@rwayate
ميرا : لكن ؟
لارا : شو لكن يا جدبة ؟ قلتلا ما بعرف بس
ميرا : ( قعدت و تركت الموبايل ) اصلا هي ليش سألتك هالسؤال ؟
لارا : ( تلبكت ) انو هي شايفتك هيك ما عم تمشي مع ماهر ولا شي
ميرا : عم تكذبي .. انا بعرفك بس تكذبي
لارا : بصراحة ماهر مزعوج كتير من تصرفاتك معو واهمالك لألو
ميرا : ايوااا .. معو حق يزعل طبعا
لارا : ( بإستغراب ) عنجد عم تحكي ؟ بتعرفي هالحكي و عم تزعليه قصدا ؟؟
ميرا : انا ما عم بقصد دايقو ( عدلت قعدتا ) انا ما عم اقدر اسعدو ولا عم حاول ولا بيهمني يكون مبسوط اصلا
لارا : اي وهي برأيك مو اهانة ؟ مو استهتار بمشاعرو ؟ شو ذنبو باللي صار معك ؟ شو ذنبو انو ليث فجأة قرر يختفي من حياتك ؟
ميرا : اي ؟ شو اعمل ؟ حبو بالغصب ؟ اجبر قلبي ينسى ليث ويحب ماهر ؟
لارا : .......
@rwayate
ميرا : ها .. ما عندك جواب .. انتي اللي ما عم تحسي نفس مشاعري ما عم تعرفي تجاوبيني بكلمة شو اعمل ؟! طيب كيف اقنع قلبي انو خلص ؟ انو لازم يحب ماهر ؟ كيف ها ؟ ما في حل ! لكن اسكتي لا عاد تفتحي معي هالموضوع ابدا
تنهدت لارا بتعب .. وتسطحت عالتخت ..
لارا : قلك شي ؟ يمكن انا اكتر حدا فاهمك .. بس انتي ما عم تفهمي اني فاهمتك وبدي نسيكي همك .. عمرينو ماهر .. وعمرينو ليث ينمحئو تنيناتن .. المهم انتي .. انتي وبس بتهميني
ميرا : ولأني بهمك مشان الله لا تلوميني ! انا مو بإيدي عم اتصرف هيك .. ليث تركني بعد حب 5 سنين بدون وداع .. قلي نزلي من السيارة وراح ولهلأ ما حاول يحكيني !
لارا : على شو كنتو عم تتخانقو بس قلك نزلي من السيارة ؟
ميرا : لأني لبسي ما عم يعجبو و انا عم جاكرو وبلبس اللي ما بيعجبو لأنو بيحكي مع بنت عمو عالفيسبوك
لارا : يا لطيف حب 5 سنين بسبب غيرتك وغيرتو وصغر عقلكن ينتهي ؟ غريييب .. يلا انسي هلأ ونامي .. بكرا حاولب كوني الطف مع ماهر مو كرمالو .. كرمالك وكرمال امك وكرمالي .. بليز اي ؟ ( رمتلا بوسة بالهوا )
ميرا : بحاول .. تصبحي على خير
تاني يوم الصبح .. فاقت ميرا ..
ميرا : صباح الخير
ام ميرا : صباح الورد ميرا .. ميراااا
ميرا : اي اي هون بدي روح غسل وشي شبك عم تصرخي؟
ام ميرا : ماهر بالمطبخ انتبهي
ميرا : اي وشو اعملو ؟ الشقة كلا لماهر بدي حاسبو انو بمطبخو يعني ؟
كانت عم تحكي وهي مو واعية من النوم منيح .. اثار النعس واضحة على وشا وطريقة كلاما
ماهر : حبيبتي مو هي رح تصير شقتنا انا وياكي ليش بعدك عم تحكي بالمفرد ؟ مو لماهر هي الشقة لميار وماهر
فركت عيونا .. و تمغطت
ميرا : رح غسل وشي وارجع على الغرفة بدل تيابي مشان نرجع عالبيت .. ماني مرتاحة هون
ماهر : ما فيكي ما ترتاحي ببيت رح يصير الك بعد شهرين
ميرا : شهرين ؟ مين قرر ؟
ماهر : انا
ميرا : مبروك .. ابقى اعزمنا ها .. مين العروس؟
تجاهلت ردو وما سمعتو و راحت غسلت وشا .. طلعت من التواليت .. نادت على لارا بصوت عالي ..
لارا : ايييي شبك ؟
ميرا : شو عم يصير من الصبح ؟
لارا : انا كنت اتمشى اصلا جيت لقيتن متفقين يجوزوكن بأسرع وقت
ميرا : ما حزرو والله ما رح يتم هالعرس بشوف انا ولا هم
لارا : اخرتكن تتجوزو خلص لا تعملي مشاكل
ميرا : لااااا .. اصلا فرصتي اخلص منو
بدلت تيابا و طلعت من الغرفة .. وقفت جنب ابوها حط ايدو على كتفا و طبطب عليها وابتسم ..
ابو ميرا : دلوعتي و اول فرحتي
ميرا : ارضى عني .. انا بدي ياك بموضوع بالبيت
ابو ميرا : الله يرضى عليكي .. شو ما يكون الموضوع رح ضل رضيان عنك
ماهر : ( ابتسم ) يمكن عرفت شو الموضوع انا ؟
ميرا : يمكن ؟!
لارا : تعالي نتمشى لحتى يجهزو حالن
ميرا : اي يلا
تجاهلت ماهر تماما .. وحتى امها تجاهلتا بعد اللي عملتو من تخطيط لتقريب موعد العرس .. مشيت ومسكت بإيد لارا و قبل ما تطلع من البيت .. نادالا ماهر بصوت مرعب
ماهر : ميرا
@rwayate
ميرا : ( وقفت و اتطلعت عليه ) خير؟
ماهر : ادخلي لجوا البسي شي محترم يا بنت المحترمين
ابو ميرا : دير بالك اسلوبك مو حلو ابدا .. وانا كرمال بنتي ما رح احكي معك شي ها
ميرا : اوكي .. انا محترمة وبنت محترمين غصب عن الراضي والزعلان عم تفهم؟ وما بدي بدل تيابي .. هيك بكون جاوبت على كلشي سوا
جحرا ماهر .. و وقف ومشي لعندا .. رجعت خطوتين لورا
لارا : ماهر .. كرمالي ومشان ما نخرب السيران انسى .. بربك بس هالمرة اي ؟