📚قصص||روايات||منوعة📚

وبئلب النهار كانت ام كمال عم تشتغل بالسنارة والصوف وورد الشام ئاعدة جنبا عم تتفرج عالتلفزيون...
ورد الشام :لمين عم تشتغلي هالشالة ستي ؟
ام كمال:هي لكندا بنت صهيب يئبر ئلبي بعد كم يوم عيد ميلادها
ورد الشام :بتعرفي... كتير نفسي شوف بنت صهيب ...
ام كمال :نسرين مابتجي لعندي ومابتحب تبعت كندا مع صهيب علئ ئولتها بتخاف عليها وما بتأمن
ورد الشام :طب ليش هية ما بتجي ؟
ام كمال(بنترة ):لأني انا مابدي اياها تجي ... انا واياها مو صحبة بالمرة
ورد الشام :ليش ستي
ام كمال :هيك أحسن ...خلي هالشيطانة بعيدة عني وعن بيتي

ماحبت ورد الشام تتعمق بالأسألة لحتا ما تدايئ ام كمال ... بس ضلت تفكر بكلامها

المسا كانت ورد الشام عم تنشر الغسيل لما شافت سيارة صهيب وئفت تحت ...

تركت من ايدها وهربت علئ غرفتها...
وسمعت صوت جرس الباب...
صهيب :مسا الخير ستي
ام كمال :أهلين ابني
صهيب :جبتلك الغراض اللي وصيتيني عليهون
Telegram:@rwayate
أخدت ام كمال الغراض...
صهيب :وينا ورد الشام ؟
ام كمال :ليكا فاتت تنام
صهيب :اي معناتا انا رايح تصبحي علئ خير

طلع صهيب من البيت وبس شافتو ورد راح طلعت من الغرفة وئعدت
ورد الشام :منيح اللي راح
ام كمال : حبيبتي ورد الشام انتي ليش بتكرهي صهيب ؟
ورد الشام :.....
ام كمال :انتي لازم تعرفي صهيب اكتر... صح هوة نزء وأخلائو ديئة بس سدئيني مافي اطيب من ئلبو
ورد الشام :مابدي اعرف عنو شي
ام كمال:لما مات ابني كمال الله يرحمو كان صهيب لسا صغير عمرو حوالي ال9 سنين ... وامو تجوزت من رجال أقل كلمة لازم تنحكا عليه ابن حرام ... كتيير عزب صهيب وصهيب بيكره الأرض اللي بيمشي عليها جوز امو ....لهيك بتشوفي صهيب هيك ... وبس كبر ترك المدرسة وصار يشتغل بكلشي بيخطر عبالك لحتا يصرف عليي وعلئ حالو ...
Telegram:@rwayate
ورد الشام :كان ساكن هون ؟
ام كمال :اي ...والغرفة اللي بتنامي فيها كانت الو
ورد الشام :مدام انتي بتحبي لهالدرجة ليش ما خليتي يضل هون ...ليش ماسكنتي هوة ومرتو وبنتو معك بدال مالون ساكنين ببيت اجار ؟
ام كمال:لأني مابدي بنت هداك الكلب تفوت عبيتي وبيت ابني
ورد الشام :مين ازضك ؟
ام كمال :مرت صهيب...نسرين ...بنت حازم جوز امو لـ صهيب
ورد الشام :هلء نسرين بتكون بنت جوز امو لـ صهيب ؟ طيب بجوز يتجوزو ؟؟
Telegram:@rwayate
ام كمال :اي ...لأنو مافي ئربة بيناتون
ورد الشام :طيب مزال بيكره جوز امو ليش اتجوز بنتو ؟
ام كمال :مابعرف هاد اللغز اللي لحد الآن مالئيتلو جواب او حل .... فجأة صار بدو اياها وحارب الكل مشانها
ورد الشام :لا تظلميها ...أكيد حبها ومالئا مبرر يكرهها علئ رغم اللي كان يعملو جوز امو. فيه
ام كمال :هههه اي بحبها ... تصبحي علئ خير بنتي ...

راحت ام كمال علئ غرفتها وكلامها لسا عم يدور براس ورد الشام ....

تاني يوم بالمحل عند صهيب...
صهيب :تفضل عمي... مبروك
......:الله يبارك فيك ...
اخد الزبون الغرض وطلع... وفات يمان علئ صهيب

يمان :كيفك اخي صهيب
صهيب :اهلين بالشريك ...شمستك عالية
يمان :لككك اااااااخ رح جن ياصهيب ...
صهيب :اف اف اف شو صاير معك ؟ حاسس هموم الدنيا كلها راكبتك ...

يمان :بدي احكيلك علئ شي وبدي مشورتك ... ماعرفت لمين فش خلئي
صهيب :احكي اخي يمان ...
يمان :انتة بتعرف اكتر من العالم شو تمرمطت وشئيت لحتا صرت بهالعمر وئدرت افتح هالمشروع انا واياك .... لا دراسة ابي خلاني كفي ولا عم ينعدل ويصير متل هالبني ادمين
صهيب :شو مناسبة هالحكي ؟
صهيب :ابي ما عم اخلص من مشاكلو ...صار عمرو هالعمر ولسا دايرلي من بار للتاني ومن كازينو لكازينو ....الله وكيلك كل ليلة بيجينا سكران وحالتو حالة علئ هالبيت وصواتنا بتعبي الحارة صراخ وعياط عأبو موزة ...لدرجة تاني يوم عم بخجل اطلع من البيت وورجي وشي للعالم ...لك صرت اخجل ئول ان هالزلمة بكون ابي
صهيب :ماحبيتا منك يمانوو ...في حدا بيستعر بأبو ؟
يمان :لك حط حالك محلي شو بتعمل ؟
صهيب :الله يكون بعونك
يمان :وفي مصيبة وئعانة عراسنا ومو كيف ماكان هههه أبي لسا بدو يجيب خبري
صهيب :اففف شوهية
يمان (بغصة ):أبي مدمن عالمخدرات
صهيب :يالطييف اي...وانتة كيف عرفت ؟
يمان :انا كان عندي شك بالأول وفكرتا وساوس بس.... بس اتأكدت شكوكي لما شفتو عم يتعاطا بغرفة السطح ببيتنا ... ورب العزة تمنيت الأرض تنشق وتبلعني ولاشوف هالشوفة ...
صهيب : ..... وشو رح تعمل بهالمصيبة ؟
يمان :عم فكر بشغلة وبدي مشورتك فيها اخي صهيب ...
صهيب :شو هية ؟
Telegram:@rwayate
اما ببيت ام كمال... طلعت ورد الشام من الحمام وئعدت عالكنبة وبلشت تتفرج عالتلفزيون
اما ام كمال كانت ساجدة علئ سجادة الصلاة ولاحظت عليها ورد الشام انها ماعم تتحرك ...

ضلت ام كمال ساجدة فترة وورد الشام بتطلع عليها بطرف عينها وحست انو في شي مو طبيعي ...
ورد الشام :ستي شبكي ؟
ماردت ام كمال عليها
ورد الشام :ستي طولتي بالسجود ...

يمان :لا صهيب انتة غلطان انا بحياتي ماخفت منك بس كنت بحترمك لأنك صاحبي ..بس هلء انتة ضيعت كلشي بلحظة .. صاحبك الوحيد اللي امنك علئ سرو وانتة شو عملت ؟ هددتو فيه ... ولحتا اثبتلك اني مالي خايف منك رح ئلك .. ورد الشام رح خلصها من بين ايديك ورح اعطيها حريتها اللي انتة سالبها اياها وشو ماكان السبب انا متأكد انو مارح يكون اسوء من وجودها معك

صهيب :معناتا ياصاحبي انتة اللي ضيعت هالصحبة وشعلت الحرب بيناتنا مو انا ...

ومشي لعندو وتئاطع طريئهن ووئف جنبو كتفتو عكتف يمان وهمسلو :وبحب ئلك الحرب اللي بتكون سببها مرة بتكون اسوأ حرب وخصوصي بين الصحبة .. دير بالك علئ حالك من صاحبك ياصاحبي ..

وتركو ومشي ويمان لسا وائف ومصدوم بكلام صهيب اللي كان اول مرة بيسمعو منو ...
------------------*
Telegram:@rwayate
توجه صهيب عالمشفئ وفات علئ غرفة نسرين وشافها وائعة عالأرض وعم تبكي وعم تحاول توئف ... ركد عليها ومسكاها من ايدها ..
صهيب :لك شو عم تعملي ؟
نسرين «بتبكي »:ليش ماعم بئدر وئف عرجليي يا صهييب مالي حاسة فيوون 💔
صهيب :...
نسرين :ليييش ساكت ؟ انا ليش ماعم بئدر وئف يااا صهيب
حملها صهيب وحطها عالتخت بدون مايحكي ولا كلمة
نسرين :لككك ليش ساكت ؟ مشان الله انتة شو بتعرف 💔
صهيب :حبيبتي مسكي اعصابك ،انا رح ئلك ،الدكتور حكا انك..
نسرين :اني شو احكي مشان الله
صهيب :انك معد تئدري تمشي ،اعصاب رجليكي ماعم تستجيب
نسرين «بصدمة »:ماعم تستجيييب !
صهيب :خـ خدي الأمور ببساطة
نسرين :اخد الامورة ببساطة !! هههه يعني انا انشلييت ؟
صهيب :...
بلشت نسرين تضرب عوجها وتبكي وتضحك سوا وتحكي :اناااا انشليييت ههه ااااخ ياااربي لييييش لكك ليشش ..
مسكها صهيب وهوة مئهور عليها وبلش يهديها
صهيب :خلص اهدي قضاء الله ووئع بدك تعترضي عحكم ربك كمان
نسرين «بتبكي »: اي قضاااء ييياربي ليييش انااا ااااااخ يا امي وينك تعي شوفي بنتك شو صار فيهاااا
سحبها علية وضمها عصدرو عأساس يهديها بس هوة كمان انفجر بالبكي ..
Telegram:@rwayate
-----------------*

خلصت ورد تنضيف البيت وراحت عالحمام تحممت وتوضت وطلعت طئم الصلاة تبع ام كمال ولبستو وبلشت تصلي كانت عم تصلي ودموعها علئ عرض خدودها وبس خلصت صلاة ضلت ئاعدة وعم تدعي :ياارب انتة اللي عالم بحالي وعالم بظلم صهيب لإلي ..ياااربي خلصني منو وانتـ...

كانت بدها تحكي تنتقم منو بس مائدرت تدعي عليه...
زاد بكاها ونزلت ايديها وئالت :مابئدر ادعي عليه يااربي مابئدر لييش ياربي هيك عم بتعزب. لييش ئلبي ماعم بطاوعني ادعي عليه

وبلشت تضرب عصدرا وهية عم تحكي :لككك انتة السبب انتة سبب ضعفي ئداموو انتة سبب تسلطوو عليي بكفي حاوي جواتك يا ئلبي ..انا بكره حالي وبكرهك يائلبي و بكرهووو لـ صهيب بكرهووو انا بكرهووو
-----------------*
وبالمشفئ ئدر صهيب يهدي نسرين ...بس ماكانت لسا متقبلة وضعها كشخص مشلول ..
صهيب :الدكتور ئال انو فيكي تطلعي بكرة
نسرين :عالكرسي !؟
صهيب :ماحكينا وخلصنا
نسرين :مستتئلتا بصراحة ،صهيب كيف رح عيش هلء ؟ كيف رح ئوم فيك وببنتك وبحالي والله مو راكبة راسي 💔
صهيب :من خي الناحية لاتاكلي هم ،ورد الشام تبرعت تساعدك وعفكرة انا قرت ننئل لبيت ستي
نسرين :كيق كيف ؟ رجاع عيد ...انتة صار لعئلك شي صهيب
صهيب :ليش ؟ وين المشكلة ؟ بعدين البيت صار بيتي ليش انضل ساكنين بييت اجار ؟
نسرين :انا مو مشان هيك عم بحكي ،انتة فهمان عليي كتير منيح
صهيب :مشان ورد الشام ،يعني وين روح فيها بعدين خليها تخدمك مو هية سبب حالتك ؟خليها تتحمل المسؤولية لحالها
نسرين :وانتة ؟
Telegram:@rwayate
صهيب :شبني انا ؟
نسرين :خلص خلص مافي شي ،عميل اللي بدالك ..
نسرين بئلبا :«وشو رح يصير اصلا صهيب بين ايديي ومو شايف غيري ومابينخاف منو ، والشغلة الها 5 سنين لو بدها تنكشف كانت انكشفت وصهيب رح يضل متل الوحش بعيونها ورح يضل مرعبها ..وانا بستاهل يكون عندي خدامة كمان 😏»

------------------*

حست ورد بالاهانة من تصرفهن وكان ئلبها عم بوجعها من القهر ودمعتها ملت جفونها ..حملت صحنا وطلعت عالمطبخ ورمتو بالمجلئ وبلشت تبكي ..
Telegram:@rwayate
وبعد ساعتين طلعت ورد من الغرفة وهية مجهزة حالها وبلشت تتلفت يمين وشمال .. كان الجو هدوء وكأنو كلون نايمين ... راحت عند الباب وحاولت تفتحو لئتو مئفول
ورد الشام :لهالدرجة .. وين بدو يكون المفتاح هلء ؟
بلشت اتدور علئ المفتاح بالدروج وعالطاولات وبكل مكان ممكن تلائي فيه بس مالئتو
ورد الشام :افففف وينووو .. العما يعمي ئلبي اكيد مخبي بتيابو ،انا غبية انا غبية
Telegram:@rwayate
وبلشت تضرب عراسها ضربات خفيفة ... كانت بدها ترجع عغرفتها بس وئفت واتزكرت معاملة نسرين وئالت :لااا مارح ايأس ورح اطلع من هوون ..
توجهت عغرفة صهيب ونسرين وحطت ادنها عالباب لحتا تسمع ازا فيه اصوات..
ورد الشام :شكلون نايمين ..فوت ؟؟ ولي شو دخلني عغرفة فيها رجال ومرتو ،رح فوت وامري لالله ..
فتحت الباب بهدوء وطلت وشافت صهيب نايم بالبجامة بس بدون بلوزة والغطا مو عليه ونسرين نايمة عصدرو وهية لابسة ئميص نوم مكشف كل مفاتنها
بعدت ورد عيونها عنهن وئالت :يخربيتكون كيف ئدرانين تنامو بدون تياب بهالبرد
Telegram:@rwayate
راحت عند تياب صهيب اللي عالشماعة وبلشت تفتش عالمفاتيح بهدوء...
كان يمان لسا وائف تحت العمارة وناطر ورد لحتا تطلع..
اما ورد كانت لسا عم تدور بتيابو وسمعت صوت صهيب من وراها عم يحكي :بكفي
خافت يكون صحي التفتت وهية مرعوبة وشافتو لسا نايم وهوة عرئان وعم ياخد راسو يمين وشمال وكأنو كان عم بكوبس...
ورد الشام :شو هاد كل يوم بكوبس هيك ..
ئربت عليه وشافت نسرين عم تتحرك ...نزلت ورد عالأرض وتخبت ورا التخت وسمعتها عم تحكي :صهيب زبط نومتك
صهيب :اي حبيبتي
ودارت وجها وتناولت كاسة مي وطلعت ئنينة ئزاز صغيرة من الدرج اللي جنبا نئطت بالكاسة وعطتو لحتا يشربها
نسرين :خود حبيبي اشراب
صهيب :يسلمو
شرب الكاسة مرة وحدة ورجع نام اما نسرين رجعت الئنينة علئ الدرج ورجعت تسطحت ونامت

وبعد ما شافتون ورد رجعو غطو بالنوم طلعت من الغرفة بهدوء وهية مستغربة ...
ورد الشام :شو هالئطرة اللي ئطرتا بكاسة المي ؟ معئول منوم؟.. لالا مو الهيئة لأنو الئنينة ماكانت علبة دوا ...

نسيت ورد موضوع المفتاح وكان تفكيرها محصور بيلي شافتو بغرفة صهيب ونسرين وشو ممكن يكون مرض صهيب ؟
Telegram:@rwayate
رجعت عالغرفة وتسطحت
ورد الشام :صهيب كتير بشوف كوابيس الهيئة لأنو حتئ مبارح نفس الشي ...
وأخيرا رجعت تزكرت
ورد الشام :يي يمان بكون ناطرني بالحارة هلء

ركدت عالشباك واتطلعت عالشارع وشافتو ئاعد عالرصيف...
ورد الشام :يماان ..سييد يماااان

ورد الشام «بصدمة »:صبا ؟
التفت عليها ومسكها من كتفها وئربها لعندو
صهيب «بعصبية »:ليش هربتي ..شفتي بشو تسببتي شفتي شو عملتي ؟
ورد الشام :انتة واحد مجنون ..مريض نفسي .. حرام علييك حرام عليك اللي عملتو واللي عم تعملوو ..
صهيب :خرسي ... وثقت فيكي ...حتا عطيتك ثقة ومع اول فرصة شفتيها تاحتلك هربتي ..ئلتلك بعمرك مارح تخلصي مني ورد مارح تخلصي مني ... انتي بالفعل وئعتي بجهنم ومعد تئدري تطلعي ..

رجع دفشها لورا وشغل السيارة ومشي فيها ... كانت ورد عم تبكي وتصرخ ومرة تضرب عوجها ومرة تضربو عكتفو لحتا يتركها بحالها بس صهيب ماكان هامو شي ... لحتا اخيرا تعبت من الصراخ والبكي وهديت ... ئعدت بزاوية الكرسي جنب الشباك وضمت رجليها عصدرا وسندت راسها عئزاز الشباك وهية عم تبكي بصمت ..
-----------------*
وببيت يمان كان ئاعد وحاطط راسو بين ايديه وعم يبكي بعد ما اجا صهيب وزاد هم جديد عئلبو ...
أخيرا طلع الدكتور من الغرفة وركد عليه يمان وبائي الرجال لحتا يتطمنو. ..
يمان :طمني انشالله جرحها مو خطير
الدكتور :لا الحمدلله مرئت علئ خير وانا لفيتلها ايدها بالشاش .. بس مين ضربها هيك ؟
ئال واحد من الرجال اللي كانو :واحد ابن حرام فات لهون وعمل بلبلة وهرب ..
الدكتور :انا برأيي تخبر الشرطة لأنو لولا ستر الله اختك كانت راحت فيها
يمان :اكيد رح خبر عنو .. مارح مرئلو اياها لهالواطي
Telegram:@rwayate
----------------*
وصل صهيب بسيارتو ئريب من استراحة ووئف ...ونزل
ورد الشام :وين نازل وتاركني
صهيب :مارح طول الله يطعمك واسمع حسك ..
وسكر باب السيارة وئفلها من برة ..
-----------------*

أما يمان اشتكئ علئ صهيب بتهمة تهجمو عليه ببيتتو ومحاولة قتل اختو صبا واختطاف ورد الشام .. كان يمان هالمرة مصررر يربي صهيب لحتا مايرجع يتعرضلو ....

رجع صهيب عالسيارة بعد عشر دئايئ ومعو كيس مليان أغراض وكأنو رايح رحلة ...
ورد الشام :وين رح نروح ؟
صهيب :مادخلك. ..
شغل السيارة وتوجه فيها علئ منطقة متل ضيعة صغيرة وبيوتها عمار ئديم ...
نزل لعند شب كان مبين عليه كأنو راعي غنم ... وئف معو شوي وشافت ورد الشب عطاه مفتاح

ركب صهيب بالسيارة وشغلها وبلش يمشيها عالبطيئ ورا الراعي لحتا وصلو عبيت معمر من الحجر والطين والو باب خشب ئديم مهرهر ...
نزل صهيب ونزل الأغراض ...
صهيب :نزلي لشوف ...
نزلت ورد من السيارة وبلشت تطلع حواليها وخافت من الجو والمنطقة ..كانت ضيعة مئطوعة يمكن الكهربا مو واصلتلها لسا ...
ورد الشام :انتة وين جايبني
صهيب :فوتي عالبيت بدون زيادة حكي
ورد الشام :لا مارح فوت ...لك انتة شووو
صهيب :لا تخليني افئد اعصابي ورد عم ئلك فوتي احسن ما ...
ورد الشام :تموتني؟ طيب موتني وريحني
مسكها من ايدها وشها لعندو وهمسلا :لسا بكير عموتك

وفوتها غصب عنها لجوة وهية عم تبكي وحاسة انو نهايتها ئربت واجلها اجا وئتو ...
Telegram:@rwayate
----------------*
خلصت نسرين من المشفئ وبلشت تحاول ترن علئ صهيب بس رقمو يطلع خارج نطاق التغطية
نسرين :ويينك ياصهيب لككك رد
كندا :وينو بابا ؟
نسرين :بشغلو هلء بيجي ياخدنا ...

وورد ئاعدة بزاوية الغرفة علئ فرشة وعم اتطلع بصهيب اللي كان عم يدخن بشراهة وصافن ...وهية عم تتزكر اللي ئالتو علا خالة صبا ...« لازم تفكو السحر عن الشب والا رح يروح حالو ويروح ناس بلا ذنب معو »
ورد الشام :ياريتني سمعت كلام خالة علا وكسرت السحر وئت كان بين ايديي ،شو هوة اللي منعني اكسرو ياربي ..
صهيب :عنشو عم تحكي ؟
ورد الشام :عن السحر اللي عاملتلك اياه نسرين
صهيب :انا كم مرة ئلتلك لعد تجيبي سيرتها علسانك
ورد الشام :لك لازم تسمعني صهيب .. انتة وئعان تحت تأثير سحر يمكن يودي بحياتك ..اتطلع عحالك انتة عم تأزي حالك والناس اللي حواليك بدون ماتكون واعي ..
صهيب :....
ورد الشام :ليش ماعم ترد عليي ...
صهيب :لأنو كلامك مافي جنس المنطق ..شئفة سحر مارح يمشيني
ورد الشام :لا مشاك صهيب..مشاك ..وانتة هلء عم تمشي متل مابدها اللي عاملتلك اياه
صهيب :ورد ازا مابدك تخرسي رح تندمي
ورد الشام«بتبكي » :شو لسا بدك تعمل ؟ رح تئتلني ؟ طيب شو ناطر ؟ صهيب انتة عم تروح حالك ومو حاسس ومو فهمان انو نهايتك وخيمة .. وبإيدك بتئدر تكسر سيطرتها عليك
Telegram:@rwayate
رما السيكارة من ايدو وراح اتجاه ورد وانحنئ لعندا
صهيب :مستعد اعمل السبعة وذمتها وماخلي حدا يئرب منك
صفنت ورد بعيونو وهية شفئانة عليه
ورد الشام :صهيب انتة بتحبني ؟
صهيب :....
ورد الشام :رد عليي مشان الله
ضل صهيب ساكت وصافن بعيونها ... كان بدو يحكي لما لمحت ورد خيال اسود ورا صهيب ومن رعبتها غطت وجها وبلشت تصرخ وتحكي :ياااربي رح جنننن ...مشاان الله ياصهيييب بعد عني ولا اتطلع فيني هيييك ..
Telegram:@rwayate
اما نسرين دبرت حالها ووصلها دكتور علي منطقتها ... وشافو الشرطة مطوقة المنطقة ..استغربو ونزل الدكتور نسرين عالكرسي وكانو رح يفوتو عالعمارة لما وئفهن شرطي ...
نسرين :بس بيتي هون
الشرطي :انتي زوجة صهيب ***
نسرين :اي
الشرطي :طيب راجعلك ..
غاب شوي ورجع مع محقق ...
المحقق :مرحبا مدام انا المحقق حسان
نسرين :اهلين حضرة المحقق
حسان :مدام نحنا بدنا ناخد افادة منك
نسرين :طيب بس ممكن نطلع عالبيت مشان بنتي برد عليها هون
Telegram:@rwayate
ساعدو الشرطة نسرين الحتا تطلع عبيتها ...وئعدو جوة
حسان :مدام نسرين متل مافهمت انك بطلتي تمشي بسبب حادث سير
نسرين :اي والله بس عم بعمل جلسات علاج فيزيائي
حسان :طيب انشالله عم تعطي نتيجة ايجابية
نسرين :اي الحمدلله
حسان : .. وبموافئة زوجك عم تاخدي العلاج
نسرين :طبعا .. حضرة المحقق انا لحد الان مافهمت شو الافادة اللي بدكون تاخدوها مني
حسان :ئبل الافادة مابهمك تعرفي شو عامل ؟
نسرين :اكيد
حسان :جوزك متهم بالاختطاف والشروع بالقتل
نسرين «بصدمة »:شوووو .. ليش مين خطف ومين حاول يئتل ؟
حسان :عحسب اقوال الشهود انو جوزك حاول يئتل أخت رفيئو الانسة صبا وخطف صبية اسمها ورد الشام انتي بتعرفي شي عن هالموضوع ؟
نسرين :ورد الشام !! هـ هي خدامتنا بجوز هية حرضتو ليعمل هيك
Telegram:@rwayate
حسان :بس عندي بالمحضر مكتوب غير هالشي ...انو البنت كانت هربانة منو وزوجك اتهجم عبيت رفيئو يمان لأنو فكر البنت عندو ولما يمان ماتجاوب مع صهيب هددو انو يئتل اختو وكان رح ينفذ تهديدو لما ظهرت ورد الشام بآخر لحظة وانئلبت الأمور ولما حاول صهيب ياخدها كان السيد يمان بدو يمنعو يلي خلا صهيب يسحب موس من جيبو و وكان رح يضرب يمان فيه لما اجت صبا ئدام صهيب واتلقت طعنة بزندها ..

طلعت ورد من الحمام وسندت حالها عالحيط وبلشت ترائب صهيب بعيونها وهوة عم يضب التخت والغرفة ولأول مرة ماكانت خايفة منو .. بالعكس كانت خايفة عليه .. خايفة يضيع حالو ويضيعها اكتر من هيك .. وقررت تعمل شي يمكن تندم عليه هلء بس اكيد مو بعدين .. Telegram:@rwayate
كان مشغول بالدفاية وهوة عم بحط الحطب جواتا لما حملت حطبة وئربت عليه من ورا ...رفعت الحطبة وهوتها بس صهيب حس عليها و بعد بأخر لحظة ... انصدمت لما شافتو ئاعد وبيطلع فيها بصدمة ...
حاولت تتمالك حالها وتخبي خوفها
صهيب :شو كنتي ناوية تعملي ؟
ورد الشام :ك گ گ كنت...
Telegram:@rwayate
وئف وراح عليها بسرعة اما هية بلشت تلوح بالحطبة اللي بإيدها وتحكي :صهيب والله كرمال مصلحتك بس ...
صهيب :بعد كلشي صار لسا بدك تغدري فيني وتهربي
ورد الشام : لازم تسمعني .. انتة لازم تسلم حالك للشرطة ،لأنك رح تتورط اكتر ازا ضلينا هون
صهيب :بشو لسا بدي اتورط ؟ ما انا تورطت ومشي الحال
ورد الشام :بإيدك بتئدر توئف هالمهزلة .. انا مو مستعدة ضل هون ويكون مصيري لشي مصحة ...
صهيب :طيب اهدي وارمي هالحطبة من ايدك
ورد الشام :شو لسا بدك ..«صرخت »هي اخدت يلي بدك اياه مني وبرضايي
صرخ صهيب :لأني بحبك ومالي مستعد اخسرك ...بعرف انو نسرين مارح تتركك بحالك ورح تعمل المستحيل لحتا تأذيكي
ورد الشام :عنجد انتة لهلأ مافهمت انو انتة اللي عم تأذيني
Telegram:@rwayate
وانتبهت عمسدسو محطوط عطاولة ...
ورد الشام :صهيب بدك تعزرني بس انا معد فيي اتحمل اكتر من هيك ...
حملت المسدس بسرعة وسلطتو عليه وئالت بهدوء :هلء بدك ترجعني ولبيت يمان
صهيب :....
ورد الشام :لاتفكرني ازا ضعفت بلحظة و رضيت اعطيك حالي معناتا ئلبي تخلص من كرهي الك ..بالعكس انتة خليتني اكرهك هالمرة اكتر من ئبل ومستعدة هلء يا ئوصك يا اما ئوص حالي ...اساسا معد في شي اخسرو ...
Telegram:@rwayate
كان صهيب هادي كتير وئلبو عم يتأطع وهوة عم يسمع هالكلام اللي طالع منها ... لبس جاكيتو وبرجلو ...
صهيب :كنت رح رجعك بدون كل هالدراما ...بس لو انك صابرة شوي وماسمعتيني هالكلمتين هدول ... الحئيني

ضلت ورد رافعة المسدس عليه وهية خايفة بأي لحظة يغدر فيها ويرجعها علئ هالبيت اللي جردها من كلشي فيه .. من روحها.. ومن ئلبا..ومن شرفها ... كانت عم تتئطع وئلبا رح ينفجر جواتها بس فضلت تبين متماسكة ئدامو ومارضيت تورجي انها ضعيفة او مكسورة 💔

طلعو بالسيارة وشغلها ومشي ...
Telegram:@rwayate
لاحظت ورد هدوء صهيب الملحوظ وكأنو صار شخص تاني ...
ورد الشام :صهيب انتة كنت عم تحكي عنجد لما ئلتلي انك دبحت صبا ؟
صهيب :وشو بتفرء معك ..مو انتي بتكرهيني ورح تسلميني بايديكي للشرطة
ورد الشام :بفكر بهالخصوص بس نوصل لعند يمان
صهيب مع ابتسامة: بتعرفي ..بيلبئلك تفرضي شخصيتك عالناس
ورد الشام :اي يالله انتبه عالطريق ...
Telegram:@rwayate
-----------------*
راحت صبا مع علا عند نسرين لحتا تتأكد من انو عندها خبر بالشي يلي صار ...
صبا :يعني خبرتي
نسرين :ممم الخبر الزفت بينتشر بسرعة ... وانشالله جرحك مو كبير !
صبا :لا الحمدلله .. اجت برانية ..
نسرين :وانتي جاية مشان تحسسيني بالزنب ؟
صبا :اكيد لا ... بس جيت لحتا تحكيلي وينا ورد الشام
نسرين :هههه هلء كنت عم فكر رن علئ اخوكي كرمال يخبرني ازا كان بيعرف مكان صهيب
صبا :انتي جد بتحكي وللا بتمزحي ..مو اخي هوة اللي مشتكي علئ جوزك ولو بيعرف مكانو ماكان سكت عليه ابدا
نسرين :يعني انتي جاية لحتا تسحبي مني كلام ودلك عمكان صهيب ..هههه حبيبتي انا حتئ لو بعرف بمكانو مارح ئلكون عليه
علا :بس يا ست نسرين جوزك خاطف بنت والشرطة عم بتدور عليه
نسرين :انشالله سدئتو هالمسرحية اللي صارت وانو جوزي هوة يلي خطفها ..لك هي وحدة ملعبة ضحكت علئ جوزي وخلتو يروح معها ..انا بيتي رح ينخرب من وراها وجوزي رح يفوت عالسجن من ...
ئاطعتها علا :من ايدك ..هية مالا ذنب
نسرين :كيف يعني ؟
Telegram:@rwayate
صبا :نسرين انتي بتعرفي منيح نحنا عنشو عم نحكي
نسرين «بلبكة » :انتي لشو عـ عم ترمي ؟
علا :الكتيبة والربط ... حبيبتي هالاشياء ئد ماتخبت رح يجي يوم و تنكشف
نسرين :لككك انتو شو جاي تحكو ؟
صبا :نحنا اصدنا عن صهيب والسحر اللي عاملتيلو اياه .., انتي لو كنتي عنجد بتحبي جوزك ماكنتي رح تخلي يتبعك بهالطريقة ... وورد الشام كانت هربانة من جوزك بس مازبطت معها لأنو لولاها كان صهيب ارتكب جريمة
علا :بنتي اللي عملك السحر وعطاكي اياه ما خبرك شو مساوئو ؟
نسرين :....
علا:السحر رح ينئلب ضدك ،ازا ماكسرتي بإيدك
نسرين :ليكي انتي واياها رح اعتبر اني ماسمعت شي ولا حتئ اجيتو لعندي ... شرفو طلعو بلا مطرود ...

اتطلعو صبا وعلا ببعضن وفضلو يختصرو الحديث معها ...
وئفو وئالت علا :انا مالي حابة دايئك بس لزوم تعرفي ..اللي صار مع جوزك بسببك انتي .. ولازم تعرفي كمان بالنهاية السحر رح يئلب عالساحر لأنو الله يمهل ولا يهمل ...
Telegram:@rwayate
طلعو وضلت نسرين عم بتفكر بيلي حكتو علا وشو يلي عرفهن بموضوع الربط
-----------------*

وصلو أخيرا صهيب وورد بجنب بيت يمان ...
صهيب :انتي مفكرة انو يمان رح يئبل يتجوزك بعد كلشي صار ؟
ورد الشام :بس انا ما اجيت لعندو كرمال يتجوزني .. انتة وصختني بالفعل ومستحيل اظلم يمان معي ..
صهيب :مالي عرفان شوهوة اللي مخليكي تكرهيني لهالدرجة
ورد الشام :رح تئضي وئت كتير بالسجن .. ووئتا رح تعرف انا ليش بكرهك ..رنللي عليه بسرعة
صهيب :ليكي ورد انا سكتلك كتير بإرادتي ولا تفكريني خايف منك ومن المسدس اللي مسلطتي عليي وبعرف انك أجبن من انك تئوصي فيه .. انا ساكتلك لأني بحبك وازا بدك تتأكدي كبسي عالزناد هلء
ورد الشام :...
صهيب :شو ناطرة ئوصي
وبسرعة مسك المسدس وسلطو عجبينو وصرخ :ئوصي ورد ئوصي
بلشت ورد ترجف ودمعو عيونها أما صهيب حط ايدو عالزناد فوء اصبعتا
صهيب :مع اني بعرف انو اخرتي عالسجن ومع هيك اجيت
وفجأة كبس عالزناد وورد ارتعبت وتوقعت موت صهيب برصاصة من مسدسو ... بس المسدس مائوص .. ماطلعت ولا رصاصة
Telegram:@rwayate
ورد الشام«بصدمة » :فاضي !؟
ترك ايدها والمسدس وطلع باكيت الدخان وولع سيكارا ..
صهيب :اي فاضي .. كان بدك اياه يكون فيه رصاص ؟
ورد الشام :وكنت بتعرف انو فاضي ومع هيك جبتني لهون ؟
صهيب :ورد مبارح لما شفتك ضعفتي واستسلمتي بين ايديي حسيت حالي ملكت الدنيا كلها... مبارح في حاجز انكسر لما لمستك ... بدك تسدئي وللا لكيفك .. مبارح لماشفتك نايمة جنبي ودمعتك سئت مخدتك ..لمت حالي وخفت عليكي اكتر من حالي.. بعترف اني ازيتك كتير واني كنت حقير معك .. ومبارح بس لحتا فهمت هالشي...

ورد الشام :.....
ضلت ورد ساكتة وعرفت وئتا شو كان شعور صهيب .. ضلت اتطلع فيه ودموعها عم بهرو من غير ارادة منها ... كان عنجد موقف صعب بالنسبة لـ ورد بس هية حسمت أمرها وقررت تبعد لحتا ترتاح ...
Telegram:@rwayate
أخيرا لمحت صبا نازلة من تكسي ...
ونزلت بسرعة من السيارة وهية عم تناديلهم ... وئفت صبا وهية مو مسدئة انو ورد رجعت
صبا :هي ورد .. والله هية
ركدت لعندا بلهفة وضمتا ...
صبا :ويين كنتي وييين اخدك هالحقير
ورد الشام :تركك مني وطمنيني كيفك انتي ..صهيب كزب عليي وحكالي انو ئتلك
اتطلعت صبا ورا ورد وشافت صهيب وائف جنب سيارتو
صبا :كان رح يعملا ... وين اخدك احكي
غصت ورد واتزكرت كلشي صار ومائدرت تخبي مشاعرها وانفجرت بالبكي ورمت راسها علئ كتف صبا
ورد الشام «عم تبكي »:صبا انا ..انا تعبانة بدي ارتاااح

بعدت صبا عن ورد وراحت بسرعة عند صهيب ..
صبا :والله لحتا خليك تدفع التمن غالي
صهيب :طيب معناها ... اتصلي بالشرطة وخبريون اني ناطرهون ببيتي ...وديري بالك علئ ورد
Telegram:@rwayate
وطلع بسيارتو ومشي ...
فاتت صبا عالبيت ونادت :يمااان تعال اخي شوف مين اجا
طلع يمان من الغرفة واتفاجأ بـ ورد الشام ...
ورد الشام :كيفك يمان
يمان :ورد !!؟
------------------*
وصل صهيب علئ بيتو وفتح الباب وشاف نسرين عم تمشي ..كانت مفاجأة الو وصدمة بنفس الوئت ...
نسرين «بصدمة » :صـ صهيب !؟

فات وسكر الباب وراه والصدمة واضحة علئ وجهو
صهيب :انتي عم تمشي !
نسرين :.....
صهيب :شو جاوبي ..كزبتي حتئ بهالشغلة ؟
نسرين :لاا هي العلاجات عطت نتيجة. .. صهيب انتة وين كنت الشرطة عم بتدور عليك
صهيب :بعرف ... وليكون عالطريق ..بس في شي بدي تعترفي عليه ئبل ما يوصلو
نسرين :شـ شو هوة ؟
صهيب :شو ئصة السحر ؟
نسرين :أي سحر ؟
صهيب :لا تكزبي عليي نسرين .. الشربة اللي كنتي بتئطريلي اياها بشربي والخاتم اللي داسستي بين اغراضي...
نسرين :ههههه لك انتة انشالله مسدء هالسخافة
Telegram:@rwayate
صهيب :سخافة ؟ لو كان سخافة ماكنت رح اتجوزك او طلع فيكي حتئ
نسرين :...
صهيب :ليش ساكتة ..عرفتي تشتغلي شغلك وبطريقة خليتني اتعلق واتجوزك .. مع انو كنت بعرف شو كان ممشاكي
نسرين :كزب ..انتة اللي صرت تركد ورايي
صهيب :مزبوط .. بفضل الجلب اللي عملتي .. لك انتي جد طلعتي شيطانة
نسرين :ورد الشام السبب ؟ صار وخربتلي حياتي ..
صهيب :ليش ماتئولي انك بنيتي حياتك علئ كزبة وارض مزعزعة وبأي لحظة بتنهد .. نسرين انتي عملتيني شخص بلا اخلاق وحتئ ستي اكلت نصيبها من هالشخص ... بـ بكرهك انا كنت بكرهك ولحد الان ولاتفكري انو اللي عملتي خليتي يغير شي جواتي اتجاهك ...
نسرين :وكندا ؟ ...
صهيب :بتربا ... هية مو اول وحدة وللا اخر وحدة اهلا بينفصلو ..
نسرين :ننفصل ؟ اسماع صهيييب مستعدة اتفق مع العفاريت والجن وبيع روحي للشياطين كرمال املككك عم تفهم ...صهييب انتة ملكي ..
Telegram:@rwayate
وفجأة بلش يخبط الباب وتوقع صهيب انو الشرطة اجت ... فتح الباب وااتفاجأ بـ يمان ...
صهيب : انا مو ناطرك .. وين الشرطة
شدو يمان من جاكيتو بعصبية
يمان :مفكر سلمك للشرطة بهالسهولة ئبل ما صفي حسابي معك يا واطي ..

ودفشو لجوة وبلشو يتضاربو

أما ورد وصبا كانو راكبين بتكسي وهنن خايفين من ردة فعل يمان وصهيب ...
ورد الشام :لكك ليش هيك عم بيصير
صبا :يمان الو يومين متوعد لـ صهيب ...ولي علئ ئامتي
ورد الشام :اتصلي بالشرطة بسرعة
-----------------*
Telegram:@rwayate
أما ببيت صهيب كان الوضع بخوف لأنو يمان وصهيب دمو بعضن من كتر الضرب والجيران اتجمعت علئ اصواتهن ..
دفش صهيب يمان وطلع موس من جيبو وسلطو عليه
صهيب :انا اتحملتك كتير بس انتة ما كنت تفهم
يمان :لكن تفكر انك تتهجم عليي وعلئ بيتي وتضرب اختي واسكتلك .. لك انا حطيتك براسي ومارح شيلك الا عالئبر يا حيووان
صهيب :هههه اي اي لؤوي تشد عأعصابك .. انتة مئهور مني لأني تهجمت علئ بيتك لما لأنو ورد حكتلك عالشي اللي صار

يمان :ليش شو صار ؟
صهيب :اخدتا .. حطيت ختمي عليها .. نيمتا عصدري وشميت كل ئرنة بجسمها
انصدم يمان وبطل يعرف يرد وخصوصي انو ورد ما حكتلون شي. .. اما نسرين كانت صدمتها اكبر بعد ماسمعت هالكلام طلع من صهيب
يمان :كزااب ورد ماحكت هيك
صهيب :شو بدها تخبرك ..اني نمت معها برضاها ..لا حبيبي يمان اكيد مارح يكوون الها عين تخبرك ..
Telegram:@rwayate
كانت ورد وائفة مع صبا وبائي الجيران عند باب البيت وسمعو كلشي ..
صبا :ورد ئولي انو هالحكي كزب ..لا تثبتي عحالك ،لييش ساكتة لككك انطئي وبري حالك
ورد الشام «بتبكي »:شو اللي بدي كزبوو ..كلامو مزبوط ..صباا كلامو مزبووط

اتطلع فيها يمان بـ ورد ..البنت اللي حبها وتمناها ..البنت اللي خفئلا ئلبو وخلا مو مستقر
أما نسرين ركدت علئ ورد ومسكتها من شعرها وبلشت تشدها وتضربها وهية عم تصرخ :.. والله لخليكي تندمي يابنت الكلب ..
ركد صهيب ورما الموس كن ايدو وبلش يفك ورد من بين ايدين نسرين ودفشها لحتا وئعت عالأرض ..
صرخت نسرين :حيوانة حقيرة .. انا بعرف كيف ربيكي يابنت الحرام
ومسكت الموس من الأرض ورجعت هجمت علئ صهيب وورد وهالمرة ئدرت تجرحلا ايدها ... وئفلا صهيب بوجها ومسك ايدها ..
صهيب :نسريين اهدي ..
نسرين :بعد من طريقي صهييب تركني موتها واخلص منهااا
اجا يمان ومسك نسرين من ورا ورجع رماها عالأرض ...اما نسرين كانت عنجد مجنونة بهديك اللحظة .. بس لما شافت كيف صهيب خايف علئ ورد وكيف ماسكلا ايدها وعم يحاول يئطعلا الدم بأي طريقة ..ماحملها عئلها ووئفت .. Telegram:@rwayate
نسرين «بتبكي »:بتحبهااا لككك ليش انا انا عطيتك كلشي
صهيب :بس بمقابل حريتي .. نسريين انتي طالق

ضلت ساكتة وعم بتحاول تستجمع شوي من كرامتها اللي داس عليها صهيب ئدام كل الناس
نسرين :لأ ..مارح اسمحلكون تشمتو فيني ههههههه وانتي رح تحملي ذنبي ليوم الدين

ضلت ورد وائفة وصافنة فيه وهنن سايئينو عالحبس وئلبا رح يوئف من الزعل ...
Telegram:@rwayate
«بعد مرور سبع سنين » ...

فاتت كندا عم تبكي عالبيت وبس شافتها ورد اجت لعندا
ورد الشام :شبك حبيبتي
كندا :هاد ياسر
ورد الشام :الحيوان معد يستحي ..شو عملك لمسك ؟
كندا :ضربتو متل ماعلمتيني ...
ورد الشام :الحئيني ..
طلعت ورد عالحارة وبس شافت ياسر راحت عليه وضربتو عرجلو وئالت :سماع ولا حيوان ازا بسمع انك عم مئرب علئ كندا بكسر رجلك مو بضربك عليها بس
ياسر :اي حن علينا يائمر لحتا ننسئ نجومك
ورد الشام :خراس والله برتكب جريمة فيك وبيلي بيتشفعلك
طلعت وحدة وبلشت تحكي :اي حبيبتي لئوي حارتنا ديئة وبنعرف بعض.. بدك تورجينا انك شريفة وانتي اوسخ خلق الله
ورد الشام :فشرتي ..صرمايتي انضف منك
ياسر :اي خلص بكرة بتلين وبتشوفيها عم تركد ورا شباب الحارة لحتا...
وئبل مايكفي كلمتو كانت لاسختو كف منسيتو فيه حليب امو ..
ياسر :هاد الكف الي ؟انا بورجيكي يا وسخة **
Telegram:@rwayate
ورفع ايدو وكان بدو يضربها لما اجا حدا ومسكلو ايدو بئوة .. وبس شافتو ورد انصدمت ورجعت خطوتين لورا ..
ياسر :تـ تـ تركلي ايدي ااخ
... :بتعرف اخر حدا رفع ايدو عليها مات ...
ياسر :.....
صهيب«بهمس »: انا هلء طلعت من السجن وماعندي مانع ارجعلو بجريمة ئتل أصلا بحسب طلعتي سيران ئصير
ياسر :عراسي
صهيب :انئلع من وجهي ئبل ما ابتلي فيك ...

هرب ياسر وبس التفت صهيب صرخت كندا :بااااااباااااا
وركدت عليه و ضمتو ...
كندا :وين كنت بابااا
صهيب :حواليكون عطول يا بابا ..ورجيني لك كبرانة وصايرة صبية يا عمري
كندا :اي صار عمري 10 سنين
ضل صهيب بيطلع ببنتو وهوة مو مسدء انها صارت صبية لأنو اخر مرة شافها كانت من سبع سنين ...
كندا :ومو بس انا اللي كبرانة. ..
والتفتت ونادت بصوت عالي :كرررم يا كرررم لككك تعاااال ...
Telegram:@rwayate
وشاف صهيب ولد بعمر ال6 سنين حلو وشعرو اسود وناعم وعيونو ملونين وائف بعيد وعم بيطلع فيهن
صهيب :كندا مين هاد ؟
كندا :بابا هاد اخي من ماما ورد الشام

وئف صهيب واتطلع بـ ورد اللي لسا مو مسدئة انو رجع ... راح لعندا بس ئبل ما يوصل التفتت بسرعة ومسكت بإيد ابننها ورجعت عالبيت .. ولحئها صهيب وكندا ... وفاتو عالبيت ...
ورد الشام :انتة كيف عرفت بيتي
صهيب :اللي بيسأل ما بتوه ... كأنك تجوزتي بغيابي ؟ ..وينووو ؟ تجوزتي يمان ؟ لك احكي انطئي ...ليش ساكتة
وبلش يتفتل بالبيت وهوة عم بدور علئ جوز ورد الشام .. بس ما لئا حدا
صهيب :وينو جوزك ؟ مين ببكون ؟
ورد الشام :يعني لو في عنا رجال كان ياسر وامثالو سترجو يتطاولو عليي ؟
صهيب :لكن هالولد من مين احكي ؟
Telegram:@rwayate
ورد الشام :كندا خدي اخوكي وفوتو لجوة حبيبتي ..
اخدت كندا كرم وفاتو لجوة ...
ورد الشام :مو علئ اساس عشر سنين ؟
صهيب :طلع عفو
ورد الشام :اي منيح لأني كنت عم خطط سافر وبما انك رجعت هلأ رح اتركلك كندا واخلي مسؤوليتي .. بظن خلص دوري هون ..
والتفتت لحتا تمشي بس صهيب اجا عليها ومسكها
صهيب :والولد وين ابوو ؟ يماان ابوه ؟
ورد الشام :لا
صهيب :لكن ابن مين ؟
ورد الشام :مابعرفك غبي لهالدرجة ... يعني الولد عمرو 6 سنين وشوي وانتة انحبست ئبل 7 سنين ابن مين بدو يكوون؟
صهيب «بصدمة »:ابني ؟ انا بكون ابوه ؟
ورد الشام :اي انتة .. بس ..
Telegram:@rwayate
وئبل ماتكفي كلمتها كان ضاممها علئ صدرو وهوة مبسوط وكأنو هالخبر رجع احياه من جديد ..
صهيب :لك ورد انتي عمري كلو وهلء عندي ئطعة منك شو رح يكون نائصني بعد اليوم .. ا

دفشتو عنها
ورد الشام :بس انا مابدياك ... صهيب انا كان فيني ارمي بنتك بأي ملجأ واترك هالبلد واختفي ...بس احساسي بالذنب هوة اللي خلاني ضل واعتني بكندا اللي مالا ذنب بشي .. ضميري اللي بيضل يأنبني كل مرة بتزكر فيها نسرين وهية عم تحكيلي انتي السبب. .. وهلء خود بنتك وروح ...
صهيب :والولد ؟
ورد الشام :هااد ابني ،ابني ومارح اسمحلك تاخدو مني
صهيب :من ئلبك ؟
ورد الشام :....
صهيب :يمان الو ايد ؟
ورد الشام :لسا بئلي يمان ... يمان بعد ماتجوزت اختو وسافرت مع جوزها عالخليج لحئها بعد سنة بعد ماعجز انو نتجوز .. انا مابدي اظلمو معي وخلي يربي ولاد مو ولادوو ...
صهيب :وينو ..كرم كرم ...,
طلعو كرم وكندا من الغرفة ... ومسكو صهيب وضمو علئ صدرو وحس انو هالولد عنجد ئطعة من ئلبو ..اتطلع فيه وبلش يمسدلو شعرو وهوة عم يبكي
صهيب :كرم انا ابوك ..اتطلع فيني منيح بابا انا ابووك
كرم :بعرف ماما كانت تورجيني صورك عطول
Telegram:@rwayate
اتطلع فيها واتفاجأ انها لحد الان محتفظة بصورو وعم بتورجيهن لابنها لحتا ماينسئ شكل ابوه ..
ورد الشام :ليش عم اتطلع فيني ،اي كنت ورجي صورك لحتا مايكون عايش غريب وحاسس انو نائصو شي او غير عن هالولاد ..