#بقلم_HAJARSH_&_أمل_أحمد_سلوم.....
#الجزء_الرابع_عشر ....
قد ما كان الحجر قاسي الا يكون الو نقطة ضعف ازا ضربتو عليها رح ينشق نصين .. ويمكن يتفتت لأجزاء متفرقة .. لكن لازم تعرف وين تضرب وايمتا لحتا تقدر تصيب هدفك بشكل مباشر لتخلص منو ..
قيصر: رجعنا ضعنا .. معقول هالسيرين شو ذكية ..يعني مستحيل مايكون عندها نقطة ضعف ..
شرد ساري واتزكر كيف حاولت تقوصو وصراخها اللي ماكان طبيعي .. كانت متل يلي عم تتصارع مع حالها ومع هيك ماقدرت تأذي وتموتو ..
ساري: اكيد عندها ..
اتطلعو كلهن فِيَھ
ساري: ازا كان صحيح يلي عم فكر فِيَھ. يمكن كون انا نقطة ضعفها ..
ابتسم مراد: ازا عنجد هالحكي .. فلازم انتة يلي تخلصنا منـِْهـِْا ...
سكتو شوي ولمعو عيون مراد بـ فكرة ..
مراد: جوليا بخطر ..انتة حكيت انو سيرين هددتك تموتها ادام عيونك ازا ماطلعت دارين .. وماهددتك الك بالموت ..
ساري: مبلا.
مراد: خود جوليا لعندك ..
مهاب: لوين لعندو حضرة المقدم !!
مراد: خلي ساري يتظاهر انو اتزوجها ..
قيصر ومهاب انصدمو ..بس ماكانت صدمة اكبر م̷ـــِْن صدمة ساري ..
مهاب: بدك مرتو تقلعو م̷ـــِْن البيت ..؟
قيصر: لٱ ما بيصير ..
ساري: انا مستحيل اعمل هيك شي .. مستحيل ارجع اكسر ألب اخي مرة تانية ..
مراد: ساري انتة متطر تمشي بهالخطة .. ازا عنجد ناوي تخلص م̷ـــِْن سيرين ..
قيصر: حضرة المقدم ..ازا ساري قبل ف البُـنًتٍ مستحيل تقبل ..
مراد: لآزٍمٍ ترضئ .. انا بصراحة مليت م̷ـــِْن هي سيرين ..ومليت م̷ـــِْن الركض وراها م̷ـــِْن مكان لمكان ..
مهاب: وشو يلي خلاك متأكد انو خطتك هالمرة تزبط ..
مراد: بما انو هالشيطانة بتحبو لـ ساري .. اكيد رح تحاول تقتل جوليا بأي طريقة ..
قيصر: طيب ماساري اصلا متزوج م̷ـــِْن تلات سنين .. لَيــِْـِْش. سيرين ماحاولت تأذي حلا عالاقل
ساري: ازا بدي حط حالي مكانها .. رح انظر لحلا كشخص لٱ بقدم ولا بأخر .. وبنظرها مالا مهمة لأني اتزوجتا م̷ـــِْن بعد وفاة دارين ومفكرتني اتزوجتا هيك بدون ماكنلا اي مشاعر. ..
مهاب: وانتة هيك ياترئ؟
ساري: طبعا لٱ ..
مراد: هلأ المهم ..انا رح احكي مع البُـنًتٍ لحتا اتجهز حالها لتروح لعندك عالڤيلا ...
................../
جوليا وسراج : ڼـعمًـْ !!!!؟؟،،،
مراد: ڼـعمًـْ! ؟
سراج: ممكن تعيد شو حكيت سيد مراد ..
مراد: متل ماسمعت .. لآزٍمٍ جوليا تتظاهر انها اتزوجت ساري هالفترة
سراج: عم تمزح صح .. !
مراد: عفوا سيد سراج ..لَيــِْـِْش. فِيَھ مزح بيناتنا؟
سراج: هالحكي مستحيل يصير الا عجثتي .. وفهم ساري هالشي ..
مراد: ما المشكلة ساري رفض هالفكرة كرمالك .. بس نحنا مابنقول يتزوجها ..مجرد يتظاهر. .. تمثيل يعني كرمال سيريـ ....
قاطعو سراج بحدة: لٱ تمثيل ولا غيرو. .. انا مستحيل اقبل بهالشي .. بعدين تَعاّإاّإلّ لهون .. انتو علئ أي اساس بتشتغلو م̷ـــِْن روسكون وبتورطو جوليا بموضوع أصلا هي ماكان الها اي علاقة فِيَھ ..
اتطلعت جوليا علئ سراج ولاحظت الغيرة بعيونو .. رجعت ضمت صوتها لصوت سراج ..
جوليا: و انا كمان برفض اني خوض بهيك تمثيلية .. انا موخرابة بيوت وحتئ لو هالشي مجرد تمثيل.
مراد: طيب مازالك رفضتي .. لآزٍمٍ تتحملي العواقب ..سيرين مجرمة خطيرة وممكن تعرضي أهلك للخطر بوجودك معهن ..
خافت جوليا وحست انو مراد حاصرها لما سمعت صوت سراج عم يحكي ..:ازا اصدك مشان تبعد عن اهلا هالفترة .. فِيَھ مليون طريقة الا طريقتك ..
مراد: ومنها! !؟
سراج: هي تركها عليي.. ومن بكرة رح تكون جوليا معنا بالڤيلا وبموافقة اهلا كمان ..
جوليا: رح تخبرون؟
سراج: لٱ طبعا .. انتي ارتاحي هلأ وانا رايح اعمل شغلة وارجع .. بالازن
طلع سراج وترك جوليا مع مراد ..
مراد«وهو بشغل سيجارة »: ياترئ لَيــِْـِْش. ماعجبتو الخطة؟
جوليا: لأنها ابدا مو منطقية
اتطلع مراد عليها بطرف عينو وابتسم بسخرية ..:يبدولي انك شخص طيب وعنياتو .. بعكس سيرين بكلشي
جوليا: وهي سيرين لهالدرجة خطيرة؟
مراد: يلي بيخطف وبيحرق وبيقتل هاد مو خطير بالنسبة الك؟
جوليا «بصدمة »:هي عملت كل هدوول؟
مراد: للاسف .. «نفخ دخانو بعبث » لْـۆ انها مشغلة عقلها وذكائها بشغلة تانية يمكن كانت رح تكون احسن العالم .. لَـگِنْ خبثها وقسوتها غطت عالجزء الباقي م̷ـــِْن الطيبة بألبها ليتحول لحقد ..
جوليا: •اللّـہ̣̥ يهدي عبادو ..
„„„„„„„„„„„„„„„„„„„„„„„„„„„„„„„„„„„„„„„„ ™
وقفت السيارة قدام بيت جوليا وفتل سراج وجه عليها ..
سراج : عرفتي شو رح تعملي جوليا ؟
هزت جوليا راسها بالايجاب .. اي سيد سراج ماتشغل بالك ..
مهاب : رح تفوت زوجتي معك بصفتها مديرة العلاقات العامه وهي يلي رح تفهم اهلك كل شي
جوليا : تمام ..
تلفت مهاب ع مرايته ليشوف سيارة ساري وقفت وراه ونزل منها هو وليال ..
مهاب : ليكن وصلوا يالله انسه جوليا انزلي وماتنسي شو اتفقنا ..