📚قصص||روايات||منوعة📚

rwayate

#عالَم_آخر_بقلم_رُلى_كوجك
الجزء السادس
@rwayate
جلال: ليلى.. طالبينا.. قومي البسي بسرعة.. حادث خطير
ليلى: الله يستر.. قايمة قايمة
شغل جلال السيارة وانطلقوا على الموقع يلي بعتلو اياه أكرم.. لما وصلوا مكان الحادثة.. كان كل الأطباء موجودين.. قرب جلال..
جلال: يا جماعة بعدولي شوي
طالع الضو يلي بجيبتو وفحص عيون المصاب
ليلى: أكرم.. عطيني المعلومات
أكرم: رجال بعمر ال 30.. في شاحنة كبيرة ضربت بالسيارة.. كان معو 3 شباب وطالعناهم.. بس ماعم نقدر نحركه بسبب القطع يلي داخلة فيه.. في حديدة من ورا داخلة براسو وفي نزيف.. وفي قطعة تانية واقعة على صدرو وكابسة على نفسو.. استجابتو للضوء بطيئة.. بؤبؤ العين عم يصغر ويكبر بشكل ملحوظ.. ايدو ملوية.. مجروح على طرف جبينو بس عقمنا الجرح.. في فتق صغير بالجلد على يمين البطن.. وفي كسر بعضمات الرقبة
ليلى: دكتور جلال.. الدم رح يخنقو.. لازم نتصرف
دكتور جمال: يا جماعة.. السيارة عم تنزل بنزين..
خلال ثواني الشرطة بعدت كل الموجودين
جلال: لككك استنوا.. رح انقذو.. استنوا شوي.. بس 20 ثانية.. رح طالعو.. لا.. لا
فلت حالو جلال من بين ايدين الشرطة.. وركض عالسيارة.. حمل المصاب على ضهرو وهو عم يحاول مايحرك ولا قطعة.. خلال ثواني كانت الدنية كلها دخان ونار.. ما كان مبين شي.. والكل متيقن أنو الدكتور جلال ودع الحياة
ليلى: جلااااااال
______________________
حس عابدين على حركة بالحديقة
عابدين: سمير.. شو هي الحركة يلي برا
سمير: يابيك.. بتكون شي قطة.. رح اطلع شوف

نط الحرامي عالبلكون.. دخل لجوا وهو عم يلهت.. طالع سلاحو ومشي بحذر..
عابدين كان واثق أنو في شخص عم يدخل بالسر.. مسك المزهرية يلي جنبو ومشي باتجاه خطوات الرجال.. بس بثواني.. حس بغباش بعيونو وفقد التركيز
______________________
شرطي: اهدي دكتورة.. اهدي.. هلأ ببين كلشي معانا
ليلى: بسرعة.. اطفوا هالحريق بسرعة
بعد ماخلصت الإطفاء مهمتا.. الكل كان متوتر.. الدكتور جلال شخصية محبوبة بين الكل.. بسبب تواضعو وحتى وسامتو وطريقتو الراكزة بالحكي..
عالأرض.. كان مرمي جلال وجنبو المصاب.. ركضت ليلى وتحسست نبض جلال.. شوي شوي.. كانت عيونو الفيروزية عم تبان
جلال: داني.. داني عم ترن
ليلى: طبيعي كتير هالشي.. الإنفجار صوتو كتير قوي..
جلال: المصاب.. المصاب كيفو
الكل كان بحالة خوف.. لا.. حالة رعب بعد المنظر يلي شافوه.. الحديدة يلي بضهرو كانت مخترقة قلبو وطالعة لبرا.. كتير ممرضات استفرغوا من المنظر.. أما عن جلال.. ما كان قدران يركز.. في كتير أصوات جواتو.. حط ايدو على راسو ووقع بدون ولا حركة
_______________________
عالأرض كان مرمي عابدين والمزهرية مكسورة.. فقد توازنو ووقع.. أما بالنسبة للحرامي.. الحرس مسكوه وهو عم يحاول يفتح خزنة الدكتور جلال يلي فيها كل الأوراق المهمة..
الخادمة ميرا: سميير.. يا سمير.. تعال شوف
ركض سمير.. وأول ماشافت عابدين بهالحالة.. طلب دعم وحملوه كلن عالسيارة.. وطاروا عالمشفى
_______________________
بمشفى الحياة.. جوا الغرف.. في قلوب عم تبكي.. وفي وجوه مبتسمة.. في ناس قتلا الهم.. وفي ناس عم تشكر الله عالشفاء.. والكل عم يدعي للدكتور جلال يلي درب هيك طاقم عالعمل.. لعلَّ دعواتهم تشفيه من مرضو.. مرضو ؟! ليش جلال مرضان أصلاً ؟!
صحي بعد 4 ساعات من المخدر
ليلى: منيح اللي صحيت.. كنت بدي آخدك عالرنين المغناطيسي.. بس قلت آخد رأيك
جلال: لا مافي داعي.. طبيعية الشغلة بعد الإنفج..
قطع كلامو وحكا بلهفة
جلال: المصاب.. شو صار فيه
نزلت راسها ليلى بحزن

برا هالغرفة.. الدكتور مهند والدكتورة سيرين عم يهتموا بعابدين
أكرم: دكتور.. نبضو عم ينخفض..
مهند: الصدمات الكهربائية بسرعة.. عال 200
عالضجة يلي صارت برا.. طلعوا ليلى وجلال..
ليلى: شوي بس.. خلينا نشوف الحالة
أول ماشافوه.. توقفت الدنيا من حولهم.. جلال دفش الدكتور مهند..
جلال: 250 بسرعة
دخلت ليلى وبعدت جلال.. وبدأت بمساج القلب.. ارتاحت وجوه الكل لما رجع نبض قلب عابدين للطبيعي.. بعد جلال عن المكان بدون محدا ينتبهلو.. عيونو مشوشة.. ومو قدران يجمع الأمور.. مشي بعدم توازن وطول ماعم يمشي بهالحالة الكل عم يتطلع عليه باستغراب
دخل على غرفة الرنين المغناطيسي
جلال: بلال.. هالشي رح يضل سر بيناتنا ماشي؟
بلال: ولو يا دكتور..
بعد التصوير.. طلع جلال وهو مهموم.. قعد قدام الكومبيوتر واستنى النتائج.. وصل إشعار بالصورة.. بس هي ماكانت مجرد صورة.. كانت عبارة عن كارثة رح تحرق جلال

يتبع..

📚قصص||روايات||منوعة📚

rwayate

📚قصص||روايات||منوعة📚

rwayate

#عالَم_آخر_بقلم_رُلى_كوجك
الجزء السابع
@rwayate
ليلى: اووف.. ورم خطير
ارتعب جلال ولف لعندها بسرعة
ليلى: مين المصاب؟
جلال: مم مابعرف.. يعني.. هو لمريض هون
ليلى: انت رح تساوي العملية
ابتسم جلال بحزن.. كيف رح يقدر يساوي عمليتو بنفسو
جلال: لا مو أنا
ليلى: ليش؟
جلال:ما بقدر
ليلى: اووف.. غريب.. مين بدو يساويها لكن؟
جلال: انتي
هرب من عيونها وطلع برا الغرفة بسرعة.. ودمعة معلقة بين رموشو.. محتارة.. تنزل وتبين ضعفو.. ولا تبلع حالها وتخلي صورته قدام الكل بتمثل القوة.. طلع لبرا المشفى وركب سيارتو.. مشي باتجاه البحر وقعد عالرمل..
جلال: عندك مكان تستقبل همومي؟ ليش هيك حياتي.. ايمت بدها تستقر.. ايمت بدي حس حالي عايش متل هالخلق كلن؟! رح اختنق أنا.. يا ترى رح يجي اليوم يلي رح أسس فيه عيلة هادية وحلوة بعيد عن المشاكل؟! رح يجي اليوم يلي عيش فيه بدون ولا حادثة؟! مابظن في حدا بالعالم متلي.. الهموم ركبتني من طفولتي ولهلأ ماعم تعرف تروح عني.. هههه شكلا حبتني.. شو رأيك انت؟ مارح ترد.. طيب شكلك مزعوج مني كتر مابشكيلك.. يلا.. سلام يا صاحب اللون الأزرق..
وقف من عالرمل ونفض بنطلونو.. رجع مسك المفتاح ودخل عالسيارة.. ودموعو سابقتو لتبلل السبيل يلي عم يمشي عليه
_______________________
ليلى: كيفو المريض عابدين
أكرم: دكتورة المريض حالتو مستقرة وقيمو طبيعية كتير.. اليوم المسا بيطلع..
ليلى: طيب فيك تنصرف
قبل مايروح أكرم سمعو صوت رصاص من برا.. ركضوا لبرا المشفى ليشوفوا شو صاير.. كان في رجال بعمر ال 30 حامل المسدس وموجهو عالسما وعم يهتف بصوت عالي
- بعدو من هون.. لككك أنا بدي اقتلكن كلكن.. بدي خليكن عبرة لكل الناس.. لكك انتوا كلاب.. والله لامسح فيكن الأراضي.. وين المالك هون.. وينو
كانت ليلى مرعوبة من يلي عم يصير.. مو بس ليلى.. بل كل طاقم المشفى يلي برا مرعوب.. قربو ناس من الأمن لعندو بس هو صرخ
- والله بقتلكن.. معي قنبلة.. بفجر حالي وبفجركن

من بعيد.. عم تمشي بخطوات سريعة أقرب للركض.. عيونها الفيروزية عم تشع بقوة.. أول ما وصلت قدام المشفى كانت وراه لهداك الرجال.. رمت شنتة ضهرها عالأرض.. وطالعت مطاطة شعر من جيب جاكيتها الجلد.. ربطت شعرها البني الفاتح المموج.. طقت أصابع ايدها.. وصفرت بصوت عالي.. التفت لعندها هداك الرجال و وجه سلاحو فوراً عليها..
- مين انتي
+ ممم عزرائيلك
الكل كان مصدوم بهي البنت الضعيفة كيف ممكن تواجه رجال بهالضخامة.. والكل كمان كان متأكد انها رح تتهشم بين ايديه لو ضربها.. عدا عن أنو متفجائين بالجرأة يلي عندها.. لأنو محدا استرجى يقرب..
- مين انتي.. وشو الك علاقة هون
+ هههههه مالي علاقة بشي.. بس بينادوني عزرائيل.. فيك تناديني هيك انت كمان
كانت عم تحكي وهي عم تقرب منو
- ما ناقصني غير ولاد صغار.. حاج تقربي وإلا بقتلك
+ جرب.. ما مشكلة
- والله بقتلك
+ عم استنى هالشي.. يلا
خرطش المسدس.. بس قبل ما يرفعو رفست ايدو برجلها.. ووقع السلاح بعيد.. فوراً قربوا رجال الأمن وسحبوا المسدس.. لكمتو لكمة قوية على صدرو وبعدين على وجهو.. لدرجة أنو وقع عالأرض وهو موجوع.. رجعت ضربته على انفه وكانت عم تصد كل ضرباتو باحترافية.. وكأنها مصارعة خبيرة لأكتر من 20 سنة.. مسك القنبلة بين ايديه.. شال الحلقة يلي فيها ورماها جنبو.. كل يلي واقفين ارتعبوا وصاروا يركضوا بأرجاء مختلفة.. إلا هي الدخيلة يلي اجت من شوي.. مسكت القنبلة بسرعة ورمتها ناحية الحديقة يلي جنب المشفى.. أول ما رمتها انفجرت فوراً.. وقبل ما يعمل حركة هداك الرجال.. رفستو على وجهو وخلتو يوقع وهو مغمى عليه..
مسكت شنتاية ضهرها يلي عالأرض.. حملتها ومشيت لبعيد من مكان ما اجت
الكل كان مصدوم بهالبنت القوية يلي قدرت بثواني تنقذ الموقف..
صفر أكرم تصفيرة قوية وهمس لنايا يلي جنبو
أكرم: حلوة.. حلوة وقوية..
ضربتو نايا على رجلو بغيظ
نايا: العمى شو وقح.. عم تحكي هالحكي قدام خطيبتك
أكرم: لك شفتي عيونها كيف مشعة بالظلام؟ سحر
نايا: أكيد عدسات
مها: لا وحياتك.. أنا بعرف شكل العدسات كيف بكون
___________________________
كان جلال ماشي بالسيارة بسرعة باتجاه المستشفى وهو مو منتبه..
أما عن هديك البنت.. كانت عم تفك ربطة شعرها لتخليه ينزل على ضهرها وهي عم تقطع الشارع.. ضرب جلال فرام قوي لما انتبه عليها بآخر لحظة.. ولما نزل.. كانت ملامحها جامدة ولا كأنها كانت رح تندعس لولا لطف الله
جلال: انا بعت
بعد ما شاف عيونها وقف شوي بعدين كمل الكلمة
جلال: ذر (( بعتذر ))
هو شايف هالعيون المميزة من قبل.. بس وين..
وهي بدون مبالاة.. هزت راسها وكملت قطع الشارع.. بدون ما تهتم لجلال
جلال: ياربي.. هالعيون أنا شايفها.. متأكد كتير.. بس وين

📚قصص||روايات||منوعة📚

rwayate

قبل 20 سنة
(( مسك جلال الصورة بين ايديه وهو مستغرب كتير من لون عيون الطفلة يلي
جلال: هههه عيونها كتير حلوة
قلب الصورة من ورا وشاف شو مكتوب بالانجليزي (( جراح.. هي بنتنا أيلول.. تعال بسرعة على أميركا مشان تشوفها ))
عقد حواجبو جلال وقدر يستنتج كلشي.. الشغلة مابدها ذكاء
دخل جراح (( أبو جلال )) عالغرفة وتفاجأ بجلال ماسك الصورة.. سحبها بسرعة من بين ايديه وهو متوتر ))

الآن
جلال: معناها.. هي اختي أيلول !
رجع ركض لعندها.. أول ما قال أيلول لفت لعنده بسرعة.. وهي متفاجأة.. لأنو مافي حدا بيعرف اسمها الحقيقي..
جلال: هي انتي يعني
- شو عم تخرف انت.. أنا ماني أيلول
جلال: لكن ليش لفيتي وقت ندهت بهالاسم
تلبكت شوي بعدين حكت
- لأني بحب هالاسم مو أكتر
رجعت لفت ومشيت مرة تانية.. أما جلال كان بدو يلحقها بس خاف الناس يفكروه عم يزعجها.. راح للسيارة ولسا عقلو مشوش.. قبل مايدخل عالسيارة انتبه لمطاطة شعر سودة عالأرض.. مسكها و تفحصها.. مرسوم عليها جمجمة صغير وتحتها مكتوب بخط صغير أيلول..

كانت أيلول عم تمشي بعصبية أنو حدا قدر يكشفها.. حطت ايدها جوا جيبها.. ووقفت فوراً..
أيلول: وين المطاطة.. اوووف يا.. رجعت لفت بطريقها لنفس المكان حتى تدور عليها وهي مزعوجة

يتبع..

📚قصص||روايات||منوعة📚

rwayate

📚قصص||روايات||منوعة📚

rwayate

#عالَم_آخر_بقلم_رُلى_كوجك
الجزء الثامن
@rwayate
ماسك المطاطة بايد والايد التانية عم يسوق فيها.. مافي دقايق و وصل عالمشفى.. نزل من السيارة وكانت لسا الناس متجمعة وعم تحكي بموضوع واحد.. قرب من أكرم ونايا وسألهم
جلال: شو صاير هون؟!
أكرم: اجت بنت.. شو بنت يا دكتور.. عيونها سحر
جلال: هلأ يعني انتوا متجمعين هون مشان هالبنت.. احكي بوضوح ياولد
نايا زورت أكرم بعدين حكت
نايا: دكتور جلال.. صارت حادثة من شوي.. واحد ماسك سلاح وعم يهدد الكل وكان معو قنبلة.. والكل كان خايف.. واجت بنت ضربتو باحترافية ورمتو عالأرض.. شلف قنبلة قامت هي مسكتها وزتتها لبعيد.. مابدها كل هاد
أكرم: لا بدها.. انتي بعمرك شفتي عيون فيروزية هيك ؟ لكك هدول ما بتشوفيهم غير عند الأجانب.. حتى الأجانب ماهيك بتكون عيونن.. دكتور جلال.. عبونها بتشبه عيونك بالزبط.. نفس اللون
جلال فوراً عرف أنو عم يحكي عن أيلول.. كان بدو يضربو لأكرم لأنو عم يحكي عن اختو.. بس تملك حالو.. بأي حق أصلاً رح يضربو مشانا.. لسا ما تأكد 100% انها اختو
________________________
مشطت المنطقة أكتر من مرة وهي عم تدور على المطاطة.. ضربت الارض برجلها وهي منغاظة
أيلول: آاااخ منك أيلول آاااخ .. حافظتي عليها 20 سنة وهلأ ضيعتيها.. اوووف يا
دارت المنطقة مرة أخيرة بعدين مشيت
_________________________
ليلى: ممرض بلال
بلال: أهلا وسهلا دكتورة.. نورتي الغرفة
ليلى: تسلم.. بدي اسألك سؤال
بلال: تفضلي
ليلى: الصبح كان الدكتور جلال هون ومعو صورة رنين مغناطيسي.. بعدين طلع وهو متوتر.. بدي أعرف لمين هي الصورة
بلال: يادكتورة بتعرفي انتي أنو هي أسرار وما بحقلي قلك
ليلى: أنا لازم أعرف مين هالشخص.. لأني أنا يلي رح اعملو العملية
حكا بلال باندفاع
بلال: انتي يلي رح تعملي العملية للدكتور جلال؟!
ليلى: الدكتور جلال!!!
بلال ضرب راسو بخفة ونزل عيونو عالأرض دليل على أنو حكا بالغلط
ليلى: الدكتور جلال في ورم بدماغو؟!!!
هز راسو بلال بالإيجاب.. سكتت شوي بعدين حكت
ليلى: كيف بتسمحولو يفتل هيك عكيفو.. لااازم يرتاح قبل العملية
____________________________
عم يتمشى بالحديقة بدون هدف.. ضايع وعم يفكر بالورم يلي مختل دماغو
جلال: هههه هلأ الورم بكون عم ياكل راسي.. جراح دماغ في ورم بدماغو..
وهو ماشي.. شاف تنين عم يضربوا بعض.. بعدين واحد منهم طالع سلاحه و وجهه عالتاني
- يا كلب بدك تسرق مصاريي مني
قبل ما يقرب يفك بينهم.. لمح أيلول من بعيد جاية بخطوات أقرب للركض.. شلفت شنتة ضهرها عالأرض.. طالعت مطاطة سودة من جيب جاكيتها الجلد وضبت شعرها المموج ديل حصان.. طقت أصابع ايدها بعدين صفرت تصفيرة طويلة وعالية.. والتنين التفتوا عليها
- ما تدخلي بشي ما بيعنيكي.. بدك تطلبي الشرطة روحي اطلبي.. مابهمني
أيلول: لا بدي اطلب حدا تاني
- لا يكون بدك تجيبي أخوكي 😂
أيلول: ما حزرت
- خلصينا.. مين
أيلول: عزرائيل
هجمت بسرعة عليه.. كان جلال خايف عليها.. حجمها مستحيل يسمحلها تطارد هاد الرجال.. اجا ليقرب بس تفاجأ فيها.. مسكت ايدو ولوتها و أخدت السلاح من ايدو.. ضربتو فيه من ورا و وقع مغمى عليه.. ما انتبهت لجلال أبداً.. عيونها الفيروزية ماعم تشوف غير القوة والنصر.. طالعت محرمة من جيبها ومسحت السلاح وحطتو عالأرض مشان تمحي بصماتها.. اخدت شنتتها يلي عالأرض ومشيت لبعيد مكان ما أجت وهي عم تشيل المطاطة من شعرها لينزل بحريِّة على ضهرها.. طالع جلال المطاطة من جيبو.. تفحصها شوي بنظرو بعدين ابتسم
________________________________
كانت ليلى جامعة عدد من الممرضين قدام المشفى.. أول ما قربت سيارة جلال قربوا لعندو..
مشي جلال لعندهم بتساؤل
جلال: خير.. في سيارة إسعاف عالطريق؟ في حادث؟!
ليلى: لا مافي.. بس رح يصير في.. يلا شباب.. خدوه
جلال: مين يلي ياخدوه.. بعد ايدك أكرم.. لكك بعدو..
مسكوه تنين وثبتوه.. وليلى ضربتو ابرة خلتو يوقع مغمى عليه.. حطوه عالنقالة ودخلوه لجوا
_______________________________
دخلت عالقصر وهي مرهقة.. من مبارح مو نايمة وخلصت 4 عمليات ورا بعض.. دقت الباب ودخلت بعد ما سمعت الإذن
أيلول: سيدي.. خلصت ال 4 عمليات يلي عطيتني إياهن
- بهالسرعة ؟
أيلول: انا هيك بشغل
- ما غلطوا وقت قالوا عنك عزرائيل
أيلول: اي هيك بظن.. بكرة دور مين
- عابدين القبطان
________________________________
ليلى: دخلوه عالعمليات بسرعة
أكرم: مو لازم ناخد موافقتو بالأول؟
ليلى: انت منتظر من الدكتور جلال العنيد يوافق؟!
نايا: بهي معك حق
ليلى: يلا بلا حكي كتير .. بدي فعل

يتبع..

📚قصص||روايات||منوعة📚

rwayate

📚قصص||روايات||منوعة📚

rwayate

#عالَم_آخر_بقلم_رُلى_كوجك
الجزء التاسع
@rwayate
ليلى: الحمدلله العملية ما كانت صعبة كتير.. قدرنا نتخطاها
جلال: بدي افهم.. انتي كيف عرفتي.. أكيد هداك بلال حكالك مو
ليلى: لك انت فيك شي.. هي خلصنا العملية وريحناك
جلال: اووف يا.. كيفو جدو
ليلى: تمام مافي شي.. اليوم رجع عالبيت
_______________________________
عابدين: يا شباب.. في شخص عم يلاحقني من أنا وبالمستشفى.. وهو نفسو يلي كان بدو يدخل عالفيلا.. شددوا الأمن أكتر.. عطيني سلاح من عندك ياولد
- بتعرف تستخدمو يابيك ؟!
عابدين: لك أنا بعلمك وبعلم أبوك كمان.. هات لشوف
______________________________
بغرفتها عم تبحث أكتر عن عابدين القبطان.. مين هو.. شو بيشتغل.. وين عيلتو.. بس للأسف ماطلع معها شي.. عابدين القبطان ميت من أكتر من 30 سنة.. قامت بسرعة متوجهة لغرفة الكبير
أيلول: سيدي.. أنا عملت بحوثاتي وتوضحلي أنو الشخص المستهدف عابدين القبطان ميت من أكتر من 30 سنة بجلطة قلبية
- هههههه توقعتك أذكى من هيك.. يعني أنا عم اعطيكي مهمة لشخص بالقبر مثلاً؟!
أيلول: هاد يلي مستغربة منو
- مع اني مابحب اشرح لحدا بس رح احكيلك.. عابدين القبطان هو شخص بيشتغل عنا من زمان.. بالبداية ما كان رضيان يشتغل معنا........
_______________________________
// أميركا //
- How are you dear
(( كيف حالك عزيزي ))
+ I am fine.. We need to finish everything before the police come
(( أنا بخير.. يتوجب علينا إنهاء كل شيء قبل وصول الشرطة ))
- I'm trying.. but there are many files should be checked before we leave
(( إنني أحاول.. ولكن يوجد الكثير من الملفات يجب أن ندققها قبل أن نغادر ))
+ Ok.. faster
(( حسناً.. أَسْرَعْ ))

________________________________
// اسطنبول ، تركيا //
- Polis geliyor, Çok hızlı
(( الشرطة قادمة، بسرعة ))
+Burada kalacağız, Sen git
(( نحن سنبقى هنا، انت اذهب ))
- Tamam , Dikkatli ol
(( حسناً ، كونوا حذرين ))

________________________________
// المانيا //
- Schnell alles beenden
(( انهوا كل شيء بسرعة ))
+ Wir werden sterben, wenn sie uns erwischen
(( سنموت إن أمسكوا بنا ))
- Mach dir keine Sorgen
(( لا تقلق ))

________________________________
أيلول: يعني انتوا سجلتوه أنو ميت
- اي
+ سيدي.. في خطأ بالموضوع.. كل أنظمتنا عم تدمر.. انكشفت منظماتنا السرية بكل أنحاء العالم.. حالياً قبضوا عالمنظمات يلي باسطنبول وألمانيا.. آنسة أيلول.. المنظمة يلي بأميركا يلي فيها امك كمان كشفوها..
أيلول: كييف
+ سيدي مقراتنا عم تنكشف واحد ورا واحد.. لازم نطلع من هون بسرعة.. في عميل بيناتنا
_______________________________
عابدين: وهي انقلبت الموازين جلال بيك.. هي صرت انت عالتخت و انا عالكرسي
جلال: بإذن الله مارح تقعد على هاد التخت أبداً
عابدين: تعا لهون ولا.. هلأ هلأ بدك تكملي.. شو صار بعدين
(( من 10 سنوات ))

بعد ما سمعت القصة كاملة من ليلى انبهرت.. هاد الشي بس شفتو بالمسلسلات
ضلينا 10 أيام متواصلين بالجزيرة.. محدا بيعرف عنا.. منصيد سمك ومنشويه.. مر يومين كمان وهون أنا تذكرت شغلة
جلال: لك يا شباب نحن ليش ماشفنا شوفي جوا السفينة.. بركي منلاقي شي بفيدنا..
دخلنا عالباخرة ونحن خايفين شوي
- جلال بيك.. مو معقول.. ليك هون في لاسلكي.. بس بدو بطاريات
جلال: عطيني اللاسلكي القديم يلي معك..
فكيت البطاريات منو وحطيتها باللاسلكي القديم.. يلي تفاجأنا منو انو اشتغل.. صرنا نصرخ بأعلى صوتنا
عالطرف التاني
- سيدي.. اللاسلكي يلي بالباخرة القديمة عم يطلع منو أصوات
+ شو عم تحكي انت.. صرلنا قرون عم نستنى إشارة وهلأ اجت.. عطيني احكي معهم.. مركز البيخان عم نسمعكن
جلال: نحن هون بمكان السفينة.. لازم حدا يجي ينقذنا وإلا رح نموت
+ انت منذر؟؟
جلال: لك مين منذر يا زلمة.. منذر أكيد ميت من زمان.. نحن اضطرينا نلجأ لهي الجزيرة بعد اشتباك كبير.. نسيت عرفك.. أنا جلال القبطان
+ تشرفنا فيك يا سيد جلال.. أبوك كان بشراكة معنا من قبل.. بس.. للأسف المنطقة خطيرة كتير.. ما منقدر نبعت أي سفينة من عنا إلا لتخبرنا عن الوضع
جلال: لا تخاف مافي من يلي ببالك.. كلو تمام هون
+أمرك جلال بيك
الآن
جلال: وبالفعل بعتوا سفينة لعنا وأنقذونا.. وحالياً هي الجزيرة تحولت لمكان سياحي مكتظ بالناس.. بسبب الثروة الزراعية والمي العذبة والمناظر يلي فيها.. بعدها بفترة قررنا ننتقل عتركيا لأنو هنيك ماعاد في أمان.. درست الطب وفتحت مشفى كبير.. مشفى الحياة يلي هلأ نحن فيه
عابدين: أحداث ولا بالقصص..
جلال: اي وانت شو صار معك
عابدين: ماصار شي.. بعد ماطلعت من عندك صاروا يلحقوني.. وليكني من دولة لدولة عم اهرب

يتبع..

📚قصص||روايات||منوعة📚

rwayate

📚قصص||روايات||منوعة📚

rwayate

#عالَم_آخر_بقلم_رُلى_كوجك
الجزء العاشر
@rwayate
أيلول: يا سيد.. انت اطلع بسرعة.. وأنا رح اتولى الأمر هون.. اتركلي بس 2 من الرجال وأنا بحل الباقي
السيد: مابهمني شي.. المهم اطلع من هون بأمان
بعد ما طلع السيد من المكان.. طلعت لبرا أيلول هي والرجالين لبرا ليتفقدوا الوضع.. بس 3 رصاصات غدارة كانت كفيلة لتوقعهن بأرضن
_________________________________
- مريضة مهمة كتير.. بالعشرينات.. كل القيم طبيعية.. الإصابة بالكتف.. المريضة فقدت وعيها من 5 دقايق تقريباً.. دكتور جلال نحن منوثق فيك.. لازم تنقذ المريضة لأنها بتعرف معلومات رح تفيدنا كتير
دكتور جلال: نحن بخدمتكن حضرة الملازم
من بعيد كانت عم تدخل نقالة.. ركض الدكتور جلال لعندها هو والملازم..
دكتور جلال: في أي مشگ--
بس أول ما وصلو انصدم جلال
جلال: أيلول!!
الملازم: بتعرفها
جلال: - - - - - -
أكرم: دكتور لازم ندخلها عالعمليات بسرعة
__________________________
جلال: حضرة الملازم طالعنا الرصاصة والوضع مستقر.. فيكن تستلموا المريضة بعد أسبوع.. ومارح تصحى لبكرة..
الملازم: بعتذر دكتور جلال بس انا مضطر آخد إفادتك
جلال: إفادتي أنا؟!
الملازم: اي حضرتك تعرفت على اسم المتهمة.. أكيد بتعرف عنها معلومات
____________________________
جلال: عم قلك مابعرف.. هي البنت مرة اجت لعنا وكان معها ورم بالدماغ ونحن استأصلناه.. يعني بعرفها بس من عملي
المحقق: ما لقيت شي بيثير الشكوك بخصها
جلال: لا أبداً
المحقق: طيب فيك تنصرف.. والتحقيق مستمر.. ممنوع تطلع برا البلد
جلال: يا حضرة المحقق عم قلك إني مابعرفها للمريضة
المحقق: فيك تطلع لبرا
_____________________________
أيلول: اوووف ياراسي
- هههه توقعتك تصحي متل المسلسلات.. يعني أول ما تفيقي تقولي وين أنا
أيلول: مابدها كل هالذكاء يا استاذ.. هو الصراحة لما شفت وجهك كنت مفكرة حالي بالقبر وعم اتعذب.. بس لما شفت الممرضة عرفت اني بالمشفى
دكتور جلال: من ناحية عذابك بالقبر هاد شي أكيد.. بس من ناحية أنو أنا وسيلة التعذيب فهاد شي خاطئ.. أنا وسيلة الإنقاذ
أيلول: المشكلة كان بدي اضحك بس خايفة تنفك القطب
أشر جلال لنايا تطلع لبرا.. بعد ما طلعت نايا اطلع جلال بأيلول
أيلول: بدي ارتاح.. فيك تطلع دكتور
جلال: مافي داعي تناديني دكتور
أيلول: عفواً..
جلال: فيكي تناديني أخي
أيلول: هههه أخي في الإسلام مو
جلال: مارح تعب حالي أكتر
طالع ورقة من جيب مريولو وعطاها إياها
جلال: تحليل DNA النتيجة 99.9
أيلول: هههه انت شرطي شكلك.. وجاية عأساس انك اخي ومدري شو مشان تستدرجني.. روح من وجهي
كان جلال عرفان أنها شاكة وعم تحاول تبين أنو مو فارق معها.. لهيك قرر يعمل خطة بسيطة
_______________________
أيلول: وين غرفة الدكتور الجلال
الممرض: الطابق الخامس غرفة 604 بس من شوي دخلت لعندو ولقيتو نايم
أيلول حكت بعقلها: هاد يلي بدي اياه أصلاً
أول ما وصلت عالغرفة لقتو نايم.. قربت من عندو وسحبت كم شعرة بخفة وحطتن بالكيس.. وطلعت بسرعة قبل مايحس عليها.. فتح عيونو وابتسم ابتسامة خفيفة
جلال: قالولي عنك ذكية يا اختي.. ما توقعت تمشي عليكي هالخطة
فلاش باك
أيلول: وين غرفة الدكتور الجلال
الممرض: الطابق الخامس غرفة 604 بس من شوي دخلت لعندو ولقيتو نايم
أيلول حكت بعقلها: هاد يلي بدي اياه أصلاً
طالع الممرض تلفونو وعمل اتصال
الممرض: جلال بيك.. الآنسة أيلول متوجهة لعندك
جلال: قلتلا اني نايم
الممرض: اي قلتلا

يتبع..