📚قصص||روايات||منوعة📚

rwayate

نسخة واضحة من القرأن الكريم ❤️
بالخط العثماني وبخطوط كبيرة ، يستحق التنزيل

📚قصص||روايات||منوعة📚

rwayate

كتاب: ثاني أوكسيد الحب • قراءة ممتعة🍿✨ ᎗᎗᎗᎗᎗᎗᎗᎗ |

📚قصص||روايات||منوعة📚

rwayate

📚قصص||روايات||منوعة📚

rwayate

سلاسل رمضانية💗🌸✨

سلسلة #وصايا_الابحار_في_رمضان💚
https://t.me/story_eslam/278
سلسلة 🍃 #هل_بدأت 🤔
https://t.me/frindy/51585
سلسلة #رمضــــان_زاد_القـلـــوب 🌙
https://t.me/frindy/51128
سلسلة رمضان_فرصة_للتغيير 🌙
https://t.me/fazkrony/4673

📚قصص||روايات||منوعة📚

rwayate

📚قصص||روايات||منوعة📚

rwayate

قصة بقلم صديقة القناة فاطمة💚
اقرأوها وأعطوها رأيكن عالبوت
@Rwayate_BOT 💙✨
.............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

السلام عليكم انا فاطمة عمري 19 من سوريا

اول الحرب بسوريا كان عمري 9 سنين توفت امي ب 2010 وابي تزوج بعد سنة وحدة وكان عندها بنتين وحدة اكبر مني بسنة اسمها بيان وتانية اصغر مني بسنة واسمها لينا وطبعا كانت خالتي مافي احسن منها معي وبناتها كانو متل اخواتي كنا نلعب سوا ونروح عالمدرسة ونرجع ونروح ع بيت جيرانا وكان عندهن ولد اسمو عمران وهوي كان اكبر مني ب 3 سنين كنت حبو كتير وضل متعلقه فيه مرات روح لعندهن وما لاقي صير ابكي عليه وماكنت بعرف هالحب رح يقواا ومضت الايام بسنة ب 2012 خالتي جابتلنا بنوتة وسميناها ليليان وكانت الفرحة مو واسعتنا انا وبيان ولينا انو صار عنا بيبي صغير ونحنا سميناها وهيك بعد اربع سنين سائت الاوضاع عنا وكنا نبكي وننق ع ابي لنطلع ع تركيا بس ابي ماكان يوافق يقول الي بدو يموت رح يموت وين ماكان وماكان يفعل ايام تروح وايام تجي والقصف والطيران مايهدا كنا بحالة رعب كتيرر تركنا المدرسة لان مابقا نسترجي نطلع من البيت وبيوم ببلش القصف علينا كل نهار واجا الليل وطلع الطيران وصرنا نبكي ونصرخ وندعي يارب تفرجها علينا يارب تحمينا ونردد يومتها مانمنا الليل يومتها خسرنا ابي 💔 ضربت الطيارة بنص البيت وماعاد نشوف بعض من الغبرة والسقف وقع فوقنا وضلينا نصيح يالله يالله دخيلك انا وخواتي وخالتي واختي ليليان كانت عم تبكي ونحنا ماسكتنا وخالتي تصيح علينا تعالو طلعو طلعنا انا ولينا وخالتي وليليان كانت مع خالتي كنا عم نختنق من الغبرة صرت صيح وابكي ياخالتي بيان وابيي جوا كنت صيح من جواااات قلبي ياااالله ماتو بيان وابي وابكي خالتي اعطتني ليليان ورجعت فاتت وهون اجت العالم علينا واجت سيارات الاسعاف وانا صيح وابكي ومن البكا ماني حاسة ع حالي انو ماني لابسة حجاب وكنت متصاوبة باجريي وايدي وعم انزف دم واختي ليليان براسها جرح ولينا ماصابها شي اجو بدهن ياخدوني بالاسعاف وانا ابكي وما افعل قلن بيان وبابا ماتو وابكيي وصيح من جوات قلبي اجا جارنا قلي لاتخافي مافيهن شي عم يطالعوهن واخدونا انا وخواتي ليليان ولينا عالمشفى وهون حسيت ع حالي انو مو لابسة حجاب صرت ابكي وقلن للممرضين يلي معي طلعو لبرا مشان الله انا متحجبه طلعو بيجي الدكتور يعطيني اللفحة كان لابسها ع رقبتو وبحطا ع راسي وكل وانا ابكي ومو وعيانة ع حالي الحمدلله انا واختي ليليان طلعت اصابتنا خفيفه بعد ماعقمولي الجروحات ونقلوني ع غرفة عادية ولقيت لينا وبحضنها ليليان نايمة قمت لعندها ركد وضميتهن وصرت ابكي بعد نص ساعة بفوت جارنا ومرتو وعمران سلمو عليي وقالولي انو جابو ابي وبيان عالمشفى وخالتي هلق بتجي لعنا وكان عمران عم يتطلع فيني قلي كنتي بدون حجاب هزيت براسي وصرت ابكي قال ماتزعلي فطومة الحمدلله هيك ولا غيرو وراح ورجع هوي وخالتي خالتي كانو عيونها ورمانين من البكا قمت انا دغري ضميتا وبكينا ولينا كمان ووقت وسالتا عن بيان وابي هون زادت بكا اكتر وقالت ابوكي مات يافاطمة انا عنجد نصدمت وبلشت ابكي من جوات قلبي بعد مامات ابي اتصل علينا عمي وقال نروح ع بيتو بريف ادلب الشمالي بيتو فاضي لان بيت عمي كانو بالسويد رحلنا ع ريف ادلب وتركنا بيتا وتركنا احلا زكريات💔 رحنا ع ريف ادلب الشمالي ع مدينة سرمدا وصلنا لبيت وصرنا ننزل بالغراض كنا جايبين كلشيي اجا زلمة كبير بالعمر قال انتو جداد هون قالتلو خالتي اي والله البيت لابو خالد ونحنا قرايبينو قال اهلا سهلا روحي معي انتي والبنات رتاحو عنا بلببيت وهلق ببعت الشباب ينزلو عنكن خالتي قالتلي خدي خواتك وروحي انا رح ضل هون وقالتلنا الي وللينا ندير بالنا ع بيان لا يوم القصف نكسرت ايدها فتنا عبيت الحجة واجت مرتو وبناتو ونحنا صرنا نبكي وماهدينا ومن نسمع صوت سيارة او ميتور نصيح ونبكي دخلنا بحالة نفسية انا وبيان ولينا وليليان من الخوف والقصف بعد ماخصلو تنزيل وترتيب بالبيت اجت خالتي لعنا مشان نروح عالبيت بس مرتو للزلمة حلفت الا نتعشا عندهن ووننام لصبح لان كان برد ومالحقنا نركب الصوبا تعشينا واجينا انا ولينا قمنا بدنا نشيل معاهن ونساعدهن ماخلتنا الحرمة قال مدينالكن بالغرفة روحو رتاحو رحنا عالغرفة كلنا وبلشنا نبكي ع حالنا وكيف صار فينا حتى خالتي قالت انو ابي موصيها فينا قايلا قبل مايموت البنات امانة برقبتك ووقتا ضلينا نحكي ونسترجع الزكريات بعدين سالت خالتي قلتلا بيت ابو عمران وين طلعو قالتلي طلعو ع تركيا زعلت كتير لان مابقا شوف عمران

📚قصص||روايات||منوعة📚

rwayate

وتاني يوم الصبح بكير فقنا ورحنا انا وخالتي ولينا لنزبط البيت ونركب الصوبا وضلت بيان وليليان عند الجماعة خلصنا ورحنا عالبيت وخالتي بلشت عدتها قعدنا اول يوم تاني يوم هيك ضلينا لبعد شهر قالت خالتي بدها تشتغل وتصرف علينا لان محدا سأل عنا حتى عمي من وقت مامات ابي وقلنا نجي ع بيتو مارجع حكانا وخالتي كانت بتعرف تشتغل بالخياطة وصينا ع ماكينا وبلشت خياطه تتسلا كتير بفترة العدة وصارت تعلمني انا وبيان ولينا عالخياطة وصرنا يوميا نساعدها وعلمتنا عالنسيج صار كل وقتنا شغل وهيك قدرنا نشتغل بالبيت ونصرف ع حالنا بعد تلت شهور خلصت عدتها خالتي وصارو يجو خطابة علي انا وبيان بس خالتي رفضت وقالت مارح تجوزنا هلق لان صغار بيان كان عمرها 15وانا 14 ومشيت الايام ونحنا نشتغل ونصرف ع حالنا وصار عنا جوال اشترتو خالتي وفعلنا عليه واتساب وبيوم كان الجوال مع بيان فتت لعندا قلتلا بيان كيف بدنا نجيب رقم بيت ابو عمران او نعرف وينهن قالتلي مابعرف ليش بتضلي تسألي عنهن قلتلا لان مشتاقة لعمران كتير بيان قالتلي لساتك بتحبيه قلتلا اي بعد 3 سنين انا صار عنا جوال انا وبيان ولينا وليليان عم يدرسو لينا صف عاشر وليليان صف تاني والحمدلله اوضاعنا المادية كتير تحسنت وبيوم اجت لعنا بنت جيرانا قعدنا سوا انا وهي وبيان وقالت لبيان ماعندك فيس قالتلا بيان لا والله مابعرفو قالتلي نزلي كتير حلو وتتعرفي ع كتير عالم واصدقاء وفيكي كمان تبحثي ع ايا حد بدك هوي متل قرايبينك رفقاتك بتلاقي وانا هون قلتلا كيف تبحث قالتلي متل هلق ليكي ع صفحة اخي كاتب اسمو وكنيتو قلتلا طيب اكتبي عمران ال*** كتبت وطلعت كذا صفحة فرجتني قالتي شوفي هدول الصفحات دورت وبالصدفة شفت صورة عمران كان كبران وحليان يا امي لما شفتوو قلبي طار من الفرحة قلت لبيان شوفي لقيت عمران وقمت وقعدت وماعدت اعرف شو اعمل من الفرحة بدي طير 😂😂 زورتني بيان وسكتت قامت البنت قالت مين عمران ردت بيان بسرعة قالت ابن جيرانا هدول جيرانا بالضيعة ومن وقت ماطلعنا من الضيعة مامنعرف عنهن شي وهي عم تطلع فيني وتزورني وبعد شوي البنت راحت قالتلي بيان شبك وليك كلبتي قدام لبنت قلتلا لك مو مصدقة شفت عمران لك كبران صاير شب وما احلاا قالتلي اي خرسي وقومي شيلي معي الكاسات ونروح نساعد امي وقمت شلت الكاسات وساعدنا خالتي بعد يومين اجت جارتنا تخطب بيان لابنها وخالتي ما اعترضت لان بيان صار عمرها 18 وصار لازم تتجوز وافقت بيان عالعريس ونخطبت وكتبو كتابها وحددو العرس بعد شهرين لان كان العريس ماأسس حالو وماناقصو شي وبيان كانت مبسوطة كتير وبعد فترة قالتلنا خالتي انو العالم كلا عم ترجع عالضيعة قلتلا خلينا نرجع والله ناطف قلبي عالضيعة قالتلي نسيتي مافي مكان نقعد قالتلا بيان منقعد ببيت جدي كم يوم ومنشوف الضيعة لان هدنة ومافي ضرب قالت لينا ياريت والله شتقت لضيعة كتير قلتلا وانا شتقت للضيعة ولعمران اطلعت فيني خالتي قلت قصدي لبيت ابو عمران 😂🙈 بيان ولينا فرطو ضحك وخالتي قالتلي لك فاطمة انتي شو قصتك مع عمران كل مامنحكي عالضيعة تقولي كنا انا وعمران وكان عمران ومافي عالسانك الا عمران قالتلا بيان لانها بتحبو من وقت ماكنا بضيعة خالتي قالت وهي عم تضحك قالتلي يافصعونة كبرتي وصرتي تحبي وتتمعشقي قلتلا مو هيك بس انو كنت متعلقة في كتير قالتلي بيان اي خرسي خرسي وحاج تبرري صرنا نضحك وانا خجلانة كتير قامت لينا قال انا رايحة ادرس وخالتي قامت عالماكينة وضلينا انا وبيان قلتلا لبيان اشتقتلو كتير شو رئيك نحكي معو عالفيس قالتلي خلينا نسأل امي قبل قلتلا ماشي وقمت ركد لعند خالتي وبيان لحقتني قلتلا لخالتي بدنا نحكي مع عمران ونطمن عنو وعن اهلو قالت خالتي لا عيب قلتلا وين العيب بالموضوع امانة خليني احكي معو قالت طيب ماشي وماكنت عاطية فرحتي صار الليل انا نزلت فيس وبحثت ع اسم عمران وبعتلو طلب صداقة بس فورا قبلو وانا قلبي صار يدق مابعرف شو هالشعور يلي حسيت في هديك الليلة اجيت كبست عالمراسلة طلعلي بدي نزل الماسنجر نزلتو وبعتت لعمران مرحبا كيفك عمران قال "مراحب الحمدلله منشكر الله مين ؟ " قلتلو انا فاطمة قال مين فاطمة قلتلو الي كانت جارتكن بالضيعة بعت هدول 😳😳😳 وانا بعتت تزكرتني ولا لا اجا بعت تسجيل صوتي فتحتو وكان عم يقول " لك اهلييييييين بالغالية كيفك طمنيني عنك كيفهن خواتك وخالتك طمنيني وين صارت اراضيكن والله سالت كتير عنكن وماحدا بيعرف شي عنكن " انا هون غرف قلبي لك مامصدقة انو عم احكي معو صرت ابكي وصرت اتزكر ايام الضيعة بعتلو الحمدلله انا بخير وخالتي وخواتي بسلمو عليك ونحنا اجينا ع سرمدا بعد ماتوفى ابي بيومين ومحدا سأل عنا لاعمامي ولا خوالي قلي انو هني طلعو ع تركيا بيوم الي طلعنا نحنا وضلينا نحكي للصبح وسالني كيف احوالنا المادية قلتلو تمام وكلنا عم نشتغل الحمدلله تاني يوم الصبح فقت

📚قصص||روايات||منوعة📚

rwayate

كانت خالتي ولينا وليليان فايقين وبيان لساتا نايمة راحو عالمدرسة واجيت عملت متة وقعدت مع خالتي قلتلا حزري قالتلي حكيتي عمران صح قلتلا صح وسمعتا الاصوات وفرجيتا صورتو ونحنا عم نحكي بعتلي هوي صباح الخير كيفك رديت عليه وصرنا نحكي قلتلو خالتي جنبي قال اذا فاضية دقي فيديو لان امي بدها تحكي معاكن قلتلو لحظة دقيت وعطيت الجوال لخالتي تحكي وانا قمت لبست حجابي وزبطت حالي ورجعت لعند خالتي كانت ام عمران عم تسألها عنا انا وخواتي قالتلا خالتي بيان صار عمرها 18 وخطبناها بعد شهر عرسها وفاطمة 17 لسا ماخطبتا ولينا 16 عم تدرس بالعاشر وليليان صف تاني لان راحت عليها سنة الاول طلبت ام عمران تشوفنا وتحكي معنا قالتلا خالتي بيان نايمة ولينا وليليان بالمدرسة هي فاطمة جنبي خدي احكي معا ودارت الجوال عليي صرت احكي وانا خجلانة وصارت ام عمران تصلي عالنبي وماشا۽ الله كبرانة وصايرة عاروس كل هالحكي ومالي خبر عمران جنبا وشايفني سألتا انا عن البنات حكتلي مجوزة بناتها كلن وعم يدورو ع عاروس لعمران لما حكت هيك مابعرف شو صرلي ع شوي بدي ابكي قلتلا الله يبعتلو بنت حلال وعطيت خالتي تكفي ورحت فيقت بيان وانا تغطيت تحت الحرام صرت ابكي حست عليي بيان قال فاطمة شبك ليش عم تبكي قلتلا بدو يتجوز ورجعت ابكي قال مين قلتلا عمران قال لك مين قلك قلتلا هلق كنت عم احكي معاهن اطلعت فيني هيك 😳😳 لك فاطمة ايمت لحقتي تحكي قلتلا بليل حكيتو وهلق حكينا مع امو انا وخالتي طلعت بيان وطلعت وراها كانت لسا خالتي عم تحكي وعم تحكيلن وقت اجينا لهون وكيف شتغلنا وام عمران حكت كمان وقت طلعو تهريب ع تركيا اخدت بيان الجوال وصارت تحكي معاها ويضحكو بعدين عمران حكا خالتي وطلب يحكيني حكيتو لما اطلع فيني صار يضحك تعرفو شو قال قال دخيلووو الفصعونة كبرانة خجلت كتير وقلتلو وانت كبران وحليان من بعدك ياحلوة شقد صار عمرك قلتلو 17 وانت قال 20 وحكينا شوي وبعدا سكرت وبيان قالت لخالتي فاطمة صارت تبكي وقت قالولا عم يدورو لعمران ع عاروس ضحكت خالتي وقالت ليش مو هي العاروس قلتلا كييف قال ام عمران من شافت فاطمة وعجبتها وقالت انو رح يجو وبدهن يخطبوني رسمي نصدمت من كلام خالتي قلتلا بدن يخطبوني انا لعمران 😳 قالتلي اي قلتلا لك ايمت حكوو قالتلي وقت رحتي عالغرفة كنت مكيفةة وضلينا انا وعمران ع تواصل وكنا نسترجع الزكريات سوا وحبنا كل مالو عم يكبر تجوزت بيان وزعلت عليها كتير كلنا زعلنا وحسينا لبيت ناقص وكانت عطول تزورنا ونحنا كمان وبعد تقريبا سنة لينا نجحت عالحادي عشر وليليان عالتالت وانا صار عمري 18 سنة بيوم كنت عم احكي عمران وحكالي انو ملل كتير وقرر ينزل ع سوريا هوي واهلو مشان يخطبوني وبالفعل بعد شهر نزلو واجو لعنا خطبوني وكتبو الكتاب وحددو موعد العرس وبيوم اجت بيان لعنا فاتت لعندي عالغرفة معها بنت حماها قالتلي لك دخيل هالعاروس ما احلاها وضمتني وبلحظتا مابعرف ليش انا بكيت قالتلي ليش عم تبكي قلتلا مو مصدقة لهلق انو عمران رح يصير جوزي بنت حماها قال ماتقولي نفسو عمران الي قلتيلي ابحث ع اسمو عالفيس قلتلا بشحمو ولحمو ههههههههه وصرنا نضحك قالتلا بيان فاطمة بتحبو وبحبا من وقت ماكانو صار خلصت تجهيز بحالي وكنت طالعة حلوة كتير بالعرس تجوزت عمران حب طفولتي ورفيق عمري وكنت كتير مبسوطة معو بيان صار عندها صبي سمتو محمد وخالتي وليليان ولينا ضلو بالبيت الي سكنا في من اول ماجينا ع سرمدا وانا طلعت مع عمران ع تركيا وهلق حامل بالشهر 4 😜

تمت والحمدلله 🥺💚

📚قصص||روايات||منوعة📚

rwayate