امنة : هيك عم تحكي مع امك ...
هديل : هههههه امي ... ماشي يا امي ...لوسمحتي بدي نام
طلعت امنة ...وضميرا عم يأنبها على بنتها ...وصارت تقول ...معقول ظلمناها لهديل بهل الجازة ...
هديل رجعت لوضعيتها وصارت تبكي ...
وصار تلفونها يرن ..اختها هالة ...
هديل : الو ..اهلين هالة
هالة : كيفك ياخاينة هيك بتخطبي ومحدا بيخبر ...
هديل : ههههه والله صارت فجأة
هالة : هديل شبو صوتك ...
هديل : ولا شي بس كتر مافرحت قام صرت ابكي هاي دموع الفرح ...
هالة : الله يهنيكي ياعمري ...حكيت مع امي وقالتلي العرس الخميس ...مافيكم تأجلوه شي شهر مشان اجي واحضرو ...
هديل : العرس الخميس ؟؟؟!!!!!
هالة : هههههه هدولي عم تجدبيها ....
هديل : ههههه اي حبيت امزح معك ..
هالة : كنت عم قول مابتقدرو تأجلوه ...والله حابي احضر ...
هديل : الله انا مادخلني امك والعريس يلي عم بخططو لكلشي ... احكي معها بركي بتأجلو ...
هالة : طيب ماشي بدك شي حبيبتي
هديل : سلامتك سلمي على عادل وبوسيلي الولاد
هالة : وصل يلا باي
سكرت الهاتف هديل وكانت مصدومة بموعد العرس يعني بعد كم يوم لانو اليوم التنين ...
..............................
مرو هاليومين وام هديل محفولة بالتجهيزات ... وهديل ما نزلت ولا مرة مع امها اشترت شي ... كان ينزل مراد ويشتري كلشي يعجبو لحتى تلبسو هديل ... وماخلا شي الا واشتراه من داخلي وخارجي ...
وحتى هو نقالها فتسان العرس ...نقاها حلو كتير وكمامو شاش معرق .... هلق مراد مارح يعمل حفلة بس غدا ... وطلب انو يعملو لهديل حفلة ماصار متلها لاي بنت بالضيعة تقريبا حفلة نسوان ......واجا يوم العرس وجبلا كلشي ع البيت الفستان والكوافير وامن على كلشي وهو راح يلتهى بالمعازيم تبعوتو ...
خلصت هديل وكانت كتير حلوة حتى هية تفاجئة بحالها وفرحت كتير لانها مبينة انها حلوة بس بعدين اتذكرت انو مراد هو العريس راح كل الفرح يلي بقلبها ...بس قررت انها ماتبين للمعازيم انها زعلانة من شي ...ورسمت ابتسامة مزيفة وطلعت ركبها اخوها وراح فيها على الصالة الموجودة بالضيعة ... ولما دخلت تفاجئت بالصالة كانت مزينة احلا زينة والطاولات مليانة اكل ومن كل الصناف والحلويات والفواكه والمشروبات ...هية تفاجئت وصارت تسأل حالها معقول كل هاد الي ... اول مرة بصير بالضيعة هيك حفلة ... حست بنوع الفرح داخلها ...لانو هية بتحب هاي الاجواء وبتحب الفخفخة ....وهية لساتا واقفة على باب الصالة ومتفاجئة العالم كانو متفاجئين بجمالها ونعومتها ...مبيني متل اللعبة ...
دخلت وقعدت ع الصمدة ...شوي تفرح وشوي تخاف وتزعل لما تتزكر انو بنهاية هالحفلة رح تروح مع مراد ع بيتو ... وكانت الاغاني شغالة والكل عم يرقص ومبسوط ....اجت اسراء لعندا
اسراء : خدي جبتلك علبتين كل علبة فيها ظرف وكل ظرف فيه واحد وعشرين حبة ..كل انهار بتاخدي حبة ...
هديل : يسلمو كتير ...بس وين بدي خيهن هدول ...
اسراء : رح اعطيكي تشربي حبة هلق ...والباقي هلق لما بنوديكي ع بيتك رح حطون بش مكان ...
هديل : اوك ...وانا شي نهارين بعطيكي مصاري ...
اسراء : ماشي بس انت لا تطولي .... وبرجع بحزرك اذا انكشفتي انا مادخلني ...
هديل : خلص ماعليكي ...
اسراء : بس ماحرام تعملي هيك ...
هديل : لا ماحرام ...لانو انا مستحيل كمل معو رح اعمل المستحيل لحتى اتطلق منو ومابدي يكون عندي ولاد منو ويربطوني فيه .... المهم هلق بسرعة روحي جيبلي كاسة مي خلني اشرب حبة ...
راحت اسراء جابت مي لهديل ...
شربت الحبة هديل ...واجت لعندون فلك
فلك : هديل شو شربتي ...
هديل : حبة مسكن ...
فلك : اممم ماشي ... عن اذنكم ...
بلشو يقدمو الاكل ..والكل اكل وكان مبسوط الا هديل كانت خايفي كتير ... وبلشت تنتهى الحفلة وصار وقت يجي العريس ياخد العروس ... وخفت صوت الاغاني وبلشت تنسمع اصوات زمامير السيارات ... وهديل قلبها صار يدق بدرجة مليون ...وحابسة دموعها بالزور ...
دخلو اهل العريس وبالمقدمة مراد ...
دخلو كلون سلمو عالعروس وعأهل العروس ... واهل العريس ابدا مانون مبسوطين من تصرفات مراد ...لانو عم يظلم مرتو الاولة وعم يظلم هديل ...
قعد مراد حد هديل ...وكان منصدم فيها ...
مراد : طالعة بتجنني .... عنجد نيالي فيكي ...
هديل عم تتطلع ع الناس وماردت عليه ولاعطتو اهمية ...
مراد : ماشي لا تردي ...هلق حتى نصير لحالنا راسك هاد بدي كسرو ..
هديل دقات قلبا قوة من الخوف ... ودموعا واقفين على نقرة ...
وهم قاعدين دخل من باب الصالة شب حلو شعرو بني فاتح وهو ابيض كتير ومربي لحية كمان وعيون كبار وعسلية حواجبو عراض ورموشو طوال وعبايا ... وكل البنات انبهرو فيه لما دخل .... شافو مراد وقام لعندو بسرعة .... هديل استغربت مين بكون هاد الشب ....
مراد : لك ياميت اهلا وسهلا فيكي بس ليش اتأخرت ..