#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....

#الجزء_الثاني_عشر ....
@rwayate
كانت جوليا راجعه من دوامها…
نزلت من التكسي ووقفت تنزل شوية اغراض جابتهم للبيت واول ماتحرك التكسي فتلت وجهها لتفوت لبيتها وفجأه بتسمع صوت اغاني عالي عم يقرب منها بتفتل وجهها بسرعه لتتفاجئ بسياره جاي بإتجاهها بسرعه
بترتعب جوليا وبتوقع الكياس من ايدها وبترفع ايديها وبتحطهم ع وجهها ومابتسمع الا صوت فرام قوي وبعدا هدوء

صرلك شي يا انسه
بتنزل جوليا ايديها عن وجهها بخوف لتشوف قدامها مره بطول فارع وشعر قصير وملامح ناعمه
انا اسفه مانتبهتلك بتحبي اخدك ع المشفى
جوليا : شكرا مافي داعي.. اجت سليمه
لا مابيصير لازم اطمن عليكي خليني اخدك للمشفى ازا سمحتي
جوليا : والله مافي داعي ليكني واقفه قدامك مافيي شي
طيب اسمحيلي وصلك لبيتك اقل مافيها
اشرت جوليا ب ايدها وهي بتبتسم… هاد بيتي… خلص صدقيني انا منيحه

بتقرب منها المره وبتنحني وبتصير تجمع بالكياس يلي عالارض وبعدا بتنتصب بوقفتها
لكان خليني ساعدك لتفوتي الاغراض لجوا… انا اسمي رند وانتي
جوليا : جوليا… تفضلي من هون

بتفتل جوليا حالها بعد ماترفض سيرين تخليها تحمل الكياس وبيتوجهوا تنيناتهم ناح البيت وبتتناول المفتاح لتفتح الباب وهون بيطل تامر

تامر : اهلين اختي شو ليش اتأخرتي
جوليا : مريت عالسوق… بعد هيك معي ضيوف

بيضرب تامر عيونو ع الشخص يلي واقف ورى وبيفتح عيونو عالاخر
تامر : ولي على قلبي مين هي 😍
جوليا : اتضبضب ولا 👌 تفضلي انسه رند
بتفوت سيرين وهي مبتسمه وبتوقف قبال تامر
سيرين : مرحبا
تامر : مية مليون مرحبا
سيرين : ممكن تاخد هدول للمطبخ
تامر : هوااا هوااااا

بيحمل تامر الكياس وبينط عالمطبخ وبيرجع بعد ثواني وبيقعد قبال سيرين وهو بيضحك
جوليا : هاد اخي الصغير تامر
سيرين : اهلين تموره كيفك
تامر : وتموره كمان 😍 لك انا منيح بشوفتك

بترجع ابتسامة سيرين تتوسع وهي مركزه عيونها ناح جوليا
سيرين : متأكده انك منيحه ومو بحاجة مشفى
جوليا : والله منيحه خلص لاتشغلي بالك
تامر : ليش شو صاير
سيرين (بحزن) كنت مسرعه بسيارتي ومانتبهتلا وكنت رح ادعسها بسيارتي
تامر (بيقوم وبيقعد حد سيرين) له له له ونشالله ماصرلك شي
سيرين : عم قلك انا يلي كنت رح ادعسها مو العكس
تامر : اي اي المهم انتي فيكي شي صرلك شي اعملك كاسة ليمون تروقي دمك 😍
سيرين : بصراحه بدي اشرب فنجان قهوه من تحت ديات جوليا لاتأكد انها منيحه
جوليا : اي مو تكرم عيونك دقيقه وبتكون القهوه جاهزه

بتفوت جوليا لجوا لتستغل سيرين الفرصه وتزيح جسمها ب اتجاه تامر
سيرين : اسمك تامر لكان
تامر : تموره
سيرين : هههه اي تموره… قلي انت مالك اخوه غير جوليا
تامر : لا والله
سيرين : وامك وابوك عايشين
تامر : اي امبلا الحمدلله عايشين بس بعدهم ب اشغالهم
سيرين : ايوا… . بتعرف شو تموره وجه اختك مألوف الي مابعرف وقت شفتا حسيت حالي بعرفها او شفتا قبل هالمره
تامر : ازا كنتي ب امريكا يمكن تكوني شفتيها بشي مطعم لانها كانت تشتغل نادله هونيك
وقرب منها وهمس… وبصراحه ماكان شكلها هيك
سيرين : كيف يعني مافهمت.
تامر : كانت سمييينه متل العجله وانفها كبير ووقت رجعت من امريكا كانت متغيره 180 درجه انا عشوي ماعرفتها
سيرين : ايوا… ليش هي كم سنه ظلت ب امريكا
تامر : ممممم تقريبا اربع سنين
لمعوا عيون سيرين وقربت من تامر اكتر
وقبل هيك كانت عايشه معكم… يعني ماسبق وتزوجت
تامر : عم قلك كانت سمينه وكل مايجي عريس ويشوفها يروح ومايرجع

سندت سيرين ضهرها عالكنبه وعيونها عم تقدح شرر
سيرين بقلبها… متل ماتوقعت… بس. رغم هيك لازم اتأكد بنفسي

بهالوقت بتكون جوليا بالمطبخ عم تقلب القهوه وهي صافنه
جوليا : لك والله وجه هالمره مو غريب عليي ..
بتفتح عيونها فجأه وبترمي المعلقه من ايدها وهي بتتناول من جيبتها صوره
جوليا «بصدمه » لك هي !!!

#فلاش_™̸̮بَََّـْْْـْْْbackـََْْـَّْْآَّڪَْْ∂⌣̶♥️

كانت متوجهة علئ مكتب ساري بناءا علئ طلب منو .. كانت خايفة وألبها مو متطمن .. حاسة انو المصايب بلشت تهل عليها م̷ـــِْن لما قررت تدخل لهالعالم وتمشي بطريقمجهول مو معروف شو نهايتو ..

دقت الباب وسمعتو بيحكي: تفضل ..
فتحت الباب ودخلت وشافتو آعد ورا مكتبو والهدوء مسيطر عليه ..
جوليا: خير سيد ساري .. لَيــِْـِْش. طلبتني؟
ساري «بدون مايطلع فيها »:فيكي ترتاحي ..

#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....

#الجزء_الرابع....
@rwayate
استغربت سارة انها حاكتها عربي .. رفعت راسها لتصيبها صدمة ..
....:عفوا مدام فيكي شي؟
همست سارة لحالها بعدم تصديق: دارين! !!!؟؟

.... :الـّ~ـعـفو ••ماسمعتك ..شو طلبتي؟

حركت سارة حجر عينها لتحت لتنفي توقعاتها لما شافت باقي جسم البُـنًتٍ ..
ابتسمت ابتسامة صغيرة وسألتها: انتي كيف عرفتي اني عربية؟
البُـنًتٍ: ولو .. الك عشر دقايق بتحكي عالتلفون وقدرت اسمع كم كلمة عربية بتحكيها .. هلأ ما قلتيلي شو تشربي؟
سارة: أميريكانو ..
البُـنًتٍ: تكرمي ..

راحت البُـنًتٍ لترجع سارة وتتمايز فيها.
سارة «مع ابتسامة سخرية »:منين لوين بتشبه دارين .. ولا بتطلع نقطة ببحرها ..

كانت البُـنًتٍ مليانة وجسمها معبا .. وزنها بحدود الـ 90 وملامح وجها ناعمة بس خدودها طاغين عملامحها .. بس كان الشبه بينها وبين دارين كبير وملفت ...

بعد فترة رجعت البُـنًتٍ وجايبة الطلب معها ..

....:تفضلي مدام ..
سارة: شكرا الك .. م̷ـــِْن لهجتك واضح انك م̷ـــِْن بلدي
ابتسمت البُـنًتٍ :اي ..
سارة :وشو اسمك؟
ردت البُـنًتٍ بعفوية ..:اسمي جوليا ..
سارة: اااه ..عاشت الاسامي .. حلو كتير اسمك ..
جوليا: يحلي ايامك مدام ..
سارة :بتعرفي انا الي زمان ماحكيت عربي مع حدا هون .. وبصراحة كتير ارتحتلك .. انا اسمي سارة ..
جوليا: تشرفت بمعرفتك مدام ..
سارة «ابتسمت »: بلاها هي مدام .. انا مابحب الرسميات كتير .. انتي مقيمة بأميركا؟
جوليا: لٱ والله .. انا كان معي منحة دراسية بالهندسة الكيميائية ومالي زمان متخرجة م̷ـــِْن الجامعة .. بس عم بشتغل كرمال جمع حق تيكت الطيارة. لحتا ارجع عالبلد ..
سارة: وليش مابتشتغلي بشهادتك هون؟
جوليا: لآزٍمٍ ارجع عالبلد لأنو عِنـ.̷̷̸̷̐ـديّ امي وابي زلمة عاجز واخ وحيد اصغر مِڼـّي بكتير .. بدي ارجع عالبلد واشتغل بشهادتي هونيك واصرف عليهون ..

حست سارة اديشها صغيرة قدام هالحكي .. ابتسمت لٱ اراديا وهزت براسها لتروح جوليا وتترك سارة وراها شاردة فيها ..
سارة: معقول اديشك قنوعة باللي انتي فيه ...

اجا عخاطرها فجأة ذكرئ عابرة ...

فلاش ™̸̮بَََّـْْْـْْْbackـََْْـَّْْآَّڪَْْ∂⌣̶♥️ ...

سارة: ماكنت بعرف انك ساكن بهيك منطقة وبهيك بيت ..
سراج: لَيــ̷̴ِْ̬̩̃ ـِْش. شبها المنطقة؟ وشبو البيت ..
سارة: لٱ ابدا ..بس توقعت ..
وسكتت ..
سراج: توقعتي كون ساكن بشئة كبيرة متل اللي عند ساري وللا بڤيلا متل ڤيلة أبوكي؟
سارة: .. ابدا ..اصدي ..انو
ئاطعها سراج: اصدك لأني ابن عبد المجيد بيك لآزٍمٍ يكون مستواي اعلا م̷ـــِْن هيك صح!
سارة: ....
سراج: في متل بتئولو امي عطول .. وهوة اللي خلاني اقتنع باللي انا فِيَھ هلأ،.. اللي مابتزينو عروئو مابيتزينو خروقو.. يعني شو نفع السيط والبيوت والمظاهر ازا البني ادم م̷ـــِْن جواتو مابيسوئ ..!
سارة «ابتسمت »:فعلا .. شكلك قنوع باللي ئسملك اياه رب العالمين ..
سراج: الحمدلله عهالنعمة .. في كتير بيفتقر لهالنعمة .. وخصوصي الليـّۓ معهون مصاري ..

™̸̮بَََّـْْْـْْْbackـََْْـَّْْآَّڪَْْ∂⌣̶♥️ ...

حملت الفنجان وشربت شفة وحطتو وهي بعدا صافنة ...
سارة: سراج كان قنوع بكلشي .. بس انا لَيــِْـِْش. ماعم بقتنع بشي ..
«دمعت عيونها » :مع انو عِنـ.̷̷̸̷̐ـديّ كلشي بس .. بس ماني مبسوطة ..

„„„„„„„„„„„„„„„„„„„„„„„„„„„„„„„„„„„„„„„„ ™

انتقل مهاب وليال لبيت ساري ورغم الحاح ليال انها تعرف السبب واستغراب حلا لكن لاساري ولا مهاب عطوهم جواب مقنع واكتفوا ب اجابه وحده.... مشان لمة العيله!!

وعلى السفره كانت حلا عم تجهز الفطور لحتى اجت ليال ونكشتها ...

ليال: لك حلا بزمتك هه مابتعرفي شو سبب هالقرار المفاجئ بأنو ننتقل لهون ؟
حلا: والله علمي علمك بس حبيت الفكره شي حلو نعيش ببيت واحد..
ليال « تكتفت وركت عالطاوله»: اي ماشي بس انا رح اعرف واليوم ..
حلا: ياستي لما تعرفي لٱ تنسي تخبريني .. يلا ناديلون خليون يفطرو ..

بعد ماخلصوا فطور توجهوا ناح الباب ليروحوا عالشركه ..

مهاب: يالله ياليال رح نتأخر ..
ليال: يالله يالله اجيت...
مهاب: وينو ساري ؟

رد ساري وهو نازل عالدرج... ليكني ياباشا يعني وين بدي كون ..
مهاب: اي رح نتأخر ولو
ساري: يلي بيسمعك بيصدق انك موظف نشيط شرف قدامي

حلا: ساري
ساري « التفت»: ايه حلا في شي ؟
حلا «وهي بتأشر على خدها »: رح تطلع بدون ماتتروئ

ابتسمت ليال واطلعت بـ ساري اللي احمر وجهو من الخجل .. بينما مهاب فركها بس شاف الرومانسيه اشتغلت 😂

ساري: ليش انا بقدر ما اتروئ
وانحنى وباسها من خدها ..
حلا: انتبه لحالك ولاتتعوق بالرجعه واعمل حسابك اليوم بدنا نتعشى برا طقيت من اعدت البيت
ساري: حاضر... بشوف جدولي وبردلك خبر

#شٍيِّفِّرةّ_حٌبِ,,,,,, #أقدار
@rwayate
#بقلم_HAJARSH_&_أمل_أحمد_سلوم.....

#مَقِدِمَةّ ....

سراج: لما ينطفي نور كان مضوي حياتنا .. بنحس وقتا انو العتمة سيطرت عألوبنا .. م̷ـــِْن بعد ما راحت دارين عشت وحيد .. حسيت الدنيا وقفت .. وعرفت اديش الدنيا مالاقيمة .. اللي عملتو سيرين زمان كرمال اختا دارين أثر فيني كتير .. بالرغم انها اذت ناس كتير وموتت ناس مالا اي ذنب بموت دارين .. بس لْـما فكرت فيها م̷ـــِْن جهة تانية عرفت انها عملت هيك بدافع الحب... حبها لإختها وحزنها عليها دفعها لتعمل هيك شي وحتئ انها حاولت تموت الشخص الوحيد اللي خفقلو البا .. اللي هو ساري .. وهي هية شيفرة الحب اللي بحكي عنها .. وهلأ كالعادة مارح طول بالشرح واحرق عليكون احداث كمالة قصتي ورح اترككون هالمرة مع الكاتبة هاجر والكاتبة أمل وأنا رح شوفكون بألب القصة ....

„„„„„„„„„„„„„„„„„„„„„„„„„„„„„„„„„„„„„„„„ ™

هاجر: هي للمرة التانية بلش سراج بالمقدمة وانا رح كمل .. واللي رح احكيه اني رح حاول بقدر الامكان ما كون قاسية عليكون بشرح الاحداث مع انو قصتك ياسراج بتقهر كتير ورح تخلي المتابعين يدعو عليي ..
سراج: رح حاول خفف العيار او قلك. خلص بلاها
أمل: ڵـهٍ ..شو هي بلاها تَعاّإاّإلّ نكمل قصتك سوا وبدون اي حذف او اختصار للأحداث وهيك رح نكون عملنا اللي علينا ..
ساري: يعني رح تئضوها بالمقدمة ومارح تحكولنا القصة
هاجر: وانتة شو يلي دحشك .. مابكفي اللي عملتو بالجزء الأول .. انا ضليت مستحملتك لأخر جزء ماتخليني موتك م̷ـــِْن اول مقطع بالجزء التاني 😒
ساري :لٱ لٱ خلص هي سكتنا .. تفضلو اشرحو اللي بدكوون اياه ..!

„„„„„„„„„„„„„„„„„„„„„„„„„„„„„„„„„„„„„„„„ ™

عالعموم هي رح انشر عحسب طلب بعض المتابعين الجزء التاني م̷ـــِْن القصة بس كمان رح اعطي #تنويه بسيط انو القصة ممكن اتضل علئ ماهيتها بمعنئ رح يكون فيها مقاطع حزينة ..للأسف سراج ناوي ينشفلنا دموعنا فيها يلي مو حمل الحزن مايقرأها م̷ـــِْن هلأ عم بحكي .. وشغلة تانية القصة رح يكون فيها مشاهد جريئة لهيك كونو علئ استعداد للصدمات .. وشغلة تالتة .. القصة ممكن تكون اجزائها كتيرة وطويلة ولما انزل جزء انا وامولة بنحب ناخد راحتنا ونحنا بنكتب الجزء اللي بعدو .. وبتمنئ منكون ماحدا يسألنا كم جزء لأنو انا نفسي مابعرف كم جزء رح تطلع وهي الشغلة حتكون بإيد سراج هالمرة وهو اللي رح ينهيها ايمت مابدو ..

#Sooooooooooon 😉
تابعوني عصفحتي #قصة_بقلمي_الكاتبة_HajarSh ❤️
@rwayate
#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....

#الجزء_الأول....

بغرفة بارده خاليه من اي وروح ومافي أي شي حوليها الا بعض الاسلاك الموصلوله فيها وصوت الاجهزه… كانت نايمه بهدوء بيعكس الشر والحقد يلي معبي ألبها ..

لمحات بسيطة واصوات بعمرها مارح تنساها مرت عخاطرها وكأنها حلم .. وهو بالحقيقة واقع عاشتو ..واقع انها كانت سبب معاناة كتيرين هلأ صفيت مجرد شخص متهالك وحطام امرأة جبارة .. هالأحداث والأصوات خلتها تستعيد ولو جزء م̷ـــِْن وعيها م̷ـــِْن رحلة ضياع روح دامت ايام وليالي ..
...

مع اول رمشة عين همست بوهن… (( وين انا ))
قربت منها الممرضه والفرحه باديه على وجهها
الممرضه : الحمدلله عالسلامه
.... : مين انتي !! وين انا !!
الممرضه : انتي بالمشفى صرلك تلات سنين بغيبوبه

.....: مشفى !! غيبوبه !! تلات سنين !!
كانت عم تهمس لنفسها بذهول وهي بعدها مو مدركه لاي شي حواليها ... وشوي شوي بلشت الرؤيه تتوضح اكتر بعيونها وادراكها للي حواليها يوعى من جديد ....

الممرضه : رح نادي للدكتور فورا ليشوفك والحمدلله عالسلامه مره تانيه ...

هزت براسه بدون ماترد عليها وبقيت اتلاحقها بحجر عينها لحتى فتحت الباب لتطلع وهون بين عساكر من الشرطه واقفين إدام الغرفه .. سكرت الممرضه الباب بهدوء تاركه وراها الف سؤال بألبها
....: ليش انا هون شو صار !! ؟؟

رفعت ايدها بصعوبة وضغطت على راسها بقوه بمحاوله مستميته منها لتعتصر زاكرتا وفجأه فتحت عيونها بصدمه ....
ساري !! مهاب !! سراج !!! دا...دارييين !!!

#فلاش_™̸̮بَََّـْْْـْْْbackـََْْـَّْْآَّڪَْْ∂⌣̶

كان ساري عم يتلقا الطعنات ببطنو وكان واعي عكل طعنة وكل حرف كانت تنطئو سيرين ..
وفجأة اتزكر حلا ووعدو الها انو رح يكون لما تصحئ .. نزلت دمعتو عخدو وبلش يفئد الوعي.
اما سيرين سحبت السكين ورمتها عالأرض وايديها كانت ملطخة دم ..وحطتون علئ خدود ساري وهية عم تبكي..
سيرين: بحببك
ئربت منو وباستو م̷ـــِْن شفافو .. وفجأة اجتها رصاصة م̷ـــِْن ورا ضهرا .. انصدمت وتمسكت بتياب ساري .. كانت عم اتطلع بعيونو وهية عم تتوجع وتبكي .. رجعت اجتها رصاصة تانية وهية يلي خلتها تتفلت م̷ـــِْن ساري و توئع عالارض
وهي الرصاصة يلي حددت نهاية سيرين بالنهاية ..

#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....

#الجزء_السابع_عشر ....

(سراج :رغم احساسي بخيبة الأمل وزعلي من جوليا .. بس لما سمعت انها بالسجن حسيت وكأنها روحي اتتزعت مني وماقدرت اوقف وما اتحرك .. )

مسك سراج جوالو وقلب بين الارقام وطلب رقم مراد ..
سراج : كيفك مراد
مراد : اهلين سراج .. خير شبك
سراج «تنهد» : جوليا بالسجن من شوي القوا القبض عليها ..
مراد : عنجد… لحظه لاتصل بالقسم وافهم القصه
سراج : طيب انا رح اتحرك فورا عالقسم لبين ماتردلي خبر ..
مراد : تمام

طلع سراج بسيارتو وتوجه مباشرة عالقسم ..

سراج : اي حضرة المحقق فيني اعرف ليش القيتو القبض عـ الانسه جوليا ؟
المحقق : جوليا موقعه على كمبيالات وسندات واستحق موعد الدفع وهي مادفعت شي ..
سراج ; ممكن اعرف مين مقدم الشكوى؟
المحقق : الانسه ساره بنت غياث بيك الغزواني

انصدم سراج وبلشت الخيوط تتجمع قدامه ويربطها ببعض ..
سراج «بألبه »: معناتا كان كلام ساره مزبوط وجوليا اجت عالشركه بناءا على طلب منها… ليش ياجوليا ليششش ...

المحقق : سيد سراج انت معي
سراج : اي معك حضرة المحقق .. ممكن من بعد امرك اشوفها ..
المحقق : اي تكرم عينك

نده المحقق عالعسكري وطلب يجيبوا جوليا لمكتبه
... الدقايق يلي مرت حسها سراج الف سنه .. احساسه بالضيق وخيبة الامل كان عم يفتته من جوا.. لكن كان في شي بيقله انه في وصله مفقوده ومو هي الحقيقه كامله ..

اندق الباب وفات العسكري ومعه جوليا
العسكري : المتهمه جوليا سيدي ..
المحقق : تمام انصرف انت… «ووجه كلامه لسراج…» رح اتركم عشر دقايق خود راحتك ..

طلع المحقق وسكر الباب وراه ليرفع سراج عيونه ببطئ ويتجمدو عالقيد يلي بـ ايدين جوليا ..
رفع بصره بقهر على وجهها ليشوف ملامحها طاغيه عليها الحسره والانكسار ..
سراج«بهدوء » : تعي اعدي ..
تقدمت جوليا واعدت قباله… : سيد سراج انا ...
قاطعها سراج… : انتي كيف اجى من ألبك تعملي فيي هيك ؟
جوليا : .....
سراج : جاوبي ليش ساكته .. انتي كنتي فايته عالشركه جاسوسه لساره ؟
غمضت جوليا عيونها بقهر وحكت من بين شهقاتها
جوليا : اقسم بالله ماكنت بعرف غرضها ..
سراج : .....
جوليا : لو تسمع مني القصه من البدايه رح تفهمني والله رح تفهمني سيد سراج ..
سراج «رفع ايدو وقاطعها »: مابدي اسمع شي
جوليا :…
سراج : شو ماكانت قصتك مابتعنيني بشي بعد ماكزبتي عليي كل هالمده… .
جوليا :… ..

بقي سراج سابح ببحر عيونها المعبي دموع وهو بيصرخ من جواته ( لك انا حبيتك عارفه شو يعني حبيتك .. يعني انتي الوحيده يلي خلت قلبي يرجع يدق من بعد ماماتت دارين… لو كنتي جيتي عندي وخبرتيني ماكنت رح ائزيكي ورح احميكي بروحي ... )

كان نفسه يصرخ فيها .. نفسه يسمعها .. في شي جواته بيرفض هالحقيقه… مواقفها معه وتعاملها من لما وصلت الشركه كانت انسانه بريئه طبيعيه وماحاولت مره تتقرب منه او تستغل طيبته معها ... بالعكس هو وعيلته يلي استغلوها وعرضوا حياتها للخطر ورغم انه مالها علاقه بقصصهم لكنها وافقت تساعدهم ...

كان عم يتزكر وقت وصلها .. كلماتها الغريبه والمبتوره وكأنها كانت بدها تقله شي ..
واخر شي مر بخياله… طيفها وقت رفعت سيرين المسدس ورمت حالها قدام الموت لتحميه…… : مين انتي ياجوليا ...!واي وجه هو وجهك الحقيقي ؟

غمض عيونو بهدوء وقام من محله ..
سراج«بإنكسار » : انتي خنتي ثقتي فيكي للاسف جوليا…
جوليا «وقفت والدموع بعيونها»: لا سيد سراج بترجاك اسمعني ...
سراج : للاسف ماعاد بينفع الحكي ..

تركها ومشي وقلبه بيعتصر من الالم… ماكان بيعرف ازا كان ظالمها او هو المظلوم .. كل شي بيعرفه انه قلبه موجوع… موجوع كتير

للاسف بايدك دبحتي ألب كان بنبض حب إلك وبإحساس عظيم .. احساس بيعجز ما بيعبره الكلام والحب فاق الحب ومالي صدر رحيم ..
حسبي •اللّـہ̣̥ لو بتحسي بالجحيم اللي حسيتو كانت عـــيونك مارح تلوم … الجرح موتني وحالي حال اليتيم اللي مفارق واهله ...

................/

كان ماشي بالطريق وعيونو مسلطين عالأرض.... ماعرف كيف رجليه وصلتو على الحديقة يلي اعترف بحبو لـ دارين فيها .. نزلو دموعو بشدة ودخل لجوة ووصل على نفس المقعد يلي أعدو عليه م̷ـــِْن زمان ..
اعد عليه واخد نفس عميق وغمض عيونو .. نسمة مألوفة مرت عليه خلتو يفتح عيونو ويشوف طيف دارين اعد بجنبو ..
نزلو دموعو وحكا بهمس ..:طلعت متلا متل غيراا ..
دارين: مستحيل تتقن الدور ازا ماكانت هيك عنجد ..
سراج: خـبـيـثـة ..
دارين: طـيـبة...
سراج: لٱ هي شيطان بوجه ملاك ...
دارين: يمكن تكون بريئة .. لٱ تستعجل بالحكم ..
سراج«نزلو دموعو »:حـبـيتها ..
دارين: هالسبب لحالو لآزٍمٍ يخليك تتأنئ بحكمك .. لاتكون ظالم ..ولاتكون مظلوم .. سراج طول عمرو ألبك أبيض ورحيم .. لاتقسي على نفس حبيتها ..

تلاشا م̷ـــِْن ادامو طيفها ليتركو بحالة صراع مع ذاتو ..

„„„„„„„„„„„„„„„„„„„„„„„„„„„„„„„„„„„„„„„„ ™

#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....

#الجزء_الثامن_عشر ....

كانت اعدة عم تدرس لما سمعت رجة تلفونها وحملتو .. اتوسعت ضحكتها بس شافت رقم أخوها وليد ..
ردت: إهٍَـٍَلٍَْـٌٍَيٌٍن اخي ..
وليد: كيفك عرق الورد ..
وردة: زعلانة مـڼـڱ ..
وليد: ڵـهٍ لَيــِْـِْش.، ؟
وردة: مو علئ اساس نتقابل... لٱ وبطلت تبين ولا ترن كمان
وليد: والله كنت مٍشًغوٍلً .. والشغل كان لفوق راسي
وردة: اي ازا هيك مو مشكلة ..بس ايمت بدي شوفك؟
وليد: انا هلأ مسافر لمنطقة بعيدة .. بس اجي بحاكيكي وبشوفك ..
وردة: وليد بدي اسألك
وليد: اي اختي
وردة «بتردد »:هلأ رنا معك شي!
وليد: رنا! !لَيــِْـِْش. وينها الغضيبة؟
وردة: اه ..يعني مو معك؟
وليد: وردة شو صاير؟ وينا اختك؟
وردة «بحزن »:م̷ـــِْن فترة اتخانقت مع حلا وتركت البيت ..ومن يومها معد عرفنا عنها شي
وليد «عقد حواجبو وشد عقبضة ايدو »:هربت يعني! !
وردة: مابعرف ..
وليد: طيب مو مشكلة .. سكري هلأ وديري بالك علئ حالك انتي

سكرت وردة الخط بعد ماولعت نار الغضب بألب وليد ..
وليد: هربت لَـگِنْ! ! اي شوو عليه فلتي قد مابدك ..انا بعرف كيف صيدك يا *****

„„„„„„„„„„„„„„„„„„„„„„„„„„„„„„„„„„„„„„„„ ™

تاني يوم الصبح وصل سراج بسيارتو عالشركة .. نزل ودخل عالشركة .. واول مادخل بلشت عيون الموظفين تلاحقو وهمسهن يزيد .. حس حالو عامل شي كبير م̷ـــِْن نظراتهن الغريبة. . سارع بخطواتو علئ مكتبو لحتا يتجنبهن .. وهوة ماشي بالكوريدور بخطوات سريعة وعيونو بالأرض ..طلعت جوليا م̷ـــِْن مكتبها وهي حاملة اوراق وعم اتطلع فيهم واصطدمو ببعض ..

رفعت جوليا راسها واتفاجأة فِيَھ .. كان ماسكها م̷ـــِْن كتافها وبعدا لازقة فِيَھ .. كان حالو م̷ـــِْن حالها وماتخيل م̷ـــِْن بين كل الموظفين يصطدم فيها الها بالذات .. الشخص الوحيد اللي كان مقرر يتجنب شوفتو بالشركة ..
ضلو فترة صافنين بعيون بعض وبعدن متفاجأين .. القلوب بتخفق بقوة ونظرات الشوق زادت عن آخر مرة شافو بعض فيها ..

أخيرا حست جوليا علئ حالها واتفلتت منو وبعدت خطوة لورا..
جوليا:اسفة ماكنت منتبهة...
سراج :مو مشكلة ..
رجعت اتمالكت حالها وكفت طريقها متجاوزتو .. اما سراج ضل واقف شوي والتفت عليها وضل يراقبها وهي ماشية بخطوات سريعة وكأنها كانت بتهرب منو .. لحتا اختفت عن أنظارو ..
سراج: بالظاهر رح نتصادم كتير ..
رجع مشي وكمل طريقو علئ مكتبو ..

أعد ورا مكتبو وبلش يتلفت حواليه .. كان حاسس بالضيق وألبو مو مرتاح ... مسك ملف وفتحو ورجع سكرو بسرعة وأخد نفس طويل ..
سراج: مالي نفس علئ شي ..

سمع صوت رنة جوالو .. طلعو م̷ـــِْن جيبو واتفاجأ برقم غياث ..
مسح وجهو وفتح خط : اهلين غياث بيك ..
غياث : كيفك سراج...
سراج : الحمد لله.. طمني كيف صارت ساره ؟
غياث. : .......

سكت غياث وحس سراج انه في شي مو طبيعي
سراج «بإستفهام»: في شي غياث بيك ؟
غياث : ساره مالها اثر سراج .. فتلت عليها الدنيا...
سراج : يمكن عند حدا من قرايبكم او وحده من رفقاتا..
غياث : ماخليت حدا ماسألته .. ومالي غيرك لاعرف بنتي وينها ..

انصدم سراج من كلام غياث الصريح وبقي محتفظ بهدوئه ليتابع غياث كلامه ..

غياث : بدي منك تتصل فيها من رقمك هي اكيد وقت تشوف رقمك رح ترد ..
سراج «بتوتر »: ياريت تعفيني غياث بيك .. ساره زودتها وو...و جرصتني بالشركه وخلتني علكه بتم الموظفين… صرت امشي بالشركه حس بعيونهم بتلاحقني وبيتهامزو عليي بسبب الشي اللي صار ..
رد غياث برجاء : بترجاك سراج اعتبره طلب شخصي… حط حالك محلي وحس فيي الله يخليك .. مالي غيرك يا ابني لحتى لاقي بنتي ..
كلماته الممزوجه بالقلق والخوف بتلامس قلب سراج وفجأه بتلمع براسه فكره ..

سراج : طيب سيد غياث رح اتصل فيها وازا ردت فورا بطمنك ..
غياث : شكرا كتير مارح انسالك هالمعروف
سراج : ولو بدنا خدمه تحرز ..

سكر سراج الخط وهو عم يحك دقنه بتفكير .. واخيرا عقد النيه وقلب بين الارقام وبيطلب ساره ..

بهالوقت كانت ساره قاعده عشط البحر وماده اجريها قدامها وهي مستنده على عامود الشمسيه ... وبتلمح جوالها بيضوي ب اسم سراج

بترفع الجوال ب ايدين مرتجفه وبتهمس… :سراج !! معقول .. ..

شي جواتها ماخلاها ترد من اول مره بس سراج ضل مصمم واتصل من جديد لترد اخيرا بعد الاتصال الرابع ...

ساره : شو بدك سراج ؟
سراج : انتي وين ساره. !! ابوكي قالب الدنيا عليكي ...
ساره : كتير بيهمك وين يكون ؟
سراج «اتنهد»: ليكي ساره انا اتصلت فيكي لاني حابب شوفك ..
ساره«اتفاجأة » : تشوفني !!
سراج : اي لازم نقعد على انفراد ونحكي ..
ساره : الظاهر نسيت شي كلمه قاسيه وبدك تقلي ياها ..!
سراج : ابدا ساره انا بجد محتاج احكي معك ..

فرفح قلب ساره وبان على ثغرها ابتسامه ناعمه .
ساره : لكن هلأ ببعتلك عنواني بمسج ..
سراج : تمام.

#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....
@rwayate
#الجزء_الثاني....

حلا: ساري بيعرف ازا رح تتسمئ البُـنًتٍ دارين رح يخسر شخصين .. انا واخوه ..

ساري «بصدمة »:حلا..
حلا: هالمرة مارح اسكت ساري.. انتة قررت لحالك هالمرة .. وانا م̷ـــِْن حقي قرر ..
ساري«بتردد »: متل مابدك رح سمي البُـنًتٍ فرح ..

وطلع م̷ـــِْن الغرفة .. كان طالع م̷ـــِْن المشفئ وحمل جوالو ورن علئ سراج .. اما سراج كان لسا عم يسوق وهوة مقهور وعم يتنفس بسرعة .. شاف جوالو برن وبس شاف اسم ساري رد: شو لسا بددك؟
ساري: فرح رح سميها ..
سراج: بعد شو؟
ساري: انا اسف
سراج: عشووو! !؟
ساري «وقف وصفن شوي »:....
سراج: عشووو اسف! عأنك دمرتني !.. عاأنك سبب وجعي !.. عشوو ياساري ..عشو بالزبط؟
ساري: عكلشي ..
سراج: عكلشي؟ !!ههههههههه «غرقو عيونو دموع » ساري انتة مفكرني سامحتك عنجد!
ساري: ..... فكرتك تجاوزت هالشي!
سراج: فكرتني تجاوزتا! !!! «وصرخ »ساري انتة تعديت عشرفييي
ساري «اتوسعو عيونو وانصدم »:بس انتة حكيت ..
سراج «قاطعو» : انا تعبت م̷ـــِْن التمثيل .. تعبت م̷ـــِْن اني بين اني بحبك وانا بعتبرك اكبر اعدائي
ساري: عدوك! ؟؟ بعد كل هالسنين لسا معتبرني عدوك ومخبي هالشي بألبك
سراج: ....
ساري: .....

نزل سراج الجوال وطفاه ورماه عكرسي السيارة .. اما ساري كان لسا واقف ومصدوم بكلام سراج ..

(ساري: هالمرة انا يلي رح أحكي .. اي انا م̷ـــِْن زمان بلحظة ضعف تعديت علئ شرف اخي .. بس اتعاقبت وندمت.. بعرف اني ما وفيت سراج حقو ولا عوضتو بأي شي بالمقابل .. علئ الرغم م̷ـــِْن انو انقذني م̷ـــِْن الموت وعطاني قطعة م̷ـــِْن جسمو الا انو ماقدر يتخلص م̷ـــِْن أي ذكرئ بشعة كنت سببها انا .. )

كمل ساري طريقو لبرة المشفئ وهوة شبه مكسور .. لتظهر م̷ـــِْن وراه رنا وهي عم تحاول تفهم ولو جزء صغير م̷ـــِْن اللي بيناتهم ..
رنا: لهالدرجة واصلة بينهم! !! ياترئ شو قصتك يادارين! !!؟؟

„„„„„„„„„„„„„„„„„„„„„„„„„„„„„„„„„„„„„„„„ ™

انفتح الباب ودخل فادي عالبيت وعيونو مورمين وكأنو ماكان نايم ..
قربت منو سارة وكتفت ايديها بعدم الرضا ..
سارة: وين كنت ؟
فادي اتجاهلها ودخل لجوة .. رجعت لحقتو عالغرفة وشافتو عم يغير تيابو. .
سارة: وين نمت مبارح ؟
فادي: كتير بهمك وين نمت ؟
سارة: بظن م̷ـــِْن حقي أعرف ..مرتك انا مو رجل كرسي ..
فادي «صفن شوي بآخر كلمة حكتها واتطلع فيها »:مرتي ..!!!
سارة: اي مرتك وللا مو حاسبني هيك
فادي: مو لتعتبريني بالأول زوجك ..
سارة: .....

ضلو فترة يطلعو ببعض وعيونهن بتحكي كلام وكلام .. وبعدين سارة غضت نظرها وكانت بدها تطلع لما حست علئ فادي سحبها م̷ـــِْن زندا وقربها منو وضمها ..
سارة: شبك فادي
فادي «بقهر »:بحبببك ..

كانت سارة بتتعذب م̷ـــِْن جواتها .. ماعم تقدر تعطيه الحب والاهتمام اللي بدو اياه .. ماعم تتقبلو كزوج .. حست انها استنزفت كل مشاعرها بحبها لـ سراج وماتركت لغيرو مجال يسكن بألبها ..

كان فادي ضايع بأحضان سارة .. بعد عنها شوي وهو عم يطلع بعيونها ..
فادي: سارة .. سارة انا بحبـ ..

حطت سارة ايدها عشفايفو وهي بطلع بعيونو .. رجعت بعدت إيدها وقربت أكتر وباستو م̷ـــِْن شفافو بوسة قدرت فيها تنسيه كل المشكلة اللي صارت ..

احساس بالضياع عايشينو تنيناتهم .. هي كانت طريقة سارة لتنسي فادي اللي صار .. وحب فادي لـ سارة كان عاميلو عيونو عن كل الحقائق والحب يلي ماكانت تبادلو اياه ..

„„„„„„„„„„„„„„„„„„„„„„„„„„„„„„„„„„„„„„„„ ™

بعد ساعتين بالمقبرة ..كان سراج آعد بجنب قبر دارين .. عم يتلمس الشاهدة وعيونو مليانين دموع ..
سراج: ياريت كان أجلي قبل أجلك .. يمكن ماكنت رح اتعزب متل هلأ ..

كان حاطط ايدو عالشاهدة لما شاف ايدا لمست ايدو وأعدت مقابيلو ..
سراج:مارح قلك رجعيلي .. بدي اياكي تتركيني عيش ..
دارين: عيش سراج .. انتة بس اسمحلي اطلع مـڼـڱ
سراج :حاسس روحي رح تطلع ازا خليتك تطلعي مني
دارين: انت قوي سراج .. بعمرك ماكنت ضعيف .. قوي لأنك قدرت تسامح ..قوي لأنك حكمت عقلك وماغلطت .. قوي لأنك لسا عايش.. انت مو ضعيف سراج ... مو ضعيف ..

اختفا طيف دارين وضل سراج أعد عم يبكي عالقبر ..
سراج: القوي بيبكي؟ القوي بينكسر؟ انا ضعييف ..ماقدرت عاقب اللي أذاني ولا قدرت سامحو .. انا أضعف م̷ـــِْن اني إإذي ..

بعد شوي سمع صوت حدا بيحاكيه .. : كنت بعرف اني رح لاقيك هون ..

عقد سراج حواجبو وشد عقبضة ايدو ..
سراج: شو لسا بدك؟
ساري: مارح اطلب مـڼـڱ تسامحني .. ولا رح اطلب مـڼـڱ تنسئ .. بس رح اطلب مـڼـڱ شغلة وحدة .. ازا شايف حالك رح ترتاح ازا انا متت .. بس حكيلي وانا مارح اتردد .. وهلأ مستعد قوص حالي قدامك ..

#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....

#الجزء_السابع ....
@rwayate
متل ما وعدت سيرين انها رح تعيشهم ليالي سودة اسود م̷ـــِْن الليل نفسو .. بالفعل هديك •اللّـيلة ماحدا غمضتلو عين او اجتو راحة ..

ليال اتدمرت رسمي لما عرفت انو ساري قرر يفديها هي وبنتا بإبنو شادي .. طبعا حالها ماكان احسن م̷ـــِْن حال مهاب اللي كان حاسس انو ماكان حمل الامانة اللي تركلو اياها اخوه ... اما ساري يلي كان آعد بغرفتو عالتخت وعم بيطلع بـ حسرة علئ شادي اللي كان نايم .. اما حلا كانت آعدة علئ كرسي ادام سرير بنتا وعم تبكي بقهر علئ ساري وشادي اللي متلو ذنب بشي .. سراج النوم جافا عيونو وغلبو القلق .. القهر بألبو كبير واحساسو بالمسؤولية بالشي يلي عم بصير عم يزيد اكتر وأكتر ..

(سراج: اللي اتيقنتو بهديك الليلة انو مو بس ساري السبب ..انا كمان بيوقع عليي جزء م̷ـــِْن اللوم بالشي يلي صار .. ساري عم تعاقبو سيرين بسبب الشي يلي عملو .. وانا عم بتعاقبني لأني سكتت وسامحت ..هلأ نحنا صرنا نفوس ضايعة ومشتتة رسمي .. وهالشي يلي كان بدها اياه سيرين .. ياترئ شو لسا بدو يصير .. !؟)

«ترقبو الآتي .. »

„„„„„„„„„„„„„„„„„„„„„„„„„„„„„„„„„„„„„„„„ ™

طلعت م̷ـــِْن الحمام وهي لابسة برنص قصير عم بتمتم وتنغم .. لتتفاجأ بوجود وليد آعد بالصالة ومريح عالآخر ..
سيرين: انتة م̷ـــِْن ايمت هون ..؟
جاوبها وهو بيطلع عليها بنظرة جريئة ..: م̷ـــِْن شوي ..
سيرين «قربت وأعدت بجنبو »:اي ووين كنت؟ حاولت اتواصل معك
وليد «اخد نفس طويل »:كنت بالفرع ..
سيرين: ايوا ..بعدون شاكين فْيَگ؟
وليد «ابتسم وشغل سيجارة »:اي ..ههه بس لاتخافي ..محسوبك قدر يطلع ‌‏منـِْهــِْا متل الشعرة م̷ـــِْن العجين ..
سيرين :مابينخاف عليك ..
وليد :وهلأ شو رح تعملي؟
سيرين«اخدت السيجارة م̷ـــِْن ايدو وأخدت ‌‏منـِْهــِْا شفطة ونفختها »:رح رجع شادي ..
وليد: اصدك تساومي علئ البُـنًتٍ؟
سيرين: ټمـٱمـ ..
وليد: انتي بتعرفي انو هالشغلة خطيرة وممكن ننمسك بسهولة ازا اظهرنا حالنا هلأ ..
سيرين «اتطلعت بـ وليد »: م̷ـــِْن هالناحية ماتاكل هم .. انا حاسبة حساب كلشي ..
وليد: ازا قدرتي تخدعي ساري واللي معو .. مارح تقدري تخدعي هاد مراد ..للك هاد الجني بحد ذاتو ..
سيرين: مراد بيعرف تماما اني متوقعة كل حركاتو .. وانا بعرف انو رح يكون وقت التسليم ..لا وأكيد حيجيب معو قوة كبيرة ليقدرو يلقو القبض عليي ..
وليد: مزالك بتعرفي كل هالشي ومتأكدة منو ..لَيــِْـِْش. لحتا تغامري وتظهريلن حالك ..
ابتسمت سيرين بكل خبث ..:لغاية بنفسي ..

اتنهد وليد وضرب نظرو عرجليها وأعدتها المثيرة بجنبو. كانت آعدة ولافة رجل عرجل ورجليها كلهم مبينين م̷ـــِْن تٌَحَـتْ البرنص ..
وليد «صفر »:لكك شووهاد؟
سيرين :شبك ولا ازعر ..
وليد «شلح جاكيتو »:شوو شبني. . سيرين بتعرفي انك بتجنني.
سيرين «اتفاجأة »:ڵـڱ شوو صرلك؟
وليد: ولاشي ..

وبدون مقدمات سحبها م̷ـــِْن خصرها وقرب منها لدرجة اختلطت انفاسهن مع بعض ..
سيرين «بهمس »: ولــيــد ..
وليد: عيونو ..
سيرين«دبلت بعيونها وحطت ايدها ع خده »: ماكنت بعرف انك جذاب لهالدرجة.
هالكلمة و نظراتها خلت وليد يهيج بزيادة وقرب أكتر ليتجرأ ويسحب شفايفها بكل قوة ..
وبلش يحرك شفايفه شمال ويمين ليتعمق بالقبله اكتر... وهيه بدورها غرزت ايدها بين خصلات شعرو وعيونها دبلانين ورعشه واضحه سرت بكل جسمها
وليد «بعد وهو بيتنفس بسرعة وحملها بسرعة ودخلها عالغرفة وحطها عالتخت »: مبرووك عليي انتي هالليلة ياعرووس ..
سيرين :هالليلة انا ملكك لوحدك ..

جسدها كان مباح .. كانت تعتبرو حلال لكل الرجال بالتمتع فِيَھ بدون اي اعتراض ‌‏منـِْهـا .. ورغم هالشي وللمرة التانية اتمنت يكون ساري مكان وليد ..

„„„„„„„„„„„„„„„„„„„„„„„„„„„„„„„„„„„„„„„„ ™

وبأميريكا ...

كانت ساره اعده بغرفتها وعم تاكل بـ اضافرها .. افكار بتاخدها وافكار بتجيبها... وتلفونها كل شوي بيضوي بـ اسم ابوها لكنها ماكانت بمزاج يسمحلا تحاكي حدا..
شغلات كتيره خسرتها.. حبها سنين عمرها.. حرمانها تكمل حياتها مع الشخص اللي حبته وعملت المستحيل لتكون معه... لكن ياترى هي حتكون اخر المطاف هيك رح تختم حياتها تحت اسم مطلقه؟؟!

طالعها من شرودها صوت مقبض الباب انفتح وطلت منه خالتها ..

جيهان: ساره ابوكي بدو يحكي معك لي ماعم تردي على مكالماته..؟. اتصل من شوي وكان قلقان عليكي
ساره «بحرج»: معلش خالتو كنت عاملته صامت وماسمعته

رن تلفونها فجأه وحست ساره بالحرج ..

جيهان: ردي على ابوكي بنتي .. ردي

وتركتها وسكرت الباب وراها لتتناول ساره التلفون وتفتح خط

ساره: اهلين بابا
غياث: ممكن اعرف ليش مابتردي ؟
ساره: اسفه بابا التلفون كان صامت و...
غياث «قاطعها بحده »: حجزتي للسفر

#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....
@rwayate
#الجزء_الحادي_عشر ....

جوليا: بالازن سيد ساري ..

التفتت جوليا وأخيرا بان وجها لـ سيرين. اما ساري ركب بسيارتو وانطلق فيها ..
اما سيربن كانت بعدا آعدة ومصدومة بـ جوليا .. مرت جوليا م̷ـــِْن جنب سيارة سيرين واتجاوزتها وسيرين بعدا اعدة وعم اتطلع فيها بعيون مليانة دموع ..

كانت بدها تطلع تلحقها بس فجأة شافت سيارة وقفت قبالها وزمرتلها ..
ركزت سيرين نظرها وشافت اللي بالسيارة وعرفتو ..
سيرين: سارة! !؟ وهي مو عأساس مسافرة علئ اميركا؟

طلعت جوليا مع سارة وراحو علئ كافيتيريا ..
سارة: كيف شايفة شغلك؟
جوليا: مافي احلا م̷ـــِْن هيك ..مع انو السيد ساري نزق شوي وطبعو حامي. بس بالعموم الشغل حلو ومريح ..
سارة «ابتسمت »:كتير منيح ..معناتا فيني قول هلأ بلش الجد ..
جوليا «باستغراب »:جد ..!! مافهمت
سارة «شغلت سيكارة ونفختها بهدوء »: الشي يلي اجيتي مشانو ..
جوليا استشعرت م̷ـــِْن طريقة كلامها انو فِيَھ مصيبة جاي عالطريق ..
جوليا: كمان مافهمت ..
سارة: مو ضروري تفهمي ..بكفي انك تنفذي وبس ..
جوليا: شو نفذ؟
سارة: بدي مـڼـڱ تتقربي م̷ـــِْن سراج وتخربي علاقتو مع خطيبتو ..
جوليا «بصدمة »:شووو! !!!!؟؟؟؟
سارة :اي. لَيــِْـِْش. استغربتي ..انشالله مفكرتيني عم بخدمك ببلاش؟
جوليا: اكيد لٱ ..بس طلبك غريب ..وبعدين انا تربيتي مابتسمحلي اعمل هيك شي ..انا برفض. •اللّـہ̣̥ يهنيه بحياتو وبخطيبتو ..
سارة: انا مادفعت كل هالدفع عليكي لأسمع مـڼـڱ هاد الجواب ..
جوليا: كان بتقدري تجيبي اي بنت احلا مِڼـّي نحيفة وماكان فِيَھ داعي تدفعي لتعمليلا شفط وغيرو وغيراتو لحتا تنفذ مطلبك هاد ..
سارة «رفعت حواجبها »:لٱ حبيبتي ..مارح يمشي الحال اي بنت تقوم بهيك مهمة.
جوليا: لييش؟
سارة: قلتلك انتي مادخلك .. انتي وافقتي م̷ـــِْن البداية انك تقدميلي خدمة .. وهلأ اجا وقت سداد الدين ..
جوليا «دمعت عيونها »:لااا انا مابدي. وازا مشان الشغل انا م̷ـــِْن بكرا رح اترك .. ورح اشتغل بأي شي لحتا سددلك ديناتك بطريقتي مو بطريقتك.
سارة: يعني افهم م̷ـــِْن گلآمَگ. انو مابدك تعملي يلي طلبتو مـڼـڱ؟
جوليا: لٱ مارح نفذ ..
وقفت جوليا لحتا تمشي وفجأة استوقفها صوت سارة ..:معناتا بدك تتحملي كلشي عواقب ..
جوليا «التفتت »: عن اي عواقب بتحكي؟
سارة: نسَيتي الكيمبيالات اللي وقعتي عليها؟
انصدمت جوليا ودمعو عيونها.
كملت سارة: اظن نلعب عالمكشوف احسن ..بتنفذي وبتخلي سراج ينفصل عن خطيبتو وبتتأكدي انهم مارح يرجعو لبعض مرة تانية .. وبعدا بتختفي نهائيا .. ووكأنك ما انولدتي ..وازا مابدك تنفذي معناتا الكمييلات رح تظهر ورح قدمها للمحكمة ضدك ورح تنحبسي ..وساعتها مابينفع ندمك .. اهلك رح يصيرو تٌَحَـتْ رحمتي وللاسف ابوكي وامك رح يقضو ايام وليالي بس وهنن عم يشتغلو كرمال يسددو يلي انتي موقعة عليه لحتا تطلعي يامسكينة...
جوليا «نزلت دمعة حارقة م̷ـــِْن عينها ورجعت أعدت »:عـ عم تبتزيني؟
سارة: لااا جوليا انا ماعم ببتزك. انا بس عم بطلب حقي ..
جوليا: حق شو ..اني رخص حالي وكون خرابة بيوت؟
سارة: ما انا بعد ماتخلصي م̷ـــِْن مهمتك رح سفرك انتي وأهلك لمكان بعيد عن سراج وكل عيلتو .. وساعتها بتركك بحالك ..بس هلأ انا مارح اتركك لحتا تنفذي ..
ضلت جوليا صافنة بعيون سارة ودموعها بينزلو شلال عخدودها .. طول عمرها عم تشتغل بكرامة لحتا ماتوقع بالغلط .. بس هلأ لآزٍمٍ ترخص بحالها لحتا ماتخسر حريتها .. قدرت سارة تمسك جوليا م̷ـــِْن ايدها اللي بتوجعها وعرفت كيف تسيطر عليها ..

„„„„„„„„„„„„„„„„„„„„„„„„„„„„„„„„„„„„„„„„ ™

حيره وفرحه حزن وجنون مشاعر مخربطه كلها تجمعت بقلب سيرين وهي لاحقه التكسي يلي كانت مستقليته جوليا وراجعه لبيتها

نزلت من التكسي وفتلت حالها لتفوت لبيتها وبسرعه نزلت سيرين من سيارتها بلهفه ولحقتها واول ماشافتها فاتت لبيتها وقفت مكانها ودمعوا عيونها ...
سيرين : مستحيل… انا بحلم ولا بعلم .. لك والله دارين بشحمها ولحمها ..

كانت ع وشك تحرك اجريها لكنها تراجعت وظلت واقفه حصه عم تتأمل الباب يلي فاتت منه جوليا

سيرين «مسحت دموعها وهتفت بحده »: شبك سيرين .. من ايمت بتنساقي ورى عواطفك هيك .. ازا كانت هي دارين كيف عم تشتغل بنفس الشركه يلي فيها سراج وساري .. وشو الها شغل مع ساره !!! في سر بالموضوع ولازم اعرفه ..

تراجعت بخطواتها لورى وركبت سيارتها وقبل ماتتحرك القت نظره اخيره ناح البيت وحست بغصه

سيرين : مين انتي !! ميييين !!!

اما جوليا كانت قاعده مع اهلها وهي حامله بقلبها كمية قهر كبيره م̷ـــِْن كلام ساره
حست اديشها ساذجه وسطحيه لحتى قدرت تضحك عليها بكلمتين ..

#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....
@rwayate
#الجزء_الثالث_عشر ....
@rwayate
(سراج: مَآعِرَفتّ منين اجتني الجرأة لحتا حكيت لـ جوليا اللي ما اتجرأت احكيه لحدا .. مابعرف لَيــِْـِْش. حسيت بإرتياح كبير وانا عم بحكي ..الهم انغسل او يمكن الكتمان وقت طويل اتحول لجبل استقر علئ ألبي ..وبس طلعت كلشي بألبي اتحول هالجبل لـ فتات واتلاشا ..ومع هيك لمت حالي لأني حكيت وندمت لأني خفت كون حكيت لحدا يمكن يكون غدار أكتر م̷ـــِْن يلي حواليي ..»

كانت جوليا آعدة بغرفتها وشاردة بالعدم .. عقلها بعدو بكل كلمة حكاها سراج .. نزلت دمعتها ووقفت وراحت اتجاه مرايتها ..
جوليا: لهالسبب بعتتني الي بالذات لعندو .. معقول شو ألبها حجر لتعمل هيك شي بشع ..

نزلو دموعها وحدة ورا التانية .. ولعنت غبائها لانها سمحت لـ سارة تتلاعب فيها لحتا عملتها اداة تعذيب نفسي...

حملت جوالها وطلبت رقم سارة ونطرت شوي لحتا ردت سارة ..
سارة: اهلا وسهلا .. منيح اجا عبالك تردي علئ مكالماتي ياخانم
جوليا: الًيَوُمًِ كان عِنـ.̷̷̸̷̐ـديّ شغل كتير ومافضيت رد عحدا ..
سارة: اي شو صار معك؟
جوليا «بضيق »:بشو؟
سارة: بيلي اتفقنا عليه .. انشالله فكرتي وعم تنفذي
جوليا: مدام سارة انا ... انا مابدي نفذ
سارة «صفنت شوي »:عيدي لْـۆ سمحتي حاسة حالي سمعت غلط
جوليا: قلتلك مارح نفففذ ..
سارة: سمعي حبيبتي ..رح اعتبر اني ماسمعت هالكلام مـڼـڱ ولا حكيتي م̷ـــِْن الأصل ..رح اعطيكي فرصة وحدة لحتا تعملي اللي حكيتلك عليه وتخلي سراج يتعلق فيكي وبعدين تختفي نهائيا وانا ..بدوري رح اعفيكي م̷ـــِْن كلشي كمبيالات وقعتي عليها وغير هيك ماعندي ...
كان ألب جوليا عم يحترق وهي عم تسمع لكلام سارة ونزلت دمعتها بقهر عخدها ..
جوليا: مافي داعي تعطيني فرصة تانية وتعتبري حالك ماسمعتيني .. انا مو مستعدة كون شيطان بوجه ملاك ..بوجه صنعتي انتي .. كرمال تحصلي علئ شخص اصلا مابكنلك اي مشاعر ..
سارة: انتي عنشو عم تحكي؟
جوليا: انتي بتعرفي ..عملتيني بشبهها ..عملتيني نسخة تانية عن حبيبتو«بتبكي » يلي مات وعاش كرمالها. . يلي كنتي واحد م̷ـــِْن أسباب موتها. .
سارة «غصت ودمعو عيونها عالفور بس سمعت كلام. جوليا ....
جوليا: حكيلي مدام ..انتي شو فرقتي عن ساري اللي اخدلو اياها بالخسة والندالة ..وللا عن سيرين يلي ماكانت تفهم انو سراج اكتر واحد ضحا كرمالها. وللا عن صحابو يلي اذو بدون مايحسو .. انتي حكيلي شو رح تفرقي عنهم؟ مدام سارة انا مو مستعدة كون متلكم وارجع اجرحو بجرح يمكن يتسبب بنهايتو ..مستحيل كون شخص بدون مشاعر لحتا إإذي...
سارة: معناتا بتعودي حالك عالعتمة ..لأنو يمكن تتخي بالحبوس بكرة ..
جوليا: ياستي ..الحبس اهون بكتير م̷ـــِْن اني افقد مبادئي وأخلاقي .. عالقليلة بالحبس رح ضل محافظة عليهم ..

كانت سارة عم ياكلها الغيظ أكل م̷ـــِْن جوا ونزلت الجوال وطفتو ورمتو عالحيط وكسرتو وهي معصبة ...
سارة: انتي عم تحطي راسك براسي انااا ..انا بلا مبادئ ..انا بلا ..بلا اخلاق! !! «دمعو عيونها »معقول انا هيك صرت ؟ بني ادم بدون رحمة .. شو يلي عملتي يااسارة .. لَيــِْـِْش. هيك عملتيييي ..

„„„„„„„„„„„„„„„„„„„„„„„„„„„„„„„„„„„„„„„„ ™

كالعادة ختم صلاتو بدعاء ووقف واعد عالتخت .. سحب سلسلة الصور م̷ـــِْن عالكومودينا وبلش يتأمل بصورة دارين بهدوء ...
رفع راسو وشاف طيف دارين واقف وبيطلع فِيَھ ..
سراج: طولتي غيبتك هالمرة
دارين: حسيت انو معد في داعي اظهر
سراج: عم بشتئلك
دارين: بس انا عطول بجنبك
سراج«دمعو عيونو »: كتير سمعت م̷ـــِْن هالكلام ..انا تعبت دارين ..تعبت وبتمنا لْـۆ اني موت والحقك ..
دارين: طول ما انتة قريب م̷ـــِْن الله رح اتضل قوي .. والله مارح ينساك .. بحياتك لاتفقد ثقتك بربك ..

صحا سراج صوت دقة الباب ..بلش يتلفت حواليه وماشاف حدا .. اخد نفس ورجع يطلع بصورة دارين .. رجع الباب يدق مرة ومرتين وتلاتة وسراج مو راضي يفتح ..ماكان مزاجو منيح ليقابل حدا. .

وفجأة شاف الباب انفتح وطلت منو رنا و فاتت
رنا: ممكن فوت؟
سراج«بدون مايطلع فيها »: ما انتي فتي ومشي الحال ..

دخلت وسكرت الباب وراها وقربت منو وهي حاطة ايديها. ورا ضهرها وأعدت بجنبو عالتخت ..
رنا: بعدك زعلان مِڼـّي؟
سراج: ....
رنا: انا اسفة ..قلتلك ماكان اصدي اللي صار ..
سراج: مو الابدئ انك تعتذري م̷ـــِْن البُـنًتٍ .. اظن انك اذيتي جوليا مو انا ..
رنا: سراج .. انا ماغلطت لاعتذر ..وهي بتعرف تماما اني وقعتا بدون اصد .. وياسيدي هي كمان مااصرت وقللت ادب معي ..
سراج: انا شفت كلشي ..مافي داعي تكزبي ..
حست رنا بتوتر وانو سراج حاصرها بخانة اليك وحاولت تغير الموضوع ...
رنا : اي ماشي خلص متل مابدك اعتبرها شغله وصارت ... وبوعدك مارح تتكرر ...
سراج «ابتسم ابتسامه خفيفه»: بتمنى ..

#شٍيِّفِّرةّ_حٌبِ,,,,,, #أقدار
#بقلم_HAJARSH_&_أمل_أحمد_سلوم.....

#الجزء_الثالث....
@rwayate
احساس بالضيق عم يعتريه.. شعور بالاختناق ملازمه وماكان يعرف السبب.. كلشي بيعرفه انه وجوده بهالبلد بيسببله كتير من الوجع.. وجع بيعصر قلبه من لحظة موت دارين.. لحتى صفى جسد بدون روح غريب وهو ببلده وحيد وهو بوسط اهله وعيلته... لهيك قرر يبعد.. يبعد عن كل الالم ويترك جرحه يلي بعدو بينزف ويهرب من نفسه ومن دارين ومن احساسه بالموت وهو بيشوف اخوه يلي دمر حياته
فات لغرفته ونزل شنتاية السفر وبلش يضب اغراضه بعبث
فاتت امه واطلعت فيه بـ استغراب

ام سراج: شو عم تساوي ابني!!

بقي سراج عم يضب اغراضه ورد بدون ما يلتفت

سراج: شوفة عينك امي عم جهز شنتايتي ...
ام سراج: لوين رايح ؟
سراج: رح ارجع لفرنسا امي انا ماعاد فيي ابقى هون

قربت امه منه وحطت ايدها ع كتفه وبهدوء فتلته عليها ...

ام سراج: وانا يا امي وعمك واختك واخوك مافكرت فينا..

غمض عيونه بقهر وشد على قبضته لبرزت عروقه.... كيف يقلا انه بدو يبعد عن اخوه لحتى يقدر يعيش لحتى يقدر يتنفس وينسى

سراج: معلش امي انا هيك بكون مرتاح
ام سراج: ماكنت بعرف انك اناني لهي الدرجه

سراج «اطلع فيها ب استغراب وهو بيأشر عحاله»: انا... انا اناني يا امي لك انا طول عمري بعطي وماعمري استنيت مقابل كل عمري بضحي براحتي مشانكم وهلأ صرت اناني يا امي ؟

ام سراج « بحزم »: اي اناني...

سراج:........

ام سراج : من وقت ماتت دارين الله يرحمها وانت تحولت لشخص تاني... شخص خالي من اي مشاعر

سراج: .......

ام سراج : مافكرت فيي وانه نفسي شوف ولادك قبل ماموت... مافكرت اني عم اتعزب وانا شايفتك بتموت حالك لك ابني...

سراج: ...

مسحت ام سراج دمعتها وتابعت كلامها بحزن
بعرف انك حزين على فراق دارين وحتى نحنا زعلنا عليها بس يا امي هي حياه وبدا تستمر حرام عليك نفسك انت مو اول ولا اخر واحد بيترمل ...

كان سراج عم يسمع كلام امه بهدوء والدموع بتتجمع بعيونه لحتى حكت امه كلمه كسرت الجزء الباقي من قلبه بدون وعي منها ...

ام سراج: حاج تعزب حالك امي.. تزوج وعيش حياتك وخلف ولابدك تعيش كل عمرك هيك بدون ولد يحمل اسمك لك حتى الطفل يلي حملت فيه دارين ماكان..................

سكتت ام سراج وحطت ايدها ع تمها بعد ماحست انها صابته بمقتل وبدل ماتهديه تسببت بـ ثورة البركان يلي عم يحاول بكل جهده يخمده ...

سراج « فجأة مسك الشنته ورماها عالارض وصرخ بهستيريا» : خلللللللللللللص مشاااان الله اتركوني بحاااالي

ام سراج: يبعتله قطعه الساني والله ماقصدت

سراج: تقصدي او لا هالشي ماعاد مهم. ...انتي حكيتي الشي يلي مشانه بدي بعد واترك الدنيا باللي فيها ...

حكا جملته وهو بيتعداها وطلع من الغرفه وطبش الباب وراه بقوه لحتى حست امه انها جدران الغرفه اهتزت وهي بقلبها ...

جالت بحجر عينها عالتياب يلي انتثرت عالارض ونزلت ع ركبها وتناولت كنزته وضمتها وبلشت تشم فيها وبعدا صارت تضرب ع خدودها ...

ام سراج: يبعتلو حمى السانك ياعفاف يبلاه بقطعه السانك ياعفاف...

"حين تضيق بينا الدنيا
نشعر بثقل الهموم علينا
وكأنها جبال تجثم علي صدورنا
تقيدنا عن الحركة وتمنعنا من التمتع بالحياة......وتفقدنا احساسنا المميز بالاشياء الجميلة حولنا....."

............

كان سايق سيارته بسرعه جنونيه احساسه بالضيق عم يزيد ونيرانه عم تشعل اكتر ومو لاقي سبيل للخلاص وبدون مايحس عحاله لقي حاله تحت بناية بيت دارين

وقف السياره وصار يتأملها والدموع عم تتجمع بعيونه وهو رافض انها تنزل لتريحه وكأنه ادمن العذاب وتجرع الاهات بمهاره

(سراج :احيانا بنسعى بإيدينا لنعذب حالنا وهالشي مو ضعف .. انما هي خبايا الروح بتسامرنا من وقت للتاني لتزكرنا بناس طواهم الزمن رغم انها ذكراهم راسخة بالذهن ...)

بقي سراج قاعد بسيارته بهدوء عكس البراكين يلي داخله... احساس بالامان والسكينه راوده وهو بيتنفس ريحة دارين ....

سراج : كنت مستعد ربي شادي وكأنه ابني .. كنت مستعد اضحي بحياتي لتعيشي بسلام ... لكن الموت مابيستأزن يادارين ولابيميز بين كبير وصغير .. «حط ايدو عصدرو وانتهد بغصة »ياريت انا يلي متت وماعشت كل هالعزاب من بعدك ..

فك اول زرين من قميصه وهو بيستنجد بنسمات الهوا تسعف اختاق روحه بين ضلوعه ومد ايدو ليدور السياره ولفت انتباهه وجود عساكر تحت البنايه ...

سراج: ليش الشرطه هون؟؟

نزل من سيارته وتوجه عالبنايه رغم رجفة قلبه لكنه صعد عالسلالم لحتى وصل لبيت دارين واتفاجأ وهو شايف الباب مسكر بالشمع الاحمر وكان في عناصر من الشرطه بيحرسوا البيت ....