#الجزء الاول
#بقلم الكاتبة امل
Telegram:@rwayate
كلنا منسمع عن الحب كلنا منعرف الوعود
يلي بتطلع بلحظة سعادة او لحظة حزن
نحنا ما فينا نعطي وعود بمشاعر ملخبطة
لما منعطي وعد لشخص منحبو وما نكون
قدو هاد شي صعب كتير رح نجرحو و ننكر
انو وعدناه قصتنا اليوم جديدة بمعنى تاني
عن الحب عن مفهوم جديد وواقع موجود
قليل من الناس بعيشو
بانا: ماما انا اليوم عندي محاضرات كتير
يعني ما فيني أفطر ابداً
ام بانا: بس ما بصير هيك يا بنتي يعني
اذا اخر سنة الك بالجامعة بتموتي حالك
بانا: ماما انا مبسوطة كتير بعدين باكل
هنيك هاتي بوسة
بانا بنت نشيطة بتحب الحياة متفائلة دائماً
ابتسامتها على وشها اخر سنة الها بالجامعة
بتدرس صحافة عمرها ٢١ سنة
بالجامعة
سيف: وينك انتي صرلي ساعة ناطرك
بانا: اي دخيلك ما تبلش
سيف: بتعرفي اني زعلان منك
بانا: اي بعرف
سيف: كأنو مالو فارق معك
بانا: امبلا حبيبي فارق معي وكتير كمان
سيف: طيب ما بدك تراضيني
بانا: عازمتك على الغدا بعد الجامعة منيح
هيك
Telegram:@rwayate
سيف: لاء
بانا: شو بدك لكن
سيف: بدي ما بقى تحكي مع هاد الغبي حميد
بانا: انت شو مشكلتك زميل متل الكل
سيف: زميل بعينك انتي بس بعيني انا لاء
بانا: وشو شايفو انت
سيف: شايفو عدو بدو يسرقك مني
بانا: هههههه يا دب انا ما بحب غيرك
يعني بدي طلع على واحد متل حميد هو صح
حليوة بس يعني انت احلى
سيف: بس يعني
بانا: شبك عم امزح خلص حبيبي
تأخرنا على المحاضرة
سيف: تضرب المحاضرة قليلي هلق بدك تبقي عم تحكي معو
بانا: لاء منيح هيك
سيف بابتسامة: منيح كتير امشي نفوت
على المحاضرة
Telegram:@rwayate
سيف وبانا بحبو بعض من اربع سنين
سيف شب كتير بجنن الكل بيتمنى يحكي معو
و كل البنات بحبوه بس هو اختار بانا يلي
شافها مناسبة الو وما بتحب تختلط مع الشباب
وما عندها ولا صديق او صديقة يعني دايما
لحالها عمرو ٢٢ معيد
بعد ما خلصو محاضرات
بانا: فرطت اليوم مالي قدرانة استوعب شي كمان
سيف: اي معناتا شدي حيلك هل السنة
بانا: لك والله شادة حالي على الاخر بس
ما بعرف خايفة
سيف: ما تخافي يا عمري رح كون معك دايما
بانا: انا ما بخاف لأنك معي ، ما قلتلي
ايمت رح تجي تخطبني
سيف: خلينا نقدم الامتحانات وبجي بخطبك
في مشكلة وحدة
بانا: شو هية
سيف: ابوكي رح يقبل يعني انتي بنتو الوحيدة
و المدللة بلكي ما قبل
بانا: اي ما تاكل هم لأني بنتو الوحيدة والمدللة
رح يقبل
سيف: ان شاء الله
بانا: لا تكشر ليكون ما بدك نتزوج وعم تتسلى معي كل هل الفترة
سيف: شو عم تحكي اعوذ بالله كمان انا عندي اخوات بنات وبخاف عليهن لك يا مجنونة في
قدامي مية بنت كنت تسليت مع الكل مو معك بس انا بحبك والله بحبك
بانا: وانا بحبك بس ليش خايف كل هاد
سيف: امشي نروح ناكل وبحكيلك
بانا: شو رح ناكل
سيف: شاورما
Telegram:@rwayate
بانا: ممم امري لله
سيف: ليكون ما عجبك
بانا: لا شو ما عجبني خلينا نمشي
أعدو على المقاعد يلي بالحديقة وبانا صارت تاكل بسرعة
سيف: حبيبتي على مهلك لسا بكير
بانا: ما اكلت شي الصبح مشان ما أتأخر عليك جوعانة كتير
سيف: سلامتك من الجوع
بانا: الله يسلمك يا عمري انت
بعد ما خلصو اكل