📚قصص||روايات||منوعة📚

#وعده
#sheema_bk 💛
الجزء الرابع ..
فقت تاني يوم دقيتلو رد علي
سيلينا:ازعجتك ما هيك استاذ ايهم
ايهم:هلا حب
سيلينا:مافي حب ولا شي لك انا كيف بهون عليك لك
ايهم:شوفي من ع وش الصبح
سيلينا:مافي شي استاذ ايهم بس زعلانة منك وبتتتركني نام وانا عم ابكي واخر شي برسالة بس انا اسف اوهه غريب كيف طلعت منك اصلا
ايهم:(وهو بصرخ)لا يا شو بدك ياني ابوس رجلك يعني
سيلينا:لا بس عالاقل راعي شعور يوم اكون انا غلطانة واجي اعتذر منك بس بتعرف انت من وقت ما طلعت ع دبي تغيرت
ايهم:انتي هلق معصبة سكري ومنحكي لتروقي
سيلينا:عنجد اي رح سكر بس ها يا ايهم اذا بعد بتشوف مني شي
ايهم:سكري حبيبتي سكري
رميت تلفون عالتخت وحطيت راسي بين ايدي وبلشت ابكي وانا معصبة بنفي الوقت ليش هيك عمل ليش هيك تغير ماشي ايهم انا بورجيك بلشت ابكي لتصل علي رقم غريب ما رضيت رد رجع اتصل هديت حالي لان ما بعرف مين صاحب الرقم
سيلينا:مين معي
صاحب الرقم:ما عرفتيني
سيلينا:لا
صاحب الرقم:انا عماد وليه هبلة
سيلينا:اهلين عماد
عماد:رقم عمتي عم اتصلك عليه كيفك
سيلينا:اي
عماد:شبك سيلينا كيفك
سيلينا:(نزلت راسي وصرت ابكي بدون حس)..
عماد:(بخوف)سيلينا شبكك احكي حدا دايقك
سيلينا:(بصوت تعبان)عماد فيني شوفك
عماد:اي اكيد
سيلينا:بس شوفك بحكيلك
عماد:طيب تعي عند البرج استنيني هناك
سيلينا:ماشي
قمت غسلت وجهي طلعت فيه رجعت ابكي لبست وانا مخنقة حطيت نظارة ع عيوني مشان ما يعرفو اني كنت عم ابكي
سيلينا:صباح الخير
الكل:صباح النور
زياد:لوين يا بنتي
سيلينا:هو مظطرة روح لدبي مول
نائل:وشو عندك بدبي مول
سيلينا:هووو ما يم (تلبكت)
زياد:طيب خلي الشوفير يوصلك وانت لا تدخل فيها
سيلينا:يسلمو عمو
رحت وصلني الشوفير ارتحت اني خلصت من نائل النقاق وصلت لهنيك ونطرت لاجا عماد
عماد: قعدي احكيلي شبك والله خوفتيني
سيلينا:(بلشت ابكي بصوت تعبان)عماد تخانقت انا وايهم
عماد:اي بسيطة هلق برجع ك عادتو
سيلينا:لا عماد هالمرة خناقة طويلة
عماد:سيلينا رح ضل معك لتروقي لا تخافي وبس تروقي بتفكري
سيلينا:مخنقة وحيات الله😭
عماد:طولي بالك شو صار بينكم
سيلينا:(حكيت كل شي وانا عم ابكي)وهيك صار
عماد:طيب شوفي خلص اتركي يلي بتهوني عليه مرة بتهوني عليه مليون مرة
سيلينا:بس روحي متعلقة فيه ما فيني اتركو
عماد:عراحتك انا حكيت يلي عندي
سيلينا:والله محتارة وما عارفة شو اعمل😭
عماد:روقي خلص انا بعرف دواكي قومي معي
سيلينا:لوين
عماد:تعي وخلص ومسحي دموعك ما بيستاهلو تبكي عليه
سيلينا:(مسحت دموعي وقمت معو)طيب
عماد:هات تنين ايس كريم
سيلينا:(ضحكت ضحكة خفيفة)اقسم بالله مجنون
قعدنا نستنى لتصير لانها كانت ايس كريم عالصاج بس صارت اكلنا وروقت بعدها تفتلنا شوي بالمول وبعدين رجعت عالبيت دخلت وانا تعبانة كانو قاعدين بالصالة كلن سلمت عليهم وطلعت ع غرفتي ارتاح دخلت تارا
تارا:لو تشوفي شو جبلي خطيبي
سيلينا:(ابتسمت بغصة وتذكرت ايهم ما قدرت اخفي لمعة عيوني)شوو
تارا:شوفي شوفي هي هدية قبل العرس
سيلينا:واووو كتير حلوة
كانت عبارة عن اكسسوارات كتير حلوة وانيقة
تارا:فيكي تاخدي
سيلينا:لا حبيبتي هدول هدية من خطيبك ما بقدر اخد
تارا:عراحتكك بكرة بدك تفيقي من الصبح لتنزلي معي عالكوافيرة
سيلينا:ليش شوفي بكرة
تارا:بزعل منك بكرة عرسي
سيلينا:هو في رفيق الي عادي تعزميه
تارا:اي اكيد روحي انتي اخت العروس بحقلك تعزمي مين ما بدك
سيلينا:دخيل قلبك طب روحي نامي وارتاحي عندك عرسك بكرة
تارا:اي اي يلا تصبحي ع خير
دقيت لعماد وخبرتو وما رفض تاني يوم فقنا فطرنا ونزلنا عالكوافير بلشو بشغلهن وانا شايفة كمية الفرح بعيون تارا ياريت لو ايهم بيعمل هيك اليوم عرسها المفروض ما ازعل واضل ريلاكس عملولي ميكب خفيف وشعري فير اي انو كنت طالعة اميرة حطيت التاج ع شعري واجا العريس لياخد تارا ومن حسن الحظ انطلقو بسرعة ما قدرت شوف شي منو رحت عالصالة مع نعمت ودخلنا وبلشنا نستقبل المعازيم بايد ماسكة تلفون وبايد عم سلم عالمعازيم وهيك لدخلت العاروس وبلشت اصور فيها لان كنت محترفة بالتصاميم فستانها كان كتير حلو دخلت وهي عم تتمايل وتدلع وكانها احلى اميرة كتير كانت طالعة حلوة دخلت وقعدت مكانها وبلشنا احتفال ورقص واغاني هيك لاجا دخول العاريس بهل اللحظة اتصل علي عماد
سيلينا:اي عماد قلي وين صرت
عماد:انا برا رح ادخل
سيلينا:ايواا شكلو دخل العاريس ما علينا
طلعت لاستقبل عماد وما انتبهت عالعاريس ابدا ضل عماد صافن فيني وانا متل الشي

"حلو ببدلتك السودة يا رجال .. لما بتدخل بعضلاتك الحلوين .. وريحة عطرك الفايحة .. ودقنك الي محددا حلو وانت هيك .. حلو لما رح شوفك عريس"
عماد:لك وين شردتي
سيلينا:طالع حلو بهل الرسمي
عماد:احم احم وانتي طالعة اميرة يلا ندخل
دخلنا واحنا عم نحكي بهل اللحظة بينفتح البوفيه وبنروح بنحط اكل وبنقعد ع طاولة وبلشنا ناكل كان الاكل لذيذ وطيب خلصنا اكل واجو شالوه من قدامنا
يتبع الجزء الخامس .. 💛

#وعده
#sheema_bk 💛
الجزء الخامس ..
طلبنا عصير وكان الجو اغاني وكذا
سيلينا:بتعرف الي زمان ما رقصت
عماد:اي وشو يعني
سيلينا:بدي قوم ارقص شوي مع العروس
عماد:قعدي بلا هبل قال ترقص قال🙂
سيلينا:وانت شو هامك دخلك
عماد:طيب قومي نبارك للعرسان
سيلينا:اي والله صح حتى اني ما شفت العريس
عماد:وانتي شو بدك بالعريس🙂
سيلينا:متشوقة شوفو ع قد ما حكو عليه
عماد:نعم نعم
قمنا انا وعماد كنت تعبانة شوي بس جبرت حالي وصلت للمنصة كان العريس داير وجهو وصلنا عندهم
سيلينا:يا عمري الف مبروك ها
يا دوب بدي كمل بيلتفت العريس وهو مصدوم
تارا:اوهه هاد رفيقك يعني هاد حبيبك الله يبارك فيكي عقبالك
عماد:ممم مب مبروك
سيلينا:(بغصة وحرقة قلب ودموع ما قدرت سيطر عليهم)مبروك
وواغمى علي
ايهم:سيلينا شبك سيلينا قومي
عماد:يا واطي انا بورجيك سيلينا قومي هاتو مي
صار يرش علي مي لحد ما صحصحت
سيلينا:عماد اسرع طيارة عالبلد انا ما بقى اتحمل بسرعة
عماد:تمام تمام انتي منيحة قومي معي
تارا:شو صرلك سيلينا وشو معرفتك بايهم شو ايهم معرفتك فيها
سيلينا:الف مبروك💔بالاذن انا بدي روح
عماد:قومي معي
زياد:ما حدا بيروح من هون لتحكو شو عم يصير
سيلينا:(طلعت عليه نظرة زعل وبصوت تعبان)خلي صهرك يحكيلك
رحت تركت كل شي وراي بس ما قدرت كفي مشي في شي عم يشدني يخليني اروح اقتلو ابهدلو بس لا اليوم ليلتو
عماد:تعي رح تبقي عندي اليوم
سيلينا:يسلمو ما بدي
عماد:مو ع كيفك وتعي معي
سيلينا:بدي روح جيب غراضي
عماد:لا انا ببعت شوفيري يجيبهم
سيلينا:شوفيرك
اخدني عماد ع فندق وطلعنا ع الغرفة قعدت عالتخت شديت ايدي عالتخت بينت عروقي صرت اتنفس بصعوبة رفعت شعري عن ايدي شو عم يصير هون ليش هيك خنتني بلشت ابكي كان وضعي صعب كتير
عماد:(قرب مني ليهديني)
سيلينا:لا تقرب اوعك كلكم خاينين كلكم ما حدا وفي بعدو عني بعدو عني بكره الكل
عماد:هدي سيلينا
سيلينا:(صرت صرخ وابكي)عبقلك بعد عني خلص
عماد:طيب طيب بس اهدي لو سمحتي
تركني عماد عم اصرخ وابكي بصوت عالي وهو راح يجيب مي لاشرب
عماد:تفضلي شربي مي
سيلينا:(اشهق وابكي)ما بدي حدا معي ليش خاني انا شو عملتلو ليش بعد حب 4سنين يخوني ليش
عماد:(ضمني بقوة)هدي اششش خلص
سيلينا:(بلشت اضربو وهو متحمل)مشان اله قلي ليش ليش ليخوني
عماد:لانو كلب ما قدر يوفي
سيلينا:لا والله انا لكلبة الي وثقت فيه
مرقت هالليلة وانا قاعدة ع التخت وعم ابكي قمت اروح عالحمام ع اساس انتحر دخلت عالحمام غسلت وجهي لان الميكب من البكيي تعجق دورت ع شفرات ما في مافي شي يخليني انتحر ابدا لك حتى شامبو مافي ولا صابون عصبت اكتر وطلعت لبرا
عماد:شبك ما روقتي
سيلينا:ولا شي بدي نام
عماد:نامي عالتخت انا رح اسهر مشان ما تمرضى او شي
سيلينا:(بقلبي هه كلكن وسخين )نام مافي داعي
عماد:لا
حطيت راسي لانام وبلشت ابكي بعد ما تغطيت بالحرام ع وشي بكيت بصمت كرمال ما ينتبه علي ضليت ابكي لطلع الضو بس عم ابكي واتذكر كل ايامي مع ايهم ليش هيك عمل ما بعرف قمت طلعت على عماد كان فايق
سيلينا:انت لساتك فايق
عماد:ولساتني عم اسمع صوت البكي الي ما خلص
سيلينا:عنجد
عماد:ما نمت اصلا بس تركتك تبكي لحتى تطالعي كل شي جواتك
سيلينا:اخخخخ راسي لهلق عم يوجعني
عماد:ما رح تنسي ببساطة بس بدي ياكي تروحي معي
سيلينا:لوين
عماد:ح نروح ع مكان بتنسي فيه كل شي
سيلينا:عماد ماني رايقة لاطلع
عماد:مو ع كيفك خلصيني لبسي
سيلينا:عماد لو سمحت
عماد:اذا بتعتبريني رفيقك عنجد البسي
دخلت لبست غصب عني وغسلت وجهي وطلعت رحنا وطولنا بالطريق بالاخر رحنا لمكان كلو جبال وفيه جبل عالي هو اطول جبل جبل جيس طلعنا لنهايتو وطولنا
سيلينا:حلو هالمكان
عماد:جبتك وطرقنا كل هالساعات لتصرخي فيه
سيلينا:عنجد
عماد:اي
طلعنا لنهايتو ونزلنا خطر ببالي ارمي حالي بس يلتهي عني
عماد:ح جيب القهوة لنروق
سيلينا:اي
راح ليجيب القهوا وجيت بدون وعي بدي ارمي حالي ما بلاقي الا حدا مسك ايدي وشدني لعندي
عماد:انتي مجنونة لك انا كيف رح عيش بدونك
سيلينا:تركني موت واخلص
عماد:سيلينا حياتي هلق رح ترتبط بحياتك رح امسك بايديكي اذا رميتي حالك ف رح انرمى معك
سيلينا:اوف منك اوف
قعدنا مسكلي ايدي بقوة وخلا ايد تانية لاشرب قهوتي بلشت اصرخ فضيت كل طاقتي بهل المكان مكان كتير حلو ضليت اصرخ لتعبت وقمنا عالسيارة بدون ما انتبه غفيت فقت لقيت حالي بالفندق
سيلينا:كان حلم حلو والله
عماد:شو شفتي ليش
سيلينا:(حكيتلو كل شي)ياريتك تركتني موت لكنت شفت كيف رح موت
عماد:اي يعني بس هاد مو حلم هاد حقيقة احنا كنا بجبل جيس وبعد ما صرختي كتير تعبتي حطيتك بالسيارة وضليتي نايمة
سيلينا:اوووه متى حنرجع عالبلد
عماد:بكرة طيارتنا
سيلينا:عماد جبتلي غراضي من بيت زياد
عماد:لا جبت كم قطعة ليش
سيلينا:لك ياخخ خلينا نروح ضروري
عماد:يلا
قمت غسلت وجهي ورحنا وصلنا لهنيك ودخلنا
زياد:اهلا يا بنتي
سيلينا:هلا فيك عمو كيفكن
الكل:تمام وانتي
يتبع الجزء السادس .. 💛

#وعده
للكاتبة
#sheema_bk 💛
الجزء السادس ..
سيلينا:تمام انا نسيت كم غرض بدي اطلع جيبهن لان بكرة مسافرة يلا بالاذن
طلعت انا وعماد جبت الغراض وتاكدت من الشنتة حملهم عماد وجينا للننزل طلعت ع التخت تذكرت وقت تارا جابت هداية خطيبها وهي تمدح فيه والي كان فضولي يشدني لاعرف مين واخر شي بيطلع حبيبي هه💔
عماد:يلا ننزل
سيلينا:اي يلا
عماد:سيلينا طلعي فيني اشوف ليش عم تبكي
سيلينا:عماد ولا شي
عماد:(قرب مني ومسح دموعي)هالدموع ما بدي شوفه مفهوم
سيلينا:(هزيت راسي بمعنى اي)
نزلنا احنا بدنا نخلص اخر درجة من الدرج بتدخل تارا وايهم وهو ضامها ومبسوطين ولا كانو صار شي
تارا:يالله يا ماما كانت ايام يتجنن مع ايهم قضيتها ه هي انتي سيلينا
كشرت وتغيرت ملامح وجها هي وايهم
سيلينا:مبسوطين كتير مبروك يلا عماد نمشي
عماد:اي يلا
ركبنا بالسيارة وتركت الكل مصدوم درت وجهي للشباك نزلت دمعتي بدون ما حس تذكرت ايهم
(ايهم:يالله يا سيلينا ايمت رح نتزوج ونروح شهر عسل
سيلينا:بيجي هاليوم يا روحي
ايهم:سيلينا بتعرفي شو وقت الي نرجع من شهر العسل قديش رح نكون مبسوطين واحنا داخلين وانتي عم تحكي لاهلك قديش انبسطنا
سيلينا:ههه اي رح تصير 😍
ايهم:(قرب مني)دخيل هالضحكة انا )
كان عم اتذكرها كل شوي وما منتبها ع حالي
ليش هيك ايهم عمل ما بعرف والله ما قصرت معو بشي كنتلو اكتر من حبيبة كنت امو التانية كنت رفيقتو
عماد:سيليناااااا وين شردتي اوف سيلينا عم تبكي
سيلينا:..
عماد:شبك رديي
سيلينا:...
عماد:بسم الله عليكي شو صابك سيلينا
سيلينا:...
رش علي مي شهقت بقوة
سيلينا:شو عم يصير ليش رشيت مي
عماد:فكرت صارلك شي لاسمح الله بطلتي تردي علي
سيلينا:انا بدي ادخل اتحمم
علي:طيب ماشي
دخلت عالحمام وانا مصدومة بس شاردة تحممت وما بعرف قديش اخدني الوقت لارجع لعقلي طلعت تسطحت عالتخت
عماد:انا رح اظطر هاليومين نام عالبرندا
سيلينا:ليش
عماد:ما بصير ننام سوا وانا والله نعسان والا كنت سهرت عليكي
سيلينا:ولا يهمك اصلا انت مو مجبور فيني خلص عماد انا بنام برا عالبرندا منها بشم هوا نضيف
عماد:(قرب حط ايدو ع كتفي وتنهد وقال)انا هون كرمالك
سيلينا:اي طيب بعد هيك انا حنام برا تصبح ع خير
طلعت وانا موترة وقلبي عم يدق عنجد كنت تعبانة ةمخذولة وصدمةة حياتي يوم خاني ايهم بعد حب اربع سنين تسطحت برا كنت مادة حرام وزبطت غمضت عيوني واخدت نفس وتذكرت ايهم
ايهم:يا حبيبة قلبي فستانك انا رح اخترلك ياه
سيلينا:وبدلتك انا حاختارها
ايهم:مممم بس رح احلق دقني
سيلينا:اذا بتحلقها بقص شعري هاا
ايهم:خلص عبمزح
سيلينا:دخيل قلبك يخيلي ياك (حطيت راسي ع كتفو)(وقطع تفكيري المطر)
سيلينا:(قمت وقفت وتطلعت ع الدنيا كيف عم تمطر)يالله اجبر قلبي يالله

شارع مليان بالناس .. عم تنزل فيه هالمطر .. جو حلو مليان احساس ومشاعر شو تخبت حكايات بقلب المطر .. وشو تخبت قلوب جوات بيوتها ليخفو وجعهن .. شو حلوين هدوك التنين قاعدين حاطة راسها ع كتفو وحاطط عليها جاكيتو اكيد حلو احساسهن ما تركو بعض ضلو مع بعض بس الحسرة علينا خسرنا كل شي ..💔
سيلينا:(تنهدت واخدت نفس)الله لا يسامحك يا ايهم بك.. ما قدرت كفي لساتني بحبو لساتني متعلقة بريحة الجاكيت تبعو ضليت صافنة بجوي وعم اتذكر بس اتذكر هالذاكرة بتمنى افقدها
ضليت صافنة وقفت المطر تبللت الارض وطلعت الريحة الطيبة بتمنى تنغسل قلوب هالبشر شفت تنين عم يمشو ضامها ومبلشين يضحكو ما قدرت ركز فيهن الا اني غصيت لايامي مع ايهم وقلت الله يوفقن بحياتن رجعت تسطحت وبلشت ابرد طلع عماد علي فتحت ودخلت
عماد:بردتي ما قلتلك دخلي بس تركتك عراحتك لتشمي هوا اكيد تغيرت نفسيتك
سيلينا:ما ضل شي للسفر كم ساعا ومنروح
عماد:اممممم لكن تعي ندردش شوي
سيلينا:طيب
قعدنا وبلشنا نحكي
عماد:سيلينا
سيلينا:اييي
عماد:ما اشتقتي للشاورما
سيلينا:اكيد اشتقتلا
عماد:بس ننزل ونرتاح حنروح ناكل ها
سيلينا:ما عاد بدي ارجع لهون
عماد:ما عاد في رجعة
سيلينا:عادي ننزل نتمشى شوي تحت
عماد:اي اكيد قومي
قمنا نزلنا بلشنا نتمشى بالشارع ونحكي وبصراحة غيرلي نفسيتي
تمينا عم نمشي للشارع الرئيسي وبعدها رجعنا قعدنا شوي عالتلفونات طلعت رسالة ب تصميم

"‏وأنك قطعة مني ، اذا مسك الضر مسني ضعفه

💛 ؛"تنهدت واخدت نفس بس هالرسالة كانت من ايهم بعتلي ياها بيوم الخميس بعد ما ارتبطنا بسنتين
عماد:مهتمة بادق التفاصيل بحسدك والله
سيلينا:اوف الخيانة صعبة كتير
عماد:اي معك حق وانتي صعب عليكي تنسي طيب قومي تحممي ما بدنا نرجع عالبلد بهل الشكل ومكشرين
سيلينا:اي قايمة جهز حالي
قمت كانو غراضي مضبوبين وما جبت شي لابي تحممت ولبست وسشورت شعري وحطيت شوية ميكب لاخفي ملامح الزعل بينما عماد كان عم يتحمم جهزنا ومشيناسلم المفتاح لصاحب الفندق وطلعنا لبست بوقتها بيجامة زم من تحت ومن الخصر مع شيال نص بطن ظاهر لعضلات بطني😞 وحطيت طاقية ومشينا وصلنا المطار
يتبع الجزء السابع ..💛

#وعده
#sheema_bk 💛
الجزء السابع ..
بلشنا نجهز ونعمل الترتيبات لخلصنا وقعدنا ننطر يعلنو عن الطيران بهل اللحظة شردت وتذكرت ايهم وقت الي كان بدو يسافر وضميتو بقوة وانا حاسة انو اخر مرة هي كانت اخر مرة عنجد بينما عماد شارد فيني وعم يعلنو انو رح تطلع الطيارة واحنا شاردين صحي من شرودو عماد
عماد:قومي قومي قبل ما تروح علينا
سيلينا:اي اي
قمنا وركضنا ولحقنا حالنا قعدنا بالطيارة درت وشي للشباك غمضت عيوني واخدت نفس بقوة
سيلينا:ما كنت جاية لدبي وفرحانة لاني ح شوفو ليش هيك يعمل ليش يخون 😢
عماد:لانو غبي خسر وحدة متلك
سيلينا:بتعرف عماد انا هلق مليت كتير خلص قلبي ما عاد يصدق هو خرب الحب بالنسبة الي
عماد:نامي سيلينا ارتاحي انتي ما نمتي منيح هالفترة
سيلينا:بتمنى نام وما فيق
عماد:بعيد الشر
سيلينا:مو جايني نوم كل ما بغمض عيوني عم اتذكرو وخنق
عماد:طيب انا قايم عالحمام
راح عماد رجع وهو جايب معو اكل سندويشتين شاورما مع عصير
سيلينا:كيف جبتن
عماد:اشتريتن قبل ما نجي قلت بناكل بالطيارة كل لتقدري توقفي
سيلينا:ما بدي
عماد:طيب مشان الله الي يومين ما اكل منيح وجوعان
سيلينا:اي كول مين ماسكك
عماد:ما رح اكل بدونك
سيلينا:اوف منك عماد هات
اخدت الشاورما واكلت جيت اشرب العصير
عماد:خضيا منيح مشان تعرفي تشربيها
سيلينا:اي
خضيتا وشربتا شوي ولا بغفى
عماد:واخيرا نمتي لترتاحي شوي ضليت غفيانة وعماد نايم لقبل ما نوصل بشوي فقت وعماد فاق
سيلينا:يالله كيف هيك غفيت
عماد:اي منيح نوم الهنا اكيد ريحتي بالك شوي
سيلينا:صار النوم ملاذي الوحيد
عماد:مممم
ضلينا ساكتين لوصلنا نزلنا من الطيارة وبلشنا نعمل الترتيبات وطلعنا استقبلنا بابا وابو عماد واهلو رحنا عالمطعم تغدينا وبعدها رجعنا ع بيوتنا لنرتاح دخلت عالغرفة رميت حالي عالتخت دخل بابا علي
ابو سيلينا:كيف بنتي الحلوة
سيلينا:(بقلبي)وكيف بدي قلك بنتك الحلوة مكسورة
ابوسيلينا:ما تحكي بنتي ما حبيتي السفرة
سيلينا:لا
ابو سيلينا:له له ليش دبي حلوة حدا دايقك هنيك
سيلينا:لا بابا هو بس هيك اشتقت لبلدي واشتقتلك وجبتلك الشنتة
ابو سيلينا:يا روحي الله لا يحرمني منك
اخد السنتة وطلع تركني ارتاح كنت متمنية احط راسي بحضن حدا وابكي بدون حس ما كان في غير مخدتي ضميت رجلي لصدري بلشت تنزل دمعتي لحالها عضيت ع شفايفي ونهرت بالبكي لحد ما دخل بابا تلبكت وما عرفت شو بدي اعمل
ابو سيلينا(يزن):شبك بنتي ليه عبتبكي
سيلينا:😭ع على شو بد بدي ابكي ع عحظي الس السيء
يزن:بنتي احكيلي شبك انا هون اهلك كلهم
سيلينا:(زدت بالبكي وانهاريت)ب با بابا بنتك انكسرت ونخذلت
يزن:(قرب علي وضمني)يا روح ابوكي لا بقى تبكي خلص اهدي يلا
ما كان الي حل الا اني ابكي وفضي كل هالطاقة لغفيت بحضن بابا غطاني وضل فوقي فقت تاني يوم ما لقيتو
سيلينا:هه
قمت غسلت وجهي وطلعت بعيوني حمر من كتر ما بكيت عادي توقعت ايهم يعتذر يعمل اي شي بس هو مبسوط كتير مع تارا احسن شي قوم اشرب قهوة بلكي بروق
سيلينا:خالة ماجدة اوف وين ليش مغيرينها خالة ايهم غريب شكلها عرفت بغلط ابن اختها ما علينا مين هاي الجديدا اهلين شو اسمك
الخادمة:اسمي دنيا
سيلينا:هلا فيكي دنيا عمليلي قهوة زكاتك
دنيا:حاضر مدام
سيلينا:مالي مراق لشي والله احسن شي ضل بهل الغرفة
وهي تلفوني رح حطو صامت لحظة لحظة كانهي رسالة من ايهم
ايهم:كيف شريك شوف شو رايكانا ومرتي تارا عم نزبط بامور الغرفة يعني بنحب الرومنسية كتير
سيلينا:(عصبت ورميت التلفون)يا واطي يا حقير
ايهم:اوف اسف باعتلك ياها بالغلط
سيلينا:وعم يعتذر كمان 😭لك بكرهك بكرهك
دنيا:مدام هاد اقهوة تفضلي
سيلينا:(اخدت رشفة من القهوة وكنت بحالة عصبية ما عجبتني ما حدا بيعرف بقهوتي)لك انتي شو مجحشة ما بتعرفي تعملي قهوة هي قهوة هي 😡
دنيا:اسف مدام بس
سيلينا:شو بس ما بس (ورميت الكاسة عالارض)
دنيا:(صارت تبكي وراحت لتنظف المكان)
سيلينا:(كزيت ع سناني)انا بكره الكل بكره الكل
عماد:لا ولو معقول بتكرهيني
سيلينا:اطلع احسن ما اقتلك عماد موناقصتك
عماد:شربي قهوتك هي
سيلينا:استغفر الله هاتت
سربت من القهوة ورجعت شربت مرة تانيةمتل القهوة الي كان يعملها ايهم بلشت اشرب لخلصتها
سيلينا:مين عاملها
عماد:(بكل غرور)انا 😎
سيلينا:اي يسلم ايدم طيبة كتير براي نطلع نقعد برا بين ما تنظف
عماد:طيب عراحتك
طلعنا انا وعماد وتركت دنيا عم تنظف الغرفة قعدنا بالصالة بالبيجامة تبعي وشعري منكش وعيوني منفخين
عماد:مو اذا عصبتي تجرحي غيرك بالحكي هي مو انتي يا سيلينا
سيلينا:نعم ليش انا شو عملت
عماد:الي عملتي بدنيا غلط تعصبي عليها وتجرحيها هيك مافي احلا منك يوم تعامليهم متلهم متلنا
سيلينا:عماد المطلوب
عماد:روحي اعتذري منها لك لا تخلي حدا يزعل منك لا تجرحي حدا بحكيك انتي مو هيك
يتبع الجزء الثامن ..💛

#وعده
#sheema_bk 💛
الجزء الثامن ..
سيلينا:هيك برايك بس والله كنت مقهوة عشان هك ما قدرت سيطر ع حالي
عماد:بعرف بس هي شو ذنبهاتجرحيها بحكيك
سيلينا:طيب ماشي اوف المسا بعتذلها وبجبلها هدية بفرحها
عماد:ما احلاكي وانتي هيك
سيلينا:الله يلعن الي كان سبب
عماد:للاسف اي
سيلينا:بتعرف عماد طقيت تعبت تعبتتت منو ومن خيانتو اي بربيي حرام عليه ضيع 4سنين هيك
عماد:بس هالاربع سنين خلو بقلبك غصة وذكرى
سيلينا:اي صح هالاربع سنين كنت عم احلم فيهم هالاربع سنين كنت عم اتخيل حياة جديدة هه وطلعت حياة تانية تماما
عماد:ما بعرف شو بدي قلكك الا انو بدك تحاولي تنسيه
سيلينا:ما عم اقدر
عماد:طيب قومي عالغرفة البيضا الفاضية لساتا فاضية
سيلينا:ايي
عماد:تمام قومي معي طلعي قدامي رح جيب شي والحقك
سيلينا:طيب
طلعت وانا ماني فهمانة نطرتو بالغرفة هي الغرفة كبيرة وبيضا كلا وفاضية يعني ما حاطين فيها شي ابدا بيتنا كان كبير شوي ولا بيجي عماد ومعو دهان ملون 😅
سيلينا:شو هاد
عماد:اصفر ازرق اسود 🥰الوانا
سيلينا:الوانا!(طلعت فيه مصومة وكفيت حكي وانا شاردة)بس شو بدنا نعمل فيهن
عماد:رح نلعب فيهن
شلح جاكيتو وكان لابس تحتا قميص ابيض
سيلينا:هلق بيخربو تيابنا
عماد:كلو فدانا يلا سيلينا لا تروحي هالفرصة
سيلينا:طيب
حطيت ايدي بالالوان وبلشت اطبع عالحيطان وانطرش والعب ومبسوطة ما حاسة بالوقت ابدا غيرت جو وحسيت بسعادة كبيرة دخلت بقلبي لحد ما دخل بابا علينا
يزن:(وهو مبسوط)يا عيني
سيلينا:بابا جاي بكير اليوم
يزن:هههه لا يا بنتي ع موعدي والله
سيلينا:ليش قديش الساعة
يزن: 8
سيلينا:اي مستحيل
عماد:امبلا بس شفتك مبسوطة ما رضيت قلك
سيلينا:عنجد قضيت يوم حلو وانبسطت وما حاسة عالوقت
عماد:اي لانو لما بكون شي حلو ما رح تحسي ع وقتو وهو عبيروح
يزن:طيب كيف رح تشيلو هالدهان من ايديكم
عماد:بالتنر عمو هلق بيروح كل شي
يزن:هالغرفة بدي ياها تضل هيك بتضل ذكرى لبنتي سيلينا بكرة بتروحي ع بيت زوجك وبتم ذكرى عندي كل ما ادخل اتذكرك
سيلينا:ما رح اتزوج انا
يزن:انتي هيك بتقولي طيب يلا الاكل جاهز انا ح انطركن تحت
بلشنا نشيل الدهان عن ايدنا ونظف لحد ما راح نزلنا بتيابنا قعدنا وبلشنا ناكل شردت باكلي واكلت شي خفيف وهيك بيمضي يومي طلعت ع غرفتي ونمت لاول مرة بنام بدون ما اتذكر ايهم وما بعرف ليش بس كنت تعبانة نمت بفيق تاني يوم غسلت وجهي ولبست ونزلت عالمول جبت هدية صغيرة ورجعت عالبيت ناديت ل دنيا
دنيا:ح حاضر مدام امريني
سيلينا:عدي بدي ياكي بشغلة
دنيا:حاضر مدام
سيلينا:ليكي يا دنيا انا ما بعامل هيك ابدا ورقيقة وطيوبة كتير بس مبارح كنت مدايقة كتير لهيك صيحت بوشك وعصبت ف انا بعتذر بعرف جرحتك بالحكي وهيك بس والله الانسان وقت بتكون كاسرة معو ما بينتبه لحكيو
دنيا:ليكي مدام
سيلينا:بدون مدام اذا سمحتي
دنيا:حاضر ليكي انا مقدرتك مبارح وللاسف دايما بنختار الشخص الغلط انا بعرف بكل قصة ايهم ايهم شخص سيء وانا كرهتو والله
سيلينا:انتي شو عرفك فيه
دنيا:ايهم بكون ابن خالتي انا بنتها لماجدة للاسف وضعنا سيء بس عادي هاد نصيبنا ايهم انا وياه ولدنا بنفس اليوم وامو طلبتني وامي ما رفضت تعرفت عليه وخطبنا وكل شي بيوم العرس بيتركني قدام كل خلق الله 💔 لهيك عم اشتغل وماني بحاجتو ابدا
سيلينا:(كنت مصدومة تماما)ليش تركك
دنيا:بوقتها حكالي انو انتي بلا شرف وانتي بتخبصي كتير وعندك صحاب كتير لهيك ما عاد بدي ياكي وانتي بتعرفي الناس بلشت تحكي ع كيفها وتخبص ع كيفها
سيلينا:لا حول ولا قوة الا بالله هيك موصلة معوو! طيب وين ماجدة
دنيا:امي خجلت كتير وتعبت لهيك قلتلها ترتاح وانا بشتغل عنها بكفي ربتني وعلمتني الاخلاق
سيلينا:وكيف بتعرفي بقصتي مع ايهم
دنيا:هو ايهم خبرني بكلل شي
كانت عم تحكي وصوتها مخنوق واضح قديش متعذبة بحياتها
سيلينا:طيب قبلي هالهدية مني اعتذاري
دنيا:اسفة ما بقدر اقبلها
سيلينا:بزعل منك ها
دنيا:كلو ولا زعلك حاضر
سيلينا:ليكي يا دنيا اعتبريني رفيقتك انا اصلا ما الي رفقة ابدا الا عماد هو متل اخي لهيك بتعتبريني اختك وبلاها الرسميات كلنا متل الشي وما بيفرقنا شي
دنيا:عنجد قلبك طيب كتير
سيلينا:ههه اي لهيك بينضحك علي بسهولة
دنيا:انا اشتغلت كذا مرة عند كذا ناس ما بتتخيلي قديش شايفين حالهم خصوصا بناهم كانت دلوعة كتير وكانت تضل تجرحني بالحكي وتعصب علي واحيانا افركلها رجلها
سيلينا:انا بكره هالنوع وما بحبو ابدا مو يعني اذا بابا معو مصاري شوف حالي ع غيري مين انا لشوف حالي
دنيا:الله يحميكي ويسعدك
سيلينا:طيب شو رايك تجي المسا نسهر بغرفتي بتعرف عليكي وكذا
دنيا:اي اكيد الي الشرف
سيلينا:دخيل البك
_____________
احيانا كلمة صغيرة بتعطي لغيرنا فرح كبير
💛
طلعت ع غرفتي وصيت ع نوتيلا وبلشت اكل فيها حسيت براحة شويي لاني كنت اكل واتذكر ايهم ف انسى هيك لخلصتا طلعت ع حالي مو قدرانة قوم نمت وفقت عالعصر لبست
يتبع الجزء التاسع ..💛

#وعده
#sheema_bk 💛
الجزء التاسع ..
لبست ونزلت عالشركة تفحصت فيها شوي ورجعت ع مكبي فتحت موبايلي غريب عماد مختفي اليوم دقيتلو عالكتب ما حدا رد دقيت ع تلفونو
سيلينا:الو كيفك
عماد:(بصوت مبحوح)اهلين تمام وانتي
سيلينا:(بخوف كبير)شبك ليه هيك صوتك
عماد:شكلي مرضت تعبان وراسي عم يجعني
سيلينا:وين انت
عماد:انا ببيت المزرعة
سيلينا:طيب جاية لعندك
عماد:طيب ماشي
نزلت وحكيت لبابا اني رايحة شوف عماد اخدت تاكسي ومعروك ورحت وصلت ع بيت المزرعة دخلت ما كان في حدا بالصالة
سيلينا:اوف شو وينو هاد
عماد:بخخ
سيلينا:(برعبة)ه بسم الله رعبتني شبكك
عماد:تعبان شكلي مرضان
سيلينا:وليش قاعد هون ليش جيت لهون
عماد:كنت مدايق مبارح بعد ما رحت من عندك تخانقت مع بابا واجيت اقعد هون
سيلينا:مم طيب تعال كول جبتلك معروك معي
عماد:ما بدي
سيلينا:استغفر الله لا تخليني عصب عالصبح لساتني رايقة
عماد:طيب يلا
قعدنا وبلشنا ناكل خلصنا شلت الاكل وقعدت جنبو
سيلينا:شبك مو ع بعضك
عماد:قلتلك تخانقت مع بابا
سيلينا:ليش تخانقتو
عماد:اخخخخخخ راسي رح ينفجر
سيلينا:سلامة راسك احكي انا رفيقتك احكي
عماد:(طلع فيني بصدمة ونظرت عتب اخد نفس قوي غمض عيونو حط راسو بين ايديه)اوففف بابا بدو يخطبلي بنت عمي
سيلينا:ووين المشكلة
عماد:المشكلة اني ما بحبا
سيلينا:ليكون في ببالك وحدة تانية
عماد:اي هيك شي
سيلينا:انا براي خبر اهلك
عماد:هيك برايك
سيلينا:اي وما رح يجبروك
عماد:طيب
سيلينا:(بقلبي)هوا مبارح وقف معي وساندني وخلاني حس بشوية فرح ليش ما اعمل متلو صح لسا ما نسيت ايهم مع الايام رح انساه بسببو
عماد:وين شردتي
سيلينا:مممم قوم معي
عماد:ما قادر والله
سيلينا:لك قوم شبك
عماد:لك والله حرارتي مرتفعة وما قادر
سيلينا:عنجد
حطيت ايدي ع جبينو حرارتو مرتفعة
سيلينا:انت عنجد حرارتك مرتفعة يييو
عماد:ح كون عم اكذب يعني 😏
سيلينا:حجبلك كمادات
قمت حطيتلو مي وتلج وجبت قطعة قماش وقعدت فوق راسو بلشت حطول الكمادات وهون هو بلش يرتاح
عماد:بتعرفي شوو
سيلينا:شو
عماد:انا ع ايدك بطيب
سيلينا:(دق قلبي بسرعة وما بعرف شو السبب) ههه اي لانو انا رفيقتك اجباري
عماد:😒طيب شو كنتي بدك تعملي
سيلينا:نقوم نطلع لبرا نلعب بالمي والله المزرعة جوها نظيف وحلو
عماد:طيب قومي
قمت انا وعماد تمشينا بالمزرعة
سيلينا:اي مين حبيبتك الجديدة حابب من وراي
عماد:هههه لا لا ولو بس هي ما حابة حدا يعرف
سيلينا:مم عرفني عليها
عماد:نوو بغار
سيلينا:شو غليظ طيب اوصفلي ياها صرت متحمسة اشوفها
عماد:ممممم طيب بخبرها
سيلينا:مممم اتصل عليها هلق
عماد:ما بقدر
سيلينا:لك يلا عماد
عماد:طيب طيب
مسك تلفونو عساس اتصل
عماد:هلا حبيبتي ي روحي كيفك وانا مشتاقلك اي اي ليكي اي ليكي بدي قلك سيلينا حابة تتعرف عليكي شو رايك نشوف بعض بكرة اي تمام يا روحي بنفس المكان اي حبي يلا بشوفك
سيلينا:يايييي وافقتت
عماد:اي وافقت😍
سيلينا:تحمست شوفها
عماد:هي حلوة كتير
سيلينا:ممم بنشوف
رجعنا عالمزرعة لبس جاكيتو ورجعنا عالشركة اكلنا شاورما ورجعنا ع البيوت وهيك مرق يومنا حطيت راسي لانام وانا متحمسة شوفها دق باب الغرفة
سيلينا:تفضل
دنيا:كيفك
سيلينا:تمام وانتي تعي لشوف شبك
دنيا:سيلينا هو انا جيت اسهر معك اذا ما عندك شي
سيلينا:اي تعي
دنيا:كيف قضيتي يومك
سيلينا:حكيتلها كل شي
دنيا:حلو طيب شو رح نعمل بالسهرة
سيلينا:تعي نلعب شي لعبة
دنيا:ممممم ما بعرف بالالعاب ولا بحبها
سيلينا:طبب شو رايك بعد بكرة نطبخ سوا
دنيا:هههه اي ما عندي مشكلة لكن رح روح نام
سيلينا:طيب تصبحي ع خير
دنيا:وانتي من اهلو
طلعت دنيا ونمت انا فقت تاني يوم اتصلت بعماد
عماد:انتي ما بتنسي شي طيب يلا رح اجي اخدك
سيلينا:لااا روح مع حبيبتك وانا بجي لحالي
طلعت بالتكسي بعد ما تفقت عالمكان معو وصلت لهنيك كان قاعد وجنبو بنت حاطة نظارة وشكلها غريب بشكل مو طبيعي ما عم اتمسخر بس جد كملو لتعرفو شو صار
سيلينا:(مديت ايدي)هاي انا اسمي سيلينا رفيقة عماد
البنت:(بصوت خشن )وانا حبيبة عماد هيفاء
سيلينا:(كتمت ضحكتي)لابقين لبعض
قعدت معهم وطلبو الاكل بلشنا ناكل وبامان الله وقاعدين وكل شي شوي ولا بيجي شب طويل وفخم وباين انو صاحب المطعم وبيعرف عماد وهيفاء اسم الشب امير
امير:يا هلا منورين كيفك يا حلوة
سيلينا:عفوا
امير:ههههههههههه لك لك انت مجنون شو عامل بحالك
عماد:(تلبك)شبكك هي هي هيفاء
امير:مستحيل مين هيفاء لك هاد احمد😂😂😂بس ما فهمت ليش هيك متنكر
عماد:(بتلبك شديد) ا ا لا ه هي هيفاء
سيلينا:شو عم يصير هون 😅
امير:هههههههه لا بربك احمد شيل النظارة شوي ياخخخخ طالع بتفرط لله من الضحك وفستان يا اهبل
سيلينا:يعني هاي مو هيفاء هاد شب
عماد:اوف اي هاد رفيقي احمد
احمد:يعني فوق ما وافقت فضحتني
امير:هههههههههههه المنظر سبحان الله
يتبع الجزء العاشر ..💛

#وعده
#sheema_bk 💛
الجزء العاشر ..
سيلينا:(ضحكت بكتم)هههههههه يعني لشو هالحركات ما فهمت
احمد:رفيقك هوا يلي جبرني
عماد:وعم تكذب كمان
سيلينا وامير:هههههههه😂
سيلينا:شكيت من الاول والله لانو هيئتك مو هيئة بنت ابدا
احمد:عماد كذب عليكي مبارح بدون ما ينتبه ولهيك جبرني اتنكر
عماد:😞
سيلينا:هههههههههههههههههه بربي فرطتني ضحك دخيل الله
عماد:اسف بس لما شفت حماسك ما قدرت قلك لا
امير:احا 😂من ايمت
عماد:انت سكوت بسببك صار هيك وانتي تعي معي
رحت مع عماد وضليت اضحك اول مرة بضحك هيك من قلبي😂عنجد ما كنتو متخيلين المنظر😂😂وصلني عماد عالبيت وهو خجلان
سيلينا:بلكي بكرة بنفطر مع هيفاء😂😂
عماد:تمسخري تمسخري هاد كلو عشانك
سيلينا:هههههههه يلا باي
طلعت عالبيت رتحت شوي بالغرفة نزلت عالمطبخ سمعت صوت دنيا عم تبكي
سيلينا:دنيا شبك
دنيا:ولا شي
سيلينا:احكي شبك
دنيا:امي مرضانة وتعبانة
سيلينا:(غصيت)سلامتها خير شبها
دنيا:ما بعرف بس خايفا اخسرها ما الي غيرها
سيلينا:لا لا ما بتخسريها الله يطول بعمرها ويخليلك ياها
دنيا:الله يسلمك كيف انتي
سيلينا:تمام
دنيا:اليوم اتصلي ايهم
سيلينا:(غصيت)ايهم شبدوو
دنيا:ايهم كان عم يبكي ومخنوق وما قدرت سكر بوشو
سيلينا:شبدو احكي
دنيا:هو بصراحة طلب رقمك بس ما قدرت اعطيه ياه لاسالك وقلتلو انك غيرتي رقمك
سيلينا:هالكلببب انا بورجيه شو حكالك
دنيا:كان عم يبكي لانو امو مرضت بالمرض الخبيث هداك وهي بالمشفى
سيلينا:لا حول ولا قوة الا بالله الله يشفيها
دنيا:وتارا تركتو بعد ما شافتو بالديسكو مع البنات
سيلينا:الله لا يردو بيستاهل قلة ما تسلا
دنيا:والله ما بعرف شو قول الله يهديه
سيلينا:انا رح اطلع نام
طلعت قعدت ع تختي رفعت شعري بايدي عضيتع شفايفي شو عم يصير ليش كل ما عم حاول انساه بتطلعلي سيرتو انا وحيدة رغم من انو عماد معي بس بحس بنقص بعد ايهم وكانو ايهم كان كل شي بالنسبة الي 😞تمددت وتذكرت اول مرة كنا فيها سوا باول ايام المطر
ايهم:بتصدقي المطر حلو وانتي موجودة
سيلينا:(وانا عم اكل غزلة البنات)ما فهمت
ايهم:يعني ما بحب المطر بس حبيتو مشانك
سيلينا:ما عرفتك يا شاعر
ايهم:(مسك ايدي وطلع بعيوني)انتي احلى شي صار بحياتي
سيلينا:(ارتفعت درجة حرارتي وخجلت)وانت احلى شي بحياتي
ايهم:دايما متل الصغيرة بضلي عفوية بتصرفاتك وبريئة
سيلينا:ههههههه حلوة هديك الصدفة الي جمعتني فيك
طلعت من شرودي وصرت اصرخ
سيلينا:لك الله يلعن هديك الصدفة الي شفتك فيها بكرهك انا بكرهكككك
دنيا:شوفي شبك
سيلينا:ولا شي
دنيا:سيلي شبك
سيلينا:(ضميتها وصرت ابكي)انا لهلق مقهورة منو انا لهلق ما عم انسى هديك اللحظة وقت كان جنب تارا انا لهلق مو قادرة انساه😭
دنيا:هدي هدي ياروحي هوا ما بيستاهلك
سيلينا:انا الغبية يلي صدقتو
دنيا:انتي تعبانة نامي مشان ترتاحي
سيلينا:اهئ اهئ
حطيت راسي وحاولت كتير لحتى غفيت بلشت تمرق حياتي عادي كتير ويوم عن يوم بلشت انسى ايهم فقت بهداك اليوم نزلت عالمطبخ
سيلينا:صباح الخير
دنيا:(بتلبك)اي امي بعدين بحاكيكي اهلين سيلي
سيلينا:اهلين فيكي اليوم بدنا نطبخ سوا
دنيا:هههه تمام انا جاهزة
سيلينا:طيب الفطور جاهز
دنيا:اي جاهز برا
سيلينا:تعي فطري
دنيا:لا بفطر هون
سيلينا:تعي يلا ناطرتك
طلعت وبلشنا نفطر هيك كنت حاسة بشعور حلو بشي حلو رح يصير فطرنا ونزلت انا وبابا عالشركة اجا عندي عماد
سيلينا:لك الك فترة ما مبين وينك حاولت اتواصل معك بس ما رديت
عماد:هو انا كنت تعبان ومبعد عن الكل
سيلينا:(بخوف)خير عماد شبك طيب ليش ما دقيتلي وحكيتلي
عماد:كنت مخنوق كتير
سيلينا:وهلق
عماد:لساتني تعبان لك انا اذا بموت بكون احسنلي
سيلينا:اوف عماد شبك
عماد:امي وابي تخانقو
سيلينا:ع شو
عماد:لمين رح كون يا بنت خالتي يا بنت عمي وانا شكلني رح هج منن صرعوني ما بدي اتزوج هلق انا
سيلينا:ممممم واضح في صعوبة بالموضوع طيب اذا خبرتن انو عندك حبيبة رح يتقبلو هالشي
عماد:خبرتن وصارو بدو يتعرفو عليها
سيلينا:طيب انا جاهزة
عماد:(طلع فيني باستغراب)ما فهمت
سيلينا:ليك عماد انت وقفت معي كتير وساندتني لنسيت ايهم وانا هلق رح وقف معك وردلك هالمعروف
عماد:لا سيلينا استغفر الله شو هالحكي لا سيلينا ما بدي تخاطري بحياتك
سيلينا:وانا ما بحب شوفك مدايق وضل ساكتة
عماد:ما بقدر
سيلينا:كرمالي و بوعدك ما حدا بيعرف
عماد:طيب بس هالخطوة ما بعرف
سيلينا:خلص لا تاكل هم اتصل باهلك وخبرن انو رح نلتقى ليعرفو مين انا
عماد:بس رح ينصدمو
سيلينا:هو اي صح بس بالنهاية عادي
عماد:طيب .. الو ماما لا بقى تتخانقي مع بابا لاني اليوم عازم حبيبتي عالعشا ورح تعرفو مين هي اي ماما بتعرفيها طيب ماما بنجي المسا
سيلينا:تمام رح روح عالبيت جهز حالي
عماد:طيب
رحت عالبيت وانا خايفة من هالخطوة تصرفت بدون وعي بس ما عاد اقدر اتراجع لازم كون واقفة ناح عماد وما اتركو لحالو رجعت عالبيت
يتبع الجزء الحادي عشر ..💛

#وعده
#sheema_bk 💛
الجزء الحادي عشر ..
طالعت فستان اسود ناعم نازل عالكتف وكعب اسود جاف بدون لمعة وبلشت سشور شعري عملتو ليس ناعم شعري باخر خصري حطيت ميكب باختصار كنت طالعة ملكة بدون ما حدا يقول تصورت شوي ودقيت لعماد
سيلينا:عماد انا جاهزة
عماد:(بتوتر)طيب رح اجي اخدك
سيلينا:تمام
وهلق اخر مرة رح بخ عطري المفضل تش تش يارب قويني مع انو انا هلق مكسورة كتير عم دواي غيري وانا المكسورة انا لسا ما نسيت ايهم وبيخطر ببالي كل شوي بس بحاول ما احكي عنو كتير كرمال انسى نزلت وكان عماد برا
عماد:كيف ما كنتي وكيف ما لبستي بتضلك ساحرتيني
سيلينا:يلا نمشي
عماد:اي يلا
طلعنا ضلينا بالسيارة بس عم يطلع فيني هو كان مسحور ب كيف طالعة
سيلينا:ركز بالسواقة ليصير شي حادث
عماد:هههه طيب شكرا سيلينا
سيلينا:ع شو عم تشكرني
عماد:ع وقفتك معي ما رح انسالك ياها
سيلينا:انا هون كرمالك
عماد:دخيل قلبك مانك مفكرة ترتبطي وتنسي هداك
سيلينا:ابدا انا كرهت شي اسمو حب
عماد:بس مو كل اصابعك متل بعض
سيلينا:بس كمان ما نسيتو لبلش بحب جديد
عماد:ما بعرف عنك يلا ننزل
سيلينا:يلا
نزلنا عماد كان خجلان كتير قبل ما ندق الباب مسكتلو ايدو وشديت عليها
عماد:(نظرة بمعنى ليش)
سيلينا:عم مثل دور الحبيبة مشان ما يشكو
دخلنا لجوا وكانت الاجواء هادية ورومنسية قعدنا سلمت عليهم هني رفقات بابا بس انصدمو وقت عرفو انو هي انا
ام عماد:زوقك يا ابني غير شكل
ابو عماد:يمكن لو وحدة تانية ما كنت وافقت
سيلينا:(ضحكت بخجل)ههه تسلمو يارب
بلشنا ناكل وانا خايفة ومتوترة ننكشف هيك لقمنا لنسهر برا بالجنينة قعدنا نحكي وكذا
ابو عماد:معناها لازم نستعجل بامور الزواج
عماد:شووو بابا
ابو عماد:مو هي حبيبتك وين المشكلة
عماد:بس .. قاطعتو
سيلينا:بصراحة عمو احنا لسا مو جاهزين
ابو عماد:ع راحتكن بس قبل الشهر ما يخلص لساتنا باول الشهر
سيلينا:ان شاء الله عمو
طلع فيني عماد وبعيونو خوف ما بدو ياني خاطر وخرب حياتي بسببو خلصنا عشا وصلني عماد عالبيت
يزن:مبروك بنتي بتخبي ع ابوكي طلعتي مرتبطة بعماد ورح تخطبو
دنيا:مبروك
سيلينا:(بتلبك) ا الله يبارك فيكن
تركتن وطلعت ما عرفت شو بدي اعمل ما بازم انسحب وبنفس الوقت لازم انسحب حدا عبفهم علي اكيد لا بلشت تمرق الايام وعادي قدام الناس نتماثل بالحب مرقت اول فترة صعبة شوي نتلبك وكذا وبعدين تعودنا لاتصلت بعماد وتقابلنا
سيلينا:بصراحة لازم ننهي علاقتنا قدام الكل
عماد:بس
سيلينا:بس شو
عماد:بس انا ولا شي
ما فهمت عليه رجعت عالبيت باليوم التالي كان عيد ميلادي فقت الصبح لقيت جنب التخت بوكس كبير مكتوب عليه هابي بيرثدير تو يو وكل عام وانتي سعادتي
انصدمت مين ممكن يكون مستحيل عماد فتحت البوكس كان فيه عطر واكسسوار ونوتيلا وشغلات بنات كتيرةة مليانة واخر شي طلعت رسالة
"رح ضل مجهول اذا حابة تعرفيني ف تعي على هاد المكان .. رح تعرفي كل شي هنيك"
قمت غيرت ونزلت وقلت لدنيا اني طالعة طلعت عهداك المكان وبعدت انطر لحد ما شفت عماد اجا عماد وانا مصدومة
سيلينا:الهدية حلوة شكرا
عماد:اليوم رح تعرفي كل شي
سيلينا:متل
عماد:من وقت الي مثلنا ما كان تمثيل انا كنت بحبك عنجد ولهلق انا بحبك سيلينا انتي نسيتي كل شي صار معك رح تبلشي بصفحة جديدة انا بوعدك كون رجال الك وما اخذلك "لملم امتعة قلبك وقل اللهم هذه المرة تقبلني" انا بدي ياكي ورايدك بالحلال
سيلينا:يعني انت بتحبني
عماد:اي
سيلينا:يعني انت ما كنت عم تمثل
عماد:لا ما كنت مثل
سيلينا:وانا بحبك
عماد:مستحيل عم تمزحي صح
سيلينا:لا بس واثقة فيك
عماد:(ضمني بكل قوة)ياروحي الله لا يحرمني من وجودك بحياتي
سيلينا:اهى دخيل قلبك
عماد:كان عندي ثقة تقبليني
سيلينا:والعبارة هي الي شدتني
هههه اي استعجلت بس يمكن لو بلشت حب جديد رح انسى الحب القديم وما بعد إلى أين يا قدر ..
رجعت عالبيت وفورا بعتلي
عماد:اشتقتلك
سيلينا:بهل السرعة
عماد:ههههههه اي بهل السرعة
سيلينا:مجنون وحياة الله لحقت تشتقلي
عماد:هههه اذا بدي كون مجنون ف رح كون مجنون فيكي
سيلينا:طيب وحبيبتك تعبانة بدها تنام
عماد:تقليعة يعني 😒
سيلينا:لا والله ابدا بس يمكن اغفى وانا عبحكيك اذا ما بتنزعج بنكفي حكي
عماد:اي عادي هاتي لشوف شو في مافي
سيلينا:قبل شوي كنت معك😂
عماد:ممممم غنيلي اسمع صوتك نعيش حياة العشاق انتي تغني وانا انام ع صوتك
سيلينا:صوتي ابدا مو حلو
عماد:كزابة صوتك الناعم بيخليني اغفى
سيلينا:عماد
عماد:والله بزعل
سيلينا:طيب شو غنيلك
عماد:غنيلي اغنية بتخطر ببالك
سيلينا:(بلشت اغني بصوت خفيف وناعم)يا حياة الروح قلبي ما داق النوم ولا يوم ولا يوم انا عمري ما نسيتك انا ما سدقت لقيتك وبتسال لو حبيتك وانا دايب فيك هات ايدك تحضن ايدي شوف حبك جوا وريدي قربت اقول يا سيدي وهي خلصت
عماد:...
سيلينا:عماد وينك
عماد:...
سيلينا:شكلو نام
سكرت التلفون وحطيت راسي ونمت عن هالحب مثلا نام ع صوتي!
يتبع الجزء الثاني عشر ..💛

#وعده
#sheema_bk 💛
الجزء الثاني عشر ..
فقت تاني يوم فتحت الفون وانا متسطحة بتختي لقيت رسائل منو
عماد:‏ساحبك وساعدك اني ساكون بجانبك الى الابد ولن اسمح لغيري ان ياخذكي مني
سيلينا:ههه صباحو
عماد:هلا حبيبي صباحك يروحي وينك كان ما نزلتي عالشركة
سيلينا:ههه اي هلق قايمة انزل ليش مبارح نمت
عماد:اي صح اسف والله بس صوتك غفيت عليه وانتي عم تغني
سيلينا:(ضحكت ضحكة بخجل)طيب قايمة البس وانزل
عماد:ما تفطري بنفطر سوا
سيلينا:حاضر ي روحي
عماد:انتبهي ع حالك
سيلينا:وانت
قمت وانا حاسة بشعور الحب من جديد انا عم عيش هالشي من جديد ما نسيت ايهم بس بنفس الوقت ما عم يخطر عبالي متل اول ما خاني لبست رسمي ونزلت عالشركة طلعت ع مكتبي دق الباب
سيلينا:تفضل
السكرتيرة:البيك طالب الوراق والملفات
سيلينا:حاضر هلق بجيبن
طلعت السكرتيرة جهزت الملفات والوراق وطلعت عند بابا عطيتو ياهن وقعدت شوي لاشوف شو رح يعمل
يزن:فيكي تروحي بنتي
سيلينا:طيب بابا شو اعمل قلي مالو
يزن:شوفي روحي اتفحصي منيح كل الموظفين والمكاتب واذا كل شي عم يمشي تمام
سيلينا:حاضر بابا
رحت بلشت بالجولة دخلت اول غرفة فيها 4موظفين تلبكو كلهن
سيلينا:مرحبا
الموظف الاول:اهلا يا مدام تفضلي
سيلينا:(طلعت عالغرفة نظيفة طلعت عليهن عم يشتغلو تمام الوضع هون)مممم يعطيكن العافية
طلعت ورجعت فتت ع غرفة تانية وهيك لخلصت كل الشركة طبعا غرف كثير ومافي اي ملاحظات رجعت ع مكتبي فتحت الفون
عماد:خلصي شغلك وتعي
سيلينا:ح شوف بابا
طلعت لعند بابا كان مشغول وملبك
سيلينا:بابا عادي روح شوف عماد
يزن:روحي بنتي
رحت عالشركة تبع اهل عماد وانا داخلة تقريبا قدام الشركة بخبط فيه وبيقعو كل شي وراق منو
سيلينا:اوه اسفة عنجد
الشب:ولا يهمك
عطيتو الوراق
سيلينا:اسمي سيلينا
الشب:اسمي ايهم
سيلينا:ايهمم
ايهم:اي شبك
سيلينا:لا ولا شي سلامتك بالاذن
دخلت وانا قلبي عم يدق انا عم حاول انساه ليش خبطت بشب اسمو ايهم
عماد:مين هاد يلي واقفة معو
سيلينا:خبطت فيه
عماد:وليش تاخدي وتعطي معو
سيلينا:😒وانت شبك معصبب مافي شي خبطت فيه وعتذرت
عماد:كل هاد ومافي شي
سيلينا:شبك عماد
عماد:(بعصبية )لك فهمي فهمي انا حبيبك يعني انا بغار عليكي انا عندي ثقة فيكي وواثق فيكي بس ما بدي حدا يقرب منك غيري
سيلينا:سوء تفاهم خلص هاد نصيب واكلتو
عماد:😡😡
سيلينا:رح ازعل 😢
عماد:لا خلص اهم شي عندي زعلك ما تزعلي
بلشنا نفطر وانا ساكتة وهو عم يطلع فيني كنت متدايقة من عصبيتو مسك ايدي وطلع بعيوني وانا هون قلبي صار يدق وتلبكت وعم اخد نفس بصعوبة
عماد:(بصوت حنون)ليكي سيلينا انا بحبك وبثق فيكي ولو ما واثق فيكي صدقيني ما كنت ارتبطت فيكيي احنا اصدقاء من الطفولة وانا حبيتك واحنا كبار ما بدي تزعلي مني ولا بدي اي سبب تافه يبعدني عنك وانا بس بغار عليكي ما بدي شي يلمسك بدي تكوني الي وبس وانا عم اوعدك هلق قدام ربي انو ما رح تكوني لغيري وعدي الك اليوم رح تكوني بس الي
سيلينا:انا بحبك
عماد:وانا بعشقك
صافنين بعيون بعض وماسك ايدي ولا بدخل ايهم حبيبي السابق الخاين نقزت واجيت بعد ايدي بس عماد شد عليها
ايهم:وعم تخونيني يا انسة سيلينا
سيلينا:(نزلت دمعتي يلي ما قدرت خبيها انا بعد كل هالمحاولات طلعت بحياتي ليش)
عماد:هي ما اسمها خيانة تمام يا حلو
ايهم:ولله فيك تفهمني هاي شوو
عماد:انت يلي خنتها وتركتها ومن بنت لبنت وجاي تقللها خيانة شو وضعك حبيبي
ايهم:اسمها خيانة وغصبن عنك
شوي ورح يتخانقو
سيلينا:(صرخت صوت)لك خلص حاجج انا كل ما بحاول انساك عم تطلع بحياتي خلص اطلع منها لا تضل ترجع بكرهكك بكرهك بكرهك
وهربت من كل الشركة وهما عم يحاولو يركضو وراي بس كنت اسرع منهم وصلت لحارة تمشيت فيها وانا عم ابكي واتذكر كل لحظاتي مع ايهم هو ليش ليرجع ليش ما كنت عرفانة شو صار بينهن التنين الا انو انا كرهتو عنجد ضليت عم امشي لمدة ساعة بعدين طلبت تاكسي ورجعت عالبيت طلعت تسطحت وبلشت ابكي بعدين مسحت دموعي ونزلت ما لقيت بابا
سيلينا:(بصوت مبحوح)دنيا وين بابا
دنيا:لهلق ما رجع
اتصلت عليه
سيلينا:الو بابا ليش تاخرت وينك
يزن:بالمشفى يا بنتي
سيلينا:(بخوف)خير بابا شو صاير
يزن:عماد تصاوب رصاصة من واحد بالشركة وما عرفو مين
سيلينا:(بخوف قوي)شو طمني بابا وضعو منيح وين باي مشفى انا اي جاي يلا
طلعت عالمشفى دغري عطيتهن اسم عماد وطلعت امو وابوه زعلانين وبابا عم يهديهن وانا مصدومة طلعت عليه من بلور القزاز ..
__________________________
كان نايم ع فراشو ونبضاتو بطيئة والدكاترة حواليه محطوط سيرون وهو بلا روح معقول يموت لا بعيد الشر يارب تحميلي ياه عم حس للحظة رح افقدو كملت شردتي وانا عم اتطلع فيه
_______#شيما______________
طلع الدكتور بعد ساعات ركدنا عليه
الكل:دكتور طمنا
الدكتور:ع لحظة كنا رح نخسر المريض ونصيبو يعيش والحمدلله وضعو مستقر
سيلينا:(حطيت ايدي ع قلبي)الحمدلله
يتبع الجزء الثالث عشر .. 💛

#وعده
#sheema_bk
الجزء الثالث عشر ..
سيلينا:فيني شوفو
الدكتور:اي اكيد بس ادخلو شخص شخص
دخلو ام عماد وابو وطلعو وبعدين دخلت انا قعدت جنبو مسكتلو ايدو
سيلينا:بتعرف اليوم كنت رح اخسرك .. اليوم عرفت قيمتك .. اليوم حسيت بفقدان كبير لاني رح اخسرك .. بتعرف ولا لا .. بتعرف اني كرهت ايهم وبلشت حبك الك .. بتعرف انو نسيت مين ايهم اصلا .. اليوم لاني رح افقدك .. اكرهت ايهم وحبو وما عاد يعنيلي شي .. يا روحي الله يحميلي ياكك
طلعت فيه وصفنت ومتى رح تفيق يعني
_#شيماا__________________
عنجد نحنا ناس غريبين .. يوم تكون معنا النعمة .. ما بنقدرها .. ولما نجي لنخسرها .. بنعرف قيمتها .. شي غريب ..
_#شيماا___________________
نطرت شوي وما فاق شكلها راحت للصبح رجعنا عالبيت باليوم التالي بابا راح عالشركة وانا رحت عالمشفى اخدت معي ورد وهيك دخلت لعندو كان لساتو نايم
سيلينا:يوهه لساتك نايم معقول حبيبي صباحك يروحي قوم
عماد(بصوت تعبان وحاطط ايدو ع بطنو)صباح الخير سيلينا
سيلينا:(فرحت كتير)يروحي صباحك لا تحكي شي شراب مي يلا ايوا هيك جلس حالك تمام متل القرد ما فيك شي
عماد:😒انا متل القرد انا تعبان هلق لازم تهتمي فيني ست سيلينا
سيلينا:ههه عم امزح يروحي
دخلت الشرطة
الشرطي:سيد عماد انت قادر لنحقق معك
عماد:اي بس بوجود سيلينا لازم تعرف شي
الشرطي:طيب
بلش يسالو وكذا وهو يجاوب عرفت انو بعد ما انا هربت عماد وايهم تخانقو وايهم قوص عماد قديشك وسخ يا ايهم بوساخة هالعالم ما بتفرق عنن بشي
الشرطي:تمام انسة سيلينا انتي كنتي عند عماد
سيلينا:ما رح اثبتلك بس في كاميرات بشركتهم وفيك تتاكد بنفسك
نحرج وطلع وضلت صافنة بعماد وهو عم يطلع فيني ويضحك
عماد:طيب جوعان انا طعميني مو قادر حرك ايدي
سيلينا:حبيبي تدلل يلاا بتقدر تاكل
عماد:😒نن
بلش ياكل وانا صافنة فيه دخل الدكتور وفحصو وعماد عم يطلع ع الدكتور اذا رح يطلع علي او لا ضحكت والله ههههه اي حتى وهو تعبان دخيل الله
الدكتور:وضعو منيح بتقدرو تخرجو
راح ابو عماد وقع عالوراق وخرجنا ورجع عالبيت بصحة احسن بلشت اهتم فيه انا وكل يوم شق عليه وروح عالشركة اتفحصها منيح واشتغل مع بابا ليمرق فترة منيحة ويتحسن عماد بترجع حياتنا طبيعية بياخدو ايهم لانو هو يلي اطلق ع عماد وبترجع حياتنا طبيعية والحمدلله عماد بلشت حبو واتعلق فيه لاني وثقت فيه اما ايهم ف نسيتو بنلتقي انا وعماد بالسينما بعد ما بيتشافى عم ننطر الفلم ليطلع
سيلينا:(حطيت راسي ع كتفو)بتصدق خفت كتير انو اخسرك
عماد:عنجد؟
سيلينا:اي خفت اخسرك حسيت للحظة انو كل الدنيا تسكرت بوجهي من عند هالنقطة انا بلشت حبك
عماد:(حط ايدو ع شعري)يا عمري انتي يخليلي ياكي لا تخافي ما رح يفرقنا شي
بلش الفلم وانا عم تطلع بعيونو بلشنا نشوف الفلم واحنا شاردين فيه لحتى انتهى وانتهى البوشار كانت قصتو كتير حلوة قمنا وطلعنا
سيلينا:تعال لعنا نقعد وتشوف بابا
عماد:لا تعي بدي اخدك ع مكان
صرت امشي معو لوصلنا لمكان اكسسوارات اشترالي طوق ولبسني ياه كان احلى شي بحياتي ☹️ رجعنا عالبيت ودخلت وانا مبسوطة فتت عالبيت طلعت عالصالة وانا مصدومة كتير من المنظر الي شايفتو😳 جيت لاطلع واتجاهل
صبحية:وقفي عندك شو ما حتسلمي ع امك
سيلينا:(بدون ما اطلع عليها)انا ما عندي ام
يزن:له يا بنتي بتضل امك
صبحية:ما بعرف ليش هيك عم تتصرفي
سيلينا:(طلعت فيها وانا عم ابكي)انا ما عندي ام من زمان قطعت صلتي فيها
صبحية:لك ليش بنتي
سيلينا:(وانا كازة ع سناني)لو سمحتي لا تقولي بنتي انتي مانك امي انا ما عندي ام تركتيني من وقت ما كنت صغيرة وما سالتي عني ربيت لحالي وكبرت لحالي وهلق عم تقولي ام؟مين انتي اصلا
تركتهم وطلعت ع غرفتي قفلت الباب ع حابي وبلشت ابكي انا بكره هالمخلوقة هي مو امي ولا رح تكون امي ابدا
سيلينا:مستحيل تكون امي مو ام يلي بتترك ولادها كرمال المصاري 😭مو امي هي مو امي انا مالي ام مالي ام ما الي غير عماد
عماد:سيلينا اكيد شتقتيلي
سيلينا:(اخدت نفس وشهقت وبلشت ابكي)
عماد:شبكك خوفتيني شو صاير احكي
سيلينا:(حكيتلو كل شي)
عماد:يا عمري هدي خلص ما رح يصير الا كل خير طنشيها وما تردي عليها
سيلينا:مو قادرة اتحمل ما بتتخيل كيف لما شفتها متغيرة ايي بس بكرهها
عماد:يا عمريي قومي نامي وريحي راسك ولا تفكري الا فيني
سيلينا:مو قادرة
عماد:ح غنيلك شو رايك
سيلينا:هه مشان اضحك ع صوتك
عماد:يا ستي اعتبريها متل ما بدك
سيلينا:طيب
عماد:اعترف من يمي جانت دنيا كلش حلوة صارت على رجلي هواية نامت هيج اني احبها
سيلينا:هههه مجنون انت عنجد
عماد:مجنون فيكي وبس وفشر حدا تاني ياخد مكانتك
سيلينا:يا روحي يخليلي ياكك ولا يحرمني منك
سكرت معو ونمت فعلا لما سمعت صوتو ارتحت فقت تاني يوم وبس عم اتجاهلها طريقة بابا تغيرت معاملتو معي صارت للاسوء بس كنت طنش وطنش وطنش مرقت فترة منيحة كلها مشاكل وكره ومن سوء لاسوء للاسف
يتبع الجزء الرابع عشر ..💛

#وعده
#sheema_bk 💛
الجزء السادس عشر ..
صبحية:لوين يا مهون
سيلينا:(بجراة)انتي ما دخلك تمام
وسكرت الباب بقوة طلعت ونزلت عالشركة تصفحت شوي وسلمت عالموظفين دخلت لعندي السكرتيرة تبع بابا
السكرتيرة:مدام انتو كنتو رح تخسرو كل شي
سيلينا:كيف
السكرتيرة:بصراحة ما بعرف بس ابوكي وابو الاستاذ عماد تخانقو ومن وقتا ما عاد اجا ابو عماد بهون
سيلينا:طيب روحي ع شغلك
.
انو شو عم يصير ليش متخانقين مشان هيك ما اجو عالحفلة ممم الله يستر بس نزلت عالكافتريا الي بنقعد فيها انا وعماد بالعادة هه حبيبي السابق حلوة هي كنت عم اتذكر كل لحظاتي معو بهل المكان وبشكل عاام بباقي الاماكن تمشيت شوب عالبحر واشتريت بوظة لاغير نفسيتي
.
رجعت عالبيت يا دوب قدرانة امشي دايخة كتير دخلت وودغري اغمى علي فقت ع صوت الدكتورة
الدكتورة:الحمدلله ما فيها شي هاليوميين لازم تتغذى
سيلينا:ول ولا ي يهمك د دكتورة ا انا ب بهتم ب بنفسي
الدكتورة:انتي هلق تعبانة ارتاحي معافاية
.
طلعت بحالي صدقوني رح كون اقوى وحدة بكرةة وهاد وعد مني نمت وشفت احلام احلام كتير حلو كنت بتمنى اعيشها مو احلمها
.
باليوم التالي عم زبط حالي ونزلنا عالكوافيرة عملتلي شي بسيط ولبست هالفستان واجا باسل لياخدني الي الي فترة ما شايفتو هاد نصيبي رح ارضى فيه بس مو بهل السهولة دخلنا عالصالة بعدين استاذنت لاطلع عالغرفة لان خرب الميكب تبعي شوي وقلت بما اني خبيرة شوي بزبط فيه
.
بدموع بسيطة وانا عم اطلع ع حالي بالمراية صح اليوم رح تنزفي لشخص غير الي بتحبيه بس انتي رح تكوني قوية وتعوفي الساعة الي اجا يطلبك فيها يلا لننززل رفعت فستاني وطلعت اجيت بدي انزل لتحت عالجنينة لان الحفلة هنيك ما بحس الا ع حدا حط مخدر وغفيت
.
فقت وطلعت حوالي ما كنت مربطة غريب ؟ الجو كان بارد والفستان نازل ع كتافي لهيك بردت كتير وبلشت ارجف يا ترى شو بيكون صاير هلق مين يلي خطفني وحطني هون وشو مصلحتو ياريت هالخاطف لو بيقتلني بالمرة كان مستودع صغير وبارد كتير والهوا عم يدخل ويطلع والجو مطر برا كنت بردانة بلشت ارجف وفورا ارتفعت حرارتي ما عندي مناعة قوية ضليت عم اطلع حوالي ما بعرف شو بيكون صار عندن
.
فجاة دخل علي واحد ضخم عماد هاد شو جابو لهون
عماد:كيفك يا عروس
سيلينا:(بصدمة كبيرة)انت شو عم تعمل هون
عماد:ولا شي بدي احكي مع حبيبتي ولا ما بيحقلي
سيلينا:بس احنا تركنا من زمان
عماد:انتي تركتي بس انا ما تركت
سيلينا:قصدك اني تخليت عنك
عماد:اي كرمال شوية مصاري
سيلينا:وانت
عماد:انا شو
سيلينا:انت يلي تركتني روح لغيرك انت يلي ما وفيت بوعدككك
عماد:لا حبييتي اليوم رح اوفي بوعدي وانتي حتى ما فكرتي تسالي شبك
سيلينا:سالتك وما حكيت
عماد:ما قدرتي تصري علي ما مشكلة انا وعدتك مستحيل تكوني لغيري صح ومستحيل تكوني لغيري ورح تبقي عندي ورح نتزوج وبعدين بنرجع عالعيلة والاهل
سيلينا:قتلني وريحني بكون احسن
عماد:سيلينا احكيلي حدا اذاكي؟حدا ضربك احكي هاد الواطي قرب منك
سيلينا:اذوني وبس؟ عذبونييييي يلي ما في بقلبهن رحمة انت متخيل وقت يلي تركتني تركتني لوحوش
عماد:(عصب )والله لاورجيهن واحد واحد
سيلينا:تركني عماد خليني ارجع مو ناقصني حكي العالم
عماد:مو ع كيفك وانا بعرف الك فترة بلا اكل لهيك جبتلك معي اكل كلي وبفهمك كل شي
سيلينا:ما بدي اكل
عماد:يالله بلش العناد تبعك كلييي
سيلينا:مو جوعانة
اجيت قمت لاهرب من غبائي وهو موجود
عماد:بدك تهربي كمان وحياتك ما رح تهربي
.
سيلينا:مشان الله فكلي اييدي والله طقيت
عماد:(حط ايدو ع ايدي)مستحيل اتركك تهربي مني سيلينا انا بحبك واحنا منا متفقين نتزوج بس ابوها لتارا كان مخرب كل شي
سيلينا:ك كي كيف
عماد:ايدك سخنة كتير مرتفعة حرارتك كان
حط ايدو ع جبيني حاولت بعد بس ما قدرت غمصت عيوني وقلبي دق بسرعة كبيرة ودرجة حراراتي ارتفعت اكتر
.
سيلينا:شكرا بس فيك تفهمني شو عم يصير
عماد:مو بينا الشكر حب
سيلينا:اذا هيك فكني وبوعدك ما رح اهرب
عماد:بتوعديني انك تبقي معي
سيلينا:اي بوعدك
فكني وقعد جنبي
.
عماد:سيلينا انتي بتعرفي شو المشاكل الي صارت بين بابا وابوكي
سيلينا:لا متل الاطرش بالزفة
عماد:مممم طيب وقت رحتي ع دبي واخدتي الشنتة طبعا انا رحت معك لاني كنت بحبك وكنت عم راقب مشان ما يصير اي غلط وقت ستلمتي الشنتة ووقعتي ورجعنا وكان الوضع عادي بس وقت ابوكي ترك الشنتة عند بابا كانو لسا مو فاتحينها رجع ابوكي فتحها وفكر بابا هو يلي سرق المصاري الي بقلبها طبعا المصاري دين بين ابوكي وابو تارا يعني قصة طويلة بعدها بابا ما تحمل ابدا وصارت هالمشاكل وبابا ما شرق شي الشنتة كانت فاضية
سيلينا:ممممم وانت ليش كنت بارد باخر العلاقة
عماد:لانو بابا بعد ما اتهمو ابوكي بالسرقة زعل كتير وقلي هو اصلا بدو يزوج بنتو لهيك رح زوجك بنت عمك واذا بتحكي حرف ولا بتعارض والله لتندم طبعا انا رفضت مستحيل اخد حدا غيرك لهيك كنت بوقتها مخنوق
يتبع الجزء السابع عشر ..💛

#وعده
#sheema_bk 💛
الجزء السابع عشر ..
سيلينا:عماد
عماد:عيونو لعماد
سيلينا:انا لهلق ما كرهتك انا لهلق بحبك !
عماد:كنت متاكد انك لهلق حاببتيني
سيلينا:عماد لا تتركني!
عماد:(قرب مني وضمني)مستحيل اترككك يا روحي
هون حسيت بحنان بامان هون نسيت كل شي صار معي وبديت شي جديد هون
.
سيلينا:عماد
عماد:دنيتو لعماد
سيلينا:انا كيف بدي اتزوجك
عماد:😒متل اي تنين بتزوجو
سيلينا:لا يعني بقصد انا مكتوب كتابي ع باسل
عماد:هاد الحيوان ما بتجيبي اسمو ع لسانك بغار انا وبخصوص الكتاب الشيخ الي بعثتو كتب كتاب مزيف يعني انتي مانك ع اسم حدا
سيلينا:ك ك ك ك كيف
كانت صدمة بالنسبة الي معقول بس اي الي بحب بعمل اكتر من هيك
سيلينا:لكن شو عم تستنا خلنيا نتزوج بسرعة
عماد:ههههه يا عمري مستعجلة
سيلينا:انا هلق استعجلت لاني عرفت الحقيقة
عماد:وكمان
سيلينا:لانو ما بدي حدا ياخدني منك
عماد:(قرب وضمني وباسني من جبيني)وباذن الله ما حدا رح ياخدك مني يلا قومي معي ننزل عالمحكمة
.
نزلنا من السيارة ودخلنا عالمحكمة وطبعا اهلي كانو عم يدورو علي بس بهي اللحظة رح اتخلى عن سعادة الكل كرمال سعادتي انا دخلنا عالمحكمة وتزوجنا طبعا ووقعنا عالارواق صح ما عملنا حفلة بس هو بالنسبة الي احلى حفلة😢💛😂
.
عماد:الف مبروك يا عروستي
سيلينا:مبروك النا لانو قدرنا نتخطانهن كلهن
عماد:بس هلق انا مظطر خبيكي وارجع
سيلينا:اذا رجعت احتمال بابا يعملك شي او ابوك يزوجك يا بنرجع سوا يا بنتخبى لحالنا سوا
عماد:فهمي انا خايف عليكي
سيلينا:ما تتركني لحالي لانو احتمال اتاذى لهيك بنتخبى فترة وبنرجع بعد فترة ويلي ما بيرصى بنسافر وبنترك ونرمي الكل ورانا انا ما عاد بهمني شي وانا معك لاني متاكدة انو انا مع رجال
عماد:يا عمري طول ما انا عايش وحياتك ما حدا بقرب ناحك
سيلينا:وهلق وين رح نروح
عماد:مممم نروح عند امير رح نتخبى عندو
سيلينا:طيب بس بتوعدني ما تروح ع مكان الا ورجلي ع رجلك
عماد:بوعدك
.
امير:اهلا وسهلا نورتو دخلو بسرعة
سيلينا وعماد:فيك
امير:شو بتحبو تاكلو اكيد جوعانين
عماد:سيلينا الها فترة ما اكلت لهك اذا في شاورما
امير:اكيد تكرم انت وياها شوي وبتوصل
سيلينا:(حط عماد ايدو ع ايدي وشديت عليها بمعنى لا تتركني)
عماد:شبك سيلينا خايفة
سيلينا:ما رح خاف وانت معي
امير:تزوجتو
عماد:اي بس مافي حفلة انت عارف الوضع
امير:ان شاء الله الف الف مبروك لا تخاف حيصير عرس ما صار متلو
عماد:ان شاء الله بتتصلح الامور
امير:كيفك سيلينا
سيلينا:تمام وانت
امير:تمام بتحبو تشربو شي
هزينا بمعنى لا وصلت الشاورما وبلشنا ناكل الي زمان ما ماكلة شاورما والشاورما ما الها طعم الا مع عماد هاد شي بالنسبة الي
.
امير:هي غرفتكن اذا حسيتو ع شي حدا في بهل الغرفة تحت السجادة السودة جنب الباب يعني شيل السجادة في باب كمان بتفتحو فيه درج بتنزلو فيه لتحت بتتخبو لبين ما يطلعو او يروحو وبالنسبة للسجادة قبل ما تسكر الباب رجع السجادة بطريقتك وبعدين ادفش الباب ولحالو رح يتسكر ويرجع الوضع طبيعي
عماد:تمام شكرا يا صاحبي ان شاء الله اتذكر
امير:انا هون كرمالك
سيلينا:يعني صح كشفتو قدامي بس بتضلك منيح 😂💛
امير: هههههه لو بعرف عم يمثلو ما بكشفهن
سيلينا:الله يسامحك
امير:انتو اكيد تعبانين دخلو رتاحو بغرفتكن وبكرة بنشوف شو بدنا نعمل
عماد:طيب تفضلي سيلو
سيلينا:شكرا كتير
.
تسطحنا ع التخت ونحنا عم نفكر كيف رح نقنع اهالينا يعني قد ما كان لازم رضاهن
سيلينا:حاسة اخرتنا رح نموت سوا بهل الفترة
عماد:انتي جنيتي مستحيل هالشي يصير
سيلينا:مافي شي مستحيل ع فكرة انت ما بتعرف شو ممكن يطلع مع باسل وبابا والشرنة
عماد:نامي سيلينا انتي تعبانة
سيلينا:ما عم اقدر انام اصلا
عماد:احتمال نسافر لهيك نامي
سيلينا:والله مو قادرة
عماد:طيب تعي لاشوف حطي راسك ع رجلي ونامي لسا عم تتحججي 😜
سيلينا:مممم هلق بقدر نام وانا مرتاحة
.
فقنا تاني يوم قمنا غسلنا وانا لساتني بالفستان هفف بلبك وتعبانة فيه طلع عماد وانا خايفة يصيرلو شي رجع وهو معو بيجامة زم من تحت وهك يعني خرج طلعة ومريحة
سيلينا:(دمعو عيوني وركدت عليه ضميتو)عنجد شكرا .. يخليلي ياكك ولا يحرمني من وجودك انت سندي
عماد:يا عمريي يلا غيري اكيد تعبتي بالفستان
سيلينا:اي والله وكتير
.
سيلينا:وهلق شو رح نعمل
امير:هلق انا رح طل ع بيوتكن وشوف شو الوضع وبردلكن خبر
عماد:ياريت بس بدك تنتبه منيح اكيد مسلحين
امير:ولا يهمك شريك ابوك رفيق بابا الله يرحمو بس ما بعرف كيف رح اتصرف مع ابو سيلينا
سيلينا:اممم لنشوف شو رح نعمل اتوقع جية ماما فجاة مو ل الله ملاحظين مع جية ماما انسرقت الشنتة ونحطت ب عمو ابو عماد
عماد:ليش امك متى اجت
سيلينا:تقريبا من شي اسبوع
عماد:اي وبابا وابوكي من شي اسبوع متخانقين
سيلينا:معناها امي يلي تركتني من لما كنت صغيرة ليش لتجي بعد كل هالسنين
امير:وضحي شوي كلامك
يتبع الجزء الثامن عشر ..💛

#وعده
#sheema_bk 💛
الجزء الثامن عشر ..
سيلينا:الشغلة واضحة ممكن تكون امي هي يلي سرقت ابي
عماد:ما فينا نشك باي حدا لازم دليل
سيلينا:ما هي سرقت بابا قبل هالمرة بتذكر وانا صغيرة بس ما بعرف كيف بابا برجع بثق فيها
عماد:الشغلة شو بدها
امير:احمد🤓
عماد:وانت قلت
سيلينا:ما فهمت شو دخل احمد
امير:احمد ممكن يتاكد من خلال شغلو هو بيشتغل بالكاميرات وكذا
سيلينا:بس بابا مانو حاطط كاميرات
عماد:مستحيل اكيد حاط والا كيف رح يثق بالموظفين هبولتي
سيلينا:اي صح بس هو ولا مرة حكا
عماد:لك شو هبلة كيف رح يحكي يعني
سيلينا:اي اي صح نسيت
امير:مم تمام احنا رح ننزل عالشركة انا رح شوف عمو ابو عماد واحمد بينزل ع شركة وبشوف ابوكي وبحاول يشوف وين الكاميرات وبس فتحنا الكاميرات احنا رح نعرف كل شي تمام يلا ح اتركن لحالكن فطرو واعتبرو البيت بيتكن وانتبهو منيح
عماد:اكيد يسعد قلبك يلا وانت نتبه ع حالك
.
عماد:وشو رح نعمل يا بيبي
سيلينا:شوو
عماد:رح نقوم نعمل فطور سوا
سيلينا:ههه طيب
عماد:لك دخيل هالضحكة
سيلينا:انا ما بعرف كتير اعمل فطور واكل وطبخ
عماد:ولا انا تعي نشوف شو الموجود ونخبص
سيلينا:هو هيك😅
دخلنا وفعلا ما منعرف نعمل شي الا لاقينا كورن فلكس فتحنا البراد في حليب تطلعت فيه
سيلينا:معقول هاد لساتو بياكل كورن فلكس
عماد:ههه عساس انتي ما بتاكلي منيح لقينا شي تعي نزبطو يلا
سيلينا:يلا🌚
حطينا وطلعنا اكلنا بالصالة وشغلنا فلم وحضرنا وعبينا وقتنا هيك للمسا
.
امير:هلا كيفكن جبت معي اكل جاهز بناكل وبعدين بخبركن شو صار
عماد:يسلمو شريك
امير:كول هوا مو بينا
بلشنا ناكل لحد ما خلصنا ضبضبت شوي وقعدنا عم نشرب شاي
امير:رحت عند عمو ابو عماد الوضع مكركب والكل قلقان عليك شوفو شو صار
امير:مرحبا عمو كيفك طمني عنك مرحبا مرت عمو كيفك
ابو عماد:قلقان يا ابني على عماد ما بنعرف عنو شي
ام عماد:ابني برضاي عليك اذا بتعرف وين خبرنا
امير:هدو انا جايكن بطلب
ابو عماد:تفضل ابني
امير:(قعدت عالكنبة)عموو مرت عمو انتو بمقام اهلي لهيك فهمو شو بدي قول وكانو انا ابنكن
ام وابو عماد:تفضل ابني
امير:سيلينا ما كانت بتعرف بالمشاكل الي صايرة واخر فترة كانت متخانقة مع عماد لهيك تركو وانتو ظغطو على عماد عماد ع شوي كان رح ينتحر لو ما لحقتو
ام عماد:وليي مشان الله فيه شي
ابو عماد:اسكتي خلينا نفهم
امير:ف سيلينا لما عرفت بكل شي هي وعماد هربو انا ما بعرف وينهم بس بتواصل مع عماد انت متخيل قديش سيلينا بتحبو وبتحبكن وهي ما بتعرف بالمشاكل ولما عرفت وعدت حالها انها تحلهم وهي بتعرف انك ما عملت هيك شي
ابو عماد:والمطلوب
امير:المطلوب انك ترضى ع عماد لحتى يكون مبسوط بحياتو هو يلي رح يعيش حياتو لهيك خليه ينقي البنت يلي بحبها يعني يتزوج هو وسيلينا خليه يعيش حياتو مع الي بحبها
ابو عماد:بس انت بتعرف شو عمل معي ابو سيلينا
امير:نجي بالحكي الحق عليه بس كل شي رح ينكشف بوقت قريب
ابو عماد:والله ما بعرف هي حياتو وهو حر فيها ويتزوج الي بدو ياها بس ابو سيلينا غلط بحقي كتير يتهمني بهيك تهمة
امير:ولا يهمك عموو رح ينكشف كل شي بوقت قصير
ابو عماد:ان شاء الله
امير:بالاذن عمو تاخرت عالمحل
.
امير:وهاد الي صار الحلو فيه متفهم وبيستوعب دغري
سيلينا:اييي عمو ما في منو بس ابي يلي رح يجلطني
امير:ابوكي ما حدا رح يحكي معو بدنا نبلش بالكاميرات ونشوف كل شي
عماد:صح هاد اللازم
امير :اي صح يلا انا تعبان والله مافيني اسهر معكن اعتبرو البيت بيتكن
عماد:تسلم شريك وانا نعسان ولله
سيلينا:تصبحو ع خير
.
دخلنا انا وعماد ونمنا فقنا باليوم التالي عماد كان لازم ينزل يشوف اهلو وامير راح ع شغلو حاولت رتب بالبيت قولو بعرف فيه شوي رتبت وزبطتو وتحممت وكان عماد قبل لا ينزل جبلي كم قطعة ولبست بيجامة وقعدت قعدة استرخاء عالتلفزيون غمضت عيوني لانسى كل شي واريح راسي يمكن غفيت ويمكن لا بس سمعت الباب عم يدق فكرت عماد او امير حدا منن رجع قمت لاطلع بلاقي بنت طويلة وحنطاوية وعيونها بنيات وشعرها طويل وعم تبكي وقت شفت منظرها فتحت بدون وعي
البنت:(بصدمة كبيرة)مين انتي
سيلينا:انتي مين
البنت:بعدي هيك
دخلت متل الوحش مو بنت ابدا هي بلشت تصرخ
امير عم تخوني يا واطي لك ناقصتك انا
سيلينا:روقي وطولي بالك وفهمي شو القصة
البنت:ما بدي اسمع صوتك خرسي
سيلينا:انتي مين
البنت:انا بيلسان حبيبتو لامير الاولى وانتي التانية مدري مرتو هه الله واعلم من هيك شكيلات
سيلينا:اوفف ليش كل هالقد حقدتي وانتي ما بتعرفيني
بيلسان:عفوا ما احقد وانتي عم تسرقي حبيبي
سيلينا:اي تعي قعدي وفهمي القصة
بيلسان:خير بقى شو القصة
سيلينا:انا بكون مرت..
قاطعتني
بيلسان:مرتو ما هيك
سيلينا:لك شبك خليني كفي حكي لا تقاطعيني
بيلسان:عنجد
سيلينا:انا بكون مرت رفيق امير مرت عماد فهمتي هلققق وقاعدة هون حاليا انا وعماد هي فترة ورح نرجع
بيلسان:عنجد انا اسفة والله
يتبع الجزء التاسع عشر ..💛

#وعده
#sheema_bk 💛
يتبع الجزء التاسع عشر ..
سيلينا:الو .. حبيبي عماد .. وينكن ... اي روحي منيحة انا ... لك لا بس اجت وحدة قلبت البيت واخر شي بتطلع حبيبة امير وعم تبكي حالتا حالة ... اي ما بعرف كيف فتحت .. طيب خلي امير يجي يشوفا .. اي روحي انتبه ع حالك .. اي الحمدلله .. واخيرا وافقو ضل ابي لنشوف شو رح نعمل .. تمام بس ترجع منحكي يلا عمريي انتبه ع حالك ..
بيلسان:جوزك
سيلينا:اي شو قصتك
بيلسان:بس يجي امير بحكي كل شي بس مخنوقة كتير
سيلينا:طيب ع راحتك بتشربي قهوة
بيلسان:اي
.
امير:(وهو خايف ومرعوب)شبكك شو صاير
بيلسان:(ركدت عليه وضمتو)امير ما تتركني بترجاك😭
امير:هدي ي روحي انا معك قولي شو صاير
بيلسان:(وهي تبكي وتشهق)انا اهلي بدن يزوجوني واحد ما بعرفو وانا بحبك هربت لعندك ما قدرت كون لحدا غيرك ع اساس اني طلعت عالسوق وضليت جاي عندك
امير:هدي (بلش يمسحلها بدموعها)هلق بترجعي عالبيت والوضع عادي وقولي لابوكي انو هاد حاول يعتدي عليكي وانا رح اجي بكرة واطلب ايدك ما صار شي
بيلسان:انت ما بدك ياني بعد عني
سيلينا:بيسو ما هيك بتصير الامور اذا هربتي الكل رح يحكي عليكي اعملي يلي عم يقلك عليه امير .. هو خايف عليكي الناس ما رح يرحموكي بحكين
بيلسان:هيك برايكن
امير:اي ياعمري هلق رجعي عالبيت بلا ما يقلقو عليكي
رن تلفونها كانت امها
بيلسان:(وهي عم تمسح بدموعها وبصوت ناعم ومخنوق)اي امي
ام بيلسان:وينك بنتي
بيلسان:يلا راجعة ع البيت امي ما رح اتاخر
سكرت مع امها وقرب منها امير بحنية ضمها وباسها من جبينها
امير:هيك بدي ياكي
بيلسان:بتوعدني انك تنقذني انا حاطة ثقتي فيك
امير:اي يا عمري
بيلسان:طيب رح روح
امير:انا بوصلك هاتي ايدك
راحو ليوصلها واجا عماد خبرتو علي صار
عماد:وانا بوعدك ضلك معي ولا اخلي اي حدا ياذيكي
سيلينا:ههه يا عمريي انا كل ثقتي فيك
عماد:حلوتي جبتلها معي اكل
سيلينا:مممممم فعلا انا جوعانة يخيليلي ياك ولا يحرمني منك
عماد:(قرب مني وطبع بوسة ع خدي)اشتقتلك كتير
سيلينا:(خجلت وصارو خدودي حمر)🙈وانا اشتقتلك
عماد:هانت هالفترة ورح نقعد لحالنا
امير:احم احم
سيلينا:(بعدت عن عماد ورفعت غرتي وطلعت ع الغرفة من خجلي)
عماد:يا زلمة عطول خجلانة 😂
امير:حقها هههه بس بدي قلك بكرة رح اخطب
عماد:قلتلي سيلينا
امير:اي لاشوف كيف رح روح متلبك بس بدي اوفي بوعدي
عماد:ان شاء الله الف مبروك شريك نشوف ولاد ولادك😉
امير:لنشوف ولادك🤣
عماد:ههههه ما علينا يعني نجهز حالنا
امير:اي ان شاء الله يوافقو
عماد:ان شاء الله
.
فقنا بكير اوف وين عماد ليش ما صبح علي يالله منو بيعرف ما بيكتمل صباحي الا فيه لحظة لحظة هاي مو نفس الغرفة شو عم يصير هون الخزانة مغيرة والتخت والغرفة كلها بسم الله اكيد عم احلم قرصت حالي يوو لا ما عم احلم قمت فتحت الخزانة كلها اواعي وتياب وفساتين جداد فتحت الباب وطلعت شقفة منو البيت كلو متغير قمت طلعت لبرا كان جاي عماد
عماد:(مسكني من كتفي ورجعني لورا)دخلي دخلي دخلي
سيلينا:عماد شو عم يصير هون
عماد:انتقلنا لبيت جديد واهلي شوي وجاين
سيلينا:نعممم متى انتقلنا
عماد:وانتي نايمة 😂
سيلينا:ما فهمت
عماد:هاد البيت عنا ياه من زمان بس شتغلنا فيه شوي ومبارح قبل لا تشربي العصير كان محطوط فيه منوم ومتل الهبلة نمتي وغفيتي ما عاد حسيتي عشي حملتك وجبتك لهون لهيك غيري تيابك وجهزي حالك اليوم ح نفطر مع اهلي
سيلينا:مممم وطالع منك والله يا استاذ عماد
عماد:ههههه رح جهز الفطور يلا
سيلينا:اي الحمدلله
عماد:ليش
سيلينا:كرمال اعرف غير تيابي
عماد:مممم بتوقع انو انا زوجك والمفروض تاخدي راحتك قدامي
سيلينا:داخلة اتحمم
عماد:تهربي
.
نزلت ب اطلالتي ولقيت الاهبل عم يغني يا حور عينِ لقد اكتفيت من العذابِ
سيلينا:والله انك اهبل
عماد:لحظة انتي بتحبي تكوني متلي ما هيك
سيلينا:😳ما فهمت
عماد:هههع لابسة متل اللون انا وانتي
سيلينا:يا عمري ونكون احلى كوبل مثلا
عماد:(قام واجا باتجاهي حط ايدو ورا ظهري وايدو التانية ع خدي )انتي احلى شي بحياتي
سيلينا:وانت متل الشي
عماد:طيب حبيبك ما بيستاهل بوسة
سيلينا:اي اكيد بس مو هلق الباب عم يدق
وهربت منو لافتح الباب
سيلينا:اهلين عمو اهلين مرت عمو نورتوو اهلا وسهلا فيكن
ابو وام عماد:فيكي يا بنتي
عماد:(وهو عم يرفع شعراتو بايدو ويغمزني)اهلا وسهلا باهلي
ابو وام عماد:فيك ابني كيفكن ان شاء الله مبسوطين
سيلينا:اي مرت عمو الحياة غير شكل مع عماد الحمدلله كلا رومانسية😂
عماد:وعم تتمسخري كمان انا رح ورجيكي الرومانسية ع اصولا
ام عماد:ههه الله يحميكن متل الديك والجاجة😂نقار
عماد:امي كل اكلنا جاهز ما بتعرف تطبخ اي واذا طبخت بتحرق
سيلينا:انا بورجيك الطبخ يا عماد ما علينا يلا تفضلو
كان الفطور بيض مسلوق وزيتون ولبنة وشاي وخيار وبندورة وحمص وزعتر وفول وهيك يعني خلصنا اكل
سيلينا:عوافي مرت عمو عوافي عمو كفو اكلكن والله م اكلتو شي
يتبع الجزء العشرون .. 💛

#وعده
#sheema_bk 💛
الجزء العشرون ..
ام عماد:على قلبك يا بنتي لا بكفي هيك كرمال ما نسمن وعمك يطلع ع غيرنا
ابو عماد:عوافي يا بنتي لازم نضل محافظين ع جسمنا .. وانا بعمري يا ام عماد ما رح شوف غيرك
ام عماد:(بخجل)الله لا يحرمني منك
ابو عماد:ولا منك يا شمعتي
سيلينا:احم احم غزل غير شكل
شلت الاكل وضبضبت وقعدت جنب عماد وهو حاطط ايدو محاوطني فيها
ام عماد:عماد ابني شو خسران ما تجيب لمرتك وحدة تنظف البيت وهي بتطبخ
عماد:لا امي انا ما بقبل هالشي الا من مرتي الحلوة
سيلينا:اي قول بدك تتعبني من الاول
عماد:(طلع فيني عيونو بعيوني)وليش لاتعب حلوة عمري
سيلينا:مممم وما تجيب
عماد:مافي امان لحدا بعدين بيضل البيت امان وانظف بايد مرتي
سيلينا:ههه اي هيك مرت عمو
ام عماد:ايوا الله يقويكن ويخليكن لبعض
ابو عماد:وشو رح تعملو بخصوص ابوكي يا بنتي
سيلينا:والله يا عمو لسا ما منعرف هلق ع اساس نشوف الكاميرات ونورجيه ياهن بس ما رح يقتنع بابا ابدا
ابو عماد:صح ابوكي طبعو صعب
سيلينا:هلق اذا ما اقتنع بنشوف شو رح نعمل بس اكيد ما رح نسكت
ام عماد:بنتي شو قصتك مع امك انتي ابوكي ما حكالنا عنها
سيلينا:(بغصة قوية)امي هي لا تقولي عنها امي هي سرقت بابا وتركتني معو بابا يلي رباني وتعب علي كنت قول ليش االكل عندو ام الا انا وكبرت وعرفت شو يعني ام وفعليا انا بكرها ولا بعمرها رح تكون امي لو شو ما صار
ام عماد:اوف لهدرجة
سيلينا:(مسحت دمعتي بايدي الناعمين)واكثر
عماد:(ضمها وهداها)امسحي دمعتك مافي شي مستاهل انتي صرتي معي ومافي حدا رح يهينك ولا ياذيكي لانو انتي مرتيي
سيلينا:(خبيت راسي في)شكرا عماد لانك معي
ام عماد:احم احنا منستاذن لانو شكلو الوقت الغلط
سيلينا:لا مرت عمو بقو هون منتسلا ومنعمل غدا
ابو عماد:لا بنتي انتي وعماد متزوجين جداد تهنو هلق والف مبروك
سيلينا وعماد:(بصوت واحد)الله يبارك فيك
ام عماد:مبروك يا عرسان تتهنو يارب
سيلينا وعماد:(كمان بصوت واحد)الله يبارك فيكي
بعدها بطلعو ببعض وبيضحكو ..
ودعنا عمو ومرت عمو وسكرنا الباب مسكني عماد
سيلينا:قلتلي ما بعرف اطبخ رح ورجيك الطبخ اليوم
عماد:وانتي قلتي ما بعرف بالرومانسية
سيلينا:اي ما بتعرف
عماد:طيب انا بورجيكي
سيلينا:(بصوت كلو دلع)عمادد
عماد:هههه لك تؤبريني قليلي يا عيون عماد
سيلينا:مليت
عماد:مليتي
سيلينا:اي الي فترة ما طلعت
عماد:ما حتقدري تطلعيي يعني هاد البيت بعيد شوي كرمال ما يمسكوكي
سيلينا:طيب وشو بدي اعمل
عماد:عندي حل 😂
سيلينا:شو
عماد:قومي احطلك ميكب وبنروح الملل شوي
سيلينا:موافقة😍
ههههه اجنن من هيك كوبل ما شفت .. شوية مراعاة للسناقل ..
عماد:(بمياعة متل البنات عم يقلدن)اوه هاد فاندويشن بينحط هيك مع
سيلينا:(وانا عم اضحك)فونديشن😂 مع شو بينحط
عماد:مع بوسة صغيرة ع خدك😎
سيلينا:(قرب وباسني ع خدي)طيب كفي ميكب والله مجنون😂
عماد:ونبلش شغلنا يلا
فونديشن شي بسيط وحط فوقو ظل احمر المهم خبصليي بوجهي واخر شي بعد ما خلص
عماد:وهي البوسة الانتهاء
سيلينا:(بخجل)تحمست شوف شكلي بعد هيك
وهربت منو لاشوف شكلي 😳ولي مين هي
عماد:هي انتي
سيلينا:اوف منك عماد شو عملت بوشي اهئ كيف بدي شيلو
عماد:ميكب
سيلينا:وشي بيتحسس وانت هيك خبصتلي فيه
عماد:ما فهمت
سيلينا:خلص عمادد انسى بعد هيك اوف وينها هي وين بدي لاقيها
بلشت دور لحتى لاقيتا مزيل المكياج شلت المكياج ورفعت شعري كنت مزعوجة وما بعرف كيف حكيت مع عماد نزلت لتحت كان قاعد عالكنبة وعالتلفون ما حكيت شي دخلت للمطبخ وطالعت طريقة المعكرونة ببشميل وبلشت اطبخ المهم يعني طولت فيها بس جهزتها وزبطها وجهزت الطاولة وحطيت ببسي
سيلينا:(بتوتر)الاكل جاهز
عماد:ما بدي اكل كلي لحالك
سيلينا:عماد شبك
عماد:ولا شيي بس هي مو طريقة تعامليني فيها
سيلينا:(قربت منو قعدت جنبو مسكت ايدو وطلعت بعيونو)معقول بتزعل مني والله انا ما نتبهت كيف حاكيتك بس ما بعرف اسفة مستعدة اعمل اي شي بدك ياه بس لا تضل زعلان مني عماد انت كل شي بحياتي ما بدي اخسرك (ورفعت وجهي حتى ما يبين اني عم ابكي)
عماد:(بحنية ضمني وبكل حب)انا رجالك ومستحيل ازعل منك يا بنت قلبي يلا لناكل
سيلينا:اوف الحمدلله
عماد:ليش ههه
سيلينا:لانو لو ما رضيت كنت رح ازعل انا وبتعرف انو صعب تراضيني
عماد:ممم اي معك حق لناكل يلا لاني جعت
سيلينا:اي اكيد يا روحي
قاعدين عالسفرة وعم اسكبلو
عماد:باينة بتشهي
سيلينا:مرتك يلي عاملتها رح تكون غير شكل
عماد:والله ي حب الجمال مش كل شي الشغلة بالطعم
سيلينا:لم افهمك
عماد:فصحة؟من ايمت
سيلينا:من ايام جدي ههه لا جد ما فهمتك
عماد:بعدك صغيرة بيبي
سيلينا:😒
رن تلفونو ونحنا عم ناكل طلع عالاسم وما رد انا شكيت
سيلينا:(وانا عم اطلع بطرف عيني عالتلفون)ليش ما رديت
عماد:بدي اقعد مع مرتي وريح بالي لازم رد عالعالم يعني
سيلينا:امممم (بقلبي يارب يرد يرن نفس الشخص)
رن التلفون بتتوقعو يردو ومين
يتبع الجزء الواحد والعشرون .. 💛

#وعده
#sheema_bk 💛
الجزء الواحد والعشرون ..
سيلينا:هات التلفون
عماد:(بكل ثقة)خدي
سيلينا:الو .. مين .. اممم وانتي شو بدك بعماد ..عنجد على فكرة انا مرتو .. انتي شوو حبيبتو
عماد:مين هي هاتي شوف
سيلينا:سكوتت هي حبيبتك
عماد:بلا سقالة هاتي شوف مين
سيلينا:اهلين امير 😂انت لو بتشوف تعابير وشو كيف صارت اي ما علينا خود حاكيه فتاح سبيكر
عماد:ولي عليكي بتنردد اهلين امير اي وشو صار ؟
امير:رحنا لعندو بعد ما لقطنا الكاميرات قال انتو عم تكزبوو كزابين وعم تطبقو ما سدقنا
عماد:اوف والله مالنا كزابين اي وشو شفتو بالكاميرات
امير:بجي لعندك المسا وبخبرك
عماد:اهلا وسهلا
..
عماد:تفضلي ليكو جاي
سيلينا:(ببرود)اي ويجي ليش مدايق انت
عماد:بدي اقعد معك لحالنااا
سيلينا:حدا ماسكك
عماد:(قرب علي وهمس باذني)لا ما حدا ماسكني سيلينا خانوم بس حظرتك مانعتيني
سيلينا:شكزاب انا مانعتك
عماد:ممممم انا نعسان وطالع نام اذا حبيتي لحقيني
سيلينا:تصبح ع خير روحي
عماد:تصبح ع خير؟!(وهو مصدوم)
حاولت اعبي فراغي وما قدرت قمت طلعت عالغرفة ونمت جنب عماد فقنا رتبنا حالنا ونزلنا لنستقبل امير
امير:اهلا كيفن عصافير الحب
سيلينا:شبهنا بكل شي الا بهل الاسم
امير:له له ليش
سيلينا:رفيقك بارد كتير 😂
عماد:انا يلي بارد؟
سيلينا:اي نعم انت بارد
عماد:بورجيكي المهم شو صار معك
امير:لما ورجينا الكاميرات طبعا ما سدق ومرتو ضلت عم تنكر لحد ما قلعوني وسال عليك وعلى سيلينا وقلتلو بعرف وما رح قلك قام عصب على اكتر وقال عادي ما عاد بتهمنيي
سيلينا:يا جماعة انا رح احكي مع بابا ورح قابلو لاتفاهم معوو يمكن يرد علي
عماد:مستحيل بخاف يعملك شي
امير:عماد احنا ما رح نتركها لحالها رح نكون مراقبينهم كرمال ما يعمللها شي
سيلينا:ايي؟ عماد حبيبي لا تخاف ما رح يصير شي
عماد:ما رح يقتنع
سيلينا:منجرب
امير:طيب حاكيه
.
سيلينا:يلا .. الو
يزن:خير مين معي
سيلينا:بابا نسيان صوتي
يزن:لا مين انتي
سيلينا:بابا لا تعمل هيكك بترجاكك خليني شوفك لافهمك شو صار معي
يزن:مستحيل
سيلينا:ببوس ايدك بابا
يزن:مستحيل انتي شوهتي سمعتي
سيلينا:مو انا يلي كنت تضل تقلي لازم نعطي فرصة لنسمع غيرنا ؟
يزن:طيب
سيلينا:الحمدلله بابا رجاءا لحالك بكرة بالمطعم ..... بشوفك هنيك
يزن:ماشي ان شاء الله
.
سيلينا:الحمدلله وافق يشوفني
عماد:هلق
سيلينا:شوو
امير:انا رح روح
سيلينا:صحي شو صار معك
امير:بخصوص؟
سيلينا:انو تخطب وكذا
امير:اي وافقو الحمدلله بس ما حددنا الحفلة حاليا مشغول الكل وكذا
سيلينا:بالتوفيق
عماد:شريك صار فيك تروح😉
امير:هههههههه اي رح روح
سيلينا:يا عيب الشوم عبتقلع رفيقك وصلو عالاقل عالباب
عماد:(طلع فيني نظرة غريبة)انتي بالذات ما تحكي
سيلينا:😏كان مو عاجبك
عماد:لا دخلي عملي بوشار نشوفلنا شي فلم
سيلينا:وبتتامر استاذ عماد زايد عن حدك
عماد:(قرب مني)مو انا حبيبك وزوجك
سيلينا:طيب
دخلت عملت بوشار وحطيت عصير بارد وزبطت سهرة طلعت قعدت برا طلعت بتيابي قلت اقوم اغير ما مرتاحة فين
.
كنت عم البس الكنزة
سيلينا:بسم الله انت من ايمت هون
عماد:قبل شوي
سيلينا:يالله منك☹️
عماد:هبلة نزلي يلا ناطرك
سيلينا:🙈طيب
نزلت ولقيتو حاطط فلم تركي اسمو عروس المخملية كتير حلو بشكل مو طبيعي قعدت جنبو حطيت راسي ع كتفو وبلشنا نشوف الفلم وناكل ونتسلا وهيك لغفينا تنيناتنا فقنا الصبح طلعت حوالي اوفف حتى هو نايم🥱
.
سيلينا:صباح الخير حبيبي
عماد:يسعدلي هالصباح
سيلينا:انت ابدا مو خرج سهر
عماد:😝انتي يلي خرج سهر يعني ؟
سيلينا:والله انا عندي موعد انت شو
عماد:وانا عندي موعد😏
سيلينا:نعممم مع مين موعدك
عماد:هههه وليش معصبة عندي موعد بالشركة مع صاحبة شركة الازياء عرفتيا صح هي يلي جسما مثالي
سيلينا:عنجد طيب جهز حالك منيح انا طالعة افطر واطلع كمان ما بصير اتاخر ع موعدي مع بابا
طلعت وتركتو مصدوم من ردة فعلي فطرت ولبست وطلعت تمشيت شوي وغيرت جو طبعا هيك لصارت الساعة 2موعدنا 🔥🔥 دخلت عالمطعم كنت لابسة بنطلون جنز فاتح مع بلوزة سودة نص بطن وعليها رسمة خفيفة هيك بتذكر يعني لبسي سبورت دخلت عالمطعم ونطرت وانا عم انطر دقلي عمو ابو عماد
ابو عماد:كيفك بنتي
سيلينا:اهلين عمو مشتاقتلك وانت كيفك
ابو عماد:تمام يا بنتي ليش ما جيتي مع عماد
سيلينا:ليش لوين اجي شو صاير
ابو عماد:معقول ما خبرك عماد اليوم عنا موعد مع صاحبة شركة ازياء لنتفق معها انو لو جيتي تعرفتي عليها
سيلينا:(بصدمة)اي يمكن خبرني وانا ما نتبهت او نسيت بس بالحالتين ما بقدر اجي
ابو عماد:خير ان شاء الله
سيلينا:خير يصيبك عمو يلا بستاذن انا
.
سيلينا:(عيوني مدمعات)بابا اطلع فيني لو سمحت
يزن:تفضلي احكي عم اسمعك
سيلينا:بابا بلا هالرسميات بترجاك
يزن:احكي
سيلينا:انا بيوم العرس انخطفت ويلي خطفني ما بعرف مين بيكون بس اجا عماد وانقذني وبعدين تزوجنا لانو عرفت انو عقدي بباسل كان مزيف وهيك
يتبع الجزء الثاني والعشرون ..💛

#وعده
#sheema_bk 💛
الجزء الثاني والعشرون ..
يزن:بس انتي دمرتيني
سيلينا:بابا انتو يلي كنتو رح تدمروني
يزن:ما فهمت
سيلينا:بابا انت اي حدا بدخل لحياتك بتعطيه ثقتك وبتصدقو حتى لو كان غادر فيك
يزن:مين بتقصدي
سيلينا:بابا صبحيةة لما اجت ما اجت لانها بتحبنا هي اجت لتسرقك مرة تانية بابا بترجاك حس شوي عمو ابو عماد شو الو مصلحة ليسرقك ما هو ماشاءلله عليه عندو شركتو وكافيتو ورجوك كاميرات وما سدقت
يزن:انتي بدك تخربي علاقتنا بعرف
سيلينا:يا بابا والله بتمنالك الخير بابا شبك انا سيلينا بنتك الصغيرة الذكية طيب انت ما صدقت الكاميرات صح فيني اتفق معك ع شغلة وبتقدر تشوف كل شي بعيونك
يزن:هاتي لنشوف
سيلينا:هلق رح تحط شنتة بمكتبك تمام طبعا رح تاخد صبحية .....................)واتفقت معو
يزن:تمام واذا ما بتطلع هي سارقتني
سيلينا:رح اعمل يلي بدك ياه
يزن:اذا بتطلع مو هي رح تتركي عماد
سيلينا:(بغصة😞)ماشي
يزن:اتفقنا لكن بكرة ان شاء الله ببلش
سيلينا:طيب هات لشوف خبرني شو اخر اخبارك
يزن:منيح
كان ردو بارد كتير
سيلينا:انا بستاذن بدي روح
يزن:الله معك
رجعت عالبيت دخلت وانا تعبانة قد ما حكيت وهيك رميت حالي عالتخت ونمت شي ساعتين فقت بعدها ولبست بيجامة للبيت وطلعت لشوف شو رح اعمل غدا بلشت جهز لاعمل رز ابيض وجنبو سلطة وانا عم اطبخ
عماد:سلام
سيلينا:اهلين
عماد:كيفك
سيلينا:منيحة
عماد:وشبك مكشرة
سيلينا:ولا شي الاكل شوي وبيكون جاهز
عماد:طيب يعطيكي العافية
سيلينا:الله يعافيك
.
سيلينا:تفضل
عماد:وانتي
سيلينا:مو جوعانة
عماد:قعدي وكلي
سيلينا:ما بدي
عماد:سيلينا اقعدي نتفاهم شبك
سيلينا:ما بدي
عماد:طيب قعدي اتامل بوحهك مشان اعرف اكل
سيلينا:طيب
عماد:كلي
سيلينا:ما بدي
عماد::غيرانة ما
سيلينا:اي غيرانة وحضرتك مبسوط
عماد:هههه غيورة
سيلينا:(بلشت ابكي وطلعت فيه بنظرة زعل)الله لا يسامحك لأنك بتحرق قلبي
وطلعت عالغرفة
بلشت العب بالتلفون بحيث اني مرق وقتي بعدين حطيت راسي ونمت وانا نايمة شفت كابوس بشع كتير من رعبتي قمت صرخت عماد
عماد:هدي هدي شبك شبك؟
سيلينا:(رفعت شعري بايدي)عماد ما تتركني
عماد:(ضمني)ما تخافي انا معك ما رح اتركك
سيلينا:(بلشت ابكي وانا ضاممتو)
عماد:شبك ليه عم تبكي
سيلينا:كنت رح اخسرك للحظة
عماد:وكيف
سيلينا:ما بدي احكي بشع كتير
عماد:طيب هدي وكفي نوم انا جنبك ومعك
.
عم نفطر والوضع عادي ونسيت كل قصة الزعل لما حسيت اني رح اخسرو
عماد:(وهو عم يشرب شاي ويهز راسو يمين وشمال)شو صار معك مبارح
سيلينا:(حكيتلو شو صار)اي صح ذكرتني لاتصل فيه
عماد:ممم منيح سدق دغري
سيلينا:اي .. مرحبا كيفك بابا
يزن:منيح وانتي
سيلينا:(بكسرة خاطر)مشتاقتلكك
يزن:هلق طالع انا وصبحية عم تلبس طالعين ورح شوف
سيلينا:تمام واحنا جاين وحتجي الشرطة معنا
يزن:لاتكوني واثقة كتير لانك رح تتركي عماد
سيلينا:(طلعت بعماد وشردت فيه)لا ثقتي ما رح تخيب
يزن:طيب يلا سكري هلق بشوفك هنيك
.
سيلينا:(حطيت ايدي على قلبي واخدت نفس عميق)
عماد:شوفي؟شبكك
سيلينا:ولا شي
عماد:احكي شبكك
سيلينا:عماد مافي شي انا رح روح عالشركة حتجي معي
عماد:اكيد رح اجي معك بس مو قبل ما تقولي شبك
سيلينا:بصراحة بابا قال اذا طلعت صبحية ما رح تسرقو رح يخليني اتركك
عماد:وانتي ليش خايفة
سيلينا:لانو بخاف ابعد عنك
عماد:(حط ايدو ع وشي)يا حبيبة قلبي ما تخافي شي وانا معك
سيلينا:طيب نمشي يلا
عماد:يلا
.
شغل اغنية ليروح القلق وبلش يسوق كانت الاغنية معقول انساك معقول! كتير حلوة رغم انها قديمة بس حبيتا بلشت الاغنية ووصلت للمقطع معقول ما نعود احباب نمرق متل الاغراب !ولا نبقى سوا بهل اللحظة طلعت فيه وقلتلو معقول!؟
عماد:(مسك ايدي وهو عم يسوق بقوة)ما حدا رح يفرقنا لا تخافي
سيلينا:ياريتت
عماد:لا تخافي سيلينا والله انتي اقوى من هيك
سيلينا:ضعفت قدام حبك
عماد:اهدي رح غيرلك الاغنية
#sheema_bk
نزلنا وانا قلبي عم يخفق وخايفة بشكل مو طبيعي اليي اديش ما اجيت عالشركة هي دخلت والكل عم يطلع فيني نظرات مو عاجبتو بس ما اهتميت كملت لجوا انا وعماد وطلعنا عالغرفة الي شابكين منها الكمبيوتر بالكاميرات وهناك كانو امير ورفيقو قاعدين وبتوتر بهي اللحظة بيتصل ابي
يزن:انا طالع عالمكتب بس بعد ما تدخل صبحية وراقبها بعيوني مع اني متاكد ما رح تسرقني
سيلينا:طيب واحنا قاعدين بالمكتب
سكرت التلفون وطلعت بعماد نظرة حزن وخوف بهي اللحظة مسكك ايدي بقوة وشد عليها
عماد:وحياتك مارح فلتها
سيلينا:(هزيت بمعنى اي)
من طرف احنا عم نراقب ومن طرف بابا واقف عند الشباك طبعا كيف صارت القصة ! ح احكيلكن بين ما تخلص اتفقت مع بابا يكونو رايحين ويوقف عند للشركة ويقول لصبحية نزلي جيبي الشنتة الي قلتلك عليها الي حاططها باسمك وطبعا هي وافقت ونزلت وقلنا يمكن تجرب تفتح الشنتة باسمها يعني بابا كان بيقصد انو حاط الباسورد باسمها ف قلنا اذا فتحتها وشافت المصاري حتحاول تاخدهن
يتبع الجزء الثالث والعشرون ..💛

#وعده
#للكاتبة
#sheema_bk 💛
الجزء الرابع والعشرون ..
عماد:(قرب مني حاوطني وطلع بعيوني)اي مبسوط كتير
سيلينا:عندك رفقات بس انا ما جربت هالشعور كلهن كانو مصالح الي💔
عماد:بس انا رفيقك
سيلينا:بقصد رفيقة بنت
عماد:بكرة مرت امير بتصير رفيقتك
سيلينا:ما بعرف المهم ياروحي انك مبسوط
عماد:انا كمان مبسوط لانو واخيرا نحلت المشكلة بين بابا وابوكي وما بعدتي عني وخلصنا من المشاكل
سيلينا:هالشي لحالو رياحة 🥰
عماد:(باسني من جبيني)الله لا يحرمني من هالصوت والخجل يلا نمشي
رحنا لعند بيت عمو دخلنا وسلمنا عليهن وقعدنا
ام عماد:بصراحة قلت بس تيجو بقول للخادمة تعمل الفطور يعني منمرق وقت
سيلينا:بس يا مرت عمو الحلوة انا رح اعمللكن فطور
ام عماد:لا بنتي لا تعزبي حالك
سيلينا:لا مرت عمو بحب هالشغلة رح تحبيه صدقيني
ابو عماد:امممم يعني رح تدعمينا لك بنتي
سيلينا:ولو يا عمو انا يلي رح ادعمكن
ام عماد:لكن بجي معك بساعدك
سيلينا:رتاحي مرت عمو 😍قعدي شوي مع ابنك
.
سيلينا:هايي كيفك
الخادمة:تمام مدام وانتي
سيلينا:منيحة انا جاي ساعدك وانا بنت كتير متواضعة يعني اعتبرك حدا عابر بالطريق لاني لسا ما ماخدة وش عليكي
الخادمة:تمام مدام انا اسمي ياسمين
سيلينا:(اخدت نفس)ياسمين شو حلو هالاسم وشو حلو وردو
ياسمين:ايي مدام تسلمي
سيلينا:يلا نبلش بتحضير الفطور
ياسمين:تمام مدام
.
سيلينا:وهيك بصير جاهز الفطور
ابو عماد:شو عملتي
سيلينا:(عقدت حواجبها وهزت براسها)مممم عملتلكن سفرة بتشهي مرتديلا وبيض وزعتر وجبنة وزيتون وشاي وعصير الي بحب يشرب يعني ومربى وقشطة عسل ولبن ولبنة وخبز😂 وتوست وشكلت صحن خيار وبندورة وهيك يعني شوفت عينك يلا تفضلو لناكل
عماد:(طلع فيني بكل حب وابتسم وبل ياكل)
ام عماد:اي كيف عماد معك
سيلينا:(وانا عم شيل بزرة الزيتونة وعم حرك براسي واطلع ناح عماد)عماد مافي منو عقلاتو نطبقو مع عقلاتي😂
عماد:هلق هيك😒 احرجتينا قدام اهلي
ابو عماد:ماشاءلله عماد
ام عماد:ههههه عصافير الحب
سيلينا:ههههه تسلمي مرت عمو
خلصنا فطور وكذا وقعدنا
ام عماد:شو بنتي ما حملتي لسا
سيلينا:(بزعل)لا بس عادي هاد نصيب
ام عماد:اي بنتي الله يطعمك انتي وعماد
عماد وسيلينا:الله يسلمك
مرق وقت قعدة العيلة واجا تقريب عالساعة خمسة قمنا رحنا عاهل بيلسان حبيبة امير اكيد نسيتوها المهم جهزنا ورحنا ومعنا امير دقينا الباب استقبلونا ودخلنا قعدنا قعدت انا ومرت عمو جنب بعض وامير وعماد جنب عمو بلشنا نحكي ونتعارف وشوي بتدخل صبية لابسة فستان احمر قصير وديق مع كعب احمر ومزبطة حالها المهم كانت طالعة حلوة هالمرة ركزت ع عماد كان حاطط نظرو علي انا ابتسمتلو وكملت لاشوف بيلسان ضيفت قهوة ووصلت عندي
سيلينا:يسلمو ي عروس
بيلسان:الله يسلمك 🥰🙈
ابو عماد:اي يا ابو محمد متل ما بتعرف احنا بمقام اهلو للشب وحابين نطلب ايد بنتك بيلسان لابنا امير على سنة الله ورسوله
ابو محمد:الي الشرف ان شاء الله بنردلكم خبر بعد يومين عمي شو بتشتغل انت
امير:عندي مطعم هي الشغلة الي قدرت اعملها بحياتي
ابو محمد:وكيف شغلك
امير:كتير منيح الحمدلله ماشي
ابو محمد:وين صار مطعمك
امير:قريب من الشاطئ
ابو محمد:موفقة يارب
ام محمد:شربو قهوتكن يا جماعة
ام عماد:قهوتكن مشروبة اختي
ام محمد:صحة الهي
.
ابو عماد:جماعة مرتبة
ام عماد:ايي عارف يختار هالامير
عماد:مو امي مو متلي
سيلينا:(طلعت فيه بدون ولا كلمة لان بقلبي نزعجت)
ام عماد:والله يا ابني هالسيلينا بينحسد عليها ماشاءلله جمال وتواضع وطيبة وحنان وكل شي دخيل قلبها كنتي
سيلينا:تسلمي مرت عمو
ابو عماد:بنتي هاد بيمزح كتير خدي على محمل المزح

#وعده
#للكاتبة
#sheema_bk 💛
بالشركة ..
الجزء الخامس والعشرون والاخير ..
ابو عماد:ابني اتصل لامير خليه يجي
عماد:خير صاير شي
ابو عماد:مشان نتفق شو بدنا نعمل كرمال عرسو بس لا تخبرو انو وافقو
عماد:تمام .. الو كيفك شريك .. بابا عاوزك بالشركة ما تتاخر
.
سيلينا:بيبي كيفك
عماد:مشتقلك🙊
سيلينا:ههه يروحي وانا اشتقتلك
عماد:اهلين امير
سيلينا:مشغول
عماد:لك لا بس بابا بدو امير
سيلينا:اي وليش
عماد:بس ارجع بخبرك انتبهي ع حالك روحي
.
امير:اي عم امرني
ابو عماد:ما يامر عليك ظالم شو مشان عرسك وين حابب عملو
امير:عنجد عم تحكي
ابو عماد:اي واققو
امير:اخخ واخيرا اي عمو يلي بتشوفو مناسب
ابو عماد:براي اقعد مع خطيبتك وشوف
امير:تمام عمو يخليلنا ياك ويطوللنا بعمرك بمقام ابي والله
ابو عماد:وانت متل عماد عماد جهزو حالكن بكرة حفلتكن
عماد:تمام يلا يا عريس
عماد:الو سيلينا حبيبتي جهزي حالك بكرة حفلة امير وبيلسان
سيلينا:حبيبي هلق جاي تخبرني يعني
عماد:شبك
سيلينا:لك ماني مجهزة شي
عماد:ههههه عنجد
سيلينا:ضحاك انت اتمسخر علي
عماد:هههههههههه اخ منككك خلص البسي اي شي
سيلينا:اوف منك عماد اوف رح روح شوف
عماد:اي ليكي كمان شوفيلي شي البسو انا
سيلينا:(مكملة خطواتي لاطالع شي )اوف عماد ما عرفتك
عماد:جهزي حالك
سيلينا:يالله منك😭فاجئتني كتير
عماد:عمريي يلا انا مظطر سكر بحكيكي بعدين
سيلينا:ماشي يروحي انتبه ع حالك
.
كان جايبلي فستان طويل من ورا وقصير من قدام لونو سماوي وعليه أشياء ناعمة كتير حلوو ومعو كعبو
سيلينا:يا عمري يا عماد دايما مفاجئني
.
المسا بيرجع عماد رحت استقبلو
سيلينا:(وانا ضاميتو)يعطيك العافية
عماد:الله يعافي قلبك عجبك الفستان
سيلينا:كتير حلو بس فاجئتني فيه انو لساتك اليوم لعرفت بكرة حفلتن
عماد:اي صح انا كنت جايبلك ياه للحفلة عجبني كتير وبالصدفة بتطلع بكرة الحفلة
سيلينا:ليش هيك مستعجلين
عماد:مشان يخلصوا وما يصير مشاكل
سيلينا:اممم طيب روحي تحمم وبكون الغدا جاهز
عماد:وصايرة تطبخي😉
سيلينا:اممم انا دوم بطبخ بس ما ورجيتك مهاراتي
عماد:مممم هيك لكان يلا ح اتحمم
.
سيلينا:وهيك بكون خلصت تمام اهلين حبيبي خلصت
عماد:اي
سيلينا:نعيما روحي
عماد:الله ينعم عليكي اممم باين الاكل بشهي
سيلينا:لكن حبيبي لكن مرتك سيلينا 🥰
قعدنا ناكل وانا مبسوطة انو عجبو الاكل هيك لشلت وضبضبت كان عم بشتغل ع اللاب توب تبعو خلصت ضب ودخلت تحممت وطلعت سشورت شعري ونشفتو وبعدها بلشت حط ميكب شوي وبخيت بارفان ونزلت قعدت جنبو
سيلينا:مطول لتخلص
عماد:اخخخ من بابا دايما يعطيني الشغل الصعب
سيلينا:انو اي يعطيك العافية ح اعملك شي تشربو
عماد:ياريت
سيلينا:يعمري التعبانين
.
عماد:دخيل روحك
سيلينا:بالعافية
عماد:ايي جاهزة لبكرة
سيلينا:شوفي بكرة
عماد:لك😳حفلة امير بكرة
سيلينا:لك اي والله اوف نسيانة
عماد:قومي نامي وارتاحي
سيلينا:وانت
عماد:بخلص شغل وبلحقك
سيلينا:طيب تصبح ع خير
عماد:وانتي من اهلو
.
تسطحت وغفيت كنت تعبانة فقنا تاني يوم
عماد:(وهو عم يطلع فيني)يسعدلي صباحك وعيونك الدبلانين
سيلينا:هههه رح اقوم ساوي فطور
عماد:حابب ساعدك
سيلينا:تفضل بس خليني غسل😅
عماد:غسل وشك يا قمر بالصابونة والحجر وينك يا قمر
سيلينا:عم غسل وشي😂
.
عماد:مممم وهاي بنقلبها هيك
سيلينا:لكك
عماد:ما تخافي 😂
سيلينا:طيب كفي ح حضر السفرة
وبلشت جهز الطاولة هيك قعدنا وبلشنا نفطر بصراحة ايامي مو حلوة بدون عماد عنجد
عماد:اي اكيد روحي
سيلينا:وانت من وين بتشوف لسا عم قولها لاكتبها
خلصنا فطور وقمنا لنجهز حالنا وكذا ويستغرق هالشي من اظافري وتزبيطن ولبسي وهيك بلشنا نجهز حالنا ورحنا بالحفلة كنت طالعة متل الاميرات ماشية بالفستان والكتب وشعري نازل دخلنا الحفلة وبلشنا نسلم عالمعازيم وهيك وقعدنا ع الطاولة قريب من العروس وكل شوي روح شوفها اذا بدها شي أو هيك وطبعا ما خبطت بشب لان عماد متمسك فيني ومن مخليني اتحرك ع راحتي بلشنا نرقص وهيك وبعدها حطو رقصة السلو قلت بغير
سيلينا:(مديت ايدي)بتقبل ترقص معي السلو
عماد:ههههههه اي بقبل بقبل بقبل
مسكني عماد وبلشنا رقص وانا قريبة منو وعم اطلع بعيونو وهيك لنتهت وانتهت الحفلة وكانت حفلة حلوة وهي النهاية تعدينا كل الازمات الحمدلله وبس في تفاصيل بيني وبين عماد ما حبيت شارك فيها كرمال ما تسالو يعني ..💛

تمت بقلم الكاتبة
#شيماء_بقدليه 💛🙈

💛الـــنــــــهـــــــايــــــــــــــة 💛