📚قصص||روايات||منوعة📚

_ لا هلاء انت مو ملاحظ انا مابقا حكينا كلمتين مع بعض كل النهار
_همسة الله يوفقك براسي مية قصة بس ارجع بنحكي
_لحظة وحدة بدي اسألك على كيس أدوية كان موجود بدرج مكتبك
_ بتململ عم يرد عليها أي أدوية مابعرف عن شو عم تحكي
_أدوية هيك لونها غريب بكيس شفاف
_ همسة مالي متذكر ...خلص مشان الله كبيهن وخلصيني
_ كبيتهن
_لكن سلام .......
كان مستعجل كتير بده يلحق عابد بالبيت
وصل لعندهن ورن كتير لفتحتله اخته كانوا عم يتغدوا
هيام : خير أخي شوفي متخانق مع مرتك ؟
نيال : وين جوزك
هيام : جوا اتفضل
قرب من الطاولة ...عابد أهلين بجناب القاضي أهلا أهلا
نيال : وينهن
عابد : مين هدول
نيال : مرتك وبنتك انت قلت متوفين صح
عابد : أه ايه
هيام : أخي شوفي لشو هل الاسئلة
نيال : اليوم وصلتني معلومات عنه مرته وبنته عايشين وهو صاحب مشاكل كتيرة من قبل
هيام : ايه ايه (وهي تايهة للحظات )بعرف .....ااايه بعرف
هوقلي كل شي وأنا مافضلت خبركن
نيال : لك كيف بتعرفي وساكتة ؟؟ نحنا مابناسبنا هيك انسان مو صادق
هيام : أنا بناسبني ومبسوطة
نيال : لك أختي هاد الشخص ماله أمان
هيام : أخي الله يخليك يااقعد اتغدى معنا ياامشي الله معك
تركهن نيال ومشي
عابد قرب من هيام : أنا أسف حبيبتي ..
هيام : وينهن هلاء مرتك وبنتك
عابد : وحياتك مابعرف عنهن شي من سنين طلقتها وانهفت هي وبنتها
هيام : بتعرف ياعابد اذا بدرى انك عم تتواصل معها
عابد : لك ياروحي انتي يلي عنده مراة متلك بيلتفت لغيرها
لك تقبري قلبي تعي كملي أكلك
نيال مارجع عل البيت لف بالشوارع ولف احتى سمع أدان المغرب نزل على جامع قريب
صلى جماعة كانت روحه تعبانة وبعد الصلاة قرب من الشيخ كبيربالعمر السلام عليكم
الشيخ وعليكم السلام ورحمة اله وبركاته
نيال : استاذ بدي اسألك ايمتى الدنيا بتنتصر على انسان حاطط أمله بالله
الشيخ ابتسمله ياابني يلي مع الله مستحيل شي بالدنيا يقدر يضره
مما ورد في صحيح روى الترمذي (25166) وصححه عَنْ ابْنِ عَبَّاسٍ ، قَالَ: " كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا، فَقَالَ: ( يَا غُلَامُ إِنِّي أُعَلِّمُكَ كَلِمَاتٍ ، احْفَظِ اللَّهَ يَحْفَظْكَ ، احْفَظِ اللَّهَ تَجِدْهُ تُجَاهَكَ ، إِذَا سَأَلْتَ فَاسْأَلِ اللَّهَ ، وَإِذَا اسْتَعَنْتَ فَاسْتَعِنْ بِاللَّهِ ، وَاعْلَمْ أَنَّ الأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ ، وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ ، رُفِعَتِ الأَقْلَامُ وَجَفَّتْ الصُّحُفُ )
ومن هذا الحديث نستدل أنه مستحيل حدا يقدر يضرك بشي مو مكتوب الك ..والمكتوب يلي بنظرك بلاء اذا صبرت عليه رح ينقلب بالنهاية لعطاء
وبحياتك ياابني خليها قاعدة ( من كان الله معه فمن عليه ومن كان الله عليه فمن معه )
نيال : لااله الا الله ..لا اله الا الله .كلامك ريحني كتير بالفعل ياشيخي الله يجزيك الخير يارب
كان أذان العشاء عم ينادي
الشيخ : واياكم ياابني قوم معي لاقامة الصلاة
نيال : يلا
بالبيت همسة كانت ماسكة ألبوم صور عم تقلب فيه
صور قديمة بتجمعهن من أيام الخطبة كان في بينهن توافق عجيب
الحب ارتسم بقلوبهن من أول لقاء ورغم كل المشاكل والضغوطات من أهله ولا مرة اتخلى عنها كان عنده أسلوب يرضي الكل بس ولا مرة كان هل الشي على حسابها
اتذكرت شو كان يعمل ليسعدها بعد كل تحليل سلبي للحمل وكيف كانت ردة فعله وقت ثبت حملها
ابتسمت ومسحت دمعه اتشكلت بعينها ...استعاذت من الشيطان
ذكرت الله بقلبها ونزلوا دموع غلبوها وذكريات الماضي عم تنعاد ببالها ......انفتح الباب على مهله ركضوا الولاد لعند أبوهن
بابا طولت حملهن بوسهن ..لمح همسة قاعدة عم تمسح عيونها بعجلة عم تحاول تخبي الاحمرار يلي فيهن نزلهن وقرب منها قعد جنبها وحضنها عم تبكي ..مين مزعلك شو عاملين لماما
همسة : أنا أنا صوتها عم يرجف
ضمها بقوة أكبر همسة : انت بطلت تحبني
نيال : ههههه هلاء هاد يلي مخوفك ومبكيكي لك انت صرتي متخلله فيني أصلا اذا بدي طلعك مابقا أقدر
ضحكت ضحكة ممزوجة بصوت مهزوز ....
نيال خلص امسحي دموعك وغيري تيابك أنا عازمكن على كنافة ونابلسية شو رأيكن ياولاد
اياس والياس هيــــــــــــــة
لبسوا وجهزوا حالهن وهنن نازلين اجنمعوا برنيم سلمت عليهن وتابعت على سيارتها وقلبها طاير من الفرح لأنها اليوم قدرت تحفظ رقم ريان بجوالها
الجزء السادس
وصلوا على محل الحلويات طلبوا الحلو وأخدوهن على حديقة قريبة راقبوا الولاد وهي عم تلعب بالمراجيح
نيال : اليوم عرفت انه زوجة عابد وبنته مو متوفين متل ماقالولنا
همسة : وليش ليكذب بهيك موضوع ؟؟
نيال : قال هيام هيك بدها ...مابعرف شو الموضوع بيناتهن
همسة : أنا هل الزلمة ماحبيته نهائيا
نيال : ليش شفتي منه شي

همسة : لك لاءا بس مو انت قلتلي ماحبيته وأنا كمان
نيال : أنا مو مرتاح اله
همسة : ووين مرته وبنته هلاء
نيال : مابعرف ماحكوا وماسألت
همسة : المهم أختك مرتاحة معه وانت بتعرف هيام مابتقبل حدا يتدخل بحياتها
نيال : صحيح ....الولاد تعبوا خلينا نرجع عل البيت
بالطريق ناموا الولاد بالمقعد الخلفي ...وهمسة عم تبتسم مسكت ايد نيال وهو عم بسوق وشبكت أصابعها بأصابعه
التفت عليها وابتسم شد على ايدها
همسة : بتعرف حابة يكون عندي بنوته
نيال : بس الحمل كتير تعبك وصار خطير عليكي
همسة : حابة عيد التجربة ويكون عندي بنوتة
نيال الله كريم تابع ابتسامه وركز عل الطريق
ــــــــــــــــــــــــــــــــــ
رنيم بغرفتها بعتت صورة الها كانت ممكيجة ولابسة فستان زهر بارد ومسشورة شعرها وكتبت تحتها
شو رأيك حلو للحفلة ؟؟؟؟
فتح الصورة ريان وشافها فكرها غلطانة بعتلها
_؟؟؟؟؟؟؟؟؟؟؟؟؟؟؟
_يي مين معي ؟ يبعتلي حمى لمين باعته الصورة أنا !
_حصل خير أنا ريان زوج نور
_أهلين أستاذ ريان والله اسود وجهي منك مشان الله احذفها
بس بتعرف خلص طالما بعتتها الك مافي خوف لأن واضح انك انسان محترم كتير
ريان : بشكرك ولا تقلقي أنا هلاء بحذف الصورة
رنيم : ايه يسلم ايديك ولا تخبر نور بخاف يصير مشكلة صدقني مابعرف كيف هيك صار
ريان : عادي نور حتى لو عرفت مابيهمها
رنيم :أمم الصراحة أنا شفت تعاملها معك مع انك والله مابتستاهل
ريان :........
رنيم :انت بتحبها !!!
أنا أسفة مابحقلي اتدخل بس فضول
ريان :انتي من ايمتى بتعرفيها لنور
رنيم :من زمان كتير نحنا كنا كتير رفقة
ريان : وبتعرفي عن قصة هاد زياد
رنيم : لك ايه بعرف هاد شب اتعرفت عليه عند قرايبنهم وضلوا يحكوا مع بعض حوالي تلت سنين
ريان :كانت تحبه ؟؟؟؟؟؟؟
رنيم : ييي كتير كانت تطير من الفرح كل مايحاكيها كانت تحبه كتير وتحلم انها تتجوزه
ريان معت أرسلها وأغلق المحادثة
رنيم : ياالله ضروري جيب سيرة المضروب
___________
عابد كان هو وهيام برا البيت
عابد : هيومتي بتعرفي شغلة عم قول أخوكي ليش هلاء اتذكر يجي يحكي عن بنتي ومرتي وهو بمكانته كان بيقدر يجمع معلومات عني بنهار
هيام : صح كلامك مابعرف شو السبب
عابد : أنا عم قول مشان موضوع الكافية هداك اليوم
هيام : أي كافيه

عابد : الصراحة ماكنت حابب خبرك بس يوم عيد الميلاد وقت رحت معه عل الكافية كان بانتظار شخص اجا سلموا ظرف مصاري مشان قضية هو القاضي فيها
هيام :انت متأكد
عابد : متأكد بعيني شفته فتح الظرف ملان مصاري والزلمة قله الارض حقي وحق ولادي بدي الحكم الي وهو قله لا تقلق
هيام : مستحيل نيال يرتشي ..أخي وبعرفه انت فهمان الموضوع غلط
عابد : لك عم قلك كنت معهن عل الطاولة
هيام يي معقول والله ماعم صدق
عابد : صدقي حبيبتي صدقي
هيام : هي أكيد من مرته وطلباتها وماله عرفان كيف يرضيها الله لايوفقك ياهمسة وان شالله يارب شوف فيكي يوم
عابد : لك لاتدعي عليها حرام
هيام : خفت عليها حبيبي لا تخاف هي بسبع ارواح
عابد : مو موضوع خفت بس مابحب شوفك منرفزة
هيام : سيرتها لحالها بتهز بدني
عابد : انه شو سبب كرهك الها بدي افهم
هيام : هيك من الله ماحبيتها ..بحسها ساحرة سحرت الكل وأولهن نيال
عابد : اتركينا منها وخلينا مبسوطيين بمشوارنا وفي موضوع تاني مابدي انساه
هيام:شو هو حبيبي
عابد : مشان المحلات بدي ضل رايح جاية بالفواتير لعندك
والله الشغيلة عم تتطلع فيني وبقلبهن عم يقولوا جوز الست
هيام : يعني شو بدك مافهمت
عابد : أناعم أقول تعمليلي وكالة بصير مشي فيها أمور الشغل ولا مالك ثقة فيني
هيام : ولا يهمك جهز الوراق وبعملك يلي بدك ياه
عابد : لك الله يخليلي ياكي يا زينة نسوان الارض
هيام : ههههههه
________________
تاني يوم بالليل رنيم رجعت أرسلت لريان
أنا أسفة كتير مبارح يمكن زعجتك بحديثي صدقني كل اليوم نهاري مخربط
من جد أنا أسفة
بعد انتظار رد عليها
أهلين رنيم مافي داعي تعتذري
_كيفك استاذ ريان يعني مو زعلان مني
_ههههه لاء
_ ياي منيح ممتاز هلاء فرحتني ...أه قصدي هلاء بقدر نام مرتاحة
_ هههههه انتي شو قصتك ..كل هل القد مهم عندك اني ما كون زعلان
_كتييير ....قصدي يعني أنا بحترمك ومابحب تكون اتدايقت بسببي
لأن انسان متلك لازم يكون سعيد على طول
_رنيم ...ههه أنا شلت الالقاب
_ عادي أحلى وأنا حناديلك ريان
_هههه ماشي انتي ليش لهلاء ماارتبطتي ..قصدي يعني منتظرة حدا
_ لا ماحدا قدر يملك قلبي بعدين أنا معاهدة حالي ماسلم قلبي غير للي حيصير جوزي
_ أممم برافو عليكي
_احكيلي عن شغلك ؟؟
_ أنا بشتغل مع الأطفال وأنا بحبهن كتير وبحب اتعامل معهن كتير
_ حلو واذا الولاد نشيطين
_ أحلى هاد بينم عن ذكاء وعلى فكرة أنا لاحظت هل الشي عند ولادك
_ بتعرفي أنا بحبهن كتير بس المشاكل بيني وبين أمهن عم تساوبهن عنيدين أكتر
ونور مالها بال عليهن
_ الله يسامحها بس لا من جد ولادكم بنظري ملائكة
ريان ابتسم وبعتلها شكرا هاد من ذوقك
رنيم عم ترقص بمكانها ...غرزت غرزت
بعتتله حأعتذر منك اتأخرالوقت ويمكن مابقا أصحى على شغلي
_ حقك علي أنا سهرتك
_لا عادي ..عقابك اتصحيني الصبح
_ أنا كيف ؟؟؟
_ رنلي الصبح بكير حتى أصحى
_ اذا هيك بسيطة بيصير
_تصبح على خير
_ وانت من أهله
___________
زادت الأحاديث بين ريان ورنيم وكانت بكل محادثة تركزعلى صفة تمدحه فيها وبنفس الوقت تكون نقطة نور مقصرة فيها
ضلت مفرجيته انها البنت الطيبة يلي بتحب رفيقتها وبتزعل من تصرفاتها
وولامرة صرحتله انها بتحبه حتى تفهمه انها ماحتحب غير يلي حيصير زوجها
ريان كان عم يسايرها بكل هل الفترة بس حاسس انها بتفهم أفكاره والكلام معها بيعطيه ثقة بحاله
___
زادت أيام غياب براءة عن المدرسة وهمسة كانت عم تحاول تسأل عنها
وعرفت من المديرة انها رح تنتقل من المدرسة زعلت كتيروحاولت تعرف السبب
وبيوم بتصادف أم براءة بطريقها لعند المديرة حتى تكمل اجراءت النقل وبتقدر تتعرف عليها من ملامحها القريبة من براءة
همسة السلام عليكم أم براءة صح أنا الانسة همسة
أم براءة بنشافة أهلا
همسة : في افهم ليش بدك تنقلي براءة حدا زعجها ..هي هون كتير منيحة ومستواها عم يتحسن يوم بعد يوم
وأنا كتير مهتمة فيها ومعتبرتها متل......
مسكتها أم براءة من ايدها :انتي بالذات مابدي ياكي تقربي من بنتي
همسة كانت متفاجئة من هجومها عليها سحبت ايدها منها ورجعت خطوة لورا
أم براءة : فهمتي ..وتابعت طريقها على مكتب المديرة
همسة نزلت دموعها وجمدت متفاجأة حاولت تلحقها لتفهم منها دخلت لعند المديرة كانت أم براءة مشيت حكت للمديرة شو صار
المديرة : غريب والله أنا كمان متفاجأة من نقلها بس هي مصرة كتير بركي خايفة لأن براءة متعلقة فيكي كتير
همسة : وهاد بيعطيها الحق هيك تحكي معي
المديرة : طبعا لاء بس نحنا مابنعرف شو ظروفها انتي انسي الموضوع وادعيلها تتوفق
_
وصلت أم براءة على بيتها شافت عابد واقف عل الباب
حطت راسها بالأرض وكملت لجوا من غير ماتحاكيه
عابد : يبدو انك عميانة كمان
أم براءة : شو بدك من بكرا رح تداوم بمدرسة جديدة
عابد : منيييح
تركها وهو راجع عل البيت صف بعيد عن بيت نيال
لك والله اشتقتلها يبعتلك حمى ياهيام شو راسك يابس
ضروي هلاء تحاربيه لأخوكي

وصلت همسة مع رنيم وكانت عم تحاكيها وهي نازلة
رنيم كانت عم تطلع ألعاب لولاد نور
همسة : يعني أنا مو فهمانة ايمتى صرتي تحبي الأطفال هل القد
رنيم : لا ولووو ولاد رفيقتي واشتهيتلهن ألعاب
همسة : بس أديش صرلي بعرفك ولامرة شفتك اشتريتي بوري بوظة لولد
رنيم : هاتي اللعبة عنك وروحي على بيتك
همسة : ههههه
عابد عيونه مركزة من بعيد عليها ياربي ملاك ..ملاك عم يضحك لك شو الضحكة
لك الله يقبرني ياكي ياهيام وقت تضحكي دراكولا عم يبتسم ولا هديك الاولانية
لك ولي على حظي بس رح تتعدل رح تتعدل على ايدك ياقمر
اجاه اتصال
ألو شو بدك
- المعلم طالبك هلاء لعنده
عابد (غص )ليش في شي
_معك نص ساعة تكون عنده عم ينتظرك اصحك تتأخر المعلم مابيحب ينطر حدا
________
بالليل رجع عابد عينه زرقا ..وعم يعرج على رجله ..ماسك بأيده على بطنه
دق الباب المخلوع دق قوي
قربت أم براءة من الباب شافته هو ردت الباب بسرعة
دفشوابأيده
عابد : لك ساعديني وليك ساعديني
أم براءة خافت يعملها جرصة بالحارة فوتته وهو عم يتسند عليها براءة كانت عم تبكي لأنها مو حابة المدرسة الجديدة
قعد عابد على الكنباية ومد رجله
روحي جيبيلي تلجة بسرعة
أم براءة جابتله التلجة وعطته ياها عم يحطها على عينه
مين مساوي فيك هيك
عابد : انقلعي من خلقتي ..سكتيلي بنتك مو قدران اسمع صوت
الله لا يوفقك لا انت ولا رجالك لعبجوني لعبجة ...( اتذكر كلامه انه اتأخر كتير بالمهمة يلي سلمه ياها وانه يمكن عجبه الدور ونسي مين هو وعطاه يوميين يسمع فيهن خبر عن نهاية نيال )
كان عم يأن ويفكر شوممكن يعمل نيال مو سهل وكل شي عمله لهلاء ماقدر يهزمه
أم براءة عم تحضن بنتها وتهديها لأنها بتخاف منه كتير
لمعت بباله فكرة ..ابتسم ...صرخ بأعلى صوته لك خرسيها
هديت براءة ونامت بعد جهد كبيرمن أمها
عابد غادة (أم براءة )قربي لشوف بدي احكي معك بموضوع
أم براءة : عابد الله يخليك روح من هون ولا بقا ترجع ولا تضطرني غير البيت
ليش مارحت على بيتك أكيد عندك بيت أنا اسمعتك هداك اليوم عم تحكي انت شو بدك مني انت كملت حياتك حل عني .
عابد : هههههه خلصتي قربي لهون وليه واسمعي شو بدي قلك أحسن مااعرف شغلي معك
قربت عم تسمع وبعد نص ساعة.....وهي عم تبكي الله لا يوفقك ياعابد بدك ياني أنا اعمل هيك مافشرت عينك أنا مابقا خاف منك قوم انقلع انقلع من حياتي
عابد : ههههه شبك شبك يلي بيسمعك بفكرك شريفة
أم براءة : أشرف منك ياواطي
عابد : انسيتي صورك يلي عندي ولا مفكرتيني نسيتهن
اذا انتي مو متذكرة أنا بذكرك
أم براءة وقعت على ركبها لك انت شو بدك مني أأأأنا ماعملت هيك غير من ظلمك وظلم أخواتي
لك نسيت ضربك وذلك الي طول الوقت لك مالقيت حدا التجأله غيره وهو وعد يساعدني
وأنا حبيته لقيت فيه الحنان والرحمة يلي عم دور عليهن
عابد قرب من وجهاا ووينوا هلاء....ههه اتخلى عنك صح
أم براءة : لك انسيت انك هددته اذا بتشوفه بطريقي لتفضح الصور وتخلي الكل يحرقنا مع بعض
عابد : ولهلاء لساني عند وعدي واذا مابتنفذي كلامي رح اعمل نفس الشي
وقفت أم براءة منتفضة مابقا يهمني .....ايه ايه مابقا يهمني خلص بدك تفضحني افضحني وروح هي الصور معك اعميل فيهن شو مابدك
عابد : لك ياجدبة مافكرتي ببنتك شو رأيها وقت تعرف انه أمها هيك
بكيت وبكيت وقعدت بالأرض لك لك هي بنتك متل ماهي بنتي حرام عليك
عابد : فشرتي هي مو بنتي ....المهم يلي عم قلك عليه ماحدا حيعرفه وبالنهاية رح يطلعلك مبلغ مرتب بتاخديلك فيه غرفة أحسن من هل الخرابة بتعالجي بنتك انتي حرة ...أه شو رأيك
أم براءة : عم تبكي وتصرخ بكل قوتها ...موافقة
عابد ياسلام عليكي عدي لفهمك مزبوط شوح تساوي
يتبع الجزء السلبع عم اكتبه وان شاء الله مارح يتأخر بدي أرائكن

أم براءة :أأأأه أأأأه......مع مين عم تحكي يا(..................)
انقفل الخط ونيال حاول يرجع يرن ماحدا رد
قام لبس تيابه همسة حست عليه ...نيال لوين نازل بهل الوقت
مشكلة متعلقة بقضية مابتأخر
وصل للعنوان يلي ذكرتله ياه حاول يرنلها وبعد رنين طويل
ردت وكان صوتها تعبان ....شو صار ؟؟؟؟ صارت تبكي
نيال : أنا بالحارة يلي قلتي عنها بس أي بيت
أم براءة : الباب الأخضر عل اليمين
نيال : ماشي
وبالفعل وصل لعندها وكان الباب مشقوق دخل منه لقى البيت مكركب أم براءة كانت بالأرض مرمية أوعيها مقطعة ووجها أزرق
اتلبك وماعرف شو يعمل ؟ قرب حاول يساعدها
نيال : حأتصل بالشرطة
أم براءة : لاء الله يخليك مابدي منك شي بس ساعدني رجع الكنبات لمكانهم وروح عذبتك معي
نيال : انتي لازم تخبري الشرطة وتخلي القانون ياخد مجراه
أم براءة : لا الله يخليك يااستاذ بدك تخدمني ارفعلي الكنب لمطرحه وروح بطريقك واستور ماشفت مني
ساعدها تقعد على كرسي قريب وزبطلها الكنب متل ماطلبت وين بنتك ...تركتها اليوم عند رفيقتي مشان تدرس
وقبل ماينتهي رنت أم براءة لجارتها حتى تجي لعندها
وهو طالع وقعت عينه بعين الجارة كمل طريقه عل البيت
الساعة 6 الفجر من صباح يوم جديد كان في تخبيط قوي على باب بيت نيال
همسة ونيال والصغار صحيوا وركضوا لعند أمهن مرعوبين
قرب نيال من الباب عم يتطلع فيهن ووقت فتح الباب كان عنصر من الأمن
العنصر: استاذ نيال فيك تتفضل معي
نيال : شوفي
العنصر : حضرتك مطلوب للحضور بالمركز الأمني حالا
نيال :( مصدوم )خليني بدل تيابي وانزل معك
العنصر : بانتظارك ّ
همسة كانت وراه عم تلحقه خايفة عليه شو الموضوع نيال شو صاير
نيال : مابعرف هلاء بشوف بس أكيد موضوع عادي
همسة : بدي اجي معك ولا ترفض لآني مارح أقبل
نزلوا مع بعض وحطت الولاد عند جاراتها نور ووصلوا للمركز الأمني
وهنيك استقبله المساعد : أهلين أستاذ نيال
نيال : أهلين فيك ...في أعرف شو الموضوع
المساعد : شلون بتحب قهوتك بالأول
نيال : وسط
طلب القهوة وابتدى بالحديث
المساعد : استاذ نيال ..في ست اسمها غادة الحطاب مدعية عليك بمحاولة الاعتداء ووقت رفضت تستجيب الك قمت بضربها ضرب مبرح وتكسيرقطع أثاث من بيتها
نيال : أنا انتوا فهمانين الموضوع غلط زوجها يلي ضربها وهي التجأت الي لحتى ساعدها وبالفعل رحت لعندها بس هي رفضت اتصل بالشرطة
المساعد :مافهمت فيك اتوضح
نيال : حكى الموقف كامل للمساعد
المساعد : أنا رح صارحك بصماتك موجودة بالبيت وعلى جسمها وجارتها شافتك طالع من عندها
نحنا بانتظار نتيجة الطب الشرعي ولوقتها رح خليك عنا بغرفة منعزلة طبعا هاد تقدير لمكانتك
نيال : ساكت
المساعد : بتعرف استاذ نيال بيقولوا الرصاص يلي مابيضرب بيدوي واذا هل الموضوع طلع متل ماعم تقول فأكيد في حدا حابب يشوه سمعتك ويقضي عليها واذا ثبت فأكيد الموضوع رح ينهي ع مهنتك نهائيا
نيال : صفن بكلامه ودخل الرعب لقلبه
واتذكر كل شي كان عم يصير معه بالفترة الماضية وخبر المساعد عنه
المساعد : نحنا صار عنا علم بالتحقيق المفتوح بموضوع الرشوة
بعد ساعات من الانتظار همسة كانت موجودة بانتظاره ووقت عرفت التهمة استبعدت انه نيال يعمل أي شي من المذكور
كانت عرفانة انه مجرد ادعاء رح يكتشف بطلانه سريعا
لكن وقت وصلت نتيجة الطب الشرعي بتأكيد كلام المغدورة
هون كانت الفاجعة الكبرى للكل
نيال حس انه بمتاهة أكبر منه ......همسة داخت وحاولت تستوعب كيف بتكون نتيجة الطب الشرعي هيك
حس عليها المحامي صديق نيال انها داخت وطلب منها تجلس على كرسي قريب قعدت على مهلها ونزلت دموعها للحظة رجعت اتذكرت كلام الصيدلي عن الدوا
وجعها راسها حست في شي مو مزبوط كل شي حوليها عم يدور ....كذب كل يلي حوليها كذب ولا الانسان يلي وثقت فيه كذب
بطل أي شي واضح
المحامي : مدام همسة انتي منيحة
همسة ماردت عليه مسكت شنتتها عم تبعد عنه وعن المكان بدها تشم هوا بدها تفهم عم تحاول تصدق
طلعت خارج المركز عم تبكي كانت الدنيا بعيونها كلها ضباب مشيت ومشيت وكل الوقت كانت الأفكار بين عقلها وقلبها عم تتصارع قلبها يلي بحب وبيحس بيلي بحبه انه مستحيل يخون
وعقلها يلي عم يحاول يحلل الامور بشكل منطقي تصرفاته المريبة بعده عنها بالفترة الماضية ...الدوا ...طلعته متأخر من البيت ...
والنتيجة يلي كانت ايجابية
وصلت على بيتها منهارة حملت ولادها ودخلت معهن عم تصارع البكى والقهر
000000000
المساعد بالمركز خبر النتيجة لنيال يلي كان الخبر عليه قوي كتير مسك ايديه براسه واتكى وهو عرفان حاله انتهى
وماطلع من لسانه غير لاحول ولا قوة الا بالله العلي العظيم
المساعد : بتعرف استاذ نيال وأنا عم حاول اجمع معلومات للتحقيق اكتشفت انك انسان صادق أمين وكانت في كتير شهادات طيبة بحقك والقضايا يلي كنت تحكم فيها بتشهد على هل الشي
نيال كان منهار وماعم يرد
تابع المساعد : أنا صرت شبه متأكد انها مكيدة من حدا حتى يتخلص منك

وبدي ياك اتساعدني أعرف مين هو ؟
مين اله غاية يقضي عليك
نيال حكى هو والمحقق واتذكروا مع بعض كم موقف اتعرضله وكم انسان كان متدايق من نتيجة أحكامه عليه
صديقه جبله اكل ودخل لعنده
نيال : وين همسة ؟؟
صديقه : من شوي مشيت
نيال : عرفت بالنتيجة !!!
صديقه : عرفت وحسيتها انصدمت وبعدها مشيت
نيال : يعني صدقت !!!
صديقة : مابعتقد بس هي خايفة عليك كتير
صفن نيال زاد قهره وترك الأكل من ايده..
بالبيت همسة عم تبكي ومنهارة
أم براءة ألم راسها ماعم يتوقف وبطلت قدرانة تتحمله قررت تروح تراجع الدكتور تاني نهار
عابد بعد ماتم استدعاءه للتحقيق ونفى تردده لعند زوجته السايقة نهائيا نقل الخبر لهيام يلي زعلت على أخوها كتير وصارت تبكي وماصدقت القصة والتهمة
عابد كان عم يستلذ بطعم الانتصار000000000
الصبح بكير من نهار جديد
عابد وهيام اتوجهوا لزيارة نيال وسمحوا لهيام فقط بالزياة حضنت أخوها وبكيت
هيام : ولا يهمك أخي ...أنا متأكدة انك برئ وهي عملت هيك مشان تاخد مصاري أنا رح خلي عابد يتصرف معها واليوم بأذن الله بتطلع
نيال : والله ياأختي أنا حاسس انه الموضوع أكبر منها لحالها زوجك شو قال
هيام : عابد من زمان مابيعرف عنهن شي بس شو قصدك بالموضوع أكبر منها ؟؟
نيال : مابعرف على عم يحققوا بالموضوع لا تهكلي هم بس انتي شفتي همسة ؟
هيام : لاشفتها ولا بدي شوفها ...هي انت قاعد هون مو المفروض تكون جنبك وين حضرتها
نيال : هيام الله يوفقك مو وقت هل الكلام نهائياً
هيام : خليك هيك معمي على قلبك لك ياأخي فتح عيونك اذا بهيك موقف ماوقفت معك شو منتظر منها
خلصت الزيارة وقفت هيام ...أخي لا تقلق أنا رح أحكي مع عابد يتصرف معها واذا بدها مصاري بعطيها المهم انت ماتبقا هون
ابتسم الله لايحرمني منك
هيام : لك نيال انت أخي وعيوني بقدملك اذا بتحتاج ....... سلامت عيونك
بعد الزيارة وصل عابد هيام عل البيت
هيام :عابد متل ماوصيتك بتجرها من شعرها تسقط الدعوى هلاء أكيد عملت هيك بدها مصاري على كل عطيها وخليها تطلع من حياتنا
عابد : خلص حبيبتي أنا بتصرف لا تقلقي
هيام : اليوم أخي لازم يكون ببيته
عابد كمل طريقه بس ماتوجه لعند أم براءة كمل طريقه على بيت نيال
صف السيارة ونزل عم يبتسم انه حيشوفها وانبسط أكتر انها مصدقة تهمة جوزها وبقلبه ( ياأخي نسوان كلهن متل بعض ..)
دق الباب
ركض الياس لعند أمه ...ماما ماما تعي شوفي عم يندق الباب
قربت معه عل الباب لتفتحه بس كان اياس سابقها وفاتحله وعابد دخل وكان واقف بالصالون
وقت شافها صفن فيها بنظراته المريضة
همسة : انت كيف بتفوت هيك ؟؟
عابد : الصغير فتح الباب وأنا جاية خبرك عن تطورات القضية
همسة : طيب اتفضل على غرفة الضيوف
دخلت لعنده بعد شوي والولاد معها
ليش مااجت هيام معك
عابد: مابعرف ماقبلت تجي ....انتي بتعرفي هي مابتحبك
اتطلع فيه واستغربت كيف عم يحكيها عادي
همسة : وحضرتك شو بدك
عابد : أنا جاية اتطمن عليكن اذا محتاجين شي عاوزين شي
همسة : شكرا مالي محتاجة شي
شو صار بقضية نيال
عابد : التهمة لابسته لبس ..الله يعينه .مابعرف شو اجى بباله حدا بيكون عنده هل القمر وبتيطلع لبرا

كان عم يقرب منها شوي شوي
همسة : عفوا أنا مابسمحلك واذا بتريد اتفضل لبرا وتاني مرة مابتجي غير بوجود نيال
عابد : هههه نيال مين ؟ راحت عليه المسكين .
انتي انتبهي على حالك ولا تخافي من شي وأنا موجود وقت تحتاجي أي شي بس رنيلي
كانت قرفانه منه ومن حكيه ومن نظراته ....وصلته عل الباب وسكرت وغص قلبها منه ( هل البني أدم من وقت ماشفناه ماشفنا الخير الله يسامحك ياهيام بس )
بعد دقايق قليلة انرن الجرس رنات قوية فكرت عابد رجع اتفرجت من العين الساحرة كانت نور
فتحتلها الباب وكانت عم تبكي وبأيدها الجوال
همسة خير نور شوفي ؟؟؟
همسة ياهمسة مالي غيرك اتساعديني ؟؟
همسة : شوفي فهميني ؟؟
قعدوا هنن التنتين على كنبة وحدة ....
نور : من فترة حاسة في شي غريب ..بس ماكنت مهتمة فكرت حالي غلطانة
واليوم اتأكدت نسي جواله بالبيت ونزل فتحته وشوفي هي المحادثات
أخدت همسة الجوال من ايدها وبلشت تقرأ وترجع بالمحادثات شافت صورة رنيم
همسة : جوزك عم يحكي مع رنيم رفيقتنا
نور : ايه شفتي اديش أنا غبية ...بس بيستاهلوا بعض ..أنا بدي اتطلق ؟؟
همسة : لحظة مين هاد زياد يلي حاكين عنه
نور : زياد حبيبي القديم
همسة : ماذكرتيلي هيك موضوع من قبل
نور : أنا وحدة ماانكتبت الها السعادة بحياتها هيك نصيبي وعيت عل الدنيا بنت انطوائية خجولة حساسة مابعرف شو كانت أحلامي
بس كنت شوف أمي عم تنضرب من أبي من دون سبب شوفهن عم يتخانقوا على طول وجو العيلة متوتر وأخواتي قاعدين وخايفين كلهن أمراض نفسية من الضرب والخناق والمشاكل
وعيت على فكرة اني لازم جيب الشرطة لابي .. مع انه الله يرحمه كان يحبني وكانت معاملته معي طيبة ..بس كنت ازعل منه ووقت صار عمري 15 سنة أبي طلق أمي
وحطنا عند عمتي فترة كان في شب صغير جارهن اسمه زياد
بلش يتقربلي وأنا ارتحتله وبلشنا نحكي مع بعض بالمخفي بقينا مع بعضنا فترة كان حب طفولي كله براءة وبأثناءها هو راح عل الجيش وانقطعت أخبارنا عن بعض حوالي الست أشهر
أول مانزل اجازة حاكاني وكان مشتقلي كتير وأنا كمان كنت مشتاقة اله وطلبت منه يتقدملي ونصير مع بعض براحتنا
رفض وقال مستحيل شب بقيان اله بالجيش سنتين ولسه مو مأمن حاله يخطب صار خلاف كبير بينا وبعدنا عن بعض
بس أنا ماقدرت بعد كتير وارجعت وحاولت رجع الامور متل ماكانت بس هو صار ناشف معي ومايهتم فيني وأنا كل مالي احزن وانطوي على حالي أكتر
انعزلت عن كل يلي حولي اكتأبت وأهملت دراستي كان بدي يرجع يحبني متل الاول
صرت اعمل أي شي حتى ارجع الفت نظره طلبت من رفقاتي يحاكوه ويخوفوه علي اني مرضانة تعبانة بس هو ضل متناشف
وبعد سنتين أبي عرف وطلعني من المدرسة وحرمني من الدراسة
واتصل فيه وبهدله هو خبره اني أنا يلي لاحقته
بس أبي كان طيب و سمحلي بعد فترة ارجع عل المدرسة
وبأول فرصة صحتلي ارجعت اتواصلت معه كان نفسه زياد مااتغير ماقلق علي لسه هو باهتمامه البارد ولا مبالاته بس انا كل مالي عم اتعلق فيه أكتر
رجع أبي عرف بالموضوع ورجع حرمني من رفقاتي من الدراسة وكان كتير زعلان مني
تعبت كتير حاولت انتحرما كنت متخيلة انهن يبعدوني عنه
.كل مالها نفسيتي صارت بالارض اتقدملي شب من القرايب كان كتير طيب وبحبني ومحتار كيف يرضيني بس قلبي وعقلي ماكان معه
كان متمني يسمع مني كلمة بحبك ماقدرت قله ياها كنت عم اعمل أي شي يخليه يتركني بقينا تلت أشهر وبعدها فسخ الخطبة ويومها قلي اذا بتحبيني رح ارجع
مارديت عليه وكنت فرحانه لأني مو قادرة حبه
أنا وأمي كانت العلاقة بيني وبينها شبه معدومة وبالاصح كتير علاقتنا سيئة
جبت موبايل بالسر وزياد صار يتواصل معي عليه
وبهل الفترة زياد كان غير ....صار يحبني اتعلق في دائما مهتم بعت أهله وطلبوني
بس أمي رفضت وكان أخي الكبير معها وقالتلهن ماعنا بنات للخطبة
بتعرفي احساس حدا يطيرك للسما ويرجع يخبطك عل الارض بقوة وهاد يلي صار فيني
ابكيت وانقهرت عيطت صرخت ماحدا رد علي
البكالوريا رسبت فيها
زياد بعت أهله تلت مرات يطلبوني وكل مرة أمي اتطلع فيه حجة على انه مو مناسب ومو من تووبنا
لحتى مابقا رجع احترق قلبي عليه وعلى عمري وبعد ست أشهر اتقدملي ريان كان مناسب من ناحية العلم والدراسة والوضوع المادي ولأنها سنة الحياة وافقت بس حياتي ما كملت معه وكل يوم بتطلعلي فيها كارثة جديدة
همسة : نور من جد ماكنت متوقعة هيك قصتك
نور :هي حياتي يلي كلها قهر وظلم وتعاسة كتير بحس روحي ممزقة من جوا في تعب مابيعلم فيه غير ربي .أه بس أديش الحياة ظالمة مابعرف هل الحياة ايمتى بدها تنصفني ايمتى رح تبتسملي ....
همسة : نور انتي وريان كيف حياتكن مع بعض وشو قصة هاد السحر يلي حكيتي عنه
نور :حكتلها عن حياتهن مع بعض
همسة : نور بتعرفي وين المشكلة ؟؟
نور : .....
همسة : المشكلة فيكي انتي ....انت نشأتك ببيئة ممزقة وحياة أسرية مفككة خلتك تضيعي ولليوم انتي ضايعة
المشكلة انه ضياعك هاد حيضيع ولادك كمان

انتي بتتمني الهن يعيشوا نفس الحياة يلي عشتيها ؟يعانوا من نفس العقد والتشتت يلي انتي عشتيه
نور : طبعا لاء ..بتعرفي بحس ابني الكبير عم يتأثر بالمشاكل ويمكن عناده وعصبيته من مشاكلي مع أبوه
همسة : ولادك لسه صغار لسه بتقدري تعالجي الأمور ..بكرا بعد 10 سنين رح يكون واعي ورح يقول أنا كان عندي أم عظيمة بقوتها وبحكمتها عمرت النا بيت قطعة من الجنة
نور (مبتسمة ) كيف ؟
همسة : بإرادتك انتي ؟ طلعي حوليكي انتي هلاء وين ؟
نور : أنا ببيتك هههه
همسة : يعني انتي هلاء بالحاضر الماضي راح مع همومه مع مشاكله مع كل القصص يلي فيه لا تسمحيليه ياخد الحاضر والمستقبل كمان
نور : صح كلامك بس مو بأيدي !!!
همسة : الموضوع بإرادتك ..زياد وين هلاء
نور : مابعرف يمكن اتزوج
همسة : معناها كل واحد فيكن تابع طريقه وكمل حياته
نور : مظبوط بس القلب ؟؟
همسة : بتعرفي نور يمكن انتي هلاء مابتحبيه ازياد بس انتي اتعلمتي تدوري بمتاهة الظلم انك مظلومة وتعيسة وخايفة تطلعي منها
نور : مو حاسة انك عم تقسي علي بكلامك
همسة : لازم صحيك لتشوفي يلي مو قبلانه تشوفيه
حياتك وزوجك وولادك بحاجتك قوية .....وبدك الصراحة أنا حاسة ريان كتير منيح
نور : .....كيف؟؟؟.

على بوابة القصر مرتين أول مرة وقعت وصار معها نوبة صرع يالطيف وبالمرة التانية
كانت خايفة كتير ماتشوفه وصارت تقول والله عابد رح يقتلني
حسيت انه هاد عابد هو يلي باعتها
همسة : عااابد ...انت متأكد ؟؟
العم : ايه ..الصراحةأنا شكيت بالموضوع لأن الاستاذ نيال في كتير ناس بتكرهوا لأنه صاحب حق
همسة : شكراَ عمو كلامك أكيد حيساعدنا
نزلت معه من البيت واتوجهت لعند نيال سمحلهن المساعد يدخلوا لعنده كان كتير مشتاق للولاد وبعيونه عتب على همسة
همسة : الله يخليك لاتلومني ..الدوا يلي بدرج مكتبك وغموضك بالفترة الماضية وتقرير الطبيب .....
بس قلبي ضل مصر مايصدق
نيال : أي دوا هاد يلي صرلك ذاكرتيه أكتر من مرة \
همسة : حبوب أدوية مو مغلفة لقيتهن بدرج المكتب يوم عيد ميلاد اياس والياس
نيال : لحظة لحظة وين هاد الدوا هلاء
همسة : كبيتهم بعد ماقلي الصيدلي انه مقوي
نيال : مقوووي
همسة : ايه مقوي جنسي بيسبب الإدمان
نيال : لك كيف ماخبرتيني ..كيف ماسلمتيني ياهن الي
همسة :(بعصبية ) ليش كل هل القد مهم الك هاد الدوا ..أ أصلا انتي قلتلي كبيهن ...وووإنت لشو جايبه
نيال : لك همسة هاد حدا حاطه عندي بالمكتب ..يوم الحفلة اتصل في ضابط وخبرني عن بلاغ بحيازة مخدرات ببيتي ولأنه بيعرفني رفض يجي يفتش أو يفتح تحقيق بالموضوع لآنه متأكد انه بلاغ كاذب
همسة صفنت شوي بلبكة : ووأنت ليش ماخبرتني
نيال : حتى مااققلك وانتي ليش ماعطتيني ياهن مباشرة
همسة : انت كنت معصب مابعرف وعم تفوت وتطلع من غير ماتحاكيني
نيال : ضرب بأيديه عل المكتب مين ممكن يفوته لنص بيتي البيت كان فيه أشخاص كتير بهداك اليوم
همسة : لاء أنا شفتهن أول الحفلة ومتأكدة ماحدا من الضيوف دخل على مكتبك لأني قفلته من الصغار
نيال :يعني مين ؟
همسة اتذكرت الموقف مع عابد بهداك اليوم قعدت عل الكرسي : عابد
نيال : عابد !!!!!!!!!
همسة : ايه , أنا متأكدة
نيال : همسة مافهمت كيف ؟
همسة : بهداك اليوم كنت بغرفتي لاحظت خيال على زجاج الباب قربت من الباب وفتحته بسرعة شفته
واقف وعم يسترق النظر وانت بتعرف غرفتنا ومكتبك جنب بعض
نيال : وليش ماقلت الي
همسة : خفت انك تتخانق معه وهيام رح تزعل خفت كون غلطانة وفسرت الأمور بطريقة غلط
نيال : وغير هيك شفتي منه شي
همسة : مبارح زارنا لحاله وحكى كم كل كلمة مو بمحلهن وصار يسألني ان كنت محتاجة لشي خبره بس أنا طردته وطلبت منه مايفكر يدخل البيت غير بوجودك
واليوم خبرني بواب القصر العدلي انه غادة كانت خايفة اذا ماالتقت فيك عابد يقتلها
نيال : يعني معقول عابد يلي مخطط لكل هل الشي من البداية ؟؟؟ شو غايته وشو السبب
همسة : مابعرف ..بس لازم نتأكد
نيال : وحتى الشب يلي اتهمني بالرشوة عابد كان معي وقت شفته أول مرة
همسة : أي رشوة
نيال : الرشوة يلي مشانها كنت معصب ومضغوط بالفترة الماضية
همسة : صرت شبه متأكدة انه عابد ورا كل شي هو من وقت مادخل حياتنا ابتدت كل هل المشاكل
نيال : خدي الولاد وروحي عل البيت وأنا رح احكي مع المساعد يشوف الموضوع
همسة : عم فكر روح لعند مرت عابد واحكي معها أكيد عابد مهددها
نيال : خلينا ننتظر رأي المساعد بالأول
تركته على أمل الحقيقة تظهر وتنصفهن ومتل مااللشر جنود كمان للخير جنود بتسعى لتظهر الحق
نيال كان اله رصيد طيب بقلوب الناس وهاد الشي خلى كتير منهن يساعده لينتصر
الضابط يلي استلم مخابرة البلاغ مع المساعد اتساعدوا ليكشفوا سلسلة محبوكة غايتها توقع نيال وبعد أسبوعيين من التحقيقات
تم سحب عابد الرزق من بيته موجودا ليمثل أمام المحقق
عابد : أنا ليش هون ؟؟
المحقق : انت متهم بتحريض محمد العدوان لاتهام القاضي نيال بالرشوة وقمت بالتعاون معه بتلفيق الأدلة والاثباتات المزيفة
وقمت بتحريض غادة الحطاب للادعاء الكاذب على القاضي بتهم الاعتداء كما ساهمت بتلفيق الادلة ورشوة الطبيب الشرعي لالفاق التهمة المذكورة سابقا.....كما قمت بالابلاغ بلاغ كاذب بتهمة حيازة المخدرات
عابد : هاد الكلام كذب وماأنا مادخلني بشي
المحقق : عابد النكران مابقا بفيدك الكل اعترف وقدرت تحقيقاتنا توصل لكل اللعب يلي كنت عاملهن
بس صفي نعرف ليش ؟ وشو السبب ؟ وأنا متأكد انك مستحيل تعمل كل هل الشي من حالك ...مين وراك ياعابد
مين بدو يقضي على نيال
عابد : أنا ...
المحقق : انت وشو السبب
عابد : مافي سبب ماحبيته وبس
المحقق : عابد انت ضحية لحدا أكبر أكيد لازم تخبرني عنه
عابد : بتعرف اذا بخبرك شو بيصير في ؟؟؟على كل هنن وعدوني ماطول هون خدني عل الحبس وحولني على المحكمة رح يحكمني قاضي بنعرفه من حبايبنا ورح اطلع بفترة بسيطة
المحقق : مشان هيك كان بدكن اتحطموا نيال لأنه رفض يكون من حبايبكن لأنه انسان صاحب كلمة حق
عابد : أي حق اطلع حوليك هي الدنيا للقوي والحق دائما بكون معه ونيال اذا هل المرة ماوقع على ايدي رح يوقع على ايد حدا غيري إلاااا
المحقق : إلا شو ياعابد

عابد : إلا اذا صار من الحبايب ..هههههههههههههه
المحقق : نزلوه عل النظارة
____________________
نور كانت عم تلف بدوامات الحياة ماحدا قدر يطلعها منهن غير ضحكة ولادها لاحظت كل ماهديت وضحكت ولادها عم تهدى معها ....وكل ماتتعب وتعصب يتغير جو البيت كله
صدقت انها مركز جاذبية البيت وهي لازم تقوى وتجمل الحاضر بوجودها ليتنور المستقبل
كانت خطوة ورا خطوة عم تتقدم ...ومع كل تقدم كانت المسافات بينها وبين ريان عم تقل
ريان كان يحب يشوفها سعيدة اختلفت كتير عن نور العصبية المخنوقة من الحياة
وبليلة كانوا سهرانين عم يحضروا فيلم سوا ..عم يحكي عن حرب والبطلة فقدت حبيبها والكل خبرها انه انفقد ومات
بس هي ضل ايمانها انه عايش قالت للكل وماحدا صدقها وبعد 3 سنين بيرجع حبيبها وبتكون لحظة صدق
(القلب يلي بيحب بيصدق)
نور نزلت دموعها ريان عطاها محرمة لاتبكي معقول عم تبكي على تمثيل
نور : الحب شعور كتير حلو
ريان بين عليه انزعج اتطلع فيها بطرف عينه وجلس قعدته
نور : ريان من زمان قلبي دق لانسان وفكرت حالي حبيت ...بس الحب الحقيقي ماعرفته غير هون وأشرت على قلبه
ريان ابتسم والتفت لعندها ... شو قصدك ؟؟
نور : عم تبتسم وتمسح دموعها ....ريان انت انسان أصيل قلبك كبير حبيتني رغم اني جرحتك ..ريان انا بشكر الله انك بحياتي .بشكر الله لأنه خلاني حس بمعنى الحب الحقيقي والسعادة يلي بترافقه
ريان :نور يعني انتي سعيدة
نور : ريان انت حبيبي في وحدة مابتكون سعيدة مع حبيبها
ريان :مسك ايدها وقربها منه كان طايرمن الفرح
كل شي بيبلش بقناعة وفكرة ...وهي البدايات كانت السبب بتغيرات كبيرة بالحياة
نور بالبداية كانت عم تحاول بس وقت شافت ردة فعل ريان والتغيرات يلي صارت بحياتهن اكتشفت انه بيستحق منها كل الحب والتقدير ...ومع الأيام أخد قلبها بجدارة
_________
بعد تسع أشهر
نيال وهمسة عم يشربوا القهوة مع بعض
همسة : نيال مو ندمان على استقالتك من القضاء كنت حس هل المهنة بتسعدك
نيال : صح بتسعدني بس مابتغنيني عن وجودي بينكم بسببي كلكن كنتو حتنأذوا الثبات عل الحق بدو محاربة قوية و أنا مالي مستعد اتنازل عن الحق ومابقا قدران حارب
همسه : اتأخرنا .......خلينا نمشي
بالمشفى أم براءة كانت ممددة وتعبانة كتير المرض وصل لمراحله الأخيرة
وهي يلي طلبت اتقابل همسة وجوزها قبل ماتموت
وصلوا لعندها استقبلتهن بابتسامة مدت ايدها ل همسة : أهلين أنسة
همسة : أهلين أم براءة كيفك
أم براءة : أنا عم عد الساعات لقابل ربي ...استاذ نيال شكرا لأنك اجيت
نيال : ولا يهمك أم براءة
أم براءة : أنا بدي منكم اتسامحوني ...أنا غلطتت بحقكن كتير بس والله غصب عني
نيال : أم براءة نحنا بنعرف انه عابد سبب كل شي وأخد جزاءه من رب العالمين
أم براءة : ليش شو صار فيه ؟؟
همسة : بعد ماطلع من السجن طلق هيام وسجل كل أملاكها باسمه وباعهن وأخد تمنهن هيام ياحرام فاتت بصدمة عصبية لهلاء مو مستوعبة شو صار ؟؟
_وهو ؟؟
_ لقوه منتحر من أسبوع بشقته ومالقوا أثر للمصاري
أم براءة :وبنتي ..أنا كنت بدي أطلب منكم تحاكوه ياخدها تعيش معه ..بس بنتي مابقيلها حدا بعد ماموت بنتي ضاعت ضاعت
هي عم تبكي وهمسة عم تهديها
شدت على ايدها مدام همسة أنا مرة طلبت منك تبعدي عني وعن بنتي بس هلاء عم اطلب منك العكس بترجاكي تتكفلي بنتي لا تتركيها انتي أكتر وحدة وقفتي معها ووقت كانت بقربك كانت بأحسن حالاتها
بترجاكي بنتي لاتتخلي عنها
همسة ونيال بالسيارة
همسة : انت مقتنع ؟
نيال : رح نتكفلها وبتعيش بينا البنت اتعذبت كتير لحد الأن
همسة : بس أنا رح ساعدها ورح خليها تزور أخصائي نطق وأخصائي نفسي رح كون معها حتى تتجاوز كل يلي مرت فيه
نيال : و أنا معك ورح ساعدك ...
_____-
رنيم كانت ببيتها وعلى تختها عم تبكي وتتذكر زيارتها لنور الأخيرة
( بالمطبخ عم تحكي مع ريان وتستفسر منه ليش حاظر محاداثها وعم تخانقه وتهدده بأنها حتفضحه
نور دخلت وكانت سامعة كل شي
نور : على فكرة أنا بعرف كل شي ومن زمان ..ويمكن تسألي حالك كيف دخلتك بيتي وأنا بعرف
لأن يلي بخون بيستلذ بالدمار وأنا كان بدي ياكي تفوتي وتشوفي بيتي عم يعمر والحب يلي فيه عم يكبر وأكيد هل الشي مو بفضلك ياصديقتي )
____________________

ولأن حكايتنا خلصت كان لازم نمشي فيها سنين لقدام لنتطمن عل البطلة الصغيرة بقصتنا
براءة هل الطفلة يلي حملت بطراف روحها عذاب أكبر من براءتها
همسة ونيال وقفوا جنبها وربيت بينهم وعاشت جوا عيلتهن اياس والياس أخواتها ونيال أبوها وهمسة أمها
هيام بعد ماصحيت من الصدمة ورغم انها ماكانت متقبلة براءة لانها بنت الانسان يلي ضرها
بس براءة ببراءتها كانت أقوى من انها ماتخترق القلوب
هيام حبتها وبعد وفاة والدين هيام طلبت منها تعيش معها
حست فيها بالولد يلي بتتمناه كل عمرها وهيام كانت أم تانية لجانب ماما همسة يلي الله ماكتبلها طفل جديد بس كانت كل يوم ترسم أمل وبسمة على وجه طفل ضمن شغلهابراءة كبرت واتخرجت محامية تدافع عن البراءة يلي عن تنقتل كل يوم بينا
بقلمي ومحبتي رنا بارودي
(مضغة) معناها من الحديث الشريف ((ألا وإن في الجسد مضغة إذا صلحت صلح لها سائر الجسد، وإذا فسدت، فسد لها سائر الجسد، ألا وهي القلب))



(( @rwayate ))📘💙

الجزء الرابع
@rwayate
[براءة كانت طيبة كتير . زواجها من ضياء كان بقرارمن أباءهن ليدمجوا صداقتهن بزواج أبناءهم
بس هي كانت سعيدة كتير كانت تحب ضياء وبقيت معه 15 سنه عم تحاول تكون اله الزوجة المنيحة يلي بتسعده
لحتى استبدلها فجأة بزوجة جديدة ]

بهل الساعات يلي قضيتها معهن بالعشا , اكتشفت شو معنى المال مابيجيب السعادة صح المال ضروري ليكفي احتياجاتنا
ومايخلينا بحاجة حدا ,بس المال مابيعمل عيلة ولا بيزرع محبة وبيعمر أخلاق
ضياء يلي راكد ورا حياته يلي فاق عليها مع صبية صغيرة قاعدة بين الكل لتتباهى بسفراتهن ومجوهراتها
مرته القديمة

يلي كل شوي تطلع تدخن وعلى أكيد خلصت أكتر من باكيت بقعدة وحدة
أدم يلي كيف كانت حياته
اتذكرت وقت أبو ضياء قلي طفولة ولادي مابتذكرها

بعد شهريين من زواجنا أنا و براءة صرنا كتير أصدقاء ...
كانت الساعة 9 بالليل ...أدم كان متأخر
عملت اختبار صغير واكتشفت اني حامل .
براءة كانت أول حدى بيخطرلي خبره حتى اتأكد
فرحت كتير وأكدتلي الخبر وباركتلي , بس أنا كنت حاسة حالي فرحانة وبنفس الوقت مصدومة
كان في شي مو مخلي سعادتي تكمل ...
براءة : شوفي قمر شومدايقك انتي بهل اللحظات لازم تكوني أسعد انسانة بالدنيا
قمر : براءة في موضوع بدي قلك عليه مابعرف بدي تنصحيني فيه
براءة : شوفي احكيلي
بهل اللحظة انرن الباب واجى ضياء
براءة : هي تاني مرة بيجي هل الأسبوع
قمر : الله يهدي بالك ,طيب أنا رح أمشي ..
براءة : خليكي شوي مو بدك تحكيلي موضوع
قمر : خلص بكرا بنحكي على وراق , خليني روح هلاء
طلعت من بيتها وأنا حاسة حالي مخنوقة مالي قدرانة ارجع على البيت
اطلعت على السطح أخد هوا نضيف , كنت عم حاول صفي أفكاري واهدا
بعد من مخي كل فكرة زاعجتني ,يمكن بقيت ساعة نزلت بعدها على شقتي يلي كان بابها مفتوح
الوضع غريب ,الدنيا جوا مقلوبة , أدم, وأبو ضياء, ضياء, أخي ,وأمي, وشب غريب

ك سيدي

خود الانسة ....
_رنيم
الأنسة رنيم على مكتبك وجبلها شي تشربه
واذا عندك شي لعبة عطيها تتسلى فيها
مشيت رنيم
والمحقق حمل تلفيون وطلب رقم
شو بتشربي

_شكرا مافي داعي

_مابيصير بعد كل هل الايام مانشربك شي

_طيب قهوة سادة

_ ياابني تنين قهوة سادة على مكتبي

_لف من قفى مكتبه بخطوات قوية
وهو عم يتأملها

كتيير تغيرتي

_وانت كمان

ذ_أنا لساتني متل ماأنا

_لاء حاسستك صاير بتخوف

_اوف ..اوف وليش بخوف

_مابعرف بس وقت شفتك هديك المرة حسيتك طيب وهادي

_وهلاء شو شرير وعصبي

فوت العنصر فناجيين القهوة ومشي

أنا متل ماأنا مااتغير في شي
صدقيني

وهلاء احكيلي شو قصة هي البنت
الصراحة اخواتها وابوها بيضربوها
وهي هربت منهن هلاء وكانت مفكرة ترفع عليهن دعوة ورجعت اتراجعت بصراحة أنا محتارة شو اعمل

المحقق :لا حول ولا قوة الا بالله

مارح نخلص من هل الصنف من البشر
بتعرفي هلاء من شوي كنت عم حقق مع واحد بيقتل أمه بتصدقي

وامه ختيارة وعايشة معه ومع مرته وكل مابتتخانق مرته معها بيقتل امه وبيكسر فيها ضلوع
وبيزرق بدنها

الجيران اشتكوا عليه وهلاء جابوه العناصر

وفوقها عم ينكر هاد النوع من البني أدميين بيستفزني لأبعد حد بيطلع كل الغضب يلي جواتي

أسماء :ساكتة

المحقق :شبك استاذة

أسماء :أه عن جد في حدا بيضرب أمه

المحقق :بيضرب أمه واخته ومرته واخته

بعد الناس عن الدين والأخلاق

موت فيهن شغلات كتير الضمير

الأخلاق الانسانية

صاروا بيشبهوا الوحوش .

أسماء :الشيطايين

عبيدة :صح

وهلاء شو رح تتصرفي مع البنت

أسماء:رح حاول أحكي مع أبوها

وجرب حل الأمور بطريقة ودية

المحقق :طيب منيح كخطوة أولى
ووقت بدك تاقبليه خبريني بروح معك

أسماء :إن شاء الله

رجعت رنيم وأسماء على مكتبها وهنن بالطريق

أسماء :انتي متأكدة من قرارك

رنيم :خليني حاكي أمي

اتفضلي اتصلي فيها وطمنيها عنا

حاكت رنيم أمها وطمنتها

رنيم :أمي مخبرتهن اني عندك بالمكتب

اسماء :تعي نرجع وبالمكتب بنحكي

وهنن بالطريق اتصلت تسنيم بأسماء
_ايه وينك اتأخرتي

_معك حق خلص يمكن اليوم نام بالمكتب

_خير في شي

_لاء بس قضيه اتأخرت بدراستها

_ماشي حبيبتي ديري بالك على حالك

_بكرا بشوفك وفي حكي كتير نحكيه

وصلوا عل المكتب ونزلت ام رنيم من بيتها

بوستها وحضنتها واتشكرت اسماء على معروفها

أسماء :بس المشكلة هيك ماانحلت
أنا حابة أحكي مع أبوها

ام رنيم :بخاف ماتجيب نتيجة

أسماء :هاد كان طلب المحقق
لقبل نطلع بلا ضبط

طلب يحكي معه بوجودي

ام رنيم :طيب هي عنوان شغله هو بيكون بمكتبه عل الساعة 12 الضهر اذا بتحبي تروحي تشوفيه

_ان شاء الله بهل اليوميين رح حاول شوفه

تاني يوم بعد الضهر رجعت أسماء عل مكتبها بعد نهار طوييل بالمحاكمات

قصة رنيم ماراحت من بالها كانت خايفة عليها كتير وحاسة حالها مكانها بس بنفس الوقت هي مقدرة انو تطبيق القانون رح يزيد الامور سوء ويبعدها عن أمها

وبالحقيقة في كتير حالات بتنتهي نهايات مو منيحة وقت رفع دعوى

اتصلت بتسنيم
_اهلا وسهلا وينك انتي ماشفتك وقت اجيتي عل البيت

_كنتي نايمة اتدوشت وغيرت تيابي ومشيت بسرعة كانت عندي مرافعات

_شو كان بدك تقليلي

_صار معي موقف مبارح وقلت مالي غيرك تنصحيني

حكتلها كل شي

_ياالله معقولة هيك
كتير زعلتيني عل البنت

_محتارة ومحروقة عليها

_معك حق من جد
بس ااه شو قصة هاد المحقق

_لا تذكريني وقفلي قلبي مبارح من الرعبة

لو شفتي صوتوا العريض ووقفتوا لحالهن بيخلوا المجرم يعترف
_ههه من جد

اندق الباب
لفت وجها

السلام عليكم لقيت الباب مفتوح ودخلت لحالي

تسنيم :ألو ...الو وين رحتي

سكرت الخط

أسماء منذهلة اهلا .....اتفضل

قعد عبيدة مبارح ماعطيتك رقم تليفوني لأتواصل معك

أسماء :أه صح كيف عرفت مكتبي

عبيدة :أنا محقق وهي شغلتي

اسماء :أه صح
عبيدة :كنتي عم تحكي عني من شوي

_لا......أبدا

_ههههههه خلص خلص
هدي حالك أنا هون عبيدة مو المحقق

_ شو صار بموضوع البنت

-ماصار شي لسه أخدت عنوان الاب ومواعيد شغله

وبس لسه مابعرف شو لازم اتصرف

_لازم نشوفه

_أكيد

_طيب أنا عن اذنك على فكرة بتسلم عليكى رويدة
انبسطتت كتير وقت قلتلها اني شفتك محققة حلمك وصرتي محامية

_ايه الحمد لله
الاستاذة رويدة كان الها دور كبير بحياتي الجديدة يلي أنا فيها

_بكرا منيح حتى نقابل فيه ابو رنيم

_ان شاء الله عل الساعه 12 الضهر بكرا

_خبرت رنيم انها بكرا حتقابل أبوها فرحت كتير

أسماء طلبت من تسنيم ترافقهن

تسنيم :لا.... أنا اذا بدي روح ممكن أاقتله

أسماء :حبابة هيك بنضغط عليه أكتر
صحفية ومحامية ومحقق

بخاف تفضحيه بالصحافة وتنضرب تجارته

_مابدي
_حبابة مابدي روح مع عبيدة لحالي والله مابعود بحاكيكي

_طيب ماشي

التقوا بمكان قريب من المكتب واتعرفت عبيدة وتسنيم ببعض

ووصلوا على مكان أبو رنيم و

لمشوار لمنطقة (......)
أسماء :بس هي المنطقة بعيدة كتير عن المدينة
شو السبب

_وقت نصل بتفهمي

_ومشيوا بالطريق وأسماء متملكها إحساس مو مريح

كانت خايفة وفي شي جواتها عم يقلها انو مشوار متعلق بماضيها

الطريق كان طويل فعلا ووصلوا بعد ساعات للنطقة يلي حكى عنها عبيدة وضلوا ماشيين لوصلوا لحي شعبي
بيوته قديمة وحاراته قريبة من بعض كتير

اضطرا ينزلوا من السيارة ويتابعوا مشي كان الطريق في أطفال عم تلعب

ورجال كبار بالعمر قاعدة على طراف بيوتهن

ونسوان عم تحكي مع بعض ومنهن مين عم ينشر الغسيل

ولأنها غربا كانت كل النظرات عليهن

وصلوا لبيت قديم كتير بابوا أصفر ورايح من لونه كتير بفعل الزمن

دق الباب عبيدة .....مين ....مين

كان صوت متعب .....بس هاد الصوت خلى قلب اسماء يرجف

فتح الباب شخص وقت شاف عبيدة قله اتفضل

فات عبيده ولحقته

كانت ملامحه تعبانة كتير أصلع حتى حواجب ورموش مافي

تحت عيونه أسود

اتأملت البيت كان أشبه بالخرابة

هو ابتسملها .....انتي أسماء

هزت براسها وهي بدموعها مخنوقة

أسماء ...أسماء يالله شو تغيرتي

كبرتي وصرتي احلى من الأول

_انا هلاء محامية

_من جد ......سكت وطخى راسه

اتفضلوا ....اتفضلوا لجوا هون برد

عبيدة :اتطلع بأسماء هزت براسها انها مابدها
_لاء مافي داعي

رؤوف :أسماء أنا بعرف انك لهلاء ماسامحتيني

بس صدقيني الله اخد حقك

أمي من كم سنة اندعست بشاحنة كبيرة وماتت على اثرها بعد مااتعذبت تلت أشهر بالمشافي

وابي صابوا زهايمر خلاه يفقد عقله كله ........

وانا كان إلي النصيب الأكبر من الانتقام الرباني
مال الحرام يلي أخدته منك والعذاب يلي عذبتك ياه
حرق دمي فيه
صرلي سنتين عم عاني من سرطان بالدم

أسماء كانت عم تبكي عل الصامت لفت وجها بدها تمشي

رؤوف صار يبكي الله يخليكي سامحيني
خليني موت مرتاح سامحيني
انا خايف من الموت ...خايف كتير

أسماء مشيت وماالتفت عليه

لحقها عبيدة وهنن راجعيين للسيارة

شافت ختيار وسخ كتير شعره منكوش
واواعيه مشقشقة ....والولاد الصغار جارينوا وهو عم يسبهن

وقت مرقت من جنبه ......نادى أسماء. ...انتي أسماء .....أسماء

وقفت لحظة واتطلعت عليه وعرفته انو عمها

اتضحكت .....اتضحكت بصوت عالي
ايه أسماء
وكملت مشي وهو عم ينادي أسماء ....ياأسماء

وصلت للسيارة من غير ماتحكي مع عبيدة ولا كلمة

كل الطريق كانت ساكتة وعم تتأمل منظر الطريق من شباك السيارة

عبيدة وصلني عل المكتب

وصلها للمكتب ووقف السيارة وسألها : انتي منيحة

_ يمكن أنا هلاء احسن وحدة بالدنيا بتعرف هاد شعور النصر شعور انو الايام أنصفتك

حاسة بالعدل ....بالتحرر

يمكن بحياتي ماكنت احسن من هيك

بتشكرك كتير .....

طلعت على مكتبها وكانت بحاجة تبقى لحالها

وهي واقفة مع افكارها عم تساوي قهوتها

دخلت رنيم لعندها كان وجها مرتاح ومبسوطة

أسماء :رنيم ...حبيبتي كنت قلقانة عليكي

رنيم :أنا منيحة كتير
انتي استاذة شو عم تعملي بالمكتب يوم الجمعة

_اتركيكي مني ......طمنيني عنك انتي شو صار معك

_انا مابتتصوري شو صار

_تعي اقعدي واحكيلي

_يوم يلي حكيتوا مع ابي
اجى عل البيت معصب وكان بدو وصار يصرخ وقرر يمنعني من المدرسة ومسكني من شعري ليضربني

وقفت أمي بوجه لاول مرة بشوف أمي هيك قوية دفشته لبعيد ووقع عل الكنبة
وقالتلوا كل هل العمر يلي اتحملتوا منك مستحيل أسمحلك بقا تصيطر على بنتي اكتر من هيك

انا بنتي كانت حتضؤع مني بسببكن و من ورايح معت خاف منك ويلي بقرب من رنيم لأطلع بروحوا

_وابوكي

_أبي كان جمدان بأرضه ....حتى انا اول مرة بشوف أمي هيك

كانت قوية كتير

_ايه وشو صار بعدين

_فتنا على غرفتي وقعدت معي شوي ورجعت كملت الغدا

ابي متل يلي مافاق من الصدمة

ووقت اجوا أخواتي صاروا يصرخوا علي قوم جبلهن غراضهن ابي قلهن كل واحد يجيب غرضوا لحاله واتركوا اختكن بحالها وهنن استغربوا وانا اتفاجأت ومن يومها حاسة ابي متغير معي

_وامك ماساوالها شي

_لاء بس بعتقد ماعم يحكو مع بعض

_الحمد لله. ....الحمدلله
اليوم يوم حلو كتير

_اندق الباب وفات عبيدة

_اسماء :أهلين استاذ انت شو رجعك
_كنت حابب اتطمن عليكي

_رنيم قربت من أسماء وحاكتها بأدنها
"الواضح هل المحقق حابك "
أسماء ههههه
"انتي هيك شايفة "
رنيم "ليكي هلاء هو حلو بس بخوف "

أسماء هههههههه "بتعرفي شغلة هو متجوز "
عبيدة :احم ...احم في افهم انتو التنتين كل ماتشوفين شو بتحكوا بين بعض

رنيم :لا ولا شي بس انت متجوز شي

عبيدة :ههههههههه لا كنت متجوز وانفصلنا من تلت سنين تقريبا
ليش هل السؤال

رنيم :لا ولا شي
انا اتأخرت عن اذنكن

عبيدة :شو صار معها ؟ومع ابوها ؟

أسماء :الحمد لله صار كل شي تمام

انت ليش رجعت

عبيدة :الصراحة في موضوع حابب احكي معك فيه ومابعرف اذا هلاء الوقت المناسب لالو بس ماقدرت اجله أكتر من هيك

أسماء :سكتت

عبيدة :انا حابب اتقدملك بشك

======================================
الجزء الرابع
@rwayate
وصلني على بيت ابي ومرتو وقلهن انه انا ما بشتغل بالبيت وما بعرف اعمل شي ..

ابي : فعلا انك مانك مرباية ما بتشتغلي ببيتك لكن شو بتعملي ولي

رنيم : والله يا بي بشتغل .. وبيتي بوقت كنت ساكنة لحالي انا و جوزي كان دايما نضيف و ....

ابي : اي لكن هيك .. يعني جوزك عم يكذب ؟؟

رنيم : .......

ابتهال : اي لنشوف شطارتك لكن

ابي : اي رح تعيشي هون متل الخدامة مشان تعرفي تدللي عند جوزك وما تعملي شي

ابتهال مرت ابي استغلت الموقف بشكل فظيع .. بس لحسن حظي ابي ما كان يشتغل بوقتا لهيك شافني وانا بشتغل بالبيت وما بخلي شي الا بعملو .. حتى الطبخ بطبخ كلشي وما بيصعب عليي شي

ابي بس شافني بشتغل كلشي بلا ما اعترض وكلشي بخلصو بسرعة عرف انه كل الكلام يلي حكالو ياه جوزي كذب دقلو وحكى معو ...

ابي : ليكا بنتي بتعمل كلشي وبتطبخ وبتعمل كلشي ليش عم تحكي انها مو معدلة ولا بتعمل شي ؟

سامي : انا ما عاد بدي رنيم من ساعة يلي اجت على بيتنا مشاكل

ابي : رنيم كتير هادية

سامي : اهلي ما بدن ياها خلص شو بالزور ؟
@rwayate
سكر سامي الخط بوش ابي وانا بقيت عم صلي وادعي ربي يهدي جوزي ويرجعلي ياه

مرت ابي ما كانت تطيقني رغم اني هادية كتير وبشتغل عنا وعن بناتا كل شغل البيت .. بس ما كانت بدا ياني عندا .. وبيوم على قد ما عليت صواتن بسببي ولأنه مرت ابي ما بدا ياني وابي ما عم يحسن يرميني بالشارع راح جاب من المطبخ سكين وصار بدو يقتل حالو .. بكيت كتير وصرت صرخ وقلو بنام على عتبة البيت وما يصيرلك شي

راح ابي لبيت حماي وصار يترجاهن يرجعوني بس جوزي ما كان بدو ياني ... اخر شي خالتي وافقت ارجع بس سامي ما بدو ارجع لهيك ترك البيت

انا رجعت وصرت خدامة عندن اشتغل وما اسأل وانا عم اشتغل وهنن عم يسمعوني حكي

بعد شهر رجع جوزي عالبيت .. صرت حاول قرب منو مشان يحبني بس ما قدرت اكسب قلبو
صار على طول يضربني وانا اسكت .. لو اجا من شغلو معصب يضربني لو اختو زعلتو يضربني
وما كان يقربلي الا كل اسبوع مرة
بعد فترة حسيت بتعب ودوخة ولعية نفس .. خبرت خالتي واخدتني على دكتورة فحصت وطلعت حامل
انا فرحت كتير تأملت هالطفل يغيرلنا حياتنا بس بالعكس جوزي بس عرف اني حامل صار يضربني اكتر مشان اجهض بس الحمد لله ما صارلي شي .. وانا حبيت جوزي رغم قسوتو علي وكنت خاف منو كتير بس كان املي بالله كبير وكتير كنت ادعي ربي يتمملي حملي على خير ويحنن قلب جوزي وبيت حماي علي

رنيم : حبيبي
@rwayate
سامي : حبك حب وغضب الرب كم مرة قلتلك لا تقولي حبيبي

رنيم : طيب سامي

سامي : شو بدك ؟

رنيم : ما بدك تقلي شو رح نسمي البنوتة يلي عالطريق

سامي : يارب تموتي انتي وهي ماني طايقك ولا طايقا

بس قلي يارب تموتي انتي وهي نقزني قلبي .. معقول لهالدرجة ما بيطيقني ؟! معقول بيتمنى الموت الي ولبنتو يلي ببطني ؟

صرت حاول شوف ليش عم يعمل معي هيك ابحث عالنت لحتى طلعتلي بنت حالتا متل حالي وعم يحكولا تقرأ سورة البقرة لمدة 40 يوم ..

صرت اقرأ سورة البقرة كل يوم .. كل يوم واسجد وادعي ربي كتير وكلي ثقة انه ربي رح يغيرلي حياتي

مضو 40 يوم وفقت الصبح على وجع الطلق اخدوني عالمشفى وولدت بنتي مريم .. فتحت عيوني بعد الولادة شفت سامي بجنبي

سامي : الحمد لله على سلامتك

صرت حاول فتح عيوني اكتر لإتأكد انو فعلا سامي يلي ماسك بإيدي ولا عم بتخيل ؟!

رنيم : سامي ؟

سامي : اي بدك شي ؟

رنيم : شو سميت البنت ؟

سامي : مريم

رنيم : اي

سامي : عجبك ؟

رنيم : كتيييير وعاجبني اكتر لمستك لإيدي .. خففت وجعي و نستني التعب

سامي : تعرفي ليش هيك انا اليوم ؟

رنيم : ليش ؟
@rwayate
سامي : وانتي عم تولدي خفت عليكي كتير .. قلبي كان رح يوقف من الرعبه وصرت ابكي وانتي عم تتوجعي وتصرخي وادعيلك تقومي بالسلامة بوقتا عرفت اني بعاملك مو منيح من برات قلبي بس انا بحبك .. بحبك عنجد

رنيم : الحمد لله .. مريم وشا حلو علينا غيرتلنا حياتنا من اول يوم اجت فيه عالدنيا

سامي : هههههههه يلا صحصحي مشان نطلع من المشفى امي اخدت الولاد وراحت عالبيت مشان تفطرن وتدير بالا عليهن

رنيم : خالتي ؟

سامي : اي

رنيم : الحمد لله ياربي الحمد لله

بعد سنتين .....

سامي : حبيبتي .. شو رأيك ناخد بيت لحالنا ؟

رنيم : اي بناخد بيت لحالنا بس بشرط

سامي : شو ؟

رنيم : ناخد خالتي وجوز خالتي وبنات خالتي معنا

سامي : ههههههههه انفقتو علي هلأ ما

رنيم : اي لكن .. انا هون بين اهلي ما بتركهن .. ما بعيش بلاهن

سامي : وين الولاد ؟

رنيم : عم يلعبو مع عماتهن جوا

سامي : اي ونحنا شو رح نعمل ؟

رنيم : شو ؟

سامي : قومي نفوت جوا شو رأيك ؟ الجو جوا برااااد هون شوب

رنيم : هههههه يلا

سامي : عم يقولو ما بتاخد حبيبك الا بعد عداوة

رنيم : والله علاقتنا بتنطبق عهالمثل

سامي : يؤبشني هالضحكة انا .. بحبك

رنيم : وانا بحبك

الجزء العاشر

قدرت أم زيد تخلي كنتها تفقد أعصابها براءة فعلا جنت من جواتها عم تختنق بمخيلتها كانت عم تصرخ وتدعي ع حماتا
.
لك الله يسطفل فيكيييي يخرب بيتك ....عدوة الله انتي
.
الله لا يساااااامحك الله لايسامحكنننننن
.
فتحت عيونها وكان كل شي تمام قدرت تسيطر ع حالها
رغم كل شي صار ما بدها تغلط ع وحدة بعمر أمها
.
رغم الأنهيار يلي جواتها رغم نار الغيرة ونار الحقد
رغم الأنطفاء والأنكسار الخذلان والخيانة قدرت تضل واقفة ع رجليها بس عيونها كانو فاضحينها
.
براءة : تمام بتشكرك من ئلبي ...فتلت حالها وتوجهت عند الباب
.
رجعت فتلت وطلعت ب ام زيد بعيون مليانة حزن حكت بصوتها المبحوح
.
هي هية انتي نفسا يلي بيوم من الأيام اعتبرتك أم تانية
.
بتعرفي شي ...فكرة انو انتي ستن ل بناتي كتير بتخجل
.
مستحيل اسمحلك تكوني ستن بعد اليوم
من اللحظة يلي هانو فيها شام وياسمين عليكي اكدتيلي انك بلا قلب انك حدا منافق... مو انتي نفسا الحنونة ام قلب طيب طلع عندك جانب تاني بيأذي الناس لمصالحن ومصالح ولادن عندك جانب بحالك بيحب يأذي الأرواح البريئة
.
ام زيد ساكتة وماعم تنطق بشي اما زينة فكانت عم تسمع كلشي ومحتارة شو تعمل مالاقت غير حل وحيد
.
طلعت براءة ولحقتها زينة
.
ام زيد : درب يسد مايرد انشالله
.
نزلت براءة عم تأشر لتكسي زينة استوقفتها وهي عم تلهث
.
زينة : خدي
براءة :شو هاد
زينة:عنوان المكان يلي اعد فيو زيد وسهى
براءة :ماعاد يهم احتفظي بالعنوان الك
زينة : القصة مو متل مانك مفكرة
براءة : زينة بترجاكي قلبي واجعني بما يكفي يلي صار صار
انا كرهت بتعرفي كيف انا كرهت كلشي بهالحياة حتى زيد كرهتو
.
زينة : زيد تزوج بس سدقيني بلحظة غضب من لما دري انك مأجهضة التوأم بدون ما تسألي جن جنانو
.
أعد ساعة يقنع سهى هو ترجاها لتتزوجو مشان يكسرلك راسك
سهى قبلت بشرط واحد انو يطلقها بكرا ويكتب كتابو عليكي
.
براءة :ها ها ها ها كويس كتر خيرها رفيقتي تزوجت لمصلحتي يعني ..مشان ينكسر راسي وصير اترجا زيد يرجعلي مشان معاملتي تتحسن مع الكل مشان ارجع اهتم بالكل متل قبل
.
زينة :غالباً هيك
براءة : بحب طمنك انو براءة القديمة ماتت انا هلأ عم حاول اصنع أنسانة جديدة لاقدر عيش ب سلام مع بناتي
.
زينة : براءة القديمة موجودة بس جروحها بدا تضميد
.
مسحت دمعتها براءة واخدت الورقة من زينة
هاتي هالورقة خليني روح شوف شو عم تعمل رفيقتي بهالوقت مع زوجي
.
زينة : بكون نامو شو بدن يعملو يعني
براءة : اذا زيد بيعرف اني جاي لعندن بتنسيني وبتنسي صداقتنا لاتخذليني متلن
.
زينة : تكرمي مارح قلو مشان تشوفي بعينك انو كتابن انكتب ع بياض وبكرا رح ينتهي
.
راحت براءة عالعنوان نزلت من السيارة وفي خوف بقلبها
خوف من المجهول من اللحظات يلي عم تستناها
.
اطلعت بالورقة وطلعت عالطابق الثاني
.
رجف قلبا بس قوت حالها ودقت الباب بأيد وبالأيد التانية حطتا عالعين الساحرة مشان ما يشوفوها منها
.
دقايق وانفتح الباب
.
وجهت نظرها ع يلي فتح الباب وكان زيد ما خاب ظنها
.
كان ببنطلونو الجينز ومو لابس كنزة ،، صدرو عاري تماماً
.
ما نصدمت من يلي شافتو كانت متوقعة
.
حولت نظرها ع رقبتو وواضح جدا الروج المتناثر عليها
.
قرفت كتير منو بس مطرة تدخل وتواجه سهى
.
زيد : شو جابك لهون
براءة : جيت باركلك
رفست الباب برجلها وفاتت مشيت بالممر يلي بيودي عالصالون
.
كان ممر طويل وماعد تخلص مشي فيو او رجليها ما عم يحملوها لتقدر تكفي
.
سهى : زيد مين عالباب ....ح حبيبي
.
براءة :ومسدقة حالك كمان يا واطية يا قليلة الشرف
.
ايمتا جوزي صار حبيبك
.
قامت سهى بسرعة من مكانها كان شكلها بخجل كانت لابسة فستان قصير كتير ...بينعد بلوزة مو فستان
.
سهى : ب براءة
براءة: اي انا رفيقتك اتذكرتيني ...بتعرفي بهنيكي ولله
رغم انو هالمهزلة عملتوها كرمالي وكرمال تربوني بس برافو
مانسيتي تجيبي معك فساتينك المغرية وال**** برافو
.
يعني شوفي احلا من انك تستغلي كتب هالكتاب وتعيشي ليلة حلوة بالحلال انبسطتي ورفهتي عن نفسيتك وكلو بالحلال نيالك لا وشووو مع حب حياتك كتير حلو طلعتي انتي سهى يلي كان بدو يخطبها زيد قبلي ...بس شو بدك تعملي لما شافني
ماقدر يقاومني ويتخطى الأنجذاب يلي صار معو
.
سهى : براءة شو عم تحكي استني لفهمك نحنا مكتوب كتابنا
.
براءة : اي بعرف فهمانة كل شي...بس تعي أنا لفهمك شكلك مو فهمانة يلي عم يصير...... انا اخر فترة اهملت زيد كتير وبصراحة انو عيب احكي بس مابيقدر زيد إذا ما ***وفهمك كفاية ...بتعرفي ربنا قال بكتابو انو الأقرباء أولى بالمعروف
.
بقا مالاقه غير بنت خالتو يفرغ فيها طاقتو بس الحمدالله كلو بالحلال يئبر ئلبي مابيعمل شي يغضب الله