#اللعب_بالنار
#الجزء_العاشر
@rwayate
دخلو عالغرفة وسكرو الباب عليهن ..
نجلا : شوبدك
هديل : لعبتها صح ..
نجلا : عن شو انتي عم تحكي ..انا ماني عم افهم ..
هديل : لك والله طلع بيطلع معك .. انا عم فكر تشتغلي ممثلة او كاتبة لانو هالدور يلي اخدته كان محترف ..بس عنجد بهنيكي .. طلعتي متعددة المواهب ..
قربت سلوى من الباب لتسمع شو عم يصير جوا ..
نجلا : هديل شوبدك
هديل : ليش عملتي هيك
نجلا : انا شو عملت ...وعن شو عم تحكي ؟؟
هديل : حاج تعملي حالك مابتعرفي شي انا متأكدة انو انتي يلي بعتي الرسائل من موبايلي لعبد الرحمن ..
نجلا : شو عم ترمي بلاكي علي ..
هديل : لك حاجتك كذب بكفي ..عالقليلي اعملي قيمة لحالك اخر عمرك ..
نجلا : شو قصدك انا كذابة ..
هديل : كذابة ونص .. ليش هيك عملتي خربتي بيت ابنك وكنتي سبب بموت طفل برئي ... ليش ؟؟
نجلا : .........
هديل : قوليلي ما عم تحسي يتأنيب الضمير
نجلا ............
هديل : معقول مافي ذرة ضمير واحساس عندك .... طيب مافكرتي كيف رح تقابلي ربك ؟؟
نجلا :..............
هديل : طيب انتي قعدتي مع حالك وفكرتي بعد موتك ع وين رح تروحي ... انا من عندي رح اعطيكي تأشيرة عالنار ..
نجلا ولونا مخطوف : ليش مين سلمك مفتاح النار او مفتاح الجنة ..
هديل : محدا .. بس لانو مارح سامحك طول عمري ... ورح ادعي عليكي بكل صلاة .
نجلا : ليش الله رح يتقبل منك بالاول
هديل : ههههه التهي بخاطياكي ولاقي شي يكفر عن زنوبك بالاول بعدين موشغلك اذا تقبل ولا لأ ... انا جيت قلت بركي بكون عندك شوية دين او شوية ضمير ...ههههه بس طلعتي معدومة الاحساس ..
برمتا ضهر بدا تمشي .
نجلا : هديل وقفي
هديل ؛ خير ..
نجلا : سامحيني ..والله مابعرف انو كان في ببطنك ولد ... مشان الله ساميحيني والله كل يوم عم موت بتأنيب الضمير ...
سلوى سمعت اعتراف اما ...حطت ايدها على تما وصارت تبكي
هديل: بسامحك لما بتصلحي غلطك وبتعترفي لمراد انو انتي يلي بعتي الرسالة وارجع على بيتي معززة مكرمة ..
نجلا : مافيني ..مراد بيكرهني .. والله مابعود يتطلع بوجهي ... بخسرو للأبد ..
هديل : لا مارح يكرهك ... بيزعل منك كم يوم .. وبيرجع متل اول ..
نجلا : وهية عم تبكي ..مافيني ..مافيني .. انا بعرفو منيح لمراد ..
هديل : اي على راحتك تسطفلي ... انا حكيت يلي عندي وفكري منيح فيها ... معك للمسا وبس ..انا رح انطر مراد يروح يرجعني .. واذا ماراح انا اليوم رح يكون كتب كتابي ورح روح مع زوجي ..
نجلا : شو تتزوجي ... لا انتي اكيد هيك عم تقولي مشان تخوفيني ..
هديل : وليش لحتى خوفك ... خلص انسي موضوع الزواج ..... اليوم المسا الساعة تسعة اذا ما اجا مراد .. انا مارح سامحك ... ورح اتفرج من بعيد كيف الله رح يعاقبك وينحرق قلبك متل ماحقرتو قلبي انتي وابن اختك ... سلام ..
فتحت الباب .. لقت سلوى بوجها وعم تبكي ..
سلوى : هديل سامحيني ..
هديل : ياخسارة عملتك متل اختي ... توقعت كل العالم ماتصدقني الا انتي توقعتك تكوني جنبي ...بعدي هيك
طلعت هديل وراحت ع البيت وقعدت تنطر مراد
سلوى : ماما انتي لازم تحكي لمراد
نجلا :لا والله بخسرو ..وكمان ابوكي والله بطلقني ...لك انا كيف اعملت هيك تصرف غبي ... لك انا العبت بالنار وهالنار مارح تأذيني غير الي ..
سلوى : ماما لازم تصلي غلطك اليوم قبل بكرا ... لانو كل ما استعجلتي كل ماكانت فرص السامح اكبر ..
نجلا : رح احكي مع مراد ..بركي بيرجعا بدون مايعرف .
اتصلت نجلا بمراد واجا ..
مراد : شوفي ماما ..
نجلا : مراد رجع مرتك
مراد : انتي شو عم تحكي ماما نسيتي هديل شو عملت
نجلا : لا مانسيت وبتكون البنت غلطت ..
مراد : غلطها كبير ومابينغفر ..
نجلا : يعني كلون كم رسالة ..يعني لاطلعت وخانتك لاسمح الله ..
مراد: ماما هالرسائل يلي قريتها بتشيب شعر الراس .. هالرسائل اهم من انو تطلع مع ..
نجلا : برضاي عليك يا ابني لاتردلي طلب ..
مراد : الموضوع عندي خالص ..
نجلا : اي متندمة وكتير زعلانة ..
مراد: وانتي شو عرفك انها متندمة ..
نجلا : اصلا ..هية اجت اليوم لعنا وحكت معي ومبين عليها كتير متندمة ..
مراد مارد ... قام اخد تلفون وطلع لبرا واتصل بهديل ..
هديل اول ماشافت المكالمة من مراد طار عقلا من الفرح ..
هديل : الو
مراد : عنجد انتي متندمة وبدك ترجعيلي ..
هديل بصدمة : شووو انا متندمة .. على شو بدي اتندم ..
مراد : ما انتي اليوم جيتي لعند امي
هديل : اي
مراد : ما انتي قلتيلا انك متندمة وبدك ترجعي ..
هديل : انا صح جيت لعنكن عالبيت بس مو لاني متندمة ...وليش لحتى اتندم على شي انا ما اعملتو ..انتو يلي لازم تتندمو ... وكمان امك عم تقول هيك مشان تثبت علي التهمة ... مراد امك وحدة كذابة ومنافقة ..
مراد : اخرسي مابسمحلك تحكي هيك عنها ..
هديل : بتسمح او لأ شو رح يطلع بأيدك ... موبس هيك امك احقر وحدة بشوفا بحياتي ووحدة تانفة ..وانسانة منطحة ودنيئة ..وتفوووو وتضرب منك لامك
وسكرت الخط وصارت تبكي ..