📚قصص||روايات||منوعة📚

قصة قصيرة بعنوان: #نصيب قصة واقعية♥ .............

rwayate

بـدايـة الـقـصـة..🌺✨

📚قصص||روايات||منوعة📚

rwayate

📚قصص||روايات||منوعة📚

rwayate

قصة جديدة: #حب_مدفون
.............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

#حب_مدفون

#الجزء_الأول
رهف:محمممممد😠😠رد عليي وينك...تعال نظف الحمام تاركو كلو شعر من دقنك شو هالقرف هاد خلصنييي بدي اتحممم 😡😡محمد
-اجى وبدم بارد وبأشمئزاز
محمد:اطلعي لبرا لنظفووو بس اجتني مكالمة ضرورية ونسيتو

-طلعت وانا حاملة اواعيي ومتخنصرة وعم هز برجلي
دخل وبلش عملية الشطف والتنظيف لحتى خلص وفرشى اسنانو واطلع فيني
محمد:فوتي لا يرتفع ضغطك
رهف:اي فايته
-دخلت وريحه النظافه عم تهفهف اي ها لكن متل قبل والله كان ناقص هو يحلق وينعم وانا ابتلي فيه ونظف وراه تحممت والبست اواعيي مضطرة البسهن بالحمام ودخلت لغرفتي نشفت شعري بالسشوار وربطت كنت لابسه جينز مع بلوزة بيضة وشحاطة البيت دخلت ع المطبخ وهو دخل وراي بلشت اعمل القهوة الي لحالي اكيد وهو كمان بلش يعمل القهوة جهزتلي صحن حلو مرتب وكنا واقفين حد بعض ونحن عم نعملها شكلو مافي اليوم مشوار اكيد لو عندو مشوار كان من الصبح تجهز بس ليش اليوم حالق 😒😒صرلو اسبوع يمكن ما زبط حالو 😰لك رهف شو دخلك فيه مو على اساس ما بهمك لا هو ولا حالو
-جهزنا القهوة سوى هو اخد فنجانو وراح وانا حطيت فنجاني بالصينيه ولحقتو ع الصاله متابعه برنامج صباحي بنفس الاتجاه قعدنا وبلشت انسجم بالبرنامج هو مشغل سيكارة وعم يدخن بدون نفس
علاقتي فيه سطحية صحيح تزوجنا بس كنا مجبورين على بعض كنت مخطوبة لاخوه وبعد ما توفى بحادث سير صحيت على حالي وانا لابسه خاتم خطبه الو هو طبعا كان عشقان بس انا خربتها عليه لانو اهلي عرفو انو خطيبي السابق عمل معي علاقه قبل الزواج ورغم انها كانت مشروعه بس مستحيل الناس ترحمنا اهلي خبرو اهلو واتفقو على تزوجينا لبعض خطبنه سنه كاملة وبعد السنه عملنا عرس عائلي وخلال هالسنه ولا مشوار تسجلنا مع بعض بس عزايم رسميه ونقضيها نقار وخناق بتزكر مرة تخناقت معو واربع اشهر ما شفتو فيها شو ايام مرو معو ولا بالاحلام بعد القهوة شغل على مباراة ناطرها
رهف:ليش بدلت لمحطه
محمد:عندي مونديال عندك مانع
رهف:اي المونديال بالكافيه
محمد:لا هاد تحضير وما بينعرض بالكافيه
رهف:لكن رجعلي ع لبرنامج
محمد:لاااا ما حزرتي وما عجبك افرقيني بريحه طيبة
رهف:اي فشرت لكن قاعدة هون وعلى قلبك
محمد:اي من تم ساكت لكن ولا بس شاطرك برد الجواب
رهف:.......
محمد:اليوم اهلي جايين يسهرو ما بدي تخجليني متل اخر مرة وتتركي السهرة وتنقلعي
رهف:اه انقلع مو انت الي بهدلتني
محمد:لكن كبيتي كاسه العصير على امي
رهف:بالغلط
محمد:اه يمكن
رهف:وانا بدي اسهر عند اهلي بكرى
محمد:اي ولا ترجعي بكون احسن
رهف:ما حزرت
محمد:يلا اسكتي بلش اللقاء
-سكتت واخدت مجلة لاتسلا فيها احسن ما شوف مباراة متلو والفريق الي عم يشجعو عم ادعي عليه من قلبي 😂😂وبالناقص خلي يعصب
محمد:شو اتصل ببنت الجيران تعملي فطور
رهف:ماله ودايق خلقي اعملو انت
محمد:لا انت ما بتستحي من المرة
رهف:هلا لعرفت
محمد:لا من زماااااان كتير بعرف
رهف:محمد😢😢
محمد:لا مسكينه راح ابكي عليكي كمان شوي
رهف:اطلب من المطعم
محمد:ولشو انتي بالبيت قاعدة لطق الحنك ولمناقرة
رهف:انا ماني جوعانه
محمد:اي عمرك ما تعمليه انا بعملو
رهف:😛😛😛
-مع انو المباراة ما بتتفوت بس راح 😂😂😂يلا هلا بس يخلص انا بحضر لحالي فطور شي ربع ساعه وندهلي
محمد:تعاالي فطري
-يا خجلتك يا رهف 😂ما راح روح كرامتي اكبر من هيك
محمد:رهف
رهف:خييير
محمد:تعالي بدي اياكي
-شو بدو فيني معقول يضربني بكاسه الشاي لا حباب ما بيعملا صابر عليي من سنه 😂😂 تفادي للشر بس دخلت راسي
محمد:تعالي افطري
-دخلت ع المطبخ واعملت حالي مو هامنني
محمد:مو لسواد عيونك بس كل مين شافك بيحكيلي ما عندك اكل مرتك قالبه على نصها
رهف:اه خايف يحكو عليك بخيل
محمد:بكرى بيصيبك فقر دم ونقص كلس واعلق يا محمد بلسان ابوكي وامك
رهف:كرمال هيك يعني
محمد:اي وغيرو لو بتموتي ما فارقه معي
رهف:بعيد الشر عن قلبي انت عني
محمد:فشرتي افديكي بأصبع رجلي لصغير مو فيني
رهف:اي سكر تمك وبلا علاك
محمد:لسانك بدو قطع مو قص انا جوزك وليه
رهف:ع لورق فقط
محمد:بس احترامي واجب عليكي
رهف:اي احترمني 😂😂
محمد:الله جعلني احترمك الهي
رهف:اتسمم ولا تندهلي مشان الاكل
محمد:روحه بلا رجعه
-طلعت من المطبخ ورغم اني جوعانه بس ولا يمكن ذل حالي على شان فطور وياما جوعانه للجكارة يومين وتلاته
-اخدت عدة المنكير ع الصاله وبلشت اعمل منكير للرجليي وايديي وابرد اظافيري
-اجى وحامل كاسه الشاي معبي بطنو بيطلعلو يكون مروق رمى حالو ع الكنباية رفع رجل والتانيه خلاها بالارض وشغل سيكارة وانخنقت من دخانو
رهف:خنقتني
محمد:سكري انفك
رهف:بالله شو
محمد:ريحه المنكير لحالها بتعمل ربو
رهف:اي سكر انفك
-سكتنا شوي وانا حاطه رجل على رجل وعم ابرد اظافيري على مهلي وحاطه علكه بتمي
رهف:شو ما بتخلص اليوم المباراة
محمد:لا
رهف:بدي احضر مسلسلي
محمد:التلفزيون بغرفتك اكبر من هاد والله
رهف:اخنق حالي بالغرفه كرمالك احضر بغرفتك انت
محمد:رهف على

📚قصص||روايات||منوعة📚

rwayate

نصتك قرفتك مشان الله اعتقيني
رهف:اعتقني انت
محمد:عم اتحمل منك وساكت مو كرمالك فشرتي
رهف:لا تكمل حافظه الدرس
سكتت وزورتو
محمد:لو الله يكملك بعقلك
رهف:شبو عقلي
محمد:يعني صرلك ساعه عم تبردي هالكم اصبع
رهف:وانت شو زاعجك
محمد:لا وفوق كل هاد في احتمال ازا انتزع يا تبكي يا اما تقصيهن
رهف:😂😂وانت ليش مضغوط
محمد:صرلي نص سنه ما اكلت طبخه متل باقي العالم
رهف:اطبخ مين ماسكك
محمد:اخرسي اخرسي
رهف:😡😡
محمد:خنقتيني بريحه المنكير
رهف:اي كتير منيح انا هيك بدي
محمد:كم ساعه لتخلصي
رهف:شو دخلك انت
محمد:اعمليلي عصير
رهف:بالبراد موجود وطبيعي كمان
محمد:جيبلك كاسه معي
رهف:ياريت والله

-راح وجاب عصير الي والو حتى ما حكيتلو يسلمو
محمد:شو في عندك للمنكير
رهف:حفله رغد
محمد:ايوا وانا عم اتحزر ليش هالترتيب
رهف:وانت ليش حلقت دقنك
محمد:مو شغلك لا ولا قلك عندي موعد غرامي
رهف:اه ايه تتهنى
-قهرني من هالكلمة رغم اني ما بحبو ولا بغار عليه بس انو نحن متزوجين لازم يحترم مشاعري
محمد:انقهرتي ما
رهف:لا ليش دخلك
محمد:هي طلبت مني خففها عم دايقها كتير وقت بوسها
رهف:اي مبروك
محمد:😉😉جيبلك حبه تحت للسان 😂😂
رهف:لا شكرا
محمد:نسيت خبرك
رهف:ما بدي اعرف
محمد:شي بخصك
رهف:شو هو
محمد:ممنوع تروحي ع الحفلة
-حكا هالكلمة وراح لغرفتو بلشت اصرخ عليه"على كيفك لانو بدي روح واصلن ما اخدت رأيك عم تفهم "
-سكر الباب بعصبيه وانا بعد ما كفيت دغري رحت لعندو فتحت الباب عليه من زمان ما تخانقنا وروح قلببي المشاكل كان متمدد على تختو وعم يلعب بتلفونو
رهف:شو يعني ما بدي روح
محمد:يعني مافي تروحي
رهف:على كيفك
محمد: راح اقعدلك بالبيت يومها ويمكن اقفل عليكي راح غير المفتاح
رهف:وليش مافي روحه
محمد:هيك انا حر
رهف:بس انت ما دخلك فيني
محمد:مادخلني ومافي روحه
رهف:اعطيني سبب واحد
محمد:هيك انا بكره كل رفقاتك وممنوع
رهف:اشتريت فستان بهديك الحسبه
محمد:البسه بالبيت
رهف:لمين😷😷الك يعني
محمد:رهف الله يرضى عليكي روحي
رهف:اخر قرار
محمد:اي لا تتاملي تروحي على مكان

-طلعت من غرفتو وانا معصبه والسبب مجهول لو اعطاني مبرر اي شي ما رضي يحكي ما عبرني بس لانو هو الرجال راح يمشي كلمتو عليي بس انا راح روح لو بدو يكلفني حياتي هالمشوار ووعدت رغد كون اول وحدة يوووه مابيصير تمددت بتختي وحاولت اغفى بس ما قدرت كل شوي فكر بموضوع الحفله وبالاخر راح روح وازا ما رحت راح خليه يندم 😢😢بسيطه يا محمد الله يلعنك......

#يتبع....

📚قصص||روايات||منوعة📚

rwayate

📚قصص||روايات||منوعة📚

rwayate

#حب_مدفون

#الجزء_الثاني
المسا اجو اهلو انا وياه منتصنع الحب قدام العيلة وما بيحكيلي غير حبيبتي وهو مبتسم وانا كمان ما بحكيلو غير حاضر ومن عيوني
حماتي:شو ليش ما رحت على شغلك اليوم
محمد:هيك ما اجى على بالي
لونا:شو عملتي غدا رهووف
رهف:....
محمد:طلبت اكل جاهز
حماتي:شو كيفكن مع بعض
محمد:ولا احسن من هيك
حماتي:اي يا عيوني ديرو بالكن على بعض والله الرجال ما الو غير مرتو وبيتو وبكرى ولادو والمراة كمان هيك
رهف:اي اكيد
حماتي:يلا شدو الهمه بدنا ولد
محمد:الله كريم
احمد:اي الله كريم ما اختلفنا صرلكن سنه متزوجين يعني خلص شهر العسل
محمد:اي امبلا
حماتي:ازا من هون لشهر ما صار في حمل راح اخدتك ع دكتورة
راح انجلط انا خجلانه منو ومن اخوه 😡😡 محمد:خلص ماما مشان الله خلص
حماتي:طيب متل ما بدك بس انا كرمالك والله
محمد:عادي ماني مستعجل ع لولاد
لونا:خلص ماما اعتقيهن
حماتي: ماشي
احمد:اي سيد محمد وين مبارح كنت
محمد:عند امجد
احمد:في وراك شي اليوم صح
محمد:اي سهرة😌
لونا:عند مين
محمد:عند اصدقائي
حماتي:خفف طلعات هدول بكرى بس يتزوجو بتصير تشتهي تلمحهن
محمد:اي انشالله
حماتي:حدا بكون عندو مراة بتركها وبيروح يسهر
محمد:حاضر ماما
رهف:تعالي لونا ساعديني
دخلنا المطبخ انا وياها عملت قهوة الوداع حاجتهن عكررولي مزاجي دردشنا بامور خطيبها شوي ورجعنا للصاله من دخلتنا سكتو فجاة
احمد:ايييه يسلمووو
رهف:الله يسلمك
حماتي:انا بحب قهوتك كتيرر وما بشبع منها
رهف:صحتين وهنا
محمد:اي يا عمري من ايدين ما بعدمها
رهف:يخليلي اياك
لونا:حاجتكن غزل
محمد:ما بيتغزل فيكي ابو بريص
لونا:ماماااااا
حماتي:خلص محمد عيب هاد صهرك
محمد:اه ايه

قعدت حدو وبلشنا نشف قهوة وحكاني وهو كازز على سنانو بصوت واطي
محمد:لا تعيشي الدور ماشي
وانا بنفس اللهجه رديت عليه
رهف:اي لا تسدء حالك بس ليروحو
محمد:اي اريح
حماتي:شو عم تتهامسو في شي
رهف:هم يحكيلي انو القهوة طيبه كتير
حماتي:هههه معو حق
احمد:يا ستي الله يهنيكن ببعض
حماتي:شايفين هالنصيب
محمد:احم احم
حماتي:صحه يا روحي
لونا:بكرة تعالو اسهرو عنا
رهف:عندي طلعه ع بيت اهلي
لونا:وانت محمد
محمد:مواعد حدا
لونا:مين
محمد:وانتي شو دخلك
لونا:اه بس ما تكون ميسون😂
حماتي:لونا ايمتى بدك تكبري
لونا:يعني لو ما شفتو بالمطعم معها ما بشك فيها
احمد:ليش رجعت
محمد:لونا خلص
حماتي:محمد عم تشوفها
محمد:كزابة هي
لونا:لا ماني كزابة
محمد:بخلص عليكي هلا
احمد:خلص طولو بالكن
محمد:خليها تخرس اختك
حماتي:ليش هيك عم تحكي معها لانو مزبوط الكلام
محمد:لاااا انتو اليوم صايرلكن شي
احمد:خلص روق لا تضوج
لونا:ماما خلينا نمشي
حماتي:متل ما بدك الظاهر اخوكي صايرلو شي وعم يفش خلقو فينا
محمد:هلا هيك يا امي
احمد:ما بدها ماما كل هالحساسيه
وقفو الكل وهو ما هان عليه زعل اختو راح لعندا وباس جبينها
محمد:انا اسف يا روحي
لونا:لا لا تعتذر خلص اصلن ما زعلت منك
محمد:يخليلي اختي لصغيرة انا
كل هاد وانا ولا حرف بلعكس متل الصنم بموقف لا احسد عليه قلبت قد النملة وهنن عم يحكو عن ميسون حبيبتو السابقه لا عم بيتغدا معها كل يوم وكلمه شايفين هالنصيب قطعتلي قلبي لو انا هلا مع محمود يمكن كون مرتاحه ولا وقت صالح اختو ببوسه نار جواتي شاعله لكان مخنزر معي ومع باقي الكون حنون
محمد:لا تمشو وصيت على حلو
لونا:طيب ماشي
رجعو لاماكنهن وهو قعد حد حماتي وكانو ما سدء ايمتى راح من جنبي لحالي منعزلة عن الموجودين وما حدا معطيني اي اهتمام
بعد ما وصل الحلو اخدتو وحطيت بصحون وضيفت الكل وقعدت اتامل لصحون المليانه
حماتي:رهف ما تاكلي
رهف:لا عم باكل
لونا:ليكون زعلتي كنت امزح
رهف:بعرف انو مزح انا واثقه ب محمد
احمد:هي عادتك ما بتبطليها بدو يعرف الرجال اليوم ينام 😂😂خربتي عليه الله يخرب بيت عقلك
حماتي:لا رهف اوعى من هيك
محمد:اي واضح 😏😏
رهف:شكرا

بعد ما خلصو السهرة طلع ليودعهن وما الي نفس ارجع اتخانق معو دخلت للغرفه البست قميص نوم وتمددت بتختي وتغطيت منيح نسيت اقفل باب الغرفه وفورا رجعت لاقفلو اسمعت صوت باب غرفتو تسكر قفلت الغرفه ورجعت لمكاني فتحت تلفوني وبلشت اتصفح الفيس لشوف اخر الاخبار التافهة ودغري مليت سحبتها نومة حسيت على الساعه عشرة طبعا محمد بدوامو افطرت واشربت القهوة وتجهزت لسهرة بيت اهلي ومع انو الوقت لسى بكير بس بلشت تحضير تحممت وعملت شعري لحتى وصل وكنت خايفه يرفض بس دغري حكالي صحيني ايمتى ما حبيتي تروحي او اتصلي باخوكي خليه ياخدك وبالفعل اتصلت ب مروان اخي الوحيد واجى اخدني ع الموعد هاد عصبي ومجنون كمان ما بسترجي ناقشو بحرف شو ما سال بجاوب من تم ساكت
مروان:وين جوزك
رهف:نايم
مروان:متخانقين
رهف:لا
مروان:يعني من شهرين ما فات بيتنا شو صايرلو ولا ليكون مو من مقامو نحن
رهف:لا مو هيك بس بيتعب بالشغل
مروان:ما حدا بيشتغل غيرو متل لحمار كل نهاري عم كد واشتغل
رهف:لا انت اكبر قدر هو نعنوع مو متلك

📚قصص||روايات||منوعة📚

rwayate

مروان:ازا محمد نعنوع مين ضل رجال
اتصل فيه ليسهر معنا
رهف:نايم ما راح يرد
مروان:متل ما بدك
وصلنا ع البيت واستقبلتني ماما وبابا واختي ريما
ريما:ليش اجيتي
رخف:يعني روح 😉😂
بابا:وين جوزك
مروان:نايم
ماما:نايم ولا ما بدو يشوفنا
رهف:شو هالحكي ماما
بابا:متخانقين
رهف:اوووف من هالكلمة لا لا
ريما:طولي بالك
مروان:احكي متل العالم مع ابوكي
رهف:انا اسفه بابا
بابا:ولا يهمك يلا جاهز العشى تفضلو
بلشنه بالاكل وانا بس عم حرك الاكل بالصحن من قلة الاكل من كم لقمه عم اشبع ولو بيكون الاكل خاروف ما الي نفس فيه
ماما:شو رهف ما تتعشي
رهف:لا عم اتعشى
مروان:شو هالاكل هاد والله العصافير بتاكل اكتر منك
ريما:عم قول ليش نحفانه
بابا:ليش حبيبتي ما عم تاكلي
رهف:شبعانه
ماما:رهف شو صاير معك
رهف:شو بدو يصير ماما
مروان:ازا محمد مزعلك هلا بروح بدعوسو
ماما:انت لا تدخل
بابا هز براسو وبس وانا دغري شبعت وعملت شاي واستنيت ليخلصو الاكل وانا عم اتسلا ع تلفوني
رجعت ريما لعندي وهي فرطانه ضحك
رهف:شو في
ريما:لك ولا شي بس ما بيعرفو الحقيقه
رهف:خلص ريما مشان الله
ريما:عبالي خبرهن والله
رهف:اي خبريهن والله معاد احكي معك
ريما:بابا اتصل ب محمد
رهف:شو 😡
ريما:اي وحكالو تعال هلا لازم نحكي
رهف:يا حبيبي هلا بيفتكر اني انا شاكيه همي الكن
ريما:بس حط مية عذر جوزك وحكالو يمكن ما اقدر
سكتنا وقت دخلو لعنا وكل واحد محضرلي مية سؤال
بابا:شو في عند جوزك بهيك وقت
رهف:ما بعرف
بابا:صرلي متجوز امك 30 سنه ولحد هلا ما بنام ليلة برا البيت الا وبتعرف وين انا
ماما:رهف حبيبتي ازا في شي بينك وبينو نحن منحل الامور
مروان:رهف احسمي امورك ازا ما بدك اياه منطلقك
رهف:مو انتو غصبتوني عليه انا كنت بحب محمود مو هو
ماما:بس هاد احسن حل
رهف:تحملو النتيجه لكن
بابا:نحن فكرنا راح تتوفقو سوا
رهف:كان عشقان الاخ ومستحيل يتخلا عن ميسون بسهولة بس انا نزعت عليه كل شي
مروان:والمعنى احكي خلصيني
رهف:لا بدون معنى
ماما:ازا ما بدك اياه اتركيه
رهف:......
مروان:اي من اليوم ممنوع ترجعي لعندو
رهف:شو
ريما:اي والله بكون اريحلك ومنسهر سوا والله اشتقتلك
رهف:مستحيل
بابا:حيرتيني بدك اياه ولا لا
رهف:ما بدي اياه وما بدي ارجع على هالبيت
ماما:والله ماني فهمانه شي من شي
رهف:انا هيك مرتاحه كتيير ومحمد مو مقصر معي بشي
ريما:😂
رهف:ليش عم تضحكي
ريما:اتزكرت نكته
بابا:ريما على غرفتك
راحت وهي فرطانه ضحك وتركتني واجه الاسئلة لحالي وانا مشان ما جاوب بلشت العب بتلفوني
وهنن حطو ع الاخبار وكل شوي اتفقد الساعه مليت بدي ارجع على بيتي
رهف:مروان وصلني حاجتي سهر
مروان:هلا لييجي جوزك
رهف:سهران ببيت اهلو
مروان:ما صار شي بس يخلص بترجعي معو
رهف:وازا ما اجى هو
مروان:بتنامي عنا
رهف:😭😭شو
بابا:هاد الصح
ماما:.......
خطرلي احكي معو بس ما رد يشوف المحادثه ويسكر وانا كل ثانيه عم اكتبلو"الوو ...وينك....ردعليي ...تعال خدني....مليت....مروان عندو مشوار.....محمد ...الوو.........رد بترجاك ترد "شاف كل هالكلام وما عبرني ويمكن سكر وما بدو ياخدني اخدت تلفوني ع الحمام واتصلت فيه اعطاني خارج التغطيه او مغلق😢😧😢الله يلعن هديك الساعه الي اجيت لعند اهلي يا محلى مناقرتو قدام نظرات مروان وتحقيق اهلي وبعدين
فقدت الامل جهزت حالي
رهف:يلا انا بدي روح حاجتي سهر تعال مروان وصلني
مروان:ما في رجعه الا ليشرف الافندي ونحكي
رهف:حكيت معو مشغول
مروان:ونحن مو مستعجلين بتنامي عنا
رهف:مافيني
مروان:رهف انا شو حكيت
رهف:ما دخلك فيني
عصب وجن جنونو من هالكلمه وقف واجى لعندي وامي ادخلت
ماما:روق روق الله يرضى عليك
بابا:اتركيه يربيها
مروان:مين الي ما دخلو فيكي
رهف:وصلني ع بيت جوزي
مروان:لا لا مافي
رهف:لكن انا بروح لحالي
مروان:عم تتحديني رهف انتي مانك قد هالحمل
رهف:اي انا رايحه وماني سائلة عنك
وفجاة ضربني كف متل فراق الوالدين طالع الدم من تمي
ماما:مروان
بابا:ليش ضربتى
مروان:طويلة لسان ومنيح انقضت على هيك فوتي بسرعه لجوا وممنوع تطلعي الا ليجي جوزك
رهف:😭😭😭
دخلت للصاله مكسور خاطري امي بلشت تمسحلي تمي وهي على شوي بدها تبكي
ماما:الله يسامحك شو بدو يحكي جوزها هلا
رهف:....
مروان:ما الو عندي شي اختي وقت بدي بدبحها وهي بتعرف ما بسال ازا بيلزم الامر
بابا:ريما جيبي كيس تلج
جابلت كيس تلج وحطتلي اياه على مكان الكف ودموعي متل السيلان ما هديو لو محمد متل مروان كنت زمان تكسرت ما حدا بيطول لسانو عليه قدي وياما حاكيه حكي اكبرمن الي حكيتو لمروان بس ما بيضربني ولا حتى بسمعني حكي هديت شوي وهداك متل لحمار قاعد قبالي ولا حتى اعتذر مني مسكت تلفوني واتصلت ب محمد اخر محاولة ما رد عليي لهدرجه ارتاح مني متل ما بدو
رهف:انا بدي نام بدكن شي
بابا:لا حبيبتي
ماما"نوم الهنا
رهف:تصبحو على خير

وصلنا للبيت وانا لسى عم ابكي وزادو دموعي برا قبل ندخل ع البيت اطلع فيني
محمد :

📚قصص||روايات||منوعة📚

rwayate

شوفي رهف
رهف:والله ما في شي
محمد:ليش حاطه راسك بالارض
رهف:مافي شي
رفعلي وشي وشاف الكف
محمد:مين ضاربك
رهف:ولا حدا
محمد:لك لا تجننيني مين ضربك
رهف:....
محمد:مروان
رهف: ....
محمد:شو الو عندك ليضربك انتي مرتي وممنوع حدا يمد ايدو عليكي لوبيكون ابوكي مو اخوكي
رهف:خلص انقضت على هيك
محمد:بسيطه
رهف:بترجاك لا تتخانقو كرمالي
محمد:خلصيني فوتي
دخلنا سوا وهو القى اخر نظرة عليي ومعصب بزيادة وضرب باب غرفتو وانا عملت تفتيشاتي الخاصه المطبخ ولا كاسه فيه والصاله مرتبه بس ريحه البارفان لسى بالبيت بس هو شاطر مخفي كل الدلائل بس نسي يمسح رقبتو بيفتكر انو متزوج وحدة حمارة لك انا الي بفهم وبعرف كل اساليبك ......
دخلت لغرفتي واتصلت ب رغد لانسى همومي
رهف:اي هاد كلشي صار
رغد:والحفله ما بدك تحضريها
رهف:ما بعرف ليسمحلي محمد
رغد:اترجيه امانه كل رفقاتي راح يكونو
رهف:وانا بجن ازا ما بحضر معكن
رغد:والعمل
رهف:ما بعرف بس ازا ما اجيت اتاكدي اني حاولت وع الفاضي
رغد:طيب ماشي عكرتي فرحتي
رهف:لك لا يا روحي ما بدها كل هاد
رغد:كيف ما بدها
رهف:خلص هيك الله رايد
رغد:طيب ارتاحي انتي ولا تزعلي ازا صرلك شي ما حدا بينفع والكل بيشمت فيكي
رهف:اي صح
رغد:نامي وارتاحي
رهف: تصبحي على خير
رغد:وانتي من اهلو
تاملت مكان الكف ع لمرايا يلا بشوية مكياج بيروح بس وجعو ما بيروح الله يشل ايدك يا زفت والله جوزي ما بيضربني الله يلعنك نمت من قهري من تعبي من وجع عيوني الي عم يحرقوني من البكي.....

#يتبع....

📚قصص||روايات||منوعة📚

rwayate