📚قصص||روايات||منوعة📚

الحظ الأسود
هلا غربالي
:معتز : ليش بقيتي هون , روحي ارجعي لعند زوجك
ريتاج : ما معقول تحاسبني على هيك شي, قلتلك ما كان عندي حل , لو انا يلي متت , ما كنت رح تتزوج علي
معتز : لا ما كنت رح جيب مرة اب لابني و كنت رح ربي ابني لحالي بس انتو جنس خوان , و حتى لو متت ما شفتك زعلانة علي شفتك مكملة بحياتك و لاكانو صار شي و لابسة قميص النوم ....لك كل ما بتذكر منظرك و منظرو بقرف .....بنص بيت اهلي لك ما احترمتي الذكريات عالاقل
ريتاج (تبكي): طيب معك حق تزعل ما رح اضغط عليك كتير خود راحتك لتزعل رجعتك عندي بالدنيا كلا
معتز : يا ريت ما رجعت يا ريت , يا ريت كنت من يلي ماتو و لا شفت يلي شفتو , ما بتعرفي اديش انهنت و انذليت و تعبت و ما غبتي عن بالي لا انت و لا ابني يلي ما شفتو , توقعتك ناطرتيني متل ما انا كنت ناطر لارجع شوفكن
ريتاج : لو بعرف انك كنت اسير كنت نطرتك العمر كلو و ما مليت بس حط حالك محلي اهلي تركوني و رهنو بيتن و سافرو و اخوك عند بدو حصتو من البيت و هو يلي جبلي العريس, معتز خلص صفحة سودا و خلينا نطويا من حياتنا الله يخليك و خلينا نسافر و نطلع , معي مصاري بطلعونا من هون
معتز : ما رح اطلع لمحل و من بكرا ارجعي لبيتك و زوجك
ريتاج ك حاج بقا تقلي زوجك
معتز : وطي صوتك نحن ببيت اخي
ريتاج : قول انك ما بدك اياني , ما تتحجج باي حجة , قول لاخد ابني و ارجع هلا
معتز : معتز بيبقى هون مع ابوه ما مع رجال ما معروف ملتو و اصلو ,ارجعي لحالك
ريتاج : طيب منيح كتير , هلا انت موجود و انت ابوه و ربيه انت و انا بدي سافر لعند اهلي
معتز : خير ما بتعملي
ريتاج : اممم مستحيل هيدا انت تكون معتز يلي عرفتو و عشت معو , شكلك متت فعلا و ماتت الرحمة بقلبك .....يلا انا رح نام هون و خود ابنك نيمو جنبك من اليوم..و اخيرا:نمت على تخت تاني و بقت طول الليل عم ابكي على الساكت , ترجيتو ما فيه الكفاية ما بقا بدي ذل حالي اكتر من هيك لانو ما رح يقدر الظروف يلي مريت فيا , و تحملت كتير و ما قدر و علق فيني بدل ما يعلق باخوه يلي كان بدو يزتني بالشارع انا و ابنو , ما قدرت نام هديك اليلة و فقت على وجه الصبح صليت و حمدت ربي و دعيتو لترجع المودة و لرحمة بيني و بين زوجي , فاق الصبح معتز و نزل يعيش حالو من جديد على الورق , و كان سلفي عم يحاول يتفاهم مع طارق كرمال يطلقني و طارق معند و انا معندة انو ما ارجع لعندو ابدا حتى لو معتز ما بقا بدو اياني, مرت 3 ايام و نحن قاعدين عند بيت سلفي بعد ما طلبت من سلفي يسالي شيخ شو لازم نتصرف هلا ,خبرني انو بحقلي اطلق من طارق و ارجع لزوجي الاول بعد ما اعمل عدة من طلاقي الاول , كان الشي يلي زاعجني هو سكوت معتز و تجاهلو الي , ما كنت عارفة بدو اياني الا لا , بس هو كان بعالم تاني عم يعيش الصدمة لحالو ,و انا كنت عم حاول اسحبو من هالعالم و رجعو الي , كان شي اقرب للمستحيل ,مدت اقامتنا 10 ايام عند بيت سلفي فقد الامل طارق من رجوعي و نزل طلقني بالمحكمة و انا فقت تاني يوم الصبح , كان معتز فايق و قاعد بتختو
ريتاج : لايمت بدنا نضل عند بيت اخوك , انا بلشت ادايق عنن ,انا رايحة ضب تيابي و تياب معتز من بيت طارق و بعدين رح .......
معتز : ايه و بعدين ؟
ريتاج : رح شوف كيف رح اطلع لعند اهلي لانو مستحيل ابقى هون , ما ضللي حدا و هاي انت جيت و اخدت ابنك
معتز : اعملي يلي بدك اياه
ريتاج : ......
لبست و نزلت من بيت سلفي انا و عم ابكي , اخدت تكسي و رحت على بيت طارق , فتحت الباب بالنسخة يلي معي و فتت ضبيت تيابي بشنتة و تياب معتز بشنتة تانية انا و عم ابكي و اطلع بزوايا البيت و رجعت لبيت سلفي , شاف اسامة الشناتي فكرنا بدنا نبقى عندن , تكركب و تغيرت ملامح وجهو , ضمنتو بسرعة
ريتاج : انا رح ابقى عنكن هاليومين بس لسافر
اسامة : لوين؟
ريتاج : لعند اهلي
اسامة : و معتز و ابنك ؟
ريتاج : ما بعرف رح يبقو هون يمكن
اسامة : طيب طولي بالك انا رح حكيه هلا
ريتاج : لا ما تعذب حالك , خلص نحن قررنا هيك
انا كنت مستحيل سافر و اترك ابني يلي ضحيت بكل شي كرمالو بس ما كان عندي غير هالخيار حتى يرسيني معتز على بر , تاني يوم نزلت من البيت و قلتلو انو رايحة شوف كيف بدي سافر و انا نزلت و رحت قعدت بالحديقة , كنت مخنوقة كتير لحتى اتصل فيني سلفي اسامة
ريتاج : أي اسامة؟
معتز : انا معتز , وينك انت ؟
ريتاج : انا ..انا بالشارع راجعة , شبو شي معتز ؟
معتز : عم ينق شوي بدو اياكي بعدو ما تعود علي , خلص ارجعي لنحكي
ريتاج : نحكي بشو ؟رح تخلي الصبي يسافر معي ؟
معتز : خلص منطلع كلنا سوا
ريتاج : طيب

بحطا بين الخدم لبين ما تفضى و فاتحك بموضوعا لتبت بامرا
جعفر : اممم, هالمرة رح سامحك على هيك غلطة كرمال خاطر معزة ابوك عند ابي وكرمال معزتك الخاصة بقلبي , بس تاني مرة ما بتتصرف بشي بدون علمي
صقر: حاضر بس انت سيد جعفر بتعرفني ما بخطي خطوة بشي قبل ما كون متاكد مليون بالمية و خاصة شي بخص عيلة القبضان , انتو مفضلين علينا
جعفر: طيب طيب
صقر: هلا شو بتحب اتصرف فيا , بتحب لحقا بام رائد؟
سيلينا : شو ؟ شو دخلني فيا (تبكي)..ولله ما بعرفا
جعفر: روح انت هلا و انا بخبرك شو تتصرف
صقر: حاضر
جعفر: ما عجبك الشغل عنا ؟
سيلينا : ...اي ...لا ...عجبني ...لا
جعفر: شو , احكي منيح
سيلينا: ما عجبني لانو انا ما بشتغل هيك شي , انا بشتغل شغلة محترمة و عايشة منا
جعفر : انت بتعرفي اديش الراتب هون, انا متاكد قد يلي بطلعيه على عشر مرات
سيلينا : انا يلي بدي اياه انو اطلع من هون و ارجع لحياتي الطبيعية يلي كنت عايشتا قبل ما افتح هالباب اللعين للمرة يلي قتلتو بدم بارد
جعفر : الخاين بيستاهل القتل
سيلينا : الخيانة مفهوم معقد و بيختلف من شخص لتاني , يلي انت بتشوفو خيانة غيرك بشوفو وفاء,اذا ما وفاء لشخص بكون وفاء لمبدأ معين و انا حسيت من وجه المرة انو ما ارتكبت جريمة بتستاهل هالعقاب الكبير
جعفر : و كيف صارت معك الخيانة وفاء ,حطيتي الاسود و الابيض مع بعضن
سيلينا : لو انت طلبت من صقر يقتلني و صقر ما قتلني و طلعني من هون و خبرك انو نفذلك اوامرك , هيدا شو اسمو ؟
جعفر: اسمو خيانة و غدر و وقتا مصيرو لصقر نفس مصير ام رائد و يلي قبلا و يلي بعدا
سيلينا : انت بالنسبة الك خيانة بس هو بالمطلق وفاء , وفاء لضميرو و انسانيتو و مبادئو بانو ما يقتل حدا مظلوم
زم شفايفو و ما عجبو الحكي
جعفر : ..اممم مفلسفة ,شو عمرك انت ؟
سيلينا : عمري 25 سنة
جعفر : وين اهلك ؟وقت فتنا على الذريبةيلي كنت عايشة فيا ما شفنا حدا معك
سيلينا( : البيت يلي ساكنة فيه ما ذريبة , ما حسيت حالي بذريبة غير وقت حشرتوني بالغرفة المعفنة يلي باخر الغابة , هيدا بيت اهلي بس ابي و امي ماتو من لما كان عمري عشر سنين
جعفر: كيف ماتو ؟ ؟
سيلينا : وقعو بالحنطور بالوادي
جعفر :....طيب على كل حال يلي بشتغل بفيلا القبضان و لو ساعة وحدة ما بيطلع منا فارغ الايدين , منكافيه و منحملو راسو بين ايديه
سيلينا : ما فهمت !!!
جعفر: يعني رح تبقي هون و هلا روحي على شغلك لانو ما فاضيلك
فتح الباب و اجا ليطلع
سيلينا : هيدا ظلم , ظلم كبير
فتل ضهرو و اطلع فيني و رفع حاجبو
جعفر : قصدك تقولي انا ظالم ؟
سيلينا : لا لا لا قصدي قرارك فيه ظلم علي انت خاطب و مرتبط و اكيد بتحب خطيبتك , بتريد حدا يجي يبعدا عنك بالغصب
جعفر : و مين هيدا يلي بدو يسترجي يقرب على خطيبتي , ما خلق لسا
سيلينا : و انا ...خطيبي بكون عم يحترق ليعرف محلي
جعفر : بدو اياكي يجي ياخدك من هون بنفسو بس من هون لوقت يسترجي و يجي , انت رح تبقي هون محل مكان ام رائد الفاضي لتدفعي تمن تسترك على وحدة خاينة و اذا بتفكري ترجعي تهربي صرتي بتعرفي انا شو بقدر اعمل
سيلينا : بس هو ما بيعرف محلي ليجي ياخدني
جعفر : ما تخافي بكون عرف (مبتسم)خلينا نشوف البطل رح يجي ياخد اميرتو من القلعة و يتخطى كل هالحرس او رح يطلع جبان و ما رح يسترجي يقرب
انصدمت بحكيو ,هو و واقف اجت صبية عمرا تقريبا بال 18 سنة قصيرة بيضاء من هيئة لبسا واضح انو لا تقل مكانة و غنى عن جعفر
ورد: حبيبي وينك لهلا؟ طولت علينا
جعفر: يلا خلصت
اطلعت فيني نظرة سريعة بعيون حيرة و نزلو سوا و انا بقيت واقفة بالمكتب عم ابكي على السجن الكبير يلي انحبست فيه و ناطرة البطل ليجي يخلصني , عم ابكي لوجود هيك بشر معتبرتنا حجر شطرنج و تسلاية يعبو فيا وقتن, مسحت دموعي و نزلت على المطبخ , كان الخبر مطبول بالمطبخ بسيرة محاولة هربي, استقبلتني سعاد بسيل من السب و الاهانة و التجريح , و بعدين كملت شغلي تحت ضغط و حراسة مشددة من سعاد و ميرا ,مر يوم و اتنين و تلاتة و اسبوع و انا بعدني عم اخدم بفيلا ال القبضان , كان الامل بطلعتي من الفيلا عم يتلاشى يوم ورا التاني و الحلم الابيض صار اسود و استفساراتي عن سام يلي ما شفت منو أي مبادرة لحد الان عم تزيد كل يوم , اما الشغل مع سعاد متعب كتير و خاصة كرها اتجاهي الغير معروف اسبابو زاد من ضغطا علي و تحميلي فوق طاقتي , بعد اسبوعين طلعت من الفيلا و رحت على الباب , شفت يامن و صقر واقفين عم يحكو مع بعض , قربت لعندن
يامن : شو بدك ؟
سيلينا : بدي اسالكن اجا شاب سال عني ؟
صقر : شو هو هههههه لا ما حدا سال عنك ههههههه اذا حدا سال شو منقلو ؟
يامن : منقلو حضرتك فاضية تقابليه الا لا او منعطيه موعد ؟
سيلينا : عنجد بينزعل عليكن
تركتن عم يضحكو و فتلت ضهري , لحقني صقر
صقر: شو صار معك بيلي حكينا فيه؟
سيلينا : بنفذو اذا بتهربني من هالباب, غير هيك ما رح اعملك شي لانو جعفركن عدل عن قرار قتلي
صقر:اسمو السيد جعفر بس ماشي ....ما تماطلي و اطلعي اليوم قبل بكرا

اب يلي قضيتن عند بيت عمي

ام صالح: طولي بالك يا امي انت حبيتيه لانو عوضك عن الفراغ العاطفي يلي حسيتيه بعد ما رحنا من حياتك ....انت عم تتواصلي معو لهلا ؟

سالي: اي احيانا هلا من شوي دقلي و ما رديت عليه قلت بحكيلك بالاول،شكلو المعلم وفيق دقلو و قلو يلي صار
.

ام صالح : بس هلا صار غريب عليكي و لازم تقطعي صلتك فيه

سالي:بعرف بس ما في حدا غيرو وقف جنبي و قدملي مساعدة حتى بعد ما طلقنا ضل يبعتلي مصاري

ام صالح:يا امي لو بحبك ما كان طلقك و يمكن كل الحكي يلي قالو عن مرتو ما مزبوط حتى يقنعك فيه و ياخد يلي بدو اياه

سالي:بس انا حسيت انو كلامو مزبوط

ام صالح: هو كبير و انت بعدك صغيرة شو بفهمك بهيك شغلات ،دخلتي هالدنيا قبل اوانك الله لا يوفقو و لا يسامحو لعمك

سالي:شو اعمل هلأ ؟

ام صالح : بس يرجع يتصل انت ما بتردي عليه ،بتعطيني انا رد عليه ،خليه يفهم انو هلأ انت صار عندك كبير و مسؤول عنك

سالي:امي يعني بدك تقلعيه ؟بس انا ولله بحبو ،هو كان منيح معي

ام صالح:سالي امي افهمي علي ،انت كنتي نزوة بحياتو و السنة الجاية بيرجع بينزل على البلد و بيرجع بيلاقي وحدة تانية وضعا بيشبه وضعك و بيتزوجها زواج مسيار و بيرجع بيطلقها و بيسافر

سالي:امي ليكو عم يرجع يتصل

ام صالح: هاتي لهون

سالي:امي ما تقسي عليه بالحكي

ام صالح: الو

نصر: ....

ام صالح:معك امها لسالي ،بنتي سالي حكتلي كل شي

نصر:....خالتي اول الشي لحمدلله على سلامتك

ام صالح:الله يسلمك

نصر: انا ...

ام صالح:انت شو ؟انت استغليت بنت عمرا 17سنة تعتبر طفلة و شفت ما الها سند و يلي مفروض يكون سندها قدملك اياها على طبق من فضة و اخدتا 3شهور و سميتا عليها زيجة و طلقتا و قفيت ضهرك و مشيت لمرتك و اولادك و هلأ ليش عم تتواصل مع بنتي؟

نصر:انا كنت عم اتواصل معا حتى ساعدا و احميا من عما و مرة عما يلي كانو عم يستغلوها و اساليها و بتقلك

ام صالح:و ليش ما حميتا من حالك و من نزواتك ، انت كمان استغليتا و ما قصرت

نصر:انا تزوجتا على شرع الله و الي اسبابي و وضعي و خيرتا اذا بتحب تطلق الا لا

ام صالح:من شروط الزواج نية الديمومة و الاشهار و انت ما حققت واحد فين ،عن اي شرع عم تحكي؟،اسمع يا نصر مو هيك اسمك

نصر:اي

ام صالح:انا ما بعرف مصداقية ظروفك و وضعك ،يلي بعرفو انو هالبنت بنتي و ما رح اسمح لاي حدا يستغلها و انا عايشة و انت عندك اولاد و بتحبن و غالين على قلبك و بتعرف شو بقصد بحكيي مزبوط

نصر:اي

ام صالح:سالي ما بقا مرتك ،سالي طليقتك و غريبة عليك و ما بقا بدي ترجع تحكيا ابدا و انا ما بعطيا لواحد متزوج و عندو اولاد ،بدك تتزوج على مرتك اتزوج وحدة من عمرك و من نفس وضعك اما بنتي انساها

نصر:......حاضر خالتي.... هيدا حقك و هاي بنتك و انت ادرى بمصلحتها و انا بعتذر... بعتذر كتير سلام

بعد ساعة رن الجرس و قام سامي يفتح الباب و قمت معو ،كان خالو فؤاد و معو امي و اخي فايز ،اول ما شفتا ركضت علين و لفيتن و كأنو الي سنة ما شفتن بس سامي اطلع بخالو فؤاد هو و مزعوج
سامي:انا ما كنت خالص بالبنت جبتلي الام كمان
فؤاد:هههههه شو دخلك انت ؟ انت شو بدك هلأ ؟
سامي:بدي مصرياتي
فؤاد: رح تاخدن بس ما بهالطريقة ،بطريقة قانونية
سامي:اممم و انت ؟
فؤاد:انا !شو بدك فيني انا ؟
سامي:ليش جبت اما لناديا و اخوا لهون ؟
فؤاد: رح يبقو بهالبيت هالفترة بس لبين ما لاقيلن مكان آمن بعيد عن هالواطي
سامي:اممم بس العلقة وسخة مع هالرجال
فؤاد:ما بيطلعلو معي شي رح نمشي بالقانون و رح نقدمو للشرطة و ناديا رح تساعدنا بالموضوع و تعطينا اسماء الشباب يلي نصب عليهن و من ضمنن انت
سامي :ايه ؟ و بعدين ؟
فؤاد: اترك الموضوع علي ،انت ارجع على الشام هلأ لانو بكون تراكم عليك شغل كتير بهالفترة يلي عطلتا
سامي:.....
قعد سامي ساكت و انا قمت اعمل قهوة و لحقتني امي
ناديا:شو يلي صار حتى جابكن لهون ؟
ام فايز: جيت الصبح و خبرتو انو ابوكي بدو يسلمو المصاري لسامي و يرجع ناديا ،قام قلي انت بدك تبقي مع هيك رجال طول حياتك و تخليه يستغلك و يستغل اولادك و اذا بدك تبقي هيك فانت ما بتستحقي تكوني ام ، الام هي يلي بتوقف بوجه اي حدا بحاول يأذي اولادا حتى القطة اذا حدا قرب على اولادا بتخرمشو حتى لو كان ابون ،حسيت كلامو متل الكف يلي صحاني من غيبوبة طويلة ،قلتلو لا بس ما عندي حل او مطرح تاني لروح عليه انا و اولادي ،قام فورا دق لسامي و اخد العنوان و جينا لهون و على الطريق قلي انو رح نبقى عند سامي هالفترة لبين ما يحل قصة ابوكي
ناديا:ليش عمل هيك ؟شو المقابل يعني؟
ليال:انا ما غبية حتى ما اعرف انو كل هالشي عم ينعمل و في عليه مقابل ،بس انا مستحيل خلي فؤاد او اي انسان تاني يلمسني بالحرام بس لانو ساعدني بس انا من زمان كنت حابة اخد هيك خطوة و اترك ابوكي و اخدكن و اهرب بس ما كان عندي الجرأة و ما كان في مدخول منيح لاقدر عيشكن منو بس هلأ ما بقا تفرق كتير ،سواء ضل فؤاد او راح ،او حتى خلاني بالوظيفة او لا ،خلص خطوة و مشينا فيها و مستحيل نرجع و رح نروح نحط ابوكي بايدنا بمكانو المناسب
فؤاد:ليااااال ...ليااال
ليال:يلا جاي
طلعنا من المطبخ و انا حاملة صنية القهوة ،ضيفت الكل و قعدت
فؤاد:انا بدي روح على الشركة ،اذا اجا سأل عنك رح قلو انو ما جيتي اليوم ابدا و بكرا مننزل و منقدم فيه بلاغ ماشي و سامي انت فيك تنزل عالشام و الشرطة بتستدعيك لتقدم اقوالك ،يلا سلام برجع المسا
ليال:ماشي الله معك
نزل فؤاد من البيت و فات سامي يضب تيابو ليسافر ، فاتت امي على المطبخ تجلي و انا لحقتو لسامي على غرفة النوم ،قعدت على التخت انا و عم اطلع عليه
ناديا: سامي
سامي:نعم
ناديا:خالك شو بدو من امي ؟
سامي: بس يرجع اساليه الو
ناديا:نفسي اسألك سؤال تجاوبني عليه بجملة مفيدة بس ، ما بتعطيني لا حق و لا باطل ، يعني هيدا خالك و اكيد انت بتعرفو اكتر مننا يعني قصدي عندو حركات هيك او هيك
سامي:لا اطمني هاي الحركات اختصاصك و اختصاص ابوكي بس ،بتلعبو بمشاعر الناس بس لتاخدو يلي بدكن اياه
ناديا:....انا بعرف انو جرحتك بس ولله ما ذنبي و انا بحبك و اكبر دليل انو حاولت افتح معك صفحة جديدة مبارح بس انت ما بدك اياني بس على كيفك انا ما بقا رح اشلح حاالي عليك اكتر من هيك
سامي: اممم احسن
طبق الشنتة و لم باقي اغراضو و راح على الباب ليطلع
سامي:انا رح حكي صاحب البيت هلأ و قلو انو اهلي قاعدين بالبيت لاخرة الشهر و اذا قررتو تبقو اكتر خالي بجددلكن العقد سلام
ناديا:لحظة قبل ما تنزل طلقني

ا بهالطريقة الا الك بس ،خلص هلأ عرفت انك مستحيل تتجاوب معي ،انت غير عنن كلن

معتز:شو يلي وصلك لهون ؟

ريما :قصتي طووويلة

معتز:عم اسمع

الجزء التاني:

ريما :هالقصة صارت معي من سنة،انا كنت متزوجة و مبسوطة بحياتي مع زوجي ،كنت حبو كتير اكتر ما بتتصور و هو كان يحبني ، كان كل حياتي كان اهلي و زوجي و صديقي ،كان اول ما يفوت على البيت اركض عليه متل بنت صغيرة و اتعلق برقبتو ،كان زفيرو هو الهوا يلي بتنفسو ،كنت حافظة خطوط ايدو حتى كنت بقدر ارسم ملامح وجهو انا و مغمضة عيوني ،مرت سنة على زواجنا كانت سنة عسل ،وقت فتنا بالسنة التانية و انا ما حبلت مع انو انا فحصت حالي و ما فيني شي و هو كمان فحص حالو و قلنا الدكتور الموضوع مسألة وقت بس لهيك تناسينا الموضوع و تركناه على الله ،مرت الايام انا و مرتاحة بحياتي بس زوجي بلشت حسو يتغير اتجاهي و مشاعرو بردت مع انو انا كنت اتقربلو كتير و اسألو شو يلي مغيرك بس كان يقلي ضغط شغل بس ،حتى علاقتي الزوجية خفت عن قبل ليوم كان عيد ميلادو ،حسيتا فرصة لرجع علاقتنا القديمة مع بعض ،عملتلو الاكل يلي بحبو و زينت الطاولة بشموع و ورد مجفف و لبست الفستان الاسود يلي بحب يشوفو علي ،بعد ما جهزت حالي عالاخير ،كان باقي ساعة و نص لموعد رجعتو من الشغل،فتحت اللابتوب و قعدت العب المزرعة السعيدة على الفيس ،بعتت طلب من المزرعة لحساب زوجي و لانو كنت مستعجلة على موافقة الطلب ،طلعت من حسابي على اللابتوب و فتت على حسابو لاقبل الطلب و ارجع على حسابي ،اول ما فتت على حسابو ،فتحت المزرعة عندو و قبلت الطلب بس قبل ما سجل خروج ،اجتو رسالة عالمسنجر على جنب الصفحة ،فتحت صفحة الدردشة و قرأت اسم الشخص ،كان اسم بنت باسم زهرة النرجس ،قرأت سجل الدردشة انا و فاتحة تمي و حاطة ايدي على خدي و عم قول شو هادا يلي عم اقرؤ ،كانت الرسائل مضمونها عم اتصل فيك لقلك ناطرتك بالشقة ما طول كتير مشتاقتلك ،شو بدك البسلك المرة الجاية ،انبسطت كتير معك ،انا و عم اقرأ غبش نظري ،كنت عم ابكي عالساكت ،رجعت لاخر رسالة وصلتو حديثا

زهرة النرجس: حبيبي وينك ليش ما عم ترد على موبايلك توقعتك تنبسط بس تعرف اني حامل ،لازم تكتب كتابك علي بسرعة قبل ما يكبر بطني

صارو ايدي يرجفو و حطيتن على وجهي و بلشت ابكي ،فتت على حسابا لاعرف مين بتكون ،مين هاي يلي قدرت تاخد زوجي مني و تخليه يغلط هيك غلط كبير بس كان حسابا كلو صور عن الشوق و الحب و البعد ،ما كنت عم صدق انو زوجي ناصر ممكن يعمل هيك شي ،اخر انسان توقعت يخون مرتو بكل الدنيا هوو زوجي و خاصة انو تحدينا كل العالم لاخدنا بعض،ما بس خيانة عادية ،يمكن المرة بتقدر تتحمل كل شي من زوجا ضرب و بخل و فقر و تقدر تنسى هالشي اما الخيانة بتبقى متل الجرح النازف ،ما بيلتئم على اول موقف بيرجع بينزف من جديد ،من كتر حبي فيه ما قدرت اتحمل هيك فكرة كان ممكن انو اقتلو اذا شفتو قبالي ،دقتلو كتير بس ما رد ، قمت مزعتلو تيابو و شرطت صور عرسنا و صورو و كسرت كل شي رتبتو على الطاولة ،حسيت حالي غبية و ساذجة كتير ،انا عم احتفل فيه و هو عم يصاحب علي ،كنت فوت على غرفة اخربا و انتقل على التانية ،كنت بحالة هستيرية و جنون ،بالاخير ضبيت تيابي بالشنتة و لبست تيابي و قعدت على الكنباية و طفيت الضو و بقيت عالعتمة ،كنت عم ابكي بقلب محروق و عم اسأل حالي ليش عمل هيك ،كنت اسمع انو الرجال بخون وقت بتكون مرتو مقصرة عليه بشي بالكلمة الحلوة و الدلال او اللبس بس انا ولابشي قصرت ،اول ما فات شافني قاعدة على الكنباية و عم هز برجلي ، كنت حاطة اللابتوب على الطاولة على محادثتو لعشيقتو يلي ما رديت عليها ابدا

ناصر:شوفي ؟شو صاير هون؟

ريما:شو هادا ؟

تلبك و تأخر ليرد

ناصر:شو هادا !

ريما(تبكي):مبروك رح تصير اب

ناصر:هاي البنت كذابة ما تصدقيا عم تلحقني من محل لمحل بدا تخربلي بيتي

ريما :عنجد صدقتك ،طيب لحظة لاحكي معا من حسابك و نعرف اذا حكيا كذب الا صحيح

حملت اللابتوب ،و ركض علي اخدو من حضني و سكرو فورا

ريما :ليش اخدتو !مين هاي !مين بتكون !

ناصر:ريما ...انا كنت بدي افتح معك هالسيرة... انا بحبا لهل المرة

ريما :بتحبا !و انا ؟

ناصر:انت مرتي ما رح يصير عليكي شي ابقي ببيتك و ....

ما قدرت استوعب الحكي يلي قلي اياه ،بحب وحدة تانية غيري ، هجمت عليه لاضربو ،بعدني عنو وزتني عالكنباية

ناصر:الشرع حللي اربعة ...

ريما:اه هادا يلي فهمتو من الشرع و حللك تزني كمان و يصير عندك ولد بالحرام

ناصر:رح اتزوجا و رح سجل الولد باسمي

ريما:الله يهنيك بس انا مستحيل ابقى عندك و ببيتك طلقني هلأ

ناصر:شو عم تخبصي ؟فوتي الشنتاية و فوتي لجوا

ريما : مستحيل ابقى عندك ثانية وحدة لو بدي نام بالشارع

ناصر:ريما فوتي و ما تكبري الموضوع

ريما :كبرو !!ليش في اكبر من هيك موضوع ؟

ناصر:وين بدك تروحي ؟

ريما:ما خصك طلقني

ناصر:ما رح طلقك

ريما:طيب يبقى خليني على ذمتك و انت الخسران ،بدي دوق

ك ،رجعت على البيت انا و مكتئبة و عم فكر ليش هيك تصرفت لانو انت هيك طبعك ولا لانو مرتك ملية عينك ،شو الشي يلي فيها ما موجود عندي و عند كل نسوان العالم حتى زوجا ما بدو يطلع على غيرا ، لحقتك وقت كنت طالع من المعرض و عرفت وين بيتك وقررت اتعرف على مرتك ما كرمالك ،كرمال فضولي يلي شدني اتعرف عليا ، راقبتا فترة و عرفت انو مسجلة بنادي رياضة ،سجلت معا و بلشت اتقرب منا ،كانت مرة عادية كتير حتى شفتا مرة باردة نادرا ما تضحك ،حتى جمالا و حكيا عادين ،حتى خلال حديثنا ما كانت تذكرك ابدا حتى صرنا رفقة و عرفتا على حالي

غيداء: انت ريما مرة رفيقو لمعتز ؟

ريما:ايه

غيداء:ايه انا مرتو لمعتز

ريما:اه ولله تشرفنا ،صدفة حلوة

غيداء:زوجي حكالي عنك لهيك عرفتك فورا و خبرني انك مشغلة مصاري معو

ريما:اي صح الي فترة ،الله يخليكن لبعض معتز انسان
محترم و مؤدب و كل الناس بتحلف بحياتو

غيداء:خلينا نكسبك على فنجان قهوة ،انا بيتي قريب من النادي كتير

ريما :اي اكيد انشالله

رحت عندا كذا مرة و حسيتا انسانة طيبة كتير بس ما خبرتا اني مطلقة لانو خفت تخاف مني و فهمت منك انو انت كمان ما مخبرة اني مطلقة من ناصر ،من علاقتي بمرتك عرفت انو المرة غير مسؤولة عن خيانة زوجا و لا جمالا و لا طريقة حكيا الها علاقة بهالشي ،الموضوع بيتعلق بالرجال وحده ،حبيتك كتير ،كان كل يوم عن يوم عم حبك اكتر ،ما قدرت امنع حالي من انو فكر فيك و حتى ارسم عليك بس كنت متأكدة بانو باللحظة يلي بتقبلني فيها و بتخون مرتك معي رح اكرهك كتير و رح تنكسر صورتك المثالية ،صرت دقلك بحجج كتير واتحجج انو ما رح اقدر اجي اخد المصاري منك لهيك صرت اطلب منك انت يلي تجي تجبلي اياهن ،بس كنت متل الحيط ما يتحرك فيك شي اتجاهي حتى اليوم يلي دقتلك و قلتلك فيه انا بحبك كتير ،وقتا سكرت الخط بوجهي ،حبيتك اكتر ،كنت كل ما ترفضني و تحاول تبعدني عنك حبك اكتر و اتمسك فيك حتى قبل هالليلة ،قلتلا لنهاد قبل بيوم تجبلي انينة ويسكي لانو كنت حابة اسكر و انساك و بس سكرت لقيت حالي عم دقلك ،هاي هي قصتي ..تأخر الوقت كتير ما صارلازم ترجع على بيتك

معتز:...يا ريما كل حدا فينا معرض للغلط ،بس القوي هو بيرجع بيدارك غلطو و انا بعد ما سمعت قصتك شفت انو من الاول كان لازم ترجعي لزوجك لانو عرف غلطو و ندم ،كان لازم تعطيه فرصة تانية ،بس الشي يلي راح راح هلأ ،بدي منك توعديني الليلة انو رح تبلشي صفحة جديدة بحياتك و تقيمي هالوسواس يلي براسك بانو كل الرجال خونة ،الزانية تحاسب قبل الزاني لانو هي يلي بتستدرجو لانو يغلط و لو ما غادة هي لاحقتو لزوجك ما كان زوجك غلط معا ..

ريما:لااا هاي انا لاحقتك و عرضت حالي عليك بس انت ما قبلت فيني لانو انت بالاساس انسان اخلاقك عالية و اسسك متينة و قوية و بتخاف ربك

معتز: و انت ؟كانت اسسك ضعيفة و انهرتي باول خيانة لزوجك و زتيتي حالك بالغلط و بعدتي عن دينك ،ارجعي ريما القديمة و صدقيني ما في رجال مستاهل لضيعي حالك كرمالو ،لا انا و لا غيري ،عيشي كرمال حالك و قيمي الصورة المثالية لشريك حياتك و تقبلي الانسان باغلاطو و اغفري و سامحي لانو بجوز يجي الدور عليكي و انت يلي تغلطي ...قومي لبسي شي يدفيكي احسن ما ضلي بالمنشفة هيك ،انا راجع على بيتي

طلعت من عندا و رجعت على البيت ،اول ما فتت على غرفة النوم ،حست علي مرتي و سألتني وين كنت ،قلتلها كنت بالمشفى عند اسامة الشاب يلي بشتغل بالمعرض عندي صار معو تسمم غذائي و دقلي و نزلتو عالمشفى ،كفيت نومتي انا و عم فكر بريما و بقصتا و عم فكر بطبيعة الرجال و انو المرة شو بدا من الرجال الا المعاملة و الكلمة الحلوة و الاخلاص هي يلي بتفك شيفرة اكتر مرة معقدة بالدنيا

معتز: يزن بابا ما تطلع على هاي بتوقع انزل

يزن :خليني جربا بس مرة وحدة

معتز :لا ...طيب اطلع بس دير بالك على حالك

رجعت كمل تفكيري بريما يلي مر اسبوع كامل من اخر ليلة كنت عندا حتى هالوقت و ما دقتلي ابدا خلال هالاسبوع ،كان مشغول بالي عليا كتير بس ما كنت حابب ارجع دقلا ،رن موبايلي فجأة ،كان رقم غريب

معتز:الو

ريما:كيفك معتز انا ريما

معتز: اهلين ،كيفك؟

ريما :لحمدلله احسن ..معتز الله يخليك بدي تجبلي مصرياتي من هون لشي ساعة

معتز:ما بقا بدك تشغلين معي يعني ؟

ريما:لا

معتز:طيب ماشي بس لرجع الاولاد على البيت و بجي لعندك

ريما:لا ما تجي لعندي عالبيت ،بشوفك على باب المول اوك

معتز:ماشي متل ما بدك

اخدت اولادي يزن و ايمن و رجعت على البيت ،اخدت المصاري من الخزنة و رحت شوفا لريما ،وصلت على باب المول ما شفتا ،نزلت من سيارة و رحت على المول و مسكت موبايلي و بدي دقلا

ريما :معتز ...هيييي شبك مريت من جنبي و ما شفتني

معتز :ريمااااا ...ما عرفتك ...مبروك الحجاب

ريما:الله يبارك فيك

معتز:.....

ريما:جبتلي اياهن

معتز:اي اي خليني اعطيكي اياهن بالسيارة افضل

مشينا للسيارة انا و مذهول ،طلعنا بالسيارة و ناولتا اياهن

قلي هالحكي ، انت ما تدخل

معتز:فؤاااد روح رجع مرتك لعصمتك و بلا هالقصص ،ما حلوة حدا يشوفك عم تلاحقا و يوصل الخبر لبيت حماك

فؤاد:انا ما رح رجع مرتي لعصمتي انت بتعرف اني ما بحبا و اخدتا غصب عني لارضي امك و ما قدرت اتقبلا وهاي اطلقنا بعد اول ولد و اذا رجعتا رح ارجع جيب منا ولد تاني و ارجع طلقا

معتز:طيب ماشي ما ترجع مرتك بس ما تقربا منا لهل المرة ،بدا ترجع لزوجا

فؤاد: قلي اذا في بيناتكن شي لانسحب

معتز:ما في بيناتنا شي ،قلتلك شغل بس

فؤاد:خلص معناها احمل خفيف ،يلا سلام

طلع من عندي اخي فؤاد و انا عم ناديه و هو متابع ما رد علي ،رجعت اتصلت بريما

معتز:ليكي ريما هادا الغبي اذا رجع دايقك ما تعطيه وجه ابدا و ارجعي حكيني فورا

ريما:طيب

بعد اسبوع طلعت من المعرض و رحت عند امي ،كانت عاملة ورق دوالي ،قعدت تغديت عندا و بدخلة اخي فؤاد راجع من شغلو ،كنت بدي اسحب رجلو بالحكي شو صار بينو و بين ريما ، مع انو دقتلا لريما و قالتلي انو ما بقا عم تشوفو ،فات سلم علي عادي و قعد تغدى هو و عم يتفرج على التلفزيون

معتز:شو صار معك ؟

فؤاد:بشو ؟

معتز:مع راما ؟

فؤاد:ما صار شي ،من يومين رحت شفتو لجواد ،عم يكبر هالولد بسرعة

معتز:اي عم يكبر بعيد عن ابوه ،بعيلة مشتتة ،ما دام ما حبيت مرتك من الاول ليش لتقبل و تساير امك ؟

فؤاد:فكرت حالي رح حبا بعدين بس ما حبيتا ، جامدة متل لوح التلج ،استغفر الله هلأ خليتني ااحكي و اغلط عليها ،خلص قيمنا من هالسيرة

معتز:امي ..امي

ام معتز:اي حبيبي

معتز:عاجبك وضع ابنك هيك ؟

ام معتز:انا ما بحكي معو و ما رح احكي قبل ما يرجع مرتو و ابنو لبيتو

فؤاد: يعني برجعا لتكوني انت مبسوطة و انا ما مهم كون مبسوط الا لا ،سايرتك و شوفي شو صار انخربت حياتي ببالك انا مبسوط بحياتي هيك ...حتى الاكل ما بقا عم نتهنى فيه..دايما على الاكل

زت الخبزة من ايدو و قام و طلع من البيت و امي لحقتو لتراضيه بس ما رد عليها

ام معتز :حسبي الله بس ،هلأ بيحرد و بيقعد يومين ما بيجي لهون

معتز:روحي انت حكيا لراما و خليا تتصل فيه و تقلو ابنك تعبانة نفسيتو لانو بعيد عن ابوه و مشتاق لبيتو

ام معتز:ما دخلني ،هديك المرة ليش رحت عندن زيارة عصب علي ، و قلي اتركيني عيش حياتي متل ما بدي و ما حدا يدخل فيني ،و انا تاركتو على راحتو يصطفل ،بيجي يوم و بيعرف غلطو

رجعت على بيتي انا و عم فكر باخي فؤاد،بعد يومين اجت ريما لعندي و اخدت مني المصاري ،قلتلا تقعد تشرب قهوة بس ما قبلت ابدا ،كانت جدية كتير معي ، سألتا عن اخبارا انا و عم عدلا المصاري

ريما :عم اشتغل بمحل بيع مكياجات ،بجوز اسحب منك المصاري الشهر الجاي ،و فوت بشراكة انا و صاحبة المحل لانو حابين نوسع المحل و نعبي المحل بضاعة اتقل

معتز:...اي منيح الله يوفقك بس ادرسي المشروع منيح

ريما:اي اكيد هلأ عم يصير عندي خبرة بهالمجال ،صحي نهاد و فادي خطبو

معتز:ولله مبروك فرحتيني ايمت رح يتزوجو؟

ريما:ما مطولين

معتز:و انت رح تبقي لحالك بالبيت؟

ريما:اي ،بس عم دور على بنت تشاركني بالبيت ، بدي اياها تكون طالبة جامعية او موظفة ،لانو اجار البيت غالي و ما خرج ادفعو كلو ،يعني منتقاسمو

معتز:اي اذا سمعت بوحدة بدا بيت رح دلا فورا عليكي

انا و عم احكي معا ،اجا اخي فؤاد

فؤاد:مرحبا

معتز:اهلين

التفتت ريما عليه و دارت وجها علي

ريما:ماشي يسلمو معتز يلا سلام

مرت من جنبو هي و طالعة و هو عم يطلع عليا

فؤاد:شو شايفة حالا ولو

معتز:خير شو جابك ؟

فؤاد:ولاشي سلامتك جاي شوفك و اسالك اجت البضاعة الجديدة

معتز:لسا

فؤاد:طيب ماشي سلام

معتز:فؤاااد...فؤااااد تعا لهون ،بدك تلحقا

فؤاد:لا ما رح الحقا شو شايفني ولد صغير و تبع هيك قصص ،اصلا قمتا من راسي

معتز:اي منيح لانو هاي البنت معقدة من الرجال و بتكرهن كتير ،يعني ما تحاول معا

فؤاد:اوووف ليش بتكرهن ؟

معتز:شو بعرفني انا ،بس هيك حسيتا لهيك عم قلك حتى ما ضيع وقتك معا

فؤاد :طيب ماشي سلاام

طلع مستعجل من المعرض عندي و راح ،بقيت عم فكر اذا لحقا الا لا ،اتصلت بريما لأتأكد

معتز:ريما فؤاد شي عم يلحقك ؟

ريما:فؤاد ..لا ما انتبهت صراحة ...لحظة ...اي ليكو بالسيارة خلص معتز انا بتصرف ما بدي تعلق مع اخوك ،خليه يلحقني بالاخير رح يمل اذا ما اعطيتو وجه

معتز:انت لوين رايحة؟

ريما :رايحة على مركز الحوالات ،بدي استلم حوالة من اختي رنا و بعدين رح مر على السوق

معتز: طيب ماشي ديري بالك على حالك

على الساعة 3سكرت المعرض و رجعت على بيتي ،انا و عم اتغدى انا و مرتي

غيداء:اليوم اجت ريما عندي شربت قهوة

معتز:ولله مرت عندي اخدت المصاري بس ما قلتلي انو رايحة لعندك

غيداء:بس ما هون القصة ،القصة انو بعد ما فاتت لعندي رن جرس البيت و كان اخوك فؤاد على الباب

الجزء السادس عشر:

استغربت من زيارته المفاجأة ،رحبت فيه و قلي مشتاق للاولاد ،فات و شاف ريما عندي و اول ما شافته ريما تلبكت و صارت بدا تروح فورا بس انا ما خليتا تروح قبل ما تشرب قهوتا و قعد معنا فؤاد و بس فتت اعمل قهوة ،سمعت اصواتن كأنو عم يعلقو ،انا ببالي انو ما بيعرفو بعض من قبل

معتز:شو كانو عم يحكو؟

غيداء: قبل ما قلك شو كانو عم يحكو ؟انت ليش مخبي علي انو ريما مطلقة ؟وقت حكتلي عنا قلتلي ريما مرة ناصر ما قلتلي طليقتو

معتز :اييه لانو ما كانت لسا مطلقة منو وقت حكتلك عنا

غيداء :ايوا

معتز:هههههههه غرتي علي منا ،بس ما تكوني مفكرة في شي بيني و بينا ،ما اصغر عقلكن انتو النسوان

غيداء :لا ما فكرت ابدا بهالشي ، استغربت بس

معتز:اي فؤاد الو فترة عم يلاحقا بعد ما شافا صدفة عندي بالمعرض بس ريما عم تصدو و انا حكيتو و قلتلو يبعد من طريقا

غيداء:و انت شو دخلك ؟

معتز:غيداء شبك ما دققي علي هلأ ،البنت طلبت مني قلو يبعد عنا

غيداء:ايوا ..المهم كان فؤاد عم يقلها كوني مرنة شوي و خدي و اعطي معي و ما تفهميني غلط و هي معصبة و عم تقلو انت ما بتنفهم الا صح و حاجة تلاحقني من محل لمحل ،لدخلت بالقهوة قم سكتو الاتنين ،شربنا القهوة و فات فؤاد شاف الاولاد شوي و طلع ،كانت ريما واقفة على الباب و بدا تروح ،نزلو الاتنين سوا من عندي ،رحت وقفت على الشباك شفتن واقفين الاتنين عم يحكو بالحارة بس كانو هادين ،شو بدو اخوك منا ؟

معتز:ما بعرف

غيداء: الله يسمعنا الاخبار الطيبة ههههههه

خلصت غدا و رجعت على المعرض انا و على الطريق كنت عم اسال حالي ليش كذبت على مرتي ،انا نا خبرتا بوقتا بانو كنت خايفة دقق و تغار علي من ريما بس ما كرمال في شي تاني و هلأ رجعت كذبت عليا و قلتلا انو ما كانت مطلقة وقتا شغلت مصاريها عندي ،صفيت السيارة على جنب الطريق و اتصلت بريما لاسألها شو صار معا مع فؤاد

ريما :ما صار شي ،بعد ما طلعنا من عند غيداء وقفنا شوي و حكينا ،عرفني عن حالو و وضعو الاجتماعي و قلي انو هو نيتو صافية اتجاهي و حكى حكي كتير انا ما صدقتو و بالاخير قلتلو روح رجع مرتك و ابنك قلي انو ما بحبا ،هو فعلا ما بحب مرتو ؟

معتز : اي ..لا ...بحبا قصدي

ريما:لكن ليش طلقا ؟

معتز :هي طلقتو كرمال خانا

ريما :هههههههه ما قصرت فيه بيستاهل يلا انا بدي سكر عندي شغل سلام

اطلعت بحالي على مراية السيارة،ما بعرف ليش كذبت عليا لريما و قلتلا انو بحب مرتو ،كنت عم حاول بعد فؤاد عن ريما بدل ما قربن من بعض ،كنت خايف قول انو انا انعجبت فيا ،انعجبت بشخصيتا الجديدة او يمكن انعجبت بريما الشخصية الاصلية ، انا لازم ارجع عيد حساباتي مع حالي و مع ربي ،كنت حاسس حالي عم اغلط و عم روح برجلي على الوادي ،رجعت استرجعت كل شي صار معي وقت عرفت غيداء بخيانتي اول مرة ،كان كابوس و ما مستعد اخرب بيتي و اخسر اولادي و مرتي يلي بحبا كرمال انسانة عبرت بحياتي ،قررت ابعد من طريقا لريما و اقرب لمرتي اكتر ، رحت اشتريت بوكيه ورد لمرتي و بعتلا اياه على البيت ،بعد ما وصلا بعتتلي مسج خبرتني فيه اديش انبسطت بهالمفاجأة الحلوة ،بعد اسبوع اتصل فيني فؤاد و علق معي ليش مكذب على ريما بسبب طلاقو و انا خبرتو انو عملت هيك كرمالو حتى ما تقبل فيه و يرجع طليقتو و ابنو ، بعد شهر اجت ريما سحبت كل شي مصاري الها معي و انا ارتحت كتير لانو ما بقا رح ارجع شوفا و رح يخلص شغلي معا بس كانت المفاجاة وقت دقتلي امي و قلتلي تعا ضروري،وقت رحت لعندا ،خبرتني انو فؤاد بدو يتزوج وحدة مطلقة ،عرفت انو قصدو على ريما فورا ،تلبكت ،سكتت ،حسيت حالي انزعجت او يمكن الشيطان خلاني حس اني انزعجت بس كنت عم اضبط حالي و اعصابي

معتز:اي امي الله يوفقو

ام معتز:و راما ؟

معتز: بكرا الله ببعتلا الشاب يلي يحبا و يقدرا

ام معتز:يعني انت موافق على انو ما يرجع مرتو و يروح يتزوج غيرا

معتز:يصطفل هو حر بحياتو

طلعت من عند امي و اتصلت بريما لاستفهم منا ،كانت متلبكة هي و عم تحكي

ريما:ايييه ما بعرف يعني لسا انا ما وافقت و ما رفضت ،قلتلو بدي نخطب فترة منيحة لنتعرف على بعض بالاول و بعدين منقرر

معتز:اي الله يتمملكن على خير يعني رح تصيري مرة اخوي

ريما :الله اعلم بس انت ليش قلتلي انو خانا ل مرتو و هو حلفلي مية مرة انو ما بحبا و ما خانا حتى قلي اذا بدك حكيا و افهمي منا سبب الطلاق

معتز:....ريما اجاني زبون هلأ برجع بحكيكي بعد شوي

سكرت الخط معا لانو ما عرفت شو جاوبا ،حسيت حالي لعبت لعبة وسخة على اخي و عليا بدون اي سبب منطقي ،بعد اسبوعين خطبو ريما و فؤاد ،كانو كتير لابقين لبعض ،ما فكرت ابدا احكيلو لفؤاد عن ماضيا لريما ابدا لانو كان هالشي متل السر المشترك بيناتنا و ما حدا عرف بهديك الليلة يلي جمعتنا انا واياها حتى بعد ما تزوجو و صار عندن اول ولد ،و اجا فؤاد يشتكي من غيرة ريما الزايدة عليه مع انو قلي انو مستحيل يطلع على وحدة تانية غيرا ،ممكن للحظة اوهمني انو ان

ام العبد:يا بنت شو صاير معك طلعتي مبسوطة رجعتي زعلانة

سالي:ولا شي ،ما في شي

فتت على غرفتي و قفلت الباب ،نكشت على CD هاني شاكر و قعدت اتسمعلو و ابكي ،بقيت كام يوم مكتئبة و بلشت حس حالي اني ظلمتو لمعتصم و تسرعت بس كنت ناطرتو يتصل فيني حتى ما رد عليه او يجي عندي و قلعو بس كان بارد كتير و ما شفت وجهو ابدا و وقت فقدت الامل منو انا اتصلت فيه

سالي:كيفك؟

معتصم:لحمدلله كيفك انت؟

سالي:كتير منيحة ،غير شكل و لا احسن من هيك ،اتصلت فيك حتى تعتذرلي

معتصم:اعتذرلك؟؟؟؟ولا انت يلي بدك تعتذري لانك انت الغلطانة ،شكيت فيني ،انا قلتلك بحبك يعني بحبك يعني ليش لكذب عليكي وخونك مع وحدة تانية و انت بتعرفي ميرفت ما بتعنيلي شي

سالي:بس هي بدا اياك

معتصم:المهم انا مين بدي

سالي:ها ،عم تضحك على عقلي

معتصم:هاي المشكلة انك بتشك فيني و باي كلمة بحكيا ؛يعني انا رح ابقى كذاب طول عمري بنظرك

سالي:انا صدقت يلي شفتو بعيني

معتصم:شو شفتي ؟شفتيني مع ميرفت عم ...استغفر الله العظيم ...

سالي:هيك شكلكن كان بيوحي ،المهم يعني ما رح تعتذرلي

معتصم:لاااا ما رح اعتذر انت يلي لازم تعتذري

سالي:و انا مستحيل اعتذر سلام

معتصم:اييه سلام

سكرت الخط انا و عم نفخ و شلحت الموبايل على التخت

سالي:اوووووف علينا ،انا بفرجيك يا معتصم بدك تعتذرلي غصب عنك ،العمى ولو ما ابردك

بقيت عم اكل باضافري و اعلك و هز برجلي و فكر حتى طلعت براسي فكرة ،على الساعة 11 بالليل ،بعتلو رسالة

ساالي:ليك معتصم انا كنت واقفة من شوي على البلكونة و كانو لمحت 3 رجال عم يطلعو على بيتي ،انا خايفة كتير يكونو من رجال سيراج شو اعمل؟

بعتلو المسج انا و عم اضحك ،و نطرت اتصالو بعد ربع ساعة اجتني مسج منو

معتصم:تغطي منيح و نامي

سالي:ياللله شو انك دب

زتيت الموبايل و رحت لعند ام العبد كانت واقفة عم تحط عشا

سالي:ام العبد هلأ بدي اسالك سؤال

ام العبد:تفضلي

سالي:هلأ الرجال بحب البنت التقيلة ولا الخفيفة ؟يعني مثلا اذا صار مشكلة مين لازم يراضي و يبادر

ام العبد:ولله ما بعرف شو بجاوبك لانو رجال ايام زمان تغيرو عن رجال هلأ،ابو العبد الله يرحمو ما كان يخليني نام زعلانة و انا بنفس الوقت ما خليه يزعل مني ابدا ،كنت فاهمة عقلو منيح كيف بفكر

سالي:و انا كيف بدي اعرف هيدا كيف بفكر ؛اصلا اذا كان عم يفكر فيني

ام العبد:تعي تعشي يلا

سالي:ما الي نفس

ام العبد:سالي ..تعي بدي احكي معك كلمتين

سحبت كرسي الطاولة و قعدت

ام العبد:انا ماني حدا من اهلك بس امرك بهمني و بعتبرك متل بنتي و بحس حالي مسؤولة اتجاهك على الاقل لوجهك على الطريق الصح ،انا مراعية عمرك الصغير و قلة خبرتك بالحياة بس هيك ما منيح الك ابدا ،اخر فترة صايرة عم تتصرفي بدون ما تفكري ابدا ،بدي اياك تعدي للعشرة قبل اي خطوة بتعمليا ،بدي تكون مسؤولة عن حالك و تصرفاتك حابة شوفك كبيرة و تلتفي لمستقبلك شوي و تنسي هالشاب يلي دخل لحياتك بالصدفة و يلي بينكن ما اسمو زواج و لو بدو اياكي ما كان خلاكي هيك ضايعة

سالي:بس هو بحبني و انا متأكدة و عنجد نحن تزوجنا

ام العبد:الحب افعال ما بس حكي و كلام ،و انت هلأ عليكي شغل كتير دراستك و...

سالي:يالله انا ما بحب الدراسة

ام العبد:بدك ابوكي يكون زعلان منك !

سالي:لا

ام العبد:معناها كملي دراستك و تخرجي و اعتمدي على حالك ،هل اكام ليرة يلي اجوكي من حق سيارتك مصيرن يخلص بالاخر ،وقتا من وين بتصرفي على حالك ،بتضطري تبيعي الهدايا يلي جبلك اياهن ابوكي

سالي:لا مستحيل

ام العبد:و حتى البيت يلي قاعدة فيه كمان بتبيعيه و بتصفي بالشارع عم تتخيلي حالك بالشارع لا دراسة و لاشغل

سالي:لا ابدا

ام العبد:معناها قومي يلا على دراستك

ام العبد:هاتي الموبايل و قومي على دراستك يلي الك هاملتيا كتير

سالي:لااااا

ام العبد:يلا هاتيه

اعطيتا الموبايل بتردد

سالي:بس اذا اتصل بتخبريني ايه

ام العبد:ايه بس انت ركزي بدرسك و ما تزعلي ابوكي بقبرو و ما تخليه يحس انو دلالو الك كان غلط كبير بحقك

فتت على غرفتي و اتصلت بشذى لتجي عندي و شوف شو متراكم علي،رجعت على جامعة لعوض كل شي فاتني ،كان تفكيري بمعتصم عم يخف يوم عن يوم و خاصة انو ما عاد شفتو و لا حتى سمعت عنو شي بس بقي شوقي و لهفتو الو متل ما هي ،حتى رجعت يوم من الجامعة و فتت على البيت انا و عم نادي ام العبد بصوت صبياني

سالي:ام العبد .....ام العبد

انا و فايتة على المطبخ ،لمحت حدا واقف على شباك الصالون،قربت و و قفت على الباب ،دار جسمو لعندي و اطلع فيني و ابتسم،انا قلبي صار يدق بسرعة

سالي:معتصم!!

ركضت لعندو بدون ما فكر ابدا و لا حتى عد للعشرة متل ما قلتلي ام العبد و لفيتو ،صار يضحك

معتصم:انت الواحد قد ما غاب عنك بتبقي متل ما انت

فاتت ام العبد على الصالون هي و حاملة صنية و فيا فنجان قهوة ،خجلت و بعدت عنو ،اطلعت فيني ام العبد هي و عم تبتسم و تهز براسا كأنو ما في مني امل

فاتت لجوا البيت و توجهت على غرفة النوم فتحت الباب بقوة لتشوف امي و زوجا على التخت , هجمت على امي و مسكتا من شعرا هي و عارية و سحبتا من الغرفة لبرا البيت و هي عم تسبا بابشع الالفاظ , قام ابو سامح يلبس تيابو ليهرب من الفضيحة , ما حاول ابدا يشيل امي من بين ايدين مرتو و انا وقفت ابكي و عم ارجف , سحبتا لبرا البيت و نزلت ضرب فيا و الجيران التمو علين و في نسوان قربو و ساعدو لام سامح بالضرب و البزق و السب و الشتم ,هديك الحادثة ما قدرت انساها بحياتي ابدا و لا حتى اللقب يلي كانو الناس عم ينعتوا فيه (عاهرة),بعد هالحادثة لمينا اغراضنا لننقل على بيت تاني و حارة تانية , رحت على المدرسة لاسحب اضبارتي , كانو كل البنات عم يطلعو فيني بطريقة مقرفة و كانو حشرة او زبالة و ما قادرين يقربو عليا من ريحتا , حسيت كتير بالاهانة و بهديك اللحظة عرفت انو يلي كانت امي عم تعملو كان غلط و بيخجل و انا كنت عم افتخر فيه , طلعت من المدرسة انا و منزلة راسي لاتجنب نظرات البنات الي حتى رفيقتي شذى ما قربت تودعني و وقفت من بعيد تتفرج علي , كرهت حالي و كرهت انو هالانسانة يلي ما الي غيرا بالدنيا هي امي ,نقلنا على حارة تانية ما حدا بيعرفنا فيا او بيعرف الماضي الاسود يلي هربنا منو , رجعت امي على نفس العادة , الجار ...الخضرجي ... البياع و أي حدا ممكن تستفاد منو , بس انا هالمرة كنت غير , كنت قرفانة و كنت خايفة ترجع تتكرر الحادثة مرة تانية بس امي كانت اذكى هالمرة , كل ما تحس انو رح ينكشف امرا قدام الجيران , كنا نضب اغراضنا و ننتقل على بيت و حارة جديدة و مستقبل ما بيفرق كتير عن الماضي , فقدت طعم الامان و الاستقرار , كل شهرين بمدرسة جديدة و رفقاة جداد , معدلي الدراسي بتراجع ,نفسيتي للاسوا , كنت اهرب من البيت و البيئة يلي عايشتا و يلي كنت معتبرتو متل قبر او مستنقع للحارة , ادرس و اكل و العب بالحارة , ما كانت تسال كتير عني لانو كانت تعتبر حالا انو هي عم تقدم حتى فوق طاقتا و عم تبيع حالا كرمالي , عم طعميني و تلبسني و مسجلتني بمدرسة و فكرت كمان تحطلي انسة لتعطيني دروس خصوصي ,انا هيك ربيت و كبرت و قررت انو ما كون متل امي يلي اعتبرتا هي الصفحة السودا بحياتي حتى صرت اتحاشى انو امشي معا بالطريق , صار عمري 16 سنة و الوضع بعدو متل ما هو و انا كنت بعدني ساكتة , لليوم يلي كنت بغرفتي عم اتسمع على اغاني و ادرس , انفتح الباب علي و طلع بوجهي رجال اربعيني , اطلع فيني نظرة حيوانية و كانو عم يتفحصني
سارة: شو بدك ؟ شكلك مخربط بالغرفة
اجت امي من وراه
ام سارة : شو عم تعمل هون ؟
_ما قلتيلي انو عندك بنت صبية
ام سارة : أي تعا تعا
سحبتو من ايدو و قربت على الباب
ام سارة :سارة صيري قفلي على حالك احسن
هزيت براسي و قمت قفلت الباب علي و رجعت ابكي , ما كان في استقرار ابدا و صار في مشاعر جديدة , مشاعر خوف على حالي من انو اوقع و يجرفني التيار , كنت عم قاوم بكل قوتي انو اوفي وعدي لحالي انو ما كون البنت يلي بتشبه اما بس ,بعد هالحادثة خبرتا بشكل جدي توقف المهزلة يلي فيا و تشتغل شغل شريف او تتزوج رجل محترم احسن من ما يكون تختا لاي عابر سبيل , صارت تضحك ضحكتا المعتادة
ام سارة : أي شغل رح اشتغلو ما رح يعيشنا بالمستوى يلي معيشتك اياه انا هلا
سارة :ما بدي هالمستوى
ام سارة : انا عم اعمل هالشي كرمالك انت لحتى ما تحتاجي تشتغلي هيك شي , شوفي فتحتلك رصيد بالبنك و عم حطلك فيه مبلغ كل شهر كرمال دراستك بالجامعة
سارة بدك ادرس من هيك مصاري , هيدا مال حرام
ام سارة : طيب مال حرام و مال الحرام لازم ينصرف بالحلال و انت رح تصرفيه بشي حلال و منفعة ترجع الك حتى ما تحتاجي تروحي للحرام , سارة هاي اول مرة و اخر مرة بتفتحي معي هيك موضوع , هاي حياتي و انا حرة فيا , انت مسؤولة عن حياتك و كوني ذكية و شاطرة و ما تخليا متل حياتي , يلا انا قايمة حضر حالي جاي ابو القاسم

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................

جمال : بعرف , كانت عم تنصح بيت حماها و سلفا يلي بتعتبرو متل اخوا و بكل الاحوال هن رح يعرفو عنك كل شي اذا ما هلا , بعدين , بالاخير حبل الكذب قصير و انت كل همك كان تاخدي أي حدا من بيت الادهم و وقت ما قبل فيكي حسام لفيتي على اخوه المتزوج
سارة : قصدك تقول انا فايتة على طمعة !
جمال أي تماما , انا رح اعطيكي قرشين مناح و انسي هالعيلة , لا انت من مستواهن و لا هن من مستواكي
ابتسمت و انا عم ابكي
سارة : كل شي عنكن بالمصاري , عم قول نتالي لمين طالعة , انا ما بدي مصاري لا منك و لا حتى من فادي , اشتغلت من قبل و اعتمدت على حالي و عشت من ورا شغلي و هلا رح ارجع اشتغل كمان بكل الاحوال و انا حبيتو لفادي ما كرمال مصاريه كرمال الامان و الاستقرار و شفت فيه كل عيلتي لانو هادا يلي ناقصني بس
جمال : ما في استقرار مع واحد متزوج و عندو عيلة , شوفيلك واحد عذابي يحسسك هالشعور و بعدين لو كان بحبك فعلا كان واثق فيكي اكتر من هيك او كان اختبرك بطريقة ذكية بس هو من جوا مبرمج مخو انو انت متل امك , و معتبرك مجرد نزوة بحياتو
جرحني بكلامو ,تلبكت و انقهرت,سكتت و نزلت نظري و صرت افرك بايدي
جمال : شو ؟
سارة : طيب معك حق بكل شي قلتو .... انا غلطت وقت فكرت بواحد متزوج و انا بوعدكن انو اطلع من حياة فادي على الاخير و ما لاحقو لا باتصالاتي او اطلع بطريقو بس بدي منكن تعترفو انو ما انا البنت يلي كنت بالفيديو و انو انتو يلي طبقتوه
جمال :بس نحن ما ......
سارة : لا انتو , اذا بتريد من شوي كنت عم تقلي حبل الكذب قصير
جمال : طيب و ليش بدك نعمل هيك و انت بتعرفي اذا حكينا مع فادي و قلنالو هالحكي رح ترجعو لبعض , يعني يا انت غبية يا اما عم تتغابي
سارة : لا وللله , بس ما بدي ياخد صورة بشعة عني , و قلتلك ما رح قرب علييه او على بنت اختك و رح اتركن يكملو حياتن كانو ما كنت فيا , اذا بتريد (تبكي) انا جيت مخصوص لعندك لاترجاك و بعرف ما تردني خايبة لانو سمعت عنك و عن سمعتك الطيبة و كرمك و ما حلو هيك تصرف يطلع منك
اعطاني محرمة لمسح دموعي و سكت و سند ضهرو و حط ايدو على تمو
جمال : ما بقدر انا هيك بضرا لبنت اختي و بطلعا كذابة و بخرب علاقتا مع زوجا اكتر بس رح عوضك عن يلي عملتو ب ...
سارة : ما بدي تعوضني لا بمصاري و لابشي , ما في شي بعوض سمعتي يلي خربتو , و متل ما قلت حبل الكذب قصير و مصيرو فادي يعرف الحقيقة و وقتا انا ما رح فوت ولا لحظة لكون معو
جمال انت هيك عم تهدديني ؟
سارة : انا عم خيرك استاذ جمال , قلتلو الحقيقة طلعت من حياتكن و اكيد عنكن مصادر تفوق الاستخبارات الامريكية لتعرفوا ذا بعدني على علاقة معو الا لا , كل يلي بدي اياه انو ما كون ذكرى بشعة بحياتو و ما ينظلي نظرة استحقار او ندم انو عيشني شهر مبسوطة و انا وعدتو ما كون مصدر تعاسة الو ابدا لانو هو بيستحق هالشي و حارب الناس كرمالي و ما بنسى يلي عملو معي ابدا و ما ممكن ردلو هالشي بخيانة تجرحو العمر كلو
جمال : بفكر بس ما بالوقت الحالي , لترجع امورو هو ومرتو بخير , انا بلاقي طريقة و بخبرو لنطلع باقل خسارئر ممكنة بس اذا رجع تواصل معك و انت اعطتيه وجه وقتا النا حكي تاني
سارة : انشالله ما بقا بصير بيناتنا حكي تاني و انا رح غير رقمي و عنواني و ما رح خليه يوصلي

سيرين:ما صار شي ،ما فيه شي لهلأ ،كل شي ماشي متل ما بدك بس ما في حمل لهلأ ،نرمين انا ما بقا قادرة اتحمل فراق ابني عم دوب متل الشمعة على بعادو

نرمين:سيرين ..ما بقدر ارجع....من الاخر لا هلأ و لا بعدين ..

سيرين:شوو..ما هيك اتفقنا ..

نرمين: انا حامل

سيرين:انت شو ؟ انت شو ؟

نرمين:سيرين انا حامل

سيرين:حامل من مين ...من جمال

نرمين:ايه

سيرين:انت وحدة حيوانة و كذابة و ضحكتي علي و انا رح دفعك التمن غالي و رح افضحك ،رح فوت هلأ احكي لفادي كل شي

نرمين:ما رح يصدقك

سيرين:شو مفكرتيني غبية كتير ،انا مسجلتلك كل مكالماتك على هيدا الموبايل و هلأ رح فوت سمعو اياه

نرمين:سيرين اهدي شوي و افهميني انا مبسوطة هون و انت مبسوطة بمحلك ،خلي كل شي على حالو

سيرين:مين قلك اني انا مبسوطة ،انا ما مبسوطة ابدا ؛فادي رجال ما بينعاش معو ،اسمعي معك يومين لتحطي عقلك براسك و ترجعي لمحلك الحقيقي

نرمين:قلتلك ما بقدر انا حامل ،انا بالشهر التالت و كنت ناوية اليوم خبر جمال بحملي

سيرين:ما دخلني؛ارجعي قليلو لفادي انك حامل منو و هيك بتكوني عملتي يلي بدك اياه و بعدين على اساس انت ما بتجيبي اولاد ولا كنت عم تضحكي علي بدك تسرقيلي بيتي و زوجي و ابني يا كهينة ،معك يومين بس فهمانة و الا رح اخرب الدنيا على راسك يا نرمين و رح دفعك التمن غالي

فات فادي فجأة علي انا و عم اتخانق مع نرمين ،سكرت الخط بوجه نرمين و التفتت لفادي انا و عم ارجف و مخطوف لوني من شوفتو

......

ربا:طيب رح اتركك انت و رفيقتك ترتاحي هلأ و ما تفتحو الباب لمين ما كان و بعدين رح نشوف كيف رح نحل الخلاف بينك و بين فادي ،البيت مليان ما ناقصو شي كنا على اساس نقعد فيه انا وعمك ابو فراس بس رح اقنعو نقعد بشي فندق

نرمين:شكرا عمتي ، شكرا لكل شي قدمتيلي اياه ،انت الوحيدة يلي بحسك بتحبيني بلا مصلحة

هي و طالعة قربت عمتي على سيرين و حضنتا بطريقة غريبة حتى سيرين تلبكت من معاملة عمتي اتجاها ،و انا كل شي كنت عم فكر فيه فادي و جمال و كل هالقصص نسيتا ،كل شي كنت عم فكر فيه هو سيرين و انو معقول تكون اختي ،بهديك الليلة اليتيمة و الوحيدة يلي بقينا فيا سوا ،كنت عم اطلع فيا ما على انو عدوة ،كنت عم شوفا متل اختي ،رجعت فتحت الحديث معي حتى نرجع نعلق على نفس القصة بس انا ما كان الي مزاج لاحكي بقصص ماضية

نرمين:سيرين ما بدي اعلق معك هلأ،ما الي نفس

سيرين:انت السبب ، انت يلي وصلتينا لهون ليش لتحكي لفادي،(تبكي) يا الله ابني ما بعرف وينو لهلأ و قلبي متل النار عليه

نرمين:طولي بالك و بعدين حتى لو ما حكيت ،كان فادي رح يعرف كل شي بطريقتو و انا اختصرت الطريق ،المهم انت قلتي انو حمادة بكون اخوكي ؟

سيرين:ايه

نرمين:اخوكي من امك و ابوكي ؟

سيرين: لا ، حمادة اخي بالرضاعة

نرمين:كيف يعني؟

سيرين: انا اهلي ماتو بالحرب و اخدتني عيلة حمادة و ربوني عندن و بيني و بين حمادة كام شهر ، رضعت انا و اياه من امو لهيك طلعنا اخوات بالرضاعة

نرمين:عنجد يعني انت ما بتعرفي ابوكي و امك الحقيقين؟

سيرين:لا ماتو قبل ما اعرفن بس يلي ربوني كانو مناح كتير معي ،ما حسسوني ابدا انو هن ما اهلي ابدا و امو لحمادة لحسن حظي ما عاد رجعت حبلت بولد تاني بعد حمادة لهيك ما كنت حسا انو تميز بيناتنا

نرمين:طيب مين سماكي باسمك؟

سيرين:ما حدا ؛قالتلي امي ..يعني قصدي امو لحمادة انو وقت استلموني ،كان مكتوب على التياب يلي كنت لابستن اسمي و ضلو ينادوني فيه..يعني كنت بعرف كل شي ،ما عملو فيني متل الافلام بس كبرت تفاجأت انو هن ما اهلي الحقيقين،كانو صريحين زيادة معي و صدموني بالحقيقة اول ما وعيت ،اول شي استصعبت القصة بعدين تعودت

نرمين:عنجد سيرين ....انا ما خطرلي ابدا اسألك عن هيك تفاصيل ابدا....يعني متل ما قالت عمتي ربا

سيرين:شو قالت عمتك ربا؟

نرمين ؛انك .. انت.. بتكوني..

انفتح باب البرندا بالوقت يلي انا بدي خبر فيه سيرين انو هي بتكون اختي و طل فادي بجسمو الدفش و وجهو المكدر ،كنت لازم اعرف انو بهاللحظة لازم فادي يدخل و ينهي كل اللحظات الحلوة يلي ممكن عيشا بحياتي

فادي:كنتو مفكرين تهربو مني بهالبساطة ،العقاب من جنس العمل

____سيرين______

بدقايق قصيرة كان كل شي خالص ،نرمين على الارض و دما عم يسيل منا نهر و عم تلقط انفاسا الاخيرة ،ركضت لعندا انا و مفجوعة بالمنظر و عقلي طار من محلو

سيرين:نرمين ..نرمين

نرمين:انا ..كنت ...بدي ...قلك ..انك انت ..اختي ..سامحيني

سيرين(تبكي):نرمين ..لك حامل ...كيف الك قلب تقتلا

فادي:الشرطة جاي على الطريق

قرب لعندي و مسك ايدي و حط المسدس فيا

فادي:يزن رح يبقى معي بالحفظ و الصون لانو هلأ ما عاد الو لا اب و لا ام ،ابوه متورط بتهريب مخدرات و امو متورطة بجريمة قتل

سيرين:نرمين نرمين اصحي ....(تبكي) ..يالله

التفتت لعندو انا و عم ابكي

سيرين: انا ما قتلتا...انت يلي قتلتا

فادي:لا انت يلي قتلتيا بعد ما عرفتي خيانتا مع زوجك و حملا منو و اذا حكيتي غير هيك ،ابنك ما رح يبقى عايش ساعة وحدة ،و صرتي بتعرفيني هلأ منيح اذا بنفذ هالحكي الا لا ،رح يزورك محامي من طرفي و يفهمك شو تحكي بالضبط ...

سيرين:عم تمسكني من الايد يلي بتوجعني ...

مسكتا من ايدا وحكتلا خلينا نمشي

امي: لك ياامي شو عم تعملي شو يلي عم يصير

سامح: مرة عمي لو سمحتي وقفي لفهمك

بتول: امشي امي امشي ما في شي نفهمه منه حسبي الله ونعم الوكيل

كملنا طريقنا انا وامي مشي وخبرتها يلي حكالي اياه بكيت انا وامي كتير ع حال بيان.. مو متخيلة شو رح يصير فيها لو دريت بالموضوع.. اكيد رح تروح فيها
بيكفي يلي خسرته من قبل ما رح تتجمل كمان تخير زوجا وحبيب عمرا.. ياربي شو هالبلاوي يلي عم تصيبا لهالبنت..

رجعنا عالبيت وقعدت انا وامي وابي وبقينا طول الليل نحكي بالموضوع وامي ما كانت قادرة تخبر بيان بشي حتى ابي.. ما كان بايدي شي غير احكي ل ايهم يلي شفتو بركي بنلاقي حل سوا..

رحت ع غرفتي ومسكت موبايلي لاحكي مع ايهم اتصلت عليه بعد كم رنة رد..

ايهم: مسا الفل حبيبتي.. شو روحتي

بتول: اي حبيبي الي فترة

ايهم: والله وليه ما خبرتيني

بتول: ما كان فيني انشغلت

ايهم: ممم بشو شبكي صوتك مو على بعضه

بتول: اخ شو بدي قلك.. مو مصدقة لهلء يلي صار حاسة راسي رح يتفجر من كتر التفكير

ايهم: لك شبكي قلقتيني

بتول: سامح ياايهم

ايهم: شبه!!!

بتول: ااخ ياربي.. لك اليوم شفته بالسوق.. شفته انا وامي مع وحدة.. طلعت خطيبتو.. خبرني بكل وقاحة وبدو اياني اسمع منه.. لك بدو يتزوج ع بيان

ايهم: اي!!

بتول: شو ايه! شبك ما توقعت ردة فعلك هيك.. مو معقول انت..

ايهم: مو هيك بس انه

بتول: انه شو.. بدك تقلي حقه وحياته.. بعرف هالشي.. بس عالقليلة كان استنى لوقت ما جرحها يطيب وتنسى.. بدو يموتها هاااد

ايهم: بتول انا بعرف بهالشي كنت بدي خبرك بس

بتول: شووووو.. بتعرف.. شو اتكرمت حضرتك!! بتعرف انه سامح خاطب.. لك ليه ما خبرتني.. وبتأيده كمان!! لك حسبي الله فيكن كلكن

ايهم: لك شبكي اهدي خلينا نحكي

بتول: شو احكي.. ماضل حكي.. لك كلكن متل بعض.. ع اول مفترق بتبيعونا.. ع اول عقبة بتواجهنا بتتخلو عنا.. وانت متلك متل سامح مافي شي بيفرقك عنه

ايهم: بتول انتي شو عم تخبصي اعرفي شو عم تحكي

بتول: اي انا بعرف منيح شو عم بحكي سلام

سكرت الموبايل وضربته بالارض وقعدت ابكي.. انقهرت كتير ع بيان وع حالي.. كيف هيك استغلو ضعفها ونقصها وخطبولو وهيا بأمس الحاجة اله..
وايهم يلي مأيده واكيد مساعده بهالشي..

فاتت لعندي امي وانا ببكي وخبرتها كل شي.. قعدت تواسي فيني وتقلي انه زح نلاقي حل وكل شي رح يتصلح..
حاولت فكر بطريقة خبر فيها بيان بس كل ما كنت امسك الموبايل ارجع حطه مكانه.. ما كان بدي احكي معها عالموبايل لانا ما رح تستوعب الشي يلي رح تسمعه.. وبتفس الوقت ما كنت قادرة روح لعندا وخبرها ما كان بدي شوف سامح ولا شوف ايهم..
تاني نهار الظهر كنت قاعدة انا وامي وعم نحكي بالموضوع وابي كان بالشغل.. دق باب البيت قمت فتحت.. كانت بيان.. توترت كتير وما عرفت اطلع بعيونها.. يمكن لاني بعرف شي ومخبياه عنها لهلء

بتول: اهلين اختي تفضلي

بيان: كيفك حبيبتي وينها امي

بتول: ليكها جوا تعي اقعدي لسا ما عملت القهوة

بيان: اي روحي اعمليها

فتت عالمطبخ وبيان راحت لعند امي عالصالون.. وقفت ع الباب واطلعت عليها من بعيد كانت طبيعية وهادية اتاكدت انها ما بتعرف شي لهلء..
ركبت عالقهوة واخدت نفس وقررت استغل جيتها والموقف هاد وخبرها بالموضوع انا وامي سوا..

الجزء السابع: بقلم ندآء الصوالحي

عملت القهوة وفتت لعندهن كانو عم يحكو عن ابي وشغله..
قعدت وبلشنا شرب القهوة.. لما خلصو حكي بالموضوع بقينا نحنا التلاتة ساكتين وعم نطلع ببعض..
كان باين علينا انه كل وحدة في بقلبها حكي مو قادرة تحكيه..
بس انا كنت الاجرأ فيهم.. وكنت دائماً ما ابدأ بالمواضيع وبالمواقف كلها..
حطيت القهوة بالصينية وفتلت حالي ع جهة بيان..

بتول: بيان.. بدي احكيلك شغلة

امي: بتول خلص بلاها خلينا مروقين..

بتول: لا امي.. نحنا مو مروقين.. شوفي كيف متوترين وعم نرتعش..

بيان: وبعدين!!

بتول: شوفي اختي.. والله بعرف الي بدي خبرك فيه صعب كتير.. بس لازم تعرفي هالشي.. انتي تلقيتي الاصعب منه لهيك رح خبرك.. انتي بتعرفيني ما بحب خبي عليكي شي

بيان: ايه اختي احكي مو فارقة

بتول: اختي امبارح كنا انا وامك بالسوق.. و شفنا سامح جوزك هنيك

امي: خلص امي بلاها

بيان: لا اختي كملي شو فيه

بتول: شفناه مع وحدة وخبرنا انها خطيبته.. جوزك بدو يتزوج يا بيان

بيان: ايه اختي بعرف..

حسيت حالي ما سمعت منيح.. قربت لعندها ورفعت راسها واطلع بعيوني

بتول: شو عم تحكي

بيان: عم قلك بعرف

امي: من ايمتى يا بنتي..

بيان: انا يلي طلبت منه يتزوج.. وانا يلي اصريت على هالشي

بتول: شوو انتي من كل عقلك بتقولي

امي: استغفر الله العظيم من كل ذنب عظيم

بيان: امي.. بتول.. انا كنت رح خبركن.. بس ما كان الوقت مناسب.. كل شي صار بسرعة وبهدوء.. سامح كان رافض الفكرة تماما بس انا ما كان عندي حل تاني

بتول: كيف ما كان عندك حل تاني.. انتي كيف بتعملي هيك.. ليش لتخليه يتزووج

بيان: لانه حقققه.. حقه يتزوج

بحطا بين الخدم لبين ما تفضى و فاتحك بموضوعا لتبت بامرا
جعفر : اممم, هالمرة رح سامحك على هيك غلطة كرمال خاطر معزة ابوك عند ابي وكرمال معزتك الخاصة بقلبي , بس تاني مرة ما بتتصرف بشي بدون علمي
صقر: حاضر بس انت سيد جعفر بتعرفني ما بخطي خطوة بشي قبل ما كون متاكد مليون بالمية و خاصة شي بخص عيلة القبضان , انتو مفضلين علينا
جعفر: طيب طيب
صقر: هلا شو بتحب اتصرف فيا , بتحب لحقا بام رائد؟
سيلينا : شو ؟ شو دخلني فيا (تبكي)..ولله ما بعرفا
جعفر: روح انت هلا و انا بخبرك شو تتصرف
صقر: حاضر
جعفر: ما عجبك الشغل عنا ؟
سيلينا : ...اي ...لا ...عجبني ...لا
جعفر: شو , احكي منيح
سيلينا: ما عجبني لانو انا ما بشتغل هيك شي , انا بشتغل شغلة محترمة و عايشة منا
جعفر : انت بتعرفي اديش الراتب هون, انا متاكد قد يلي بطلعيه على عشر مرات
سيلينا : انا يلي بدي اياه انو اطلع من هون و ارجع لحياتي الطبيعية يلي كنت عايشتا قبل ما افتح هالباب اللعين للمرة يلي قتلتو بدم بارد
جعفر : الخاين بيستاهل القتل
سيلينا : الخيانة مفهوم معقد و بيختلف من شخص لتاني , يلي انت بتشوفو خيانة غيرك بشوفو وفاء,اذا ما وفاء لشخص بكون وفاء لمبدأ معين و انا حسيت من وجه المرة انو ما ارتكبت جريمة بتستاهل هالعقاب الكبير
جعفر : و كيف صارت معك الخيانة وفاء ,حطيتي الاسود و الابيض مع بعضن
سيلينا : لو انت طلبت من صقر يقتلني و صقر ما قتلني و طلعني من هون و خبرك انو نفذلك اوامرك , هيدا شو اسمو ؟
جعفر: اسمو خيانة و غدر و وقتا مصيرو لصقر نفس مصير ام رائد و يلي قبلا و يلي بعدا
سيلينا : انت بالنسبة الك خيانة بس هو بالمطلق وفاء , وفاء لضميرو و انسانيتو و مبادئو بانو ما يقتل حدا مظلوم
زم شفايفو و ما عجبو الحكي
جعفر : ..اممم مفلسفة ,شو عمرك انت ؟
سيلينا : عمري 25 سنة
جعفر : وين اهلك ؟وقت فتنا على الذريبةيلي كنت عايشة فيا ما شفنا حدا معك
سيلينا( : البيت يلي ساكنة فيه ما ذريبة , ما حسيت حالي بذريبة غير وقت حشرتوني بالغرفة المعفنة يلي باخر الغابة , هيدا بيت اهلي بس ابي و امي ماتو من لما كان عمري عشر سنين
جعفر: كيف ماتو ؟ ؟
سيلينا : وقعو بالحنطور بالوادي
جعفر :....طيب على كل حال يلي بشتغل بفيلا القبضان و لو ساعة وحدة ما بيطلع منا فارغ الايدين , منكافيه و منحملو راسو بين ايديه
سيلينا : ما فهمت !!!
جعفر: يعني رح تبقي هون و هلا روحي على شغلك لانو ما فاضيلك
فتح الباب و اجا ليطلع
سيلينا : هيدا ظلم , ظلم كبير
فتل ضهرو و اطلع فيني و رفع حاجبو
جعفر : قصدك تقولي انا ظالم ؟
سيلينا : لا لا لا قصدي قرارك فيه ظلم علي انت خاطب و مرتبط و اكيد بتحب خطيبتك , بتريد حدا يجي يبعدا عنك بالغصب
جعفر : و مين هيدا يلي بدو يسترجي يقرب على خطيبتي , ما خلق لسا
سيلينا : و انا ...خطيبي بكون عم يحترق ليعرف محلي
جعفر : بدو اياكي يجي ياخدك من هون بنفسو بس من هون لوقت يسترجي و يجي , انت رح تبقي هون محل مكان ام رائد الفاضي لتدفعي تمن تسترك على وحدة خاينة و اذا بتفكري ترجعي تهربي صرتي بتعرفي انا شو بقدر اعمل
سيلينا : بس هو ما بيعرف محلي ليجي ياخدني
جعفر : ما تخافي بكون عرف (مبتسم)خلينا نشوف البطل رح يجي ياخد اميرتو من القلعة و يتخطى كل هالحرس او رح يطلع جبان و ما رح يسترجي يقرب
انصدمت بحكيو ,هو و واقف اجت صبية عمرا تقريبا بال 18 سنة قصيرة بيضاء من هيئة لبسا واضح انو لا تقل مكانة و غنى عن جعفر
ورد: حبيبي وينك لهلا؟ طولت علينا
جعفر: يلا خلصت
اطلعت فيني نظرة سريعة بعيون حيرة و نزلو سوا و انا بقيت واقفة بالمكتب عم ابكي على السجن الكبير يلي انحبست فيه و ناطرة البطل ليجي يخلصني , عم ابكي لوجود هيك بشر معتبرتنا حجر شطرنج و تسلاية يعبو فيا وقتن, مسحت دموعي و نزلت على المطبخ , كان الخبر مطبول بالمطبخ بسيرة محاولة هربي, استقبلتني سعاد بسيل من السب و الاهانة و التجريح , و بعدين كملت شغلي تحت ضغط و حراسة مشددة من سعاد و ميرا ,مر يوم و اتنين و تلاتة و اسبوع و انا بعدني عم اخدم بفيلا ال القبضان , كان الامل بطلعتي من الفيلا عم يتلاشى يوم ورا التاني و الحلم الابيض صار اسود و استفساراتي عن سام يلي ما شفت منو أي مبادرة لحد الان عم تزيد كل يوم , اما الشغل مع سعاد متعب كتير و خاصة كرها اتجاهي الغير معروف اسبابو زاد من ضغطا علي و تحميلي فوق طاقتي , بعد اسبوعين طلعت من الفيلا و رحت على الباب , شفت يامن و صقر واقفين عم يحكو مع بعض , قربت لعندن
يامن : شو بدك ؟
سيلينا : بدي اسالكن اجا شاب سال عني ؟
صقر : شو هو هههههه لا ما حدا سال عنك ههههههه اذا حدا سال شو منقلو ؟
يامن : منقلو حضرتك فاضية تقابليه الا لا او منعطيه موعد ؟
سيلينا : عنجد بينزعل عليكن
تركتن عم يضحكو و فتلت ضهري , لحقني صقر
صقر: شو صار معك بيلي حكينا فيه؟
سيلينا : بنفذو اذا بتهربني من هالباب, غير هيك ما رح اعملك شي لانو جعفركن عدل عن قرار قتلي
صقر:اسمو السيد جعفر بس ماشي ....ما تماطلي و اطلعي اليوم قبل بك

نورا:هلأ لا

اياد:فرجيني اياه لمعتز اشتقتلو كتير من مبارح لليوم ،حاسس الي سنة ما شفتوو...ولا ما اشتقت لابوك انت ..شو عم تعملي ؟

نورا:ولاشي كنت عم غيرلو لمعتز

اياد:نورا بدي قلك شغلة

نورا:شو ؟

اياد:ولا قلك ،خليا لبعدين ،بس تصح رجلي ،بقلك اياها وجه لوجه احسن ،بس انا عرفت شغلة مبارح ما بعرف من وقتا و انا حاسس انو انا محظوظ اني شفتك و عرفتك

نورا:ههههههههههه

اياد:اضحكي اضحكي ،معك حق تضحكي

نورا:كنت عم تلعن الساعة يلي شفتني فيا و اني انا دمرتلك حياتك ،شو تغير هلأ؟

اياد:هيك كنت مفكر بس طلعت غلطان

نورا:ايه شو بدو يتغير هلأ؟

اياد:ولاشي بس انا حاسس حالي من جوا اني مبسوط

نورا:وجعتني رقبتي من التطليعة لفوق

اياد:معك حق ،روحي هلأ نيمي معتز و بشوفك بعدين

كانت نورا مبسوطة انو اياد ما رح ينزل لعندا لمدة شهر ،حست بارتياح داخلي غريب ،اما نتالي ما استسلمت من برود اياد اتجاها و خاصة بعد ما شافت فيه الرجال يلي بتحلم فيه ،القبضاي الشبعان يلي ما ببيع حالو كرمال المصاري ،لهيك حبت تعرف عنو كل شي ماضيه و حاضرو ،رغم انو تفاجأت بالشي يلي عرفتو و بقيت اسبوع بدون ما تزورو هي و مترددة منو و خايفة و بنفس الوقت مرتاحة اتجاهو كتير ،بعد اسبوع دقت الباب عليه هي و متلبكة ،بعد وقت طويل فتحلا الباب بعد ما كان اياد نسيا تماما و فكرها غابت من حياتو للابد ،فاتت قعدت بعد ما طمنت عن صحتو و محتارة كيف بدا تفتح معو الموضوع

نتالي:اياد انت قلتلي ما كملت جامعتك لظروف،فيني اعرف شو هالظروف؟

اياد:ظروف خاصة

نتالي:بس انا سألت عنك و عرفت شو هالظروف

اياد(بعصبية):سألتي عني!و ليش لتسألي عني؟

نتالي:فضول ،بس انا ما صدقت ولله و حاسستك مظلوم ،يعني انا جيت لعندك مرتين و لو انت من هالنوع ما كنت وفرتني ابدا

اياد: ايه منيح بس الافضل انو ما بقى تجي لعندي ابدا ،ابوكي لو عرف ما رح يخليكي ابدا

نتالي:بابا عرف و قلي طبعا ما بقا روح لعندك ابدا بس انا ما رديت عليه لانو بعمرو احساسي ما خيبني و انا حاسة انك شاب منيح و مستحيل تعمل هيك شي

اياد:انت شو بدك مني؟

نتالي:صراحة انت عجبتني كتير ،انا هيك صريحة كتير ،ما بعرف اذا انا عجبتك كمان ...على كل حال انا ما بطلب منك ابدا انك تنعجب فيني ،نحن ما فينا نتحكم بالمشاعر ابدا

اياد:ليش اتطلقتي ما دام انت صريحة هالقد؟؟

نتالي: لانو ..ما بجيب اولاد ،تزوجت 3 سنين و بالاخير هو ما قدر يكمل معي،حابب يصير اب و يكون عندو اولاد ،انفصلنا بكل هدوء ،هو تزوج بعدي و صار عندو اولاد مع انو حاول يردني بس انا ما قبلت و هاي انا ..ما رجعت تزوجت لانو بقول مستحيل حدا يقبل فيني

اياد:كل شي قسمة و نصيب و الا ما يجي حدا يحبك لنفسك ويكون حبو الك اقوى من اي شي

نتالي:معقول يكون فيه حب هيك

اياد:ايه معقول ،كل شي معقول بهالدنيا

نتالي:انت ما بتحب حدا

اياد:لا

نتالي:يمكن فوتك عالسجن ضرتك كتير و خلتك تحسب حساب لأي خطوة ممكن تخطيها لقدام

اياد:صح ،انت ما خفتي على حالك مني بعد ما عرفتي هالشي عني

نتالي:صراحة خفت و ترددت قبل ما اجي بس قلتلك انا مرتاحة اتجاهك

اياد:طيب بكل الاحوال لازم تسمعي كلمة ابوكي لانو هو اكتر حدا بخاف عليكي و بحبك و ما بقا ترجعي لهون

نتالي:معك حق بابا اكتر حدا بحبني بالعالم بس انا كمان كبيرة و واعية و بعرف حالي شو عم اتصرف و صراحة ما عم حس بالوقت كيف بيمضى انا و معك

دار وجهو اياد ليتجاهل نظراتا لنتاالي يلي بقيت عم تزورو كل يوم ببيتو حتى اطورت العلاقة بيناتن و قضت عندو ليلة بعد ما خبرت ابوا انو نايمة عند رفيقتا ،اما اياد ما كان فيه اي بذرة مشاعر من جهتو اتجاه نتالي بس ما كان قادر يقاوم صبية حلوة عم تعرض حالا عليه بعد الليلة اليتيمة يلي قضاها مع نورا ،فاقت نتالي تاني يوم هي و بحضنو بقرارات جديدة

نتالي:لازم علاقتك مع بابا تتحسن ،كل انسان بحقلو فرصة تانية بهالحياة

اياد:معلش انا حابب نضل هيك

نتالي:بس انا ما بحب نكون هيك ،انت اترك الموضوع علي و انا رح احكي مع بابا و احذر شو كمان ؟

اياد:شو؟

نتالي:رح تشتغل معو

اياد:انا مرتاح بشغلي

نتالي:بس اكيد شغلك ما رح يدخلك متل الشغل مع البابا ،بابا عندو شركة تعهدات يعني بدل ما تكون انت الاجير بتصير انت المعلم و هيك بتكسب ثقتو للبابا

نطت من عن التخت و فاتت على المطبخ تعمل قهوة بس سمعت صوت طفل صغير عم يبكي و هاي ما كانت المرة الاولى يلي بتسمع فيا هالصوت و حاولت كتير تعرف مصدرو بس بكل مرة كانت تفتح شباك المطبخ و تنصت حتى يختفي الصوت ترجع تسكرو حتى قررت تسأل اياد ، رجعت هي و ماسكة مرتبان القهوة بأيدا

نتالي:اياد صحي انا كنت بدي قلك عن شغلة بس نسيت

اياد:احكي

نتالي:احيانا وقت بفوت على المطبخ بسمع صوت ولد صغير عم يبكي متل هلأ

جلس اياد قعدتو بعد ما تلبك

اياد:من وين يعني هالصوت ،اكيد من عند الجيران

نتالي:انا فكرت متلك بس ما في حواليك جيران لا جنبك و لا فوقك