📚قصص||روايات||منوعة📚

فار ئلب ورد الشام ونزلت عركبها وبلشت تزحف لعند ام كمال وبس وصلت لعندا ...حطت ايدها عضهرا وبلشت تهزا..
ورد الشام :ستي ...يااستي شو صرلك ليش ماعم تردي 😦

وفجأة وئعت ام كمال عسجادة الصلاة لا من تما ولا من كما...
انصدمت ورد الشام وحطت ايديها عتمها ودمعو عيونها ...
Telegram:@rwayate
وبالمحل عند صهيب....
صهيب :لا يا زلمة انتة عم تحكي من كل عئلك
يمان :لكن من نصو ؟
صهيب :لكك هاد ابوك ... شو ماكان بيضل ابوك والله ازا عملت يلي براسك وسلمتو للشرطة لحتا ينهنهو من الضرب وخود علئ تعزيب واهانات ...لك بهون عليك فيه لك يمان
يمان :لا والله مابهون عليي ...لك لكن ليش اجيت لعندك. ...ياصهيب انا تعبت من هالئصة شو اعمل لكن ؟

صهيب :احكي معو ...جيبو لصفك ... حطو بمصحئ للمدمنين ...وهيك الشرطة ازا بدن يحققو معو رح يعتبرو ضحية لأنو ابوك مستهلك مو تاجر ...بس بيحققو معو لحتا يعترف مين اللي باعو بس ...
يمان :هيك ئولتك ؟
صهيب :مو احسن ماتخبر عنو وتصير مغضوب

وفجأة دخلت ورد الشام عالمحل بسرعة وهية عم تبكي ...
صهيب :ورد الشاام !!!
ركد صهيب عليها ..صهيب :شو جابك ؟ وليش عم تبكي
ورد الشام :هـ هي ..سـ سـتـ...
صهيب :ستي صرلا شي ؟
Telegram:@rwayate
وئف يمان وئرب لعندن بسرعة ...
ورد الشام :اي ...لاا...مـ مابعرف يمكن تكون ...
وانفجرت بالبكي ...
طلع صهيب ركيد من المحل ولحئتو ورد الشام ويمان...

وصلو عالبيت وفات صهيب مسكها ورفعها وبلش يضربلا عخدا كرمال تصحئ
صهيب :ستي ...ياستي ردي عليي ببوس ايدك ... مشان الله

فات يمان وسألو :شبها الحجة ؟
صهيب (برعبة ):مـ مابعرف لا من تما ولا من كما ...يمان اتصل بالاسعاف بسرعة ...
ئرب يمان عليها ومسكها من ايدها واخد نفس ورجع تركلا ايدها ...
يمان (بهدوء ):مافي داعي للأسعاف اخي صهيب ...الحجة ...تعيش انتة

انصدمت ورد وركدت عليها وبلشت تهزا وهية عم تبكي وتصرخ :ستي ببوس ايدك تصحي لااا تموتي ياااستي لككك مشان الله اصحيييي
Telegram:@rwayate
اما صهيب ضل يطلع بـ يمان ودمعتو معلئة بين جفونو وهوة مصدوم ...

ماتت ام كمال وتركت وراها ورد الشام منهارة ومكسورة الجناح من بعدها... هالحفيدة يلي مو من صلبا ولا من صلب ولادها 💔

كان عزا الرجال ببيت صهيب اللي كان ئريب من بيت ستو اما تمساية النسوان كانت ببيت ام كمال....

فاتت نسرين عالعزا عند النسوان وئعدت متل كأنها وحدة غريبة ... أما ورد الشام كانت ئاعدة وعم تبكي بصوت عالي والنسوان جارات ام كمال عم يحاولو يهدوها ...

انتبهت نسرين عليها وسألت المرة اللي كانت ئاعدة جنبا ...
نسرين :خالة ...مين هالصبية يلي عم تبكي
المرة :هي بتكون مرت صهيب ابن ابنا لإم كمال ...الله يرحمها ...
نسرين :مرت مييين !!،؟؟،

انصدمت نسرين ومعد ئدرت تستوعب شي... بلشت الدنيا تفتل براسها وفجأة وئفت وبلشت تمشي بخطوات بطيئة لعند ورد الشام ...
Telegram:@rwayate
رفعت ورد راسها وفجأة مسكت نسرين ايدها وبلشت تجرا بسرعة ووئفتا عجنب ...
ورد الشام :ميين انتي ؟
رفعت نسرين ايدها ولطشت ورد كف عوجها
انصدمت ورد الشام بتصرف نسرين ...
ورد الشام :ليش ضربتي ...مييين انـ...

مسكتا نسرين من شعرا وئالت :أنا نسريييين ...مرت صهيب وام بنتو ...انتي يلي مييين يا بنت الكلب... ؟
ورد الشام :تركيلي شعري 😭
نسرين :والله لربي كلاب الشوارع فيكي ياخطافة الرجال 😡

وبلشت فيها ضرب وركدو النسوان لحتا يفكووون ... وحولت نسرين التعزاية لساحة معركة

كان صهيب ئاعد وعم يستئبل المعزين لما رن تلفونو...
صهيب :الو
.....:لك ابني صهيب انا جارتكون ام عامر
صهيب :خير خالتي ام عامر شو في ؟
ام عامر :لكك تعال فك بين نسوانك رح يشلخو بعض هون
صهيب (بصدمة ):نسواني ؟
ام عامر :اي مرتك نسرين ماسكة ورد الشام ومبلشة فيها علئ وين بيوجعك محدا عم يئدر يفكا من بين ايدين نسرين
Telegram:@rwayate
وئف صهيب وركد لبرة البيت علئ بيت ستو ...
وفات بسرعة وبلش يبعد نسرين عن ورد الشام ...
صهيب :للكككك نسرييين بعدي عنها ...تركيها
نسرين :تركني خليني موتا لئليلة الترباية ..لخطافة الرجااال
صهيب : لككك خلصناعاااد

وفتلها عليه بسرعة وفاجئتو بكف متل فراء الوالدين ....

كل الحاضرين صابتهن صدمة بس شافو نسرين ضربت صهيب وعم الهدوء فجأة ..
نسرين (عم تبكي ):أنا ياصهيب...أنا تتجوز عليي ياحقييير

فات صهيب عالمطبخ ونادا :ورد جيبيلي مفك مصالب
ناولتو المفك وضلت وائفة عند الباب لحتا تشوف ازا عاوز شي...
ضل عم يصلح وورد الشام عم ترائبو وترائب كل حركاتو ...
صهيب :تعالي شغلي حنفية المي
فاتت ورد وشغلت المي
صهيب :بطلت تسرب ...
ورد الشام :شو كان فيها؟
صهيب :لما تجلي مرة تانية ماتكبي وسخ بالمجلئ ...
ووئف صهيب فجأة وهية تفاجأة فيه لما صار بوجها وجسمو بلزء جسمها ... بلش صهيب يطلع بعيونها...حست انو الوئت وئف وهي عم اتطلع بعيونو. ... خافت وكانت بدها تبعد بس حاصرها بإيديه وئال :لوين ؟
ورد الشام :عـ علئ غرفتي
صهيب :بس انا لسا ماخلصت
ورد الشام :مائلت انو اتصلحت 😓
صهيب :مبلا ... بس ماخلصت منك
ورد الشام :صـ صهيب ببوس ايدك تركني بحالي
صهيب :بتعرفي ورد انو نفسي فيكي
ورد الشام :....
صهيب :بدياكي
ورد الشام (بخوف ) :مشان الله حاج تئرب
ئرب عليها وباسها علئ شفايفها وهية لسا مو مستوعبة اللي عم يصير ... كان صهيب مستمتع بيلي عم يعملو اما ورد كانت بين اللي بدها تقاومو وبنفس الوئت حست باحساس حلو وهوة ئريب منها لهالدرجة ...
بعد عنها وهمسلا بادنها :سبئيني عالغرفة لاحئك
ورد الشام :بس انا ...مـ مابدي
اتطلع بعيونها وزورها ورجع حملها وهية من خوفها بلشت تبكي وتصرخ :نزلني ... مشان الله تركني بحالي 😭
Telegram:@rwayate
وصل عالغرفة ورماها عالتخت وسطحها وهية تقاومو بس هوة استحكمها من ايديها وئلا :خرسي. ...
ورد الشام(عم تبكي ) :ببوس ايدك بعد عني. ماتأزيني
صهيب :معناتا ليش استسلمتي معي بالمطبخ ؟
ورد الشام :مـمابعرف والله مابعرف ... الله يوفئك بعد عني
صهيب :تتجويني ؟
ورد الشام (بصدمة ):مابدي
صهيب :ليش ... انتي شايفة الوضع اللي انتي فيه هلء ... انتي يلي رح تصيري تترجيني لحتا اتجوزك
ورد الشام :بعرف بس مابدي اتجوز
صهيب :معناتا رح تخليني نام معك بدون جواز ؟
ورد الشام :لاااا ... لاتلمسني ببوس ايدك
صهيب :موهاد اللي بدك اياه
وبلش يحاول يغتصبا وهية تصرخ بس محدا سامعها ...😢
ورد الشام :صهيييب بعد عني مشان الله بكفي
بس ماكان يرد عليها
ورد الشام :الله ينتقم منك ويجي حدا يعمل ببنتك اللي عم تعملو معي 💔
Telegram:@rwayate
انصدم صهيب ورفع حالو واتطلع بعيونها ...
صهيب :شوئلتي ؟
ورد الشام (عم تبكي ):اللي سمعتو ... انا ما الي حدا يحميني منك ومن غيرك ... بس الله رح ياخدلي حئي منك ومن غيرك ...

بعد صهيب عنها وهوة خجلان يطلع فيها ... وطلع من الغرفة وضلت ورد الشام مسطحة عالتخت وعم تبكي وبلشت ترمي بالمخدات وتصرخ :حيوااان ...حقييير تفو عليييك ...انااا بكرهك ...بكرهك

ورد الشام :الحيوان بعمرو مارح يصير بني ادم ...يااارب ... تاخدلي حئي منو
وحطت راسها ونامت ...

يومين تانيات مرو وصهيب لسا ناطر لحتا نسرين تصحئ وكان عايش بس عالدخان والمي ...

كان ئاعد بالكافيتيريا عم يدخن ويشرب ئهوة لما اجا يمان وجايب معو أكل ...
يمان :كيفك صهيب
صهيب :.....
يمان :جبتلك شي تاكلو الك اربع ايام مافات لمعدتك شي
صهيب :مالي نفس يمان
يمان :بس مابصير هيك ... انتة لازم تكون اقوئ من هيك
صهيب :منين بدا تجيني القوة ... ماعم بئدر استوعب انو نسرين تروح ...ماعم بئدر اتخيل عيش من دونها 💔
يمان :متل مائلك الدكتور ماتأطع الأمل لسا الروح فيها ومابتعرف يمكن الله كاتبلا تعيش اكتر مني ومنك ...بس انتة يلي عم تموت حالك عالبطيء ...
Telegram:@rwayate
صهيب :بعين الله ... كيفا كندا ؟
يمان :ئالتلي اختي انها عم اتضل تسأل عليك وعلئ امها واحيانا مابتنام لحتا تعمل مناحة
صهيب :انشالله بتهون
شافو ممرضة ئربت عليهم وئالت :عفوا بس انتة جوز المريضة نسرين ؟
صهيب :اي انا
الممرضة :ضليت دور عليك ساعة ..عالعموم الدكتور طلب مني اندهلك

وأخيرا نطئت :انتة اللي جبتني لهون ؟
يمان :.....
ورد الشام : انا ماكنت فائدة الوعي لما فتت علئ غرفتي وبالعلامة كنت عم تناديلي باسم وردة
يمان :ومازال كنتي واعية ليش ما رديتي عليي ؟
ورد الشام :فكرت صهيب معك ،خفت يرجع يضربني
يمان :يضربك !!؟
ورد الشام :انسئ اللي ئلتو
يمان :ممكن اسألك سؤال ؟
ورد الشام :تفضل
يمان :انتي وصهيب فـ في شي بيناتكون او مثلا ضاربينا ورئة عرفي ؟
ورد الشام :نعم ؟؟ اكيد لاا اصلا انا بكرهو بدك اياني سلم حالي لالو ؟
يمان :اسف ..بس انتي شو بتكوني الو ؟ يعني اختو عمتو بنت عمو خالتو ؟؟
ورد الشام :.....
يمان :طب شو الله جابرك تبئي معو ؟
ورد الشام :انا اكيد مارح ضل معو ،الله يرحمها ستي ام كمال كرمالها بس كنت ئاعدة
يمان :وهلء ؟
ورد الشام :مابعرف ... بما انو مرتو عرفت بوجودي... رح كون بنظرها مصدر ازعاج وفتنة بيناتون لا اكتر .. لهيك رح اختصر الطريق علئ حالي واختفي من حياتو
يمان :وين بدك تروحي ؟
ورد الشام :الي الله مابينساني
يمان :بتعرفي مين في هون ؟
ورد الشام :مين ؟
يمان :مرت صهيب ... بيوم العزا وبعد ماطلعت من البيت ضربتا سيارة ولحد اليوم لحتا صحيت
ورد الشام :اي الله يئيمها بالسلامة ...
Telegram:@rwayate
ئعد صهيب ئدام تخت نسرين وهوة مهموم وضايع ...فتحت نسرين عيونها ونادت لـ صهيب
صهيب :اي حبيبتي
نسرين :شو صار مع ورد الشام. .. جابها يمان
صهيب :اي
نسرين :وكيف حالها ؟
صهيب :الحمدلله وضعا تمام
نسرين :بتعرف ... كتير تحاقرت معها ... وضربتا وهية مالا ذنب بشي
صهيب :خلص لا تحطي ببالك
نسرين :بس ...
صهيب :مائلتلك خلص لاتفكري فيها ...
نسرين :بدي شوف كندا
صهيب :هلء بخلي يمان يروح ويجيبها
*---------------*
وبنفس الليلة استغلت ورد انشغال الناس عنها وتسلحبت برا المشفئ وكانت بدها تهرب لما مسكتها عاملة التنظيفات .. Telegram:@rwayate.
...:وين رايحة هيك
ورد الشام :ببوس ايدك خليني روح
...:شو مفكرة الدنيا سايبة امشي رجعي عتختك
بلشت ورد تبكي وتترجاها لحتا تخليها تطلع من المشفئ بجية يمان ...
يمان :خير خير
...:ابني هالبنت مو انتة وصيتني عليها ؟
يمان :اي
....:بدها تهرب من المشفئ
يمان :شو هالحكي
ورد الشام «بتبكي »:الله يخليك خليني اطلع ،ما مابدي شوفو ببوس ايدك طلعني من هوون
يمان :طيب طيب خلص

طلعها يمان من المشفئ بعد ما اخد كم نصيحة من الدكتورة كرمال الغذاء والدوا ...
--------------*
كانو وائفين وهنن ناطرين سيارة تكسي ... وشافها يمان شاردة ..
يمان :شبك ؟
ورد الشام :مافي شي بس الي زمان ما طلعت من البيت
يمان :معناتا رح اخدك عمكان ورح تنبسطي وتغيري جو

وئف تكسي وطلعو علئ منطقة حلوة كتير ونزلو ئدام حديقة فيها من نصها نافورة مي ... وفاتو.. كانت الحديقة شبه فاضية والليل اللي مضوي البدر بالسما ...وبلشو يتمشو
Telegram:@rwayate
يمان :عجبتك الحديقة ؟
ورد الشام :اي كتييير وريحة العشب بيشرح الئلب. ❤️
ضل يمان شارد فيها وهية مغمضة عيونها وعم تستنشق ريحة العشب الممزوجة بالورد ورذاذ المي تبع النافورة ... وئلبو من جواتو عم ينط نط وهوة نفسو مو عرفان ليش 😍

فتحت عيونها واتطلعت فيه. ..
ورد الشام :شبك ؟
يمان :اه..لا مافيني شي ...

ئعدو عالعشب ...
يمان :وين كنتي ناوية تروحي ؟
ورد الشام :مابعرف ...أي مكان بعيد عن صهيب
يمان :طيب كيف اتعرفتي علئ صهيب ؟
ورد الشام :معليش تئيمنا من سيرتو ..بدي ريح عئلي منو
يمان :متل مابدك انسة وردة
ورد الشام :ورد الشام
يمان :نعم ؟
ورد الشام :اسمي ورد الشام مو وردة
يمان :اسف بس اسمك طويل ..
ورد الشام :بعرف بدك فترة لحتا تتعود عليه
يمان :شو خطرلون أهلك يسموكي ورد الشام ..كانو سموكي ورد او شام يعني ليش التنين مع بعض ؟
ورد الشام :بابا حكالي انو ماما لما حملت عرفت انو معها توأم بنات ونئت الاسمين الي ولأختي عأساس ورد و شام ... بس لما ولدت ماما فينا نزلتني انا واختي ..انا كان وضعي منيح بس اختي لا لأنو طلع معها نقص بالاوكسجين وماتت دغري... وماما زعلت كتير علئ اختي وبابا ماعرف شو يسجلني لأنو ماما كانت منهارة وزعلانة وهية كانت كتير نفسها تسمي ورد وشام فـ بابا سجلني ورد الشام كرمال ماما الله يرحمها
يمان :ايوا ...بس حلو كتير
Telegram:@rwayate
وشافو بياع غزل البنات ونادالو يمان واشترا منو وعطا ورد
ورد الشام :والله ماكان فيه داعي
يمان :ولو ... كم ورد الشام عندي
خجلت وزاحت نظرها عنو.
ورد الشام بئلبا :ياريتني ملتئية فيك ئبل صهيب ...
رن تلفون يمان ولما شاف الرقم تغيرت ملامحو ..
يمان :اي صهيب
ولما سمعت ورد بإسم صهيب انتفضت ودب الرعب بئلبا 😓
صهيب :وينا ورد الشام ؟
يمان :معي
صهيب «بعصبية »:وانتة مين سمحلك تطلعها من المشفئ
يمان :اتحسنت حالتها ومعد في داعي اتضل
صهيب :رجعها وهلء
يمان :صهيب انا رح اخد ورد الشام لعندي عالبيت لحتا تدبر حالها وتلائي مسكن
صرخ صهيب :يماان رجعها ئبل ما اجي واعمل شي مابيعجبك
يمان :ليش عم تصرخ ..صهيب البنت خايفة منك وبس تروء تعال شوفها عندي بالبيت
صهيب :عطيني احكي معها
يمان :بدك تحاكيها ؟
واتطلع فيها وشافها عم تهز براسها شمال ويمين برعبة انو مابدها
يمان :البنت نايمة بس تصحئ بخليها تحاكيك
Telegram:@rwayate
سكر يمان الخط وئال :طيب هوة ليش مابدو اياكي تبعدي عنو ؟
ورد الشام :مابعرف ..سيد يمان صهيب واحد مو طبيعي ابدا
يمان «باستغراب »:كيف يعني ؟
ورد الشام :بتشوفو شخص هادي وئلبو طيب
فجأة ومن غير سبب بيتحول لشخص عصبي ومتل التور الهايج ...أكيد صهيب مريض نفسي
يمان :هلء انا بعرف انو عصبي بس ماوصلت لدرجة المرض النفسي
ورد الشام :شو بتفسر انو مابدو اتركو مع اني سبب اللي هوة فيه هلء ونسرين بالمشفئ بسببي !
يمان :بجوز حاسس بالمسؤولية اتجاهك ..
ورد الشام«بقهر » :بدي ابعد عنو ...بدي اهرب منووو...الله يخليك لشبابك دبرلي مكان مايعرفلي طريق فيه الله يوفئك ...الله يوفئك 💔
بلشت ورد الشام بكي ...اما يمان حزن عليها وحطلا راسها عصدرو ومسدلا شعرا ...
حست ورد بالأمان وهية عصدر يمان حست بهداك الأمان اللي كانت تسمع عنو ومن لما مات ابوها ماحستو ...
Telegram:@rwayate
وبعد ماهديت أخدها علئ بيتو وهناك اتعرفت عاختو صبا اللي كانت من عمرها تقريبا ...وسلمت عليها ...
يمان :اي اختي البنت تعبانة وهلء طلعتا من المشفئ حضريلنا عشا وخدي الصبية تغير تيابها ...
صبا :تكرم اخي .. صحيح ما رح ترجع كندا ؟
يمان :لا ئلي صهيب بدها تنام عند امها الليلة ..
صبا :تعالي حبيبتي
راحت ورد مع صبا عالغرفة ..
صبا :خدي هي بجاما وهي طئم داخلي والحمام برا عايدك الشمال ...
ورد الشام :بس هدول جداد !
صبا :اه هدول من جهازي اللي عم جهزو
ورد الشام :لا مابئدر اخدون بعدك ما لبستيون 😟
صبا :مافي مشكلة عندي غيرون وبعدين مو حلوة اعطيكي من تيابي الئدام ..يالله بسرعة غسلي ولبسي العشا كمان عشر دئايئ و بكون جاهز 😊
Telegram:@rwayate
طلعت صبا من الغرفة اما ورد اخدت التياب وطلعت عالحمام وطلعت علئ حالها بالمراية
ورد الشام :ليك وجهي شو شحب والهالات تحت عيوني .. الله يسامحك ياصهيب ...
وبس اتزكرت صهيب ونظرة عيونو رجع جسمها كلو قشعر وراودها شعورها بالرعب...

-------*بعد مرور تلات شهور*-------
Telegram:@rwayate
اجت صبا لعند ورد زيارة وئعدو يحكو ...
صبا :لك اي متل ماعم ئلك .. دبرتلك اخيرا مسكن بعيد من هون واكيد صهيب مارح يئدر يوصلك فيه ..
ورد الشام :يعليي ومنين جبتي المصاري ؟
صبا :خطيبي بعتلي دفعة منيحة ولما شفتون بكفو عطول استأجرتلك اياها و كمان هية عبارة عن غرفة وحدة مع منتفعاتها ،بتأديكي
ورد الشام :لا صبا انا مائلتلك خلص انا بطلت اطلع ..
صبا :ماحزرتي ..رح تطلعي وتعيشي حياتك ،انتي مو جارية عند هي السنكوحة
ورد الشام «اتنهدت »:بيني وبينك .. انا حسبتا منيح .. ازا طلعت من هون رح موت من الجوع لأنو مابعرف اشتغل شي .. وبصراحة اكتر في شي ما انا مائلتلك عليه
صبا :شو هوة ؟
ورد الشام : انا بخاف ئعد لحالي .. صبا انا ماعم نام بالليل ،انا حاسة انو صار عندي فوبيا من الوحدة
صبا :صهيب السبب صح
ورد الشام :مابعرف ليش هيك عم يعمل معي
صبا :ماخف تجاهك ؟
ورد الشام :لا ..بالعكس عم يزيد
صبا :طب هوة مع نسرين نفس الشي ؟يعني بصراحة واحد غير صهيب كان عاملك بلطف كرمال يتأرب منك بس وضع صهيب غريب وخاصة انو كرهو الك بدون سبب
ورد الشام :مع نسرين بحس صهيب بيئلب شخص تاني .. شخص بلا شخصية ولد صغير بيصير ... وشو ما حكتلو بينفذ بدون حتئ ما يناقشها وبتمشي عكيفها متل اللي ساحرتو ...
Telegram:@rwayate
صفنو ورد وصبا ببعضون ..
صبا :معئول ؟
ورد الشام : ....
صبا :ورد بشو عم تفكري ؟
ورد الشام :كنت دايما اسأل حالي ليش ستي ام كمال بتكره نسرين ولما سألتا ليش مابدا اياها تجي علئ هالبيت ...ئالتلي مابدي هالشيطانة تعتب عتبة بيتي .. وانو صهيب فجأة صار يحبا وبدو اياها وحارب الكل كرمالها
صبا :والمعنئ؟
ورد الشام :المعنئ ! ههههه اكيد هالحكي فاضي
صبا :لاحظتي عليهون شي غير تصرفات صهيب ؟
ورد الشام :اي صهيب كتير بشوف كوبيس ،وكمان نسرين بتئطرلو شي بالمشروب
مرة كنت طالعة من المطبخ وشفتا عم بتئطرلو بفنجان الئهوة لما كان بالحمام ،ومرة شفتا ئطرتلو بكاسة المي ..
صبا : دوا ؟ ليش صهيب شو مرضو ؟
ورد الشام :مو دوا هية ئزازة شفافة وماعليها علامة والمادة لونها ازرق فاهي .. شو هالدوا اللي لونو ازرق صبا ...!
صبا :بتئدري تجيبيها ؟
ورد الشام :بحاول ...شو ناوية تعملي ؟
صبا :بس تجيبيها بحكيلك ...
-------------------*
Telegram:@rwayate
بنص الليل صحيت نسرين عصوت صهيب وهوة عم يحكي وهوة نايم وكالعادة كابوس يلحأ كابوس ... كانت عم تسمعو شو يحكي ..
نسرين :وبعدين مع هالحالة ؟
كان عم ياخد راسو يمين وشمال .. وعم يحكي :بكفي ..بعدو عني .. بـ بكرهك نـ نسريين
نسرين :بس انتة ملكي ،ئد ما كرهتني مارح تئدر تحكيها بوجهي بس تصحئ
------------------*
تاني يوم الصبح جهزت نسرين حالها وطلعت مع صهيب كالعادة عالمشفئ كرمال العلاجات الفيزيائية ... اما ورد بلشت اتدور بين اغراض نسرين علئ علبة الدوا ..
ورد الشام :وين حطتها ؟؟
ضلتت تفتل ساعة بالغرفة لحتا اخيرا شافت صندوق خشب عرف الخزانة ..نزلتو وفتحتو ... واتفاجأة بيلي جوا ... كان في مسدس صهيب وعلب ادوية مبينة للإكتئاب ومن بين هالأغراض كان في خاتم عقيق مكتوب عليه حروف غريبة وارقام ...
ورد الشام :شو هالأشياء ؟وشو هالخاتم هاد ؟
اول ماحملتو حست بتئل بايدها وفجأة بطلت تعرف تركز غير فيه ... ضلت فترة مركزة فيه بدون وعي .. وأخيرا سمعت صوت باب االبيت خبط ... جفلت ورجعت الصندوق الخزانة وطلعت عالصالون وشافت صهيب ئاعد لحالو عالكنبة ...كان حاني راسو وحاطو بين ايديه ...
Telegram:@rwayate
ماحبت تحسسو بوجودها ولفت لحتا تمشي وسمعت صوتو بيحكي معها :وئفي عندك
وئفت وكأنو حدا ثبتها وصوتو يلي كان مسببلها رعب كل مرة بتسمعو ...
صهيب :شو كنتي عم تعملي ؟
ورد الشام :كـ گكنت عـ عم
صهيب :ليش متلبكة ؟
لفت ورد عليه واتصنعت ابتسامة خفيفة
ورد الشام :كنت بالغرفة
صهيب :اخت يمان لسا بتجي لهون ؟
ورد الشام :مممو كل الاوقات .. احيانا بتجي بتئعد عشر دئايئ او ربع ساعة مو اكتر
صهيب :ويمان ؟
ورد الشام :لا والله الي اكتر من تلات شهور ماشفت وجهو
صهيب :منيح ..
Telegram:@rwayate
وئف صهيب وراح اتجاه ورد وهية اهتابت وبلشت ترجع لورا بخطوات خفيفة لحتا لزئت بالحيط ... وهوة سند ايديه التنتين عالحيط وحاصر ورد فيهم ... كانت ورد متعودة علئ حركاتو وماتفاجأة منها لأنو بتعرف انو صهيب مارح يعملا شي رغم كلشي قسوة بصبها عليها .. كانت متطمنة من هالناحية ومع هيك بتضل مرعوبة وشي عم يخليها تشوفو وحش بعيونها ...
صهيب :حطي عينك بعيني
رفعت راسها واجت عينها بعيونو .. كانو غير هالمرة ..كأنو كان شخص تاني ونظرة عيونو القاسية اتحولت فجأة ... وئلبا معد اتهدا من رعبتا وبلشت اتدور عمنفد من نظراتو
ورد الشام :والله ماعملت شي 😢
همسلا :بس انا ماتهمتك بشي
ورد الشام :اول مرة بتطلع فيني هيك
صهيب :واول مرة بنتبه انو عيونك حلوين

ورد الشام «بصدمة »:صبا ؟
التفت عليها ومسكها من كتفها وئربها لعندو
صهيب «بعصبية »:ليش هربتي ..شفتي بشو تسببتي شفتي شو عملتي ؟
ورد الشام :انتة واحد مجنون ..مريض نفسي .. حرام علييك حرام عليك اللي عملتو واللي عم تعملوو ..
صهيب :خرسي ... وثقت فيكي ...حتا عطيتك ثقة ومع اول فرصة شفتيها تاحتلك هربتي ..ئلتلك بعمرك مارح تخلصي مني ورد مارح تخلصي مني ... انتي بالفعل وئعتي بجهنم ومعد تئدري تطلعي ..

رجع دفشها لورا وشغل السيارة ومشي فيها ... كانت ورد عم تبكي وتصرخ ومرة تضرب عوجها ومرة تضربو عكتفو لحتا يتركها بحالها بس صهيب ماكان هامو شي ... لحتا اخيرا تعبت من الصراخ والبكي وهديت ... ئعدت بزاوية الكرسي جنب الشباك وضمت رجليها عصدرا وسندت راسها عئزاز الشباك وهية عم تبكي بصمت ..
-----------------*
وببيت يمان كان ئاعد وحاطط راسو بين ايديه وعم يبكي بعد ما اجا صهيب وزاد هم جديد عئلبو ...
أخيرا طلع الدكتور من الغرفة وركد عليه يمان وبائي الرجال لحتا يتطمنو. ..
يمان :طمني انشالله جرحها مو خطير
الدكتور :لا الحمدلله مرئت علئ خير وانا لفيتلها ايدها بالشاش .. بس مين ضربها هيك ؟
ئال واحد من الرجال اللي كانو :واحد ابن حرام فات لهون وعمل بلبلة وهرب ..
الدكتور :انا برأيي تخبر الشرطة لأنو لولا ستر الله اختك كانت راحت فيها
يمان :اكيد رح خبر عنو .. مارح مرئلو اياها لهالواطي
Telegram:@rwayate
----------------*
وصل صهيب بسيارتو ئريب من استراحة ووئف ...ونزل
ورد الشام :وين نازل وتاركني
صهيب :مارح طول الله يطعمك واسمع حسك ..
وسكر باب السيارة وئفلها من برة ..
-----------------*

أما يمان اشتكئ علئ صهيب بتهمة تهجمو عليه ببيتتو ومحاولة قتل اختو صبا واختطاف ورد الشام .. كان يمان هالمرة مصررر يربي صهيب لحتا مايرجع يتعرضلو ....

رجع صهيب عالسيارة بعد عشر دئايئ ومعو كيس مليان أغراض وكأنو رايح رحلة ...
ورد الشام :وين رح نروح ؟
صهيب :مادخلك. ..
شغل السيارة وتوجه فيها علئ منطقة متل ضيعة صغيرة وبيوتها عمار ئديم ...
نزل لعند شب كان مبين عليه كأنو راعي غنم ... وئف معو شوي وشافت ورد الشب عطاه مفتاح

ركب صهيب بالسيارة وشغلها وبلش يمشيها عالبطيئ ورا الراعي لحتا وصلو عبيت معمر من الحجر والطين والو باب خشب ئديم مهرهر ...
نزل صهيب ونزل الأغراض ...
صهيب :نزلي لشوف ...
نزلت ورد من السيارة وبلشت تطلع حواليها وخافت من الجو والمنطقة ..كانت ضيعة مئطوعة يمكن الكهربا مو واصلتلها لسا ...
ورد الشام :انتة وين جايبني
صهيب :فوتي عالبيت بدون زيادة حكي
ورد الشام :لا مارح فوت ...لك انتة شووو
صهيب :لا تخليني افئد اعصابي ورد عم ئلك فوتي احسن ما ...
ورد الشام :تموتني؟ طيب موتني وريحني
مسكها من ايدها وشها لعندو وهمسلا :لسا بكير عموتك

وفوتها غصب عنها لجوة وهية عم تبكي وحاسة انو نهايتها ئربت واجلها اجا وئتو ...
Telegram:@rwayate
----------------*
خلصت نسرين من المشفئ وبلشت تحاول ترن علئ صهيب بس رقمو يطلع خارج نطاق التغطية
نسرين :ويينك ياصهيب لككك رد
كندا :وينو بابا ؟
نسرين :بشغلو هلء بيجي ياخدنا ...

وورد ئاعدة بزاوية الغرفة علئ فرشة وعم اتطلع بصهيب اللي كان عم يدخن بشراهة وصافن ...وهية عم تتزكر اللي ئالتو علا خالة صبا ...« لازم تفكو السحر عن الشب والا رح يروح حالو ويروح ناس بلا ذنب معو »
ورد الشام :ياريتني سمعت كلام خالة علا وكسرت السحر وئت كان بين ايديي ،شو هوة اللي منعني اكسرو ياربي ..
صهيب :عنشو عم تحكي ؟
ورد الشام :عن السحر اللي عاملتلك اياه نسرين
صهيب :انا كم مرة ئلتلك لعد تجيبي سيرتها علسانك
ورد الشام :لك لازم تسمعني صهيب .. انتة وئعان تحت تأثير سحر يمكن يودي بحياتك ..اتطلع عحالك انتة عم تأزي حالك والناس اللي حواليك بدون ماتكون واعي ..
صهيب :....
ورد الشام :ليش ماعم ترد عليي ...
صهيب :لأنو كلامك مافي جنس المنطق ..شئفة سحر مارح يمشيني
ورد الشام :لا مشاك صهيب..مشاك ..وانتة هلء عم تمشي متل مابدها اللي عاملتلك اياه
صهيب :ورد ازا مابدك تخرسي رح تندمي
ورد الشام«بتبكي » :شو لسا بدك تعمل ؟ رح تئتلني ؟ طيب شو ناطر ؟ صهيب انتة عم تروح حالك ومو حاسس ومو فهمان انو نهايتك وخيمة .. وبإيدك بتئدر تكسر سيطرتها عليك
Telegram:@rwayate
رما السيكارة من ايدو وراح اتجاه ورد وانحنئ لعندا
صهيب :مستعد اعمل السبعة وذمتها وماخلي حدا يئرب منك
صفنت ورد بعيونو وهية شفئانة عليه
ورد الشام :صهيب انتة بتحبني ؟
صهيب :....
ورد الشام :رد عليي مشان الله
ضل صهيب ساكت وصافن بعيونها ... كان بدو يحكي لما لمحت ورد خيال اسود ورا صهيب ومن رعبتها غطت وجها وبلشت تصرخ وتحكي :ياااربي رح جنننن ...مشاان الله ياصهيييب بعد عني ولا اتطلع فيني هيييك ..
Telegram:@rwayate
اما نسرين دبرت حالها ووصلها دكتور علي منطقتها ... وشافو الشرطة مطوقة المنطقة ..استغربو ونزل الدكتور نسرين عالكرسي وكانو رح يفوتو عالعمارة لما وئفهن شرطي ...
نسرين :بس بيتي هون
الشرطي :انتي زوجة صهيب ***
نسرين :اي
الشرطي :طيب راجعلك ..
غاب شوي ورجع مع محقق ...
المحقق :مرحبا مدام انا المحقق حسان
نسرين :اهلين حضرة المحقق
حسان :مدام نحنا بدنا ناخد افادة منك
نسرين :طيب بس ممكن نطلع عالبيت مشان بنتي برد عليها هون
Telegram:@rwayate
ساعدو الشرطة نسرين الحتا تطلع عبيتها ...وئعدو جوة
حسان :مدام نسرين متل مافهمت انك بطلتي تمشي بسبب حادث سير
نسرين :اي والله بس عم بعمل جلسات علاج فيزيائي
حسان :طيب انشالله عم تعطي نتيجة ايجابية
نسرين :اي الحمدلله
حسان : .. وبموافئة زوجك عم تاخدي العلاج
نسرين :طبعا .. حضرة المحقق انا لحد الان مافهمت شو الافادة اللي بدكون تاخدوها مني
حسان :ئبل الافادة مابهمك تعرفي شو عامل ؟
نسرين :اكيد
حسان :جوزك متهم بالاختطاف والشروع بالقتل
نسرين «بصدمة »:شوووو .. ليش مين خطف ومين حاول يئتل ؟
حسان :عحسب اقوال الشهود انو جوزك حاول يئتل أخت رفيئو الانسة صبا وخطف صبية اسمها ورد الشام انتي بتعرفي شي عن هالموضوع ؟
نسرين :ورد الشام !! هـ هي خدامتنا بجوز هية حرضتو ليعمل هيك
Telegram:@rwayate
حسان :بس عندي بالمحضر مكتوب غير هالشي ...انو البنت كانت هربانة منو وزوجك اتهجم عبيت رفيئو يمان لأنو فكر البنت عندو ولما يمان ماتجاوب مع صهيب هددو انو يئتل اختو وكان رح ينفذ تهديدو لما ظهرت ورد الشام بآخر لحظة وانئلبت الأمور ولما حاول صهيب ياخدها كان السيد يمان بدو يمنعو يلي خلا صهيب يسحب موس من جيبو و وكان رح يضرب يمان فيه لما اجت صبا ئدام صهيب واتلقت طعنة بزندها ..

طلعو بالسيارة وشغلها ومشي ...
Telegram:@rwayate
لاحظت ورد هدوء صهيب الملحوظ وكأنو صار شخص تاني ...
ورد الشام :صهيب انتة كنت عم تحكي عنجد لما ئلتلي انك دبحت صبا ؟
صهيب :وشو بتفرء معك ..مو انتي بتكرهيني ورح تسلميني بايديكي للشرطة
ورد الشام :بفكر بهالخصوص بس نوصل لعند يمان
صهيب مع ابتسامة: بتعرفي ..بيلبئلك تفرضي شخصيتك عالناس
ورد الشام :اي يالله انتبه عالطريق ...
Telegram:@rwayate
-----------------*
راحت صبا مع علا عند نسرين لحتا تتأكد من انو عندها خبر بالشي يلي صار ...
صبا :يعني خبرتي
نسرين :ممم الخبر الزفت بينتشر بسرعة ... وانشالله جرحك مو كبير !
صبا :لا الحمدلله .. اجت برانية ..
نسرين :وانتي جاية مشان تحسسيني بالزنب ؟
صبا :اكيد لا ... بس جيت لحتا تحكيلي وينا ورد الشام
نسرين :هههه هلء كنت عم فكر رن علئ اخوكي كرمال يخبرني ازا كان بيعرف مكان صهيب
صبا :انتي جد بتحكي وللا بتمزحي ..مو اخي هوة اللي مشتكي علئ جوزك ولو بيعرف مكانو ماكان سكت عليه ابدا
نسرين :يعني انتي جاية لحتا تسحبي مني كلام ودلك عمكان صهيب ..هههه حبيبتي انا حتئ لو بعرف بمكانو مارح ئلكون عليه
علا :بس يا ست نسرين جوزك خاطف بنت والشرطة عم بتدور عليه
نسرين :انشالله سدئتو هالمسرحية اللي صارت وانو جوزي هوة يلي خطفها ..لك هي وحدة ملعبة ضحكت علئ جوزي وخلتو يروح معها ..انا بيتي رح ينخرب من وراها وجوزي رح يفوت عالسجن من ...
ئاطعتها علا :من ايدك ..هية مالا ذنب
نسرين :كيف يعني ؟
Telegram:@rwayate
صبا :نسرين انتي بتعرفي منيح نحنا عنشو عم نحكي
نسرين «بلبكة » :انتي لشو عـ عم ترمي ؟
علا :الكتيبة والربط ... حبيبتي هالاشياء ئد ماتخبت رح يجي يوم و تنكشف
نسرين :لككك انتو شو جاي تحكو ؟
صبا :نحنا اصدنا عن صهيب والسحر اللي عاملتيلو اياه .., انتي لو كنتي عنجد بتحبي جوزك ماكنتي رح تخلي يتبعك بهالطريقة ... وورد الشام كانت هربانة من جوزك بس مازبطت معها لأنو لولاها كان صهيب ارتكب جريمة
علا :بنتي اللي عملك السحر وعطاكي اياه ما خبرك شو مساوئو ؟
نسرين :....
علا:السحر رح ينئلب ضدك ،ازا ماكسرتي بإيدك
نسرين :ليكي انتي واياها رح اعتبر اني ماسمعت شي ولا حتئ اجيتو لعندي ... شرفو طلعو بلا مطرود ...

اتطلعو صبا وعلا ببعضن وفضلو يختصرو الحديث معها ...
وئفو وئالت علا :انا مالي حابة دايئك بس لزوم تعرفي ..اللي صار مع جوزك بسببك انتي .. ولازم تعرفي كمان بالنهاية السحر رح يئلب عالساحر لأنو الله يمهل ولا يهمل ...
Telegram:@rwayate
طلعو وضلت نسرين عم بتفكر بيلي حكتو علا وشو يلي عرفهن بموضوع الربط
-----------------*

وصلو أخيرا صهيب وورد بجنب بيت يمان ...
صهيب :انتي مفكرة انو يمان رح يئبل يتجوزك بعد كلشي صار ؟
ورد الشام :بس انا ما اجيت لعندو كرمال يتجوزني .. انتة وصختني بالفعل ومستحيل اظلم يمان معي ..
صهيب :مالي عرفان شوهوة اللي مخليكي تكرهيني لهالدرجة
ورد الشام :رح تئضي وئت كتير بالسجن .. ووئتا رح تعرف انا ليش بكرهك ..رنللي عليه بسرعة
صهيب :ليكي ورد انا سكتلك كتير بإرادتي ولا تفكريني خايف منك ومن المسدس اللي مسلطتي عليي وبعرف انك أجبن من انك تئوصي فيه .. انا ساكتلك لأني بحبك وازا بدك تتأكدي كبسي عالزناد هلء
ورد الشام :...
صهيب :شو ناطرة ئوصي
وبسرعة مسك المسدس وسلطو عجبينو وصرخ :ئوصي ورد ئوصي
بلشت ورد ترجف ودمعو عيونها أما صهيب حط ايدو عالزناد فوء اصبعتا
صهيب :مع اني بعرف انو اخرتي عالسجن ومع هيك اجيت
وفجأة كبس عالزناد وورد ارتعبت وتوقعت موت صهيب برصاصة من مسدسو ... بس المسدس مائوص .. ماطلعت ولا رصاصة
Telegram:@rwayate
ورد الشام«بصدمة » :فاضي !؟
ترك ايدها والمسدس وطلع باكيت الدخان وولع سيكارا ..
صهيب :اي فاضي .. كان بدك اياه يكون فيه رصاص ؟
ورد الشام :وكنت بتعرف انو فاضي ومع هيك جبتني لهون ؟
صهيب :ورد مبارح لما شفتك ضعفتي واستسلمتي بين ايديي حسيت حالي ملكت الدنيا كلها... مبارح في حاجز انكسر لما لمستك ... بدك تسدئي وللا لكيفك .. مبارح لماشفتك نايمة جنبي ودمعتك سئت مخدتك ..لمت حالي وخفت عليكي اكتر من حالي.. بعترف اني ازيتك كتير واني كنت حقير معك .. ومبارح بس لحتا فهمت هالشي...

ورد الشام :.....
ضلت ورد ساكتة وعرفت وئتا شو كان شعور صهيب .. ضلت اتطلع فيه ودموعها عم بهرو من غير ارادة منها ... كان عنجد موقف صعب بالنسبة لـ ورد بس هية حسمت أمرها وقررت تبعد لحتا ترتاح ...
Telegram:@rwayate
أخيرا لمحت صبا نازلة من تكسي ...
ونزلت بسرعة من السيارة وهية عم تناديلهم ... وئفت صبا وهية مو مسدئة انو ورد رجعت
صبا :هي ورد .. والله هية
ركدت لعندا بلهفة وضمتا ...
صبا :ويين كنتي وييين اخدك هالحقير
ورد الشام :تركك مني وطمنيني كيفك انتي ..صهيب كزب عليي وحكالي انو ئتلك
اتطلعت صبا ورا ورد وشافت صهيب وائف جنب سيارتو
صبا :كان رح يعملا ... وين اخدك احكي
غصت ورد واتزكرت كلشي صار ومائدرت تخبي مشاعرها وانفجرت بالبكي ورمت راسها علئ كتف صبا
ورد الشام «عم تبكي »:صبا انا ..انا تعبانة بدي ارتاااح

بعدت صبا عن ورد وراحت بسرعة عند صهيب ..
صبا :والله لحتا خليك تدفع التمن غالي
صهيب :طيب معناها ... اتصلي بالشرطة وخبريون اني ناطرهون ببيتي ...وديري بالك علئ ورد
Telegram:@rwayate
وطلع بسيارتو ومشي ...
فاتت صبا عالبيت ونادت :يمااان تعال اخي شوف مين اجا
طلع يمان من الغرفة واتفاجأ بـ ورد الشام ...
ورد الشام :كيفك يمان
يمان :ورد !!؟
------------------*
وصل صهيب علئ بيتو وفتح الباب وشاف نسرين عم تمشي ..كانت مفاجأة الو وصدمة بنفس الوئت ...
نسرين «بصدمة » :صـ صهيب !؟

فات وسكر الباب وراه والصدمة واضحة علئ وجهو
صهيب :انتي عم تمشي !
نسرين :.....
صهيب :شو جاوبي ..كزبتي حتئ بهالشغلة ؟
نسرين :لاا هي العلاجات عطت نتيجة. .. صهيب انتة وين كنت الشرطة عم بتدور عليك
صهيب :بعرف ... وليكون عالطريق ..بس في شي بدي تعترفي عليه ئبل ما يوصلو
نسرين :شـ شو هوة ؟
صهيب :شو ئصة السحر ؟
نسرين :أي سحر ؟
صهيب :لا تكزبي عليي نسرين .. الشربة اللي كنتي بتئطريلي اياها بشربي والخاتم اللي داسستي بين اغراضي...
نسرين :ههههه لك انتة انشالله مسدء هالسخافة
Telegram:@rwayate
صهيب :سخافة ؟ لو كان سخافة ماكنت رح اتجوزك او طلع فيكي حتئ
نسرين :...
صهيب :ليش ساكتة ..عرفتي تشتغلي شغلك وبطريقة خليتني اتعلق واتجوزك .. مع انو كنت بعرف شو كان ممشاكي
نسرين :كزب ..انتة اللي صرت تركد ورايي
صهيب :مزبوط .. بفضل الجلب اللي عملتي .. لك انتي جد طلعتي شيطانة
نسرين :ورد الشام السبب ؟ صار وخربتلي حياتي ..
صهيب :ليش ماتئولي انك بنيتي حياتك علئ كزبة وارض مزعزعة وبأي لحظة بتنهد .. نسرين انتي عملتيني شخص بلا اخلاق وحتئ ستي اكلت نصيبها من هالشخص ... بـ بكرهك انا كنت بكرهك ولحد الان ولاتفكري انو اللي عملتي خليتي يغير شي جواتي اتجاهك ...
نسرين :وكندا ؟ ...
صهيب :بتربا ... هية مو اول وحدة وللا اخر وحدة اهلا بينفصلو ..
نسرين :ننفصل ؟ اسماع صهيييب مستعدة اتفق مع العفاريت والجن وبيع روحي للشياطين كرمال املككك عم تفهم ...صهييب انتة ملكي ..
Telegram:@rwayate
وفجأة بلش يخبط الباب وتوقع صهيب انو الشرطة اجت ... فتح الباب وااتفاجأ بـ يمان ...
صهيب : انا مو ناطرك .. وين الشرطة
شدو يمان من جاكيتو بعصبية
يمان :مفكر سلمك للشرطة بهالسهولة ئبل ما صفي حسابي معك يا واطي ..

ودفشو لجوة وبلشو يتضاربو

أما ورد وصبا كانو راكبين بتكسي وهنن خايفين من ردة فعل يمان وصهيب ...
ورد الشام :لكك ليش هيك عم بيصير
صبا :يمان الو يومين متوعد لـ صهيب ...ولي علئ ئامتي
ورد الشام :اتصلي بالشرطة بسرعة
-----------------*
Telegram:@rwayate
أما ببيت صهيب كان الوضع بخوف لأنو يمان وصهيب دمو بعضن من كتر الضرب والجيران اتجمعت علئ اصواتهن ..
دفش صهيب يمان وطلع موس من جيبو وسلطو عليه
صهيب :انا اتحملتك كتير بس انتة ما كنت تفهم
يمان :لكن تفكر انك تتهجم عليي وعلئ بيتي وتضرب اختي واسكتلك .. لك انا حطيتك براسي ومارح شيلك الا عالئبر يا حيووان
صهيب :هههه اي اي لؤوي تشد عأعصابك .. انتة مئهور مني لأني تهجمت علئ بيتك لما لأنو ورد حكتلك عالشي اللي صار

يمان :ليش شو صار ؟
صهيب :اخدتا .. حطيت ختمي عليها .. نيمتا عصدري وشميت كل ئرنة بجسمها
انصدم يمان وبطل يعرف يرد وخصوصي انو ورد ما حكتلون شي. .. اما نسرين كانت صدمتها اكبر بعد ماسمعت هالكلام طلع من صهيب
يمان :كزااب ورد ماحكت هيك
صهيب :شو بدها تخبرك ..اني نمت معها برضاها ..لا حبيبي يمان اكيد مارح يكوون الها عين تخبرك ..
Telegram:@rwayate
كانت ورد وائفة مع صبا وبائي الجيران عند باب البيت وسمعو كلشي ..
صبا :ورد ئولي انو هالحكي كزب ..لا تثبتي عحالك ،لييش ساكتة لككك انطئي وبري حالك
ورد الشام «بتبكي »:شو اللي بدي كزبوو ..كلامو مزبوط ..صباا كلامو مزبووط

اتطلع فيها يمان بـ ورد ..البنت اللي حبها وتمناها ..البنت اللي خفئلا ئلبو وخلا مو مستقر
أما نسرين ركدت علئ ورد ومسكتها من شعرها وبلشت تشدها وتضربها وهية عم تصرخ :.. والله لخليكي تندمي يابنت الكلب ..
ركد صهيب ورما الموس كن ايدو وبلش يفك ورد من بين ايدين نسرين ودفشها لحتا وئعت عالأرض ..
صرخت نسرين :حيوانة حقيرة .. انا بعرف كيف ربيكي يابنت الحرام
ومسكت الموس من الأرض ورجعت هجمت علئ صهيب وورد وهالمرة ئدرت تجرحلا ايدها ... وئفلا صهيب بوجها ومسك ايدها ..
صهيب :نسريين اهدي ..
نسرين :بعد من طريقي صهييب تركني موتها واخلص منهااا
اجا يمان ومسك نسرين من ورا ورجع رماها عالأرض ...اما نسرين كانت عنجد مجنونة بهديك اللحظة .. بس لما شافت كيف صهيب خايف علئ ورد وكيف ماسكلا ايدها وعم يحاول يئطعلا الدم بأي طريقة ..ماحملها عئلها ووئفت .. Telegram:@rwayate
نسرين «بتبكي »:بتحبهااا لككك ليش انا انا عطيتك كلشي
صهيب :بس بمقابل حريتي .. نسريين انتي طالق

ضلت ساكتة وعم بتحاول تستجمع شوي من كرامتها اللي داس عليها صهيب ئدام كل الناس
نسرين :لأ ..مارح اسمحلكون تشمتو فيني ههههههه وانتي رح تحملي ذنبي ليوم الدين