..ما بدي يتأذى حد تاني بس بسببي !!
غيث : ما حد رح يتأذى ..وأزا راجعتي زاكرتك مزبوط..بتفهمي انو مو انت السبب ..
نيسان : كيف مو انا ! مو انا الي وقعتهم بسجن ؟ رح أدفع تمن كلشي ..
غيث : انت ؟ شكلك ناسية اني كنت معك .. وازا رح تدفعي التمن فرح ادفعو معك ..
نيسان : انت ما دخلك ..هاي حياتي انا وانا بقرر الي رح يصير ..
غيث مسكها من كتافها وشد عليها وحكا : سمعي ما رح كرر ..روحة لهنيك ما في !
شكلك مو عرفانة قديش خطيرين ..ما رح يقتلوكي ..رح يزلوكي ..
نيسان : عادي ..لك ما عم تفهم ؟ ما عاد شي يهمني ..أمي ماتت قدام عيوني متل ما شفت قبل شوي ..أخي مات قبل ما يحقق حلمو ..كلو بسببي انا !! والله أعلم مين القتيل الجاي ..
غيث : نيسان ..رح تجتازي هاي المحنة ..بعرف مو سهل ..بس رح تجتازيها ..لأنك قوية وبتقدري ..
نيسان مسحت دموعها وقفت وحكت : فيك تروح من هون ..
غيث : ما رح أتركك لحالك ..
نيسان علت نبرة صوتها وحكت : عم قلك روح ..!
غيث : ونا عم قلك ماني رايح مكان ..
قامت نيسان من مكانها وبلشت تكسر كلشي بتشوفو قدامها فتحت خزانتها وكبت كل اواعيها كل شي بجهة ..وبلشت تصرخ بصوت عالي روححح عم قللككك روووحححح تركنيي لحااليييي 
وهو واقف عم يطلع عليها ومكتف ايدي ..
قربت علي وبلشت تضربو ع صدرو وتحكي : لك روووح تركككنننييي روووححح ما بدي حد يموت بسببي خلصصصص خلصصص ..مسك أيديها وضمها بقوة وحكا : ما رح اسمع لحد يموت ..صدقيني ..
نيسان بصوت برجف : هني أقوى منا ..
غيث : الله أقوى منا ومنهم ..
مرقت كم ساعة وهني ساكتين ونيسان عم تبكي ..
غيث : نيسان لازم تنامي ..
نيسان ضحكت بسخرية وحكت : مفكر أزا حطيت راسي ع المخدة هلأ رح نام ؟
غيث هز براسو بمعنى لا وحكا : بعرف..بس ع القليلة رتاحي ..
قومها وقعد ع التخت وحكا : رح ضل هون لعند ما تنامي ..بعدين رح نام ع الكنباي الي بصالون اي؟
نيسان : خليك ..ما تروح الا لما تتأكد اني نمت ..
غيث : ماشي ..
لما حس ع نيسان أنها نامت ..قام ونام ع الكنباي ..صحي ع صوت خفيف شاف الساعة كانت 12 وربع ..قام من مكانو بسرعة وراح ع غرفتها ..ما كانت بمكانها ..جن جنونو حط سلاحو ع خصرو ومشي بسرعة
ركب ع متورو وراح ع العنوان وهو عم يدعي ما يكون تأخر ..وصل لهنيك وتخبى بين الشجر ..كانت نيسان عم تمشي شوي شوي وما في حد بشارع غيرها ..مشي بسرعة وأخدها بلمح البصر وركد معها لمكان بعيد شوي عن الشارع ..
هي فكرت انو الي خطفها هو صاحب هديك الرسالة ..بعدين لما لفت وجها لحتى تشوفو ..كان غيث ..صرخت علي : غيثثثث!!!!
مسكها من كتافها وشد عليها وحكا : آآه غيث ..شو قلتلك انا اه !!!!!
نيسان شتت نظرها وحكت : لك هاي حياتي انا انا شو دخلك فيها !! مين انت ميييين !!!
غيث سكت شوي ..رخا أيدي ع كتافها شتت نظراتو وحكا وهو عم يضحك ضحكة سخرية : ههه مين انا !! صح كلامك مين انا !! انا ولا شي ..
نيسان حست بالغلط الي عملتو مسكت أيدي وحكت : آسفة .. ما كان هيك قصدي ..
غيث : لا عادي ..ما صار شي ..
نيسان : غيث ..انا وحدة غبية ..آسفة ..لطشت حكي ما بعرف من وين ..
غيث : قلتلك ما صار شي ..! امشي نروح ..
نيسان : لوين ؟؟
غيث : ع البيت يعني لوين ! 
نيسان : ماشي ..
راحو ع بيت غيث ..ونيسان نامت بغرفتو كالعادة اما هو ضلو صاحي ..خاف تروح لمكان ..لأنو هي بنهاية لسا ما طلعت من الصدمة ..
الصبح جهز الفطور بس نيسان ما أكلت شي ..راحو مع بعض ع رفيق غيث محقق شاطر كتير ..وعرضو علي القصة كاملة ..
المحقق : ما أعتقد رح نعرف مين القاتل .. لأنو غايتو يقتل كل الي بتحبهم نيسان بعدين هي ..وناداها بهديك اليلية لشي تاني اكييد ..هدفو مو هي ..
نيسان : ها ..شفت ..ازا بسلم حالي ..وبقتلوني وبخلص الموضوع ..
المحقق : مو بهالسهولة ..زي ما حكالك بهي الرسالة .. بدو يوجعلك قلبك ..
غيث : شفتي ..انت ما رح تفيدي بشي ..
رن موبايل نيسان فجأة ..فتحتو وكان سامر : ألو ..
سامر : نيسان ..رند ..
نيسان قامت من مكانها بسرعة وحكت : شبهاا ؟؟؟
سامر : أيدها نصابت ..
نيسان أخدت نفس عميق وحكت : الحمد لله يا رب ..فكرت صرلها شي ..بأي مشفى هي؟
سامر : ......
اليوم ع الساعة 10 الصبح ..كنت ماشية بطريقي للجامعة ..شفت المحقق سند ..
رند : انت شو كان اسمك ..
سند : اسمعي سند ..
رند : اي اي ..عرفتو شي عن الحادثة الي بتخص نيسان ؟
سند : لا لسا ..
رند بصوت واطي : ما بيطلع بأيدكم شي ..
سند : عفوا ؟
رند : ولا شي ..
سند : انت نفسك الي أجيتي بهداك اليوم وصوتك وصل لﻵحر الشارع ؟
رند : اي انا فيها شي ؟
سند بصوت واطي: الله يعين نيسان عليكي ..
رند : وليش بالله ؟ مالي؟
سند : ولشي ولشي ..باينتك مصيبة انت ولسانك ..
رند : عفوو

هي مجنونة ..لا ماني مجنونة ..بس الوجع الي بقلبي ما عاد أتحملو ..خلص ..بجووز لهون وبس يا نيسان ..لهون وبس بكفي تأذي الناس الي حوليكي ..عم حس بذنب كل ما أتزكر صورة أمي وأخي ..عم حس بغصة بقلبي عم تاكلو أكل ..ما حد حاسس فيني ..بدي موت ..رح أجي لعندك ..لأكتر شي حبيتو بحياتي ..صرخت بصوت عالي خلصصص هلأ ما رح تقدرر تقتل حد من الي بحبون ..خلص هلأ رح ريحك وموت .. غيث راح لهنيك بسرعة ..
وقف المتور ونزل منو شافها قاعدة قبال البحر ..بلشت تمشي شوي شوي لجوا ..غيث ركد بسرعة كبيرة لعندها بس كانت جوا البحر !
دخل لجوا قدر يلاقيها بسهولة لأنها ما كانت داخلة لجوا كتير لسا ..والأمواج هادية ..
حملها وحطها ع الشط ..سعلت بقوة طلعت المي من تمها ..
غيث حضنها بقوة وهو عم يبكي ..
نيسان : عم تبكي !!
غيث مسح دموعو بسرعة وحكا : لا ..يعني دخلت وراكي ع البحر كيف بدو يكون وجهي ؟
نيسان ما حكت شي ..
غيث : ليكون بعلمك .. ما رح سامحك ع عملتك هاي ابداً..
نيسان صرخت : انا الي ما رح سامحك !! لك تركني مووت تركنييي ..
غيث : ما رح أسمح للبحر ياخد مني حد تاني ..
نيسان : تاني ؟
غيث ضم ركبو لصدرو ونزلت دمعة من عيونو وما حكا شي ..
نيسان : البحر أخد منك حد بتحبو؟ لهيك بتكرهو ؟؟
غيث : اي ..
نيسان : حكيلي .. يعني ازا بدك ..
غيث : كان عمري خمس سنين ..ركبت مع أمي بتكسي ..رحنا ع البحر ..نبسطت كتير انو رح أسبح .. بس فتحت الباب لأنزل حكتلي امي خليك هون رح روح مشوار صغير وأرجع اي ؟
هزيتلها براسي بمعنى اي ..
ما قدرت شوف البحر من السيارة وخصوصا اني كنت صغير وما عم شوفو من الشباك مزبوط ..نزلت من السيارة وقربت ع الشط شوي ..شفت أمي واقفة قبال البحر ..خطوة بعد خطوة بلش الموج يسحبها ..صرخت بصوت عالي أميييي وييننككك أميي تعااليي ليش رحتي ..
أخدني السواق لجوا السيارة ..سألتو وين راحت امي ؟ حكالي هلأ هي مسافرة ..وأنت رح تروح عندها ..
قلتلو ايمتى؟
حكالي ما بعرف ..ما حد بيعرف غير الله ..
قلتلو بس انا بعرف كيف حكالي كيف؟ قلتلو هلأ بلحقها جوا البحر وبلاقيها هناك ..
هز براسو بمعنى لا وحكالي لا لأنو ماما هلأ فوق ..وأشر ع السما
بعدها عشت بدار الأيتام ..أكيد بتسألي عن أبي ما هيك؟ مات لما أمي كانت حامل فيني ..من لما البحر هاد أخد أمي ..وأنا بكرهو كتير ..أكتر شي بكرهو بحياتي هو البحر ..والأنتحار بشتى طرقو ..الانتحار شي بشع كتير ..وأغبى انسان وأفشلهم الي بلجء لألو ..
نيسان : وأضعفهم ..
غيث : لو تأخرت كمان شوي كان الموج سحبك متل أمي ..وسافرتي معها .. كنت متت بتعرفي ليش؟ 
نيسان : ليش؟
غيث : انا السبب بموت أمي ..ورح كون انا السبب بموتك .. لأني سمحت لتنيناتكم تروحو من بين أيدي ونا عم اتفرج عليكم ..
نيسان : بس ليكني عايشة ..
غيث : ليش عمملتتييي هييك لييشش ..قلبي ما بتحمل كنت بحمل الذنب كلو طول عمري ..ما رح سامحك..
نيسان كانت عم بتراقب دموعو كيف عم ينزلو وقلبها عم يحترق ..
نيسان بصوت مخنوق : بجوز قلبي تعب ..بجوز انا تعبت ..انا هلأ ضعيفة بشكل عمري ما كنت هيك ..
غيث صرخ : الانتحاار هو الحل؟؟؟؟
نيسان صرخت بصوت أعلى : ما كان عندي حل غيرو ..
غيث : في حل غيرووو فييي ...رح تقاااوميي أولا ع آخرا رح نمسك بقليل الشرف الي قتل امك وأخوكي ..ورح ترجعي تعيشي متل قبل وأحسن ..
نيسان : متى ؟؟؟ بس يقتلك ؟ بس يقتلني انا كمان ؟؟
غيث : مو ع أساس بتوثقي فيني ؟
نيسان : مين أنكر هالشي؟!
غيث : انت .. بكل تصرفاتك .. بهالخطوة هاي ..عم تحسسيني انو ما بقدر أحميكي وما بقدر أمسك بقليل الشرف هداك ..
نيسان سكتت وما حكت شي ..رجعت تطلع ع البحر وتتأمل بأمواجو ..
رن موبايل غيث الي كان ع الأرض لأنو غيث رماه هو ومحفظتو قبل ما يدخل للبحر وينقذ نيسان ..
غيث : اي سند في شي؟
سند : في في..
غيث : لك احكي لا تجنني ..
سند : أحزر مين بغرفة التحقيق هلأ؟
غيث : مين ؟؟
سند : ما بقدر خرب المفاجئة تعال هلأ بسرعة ..
غيث : ماشي ..رح آجي انا ونيسان ..
سند : بكون أحسن ..
غيث قام من مكانو وحكا : نيسان قومي ..بدنا نروح ع المغفر ..
نيسان : لشو؟
غيث : ما بعرف سند بدو يانا بشي ضروري ..
نيسان : متل ما بدك ..
"وصلو للمركز" ..
غيث : اي سند ..؟؟
سند : في أشي جوا لازم تشوفو ..
نيسان : متل شو؟
سند : امشو معي ..
دخلو لغرفة التحقيق كان في زلمة بالأربعين من عمرو تقريبا ..شعرو شايب ..وملامحو مو حلووة ..
غيث بإستغراب : اي مين هاد؟
سند : حزرو لشوف..
كان عم يطلع ع نيسان بحقد ..وكأنو رح ياكلها بنظراتو ..
غيث : ليش هيك عم تطلع ..لك سند احكي مين هاد لا تجنني..
سند : اي رح أحكي ..مسستعدييين ..
غيث أخد نفس وكأنو زهق من تفاهة سند وحكا : اي ..
سند : هاد قاتل أمك وأخوكي يا نيسان ..
نيسان عدلت وقفتها عيونها توسعو من الصدمة وما حكت شي ..
غيث مسكو من رقبتو وصرخ : يا قليل الشرف ..يا حقيييرررر اشوف مين بدو ييفلتك من بين أيدي هلأ..
سند : غيث حابب تخسر مهنتك؟ يلا قتلو ازا حابب..
غيث أخد نفس وضر

قت ..بكرا بتلطشك الأمتحانات بتندم ع اليوم الي دخلت في ..وبتحكي وين باب الخروج !
غيث : محسسيني مخلص توجيهي "بكلوريا" وجاي لهون وأول سنة سنفور..
خلص اليوم وليوم الي بعدو ..وكانو يلتقو كل فترة وفترة الشلة كلها مع سند ببيت نيسان ..منو بيدرسو ومنو بحككو وبطمنو ع بعض ..
مرقت الأيام
واليوم الشلة كلها معزومة عند نيسان ..وصلو وراحت ستقبلتهم وقعدو بصالون ..
غيث : ايي شو طابختيلنا؟ رح موت جوع..
نيسان : ملوخية ..
غيث : يا الله ما أطيبهااا من أيد امي كانت ..شتقتلها كتيير..
نيسان : الله يرحمها ..
سند : ايي نبلش نجهز الطاولة وكلشي؟
رند : يلا ققوم ..
جهزو كلشي وقعدو ياكلو ويضحكو ..
رند : لك ع سيرة أيام زمان .. أحكيلكم عن طفولة نيسان ؟؟
غيث : اي اي ..
نيسان : جربييي ولله بفضحكك انت كمان ..
رند : ماضيي ولا اشي مقارنة فيكي ..
نيسان : رنددددد ..
غيث : احكي رند احكي ..
سند : لك يلا احكو ..
رند : هلأ نيسان وهي صغيرة كانت تفكر انو الكندرة هي الي بتكبر مو احنا .. يعني كانت تمسك الكندرة وتحطها قبالها وتضل تطلع عليها وتراقبها ازا بتكبر ..اخ بطنييي معاد أقدر كمللل ..
ضحكو من قلبهم ..وصوت ضحكتهم وصل لآخر الشارع ..ونيسان ضحكت ع حالها معكم ..
نيسان : طيب انا أحكيلكم رند شو عملت وهي صغيرة؟
سند : اي احكيي ..
رند : عادي كنت صغيرة يعني ..
نيسان : مسكت موبايل أمها ..وكانت تفكر انو الصور الي جوا بلاستيك او ورق يعني بتقدر تمسكهم ..راحت كسرت الجوال عشان طلعو منهم وأمها كسرت عضامها ..."ما ككملت وصار وجها أحمر من الضحكك ورتمت ع الأرض "
سند : لا موو طبيعييية
رند : كنت طفلة بريئة ئي..
نيسان : برييئئةةةة؟؟؟؟ لك كانت تضرب كل ولاد الحارة وبروضة الكل كان يخاف منها ..حتى انا كانو مسمينها بابا عضلنجي ..وشي مرة 
رند : نيسساااان لا لا بحيااتكك..
نيسان : لا بدي أحكي ..شي مرة ضربت ولاد الروضة والبنات كلهم ..ولما روحنا من الروضة رحت عند رند ..شوي الا الباب بدق راح أخي يفتح ..كانو ولاد الروضة كلهم جايين بحكو بدنا رند ..رحنا نشوفهم ..كانو ماسكين عصي ..وحجار ..وحكو ضربتنا بالروضة بدنا نضربها ..قام أخي مسكهم وكبهم كلهم عن الدرج ..
غيث : شكلها أمها كانت حامل بولد وجابتها بالغلط ..
نيسان : شكلوو..
رند : لك سكتو .. كلي أنوثة كنت ..
نيسان : واضح واضح ..
سند : بطني ..معاد اقدر خلص بكفي ..
رند : لو نشوف طفولتك انت ..أكيد مو احسن منا ..
سند : كنت متل الملاك سكتي سكتي ..
غيث : ولله لو بعرف شي عن طفولتو كان حكيت بتعرفوني..
رند : ما حدا طفولتو خالية من الفضايح ..
نيسان : يلا قومو نحط الاكل بالمطبخ ..
ضبو الاكل كلو ..ورند مسكت بريق الشاي لحتى تروح ضيفهم ..دخل سند لهنيك لحتى يشرب مي ..وهي أيديها رتبكت ونكب شوية شاي ع أيديها ..
رند : اخخخخ عم تتححرققق.
سند مسك أيدها وجاب تلج وحطو ع أيدها وبلش يهف عليها برقة وهيي عم تراقبو وتضحك ..
سند : لك ..عم شك انك مو طبيعية ..
رند : عم تهف بشكل حلو كمل كمل ..
سند كان ماسك أيديها برقة ..رفع نظرو لقيها عم تطلع ع أيديها وبتراقبو ..صفن بعيونها وبتسم بدون ما يحكي شي..
رند : في شي؟
سند : لا ..بس يعني ..عيونك كتير حلوين ..
رند :شكرا ..
رند رتبكت وسحبت أيديها بسرعة ..
سند حك رقبتو وحكا : كيف صارت ؟ منيحة ؟
رند : ما فيها شي ..يسلمو ..
كملو اليوم عادي ..ويوم بعد يوم ومرقت شهور وهمي ع نفس الحالة ..تعمقو ببعض أكتر ..لحتى حياتهم صارت متعلقةة ببعض ..بس كأصدقاء لا أكتر ولا أقل ..
"بمركز الشرطة "
غيث : اخي ..انا بحكي انو أختو هي القاتلة لأنو هي الي ما قدرت تثبت وين كانت بساعة الجرييمة ..غير عن هيك ما حسيتها غريبة ؟
سند كان عم يطلع بموبايلو وساكت ..
غيث : هلوووو..عم بحكي معك ..
سند نقز وحكا : شو؟ اي اي اخي معك ..
غيث : هات موبايلك لشوف بشو شارد .. "ومسك موبايلو بسرعة "
سند : لك جيببووو غييثث ..
غيث : أيوةةة.. وضعك مو عاجبني يا سند ..عشقان؟؟؟
سند : لك أخي شو عم تحكي جيبو ..
غيث : كم ساعة ألك صفنان بصورتها اه ؟
سند : لك سكوت ..
غيث قعد وحكا : بتحبها .؟
سند سكت شوي بعدين حكا وعيونو عم يلمعو ..: ما بعرف ..شي غريب ..بخليني أتحمس لشوفها ..وكل ما شوف عيونها قلبي بدق بسرعة ..صوتها أحلى موسيقى بالعالم ..ما بعرف شو بصرلي لما أيديها تمسك أيدي ..برتبك وبخبص وما بعرف شو بعمل ..انسى اخي ..
غيث : طب شو عم تستنى ..عترفلها ..
سند : ما بحس أنها بتحبني ..
غيث : انا على عكسك ..من عيونها واضح الحب ..
سند : لك ما بعرف ..كل ما نجيب سيرة الحب بتحكي انو بتكرهو ..وانو مستحيل تخوض تجربة الحب ..ما بعرف شو السبب ..
سند : ممكن تكون خاضت تجربة فاشلة ..
سند : لك ما بعرف ..
غيث : عترفلها أخي عترفلها ...وازا ما كانت بتحبك ع القليلة هيك أحسن لمشاعرك ..بدل ما ضل متوهم انو بتحبك فهمان علي؟
سند : ماشي .رح أعترفلها ..
روح سند ع البيت يفكر كيف ممكن يعترفلها ..رن عليها وحكا بسرعة ..: رند فيكي تطلعي اليوم معي

؟
رند : لوين ؟
سند : ع شي مطعم شاورما ..ما بتوقع ترفضي ..لأنو بنهاية الموضوع شاورما ما هيك؟
رند : ماشي..متى ؟
سند : ع السبعة ..بكون تحت بيتك ..
رند : ماشي ..
رتبك ووقف قبال المرايا وبلش يعمل بروفا ..أول مرة بحياتو رح يعترف لبنت بحبو..
انا غيث فكان مع نيسان بالجامعة عم يحكو عن الدراسة والفاينل وهيك قصص ..
نيسان : رح طقق ..مو مصدقة متى خلص ..
غيث : حزري شو..
نيسان : شو..
غيث : غالباً رح تفوزي برهان ..
نيسان وقفت فجأة وحكت : عم تمزح ..!
غيث : اليوم سند رح يعترف لرند ..
نيسان : بس رند مو مستعدة لسا !
غيث : كيف يعني .؟
نيسان قعدت ومعالم الحزن ع وجهها : يعني ..رند مرت بتجربة حب فاشلة ..كرهت الشباب كتير ..وكرهت الحب بالأخص ..
غيث : اي ..بس مو كل الشباب متل بعض ..
نيسان : لا كلهم متل بعض ..
غيث : ع أي اساس..؟؟
نيسان بصوت مخنوق : كلكم بتتركو البنت بس تزهقو منها ..كلكم غدارين وكزابين .. 
غيث : نعم ؟!
نيسان : انسى انسى ..
غيث : يعني متوقعة انو رند تكسر قلب سند؟
نيسان : غالبا هيك ..بس انا متأكدة انها بتحبو ..بس خوفها من الحب عم يخليها تعمل هيك..
غيث : حتى لو عملت هيك..اولاً ع آخرا رح تفهم انها غلطانة .. لأنو الشباب مو كلهم متل بعض ..
نيسان سكتت وما حكت شي ..
ولما صارت الساعة سبعة نزلت رند من البيت ..كانت لابسة بلوز قصير وبنطلون بوي فريند مزع من الركب ..وشعرها القصير عاملتو بالفير وحاطة حمرة خفيفة .. 
سند صفن فيها ونسي يفتح الباب ..
رند : لك فتحلي الباب بدي فوت..
سند : اسف اسف ..تفضلي ..
وصلو للمطعم ..
رند : لك سند ..ما بحب قعدة المطاهم ابدا..اشتري تنتين شاورما وأمشي نقعد ع الكرسي هداك..مقابيل البحر ..
سند : ماشي متل ما بدك ..
قعدو وكانت رند عم تاكل وهي ساكتة ..اما سند عم يراقبها ويضحك..
رند : ايي سند لشو جبتني لهون.؟
سند رتبك ..حط السندويشة ع جنب وطلع ع البحر وحكا : رند ..
رند : اي؟
سند : انا .. شي..كيف بدي أحكي ..من أول ما عرفتك ..
رند وعيونها دموع وبصوت مخنوق : سند ..لا لا ما تكمل .. ما بدي أسمع خلصص ..
سند ومعالم الصدمة ع عيونو ..: شو عم تحكي ؟؟ 
رند : خلصص سكووت ما بدي أسمع .. 
سند : ليش !!
رند مسكت أيدي وحكت وهي عم تبكي : لأنو ما بنفع ..نحنا مو لبعض ..آسفة سند ..
قامت من مكانها ومشيت بسرعة وصارت تركد ..
تركت سند والدموع بعيني ..وأيدي واقفة بالهوا متل ما تركتهم ..حس بغصة بقلبو ..اما رند ركدت بطرقات وهي عم تبكي بحرقة ..وصلت لبيت نيسان ودخلت عندها ..
نيسان : متل ما توقعت ...كسرتيلو قلبو ..
رند : ما كان بدي هيك ولله ..ما بدي يتعزب معي ..او قلبي تعب ..تعب من الحب تعب ..
نيسان : أعطي فرصة ..ازا زعلك شي مرة بعدي عنو ...
رند : أعطيت فرصة من قبل ..وشفتي شو صار ..
نيسان : طلعي علي وأحكي بصدق ..
رند : اي ؟
نيسان : بتحبي ؟
رند ضحكت والدموع بعيونها وحكت : أكتر من الحب بكتير ..
نيسان : ما بيستاهل هالمشاعر الي بقلبك ؟
رند : ما بعرف ..ما بعرف شي ..غير اني كسرتلو قلبو ..
سند كان قاعد بمكانو عم يحكي مع حالو : هه سند ..شو كنت بتستنى غير هيك يعني ..انت ما رح تحب بحياتك
انت انسان غبي ..ليكك نكسرت مبسوط؟ مبسووووطط؟؟؟
لك الله يلعني ..ويلعن الساعة الي قلبي وقع وحب فيها ..روح ع بيتو ورمى حالو ع تختو ..وقلبو بحكي عن ألف وجع ووجع ..
صارر يبعد كتير عن الشلة ..ولما يلتقو كلهم ويعرف انو رند موجودة يهرب من المكان بسرعة ..ما كان بدو يشوفها ..لأنو عيونها رح تقلب كل الموازين ..كان متأكد انو عيونها رح تخلي يضعف من جديد ..كان واثق بأنو كل محاولاتو بنسيانها ..قدام عيونها رح ينسا هي المحاولات ..
حبها كتير ..لدرجة انو كان ينام ع صورتها ..ويصحى ع صوتها .. وجع القلب مو سهل ..مو سهل ابداً..
"بالجامعة "
غيث : شباب صبايا شو رأيكم اليوم نروح ع مطعم فتح جديد بآخر هاد الشارع ..
نيسان : انا موافقة ..
سامر : أحلى شي ..
غيث : اي رند ..
رند كانت عم تطلع ع موبايلها وساكتة ..
نيسان : رند عم نحكي معك ..
رند رفعت نظرها وطلعت عليهم ..كانو عيونها منفخين ..وكأنها كانت عم تبكي ..
نيسان : رند انت منيحة ؟؟
رند : اي ..
غيث : مانك منيحة ..لك شو عم يصرلك ..
نيسان : من هديك الليلة وانت تغيرتي كتيير ..
غيث : مو بس هي ..سند هيك كمان.. أغلب الوقت بيجي ع المغفر عيونو منفخين وكأنو مو نايم شي ..ودايما سرحان وما عم يحكي شي ..كأنو روح من رووحو راحت ..
نيسان : ما بدكم تحلو هالشغلة بقى ؟
رند الدموع تجمعت بجفونها قامت بسرعة من مكانها قبل ما تغدرها دموعها وينزلو ويفضحوها ..
قعدت بزاوية بعيدة بالجامعة .. تحت شجرة ..وبلشت تبكي ..تبكي بحرقة ..هي عشقتو ..وأكتر من العشق بكتير ..مو قدرانة تبعد عنو .. وبنفس الوقت خايفة تصارحو بمشاعرها ويجرحها ..قامت من مكانها وراحت ع بيتها ..رمت حالها ع تختها وفتحت ع صورتو وطلعت ع تفاصيل وجهو ..وع ضحكتو وعيونو العسليهه ..قديشو حلو وبريئ ..وقديش ضحكتو حقيقة ..
نامت وهي عم تسمع

: اساليب رينال ..
رينال : ما حبيتك ما حبيتك ..
نيسان : بلاش ..ولا انا حبيتك ..
أحمد : لك نيسان هي هيك شايفة حالها وما بتحب حد غير حالها وغير غيث ..
نيسان : الطيور على أشكالها تقع ..
غيث : شو بشوف بلش الكلام ينرمى علي ..
نيسان : متل ما بدك ..
غيث : أيي وهلأ صار لازم نروح 
رينال مسكت بأيد غيث وحكت : لاا ما ترووح ..خليك كمان شوي ..
نيسان : ما بنفع ..لأنو رح روح أنا وغيث لمكان تاني ..
رينال نزلت راسها وحكت : غيث جد عم تحكي هي الغليظة؟
غيث : رح نروح ..بس رح أرجع آجي لعندك ما تخافي ..ديري بالك ع حالك اي؟
رينال : وعدني ما طول ..
غيث : وعد ..
بعدو شوي من المكان وطلعو ع دراج كتيرة ..
نيسان : لك رح موت متى رح نوصل؟
غيث : ها ليكنا وصلنا ..
كان مكاني عالي كتير ..بيطل ع الحارة وع البحر وع كلشي ..مسك بأيدها وقعدو هنيك ..
نيسان : يا الله شوو حلوو..
غيث : كنت آجي هون كل ما ضيق علي الدنيا ..أكتر مكان بيعرفني هاد ..
نيسان : بجنن ..
غيث : بجوز ما يكون متل مكانك بس بحبو ..
نيسان : مو متلو بس كتير حلو ..
غيث : اي..
نيسان : غيث مو تفقنا نلعب لعبة الأسألة ولازم نجاوب بصراحة ؟
غيث : اي ..يلا بلشي ..
نيسان : بحر ولا بر ؟
غيث : بتعرفي الجواب ..
نيسان : ماشي ..رح غيرو ..
عتمة ولا ضو؟
غيث : عتمة أكيد ..
نيسان : دورك ..
غيث : كم مرة حبيتي بحياتك ؟
نيسان : مرة وحدة .. 
غيث : مين ؟
نيسان : هلأ هو ميت ..يعني هيك وصلتنا الأخبار ..
غيث : آسف..
نيسان : لا عادي ..
غيث : دورك ..
نيسان : نفس السؤال .
غيث :بجووز تستغربي بس ولا مرة ..
نيسان : جد؟ يعني شب ما بينقصو شي متلك ليش لا ..؟
غيث : ما بعرف ..يعني البنات الي بيطلعو بحياتي مو من الطراز الي بحبو.
نيسان : وكيف الطراز الي بتحبو ؟
غيث : قوية ..ما بهزها شي ..غريبة ..مختلفة عن الكل ..مو سهلة ..هيك شي يعني ..
نيسان : اي حلو ..الله يبعتلك وحدة هيك ..
غيث ضحك وعيونو لمعو وحكا : وبجوز موجودة .. 
نيسان حمرت وحكت : اي هلأ دورك أسأل ..
غيث : أكتر موقف خجلتي في ؟
نيسان : ستنى لأتزكر ..اي اي شي يوم كنت رايحة مع أمي الله يرحمها عند صاحبتها ..فأصرت أمي اخرج ألعب برا مع ولاد وبنات الحارة هنيك ..وكنت كتير خاف أختلط مع حد ..ولهلأ يعني ..المهم ونا طالعة كان في طينة ع الأرض وأنا تزحلقت ووقعت فيها صرت بنية ..الكل صار يضحك عليي رحت عند أمي عيط وصارت تضحك عليي هي كمان ..تمنيت الارض تنشق وتبلعني ..
غيث وهو عم يضحك : يا ريت لو شفتك
غيث : ع فكرة ما بضحك ..بحكيلك قصة مأسواية ازا ملاحظ ..
غيث حط أيدو ع تمو وحكا : طيب طيب سكتت..
نيسان : ازا صرخت هون حد بسمعني ؟
غيث : لا ..بعيدة كتير ..
نيسان وقفت أخدت نفس عمييق ..رفعت أيديها ع جنبها وصرخت بصوت عالي ..
غيث كان عم يراقبها وهو ساكت ..
نيسان : تعال جرب..
غيث : لا بلا هبل ..
نيسان مسكت بأيدو ورفعتو ..
غيث : لك رح نوقع ونموت تنياتنا هلأ ستنيي
نيسان : يلا قووم ..
قام ووقف جمبها ..
نيسان : يلا صرخ ..متل هيك ..وصرخت بصوت عالي قدر يهز الكرة الأرضية كاملة ..
غيث صرخ ..
نيسان : أعلى أعلى ..لسا ما سمعت ..
صرخ بصوت أعلى وأعلى ..
غيث : صار لازم نقوم تأخر الوقت ..
نيسان : ماشي ..
وقفت نيسان وودعت المكان ..وهي نازلة رجلها تفركشت ووجعتها كتير ..
غيث : انت منيحة ؟
نيسان : عم تجعني شوي ..لك الطريق طويلة كيف رح ننزل ؟
غيث نزل لعندها أكتر وحملها ع ضهرو وحكا : هيك ..
مشي الطريق وهي ع ضهرو ..
غيث : شو ماكلة قبل ما تيجي لهون ..
نيسان : غليظظ
غيث : عم بمزح بمزح ..اساسا شوي وبتختفي ..
وصلو للمتور ونزلها من ع ضهرو ..كانو قريبين كتير من بعض ..طلعو بعيون بعض ..بعدين كل واحد شتت نظراتو وركبو ع المتور ووصلها ع بيتها بعدين راح ع بيتو ..وتفق معها تيجي بكرا ع المغفر ويطلعو مع بعض عند رند ..
بعد بيوم راحت نيسان ع الجامعة بعدين ع المغفر لحتى تروح معو ..
كانت ماشية وعم تطلع ع الساعة بالموبايل ..رفعت نطرها ع الطريق ..وهون كانت الصدمة .بصوت برجف ومتقطع : أغيد !!!
كان في شب خارج من المغفر وفي تنين ماسكينو ..قربت علي وهي غارقة بدموعها ..مسكت وجهوو لحتى تتأكد بأنو حقيقة مو خيال .."
طلع غيث من المغفر جول نظراتو بالمكان لحتى يلاقي نيسان ..
كانت صدمة لألو كمان ..شافها بحضن واحد تاني
بعدت نيسان عنو فركت عيونها ورجعت حضنتو ..
وأغيد واقف بدون أي حركة ..عم يراقب الي عم يصير ووعيونو عم تكزب الي عم يشوفو ..
أغيد : انا انا يا نيسان أنا ..
نيسان بعدت عنو وضربتو ع صدرو : ويين كنتتت لك فككررتكك مييت ويين كنتت .
أغيد : رح أشرحلك كلشي وحياتك ..
نيسان : كل هالسنين ويين كنت وييينن ..
أغيد : هلأ رح روح ع المحكمة ..تعالي معي بس نخلص من المحكمة رح يطلقو سراحي ..هنيك بشرحلك كلشي ..
نيسان بتسمت وهزت براسها ..ركبت بتكسي ولحقت سيارة الشرطة للمحكمة ..وغيث ع نفس وقفتو مو مصدق الي عم يشوفو ..
سند : أخي ليش لساتك هون ؟ ما اجت نيسان ؟
غيث : لا ما اجت ..يعن

ي اجت ..قصدي ..سند بدي روح بحاكيك بعدين ..
ركب ع المتور ولحق السيارة بسرعة كبيرة .
بعد ما خلصت جلسة المحكمة طلع أغيد وحضن نيسان الي كانت غرقانة بدموعها طلعو لبرا وقعدو ع كرسي بالجنينة ..
نيسان : اي احكي عم بسمعك ..
أغيد : تورطت بقصة القمار ..وصرت واحد من مجموعة بقاتلو ضد هي الدولة ..كانو يشربوني اشياء بالغصب ما بعرف شو هيي ..بس قدرت أهرب بعيد عنهم وسلمت حالي للشرطة ..نحبست فترة وليكني طلعت ..
نيسان : لك الله يلعننكك شوو عمللت لشو لعبت قماار لشوو.؟؟؟
أغيد : غلطت ..قدرو يضحكو علي ..بس رجع عقلي لراسي وليكني جمبك ..انسي الماضي ..
نيسان : لك كييف انسااه كييففف انت عرفان قديش تعزبت من دونك ؟؟ كم مرة نمت والمخدة غرقت بدموعي ؟؟
أغيد : آسف سامحيني ..مفكرة انو فراقك كان سهل علي؟؟
نيسان : شي أكيد ..ازا قضيت حياتك ع لعب القمار وشرب المخدرات ..
أغيد : الماضي خلصص انا نسيتو ..بعرف هدول ست سنين مو قلال ..بس انا ما نسيتك أبدا ..
نيسان : انا هلأ نسيتك يا أغيد هلا..فكرتك ميت ..لك بتعرف ! حقيقة موتك أخف علي من أني أعرف انك عايش ع اشياء وسخة متل هي ..
بهالوقت كان غيث عم يراقبهم من بعيد ..وعيونو عم يحرقو متل قلبو تماما ..
غيث بعقلو : شو الي عم يصرلي ..شو هاد الشعور ..ليش قلبي عم يحترق ..حاسس انو نيسان عم تفلت من أيدي هلأ ..شو الي عم يصيرر ..
أغيد : نيسان سسامحيني بترجاكي ..
نيسان قامت من مكانها وتركت أيدو وحكت : آسفة ..مو انا الي بسامح الي كسرلي قلبي ..
ومشيت والدموع بعيونها ..رنت ع غيث بس ما رد عليها ...كان آخر شي بدو يا يرد ع أتصال البنت الي بحبها وهي نفسها الي كانت بحضن واحد تاني قبل شوي ..
نيسان بعتتلو مسج محتواه : غيث انا ما رح أقدر آجي طلعلي شغل بالجامعة ..ع المشروع ..آسفهه ..
رد عليها وحكا : وأنا ما رح آجي في قضية لازم حلها اليوم ..خلص ليوم تاني منلتقي كلنا ..
نيسان : ماشي ..
نيسان راحت ع البحر متل ما توقع غيث ..
وقفت قبالو وحكت : يا شريك ..الدنيا مصرة تفاجئني كل شوي أكتر من التانية ..
قبل شوي أغيد ظهر قبالي ...اي أغيد نفسو الي بكيت حرقة فكري انو مات ..بسببو وبسبب حبو ما كنت نام الليل ..لك هو عرفان قديش تعبت لا نسيتو ؟ وهلأ جاي قبالي عم يطلب مني سامحو ..ما بقدر لك مستحييلل..
أغيد من وراها : بس انت ما بتعرفي شو تعزبت انا كمان ..
نيسان ضلت مكانها بدون أي كلمة ..قعد جنبها وحكا : بكل ليلة صورتك كانت معي ..كانو يعزبونا ..ولما نحاول نهرب نشوف الموت بعيونا ..كنت مجبور ..بس ققدرت أهرب بنهاية ..ما بحكي انو حياتي هنيك كانت سهلة ..وكأني بأوتيل خمس نجوم ..كنت موت باليوم ألف موتة ..
ما تكوني أنانية ..مو بس انت الي توجعتي ..وأنا توجعت ..
نيسان ما حكت شي ..
أغيد : ما عم بطلب منك شي هلأ ..خدي وقتك ..فكري منيح ..بس أعرفي دايما انو رح ضل حبك لآخر نفس بحياتي .
نيسان : انا بعرف شي واحد ..وهو انو أغيد الي بحبو مات ..
أغيد : ما متت ليكني معك ولسا بحبك..
نيسان : خلص سكوت ما بدي أسمع شي ..
أغيد : ما بعرفك أنانية هيك ..
نيسان : مو أنانية بس كل الموضوع انو قلبي ما عاد يتحمل وجع ..
أغيد : أو صار يدق لحد تاني ..
نيسان : لك سكوووت انت ما بتعرف شو الي صار معي بهالست سنين وجاي تحكيلي قلبك عم يدق لحد تاني ..لككك قلبيي مااات مااات ..أمي ماتت قدام عيوني ..وأخي مات معها بنفس الدقيقة ..شفت الموت بعيوني ..رند راحت ما تموت بسببي ..بتعرف شي من هدول ؟ لا اكييد ...بأي صفة جاي تحكيلي قلبك بدق لحد تاني ؟ ايي بأيي صففة؟
أغيد حضنها وحكا : آسف ..آسف ع كلشي ..
نيسان قامت من مكانها وحكت : الشي الي نكسر ما بتصلح بكلمة آسف ..
مشيت بطرقات وعيونها منفخين من البكي ..راحت ع بيتها وهنيك كانت رند عم تستناها ..حكتلها كلشي صار معها ..
رند : طيب مو عارفة شو أحكيي بس ..يعنيي كلنا منغلط ..وأغيد غلط ..عطي فرصة تانية ..
نيسان : بعرف ولله بعرف ..بس في شي بقلبي ما عاد يتحملو ..عم انفر منو ..فكرة انو رجع ع حياتي من جديد ..وبأنو كل السنين الي مضت كان عم يلعب قمار ويقاتل ضد هالدولة هي ؟
رند : الي صار صار ..ضلو بالماضي ..المهم هلأ انو جمبك ..وانت حكيتي انو ما حبيتي حد وبس هو الي بقلبك ..
نيسان : يعني اي .. صح نسيتو بس هو الي حبيتو من قلبي وما حد حبني اكتر منو ..
صفنت شوي ..تزكرت غيث وقديش كانو مبسوطين بهداك اليوم وضحكت ..
رند : ع شو عم تضحكي؟
نيسان : ولشي .. ع حالي ..بس بلشت أنساه رجعلي ..
رند : بدك رأيي؟
نيسان : اي؟
رند : هلأ نامي ..وتركي الامور ع حالها ..بنهاية قلبك الي رح يختار ..اما ترجعيلو أو تبعدي عنو ..لأنو بنهاية هدول ست سنين مو يوم او يومين ..
نيسان : ماشي ..رح نام
صبحت ع صوت أغاني وحكت : يا الله ما بخلو حد ينام ..
قامت من مكانها وفتحت الشباك كان أغيد واقف وكاتبلها بالورد "سامحيني " وعم بغني 
يا هوا روح وقلو ..قلو كتير شتقتلو ..لو بدو عمري كلو بعطي..
هاي كانت الأغنية المفضلة لألهم التنين من سن

ند : هلأ نامي ..وتركي الامور ع حالها ..بنهاية قلبك الي رح يختار ..اما ترجعيلو أو تبعدي عنو ..لأنو بنهاية هدول ست سنين مو يوم او يومين ..
نيسان : ماشي ..رح نام
صبحت ع صوت أغاني وحكت : يا الله ما بخلو حد ينام ..
قامت من مكانها وفتحت الشباك كان أغيد واقف وكاتبلها بالورد "سامحيني " وعم بغني 
يا هوا روح وقلو ..قلو كتير شتقتلو ..لو بدو عمري كلو بعطي..
هاي كانت الأغنية المفضلة لألهم التنين من سنين ..نزلت لعندو بدون ما تحكي شي ..
أغيد : أعطيني فرصة ..رح خليكي تسامحيني ..مو شرط هلأ بس المهم كون بقربك ..وحس بحبك ..نيسان انا بحبك ..سامحيني ..
بهالوقت نيسان كانت عبارة عن شي مخربش ..مشاعرها مخربشة كتير ..ما عرفت تنام من كتر التفكير ..ولما شافتو هيك تزكرت أيامهم الي قبل..قديش كانو بحبو بعض ..
مشيت لعندو وحضنتو ..
بهالوقت كان غيث ماشي قاصد بيتها ..لأنو خاف عليها من آخر حكي لألو مع رند وخبرتو انها ما كانت منيحة ..وقف فجأة ..رجع كم خطوة وضلو ماشي ..عم يحاول يخرج الصورة من عقلو ..بس ما عم تخرج ..صورة نيسان وأغيد وهمي عم يحضنو بعض ما عم تخرج ..راح ع الجامعة وقعد ع الطاولة 
رند : في شي؟
غيث : لا ..
رند : متأكد ؟ حاسستك مو منيح ..
غيث : قلتلك منيح ..
أجت نيسان بعد شوي ..ولما شافها غيث قام بسرعة من مكانو أخد كتابو ومشي ..
نيسان : غيث في شي؟
بس غيث عمل حالو ما سمعها وكمل طريقو..
رند : ما بعرف ..حاسستو غريب ..
نيسان : أبصر شو مالو ..
مرق اليوم ..وغيث عم يحاول يبعد عن نيسان قدر الأمكان ..لأنو كل ما بشوفها بظهر هداك المشهد ع عيونو بسرعة ..قلبو بحترق ..بحس بنار الغيرة عم تمشي بعروقو ..هاد الشعور ..الي بخليك تكره تشارك حد ..لأنو هاد الشخص ملكك انت ..انت وبسس ..انت أناني في ..
وصل غيث ع المكتب وقعد ..
سند : غيث ..
غيث : اي ؟
سند : فيك شي؟
غيث : لا ..الحمد لله منيح كتير ..
سند :أخي احكي عم بسمعك ..
غيث ما حكا شي وضلو ساكت ..
سند : الهموم بتخف لما منشاركها ..مو هي جملتك ؟
غيث : بتعرف أصعب اشي بالحياه شو هو؟
سند : شو؟
غيث : تحب قلب مو لألك ..
سند : ما فهمت قصدك ..يعني نيسان ما بتحب حد غيرك ..
غيث : حبيبها القديم ..رجع ..هي كانت مفكرة انو مات ..رجع وهي سامحتو ورجعو متل قبل ..وأنا ؟ ولشي انا ..
سند : عم تمزح ..
غيث : ما بلومها بتعرف ليش ؟ لأنو بنهاية هي حبتو وستنتو سنين وبس يرجع تتخلو عنو لمجرد انو واحد تافه متلي بحبها ؟
.#متلك_متل_نيسان_بتبلش_بكزبة🌸
الجزء التاسع والأخير 
سند : بجوز هي بتحبك ..بس مشاعرها هلأ مخربشة ..عطيها شوية وقت ..رح تفهم انو قلبها بحبك انت ورح ترجعلك ..
غيث : ما بعرف ..بس صوررتها وهي حاضنتو ما عم تروح من بالي ..بيجي ع بالي اقتلهم همي التنين مع بعض ..
سند : الغيرة ..
بعد شوي نيسان دخلت ع المكتب عند غيث ..وبس شافها قام بسرعة ورتبك ..حكا : يييي تزكررت شغلة ضرورية لازم أعملها ..بااي بشوفكم ..
مشي بسرعة ..نيسان مسكت بأيدو ووقفتو ..طلع بعيونها بدون ما يحكي شي ..وهي نفس الشي ..
فلت أيديها وحكا : بشوفك بعدين ..وضل ماشي بسرعة ..
نيسان وهي مصدومة ومو فهمانهه شي : سند .. في شي ؟
سند : الي بتعرفي انت انا بعرفو ..
نيسان : بس انا ما بعرف شي ...
سند : وأنا متلك ..
نيسان : لك شو عم يصرلو ..
سند : برأيي هو طبيعي ..يعني طرألو شغل عاجل وراح ..
نيسان : لك مو هيك .. عم يتجنب يشوفني ..وبس يشوفني بهرب بسرعة ..وبخاف يطلع بعيوني ..شو الي عم يصير ..
سند : بدك رأيي؟
نيسان : اي ؟
سند : حاصري ..يعني كيف بدي أشرحلك ..
نيسان : وقف وأخكي معو وما يقدر يهرب مني ؟؟
سند : براافوو ..
نيسان : يلا بااي اذا..
طلعت بسرعة بس شافتو بآخر الشارع بالمتور ..
رجعت ع بيتها وهي بتفكر في ..اما هو كان بالحارة اخد رينال وطلع ع مكانو العالي .
رينال : اييي وبعدين شو..
غيث : بعدين ولشي ..خلص صفيت لحالي ..
رينال : بدك رأيي؟
غيث : اي يا فصعونة؟
رينال : يعني لو انا محلك ..عادي بخلي كلشي طبيعي يعني متل ما هيي راحت مع غيري انا بقدر لاقي غيرها صح؟؟
غيث : لك هالمخ من وين جايبتي اآآه من وين؟؟
رينال : اي عشان ما تحكيلي لساتني صغيرة ...
غيث : مو صغيرة ..بس ازا واجهتها وطلعت بعيونها عيوني رح يفضحوني ..رح يحكولها قديش بحبها ..
رينال : هي بتحبك؟
غيث : ما بعرف..يعني قبل ما يدخل هداك لحياتها من جديد اي ..يعني رند كانت تلمح انها بتحبني وهي ونظراتها وكلشي كان يوحي انو حبنا مو من طرف واحد ..بس هلأ عم حس انو لا ..
رينال : طيب هلأ حط حالك محلها ..رجعتلك حبيبتك بعد ست سنين فراق ..وانت كنت تحب بنت تانية ..وبس رجعت انت تزكرت ايامكم الحلوة مع بعض ..والبنت كتير بتحبك ..وانت بتحبها بس كان زمان هلأ مشاعرك لشخص تاني شو بتعمل؟ 
غيث : بعمل متل ما عملت نيسسان ..
رينال : خلص اذا ..الوقت بحل كلشي ..
غيث : ايي وهلأ بدي روح ..
رينال : ما طول علي ماشي؟
غيث : ماشي يا فصعونه ..
راح غيث ورينال نزلت ع بيتها وبطريق شافت نيسان

..
نيسان : رينال رينالل ..
رينال : نعم شو بدك؟
نيسان : غيث اجا لهون ؟
رينال : لا ما شفتو..
نيسان : رينال حكيلي الصدق ..
رينال : اي اجا لهون بس من شوي راح ..
نيسان : يلعن حظي ..
رينال : ازا زعلتي غيث كمان مرة ولله بقتلك ..
نيسان : شوو؟ يعني حكالك كلشي؟
رينال سكتت وما حكت شي ..
نيسان : رينال حكيلي ..لازم أعرف هو شو بفكر وشو الي مدايقو بس عم يهرب مني ..
رينال : تعي معي ع الجنينة هاي .
راحو لهنيك ..ورينال حكت : نيسان انت ليش عم بتعزبي بغيث ..لك هو بحبك بحبك ..
نيسان ضحكت وحكت : بحبني .؟ لالي لالي؟
رينال : في حدا غيرك هون .. يعني اي وانا كمان بحبني ما بنكر هالشي بس ..
نيسان : اي اي فهمت يا فصعونه ..بحبني لألي ..وضحكت بصوت عالي ..
رينال : عم تضحكي عشان تأكدتي انو بحبك وانت مع شب غيرو ؟
نيسان وعيت ع حالها ..وكأنها خبطت بالحقيقة للحظة ..
رينال : وهلأ رح تخلي الامور تمشي متل ما هي ..وأهم شي تخليش غيث يشوفك انت وأغيد مع بعض ..يعني مو عارفة أشرح ..
نيسان : ماشي ماشي ..يلاا بااي يا فصعونة..
رينال : ازا زعلتي غيث بتلاقيني بوجهك فهمانة ؟
نيسان : أحلى حد يهدد فيكي يا بلد ..
روحت ع البيت ..أغيد رن عليها لحتى يطمن عليها حكت معو وهي عم تعد الثواني لحتى تخلص هالمكالمة ..خلصت من هون وبعتت ل غيث مسج ..بتحكي : غيث كيفك ؟
غيث رد : الحمد لله كيفك انت ؟
نيسان : الحمد لله ..اليوم كان فيك شي؟
غيث : لا ابداً..
نيسان : فكرت ..
مرق كم يوم وغيت يتجنب يشوفها ..
واليوم غيث بالحارة عند رينال ونيسان بالبيت ..
رينال : غيث شو صار معك ؟
غيث: تركت الامور تمشي متل ما بدها ..
رينال : اي كتير منيخ ..
مرقت بنت بالعشرينات من عمرها من جنبهم وحكت : غيثثث !!
غيث : نارين !! لك شو شتتققتللكك يا هبلة تعي تعي ..
وحضنها ..
نارين : لك يا غدار من وقت ما نقلت من هون ما عدت شفتك .. 
غيث: لك ولله باجي لهون بس ما بشوفك ..
نارين : كل واحد غاطس بحياتو ..اي المهم شو أخبارك ..
غيث : ليكني عايش ..وانت ؟
نارين : متلك ...
رن موبايل غيث ورد علي ..
رند : غيث اليوم عيد ميلادي متل ما بتعرف ..وعاملة حفلة كبيرة ..بتيجي اي؟؟
غيث : ولله يا ريت ..مالي خلق ع هيك شغلات بتعرفي
رند : لك غيييثث ولله بزعل منك..نيسان وأغيد وسند وسامر الكل جايين تعال انت كمان ..
لما سمع غييث اسم نيسان وأغيد تزكر حكي رينال بأنو يدبر بنت
غيث : بشوف ..المهم كل عام وأنت بخير ..سكر الموبايل وقعد يطلع ع نارين من فوق لتحت وحكا : بنفع بنفع ..
نارين : شو الي بنفع ..
غيث : نارين ازا طلبت طلب بترديني؟
نارين : لا اكيد متى ردييتك ..
غيث : تكوني حبيبتي المزيفة لليلة وحدة ؟
نارين : نعم؟!
رينال ضحكت ضحكة خباثة بتنم عن انها فهمت قصدو وحكت : ناريين اقببلييي بس ليلة وحدة ..
نارين : ماشي ..
رينال : نارين روحي لبسي فستان حلو من عندك وحطي مكياج ..
غيث : برافو عليكي يا صغيرة ..
نارين : حنروح ع حفلة؟
غيث : اي ..
نارين : ماشي ع أي ساعة رح تيجي تاخدني؟
غيث : ع التمنية ونص ..
نارين : ماشي رح كون جاهزة ..
ضربت رينال كف غيث ..وحكا غيث : يلا رح شوف ازا رح تتوجعي ولا لا يا نيسان ..
أجا غيث ع الوقت وأخد نارين كانت طالعة بتجننن ..وصلو للمكان ومسك أيد نارين ودخلو للهنيك ..
غيث شاف نيسان ماسكة أيد أغيد من بعيد .. شد ع أيد نارين ومشي .. وقفو عند طاولة رند والباقي ..
غيث : اي شباب بعرفكم ..نارين ..
رند : مين الحلوة هي ..ليش ما عرفتني عليها من قبل ..
غيث : ما صحتلي فرصة .. نارين جارتنا من سننيين ..وخلينا نقول كنا قرود الحارة ..وأكتر حد بعرفني هي ..
كانت عيون نيسان عم تشع نار ..وغيث عم يطلع عليها ويضحك بخبث ..
نارين : غيث فينا نروح ع طاولة لحالنا شوي ؟
غيث : ماشي ..
راحو لهنيك وحكت نارين : حدا قلك قبلي انو انت صفر بتمثيل؟
غيث : كيف يعني ؟
نارين : لك بتطلع علي زي عكنك بتطلع ع كرسي ..رح تتخيلني نيسان وتطلع علي اي؟. لأنو ما بدنا حد يلاحظ انو كلشي تمثيل ..بدنا يبين كلشي حقيقي ..ونظراتك خليها حقيقة ماشي ؟
غيث : ومين قلك القصة؟
نارين : رينال مين غيرها ...
غيث : لك هالفصعونة ..شو بحبها ..
نارين : مين ما بحبها .. اي هلأ اضحك بصوت عالي واحكي شو حلوة هالنكتة اي؟
ضحك غيث وعمل متل ما حكتلو بزبط ..اتقن الدور يعني..
بلشت الموسيقى ونارين حكت بصوت واطي : غيث ازا ملاحظ الكل قام يرقص وانت حضرتك صافن بالموبايل ..
غيث : ييييي اي ..
نارين : يا ربييييي لك شو اي شو ..يلا مدلي أيدك رح نرقص ..
غيث : اي ماشي ..
مدلها ايدو وبلشو يرقصو ونيسان رح تاكل نارين بعيونها ..
وغيث مو معطيها أهتمام لا لألها ولا لحبيبها ..
غيث طلع لبرا لحتى يحكي بالموبايل ونيسان ستأذنت لتروح ع الحمام وراحت لبرا ..لعند غيث ..وقفت بدون ما تحكي شي ..لما شافها مششي بسرعة ..حكت : حلوة نارين هي ..لابقين لبعض ..
غيث أخد نفس ورجع لعندها وحكا : ايي بس مو قدك انت وأغيد ..ثنائي الليلة هي ..بتجننو ..
نيسان كانت عم بتراقب ع

..
غيث ضحك وحكا : لا مو طبيعية ..
نارين : لك عم قلك كانت رح تخلص علي وانت عم تضحك ..
غيث : كم فيلم تركي بتحضري باليوم ؟
نارين : لا كتير بضحك..لك لو شفت كيف نار الغيرة عم تحرقها كان بتتوقع تعمل اي شي ولله ..
غيث : بتغاري علي لكن اي ..العين بالعين والسن بالسن ..والبادي أظلم ..
خلصت الليلة وكل واحد راح ع بيتو ..كان بيت نيسان بعيد عن بيت أغيد بمسافة طويلة شوي ..وهي نسيت مفتاح بيتها معو ..ركبت تكسي وراحت ع بيتو لحتى تاخد المفتاح ..دقت الباب بس ما رد ..تزكرت انو كانت تدخل من باب الملحق دايما ..يعني زمان ..راحت من هنيك ودخلت ع الصالون كانت هنيك بنت غريبة ..
نيسان : مين انت شو عم تعملي هون ..؟؟؟
البنت هربت بسرعة ع الحمام 
نيسان صرخت بصوت عالي :أغيييددد
أغيد طلع من الغرفة وما كان لابس ع صدرو ..
نيسان شافت المفتاح ع الطاولة راحت أخدتو وأغيد يحكي : نييسسان لا تروحي سمعييينيي مو متل ما انت مفكررة ..
نيسان وقفت وحكت : سماع أغيد انا صح أعطيتك فرصة ..بس كنت مآمنة بأنو من دون فايدة لنقول اعطيتها بس لريح ضميري ..وهلأ خلص ..انت بطريق وانا بطريق ..ﻷنو انت تغيرت كتيير .واضح الأيام الي عشتها هناك كانت كتير صعبة ..كل يوم بنت رايحة وبنت جاي ..يقلبي قديش كنت تعبان ومظلوم ..
مشيت وركبت بتكسي وما هتمت لحكيو ..وصلت للببيت ودخلت وطلعت ع البرندة وعملت كاسة نيسكافيه وحطت كتابها وبلشت تقرأ ..طلعت ع السما وحكت بينها وبين حالها : هلأ انا مبسوطة لأنو حبيبي عم يخوني ؟
طلعت من بيتو عم بضحك ..الحب مجنون ..وانا كان في شوية عقل وطار ..نزلت الصبح ع الجامعة وهنيك كانو كل الشلة كانت مبسوطة كتير وعم تضحك ..
رند : ممكن نعرف سبب هالبسمة هاي ؟
نيسان ووصوتها مليان فرحة وعم تنط من مكانها : نفصلت انا وأغيد ..كلهم صفنو فيها ..هي فرحانة وعم بتنط ..عشان نفصلت عن حبيبها ..وعيت ع حالها لما شافت غيث صافن فيها ..نزلت راسها وحكا : يعني ..تركنا بعض ..وعملت حالها عم تبكي ..
رند : لا انت جنيتي ع المزبوط ..
نيسان : من الصدمة ما عم بعرف شو بعمل ..آسفة ..
غيث : كنتو كتير لابقين لبعض ..زعلت .
نيسان وهي بتضحك : راح بيجي غيرو قصدي ..يعني ..خلص هاد نصيبنا ..
الكل ساكت عم يطلع عليها بنظرات غريبة ...وقفت وحكت : شبااب علي محاضرة لازم روح يلا بااي ..
رند : لك هاي جنت ع الآخر ..
سامر : بجوز ما كانت مرتاحة معو وما صدقت وخلصت منو ..
رند : بجوز ...
وبس خلصو ..نيسان راحت ع المركز لحتى تشوف غيث ..لأنو الشوق كان عم يحرقها..لو تشوفو من بعيد حتى ..وبصدفة نارين كانت مارقة من هنيك وتزكرت انو غيث بيشتغل هون دخلت لهنيك ونيسان ورا الشجرة عم بتراقب بوجع ..بعد شوي طلعت هي وغيث سلم عليها وباسها من خدها وراحت ..وهو دخل لجوا نيسان تأكدت انو دخل ومشيت لحتى تروح ع البيت ..وندمت انها أجت ..هي مشتاقيتلو وهو مع نارين !!
مشيت وهي عم تحكي مع حالها وغيث تزكر انو ما تغدى وطلع لحتى يشتري شي من برا وشاف نيسان حكا : نيسان؟ شو عم تعملي هون ؟؟
نيسان لفت وجهها شوي شوي وحكت : ولا شي ..يعني طريق بيتي من هون بتعرف ..
غيث : لو دخلتي شربنا كاسة شاي مع بعض ..
نيسان : شفت نارين داخلة لعندك حكيت ما خرب جمعة العشاق ورحت ..
غيث : اي ..
نيسان : اي ..
مشيت شوي وغيث مسكها من أيديها ولفها لعندو وحكا : انا ونارين ما في شي بينا ..
نيسان : اي وانا شو دخلني ..
غيث: ما بعرف ..يعني بس عشان تعرفي ..
نيسان : اي منيح ..بس ع فكرة كتير لابقين لبعض ..وشكلها بتحبك كتير ..
غيث : يعني حاليا ما في شي بينا بس ما بعرف شو بصير بالمستقبل ..
نيسان أخدت نفس ضغطت ع ايدها وحكت : يعني انت بتحبها ؟
غيث : ما بعرف ..
نيسان : شو ما بتعرف ..احكي اه ولا لا .؟
غيث : وليش عم بتحققي معي ؟؟
نيسان ونبرة صوتها كلها جدية : عم قلك بتحبها ولا لا ؟؟
غيث : اي بحبها
نيسان هالكلمة كانت وقعها عليها متل الرصاص ..وكأنو ميت رصاصة دخلت ع قلبها بنفس الوقت ..نزلت دمعة من عيونها ع خدها مسحتها بأيدها وحكت بصوت برجف : شو بتستنى ..عترفلها ..
غيث لاحظ عليها وحس انو جرحها كتير وحكا : ما بتوقع يصير شي بيناتنا انسي ..
نيسان صرخت : لا بصيييرر ..يعني مدام انت بتحبها ليش تخبي ..؟؟؟ روح حكيلها نارريين انا بحبك ..متل الرجال ..ما بعرفك جبان هيك ..وقف قبالها طلع بعيونها وحكيلها بحبك ..
كانت بتحكي بسرعة بدون ما تاخد نفس بين الحكي ..وهو واقف مصصدوم وعم يراقبها صرخت وحكت : حكييللهاا شوو عم تستنى ؟؟؟؟؟؟
غيث : نيسان انت منيحة ؟
نيسان الدموع غدرتها ونزلو من عيونها صرخت وحكت : ماني منييحةةة ..قلبي عم يحتتتررقققق ..لك حرقتلي قلبي
غيث : وأنت حرقتيلي قلبيي كمااان ..كنت حس بنيران في كل ما شوفك مع أغيد هلأ انا المزنب ؟؟
نيسان ضلت ساكتة وما حكت شي ..بعدين حكت ..: بس انا ما بحب أغيد ..وانت بتحب نارين ..عرفت الفرق؟
غيث : ما بحبها ما بحبها ..هي رفيقتي من سنين ولو بدو يصير بينا شي كان صار ..
نيسان : روح لعندها ليش معي

هلأ اه ليشش؟؟
غيث مسك بأيدها وشدها لعندو وضمها بقوة قاومت أول شي بعدين بكت بحرقة شتمتو وما خلت شي الا وحكتو علي من خاين لحقير ..بعدين سكتت شوي ورجعت حكت وهي غرقانة بدموعها ..ابتسمت وحكت : بس بحبك ..
غيث : مجنونة .. انا بحبك اكتر
راحو وقعدو بالجنينة وحكالها غيث انو نارين كلها لعبة ..
غيث : لك ع شوي كنت رح تقتلي البنت بالتواليت ..
نيسان : اي الي بدو يقرب ح حبيبي هيك بعمل في ..
وبلشت تحكي ع نارين وقديش بتكرها نغيث ساكت وعم يراقبها حكالها فجأة وهي عم تحكي بسرعة : بعشقك ..!
وقفت حكي وهي مصدومة ..بتسمت وباستو من خدو وحكت : ونا بعشقك أكتر ..
هاد القلب بينبض بس لألي ..وهي العيون ما بتطلع غير علي ..وألا بقلعها ..وهاي الأيدين ما بتلمس غيري فهمان ؟
غيث : اي ..وألا ؟
نيسان : ازا بتحب بفرجيك شوية حركات ..
غيث : لا خلص حسن صبي ..شفنا وخلص ..
مرقت الأيام وحبهم لبعض كل يوم عم يكتر أكتر وأكتر ..كان حب مختلف تماما ..مو مبتذل متل القصص الي منسمعها ..حبهم عبارة عن أسطورة ..جمعتهم الصدف ووقعتهم بحب بعض ..
نيسان تخرجت من الجامعة اليوم ..وغيث خلص الماجستير ..وحب تكون الفرحة فرحتين ..فرحة نجاحها وفرحة انو رح تصير حلالو ..
مثل أنو طول اليوم ما كان على بعضو..ولما سألتو فيك شي كان يتهرب ..وبس وصلت نيسان ع بيتها هي ورند معها ..رن عليها غيث ..
غيث بصوت برجف وكأنو ببكي : نيسان
نيسان : اي يا قلبي ..انت مو على بعضك ..غيث حكيليي فيك شي ؟؟؟
غيث : نيسان انا ماني منيح ..خلص ...حاسس وكأنو الحياه كلها بوجهي ..
نيسان : غيث وين انت حكيلي رح آجي لعندك ..
غيث : بجنتك السرية ..
نيسان : خليك مكانك جاييتك ..غيث بحبك ..وازا بتحبني خليك منيح لحد ما اوصلك ..
قبل ما يتصل غيث كانت نيسان ورند عم بحكو ..
رند : نيسان قيسي هيدا الفستان شريتو عشان حفلة أختي بتعرفي ..
نيسان : وليش انا قيسو؟
رند : بتعررفي اني بحب اللون الأسود عليكي كتير يلا قيسي ..
قاستو وكانت متل الملاك في ..فستان أسود قصير ..مرصع من فوق بنفس اللون بعدين نافش بطريقة حلوة ..
ونيسان عم تطلع ع المراية ع حالها ولابسة كعب خمري طويل ..وعم تلعب بشعراتها وتروح وتيجي قبال المراية رن غيث وحكا معها ..بعدين ..
نيسان : رنددد غيث مانو منيح لازم رووح لعندوو..فكيلي الفستان من ورا بسرعة..
قعدت ع الارض وحكت لرند تفكو ..وطبعا رند كانت متفقة مع غيث ع كلشي ..والفستان الي عليها منو ..وحكت رند : لك معلقق مو عرفانة فكو..
نيسان : لك يلعن حظيي شو بديي أعمللل ..
رند : روحي هيك ..خدي سيارتي وروحي والطريق اساسا بتعرفي مقطوعة يعني ما حد رح يشوفك..غيث هلأ محتاجك ..
نيسان : لك بلا جنان كيف بدي أطلع هييك..
رند : نيسان انت بشو بتفكري وهو هلأ بشو بفكر ..
نيسان : خلص ماشي ماشي ناوليني الشنتة رح روح يا رب يكون كلشي بخير ..
حملت شنتتها وركبت بسيارة ومشيت بسرعة كبيرة ..نزلت منها ومشيت بالكعب ع الرمل شوي شوي ..بعدين شافت ورد أسود ع الأرض ..قربت لهنيك وكانت الأرض كلها ورد أسود موزع بطريقة بتجننننن وفي علبة صغيرة ع الأرض ..نزلت جابتها وفتحتها ..فتحت أول ورقة الي كانت بالوج ..كان مكتوب فيها ..: اهلاً محقق كونان ..هلأ انت رح تمشي ع هاي الطريق الي قدامك ..وكل تلت خطوات رح تفتحي ورقة ..تفقنا ؟
نيسان الدموع كانو بعيونها من الفرحة ..هزت براسها ..ومشيت تلت خطوات وفتحت الورقة الأولى ..وكان مكتوب فيها : الأسود يليق بك .. وتحت بشوي : بتتزكري بس حكيتيلي أنو بطفولتك كنت تلبسي اللون الاسود وتحبي والكل يفضل اللون الزهري ؟ لهيك الفستان الي عليكي لونو اسود ..وقفت شوي ضحكت وفهمت انو رند كمان ضمن هاللعبة ..مشيت كمان وفتحت الورقة التانية : بتتزكري أول مرة تعرفنا فيها هون ؟ قديش كنت حلوة ..وعنيدة ..متل الماعز ..
الورقة التالتة : بتتزكري وقت أجيتي ع المغفر وحققت معك وكزبت عليي فكرك قدرتي تتغلبي علي ؟ بس على ميين ..
الورقة الرابعة : بتتزكري وقت نمت ع الكنباي ببيتي ؟ وقتها ضليت جمبك بتأمل تفاصيل وجههك ..عيونك البنية ..
أنفك الصغير ..وتمك المرسوم رسم ..شعراتك الساحلين ..وبس صحيتي قلتلك اني هلأ جيت ..طبعا كنلي ساعة عم أتفرج عليكي وسرحان فيكي 
نيسان مسحت دموعها وضحك ..وتناولت الورقة الخامسة : بتتزكري بس كنت رح تنتحري ؟ السبب الأساسي هو اني بلشت حبك ..خفت تروحي من أيدي ..بس ما كان عندي الجرأة احكيلك اني بحبك ..هداك كان أول حضن بحضنك يا ..عن شعوري بهديك اللحظة ..قلبي كان رح يوقف ..كان ينبض 1000 دقيقة بثانية ..كنت مفكر الكل سامع نبضات قلبي مو بس انا ..
الورقة السادسة : بتتزكري بس حملتي السلاح وأجيتي دافعتي علي متل المجنونة؟ بوقتها كنت رح موت خوف عليكي ..
الورقة السابعة : بتتزكري بس حضنتي أغيد ..بهداك الوقت كنت أنا ع باب المغفر ..بس شفتكم هيك ..حسيت قلبي رح يطلع من مكانو ..للحظة ولو تركت أيدي تعمل الي بدها يا كان هلأ انت مو عايشة..ولا هو أكيد ..بهداك الوقت بس عرفت الشي الي أسمو "