📚قصص||روايات||منوعة📚

راقصة_محترفة

الجزء التاسع

عيش بلاكي فهمانة
يارا : لا تعمل فيني هيك .. حرام عليك

يعرب : اسف .. تعي لعندي

قدر يعرب يتجاوز ماضي يارا بصعوبة .. كان اوقات ينفر منها ويطلع من البيت وهي تحاول تواسي حالها وتقتنع انو الموضوع بدو وقت
مرقو اربع شهور على زواجهن .. كانت حياتهن هادية لوقت ما طلعت يارا حامل وخبرت يعرب
فرح كتير وتغيرت نفسيتو وبلش يطلع من الحالة الي مسيطرة عليه ويعيش مع يارا كزوجة طبيعية

كانت احلى ايام عمرها .. تطبخ وتنظف بيتها وتقرأ كتب عن الاولاد والحمل والعناية بالأطفال وتنطر رجعة يعرب من الشغل
ويتسلو سوا ويلعبو مع بعضهن

لوقت ما بيوم من الأيام .. كانت يارا ويعرب عم يتفرجو على مسلسل عالتلفيزون .. وصار يرن الجرس والباب يضرب بقوة

ارتعب يارا : مين؟

يعرب : ما بعرف .. رح يكسرو الباب .. خليكي جوا ..

يلا جاااااااي .. جااااااي طول بالك العمى

فتح يعرب الباب .. ولقى الشرطة .. و معاهن مالك

يعرب : انت يا حيوان ؟

مالك : طلعلنا ليال لهون ..

يعرب : ما في وحده بهل اسم .. غلطانين بالعنوان ..

سمعت يارا صوتو وخافت كتير وفاتت تخبت بالغرفة جوا

الشرطة : خليها تطلع بلا مشاكل .. المدعو مالك الاحمد مشتكي عليها .. يارا محسن موقعه على مستندات بمبالغ كبيره
بلا ما نفوت نطلعها من جوا بمعرفتنا

يعرب : ما حدا رح يفوت البيت .. وما في وحده اسمها ليال هون

الشرطي : عناصر فوتو لجوا

يعرب : لك اطلعو هيييك ..اطلعو هيييك .. انا مرتي اسمها يارا .. اسمها يارا مو لياااااااال .. ما تفوتو لجوااا

مسكوه عنصرين وثبتوه على الحيط وهو عم يصرخ .. فاتو وطلعو يارا من جوا وهي عم تبكي وتقلهن اتركوني

مالك : ايه سيدي ايه هاي هي

يارا : يعرررررررب ... يعرررررب ما تخليهن ياخدوني يعرررب

الشرطي : اشحطوها لتحت يلا ..

نزل والعناصر لحقوه وهن عم يسحبوها و تنين مثبتين يعرب

يعرب : لك اتركوهاااااااا .. اتركوها هي مو ليال .. هي مرتي يارا هي مو ليال

يارا : يعرررب مشان الله .. يعررررب .. لك اتركونيييي

اعتقلو يارا وضلت يومين بالسجن ... طلعوها تاني يوم وكان ناطرها يعرب برا .. بس شافتو ركضت عليه وهي عم تبكي

يعرب :خلص هسس .. خلص حبيبي ما تبكي خلصنا ما في شي

يارا : اسفه .. اسسفه .. انا تركت الماضي بس الماضي ما عم يتركني.. مشان الله تسامحني ..

يعرب : كيفو ابنا ؟

يارا : منيح ما تخاف

يعرب : طيب يلا اطلعي لنروح عالبيت وترتاحي

طلعو بالسيارة وهي عم تبكي ويعرب ما حكى ولا حرف .. نزلو عالبيت والجيران عم يطلعو عليها ويتهامسو وهي عينها بالأرض

يارا : كيف طلعتني ؟

يعرب وهو عم يفتح باب البيت : دفعتلو للحيوان كل المصاري الي موقعك عليهن .. هلأ ما ضللو اي شي عندك
ووقع على تعهد انو ما يتعرضلك .. يلا فوتي

فاتت يارا لجوا : من وين جبت كل هالمصاري هي

يعرب : اخي اعطاني .. فوتي خدي دش وريحي حالك .. رايح جيب اكل

طلع يعرب .. وكانت بدها تفوت بس وقفت لما سمعتو عم يقفل الباب من برا

يارا : رجعنا لقفلت الباب .. لك وبعدين مع هالحياة .. ما سدئتو نسي ..

فاتت نامت عالتخت من التعب .. وما حست الا يعرب عم يصحيها لتاكول ..

يارا : ايمت جيت حبيبي ؟

يعرب : الي نص ساعه .. كنت بدي اتركك نايم بس لازم تاكلي مشان الي ببطنك

رفعت شعرها وابتسمت : بس مشان الولد ؟

حطلها لقمة بتمها وما رد بشي ..

يارا : خلص ما بدي اكول

يعرب : يارا الله يرضى عليكي ما عاد فيني اتحمل ما بقدر اتحمل دلالك فوق كل شي عم مر فيه

يارا : طيب اسفه .. انا اسفه
سحبت الخبزة من ايدو وصارت تاكول بلقمات كبيرة وتحط الاكل بتمها وتاكول وهي تبكي

يارا : هي رح اكول مشان الولد .. اهم شي ابنك .. اصلا انت بعدك معي بس مشان ابنك
وانا مو مهم .. ان شاء الله موت ما بيهم .. ما بيهم

مسك ايدها وشال الأكل من قدامها : خلص خلص
يارا : لك شو اعملك موت حالي يعني ؟ موت حااااااااالي لترتاح مني شو اعملك

يعرب : اهدي ..

نامت وغطت وشها تحت الغطا : اطلاع من الغرفة يلا .. اطلاع واتركني لحالي بئى

يعرب : ماشي ..

طلع وطفى الضو وسكر الباب ..

يارا : خليني موت وترتاحو مني كلكن ..... بدي مووووووووووووووت

مرق اسبوعين وكانت علاقتهن مو منيحه ابداً .. لوقت ما اجا يعرب وقلها انو اخوه رح يجي عليهن زيارة
لان اضطر يقلو انو متزوج واخوه طلب يقابل مرتو .. وممكن يساعدو ليخبر ابوه وامو بالموضوع

انبسطت يارا بقلبها كتير وما كانت مسدئة انو رح تتعرف على حدا من اهلو ليعرب .. اتصلت بمي وخبرتها وطلبت منها تجي
وتساعدها ليحضرو سفرة اكل فخمة كتير ..

اجت مي وحضرو اطيب الأكل وكل الطبخات من الشرقي والغربي .. الحلو والحامض والمالح .. الفواكي والمكسرات والعصائر
وجهزت حاله

راقصة_محترفه

الجزء العاشر

وعالوقت .. اجا يعرب وفتح الباب

يعرب : اهلين اخي فوت فوت .. يارا نحنا جينا

يارا : مي مي تعي بسرعه اجو اجو

مي : هههه يلا جيت

فات يعرب وفات وراه اخوه .. و اول ما وصلو عالصالة .. اختفت ابتسامة يارا .. وتغيرت ملامحها

يارا : زيد !!

زيد : ليااال ؟؟؟؟؟؟؟

وقف يعرب مكانو بس سمع اسمع ليال من اخوه زيد .. وما عاد عرف شو يحكي لان فهم انو زيد بيعرف حقيقة يارا

مسك زيد اخوه من تيابو وضربو بالحيط وصار يصرخ عليه : لك رقااااااصة .. متجوز رقاصة يا حماااااار
ما لقيت الا تتجوز ليااال .. ولك ليال ياااا غبيييي

يعرب : زيد طول بالك ..

مي : لك يارا مين هاد .. شو عم يصير

كانت يارا عم ترجف .. و خطرتلها فكرة مجنونة لتطلع يعرب من هالموقف البشع الي انحط فيه بسببها قدام اخوه الكبير

يارا : مو انا مرتو .. مو انا

سحبت مي من ايدها

يارا : هي مرتو

ترك زيد اخوه يعرب وهو عم معصب كتير وجانن : وانتي رفيقتا ليال خانوم ؟

يارا : لا انا مو رفيقتها .. انا تركت شغلي وعم اشتغل لفاية وهن طلبوني مشان جهزلهن الأكل

زبط زيد تيابو وبلش يهدا : اسف اخي

يعرب كان مصدوم وعم يبحلق بيارا ويحاول يستوعب الي حكيتو
ومي واقفه ومتجمده مطرحها

راح زيد وفتح باب البيت : يلا ليال خانوم لبرا .. وخدي هالأكل معك لان ما مناكول من تحت ايدين رقاصه ..لبرا يلا

ابتسمت ليال واتطلعت بيعرف وعيونها فيهن دموع : ماشي ..

مشت باتجاه الباب .. التفت واتطلعت على يعرب

يارا : يعرب انا

دفشها زيد لبرا الشقة : ايه خلصينا ببببئى لبرااااا بلا قرف

ضربت يارا بحفة الدرج .. و وقعت عالأرض وهي عم تبكي وصرخت ( اااااخ ) وقف يعرب ورا اخوه زيد
واطلع عليها .. و تجمدت اعصابو بس سمعها عم تتوجع ..

التفتت لورا واتطلعت فيه وهي عم تبكي كأنها عم تترجاه يعمل شي مشانها ..

و طرق زيد الباب ..
زيد: وحده فلتانه لا بقى تفوتها على بيتك اخي..

يعرب: انت كيف بترميها هيك!!

زيد: نعم… شو تفضلت؟

قربت مي و وقفت جنب يعرب و مسكت ايدو: سلفي ما تواخذو بس يعرب قلبو طيب كتير.. خلص حبيبي اخوك قال انها رقاصه

يعرب: لك هي حامل… كانت عم تصرخ من وجعها

مي: لك يعرب خلص هلا بيزعل اخوك
و غمزتلو ليسكوت…

كان صوت انين يارا واصل لعندهن وهي عم تتوجع..
غمض يعرب عيونو و تزكر مواقفو مع يارا

يارا: حبيبيي رح يجينا ووولدددد

يعرب: انا رح يصير عندي ولد؟
يارا: لك اييييه… و رح يطلع رجال متل ابووه… لك انا بحببببك
يعرب: غشاشة طلعي الورقة من تحت رجلك
يارا: يا حبيبي انت عطول بتغلبني هالمره خليني فوز
يعرب: غشاشة ام راس
يارا: بدك تسمي ابنا راس؟
يعرب: هبلة
يارا: ههههههه
مي: حبيبي يلا نفوت ناكول

دفشها يعرب: لك بعدي هييييك

فتح الباب و كانت يارا لسه بالارض و عم تنزف و تتوجع

يارا: يعرب ابني… مشان الله ابنيييي

نزل يعرب حملها بين ايديه و نزل فيها عالدرج وهو عم يركض فيها و يهديها و زيد يصرخ و يقلو وين رايح

مي: زيد زيد تعا لفهمك كل شي

زيد التفت عليها: لك شو بدك تفهميني؟

مي: مو انته زيد بيك؟ الي كنت تضل تروح لتتفرج على ليال؟

انصدم زيد

مي: انا بعرف كل شي ما تخاف…

زيد: شو الي عم يصير؟

مي: ليال هي نفسها يارا… وهي مرتو لاخوك بس هي كزبت عليك من شوي لان خافت منك

زيد: والله لاخرب الدنيا فوق راسهن

ركضت مي وقفلت باب البيت

مي: استنااااا شوي

زيد: لك شو بدك انتي التانيه؟

مي: بدي اعطيك حل خطير لتخلص اخوك منها و بعدا لتنبسط معها شوي

زيد: كيف؟

مي: حلو… هيك انت عيني… ليك كل الي عليك انو تقول ليعرب انو انت و يارا كان بيناتكن علاقه من فترة اقل من شهر… هيك رح يشكك يعرب بنسب الطفل… و هي عندها ماضي اسود مارح يساعدها لتدافع عن حالها… هيك اخوك بيطلقها و بتجي بترتمي بحضنك و بتنبسط معا و بتخلص اخوك منها!!

زيد: يخرب بيتك على هالمخ!!!! مابتخطر ببال ابليس… و انتي شو بتستفيدي؟

مي: انا بدي يعرب… بالنهاية انا بنت محترمة و عالاقل بشرفو ما احسن ما تصير ليال مرت اخوك؟ … فكر فيها!!

سكت زيد وهو عم يفكر بحكيها…

مي: انا فايته اعملك فنجان قهوة فكر و قلي شو قررت لفهمك شو رح نعمل…

بهاد الوقت وصل يعرب عالمستشفى.. استقبلوه الاسعاف و فوتو يارا عالطوارئ و يعرب عم يصرخ ( يارا ما تخافي حبيبتي ما تخااافي انا هون)

بعد نص ساعه طلعت الممرضة و خبرت يعرب انهن خسرو الجنين و يارا منيحة بس اعطوها مهدئات…
فات ليشوفها وهو عم يبكي.. حط ايدو على بطنها: راح ابنا… اديش كنا ناطرينو!! … راح…

يارا: يعرب…

مسح دموعو و ابتسم: حبيبتي انا هون… انا هون جنبك ما رح اتركك ايه؟

يارا: ابني…

يعرب: خلص ارتاحي… ارتاحي ما تتعبي حالك..
بالشقه كان

راقصة_محترفة
الجزء الأخير
وقتى كانت مي عم تحط فنجانين قهوة بالصينية… و فجأة حست حدا هجم عليها.

مي: مييييييين حط زيد ايدو على تمها: بلا صووووت يا قطة
فشرتي انتي و ليال تكونو جزء من عيلتنا… لك نحنا ما منتشرف بهيك اشكال…

عضت مي ايدو و صارت تصرخ: لك حقير اتركنيييي اتركنييي

زيد: خلص بئى حاجتك عياط… ازا اخي اجدب ما رح خليه يوقع هيك وقعه منخلص من ليال و مننبسط انا وياكي سوا شيلي يعرب من راسك..

مي: لك بعد عني ياا نااااس… يا عااااللمممممم خلصوني منووو

حاول زيد يعتدي عليها… هربت من ايدو وفتحت درج المطبخ...سحبت سكينة و طعنتو فيها بصدرو …

فجأة انشلت حركتو...و صار ينزف دم… بس شافتو مي هيك وقع عالأرض ولا حركة صارت ترجف… قعدت عالارض و صارت تحركو ليقوم….

مي: مااات!!! …. مااااات!!! ….

طلعت من الشقة و تيابها كلهن دم و هربت… شافها واحد من سكان البناية وهي عم تركض وتركت باب الشقه مفتوح..

فات عالشقه و لقي زيد مرمي بالمطبخ و عم يسبح بدمو.. واتصل بالشرطة فوراً و بلغ عن مواصفات مي…

خلال يومين قدرو يمسكو مي… و اعترفت بجريمتها و حولوها عالمحكمة…

بعد شهر…

يارا تحسنت و كانت عم تتجهز لتطلع من المستشفى بس معها انهيار عصبي و الاطباء وصو يعرب انو ممكن حالتها تسوء اكتر…. اجا اخدها على بيت اهلها و نزل هو و ياها… و كانو ابوها و امها مجهزينلهن غرفة ليعيشو عندهن لان شقتهن تسكرت بعد جريمة القتل الي صارت فيها…

فوتها يعرب على غرفتها و نامت بالتخت…

يعرب: بدك تاكلي؟

يارا: بدي نام..

طلع و كان بدو يسكر باب الغرفة..

يارا: يعرب

يعرب: ايه..

يارا: انا نزعت حياتك… و اخوك مات بسببي

نزل راسو بالارض و سكر باب غرفتها و طلع قعد بالجنينة…
كان مغمض عيونو و عم يحاول يهدا…

ام عصام: بنتي مو رقاصه…

بس سمع الصوت فتح عيونو وهو مصدوم..

ام عصام كملت مشيها وهي مستنده عالممشى الي بايدها: مو رقاصه بنتي… يمكن جوزي اعمى بس انا عندي عيون… بعرف كل شي… بنتي انظلمت كتييييير… كتييييييير
اتركها و روح لا تعزبها اكتر… حرام عليكن ليش كلكن عم تئذوها؟

يعرب: انتي كنتي تعرفي؟

ام عصام: عرفت متاخرة… من شي سنتين سمعتها بالصدفه وهي عم تتخانق مع مالك الوسخ وتقلو اتركني بحالي ما عاد بدي اشتغل هالشغله.. كانت كل يوم بالليل تبكي لينشفو دموعها و انا ابكي معا… خلص اتركها خليها ترجع توقف على رجليها و تشوف حياتها بعيد عن ماضيها..

يعرب: مابقدر… ما بتخيل حياتي بدونها…. بجن بلاها… يارا روحي… لك ما عم تطلع مني بعد كل شي صار..

ام عصام: بس انا ما رح خليك تزعل بنتي اكتر من هيك...ما عاد رح خلي حدا يبكي بنتي لو بدي موت..

يعرب: انا مابدي بكيها…

ام عصام: بس ما عم تقدر تضحكها…

قام يعرب و فتح باب البيت: معك حق… ما عم اقدر…

طلع وراح… و غاب شهر عن يارا كانت حالتها عم تسوء اكتر و اكتر و ضحكتها اختفت و ملامحها تغيرت…

كانت مخنوقه كتير و طلعت لتغير جو...ما لقت حالها الا بالكفتيريا الي التقت فيه هي و يعرب…
قعدت و طلبت قهوة…

الجرسون: كيف قهوتك؟

يعرب: وسط…

التفتت يارا و شافت يعرب واقف وراها… لفت وشها عنو

يارا: لا بدي ياها سادا

يعرب: جيبلها ياها وسط

يارا: سادا

يعرب: من ايمت بتشربيها سادا؟ جيبلها وسط

يارا: من هلأ… جيبها سادا…

الجرسون: عفواً… شو جيب هلأ؟

يعرب :خلص جيبلها سادا

يارا: لا بدي ياها وسط…

سحب يعرب الكرسي وقعد جنبها: ما بتقدري تكسري كلمتي ما هيك؟

يارا: واثق من حالك…

يعرب: لا… واثق فيكي

يارا نزلت راسها: يا الله هالكلمة…

يعرب: وحيات امي بوثق فيكي

يارا: بعد كل شي صار؟

يعرب: خلينا ننسى كل شي صار… و نبلش من جديد

يارا: كيف؟

يعرب: بلد جديد… و بيت جديد… و عرس جديد..
)غمزها) و ولاد جداد

يارا: بهل بساطة؟

يعرب: حبنا ما بستاهل نحاول؟

مدلها ايدو: كل شي بالحياة بيستاهل فرصة جديدة… موافقة؟

مدت يارا ايدها ومسكت ايدو: موافقة… بس كون قدها هالمرة..

سافرت يارا و يعرب و اخدو ابوها و امها معون… سافرو على بلد عربي جديد ما حدا بيعرفهن فيه…
بعد فترة توفت امها… و حبلت يارا بولد… خلفت و سمتو عصام على اسم اخوها الي توفى

بعد خمس سنين:

كانت يارا قاعده عالبحر و عم تكتب قصة حياتها… و كتبت اخر حروف ( وهيك عاشت يارا هي و يعرب و ابنها عصام مبسوطين كتير…. الناس حواليها كانو يحترموها لانو محدا بعرف انها الرقاصه ليال… بس هي بتخاف انو يعرب يكون لسه ما نسي ليال… مو مشكلة...الحياة مو دايماً عادلة… بس يارا كتير مبسوطة هلأ ومو زعلانه…) لفت الاوراق كلهن و فتحت صندوق خشب… حطتهن فيه و رمتو بالبحر و ضلت تراقبو وهو عم يبعد عنها…

عصام: مااااااماااااا نحنا جيناااااا

التفتت يارا: اهلييييين حبيبي…

يعرب: يلا تعي حطيلنا غدا…

التفتت يارا عالصندوق و لقتو راح بالبحر وما عاد الو اثر و قالت بقلبها ( رحلة سعيدة ليال… ) يعرب: ل

ك يلا جوعانيييين يارا ركضت لعند
يعرب و ابنها: خسى الجوووع… يلا جاااايه احلى اكل لجوزي و ابني الحلو…

انتهت

ليال : شو الي جابرني ؟
أمير : انو ما الك غيري !!!!!!!! ما تفكريني مبسوط حاسك عم تخنقيني بس انا لما اوعد لازم نفذ وعدي وبس توصلي لعند ابوكي بتنسي انو عرفتي شخص اسمو امير .. بينتهي كل شي
ليال : بهل بساطة ؟
تطلعو ببعض بدون ما يحكو شي .. مسحت دموعها وابتسمت : مو مهم .. احسن .. ومعك حق انا لازم اوصل لعند ابي
مشت قدامو وطلعت قعدت بالسيارة .. لحقها ومشي ... وعالطريق كان يسرق نظرات سريعه عليها من المرايه
فجأة شاف دموعها عم ينزلو متل المطر
أمير: ليال في شي ؟
تطلعت بعيونو من انعكاس المراية وهي ساكته وعم تتذكر كلامو
(( ليكي وليه ، انا اشتريتك بمصرياتي وبعمل فيكي الي بدي ياه ... شقفة بنت ما الك حدا لا اهل ولا عيله ولا ام ولا اب .. انتي نكرة
كان لازم افهم من الأول انو غلط فوتك على هالبيت المحترم .. وهلأ فهمت ابوكي ليش رماكي ورافض يستقبلك ، معو حق !! انا كمان مو حابب ينخرب بيتو لهيك رح رجعك للمكان الي بتستاهلي تكوني فيه
خلي منير يعرف يتصرف فيكي ... لعبتي مع الشخص الغلط يا ليال ورح تندمي ))
أمير : ليال ؟؟؟؟؟؟؟
ضغطت على شفايفها : انا بكرهك
وقف السيارة بنص الطريق والتفت عليها : حلو .. والي كان خلال هالشهرين كلو تمثيل صح ؟
ليال : _ _
أمير : بس على الأقل ما كنتي تحطي عينك على خطيب اختي ...
ليال : شو ؟؟؟؟؟
رفع ايدو بوشها : اسكتي ... يمكن لو غلطتي معي كنت بسامحك .. بس اختي ما دخلها تدمريلها زواجها .. ازا بفرحك هالشي فأنا نهيت الخطبة وهلأ مصطفى حر
بس للأسف انا ما رح اتركك لاتاكد انك صرتي برا البلد .. يعني ما رح تجتمعي بحبيب القلب
ليال : انت جنيت !!
أمير : أنا شفت كل شي
ليال :شو الي شفتو ؟
أمير : شفت ..
وقفت سيارة وراهن وصارت تزمرلو .. سكت وكمل طريقو
ليال : احكي شو شفت ؟
أمير : وصلنا .. فوتي بدون أي صوت
نزل من السيارة ونزلت بسرعه وقفت بوشو
ليال : أمير شو الي شفتو ؟؟؟؟
اخد نفس وتطلع بالسما : الحقيقه !
ليال : انت اكيد فهمان غلط .. لك شو هالتخبيص
تطلع فيها وابتسم : مع أنو شفت كل شي بعيوني .. بس لهلأ عم اتمنى يكون كذب
قربت لعندو وحطت راسها على صدرو : أمير
دق قلبو بسرعه .. كان صوتها متل نغمة حبات المطر .. رفع ايديه ليحضنها .. قبل ما يلمسها تذكر الرسالة الي قرأها على موبابيل ليال
//مصطفى ( كان قلبي رح يوقف بس ضميتني اليوم ، انا بحبك ) //
شد على ايديه بقوة ...رجع خطوة لورا ليبعد عنها
أمير : فوتي لجوا
ليال : بدي افهم شو الي شفتو
تركها وفات لجوا .. لحقتو هي وعم تحكي : لك أمير الي عم تحكيه جنان
حط ايدو على تمها وهمس : وطي صوتك اهلي نايمين
ليال بصوت واطي : انت عم تظلمني
أمير : فوتي على غرفتك
ليال : على الأقل خليني دافع عن حالي
أمير : جوالك جوا ... والرسائل الي فيه بتوضح كل شي ... ما عندي استعداد اسمع اي كذبة
ليال : موبايلي ؟
أمير : ايه .. موبايلك
ليال : موبايلي ؟ شو فيه ؟ طيب...رح شوف
فاتت على غرفتها بسرعه وبلشت تدور عليه بكل مكان بين التياب وأخيراً لقتو .. فتحت على الرسائل وبلشت تقرأ وهي مصدومة وما عم تفهم من وين اجت هي الرسائل وكيف ما كانت شايفتن
أمير كان قاعد بالصالون .. فك ازرار قميصو وكان حاسس بضيق نفس وتعب .. حاول ينظم انفاسو ويرتاح شوي بس كان عم يختنق أكتر وأكتر
طلعت ليال من الغرفة وركضت لعندو .. قعدت جنبو هي وماسكة الموبايل : أمير انت مسدء هاد الحكي ؟ لك هاد كلو كذب !! لك انا !!
انا مستحيييييل !! أمير ما بعرف هي الرسائل كيف موجوده بموبايلي اقسم بالله ما بعرف !!
رفعت راسها وتطلعت فيه : انا مستعده واجه مصطــ ـ
سكتت ومسحت دموعها : أمير ؟ أمير شبك ؟
حاول يحكي بس ما كانت عم تفهم عليه .. صوتو مبحوح و ايديه على صدرو و لون وشو عم يصير أزرق
ليال : أمير ؟؟؟؟؟؟؟؟؟؟؟؟؟؟
نزل على الأرض عم يحاول ياخود نفس وليال مو عرفانه شو الي عم يصير

أمير : سامحتيني ؟
ليال : ما بعرف
حاصرها بايديه وشدها باتجاهو اكتر : لكن شو بتعرفي ؟
ليال : بعرف انو
أمير : أنو ؟
ليال : بحبك ..
تطلع بعيونها : شو قلتي ؟
همست بصوت مبحوح : أنا بحبك
وبلمح البصر هربت وما ضل غيرو بالغرفة .. قعد لحالو .. بقي صافن لوقت .. وبلش يضحك من الفرحة
_________
_________
طلع من الغرفة كان عم يدور على ليال ، شافها واقفه بالمطبخ مع نور و رغد
أمير : شو عم تعملو صبايا ؟
بس سمعت صوتو توترت ..
ليال : نور اعطيني الصحون الي وراكي بدهن جلي
نور : خدي .. تعي رغد نتركلها الجلي ونفوت نرتاح شوي انا ضهري وجعني
ليال : لااااااااا وين رايحين ؟
تطلعو فيها باستغراب
ليال : قصدي ساعدوني شوي ما بلحق خلص لحالي
رغد : ما ضل شي كتير وما رضيتي حدا يساعدك
ليال : ايه هلأ تعبت
نور : لكن اعطينا وروحي من هون انتي
ليال : اه ؟
أمير : ايه ازا بتحبي تعي ارتاحي بغرفتك .. اساساً بدي احكي معك كلمتين
ليال : لأ
نور : لك شبك ؟؟؟؟؟
ليال : لك لا شو ؟الجلي ! الشغل !
أمير : خلص انتو روحو وانا بساعدها
نور : هي اخرتك يا أمير توقف تجلي مشان ليال خانوم ؟
فات أمير و وقف جنب ليال .. حاوط خصرها بايديه وغمزلها : ايه بجلي ليش لأ
ليال : خود
أمير : شو هاد ؟
ليال : الليفه .. انت اجلي وانا رايحه ارتاح
أمير : بس
ليال : وهون سائل الجلي ..
طلعت من المطبخ بسرعه ونور ورغد عم يضحكو
أمير : شبك انتي وياها هيك عم تضحكو .. تعو خدو عني أنا ما بعرف اجلي !!
نور : لا ياه ؟ من شوي كنت بدك تجلي ؟
أمير : كنت عم امزح على فكرة !!
رغد : ايه واضح واضح
رمى الليفه من ايدو : حاجتكون بقى
طلع ورا ليال .. فات على الغرفة ما لقاها .. كان بدو يطلع بس سمع صوت موبايلو عم يرن ، فات اخدو ورد
أمير : ألو ؟
يوسف : وينك أمير ؟ ما بدنا نتفق مشان البضاعه ؟ رح توصل هاليومين وبدنا نحدد الوقت والمكان
أمير : تأكدت من السلاح ؟
يوسف : لا رياض قال ما رح توصلو ولا قطعة قبل الموعد .. رح نتأكد عند التسليم
أمير : من ايمت مناخود بضاعه على العمياني ؟
يوسف : يعني شو هلأ ننزع البيعه مشان هالشغله ؟
أمير : طيب طيب .. راقبتو لرياض ؟ أمورو كلها تمام ؟
يوسف : تمام مية بالمية ما في شي عليه هيك قال نزار
أمير : خلص مو مشكلة .. أنا اليوم ما فيني اجي
يوسف : ولا بالليل ؟
أمير : لا عندي كم شغله ... بكرا بكون عندك وبجيب نص المبلغ متل ما اتفقنا
يوسف : ماشي الي بريحك .. سلام
أمير : سلام
سكر الخط .. فرك جبينو وتنهد
بعدين تذكر انو كان عم يدور على ليال ..
أمير : وين راحت صحيح ؟؟
سمع صوت حركة بالغرفة بس ما كان عرفان يحدد وين الصوت ..
تفحص المكان بعيونو بعدين عرف انو الصوت جاي من تحت تخت ليال ..
نزل على ركبتو وتطلع تحت
أمير : شو عم تعملي هون ؟
ليال : _ _ _
أمير : تعي اطلعي ؟
مدلها ايدو .. مسكتها وطلعت بدون ما تحكي أي حرف
قعدت على التخت بدون ما تطلع فيه ..
سكت شوي هو وعم يراجع المكالمة الي حكاها مع يوسف ..
أمير : ليش ساكته ؟
ليال: عن شو كنت عم تحكي ؟

يوسف : شو عم يصير معك ؟ صاير تشك بالكل
أمير : انا حتى بحالي بلشت شك يا زلمة
يوسف : ليال ؟
تطلع فيه امير بعصبيه .. ضحك يوسف وحط ايدو على كتفو : طول بالك .. هي البنت من وقت تزوجتها خربطتلك كيانك ما عدت أمير الي منعرفو
أمير : من وين بتجيب هالحكي ؟ انا قلتلك سبب زواجنا
يوسف : بس قلبك عم يقول شي تاني
أمير : ما في شي من هالحكي ...
يوسف : ..
أمير : عندك للسر مطرح ؟
يوسف : قول ؟
أمير : هي آخر مره .. ما عاد بدي اشتغل هالشغله
يوسف : كيف ؟؟؟؟
أمير : متل ما عم قلك .. خلص كفاها الله
يوسف : وشو بدك تشتغل ؟ دكتور ولا مهندس ؟
أمير : شحاد مو مشكلة .. لك يوسف نحنا شو الي وصلنا لهون ؟؟؟ كيف العمر سرقنا ؟ كانت اول مره بيعه صغيره مسدسين صحولنا وتاجرنا فيهن
اخدنا كم قرش وانبسطنا فيهن .. وهلأ شو ؟؟ لك صرنا من تجار السلاح بالبلد !!!!!!!
يوسف : _ _ _
أمير : لك كيف وايمت ؟ شلون هيك الأيام جرتنا لهل مواصيل !!
يوسف : الي صار صار ... وهي الشغله الي عم نسترزق من وراها وما منعرف غيرها .. مو وقت يصحى ضميرك اخي
أمير : الشغله مو شغلت ضمير ... انا ما رح قلك زعلان على الناس الي عم تندبح بسببنا .. ولا رح قلك حاسس بالذنب
لا ابداً ... بس انا زعلان على حالي !! شايف نهاية هالطريق متل مو شايفك قدام عيوني .. اخرتنا نحترق .. رح نحترق يا يوسف
بلع ريقو بخوف : معك حق بس انا وعدت سلمى نتجوز وعيشها احسن حياة ، وعدتها يكون عندها بيت وحياة محترمة واقدر وفر كل شي لولادنا
ازا تركت الشغل رح يضيع كل شي !
أمير : هلأ مو سلمى بتحبك ؟
يوسف : هههه 12 سنة منحب بعض شو هالسؤال ؟
أمير : لكن اكيد انت بتهمها اكتر من المصاري ..قلك شو ؟ بفتح انا وياك مشروع .. منشتغل شراكة وشوي شوي منكبر !
يوسف : مشروع متل شو ؟
أمير : لك أي شي مو مشكلة حتى لو محل خضرا ههههههههه
يوسف : ونصير نوقف على البسطة ونعيط (( بيتنجان على امو .. تعا قرب جرب وشمووووو ))
أمير : ههههههههههههههه
يوسف : ههههههههههه
________________
________________
حست بحركة ناعمة على وشها .. فتحت عيونها وشافت امير عم يلعب بخصل شعرها
ليال : امير ؟
أمير : صحيتك ؟
ليال : اديس الساعه ؟
أمير : 6 الصبح
ليال : هلأ رجعت ؟
أمير : أيه ... ليش هيك عيونك ؟
ليال : شبهن ؟
أمير : حواليهن دوائر زرقة كتير
قامت هي وخايفه : عنجد ؟وين ؟
رجعها لفرشتها وضحك : عم امزح معك ارتاحي .. بس متأكد انك ضليتي تبكي لغفيتي
ليال : ليش لأبكي ؟
أمير : لأنو انا دايماً بخليكي تبكي
ليال : صح بس كل مره بعصب منك كتير وبكون مشتهية عضك بس بعدين
أمير: بعدين بتتذكري انو قلتلك اوعي تفكري تعضي مره تانيه وبتخافي صح ؟
ليال : ههههه لا
أمير : لكن ؟
ليال : هيك ما بهون علي فيك
قرب لعندها وباسها على جبينها ... بقي عم يشم ريحة عطرها ويسمع صوت انفاسها قريبه منو
أمير : ارتاحي وكملي نومتك انا بدي اخود دش واشرب قهوة
قبل ما يروح مسكت ايدو : امير
أمير : روحو ؟
ليال : حكيت انا ونور ... وسألتها كتير شغلات .. و حكتلي عنك كيف ابوك جبرك تترك المدرسه وتشتغل ... وكيف كانو يجوعو ويحتاجو وما يلاقو مصاري
لوقت ما انت بلشت تكبر وتوعى وتشتغل اكتر وتصرف على البيت ، انا فيني افهم انك كنت صغير ومو فهمان شو عم تعمل
بس هلأ لازم توقف
أمير : وكلي الله
ليال : كرمالي !!
ابتسم وضل يطلع فيها ... شدت على ايدو اكتر : اوعدني ما تشتغل هالشغله
أمير : هلأ ما فيني اوعدك .. بس أي ما عاد رح اشتغل هالشغله
ليال بفرح : كنت بعرف
أمير : شو واثقه من حالك ؟
ليال : هههه لا واثقه فيك ..
باس ايدها بحنية : يلا ارجعي نامي
قامت بنشاط ورفعت الغطا : يلا فوت تحمم وانا بعمل قهوة
أمير : لك نامي انتي
ليال : خلص مو نعسانه رح جهز القهوة ..
______
قامت على المطبخ وهو عم يتطلع عليها بفرح وحب ..
بعد دقايق رن موبايل ليال ..
أمير : غريب .. مين بهيك وقت !

رغد : لـ ـ .. ليِش !!
أمير : لانو انا هيك شفت مناسب وقررت
تجمعو الدموع بعيونها وصوتها اختنق : بس انا عرفت غلطي و اسفه كتير .. شو بدي قول لمصطفى هلأ
حطت ايدها على تمها وصارت تبكي اكتر ..
أمير : لك جدبه عم امزح معك !!
رغد : شو ؟
مسحلها دموعها فوراً وضمها : هههههههه عم امزح معك انا شو بدي اكتر من انو اطمن عليكي وشوفك مبسوطة
ألف مبروك حبيبة قلبي بس حطي عقلك براسك وديري بالك على خطيبك اي ؟
ضحكت ومسحت دموعها : ايه .. ايه حاضر .. الله يخليلنا ياك يا احن وأطيب أخ بالدنياااااااااا
ركضت على غرفتها وقعد أمير التهى بجوالو شوي لوقت ما طلعت ليال
ليال : انا جاهزة
أمير : لكن خلينا نمشي
طلعو من البيت والدنيا مو حاملتهن من الفرحه .. أول مشوار .. وأول يوم بعلاقتهن الجديده .. كان نفسو ياخدها على احسن الأماكن واحلى المطارح ليفرحها
وهي قاعده جنبو خطرلها سؤال ترددت فيه كتير بعدين تشجعت
ليال : أمير شو بدي قلك
أمير : قولي ؟
ليال : مممم أبوك ...من آخر مره وقت صارت هديك المشكلة .. يعني مو حابه افتح السيرة بس ابوك وين صار ما عاد شفناه ولا سمعنا عنو شي
أمير ببرودة : قتلتو
ليال : _ _
أمير : يعني ياروحي شو هالسؤال وين بدي روح فيه
ليال : نشف دمي مو معقول انت ومزحك !!
أمير : انتو البنات عقلكن صغير
ليال : رح مرقها لهل كلمة بس عنجد وين ابوك ؟
أمير : هلأ انتي وقتها شو قلتي ؟
ليال : شو قلت ؟
أمير : قلتي انو لازم ناخدو نعالجو من الإدمان .. وانا هاد الي عملتو .. حجزتلو بمستشفى خاص وعم يتعالج و الحمدلله عم يتحسن
هلأ اكيد الموضوع مو سهل بس هو عندو رغبة يتعالج .. عم شق عليه كل يوم وامورو منيحه
ابتسمت وضلت تطلع فيه وحاسه بحب كبير تجاهو وفخر .. التفت عليها وغمزها : شو شبك ؟
ليال : انت كتير منيح .. يعني انا بتمنى لو كان عندي اخ يدير بالو علي متل ما انت بتعمل مع خواتك .. لو كان عندي ما كنت رح حس حالي يتيمة او ضعيفه
أمير : ليكني هلأ موجود ومستحيل اسمح تحسي حالك ضعيفه او وحيده
ليال : ايه صح بس علاقة الدم بتختلف .. ما بنكر انك عوضتني عن كتير شغلات و ما بحب ابعد عنك .. بس الأب والأخ شي مختلف
توتر وسألها بتردد : اي يعني ازا هلأ بقلك اختاري بيني وبين ابوكي بتختاريه الو ؟
ليال :ما رح جاوب لان اصلا ابي مو سائل عني ولانو السؤال غليظ
أمير : خديني على قد عقلي وجاوبيني
ليال : قلتلك سؤالك غليظ ما في داعي جاوب
أمير : طيب ..
كملو مشوارهن وتفتلو بأمكان حلوة أسواق وطرقات و حديقة .. اشترى أمير هدية لليال حاولت تعرف شو هي بس كان مخبيها منيح لتكون مفاجئة
قضو وقت طويل سوا وعالساعه 99 وصلها على البيت
أمير : انتي فوتي انا عندي مشوار صغير بخلصو و بجي
ليال : وين رايح ؟
أمير : شغل ياعمري برجع
ضلت قاعده وما عجبها .. : خدني معك
أمير : ما تعبتي من الصبح عم نتفتل ؟
ليال : لا ما تعبت يلا روح
أمير : خلص ام اللول بوعدك ما اتاخر
ليال : ام اللول ؟
أمير : ايه ؟
لمعو عيونا وابتسمت : حبيتو ... ام اللوووووووول
أمير : بشرفي هبلة .. انزلي من هون وليه
فتحت الباب هي وعم تضحك : لا تتاخر ها
أمير : أمرك .. خدي هي هديتك بس ما تفتحيها
ليال : طيب .. بحاول
فاتت على البيت وبلشت تجرب التياب الي جابتهن و تتفرج على الأغراض
و أمير وصل لعند يوسف وبلشو يخطوو لاستلام البضاعه بكرا
أمير : طيب كيف اختفى عن عيونهن ؟
يوسف : ما بعرف الشباب قالو كان قدامهن وفجأة اختفى
أمير : ما بصير هيك انا أكدت عليهن يراقبوه منيح .. ما راحو على بيتو ؟
يوسف : أمير ما ضل معنا وقت نضيعو الشباب لهلأ ما بيعرفو شغلهن لازم نوضح كل شي الليله
أمير : طيب .. معك حق
يوسف: لكن تفضل .. شو رح نعمل ؟
شغل سيجارة ونفخ نفس طويل : رح نطلع عالساعه 1 بالليل ... انا وياك بسيارة والشباب كل اربعه بسيارة .. الصبح رح نصف سياراتنا كلها تحت التلة
ومنطلع بسيارات أجرة منجتمع هنيك وانا بعطيكن بقية التعليمات
يوسف : العمى على هالمخ .. فظيع انت
أمير : خبر الشباب
يوسف : فوراً يلا
قبل ما يطلع تليفونو مسكو أمير وتطلع فيه : يوسف شو قررت ؟
يوسف : بشو ؟
أمير : بالي حكيناه ؟
يوسف : قصدك محل الخضرا ؟ معك خلص .. احلى بياعين خضرا بالبلد
حط ايدو على كتف يوسف : قول يا رب
يوسف : يارب ..
_____
_____
كانت قاعده بغرفتها عم تطلع على هدية أمير .. كل شوي تمسكها لتشوف وترجع تتركها .. هيك لسمعت صوت سيارة أمير
ركضت طفت ضو الغرفة وعملت حالها نايمة
فات أمير وشغل ضو الغرفة .. علق جاكيت بدلتو هو وعم يتطلع على ليال . ..
طلع جوالو وصار يحكي
أمير : ألو .. أي حبيبتي لا انبسطت كتير بشوفتك لك الزهر كان شي بفلج عليكي
فتحت عيونها على وسعهن هي وعم تسمع
أمير : لك شو ارجع لعندك .. لا لا خلص لبكرا ياقلبي .. هلأ هيك انا ما بحبك ؟ شو هالحكي هاد !!!!
فجأة رن موبايلو .. تفاجئ و حاول يسكت الموبايل .. طلعت صوت ضحكة ليال من تحت الغطا بالأول واطيه وبلشت تضحك بصوت عالي اكتر
قلبت على ضهرها من الضحك وهو تلبك

يزن : ما بدك تعقلي ؟ وبعدين معك ؟ بدي ضل فهمك انــو ..

وقف حكيو لما قربت منو اكتر و تطلعت بعينو ..

يارا : مشتائتلك ليش راجع متأخر اليوم ؟ الساعه صارت 8 وين كاين ؟

تعلقو عيونو بعيوني : انا.. كنت مع رفقاتي ..

يارا : طيب ما بتعرف انو بعد ال9 ما فيني اطلع من باب البيت ... هيك عادي يمرق النهار وما تشوفني ؟

مسح جبينو واخد نفس : يارا .. حبيبتي .. افهمي علي .. انا خايفه عليكي مو خايف على حالي ..

تطلعت فيه بثقة كبيرة و قوة : بس انا رضيانه بكل شي بصير .. انا الموت معك موافقه عليه ... ما بهمني اي شي غيرك .. بحبك كتير يزن افهمني

تركزت عيونو علي .. وقرب شفافو كتير لدرجة حسيت بأنفاسو .. وبآخر لحظة .. تراجع .. باس جبيني هو ومغمض عيونو ( انا ما عاد قادر على بعدك .. )

___________________________________________

نورس : حلو .. يعني استسلملك ؟

يارا :ايه ... استسلم بعد ما هلكني وتعبني ...واخيراً اعترف بضعفو وقلة حيلتو قدامي .. ومن بعدا صرنا متل العشاق .. اخد رقمي وصرنا نحكي كتير .. كنت نمضي الليل كلو ونحنا نحكي مع بعض
لوقت ما يدبلو عيونا وننام .. و بس يطلع على شغلو كون ناطرتو عالشباك و ودعو .. ضلينا على هي الحالة مدة سنه ، اهلي واهلو ما حسو على شي لأن هن متطمنين من هي الناحية .. وفكرهن انو مستحيل يصير هيك شي
بين مسلم و مسيحي ... على اساس الحب بس يجي .. بياخود وقت وبيفكر ! ..

نورس : يزن كان مستعد يسلم كرمالك ؟

يارا : لأ .. انا وياه اتفقنا من اول مكالمة .. انا على ديني .. وهو على دينو .. اتفقنا انو الدين و الحب شي عميق .. ما بتقدر تتخلى عن شي كرمال شي ..
انا ما دايئني هاد الشي لان انا بحبو بجنون بس و لا لحظة فكرت انو ممكن اتروك ديني
وهو بحبني بس كان يمنع حالو عني لهيك بعرف انو مستحيل يفكر يتروك دينو .. و حكينا بالموضوع بصراحه .. وكنا تنيناتنا رضيانين

نورس :لا لحظة بئى ، مو فهمان كيف هيك ؟ شو كنتو مفكرين انتو ؟

يارا : ما بعرف .. هلأ اديش في ناس بالدنيا بحبو حدا وهن بيعرفو انو اكيييييييييد مو الهن .. في متلي متايل بس انا مشكلتي نادر ما بتصير لان ما حدا مجنون بيوقع هيك وقعه
بس انا ما قدرت... وكانت ببالي فكرة مجنونة .. ضليت زن عليها ... ضليت زن عليها ..لوقت ما يزن رضي فيها ..

نورس : شو هي ؟

___________________________________________

كنت نازلة لعند ام يزن وعلى اساس يزن بالشغل .. دقيت الباب وانا عم اشلح من رجلي .. انفتح الباب و جيت لفوت بسرعه وانا عم احكي .. قمت ضربت بيزن ..

يارا : يييييي هاد انت

يزن بابتسامه : ايه حبيبي انا .. تعي فوتي ..

سحبني لجوا وسكر الباب وانا تلبكت كتير .. لزقت بالباب وانا خايفه : لك وين امك ؟

يزن : مو هون نزلت تجيب خضرا وانا معطل اليوم .. اشتئتلك ..

يارا : ييي انا لازم روح .. بعد هيك ..

يزن : ما في تروحي .. تعالي ..

سحبني من ايدي وفتنا على غرفتو .. قعد على تختو واشرلي لاقعد جنبو .. قعدت وانا خايفه كتير ومتلبكة

يزن : انتي مو دايماً كنتي تقليلي انو بدك نصير سوا ؟

يارا : ايه بدي بس انت مو موافق على الحل الوحيد الي قدامنا

يزن : ايه بس انا هلأ وافقت .. لان ما عاد متحمل بعدك عني ..

فتحت عيوني باستغراب : انت جد وافقت انو نهرب !!

يزن : ايه .. واليوم قبل بكرا ..انا تركت شغلي .. واخدت مفتاح شقة رفيقي لنحوي حالنا فيها

يارا : بس .. بس انا

يزن : بس شو ؟

يارا : لك انا

يزن : شبك يارا ؟ ليش ما فرحتي ؟ النا سنه كل يوم بتطلبي مني هالطلب مية مره بالنهار .. شبك ؟

نزلت دمعه من عيني ورجف قلبي : ما بعرف خايفه ..

قرب لعندي .. ضمني ومسح على شعري : ما تخافي ما بخلي حدا يلمس شعره منك ، انتي روحي .. وعمري ... وحياتي ..

___________________________________________

وقف نورس من مكانو وهو عم يمشط شعرو باصابعو ويمشي بتوتر

نورس : ما تقليلي هربتي معو ؟ كيف هيك ؟ انتي كان عمرك 16 سنه .. كيف بتعملي هيك شي !!

غطت وشها باديها هي وعم تبكي : اتفقنا على موعد مرتين .. وبكل مره كان ينطرني وما روح لعندو .. بالمره التالته قلي هي اخر مره بنطرك .. كنت كل ما يقرب يصير الوقت موت من وجعي وخوفي
وكنت مقرره ما روح .. بس قبل خمس دقايق من الموعد .. ما بعرف شو صرلي .. بدون وعي وبدون تفكير .. حملت شنته صغيره على كتفي .. ونزلت من البيت شوي شوي وتركت الباب مردود ..
وصلت بعد الموعد بربع ساعه .. كان قاعد على الرصيف وحاطط ايديه على راسو كأنو مصيبه واقعه عليه ..

وقفت قدامو ودموعي على وشي .. ( حبيبي .. انا جيت .. )

وما بتتخيل كيف كانت ملامحو وكيف لما رفع وشو لعندي كانو عيونو فيهن دمعة خيبه ويئس .. كان بدو يضمني بالشارع من فرحتو ..بس شفت تعابيرو هي نسيت حالي شو عامله ونسيت حالي وين
يزن كان يخدرني .. يخليني مجنونه ..

وصلنا على بيت رفيقو .. كانت شقه مرتبه كتير وراقيه وبمكان بعيد كتير عن اهلي واه

ح ما بدي اكتر من هيك وما عندي اي اعتراض على دراستك

يارا : اي بس انا عندي شروط ..

نورس : شروط ؟

يارا : بدي تحسس اهلي انو نحنا كتير مبسوطين مع بعض .. امي كتير عتلانه همي .. و بدي تهتم باموري وحاجياتي واهم شي انو

سكتت يارا لفترة قصيره .. فهم نورس شو بدها تحكي ..

نورس : طيب قومي اجلي وبلا تخبيص .. لان مستحيل يصير شي من الي ببالك .. ولا حتى بفكر مجرد تفكير

يارا بخجل : ايه ممتاز .. اتفقنا .. خلصت اكل ؟

نورس : اي ..

شالت الصينية وطلعت عالمطبخ باستعجال ..

لحقها نورس بعيونو وهو عم يفكر (( انا مجنون لأرجع اعلق مع جنس حوا !! .. انا بس بدي اوصل لاولادي .. وما فيني اوصلهن الا عن طريقك يارا ))

وهي عم تجلي .. كانت عم تراقب المي والصحوان وكل شي حواليها بدقة .. عيونها ما عم يرمشو .. وعم تتزكر اصوات متل لما كانت ببيتها هي ويزن واجو اهلها
تزكرت اصواتهن كأنهن هلأ حواليها .. حست نار عم تمشي بجسمها .. نفس اللحظة ونفس الشعور .. اللحظة الي اخدوها فيها من يزن ..
وقعت كاسة من ايدها وانكسرت .. على صوتها قدرت تطلع من ذكريتها .. واجا نورس بسرعه ..

كانت عم تطلع عالأرض وانفاسها عم تتسارع ..

نورس : اتركيهن انا بلمهن ...

قرب منها ونزل للأرض يجمع البلور وهي ما عملت اي حركة

نورس : عادي بتصير ما تزعلي حالك .. لو تعرفي اديش بزماناتي كسرت كاسات وصحون ، بدك الصراحه الجلي معنة راقيه
علم بحد ذاتها .. لازم يدرسوها بالجامعات ..

رفع راسو وهو مبتسم وتطلع فييها : فداكي بسيطه ..

اختفت ابتسامتو لما شافها دموعها مغطين وشها ..

نورس : شبك يارا ؟

وقف وحاول يحكي معا بس ما كانت ترد عليه ..

ترك من ايدو وطلعها من المطبخ ..فوتها على غرفتها هو وعم يقنعها انو ما في اي مشكلة لان الكاسة انكسرت .. بس ماكن فهمان انو قلبها الي انكسر ..

تمددت بالتخت هي وعم تبكي .. غطاها وطفى الضو وبدو يطلع من الغرفة ..

يارا : لا تطفي الضو خليه شغال

نورس: طيب ..

شغل الضو ورجع قعد جنبها

نورس : بتخافي من العتمه ؟

يارا : من لما مات .. كتير بخاف من العتمه

نورس باهتمام : كيف مات ؟

تطلعت فيه يارا وشفايفها عم يرجفو ..

((

يارا : انا بدي ارجع عالبيت ..

يزن بعصبية : ما في ترجعي .. بدك تروحي معي غصب عنك امشي يلا ..

مسك ايدي وسحبني بقوة بس رفضت وصرخت فيه : لك اتركني عم ئلك ما بدي ما بدي

يزن : يارا .. حبيبتي انا بعرف انك خايفه بس انا بوعدك احميكي

رجعت خطوتين لورا : انا اسفه .. بس ما فيني ..

يزن : ببوس ايدك لا تروحي هلأ .. ببوس ايدك .. ازا رحتي مستحيل سامحك .. ازا رحتي هالمره مستحيل ارجع لعنك

يارا : اصلاً نهايتنا مبينه .. مو مكتوبلنا نكون لبعض

يزن : ببساطه هيك ببتخلي عني ؟ .. مو انتي الي جبرتيني حبك ؟

يارا : انا اسفه ..

يزن : اسفه ؟ .. اسفه ؟ ..

نزل راسو وابتسم .. لمعت بعينو دمعه ومدلي ايدو

يزن : روحي يارا .. روحي ..

ضليت اتطلع فيه وحاسه البي رح يوقف .. كنت بدي احميه .. واول مره بيجيني هالشعور انو خلص انتهينا ..

تركني يزن ومشي .. مشي مسافه منيحه وكان منزل راسو بالأرض كأنو عم يحكي مع حالو
نفسي اركض وراه والحقو .. بس كنت حاسه رجلي انشلو وما فيني اتحرك ..

يمكن يزن ما كان بوعيي .. كان عم يفكر بشي تاني .. نزل عن الرصيف وكان متجه للجهة التانيه .. وكل اصوات العالم حواليه وكل اصوات السيارات
ما خلتو ينتبه على حالو وين صار ..

حتى صوتي ما قدر يصحيه وينبهو .. ))

يارا : تخيل نورس .. قدام عيوني مات .. قدام عيوني .. الي بشوفو بقول انو انتحر .. ما كان بالدنيا ما كان معنا بنوب .. صرختلو كتير لينتبه ما سمعني ما رد علي
ما لحقت اوصل لعندو الا والسيارة ضاربتو و هو عم ينزف

حطت ايدها على تمها وكتمت شهقتها ..

يارا : تخيل ؟ هيك وراح .. لك هيك ببساطة راح !! راح وهو زعلان مني .. راح بعد ما فكرني تخليت عنو .. ما لحقت فهمو انو عملت هيك لاني بحبو

نورس : يعني .. انا ..

غمرت وشها بالمخده : اتركني لحالي لو سمحت

نورس : ما بدي اتركك وانتي بهي الحالة ..

يارا : اتركنييييييي مشان الله .. اتركني لحالي اتركني ..

نورس : طيب .. طيب متل ما بدك .. متل ما بدك

________________________________________________

سكر عليها الباب .. وقف ثواني وهو محتار .. لازم يضل جنبها ولا يتركها لحالها !! .. ضل يروح ويجي لوقت ما خفت صوتها و وقف صوت بكيها ..

قعد على الكنبايه .. تمدد وحط مخده تحت راسو .. حط ايدو على جبيني وهو عم يفكر

نورس (( شكلي وقعت بمشكلة كبيرة ... يارا لازمها شغل كتير لتقدر تحققلي اهدافي .. شو هالورطة ))

يتبع

أكد … شو بدنا نعمل هلأ؟

ميسم: شو شو بدنا نعمل؟ ..

قرب حاتم مني و انا انصدمت لان كان عم يطلع فيني نظرات غريبه…

ميسم: لك شبك بعد عني

حاتم: بحبك كتير

ميسم: عنجد بعد عني امانه… شو عم تعمل

حاتم: مشتائلك كتير و مو مسدئ انو انا و انتي لحالنا

ميسم: طيب بس اتركني… اتركني شوي بعد عني

حاتم: ليش حاطة على راسك؟ … خليني شوف شعرك…

لهلأ ما عم اتزكر الاحداث كيف سحب الشال من على راسي… و كيف انا استسلمت لكل شي صار… بلحظات كنت عم فكر فيهن انو صرخ و لم الكل علينا…. و لحظات حس بسكاكين عم تقطع جسمي من الخوف و الصدمة…
لليوم ازا حدا بيسألني شو سر عشقك لهل بني ادم… رح جاوب بثقة (رجولتو) … لك ايه ايه رجولتو….

ميسم: حاتم

حاتم: شبك مو مبسوطة؟

كنت بدي جاوبو…. بس….

بس

ط ابني ؟ عم قلك بعد يومين عازمينك انا وعمك عالغدا عندنا
نورس : لك ايه قصدي انو مزبوط لازم نيجي مو هيك يارا ؟
قربها لعندو وهو عم يبتسم .. قربت هي منو وحكيت بصوت واطي من بين اسنانها : ما تلزق فيني هيك
رد نورس بنفس الطريقه : مشان يقتنعو مو اكتر ..
بعد الزيارة القصيرة .. وبعد ما ودعوهن وسكرو الباب ..
قعدت يارا وهي عم تاخود نفس طويل : لك ما ضل إلا يحطو كاميرات ليراقبونا .. شو هاد
نورس : طولي بالك هن بس بدهن يطمنو .. اهلك بيعرفو بمشكلتك واهلي بيعرفو مشكلتي .. لهيك طبيعي ينشغل بالهن
يارا : شو مشكلتك انت صحيح لهلأ ما فهمت ؟
نورس : خلينا ناكول هلأ ميت من الجوع ..
تهرب من الإجابه و يارا ما حبت تضغط عليه .. غافلتو لترجع تلبس بيجامتها الحمرا و البابوج تبعا وكانت رافعه شعرها بالكامل لفوق .. ولما طلعت خابت آمال نورس انو يرجع يتأملها مره تانيه ..
نورس : نمتي منيح امبارح ؟
يارا : ايه ما حسيت على شي .. كنت هلكانه
نورس : انا ما عرفت نام
يارا : ليه ؟
نورس : كنت عم فكر فيكي ..
قصدي انتي و يزن ..
قعدت عالكنباية ورجعت ضهرها لورا

يارا : الغلط كلو كان بسببي .. انا عنيده كتير ... وحب يزن عمى على عيوني وخلاني امشي بطريق ما الو نهاية ..
انت متخيل انو هو رفضني وضليت عم اعشقو سنتين وما بطلت حبو .. كيف بعد ما سمعتا من تمو !! كيف بعد ما حسيت بانفاسو و دفاه !! كان شي مستحيل انو اسمحلو يبعد عني ..

نورس : شو يعني خليتيه يحبك غصب عنو ؟

رفعت راسها وضحكت : لك ايه انا عنجد عملت هيك .. صرت نطلو كل ما يطلع من بيتهن .. وقفلو عالدرج وعلى باب البنايه .. وضل قاعده عند امو و استغل اي لحظة لالحقو وين ما بروح .. بالمطبخ بغرفتو بأي مكان

لوقت ما ..

___________________________________________

يارا : بس بس .. انا هون

رفع راسو و كمل طلعة الدرج لوصل لعندي ..

يزن : ما بدك تعقلي ؟ وبعدين معك ؟ بدي ضل فهمك انــو ..

وقف حكيو لما قربت منو اكتر و تطلعت بعينو ..

يارا : مشتائتلك ليش راجع متأخر اليوم ؟ الساعه صارت 8 وين كاين ؟

تعلقو عيونو بعيوني : انا.. كنت مع رفقاتي ..

يارا : طيب ما بتعرف انو بعد ال9 ما فيني اطلع من باب البيت ... هيك عادي يمرق النهار وما تشوفني ؟

مسح جبينو واخد نفس : يارا .. حبيبتي .. افهمي علي .. انا خايفه عليكي مو خايف على حالي ..

تطلعت فيه بثقة كبيرة و قوة : بس انا رضيانه بكل شي بصير .. انا الموت معك موافقه عليه ... ما بهمني اي شي غيرك .. بحبك كتير يزن افهمني

تركزت عيونو علي .. وقرب شفافو كتير لدرجة حسيت بأنفاسو .. وبآخر لحظة .. تراجع .. باس جبيني هو ومغمض عيونو ( انا ما عاد قادر على بعدك .. )

___________________________________________

نورس : حلو .. يعني استسلملك ؟

يارا :ايه ... استسلم بعد ما هلكني وتعبني ...واخيراً اعترف بضعفو وقلة حيلتو قدامي .. ومن بعدا صرنا متل العشاق .. اخد رقمي وصرنا نحكي كتير .. كنت نمضي الليل كلو ونحنا نحكي مع بعض
لوقت ما يدبلو عيونا وننام .. و بس يطلع على شغلو كون ناطرتو عالشباك و ودعو .. ضلينا على هي الحالة مدة سنه ، اهلي واهلو ما حسو على شي لأن هن متطمنين من هي الناحية .. وفكرهن انو مستحيل يصير هيك شي
بين مسلم و مسيحي ... على اساس الحب بس يجي .. بياخود وقت وبيفكر ! ..

نورس : يزن كان مستعد يسلم كرمالك ؟

يارا : لأ .. انا وياه اتفقنا من اول مكالمة .. انا على ديني .. وهو على دينو .. اتفقنا انو الدين و الحب شي عميق .. ما بتقدر تتخلى عن شي كرمال شي ..
انا ما دايئني هاد الشي لان انا بحبو بجنون بس و لا لحظة فكرت انو ممكن اتروك ديني
وهو بحبني بس كان يمنع حالو عني لهيك بعرف انو مستحيل يفكر يتروك دينو .. و حكينا بالموضوع بصراحه .. وكنا تنيناتنا رضيانين

نورس :لا لحظة بئى ، مو فهمان كيف هيك ؟ شو كنتو مفكرين انتو ؟

يارا : ما بعرف .. هلأ اديش في ناس بالدنيا بحبو حدا وهن بيعرفو انو اكيييييييييد مو الهن .. في متلي متايل بس انا مشكلتي نادر ما بتصير لان ما حدا مجنون بيوقع هيك وقعه
بس انا ما قدرت... وكانت ببالي فكرة مجنونة .. ضليت زن عليها ... ضليت زن عليها ..لوقت ما يزن رضي فيها ..

نورس : شو هي ؟

___________________________________________

كنت نازلة لعند ام يزن وعلى اساس يزن بالشغل .. دقيت الباب وانا عم اشلح من رجلي .. انفتح الباب و جيت لفوت بسرعه وانا عم احكي .. قمت ضربت بيزن ..

يارا : يييييي هاد انت

يزن بابتسامه : ايه حبيبي انا .. تعي فوتي ..

سحبني لجوا وسكر الباب وانا تلبكت كتير .. لزقت بالباب وانا خايفه : لك وين امك ؟

يزن : مو هون نزلت تجيب خضرا وانا معطل اليوم .. اشتئتلك ..

يارا : ييي انا لازم روح .. بعد هيك ..

يزن : ما في تروحي .. تعالي ..

سحبني من ايدي وفتنا على غرفتو .. قعد على تختو واشرلي لاقعد جنبو .. قعدت وانا خايفه كتير ومتلبكة

يزن : انتي مو دايماً كنتي تقليلي انو بدك نصير س