📚قصص||روايات||منوعة📚

قصة اليوم: #الخطيئة ............. قراءة ممتعة🦋💙"

rwayate

بـدايـة الـقـصـة..🌸

📚قصص||روايات||منوعة📚

rwayate

📚قصص||روايات||منوعة📚

rwayate

قصة رعب جديدة 👻💚
بعنوان: #سحر_بيتروفن
.............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

@rwayate
احياناً عيون الناس بتنظر لالنا نظره غيره وبدون ما انحس هالنظره بتتحول لكرهه، وهالكره بولد السحر الاسود.
واحنا البشر بننقسم لنوعين:النوع الاول الي مكتفي بالي عندو وراضي عن حياتو وما بدو غير راحه البال، والنوع التاني بكون عكس النوع الاول ونتيجه عدم اكتفائو بتصير عينو تنظر للناس نظره حسد وغيره، بعدها راحه الشخص بتبلش لما يطبق السحر الاسود ع المحسود وهالسحر نتائجه اكبر من ما بتتصورو.
بلشت احداث القصه من تاريخ 5 تموز بعد ما ارجعنا بالزمن سنة لورا.
ع الساعه 10:30pm
• @rwayate
اصوات الولاد معبيه البيت وكانو كالعاده كرم ولانا عم يتخانقو .
زيد: سارة احكي للاولاد ينامو الوقت اتأخر وبكرا مدرسة.
سارة: يلا يا ولاد زي ما حكى ابوكم لازم اتنامو.
وبنفس هاد الوقت دق باب البيت و كانت الي ع الباب بيتروفن اعز صاحبه عند ساره وكانت علاقتهم كتير قويه، رغم انو بيتروفن كانت مسافره ع اميركا لشهر عند جوزها بس ضلو ع تواصل وولاد ساره كانو يحبوها كتير ولما شافوها فرحو من قلبهم وركضو لعندها وعاندو وبطلو بدهم ينامو.
بيتروفن: اليوم رجعت من اميركا وبصراحه ما تحملت غير اجي اشوفكم ولانه مايكل مش معي ضليت لحالي بالبيت ما تحملت لبكرا وقمت اجيت هلأ.
@rwayate
سارة: اهلا وسهلا البيت بيتك حبيبتي والله كلنا مشتاقينلك، يرجع بالسلامة ان شاء الله.
بيتروفن: يسعدك سارة، يا ولاد تعو شوفوا شو جبت الكم.
كرم: ياي القصص يلي طلبناها و العاب الي كان نفسي فيها
لانا : خالتو رح تقرأي القصة الي ولكرم زي دايما ورح نلعب بالالعاب الي جبتيهم النا صح؟
بيتروفن: هههه طبعا رح أقراء الكم من عيوني.
سارة: يا ولاد متى رح اضل احكيلكم عيب لازم تحكوا شكرا.
كرم ولانا : خالتو شكرا احنا كتير بنحبك.
بيتروفن: وانا بحبكم كتير . @rwayate
زيد بصوووت عالي: سارة سارة سارة وين حطيتي القهوة.
سارة: زيد هيني جاية اذا ما كنت موجودة ما فيك تعمل شي من دوني.
بعد 5 دقائق بالزبط بتكون داخله بيتروفن ع المطبخ مشان تجيب مي وبالصدفة بتسمع.
زيد: سارة بصراحه ما حبيت تصرف بيتروفن تمام هي صاحبتك وبنحبها بس انه الوقت متأخر والاولاد الهم نظام للنوم وما بحب حدا يخربه ، وهاي الشغله رح يكبرو عليها فلازم من هلأ نعودهم.
@rwayate
سارة: ما فيني احكي معها شي بتعرف انها صاحبتي ومتل اختي ولسا اليوم اجت من السفر وكمان ما عندها اولاد وبتعتبر كرم و لانا متل اولادها حرام ما بقدر احرمها من انها تعيش الفرحه هاي معهم.
زيد: بعرف بس انا قصدي لو اجت بكير بكون احسن.
سارة: معك حق بس خلص شو نسوي.
طبعا بيتروفن الدمعه كانت بعينها و الكلام غرس بقلبها و ما عرفت شو تعمل غير انها تاخد شنتتها وتطلع. #تالا_الزعبي

📚قصص||روايات||منوعة📚

rwayate

📚قصص||روايات||منوعة📚

rwayate

•
• tala.al_zoubiلما طلعنا ما لقينا بيتروفن وحكينا يمكن صار معها اشي ضروري، المهم يلا يا ولاد ع النوم.
بعد مرور اسبوع :
بيتروفن التقت بجارتها وقعدو @rwayate يحكو مع بعض متل العاده ووقتها جارتها سألتها.
شو ليش ما رحتي هاد الاسبوع عند سارة صاير بينكم اشي؟
طبعا بيتروفن ما حكت شو صار معها الا لما اصرت جارتهم عليها، ووقتها حكتلها انها سمعت حكي سارة وجوزها، بيتروفن ما اخدت الموضوع بالكبر الي اخدتو جارتهم يعني كان من جهه بيتروفن بس عتب صغير اما جارتها شافت الموضوع بعيد عن العواطف وحاولت تعبي براس بيتروفن وطبعا للاسف نجحت و من هون بلش خطر السحر الاسود يتجه ل سارة، وما كان مجرد خطر بس كان كلو كره و عتب وغيرهه، بلشت بيتروفن تحسب لكلشي وكان اول اشي بتعملو انها تروح عند حدا بفهم بهاي الشغلات وفعلا هاد الي صار ، راحت بيتروفن والتقت بالزلمه الي دلتها عليه جارتها وحكتلو كل القصه وقالتلو شو بدها بس كان عندها شرط انو الاولاد ما يتأذو، طبعا هاد الزلمه كانو يحكو عنو شيخ بس هو فعليا عكس تماماً، كان يحكي خرافات للناس وفي ناس تصدق وناس تكون صاحيه لهاي القصص، وطبعا حكالها انو زي ما بدك رح يصير ومش رح يتأذو الاولاد، وهيه ع هاد الاساس وافقت وكان الحكي بينهم :
بيتروفن: شيخي انا هدفي بس انو افرجي ساره شو يعني ما يكون عندك اطفال بس بنفس الوقت خلي كرم و لانا بعيدين عن الموضوع لانهم متل ولادي.
المدعو بالشيخ: هاد اسهل اشي ممكن نسويه بس اهم اشي ما توقفي الاشي الي بدينا فيه ازا عندك شك فيني من هلأ ما تكملي. @rwayate
بيتروفن: لا واثقه فيك اكيد.
ومن هاليوم بلشت بيتروفن تشتغل ع القصة الي بلشت فيها، كانت الشغلات مش من قلبها بس كمان الي سمعتو منهم قواها ضدهم.
اما بالنسبه عند سارة كانو عايشين حياه طبيعيه زي اي عائله وكان نادر ما يصير مشاكل بين زيد و سارة ع امور تافهه بس للاسف هالاشي بلش يظهر جديد ويشكل حاجز بينهم لانه فعليا كان التغير ع سارة اكتر اشي وع تصرفاتها. @rwayate
وبالوقت الي كانت فيه بيتروفن تتعامل مع الشخص المدعو بالشيخ بلشت تتغير حياتها وتحس بتأنيب الضمير ما كان عاجبها الاشي الي بتعملو بس كان في اشي عم يعبي براسها تجاه سارة.
الشخص المدعو بالشيخ طلب من بيتروفن تجيب شعره او اضفر او اي اشي بخص سارة مشان يقدر يعمل الاشي الي طلبتو وفعلا هاد الي صار راحت بيتروفن لعند سارة وقعدت مع الاولاد و حاولت انها ما تلفت انتباه ابدا و بهاي الحاله قدرت تاخد شعره من راس سارة وبنفس الوقت اخدت شعرة لانا ع اساس انها ممكن تفيد ب اشي و لما راحت لعند الشيخ وطلب منها الشعره هون صارت اللخبطه و بدل ما تعطيه شعرة سارة اعطتو شعرة لانا #تالا_الزعبي

📚قصص||روايات||منوعة📚

rwayate

📚قصص||روايات||منوعة📚

rwayate

• tala.al_zoubiالجزء التالت :
صارت الشعره الي من راس لانا ب ايد المدعو بالشيخ وهاد اشي بيعني انو كل السحر الي كان بدو يتطبق ع سارة انتقل لبنتها لانا من دون علم بيتروفن .
باليوم الاول الي بلش يطبق فيه السحر لانا مرضت ما كان مبين شو السبب من جهه سارة لانها ما بتعرف انو في سحر عم يقرب من بنتها وتحديدا من اعز صاحبه الها . @rwayate
طلع زيد مشان يجيب دوا للانا واخد معو كرم ، وضلت سارة ولانا بالبيت . كانت الساعة تقريبا 10 بالليل كانت لانا نايمه غطيتها و ضليت قاعدة جنبها مشان استنى كرم وزيد بس لما طولو نزلت ع المطبخ مشان اجيب للانا اشي تاكلو ولما وصلت المطبخ حست في حدا بطلع ع الدرج تاع غرفه لانا فكرت كرم رجع هو وزيد مع اني كنت متأكده انو ما سمعت صوت الباب وهو عم يفتح بس بنفس الوقت ما كان في اشي عم يصير مشان اشك بالموضوع . @rwayate
حضرت الاكل للانا وطلعت لعندها بس لما دخلت ع الغرفه وفتحت الباب كانت الصدمه وجهي لقيت لانا واقعه ع الارض وقدام باب الغرفه تحديدا خفت كتير لما شفتها بهاي الحاله وتوترت ولما اجيت بدي اشيلها عن الارض انقطعت الكهربا وبطلت عارفه شو اعمل وبنفس الوقت كنت مش فاهمه شو جاب لانا لعند باب الغرفه ازا هيه نايمه ومعقول ما حست ع حالها ؟
بنفس الوقت كرم وزيد اجو حكيت لزيد الي صار بس ما اهتم و لقالي اكتر من حجه مشان يبينلي انو اشي عادي وما في داعي اهتملو اساسا .
بعد مرور ساعة : @rwayate
قعدنا كلنا مع بعض وكنا عم بنحكي بس حال لانا اختلف ما كانت هيك كانت اكتر حدا عم يحكي بس هلأ بس بتطلع علينا بنظرات حاده حاولنا نفهم منها اشي بس برضو ما قدرنا ، بعد هيك طلبت منا تروح ع الحمام ولما راحت طولت كتير لأول مره بس ما برضو ما اعطينا الموضوع اهتمام كتير ، لما طلعت حكيت معها وحاولت افهم شو مدايقها بس حسب حكيها ما كان في اي اشي عم يصير معها وحضنتها لا اراديا من خوفي عليها بس حسيت انها بتخنقني بنفس الوقت ما بدها اياني اتركها ما عرفت شو اعمل ما كان بدي افلت ايدها مشان تتدايق وبنفس الوقت بدي انقذ حالي .. @rwayate
وطبعا مرق الوقت بهاي الفتره وصارت الساعه 3 الفجر بعد ما نامو كلهم ، صحيت وشربت مي و طلعت اشوف لانا ازا نزلت حرارتها او لا لانه قلب الام بضل قلقان ، طلعت ع غرفتها و قبل ما افتح الباب كان في صوت حكي ما قدرت احدد مين لانه ما كان صوت لانا بس بنفس الوقت كان الصوت طالع من الغرفه ونا جد كنت متأكده، اتشجعت وفتحت الباب ولما فتحتو ما لقيت حدا حتى لانا ما كانت موجوده صرخت بصوت عالي واتوتر وضليت ادور عليها بالغرفه بس ما كان في حدا نزلت مشان اصحي زيد بس وانا نازله لقيت لانا بالصالون قاعده ع الكنباي وصافنه فيني ...
#تالا_الزعبي

📚قصص||روايات||منوعة📚

rwayate

📚قصص||روايات||منوعة📚

rwayate

• tala.al_zoubiالجزء الرابع :
كانت نظره لانا مش طبيعية وكانت رده فعلي مش متوقعه صرخت وغمضت عيوني من الخوف وصحي زيد ع صوتي اجى ركض لعندي
زيد : شو في شو صار سارة ؟ @rwayate
سارة : بصوت كلو توتر وخوف وكنت اأشر ب ايدي ع المكان الي كانت عندو لانا واحكيلو شوف كيف نزلت
زيد : مين هيه عن مين بتحكي ؟
لما فتحت عيوني ما كان في حدا وكانت لانا مش موجوده ، حكيتلو الي صار وطلعنا ع الغرفه ولقينا لانا نايمه وولا كأنو صار اشي ، قعدت افهم زيد انو قلب الام بحس بالشغلات الي بصير وانو انا ما بتخيل انا عنجد شفت لانا يمكن انت ما شفت هاي الشغلات لانك ما بتعرفها صح لانا تغيرت بهاد اليوم بشكل مش طبيعي و حاسه انو في اشي معها .
لقيت في اهتمام من قبل زيد للاشي الي حكيتو بس ما كان مقتنع بكلشي .
بعد مرور اسبوع : @rwayate
الشغلات الي كانت تصير بالبيت كانت شغلات غريبة كتير وكان هاد الاشي ناتج من تصرفات لانا كانت تعمل شغلات غريبه ومش بالعاده بتعملها ، كتير كنت اشك فيها او انو صاير اشي لانها فعلا مش طبيعه .
بيوم من ايام الاسبوع هاد اضطريت اني اخلي لانا و كرم لحالهم بالبيت مع انهم صغار بس لانه ما كان في حل غير هيك لانه علي شغلة ضروريه وزيد بالشغل ، تركتهم وسكرت عليهم الباب بالمفتاح وطلعت ، كانت المده الي غبتها تقريبا ساعة بس بهاي الساعة صارت شغلات كتير .. روحت وانا بطريقي للبيت لمحت باب بيتنا مفتوح ركضت مشان اشوف وفعلا كان مفتوح مع انو كان المفتاح معي كانت الصدمه مش طبيعيه ، ركضت ودخلت ع البيت مشان اشوف كرم ولانا وهون الصدمه : @rwayate
ضليت انادي عليهم بس ما كان حدا يرد دورت ودورت بس برضو ما لقيتهم لحد ما سمعت صوت صراخ كرم وفجأه سكت وكان صوتو جاي من التواليت طلعت بسرعه وفتحت الباب، لقيت كرم قاعد بالتواليت وحاضن حاله والدموع بتنزل من عيونو كان خايف لدرجة انو ل اول مرة بشوفو بهاي الحالة ، طلعتو من التواليت وبلشت احاول احكي معو بس ما كان عم يجاوبني من العجقه ما عرفت شو بدي اعمل انصدم من الحاله الي كان فيها كرم ولا انو لسا ما بعرف وين لأنا ، حملت كرم ورحت ع المطبخ لاشربه مي هناك كانت صدمتي بس شفت لانا عم تاكل اناناس وبترقص .