طيب..
فاتت اليانا ووراها لايا: مرحبا..
: اهلا وسهلا تفضلوا
اليانا : اهلا فيك.. بدي اسألك على اواعي لصبي بعمر العشر سنين
: تفضلي شوفي هاد القسم..
اليانا : يااي.. شوفي محلاه هاد القميص.. آخدله اياه؟ قلي بحب اللون الاصفر..
يلا حآخده
لايا : متل ما بدك..
طلعت واخدت القميص.. لفت نظر لايا قسم الرجال..وشافت جكيت حلو هناك مشيت لعنده ووقفت قدام الموظف وحكت : لو سمحت.. ممكن تورجيني شوفي الوان من هاد؟
: اكيد..
عندك هيك اسود ورمادي وزيتي وبيج..
هي الالوان المتوفرة
لايا : امممم.. اعطيني البيج..
: اي مقاس؟
لايا: ما بعرف.. اعطيني هاد..
: طيب.. تفضلي
اخدوا الاغراض وطلعوا من المحل..
رن تلفون لايا طلعته من شنتتها وحطته على ادنها : اي قلبي
شجن : لايا تعالي عالبيت بسرعة
لايا : ليش؟ في شي
شجن : في تعالي
لايا: ماما فيها شي؟
شجن : لاا ما رجعت هي تعاليي
لايا: طيب طيب سكري جاية
سكرت شجن الخط …وطلعت لايا ورقة وقلم كتبت العنوان عالورقة…عطت الورقة لاليانا وحكت:اليانا حبيبتي عنا ظرف بالبيت لازم اروح تفضلي هاد عنوان شقتي خدي تكسي وروحي…وانا اسفة مرة تانية
اليانا:لا ولا يهمك
طلعت لايا مستعجلة وبايدها كيس فيه الجكيت اللي شرته لراجح ركبت بالسيارة وطارت للبيت
""""''"""""""''"""""""""""""""
وصلت ونزلت من السيارة بسرعة ركض للبيت
اما جاسم كان بنص الطريق وزعلان من ردة فعل البنات بس ما لامهم وقرر يرجع يحاول…لف ورجع عبيته يحاول مع وسن وشجن
بهالأثناء من نفس المنطقة يلي كان داير ظهره الها اجت لايا..
دخلت عالبيت وبسرعة مشت لعند شجن:شو صاير؟
شجن:بابا رجع
انصدمت لايا…قعدت عالكنباية …حطت راسها بين ايديها وحكت:كيف؟
وسن:احنا زيك ما بنعرف فجأة اندق الباب فتحنا طلع هو
قبل ما تحكي لايا اي حرف اندق الباب قامت فتحت وطلع جاسم…مسكت دموعها وما حكت اي حرف
جاسم~مرتبك~:انت مين؟…بدي وسن او شجن او براء او اذا لايا موجودة
ابتسمت لايا ابتسامة تهكم …مدتله ايدها وحكت:معك المحامية لايا المالك…
تردد جاسم قبل ما يرفع ايده ليسلم عليها…وبس سلم عليها حكى:انت…كيف صرت هالقد
لايا:والله صرت هالقد بتعب وشقى امي وربيت عدموعها اللي روتني مشان اكبر واكون سندها…هه…اذا انا بنتك وما عرفتني…بس معك حق 10 سنين مع لانا غيروك وغيرونا…بالجوهر وبالمظهر...
صرت الصبية لايا والمحامية اللي بتنرفعلها القبعات...
بطلت هديك البنت اليافعة المراهقة اللي عمرها 15 سنة
جاسم:انا
لايا~قاطعته~:ما تبرر…تفضل..
طلع هالمرة بخيبة اكتر.. بس هالشي كله من صنع ايديه
________
ببيت مراد
______
فات عالمطبخ لعند نسمة، باسها من راسها وحكى : بدك شي حبي انا طالع عالشركة..
نسمة : مع السلامة يا عمري...
مراد : انتبهي عقمر الله يرضى عليك.. انا بمر لما اجي عالفيلا وبشوف الاوضاع
نسمة : تمام حبيبي وانت انتبه على حالك
مراد : ان شاء الله.. يلا سلام..
نسمة؛ سلام..
طلع مراد وسكر باب البيت وراه
طلعت نسمة من المطبخ حاملة بإيدها صينية القهوة...
نزلت عالدرج هي وعم تحكي مع حالها : هلا رجعت يا جاسم هلأ؟
بعد ما متت بالنسبة لمرتك وولادك، واهلك!
هلأ رجعت بعد ما ما بقيلك شي هون؟ هلأ!
غبشوا عيونها.. رفعت ايدها وفركتهم.. بس ما صحصحت..
اختل توازنها.. داخت ووقعت على الدرج هي وصينية القهوة..
وصل الصوت لمسامع قمر يلي كانت شاردة ورعبها الصوت..
ركضت بسرعة وشافت نسمة طابّة على وجهها لا من تمها ولا من كمها..
صرخت بخوف : نسمةةةةة
#للرواية_بقية
#بقلم_شامة_ويمنى_عفيف
فاتت اليانا ووراها لايا: مرحبا..
: اهلا وسهلا تفضلوا
اليانا : اهلا فيك.. بدي اسألك على اواعي لصبي بعمر العشر سنين
: تفضلي شوفي هاد القسم..
اليانا : يااي.. شوفي محلاه هاد القميص.. آخدله اياه؟ قلي بحب اللون الاصفر..
يلا حآخده
لايا : متل ما بدك..
طلعت واخدت القميص.. لفت نظر لايا قسم الرجال..وشافت جكيت حلو هناك مشيت لعنده ووقفت قدام الموظف وحكت : لو سمحت.. ممكن تورجيني شوفي الوان من هاد؟
: اكيد..
عندك هيك اسود ورمادي وزيتي وبيج..
هي الالوان المتوفرة
لايا : امممم.. اعطيني البيج..
: اي مقاس؟
لايا: ما بعرف.. اعطيني هاد..
: طيب.. تفضلي
اخدوا الاغراض وطلعوا من المحل..
رن تلفون لايا طلعته من شنتتها وحطته على ادنها : اي قلبي
شجن : لايا تعالي عالبيت بسرعة
لايا : ليش؟ في شي
شجن : في تعالي
لايا: ماما فيها شي؟
شجن : لاا ما رجعت هي تعاليي
لايا: طيب طيب سكري جاية
سكرت شجن الخط …وطلعت لايا ورقة وقلم كتبت العنوان عالورقة…عطت الورقة لاليانا وحكت:اليانا حبيبتي عنا ظرف بالبيت لازم اروح تفضلي هاد عنوان شقتي خدي تكسي وروحي…وانا اسفة مرة تانية
اليانا:لا ولا يهمك
طلعت لايا مستعجلة وبايدها كيس فيه الجكيت اللي شرته لراجح ركبت بالسيارة وطارت للبيت
""""''"""""""''"""""""""""""""
وصلت ونزلت من السيارة بسرعة ركض للبيت
اما جاسم كان بنص الطريق وزعلان من ردة فعل البنات بس ما لامهم وقرر يرجع يحاول…لف ورجع عبيته يحاول مع وسن وشجن
بهالأثناء من نفس المنطقة يلي كان داير ظهره الها اجت لايا..
دخلت عالبيت وبسرعة مشت لعند شجن:شو صاير؟
شجن:بابا رجع
انصدمت لايا…قعدت عالكنباية …حطت راسها بين ايديها وحكت:كيف؟
وسن:احنا زيك ما بنعرف فجأة اندق الباب فتحنا طلع هو
قبل ما تحكي لايا اي حرف اندق الباب قامت فتحت وطلع جاسم…مسكت دموعها وما حكت اي حرف
جاسم~مرتبك~:انت مين؟…بدي وسن او شجن او براء او اذا لايا موجودة
ابتسمت لايا ابتسامة تهكم …مدتله ايدها وحكت:معك المحامية لايا المالك…
تردد جاسم قبل ما يرفع ايده ليسلم عليها…وبس سلم عليها حكى:انت…كيف صرت هالقد
لايا:والله صرت هالقد بتعب وشقى امي وربيت عدموعها اللي روتني مشان اكبر واكون سندها…هه…اذا انا بنتك وما عرفتني…بس معك حق 10 سنين مع لانا غيروك وغيرونا…بالجوهر وبالمظهر...
صرت الصبية لايا والمحامية اللي بتنرفعلها القبعات...
بطلت هديك البنت اليافعة المراهقة اللي عمرها 15 سنة
جاسم:انا
لايا~قاطعته~:ما تبرر…تفضل..
طلع هالمرة بخيبة اكتر.. بس هالشي كله من صنع ايديه
________
ببيت مراد
______
فات عالمطبخ لعند نسمة، باسها من راسها وحكى : بدك شي حبي انا طالع عالشركة..
نسمة : مع السلامة يا عمري...
مراد : انتبهي عقمر الله يرضى عليك.. انا بمر لما اجي عالفيلا وبشوف الاوضاع
نسمة : تمام حبيبي وانت انتبه على حالك
مراد : ان شاء الله.. يلا سلام..
نسمة؛ سلام..
طلع مراد وسكر باب البيت وراه
طلعت نسمة من المطبخ حاملة بإيدها صينية القهوة...
نزلت عالدرج هي وعم تحكي مع حالها : هلا رجعت يا جاسم هلأ؟
بعد ما متت بالنسبة لمرتك وولادك، واهلك!
هلأ رجعت بعد ما ما بقيلك شي هون؟ هلأ!
غبشوا عيونها.. رفعت ايدها وفركتهم.. بس ما صحصحت..
اختل توازنها.. داخت ووقعت على الدرج هي وصينية القهوة..
وصل الصوت لمسامع قمر يلي كانت شاردة ورعبها الصوت..
ركضت بسرعة وشافت نسمة طابّة على وجهها لا من تمها ولا من كمها..
صرخت بخوف : نسمةةةةة
#للرواية_بقية
#بقلم_شامة_ويمنى_عفيف