الجزء السابع
@rwayate
شام :- بس انا بعرف انو بلال ماعندو اولاد
رفيف :- بلا عندو 6 صبيان و 9 بنات
شام :- وين كل هادولي
رفيف :- البنات منهن متزوجين والشباب مسافرين ..وفي منهن صغار
شام :- ونسوانهن مابيعرفوا شي عن حياة بلال
رفيف :- بلال ..بالعكس سكوتهن هدية من الله ليبقو عايشين بعيد عن هاي الميمعة ..
شام :- وشلون بيحملو بسرعة وهو ماببقا معهن ع طول
رفيف :- بعدك صغيرة ع هالحكي بس رح قلك هاي ياستي اللي بتحمل هون بيعرف بلال انو ارضا خصبة ..وبطالعها دغري من هون وبضلو يجيب منها اولاد اولادو مابيعرفوا عن حياتو هاي اساسا هو مو كتير بكون هون..
شام :- وليش مرفت وصفية مانن معهن..
رفيف :- اسألتك كتير مرفت وصفية مابجيبو اولاد بس هو اطلق سراحهن يعني مانو متزوجهن ..بس اسمهم ع اسمو وانتي شفتيهن كبار بالسن وما الهن حد الا بلال..
شام :- وليش بتزوج صغار
رفيف :- هوووف من اسألتك .لك هاد عندو مال كتير وبدو يعمل سلطة بزواجو واولادو..فهماني..
شام :- ياربي والحل ..
رفيف :- متلك متلنا
شام :- بس انا 😔
رفيف :- نحنا متلك جينا صغار بس شو نعمل هاد نصيبنا..انتي لالك اهل فيكي تحكي معهن..
شام :- الي اهل بس صعب احكي معهن مافي تلفون ..بس جيرانا عندن
رفيف :- اي حافظة رقمهن
شام :- اي كنت عاطيه لمدرستي..
رفيف :- خلص تمام اذا بدك شي قليلي بخليكي تحكي معهن..
شام :- مسموح هون الموبايل
رفيف :- لاء هاد من الست مرفت كبتو فكرتوا منزوع..وانا اخدتو وصلحتو واشتغل معي ومخبيتو..
شام :- عم تحكي مع اهلك فيه
رفيف :- لو بعرف مكان اهلي لحكيتهن زمان وكنت اطلعت من هون..اساسا الموبايل مافيو رصيد بس بكمش شبكة انترنت..
شام :- انترنت شو يعني
رفيف :- مابتعرفي شو انترنت .
شام :- اها اتذكرت تبع الكمبيوتر ..
رفيف :- اي بس ع الموبايل
شام :- معقول
رفيف :- اي اي
شام :- وشلون احكي مع اهلي مابصير ع الانترنت
رفيف :- في موقع اسمو قوقل حطي اسم عائلتك هيك وبيطلع كل شي مرتبط فيهن..المهم بعدين بنحكي بالموضوع بس غريب ليش لهلاء مابعتو لالك
شام :- لوين يبعتو لالي
رفيف :- لفوق لعند بلال
شام :- شو بدو يعمل فيني
رفيف :- والله انك طشمة..رايحة اسألك..خليكي هون ..
...
في الصالة..
مرفت :- شو رفيف تعي شو بدك
رفيف :- هاي يلي بعتيها لعندي شو اعمل معها
مرفت :- ولا شي خليها ليجي وقتا
رفيف :- ليش سيدي بلال مابدو
مرفت :- طلع اجاه امر ضروري جهزيلي الاركيلة..
رفيف :- اي تكرمي..يالا رايحة اعملها..
...
في المطبخ.
رفيف :- لك نيالك ع حظك
شام :- شو قليلي
رفيف:- هاد مانو هون قومي قومي
شام :- لوين
رفيف :- في حفلة
شام :- وين
رفيف :- مع الصبايا بالبدروم (( غرف بالطابق تحت الارضي )) تعي ..
(( انزلت انا ورفيف بدرج ..لشقة ..كانو فيها صبايا بيتراوح عددهن 15 صبية من عمر 40 سنة لعمر 20 ..وكنت انا اصغرهن..قعدت جنب رفيف وبلشو يدقو ع الدف والطبلة ويغنو ..وقتا نزلت مرفت وقعدت تغني معهن ..كانو عم يبسطو حالن من حالن شي يرقص شي يغني وشي يصفق ويضحك..وانا ماكنت فاهمة شي من هالميمعة غير اني اضحك ع ضحكهن..
رفيف :- هاي سهرة بنعملها كل ما بغادر بلال البيت هاديك سلوى اللي بترقص
شام :- ليش طيب
رفيف :- بريحنا من قرفوا..
مرفت :- هلاء ست رفيف بلال بيقرفنا ..
سلوى :- ليش لنكذب خانوم مرفت ..يالا صبايا ..
مرفت :- ليكو اجا بلال..
رفيف :- جد جد
(( من اول ما سمعو اسم بلال فزوا من مكانهن كان الخوف منو واضح بس ضحكات مرفت توالت بسرعة وعرفوا انها عم تخوفهن كان الكل متفهم وفهمان الطبخة وعرفانين شو نهايتهن..حتى مرفت نفسها..
شام :- ليكها منيحة مرفت
رفيف :- وطي صوتك ..بتعرفي المثل يلي بقول بالوجه مرايا وبالقفا صرمايا..لايغرك ضحكتها ..وكلامها المعسول ..
شام :- يعني
رفيف :- اي اي بنضحك بوجها بس كل شي بصير معنا قداما بتحكيه لبلال..
شام :- ليش عم تعمل هيك
رفيف :- بدا تحصل ع ميزات من بلال ليطالعها مثل صفية وما اضلا محبوسة هون ..وهاد يوم المنى نحنا بنتقصد نحكي هيك قداما..كرمال تنقل الحكي وتاخد يلي بدها اياه ويقلعوها من هون..بس كمان يلي هون مو مثل صوابعك ..يعني اذا راحت مرفت في غيرها منال شايفتيها هاديك يلي عم ادخن..وعم تزاورك لا تطلعي عليها..هاي اكتر وحدة بتتمني مرفت تروح لتاخد مكانا..بس كمان مرفت احسن منها..لهاي منال ..انتبهي لولا ما بلال داعس ع راسا لهاي منال لجابت اجل الكل ..يالا قومي خلينا نروح انام..
شام :- شو بتعملو بالايام العادية.يعني بضلكن ع هاد الحال..
رفيف :- بنلف..
شام : شو يعني مافهمت..
رفيف : شغل
شام :- شو هاد الشغل..
رفيف :- بنلف روق ريحان.. 😂 😂
شام :- شو يعني لك فهميني..
رفيف :- بس نروح ع المصنع بتعرفي..
شام :- وين هاد المصنع..
رفيف :- شايفة هاداك المخزن الكبير..
شام :- اي..
رفيف :- هاد مصنع خياطة ..
شام :- افهمت يعني بنخيط..
رفيف :- الاسم بنخيط بس نحنا بلف حشيش ..وهيروين..