الجزء الأول 💙
@rwayate
يوسف.... ياربي السياره عم تحمى كتير لازم وقف بشي مكان وريحها ...
مجدي.. اي هلاء كمان شي ربع ساعه رح نلاقي استراحة الغجر
يوسف.. اي والله هون في غجر بهاي المنطقه
مجدي.. اي ليش مابتعرف ولا مره فتت للاستراحه وحضرت حفله للساحره الغجريه يلي بتغني وبترقص هنيك
يوسف. . لا والله بتعرف ما بسافر بر كتير
مجدي. . اي يلا وصلنا رح نرتاح هون لبكره الصبح
يوسف.. اي يلا رغم اني ما بحب الغجر ولا بحب الاغاني وهالقصص بس رح شوف
مجدي.. ههههه هلاء منشوف خااي هههه يلا يلا
_________
دخل يوسف هو ومجدي على الاستراحه ...
يوسف ... شو هاد الجو غريب علي
مجدي.. اي اي انت مو من هيك ناس بعرف يلا تعال نقعد هون
_________
جلس يوسف ومجدي على مجلس عربي واجت صبيه صغيره حطت قدامهم مي ومناديل... وسألتهم ازا بدهم يتعشو
يوسف.. يسلمو ايديكي
مجدي.. اي بدنا عشى مرتب من ايدين ابوكي المرتبين يلا
.....
يوسف.. هههه شكلك متعود على الجيه لهون
مجدي. . لك اااخ بس قلبي يلي بجيبني مو انا
لك انت بس تشوف جوريه رح تعرف شو يعني انثى
لك طاااغيه بجمالها وانوثتها
يوسف عم يضحك ويشرب مي وبنفس الوقت دخلت
جوريه على الاستراحه مع عزف من عازف الطبله والعود
وبلشت ترقص بين الطاولات وتغني وخلخالها يهز الارض .. بهاي اللحظه تشردق يوسف وضل يسعل ....
وقفت جوريه الغنيه .. وراحت لعند ليوسف
جوريه... يي وش بلاك يا استاذ صحه صحه
مجدي... تسلمي ست جوريه
يوسف .. اخد نفس وماحكى ولا كلمه عيونو ظلت معلقه بعيون جوريه
جوريه.. وش بلاك انت ما تعرف تحكي هههههه لسانك أكله القط
يوسف. .. لا لا بحكي .. يسلمو كلك زوء
جوريه.... هههههه تسلم يا استاذ
راحت جوريه تكمل غنيتها ورقصتها
غنت وماشالت عينها عن يوسف وهو كان قلبه بيخفق
وعيونه بتلمع لمعه قويه كتير هاي اللمعه كانت متل اعلان انه وقع بغرام جوريه
....
مجدي. لك شو مالك ليش هيك سرحان وهيمان ليكون وقعت ابو شريك
يوسف.. لك شوووو هاي عنجد هاي متل باقي البنات لك لا لا فيها سحر وجاذبيه شي هيك بشد الروح شد.. اااخ
مجدي. هههه شفت قلتلك طاااغيه انوثتها طاااغيه
.....
نامو يوسف ومجدي مكانهم على الفرش العربي...
اجت جوريه.. وجابت معها غطى للشباب
جوريه.. شو يا استاذ بدك تنام من غير غطى بهاد الجو البارد..تفضلو
يوسف. اسمي يوسف يسلمو هالايدين يارب
جوريه... عاشت الاسامي يا يوسف
وابتسمت جوريه وراحت
مجدي. .. هههه مات رفيقي خلص هههه
يوسف.. قلبي عشقها وهو عمره ماعشق قبل
مجدي... اااخ صرنا تنين
يوسف. انت خبرتها انك عشقتها شي
مجدي. .. لك الف مره وكل مره تضحك وتقولي قلبي مسكر بمفتاح انسى وارتاح
يوسف.... ااه هيك انا خايف لكن مارح خبرها
....
تاني يوم
صحيو الشباب وشربو شاي وفطرو وحضرو حالهم للسفر
لتركيا..
يوسف... كان نفسي اشوفها قبل لنمشي يلا خلص
مجدي... خلص واحنا مروحين
ركبو بالسياره وكملو طريقهم لتركيا
.....
يوسف... بتعرف مو حابب اعمل شي خلص بدي احجز طياره وروح
مجدي ... لك انت مجنون والسياره واجازتنا لسى هلاء وصلنا
يوسف... ما عندي مزاج لشي وحتى الشغل انت كمله رح اخلي معك السياره انت معك وكاله عامه مني صح
مجدي ... اي بس هيك بزعل والله مو حلوه هالحركه
خليك وبكره منروح بس نرتاح
يوسف... اوووف ماشي
طلع يوسف يتمشى الجو بارد ومو جاي على باله يعمل شي عم يتخيل وجه جوريه وهي تغني
طلعو تاني يوم ولما وصلو لاستراحة جوريه
يوسف... مابدي وقف هون
مجدي. . ليش لازم نرتاح
يوسف.. مابدي شوفها مابدي
مجدي ... له له شو انت صغير يلا وقف خلينا نرتاح وناكل لقمه ما رح انام منروح
وافق يوسف ونزلو وما شاف جوريه
مجدى سأل ابو جوريه عنها
مجدي. .. شو عمي ابو جوريه مافي فقرة جوريه اليوم
ابو جوريه ... لا والله جوريه مريضه وعليها حراره
مجدي.. خير يارب جبتولها دكتور
ابو جوريه.. لا والله اعطتها الام الكبيره شربة اعشاب بكره بتكون احسن
مجدي... رفيقي يوسف طبيب عام ممكن يفحصها ويطمنكم عليها
يوسف.. بصوت واطي ... لك مجدي اسكت
ابو جوريه... ماشى يا ابني تفضل من هون خيمة جوريه
يوسف قلبه بيخفق وايدي بترتجف .
ابو جوربه... يا جوريه يا بنتي هاد الدكتور يوسف يريد يشوفك ويفحصك
جوريه نايمه من كتر الحراره وبتهلوس كمان
قعد يوسف جنب فراش جوريه وحط ايده على جبينها لقها سخنه
يوسف .. حرارتها كتير مرتفعه لازم نجيب مي مثلجه بسرعه مجدي جيب شنطتي من السياره بعد ازنك
فحصها يوسف وهي نايمه وهو قلبه معها
ضل يوسف نايم جبنها على الارض وكل شوي يغيرلها كمدات المي البارده هيك للصبح نام يوسف من التعب
فتحت عيونها جوريه
جوريه ... يابعد قلبي انت رجعت كيف جيت
يوسف... فتح عيونه وهو مصدوم شو حكت
يوسف. نعم جوريه هلاء انتي شكلك احسن
جوري.. اعتذر منك بس انت نسخه عن حبيبي الله يرحمه و من شفتك قبل يومين قلبي جن وعقلي طار
يوسف... اه انتي مريضه من زعلك لانك تزكرتي حبيبك صح