@rwayate
اتنهد وهمس لحالو: اااخ شو يلي رجعك لطريقي ياساندرا .. شو هالشعور ياربي ..
م̷ـــِْن جهة تانية كانت سَـآندرآ. متسطحة عتختها وبتطلع بالسقف اللي كان مزين بنجوم ضاويه ،،
كانت بتتزكر كل تفصيل وكل كلمة نطقها أركان ..
رسمت عشفافها ابتسامة ناعمة ووقفت وفتحت الشباك وأخدت نفس طويل وطلعتو بهدوء .. @rwayate
سَـآندرآ.: واحد. ،، تنين. ،، تلاتة. ،، أركاان ... اخيرا رجعتلي ..
اتوسعت ضحكتها وضمت ايديها عصدرها وميلت براسها .. رجعت عتختها واتسطحت بكل هدوء وهي بتردد اسم أركان بتتابع لحتى غفيت ..
„…„…„…„…„…„…„…„…„…„…„…„…„…„…„…„…„
تاني يوم ،، بعد ما ادو صلاة الجمعة سوا رجعو عالبيت .. بالمطبخ كانو عبيدة واركان عم يحضرو فطور يوم الجمعة ..
عبيدة: اكسر هالبصلة بطريقك اركان
اركان: ماشي .. وانت تبل الفولات منيح ولاتنسى الملح متل المرة الماضية ..
عبيدة: .. شو رأيك تجي اتبلون عني ..
اركان: لٱ انَـَـَتَ بيطلعو معك اطيب ..
عبيدة: عندك مسائي الًيَوُمًِ؟
اركان: اي والله ،،
عبيدة: حقك تاخد اجازة يوم الجمعة كمان
اركان: المعلم كتير مبسوط مِڼـّي .. لهيك ماعم يقدر يستغني عني ..
عبيدة: اي •اللّـہ̣̥ يحنن قلبو عليك .. وهي الفولات جهزو .. روح جهز الطاولة
اركان: شو رايك تجهزها انَـَـَتَ عبين ما اغسل هالصحنين ..
عبيدة: اي تكرم سيد اركان ..
راح عبيدة لبرى ليجهز الطاولة لما سمع رنة جرس الباب ..
عبيدة: مين هاد اللي حماتو بتحبو!
اتوجه عبيدة عند الباب وفتحو ،، وانصدم بس شاف الشخص الموجود، ،،
"أحيانا تمر علـّۓ. الإنسان أوقات تكون فيها أعظم أمنياته. ؛؛ هي أن لا يشعُر بشيء أبدا ؛؛ ". 🍃
ضل عبيدة واقف ومصدوم باللي واقف قدامو وعاطيه ضهرو ؛؛
بشفاه عم ترجف نطق بغصة: أبـْيے. !!!
التفت أحمد وبقي معلق نظرو بعيون عبيدة .. برغم انو كان باين على أحمد انو متماسك وبيتصنع القوة لَـگِنْ بقرارة نفسه كانت الأعاصير بجواه بتحدث ضجة وصخب مو طبيعي ..
أما بالنسبة لعبيدة اللي حط عينو بالأرض وما اتجرأ يرفع نظرو بنظر أبوه ..
"أهو مايقال عنه رهاب مابعد الذنب ،، أم أن هيبتك يا أبـْيے أرتني كم أنا صغير أمامك؛ ؛؛؛"
،،،،،:مين ياعبيدة ..
التفت عبيدة وشاف اركان واقف وهو بيطلع بأحمد ..
عطول ارتسمت عثر اركان ابتسامة واسعة وراح اتجاه احمد وضمو ..
اركان: اهلا وسهلا عمي ،، والله نورت ..
التفت اركان وشاف عبيدة واقف وبدون حراك ..
أركان: عبيدة ..
اتراجع عبيدة بخطواتو والتفت وفات لجوة بدون مايسلم ..
اركان«حاول يتدارك الموقف »: اااا .. نورت عمي تفضل .. البيت بيتك
دخل احمد وهو بحرك بحجر عينو بزوايا البيت بهدوء .. قعد عالكنبة وقعد قبالو اركان وهو راسم عوجهو ابتسامتو الدافية ..
بقي احمد مركز بـ أركان وملامحو وابتسامتو الاستثنائية، ،
لوهلة اتخيل رؤوف هو اللي قاعد قبالو ..
أركان: خير عمي فِيَھ شي؟
احمد: كيف حالك اركان؟
اركان: والله متل مانك شايف، ، عايش
احمد: وليش معد شفتك م̷ـــِْن لما طلعت م̷ـــِْن السجن؟
اركان: الظروف عمي وبصراحة ماحبيت ازعجك
احمد: وكيف وصلت لـ عبيدة؟ !!
اركان: بخصوص هالشي ..
رفع اركان عينو ولمح عبيدة واقف ورا قزاز باب الغرفة وعم يتسمع عالحكي ويسترق نظرات علـّۓ. ابوه بالخفا ..
اركان: اتواصلت معو عحسابو عالفيس ..
احمد: بس حسابو كان مسكر
اركان «ضحك »:لٱ عمي حسابو التاني اللي اسمو "أبو احمد أبو الخير ".
فجأة اختفت ابتسامة اركان بس شاف عبيدة بأشرلو انو لايحكي وبعض عشفافو ، ،
اركان«بتوتر »: بـ بــس هاد قديم وكمان سكرو م̷ـــِْن زمان،،
التفت احمد وشاف عبيدة وراه .. اتخبا عبيدة و اخد نفس طويل وطلعو بهدوء .. وهمس: •اللّـہ̣̥ ياخدك يا اركان، ،،، فضحتني
احمد «بهدوء»:ابو احمد! !! ههه اركان انا ماكان صعب عليي اوصلك بس اجاني خبر انك ساكن مع عبيدة بنفس البيت وحبيت اتطمن عليك؛ ؛؛
اركان :الحمدلله امورنا ټمـٱمـ
عبيدة «همس بمسخرة »:يتطمن عـ أركان! !! وكأنو انا مو ابنو! !!
احمد: واي شي بتحتاجو لاتنسى اني موجود ..
وقف احمد وزر جاكيتو وهو بيطلع لمكان مو موجود عبيدة ..
احمد: هي انا اتطمنت واتأكدت م̷ـــِْن عنوانك .. بتمنى ماتنسى انو الك اهل يا أركان .. الك اهل بحبوك وبخافو عليك ومشتاقين لشوفتك
اركان «بإستغراب »:انا! !!
احمد «مسكو م̷ـــِْن كتفو »:اي انَـَـَتَ .. ولا مو معتبرنا اهلك!
اركان: وأعز والله ..
كان عبيدة متأكد انو احمد كان قاصدو باخر كلمة حكاها .. بس ماكانت عندو الجرأة الكافيه لحتى يورجيه وجهو .. كان خجلو م̷ـــِْن عملتو كبير وذنبو بالنسبة الو ذنب لايغتفر ..