📚قصص||روايات||منوعة📚

#للرواية_بقية
#بقلم_يمنى_عفيف

الجزء الثاني
@rwayate
بقلم يمنى عفيف

بمكتب زكريا

زكريا:صفاء كيف صار هيك فهميني؟

صفاء: ما بعرف خالو ما بعرف... اصلا ما قدرت اشخص حالته منيح باللقاء اللي ما تعدى ١٠ دقايق

زكريا: شوفي صفاء انا سكتت كثير على تعاملك مع المرضى إلاّ هالمريض بالذّات لإنه اللواء حازم بظهره معك كمان جلسة بس وإذا ما تحسن تعاملك معه وعرفتِ تشخصي حالته رح اضطر أحول حالته لدكتور ثاني

صفاء: خالو شوف شو عمل بوجهي

زكريا: من لما دخلتِ طب نفسي كنتِ عارفة إنّه رح تتعرضي لهيك مواقف

صفاء: معك حق خالو... يلا أنا رايحة أشوف باقي المرضى

.....
وبمكان ثاني بعيد عن المستشفى تحديداً بمركز الشرطة

حازم~بقلبه~: يارب أنا تايه ومش عارف شو بدي أعمل دلني عالطريق الصح لحتى أقدر أوفي بالوعد اللي قطعته عحالي

.....
بعد ٦ ساعات

صحي عماد بعد ما راح تأثير المهدئ... كان ريقه ناشف... وجوعان كثير...تطلّع عالطاولة لقي عليها إبريق مي وكاسة بلاستيك... ضحك بينه وبين حاله وحكى:ما أحسنهم حاطينلي مي لحتى أشرب إذا عطشت... أنا لازم أقدرهم وأعملهم إشي لإنهم بديروا بالهم علي

.....
شرب كاستين مي لحتّى ارتوى... فتح جرار الطاولة ولقي أوراق وأقلام وألوان...طالهم وبدا يرسم

.....
وبغرفة قريبة على غرفة عماد بنفس المستشفى...

الغرفة اللي بتكون فيها شاشات ليراقبوا المرضى عن طريق كاميرات خفية بغرفهم... خوفاً من إنه يعملوا إشي بحالهم أو يصير معهم إشي...قاعدة صفاء قدام وحدة من هالشاشات... وقدامها دفتر وبتعض بالقلم... قرّرت إنها تصير جادة بشغلها... لإنها خافت من انها تنفصل...

بلشت تحكي مع حالها وتكتب: يا الله هالإنسان شو غريب... خليني أبدا أكتب وأشرح عن حالته بملفه أحسن شي... بس أول أقرأ شوي عنه... فتحت الملف وبدت تقرأ...انصدمت من المعلومات اللي عرفتها عنه...كيف مريض نفسي وعقلي عنده كل هالمميزات

....
خلصت صفاء قراءة وقامت لتطلع من الغرفة...وتروح لغرفة عماد بس قبل كان عندها إشي بدها تسويه
....
صفاء: نسرين يا نسرين

الممرضة~نسرين~: تفضلي دكتورة

صفاء: جيبي وجبة غدا وإلحقيني للغرفة رقم 107

نسرين ~مستغربة~:بس مش هاي الغرفة تابعة لمستشفى السجن؟

صفاء: آه وفيها مريض أنا المشرفة عحالته لهيك جيبي الغدا ويلا

نسرين: أمرك

ضفاء: ما تتأخري

نسرين: لأ دقيقة وباجي وراكِ

.....

دخلت صفاء على غرفة عماد وابتسامة عذبة بتزين ثغرها... سبحان الله كإنه عماد هدية من السما لتتغير وتغير أسلوبها مشت لعند عماد وقعدت جنبه

.....

صفاء: مسا الخير

عماد:مسا النور

صفاء:كيف حالك

عماد:انا منيح...استني استني...لإنكم ناس مناح وحطيتولي مي لحتى أشرب لمّا أعطش... أنا لقيت دفتر وألوان وأقلام... لهيك رسمتلكم قلوب لإني بالرسم بعبر عن حبي لأي شخص

صفاء~ابتسمت~: ما أحلى هالرسمات... فنان... شكرا ًكثير إلك

وقطع حديثهم دق الباب الخفيف

صفاء: ها هي أجت نسرين وجابتلك وجبة الغدا لإنّك ما أكلت
بتسمحلي أدخّلها؟

عماد: طبعاً طبعاً... انتو ناس مناح أهلا وسهلا فيكم وينتا ما بدكم

صفاء: تفضلي نسرين

عماد:أنا حوعان كثير ما بدك تحطيلي أكل؟

نسرين: لا شو نخليك جوعان

~حطت الأكل عالطاولة وكملت~: تفضل

عماد: شكراً شكراً... يا اللي ما بعرف اسمك

صفاء: أنا؟

عماد: آه

صفاء: أنا اسمي صفاء ورح أكون صاحبتك

عماد:اسمك حلو

صفاء~بتضحك~: شكلك مو ناوي توكل يا عماد

عماد: لا بدي أوكل شكل هالأكل بشهي... صحيح وينتا بقدر أطلع؟

صفاء~واختلفت ملامح وجهها~: آه...بهالسرعة مليت منّا؟... اسمع انت حاليا ً رح تبقى بضيافتنا لحتى تساعدنا بشغلنا... والا مش حاب تقدملنا المساعدة؟

عماد: لا اذا هيك اختلف الوضع... أنا ما برد حد بطلب مساعدتي...رح اضل هون لحد ما نخلص الشغل

صفاء: شكراً الك... وهسا عن اذنك لازم نروح عنا شغل

عماد: ماشي... ما تنسو تسكروا الباب

نسرين: حاضر

.....
طلعت صفاء من عند عماد... وفكرها مشتت... بطلت تفهم هالشخصية ولا حتى قادرة تشخص مرضه... كل دقيقة بحالة...الموضوع أصعب من ما تخيلت... ومعقد مع انها استبسطته...وجهت نظرها للساعة اللي بايدها وانتبهت انه الساعة صارت7 المسا... زفرت بارتياح... أخيراً خلص دوامها بعد يوم شاق ومتعب...مشت لباب المستشفى...ركبت سيارتها وتوجهت لبيتها...ما كانت حابة تدخل عالبيت لإنها مش متعودة عليه بدون أهلها اللي سافروا اليوم...دخلت وغيرت أواعيها وتوجهت للمطبخ فتحت الثلاجة

صفاء:شو بدي أوكل هسا؟...أحسن حل أطلب ديلفري...بس شو بدي أوكل؟...ممم بيتزا

تناولت التلفون عن طاولة المطبخ واتصلت بالمطعم اللي بتطلب منه دايما

صفاء:ألو...يعطيكم العافية

الموظف:الله يعافيكِ

صفاء~بقلبها~:هالصوت مش غريب علي

الموظف:شو طلبك يا أخت؟

صفاء~صرخت~:أيمن!!

الموظف:عفواً مين معي؟

صفاء:أنا صفاء أيمن...طلعت بتشتغل بمطعمي المفضل وأنا ما بعرف

#للرواية_بقية
#بقلم_يمنى_عفيفالجزء الرابع
#بقلم_يمنى_عفيف
@rwayate
تنبهت مرا عمرها بحدود ال44 سنة لوجود حازم لبست حجابها ولبسها الشرعي وطلعت

عتاب: أهلا وسهلا أبو رامي... طولت الغيبة هالمرة

حازم: أهلين فيك ِ عتاب... إنت ِ بتعرفي إنّه ما بمنعني عن الجيّة هون إلّا الشّديد القوي... شو وين ريف؟

عتاب:بغرفتها بتحب أناديها؟

حازم: ياريت

عتاب~قامت~: يلاّ دقيقة بس

......
قامت عتاب لتنادي بنتها... وفكرها عند حبيب روحها وابن قلبها ...دقت على باب الغرفة وهي متأكدة إنها بتبكي زي عادتها

أمّا ريف لما سمعت صوت دقة الباب مسحت دموعها... ونزلت شعرها عوجهها... لتئذن للطارق بالدخول

.....
ريف: تفضّل

عتاب: بنتي...تعالي على غرفة القعدة عمك أبو رامي أجا

ريف:يلا ماما شوي وبلحقك

عتاب:ماشي حبيبتي...ما تطولي

.....
طلعت عتاب من الغرفة وتركت ريف وراها بتحاول تخفي آثار دموعها وبكاها

.....
ريف...صبيّة عمرها 22 سنة...ما معها غير شهادة توجيهي~بكالوريا~...لإنه تخفيها هي وامها بهالمنطقة المهجورة ما ساعدتها تكمل دراسة

.....
دخلت ريف عغرفة القعدة وهي ماسكة دموعها...ولا ارادي اول ما شافته كتّوا دموعها... ركضت لعنده وضمته... وبلشت شهقاتها تعلى أكثر وأكثر...وقف حازم ووقفها معه... مسح دموعها... وطلب من عتاب كاسة مي... جابت عتاب كاسة مي وشربتها ريف هديت وقعدت جنب حازم
.....
حازم: حبيبتي يا عمو إهدي

ريف: كيف بدك إيّاني أهدا وأنا مدفونة بالحياة وهمه عايشين حياتهم وما عندهم شي يضيق عليهم...واللي كان يحبنا ويدافع عنّا عند السلطات مسجون

حازم: طولي روحك يا عمو...ربنا كبير وما رح يضيع حقكم وكلوا أمركم لربنا... بعدين وين رحت أنا وخالك تقي؟... مفكرة ما حد بسأل عنكم غيره...الاخ غالي...بس كمان أنا وخالك بنفديكم بروحنا

ريف: الله يخليلنا إياكم وما يحرمنا منكم يا عمّو... بس بيبقى غير

حازم: الله يفرجها

عتاب وريف: آمين

ريف: عمو أنا حلمي أكمل دراستي وانا زهقت وتعبت من هالمكان هدا

حازم: حكينا بهالموضوع من قبل

عتاب: وانا مع بنتي أبو رامي بكفي أنا راح عمري هيك هي كمان من حقها تعيش زي باقي الصبايا اللي بعمرها

حازم: بشوف

ريف~انفعلت وصارت تبكي~: عمو كل مرة بتحكيلي بشوف... مشان الله ارحموني أنا ما بدي أبقى عايشة وأوكل واشرب لحتى أموت

حازم: طيب خلص عمو إهدي... بوعدك هسا بس أطلع من هون أروح وأشوف معارفي لنعمللك ارواق ثبوتية باسم ثاني

ريف: ليش مش باسمي الحقيقي؟

حازم: انتِ بتعرفي شو ممكن يعمل فيك ِ لو عرف إنّك بعدك عايشة... لهيك خلينا نتوخى الحذر

عتاب: ريف عمك معه حق

حازم: يلا أنا هسا صار لازم أروح

عتاب: لسا ما وصلت ابو رامي

حازم: لا معلش الجايات كثار

ريف: مع السلامة عمو

حازم: الله يسلمك حبيبتي

......
طلع حازم من عندهم ومشى شوي للحديقة اللي دايماً بخلي الشوفير ينزله فيها لانه ما بوثق بحد... اتصل بالشوفير وأجا أخذه

الشوفير:لوين بدك تروح سيادة اللواء

حازم: على قصر راغد بيك

الشوفير:تمام

......
وبالمستشفى

بعد ما عرفت صفاء باللي صار وإنّه عماد طلبها بالاسم... دخلت عنده بعد ما عرفت كل شي بدها إيّاه من اللواء... حملت دفتر وقلم وشوية أشياء ودخلت لعند عماد...شافته برسم وما حبت تقاطعه...واكتشفت انه فعلاً موهوب...أخيراً خلص عماد رسم وعرض الرسمة عصفاء بدون ما يحكي حرف...انصدمت صفاء لما شافت الرسمة لإنّه كان راسمها هي

صفاء:كثير حلوة...وكإنّي كاينة قدامك...ما أحلى هالرسمة يا عماد

عماد:إنت ِ الحلوة يا صاحبتي

صفاء:شكرا ً إلك...بدي احــ

ما كملت صفاء حكيها لإنه رن تلفونها...شالت الاغراض عن رجليها وحطتهم عالطاولة وحكت:عماد شوي وبرجع بس أرد عالمكالمة

عماد:مش تطلعي كذابة يا صاحبتي

....
طلعت صفاء لبرّا لترد على تلفونها...كانت صاحبتها واتفقوا على جمعة مع بعض آخر الأسبوع...أنهت المكالمة ودخلت

....

صفاء:أنا جيت

عماد:طيب

طالت صفاء الدفتر لتبدا تسجل ملاحظاتها بخصوص حالة عماد...واجت توخذ القلم بس ما لقيته...دورت تحت الطاولة وتحت التخت وبجيابها...عبث ما لقيت شي...ما اهتمت وحكت امري لالله هالمرة

صفاء:طيب يا عــ

فجأة نط عماد ووقف جنبها

صفاء:شو مالك عماد؟

عماد:حاب اوقف جنبك

صفاء:وكيف بدنا نتناقش؟

عماد:عادي

صفاء:طيب

بلشت صفاء تحكي معه...وبعدها بفترة بالغصب قعدته قبالها... لتعرف شو حيصير فيه من حكيها... وتحاول تشخص حالته...وهو ابداً ما تجاوب معها...بعد ساعتين ونص وصلت لمرحلة اليأس وطلعت...التقت مع أيمن بالممر

أيمن:صفاء بدنا نوصي على أكل عشان نتغدّى نوصيلك معنا؟

صفاء~بعدم اهتمام~:وصولي على وحدة بيتزا خضار

أيمن:طيب...وشو بدك معها

صفاء~وهي ماشية قدامه~:عصير أناناس

الجزء الخامس
#بقلم_يمنى_عفيف
@rwayate
.....
ووبيت راغد بيك

الخدامة~اعتدال~:يا بيك في رجال تحت بده يشوفك

راغد~وهو بعدل بياقة قميصه~: خليه يستناني بالصالة الخارجية وما بدي اوصي ضيفوه احسن ضيافة

اعتدال: حاضر يا بيك... عن اذنك

نزلت اعتدال من الغرفة من عند راغد... أما راغد...وقف عالشباك وهو بفكر بالضيف اللي أجا فجاة... وبنفس الوقت مستغرب لإنّه بالعادة أي شخص بدّه يزوره بوخذ موعد قبل... لإنه هو رجل أعمال معروف ووقته مش ملكه...بالآخر أنهى صراعه مع ذاته ونزل ليشوف الضيف اللي جاي عنده فجأة

......
اما عند حازم

زفر بملل وضيق...لهالدرجة راغد بيك عنده مشاغل ليخلي الضيف يستناه...بس تذكر طبع راغد وكيف بحب يعاقب أي شخص بلهيه عن اشغاله وما بلتزم بالمواعيد والاستئذان قبل الزيارة...بعاقبه بالتطنيش لفترة من الزمن

.....
راغد:اوف مرة وحدة اللواء حازم عندي ببيتي وبضيافتي

حازم: شايف... مين كان يعرف إنّه بعد هالسنين هاي رح آجي وأزورك...

راغد:هيك القدر بده...

حازم:السنين والوقت ما غيروك... بعدك بتتبع أسلوب التطنيش مع أي شخص بزورك بدون موعد

راغد:غلطنا ومنك السماح يا حضرة اللواء...لو عارف إنّك إنتَ اللي بضيافتي ما كنت عملت هيك... بس معلش درس إلك لحتى توخذ موعد المرة الجاية

حازم: شو وين المسيحية وولادها؟

راغد:حازم المسيحية اللي بتحكي عنها بتكون زوجتي وولادها بكونوا ولاد اخوك

حازم: بس أنا بعرف وإنت بتعرف والكل بعرف إنّه جاك ابن جاكلين من زوجها الأول

راغد: وأنا بعتبره ابني... لإنه هو اللي أنقذني وانقذ اموالي اللي كانت على وشك الضياع من المحتال اللي اسمه عماد الهاشم

حازم: لو إنّك داير بالك على ابنك اللي من لحمك ودمك وبتعرف وين أراضيه مش بس أنقذ أموالك كان شالك عكفوف الراحة

راغد:حازم انت السبب وانت اللي حرمته من امه وأخته لما حرقتهم وهمه عايشين... لا وبالآخر المجرم صار واصل بالشرطة...فعلاً دنيا غريبة... بعدين وين ما راح يروح ما هو يتيم الام وقفت علي انا ابوه

حازم: فعلاً انك بلا قلب

راغد: بالله... اذا بدنا نحكي عن مين عنده وقلب ومين بلا قلب فإنت رح تكون اول شخص بلا قلب...خطية هالولد برقبتك لانك انت اللي حرمته من امه.. حرقتها هي وطفلة بريئة بلا ذنب

انفعل حازم وصار يصرخ ويكسر كل تحفة بترصدها عينه: حكيتلك مليون مرة انا ما تحكي بإشي مش عارفة... فااااااهم

كسر آخر تحفة وطلع من بيت أخوه منفعل على حكيه اللي من سنين طويلة وهو بعايره فيه... يا ريت لو يفهم الموقف والظروف المحيطة فيه... ياريت لو بقدر يحكيله عن اللي بدور بخلده واللي بعرفه... بس هو عارف راغد بده حجة ليلقي اللوم عليه زيادة ويبرئ حاله

......

وعند زكريا بالمكتب

صفاء: خالو بقدر افهم ليش مودي الممرضة تبلغني بهالخبر اللي بسم البدن

زكريا: شو اللي بسم البدن بالزبط؟

صفاء: لا ابداًِ بس انه اللواء رح يجي بعد اسبوع يشوف عماد واذا ما كنت مشخصه حالته رح يسحب ملفه من تحت ايدي

زكريا: حطي عقلك براسك وركزي شوي وحطي كل الامراض اللي ممكن تكون هيك اعراضها واشتغلي على التشخيص

صفاء: رح احاول

زكريا: مرفوضة هاي رح احاول...انا ما عندي غير رح انجح طيب؟

صفاء~بملل~: ماشي عن اذنك رايحه، اعمل زي ما حكيتيلي... صحيح انا نسيت عندك التلفون والمصاري وقلم

زكريا:لأ ما نسيتِ عندي ولا اشي وهسا يلا عشغلك

صفاء:قبل شغلي ادور على اشيائي

زكريا:روحي شوفي عماد وانا بكلف وحدة ثقة من المراسلات تدورلك عليهم

صفاء:طيب...سلام خالو

زكريا: ما بدي ارجع احكي من هون عغرفة عماد مباشرة

صفاء:خالو حكيتلك رح اروح ما تخاف ما رح اتناسى

زكريا: انا ما بأكد غير لانه التناسي من عوايدك

صفاء: كان من عوايدي... هسا باااي

....
طلعت صفاء من المكتب وخبطت الباب لدرجة خلت زكريا ينقز ويسب عليها بعقله...طبعها ومستحيل تغيره... بتعرف قديه بتنرفز زكريا من صوت خبط الباب القوي وهي عمداً بتعمل هيك...لتغيظه وتضحك شوي

.....
وبغرفة عماد
دخلت صفاء عالغرفة... شافها عماد وركض لعندها

صفاء: عماد تعال بدنا نطلع شوي عالحديقة

عماد:لا لا ما بدي

صفاء: ليش؟

عماد: إنت ِ بدّك ترميني برّا عشان الكلاب يوكلوني

صفاء~بتضحك~: أنا!.. مين حكى هالحكي ؟... في حد بضحّي بصاحبه؟

عماد: نسرين حكتلي... آه آه نسرين

صفاء: طيب نسرين حسابها عندي... وهسا ما بدك تيجي معي؟

عماد: مبلى مبلى بدي آجي... يلا خلينا نطلع عالحديقة

صفاء: امشي

....

ماشية صفاء بأروقة المستشفى وممراتها برفقة عماد... عماد بحكي وبحكي وبحكي وهي مش منتبهة وبتفكر شو مصلحة نسرين من الحكي اللي حكته لعماد...قررت تواجه نسرين باللي صار

.....
صفاء:دكتورة دكتورة

الدكتورة:نعم دكتورة صفاء

صفاء:بدي إياكِ عجنب

الدكتورة:اه طبعا تفضلي

صفاء:عماد دقيقة بس

عماد:مش تنسيني هون

صفاء:لأ ما تخاف

....
وقفت صفاء مع الدكتورة بعيد عن عماد بشوي

الجزء السادس
@rwayate
#بقلم_يمنى_عفيف

نسرين:طيب أنا شفت الأشرطة معك بس ما فهمت شو الغريب بالموضوع؟

صفاء:الغريب بالموضوع يا نسرين إنّه عماد ذكي...ذكي زيادة...بس ذكاؤه بجبله وبجبلنا مشاكل...لإنّه انتبهي كيف طال التلفون والمصاري من جيبتي وانا واقفة جنبه بدون ما احس او انتبه حتّى...وليش استهدفك انتِ بكذبته

نسرين:ما بعرف... صراحة أول مرة بمر علي مريض ما حد بفهمه هيك

صفاء:رح نتعب معه...رح نتعب كثير...حتى شوفي الأماكن اللي خبّاهم فيها ما بتخطر ببال حد...في إنسان بخطر بباله يضب تلفون بفتحة شباك صغيرة... او يلف لمصاري بورقة ويفتح الصابونة بقلم... يحطهم فيها ويرجعها زي ما كانت

نسرين:غريب كتير هالإنسان

صفاء:تعالي تعالي...شكلي رح أتغلب معه...واللي مجنّني أكثر إنّه مش قادرين نفهم حالته ونشخّصها...وبالتقرير اللي تقدم للمحكمة ما حددوا غير إنه بعاني من اضطرابات نفسية وعقلية

......
بالحديقة

عماد~بذعر~: هيييه هيييه بعدوووه عنيي بده يقتلني سااعدووني

الدكتورة: عماد إهدا ما في حد ولا في إشي

عماد~بصرخ~: مبلى بده يقتلنيي... بعديييه عني... هيه ماسك مسدس بده يطخني

....
نادت الدكتورة ل2 من حرس المستشفى... ثبتوه... وهو لسا بصرخ خايف من إشي همه نفسهم مش عارفينه

الدكتورة ~بتركض~: بسرعة وراي عالغرفة 107... وبسرعة احكو لحد من الممرضين يلحقني بإبرة مهدئ

عماد: إتركوني ياا كلااب بعدوا عني... انا عارف انكم بدكم تخلووه يقتلني... يا أشرار والله غير أحكي لصفاء صاحبتي عنكم يا مجرمين...

.....
دخلوا عالغرفة وعماد لسا بسب وبغلط ودموعه عخدوده... لف وجهه ليلقى حد يستنجد فيه شاف صفاء

عماد~بصرخ~: صاااحبتي... صفااااء... تعااالي... بدهم يقتلوني

وجهت صفاء نظرها لمصدر ابصوت لقبت الحرس مثبتينه عالتخت وبدهم يعطوه إبرة مهدئ... صرخت صوت هز أركان المستشفى: اتركوووووه... لاااا تعطووه إبرة مهدئ لااا دكتورة

حطت الدكتورة الإبرة عالطاولة وعماد صار يبكي زي الصغار...الكل كان صافن بصفاء وانفعالها... وصوت اللي جمع كل اللي بالممر عليها... أما هي ارتخت ملامحها ولانت... حطت إيديها بكل برود أعصاب بجياب لابكوتها وحكت بصوتها الجهوري: بظن إنه الرواتب اللي بتندفعلكم مش عشان تصفنوا وتتدخلوا بكل شي بصير بالمستشفى... ماشي...كل واحد فيكم يتفضل عشغله

.....
ما حد قدر يرد عصفاء بكلمة... لإنّه معها حق بكل شي حكته

صفاء:دكتورة لا تعطيه إبرة مهدئ... من حد ما أجا وهو على إبر المهدئ هدا مش حل عفكرة... ما بدنا إياه يدمن عالمهدئات... وإنت واياه شو بتستنو لسا اتركوه واطلعوا برّا

.....
تركوه وطلعوا برّا الغرفة... هدي شوي وارتاح بس شاف صفاء...بس مع هيك بقي عنده شوية خوف... لف حاله بالحرام

صفاء:عماد ما تقلق إحنا كلنا معك وما رح نسمح لأي شخص يئذيك

عماد~بصوت متقطع~:إنــ... تو مش شايفين اللي أنا شايفه... هو... هو... رجع بعــ... د كل هالسنين ليقتلني ويحرق قلوبكم زي ما....

ما كمل حكيه وصار يصرخ: لااا تحرررقني.... لا تقتلنييي... بدي أعيييييش...

ركضت صفاء لعند... ربتت على كتفه بحنان... وصارت تحكي معه حكي يطمنه... ويريحه... لحتى نام... زفرت بارتياح وسكرت الباب وطلعت

.....
صفاء~بقلبها~: يا رب ساعدني... بعدين مع هالقصة

.....
وببيت حازم

مرته~ميسون~:خير حازم شو صاير معك ؟

حازم: ما في إشي...فكري مشتت بشوية قضايا وقصص

ميسون: الله يقوّيك

حازم: الله يسعدك يا ميسون... شو وين الولاد؟

ميسون: رامي بنادي الحديد... وهنادي طالعة مع صاحباتها

حازم: مشغولين يعني

ميسون: عالآخر

.....

ميسون

بنت عم حازم ومرته... عمرها 47 سنة... وقفت معه بكل المواقف الصعبة اللي صارت ... بعتبرها شريكة الحياة المثالية من شتّى النواحي

.....
بعد ساعتين ونص

حازم:ميسون اتّصلي على رامي خليه يروح ويجيب هنادي معه...لإنّه الوقت تأخّر

.....

اتصلت ميسون بابنها... وطول لحتى رد... واول ما سمعت صوته حكت: بدري سيد رامي كان استنّيت كمان شوي وبعدها تذكرت ترد

رامي:حقك علي يا إمي... بس كنت طالع من النّادي ونسيت التلفون جوّا... ورجعت أجيبه

ميسون: آه... اذا هيك سامحتك...رح أتّصل على أختك وبتمر عليها توخذها عشان تروحوا

رامي: طيب امي

ميسون: وما تتأخّروا لإنّه أبوك بالبيت

رامي: حاضر امي يلا سلام

ميسون: سلام

سكرت ميسون الخط وحطت التلفون... وراحت عند حازم

حازم: شو حكالك؟

ميسون:هسا بمر عليها بس أول بدي أشوف هنادي

.....
وعند صفاء

أخيراً خلص دوامها بعد يوم شاق ومتعب... طلعت من المستشفى بعد ما وصّت الطاقم المناوب على عماد وحكتلهم يطلّوا عليه كل شوي

......
وببيت عتاب

ريف:يا ماما لوينتا رح نضل هيك...حتى كهربا ما عنا

عتاب:الله يفرجها يا بنتي

ريف:إمي أنا تعبت من هالحالة...وإذا عمو حازم ما رح يعمللي أوراق باسم ثاني رح أقدم عالجامعة باسمي واللي بدّه يصير يصير

الجزء السابع
@rwayate
#بقلم_يمنى_عفيف

ببيت حازم

صحي على صوت التلفون... قام وهو مش مركز... رد بدون ما يشوف الاسم: ألو .......
...
ريف: اسمعني عمو خلال يومين ما دبرتولي اوراق ثبوتية أنا رح أهرب وما رح تلقوني

حازم~بغضب مكتوم~:ريف شو اللي بتخبصي فيه... حطّي عقلك براسك وما تنجنّي

ريف: عمو أنا ما عندي شي أخسره وبكفي اللي ضاع من عمري بهالمكان أنا خلص ما بقدر أتحمّل أكثر ما بدي أموت بدون ما أطلع عهالدّنيا

حازم: أنا بوعدك أعمل كل اللي بقدر عليه لأحققلك بتتمنيه

ريف:عمو أنا حكيت اللي عندي

حازم: بلا جنون... وأنا أول ما يطلع الضو رح آجي عندكم لنحل القصة

ريف: طيب عمو باي

حازم: باي

....
سكر حازم التلفون... والنوم طار من عيونه... عرف إنّه ريف خلص نفذت طاقتها... وتحققت فيها المقولة... كثر الضغط بولد الانفجار...توضى وجهز حاله ليطلع عصلاة الفجر... صحيت ميسون وحكت إيدها عكتفه

ميسون: مع مين كنت تحكي؟

حازم: اتصلوا علي من الفرع

ميسون: آها... بدك قهوة

حازم: ياريت

ميسون: طيب تعال بعملها وبنشربها سوا

.....

عتاب:ريف شو اللي عملتيه؟

ريف: شو عملت امي؟

عتاب:ريف لا تطلعيني عن طوري أنا سمعت مكالمتك مع عمك حازم...ليش هيك عملت ِ؟

ريف:أنا عملت اللي من زمان المفروض ينعمل... عملت الإشي اللي إنت ِ ما قدرتِ تعمليه

صوت الكف اللي نزل عوجه ريف زلزل المكان... حطت إيدها مكان الكف وهي مصدومة والدمعة متحجرة بعينها...مش قادرة تستوعب فكرة إنه إمها ضربتها لأوّل مرّة من 22 سنة... أما عتاب رفعت إيدها وصفنت فيها... وبعد شوي رجعت نزلتها وشدت على قبضة إيدها وتجهمت ملامحها من جديد وبانت على وجهها العصبية

عتاب~وقفت لتطلع من الغرفة~:بعمرك ما تفكري تكسري الإيد اللي انمدتلك... لإنّه بوقتها رح أكسر رقبتك...واذا ما اتصلتِ بعمك واعتذرت ِ منّه ما تفكري ترجعي تحكي معي

صفنت ريف بالمكان اللي اختفت فيه إمها...وأدركت حجم خطأها متأخرة للأسف...لهيك قررت تتصل على عمها وتعتذر منه... وهيك بتضرب عصفورين بحجر بتراضي إمها وبتعتذر من عمها

.....
وعند صفاء
صحيت الصبح وهي كلها حيوية ونشاط... لتبدا يوم جديد ومغامرة جديدة مع عماد لعل وعسى تفهم حالته... لبست وافطرت بسرعة... بدها توصل المستشفى بوقت قياسي...صح قلقت من مكالمة نسرين إلها عالفجر بس مع هيك حاولت تتفاءل...كانت بتسوق بطريقها للمستشفى وهي بتسترجع تفاصيل مكالمتها مع نسرين

.....
فلاش باك

نسرين: ألو صفاء

صفاء: أهلين نسرين... خير شو صاير لحتى متصلة بهالوقت؟

نسرين: اسمعي... بكرة اول ما توصلي قبل ما تيجي على غرفة عماد حتى بتروحي على غرفة شاشات المراقبة وبتسحبي الأشرطة تبعات غرفة عماد عالسريع بدون ما حد يعرف...واوعك تحكي لحد أو حتى تجيبي سيرة اني حكيت معك

صفاء: ماشي... بس شو صاير خوفتيني

نسرين: ما تخافي إنتِ إعملي زي ما حكيتلك بس... يلا باي

صفاء: طيب... باي

.....
بااااك

صفاء:يا ربي ما اطول الطريق اليوم

.....
بغرفة عماد
صحي وهو بصرخ...وبتذكر تفاصيل اللي صار معه الليلة الماضية...كانت نسرين عنده... ما كانت حابة تعطيه مهدئ... بس مجبورة تقعد مع صفاء بغرفته براحتهم وتحكيلها عن اللي صار

.....
وعالفطور ببيت حازم

هنادي: يسعد صباحكم

رامي: صباح الخير

حازم: يا صباح الورد... اقعدوا خلينا نفطر مع بعض اليوم

ميسون: معه حق ابوكم... استريحوا

.....
رامي

شب عمره ٢٧ سنة... شخص واعي ومثقف... وبعرف كثير بهالحياة... عنده شغله كأستاذ اشي مقدس... لجانب اهتماماته الرياضية

....
هنادي

صبية عمرها ٢٠ سنة بتدرس لغات...أمورة ومتواضعة لأبعد الحدود...وزي أبوها عيلتها هي أهم شي بحياتها

....
رن تلفون حازم...وحكتله ميسون:حازم شو قصتك من الصبح وتلفونك ما هدي؟

حازم: ميسون يعني هسا صرت ِما بتعرفي طبيعة شغلي؟...دايمة
.....
قام حازم وهو معصب من ميسون...وتغير لونه لما شاف الرقم وحكى بقلبه:شكلها هالمجنونة ناوية تعمل إشي غبي زي تفكيرها الغبي

أخيراً فتح الخط ورد

حازم:شو يا ريف شو بدك؟...مش حكيتلك إنّي جاي خلص إهدي

ريف:عمو بس أنا ما اتصلت عشان هيك

حازم:وإلّا عشان شو؟

ريف:لحتى أعتذرلك...عمو أنا آسفة كثير كثير عاللي صار الصبح وبعرف إني خبصت بالحكي كثير...بس صدقني ما كان طالع من قلبي...كل القصة إني مضغوطة لهيك حكيت حكي أنا مش عارفة شو هو ولا شو أبعاده

حازم~ابتسم~:بسيطة يا بنتي...اعتذارك مقبول...بس ها ترا المرة الجاية ما بقبل اعتذارك بدون عزومة عالغدا

ريف~ضحكت~:خلص عمو معناته إنت اليوم معزوم عنا عالغدا واعتبره عربون الصلحة شو رأيك؟

حازم:اتفقنا...ومنه كمان بكون مجهزلك الأوراق

ريف:الله لا يحرمني منك عمو

#بقلم_يمنى_عفيفالجزء الثامن
@rwayate
#بقلم_يمنى_عفيف

بعد ما طلعت نسرين بشوي صحي عماد وكان مذعور وخايف كثير...وبلش يهلوس ويتوهم ويشوف أشياء مش موجودة...وصفاء كالعادة هدّته وحففت من خوفه

صفاء: إهدا عماد ما تخاف ما في حد بقدر يعملّك إشي وأنا موجودة

عماد:بس مبارح ضربوني ووجعوني كثير وإنت ِ ما كنتِ موجودة

صفاء: حقك علي... أنا آسفة كثير... بوعدك ما أخليهم يقريوا عليك... وأضل دايماً جنبك

عماد: صفاء وينتا بدك أحدد موعد العرس؟

صفتء: أي عرس؟

عماد: عرسنا... ما احنا بنحب بعض من وإحنا بالجامعة... مابدك تتزوجيني؟

أيقنت صفاء إنّه عماد بحكي حكي بدون وعي منه بسبب حالته النفسية... فقررت تطنشه لحتى ما تئذيه بالتأييد أو الرفض...وغيرت الموضوع

صفاء: عماد شو رأيك ترسم رسمة؟

عماد: ما بقدر

صفاء: ليش؟

عماد:لإنه كل جسمي بوجعني

صفاء: من شو؟

عماد: شو صايرلك صفاء اليوم ناسية كل شي... ما أنا مبارح وقعت عن الدرج لهيك كل جسمي معلم

عرفت صفاء إنّه نسي اللي صار معه والضرب اللي انضربه... لهيك حبت تمشي معاه وما تذكره بالقصة لحتى ما حد يعرف و تقدر تحل الموضوع

صفاء: سامحني يا عماد بس صايرة أنسى كثير هالفترة

عماد: شو بدي أعمل مجبور أتحملك ما انت ِ مرتي

.....
صفاء فاهمة حالة عماد... ومدركة إنّه هاي أعراض مرضه... وهالشي بشير لإنّه وضعه بدا يتفاقم... ولازم تتشخّص حالته بسرعة...تنهّدت تنهيدة طويلة...وجالت بعيونها على ترتيب الغرفة الدقيق... صارت أحلى من ما كانت عليه قبل...كل مرة عماد بعمل إشي بثبتلها فيه إنّه ذكي كثير... بس للأسف مرضه وذكاؤه مع بعض... إشي متعب وخطير عالبشريّة
.....
وببيت راغد

جاكلين:أنا جيت حبيبي

راغد: يا أهلا وسهلا والله... وينهم حبايبي

جاكلين: ما تشغل بالك

راغد: جاكلين جاوبي عاللي سألته

جاكلين: أوف شو بتنق...سالي بقيت عند أهلي وبدها تسافر معهم... وأنجيلا طلعت عالجامعة مباشرة...أما جاك حبيبي راح عالشركة... حكى ما بده يروحوا المناقصات عليه

راغد: سالي صرلها عند أهلك أسبوع ما زهقت بعدين كيف بتتركيها لحتى تسافر معهم بلا ما تحكيلي ولا كإنّي أبوها... هسا بتتّصلي عليها تروح... نص ساعة بدها تكون مزروعة قدّامي... ~صرخ~: فاااهمة

جاكلين:ليش عصّبت حبيبي... خلص حقك علي هسا بتّصل عليها

ابتسم راغد... ورجع عادي ولا كإنّه صار إشي... حب جاكلين مسيطر على عقله وكيانه... ابتسامة جاكلين بتخلّيه يغفرلها أي خطأ لو شو ما كانت عاملة...لما يكون مع جاكلين ما بكون راغد اللي كله جبروت وقسوة والمجالس بتتزلزل من ذكر اسمه

.....
راغد

رجل أعمال مشهور... عمره 50 سنة... متزوج مسيحية وعنده منها بنتين...وعنده ابن من وحدة ثانية ما بعرف عنّه شي من سنين طويلة

جاكلين
زوجة راغد المسيحية... عمرها 48 سنة...كانت متزوجة قبله واحد مسلم كمان...عندها منه ولد وعايش معها...وبكون إيده اليمين لراغد

......
عتاب:ريف يا ريف

ريف:نعم ماما

عتاب:تعالي جهزي الغدا معي لإنّي عزمت خالك تقي كمان

ريف:عنجد...يلا جيت

عتاب: بدنا نجهز كل شي قبل بوقت عشان لما يجو ما يتأخّروا وهمه بستنو بالغدا

ريف: ماشي ماما
......
بمكتب زكريا

صفاء: خالو أنا اليوم ما بقدر أضل لنهاية الدوام

زكريا: ليش؟

صفاء~بتكذب~: تعبانة كثير ومش قادرة أتحمل بدي أروح عالدكتور

زكريا: طيّب اطلعي بس مين رح يضل مكانك؟

صفاء:هسا بشوف دكتورة تقوى

زكريا:ماشي...بس حاولي تخليها تغطي عليكِ

صفاء:ما تقلق خالو أنا بدبّرها

.....
بشركة راغد

جاك ماسك التلفون وبرن على راغد...وراغد ما برد...عصّب كثير...واتّصل على إمه

جاكلين:أهلين حبيبي

جاك:وين عمو راغد

جاكلين~ونظرها على راغد~:هيه ليش؟

جاك:عطيني إيّاه إمّي

جاكلين:راغد...خذ...جاك بدّه إيّاك

راغد:هاتي
.....
دقايق ووقّف راغد وبإيده تلفون جاكلين...طلع عالحديقة وهو لسا ماسك التلفون وبشد على قبضة إيده

جاك:عمو إمّي حواليك؟

راغد~تطلع بكل الاتّجاهات~:لأ احكيلي بسرعة شو صار بموضوعنا

جاك:وديت عصابة وبالتعاون مع اللي النا بالمستشفى تمت المهمة...بس في ممرّضة الخوف منها لهيك حطيت عليها مراقبة

راغد:يعني أخذت حقنا منّه

جاك:وزيادة

راغد:الله يرضى عليك يا ابني...بدي أطلّع اللي سرقه من عيونه

جاك:ما تقلق عمي رح نخلّيه يشتهي الموت وما يدوقه...رح تكون نهايته على إيدي

راغد:بس بدك تنتبه ما تترك أثر وراك

جاك:ما تقلق عمو ولا تشغل بالك أنا قدها

.......
ببيت صفاء

اول ما دخلت مباشرة رمت شنتتها وطالت التلفون اتصلت بنسرين اللي ردت مباشرة

صفاء:ألو نسرين

نسرين:أهلين صفاء...خير في إشي؟

صفاء:أنا بالبيت...تعالي لعندي...بدي أعرف كل شي بخصوص عماد

نسرين:أوك

الجزء التاسع

#بقلم_يمنى_عفيف
@rwayate
عند صفاء

سمعت صوت الجرس...عرفت مباشرة انها نسرين... هاي رنة الجرس المزعجة تبعتها...لازم تحرق الجرس...لانها عارفة انه هالحركة بتنرفز صفاء...وهي بتعشق نرفزة صفاء

فتحت صفاء الباب...واول ما شافت شكل نسرين جمدت لدقايق وبس استوعبت الفكرة ما قدرت تكتم ضحكتها اللي كانت تصدح بصوتها الرنان...لدرجة طلعت الجارة تشوف شو القصة

صفاء~وهي بتحاول توقف ضحك ~:تفضلي نسرين تفضلي ...شو هالهلة اللي انتِ فيها هاي

نسرين:كنت عارفة إنك رح تضحكي علي ...بس شو أعمل مجبورة ....وسعي وسعي خلي الواحد يشيل كل هالخرابيش ويقعد براحته ...الله ينتقم من اللي كان السبب بس

صفاء~سكرت الباب~:هدي هدي واحكيلي شو صاير معك

نسرين:راغد بيك شاطر...شاطر كثير...بس على مين؟...أكيد مش على نسرين

صفاء:لا تجننيني وتحكي بالألغاز

نسرين:راغد بيك حط مراقبة علي...بس انا عرفت من حركات المراقبين الغريبة والغبية بنفس الوقت

صفاء:كيف وليش؟...وشو اخر الاحداث لحتى يحط عليك ِ مراقبة ؟

نسرين:رح أحكيلك كل شي وخذي حطي الاشرطة لتشوفيهم بس يخلص حديثنا

صفاء~اخذتهم من ايدها~:تمام

بدت نسرين تقص عصفاء الحادثة و اللي صار كلّه ...وصفاء ساعة تسكت ودموعها تنزل بسبب حزنها على عماد...وساعة تتوعد لراغد وأنصاره ...وساعة تحلف وتقطع وعد عنفسها انه تنتقم لعماد

.....
وعند ريف

من حد ما سمعت حكي خالها وعمها مع امها وهي قاعدة بغرفتها وبتحاول تحلل اللي صار او حتى تبرر تبرير منطقي...بس عبث...راسها بوجعها ...ومن كثر التفكير زاد ...من لما وعيت وهي ما بتعرف غير انه الها اخ واحد وما بتعرف وين أراضيه...وراضية بقدرها...ومتناسية الموضوع لحتى ما توجع راسها بمشاكل اكبر منها...لحتى بالاخر يفجروا هالقنبلة ويروح كل واحد عبيته وينام بتخته الدافي بدون ما يحمل هم تفكيرها بالموضوع ...او حتى يفكر مجرد تفكير انها سمعت تمتماتهم مع بعض

طالت الاوراق اللي باسمها الجديد...واوراق قبول الجامعة بتخصص الاقتصاد ....باستهم وضمتهم لصدرها وهي فرحانة كثير ...وبنفس الوقت خايفة على امها كيف رح تتركها بهالمكان لحالها خوفاً من انه يصرلها اشي بغيابها...طردت هالافكار من راسها وحكت:مياس ...اسمي الجديد مياس

......

بمكتب زكريا

بمشي رايح جاي وهو بفكر وبحكي بينه وبين حاله:قربت...قربت كثير...ما في شي بضل مخبا طول العمر آخرتني أكشفهم...بس ان شالله تطلع شكوكي بمحلها

......

ببيت راغد

جاكلين:لوينتا راغد اه لوينتا؟

راغد~نزل الجريدة عن وجهه~:لا حول ولا قوة الا بالله ...شو مالك جاكلين؟

جاكلين:راغد انا ما بقدر اضل مخبية على جاك اكثر من هيك هو ابن مين ...صح بحبك وجميلك عراسه...بس مع هيك الدم بحن ...الدم بحن يا راغد ...اكيد هو ما رح يتركك بس كمان من حقه يعرف هو ابن مين لما تركت ابوه كان عمره 4 سنين بس هسا هو كبر وصار عمره 24 سنة لهيك بكفي كذب واحتيال خلص ...خصوصا انه الكل بعرف انه ابنك وعمره 18 سنة وبسبب ذكاؤه مسلمه كل الشغل

راغد~بصرخ~:جااااااااكلييين لا تجننيني مش وقته هالحكي .....بعد 20 سنة جاية تتذكري وتصيري الحنووووونة...بعدين اذا انعرف هو ابن مين وانه كنت مستهبل الناس كل هالسنين اكيد رح اخسر كثير ...ورح ينهد كل اللي بنيته بشقاي وتعبي...وسنين عمري اللي راحت وانا بكون بحالي

جاكلين~بتبكي~:راغد لا تخليني اضطر افتح الخزنة واطول شهادة ميلاده الرسمية واعطيه اياها بدل المزورة اللي معه....وانت بتعرف اني بعملها وما بتفرق معي وما بهمني شي

راغد:جاكلين اسكتي وبلا تخبيص ...بوعدك اول ما تسمحلي الفرصة افاتحه أنا بالموضوع

جاكلين:وعد؟

راغد:وعد

وورا الباب كانت متخبية سالي...لمعت ببالها فكرة لما سمعت اللي حكوه...ابتسامة شيطانية ارتسمت عثغرها ...خصوصا انها بتكره جاك...صح هو اخوها ...بس راغد السبب ..سجلّه كثير املاك باسمه ...ورفض يسجل باسامي بناته ..لانهم لسا صغار ....لهيك قررت تتخلص من جاك بطريقتها...لتصير هي ايد أبوها اليمين

.......
عند حازم

قاعد مع مرته وولاده وعقله وروحه بمكان ثاني ....بفكر باللي ذكر عتاب باللي صار بعد كل هالسنين الطويلة...وكإنها كل فترة بتجيب قصة تنكد عليهم فيها...وصارت اسئلتها كثيرة عن كل شي

ميسون:اصبلك كمان كاسة شاي ؟

حازم~بابتسامة ~:يا ريت

هنادي:كلوا من الحلو اللي عملته ...زاكي كثير ...ليش ما بتوكلوا ؟

رامي:لا ابدا مافي شي....بس لانه مرة حطيتِ بوحدة من وصفاتك بدل الزيت عصير ...ومرة عملتيلنا كوكتيل الموز والنعنع...ومرة حطيتِ 7 بيضات بوصفة مقدارها بيضتين ...وبدك اياني اوكل كيك بالكريمة واحتمال تكوني مخربشة بين الكريمة والرغوة واتسمم

هنادي:ما ازنخك ...انت جرب وما رح تندم ...صح بابا

هز حازم براسه وبتمه قطعة كيك وعمل لرامي لايك بايده

رامي:اذا عجب بابا معناته طعمه زاكي خليني اذوق
.......
وببيت صفاء

#للرواية_بقية
#بقلم_يمنى_عفيفالجزء العاشر
@rwayate
الساعة 7 ونص الصبح
بغرفة ريف

دخلت عتاب شوي شوي عالغرفة وتوجّهت لتخت ريف وصارت تهز فيها

عتاب:ريف...ماما ريف...قومي اليوم أول يوم دوام إلك بالجامعة

ريف:صباح الخير ماما

عتاب:صباح النور يا روحي...الفطور جاهز إلبسي وانزلي لنفطر

ريف:حاضر ماما

عتاب:يلا رح أتركك لحتى تغيري

.....
وعند نسرين

نسرين:رح تعرف يا راغد بيك مين هي نسرين...وحتشوف إنه ذكاءك ما بيجي شي قدامها

قرّرت تخلي راغد يتطمن من ناحيتها هالفترة لحتى يشيل المراقبة عنها...وتتحرك براحتها...لهيك رح تصير تروح عالشغل بس...وما حتقدر تساعد صفاء بخطتهم لانّه العين عليها هالفترة...جهزت حالها وسقت ورداتها وطلعت بتكسي متوجهة للمستشفى...وبراسها قصص ومشاكل كثيرة

.....
صفاء صحيت متنشطة وكلها أمل بسبب الأدلة اللي قدمتلها اياها نسرين...الاشي اللي مقلقها ردة فعل خالها واللواء...لإنه خالها ما إله بهالقصص و مش قد قصص المحاكم
.....
ببيت راغد

قاعدين بفطروا مع بعض...نزلت سالي متأخرة على غير عادتها...ما حكت أي إشي وكانت مركزة بتلفونها...استغربوا كلهم من تصرفها العجيب

راغد:صباح الخير

سالي~رفعت راسها~:صباح الورد يسعد صباحكم

جاك:وين طالعة بلا فطور

سالي:صرت حاكيتلك مليون مرة ما تتدخّل فيه بوجود بابا او عدمه

راغد:سالي

سالي:بابا ما حد اله الحق يتدخل فيه غيرك...عن اذنكم

......
بسيارة حازم

حازم:صباح الخير حبيبتي

ريف:يسعد صباحك عمو

حازم:اسمعيني شو رح احكي لانه اللي رح احكيه مهم كثير

ريف:تفضّل عمّو

حازم:رح اصير كل يوم اجي أوخذك عالحديقة ومن هناك بتطلعي بأي تكسي...وبالرجعة نفس الشي بتطلعي بأي تكسي لتوصلي الحديقة وباجي أوخذك بس أتأكد إنه ما في حد براقبنا

ريف:ليش كل هالتّعقيدات عمّو؟

حازم:الحيطة والحذر واجب يا ريف ما بدنا نكون بشي ونصير بشي ثاني

ريف:حاضر عمو زي ما بدك

.....
بالمستشفى

بغرفة عماد

عماد:بعدوووا عني ما بدي أروح لعندهااا...هي ماااتت بس انااا ما بدي أمووووووت بعدووووا

دخلت صفاء عالغرفة...وتوجهت لعند عماد مباشرة...عطته مضاد القلق...وهدته شوي بأساليبها

صفاء:عماد

عماد:نعم

صفاء:شو رأيك تتحمم وتلبس اواعي جداد لتصير حلو

عماد:لأ لأ ما بدي...بعدين اللي عندي لازم بكون عايش معها تشوف انا حلو بلا ما اعمل حلو

صفاء:خلص زي ما بدك انا رح اطلع شوي صغيرة وبرجع...ورح اخليهم يجيبولك الغدا

عماد:شو يعني نطلع عالغدا ليجيبوه ويروح كله يصير فاضي

تعودت صفاء على وضع عماد...وصارت تركز على كل شي بعمله وبحكيه لتقدر تشخص مرضه...وقربت كثير من النهاية لتشخص مرضه وتبدا معه رحلة العلاج

......

دق باب مكتب زكريا

زكريا:تفضل

صفاء:صباح الخير

زكرياةصباح النور...شو المصيبة اللي جايبتيها هاي المرة؟

صفاء:ليش انا ما باجي غير بمصايب يعني

زكريا:اه هاي الحقيقة...المهم احكيلي شو عندك؟

صفاء:بصراحة أنا بدي أشكي على راغد بيك

زكريا: صفاء شو صاير لعقلك؟... انتِ مش قده لراغد بيك... وبعدين ما في تهمة لتشكي عليه

صفاء: مبلى...تهمة الاعتداء على احد مرضى المستشفى... عماد الهاشم

زكريا:بالله وليش ان شالله؟

صفاء:رح احكيلك كل شي

حكت صفاء لزكريا كل اللي صار مع الأشرطة ووضّحتله كل اللي صار وكيف اعتدو على عماد بكل وحشية...وما راعو مرضه...ضربوه بدون أي رحمة او انسانية

زكريا:ما رح تشكي

صفاء:لا بدي اشكي...رح اعمل ملف كامل واطلع عالنيابة ونسرين رح تشهد معي

زكريا~بصرخ~:على جثتي رح يصير هالحكي

صفاء:خالو فهمني إنت ليش معارض موضوع الشكوى كل هالقد مش شعارك مرضى المستشفى اولا مهما كلف الثمن

زكريا:مبلى مبلى ولسا عند مبادئي أنا بس كيف رح نشكي عليه وهو أبوه آه فهميني؟

صفاء~انصدمت~؛خالو هسا بدي أفهم كل شي

زكريا~ندم إنه حكى~:خلص اعتبريني ما حكيت إشي وشيلي موضوع الشكوى من بالك

صفاء:اذا ما فهمت شو القصة صدقني ما رح اتردد لحظة وحدة عن تقديم ملف الشكوى للنيابة

زكريا:كيف هو ابنه ومين امه ما بعرف...بس أصلا. أنا عرفت إنّه راغد أبوه بالصدفة

صفاء:احكيلي

زكريا:طيب رح احكيلك كل شي من البداية بس هالحكي مش لازم يطلع لإنّه احنا مش قد هدول النّاس

صفاء:ما تشغل بالك...بوعدك إنّه هالحكي مل رح يعرف فيه مخلوق...وهسا يلا احكيلي

زكريا:زي ما بتعرفي إنّه إحنا كل مريض بيجي عالمستشفى بنعملّه فحص دم لحتى نعرف اذا كان المريض عنده أي أمراض بالدم وتبين فصيلة الدم وكمان الDNA بتدخّل لحتى لو صار معاه أي إشي يتأكد....فإحنا أخذنا عماد ليعمل الفحص

فلاااش بااك

زكريا:يلا عماد انزل

عماد:لشو جينا لهون؟

زكريا:انت هسا انزل وما عليك

نزلوا زكريا وعماد عالمختبر... عملوا الفحص... وقعدوا يستنو تطلع النتيجة

وبغرفة التحاليل
الممرض:دكتورة عنا تحليلين مستعجلات بمين نبدا؟

الدكتورة:لمين التحليلين؟

الجزء الحادي عشر
@rwayate
#بقلم_يمنى_عفيف

ركض ايمن اللي كان بالممر لغرفة عماد لما سمع صرخة صفاء ...اول ما دخل عالغرفة...لقي صفاء جنب عماد بتبكي وبتصرخ...عماد محاول ينتحر مقطع شرايين إيده....عالسريع دفش صفاء عنه وحمله بصعوبة ...ليطلع فيه عالسيارة ...لحقوه صفاء ودكتور ثاني ....اما إخلاص ركضت لعند زكريا

.....
بمكتب زكريا

زكري:تفضلي يا آنسة سالي شو الموضــ.......

قاطع حكيه دخول إخلاص المفاجئ

زكريا:إنتِ كيف بتدخلي بلا ما تدقي

إخلاص:لولا الموضوع طارئ ما كان دخلت بهالطريقة ...عماد حاول ينتحر وهيه بالمستشفى.....عن اذنك

زكريا~بصرخ~:كييييف....وين التلفون وينه ؟

طال التلفون ليتصل بحازم ....متناسي وجود سالي بالمكتب...وبدون ما يعرف شو الموضوع المهم اللي جاييته فيه بنت راغد العطار وهو اصلا ما بعرفها غير بالصور وعالتلفزيون...اخيرا رد عليه حازم

حكى بسرعة بدون ما بفكر:إلحق ياحازم ابن اخوك بالمستشفى حاول ينتحر

حازم:شووو!!!....بأي مستشفى ؟

زكريا:هيني برن على ايمن لحتى اسأله ....أيمن عماد بأي مستشفى ؟

أيمن:بمستشفى الشفاء

فصل زكريا بوجه أيمن بدون ما يسمع رده حتى ....وحكى لحازم:هيهم بمستشفى الشفاء

سكر زكريا الخط وراح حازم عالمستشفى...أما سالي صارت تسترجع حكي زكريا لحازم ...ابن اخوك بالمستشفى ...معقول عماد يكون أخوها؟

.......

زكريا:بعتذر منك آنسة سالي بس انتِ شايفة الظرف اللي صار...فرصة سعيدة

سالي:براحتك أستاذ زكريا...بس اعرف اذا رحت ما رح أرجع...بالاخص إنّه المعلومات اللي معي بتهمك كثير...أكثر من عماد

زكريا~خاف وقعد~:تفضلي

سالي:أول شي تفضل...شوف شهادة هالميلاد هاي

زكريا~مد ايده~:لمين هاي؟...وبشو بتلزمني

سالي:شوفها اول شي ...ومتأكدة انها رح تلزمك

زكريا:جــــ...جاك ...ابني

سالي:صرلك سنين بتدور عليه...وأنا جبتلك إياه

زكريا:كـَ...كيف بقدر اوصلله ؟...وينه هسا؟

سالي:بالبلد...ما سافر وشغله وكل شي هون

زكريا:جاك ابني هو نفسه ابن راغد بيك

سالي:ذكي كثير استاذ زكريا...بس بدك تعرف إنّه جاك ما بعرف مين ابوه ...وبابا زورله اوراق نسبه اله فيهم

زكريا:والحل؟

سالي:ما بعرف...انا حكيتلك اللي عندي وساعدتك ...وهسا صار دورك ...اه نسيت احكيلك ...جاك قاتل حاله ليعرف مين أبوه...بس للاسف بابا رافض يحكيله ...وهو خلص تعايش مع هالوضع

زكريا:شكرا الك...فرصة سعيدة

سالي:وانا اسعد...عن اذنك

......
بالمستشفى

صفاء:دكتور دكتور شو صار؟

الدكتور: حالته مستقرة... لكن لما عملنا تحليل الدم عشان نجبله دم من نفس فصيلته تبينلنا انه في نسبة مخدرات خفيفة كثير بجسمه

صفاء:بتقدر تعطيني تقرير بهالشي دكتور؟

الدكتور: أكيد تفضلي معي

مشت صفاء مع الدكتور وابتسامة جانبية على تمها... هالورقة بتفيدها كثير عشان الملف اللي بدها ترفعه للنيابة... لانه بشريط الكاميرا واضح انهم حقنوه ابرة...كانت ماشية ورا الدكتور وبتحسب الخطوات لتوصل مكتبه... لحد ما اجا حد ومسكها من ايدها

صفاء: أيمن... شو بدك؟

أيمن: وين رايحه حضرتك مع الدكتور

صفاء~مسكت ايده وشالتها عن ايدها~:موضوع ما بعنيك ما تتدخل فيه

.....
بالجامعة عند ريف

ريف: لو سمحت لو سمحت

الشب: تفضلي

ريف: من وين بقدر اروح لكلية الاقتصاد

الشب: هيها لقدام ضلي ماشية مستقيم بتوصلي

ريف: شكرا الك

الشب: عفوا... ~مد ايده~... انا عدنان

ريف:وانا ر.... مياس... انا مياس

الشب:تشرفت بمعرفتك مياس

ريف: شكراً الك عن اذنك

.....
تركت ريف عدنان وبقيت ماشية لوصلت كلية الاقتصاد... وقفت قدام المبنى... والفرحة بتشع من عيونها العسلية اللي ضاربة عليها أشعة الشمس

.....
وعند عتاب

قاعدة عالكنباية بتشرب فنجان قهوة... ابتسمت لما شافت جكيت ريف محطوط عالكرسي... ضحكت من قلبها وحكت: ما كنت بعرف انك لهالدرجة عاملة حركة بالبيت...الله يحميكِ ويبعد عنك ولاد الحرام
.....
وصل حازم اخيرا عالمستشفى ونزل عالسريع... اخذ رقم غرفة عماد...لما وصل استغرب انه زكريا مش موجود... نادى على ايمن ليسأله

حازم: أيمن يا أيمن

أيمن: نعم يا سيادة اللواء

حازم: وين زكريا؟

أيمن: حكالنا رح يجي بس صار عنده ظرف ظرف طارئ... بس هيه جاي

حازم: ايوا...ماشي شكرا

أيمن:عفوا

حازم:مسموح ندخل عند عماد هسا؟

أيمن:آه عادي بس هو أصلا لسا تحت تأثير البنج

دخل حازم عالغرفة عند عماد...وترك ايمن وراه مستغرب... شو سر اهتمام اللواء بعماد... مع انه ما في بينهم صلة قرابة...وكمان صح عماد مريض نفسي وعقلي لكن يعتبر مجرم من ابرز المجرمين...قرر أيمن ينسى الموضوع لانه مش قد اللعب مع النّاس الكبار
.....
بغرفة عماد
قاعد حازم عالكرسي وبتأمل بعماد...بتأسف على حاله...لا أبوه سائل عنه...ولا إمه بتعرف عنه شي...ما اله بهالحياة غيره بعد ربنا
.....
وببيت راغد

متمددة سالي عالكنباية وراكيه راسها عالمخدة وبتفكر...راحت لعند زكريا ومفكرة حالها ذكية لإنها رح تخلص من جاك...بس أجا اشي ثاني يكركب حياتها...فكرة إنها إلها أخو حلوة...بس بنفس الوقت صعب تلقاه

.....
وعند عماد

صحي من تأثير البنج..وكان حازم نايم عالكرسي...رجعت الأوهام تتوافد لراسه وصار يحكي:عنجد بتقدر ترجعلي امي لهون؟ بتقدر تجيبها من الجنة؟...جيبها جيبها الله يخليك بعطيك شو ما بدك

نقز حازم بسبب صوت عماد وهو بصرخ:رجعلي اياااااهاااا

حازم:عماد شو صرلك؟...مع مين بتحكي؟...عماد...احكيلي شو مالك؟

للأسف ما كان في جدوى من أسئلة حازم لعماد...لانه ما كان على لسانه الا رجعلي اياها...عالسريع طلع نادى الدكاترة...اجت صفاء تفوت وما رضيوا

صفاء:بس انا دكتورته النفسية والمشرفة على حالته بالمستشفى

الدكتور:ادخلي معناته
.....
وعند جاك بالشركة

راغد:شو جاك بدك ترجع توديله حد الليلة؟

جاك:لأ عمّو...ما بدنا حد يشك فينا خليه ليهدى الوضع شوي

راغد:ممتاز...وشو أخبار آخر مناقصة

جاك:كسبتها طبعاً

راغد~حط ايده على كتف جاك~:هدا هو ابني

جاك:شوف عمو صح انا بحبك وبعزك...بس كمان بدي أعرف مين أبي ما بدي اضل مجهول الهوية بدي اتسجل على اسم ابي...لانه انا تعبت

راغد:هيك يا جاك...ماتوقعتها منك...بس تحط عقلك براسك وتراجع حالك احكي معي

حكى هالكلمتين اللي عصبوا جاك زيادة لإنّه تعب من وضعه...وطلع وخبط الباب

......
وبغرفة أنجيل

حكتلها سالي كل شي صار من لما اخذت شهادة ميلاد جاك الاصلية لحد ماراحت عند زكريا وسمعت اللي حكاه

سالي:بصراحة أنا حابة يكون عندي أخو من نفس الأبو بس صعب نلقاه

أنجيل:وإيش رأيك إنّه الحل عندي

سالي:عن جد انجيلا؟...شو هو طيب؟

أنجيل:بس لازم يكون معنا جاك كمان لحتى نحل القصتين ويكون النجاح حليفنا...ورح نجيب اخونا لهون لحتى يوخذ حقه

#للرواية_بقية

#للرواية_بقية
#بقلم_يمنى_عفيفالجزء الثاني عشر
@rwayate
#بقلم_يمنى_عفيف

سالي: طيب احكيلي شو الحل؟

أنجيل: أول إشي بدك تعرفيه إنّه عندك غباء مستفحل

سالي:مش رح أجاوبك لإني محتاجيتك...وهسا تفضلي احكي

أنجيل:مش حكيت ِ إنه دخلت ممرضة وحكتله عماد حاول ينتحر...بالتالي اكيد عماد حيكون مريض بهالمستشفى واخونا مريض نفسي...واللي بأكد على انه مريض بالمستشفى انه اتصل بعمو حازم وحكاله ابن اخوك حاول ينتحر

سالي:آه والله كيف ما خطرت ببالي

أنجيل:ببساطة لانك غبية...المهم...ملاحظة بالفترة الأخيرة إصرار جاك على إنّه يعرف أبوه...هالشي بخدمنا ولصالحنا...رح نحكي لجاك انه بنعرف مين ابوه وانك حكيتِ لأبوه عنه وبنوخذه لعنده...فبابا بلتهي هو والمدير شو كان اسمه...اه زكريا...بجاك وبصير الملعب النا لنخطط وندبر جية أخونا لهون...وعمو حازم مخبي علينا وعلى بابا اشي كبير لانه هو الوحيد اللي بعرف عن عماد

سالي: وانا شاكه بإنّه مخبي علينا اشي... والله فكرة فعلاً إنّك إم الأفكار
أنجيل:عشان تعرفي بس...وهسا ما علينا غير نستنى ليروّح جاك...واوعي جاك يعرف عن اخونا...الحيطة والحذر واجب

.....
طلع عماد من المستشفى ورجع على غرفته بمستشفى الأمراض النفسية...حطلّه حازم حراسة على غرفته...وهدد زكريا اذا برجع يصير لعماد اشي...وشرط عليه يكثف متابعته وانتباه الدكاترة والممرضين عليه
.....
بمكتب زكريا

زكريا:حازم بصراحة انا بدي إياك بموضوع ضروري بهمك كثير

حازم:بخصوص شو؟

زكريا:بخصوص صفاء

حازم:رجعت وقعت حالها بمشاكل وبدك إيّاني أطلعها منها؟

زكريا:لأ لأ...بس صفاء بتلعب بلعبة رح تخرب على أخوك راغد كثير أشياء

حازم~وركز انتباهه بحكي زكريا~:احكيلي لشو قاعدة بتخطط؟

زكريا:بدها تقدم شكوى للنيابة على أخوك راغد

حازم:شو اللي بتحكي فيه؟...بدي أعرف كل شي

حكاله زكريا كل شي بالتفصيل الممل...وحازم صارت النار تطلع من راسه...زكريا حكاله لحتى يبعد بنت اخته عن الخطر... لانه ما حد رح يقدر يوقفها عند حدها غيره

.....
حازم:هسا بتناديها لهون...بدي أحط حد لهالقصة

زكريا:يلا رح اتصل فيها...بس ما تهددها لانه هي لما تتهدد بتعند اكثر

حازم:طيب خليها تيجي وما عليك

بعد دقايق اندق الباب ودخلت صفاء اللي كانت عند عماد تفاجأت لما شافت حازم عند زكريا

صفاء:السلام عليكم

حازم وزكريا:وعليكم السلام

قعدت صفاء عالكرسي بعد ما حطت الصندوق اللي فيه كل الادلة والاثباتات على مكتب زكريا

حازم:موضوع الشكوى ورفع ملف للنيابة انسيه

صفاء:ليش ؟...هو كمريض عنا لازم نسعى لنوخذله حقه من اللي ظلمه

حازم:بالله؟...وبأي قانون بتعاقب حد ما عمل شي ؟

صفاء:بكل قوانين العالم ...لما يكون معي دليل على انه هو اللي مودي اللي عملوا العملة

حازم:كلمة وحدة ...الشكوى ما حتتقدم ...وهدا آخر حكي عندي ...زكريا ملف عماد بنسحب من تحت ايد صفاء...بتلقالي اي دكتور او دكتورة ما بعملوا مشاكل يشرفوا على حالته وعلى علاجه ...تمام؟

زكريا:زي ما بدك حازم

صفاء:لأ الله يخليكم خلوني انا المشرفة على حالته

حازم:ما بلزمني ناس مشكلجية تشرف عليه

صفاء~بذكاء~:وبصفتك شو وشو صلة القرابة بينكم لتصدر هيك قرارات؟

حازم~ارتبك~:ما دخلك

صفاء:ممم...معك حق يا حازم العطار...ما دخلني...وانا بحكيلك براحتك بدك دكتور ثاني لعماد ما في مشكلة بس عطيني يومين ثلات اسجل كل شي بتعلق بحالة عماد بالفترة اللي كان فيها تحت إشرافي ...والادلة ما بدي اياها ...وشلت فكرة الشكوى من راسي...بس حابة احكيلك اشي قبل ما اروح...الله لا يسامحك على كل شي عملته وكان سبب بتدمير عماد ....بيباي

مشت بشموخ لبرا والدمعة بطرف عينها ...هي عارفة انه لو قدمت الشكوى احتمال كبير حازم ينقل عماد لمستشفى ثاني....ويمكن ما يعرفوا يشخصوا حالته وتتدهور اكثر....لهيك قررت تسكت وتختصر حتى لو ماكانت المشرفة على حالته ....عالاقل ببقى تحت نظرها....خصوصاً انها بتعرف الكفاءات اللي بالمستشفى ...سمعت صوت الاشرطة بتتكسر والورق بتمزع...خبت قهرها جواها وكملت مشي لوجهتها

.......
عند ريف

بتحكي عالتلفون وهي قلقانة وخايفة حد يسمعها

ريف:ألو عمو ...أنا 10 دقايق وبكون بالحديقة

حازم:ماشي حبيبتي رح تلقيني هناك

........
ببيت نسرين

روحت معصبة بعد ما سمعت قرار صفاء...كان نفسها تدخل تقتل حازم وزكريا فوقه اللي ما قدر يوقف بوجهه....بس ما خلتها بنفسها ....وقبل ما تروح جابت قطعة حديد وبحذر شديد خوفا من انه تصيدها الكاميرات مشت من جنب سيارة حازم وخشطتها من اولها لاخرها...شفت شوي من غليلها

نسرين:حازم الغبي....لا وبالآخر يطلع عمه ...والحيوان راغد أبوه وتاركه مرمي للزمن ...ناس حقيرة

اخيرا بعد ما تعبت قد ما سبت على راغد وحازم لبست بجامتها وقعدت تفكر...تمنت لو ابوها ما افشالها هالسر قبل ما يتوفى وتركها على عماها...والامانة الثقيلة اللي حملها اياها

......
بغرفة جاك

الجزء الثالث عشر
@rwayate
#بقلم_يمنى_عفيف

.....
ببيت عتاب

فتحت ريف الباب بالمفتاح اللي معها...دخلت هي وعمها...قعد بغرفة الضيوف...لحتى تروح تحكي لامها انه معها...كانت زي الفراشة بتتنقل من زاوية لزاوية...أخيراً حطت رجلها على أول الطريق لتحقق حلمها...نزلت عتاب من فوق وحكت بتعب:السلام عليكم

حازم:وعليكم السلام ....

عتاب:كيفك ابو رامي

حازم:الحمد لله منيح

عتاب:ريف يا ريف...اعمليلنا فنجانين قهوة

ريف:حاضر ماما

......
وبالمستشفى

قاعدة صفاء بالأرشيف تحت ودمعتها على خدها وهي بتعبي ملاحظاتها بملف حالة عماد...لتشوفهم الدكتورة اللي رح تستلم مكانها....هربت دمعة سريعة من عينها...لتنزل على ايدها اللي بترجف وهي بتتذكر قعدتها وحكيها مع اللواء...ومعرفته لشخصية عماد الغريبة
......

فلاش باك لوقت زيارتها لحازم بالقسم ....

......

صفاء:احكيلي كل شي عن عماد...تصرفاته الغريبة...شخصيته الغامضة...المزيج العجيب اللي بتكون منه

حازم:أنا ما بعرف كيف وليش عماد هيك...بس اللي متأكد منه إنه عنده نوع غريب من الذكاء ...عمل منه مجرم ومريض مع بعض...بحس الطيبة غالبة عشخصيته...طيب كثير...تصوري مرة سرق بنك وهرب بسيارة...شاف وحدة معها طفلة ومبين عليهم الفقر....خاطر بحياته... نزل قدام الشرطة عطاها كيس من اللي معه...ولما مسكته الشرطة...رجع لوعيه نوعا ما وطخها باجرها...لانه اعتبرها السبب بمسكته ....بس زي ما حكيت الطيبة دايما غالبة على شخصيته ....

صفاء:بصراحة حالته معقدة

حازم:كثير مش شوي...بس حاولي خلال العلاج تلتمسي وتركزي على جانب الطيبة فيه ورح ينحل كل شي

صفاء:بس اشخص حالته ان شاء الله...اخذت من وقتك كثير شكرا كثير

حازم:عفوا

.....
بااااك

رجعت لواقعها ولاول مرة بتزعل لما حد يستلم حالة مريض بدالها...كملت وصف الحالة من وجهة نظرها حسب ملاحظاتها...ومع الاستشهاد بشوي من حكي اللواء حازم

......
ماشي عماد بالممر مع اخلاص...سمع صوت غريب جاي من مكتب زكريا

عماد:اروح نشوف...شو جوا..اقعد...نحكي سوا

اخلاص ما فهمت بس حاولت تجاريه:بدك تدخل جوا؟

عماد:بدي...اه

حستها اخلاص فرصة لتخلص من عماد وتروح تطق حنك مع الممرضات لهيك حكتله:طيب ادخل بس ما تحكي لحد انه انا كنت معك لانه ممنوع

عماد:طيب

.......
دخل راغد عالفيلا وصوته برعد رعد:جاااااكلييييين يااا جااااكليييين

اجت جاكلين من المطبخ وبايدها كاسة عصير:شـــ...شو

راغد~لسا بصرخ~:جاااك وييين؟...ليش ما داااوم اليوم؟...وشو لزووومها هالحركات؟

جاكلين:اي حركات؟

راغد:حااااط ورقة استقالته عمكتبي

نزل جاك من فوق بكل برود أعصاب وحكى بنبرة استفزت راغد:خير عمو شو في؟

راغد:شو هدا اللي عملته؟

جاك:ليش أنا شو عملت؟...مليت من شغلك وبطلت بدي إيّاه

راغد~هدي شوي~:وشو السبب؟

جاك:طالما انت رافض تحكيلي مين أبي الحقيقي ومعيشني بأحضان المجهول وانت وماما كل واحد فيكم برميني للثاني ما الي حاجة بهالشغل

راغد:طيب معناته على حسب وصفك انك عايش بأحضان المجهول اقل ما فيها كنت عايش معزز مكرم بأحضان المجهول بس هسا رح تعيش بأحضان المجهول ذليل...بيتي بتعذرك...وبوعدك اخلي هوية ابوك غصة بقلبك

جاك:ضحكتني والله....على فكرة اغراضي صاروا برا بالتكسي...وكل بطاقات الائتمان والتلفون اللي منك و مفاتيح السيارة بتلاقيهم فوق...كلمة أخيرة...العشرة ما بتهون الا على ولاد الحرام

طلع جاك وهو شايف الشر بعيون راغد وعصبيته على اخر كلمة حكاها...انقهر كثير...وجاكلين بقيت وراه والدموع بعيونها...هه...اكيد ما رح تبديه على زوجها اللي عظمه ذهب

بعد ٧ دقايق دخل حازم عالفيلا وهو معصب كثير واول ما شاف راغد قدامه صار يصرخ:اااااانت كيييييييف بتعمل هيييك عملة؟؟...شو المصييييييبة الللي عملتها؟...كييييف بتخلي العصاااابة الزفت تبعتك تعطي عمااااد حقنةةةة مخدرااات....ربناااا بحببببككك انه الكمية قليلة وبتطلع من الجسم بظرررف 24 ساعة

راغد~رجع يصرخ~:اسسسمع حاااازم اااناااا مش ناقصك حرررر اناااا هدااا مجرم نصاااب حراااامي بدي اعاااقبه عاللي عمله فييه

حازم:في ابووو بعمل هيييك عملة بااابنه...بححححقن ابنه بمخدراات

راغد~بضحك بمسخرة~:بالله بتحكي جد؟...كيف ابني وهو اسمه عماد الهاشم وانا اسم ابني عماد العطار؟

حازم:ولللك ابننننك انااا كنت عاملله اوراااق باسم مزووور ليقدرررر يكمل حياته بعيد عنك

راغد~ارتخى عالكنباية~:كيف؟

حازم:اللي سمعته...وهيه مرمي بمستشفى الامراض النفسية والعقلية...وكانت دكتورته رح تشكي عليك مع الاثباتات انه الضرب اللي انضربه مش بفعل فاعل بفعلك انت لولا انا اتصرفت بالموضوع

راغد:بدي اعرف كل القصة هسا

.......
زكريا:دكتورة تقوى انا استدعيتك لابلغك انه حالة عماد حتصير تحت اشرافك من اليوم وطالع

تقوى:بس يا دكتــ...

قاطعها زكريا:ولا بس ولا غيره...انا ناديتك لاعطيكِ خبر بالموضوع مش عشان استشيرك

تقوى~تضايقت~:ماشي دكتور...بالاذن

#للرواية_بقية
#بقلم_يمنى_عفيفالجزء الرابع عشر
@rwayate
#بقلم_يمنى_عفيف

اجت جاكلين اللي كانت تبكي على ابنها بعد ما سمعت صوت الارتطام بالارض...شافت راغد بالارض وصارت تصرخ:رااااااااغد ياااااا رااااااغد

على اثر صراخها اجو الخدم وعالسريع طلبوا الاسعاف و اخذوه عالمستشفى...اما جاكلين ما قدرت تطلع معه...ضربت عينها عتلفون راغد اللي عالأرض...طالته واخذت شنتتها بسرعة عن الكنباية وطلعت...وهي ماشية للسيارة انصدمت من الصورة...لعنت غباء بناتها...ومن داخلها انبسطت انهم خلو اخوهم يعرف ابوه...بس خوفها على زوجها كان اكبر من كل شي

.....

......
وعند حازم

رن تلفونه وكانت جاكلين

حازم:اه جاكلين...كيف؟ لا بتمزحي...طيب هيني جاي بس وديلي اسم المستشفى...طيب كيف صار هيك بدي اعرف؟

جاكلين~بتبكي~:الغبية سالي اتفقت مع انجيلا وجاك واخذوه عرفوه على ابوه...وبتروح سالي بتصور ابوه وهو حاضنه

حازم:جاك وزكريا مع بعض؟...كيف صار هيك؟

جاكلين:ما بعرف وانا مستغربة كيف عرفوا لانه اصلا ما حد بعرف جاك ابن مين غير انا وانت وراغد

حازم:هالموضوع مش وقته هسا...روحي وهيني جاي

جاكلين:ماشي

.....
يادوب سكر الخط مع جاكلين..اتصلت فيه ريف...مافهم عليها شو بتحكي...لانها كانت تبكي وتشهق

حازم:اهدي وفهميني القصة

ريف:عــ...عمو...ماما تعبت واترفع ضغطها وغابت عن الوعي... الله يخليك تعال وجبلها دكتور بتصل على خالو تقي تلفونه مسكر

حازم:ماشي...إنتِ لا تقلقي هسا باجي

ريف:مع السلامه عمو...ما تطول

حاز:لا حبيبتي ما رح اطول

كانت ميسون بغرفة الغيار بتكتم شهقاتها بعد ما سمعت مكالمة حازم مع ريف وهو بحكيلها حبيبتي لانها هي ما بتعرف عن موضوع ريف وعتاب...قررت ماتبينله انها بتعرف بالموضوع...وتلحقه لتعرف وين رح يروح

اما هو...فكان بين نارين...مش عارف شو يعمل يروح لعند راغد اخوه مهما صار...والا يروح لعند ريف اللي ما الها غير هو بعد الله...بعد تفكير سريع...قرر يروح عند ريف...لانه راغد الكل عنده وحواليه...اما ريف ما حد عندها...ولو صار لامها اشي رح تنهار وتتدمر

.....
سالي:شوووو بتحكي رويدة؟

رويدة~الخدامة~:هدا اللي صار وهسا نقلوه عالمستشفى

سالي:كيف صار هيك طيب؟

رويدة:بحكو انه وصلت رسالة عتلفونه بس شافها وقع بأرضه

سالي:طيب رويدة بتعرفيلي هو بأي مستشفى؟

رويدة:هسا بسأل وبحكيلك

سالي:ماشي

سكرت سالي التلفون ومباشرة سألتها أنجيل:شو في؟

سالي:أنا غبية

جاك:ما اختلفنا انك غبية بس شو صاير؟

سالي:رحت صورتك انت وعمو زكريا ووديت الصورة لبابا وبسببي دخل المستشفى...أنجيلا...شو بدنا نعمل؟

أنجيل:هسا جاية تسأليني؟...قبل ما تتصرفي اشي استشيريني...امشي قدامي

جاك:صح تقاتلنا وطردني بس كمان ما بنكر فضله علي هو اللي رباني...خلونا نروح لعنده

سالي:ها...هي ودتلي رويدة المستشفى...مستشفى الإيمان...يلا خلونا نمشي

زكريا:جاك ابني...استنى بدي آجي معكم

جاك:يلا بابا

أنجيل:تفضلي قدامي يا منبع المشاكل

......
بمستشفى الامراض النفسية والعقلية

دخلت تقوى عند عماد...وهي راسمة ابتسامة حلوة على ثغرها...من جواها خايفة من ردة فعل عماد...لانه تعود عصفاء...وكان دايما يسأل عنها لما تغيب عنه شوي

تقوى:مسا الخير يا حلو

عماد:وين صفاء

تقوى:صفاء ما حتقدر تيجي عندك هالفترة لانه عندها ظروف

عماد:ماااااا بددددي اياااااكِ بدددي صفااااء

كالعادة اخذ ابرة مهدئ ونام بعد ما عجزت معه تقوى

.....

وعند عتاب

ريف:عمو يعني ماما ما فيها اشي

حازم:لأ ما تقلقي بس ضغطها ارتفع لهيك غميت

ريف:ماشي عمو شكرا

حازم: ما تشكريني حبيبتي هدا واجبي...يلا عن اذنك لازم اروح...بس ها...ما تنسي تعطي امك ادويتها بموعدها

ريف:لا تخاف عمو...ما توصي حريص

ضمت حور حازم وهمه عالباب وباست راسه...مشى حازم وابتسامة خفيفة على ثغره ...مشى لعند الحديقة واتصل بالشوفير...وعيون بتراقبه والوجع باين فيها...والشهقات بتنبلع بلع...لحتى ما ينتبهلها

.....

نسرين:صفاء صفاء...قبل ما تقومي تعملي اشي عرفت ِ آخر خبر؟

صفاء:لأ شو في؟...احكيلي

نسرين:راغد جاييته جلطة عالقلب وهو حاليا بالمستشفى...والسبب مجهول والصحافة مالية المكان

صفاء:بستاهل...ربنا جازاه

.....
بالمستشفى

أنجيل~بهمس~:بعرف الحكي اللي رح احكيه مش وقته...بس لازم ينحكى

سالي~بنفس الهمس~:احكي

أنجيل:مش انتِ حكيتيلي مرة انه صار خربطة بتحليل الدم تبعك وتبع شخص اسمه عماد الهاشم وبالصدفة كنتِ مصورتيه وموديتيلي اياه عشان يضل عندي اذا احتجتيه

سالي:طيب وشو استفدنا من كل هالحكي؟

أنجيل:زكريا بكذب علينا ما بعرف شو مصلحته من الكذب...لانه لما دققت بالفحص اكتشفت انه بتحملوا نفس فصيلة الدم و ال DNA نفسه

سالي:بس يطلع بابا بالسلامة لازم نكمل شغل عهالموضوع لنثبت انه أخونا

......

#بقلم_يمنى_عفيف
@rwayate
الجزء الثامن عشر

#بقلم_يمنى_عفيف

ببيت حازم
الكل موجود

جاكلين...أنجيل...سالي...ميسون...رامي...هنادي...تقي...صفاء...نسرين...جاك...زكريا...حازم...راغد...اما عماد وجهاد وزهور ضلوا في السيارة

.....

ميسون:بدي اعرف هسا لشو كل هالقصص هاي حازم؟

حازم:يا جماعة كل واحد فيكم يركب سيارته ويلحقني لعند ما بدي اروح لتعرفوا كل شي

راغد:حازم لشو العمايل هاي احكي وريحنا

حازم~وهو ماشي للباب~:وانا حكيت اللي عندي...اللي بده يعرف يلحقني واللي ما بده القرار برجعله

توجه حازم لباب البيت وطلع...وهو كلّه ثقة انهم كلهم رح يلحقوه ليعرفوا الحقيقة والشي اللي مخبا من سنين...لانه هو بعرف انه كل واحد فيهم بهمه طرف من اطراف هالقصة...وبالفعل ما خاب ظنه وكلهم لحقوه بسياراتهم

......
بعد ساعة ببيت عتاب

ريف:تفضل عمو

حازم:ادخلوا جميعكم

دخل حازم ودخل الكل وراه وهمه مصدومين مين هالصبية هاي

.....

حازم:اسمعوني منيح...رح اعرفكم على بعض وبعدها رح احكي القصة كلها ورجاء ما حد يقاطعني

راغد~بصدمة من شوفة عتاب~:طيب خلصنا يلا

حازم:ميسون زوجتي...رامي ابني...هنادي بنتي...راغد اخي

كان الكل مستني حازم يكمل ويحكي جاكلين زوجته بس انصدموا بحكيه

حازم:عتاب زوجة راغد الأولى...وولاده منها...ريف ونسرين وعماد...جاكلين زوجته الثانيه وبناته منها...سالي وأنجيل...
...زكــ

ما كمل حكيه لانه جاكلين وقفت وصارت تصرخ:كيييف يعنييي هاي الشرشووووحة مرته اااه فهمني كييييف؟

صوت كف راغد على وجهها سكتها ما قدرت تحكي اشي

وتدخل حازم:يا جماعة اهدو وخلوني احكي...زكريا وابنه جاك اللي بتكون جاكلين امه...زهور وتقي...ام عتاب واخوها...جهاد الدكتور الجديد بمستشفى زكريا وابن تقي

راغد:عتاب كيف عايشة؟

حازم:اسكت لاحكي القصة كلها من الاول...من سنين طويلة حبوا عتاب وراغد بعض...بس للاسف القدر كان اله رأي ثاني لانه كانت البنت لابن عمها...بس همه تحدوا القدر وعارضوا كل شي ليكونوا مع بعض وهربوا...بعد بفترة مل راغد من عتاب واشتاق لحياة الترف والرفاهية خصوصا انه كان بدرس كمان لحتى شاف جاكلين وصار اللي ما كان بالحسبان

فلاش باااك

راغد:عتاب يا عتاب قومي اجهزي وجهزي ولادك لاوخذك عند اهلك

عتاب:راغد انجنيت والله بقتلوني انت بتعرف انه لو شافوني رح يقتلوني

راغد:ما تقلقي...قد ما كان بضلوا اهلك وبتضلي بنتهم...وما رح يعملولك اشي خصوصاً انهم شايفين ولادك معك وبطنك قدامك

عتاب:ماشي...انا رايحة اجهز حالي

للأسف عتاب صدقته بدون ما تعرف شو نواياه...راغد كان شايف جاكلين وعجبته وما فرقت معاه انها مطلقة وعندها ولد ومسيحية...والطريقة الوحيدة ليخلص من عتاب هي انه يودّيها لأهلها لانه عارف انه مصيرها القتل

.....
بعد يومين

راجع راغد عالبيت من المحكمة ومعاه جاكلين...اما عتاب كانت عند أهلها مجرورة للموت

عتاب~بتصرخ~: بعدووااا عني اتركووني مشاان الله والله ما عملت شي

أبو عتاب: اخررررسي يا حيوانة حطييتِ روسنا بالطين...يا تقي يا حازم...تعالوا انتو رح تقتلوها هي وبنتها

تقي:يا بابا شو ذنبهم ولادها؟...عاقبها بأي شي إلا الموت

أبو عتاب:انا حكيت بنتها...اما ابنها اهل ابوه بربوه

للأسف استسلموا تقي وحازم للأمر الواقع ودخلوا عتاب وريف عالكوخ اللي رح يحرقوهم فيه...لف تقي من الجهة الورانية وفتح لعتاب الباب

تقي~بهمس~:ديري بالك عحالك اختي...وانتبهي لا حدا يشوفك روحي استنينا بالمغارة اللي عند النّبع

عتاب~بتبكي~:ان شالله بس ما تتأخروا

تقي:لأ ما تخافي ما رح نتأخر

طلعت عتاب وهي حاملة بنتها وبتمشي بصعوبة بسبب حملها خصوصاً انها فشهرها الاخير...اما تقي اشر لحازم اللي حرق الكوخ كله

.....
حازم~بهمس~:شو صار تقي؟

تقي:مشت الامور زي ما خططنالها

حازم:معناته انا هسا لازم امشي وين عماد؟

تقي:هسا بجيبه

حازم:جيبه...وروح انت عند عتاب

.....

حازم:الو راغد...مرتك ماتت

راغد~ببرود~:شو!؟

حازم:ما تفكرني مس عارفة مخططك الوسخ...خطية ولادك برقبتك ريف واللي ببطنها انحرقوا...وعماد معي رح اوديه عالميتم...الله لا يسامحك

راغد:الله يرحمهم...يلا مع السلامة

.....

بعد أيام

كان عماد بالميتم...وشوفة امه واخته بنحرقوا قدامه...سببتله مشاكل كثيرة...صار يتعلم التجارة بالمخدرات والممنوعات

......

ولدت عتاب وجابت بنت

عتاب:سموها نسرين...زي ما كنت حابة انا وراغد واصدرولها شهادة ميلاد باسم ابوها الحقيقي...ودوروا على اي حدا بده يتبنى طفل وعطوه اياها...ما تناقشوني بهالقرار وخلص

ما رق قلب عتاب لهالصغيرة وحالها...ما بدها كمان طفلة تتعذب معها زي ريف طفلتها اللي عمرها سنتين لهيك قررت تضحي ببنتها على امل يكونوا اللي بدهم يتبنوها ناس مناح يوفرولها حياة منيحه

.....
اما راغد ما همه الخبر اللي سمعه ونسي حب طفولته وصباه بسرعة

راغد:جاكلين يا جاكلين

جاكلين:نعم راغد

راغد:هي شهادة ميلاد جاك اللي نسبته فيها الي جاهزة...هاي الورقة شهادة ميلاده الاصلية مش لازم تطلع بلا ما انا احكي مفهوم؟...ولا هو لازم يعرف مين أبوه الحقيقي

جاكلين:ماشي

.....
بقيت عتاب مع ريف بالبيت المهجور بهالمنطقة المهجورة...تعذبت كثير ومرت عليها ايام وليالي سودا لانه ما حدا بعرف عن وجودهم غير تقي وحازم اللي كانوا يطلوا عليهم كل يوم...اما نسرين كان حازم يودي لاهلها اللي تبنوها مصاري ليصرفوا عليها وهي اشتغلت بنفس المستشفى اللي فيها اخوها بتدبير حازم

.......
باااااك

حازم:وهي حكيتلكم كل القصة

زكريا:وعماد كيف هرب؟

جهاد:انا...انا خططت لكل شي بعد ما حكالي بابا القصة كلها وهربته بالليل ورتبت لكل شي وكل تصرفاتي كانت مدروسة

راغد:شياطين انتو شياطين

عتاب:ما حدا شيطان غيرك...الله لا يسامحك

نسرين:كل اللي صار فينا وتشتتنا بسببك

راغد:بكفي خلص...انا ما اخترتلكم هالحياة

ريف:لا انت وبسبب انانيتك صار فينا هيك لانه همك بس الدنيا وتوخذ اللي بعجبك
@rwayate
جهاد~بصرخ~:عمتي...عمتي....اتصلوا بالاسعااااااف...والله لاموتك ياااا رااااغد اذااا بصير لعمتي اشي

ريف:اميييييييييي

نسرين:الله لااااا يووووفقك ياااا راااغد

لف عماد ورا راغد وفجأة طلع صوت راغد:اااااااه

#للرواية_بقية

الجزء التاسع عشر
@rwayate
#بقلم_يمنى_عفيف

بعد ساعتين بالمستشفى

الدكتور:ما تخافوا نزل ضغطها للمدام عتاب مش اكثر

زهور~برجاء~:الله يخليك يا دكتور اذا مالها اشي احكيلنا

الدكتور: لأ خالتي ما فيها اشي ما شاء الله عنها

زهور: الحمد لله

.....
حازم: دكتورة كيف وضع راغد بيك؟

الدكتورة:تداركنا الوضع بس كمان للأسف رح يكون عنده عرجه برجله اللي انضرب السكينه فيها لانها اجت بطرف الوتر

.....

بعد اسبوع

انتشرت قصة راغد كلها بالمجلات والجرايد ومواقع التواصل الاجتماعي وانفضح... كثير من المستثمرين فكوا شراكتهم معه... بدت امواله تقل... وعماد ما تحاسب لانه معروف انه مش بكامل قواه العقلية... وعرف راغد خطية عتاب وولادها

....
ببيت تقي

جهاد: يمكن الوقت مش مناسب بس هالاجتماع كان لازم يصير من زمان... عماد حالياً رامي عندي بالمستشفى لاني فهمته كل شي لاقدر اوضحلكم حالته لانه انتو باللي صار من كم يوم عقدتوا الموضوع اكثر...وانتو يا دكاترة المستشفى القديرين عجزتوا تشخصوا مرض مبين وواضح

عتاب:جهاد يا ابني الله يخليك فهمني لاني تعبت لحتى لقيت ابني بدي اعرف كل شي

جهاد:عماد بعاني من الشيزوفرينيا او انفصام الشخصية

راغد~بمسخرة~:وشو اسباب هالمرض يا دكتور؟

جهاد: من هالاسباب الجو الاسري لانه الاسرة شي اساسي بحياة الشخص وعالاغلب بتبدا اعراض المرض بالظهور بسن المراهقة والخلافات اللي مش متزنة بتسبب المرض وكمان في علماء حكو انه في نسبة قليلة من هالاصابات بتصير بأسر مش مضطربة... وما شاء الله عنك يا راغد بيك... ما خليتله لو جزء بسيط من الاسرة

راغد: كمل خلصني بدون حكي زيادة

جهاد:انا بحكي عشان عمتي مش عشان واحد زيك... وكمان
في عامل مساعد للاصابة بهالمرض... العلاقة بين الطفل وامه واذا انحرم من حنانها رح يتأثر بشكل سلبي...حتى لو كان اله اخوة ومروا مع بعض بنفس التجربة بس الاقرب والاكثر تعلق بامه بتأثر اكثر اشي... عدا عن انه الوراثة بتلعب دور لما يكون في حد بالعيلة معه هالمرض رح تلعب الجينات دورها...انا حكيتلكم الاسباب اللي عالاغلب هي سبب اصابة عماد


عتاب: طيب شو عرفك انه عماد بعاني من انفصام الشخصية؟

جهاد: الأعراض...منها الاوهام بتوهم مثلا انه انا بدي اقتله او انه زي ما حكت دكتورته توهم انها زوجته...غير هلوساته بانه حدا رح يحرقه...التفكير غير المنتظم اللي بنستدل عليه من الحديث غير المنتظم بصير يحكي حكي ما اله علاقة بالموضوع ويسأل اسئلة غريبة... وهالاشي يطلق عليه سلطة الكلمات

حازم: كم بده فترة علاج؟

جهاد:مدى الحياة...انفصام الشخصية مرض ما إله علاج

عتاب:كيف؟...لا لا يا ربي

جهاد:عمتي هدا الواقع...بس مع العلاج بتخف حالته

عتاب:طيب كيف بكون الشخص عشان نعرف كيف نتعامل معه

جهاد:بظهر بأكثر من شخصية وبناء عمراقبتي لعماد تبينلي انه بظهر ب4شخصيات:الطيب...المجرم...الحرامي...الكذاب

عتاب:يا ابني بدي تعالجه منيح ما الي بهالدنيا غيره هو وخواته

راغد:وانا وين رحت؟

جاكلين~مصدومة~:راغد انت عارف حالك شو بتحكي؟

راغد:اللي سمعتيه

عتاب:لا ما حزرت...تركتني من سنين وكنت بتعرف انهم حرقونا وما رفلك جفن...ورقتي بتوصلني...جاكلينا او مش عارفة شو اسمك...ما تخافي انا ما برجع للناس اللي بتتركني

.....
بعد 5 شهور

ريف:ماما شو بتعملي؟

عتاب:بجهز بطلبية المعجنات

ريف:يعطيكِ العافية...جهاد بده يجي يتغدى وبعدها نطلع

نسرين:ليش هو كل يوم مداوم عنا؟

عتاب:بس يا بنت...عيب عليك ِ هالحكي...بعدين رامي لسا مبارح كان هون

دخلت ريف عالغرفة وطلعت بعد شوي

ريف:بطل بس حكيتله انه طالعين
......
صارت تغيرات كثيرة خلال هال5شهور

عماد بالمستشفى بتعالج وبستنى تنقضى محكوميته ليطلع...عتاب اتطلقت من راغد...وشرت بيت سكنت فيه هي وبناتها...وصارت تمارس موهبتها بالطبخ والحلويات ليصرفوا على حالهم لجانب الراتب الشهري اللي من حازم... جهاد خطب ريف...ورامي خطب نسرين...حياة مستقرة نوعا ما بعد اللي شافوه...بس لسا نسرين عندها خجل من عتاب...لإنها ما كانت تعرفها وتعرف إنها امها

.......
الساعة7 المغرب

اتصلت أنجيل بريف

ريف:كيفك أنجيلا ؟

أنجيل~بتبكي~:ريف الحقيني تعالي عالمستشفى ما الي غيرك

ريف:شو صاير؟

أنجيل:سالي وبابا عملوا حادث سير

ريف:رح آجي أنا ونسرين عشان سالي مش عشان اللي اسمه راغد

.....
ريف:يلا نسرين...راغد وسالي عاملين حادث

نسرين:والمطلوب؟

ريف:بدنا نروح عشان سالي مش عشانه

نسرين:اذا هيك ماشي...خلينا نقوم

.....
بالمستشفى

أنجيل رامية حالها على كتف نسرين

اما ريف بطبيعتها الحساسة حنّت على ابوها وبقيت تمشي بالممرات وهي بتحاول تمسك دموعها وما تخليهم ينزلوا

#بقلم_يمنى_عفيفالجزء العشرون ~الأخير~
@rwayate
#بقلم_يمنى_عفيف

جاكلين: مصنع النسيج افلس... كل الاحداث اللي صارت غبنا فيها عن المصانع والشركات... انسرق المصنع وافلس

نسرين: مبروك

ابتسمت ابتسامة شماته لجاكلين.. ولفت طلعت من الغرفة

بالممر

نسرين: يلا ريف

ريف: استني خلينا نتطمن على بابا

نسرين: ريف على مين بدك تتطمني عاللي عرف انكم انحرقتوا وما همه والا عاللي زتك كل هالسنين... امشي قدامي

امتثلت ريف لأوامر نسرين... مع انه ما الها خاطر تروح...كانت حابة تبقى عند أبوها وأختها

.....
بالبيت

ريف: شو ماما ما بدك تسألي عن بابا

عتاب: راغد عبارة عن ماضي ما إله قيمة بالنسبة الي... يروح وين ما يروح

ريف: ما توقعت قلبك قاسي هيك

عتاب: ما بدي اسمع ولا نفس... أبوكم وما بمنعكم تشوفوه بس انا ما تيجو تحكولي اي اشي عنه لانه ما بهمني

.....
ميسون: شو حازم كيف صار راغد

حازم: أحسن من أول...هنادي وين؟

ميسون: طلعت عالمستشفى لحتى توقف مع أنجيلا

حازم: طيب سلام

.....
زهور: وين رايح يا تيتا؟

جهاد:عند عماد

زهور~بتضحك~: عند عتاب والا عند ريف؟

جهاد:تيتا بحكيلك عند عماد

زهور:طبعا رايح ما هي عتاب بدها تزور ابنها هي وبناتها

.....
مرت أيام وأيام كثيرة... راغد بالمستشفى وحالته الصحية بتتدهور اكثر... وخسر مشاريع كثيرة...اما سالي ما فقدت الذاكرة ونبوءة الدكاترة كانت خطأ

.....
جاكلين:راغد جاهز لتطلع

هز راغد براسه ولأول مرة ببكي وبتنزل دموعه

جاكلين:كله لخير حبيبي ما تبكي

راغد: اي خير بإنه يكون عندي شلل نصفي جاكلين؟

جاكلين: يلا خلينا نمشي

.....
ريف: جاهزة نسرين؟

نسرين: ليش؟

ريف: بابا اليوم طالع من المستشفى

نسرين: روحي لحالك انا طالعة مع ماما

ريف: نسرين!!!

نسرين:ريف انا حكيت اللي عندي

ريف: براحتك

طلعت ريف وتركت نسرين بتحكي عنها غبية... اجت عتاب عصوت نسرين اللي مش عاجبها اشي

عتاب:شو مالك؟

نسرين:راحت عنده الحمارة شو بدي احكي

عتاب:هدا ابوكم لو شو ما صار والحق مع ريف

نسرين:احكيلك امي خلينا نقوم نزور عماد احسن

عتاب:طيب يلا

.....
جهاد:احزر مين جاي عندك

عماد:حدا...زار...هو

جهاد:امك واختك

عماد:عتاب..ماشي..عند...هون

جهاد:ادخلوا عمتي

عتاب: حبيبي يا امي اشتقتلك ~ضمته~

نسرين: كيفك يا روحي

عماد: منيح... هون.. تعالوا... كثير... زمان

نسرين:جهاد معلش دقيقة

جهاد:اكيد تفضلي

.....

نسرين: كيف صارت حالة عماد؟

جهاد: الحمد لله تمام منيحة كثير وبتحسن بس زي ما بتعرفي انه ما اله علاج نهائي لازم طول حياته يواصل هالعلاج بس بصير بفترات متباعدة

نسرين: ماشي شكرا

جهاد: وين ريف

نسرين~ضحكت~: راحت عند راغد

.....

ريف:الحمد لله عسلامتك بابا

راغد: الله يسلمك يا بنتي... سامحيني سامحيني عاللي عملته فيكم

ريف: حبيبي بابا انا مسامحتك دنيا واخره

راغد: وامك واختك مشان الله خليهم يسامحوني

ريف: بابا ماما مسامحتك بس لسا مجروحة منك...نسرين كمان مسامحتك بس بتكابر بدها وقت لتصفى من ناحيتك

حازم: اذكر ربك يا راغد وما تضغط عحالك

رامي~بهمس~:ريف وين نسرين؟

ريف: طلعت مع ماما

هنادي~بصوت عالي وهي كاتمة الضحكة~: ريح حالك نسرين مع خالتو عتاب رايحين مشوار

انحرج رامي وما عرف شو يحكي...وتحلف لهنادي اللي احرجته هيك احراج...اما أنجيل وسالي فكانوا فرحانين كثير بقومة ابوهم بالسلامة...دق الباب وفتحت الخدامة ليدخل جاك من الباب:السلام عليكم

الكل:وعليكم السلام

راغد:شو جاي تشمت فيه؟

جاك:اعوذ بالله يا عمي انا فضلك علي ما بنساه من هون لاموت انا جاي اهنيك بسلامتك

راغد:خذلتني وجاي تعمل فيها الحنون

جاك~باس راسه~:حقك علي يا عمي بس انا كمان من حقي اعرف ابي الحقيقي

راغد:الله يسامحنا كلنا يا ابني

جاك~ضمه~:انا عوضت قد ما اقدر من خسارة الشركات والمصانع

....
العمر بمر بسرعة... وما في وقت للزعل... يمكن اللي فوق الارض اليوم بكرة يكون تحتها... ومن هالمنطلق عدل راغد علاقته بجاك وبولاده سواء من جاكلين او من عتاب...

.....
يوم عرس نسرين وريف

عتاب:ماشاء الله...بتجننو

نسرين:حبيبتي يا امي

ريف:الله يخليلنا اياك ِ وما يحرمنا منك

....

خلصت الحفلة ودموع عتاب مش راضية توقف...اما راغد فالكل كان مهمشه لهيك حمل مرته وبناته وروح

عتاب~بتبكي~:نسرين وريف بأمانتكم انا ما طلعت من هالدنيا غير بولادي وما تفكروا تزعلوهم لانه وقتها ما بعرف شو ممكن اعمل

جهاد:اوووه عمتي بتهددي

رامي: مش قليلة يا مرت عمي

حازم:خلص يا جماعة الف مبروك...تفضلوا على بيوتكم وعتاب يلا عبيتك

.....
روحوا زهور وميسون وهنادي مع عتاب

زهور:اسمعي عاد يا عتاب انا مش قادرة اسكت اكثر من هيك...من وقت ما راحوا هالبنات وانت ِ بتبكي كإنه في حدا ميت

ميسون:خالتي زهور معها حق يا عتاب...خلص بكفي كل وحدة راحت مع زوجها لبيتها ولتبدا حياتها

هنادي:انا مع ماما وخالتو زهور بكفي بكى مرت عمو

راجعت عتاب حالها وعرفت انه معهم حق وحكيهم صحيح... ولازم تدعي لبناتها الله يوفقهم... بدل البكى والحكي الفاضي... لهيك مسحت دموعها وقامت عالمطبخ ورجعت و بايديها صحون

عتاب:هنادي حبيبتي روحي جيبي كاسات العصير من المطبخ...هدا الكيك عملته مبارح وما اكلنا منه...يلا خلونا نذوقه

هنادي:وهي انا جيت

ميسون:عنجد شغلك لا يعلى عليه...وشغلك
مرتب...يعطيك ِ الف عافية

.....

جاكلين:شو يا صفاء جاهزة ليجي جاك يوخذنا

صفاء:اه جاهزة...بس خايفه كثير

جاكلين~بتضحك~: ترا ابني مش وحش

بهاليوم عرس جاك وصفاء...صفاء اللي قلب جاك اختارها...وجاك اللي قلب صفاء اختاره...بعد ما عرفت انه حبها لايمن كان مجرد مشاعر عابرة وهي فعليا ما بتكنله اي شي

بصالة العرس

زكريا:الف مبروك يا حبايبي...والله يعينك يا جاك قد ما بدك تحل مشاكل وقصص من ورا مرتك

صفاء:هيك يا خالو ما توقعتها منك

زكريا:بمزح معك حبيبتي انت ِ الخير والبركة

.....
مرت السنين بسرعة وتعب وعذاب وفرح وحزن ومرارة وحلاوة... حسب كل شخص وشو كان مخباله بهالسنين اللي مضو... اجا يوم الافراج عن عماد اللي كان لسا بمستشفى السجن وصار بس بده جلسات عند دكتور نفسي كل شهر مرة...

......
عتاب~بتبكي~: الحمد لله عسلامتك يا امي

عماد: يسلمك... الله

حازم: خلونا نمشي لبيت راغد

عتاب: انت بتعرف ردة فعلي عهالموضوع بالذات

حازم: بكفي عتاب صار لازم تواجهي مخاوفك ومن ضمنها راغد

.....

بحديقة الفيلا الكبيرة تبعت راغد الكل موجود

ميسون وهنادي... نسرين ورامي وولادهم عتاب و حازم...ريف وجهاد وبناتهم التوم آيات وإسراء... زهور وتقي... جاكلين وسالي وأنجيل...وعتاب اللي احت بالاجبار... حتى زكريا كان موجود بطلب من حازم... مع جاك وصفاء وبنتهم جنان

.....

نسرين: حبيبي عماد اشتقتلك

عماد: بعدي بعدي خنقتيني

حكى رامي بمزح: عشان تعرفي انه ما الك غيري وما حد بتحملك غيري

عتاب~بتضحك~:قصدك اذا بتفكر تزعلها بتلاقي كل العيلة لانه كل العيلة معها

نسرين~بتتمسخر عليه~: اه والله يا زوجي العزيز مين الي غيرك

انطلقت الضحكات من الجميع وسط قعدة اسرية مليانة بدفا العيلة والحب منتشر بكل مكان

راغد كان براقبهم من شباك غرفته العالية بالقصر...وهو عارف انه ما حدا افتقده او فكر ينادي عليه...بعد ما كان هو محط انظار الناس والجلسات ما بتكمل بدونه...صار زي كتاب قديم مركون على رف ومغبر لانه ما حدا منتبهله من سنين...سكر البرداية والدموع بعينه ومشى لوسط الغرفة ووقف ليحكي:ربنا يا عتاب اخذ حقك انتِ وولادك مني واكثر كمان...هاي هي العدالة الالهية...كل شي عملته رجعلي...بسرعة...بسرعة كبيرة...ارحمني يارب....ما بقدر اتحمل اكثر...خذ امانتك وخليني ارتاح من كل شي اثقل كاهلي

#انتهت
#بقلم_يمنى_عفيف